رواية مسموح يا من ملكت الروح (كاملة)

**نبض الوفا** · 30-07-2011, 11:39 PM

رد: رواية مسموح يا من ملكت الروح

الشوق قامت وجابت الفطور:شوفي مالي نفس مابس اسمعها خلاص...

واستغربت انها يوم قالت لها سمي...سمت واكلت....صح قليل...لكن دليل على انها اقتنعت باللي تسويه...

بعد نص ساعه شالن الفطور وغسلن...الشوق كانت تعبانه من سهرها البارح وحاسه انها محتاجه حمام عشان تجدد نشاطها...اتصلت على سعاد واستسمحت منها انها تحمم في حمامها وتاخذ من ملابسها ووافقت على طول ودلت على اوسع بدله عندها لانها ماتلبس جلابيات ابد......اتحممت وطلعت وهي حاسه بالنشاط....تركت شعرها شوي عشان ينشف وكان شكلها كأنه مجعد لاني من اول قلت شعرها مهو ناعم...ولبست البدله اللي قالتها لها سعاد ...كانت بدله لونها زيتي والبدي لونه افتح شوي...والجاكيت بازرار عريضه يعني كشخه...واللي يشوفها يقول رايحه لمناسبه....

هايدي اخذت ملفح صلاه وسجاده وراحت بالصاله الداخليه تصلي وتقرى لاخوها واحيانا غصب تنزل دموعها...

الاخ ماجد الحين وصل....وفتح الباب بشويش ماكان يبي يسوي ازعاج...سمع صوت قراءه...ولمح وحده بملفح عرف انها هايدي تقرى وارتاح منها لان عرف انها اقتنعت ورضيت باللي كاتبه رب العالمين....طلع الدرج ودخل على غرفه امه واتصل لها تلفون

ماجد: هلا يما وين دشداشاتك؟؟؟

الام: وحده كعلقه على الشماعه لونه اسود والثانيه بالخزانه لونها البني....ولاتنسى الشبشب....والبشاكير..

ماجد: انشالله لقيتهم يلا قولي لسعاد تكلمني خلاص....

الام انشالله....

....ماجد حط اغراض امه بالكيس وطلع وحطهم عند الدرج ورجع لغرفه اخته....

الام: سعاد كلمي اخوك...

سعاد: بتعجب شكلها نسيت ليش؟؟

الام: عشان تدليه على الملابس اللي تبغيهم؟؟

سعاد وهي منخرعه وخايفه: ليش هو راح للبيت؟؟؟

الام مستغربه من بنتها: أي نعم مهو حنا اللي ارسلناه؟؟

سعاد بصراخ خوف: البنت بغرفتي قاعده....وتمسك الجوال وبغت تكسر الازرار وهي تبغي تدق على ماجد وغلطت بعد اول مره وسبت ولعنت...

الام: بسم الله...اي بنت ....انا نبهته على هايدي...

سعاد: مهو هايدي.....يما كان دخل عليها وهي لبسها كذا ولا كذا....والله ماراح اسامح نفسي....ياحرام...

الام تبهتت من بنتها ماكانت تدري علامها....

ماجد وصل باب الغرفه بلحظه مادقت اخته

ماجد : الوووووووهلا سعاد.....

هل سيدخل ماجد على الشوق؟؟

هل ستتغلب هايدي على احزانها؟؟

وعماد ماذا حدث له.؟؟

وعهود المسكينه؟؟

***مزون شمر*** · 31-07-2011, 08:20 AM

رد: رواية مسموح يا من ملكت الروح

مشكوره
والله يعطيك العافيه
استمري

**لحن آلأمل** · 02-08-2011, 03:57 PM

رد: رواية مسموح يا من ملكت الروح

أسسستمري ~
متابعينك

**لحن آلأمل** · 30-08-2011, 01:55 AM

رد: رواية مسموح يا من ملكت الروح

انة قريت الرواية للنهاية ,,
وصراحه روووووووعه من احلى الروايات اللي قريتها بحياتي ,,

أسستمري لخاطر المتابعين :)

**لحن آلأمل** · 17-10-2011, 02:50 PM

رد: رواية مسموح يا من ملكت الروح

تنبيه !!!!!
حبايبي ..

حسسب قوانين المنتدى , راح ننقل الرواية لقسم الروايات غغير المكتملة ~
حبيت انبهكم حتى ماتضيع عليكم الروايةة

قراءةة ممتعةة ..~

**مزمز** · 29-09-2013, 01:54 PM

رد: رواية مسموح يا من ملكت الروح

الجزء السادس والثلاثون

هذا الجزء فيه شخصيات جديده ياليت نركز فيه...

ماجد وصل باب الغرفه بلحظه مادقت اخته
ماجد : الوووووووهلا سعاد.....
سعاد: لاتفتح الباب.........
وفتح الباب وهو يقول إيييييييييييييييش؟؟؟

فنفس اللحظه الشوق كانت واقفه على المرايه اللي عاطيه الباب ظهرها تحاول تخلل اصابعها بشعرها عشان يترتب.....
هي أتفاجأت وقبل ماتستوعب اللي فتح الباب دارت بكل جسمها وهي لسى ماتحركت تشوف مين اللي داخل وتطاير شعرها بالهوا....يعني مشهد خيالي....
وهو ماستوعب كلام اخته الا وهو فاتح الباب...وتصنم يوم شافها...عيونها تحتهن هالات سود من التعب ونحفانه مررررة.........وظل ثواني رجعه للواقع صراخ اخته
سعاد: ماجد؟؟؟؟؟؟؟؟ماجد... .
ماجد: هه........ه....ه....هلا..
سعاد: فتحت الباب؟؟
ويناظر لنفس الباب...وبسرعه يطبقه...لأ......لأ..........مافتحته....
سعاد من صفقه الباب عرفت انه فتحه...:شفت احد داخل؟؟
ماجدبارتباك واضح جدا: احد....لا....احد داخل....لا محد.....لا صدقيني ماشفت احد.....سعاد...ورب البيت ماشفت احد...
سعاد: خلاص...........ادري انك شفتها لكن انسى انك شفتها وطق الباب باحترام وقولها تعطيك ملابسي مجهزات بالدولاب...
ماجد قفل بوجهها التلفون....واستند على الباب....:يارب...............والل ه اريدها بالحلال.............يارب............وكا ن كل جسمه يرجف من المفاجأه اللي مايدري هي حلوة ولا لا....

الشوق التفتت وماكانت مصدقه اللي تشوفه....معقوله ماجد...وماحولها أي طرحه ولاشي تستر حالها...فعلا حست نفسها عريانه ....ويوم قفل الباب....طاحت على السرير....ومن شده الاحراج قعدت تصيح(انا يصير لي كذا لمى انحرج او اخجل من شي....دموعي بحر هههههههه)

تقريبا ربع ساعه وكل واحد على وقفته هو مستند على الباب....وهي طايحه على السرير....

فها الوقت كان سعود داخل للبيت بيبدل ملابسه ويتحمم وهو طالع شاف ماجد على نفس وقفته واستناده....وشكله الاخ بعالم الاحلام هايم....
سعود مسك يد ماجد وماجد فز: بسم الله عليك ماجد...عسى ماشر؟؟
ماجد: هه....شر....وينه....لا ماشر ماشر...
سعود يلمس راس اخوه: اخوي سلامات مسخن انت..؟؟؟
ماجد بطريقه غريبه : هههه....مسخن أي مسخن انا....شوف....ويمسك يد اخوه ويحطها على خده...
سعود يناظر له بريبه...:لا ماجد منت صاحي...امش معي اوديك المستشفى....
ماجد : أي المستشفى يلا....(كان يبغى يخليه يطلع...)
وهم عند راس الدرج وتدق امه...
ماجد بسرعه وخوف: الووو
الام: ها ياوليدي وراك ماجيت للحين؟؟
ماجد ويناظر لسعود: أي...الحين نجي...
تخطف سعاد السماعه من امها: ها ماجد جبت اغراضي؟؟
ماجد تلعثم : ها...اغراضك لا ماجبتها...
سعاد بعصبيه: ليييييش؟؟
ماجد: ماقدرت....وناظر ولا ميري معديه....لحظه الحين اقول لميري تجيبها...وقفل بوجه اخته(صحيح مهو بصاحي ههههه)
ماجد : ميري؟
ميري: يس بابا...وكانت واقفه تحت..
ماجد: روحي غرفه سعاد هاتي ملابس في دولاب....في كيس..
ميري: اوكي بابا..
وطلعت وسعود يناظر فيه مستغرب...كان بيتكلم سعود لكن ماجد حط ايده على اثم سعود: الله يخليك لاتسأل شي....انا اخبرك بعدين...
سعود ناظر له: طيب والمستشفى؟؟
ماجد: كنت العب...خلاص ....الا صحيح انت ليش جاي؟؟
سعود تذكر: اوهووو...جاي ابي اتحمم وابدل هالثوب المقطع...
ماجد :خلاص روح هاللي موقفك وشو؟؟
سعود يناظر لماجد اللي رجع لطبيعته....ومشى عنه...
جت ميري: هازا بابا؟؟
وناظر فيه : أي نعم هذا هو...وبغى يمشي بس رجع ناظر لها....كيف ماما الشوق الحين كويس؟؟
ميري: نو بابا..
ماجد قطب حجاجه: لييييش؟؟
ميري: هي في دموع انا مافي اعرف ليش؟؟
ماجد حزن: خلاص روحي قولي لها بابا يقول سوري...ماكان يدري...
ميري: اوكي بابا...
وطلع ماجد وسعود راح وتحمم وبدل وطلع...

في المستشفى
الساعه 3 العصر...
كانت عهود لسى على السرير وماتقدر تحرك ...ودموعها اكوام خلاص انفضحت اكيد....مافي امل انها تستتر من فضيحتها....شوي ولا الباب يدق...ودخل ابوها وهو يدف امها على العربايه
عهود: هلا يما...وقامت ترفع نفسها غصب
الام: والله ماتقومي...تريحي...
الاب: ها.........ايش رايك بالمفاجأه؟؟
عهود بابتسامه من ورى الدموع: ولا احلى منها مفاجأه..اشلون اخوي اللي اخذ عني الدلع..
الام: محدياخذ مكانك ابد...اخوك الحين تجيبه الممرضه...
الاب: اخ لو تشوفيه ياعهود...يجنن ....هو ورجليه الصغنونات ولا عيونه الخضر...لكن مافيه بتجيبين بيبي عيونه مثلي....ولا رتاي بازعل..
عهود والام: ماعاش من يزعلك...
الام: تدرين ياعهود اني باطلع اليوم..
عهود بحزن: لا
الاب: لاتخافي بنزورك كل يوم انشالله....وتدرين ابو متعب وموضي وفوزيه كلهم بيجون اليوم...
عهود: والله...
الاب: ايوا ولازم نروح ونستعد لهم..
الام: تدرين من سنين ماشفت فوزيه...اول حنا مسافرين وبعدين هم (فوزيه اخت عزيزه الوحيده لهم كمان اخو مغترب من سنين....فوزيه عمرها 44سنه ودكتورة بالجامعه...ولها يزيد24سنه طالب طب امتيازوجوري كبر عهود18سنه ثالث ثانوي...وفؤاد7سنين وكلهم جو معاها)
عهود :حليلها خالتي فوزيه ماذكرها ابد....وعمتي موضي؟؟؟
الاب: عمتك على الاقل كل سنه نزورهم(موضي اخت ابو رعد 40سنه وعندها اربع ولاد لكنهم ماجاو معاها)
وابو متعب بالعيد الماضي شفته جى للرياض لشغل(ابو متعب اخو ابو رعد الكبير عنده متعب 27سنه شغال مع ابوة بالشركه وفراس 22سنه طالب كليه المعلمين وبنتين ماجو مع امهم قعدو)
عهود: يعني البيت بيكون زحمه هاليومين...
الاب: جهزنا الملاحق والغرف للضيوف...وتدرين فوزيه بتقيم بالجناح فوق مع اختها....والباقين تحت...
عهود: يعني انا اللي مرتاحه اني هنا هههه
الاب: انشالله بتطلعين قريب....كلها ثلاث ايام ويكتبون لك خروج...
عهود وناظرت تحت: اهل جيرانا كيفهم؟؟
الاب بحزن: الله يعينهم على مصابهم انشالله...والله اللي صابهم مهو هين....وبنتهم ماقصرت وقفت معانا وقفت اخت وربي...وتستاهل الهديه...
الام: انا بارسل لبيتهم باقه ورد....وانشالله....اعزمها تزورني واعرفها على جماعتي....والله الاهل عزوة صح...
الاب: اكيد...وهنا دخل البيبي ...وظلوا يناظروة ويسولفوا ونسو احزانهم شوي...
ومر اليوم صعب على الاحزان ...وهايدي في بيت ابو سعود وعندها الشوق...وعماد ماشاف زوجته من امس ومر اليوم وماشافها...وسعود نسى يزور عهود ويتطمن عليها...وهشام حاول يعزي زوجته رفضته وبالزور يالله كلمته...

**مزمز** · 29-09-2013, 02:16 PM

رد: رواية مسموح يا من ملكت الروح

اليوم الاحد
في بيت ابو عهود
الساعه 8 صباحا
دخل ابو متعب والعيال وعيال فوزيه
ابو متعب: السلام عليكم..
ابو رعد: ياهلا والله....الله ان تحيه انشالله...وتواجهو...وجى بعده متعب ويزيد وفراس وسلموا ,,,
حياهم ابو رعد وجلسهم...
ابو رعد: والله هذي الساعه المباركه ياخوي..
ابو متعب: مباركه بشوفتك يارجال...واخيرا قررتوا تجيبون لكم ولد...مابغيتو...ههههههههههه
ابو رعد: كل شي بيد رب العالمين ياخوي...
متعب: وكيف حال عمتي انشالله بخير...
ابو رعد :بخير وعافيه..
متعب: نقدر نسلم عليها...
ابو رعد تفضل البيت بيتك...
متعب ويزيد ناظروا بعض...يعني عيب البيت فيه بنت ماتحل لهم
ابو رعد لاحظ: فوتوا ودقوا الباب....البيت امان مافيه احد..
ابو متعب ناظر: خير ياخوي عسى ماشر..
ابو رعد ناظر تحت: الشر مايجيك يالغالي...بنتنا تعبت وبالمستشفى الحين...
كلهم: لا.........سلامات خير ...انشالله ماشر..
ابو رعد ابتسم يطمنهم: ماشر غير دلع بنات...والا مافيها الا السلامه وعقب باكر بتطلع انشالله...
ابو متعب: الحمدلله...الذي لايحمد على مكروة سواه...
قاموا العيال يسلمو على عمتهم....وجت موضي تسلم على اخوها...
موضي: السلام عليك يالغالي...اللي ماشوفه غير كل حين وحين...وقامت تدمع..
ابو متعب: ليه الصياح الحين ها...الحريم والله انهن بلشه..
ابو رعد جى ولوى عليها: هلا والله باوخيتي...الغاليه....والله مايهون علي اشوف دموعك...بسك لاتصيحي...
موضي من ورى دموعها: والله غصب عني...ماتحمل يوم اشوفك...اتذكر ابوي الله يرحمه(وكان مالك اقرب اخوانه شبه بابوة)
ابو متعب: خلاص بتصيحين روحي داخل لين تخلصي...
موضي: خلاص...وتمسح دموعها وتجلس عند اخوها ويقعدو يسولفوا...

دخلوا العيال لقو عمتهم جلسه على كنبه مريحه وممده رجولها على الكنبه وفوزيه تغطت عن متعب وفراس وواقفه عندها وماسكه رعد......سلموا العيال على عمتهم...وباركوا لها...وكل واحد يحب رعد كان يحط بلفته المقسوم(نقوط)وتحمدوا لها بسلامه بنتها ورجعوا المجلس....وابو متعب من ورى الباب حياها وجابوا له الوليد وحبه ونقطه...

في المستشفى
الساعه 10 صباحا...
الشوق رجعت تداوم لانها اخذت اجازة يومين بس...وراحت لعهود تزورها....يوم كانت بتطلع....شافت سعود جاي
الشوق: السلام عليكم سعود..
سعود: هلا والله...كيف حالك...وناظر للغرفه وكيف حالها..
الشوق: انا بخير وعافيه...وهي بدت تشافى انشالله...وبتطلع عقب باكر انشالله...
سعود عطاها بوكيه ورد :وصليه لها وقولي لها سلامات....انشالله..
الشوق ناظرت بريبه...اول يسأل عنهاوالحين يزورها : انشالله...ورجعت...
دقت الباب ودخلت عهود ابتسمت: هلا...نسيتي شي؟؟؟
الشوق لا جبت شي وكانت مخبيه شي وراها..
عهود: ها...ايش جبتي؟؟
الشوق وتطلع البوكيه : هاذا...
عهود: عجيبه ...اعرف الناس من يدخلون ومعاهم الورد مهو بعد مايطلعون يجيبونه ؟؟
الشوق بخبث: مهو انا اللي جبته؟؟؟
عهود باستغراب: أجل من؟؟
الشوق ببراءه:ناس تعبو حالهم وجابوك...وكانوا ابطال...وبعد ظلوا واقفين عندك وهم عندهم حزن ....يالله...
عهود: يلا عاد مين؟؟
الشوق: قريبي سعود..
عهود فاتحه عيونها ومو مستوعبه: مين هذا؟؟
الشوق: هذا قريبي من بعيد كان مار صدفه وانتي مريضه واسعفك وجاب الخدامات عشان يطمنوا عليكي...وهو حنون وطيبون ولطيف
قطعت عليها عهود:انتي ايش تقولي؟؟
الشوق تفاجأت معقولها ماخبروها اهلها؟؟
الشوق: سامحيني ماقصدت والله....على بالي اهلك خبروك؟؟
عهود: خبروني بايش...أتكلمي...
الشوق خبرت عهود بكل السالفه....وعهود ظلت منصدمه من اللي صار وفعلا حست بالحرج الكبير من قريب الشوق مع انها مو متذكره انها قابلته مره.....نست السالفه من زمان....
وناظرت بالباقه وحطتها على جنب وظلت ساكته....يعني الشوق ماحست منها شي انها متقبله له ولا رافضته....وهذا اللي احزن الشوق لانها فعلا اتمنت لسعود وحده مثلها...

بيت ابو عماد
الساعه 2 الظهر

ام سعود جلست جنب اخوها بعد مارفعوا الاكل ولاحد جاسه...
ام سعود: وبعدين ياخوي مع هالحزن....والله الحزن مايسوى...كلنا بنروح لها الدرب....لازم تشوف بنتك وتقابلها وتشوف ولدك واحفادك اللي لهم الحين كم يوم ماطليت عليهم...
ابو عماد: يختي هايدي مهي راضيه ترجع البيت....ومادري وش الحل معاها....وعماد يا في المجلس يابرى حتى النوم ينام هنا....مدري كيف اتصرف معاه....حتى الجوهره مسكينه حاولت كم مره تعزيه لكن مايدخل لها داخل...,الله هالعيال تعبوني فوق حزني...
ام سعود: روح ياخوي لبنتك وطيب خاطرها وخلها ترجع لبيتها....وولدك انصحه ووجهه وخله يروح لاهله ترا حتى هم محتاجينه...وصدقني اذا انت بادرت...الباقين سهل عليهم كل شي...
دخلت عليهم سعاد: السلام عليكم..
الكل:وعليكم السلام ورحمه الله وبركاته...
سعاد: يما ماجد اتصل ويقول انه عنده شغل وبعدها بيروح البيت يرتاح....
ام سعود: قولي له يجيب كتب اخوانه وملابسهم لانا بنقعد اسبوعين هنا ولازم العيال يداومو للمدارس من بكره...
سعاد تناظر: يعني خلاص اكيد اسبوعين...
ام سعود: انشالله يكفن وتكون الاوضاع احسن .....
قامت سعاد تكلم اخوها وتدق عليه....

فنفس الوقت هشام كان مع ماجد ونزل ماجد للسوبر ماركت وكان هشام ينتظرة......يوم شاف جواله يدق...ناظر شاف مكتوب اختي....على طول عرف انها سعاد لانهم ماعندهم غيرها...

هشام : ألووووو
سعاد: الو ماجد وينك؟؟
هشام: عفوا انا مو ماجد...
سعاد (قطبت جبينها وناظرت مره ثانيه للرقم رقم ماجد): من حضرتك ...وكيف ترد على جوال مهو لك ؟؟؟ها..
هشام ابتسم: انا حر....اكلم اللي بدي ياها ....داحينا او مرة تانيه...
سعاد (تناظر هذا طريقه كلام هشام): من؟؟
هشام (عرف انها عرفته(: واحد بدو يشيل عنك ويواسيكي لكن حضرتك مدياه قاف...ولا معبراها كماني....
سعاد (هذا اللي باقي ابو سكسوكه يواسيني): وين ماجد..؟؟
هشام (يناظر للمحل ويتمنى ماجد يطول): داحينا يوصل....وبجديه...عظم الله اجرك سعاد...
سعاد (ناظرت بحزن): اجرنا واجرك...
هشام برقه: وبعدين معاك....لمتى هذا الجفا...
سعاد (مسكت حالها لاتشتم): ارجوك...ابي ماجد ضروري..
هشام: والله حرام عليك ...يابنت الناس والله احبك....
(مادري كيف مشاعر سعاد ساعتها...ارتبكت وماتدري كيف اتجرأ وقالها صريحه كذا....):يلا مع السلامه...
وقبل مايرد كانت قفلت التلفون...
هشام( ناظر للتلفون): والله لو ماكنت احبك...كان.....كان....مقدر اسوي شي...اعرف نفسي جبان....وزود بحبها ياربي...وهنا دخل ماجد....
هشام (وهو يمسك الاكياس ويحطها ورى):خذ....اتصل بالبيت اتصلوا ورديت عليهم...
ماجد بخبث: ومن سمح لك تكلمهم؟؟
هشام: كلهم اهلي...ولا نسيت...
ماجد: هشام اش فيك...متضايق من شي؟؟؟
هشام( ناظر له مباشره): ماجد قول وربي اقول الصدق...
ماجد استغرب: هشام ويش وراك....انا ماكذب عليك...
هشام (ناظر للزجاج): انتم غاصبين اختكم؟؟؟
ماجد( فتح عيونه ...هذي ايش قالت له)؟؟:هشام ايش تقصد؟؟
هشام: انا بسألك لاترود علي بسؤال: انتم غصبتم اختكم؟؟؟اجبرتوها؟؟؟
ماجد بريبه: هي قالت لك شي؟؟
هشام بعصبيه : رود عليا...
ماجد (فتح الدرج اللي قدامه كان فيه مصحف....وخذه وحطه على يده): ومن خلق هالكون....وهالمصحف...اني لا انا ولا ابوي ولا سعود غصبناها.....وغيرنا ماحلف عليهم.....انت ناسي ان ابوك شرط انا مانغصبها...
هشام( ارتاح ...بس هي ليش تعاملني بجفاء...):اسف ياماجد .....سامحني...
ماجد (كتم غيضه....وقال حسابها بعدين معي....)

في بيت ابو رعد
الساعه 4 العصر

دخل ابو متعب والعيال المجلس راجعين من المسجد ويوم جلسوا

يزيد:اقول عمي(هو مهو عمه لكن احتراما)ماتبغانا نروح نزور بنت خالتي؟؟
متعب: هو الصادق...حنا لازم نزورها بعد شوي....
ابو متعب:انتظروا خل ابو رعد يجي ونقوله...
دخل ابو رعد وسلم وقعد....
وهو يصب القهوه اخذهافراس عنه
ابو متعب: مادري ويش اقول يابو رعد
ابو رعد: سم اخوي قول اللي تبغى..
ابو متعب: كنا نبغى نزور بنتك اذا ماعنك مانع...
ابو رعد: ولا مانع ولاشي زياره...المريض سنه مباركه وفيها الاجر...حتى فوزيه وموضي بيغن يروحن وهن يتجهزن الحين...
ابو متعب....لعاد نسبقكم حنا...عشان تنرك فرصه للحريم بعدين ياخذن راحتهن...
ابو رعد صار ياخوي...بس اشرب فنجالك...وشربه وطلعوا العيال....

في المستشفى
الساعه 4ونص

الشوق خلصت نوبتها الساعه اربع وراحت لعهود تسولف معاها شوي....بعدين جت ممرضه تقول لعهود ان في زوار كثير برا ويقولون لك تغطي

عهود: هذول اكيد اهلنا في الجنوب جو يسلمون علي....ماشالله عليهم اليوم الصبح وصلوا والحين جايين...
الشوق: لعاد انا باروح الحين....لان فشله يدخلون وانا هنا...
عهود :خلص سلمي على الوالده والجوهره وسعاد...انشالله لاطلعت اقوم بالواجب لهايدي....وغصت بكلامها...
الشوق (مسكت يدها تشد من عزيمتها): الله يوفقك يارب...يلا اشوف وجهك على خير...
عهود( ودموعها بعينها): مع السلامه...
طلعت الشوق وهي ماكانت لابسه لبس المستشفى كانت لابسه عبايتها بس الروب الابيض بيدها اللي يشوفها يعرف انها لها علاقه بالمستشفى....وعلى طلعتها صدمت بابو متعب اللي تقدم بيدق الباب...

ابو متعب: السموحه يابنتي...ماشفتك..

الشوق (مسكت نقابها لانه انفك...وقعدت تعدله): لا مسموح عمي....انا اللي مستعجله....ومشت بسرعه مانتبهت لملزمتها اللي طاحت....كانوا العيال واقفين بعيد بس شافوا الموقف...ولاحظ متعب الملزمه يوم طاحت....
دخل ابو متعب يسلم على بنته لانها محرمه....ومتعب بسرعه اخذ الملزمه ولحق الشوق لانها طلعت بسرعه

متعب: ياختي....لو سمحتي...
وهي ولا منتبه من الاحراج...
ناظر متعب للملزمه:الشوووووووووق....
الشوق( التفتت.....مين اللي يناديها....وطالعت ولا واحد بحياتها ماشافته.....):نعم اخوي؟؟
متعب مد الملزمه لها.: طاحت منك.....
الشوق (ارتبكت زود واخذتها): مشكور....ماشفتها يوم طاحت...
متعب: معذورة ابوي دفعته والقبر....
ابتسمت لتشبيهه: والتفتت تروح....
ظل متعب يرقبها لين اختفت وابتسم...ورجع لداخل...

دخل ابو متعب على عهود...اللي وقفت
عهود: هلا عمي...
ابو متعب (تحضنها لانها غاليه عنده حيل): هلا....هلا بريحه اخوي....هلا ببنيتي اللي مالي غناه عن شوفتها....علامك يابنتي...ويش صار لك؟؟
عهود ماتحملت وقعدت تصيح:
ابو متعب: افا والله وانا ابوها...........ليش هالبكى يالغاليه.........والله ماتهون دمعه من عيونك....وقعد يمسح دموعها...
عهود: مشتاقت لك ياعمي....وحشتوني كلكم....وينكم من زمان....حست بالشعور الناري اللي قبل...وكيف كانت بريئه وعلى نياتها....وكيف ان الاهل لو هي عايشه حواليهم كانت بتحس بخوفهم عليها وبغلاتها عندهم...وكانت هي بعد غير تخافهم...
عطاها عمها كاس المي....وشربها..:يلا دموعك مابغاها ابد...اهلك جايين يسلمون عليك تغطي ولبسي عياتك...
اخذت عباتها ولفتها على نفسها وشدت طرحتها وغطت وجهها....أنا جاهزة...
ابتسم لها عمها....وفتح الباب ونادهم...
يزيد (بحياته كلها ماشافها لامن صغيره ولا من كبيره): السلام عليكم بنت الخاله.....خطاك الشر انشالله...
وهي مستنده على يد عمها: خطاك اللاش....وتناظر لعمها لانها ماتعرفه...
حط يده وراها وقال: هذا وانا عمك يزيد ولد خالتك فوزيه....
ناظرت له وهو يبتسم: الله يحيك...اعذرني ماعرفتك...
يزيد: مالومك والله....انا بكبري ماعرفك ههههههه
فراس: السلام عليك بنت عمي....ماتشوفين شر انشالله...
ناظرت له وعرفته: هلا فراس....الشر مايجيك..
وناظر ابوهم :وين متعب؟؟؟
وهنا دخل متعب: السلام عليكم....سلامات الغاليه ماتشوفين شر....(هو حاسه مثل اخته الصغيره)
عهود: الشر مايجيك وكانت تضغط على يد عمها لانها تعبت....
ابو متعب: يلا شباب تفضلوا باسولف مع بنتي شوي....
طلعوا ورجع متعب: اقو ل عهوده...
عهود: سم..
متعب: مين اللي طلعت من هنا قبل شوي؟؟
ابو متعب ناظره مستغرب وهي ردت: هذي ممرضه هنا واختها جارتنا....عشان كذا تجي تكلم معي وتطمن علي....
متعب: أها....
ناظر ابوة وهو مستغرب: وش لك فيها....
متعب : ها.......لا ولا شي....وطلع قبل مابوة يسأل شي ثاني....
ارتاحت عهود على السرير وشوي جت خالتها وعمتها
فوزيه: هلا والله ببنتي...وينك ياحبيبتي ايش صار لك؟؟
عهود: الحمدلله خالتي جت سليمه...
خالتها تطالع لها بتفحص كبير....ماشالله ياعهود كبرتي واحلويتي....صرتي احلى من امك بشبابها...
عهود أكتئبت من ملاحظه خالتها.:
موضي تسلم عليها: ماتشوفين شر يابنتي....ماشالله عليك...كنك البخت...
وتغمز: لو كان لي ولد كبرك ماخليتك...
نغز عهود قلبها من ملاحظاتهن وحزنت زود....لانها فعلا اخر شي تفكر فيه هو انها تزوج وهي بهالورطه...
جوري جتها تسلم عليها....وهي اول مره تشوفها....لكن اللي يشوفها يحبها من قلب: هلا والله عهود....امي وصفتكي لي....لكن ماشالله عيونك احلى من اللي امي وصفتهن ههههه
عهود: حتى انتي...عيونك رماديات يعني احلى واحلي...
جوري: ههههه....صرنا اجانب وحنا ماندري....
عهود بادلتها الابتسام وهي خايفه من نظرات خالتها وعمتها وابتساماتهن....
وظلوا حوالي ساعتين بعدين روحن للبيت.....

في بيت ابو سعود
الساعه 8 الليل

هايدي كانت جالسه بالصاله...صحيح خرجت من حاله الحزن شوي...لكن ظلت ساكته وكيئبه...خصوصا ان محد جاها بعد الشوق اللي طلعت وهي مرتبكه وخايفه...وماجد وسعود مايجون الا للتبديل ويطلعوا....فجأه دق الباب...وطلعت ميري تفتحه
هايدي ناظرت للي دخل بشويش....وظلت مصدومه....ابوها....شوي تجمعت الدموع بعينها....وناظرت لميري اللي كانت مبتسمه...وطارت لحظن ابوها وهي تصيح بصوت عالي....ابوها تلقاها بين ايديه واخذ يمسح عليها...عرف انها فاقده للحنان وهي فعلا محتاجه لحد مثل سنها بهالفتره الصعبه.....
الاب: بسم الله عليك....لاتخافي يابنتي انا جنبك وماراح اتركك ابد...
تناظر له وهي تصيح:أبد؟؟
الاب ابتسم: ابد...والحين لمي ملابس بتروحين بيتك....ولاتحاولي تقولي ولا كلمه...
العكس صار...كانها منتظره ابوها بشوق...طارات على ملابسها وجمعتهن وطلعوا لبيتهم....لعلها تلقى الحنان اللي قفدته...

عماد حالته حاله....صار منعزل تماما...طلع مره وحده لغرفته وعزى زوجته ورجع للمقلط...ينام فيه ولا يشوف اولاده...واحيانا يطلع برى البيت ولا يقول لزوجته....وهي عجزت معاه لكن عاذرته لظروفه...

اليوم يوم خروج عهود من المستشفى....

كانت قاعده على السرير والحزن مالي قلبها....شافت بطاقه ورد من اللي جنها وفيها مساحه كبيره فارغه خذتها ومسكت قلم وقعدت تشخبط تفريغ للشحنه اللي بداخلها.....وهذا اللي كتبته

حرام...

أنا ماسويت لك شي...

حرام...

أنا ماسويت لك شي...

حرام...

تتركني بلا اسباب....

بلا أعذار...

وأنا احساسي كان النار...

وش اللي صار...

حرام...

أنا ماسويت لك شي...

كنت صادق معاك...

كنت والله وفي....

ليه فجأه تبتعد عن عيني...

وتغيب...

عطني فرصه فيها استوعب..

الوضع الغريب...

حرام

وبعد ماكتبتها...كأنها ودعت حياتها للابد....

جتها خالتها وولدها وروحت معاهم....

طلعت عهود من المستشفى ومر اسبوع ونص على وفاه زياد وولاده رعد....وابو رعد اخر التمايم عشان العزى...وابو متعب والعيال راحو عزو والحريم.........

اليوم الاثنين اللي الخميس التمايم.....
بيت ابو رعد

كانت عهود بتروح تشرب مي....لمى بغت تدخل سمعت همس ...يوم ركزت سمعت امها وخالتها يتكلمن...
فوزيه: اقولك ياختي...انشالله بالعطله بنخطبها....ماشالله عليها كبرت وصارت عروس...
امها: انتي شاورتي الولد؟؟؟مابي شي بالغصب...
فوزيه: لاتخافي...الولد منجذب لها حيل...وكل شوي يسأل عنها...يعني اهتمامه واضح...
امها: طيب انا مابغى اشغلها الحين لين تخلص السنه على خير
هنا عهود مسكت قلبها من يقصدوا؟؟؟
فوزيه تدعي: يارب...وفق ولدي مع بنتاخي ...أللهم امين...
هنا عهود كأن صاعقه صابتها:ياويلي...بيزوجوني....يامصيبتي....وركضت تحت الدرج يوم شافتهم طالعين...
بعد ماطلعن...وقفت مصنمه شوي كأنها ماتحس بشي.....ودخلت المطبخ.....وناظرت لعلبه الاسعافات ...كانت في زجاجه مليانه لثمها حبوب...مسكنه او أي شي...ماكانت تدري....الشي الوحيد اللي اتذكرته.....سقوطها بالمطبخ والعلبه فارغه تماما!!!!!

**مزمز** · 29-09-2013, 02:28 PM

رد: رواية مسموح يا من ملكت الروح

الجزء السابع والثلاثون

بيت ابو عماد
اليوم الاثنين ....نفس اليوم

دخل هشام المجلس ...كان جاي زياره لهم...وجاه سعود وحياه وجلسوا شوي...ولاحظ هشام غياب عماد وماجد
هشام: اقولك ياخويا هو عماد فينوة.....ماشفتوا من يوم العزى؟؟
سعود بتنهيده: والله مادري ايش اقولك؟؟
هشام: ياساتر يارب....خير ياخويا ايش جرا له؟؟
سعود: من توفى اخوة الله يرحمو...انقلب حاله...لايتكلم مع احد...ولايسولف مع احد...حتى بناته وزوجته نادر مايطلع لهن....والله مادري ايش صار له....قلنا احزان لكن مهو لها الدرجه...هايدي اللي متعلقه باخوها صدق ماسوت سواته...
هشام: لاحول ولاقوة الا بالله....
وهنا دخلت ام سعود: هلا والله بوليدي...كيفك ياهشام...
هشام تكدر من الخاطر ...يعني اليوم بعد مهي طالعه....: هلا بعمتي...كيف حالك....وكيف الاولاد...
ام سعود استحت: كلهم بخير ويسلوا...
هشام: الله يسلمهم انشالله....سلمي عليهم كثير
ام سعود وصلتها الرساله : انشالله يبلغ...عن اذنكم...وطلعت...
ظل سعود ساكت...وقام هشام سلم عليه وطلع وهو متكدر.....

دخلت ام سعود على سعاد:صحيح انك ماعندك ذره احساس...كم مرة يجي يزورك وانتي ولا معبرته....حرام عليك هذا زوجك....هذا تصرفك وانتي ماعرستي اجل كيف لاعرستوا؟؟؟
سعاد ناظرت بضيق: ومن قالك اني باتزوجه....
ام سعود طالعتها: وانشالله تبغي تطلقي؟؟
سعاد رفعت يديها: انشالله قولي امين....
ام سعود: لاوالله ان بنتي انهبلت.....
........:وانتي الصادقه يما.....
الثنتين ناظرن للي واقف على الباب وشكله غطى الضو كله.....وبخوف
ماجد....
ماجد ناظر لامه: يما....اتركينا لحالنا شوي....
سعاد تنظر لامها ....(والله لاموت ان طلعتي)....طالعتها ام سعود بخوف...وحالها يقول...(هذا اللي جبتيه لنفسك....)
طلعت....وقفل ماجد الباب....وتربسه بالمفتاح.....وهي تناظر....حلقها جف وحست ان الغرفه ماظل فيها هوى ولا نسمه وحده....وجهها تلون باشكال والوان.....
قرب لها ماجد بطريقه خلت شعر راسها يوقف....وبلحظه مسكه وصفعها كف وبيده الثانيه لوى يدها حتى حست انها طقطقت وبتنكسر......وقال بصوت اجش وقوي: ماني اللي غصبت .....ولا اظن ابوي سواها....ولا سعود ....صح؟؟؟؟؟
وهي تون من الالم: صح....
هنا زاد عليها ماجد بأن شد شعرها لورى....:اسمعي اللي باقوله لاني ماراح اعيده...وان مانفذتيه تراك ميته...
شحب لون سعاد من سواته اخوها هو بعده ماذبحها يعني..؟؟
ماجد: كلمه وحده....لو سمعت ان هشام جا وماطلعتي له....ولا اتصل وماكلمتيه....وحتى يوم يحدودا العرس لو شفتك تعترضي تراك ميته......وخلني اسمعه يشتكي منك لارحتي بيته.....مارحمك ابد....واطلقها وطاحت على الارض.......وطلع لقى امه واقفه على الباب مرعوبه لانها تعرف ماجد لاعصب ينعمي تماما....

دخلت على بنتها لقتها تصيح بصوت عالي وتنحب....تحضنتها وشافت الدم ينزف من شفتها بيدها وهي قاعده سحبت الكلينكس ومسحت وجه بنتها....ظلوا كذا حوالي ساعه....لين هديت وناظرت امها...
سعاد: يما.......
الام: عيونها...
سعاد بصوت كأنه من الاعماق جاي او من مغاره:ما ..........أحبه...
الام برقه: انا ماكنت احب ابوك اول....
سعاد: بس الحين تحبيه....
الام: العشرة يابنتي خلتني مو بس احبه....الا اموت فيه...وانتي بعد اذا عاشرتيه بتحبيه..لان واحد مثل اخلاقه وصبره بينحب...
سعاد ماعلقت ابدا....وظلت ساكته....لين اذن المذن وقامت يتغسلن ويصلن...

في بيت ابو رعد

دخلت الخدامه المطبخ بتسوي شاي لفوزيه لانها طلبته.....وهي داخله تعثرت بشي وناظرت تحت......شوي ولا صرختها المدويه بارجاء البيت كله.....

نزلن الحريم من فوق ركض....لكن الاسرع العيال...متعب ويزيد وفراس....ووراهم ابو متعب وابو رعد

الكل انصدم......كانت ممدوده على الارض بروب البيت...ومبين الشحوب بوجهها كاملا....وعيونها تحولن لزراق....والادهى عند يدها كانت علبه فارغه تماما....

كان اقواهم يزيد....على طول لبس نظارته...ونزل عندها...قاس الضغط ورفع عيونه لهم ...وبصراخ: واقفين....متعب دق على الاسعاف.......فراس هات الاسعافات الاوليه من شنطتي......وانتم هوونا.....ودخلت بها الوقت جوري حتى شيله مهي لابسه وقعدت تبكي من قلب.....وناظر لها يزيد : طلعي برا.......
فراس دفعها برا وهو طالع: الموقف كان رهيب محد انتبه لحد

يزيد ناظر للدوى وغمم........هذا دوى خطير كيف تخلوة هنا؟؟؟وناظر لامه يما ساعدني اقربها من مصرف المي.....وقام وغسل يده وجاب بربيش ودسه بحلقها....وناظر لامه.....حليب بسرعه....وناظر لخاته اللي يالله مستنده على الكرسي....انشالله بخير خالتي.....وناظر لموضي...بالله قطعي صابون وعطيني ياه....

كل وحده بسرعه تركض تسوي اللي قاله لهن...
شوي هي ومع البربيش بدت ترجع.....وتستفرغ.....وهو يساندها عشان تستفرغ كل السم اللي بلعته....وهو في داخله مستغرب ليش تحاول تنتحر؟؟؟؟
جابت امه الحليب...وشربها ياه.....ورجع البربيش مره ثانيه...ورجعت تستفرغ شي لونه اصفر...وشوي بدت قطع من الحبوب اللي كان لونها وردي تظهر.....وارتاح يوم شافهن....وناظر لخالته:انشالله انا استرجعناها....
هنا قعدت تبكي ام رعد من الخوف....كانت حتى الصياح ماتدري اشلون...

وشوي بدت تستفرغ مره ثانيه على دخله الاسعاف...قام يزيد يعطيهم مجال....وناظروا له....فبلغهم انه طبيب امتياز....فناظروا لانه فعلا انقذها خلاص....بس عمليه تنظيف لبقايا الاثار...غسل وبدل وطلع معاهم بالاسعاف....حطوا لها مغذي وبدت كانها نايمه...وهنا بدى يتأملها....كانت ملامحها ناعمه مرة....وتذكر امه يوم تمدحها له وشلون قلبه يرف يوم شافها لمى زارها بالمستشفى.......لكن قطع خيالاته انين خافت منها...

تقرب منها: هلا....لاتخافي انتي الحين بخير...
عهود وهي لسى ماوعت: مابي....ارجوكم...
تخيل انها تحلم: لاتخافي...محد عندك بيأذيك...
غممت كلام مهو مفهوم...واخيرسمع: ماريد اتزوج...كانت من بين الكلام ....بس فهمها...
انصدم....وظل شوي مهو مصدق: محد راح يغصبك على الزواج...لاتخافي...
كانت لسى بغيبوبتها وماتدري هي من تكلم اصلا...: امي...لا....مابي...ارجوك....محد فاهمني....
يزيد حاول يستدرجها بيعرف سبب خوفها: ليش محد فاهمك...اتكلمي انا افهمك...
عهود بخوف: محد فاهمني...انا...انا....كانت بتكلم...لكن الباب انفتح وبين انهم وصلوا المستشفى وبسرعه حملوها داخل....وسوو لها عمليه غسيل معده...ووصلوا اهلهم ماعدا امها وجوري ...

ابو متعب من وصل: ها ولدي....ويش صار؟؟
يزيد وهو بفرك جبهته: انشالله خير ....انتظر الطبيب....ويناظر لابو رعد: هي عمرها سوت كذا قبل؟؟
ابو رعد طالعه بغرابه: ابدا...وربي ايمانها قوي وماتهتز بسهوله....وش الشي القوي اللي خلاها تيأس من الحياه كذا...
فراس: فعلا غريب....
ناظرت فيهم فوزيه بخوف وتكلم نفسها....معقوله سمعت حديثنا انا وامها؟؟؟معقوله رافضه انها تزوج؟؟؟؟الله يستر بس....

طلع الدكتور...ناظر له ابو رعد: ها بشر يادكتور..
الدكتور: انت الوالد؟؟
ابو عد: أي نعم...
الدكتور: بخير وعافيه هي...لقينا كميه قليله من الحبوب باقيه بمعدتها...وناظر حوله...من اللي سوى لها عمليه الاستفراغ...
متعب: هذا يادكتور وهو دكتور امتياز...
الدكتور يناظر...يعطيك العافيه...فعلا انقذتها يعني لو دقايق بس تأخرت كانت ضاعت منا
ارتجف ابو رعد يوم سمع هالكلام...وتوترت كل عضلاته...
يزيد: هذا اقل شي نقدمه....
الدكتور: لوسمحت اخوي(يقصد ابو رعد)تفضل معي المكتب شوي...
ابو رعد خاف مررره....
ودخل ور ى الطبيب
جلس الدكتور على المكتب وبدون انتظار سأله ابو رعد: خير يادكتور؟؟
الدكتور: انت عرفت ان بنتك حاولت تنتحر...وهذا يأس من الحياه بشكل تام....ولو سمحت تخبرني ايش السبب القوي اللي خلاها تسوي كذا؟؟؟
ابو رعد كان اغرب من الدكتور: والله مادري يادكتور...انا ماسويت لها شي ...حتى امها عمرها مازعلتها بشي...هي وحيدتنا وانا وامها مالنا بنات غيرها ابد ...كنا ندللها ولانعز عنها شي...وحتى ايمانها قوي...مهو أي شي يهزها...انا فعلا مستغرب من اللي سوته...
الدكتور: عجيب...بالتأكيد شي كبير خلاها تقدم على هالفعله....الاكيد انها ماراح تقول لكم...وقعد يكتب كلام على ورقه...اتفضل اخوي...حولتها للاختصاصي النفسي...
ابو رعد متفاجئ:النفسي ....ليش....بنتي مافيها شي...
الدكتور يطمنه: لاتخاف ...هو يحاول يزيل اثار الصدمه عنها...واذا قالت السبب اللي خلاها تحاول تنتحر ....صدقني بترتاح..
ابو رعد :بس....
الدكتور: اسف هي من تفيق من المخدر بتراجع عند الطبيب النفسي وهو يحدد متى تطلع من هنا...
ابو رعد باستسلام: انشالله....

وطلع من عنده....لقى بنته موضوعه بغرفه ثانيه وبدت تفيق من البنج

**مزمز** · 29-09-2013, 02:43 PM

رد: رواية مسموح يا من ملكت الروح

في بيت ابو عماد...

سعاد كانت في غرفتها لسى...ودخلت عليها امها
الام: ها وشلون بنتي اليوم؟؟؟
سعاد تناظر: توك طالعه ماكملتي نص ساعه...
الام بابتسامه: من خوفي عليك والله...
سعاد تناظر بابتسامه باهته: الله يخليك لي...مادري من غيرك ايش كنت باسوي؟؟
الام: بس تطيح بفريق كره قدم مايرحم ههههههه
سعاد بادلتها الابتسام....وهنا دق التلفون...
الام تناظر لها...مين؟؟
سعاد ناظرت لامها نظره عرفت منها انه هشام...
سعاد: ألوووو
هشام ناظر بالتلفون ليكون داق غلط بالعاده يدق لين يوقف محد يرد.................
سعاد: هلا هشام....
هشام...أنا اكيد بحلم مو بعلم...نادتني باسمي بعد...يازينه على لسانها عمره ماقالته: ه ه........هلا......
سعاد سكتت وناظرت لامها ....امها ابتسمت وطلعت وسكرت الباب وراها......بالحظه تجمعن دموع بعين سعاد...
هشام مرتبك مايدري ايش يقول لها: سلامتك...قالوا لي انك تعبانه اليوم....
سعاد:...............
هشام ....يافرحه ماتمت:سعاد...حبيبتي ليش ماتردي...
ارتجفت مره ثانيه من كلمته ودمعت اكثر...
هالمره سمع صوتها: سعاد.....أنتي تبكي؟؟؟؟
سعاد من ورى دموعها وصوتها باين فيه البكي: لا.....مافي شي....بس رجعت تنحب وصوتها اعلى...
هشام بصوت عالي وخوف كبير: مين اللي زعلك....مين اللي بكاك.....انا جايك داحينا...
سعاد: لا....وين تجي...صدقني محد زعلني...انا بس شوي متضايقه....
هشام برقه: وايه اللي مضايقكك.....انا هنا عشان اسمع لك...واشد عليك....ولا ليش اسمي خطيبك؟؟
سعاد تضايقت...مو قادره تقبله: انا مافيني شي صدقني...يمكن لان امي تبغى تقعد كمان اسبوع وانا اشتقت لبيتنا...
هشام برقه : ياحبيبتي بيتكم حلو وعشتي سنينك كولها فيه....بس كمان الانسان يحب يتعود على اماكن تانيه ويتقبل حياته هناك كمانا....
سعاد وكأنها بدات تهدى :ايش تقصد؟؟؟
هشام بضحكه: انشالله لما ربنا يكتب...بنسكن بفيله ابويا....وعشان كدا اقولك لازم تتعودي...
سعاد نست نفسها: وين؟؟؟
هشام: ببيتنا اللي بالسفارات.....
سعاد: ومن قالك اني ابغى اسكن هناك؟؟؟
هشام خاف حس انها رجعت لحركاتها: أجل ايا مكان تحوبيه نروح له طوالي....
سعاد: انا مابغى الابيتنا...
هشام: هههههههههههه
سعاد زعلت: وليش الضحك بالله؟؟
هشام: مادري...مين البيبي اللي مابدو يفارق أمه؟؟؟
سعاد: والله ...الحين انا بيبي؟؟
هشام: مادري...أسألي نفسك....
سعاد: هشام
هشام ذاب: يابعدو....يابعد اهلو واللي خلفو كمانا....
سعاد استحت من الخاطر...هذا ايش يهذر ويقول:..............
هشام:سعوده.........سعاد؟؟
سعاد: نعم؟؟؟
هشام: مو كأنك هديتي خلص.....
سعاد انتبهت لحالها...فعلا انا هديت:شكرا....
هشام: عادي اتصلي باي وقت تلقيني بالخدمه....
سعاد غيرت الدفه تماما: انت متى تخلص الجامعه؟؟؟
هشام اتفاجأ: انشالله بعد كم شهر...انا درست صيفي عشان كدا حاخلص قبل ماجد...
سعاد سكتت...هذا ليش مايقول مع السلامه؟؟؟؟؟
هشام سمع صوت الاذان: يلا حبيبتي...توصي شي...ابي اروح المسجد...
سعاد اتنهدت: لا سلامتك.....مع السلامه....وقفلت قبل ماتنتظر رده...
اووووووووووف.............كيف باستحمله ذا؟؟؟؟؟؟؟؟؟
اما هشام فما مصدق نفسه....بسرعه ارسل لها

لوجمعتي عطفي وشوقي ولهفتي ودقة خفوقي ..

يطلع الناتج أحبك ..

أحبك ماكذبت وربي فوقي ..

من أشوفك طار عقلي واختلف لوني وشكلي ..

ياحبيبتي وريحة اهلي وناظري وسمعي و ذوقي ..

سعاد فتحت المسج وناظرت له:والله رايق....وابتسمت بخبث....ماجد ماقال ارد على رسايله هههههههه
وفعلا طنشته....

يوم طلع من المسجد فتح الجوال ولا مالقى لا مكالمات ولا رسايل تنهد بس قال ما أيأس...

ارسل لها مسج ثاني

طيبك يكفي يابعد قلب مغليك

أصلا وجودك في حياتي مكفي

ليت العمر يهدى ترى عمري أهديك

ولحظاتي الحلوه وباقي سنيني

تطمن حبيبي انا ماني مخليك

لين قلبي النابض أحسه مطفي

خذ الوعد مني بحبي أغطيك

وعدي إذا قلته تراني موفي

ووصلها المسج وفتحته

لاوالله هذا رايق وفايق وانا مو فاضيه له.....قامت قفلت جوالها....

هو ارسل مسج ثاني بس ماوصله تقرير بالوصول....قام اتصل....تخيلوا شكله لمى شافه مغلق....تكدر من الخاطر وحزن اكثر من حزنه الماضي.....

في المستشفى...

الشوق اول مادرت برجوع عهود للمستشفى راحت لها على طول...
الشوق وهي تدق الباب: انا الشوق ...أدخل؟؟
عهود بصوت تعبان: تفضلي...
الشوق: السلام عليكم...ياي ايش فيك وجهك كذا ونزلت عليها تحضنها...
عهود ترفع حالها بالقوة: الحمدلله جت سليمه...
الشوق ناظرت للروزنامه اللي ف طرف السرير ....وشهقت ايش هذا.؟؟
عهود استحت ونزلت راسها....
الشوق جلست جنبها: ليش حبيبتي...ليش بغيتي تضيعين دنياك واخرتك؟؟؟ماتوقعتك بهالضعف حبيبتي...
عهود: الله يخليك اللي فيني كافيني...وجلست تصيح...وقامت الشوق ورفعت نقابها ولوت عليها وقعدت تحضنها اكثر واكثر...وهي تقرأ عليها الكرسي وخواتيم البقره والمعوذات عشان تهدى....وظلت حوالي ثلث ساعه تهديها...بعدين قامت للحمام وجابت طشت مخصص للمرضى عشان يغتسلون فيه وعبته مي وقربته لعهود مع البشكير عشان تغسل وجهها وتحاول تهدى....
الشوق: خلاص حبيبتي....صدقيني مافي شي يستاهل بالدنيا هالسواه....سمي بالرحمن...وتوبي واصدقي التوبه لربك الباري....لعله يغفر ذنبك...
الشوق قصدت محاولتها الانتحار بينما هي راحت للذنب الكبير اللي جرها لمحاوله الانتحار.....
عهود فكرت شوي....صحيح اذا الله فوق سماوته قبل توبه العبد...ليس المجتمع والناس مايقبلها...ليه الظلم يتجمع على البنت وينتشر بينما الولد ولا كأنه مذنب ومخطئ....مع انهم دايما يكونون السبب في هالمصائب...
الشوق ظلت تناديها وأخيرا انتبهت:هلا...
الشوق: وين سرحتي ها؟؟
عهود: مو بعيد وابتسمت...
الشوق: الحمدلله فيها ابتسام...زين هههههههه
عهود: متى بيخرجوني من هنا؟؟؟
الشوق تطالع الروزنامه....العصر تقابلين الاختصاصي النفسي وانشالله هو يحدد خروجك...
عهود شهقت: اختصاصي نفسي؟؟
الشوق بابتسامه تهدئه: لاتخافي...اختصاصي...يعني مهو سفاح...واذا كنتي تكلميه مثل ماتكلميني بيكون خروجك اليوم اكيد...
هدت عهود من كلامها....وابتسمت....
استئذنت منها الشوق عشان تشوف شغلها...ووعدتها انها تزورها العصر...قبل ماتروح...

بيت ابو عماد..

جناح الجوهره.....

بعد ماملت من الاتصال عليه وهو لايرد....ارسلت له مسج

يعني لو ماأسال عليك تهدني..

ياأخي أسأل رفيقك ميت حي..

مأجبرك تشتاق لي وتودني..

بس كلمني.. شوفني.. محتاج شي ..

حتى العدو اللي سبق وضرني ..

بين حزه وحزه يشيك علي ..

عماد ناظر الرساله وهو في المقهى بحزن كبير.......عارف انه مقصر....عارف انه مايستحق النعمه اللي عنده....لكن في شعور اقوى منه يتملكه...يسيطر عليه...يقوله بعد عنهم...اذا حبيتهم بتفارقهم مثل اخوك حبيبك....كان يشعر لو شاف بناته انه غير يحبهن وهذا الشي اللي مايبغاه....ووده يخلي مرته تكرهه عشان اذا افتقدوة....او مات عنهم ينسوة بسهوله ومايبكون عليه مثل اخوه....

ومارد....

هي ظلت نص ساعه تتنظر مسجه....اخيرا يئست ...رمت حالها على السرير وقعدت تصيح ماحست الا بصياح وحده من التوم قامت لها ودموعها ماليات خدها....ياربي حرام عليه وربي حرام....انا زوجته ومحتاجه له....وبفتره حرجه وعياله لازم يشوفهم ليش يسوي فينا كذا ليش؟؟؟

واتصلت على امها...
الام: هلا والله...
الجوهره بصياح: لحقي على يما.......والله احس اني باموت...
الام انخرعت بنتي وراها: يما....علامك....سمي بالرحمن الغاليه...
الجوهره: يما عماد....لحقي عليا
الام حست ان عماد صارت له مصيبه: علامه؟؟؟؟؟؟
الجوهره: يما ناسينا مررررره.......ماتقول له بيت ولا تقول له عيال....وربي من العزى ماشفته نهائيا حتى ملابسه يودوهن له بالمجلس....
الام ارتاحت شوي انه مو مسوي حوادث: الحمدلله....يابنتي...ابا اقولك شي ومابي اعيده.....المرة في بيت رجلها...درة ومصانه....ومايجوز تطلع اسرار بيتها مهما كان....والصبر زين....الحين هو في صدمه من وفاه اخوة....وخليه على راحته....لاتضغطي عليه...ولاتشتكي منه...اذا جا البيت اطلعي له تحت....حاولي تكلميه...ولاتدقي على جواله كثير ترى هذا يضايقه مره....ونزلي عياله له...وحاولي تخليه يشوفهم....ولاتخليه يتضايق منك ويتململ...الرجال وده المرة الريحه اللي ماتثقل راسه بالشكوى والهواجس....وترى التشكي عند الاهل مهو زين.....كانت امها عاقله وكلماتها يوزنن بالذهب....
الجوهره صخت على الاخر توقعت امها تجاريها بالكلام....لكن تفاجأت بالعكس تماما...:يما....مشكوره على النصيحه....مع السلامه....
بعد ماقفلت من امها ظلت وقت عشان تستوعب كلم امها وبعدين بدلت وتحجبت ونزلت تحت....ومعاها التوم....

في المستشفى
الساعه اربع...

خلصت الشوق دوامها....وراحت لعهود...
الشوق وهي تنزل عباتها وملازمها على طرف السرير: اشلون عهودتنا اليوم؟؟؟ها
عهود بابتسامه: الحمدلله....انتي وشلونك؟؟
الشوق: الحمدلله بس شوفي....ورفعت نقابها...كان على خدها اليسار احمرار قوي مره.....وكأنه ندبه
عهود بشهقه: أيش هذا؟؟
الشوق بضحكه: هذي ندبه انا فركتها زود اليوم فورمت وصارت كذا....
عهود: بس شكلها رهيب مرررررره.......
الشوق:ههههههه...كأن احد كافخني صح؟؟
عهود: وكأنك عليك كريم زايل هههههههه
الشوق تناظر للمرايه اللي جنب السرير والله....
عهود:هههههههههههههه
الشوق: والله....اثار الكريم بدات تروح لازم اغسل وجهي....ودخلت الحمام عشان تغسل وجهها...

عهود بدخله الشوق الحمام سمعت دق...:اتفضل...
دخل ابوها..السلام عليكم....وكان معاه علبه شوكلاه...حطها على الطاوله....تغطي يابنتي...وبسرعه عدلت جلستها وتغطت....
عهود تذكرت الشوق وبصوت عالي: الشوووووق....خلك مكانك خلاص...انحبسي....هههههههه
ابو عهود ناظر: الشوق هنا....زين نبهتيها....
وفتح الباب....حياكم...ودخلوا عليها عمها والعيال...ظلن الحريم برا ينتظرن خروج الرجال...غير امها اللي ماتطلع من البيت الا بعد التمايم.....
الشوق .كان خرير المي مايخليها تسمع اللي برى...فغسلت....وبالمحارم جففت وجهها وظلت تناظر لنفسها صح مكان الحبه غلط.....جاي زي الشامه.....عدلت منديلها ونقابها....شعور خفي خلاها تنزله على وجهها.....وطلعت برا

وكانت المفاجأه....

في بيت ابو عماد

كانت هايدي قاعده بغرفتها تفكر شوي....تذكرت انها مافتحت النت من اسبوعين وان عندها شغل لازم تسلمه خلال ايام....فتحت النت.....وانبهرت يوم شافت اكثر المنتدى يسأل عنها....وان صديقتها بالمنتدى اللي تكلمها ع التلفون خبرت عن وفاه اخوها....وكانوا عاملين عزى لها....صح ان كل اصدقائها غير معروفين لها لكن حست انها معاهم في بيتها فعلا....التكاتف والتالف اللي حاصل بينهم خلاها تفرح وتبكي من ورى دموعها...صدق الله حرمها من اخوات لكن اخواتها هنا كثار مرررررة....

قعدت حوال الساعه ترد على التعازي....وبعدين شافت طلبات الاعمال....وخلصتها وافقت على البعض ورفضت البعض.....وظلت تخلص باقي الشغل....كانت حوالي الساعه 8 المغرب دخلت يوم رفعت راسها كانت الساعه 11 بالليل....فعلا انصدمت يوم نست حالها كل هذا الوقت ....خلصت الباقي بسرعه وراحت تصلي....

نزلت تحت عند عمتها وكانت هذي اول مره تنزل كذا....كانت عمتها بالمغلط تكلم عيالها قبل مايناموا ويوم دخلت ....فرحت من الخاطر
ام سعود بصوت عالي: هلا والله...بغناتي...تو مانور البيت بشوفتك يالغاليه...الحمدلله اللي فرحتيني بهالنزله يابنتي...
هايدي بعد هالكلام على طول راحت حبت راس عمتها وابتسمت لها...
عمتها ماتحملت قعدت تبكي...
هايدي: ليش البكي الحين عمتي؟؟؟ليش؟؟؟
ام سعود: فرحانه فيكي انك نزلتي...وانك تكلمتي معي...وانك رجعتي الاوليه...
هايدي: كل شي مقدر ومكتوب عمتي....الله كاتب اني انزل اليوم مو امس او بكره....
ضحكت لها عمتها: تعشيتي؟؟
هايدي لوت بوزها: انتم تعشيتوا؟؟
عمتها ابتسمت: انتظرك...كأني حاسه...
هايدي: يلا نجهز لنا عشى....
وراحن للمطبخ........

فيه واحد كان مندس تحت الفراش........يحسبونه نايم بس هو يتشقق من الوناسه يوم سمع كلامها وضحكها.........

**مزمز** · 29-09-2013, 04:08 PM

رد: رواية مسموح يا من ملكت الروح

الجزء الثامن والثلاثون

نرجع للمستشفى

قبل ماتخرج الشوق بشوي....
ابو متعب: ماتشوفين شر يالغاليه....وراك من جينا وانتي عاشقه المستشفيات؟؟؟
عهود بتعب: الشر مايجيك.....مهو بيدي عمي...غصبن عني...
متعب: لالا.....انتي اكيد تختبري غلاتك عندنا صح؟؟؟هههههههه
ابو رعد: صح...ههههههه
فراس شاف الدفتر وخذه يفتحه....وكان متعب جنبه يناظر....على طول من شاف شكله عرف انه للشوق...قال يمكن ناسيته....اول صفحه كان مكتوب اسمها ورقم مكتبها وتلفون المكتب لو يضيع.....وقلب فراس على اخر صفحه ولا مكتوب كلام من بينه اشعار منها...

وها أنا....

على مقعدي الوثير....

امام مدفأه جميله...

لاينقصني شي..

لا لا...ينقصني...

لماذا لاتقولي الحقيقه؟؟

لماذا هذا المكر والخديعه؟؟

احببته؟؟؟

اه....يامر السؤال...

واه ...يامر الاجابه..

لماذا؟؟أهو كبريائك؟؟

اهو إحساسك؟؟

ليس لك ذنب..

فقلبك هو من اشأر...

على ذلك الخيار...

هو...من كل سكان الارض؟؟

ولماذا؟؟أنا تحديدا؟؟

سؤال...عجزت ان اجد له جواب...

تأليف (س السعوديه اندي)

مذيله على الروزنامه بتاريخ 16/11بالتارخ الهجري

يعني قبل شهر تقريبا...

ماخلص قرايته الا وقال....تحب.........وهيمانه بعد......
بها اللحظه دخلت الشوق اول ماشافت كم الرجال اللي واقفين اللي اكثرهم لابس ملون من البرد شهقت....
التفتوا كلهم ا.......
كانت بنص هدومها واللي زاد انها كانت لابسه بلوزه شتوي بني غامق(لانهم بحاله عزى لسى...محدده جسمها ومخليتها دبودبه وخيال....على تنورة لونها افتح بشوي من البلوزة وهي ماكانت تهتم بالبلوزه لنها تلبس روب المستشفى عليه فيسترها....لكن كذا كانت واقفه بدون شي....واللي زاد لمعت السواره البني بيدها....خلى الكل يطلع عليها.....

اول المنتبهين ابو رعد اللي لف وتنحنح....ابو متعب لحقه...فراس ...يزيد ........مين اللي ظل على تنحه؟؟؟؟؟؟؟
رفعت راسها متعجبه من جرائته....لين هزة اخوة فراس وانتبه ورجع ورى...

عهود: أنا اسفه الشوق ...عبالي سمعتي صوتي يوم قلت لك لاتجي...
الشوق: السلام عليكم اول...
الكل: وعليكم السلام...
الشوق: ثانيا ماسمعت صوتك ولا ماطلعت....اخذ ابو رعد عباتها وناولها ياه...اسف يابنتي...متعبينك ومضايقينك بعد...
الشوق اخذت عباتها لاضيق ولا شي....وناظرت لدفترها اللي لسى بيد متعب...:لو سمحت..
متعب ناظر: هه....أيه تفضلي...اسفين على التطفل...ناظرت له بعين حاره وطلعت....
متعب...وي وي...أيش هذا...عليها عيون...ماشالله تبارك الله لا انظلها الحين.....وظل ساهم ...ماسمع شي من اللي يقولوة...

ظلت الشوق تمشي وهي متوتره حدها....وعلى مابغت تطلع مع الباب كان السواق ينتظرها والخدامه كأنها لمحت طيف مهو غريب عنها.....رجعت شوي شوي للباب اللي مرت منه....وبحذر شافت ماجد؟؟؟؟؟؟؟

الشوق: غريب هذا ايش عنده جاي هنا؟؟؟لايكون مريض....لا الله لايقولها....جعله فيني ولافيه....هيه انتي انهبلتي...وش ذا الكلام؟؟وبيأس و بصوت داخلي من اعماقها......ليش تكذبي على نفسك...اعترفي لها خلاص....
كانت تكلم حالها ماتدري عن اللي يسلم عليها....شوي بدت ترفع بصرها
الشوق: ها؟؟؟؟؟؟
ماجد: سلامتك....ماشفتي سعاد؟؟
الشوق: هلا...لا ....مدري كيف...
ماجد ابتسم عرف انها ماسمعت ولاكلمه......والله اعلم باللي شاغله: اللي ماخذ عقلك...يتهنا به...
الشوق...ياريت...وبعدين ظلت تناظر بالغرفه تدور شي تحجج به شافت عنود: ايه...بغيت عنود قبل مامشي...تامر شي؟؟
ماجد: لا منتي معاي ابد...كنت اسأل سعاد ماخلصت؟؟؟لانها دخلت عند الطبيبه ولا طلعت...
الشوق: لا سلامتها...ايش فيها؟؟
ماجد: لا ماشي...بس صداع فضيع...وماعرفت سببه...
الشوق الحين اشوفها لك...وقبل ماتدخل كانت سعاد طالعه ومعاها وصفه....
ماجد: عطيني الوصفه...وروحي للسياره...
سعاد :انشالله....
الشوق بعد مامشى ماجد: سلامتك سعاد...عسى ماشر؟؟
سعاد: مادري...معي صداع فضيع....
الشوق: مالوم من كثر التفكير....
سعاد بغرابه: ويش دراك؟؟؟
الشوق: عيب ياماما...حنا خبره...
سعاد: ايه وربي ذبحني التفكير...
الشوق: وكليها على ربك....وصدقيني بتهون...
سعاد : انشالله....
جاهم ماجد وهم واقفين...وعصب عليها...:بعدك واقفه...
سعاد: انشالله...وتناظر للشوق...اشوفك قريب انشالله...
الشوق: اكيد...
وراحت سعاد والشوق مشت بالجهه العكسيه...ماحست الا باليد اللي مسكتها...ناظرت بغرابه
رفع ماجد يديه لحد كتوفه كأنه يعتذر عن مسكها: بس بغيت اقولك اسف عن هذاك اليوم....وربي مادريت انك عندنا...ولا اخذت احتياطاتي.....(هو قصد يتنحنح ولا يدق الباب ولا يصوت عل الاقل....)
الشوق...(لها الدرجه كرهني...ماهقيتها منك ياماجد): وناظرت له بالم ....ومشت...
ماجد :ايش فيها زعلت...معقوله لها الدرجه زعلانه علي...حتى حصل خير ماقالتها....أفا
الشوق( فسرتها انه من كثر ماخلاص كرها بعد ماعرف انها بتزوج غيره ماكان راح يدخل البيت لودرى انها فيه)
وماجد( توقع انها زعلت زعله قويه على دخلته عليها وهي باللبس والشكل ذاك)

وكان كل واحد يفسر الامور على هواه...مايدري انها العكس.....

رواية مسموح يا من ملكت الروح (كاملة)

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget