أن لم تعجبڳ شخصيتي ف غيرڳ يعششقهأ

**شكسبير زماني** · 07-05-2011, 12:29 PM

,

يابنت بالك لا يغرك شياطين=حذراك لايغرك كلام الذيابه
يقول أحبك وأعشقك موت تدرين=أموت بك ياشوق شوق الكتابه
ويقصلك قصت حياة المحبين=يقول أحبك وانتظر منك أجابه
ويفرشلك الورد الحمر والبساتين=ويعطيك من حلو الكلام بذرابه
والله يخسي ولد المطي لا تصدقين=ملعون خايب يخزن السم نابه
تكفين ثم تكفين يابنت تكفين=لاتدنسين اسمك ومنهو وفابه
أخوك لامنه قعد بالدواوين=يقعد وراسه فوق فوق السحابه
يابنت والله سمعتك فوق الاثنين=سمعتك من سمعة عرب لك قرابه
سمعتك ثم سمعتك تسوى ملايين=ثم سمعتك ثم سمعتك والمهابه
وأن قال أحبك أفهمي وش تردين=قولي المحبه بالردى لي معابه
وقولي له أهلي بالملاقى سلاطين=ودرب الدنس ياكلب محد(ن) مشابه
هذا كلامي وقولي اللي تقولين=(( اللي يبيك يدل بيتك وبابه ))
والخاتمه يابنت طعم العسل زين=مير البلا لامن عثتبه ذبابه

< صح لسان قايلها

**شكسبير زماني** · 07-05-2011, 01:17 PM

,

< جهز الغدا < مواصل

< يقول المثل النوم سلطان < قلت ادري هذا كان خويي إنت وجهك < برا

تمسسسسون على ا خيير

**شكسبير زماني** · 13-05-2011, 02:14 PM

.

مساء الخيرات

< لي اسبوع ماخشيت المدوونه

توفى واحد من جماعتنا بحادث ورحنا نعزيه

أدعوا له بالرحمه

**شكسبير زماني** · 15-05-2011, 02:22 PM

مسسساء الظهر

< مبطي ماكتبت شي

< وش نسوي لك طيب

المهم يالله ان تحييهم في مدونتي

**شكسبير زماني** · 15-05-2011, 02:26 PM

تقييمآت

غدا سانتقم

منوور أخوي

لنو الدلوعه

أخييرا قيمتي < بغبغاء

طلللتك أطللق شي وتابعتك لي تزيدني دلالاخه < برا

نؤؤؤؤرتي فيذا

**شكسبير زماني** · 15-05-2011, 07:28 PM

تبآ للمجتمع آلخآيس.!!!!!!!!

مشتاق انا لصوته
مشتاق أنا أشوفه
واحشني كل شي فيه

يا دنيا وين اللي غدا لروحي رفيق
اللي احبه و اعشقه واوله عليه
اللي بوجوده عمري ما أزعل عليه
اللي ابيع الكون لجله و اشتريه

مشتاق انا مشتاق < كل تبن

مساءكم وردن أحمر حبايب قلبي زوار مدونتي الملاحيس

تبا للنساء السعوديات

8
8
8
هذا هو العنوان الليله < إخلص علينا

كم اكره النساء ياعرب <- قسم بالله اني منيب شاذ وربي

أنا يقهرني ويقهر جدي الخامس عشر عود بن نجر بن كاسة بن قدر ال باتشينو

يلعن ام ذا الأسم حق محششين

أقولكم

تجي بنات ياي تفشانه <- مسويه دلوعه كذا ودك تصكها بقوطي ديو تضيع ملامح وجهها

هذا كان عندها ملامح وجهه تفتن بالنقاب وخلف البرقع كائن لايمت للبشرية بصله أبد

تقولك طفشانه بالسعودية احد عنده مقلاة ودي أفقع وجهها

طفش - زهق - ياي - مدري ايش !!

وهي بنت اللذينا الأسواق والمجمعات لها والملاهي لها كل شيء فيه ترفيه لها

مهرجانات لو انها خايسه محطوطه على شانها
ومو عاجبها بعد

وشكسبير أن بغى يروح الممشى قالوا عوايل ملاهي عوايل

تصدقون رحت هايبر بنده اللي بطريق خريص قالوا لي عوايل يابو

تبا للمجتمع كم أكرهه

حنا لنا الشوارع والصياعه ولنا البر تراب بوجيهنا مالت علينا

وخروا عني كش كش كش علينا ودي أفجر روسنا بعجره <- دلوع عربجي

وتقولون ليه نسافر برا <- طبعا ماعمري طلعت انا برا مجلس التعاون < يالبيه يالبحرين < ششطح

مايشرفني أمثل خكر <- على الوتر الحساس يالمحشش

يعني جد عزيزي المتابع لايطق فيني عرق

لاحظ سوق للبنات مجمعات ملاهي عروس عرسونا خايسه وهي تروح للزواج

16 حبة كبتاجون و12 زقارة حشيش وهميه

وتستلج ومغير من بعد صلاة العشاء لين

2 بالليل وهي تنوقز نوير بالمرقص ماتتعب لا

وانواع الرقصات تسويها وفاله امها وحنا نقابل خشش بعض بالزواج

يعني جد تتروح زواج ممل خايس هدوء وكلن يكذب على الثاني نحتري بس متى يقلطون

العشاء ودنا نتعشى ونهج تحس اننا بمجاعات أفريقا

أقلطوا يارجال تحصل كلهم جميع قاموا ماصدقوا خبر

وبنص بازرينهم اللي حاط موز بمخباه وبرتقال

مره من المرات كنت صغير شفت واحد حط موز بمخباه

حطيت موزه بمخباي وعيوني تلاقظ مرتبك زي كذا-->
أخاف يجي صاحب القصر ويقول رجع موزتنا ياحرامي

وانا ماودي أدخل السجن بسبب موزه وجبة قرود

يعني جد كان فيه كيوي وبرتقال وتفاح وعنب ومسكت ألا موز

ويقولون ليه الأنسان يجحد ويقول أنا مو قرد اول

طلعت بموزتي وانا مرتبك وأتلفتت يمين ويسار كني سارق ذهب مو موزه

طلعت مع الباب حق القصر طقطقت نعيلاتي وعضيت ثوبي وركض لسيارتنا
وأجلس ورى السيارة بالظلام وأتربع وأطلع الموزه وأقشرها وأجلس أكلها

تخليتوا شكلي قرد سعودي أبد مافيها كلام

مع أني لو ماكلها بالقصر عادي ليه جايبينه أصلن هم بس من باب الدلاخه

أخوي كونان ابن اللذينا شاف موزه عند كفر السياره

قال لمن هذه الموزه الماكوله وطارت شرارة من عيونه وكان فيه شجر واحترق الشجر

والنار شبت وصرخ قال لمن هذه الموزه

تخيلتوا شكل أخوي وراه نار كبيره وعيونه حمر ويصرخ ويقول

لمن هذه الموزه يا قرود الغابة <- يقصدني انا واللي معي

يعني قلت جايب شيء جديد بيني وبين نفسي أذا حنا قرود من ابونا براد بيت مثلا

هههههههههههههههههه والله مسخره الزبدة قال لمن هذه الموزه

انا دريت ان الليله بشوف السماء حمراء مدري ليه جاني أحساس أني بشوفها حمراء

أخوي بيقول ليه ماكلتها داخل ليه طلعت فيها برا فضحتنا يالبدوي

يحسسك وهو يقول يالبدوي أخوي شعره أشقر وعيونه زرق وأسمه بيتر

ياخي تراي بزر قدوتي ماوكلي أحمد ربك

ماتفصخت بالشارع ولفيت مؤخرتي بسعف نخله

وقمت أركض بشارع النخيل أدور باقيرا خويي

يعني من جد ودي احس بالمغامره وحطيت موزه بمخباي وهجيت فيها عادي جدا ترا

بس مدري ليه اخوي مسوي فيها مايبي يعودنا على العادات السيئة

ياخي مو نص البزارين يزرفون ببسي من القصر يعني مو بس انا

لدرجة واحد طالع كنه حامل طالع زارفن صحن خضره وحاطه ببطنه وجيوبه ببسي

وطالع بكل ثقه ما كانه مسوي شيء ههههههههههههههههههههههههههههههههه

ومضة للأخوه الكبار :

عطوا أخوانكم على جوهم خلوهم يعيشون روح المغامره

اقولكم نرجع للحريم تبا لهن

مسيطرات على المجتمع كل شيء لهن لا وبعد تقول مظلومه

وقسم شي يقهر وحنا بالشوارع تقول مالنا رب

حتى لو حطوا مهرجان ورحنا له قالوا عوايل

تبا لببعض النساء

مع أني أحيانا ودي أصير بنت

يعني ياربي فيه ناس لاطلبت منه بنت شيء يقلب الدنيا فوق تحت

أستغفر الله ياربي ودي أقلب بنت لين ينفذه لي وأرجع ولد

**شكسبير زماني** · 16-05-2011, 02:50 PM

وآلله الفرق واآجد

يالله ان تمسيهم بالخيرات

بما أني من عشاق الكراكتيرات

حبت اوريكم الفرق بيينا وبين الدول المتقدمه

إليكم هالعلوم اللي مدري وش تبي

< هاه بالله كيف

**شكسبير زماني** · 17-05-2011, 01:26 PM

الله يسآمحك يآ نيدو آلدلوعه

خابرين خويتنا لنو الدلوعه < ايه ماغيرها ذيك

يومني كتبت ردن انتقد فيه الإماكن حق العوائل وان الشباب مالهم رب

جابت معروض لو تقدمه على امريكا عينوها نائبة الرئيس < تف ماشاء الله

المهم خابرين الحريم لو تجيب لهم اي شي تجيب لك الإعذار من شت الجهات < كيف بالله شت

تقول الثمامه لكم ياليتها لنا < لعنبو ابليسك ماكفتك الحدائق والملاهي والمنتزهات والإسواق

ماكفتك المحلات التجاريه اللي حتى الهيئه احسهم قلبوا حراس امن كثر مايدورون حولها

تخيلوا حتى مواقف السيارات صارت للعوائل < قسم بالله ما أكذب شوفوا

< يا حكامنا وين العدل < الله يستر من البحث بس

الحين يوم ان ودك بالثمامه ذيك الطعوس اللي تحس انك في القرن 5 ميلادي < لابو توصيفك بس

وش تبين بالدبابات وأنتي كل مكان يرحب فيك < حسيت اني حاقدن عليها

< وبعدين طبت لنا بسالفة الترقيم اللي انقرضت وأتحداكم تلاقون مقطع جديد لها

جايبه مقطع من كوميدو ذوليك القصمان

الحين ابي اعرف اخونا المرقم في الله مدري وش احس فيه يوم انه يرقم سعوديه

من حلاتكن عاد الوحده مسويه عشرين كيلو بودره هذا من غير المكياج
وتفتنون خليقة الله < وتقولون ليه يرقمون
طيب ليه تلبسين عبايه كتف وطاقه ذيك اللطمه (اللثمه )

< حسيت اني انصح

ويجيك المطوع يامره تغطي هداك الله < طيب يا ابن اللذذينا ليه تناظر فيها

الهذره واجده بس ماودي أدخل في نقاش حاد < بدا يخاف

والمعذره كان كلامي فيه تجريح ولا حاجتن

< تجريح هاه

مع اني اعز الإخت لنو مير انها ظالمتنا ظلم أجل الثمامه < وش تحسين فيه بالله

**شكسبير زماني** · 18-05-2011, 01:30 AM

,,

صباح الخير !!

الحين الساعه وحده بالليل ليش الناس يقولون صباح الخير < هالسؤؤؤال ذابحني منذو مبطي

< ماسكه غلط اليوم

توني جاي من المقهى وماسكيننا تفتيش وأم القروشه ناسي الاثبات

ومن كلمه لكلمه ويالله يالله صدقو اني مانيب مجهول < يلعن اشكالهم ناويين على اول رحله لصنعاء

لك الحمد يا ربي والله اننا في راحه لو اننا يمنيين كان تلاقينا في حاله غبرا دبرا < يلعن ابو توصيفك

قرب خشتك يابو متعب < مسكت خط ثاني

**شكسبير زماني** · 18-05-2011, 01:36 AM

تقييمآآت

دق تحيه قدامك هلاليه
الله مير يسلمك متابعتك تزيدني ششرف

تك تك

هههههه ولو مقبوله منك السالب من عندك يعتبر وسام شرف < لاتصدقين وتسوينها بس

الله يسلمك تنورين المدوونه بنووورك الساطع
< كيف الساطع

ياسمينة الغربيه
ههههههههههه مبروك ي وخيتي اللي يشووفك يقول تعلمتي التهكير

متابعتك تزيدني ششرف

أن لم تعجبڳ شخصيتي ف غيرڳ يعششقهأ

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget