رواية مسموح يا من ملكت الروح (كاملة)

**نبض الوفا** · 29-07-2011, 10:01 PM

رد: رواية مسموح يا من ملكت الروح

سعود يناظر : أنت اللي بنتك هنا الحين؟؟؟؟؟
ابو عهود عصب: ايش عملت فيها ياحيوان........وقام........
هنا قدر شعوره سعود ومسكه: يارجال بدال ماتشكريني اللي منقذ بنتك جاي تهجم علي .............هنا جت كارتيني
شافت ابو عهود ماسك سعود من صدره: بابا............هازا رجال واجد كويس...........هازا فيه ساعد ماما ئهود هي في مريز كثير............
ابوعهود يناظر في كارتيني: ليش ماما عهود هنا ها؟؟؟؟؟؟؟؟؟
كارتيني: هازا ماما ئهو د واقف.........بعدين في كوب طيح كسر.........بعدين فيه هي طيح على هازا كوب كازا............وتأشر بيدها كيف انها واقفه وبعدين بطريقه عاموديه طاحت...........أنا فيه نادي ماما مافي رد في اصرخ هيلب..........فيه هازا ساعد انا........في جيب هنا...........بابا هازا فيه واجد كويس...........وتقرب وتصاصر ابو عهود بشويه كلام ...........قعد هو يناظر لسعود اللي مايدري ايش يقولو.........
ابو عهود: صحيح؟؟؟؟؟؟؟
كارتيني: ايوا بابا.............بليس بابا مافي ازرب هازا كويس
ابو عهود خلاص كان نزل يدينه عن سعود.........وصار وجهه متلون الف لون ولون: السموحه بناخي............المرة تبي تولد والبنت ماترد على التلفون كنت بانجن..........واشوف الخدامه الخبله تهذرب وتأشر عليك وتقول عهود كان براسي برج وطار..........سامحني وانا خالك.........
سعود: مسموح ياخالي وماسار غير الخير...........وحنا كلنا نمر بظروف رب العالمين هو العالم فيها...........وظل واقف عنده من جهه يبغى يتطمن على عهود ومن جهه ...........خايف على الرجال المسكين فعلا اعصابه منهاره.............وكان يفكر ايش قالت له الخدامه خلت نظرته لسعود كذا ؟؟؟؟؟؟؟؟
جى هشام
هشام : سعود انت هنا؟؟؟؟؟؟؟
سعود ناظر لهشام بنفس الغرابه: وانت هنا؟؟؟؟؟؟؟؟؟
هشام: عسى ماشر حد من الاهل مريض شي؟؟؟؟؟
سعود :لا والله محد مريض الحمدلله.......انت حد من اهلك مريض شي؟؟؟؟؟؟؟
هشام : انا بعد لا لعاد ليش جاي؟؟؟؟؟
هنا ابتسم ابو عهود: كلكم جايين عشانا ........والله مادري كيف اجازيكم ياعيال.......فعلا الدنيا لسى بخير.......
سعود ناظر لهشام لانه مهو فاهم وهشام نفس النظره بس شغلهم طلعه الممرضه
الممرضه: وين ابو عهود؟؟؟؟؟؟؟
ابو عهود: ها خير؟؟؟؟؟؟؟
الممرضه : مبروك........جالك ولد وامه بخير وعافيه.......
ابو عهود ماهو مصدق ماكملت ساعه داخل.......أيش؟؟؟؟؟
الممرضه : لاتستغرب كانت في اخر مراحل الولاده والحمدلله الله سهلها........الحين نطلعها.......
هشام وسعود: مبروك.مبروك ابو ........الا صح ويش ناوي تسميه؟؟؟؟؟؟؟
ابو عهود يناظر لهم: والله لو هم ولدين كان سميت كل واحد منكم.......
سعود: لا دخيلك حط له اسم حلو...........
وهنا سمعوا صوت الرعد برى قوووووووي
ناظر لهم ............خلاص ربه سماه
هشام: ها...........أيش؟؟؟؟؟؟؟؟؟
سعود: أنا عرفته ويبتسم.............
هشام يبغى ينفجر: أيش؟؟؟؟؟؟؟؟؟؟
سعود: رعد صح؟؟؟؟؟؟
هشام يناظر لابو عهود.......وهو يبتسم عرف انهم سموه رعد
هشام: مبرروووووووووك ابو رعد.........يتربى في عزك انشالله...........

**نبض الوفا** · 29-07-2011, 10:01 PM

رد: رواية مسموح يا من ملكت الروح

كان وقع الكلمه على ابو رعد قويه من زمان وهو يتسمى باسم وحيدته والحين تغير لاسم ثاني...........مشاعره متضاربه مره..........كان يتمنى العيال (الشباب)مهم عنده كان يبغى يبكي.....
وشوي تطلع عربه فيها ام عهود وكانت شبه نايمه والعيال بعدو شوي........ابو عهود مالحقها
سعود: خير ياعمي وراك مارحت معاهم؟؟؟؟
ابو رعد خلاص سميناه ابو رعد: وبنتي اللي جوى ماقدر اخليها.......
هشام: خليك ياعمي مع زوجتك ......احنا حننتبه لها واذا خرجوها نقولك........
سعود ساكت مايدري ايش يقول ......لازم يروح لهله لان عندهم عزى
ابو رعد: يعطيك العافيه سعود ماقصرت..........والله اني تعبتك وانت لحالك تعبان
سعود منحرج: والله ياعمي هذا الواجب.......وانا وربي لو ماهالعزا كان ظليت واقف وماتحركت
هشام: ياعمي ايش بك انا هنا عندك مافيها شي.........
وهنا طلعت الشوق وهي شايله البيبي.....
هشام: الله حليوة وصغيرون....شوفوا يديه كتاكيت........ولا راسو حلو واسود...
الشوق اللي كانت شايلته وناولته لابوة اللي قال لايابنتي من سنين طويله ماشلتوا ههههههههههه
الشوق: ماعليك ياعمي راح تعود عليه وتطفش منه بعد
ابو رعد: مستحيل يابنتي سنين طويله وانا انتظره هههههههههههه
الشوق: هاللي خلاك ماتزوج على امه وشو ها............اتحداك تجاوب
ابو رعد ناظر تحت واستحى مع انه كبير ......
شوق سكتت وناظرت له........(معقوله يحبها كل هالحب)حليلك عمي سامحني
ابو رعد :انتي ماقصرتي معي.........ويقرب لها .....الحب بلوى وانا عمك......
ضحكو مع بعض
ابو رعد يناظر للي وراه شوي :هشام ......سعود ورا ماتقربوا تسلمو على الضيف الجديد........
اخذه سعود وهو يسمي واذن باذنه اليمين وقوم باذنه اليسار.......
ابو رعد: ماشالله عليك اتذكرت .......انا ابوة نسيت.....
الشوق من شافت سعود عرفته: كيف حالك ياسعود.....
سعود ناظر لها لانه ماعرفها ........
الشوق: عظم الله اجركم ياخوي......
هنا عرفها: اجرنا واجرك اختي.....
ناظر لهم :يالله اسمحوا لي لازم اروح.ومشى عنهم لكن تفكيره شاله لهم بدون مايشعر
الشوق دخلت على ام رعد ومعاها البيبي كانت ام رعد لسى تعبانه........حطته عند جنبها يوم شافت ابوة دخل استحت وطلعت برا......
على طلعتها كان سعود يبغى يروح.........تناظر له
الشوق: سعود.......
سعود: هلا....
الشوق: خير ياخوي هاللي جابك عسى ماشر؟؟؟؟؟
سعود كان عارف انها مهي داريه عن عهود.........وخبرها السالفه........
الشوق: ياحرام........والله ماتستاهل...زوحليلها امها ماتدري مسكينه.......
سعود كأنه سرحان
الشوق: سعووووووووود؟؟؟؟؟؟
سعود: هلا.....
الشوق: عسى ماشر اخوي......
سعود : الشوق بغيت اسألك سؤال اذا ماتفهميني غلط ولو انه مهو وقته الحين.
الشوق: أفا والله........أسال اخوي.......
سعود متردد: ه.........هذي.........عهود ........حضرت ملكه اختك الجوهره؟؟؟؟؟
الشوق فعلا تفاجأت بالسؤال: ظلت شوي تفكر بعدين ردت......أيه جت....
سعود بحماس: وكيف كانت لابسه؟؟؟؟؟؟
الشوق معقوله سعود الحياوي يسأل؟؟:والله ماني متذكره
سعود يقطع عليها: لابسه هندي صح؟؟؟؟؟؟
الشوق فتحت عيونها على كبرهن: ويش دراك؟؟؟؟؟
سعود استحى حده وافتشل ايش تقول عني الحين: لا بس........بس محمد اخوك شافها وهي مروحه وقالي هنديه هذي وانا شفتها ركبت مع ابوها فعرفت انها بنته ...........بس..........
الشوق عرفت انه يكذب لانهم روحو بتكسي هذيك الليه: صادق اخوي كانت لابسه هندي.....
هو سكت وهي سكتت.......واستاذن وروح........وهي ظلت واقفه برا.........

**نبض الوفا** · 29-07-2011, 10:02 PM

رد: رواية مسموح يا من ملكت الروح

وظلت شوي واقفه عند الباب لين اختفى.........وشوي بتروح تشوف عهود اللي ماطلعت من غرفه العمليات بعدها.......وهي تمشي على زاويه صدمت برجال هو كمان مستعجل
.......:اووووة سامحيني ياختي انا اسف.....
الشوق: مسموح اخوي.......وتناظر .....انت اللي مع سعود؟؟؟
هشام: ايوة انا هو انتي اللي مع ابو رعد صح؟؟
الشوق: أي نعم
هشام: اختي خرجوها وودها غرفه العنايه ومادري ايش اسوي؟؟
الشوق: خلاص انا اروح لها وانت خبر ابوها عن الغرفه

وكل واحد راح في جهه....

في بيت ابو سعود الساعه 8 المغرب

هايدي كانت غارقه باحزانها.........ماعندها ام تبكي بحضنها......ولا اخت تشكي لها........ومرت اخوها تعبانه والناس كلهم مشغولين.........ابوها ماشافته من الصبح واخوها بعد ......يعني حالها يكسر الخاطر ويصعب على الكافر........حاولت ميري تواسيها لكن مافي فايده........حاولت تشربه ولا حولك احد........المسكينه فعلا حست بفراق امها الكبير بهذي اللحظه........قبل تنسي نفسها بابوها واخوانها الحين واحد ودعته والبقيه نسوها .........كانت تبكي وتسكت......وتبكي وتسكت...........يعني كانت في حال الله لايوريه مسلم.........

ميري سكرت الشبابيك وولعت المكيف بالصاله لان هايدي رفضت تطلع بوحده من الغرف..........سوت حليب دافي لكن وين النفس اللي تشربه.........كانت جالسه على الكنبه وبعدين انسدحت وغطتها ميري ببطانيه من غرفه سعاد.........وظلت تبكي تحت البطانيه وميري تمسح عليها وتقرى قران لانها مسلمه.........

لحد مانامت كيف ماتدري........ناظرت لها ماري واستانست انها نامت........راحت جابت مخده وبطانيه ونامت تحتها........لو بغت شي او شي..........

فيصل كان توة واصل هو ومحمد واحمد لان امه قالت له يروحهم ويعشيهم.......ويخليهم يناموا

دخل محمد وبعدين طلع لهم بسرعه مع ان المطر قوي
فيصل: علامك........وراك رجعت ادخل الدنيا برد..........
محمد: فيه ناس فبيتنا...........
فيصل انخرع ناس لايكونوا حراميه: ناس مين؟؟؟؟
محمد: مادري بس ميري خدامه خالي هنا.........
فيصل ظل قابض على حاله وبسرعه دخل: فيصل .......محمد ..........امش شوف من اللي نايم؟؟
محمد جى ورفع الغطى بشويش ورده وجى لاخوة على روس اصابعه: هذي هايدي..........شكلها نايمه......
فيصل نغزة قلبه مسكينه كيف تقدر تحمل الصدمه؟؟؟؟؟؟؟
ويهمس لاخوانه: خلاوها ترتاح وحنا نطلع فوق........
ومشوا على روس اصابعهم فوق وتركوها
احمد بعد ماجلس على سرير فيصل: انا جيعان............
محمد: وانا كمان......
فيصل : يالهبلشه انتو........الحين اجيب لكم اكل خلكم هنا ولا حركه.......
وطلع لمى وصل الدرج يبغى ينزل فصخ كندرته عشان مايطلع صوت .......ومشى بشويش بدون حتى مايناظر......ووصل المطبخ وابتلش وين الحين الخبز وظل يفتح وشغل الغلايه عشان يسوي حليب لهم..........لقى خبز وجبن وعسل........وخذاهم مع الحليب لهم فوق.......
احمد: ا.............ابي اندووووووووومي.......
محمد بدون صياح: وانا بعد........فيصل يطالعهم وده يذبحهم .....هذا اللي ناقص انا اطبخ....
احمد: ا
فيصل:خلاص الحين........انتو كلو هذا وانا اسوي اندومي لكم....
ورجع ينزل هالمره.......شافها جالسه تصيح وبصمت......قرب يمها يبغى يعزيها لانه ماشافها في يبتهم هناك
فيصل: عظم الله اجركم.....
هايدي وهي تلتفت طالعته بنظره كلها حزن وغشاوة كبيره على عيونها ورجعت تصيح.....ماكانت متغطيه حتى شعرها مو مغطيته......هو من سنه ماشافها ولا لمحها بدون غطى......تفاجأ.....بحزنها الكبير اللي مايفسره كلام ولا سلام.........اتفاجأ....كبرت وصارت بنت وملامحها صارت حلوة مره......تفاجأ.......انها ماردت عليه حتى......
فيصل: اختى استتري.......يبي ينبها.....
هي ولا ردت عليه حتى
قعد يفكر ........تذكر يوم مات اخوة.....كيف ظل معلق بحضن امه ويصيح من قلبه ويفرغ وكيف يوم شاف اخونه قعد يحبهم واحد ورى الثاني ويحضنهم.......عرف مقدار الحزن الكبير اللي عايش فها الصغيره.........وعرف حجم حزنه وعجزة انه مايقدر حتى يواسيها ........
فيصل وهو عارف ان الكلام مايفيد: شدي حيلك هدوووة انشالل.......قطع كلامه نحيبها القوي وقومتها تركض برا..........
فيصل: هايدي..........هايدي استهدي بالله..........وقعد يركض وراها الدنيا عتمه من الظلام والمطر ماعدا ضو اللمبات القوي.........
كانت تركض بتخرج برا وكانت ف بجامتها بعد.........اسرع لها فيصل ومسك يدها وهي عند البوابه لو شوي كانت برا.......
وقفت وهي ماناظرت له حتى وظلت على شكلها متجهه للبوابه وهو وراها وماسك يدها........نحيب قوي جدا منها..........سكوت من جهته.........بدت تناظر له بحزن وهي تلف كامل جسمها له.........وهو وقف ولسى ماسكها.......
فجأه بدون مقدمات ولا شرح.........رمت حالها وبكل قوتها بحضنه وهي تصيح وتنحب..........حتى هو من قوة رميتها رجع للورى شوي.......انصدم.......ماقدر يتحرك ولا يتكلم..........كانت تدفن حالها بصدره كأنها تدور الامان عنده......الكلام ماكان له معنى هذاك الوقت.........قعد يصيح معاها بصمت.......وهي تصيح ويقطع صياحها نحيب وبدت ترفع راسها شوي........كان مثل الجامد مامسح على راسها ولا هدى عليها مايدري ايش يسوي.........وكمان كان يستحي.........
شاف نظرتها اللي كلها حزن وخوف وعتب.......حضنها هو بعد حتى اختلطت دموعهم ببعض........الدنيا مطر قوي........وهو ماهو قادر يقولها ندخل خايف لايتكلم هذيك اللحظه.......
سمعوا صوت من ورى يصيح وينادي
التفتوا اثنينهم .........شافوا احمد ومحمد يصيحوا .........استحى فيصل من الخاطر......وهي سحبت حالها ودخلت داخل.......ورجعت على الكنبه وهي مليانه مي من راسها لين رجولها........
فيصل راح لاخوانه اللي مستغربين شكل هايدي وهي داخله
فيصل: علامكم طالعين برى الدنيا برد........
محمد: ايش فيها هايدي تصيح وترجف........
احمد: ايش فيك انت ترجف كذا وليه عيونك كذا........
ناظر فيصل لحاله: كان ينتفض مثل الورقه الطايره بالهوا........علل لنفسه ان الدنيا مطر ........كان يعرف انه المطر مستحيل يخلي جسمه مثل النار كذا........
احمد: وين الاندومي؟؟؟؟؟؟؟
فيصل ابتسم عشان يخفي الرهبه: انشالله الحين......ودخلوا مع بعض المطبخ
محمد: هيه انت.........البرد بيذبحك غير لبسك وروح للدفايه.......

**نبض الوفا** · 29-07-2011, 10:12 PM

رد: رواية مسموح يا من ملكت الروح

وطلعوا لغرفه سعاد واخذ بيجامه شتويه من غرفتها فيصل واخذ بشكير كبير مرة........ومشط وعطاهم محمد: ودهم لهايدي وقلها تحمم بمي دافي.........وتلبس البيجامه وتروح عند الدفايه.........
محمد اخذ بشكير ثاني ........انشالله
احمد نزل وراه........
هايدي كانت متلحفه بالبطانيه وتصيح بتصرخ بتكلم مافي فايده........
محمد وهو يرفع عنها الغطى: هايدي؟؟؟؟
هايدي عدلت جلستها وهي عيونها وارمه من البكي والشهيق :خير؟؟؟
محمد بابتسامه بريئه يمد عليها اللبس: يقول فيصل تحممي بمي دافي والبسي هذا عشان لاتمرضي مثله.....
هايدي غصب ابتسمت: انشالله........قول له لحد يجيني خلاص.....
محمد لسى يبتسم: خلاص لاتخافي..........اصلا فيصل يستحي صح؟؟؟
هايدي: ايه صح....
وطلع محمد فوق.......
فيصل: ها...........أيش قالت؟؟؟؟؟
محمد: قالت انشالله لانها ماترد طلبي........وناظر لفيصل يعني انه عصبي.......هيه انت قالت لك لاتنزل تحت خلاص........
فيصل ابتسم: انشالله تامر انت...........
احمد قعد يصيح: ا
فيصل : بسم الله ويش فيك انت؟؟؟؟؟؟
احمد: محد راح يسوي لي اندومي؟؟؟؟؟فيصل: خلني اتحمم واغير واجيب لك اللي تبغى.......
دخل فيصل .......وتحمم وطول عشان يخلي احمد ينسى سالفه الاندومي........وبعدين طلع.......
من طلع لقى احمد واقف على راسه ويضحك.......
فيصل كان ينشف راسه........ويوم رفع شاف شكل احمد اللي غصب يضحك.......مع سنه المقلوعه قعد يضحك من الخاطر.........
احمد: يلا نسوي الاندومي؟؟؟؟؟؟
فيصل يلا ........ وظل بالبيجامه الشتوي وشعره على باب الله. وهو قاعد ينشف فيه.....ونزلوووووووووو

ياترى كيف بيكون موقف عهود من وفاه زياد؟؟؟؟؟
وابوها وامها هل راح يعرفون؟؟؟؟؟
سعود ايش رده فعله؟؟
وفيصل وهايدي كيف يخرجوا من دائره الحزن؟؟؟؟

وبقيه ابطال الروايه

نهايه الجزء الرابع والثلاثون

**نبض الوفا** · 30-07-2011, 11:29 PM

رد: رواية مسموح يا من ملكت الروح

الجزء الخامس والثلاثون

فيصل يلا ........ظل بالبيجامه الشتوي وشعره على باب الله وهو قاعد ينشف فيه......ونزلوووووووووو

هايدي دخلت الحمام وقعدت فتره.......وطلعت كانت لابسه البيجامه ووقاعده تنشف بشعرها الناري .........كان تحت كتوفها بشوي مهو طويل........ووجها لون الطاطمه من الصياح وعيونها وارمات وكبار من الصياح والبكي وشفايفها لونهن مايل للورد من الصياح وخشمها الصغيرون صار احمر مثل الدم........

فنفس خروجها كان هذاك ينزل وهو يتكلم على اخوه .........رفعوا عيونهم لبعض.........هي تناظر له وشوي رجعت غشاوة دموعها وبدت تنزل على خدها اللي صاير مثل الجمر من الصياح والدموع.........وهو ناظر تحت وكمل طريقه..........
فيصل: وربي مسكينه هذي كيف خلوها تجي هنا لحالها..........
محمد: ماهي لحالها الخدامه معاها.....
فيصل: امحق خدامه وربي......
محمد دخل المطبخ واعطاه اندومي: يلا سو لنا ولها معانا....صح؟؟؟؟
فيصل: والله انك جبتها صح........اكيد ماكلت شي اليوم........
وقعد يسوي الاندومي وهي راحت للكنبه ولقتها كلها ندى منها قبل شوي........شالات مخدات الكنب كلهم وراحت عند الدفايه.........وتحضنتها وتغطت ببطانيه .........وظلت تبكي وتصيح.....

خلص فيصل الطبخ وحطه باطباق......وعطى واحد احمد وقعده على طاوله الطعام ........وعطى محمد صحن وشوكه وقال وديهم لهايدي.........
محمد:شوي وهو راجع قال مارضت تاكل
فيصل........ناظر له......: خذ شيلتها وخلها على الاقل تحجب عشان اروح لها........
محمد: هي قبل شوي بدون شيله ليه الحين؟؟؟؟؟؟
فيصل استحى من كلام اخوه: خذها وودها لها ومالك خص بالباقي......
راح محمد وعطاها شيلتها ولفتها وقعد وغطت رجولها بالبطانيه........
جى فيصل وخلى محمد معاه لانه فعلا مستحي
فيصل: السلام عليكم.......
هايدي اللي من اليوم بلغه العيون تكلم اخيرا نطقت: و وعليكم السلام...
فيصل: عظم الله اجرك اختي........ماتشوفين شي........وشدي حيلك.......
وهي تدمع: اجرنا واجرك........وتشهق.......وربي تعبانه ابي اتكلم....فيصل نزل الصينيه وجلس قبالها ومحمد جنبه: ياختي تكلمي وفضفي .....كلنا على هالدرب والرحمه واجبه على اخوك........لكن صدقيني الدموع هي بس تعذبه بس........
هايدي: من يوم وانا صغيره ماعرفت الا امي........وبعدين ماتت وانا ماشبعت منها.......الحنان ماكنت القاها لامن ابوي ولا من عماد.......كانت المربيه وزياد هم اللي يحنون علي........احيانا يجيني زياد .....وتسكت شوي وبعدين تكمل.......ويسولف علي ويضحكني وينام عندي .........كنت دايما ارمي حالي بحضنه وانا فرحانه اعرفه مايزعل مني.........يدللني وكانه امي ولا اختي........يعرف..........وسكتت شوي .........يعرف..........كل تفاصيلي الصغيره والكبيره عمري ماستحيت منه بشي........هو كمان يسمعني زين........اقوله أي موقف بايخ صار لي بالمدرسه ويعرف الفناننين اللي احبهم والولد اللي ضايقني مره بالحارة........يوديني الحدايق ويضحك معاي......اللي يشوفه يقول حبيبي مو اخوي ولد امي وابوي.......صارحته........وسكتت شوي كانها ماتبغى تكلم وبعدين كملت........صارحته بالشخص اللي حبيته(هنا فيصل فتح عيونه معقوله تحب........صح عمرها 16 يعني مراهقه)وقالي لاستعجل بحكمي.........واني بعدني صغيره.........ويومها وداني لمعهد وخلاني اتعلم لغات........عشان اشغل قلبي وعقلي فيها ولافكر تفكير يوديني الغلط........ومن فتره تغير........صح يحن علي ويحبني.......لكن صار يخبي علي........هو مايقول ............لكن عيونه قالت كل شي.........وانا..........وتصيح بشده...........وانا ماتحمل وداعه...........
هنا محمد قام يصيح........وفيصل مسك يدها وشد عليه.......
فيصل: كلنا لنا يوم.........هدوووووووة سمي بالرحمن.........واقري قران........والله يفرج عنا وعنك.........وناظر لها
حتى انا فقدت اخوي..........مهو أي اخو...........اللي اصغر مني واللي اقرب واحد لي.........كنا نطلع مع بعض.......ونجي مع بعض........سوالفنا واسرارانا لبعض.........ابتسم حتى لمى غازلت مره كان معي........وظل يهددني انه يفضحنى عند ابوي........ولمى هربنا من المدرسه غطى علي وسترني وماخبر احد على.........اخوي الغالي مات بحادث.........شفتي كيف.......وزادو عليه انهم قتلوة بابرتهم اللعينه........انتي اخو ك مات موتت ربنا.......وبكل هدوء وبدون تعذب.........تخيلي العذاب اللي حس فيه اخوي لمى مات..........استغفري ربك.........وقولي الحمدلله على كل حال........
هنا هايدي ناظرت له بس سكتت عن الصياح

**نبض الوفا** · 30-07-2011, 11:30 PM

رد: رواية مسموح يا من ملكت الروح

فيصل يمد الصحن لها: ها.............ايشرايك تجربي؟؟؟؟
محمد: لكن ماني مسؤول عن أي مرض يصيبك ويأشر على فيصل ترا هو اللي طبخه........
ناظرت لهم وهي مالها خلق لشي بس خذته وكلت لقمه مع انها سكاكين ف جوفها لكن تحملت واكلت.........فيصل يناظر لها........حس انه سو انجاز يوم خلاها تاكل.....وظل يطالعها وهي تاكل......ثلاث لقمات مازادتهن ......وقالت الحمدلله
فيصل: وين الحمدلله .......بعدك ماكلتي شي والحمدلله.....
هايدي: صدقني فيصل خلاص ماظل مكان......
محمد: حرام عليك ان اللي بطني اصغر ماشبعت اشلون انتي الكبيره؟؟؟؟
فيصل ابتسم: صادق محمد....ولا طباخي ماعجبك؟؟
هايدي تناظر للارض بحزن: طباخك حلو...بس صدقني شبعت
فيصل ماحب يضغط عليها زود: على راحتك.......اجيب لك شي تشربينه؟؟
هايدي : لا مشكور.....
وظلوا ياكلون بصمت......وصحت الخدامه اللي كانت تعبانه من حيلها.....وراحوا العيال فوق لمن صحت.....ام سعود وسعاد ظلوا هذيك الليله في بيت ابو عماد.......عشان العزى ثلاث ايام......وام سعود حرقت جوال هايدي من كثر ماتتصل لكن بدون فايده........

في المستشفى
الساعه 9 باليل.....

دخلت الشوق على عهود ولقتها ماصحت من البنج بعدها.....
دخل بعدها ابو رعد وهو ميت خوف على بنته.......
ابو رعد: ها ..ماقعدت؟؟؟؟؟
الشوق: لا والله ياعمي مابعد قامت.......
ابو رعد: ايش قال ادكتور؟؟؟؟
الشوق: اغمى عليها وطاحت على زجاج مكسر وخش برجولها.......وربك رحيم....
ابو رعد: الحمدلله على كل حال.....
الشوق: قال الدكتور بعد ماتشفى جروحها عادي يسوون لها عمليه تجميل لان الجروح كبيره شوي.....
ابو رعد: مشكينه بنتي والله ماتستاهل...
وظلوا يناظرون فيها مع بعض ......قطعه سؤال الشوق: درت امها؟؟؟؟؟
ابو رعد وهو لسى يناظر بنته: لا......ومادري كيف اقولها......قبل شوي تعللت اني مامعي سياره والدنيا مطر لين نامت,........وزين ماطلبت انها تكلمها تلفون.....
الشوق: الله يكون في عونها.....
ابو رعد: امين
بهاللحظه بدت جفون عهود تحرك......الشوق لاحظتها لانها عندها خبره:عمي بدت تصحى....
ابو رعد حط كل اهتمامه على بنته.......شوي فتحت عيونها ولسى ماستوعبت المكان
ابوها: الف حمدلله على سلامتك يالغاليه......ليش خوفتينا عليك.....
عهود بعدها تستكشف المكان........شوي قالت: م.....م....مويا.......(كانت عطشانه مره)
ابوها بسرعه راح لعلبه المي .......الكن الشوق مسكته قالت انا اعطيها ياعمي......اخذت علبه الكلينكس ومسكت محرمه بيدها........وبللتها بالمي.......وصارت تنقط قطرات صغيره في فمها شوي ووقفت......ابوها قلبه قطعه على بنتها.:ليش يابنتي؟؟؟
الشوق: لان المخدر كان قوي عليهامره ومفعوله الدوا لسى مامشى بكامل جسمها فكميه الميه الكبيره اذا شربتها راح تأثر على مفعول المخدر والدوا (حقيقه)
ابو رعد سكت لانها خبيره
عهود: أنا......وين؟؟؟؟؟؟
ابوها حط وجهه عند وجهها وبرقه......انتي حبيبتي بالمستشفى.......اغمى عليك وطيحتي قلبنا عليك......
عهود ظلت تضغط على اعصابها برغم الصداع الفضيع وتحاول تذكر ايش صار لها.......لمى بدت الذاكره ترجع لها كأنها انصدمت.......لا........معقوله؟؟؟زياد مات.......وبدن عيونها ينترسن دموع
ابوها شافها بدت تصيح بسرعه قرب لها ومسح دموعها بيده وهو يقول: لا ......الحين ليش الصياح......بنتي حبيبتي دموعها غاليات عندي.....لا الا البكي......وهي بس تصيح وهي ساكته......
ابوها: اقولك حاجه تفرحك؟؟؟؟؟؟؟
عهود تناظر لابوها ماتدري ايش راح يقول......
الاب: امك جابت لنا كتكوت صغيرون حلو......يشبهك
تخيلو شكلها تبتسم من ورى غشاء الدموع اللي على عيونها وترجع تصيح......
الشوق جتها وهمست: ليش حبيبتي الصياح.....عسى محد أذاكي او زعلك؟؟
عهود انتبهت لها وسكتت: لا محد اذاني.....انا احس بألم كبير بجسمي.....
الشوق: شي طبيعي اللي اتعرضتي له مهو شويه....
عهود تناظر لها: ايش......ايش اللي تعرضت له؟؟؟
الشوق: الجروح اللي برجولك كبيره واكيد تألم.......
كانت لسى على ظهرها حاولت ترفع حالها وساعدها ابوها والشوق عملت السرير لها......وكشفت عن رجولها وشهقت من الخوف والخريعه......:أيش هذا؟؟؟؟
كانت رجولها ملفوفات بشاش مايبين الا اصابع رجولها لين فوق الركب...
الاب: يابنتي طجتي على الزجاج.....وشقق رجولك..
تناظر للشوق: وشلون رجولي الحين؟؟؟بدت تنسى زياد شوي..
الشوق: ماعليك كويسات بس تبرى الجروح عمليه تجميل بسيطه ترجع رجولك زي قبل........واحسن كمان......
الاب: انتي بس ارتاحي وهدي اعصابك وكل شي بيصير زين
عهود: اشلون امي الحين؟؟؟

**نبض الوفا** · 30-07-2011, 11:31 PM

رد: رواية مسموح يا من ملكت الروح

الاب ابتسم ان بنته سكتت عن الصياح: امك بخير وعافيه واخليها بكره تجيك.....
عهود: واخوي حلو ؟؟؟؟سميته؟؟؟؟
الاب: حلو مره.......صغيرون وجسمه مكرمش ولونه احمر......وبقهر وعيونه مثلك.......حسافه محد عيونه مثلي......وعلى الاسم اذا اعجبك.......
عهود: اكيد يعجبني.......شاسمه؟؟؟؟
الشوق: رعد.......
عهود : الله حلو مره.....
الاب قال لها اخليك عمد الشوق باروح اشوف امك وارجع خلاص......
عهود: خلاص.....
راح ابوها هي ظلت ماسكه نفسها شوي وشدت على اعصابها.......وبعدين ناظرت للشوق:عظم الله اجركم....
الشوق كانهامنتظره هالكلمه ترجعها للواقع بعد مانستها الاحداث اللي توي كل شي: اجرنا واجرك.......وقعدت تصيح.....
والله الحين مادري من المفروض يعقل على الثاني كل وحده جرحها اكبر من الثاني.........ظلن يدمعن بصمت وبدون محد منهن يتكلم يفرغ الشحنه اللي بداخله.........

مرت الليله عصيبه على الكل........
ابو عماد اللي فقد سنده وعضيده وكانت مصيبته اكبر من أي مصيبه......
عماد اللي فقد شريك حياته على الحلوة والمرة.....اخوة ولد امه وابوة........ماكان كبير ماكان مشاغب ماكان شري كان احلى اخ ممكن يكون في الدنيا كلها.......
هايدي..........فعلا تكسر الخاطر.........كميه الحزن اللي فيها لوتوزعت على الناس كفتهم وزود.......يتيمه وتيتمت زود مع وفاه اخوها......
عهود........اللي خلاص فقدت أي امل بانها تستتر من فضيحتها وخلاص عرفت انها مستحيل ترضى تزوج او تكون ام في يوم من الايام.......
عائله ام سعود الحزن ماليهم.......وكلهم باتوا عند ابو عماد ماعدا اللي ذكرناهم اول........
ام عاشق باتت عندهم كمان بس عاشق اللي من روحو الناس طلع لبيتهم........

السبت.....ثاني ايام العزا

في بيت ابو عماد ....قامت ام سعود وتوضت وصلت الفجر وبعدين خلت الخدامه تجهز الفطور وودته لاخوها اللي بات في المجلس.......
دخلت لقت ابو عماد يقرى قران:
ام سعود: صدق الله العظيم
ابو عماد: صدق الله العظيم......
ام سعود نزلت الفطور: سم ياخوي.....
ابو عماد: يعطيك العافيه ماني مشتهي الاكل.....
ام سعود وهي تقعد ابو سعود والعيال اللي كانوا فارشين بالمجلس: مايصير ياخوي.....ان لبدنك عليك حقا......الاكل لازم عشان تقوى وتقدر توقف على حيلك لسى المعزيين كثار......
ابوعماد حط الشماغ على عيونه يمسحهن:انا لله وانا اليه راجعون.......لاهالحين ماني مصدق انه راح......
ام سعود تحط يدها على كتف اخوها: ان القلب ليحزن وان العين لتدمع ..........هذا اكيد ياخوي.......لكن لازم نرضى بقضاء الله وقدره......الموت كاس على كل الناس.......
ابو سعود كان وضى وجى عندهم: ياخوي.......شد حيلك كل الناس على هالدرب.......انت المفروض تكون مرتاح شفت وجهه كيف ينور يوم ودعناه.......وكيف انه توة حاج وانشالله انه رجع كيوم ولدته امه........قول الله يغفر له ويرحمه ......وكان يتكلم وهو يجهز سجادته الصلاه وتوجه لها وكبر.......وقعد يصلي
ابو عماد سكتت شوي بجيه سعود اللي مادرى ايش قال ابوة لكنه كرر نفس الكلام.......هنا ابتسمت ام سعود
سعود: ليش يما؟؟؟؟؟؟؟
الام: لانك قلت كل الكلام اللي قاله ابوك.......كانك هو......
ابو عماد هو فعلا هو صح.......
سعود ابتسم وراح للسجاده وقعد يصلي........
دخل ماجد وناظر ابو عماد فام سعود بمعنى(هل بيقول اللي قالوة؟؟؟)
ماجد: ياخالي.......شد حيلك كل الناس على هالدرب.......انت المفروض تكون مرتاح شفت وجهه كيف ينور يوم ودعناه.......وكيف انه توة حاج وانشالله انه رجع كيوم ولدته امه........قول الله يغفر له ويرحمه......
ابو عماد قعد يضحك بصوت عالي غصب وام سعود ابتسمت..........وماجد مثل الاطرش بالزفه مايدري شسالفه.......
ماجد: عسى ماشر ليش الضحك؟؟؟؟؟؟
ام سعود: ماشر ياولدي رح صل انت قبل مايروح وقت الصلاه......ومشى
دخل ابو سعود وخبروة وابتسم غصب وقعدوا يفطروا مع ان محد كان مشتهي لكن غصبوا نفسهم غصب على الاكل.......
ابو سعود ناظر لثوب سعود لاحظ ان ازراره مقطوعه وجيبته فيها شق: اقول سعود....
سعود: سم يبا...
ابو سعود: أنت متهاوش مع احد؟؟؟

**نبض الوفا** · 30-07-2011, 11:33 PM

رد: رواية مسموح يا من ملكت الروح

سعود يتذكر: لا.....ليش؟؟
ابو سعود: بلاها ازرارك وجيبتك مقطعه؟؟
سعود يناظر فعلا مانتبه لنفسه....:وي.......هذا البارح صار لي سالفه غريبه عجيبه...
ام سعود :بسم الله خير ياولدي.؟؟
سعود: البارح على طلعتي من عندكم سمعت صراخ واحد يطلب مساعده........رحت لقيت خدامه تصيح وبنت طايحه على وجهها وتحتها دم كانه بركه...
ام سعود مندمجه: ياساتر يارب..
سعود: ودخلت ووديتها للمستشفى.........وقعد يحكي السالفه كلها........لكن تدرون المصيبه وشي؟؟؟؟؟؟؟
ابو عماد: خير وشي؟؟؟؟
سعود: ان امها ولدت بنفس الليله البارح وابوهامن الربكه ظن اني انا اللي أذيت بنته وجى بيسوي خناقه معاي لكن الله ستر.....
ابو سعود: والله الله ستر.....
ام سعود: ومنهم هذولا الناس؟؟
سعود: جاركم ابو عهود...
ابو عماد فز: صادق انت الحين هم اللي صارت لهم هالسوالف البارح؟؟
سعود: ايوالله انت تشوف...
ماجد: فعلا ولا قصه الف ليله وليله........الله يكون بعونهم انشالله....
سعود: انشالله...

في المستشفى
الساعه 9 الصبح

ابو رعد كان عند ام رعد: اقول ام رعد ...ابغى اقولك خبر ماودي يضايقك ولاتخافي انتي انشالله مافي غير الخير...
ام رعد: خير.....تراك خوفتني..
ابو رعد: بنتنا عهود...
ام رعد تعدلت بجلستها رغم ان الالم يذبحها: علامها؟؟؟
ابو رعد: اغمى عليها البارح ودخلوها المستشفى..
ام رعد: وي......واعليه على بنتي......وكانت تبغى تقوم لكن ردها زوجها بلطف:يابنت الحلال وينك وين المشي الحين...تريحي هي بخير وطيبه...وانشالله بتشوفينها قريب ...
ام رعد قعدت تبكي...وهو ابتلش معاها كيف يطمنها عليها وهو مهو متطمن...فعلا مشكله...ظل يهديها لين هدت بعدين استأذن انه بيخطف على البيت ويتحمم ويبدل لان اهله واهلها بيوصلون من الجنوب اليوم....لانه من البارح اتصل عليهم...

دخلت الشوق عليه وهو يبغى يطلع :اقول خالي اذا سمحت...
ابو رعد: سمي يابنتي امري
الشوق: مايامر عليك ظالم........بغيت استأذن لان اهلي اتصلوا علي..
ابو رعد استحى لانها فعلا ماقصرت: خلاص صار انشالله.....أوصلك..
الشوق: يعطيك العافيه ماتقصر ....بيمر علي ابوي انشالله...
ابو رعد : والله اني مستحي منكم ماقصرتوا معاي وجميلكم هذا ماراح انساه انشالله....مردوده لكم بالافراح
الشوق: انشالله عمي ....يلا من رخصتكم...
وطلعت وكان ابوها برى...من ركبت السياره اتنهدت تنهيده حاره...
ابوها: خير خير..........
الشوق: تعبانه ومحتاجه حمام وفطور بعد
الاب: شوي شوي يابنتي.......انشالله كل شي يصير بس؟؟؟
الشوق ناظرت لابوها ....بس؟؟؟؟؟؟لعاد مافي شي من اللي قلته بيصير......تفضل...
الاب: تدرين ان بنت خالتك من البارح بايته عند بيت عمتها وان محد عندها والناس كلها مبتلشه الله يكون بعونهم....وهي تحتاج احد يكون بجنبها ولو تقنعيها انها تجي بيت ابوها يكون احسن...
الشوق ناظرت تحت....صح هي حزينه على وفاته ولد خالتها وهي تعبانه من سهرها البارح ونومها الصعب بس فيه ناس حزنهم اكبر واعمق ...هذي يتيمه ومسكينه وفقدت عزيز عليها يعني فعلا محتاجه اللي يواسيها....ناظرت لابوها...مشينا يبا...........وبالمرة نجيب فطور معنا عشان تفطر هي اكيد ماهي ماكله شي......
الاب: هذي نظرتي فيكي دايم.........عمرها ماتنزل الارض.......ورفع يده للسما(يارب ارزقها واغنيها وعطها على قد نيتها....ولاتحرمها يارب....انت القادر على هذا وانت السميع)
ماكان شعور الشوق بها الدعوه يوصف....فعلا كانت محتاجه تسمع هالكلام عشان تنرفع معنوياتها شوي .......وغصب نزلن دموعها....

**نبض الوفا** · 30-07-2011, 11:34 PM

رد: رواية مسموح يا من ملكت الروح

في بيت ابو سعود
الساعه 9 الصبح

فيصل كان حاس بالمسئوليه وقعد من الصبح بعد ماصلى جلس شوي يقرى ايات كريمات وبعدين طلع وجاب فطور من برى وجهز حليب على الغلايه وسوى شاي لانه يحب يشربه الصبح.....وظل بالمطبخ استحى يطلع واخوانه نايمين....شوي جت الخدامه
ميري: صباح خير بابا...
فيصل بابا بعينك قد عيالك: صباح الخير...
ميري: جهز فطور حق انت؟؟؟
فيصل والله انها حليله: لا وياشر على الفطور ....هذا فطور ودي حق هايدي..
ميري: هايدي في نوم مافي قوم...
فيصل: غريبه نوم مافي صلاه؟؟؟
ميري: لا.......هي في قوم صلي وبعدين ارجع نوم...
فيصل: خليها على راحتها بعدين جهزي لها فطور انتي افطري الحين...
ميري: ثانكيو بابا...وجلست على الطاوله تفطر...
شوي جى محمد يفرك عيونه
فيصل : صح النوم وصباح الخير...يلا غسل وافطر...
محمد: انت ليش مزعجني الصبح ...ها.....خليتني اروح للمسجد غصب...
فيصل: لاوالله ...هالكلام ليش ماتقوله لابوي يوم يصيحك....ولاتخبرها يمسردك بالعقال وانت قايله ....ها
محمد يطالعه بنص عين: وليش ماتصح باقي البيت ولا انا بس ؟؟؟
فيصل: انت خابر ان احمد صغير ويصلي بس بالبيت واحيانا بالمسجد...
محمد : لا.........انا ماقصد احمد..
فيصل عقد حجاجه: مين لعاد؟؟
محمد: هدووووة....ليش ماقومتها؟؟
فيصل تلون وجهه: هذي ماهي اختي عشان اتكلم معاها
محمد خصر يديه: لاوالله ......دام مهي اختك تحضنها ليش؟؟؟
فيصل وقف على حيله وعيونه معصبات...ومسك اخوه من نحره ورفعه فوق حتى حتى رجوله انشالن عن الارض...:شوف محمدوووووة........ان سمعت طريا لاحد باللي شفته امس.......صدقني بتشوف شي عمرك ماشفته مني.......ولاتقول ماحذرتك.....ورماه.
طاح محمد على الارض وهو يكح وعيونه يدمعن وخايف ويرجف...عمره ماشاف فيصل كذا...حتى الخدامه خافت...واخذت محمد وراحت فوق...وهو يصيح..
فيصل عصب قام لبس شماغه وشالهم ووداهم لامه وهو معصب...وراح يقابل العزا مع اخوانه

**نبض الوفا** · 30-07-2011, 11:34 PM

رد: رواية مسموح يا من ملكت الروح

في بيت ابو عماد
الساعه 9صباحا
ام سعود تكلم ماجد:اقولك ياوليدي....لأا أنا ولا أختك عندنا غيارات ومحتاجات اشياء ضروريه من البيت ...ياريت تروح وتجيبهن..
ماجد: بس هايدي هناك يما؟؟
ام سعود: هايدي ماهي لحالها ....معاها الخدامه والسواق بالبيت وبعدين اخوانك هناك الصغار يعني عادي...وانت تروح تجيب الغيارات وترجع مانت نايم هناك...
ماجد : خير انشالله...لاوصلت اسوي لكم الو تخبرون باماكن ملابسكم خلاص؟؟
ام سعود:صار انشالله غناتي..
ورجعت ام سعود للصاله لان جن حريم للعزا

سعاد تكلم امها: ها...يما قلتي لسعود يروح يجيبن اغراضنا؟؟
ام سعود: مالقيت سعود قلت ماجد يسد..
سعاد: يما المرة هذيك دخلت روحي لها...وتركتها سعاد وراحت للمطبخ..
على دخلتها المطبخ لقت فيصل يدخل العيال..
فيصل: السلام عليكم...وعظم الله اجرك اختي..
سعاد : اجرنا واجرك...يعطيك العافيه تحملتهم..
فيصل: الله يعين ...والله الظروف هي اللي حدتني...
وكانت واقفه على درج المطبخ..:ماشالله اليوم الجو حلووو مرررة صح..
فيصل: سبحان الله مايدري عن احزانا ولوعاتنا..
سعاد: الا يحس...شفت كيف السماء كيف كانت تبكي على زياد..واليوم مغيمه والشمس مهي راضيه تطلع..
فيصل: معاك حق اختي....مسكين زياد مات بعز شبابه..
سعاد: اليوم اللي مكتوب .......مكتوب...الله يرحمه انشالله.....شلون هايدي؟؟
فيصل ناظر لاخوانه اللي دخلوا على امهم...:مسكينه.......ماهي راضيه تفيق من الصدمه.......الصياح والنحيب قطع قلبي والله....
سعاد: مسكينه مصيبتها ماهي هينه....ومهما كان هذي يتيمه من زمان....وفقدانه لاخوها يشعرها بالخوف...انا مادري كيف راح تفيق من الصدمه....الله ينجيها لايصير بعقلها شي..
فيصل: الله لايقوله.....حرام...والله مسكينه..
دخلت عليهم امهم:ها سعاد جهزتي الدله؟؟
سعاد وهي تحطها على الصينيه: هذي هي جاهزه...
وتناظر لفيصل وبابتسامه حزينه: يعطيك العافيه..ريحتني من همهم...
فيصل: لا عادي يما....بس لاتعيدوها..
ضحكو كلهم مع بعض...

في بيت ابو سعود
الساعه 10صباحا

الباب يدق وطلعت الخدامه تفتحه لقت الشوق
الشوق: مرحبا ماري..
ميري: هالو ماما..
الشوق: وين ماما هايدي؟؟
ميري: ماما هايدي كسير تعبان مافي اكل هازا من صبح امس...هازا وجه كسير تعبان عيون حمر...بليس هلب ماما هايدي..
الشوق انكسر خاطرها عليها.:خلاص انتي جيب اكل من بابا سياره ...وجهزي سفره انا في روح لمام..
دخلت الشوق لقتها على الكنبه ومتغطيه...كانت عارفه انها اكيد ماهي نايمه...جلست جنبها وناظرت بعيونها مبين انها تصيح والدمع حفر عيونها حفر..
الشوق: وبعدين؟؟؟بعصبيه..
هايدي اتفاجأت من السؤال وطالعتها وهي ساكته..
الشوق: قلت لك وبعديين؟؟
هايدي: وبعدين ايش؟؟
الشوق: وبعد هالصياح...وبعد هالدموع...وبعد هالنوح....اخوك ماراح يرجع اكيد...ماتدرين لو انه بنعيم الحين...ودموعك هي المنغص الوحيد له...ادري فراقه مو هين ابد عندنا كلنا....لكن الصياح والله ماراح يرجعه...لو يرجع كان كل الناس ملت الكون صياح ونحيب وشق جيوب....انتي المفروض تمسكي المصحف وتقري له ايات كريمات وتترحمي عليه...وتصلي...كان الصحابه اذا اصابهم غم فزعوا للصلاه...ليش حنا مانسوي مثلهم ليش....الاحزان ماراح ترجع احد ابد....وصدقيني هالكلام مهو مواساه لك...هالكلام عشان تعرفي ان الميت الحزن عليه ماراح يرجعه ابد.....

هايدي كانت مصدومه يمكن لان الشوق رمت عليها الكلام القوي اولا وبعدين المواساه....الدموع بطلت تنزل....وجف حلقها وحست بالعطش...التفتت كأنها تدور الخدامه...يوم لمحتها داخله من برا:الله يخليك كاس مويا..

الخدامه ابتسمت لانها اول مره تطلب طلب ....وراحت بسرعه

رواية مسموح يا من ملكت الروح (كاملة)

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget