أن لم تعجبڳ شخصيتي ف غيرڳ يعششقهأ

**شكسبير زماني** · 18-05-2011, 01:56 AM

علوم بزآريننآ !

بما اني فاضي اليوم وخلصت السوالف

قررت اعطيكم نبذه عن عيال اخواني

بس اذكروا الله لايصير فيهم شي

7
7
7
7
7
7
7
7
7

بسم الله نبدأ

أكوس وحده

الإسم / هاجر (هجور) < يلعن اوم الدلع بس

العمر/3سنوات
هالبنت رغم المشاغبه واللكاعه اللي فيها أحبها اكثر من امها وأبوها < نصاب

لا من جد من قوة الميانه اللي قاطتها توصيني البقاله <

هواياتها / ازعاج العالم حتى الضيوف مايسلمون منها

.....

المعذره الصوره صغيره مالقيت غيرها عندي بالجهاز

الإسم/ إبراهيم (هيمو)
هالورع اذا شافني من مسافة كيلو يقعد يبكي < مدري وش مسويله

اذكر مره اني طيحته وماعاد حبني

الإسم / علي (علاوي)
له عدة ألقاب من ابرزها ابو اذاني و سراق النعول الله يكرمكم

هالبزر اللي قدامكم صورته قديمه شوي
المهم اذا جونا ناس او شي ماتلقى الحذيان حقهم
وهالمجرم هو السراق واخر شي يعترف

ومره سرق جهازي بكبره < يلعن شكله كسر الشاشه حطه بدولاب المطبخ

,,,,,,,,,,,

والله ودي اجيب لكم عيال خواتي مير ماعندي لهم صور باللاب

**شكسبير زماني** · 18-05-2011, 01:38 PM

قرآءه مؤثره .

الشيخ ياسر الدوسري

مقطع بصوت جميييل

هنا

**شكسبير زماني** · 20-05-2011, 01:33 AM

.

**شكسبير زماني** · 20-05-2011, 02:57 PM

رد: كل تبن يا حظي جعل عمرك ماتقوم

جمعه مباركه حبايب تسبدي

**شكسبير زماني** · 23-05-2011, 06:12 PM

مجتمعنآ ,,,,,,,,,,,,,,,,,,

لي فتره مافتحت المددونه

<- فكه

مير دامني طولت علاكم < قلب عتيبي

حبيت أشخبط دامني فاضي

حقوق الحبيبين

العجيب بالامر تدرون وش يعني على سبيل المثال

حمار أو كلب أو حقير واطي

أشغل له بنت بمنتدى نقول وانواع التميلح وانواع الوعود بعد التعارف

لين علق البنت فيه بعد ما بلاها وخلاها تثق فيه ويمكن بعضهن بعد الوعود

والحيل والحلوف ومدري كيف كسب ثقتها صار اول شخص بحياتها وصار كل شيء

وبالأخير لا قلت له تزوجها قال انا أتزوج هذي للأسف ما أثق فيها تخوني بأي لحظه

طيب ياحمار ياغبي ياكلب ليش أشغلتها وطيحت البنت فيك

وخليتها تثق فيك وتوعدها وتحلف لها ومدري كيف ؟؟؟؟؟؟

وش معنى هي المسكينه وثقت فيك وأنت مو واثق فيها مع أنك سارد لها أنواع الوعود

عشان تثق فيك وش معنى هي وثقت فيك وأنت لا

أنا أقولك باختصار هي تملك مشاعر واحاسيس ويقال البنت لا حبت اخلصت

لكن أنت عديم المشاعر والاحاسيس زيك زي الحيوان يمكن الحيوان احسن منك

على الأقل الكلب يعرف معنى الإخلاص لاصرت انت أردى من الكلب اللي يخلص لصاحبه

وش فيه أردى من نجاسة الكلب هذي اعتبرها لك من شكسبير هدية

شف وش فيه أردى من الكلب وهذا أنت ...

يابن الكلب أنواع الوعود لين صارت واثقه فيك ثقة عمياء وضحت بكل شيء عشانك

وبالأخير تقولها للأسف مو واثق فيكي ياخي أعترف انك جاي تتسلى وتعلب وقضينا

أترك لكم مسمى هالنوعية الكثيره والموجوده بينا ويمكن نص عيال المنتدى زي كذا

إلا مو نصهم انا واثق من كلامي ومسئؤل عنه ولاهمني أبن أمه

زعل من زعل ورضى من رضى ان 99% من عيال المنتديات دامي طرحت مثال عن

المنتديات ودامه المنتدى الوحيد اللي لازلت اشارك فيه .. فيه مثل هالنوعية

علق البنت وخلها توثق فيك وبالأخير قلها مو واثق فيكي وماقدر اتزوجك

لايروح فكركم أني قاصد أحد لا أنا اقصد العيال لأنهم من المجتمع

والمجتمع كله كذا إلا من رحم ربي . . .

يعني تحس البنت عندهم دمية يلعبون فيها يطقطقون عليها يتسلون فيها

يضيعون وقت عليها وبعض البنات ترا عاجبها الوضع

طبعا بيزعل من كلامي اللي هذا واقعه اما الواثق بيقول مايقصدني

والواثق يعرف نفسه زين ...!!!!!

<- تحسون اني نصير المرأه صح ومحامي الدفاع عن حقوقها

لا والله مير قاهرني هالحثاله من العيال وبث

**شكسبير زماني** · 23-05-2011, 09:16 PM

تقييمآت

أخلاقي سر كياني

فيلسوف ينبع

м!šš.βЯёšŤёёg

سلطان الشمال

توته كتكوته

نووورتوا المدوونه بتواجدكم لاعدمت طلتكم

**شكسبير زماني** · 24-05-2011, 01:55 AM

تخيلوآ معي ,,,,,,, ولآ يكثر خخ

من غرايب هذا الزمان

أحيانا يحظرني قول الشاعر الخايس يوم قال

هدي السرعه امامك مطب صناعي

عزيزي الرجل

عزيزتي المرأه

هنا اعتبر أسولف عليكم أو على روحي

بس اهم مافي مدونتي لا حب ولا مشاعر وخرابيط

أثر الأفلام الأمريكة على أسلاك مخك

أحيانا تصدق مايقال ومايعرض فيها

المصرية خلها على جنب والهندية قلها الله بالخير

لكن هالأمريكان وش سو بخيالك

كيف يؤثر على بلعومك

ويروح ويرجع وانت متسدح قدام الشاشة
وليز ناشبة بحلقك وشعر راسك واقف منذهل

تقول صحيح او لعب

يعني فرضا فلم عن الكائنات الفضائية

احيانا وأنت بالحوش تناظر للسماء

وتقول هو صحيح فيه مخلوقات فضائية

هاه

وقف قف هنا امامك تقاطع خطر

هنا يحظرني قول الشاعر الخايس

يوم قال: المعنى الشاعر

كيف يعني

انا اقولك

أنت اول ماطرى ببالك هالمخلوقات صح

شفت الفلم وسوست تقول صحيح او كذب

احيانا وانت مسافر

تنتظر ينزل طبق فضائي عليك

أو وأنت رايح صوب الحلال بالليل مودي علف

وتشوف زي هالصوره
7
7

وينزلون صوبك
ويقولون لك تعال كملنا نلعب بلوت

<- شف دهاء ومكر الفضائين قالوا نبي نلعب بلوت

وناقصنا واحد ونبيك تكملنا

قل على مين تلعبها انت وياه بلوت اجل

لاصار لك الموقف هذا اكفخ بس لاتوقف

الأفلام لها تأثير عجيب على عقولنا

انا مدري كيف ناس تخلي البزران الصغار يتابعون الأفلام

صدق ياخي تخيل روعة المنظر

وانت تتخيل نازل عليك كائن فضائي

عازمك على عرس واحد من قبيلتهم

وجاء بياخذك وش موقفك وقتها

تشوف هالأبطال اللي بالفلم

اول من يهج هم لاصار حقيقة

عاد عن جد

من يوم شفت فلم مره كائنات فضائية يوم اني ورع

وأنا دايم اناظر للسماء

وأقول هو صدق فيه كائنات فضائية

عاد انا أسألكم هو صدق فيه كائنات فضائية ؟؟؟

ياخي تخيل روعة المنظر

تقوم الصبح وتحصل كائن فضائي

بحوش بيتكم زي هذا

77
7

من جد تخيل روعة المنظر

وقتها تعزمه على القهوه وتقلطه

او يغمى عليك

او تهايط وتجيب سكين ودك تطعنه

هنا تبين الحقيقة

هل انت شجاع او لا

اجل كائن فضائي بحوش بيتكم هاه

**شكسبير زماني** · 24-05-2011, 03:45 AM

رد: كل تبن يا حظي جعل عمرك ماتقوم

النوم سلطان

نشوووفكم علىا خييير

**شكسبير زماني** · 24-05-2011, 06:27 PM

توقعآتكم ,,,

اليوم الكلاسيكو السعودي الخايس < مدري ليش ما أحبه

المهم بما أنها مباراه قويه شوي أبتابعها < لا تكفىا

ي رب نلقى حجز بالمقهىا

المهم بالتوفيق للجميع

**شكسبير زماني** · 25-05-2011, 12:05 AM

آلف مبروك

صباح الخيرات < توه منتصف الليل

مبروك فوز الاتحاد

أن لم تعجبڳ شخصيتي ف غيرڳ يعششقهأ

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget