ومازالت ذاكرتي

تستنشق

عبق ذكريات الماض البسيط

كم أود الارتماء بحضنه

بعيدا عن

ضجيج الحاضر وهرطقته ..

....................................................................... طيف عابر

حياة تنبض بالحياة















ومازال يعتصرني الم

فقد كل ماهو جميييل ..

فقد كل ماهو جميييل ..

فقد كل ماهو جميييل ..

.....................................................................................................................................................................طيف عابر

وجع جتني حركه دموع
انا وش معيشني جو فلم هندي مع نفسي بالهوقت

.

كنت في مدونه أخي أسير
الله يسعده ويوفقه بدنياه
ووجدت حروف تسلسلت ك كلمات مضيئه
تشع نورا بلسان الدعاء
ليدعو النفس للاسترخاء وختمها بقول امين


اي والله اللهم امين
اللهم امين

اليوم كنت بزياره لخالو بالمستشفى
كان بغيبوبه 4 تيام او اكثر مادري
فكنت خايفه حيل
اني اروح اوقف عنده واطلبه السماح
كان شي صعب انه توقفين بمكان
تتخيلين انه الشخص الي قدامك مودع
كنت وقتها افكر بجدي الله يرحمه
موقف من جد الله لايراويه لاحد

يالله
يوم شفته سبحان الله
الي يغير الانسان من حال قوه
بلحظات لضعف
اصلا ماقدرت اتحمل اشوف حوله الاجهزه
وتخبيت ورا امي بكيت
بس الحمد لله انه صحى
كنت شايله هم وشلون اكلمه وهو مايسمعني
كنت ابي اقوله ياخالو اصحى
واشاغب عليه عشان يقوم
لاني اعرف انو الي بغيبوبه يحسون
اقول لاهلي لاتقولون ميت والله الي بغيبوبه يحس
وكنت ناويه اكلمه واهمس باذنه عشان يصحى مثل ماكنت اقرا واشوف
كنت شايله همممم هاللقاء
بس اللهم لك الحمد كما يبنغي لجلال وجهك وعظيم سلطانك
انه اليوم تحرك وفاق
الحمد لله .. الحمد لله

اللهم اشف كل مريض وفرج هم كل مهموم
وكرب كل مكروب يارب العالمين
من جد من شاف الالام الناس يحس ان الدنيا تافهه
وماتسوى اي والله تافهه وماتسوى

استودعكم الله احبتي
غدا صباحا مسافرين
فالعذر والسموحه اذا اخطيت بحق احد

انا مادري ليه اهلي كل يوم ولهم رأي

امس قلنا بنكنسل السفره
وضع خالو مايطمن لانه طول مافاق
واليوم لما رحنا نزوره ونستسمح منه
ولقيناه صاحي وطيب والحمد لله
قالوا خلاص بنسافر

عايله قلق كل دقيقه والثانيه لهم راي
على اني اشوف ماله داعي نسافر
بس يالله مالنا كلمه فننطم ازين

وهذي المدونه وقفلناها
والمفتاح وياي
وياني وياكم اشوف احد موطوط ولا ناط من فوق الجدر
ووتعلبون فيها ولا تشخبطون بالبخاخات
اعرف هالحركه فله وحلوه على اني ماجربتها
شكلي بشتري بخاخ واخبيه بالسياره
وابخبخ برى ( حلوه ابخبخ)
اسوي فيها ذكريات مسافرين



ايه غيومي فديتك اذا بتدشين
كاهو المفتاح تحت الباب يمين عند شجره طويله
دشي ودرعمي انتي وميمي
على مال اجيكم وتقهوو واشربوا الشاي
ع ما افعل الخدمه الي رفعت ضغطي
بحاول افعلها قبل مانروح واذا لقيت شبكه نت
بالمكان الي بننزل فيه برسلها ع ميمي اوك

يالله ايها الرائعون
جميعا بلا استثناء
حاضركم وغايبكم
استودعكم الله الذي لاتضيع ودائعه
ووصلوا سلامي للكل
وداعا

.


صباح جديد
وامل يتجدد كل يووم
صباح الامل والثقة بأن رحمة الله وسعت كل شئ....!

سبحان الله وبحمده.. سبحان الله العظيم

.

طق طق
صباح الخير جميعا
يالله قوموا اصحوا يانايمين
ترا بقوم انطنط على اسرتكم ولا اجيب ماي حار عشان تصحون
<< ام النذاله مع الصباح الباكري ياشيخه

المهم بعد ماتغسلون وييوهكم بالماي عدل مدل
تفضلوا ريوق طلب << مصحيتنا وزاعجتنا عشان تطلب حضرتها
وين العصى

ترفع بنطلون بجامتها الي اكبر منها وتجري تخاف احد يمسكها
وبوم وخشمك يالباب << ترى يقولون ان الباب خشمه مورم وناسينه بالمستتشفى

المهم ماعليكم فديتكم صحصحوا اعينكم مدري افتحوها زين واعطيكم ريال

( ترا الي تحت نزلتها بقسم الشكاوي هههههههه مدري ليه مالقيت لها مكان مناسب
وقمت اشتكي عليهم بطلب هههههههههههههههههاههه )

احم احم
السلام عليكم ورحمه الله وبركاته
كيف حالكم جميعا

اممم مادري شلون ابدا بصراحه
تدرون الواحد ماله الا اهله وناسه لأني من اهل هالمكان
فماعرف الا انتم ^^

فديتكم حابه اسال منو الي يعرف عن التسويق بالنت
يعني هو حلال ولا حرام
بعطيكم مثال انزين..
مثل لو اروح لموقع ما وانسخ الاعلان بما فيه بالبيانات المطروحه او الي كاتبها الشخص اوك
وانزلها نفسها مثل ماهي بمكان تسويق لنفس بيانات الشخص نفسه من غير ماغيرها
اللهم الصور بدال مايكون فيها اسم الموقع الي نسختها منه اسوي لها اقتصاص عشان ماتطلع

الله يسعدكم بعرف جذيه حلال ولا حرام
ولي عندها او عنده خلفيه بهالامور وشلون استغل وقتي واشتغل بجهدي بكسب حلال عن طريق النت
ياريت فديتكم تفيدوني

لاني لو بنتظر ديوان الخدمه وربي لخرف وماجاء دوري
والوظايف الي بالقطاع الخاص تعرفون الاهل عندهم عقد
بخصوص انه يكون رئيسك بالعمل رجل
كاني بجلس اتقهوى معاه فيس متحطم


ياناس انا احب الحياه وعندي طموح مو صاحي
يمكن لو اعطي نفسي وجه اصير ناطحه سحاب بكبري

اي وربي ودي اشتغل بشركه واشغل كل الي مايشتغلون
تحسين بمتعه لما تكونين فايده لغيرك مو محصوره فيك

حتى في خصوصيات لنا كافراد ماتقدرين تحسين بطعمها من مصروف اهلك
كمثال لو حابه تسوين خير شهري مثلا او تتصدقين
يابيسالون وين صرفتي فلوسك ولا يكون قليل وماعندك الي يكفي
اصلا يكفيكم ماتحسون بطعم الشي اذا ماكان من عرق جبينك مثل مايقولون وتعبتي عليه تحسين له طعم خاص

فبليز ولي يعافيكم اذا اي احد عنده خبره بهالمجال ويكون حلال بدون نصب وسرقه الغير افيديوني
اهم شي مايكون حرام علني ماخذت ريال واحد ولا اني احط ببطني شي حرام

وشكرا قد البحر مقدما

تبون الصراحه حتى لو محد رد علي ولا عرفتم
وربي لله فالله جذيه احبكم
يكفي انكم قاطين وياي هني بمدونتي
اخلاق وربي تحسسوني بمتعه جميله مادري ليه
تحسون ان مدونه كل واحد بيته
وفاتحه لكل الناس ويتقهون ويشربون
وينكتون ويطلعون فللللله
<< الله يخلف على عقلك انتي ماعندك فاصل ولا مخرج
خبص لصق الي في الدماغ هنا من غيري ترتيب
ناموا ناموا

تبون الصج كنت داشه هني ومدرعمه
بكتب جو خواطر فيها شي ما يدعو للحزن وللكابه

بعدين سبحان الله قلت خلي نستفتح مدونتي بذكر الله
وطلعت الصوره بالكلام الي تحتها
بعد جذيه انشرحت نفسي من الكلام الي مكتوب كيف لا
وفي ذكره طب القلوب


بعدين
قلت يابنت عيب تطفشين الخلق مع المورننق وتخربين جوهم
اصلا الصباح حبيبي كيف اخربه مايصحش كده برضوه
المهم وقلت يابنت خلينا نسالهم بشي كان ودي من زمان اعرفه
وسبحان الله كذا من ربي انهبلت وصرت انكت ع نفسي


احلى مافي الحياه النفسيات يوم تقلب معك وتعطي نفسك جوك << بنت تكلمي زين ولا كف
وربي مخي فصل ترا من جد


عاد قلت خلي الخاطره بالعصر
لان العصر جوه جو كابه فنعيش جوه


اي صح نسيت
نقطه مادري فاصله

ادعوا لأبو غيوم التعابير
اسال الله العظيم رب العرش العظيم ان يشفيه
اسال الله العظيم رب العرش العظيم ان يشفيه
اسال الله العظيم رب العرش العظيم ان يشفيه

الله يشفي شفاء لا يغادر سقما ويحفظه و
يديمه تاج فوق راسكم يارب

غيومي فديتك طمنيني اوك

.
والالامي بداخل خزائن صبري
لم يعد لها محل...





................................................................................................ضقت ذرعا بمن هم حولي وربي
...................................................................................................................طيف عابر

ول جنون ميمي من مدونتي لها نصيب

حزروا من شفت امس
بنت الجزيره تذكرونها
من الفغاره صرت اقرب الجوال يم عيوني بشوف واتاكد زين
كنت بطب عليها بمسج واقول لها هلت وامطرت واسفرت وانورت

بس استحيت ع ويهي قلت البنت يمكن ماتعرفني واجيب العيد
بس تبون الجد عاد تذكرت وقتها ميمي ولنو الدبيات
وساجده وسوكره وكثير بنات
وانضموا لشله المختفين انتم ومعاكم الوسمي ولا شي يستحق
وغيرهم ليه كذا

لالالا من جد بروح عفشي واختفي معكم مايصير رازه فيسي
بنعطي للاجيال الاخرى الظهور ونحن نصير من زمن الاختفاء
بصير كاسبر وليه كاسبر بصير اسمي طيف عابر واختفي ماتشوفوني
بس اشوفكم << برى