أن لم تعجبڳ شخصيتي ف غيرڳ يعششقهأ

**شكسبير زماني** · 16-06-2011, 12:30 PM

الغش في آلدول !!

احم مساء الخيرات

بما أني فاضي حبيت أجيب صور وكراكتيرات عن الغش والفرق بيننا وبين بعض الدول

.
.
.
.
.
.
.
.
.
.
.
.

أميركا

مصر

وأخيرا السعوديه !!

يالبى ا قلوبنا عباقره

**شكسبير زماني** · 18-06-2011, 12:12 AM

صبآآآآحي

أنا مش بتاع الكلام ده وأنا كنت طول عمري قامده

<- ي لوح وراك أختبار فيزيا ماذاكرت ولا ربعه

تبون الصدز جتني حالة يأس

يعني على ربي ثم على ا الغش
بكره أحس بتجيني دعوه مستجابه بإذن الباري

يعني شكلي أبسحب على البيبان الباقيه وأخلي كل أملي بدعواتكم

< عز الله اللي رسبت

<- فيسي وانا بالمقلط خوفي أحد يدخل ويقول هذي المذاكره ؟

**شكسبير زماني** · 24-10-2011, 02:44 PM

آحم آحم

ولكم ولاكم ولكم ولكمووو ولكم

هكذا قالت الرياض عندما دخلت الدايري عصر أمس

طبعا الرياض بديت أحبها يوم ابطيت عنها < الله وأكبر

الزبدة اننا وصلنا عصر الأحد الرياض بحفظ الله وسلامته

حتى قالوا بالأخبار

وصل صاحب السمو محمد عبدالله الشمري <صادز

والوفد المرافق له الى دولةالرياض الشقيقه <-

يووووووووه احس اني مبطي عنكم

مدري من مات منكم ومدري من قاموا عليه شعبه بثوره < على شحم الله يرضى عليك

احب أعتذر ل

كل واحد ارسل ع الخاص ومارديت عليه

لي ثلاث شهور احس اني نفسييييه < وانت وش

المهم اني رجعت لكم < لا يرحممم والديك

والعشا عندكم الليله علي الطلاق ان تقولون تم <

**شكسبير زماني** · 25-10-2011, 12:44 PM

تقييمآآت

كل تبن يا حظي جعل عمرك... 08-10-2011 01:34 PM Raghad هههههههههههههههههههههه الا أنت مبدع في النكت وفي الوصف بصراحه مافي حد يضحكني كثرك ( ماشاء الله عليك) متابع ,, ودي أقولك شئ ياليت تكتب رواي

كل تبن يا حظي جعل عمرك... 24-10-2011 03:17 PM فيلسوف ينبع تتتتتتتتتتتتتتتتتم وحياك منوور الحمد الله على سسلامتك

كل تبن يا حظي جعل عمرك... 24-10-2011 03:17 PM Be happy ههههههههه مرجووووج بقوه ..الحمدلله على السلامه صاحب السمو ..يسعدك ربي

كل تبن يا حظي جعل عمرك... 24-10-2011 11:33 PM منور شكشكه لك وحشه يالمعفن

تصدقون أحس اني ماعرفكم ودي اسالكم نفس سالفتنا خوينا الله يرحمه وأقولكم

من انتم ...!!!!

يالله أن تحييهم فرد فرد وفرده فرده

معليش للي قيموا ومانزلت تققيماتهم لأنها غبرت ومافيني حيل اكنس

يالبى العرب كم أحب نفسي لدرجة أني ودي ابوس نفسي من قو حبي لي

ايه صح نسيت اقدم نفسي لكم

يمكن ماتعرفوني أنتم بس اسمي محمد ترا أتوقع نسيتوني <- وانت فيه احد يقدر ينساك

شاب طموح مملوح مزيون اطخم أطش الأرنب من السماء

لدرجة ان هيئة الرياض محوطين بيتنا يقولون تكفون ولدكم لا يطلع

يرحم امكم لا يطلع نخشى على البنات من الفتنه يفتنهن

يالبى أنا كم أنا حلو

من تالي في الاونة الاخيره

حسيت اني نفسيه لدرجه اني ادخل المنتدى دقيقتين وأطلع

وما أرد ع أحد
وأشترك في ال بي بي ولا ارسل ولا اقرأ زي الصنم < لا الحين نفسيه صدز

لا تسألوني ليش لأني ما أدري < طيب وليش تهذر ع روسنا

بس حبيتكم تشاركوني <- أطلع برا

ايه صح اخر تقييم مسحت اسم راعيه لأنه عزيز وغالي ومابي النفسيات يسوون سالفه ويقولون بينكم علاقه
< كم اكره تفكيرهم الخايس

**شكسبير زماني** · 26-10-2011, 01:17 PM

تقيميين <

نبض الوفا
دووم الضحكه ياحلو

مالها داعي تحرج تواضعي

لي الشششرف انك تتابع اخوي وياهلا بك

قلب صافي
دوووم الضحكه ياقمر <- لاتصدقين عاد

ترا صدز ما أتسذب عليتس < صريح مره < واضح

**شكسبير زماني** · 26-10-2011, 01:39 PM

آلقبيله وآلعنصريه < فيس مآيدري وش آلسآآلفه

أنا ولد قبيلة وأنتم من وين جايين من زحل مثلا ..!!!

الحقيقة العنصرية القبيلية كانت عندنا اول بقوه ايام القافلات أيام جدي التاسع عشر شليويح

يوم كان يروح للحانه ليحتسي لبن وتمر ويدخل بالحانه ويقول حنا طيور شلوى (شمر) أبن أمه يتكلم يا عيال الكلب

حنا أقوى وأشجع قبيلة ثم يقوم واحد قحطاني مهايطي ويقول تخسى حنا قحطان

ويهف جدي بكراع دجاجة جالسن يعرشها القحطاني بالحانه ويفتح بوجهه جدي محلات ادوات بناء

وجدي ينط عليه ويتوطى ببطنه لين يعض الأرض ويجي واحدن على قولتهم ماله قبيله

ويقول أتقوا الله يالربع كلنا مسلمين ويقفون العراك ويقولون له أنت وش اصلك

ويقول انا مالي أصل ما أرجع لأحد ويقولون اعقب يالصلبي ولك عين بعد تتكلم

أخرج من الحانه عليك اللعنه الحانات فقط لعيال القبايل أخرج لمع ناقاتي

عند الباب وغبرها لين اجيك ويقول القحطاني شف الديناصور عند الباب غير البواجي <- مهايطي

همن يروح جدي شليويح وهو وجديلان القحطاني ويصيرون خويا من بعد هالسالفه< فيلم هندي

ويجي جدي ويوصي عياله أول ويقول ياقوم علموا ابنائكم أنهم ما يخاوون أبناء الحضران اللي

مالهم أصل وهكذا تحس أول اللي ماهو قبيلي كائن لا يمت للبشرية أبد

يعد مرور 19 الف قرن > مدري سنه معليش تحمست بالكتابه

ومع تطور العلم وعقب ماكنا ندقها كعابي من الرياض للدمام

صرنا نروح بسيارات وطيارات وسفينات ودبابات وسيكلات وقطارات

ولكن كل شيء تطور الا عقولنا ماتطورت أنا قبيلي أرفع راسي وذا اللي ماله أصل مايرفع راسه

أنا قبيلي استغفر الله تحس أنه ضامن الجنة وأنه ذاك ماهو مسلم ويجلس يحرجه بمجلس رجال

يافلان أنت وش ترجع <- أقسم بالله ماشفت أخبث من بعضهم وأنذل منهم

بمجلس رجال يدري أن ذاك ماهو قبيلي يسأله لأجل يحرجه وذاك بحكم العادات والتقاليد

يتوهق وينحرج ومايدري وش يقول ويحاول ينسب نفسه لأي قبيله وتوهق ويبدأ يحرجه ..!!!

فيه ناس متحجرين فكريا ياكثرهم من الغير قبيلين ما أردى من بعض متحجرجن القبايل الا هم

كثير من الغير قبيلين بحكم العادات والتقاليد ويظنون أن اللي له أخر اسمه قبيلة أنه خلاص ملك الدنيا

ويروح يحاول لشيوخ بعض القبايل ويقولهم بعطيكم فلوس وتنسبونا لكم ...!!!

ترا المشكلة ماهي بس ببعض القبيلين المتخلفين في بعض ايضا الخضيرين تفكيره مدري

وش يبي يومك تحاول تنسب نفسك لقبيله ليه وش تستفيد انا معك ان الجهل سائد حتى الان

بالسعودية لكن أفتخر بأهلك وقلهم أنا عايلتي كذا ولا نرجع قبيله وش تبون خير ياطير ...!!!

أذكر قصة صارت لي واحد معي سال خوينا بالاستراحه أنت وش ترجع قال ما أرجع لاحد وش تبي

قال ما يشرفني اماشيك يالعبد <-- متحجر فكريا انا أنحرجت وذاك عصب تضاربوا الا شوي

وأمسكه ليه وش فيه هو الله وأكبر يا عيال القبايل اللي كلهم أحسن البشر ..!!

ومعهم بعض المترجين من العيال يسأله وش ترجع أنت يحاول ينسب نفسه لأي قبيله

أنا أتعجب من بعض الحمير تقوله وش ترجع يحاول ينسب نفسه لأي قبيله

يالعنبو حيك تراك منت ولد زنا أنت أفتخر باهلك وأفتخر بعايلتكم وأفتخر بابوك وأمك

قل انا ولد العايله الفلانيه ولا نرجع قبايل وش تبي وش براس أمك ؟

خل عنك بعض المتحجرين اللي يقولون وش ترجع ينقالهم بيحرجونك

أنا أذكر مره قلت لبنت عتيبيه قلت لها بتزوج بنت عتيبيه قالت أنت وش قلت شمري

قلت لا لا لا لا أنا أنهبلت قلت وش فيك قالت أن ضد أختلاط النسب

قلت وش أختلاط نسب الله يهديك كل واحد حر بحياته مادري من وين طلع لنا هالنسب

قالت لا محمد كل واحد ياخذ من ثوبه وبدون مشاكل أحسن ترا قلت انتي عنصرية هالحين

قالت لا بس الواقع يفرض علينا كذا ؟!

الحقيقه أني أكره الأوادم اللي كذا وماخلاني أفضفض شوي عنه بسبب الحمير اللي حولي

انت وش ترجع وهذاك يدور له قبيله يقول أنا منهم

ما اردى من هذا الا هذا

والله من جد مليت

قبيلي غير قبيلي وبعدين طيب والمطلوب

والله من جد ناس ترفع الضغط

يذكروني بالبزارين سيارة ابوي أحسن من سيارة أبوك

ايوه علووومكم < يغير السالفه

**شكسبير زماني** · 26-10-2011, 03:13 PM

رد: أن لم تعجبڳ شـخصيتـﮯ ف غيرڳ يعـششقهأ

ابن فطيس في معمر القذافي

كلن على معمر يهج ركابه
يالله جعل مايصيبنا اللي صابه.

حاكم وكان أسمه يهز العالم
واليوم بارو به جميع أصحابه.

وحنا العرب نضحك ونرسل عنه
سوالفن بأسمه وهي كذابه.

نضحك عليه وقصته حزينه
ماكن حنا مسلمين ولابه.

لو واحدن منكم رئيس لدوله
وبنا وعمر يوم كانت غابه.

هو بيتنحا أو بيطلع برا
ويروح من داره وريح ترابه.

وحنا المواطن لا رحل من داره
من شوقه أتضيق عليه ثيابه.

أبن علي شلوه عقبه حسني
واليوم لمعمر سعو طلابه.

الله يستر ويش باقي بكره
ثوراتهم منهي لفت باأسبابه.

الغرب للأسلام سوا خطه
شبو الفتن والكل كشر نابه.

يبغون خيرات العرب بأكملها
ويطرشون جنودهم سلابه.

ماسدنا اللي صار في الفلوجه
وخلو العراق من المجازر غابه.

النفط صدر عقبهم لمريكا
ماقيل ذا خير البلاد أولابه.

يا أمة محمد تراها بلوا
لا تضحكون يصيبكم ماصابه.

أبكو على حال العرب بأكملها
وأدعو عسا ربي يعز كتابه

مما راق لي

**شكسبير زماني** · 26-10-2011, 03:27 PM

رد: أن لم تعجبڳ شـخصيتـﮯ ف غيرڳ يعـششقهأ

مسائكم الله بالخير

ياخي في ناس هنا تبي لها معط

يعني كم لهم مافتحو مذكرىتهم

تقريبا سنه

ويجي يفتحهى فجاءه كذا بدون مايعطينا خبر

ياخي أرحمنا غبرت فينا

يعني زحمه والوسمي بخيل مطفي المكيفات يقول برد

تجي أنت تحوسنا حر وغبار

أقل شيء كان قلت ياربع ألبسو كمامات بفتح مذكرتي

ماقول الله يخس عدوك..

ماتحس أني قعدت أهوشك وأنا مارحبت فيك

ياولد القهوه والتمر والعود وينه

يالله أن تحيي صاحب السمو الملكي/شكسبير زماني<<ياويلها من الحكومه

يوينك ياولد ماعد لك شوفه

نورت المنتدى

^^^

هذا إقتباس من مدونة طبعي جنن غيري < تعرفونها

تقول معط < انا من اهل السعوديه منذو القرن ال 10 هجري واول مره اسمع هالكلمه

هذا مو غبار هذه عجه غربيه جويه < اقول الخلا انت وفلسفتك

الوسمي مطفي المكيف لأنه صحراوي والماء خلص

ايه صدز وشلون طارت مشاركاتك وصارت 6,191 < تف تف ماشاء الله

الله مير يبقيتس بس ليش مارحبتي بالوفد المرافق < بياكل تبن عما قريب

ابد طال عمرك اعمال في باريس ولندن والبوسنه والهرسك والصومال وشمال افريقيا < ع تبن

نووورك يالغلا مير انا عاكسه

**شكسبير زماني** · 26-10-2011, 09:20 PM

,,

هذا أنت كل ماضاقت بي الدنيا تغيب
وكل ما ضاقت بك الدنيا تجيني

**شكسبير زماني** · 26-10-2011, 09:55 PM

رد: أن لم تعجبڳ شـخصيتـﮯ ف غيرڳ يعـششقهأ

ابشركم شريت بلاك بيري STORM
طبعا بعد مشاورات ومباحثات وسؤالات وجواوبات شريته

يوم شريته العصر رجعت لبيتنا
فجاه جلست اطقطق فيه بالصاله واخواني تقطور سعابيلهم يلعن جدهم السامج

حسسوني انهم ينتظرون أي هجمة مرتدة عشان ياكلونه عبالهم يوكل

فجاه طق الجرس طوووووو طوووو

فتحت أمي وإلا حريم الحاره جايات يباركن ويه مبروك ياوخيتي بلاك ولدكم

ويه يتربى بعزه ياوخيتي يا أم محمد <- وحده راعية غنم عبالها ولد جايني

الف مبروك بلاك بيري ولدكم <- الله يبارك بعمرك يا ام صالح عقبالك

ويه الله يسمع منك يا أم محمد وتسجد أم صالح وتقول يارب بلاك بيري يارب

<- وش هالحاره كلهم فقر يلعن ابو شكلهم لازم أتبرأ منهم وأسوي إعلان بالجريدة

ولد معه بلاك بيري يطلب عايله راقية ساكنة بحي راقي تتباناه

ويشترط يوجد معهم بلاك بيري عشان يصيرون من مستواي

طلعت برا البيت واشوف العالم

أووووووووع كووووع بووووووع <- صوت فرامل يعني

وينزلون عيال الحاره واللي يبوس يديني ويقول هلا بعمنا شكسبير

مبروك البلاك ممكن نصور معه ذكريات

<- وده يصور نفسه ماسك بلاك وينشرها بالنت على اساس انه جواله

قلت له أرجوك ياصديقي ماهي من أخلاقي وأساسيات المهنة أني أخدع المجتمع

بعدين وخر عني بلاك بيري حقي مريض ومافيه مناعة أخاف تنقل له البكتيريا ويموت

قال بسم الله عليه ياعل يومي قبل يومه قلت امين يارب تموت قبله

حارة طعوس ياربي متى يتبنوني عايله راقيه وأصير راقي بمكاني الأساسي

الزبدة مشيت وإلأ بزراين الحاره يلعبون كورة ويوم شافوني

قامو يسون دبكات ودحات واللي ينوقز

وواحد منهم قام يتميلح ويسوي حركات بالكورة

لدرجة حسيت اني رئيس ريال المدريد وأني جاي أختار المواهب الكروية

قالوا ثورنا ثورنا <- ثرمان بزراين حارة الفقر فيه احد ياكل حصى اجل

مسوين مسابقة أقوى سن بالحاره والجايزه معجون اسنان مستعمل عشان يحافظ عليهن

يارباه متى أنقل لحي راقي بس وأفتك من ذا الطعوس

أجتمعوا وقالوا يالله ثورنا

واحد جاي من بعيد يقول وثف وثف بثور معهم

هو قال وثف طارت سعبولة طاحت على الكام حق بلاكي أحترقت كام البلاك

وأحتضر البلاك وطلعت على الشاشة كلمة لابوك لابو الساعه اللي صرت جهازك فيها

شلته ورحنا نركض للمستشفى ودموعي تنهار بلاكي العزيز أرجوك لاترحل وتخليني

عاد يوم سوو له تحاليل قالوا مات بفيروس غامض كلها من سعبولة ذا الطعس

مليانه فيروسات خطيره

مات بلاكي العزيز ورحل عن الحياه ومات ومات ومات

ما بوصله من ذي الهذره كلها السامجة

ان ليه بعضنا لاشرى سيارة جديده أو شيء كويس

تكبر على خوياه واللي حوله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ملاحظ هالشيء أنا مادري هو بس بمجتمع الفقر اللي حولي وإلا عندكم نفس اللي عندنا

تحسون السؤال شاطح بقوه عن السالفة صح

لاتلموني عاطل وفاضي

أن لم تعجبڳ شخصيتي ف غيرڳ يعششقهأ

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget