الفصل السادس


يوم السبت>>


مع اشراق الشمس وتعالي صوت العصافير يعني يوم جديد محمل بأحداث جديده على ابطال روايتي


صحت من النوم الساعه5ونص
اماني مالها خلق تصحى اسحبت جوالها من فوق الدرج الي بجمب سريرها وفتحته جالسه تنتظر يجيها مسج ولاموجود بس للأسف خاب ظنها
ماكان فيه اي مسج تمنت تلقاء مسج ولاموجود من عبير بس مالقت
حست بالندم شوي
اماني يوه اشوفها اليوم ويصير خير جرت نفسها غصب للحمام وغسلت وجهها وسمعت الناس تصلي توضئت وصلت صلاه الصبح
اماني تثاوب ياربي يازين النوم زيناه
أخذت الجل وجعدت شعرها مالها خلق تبي تنام اماني جالسه تحط الكريم على وجهها
يطق الباب
اماني:مين
جوان:انا جوان افتحي
اماني:مالي خلق اخلصي وش تبين
جوان:يوه اماني افتحي الباب اخلصي
اماني:قلت لك ماأبي قولي الي عندك خلصيني مالي خلقك
جوان:اماني استغفر الله عاد قومي افتحي الباب
اماني:اوووووف وافتحت الباب
اماني:خير انسه جوان فتحنا الباب
جوان وتبوس اماني الابتسامه ماليه وجهها:صباح الخير امونه
اماني:ماله داعي الف والدوران انا اماني ماحد عارفك قدي وش تبين,,.؟؟
جوان:مابي شي بس ابي اصبح عليك
اماني:جوان حبيبتي اخلصي علي
جوان:ابي تحطين لي مكياج زيك
اماني: هه خير ان شاء الله وين بتروحين
جوان:للمدرسه زيك
اماني:تعرفين معنى كلمه تقلعي
جوان:ايوه معناها طسي
اماني:ايووه بالضبط
انقلعي عن وجهي يالبزر مابقى الانتي تتمكيجين بالمدرسه عشنا وشفنا بزران اخر زمن
جوان:اماني الله يخليك والله كل البنات يحطون
اماني:ماما(وتعلي صوتها)
جوان وتحط يدها على فم اماني :اسكتي تبين امي تذبحني
اماني:اي اجل دامها تدرين انها بتذبحك وراء ماتعقلين يالبزر
جوان:مالت عليك وعلي يطلب منك شي بس
اماني:اقول انقلعي عني ولايكثر والله دنيا حتى المتوسط يبون يتمكيجون بالمدرسه
وراحت تكمل كشختها




**************


ماري بيل عبير اصحي الساعه 6 ونص
عبير:وش تبين انتي
ماري بيل:شو شوبدي عم قلك الساعه 6ونص
عبير(بصراخ):انقلعي بنام
ماري بيل:منك رايحه للسكول
عبير:لا مانمت امس من الغباء الي طعتك ووشمت انقلعي ولاشوف خشتك
ماري بيل(عصبت):ليش انا غصبتك ولاعملت الك الوشم غصب عنك انتي قلتي بدك
عبير:ماري طسي عني بخمد احسن ماوالله لاطلع الوجع الي توجعته من عيونك
ماري:ومدرستك
عبير(بصراخ):اطلعي برا
ماري بيل :ماشي ياعبير اعملي الي بدك ياها

عبير:قلت لك برا
ماري بيل (خافت وطلعت)



*************


نامت امس متأخر ومالها خلق داوم طفت المنبه وهي تذكر امس وش صار امس شافت حبيبها
اول مره تشوف فهد من مده طوويله ناظرت السلسال الي على رقبتها هذى منه وعليه حرفه وحرفها
اه ياربي وش كثر احبه ياربي لاتحرمني منه وتخليه لي
امس ماطولت معه حست انه متغير عليها بس لازأل هو لازال هوحبيبها الي حبتها من سنين
تمشوو بالسياره ورجعها لبيت صاحبتها وهو حتى يدها مامسكها
ابتسمت وتغطت ونامت..




************

في المدرسه

اماني جت متأخره وكانت متعمده انها تتأخر دخلت وطلعت عبايتها تمنت انها تلقى عبير بس خاب ظنها ومالقتها طلعت عبايتها وصفطتها وطلعت اماريتها
وقامت تعدل وتتعطر حاولت تأخر عند الباب وهي تتعدل يمكن تجي ولاأحد يجي ملت وهي تنتظر صار لها اكثر من عشر دقايق
اماني كانت تبي تروح لمبنى الادبي بس شافت الخفاش الاسود الاداريه وغيرت رائيها
الاداريه:مشاء الله توك جين حضرتك
الساعه كم اللحين
اماني (وتمد يدها):للأسف ماعندي ساعه
الاداريه:تستهبلين حضرتك ومشاء الله كحل ومسكرا
وين جايه حضرتك مدرسه ولاحفله شين وقوه عين جايه متأخره ومخالفه بعد روحي للحمام غسلي الي حاطته بوجهك وبعدين روحي لفصلك
اماني:موحاطه شي بوجهي
الاداريه:لاجل ربك خلقك كذا مكحله طبيعه شوفي عن الاستهبال وراي اشغال غيرك بسرعه قدامي على الحمام يالله
اماني (ترمش بعيونها بأستهبال)طيب ياجده من عيوني
الاداريه:نعم
اماني:قصدي مامي يووه الاحترام واجب وانتي بمقام جدتي اقصد اخت امي الكبيره
الاداريه:لايكثر حكيك وغسلي وجهك
اماني تمشي شوي شوي وبدلع وطقطقه كعبها ماليه المكان
طبعا راحت للحمام وعدلت شكلها ولافكرت تفتح المغسله
خلصت تعدل مابقى شي وتنتهي الحصه الاولى بس ماتقدر تروح لمبنى الادبي والاداريه هناك
راحت لفصلها
اماني (طق الباب):السلام عليكم
استاذه تسمحين ادخل
الاستاذه:مشاء الله ووين كنتي حضرتك
اماني:كنت عند الاداره
الاستاذه:طيب ادخلي واي وحده ثاني مره تجي بعدي ماراح ادخلها فهمتو
اماني(مالت من حلات حصتك عاد)صباح الخير بنات
طبعا كان الاخير مكان شلتهم
الكل:صباحوه
ريم:خير وش عند متأخره كذا
اماني:الخفاش مسكتني
الابسألكم شفتو راشد
سحر:راشد مين
ريم:يالغبيه رشوود عبير
اماني :شفتووها ولالا
وجدان:لاماجت لاهي ولاشلتها
اماني:امانه
وجدان:اعرفك انا عشان امزح معك
سحر :يالله قولي وش صار معكم
ريم:بالتفصيل لوسمحتي
اماني:اخذت رقمي
وجدان:اي
ريم:حاكتيها
اماني:لا
سحر:وجعه ليه..؟؟
اماني :مدري هي ارسلت لي مسج ولقيت منها موجود بس مادقيت
وجدان:ارسلتي لها
اماني:لا
ريم:ليه..؟؟
اماني:وش دراني انا موهي الي تبيني هي الي تجيني واصلا لازم اثقل عشان ماتظن اني ميته عليها
غرام جايه تركض من اول الفصل
وتبوس اماني
غرام:هاه وش صار معك
اماني(بتكشيره)ماصار شي
غرام:وشو يعني ماصار شي
اماني(تلف على البنات وراء):فهموها شلون ماصار شي
غرام:انا من شفتك تأخرتي قلت فلتها بنت خالتي
اماني:ايه فليتها بس مع الخفاش
غرام:اماني ابيك بشغله
اماني:وشو
غرام:صج ان عزيز ترك لمياء
اماني:بالله
ريم:الا الكل يقوله
اماني:وانا وش دراني عنه
غرام(تميلح):امون حبي ضبطيني مع عزوز
سحر:عشان استاذه لمياء ترسبك بالاحياء ههههههههههههه
غرام:تطنزين حضرتك
ريم ووجدان ميتات ضحك عليها
اماني:لاضبطت حالي اول اضبطكم
خلصت الحصه الاولى واول ماطلعت الاستاذه نص الفصل واقفات عند الباب
وجدان امشو نهرب علينا انجليزي ومالي خلق
اماني:لايرحم امك ذيك المره ماسكتني وتحلفت فيني لوعدتها بتكتبني تعهد
وجدان:اماني قولي انك مريضه واوصلك للعياده بمبنى الادبي ونمر نشوف رشود وشلته مداومين ولالا
اماني :اي اذا كذا حلوو
وفعلا سوت نفسها ماني تعبانه وحاطه يدها ع راسها واول اوصلو مبنى الادبي طيران على فصلهم بس السطريين الاخيرين فاضيات
مكان عبير وشلتها
اماني:اف مو موجودات ولاوحده من صديقاتها موجوده
وجدان:غريبه كلهم غايبين اول مره صح
اماني:ياويلي لايكون صارلها شي
وجدان(ودف اماني):وبديتي تخافين عليها ياأماني
اماني:وش رايك يعني بس خساره تمنيت اليوم امشي معها
وجدان:اي عادي بكره امشي معها بس يالخبله دقي عليها شوفي ليه غايبه
اماني:ايه يصير خير
سحر:مالت على حظنا بس اجل رجعنا لفصلنا واماني اجلي مرضك لبكره
وجدان:هههههههههههههههههههههه
اماني:لانتم ارجعو بروح اكلمها اشوف وش فيها
ريم:اللحين انتي من امس ينقال لك ثقيله واللحين توخلصت الحصه الاولى بدقين اقول امسكي ارضك مواللحين يالخبله
اماني(نفسها تدق اللحين بس ريم معها حق)اي صح معك حق
ورجعو لفصلهم
ومر اليوم بالمدرسه بدوون احداث تذكر




*********************

توها تصحى من النوم الساعه
قامت تمغط من زمان مانامت كذا ومرتاحه حيل طول ماهي نايمه بالغرفه ومقفله على نفسها وزوجها نايم بالصاله
راحت قدام المرايه تبي تربط شعرها وتعدل تبي تطلع تغسل وتصلي بس تخاف انه موجود راحت تبي تبدل لبست البدي وشافت علامه الضرب بضهرها
فيه علامه معلمه حييييييييل على كتفها
دمعت عيونها غصب وهي تشوفها صارلها شهرين ولازال لها اثار على كتفها تذكر ذاك اليوم يوم موتها اكثر يوم تكرهه بحياتها
كانت جالسه بالصاله الي تحت تكلم حبيبها منصور
كانت جالسه تشوف معه فيلم رعب وكانت خايفه فقالت له يشوفه معها خلص الفيلم وجلست تكلمه
ملاك:ههههههههه طيب حبيبي
منصور:يعني متى اشوفك..؟؟
ملاك:امممممممممممممممممم
اممممممممممممممممممممممممممم
منصور:اي
ملاك:مافيه ماراح تشوفني
منصور:ليه


ملاك:مو اللحين
منصور:ماشتقتي لي
ملاك:اه(تنهد)حييييييل
منصور:طيب متى اشوفك يعني
ملاك:حبيبي قلت لك مواللحين خلاص بعدين
منصور:طيب براحتك
ملاك:احبك
منصور:اعشقك واموت فيك
ملاك:وعطته بوسه
تصبح على خير حبيبي
طاح الجوال من يدها وانكسر تجمدت بمكانها لما شافت ابوها واقف يناظرها والشر بعيونه
ملاك ماتحركت ولاشي ظلت متجمده بمكانها من الصدمه وهي تشوف نظرات ابوها لها
فجأه يالحقيره من الي كنتي تكمينه(وكأنه توه يستوعب)وعطها كف طاحت ملاك على الارض من قوته وهي مو مستوعبه اومومصدقه الي يصير
سحبها مع شعرها ووقفها
ابوملاك:من هذا الي تكلمينه
ملاك:صاحبتي
ابوملاك:عطها كف ثاني وثالث
ابوملاك:من الي كنتي تكلمينه يالحيوانه
ملاك وهي طايحه بالأرض اخذت الجوال وكسرت الشريحه بأسنانها
ابوها انجن من حركتها وسحبها مع شعرها وطاح فيها طق
ملاك كانت تصرخ بأعلى صوتها تبي احد يجي ويفكها من يدين ابوها اول مره احد يمد يده عليها اول مره تذوق الم ووجع الضرب
الي تسمع فيه
كانت تسمع بالضرب وتشوفه بس ولامره احد ضربها اوقرب لها
تصرخ بأعلى صوتها تبي احد ينقذها تبي مرافقينها هم دايم يحمونها تبيهم يحمونها من الي قدامها تحسه مو أبوها تحسه وحش قدامها
جت ام ملاك تركض بعد ماسمعت الصراخ
ام ملاك:ابو ملاك وش تسوي
يمه بنتي
ابوملاك:بعدي عني خليني اربيها الي ماتربت ماعرفت اربيها كان يضربها برجولها بأقوى ماعنده
ملاك خلاص جسمها ماعاد يستحمل الضرب اغمى عليها بس ابوها مارحمها قام يضريها بالعقال لما تحول جسمها للون الاحمر
من الضرب والدم
السراميك امتلى دم من فمها
ام ملاك انجنت وهي تشوف زوجها كذا حاولت تمسكه تفكه تشوف زوجها يذبح بنتها قدامها اركضت للحديقه تنادي احد من حراسها
ام ملاك:محمد محمد
محمد:نعم يامدام(محمد هواكثر واحد يثقون فيه ويخلونه يدخل البيت وهواقدم واحد يشتغل عندهم وهو الحارس الشخصي لملاك من يومها صغيرها)
تعال بسرعه
محمد:فيه ايه يامدام
ام ملاك:ابوملاك بيذبح ملاك فكها منه تكفى
محمد بالموت فك ملاك من ابوها وهداء ابوها
ابوملاك يفتح زراير ثوبه ويتنفس بصعوبه كان صوت نفسه من طبيعي
ام ملاك منجنه وطايحه تبكي عند بنتها وحيدتها تبكي على شكل بنتها وهي تشوف بيضاها متحول للون الاحمر
محمد:ابوملاك
ام ملاك لفت لقت زوجها طايح بالارض
محمد نادى الحراس ووودوه للغرفه لما يجي الطبيب وطبعا شال ملاك وودها لغرفتها وهو مستغرب للي صارلملاك
جاء الدكتور وفحص ابو ملاك وقال لهم ان فيه جلطه وانه لازم ينتقل للمستشفى
وانصدم لما شاف ملاك ومبين ان حالتها خطره وطلب ينقلونها للمستشفى بس محمد حارسها الشخصي رفض
لانه عارف ان ممكن يكون فيها شروع بالقتل
محمد لامارح ننقلها للمستشفى انت بتعالجها هنا
الدكتور:مستحيل انت بتقول ايه دي حالتها صعبه ولازم نعمل لها اشعه
محمد طلع الفلوس من جيبها ومدهم له
الدكتور:ماقدر
محمد طلع من جيبه فلوس وحطهم
الدكتور:يابني مستحيل
محمد:كم تبي
الدكتور:وابتسم
محمد:قد ماتطلب بيجيك واكثر بس بالأول عالجها
الدكتور:مافيش حاجه مستحيله حاضر يابيه
بس محتاج ادويه وشويه الات وكمان لازم اعمل لها اشاعات
محمد:كل الي تبيه بيجيك
الدكتور:هنقلها للمستشفى نعمل الاشعه ونضمد الجروح وهترجع للبيت على طول
محمد:طيب بس بدون شوشره
الدكتور:حاضر يابيه تأمر أمر سعدتك




فزت على صوت الباب
جابر(يطق الباب)ملاك
ملاك
ملا(خافت):...
جابر:ملاك اصحي الساعه 8 ورانا مشوار وتعالي نفطر
ملاك:طيب اللحين اجي (ارتبكت من جيته) وراحت غيرت لبسها البست تيور ابيض قصير وبلوزه بيضاء وسيعه ضيقه وكمامها وساع مره
فتحت الباب
ملاك:صباح الخير
كان جالس ينتظرها بالصاله
جابر بأبتسامه :صباح النور
جابر:جاهزه ننزل نفطر
ملاك:ايوه
جابر:حطي ببالك ان اليوم مشوارنا طويل
ملاك:اوك
ونزلو يفطورون بالفندق تحت
ملاك ماكان لهانفس تأكل وتلعب بالشوكه والسكين
جابر:الاكل ماأعجبك
ملاك بأبتسامه:الا
جابر:ماأشوفك تأكلين
ملاك:شبعت الحمدلله
وقامت اخذت شنطتها بروح اغسل
جابر:طيب
كان يناظرها لما اختفت من قدام عيونه مستغرب منها الي يشوفهم مايقول انهم متزوجين واصلا بالحقيقه زواجهم مجرد ورق
وعقد بس
بس ليه وافقت عليه دامها ماتبيه اصلا وهي بنت ووحيده الجبار
معقوله تكون مغصوبه علي
لاماأظن هذي تغصب ماتنغصب عيونها فيها شي غريب
مرتين وانا معها اشوف دموعها وتحاول تخبي
اه الله يسامحك يابوي بس
وقام يغسل
رجع لقاها جالسه تنتظره على طاولتهم وهي سرحانه ومويم الدنيا
جابر:نمشي
ملاك:ايوه
ودفع الحساب وبدت رحلتهم مع المرشد السياحي الي كان ينتظرهم
واول ماطلعو من الفندق راحوو لمناره قطب الدين ابك
ملاك من زمان نفسها تشوف هالمناره الي تعد ثاني اطول مناره بالعالم ملاك عشقها الافلام الهنديه
كانت تمتع وهي تناظرلها وتناظر للايات القرانيه الي عليها
ملاك تبي تنادي جابر اكتشفت انها موعارفه اسمه اصلا
ملاك:ابيك تصورني هنا (وتاشر على المكان)
جابر(ابتسم لها كان يشوف بعيونها شموخ وغرور غريب بس مع هذا تصرفاتها تصرفات طفله مدلله يحسها بعض الاحيان مثل بناته بتصرفاتها)
وقام يصورها بكل مكان تأشر عليه وهي الابتسامه مومفارقتها
جابر:ملاك يالله خلصنا
ملاك(معقده حواجبهاومدت بوزها)لالاخلنا شوي
جابر:ورانا طريق لتاج محل يالله
ملاك(طيرت عيونها وشقت الضحكه):بتوديني لتاج محل
جابر:ههههههههه ايوا يالله لان الطريق طويل يبي لنا 3 ساعات اواكثر عشان نوصل
ملاك اسبقته لسياره وهو يناظرلها ويضحك على برائتها وروحها الطفوليه
اول ماركبو السياره عطها جابر الجوال
ملاك:شنو هذا
جابر:جوالك
ملاك:اخذت الجوال بتردد مو مستوعبه ان الي بيدها جوال شهرين مامسكت الجوال ابتسمت وحطته بشنطتها البيضاء الكبيره
طول ماهم بالطريق المرشد ماسكت وهو يقول لهم ويصف لهم
اول ماوصلو لتاج محل ملاك نفسها تبكي من الفرحه مومصدقه انها فيه
كات تركض وماسكه يد جابر وتسحبه وتقول له بسرعه يالله وبكل دقيقه لازم يأخذ لها صوره كان يتمتع وهو يصورها على شموخها وغرورها وطريقه كلامها
الا انه يشوفها مجرد طفله
دخلت البوابه تاج محل كان اللون بني محمر اجلست تقراء الكتبات المنحوته من داخل على الجدار
كانت ايه الشمس وضحاها كملت وهو يتبعها بهدووء ويصورها ومبتسم عليها
ملاك كانت ناسيه كل الدنيا طلعت من المبني وراحت بجهه الخلف لمبى تاج محل وطبعا المترجم وراهم ويقرق على روسهم
المترجم:جابر انت يبي روح هذا فيه قارب
ملاك(واخيرا عرفت اسم زوجي العزيز جابر اسمه اسمه موبطال)
جابر:لامانبي
ملاك:جابر ابي اركب القارب عفيه وتمسك يده وكأنها تترجاه
جابر(بهاللحظه شك بعمرها يحس الي قدامه بزر وبس)
جابر:طيب بنركب القارب (وانا اقدر ارد لك طلب انتي وراك ملايين هذا الي قرره جابر اليوم هو متزوجها عشان فلوسها وورثها وغزل مصيرها بترضى اليوم ولابكره
وهوواثق ان غزل ماتقدر تتركه لان ماعندها لاخوولابو ولاسند بالدنيا غيره وملاك هي الدجاجه الي بتبيض له الذهب)





******************************

الفصل السابع





نرجع لمملكتنا الحبيبه
الرياض



الساعه 4 ونص العصركانت جالسه على الاب توب وتطقطق شويه بمنتداها الخاص وشوي مسن
دق عليها سعود
شجون (عزيز):هلا والله بأبو السعد
سعود:اهلين كيفك
شجون(عزوز)بخير انت كيف وكيف الاخبار
سعود:تمام بس باقي لي حقي
شجون(عزوز):افا عليك حقك دامه عندي اعتبره عندك موعزوز الي يغير رائيه
سعود:امرك بعد شوي
شجون(عزوز):لاللحين ماجاني شي حتى انا رأسي مصدع
سعود:متى امرك يعني
شجون(عزوز):بعد صلاه العشاء تعال
سعود:طيب
شجون(عزوز):الا اقول سعود وش اخبار ريا..؟؟
سعود:مدري عنك عاد اترك البنت بحالها تكفى
شجون(عزوز):ليه وش فيها
سعود:البنت بالمستشفى وتعبانه
شجون(عزوز):احلف متى ,,؟؟ كيف..؟؟ وليه,,؟؟
سعود:عزيز وش عندك على ريا انت
شجون(عزوز):ماعندي شي بس أسأل
سعود:عزيز علينا
شجون(عزوز):اقول لايكثر وقلي وش فيها
سعود:مدري يقولون تعبانه
شجون(عزوز):ههههههههههههههه
سعود:وش يضحك بالموضوع
شجون(عزوز):اسمع
سعود:وش عندك
شجون(عزوز):الي يعطيك دبل الي بعطيكياه
سعود:والمطلوب مني
شجون(عزوز):ترجع ل ريا
سعود:هههههههههههههههه وش ارجع لها انت صاحي تبي جراح يذبحني وبعدين انت مو مسوي كل هذا عشانهاليه تبيني ارجع لها
شجون(عزوز):بعطيك 4 اضعاف الي كنت بعطيكياه يكيفك مده شهر كامل
واكثر وش قلت..؟؟
سعود:هاه بس انا مخاوي اللحين واحب خويتي وريا ماتبيني اصلا
شجون(عزوز):فكر زين انت عشت عمر مع ريا وموصعبه ترجع لها لانك عارفه وبعدين اهم شي مزاجك ولاخويتك الجديده
واصلا ماراح تدري
سعود:افكر
شجون(عزوز):لاياحبيبي ماعندي تفكر قلي يايه ولادور غيرك
سعود:طيب
شجون (عزوز):اسمع انابيك بكره ت.........................



ابتسمت شجون بعد ماسكرت من سعود وهي عرفت الي بينهي ريا وجراح
ودقت على جراح مره ومرتين ورد جراح بالمره الثالثه
شجون:مرحبا
مي(جراح):هلاعزوز
شجون:اخبارك يابووي.؟
مي(جراح):ماشي الحال
شجون:جراح تدري ان ريا بالمستشفى
مي(جراح):وشو وش فيها
شجون:مادري يقولون تعبانه
مي(جراح):وش فيها طيب من متى هي بالمستشفى
شجون:الي سمعته انها بالمستشفى وبس مارح تروح لها
مي(جراح):وشو ماروح لها انت مجنون الابروح بس كيف اللحين اطلع من البيت
شجون(بأبتسامه ):ولايهمك بكره انا امرك ونروح لها
ولاخل ابوك يحطك عندي ونروح مناك لها
مي (جراح):ليه مو اليوم..؟؟
شجون:لاوشو اليوم ماينفع وبعدين البنت تعبانه بكره نروح
مي(جراح) :طيب بس اللحين ابوي يناديني باي
شجون:باي





روووووووقت شجوون حيل واخيرا جراح بيترك ريا ندمت قد شعر راسها هي الي جابته لنفسها وعرفته على ريا


بس من بكره ريا بتصير ماضي ياجراح
وريا بيظل حلمها جراح ماكوون عزوز اذا ماكرهتكم ببعض
عشان تعرفين من انا ياريا وماعاد تحطين راسك براس عزيز
بس المشكله حكي ابوها لها اليوم الصبح بلوه جديده بحياه شجون
الاسبوع الجاي بتجي بلوه على هالبيت ابو شجون بيتزوج
قال لها تجهز لها الجناح لانه بيتزج وطلع وتركها وهي مصدومه ابوها يبي يتزوج
مصيبه جديده فوق راسك ياشجوون ياربي كيف بتعامل معها وجود مخلوقه جديده بالبيت
هذا بيربط ابوي بالبيت يعني بيجلس بالبيت لاويبي لها جناح بعد والله ماني عزوز اذا ماخليتها تكره هالبيت من اول يوم
اجل وحده بعد هالسنين تجي وتأخذ مكان امها
اه يايمه الله يرحمك
هي سبب وفات امها مثل ماكانت سبب طلاق امها وابوها
بعد ماشافتها امها بين يدين زوجها طلعت المسدس
كانت ترتجف وهي مصوبه المسدس عليه كان زوجها وحبيبها وصديقها وكل حياتها مع بنتها وبسريرها
هوكان يتوسل لها ضغطت على الزناد وهي ترتجف سجون اسمعت صوت اطلاق النار وراحت لزاويه وتكورت على نفسها لمت نفسها وتبكي وتصرخ
امها حطت المسدس على راسها وانتحرت قدام عيونها
ثواني وجوالجيران على صوت اطلاق النار
شجون ظلت ثلاث شهور تتعالج وبعدها رجعت لسعوديه مع ابوها



******************


صحت من النوم وصلت وهي تدعي على ماري بيل
الوجع خف بس فيها حره ماتدري وين توديها نزلت تحت
عبير(بصراخ)ماري بيل
ماري
ياماري
جنان(زوجه ابوها):وش فيك تصرخين ازعجتينا فيه ضيوف
عبير(تخزها من فوق لتحت):مشاء الله يازباله وصايره تعرفين تلبسين بعد حركات والله
جنان:والله مازباله غيرك (ها)شهقت وشو الي على يدك
عبير كانت واشمه الصقر على عضدها
عبير (ببتسامه ماليه وجهها)وشم ياجنان وشم
جنان:وصلت فيك توشمين ياعبير
عبير:اي اوشم ليه ان شاء الله اخاف لازم اخذ اذنك يازوجه ابوي
يازباله يابنت الفقر
ولاخاف انك صج مصدقه نفسك انك زوجه ابوي هيه جنانووه اصحي يالغبيه اصحي انا عبير يعني لاشفتيني تنطمين وانا ماشوفك الاكرسي من هالبيت وكيس زباله
بس ولايكثر فهمتي علي لايكثر ووالله ثم والله لوفكرتي تذكيين يالغبيه لافرشك اذبحك بمكانك ماحد دراء عنك
طيب ياماما
جنان:تهدديني
عبير:ايوه وش عندك يالزباله
جنان(شافت عبير معصبه وخافت بس سوت نفسها مومهته)انا عندي ضيوف وطي صوتك
عبير:ليه مين عندك انتي ووجهك الخياطه بنت خالك ولالطباخه اختك
جنان:بنت خالي واختي اشرف منك
عبير:انقلعي عن وجهي لاوربك لاحط حرتي فيك
ماررررررررري ياماري(وتعلي صوتها)
جت ام عبير:هلا والله ببنتي عبير
عبير (تخزها وعطتها ضهرها):ماررررررري ياماري
وجت ماري بيل تركض
عبير:حطي لي فطوري بسرعه
وطنشتهم وراحت لغرفه الطعام تبي تفطر
ام جنان:الحين هذي الي تبين اخوك يتزوجها حتى سلام ماتعرف تسلم
جنان:يوه يايمه طلال بيعلمها ماعليك
ام جنان:والله ان طلال اشوى منها يابنيتي مالها شعر عيذه تقول ولد
جنان:يمه حبيبتي هذي عبير بنته الوحيده يايمه والله الخير بيطيح عليكم من وراء الي موعاجبتك هذي
بس توكلي على الله ولا يهمك



*********************



صحت من النوم كالعاده موجنبها اصلا هي مره بالشهر ولامرتين الي ينام فيها بالبيت عندها
اه ياربي انك ترحمني يارب
قامت من فراشها وراحت للحمام(وانت بكرامه) فتحت المغسله وقامت تناظر بنفسها والماء ينزل على يدينها الجافه
الي قدامها موهي السواد تحت عيونها صايره سمينه مرا شعرها طاير بأهمال ومتقصف ناظرت بجامتها
ليه هي موزيهم ليه موزي اماني وشهد غير عنها الفرق واضح حيييييييل
انا لازم اتغير اي لازم لازم اعلمه اني حلوه لازم يعرف اني احلى منها غسلت وجهها وتوظت وصلت
افتحت الدولاب تبي تبدل ملابسها
طاح الصندوق وطاحت الصور منها
هذي صوره احمد اه ياأحمد الله يرحمك ياخوي الوحيد انتقلت عيونها للي كان بجمب احمد بالصوره كان ثامر
اه واه ياثامر حبها الوحيد هو الي قتلها هوالي قتل اخوها قتل امها وابوها
هوالي دمرها ودمر عايلتها
الله يرحمك ياثامر
بسبه مات امها مات اخوها الوحيد بسببه ماتت امها
بسببه هي متزوجه منصور
بسببه حاله غزل اللحين
لوكان ابوها ولاخوها عايش ماكان هذي حالتها
هوالي حرمها من امها
اخذ كل عايلتها ومات وراهم
ياليتني مت قبلكم كلكم ياليت الموت اخذني معكم
انهارت تبكي وهي تشوف صورهم وهم مجرد ذكرى





********************

خلصت اكل وصعدت لغرفتها
دق جوالها كان اماني
ردت عبير:ياهلا
اماني:مرحبا
عبير:ياهلا والله بهالصوت
اماني:كيفك اخبارك..؟
عبير:بعد ماسمعت صوتك انا بخير
انتي كيفك
اماني :تمام
بس وش عند اليوم غايبه
عبير:ولاشي بس كنت تعبان شوي
اماني:سلامتك وش فيك رشودي
عبير(ذابت عند هالكلمه):مافيني شي شويه تعب
اماني:رشوودي فيه حفله يوم الخميس عند وجدان صاحبتي وانت معزوم عليها انت واصحابك
عبير:اووك اماني بس انا مضطر اسكر اللحين اكلمك بالليل
اماني:اوك حبيبي انتظرك باي



كان معها خط ثاني صديقه لينا مريم من ريحه لينا
عبير:هلا والله
مريم:اهلين رشوود ووووووووينك يالدب منقطع عن العالم هاه
عبير:ههههه اعذريني كنت مشغول هلايام
الا انتي وين بالرياض
مريم:يب
ماتشوف الرياض منور
عبير:انا اشهد انه منور فيك يالغاليه ياريحه الغاليه
مريم:اسمع متى اشوفك اشتقت لك موت انت والدب عزوز
عبير:ولايهمك بكره تجين للبيت وافرشه لك ورد كم عندي مريم انا
مريم:اوك بكره بعد صلاه المغرب
عبير:اووك صار
مريم:يالله اتركك اللحين ولاتنسى تخبر عزيز
عبير:ولايهمك مع السلامه يالغلا

اه صديقه لينا ريحه لينا هذي كانت اقرب وحده للينا هي الوحيده الي كانت تدخل بعلاقتهم هي الوحيده الي لينا ماتغار على راشد منها
هي الوحيده الي بق مع راشد بعد موت لينا ولاتركته هي الي كانت توصلهم لبعض لما ام لينا امنعت لينا من انها تشوف عبير
كانت تجمهم ببيتها
ماتنسى 11/6/1427
قبل سنتين وشوي
اليوم الاسود بقموسها يوم موت لينا وموتها
اليوم الي هي بيدينها ذبحت لينا فيه لولا ذاك اليوم واصرارها على لينا
كان ممكن تكون لينا اللحين معها وجمبها وبحضنها
ماتنسى لما,,,,,,,,,,,,,,,,




****************


صحت لجين من النوم على صوتها
لجين طارت عيونها وافتحتهم على اخر حد وهي تشوفها جالسه قدامه وحاطه رجل على رجل هي نفسها هذا صوتها الي تكرهه
تناديها بأسمها وتبتسم لها
لجين تكره الدنيا بوجوده هالمراءه بحياتها تمنى تموت ولاتشوف هالمراءه
لجين:انتي وش جابك هنا برا برا
اطلعي برا
اه ((وبدت موجات الصراخ تعلو بالبيت))
وش تبين وش جابك
كيف عرفتي مكاني وش تبين فيني انتي
انتي ذبحتي ولدي انتي الي ذبحتيه
يمه
يبه
غرام
فارس
كانت تصرخ بكل اساميهم تبي احد يجي وينقذها منها
هذي الي ذبحتولدها جايه هنا تكمل على اولادها الباقين
المراءه ناظرتها ببتسأمه
ماراح تروحين مني يالجين لوكنتي بأخر الدنيا بجيبك بجيبك
وبروح اللحين بس بجيك بعدين
وطلعت براء الغرفه وسكرت الباب
لجين قامت ترجف من الخوف والبكاء
جت امها وغزل ركض على صوت لجين وهي تصرخ
لجين :جت جت هنا جت تبي تذبح عيالي جيبو لي عيالي
يمه وين اولادي ابي اولادي وكانت تحاول تقوم
امها اخذتها بحضنها وقامت تقراء عليها قران
بس لجين كانت تصرخ وتبكي بأعلى صوتهاوقوتها ضعفت واغمى عليها
غزل كانت مصدومه وهي تشوف منظر اختها اختها



شجون(عزوز)وش ناويه تسوي..؟
ووش سر هالحقد على ريا
وش بتسوي مع زوجه ابوها..؟
وبيتم الزواج من اساسه اولا..؟؟
اماني وعبير لمتى البرود بيسيطر عليهم..؟
وهل بيتغير شي بعلاقتهم بالحفله..؟؟
عبير(راشد)معقوله بتتزوج..؟؟
ومعقوله طلال اخو جنان يرضى بعبير زوجه له,,..؟؟
ولاعبير بتوافق اصلا ووش موقف ابو عبير من الخطبه..؟؟
وفاء وش قصتها مع ثامر
وليه ذبح ابوها وامها وابوها..؟؟
وليه لازالت متحتفظه بصوره..؟
وليه الانهيار قدام صورته,,..؟؟
عبير هل بيتغير شي بعد شوفتها لاصاحبه لينا مريم
ومريم وش بيكون رده فعلها لماتشوف اماني
هل بتكون عمر الميت مايرجع.......ولالي مادفنته بيدك معناته مامات...
ومريم وش بيكون رده فعلها بعد ماتشوف اماني وتعرف عن اماني..؟؟
ملاك هل بتبقى بعين جابر الطفله البريئه... ولالطفل مصيره يكبر..؟
ولمتى جابر بيظل ساكت على حالها...
اوان تفكيره بأن الفلوس اهم شي بيساعد ملاك وبيخليها تأخذ حريتها اكثر..؟؟
من الي لحق لجين لرياض ...وجاي بغرفتها ببيت اهلها ويهددها..؟؟

الفصل التاسع




وقت الفسحه بعد الحصه الثالثه
اماني تنتقل عيونها بين البنات دور عليها
وجدان:شكلها غايبه
غزل:اماني ماقالت لك شي
اماني: لا
(سحر وريم غايبات كالعاده ومافيه من الشله الاوجدان وغزل واماني)
غزل:الاشقر جاء
وجدان:اللحين هذي شعرها طبيه ولاصبغه
غزل:لافديته طبيعه
اماني:لاماعتقد شكله صبغه
غزل:لالا طبيعيه يابنت امها موسعوديه اصلا
اماني:يعني عيونها طبيعيه
غزل:لاعدسات وشعرها طبيعي تستهبلين اماني
اماني :وجراح مداوم بعد اكيد راشد معهم
غزل:لاصلا رحت لفصلهم اليوم وعبير مو موجوده
وجدان(تخز غزل):مشاء الله صايره تروحين لفصلهم
غزل:ابي اشوف المزيون(تقصد عزوز)
اماني امشو طاحت عيني بعين عزوز بروح اسلم عليه غزل اماني رزيني معك تكفين
اماني:يرحم خالتي الي جابتك وبلتني فيك اسكتي
وسلمو عليهم وطبعا غزل رزت وجها وسلمت على عزوز وجراح
اماني:عزيز سلامتك وش فيك شكلك تعبان
شجون:لاسلامتك بس شويه تعب
اماني:وراشد ليه غايب..؟؟
شجون:ليه ماقالك
اماني:وش يقول
شجون:يعني ماقالك انه بيغيب لاني مستغرب اول مره يسويها ومايقولي
اماني(بأبتسامه باهته):لاماقلي شي ولاكلمته اصلا
شجون:سحبت اماني مع يدها ومشت معها
شجون:اماني صاير بينكم شي
اماني:لا
شجون:اكيد
اماني :ايوه اكيدبس(ودق الجرس يعلن انتهاء الفسحه)
اماني:بروح اللحين علي واجب وماحليته بروح احله قبل تجي الاستاذه
شجون:هههههه طيب ياكسلانه



***********************


ماري بيل:عبير شو عم تعملي ارحمي حالك شوي
عبير:انقلعي برا لاشوف وجهك
وشوفي الحيوانه وش تسوي
ماري بيل:قصدك جنان
عبير:لانتي يالهبله من فيه غيرها
ماري بيل:لاتعتلي هم هيا خافت وماراح تعمل شي صدقيني
بس انتي ارحمي حالك وطفي السجاير شوي
دق جوالها كانت شجون تدق عليها
عبير:ماري ردي على شجون وقولي لها اني نايم
ماري بيل:وليه مابتردي انتي
عبير:قلت لك ردي مابيها تسمع صوتي كذا الي فيها كافيها قولي اني مارضيت اصحى الصبح
خلصيني ولاتقولين لها شي
ماري بيل:طيب
اهلين شجوو
كيفك حياتي
لاعبير نايمه
مافيها شي بس مافاقت الصبح كالعاده
اوك تأمري امر

باي
ماري بيل تمد الجوال لعبير تفضلي
عبير:وش قالت شجون
ماري بيل:ماقالت شي بس تسأل عنك وليش مارحتي لسكول خافت عليك
عبير:طيب اطلعي وطفي اللمبات بنام
ماري بيل:حاضر



**************************


قامت من النوم وهي متكسره ناظرت الساعه يوه الساعه 3 العصر
قامت تمغط تحس جسمها مكسر وتعبانه نايمه من امس الساعه 1 بالليل وتو تصحى
استغربت انه ماصحاها كالعاده
رمت الفراش وافتحت الدولاب وطلعت لها بيجامه موف مقلمه بأبيض
ولمت شعرها بتوكه صغيره
طلعت لقته نايم على الكنبه كسر خاطرها كيف هي مرتاحه على نومه السرير وهو صار له فتره ينام على الكنبه
اليوم اخر يوم لهم بالهند وبعدها بترجع لسعوديه
خايفه من رجوعها
ماعدتي مثل قبل ياملاك الجبار
كيف برجع امي ابوي موطايقين يشوفون وجهي
صاحباتي مشتاقه لهم مووت (وسن) صارلي شهرين موشايفتها ولاسامعه صوتها ولانا حافظه رقمها
ومنصور اه يامنصور
مشتاقه له مشتاقه لصوته وشوفته
مشتاقه تحس بالامان من تسمع صوته
بس حرام افكر فيه وانا متزوجه لاصلا انا متزوجه غصب عني وموبرضاي وكلها خمس شهور سته وبطلق
هووالله طيب وحنون بس حنا مولبعض ياجابر بطلق من جابر
وبيتزوجي منصور اكيد(كل هالافكار جت ببال ملاك وهي سرحانه فيه)
كانت تتأمل جابر فيه من منصور فيه شي يشبه له
ملاك تعوذت من بليس
استغفر الله ياربي صرت اشوف الناس تشبه له
وحست على نفسها وراحت تغسل وجها وتوضىء وتصلي



هو كان يسوي نفسه نايم سمع لاه طلعت منها وكيف كانت تناظر له
هالبنت وراها سالفه غير انها مغصوبه عليه هذا شي اكيد ومتأكد منه مثل ماأهلي غصبوني وانا رجال وابو بنات
اهلها غصبوها المسكينه


طلعت من الحمام وكألعاده لقت السجاده مفروشه صلت الصلاه الي فاتتها صلاه الفجر والضهر والعصر
لفت تسلم خلصت صلاتها اخيرا
لقته جالس يناظرها
جابر:تقبل الله
ملاك:منا ومنك
جابر:مابغيتي تصحين
ملاك:ههههههه احس ضهري انكسر من النوم
جابر:نوم العوافي حبيبتي
ملاك(ابهتت ابتسامتها)
جابر:ننزل نفطر
ملاك:مافطرت
جابر:يووه من زمان بس ننزل نفطر اللحين وبعدها نروح لسوق نشتري هدايا وحوسه لهلنا بكره طيارتنا
ملاك:طيب دقايق اغير لبسي واجي



****************


السعوديه

(بيت شجون)


الساعه 4 وربع التوتر واضح عليها
كانت تهز رجولها بسرعه وبتوتر والسيجاره من الصبح بيدها تطفي وحده تشرب الثانيه
من امس مواصله ومانامت ولابيجيها النوم لماتسوي الي براسها وتطمن ان ريا صارت ماضي
صارلها ساعه تنتظر سعود يدق
ومادق قررت هي الي تدق
شجون:هلا سعود وينك
سعود:انت بالمستشفى.؟؟
شجون:لابس بعد نص ساعه بكون هناك
سعود:طيب بس قبل لاتطلع عطني خبر واول ماتوصل للمستشفى ارسل لي مسج واخل الباقي علي
شجون:سعود لومنت قدها قلي من اللحين ادور غيرك
سعود:لاعزيز افا عليك قدها وقدود
كان معها انتظار مي(جراح)
طيب يالله باي
شجون:هلاجراح
مي:اهلين عزيز دقايق وجاي بس لما يطلع ابوي من المسجد
شجون:اوك حبيب قلبي انا بنتظارك
ربع ساعه وجت مي (جراح )لبيت شجون
شجون كانت تنظرها بالصاله الي تحت
مي:السلام وسلمت عليها
شجون:وعليكم
وحضنتها
مي:يالله نروح لللمستشفى
شجون:يأخي مافيك صبر يالله السايق ينتظرنا
مي:.........
مي اخذت بوكيه ورد احمر كبير
وهي موعارفه كيف بتكلم ريا ولابأي وجه بتقابلها
شجون:انا بطلع معك اسلم وبنتظرك عند الباب
مي:اوك
نزلت وارسلت مسج لسعود تخبرها انها وصلت
شجون:تمشي بكل راحه وشموخ وهي عارفه انها اليوم انهت ريا وان نهايتهيا اليوم
لفت على مي(جراح):عارف رقم الغرفه..؟؟
مي:اي انتي قلتي 120
وصلو للغرفه كانت شجون تمشي وراء مي واصلا مولاحقتها لان مي تمشي بسرعه شجون الابتسامه ماليه وجههاوعطت سعود دقه
اول مادخلت لقت مي(جراح) واقف بمكانه وعينها طالعه
دخلت شجون(كان سعود جالس بجمب ريا على السرير ونايمه على صدره وماسك يدها ويمسح على شعرها بيده
مي انجنت من سعود وريا وهالشي الي قدامه وطريقه حضنه اكد لها شكوكها
ريا(وتبعد عن سعود)جراح
مي(جراح):جراح يالرخيصه
شجون امسكت مي :جراح امش
شجون طاحت ضرب بسعود
شجون جراح امش خلاص
ريا كانت تصرخ ومصدومه من الي قدامها جراح بيذبح سعود
كان يطق سعود بأقوى ماعنده
شجون بالموت قومت جراح من فوق سعود
سعود قام وفمه دم من ضرب جراح
حراح لف على ريا:تفوه عليك يالرخيصه ومسك الورد وحذفته بوجه ريا
ريا كانت ساكته وماتكلمت قامت بسرعه تشوف سعود الي على الارض ويتلوى من الوجع
لان جراح ماقصر فيه
جراح(مي )كانت تبي ترجع تكمل على سعود تبي تبرد حرتها


بس شجون امسكتها غصب
مي:اتركني خالني اذبح الكلب
شجون:بالموت طلعت جراح من الغرفه
عدلت عبايتها ومشت بسرعه لسياره
شجون ماتكلمت بولا كلمه وهي عارفه ان مي معصبه
مي(جراح):عزيزوصليني لبيتي
شجون(عزوز):طيب
وهذ1 الي صار وصلت مي لبيتها ورجعت لبيتها وهي مبسوطه وبطير من الفرحه
والله منت هين ياسعود بس جراح ماقصر معه
دق جوالها ومثل ماتوقعت سعود
شجون:هلاوالله
سعود:اسمع لهنا انا وبس وعلى فكره بتدفع ثمن الطق الي انطقيته
شجون:بدفع بدفع لك خلاص هالشهر حشيشك كله علي مرني اليوم بأي وقت وانا اعطيك انا عزوز لاوعدت معناته اعتمد
سعود(معصب):الحين امرك
شجون:اوك حياك بس عند الباب بعطيه الشغاله تعطيكياه وانسى كل الي صار بينا طيب
سعود:اصلا ماصار شي بينا
شجون:حلوو اوك باي
سكرت منها وهالدوخه مجننتها موطبيعيه
لازم اروح للمستشفى اشوف بلاه اليوم موعد فاطمه بس تعبانه وهلكانه من امس مواصله




*************************



عبير طيب حبيبي دير بالك على نفسك ترى حالتك موعاجبتني
شجون طيب وسلم لي على فطوم وقول لها اشوفها وقت ثاني لاني جد تعبان
طيب باي
سكرت عبير من شجون وتنهدت
شجون حالتها موطبيعيه

كلها ساعه وجت فاطمه
عبير كانت تنتظرها هذي ريحه الغاليه
تحس روحها ردت لها من شافتها من بعيد
ركضت لها وضمتها وشمتها تشم فيها ريحه لينا هي الوحيده الي لها من ريحه لينا
فاطمه تضرب كتفها سمنانه وحليانه
عبير تمسح دموعها من الفرحه هههههههههههه
لاتحاولين ماراح اخاويك
فاطمه:ليه ضاقت عليك احبك انت الا وين المزيون
عبير:مافيه مزيون غيري
فاطمه:لالمزيوون عزيز وينه
عبير:تعبان وماقدر يجي
فاطمه:ليه وش فيه..؟؟
عبير:بس شويه تعب بس والله حالته مومريحتي
فاطمه:منت ناوي تجلسني
عبير:هههههههههه سوري من الفرحه نسيت حياك البيت بيتك
ماري بيل جت :مرحبا فاطمه
فاطمه:ماري وتضمها
ماري بيل:كيف اخبارك فاطمه شو هالحلا لك وين شعراتك
فاطمه:ههههههه راحو ياماري راحو قصيتهم
ماري بيلك بس هيك كثير حلوو بيعقد عليكي
فاطمه:ماري والله بشرتك تجنن عطيني من كريماتك
عبير(فاطسه ضحك):فطوووووم ترى ماري لبنانيه والله تبطين عظم ماجيتي زيها بس امسكي ارضك ياأختي
فاطمه:مالت عليك والله اني اخبل
ماري بيل:شو بتحبي تشربي ست فاطمه
فاطمه:والله ميته جوع
عبير:وانتي هذي سالفتك طول عمرك ميته جوع من عرفتك وماعلى لسانك الا هالكلمه
فاطمه:خلنا مني اللحين قلي من الي تحبها
تصدق ماصدقت المزيون يوم قال انك تحب ع بالي يستهبل
عبير:اه
فاطمه:حلوه..؟؟
عبير:لينا
فاطمه:وشو
عبير:لينا قدام عيونك هي لينا نسختها
فاطمه:رشوود حبيبي قلنا ننسى هالموضوع
عبير:اقولك اماني هي لينا نسختها يافاطمه نسختها هي مافيه مخلوق يقدر يقول انها موهي
فاطمه(بأرتباك):الله يرحمها
عبير:انتي ماراح تصدقين لما تشوفينها
فاطمه:وانت حبيتها عشان كذا
عبير:.......
فاطمه:عبير افهمي لينا الله يرحمها صار لها سنتين لاتعذبينها بقبرها
عبير:،،،،،،،(ساكته)
فاطمه كانت جلست على اكنبه بجمب عبير ومسكت يدها عبير حبيبتي حنا ماحكينا بالموضوع ذا اكثر من مليون مره
لينا راحت ياعبير راحت والله يرحمها ومستحيل ترجع مره ثانيه
عبير(بصراخ)لاماراحت
فاطمه اماني هي لينا نسختها
فاطمه:واذا كانت نسختها وتشبه لها بالشكل بس بس بالداخل لا
عبير وطلع جوالها شوفي شوفي الصور هذي بعيد ميلاد جراح ماصار لها اسبوع هالصور
شوفيها مولينا هذي مولينا
فاطمه انصدمت بالصور بس هذي صور لينا...
عبير:لامولينا هذي مولينا هذي هي اماني شفتي كيف انها هي انتي صاحبتها مافرقتي بينهم
فاطمه:عبير هذي لينا صح انتي تستهبلين
عبير:لاوالله هذي هي اماني حبيبتي وتلومني ليه حبيتها حبيتها لانها لينا
فاطمه سكتت من الصدمه وكانت تناظر لصور تتحدى اي شخص بالكون يقول ان هذي مولينا
عبير هي صح صح فطوم هذي لينا
فاطمه(لفت عليها مصدومه):وش هي لينا لينا ماتت
هذي تشبه لها وبس (فاطمه بينها وبين نفسها تقول هذي لينا ومستحيل تكون تشبه لها)
فاطمه:عرفيني عليها ابي اشوفها
عبير:توها مرسله لي رساله فيه حفله عند صاحبتها يوم الخميس بس الغوها لان بيسوون استقبال لخوها وزوجته توهم جايين من شهر العسل وانتي تعالي معي
شوفيها وتعرفي عليها
فاطمه (بأبتسامه باهته ومتردده):اي اكيد راح اجي




****************************




جالسه على سريرها تبرد اظافرها وتحط مناكير
شهد (تطق الباب)اموووووووون افتحي الباب
اماني:مفتوح ادخلي
شهد:وش تسوين
اماني:اسوي اظافري
شهد:اسمعي غزل دقت علي قالت شوي تبي تجي لانها من الصبح تدق عليك وماتردين
اماني:يووه جوالي نسيته على الصامت من المدرسه
شهد وتجلس جمب اماني وتحط من المناكير
اماني:شهد وش اخبار لجين ..؟؟
شهد:اليوم الصبح رحت لها انا وماما
اماني:متى رحتم..؟؟
شهد:الصبح
اماني:مداومتي
شهد:نوو
اماني:كانت انتظرتوني اروح معكم فشله مارحت لها
شهد:عادي بكره روحي لها
اماني :طيب شخبارها..؟؟
شهد:انا انصدمت لما شفتها هي كانت نايمه وخالتي قالت لاحد يصحيها بس مريت عليها ضعفانه حيييييل
وتخيلي جسمها كله جروح واثار ضرب ونار وسجاير
اماني:طيب مين مسوي فيها كذا..؟؟
شهد:مدري عيت تقول الكل سألها بس هي موراضيه تقول شكلها يكسر الخاطر
اماني:والله شي يخوف وزوجها ماجاء للحين..؟؟
شهد:لاعنده شغل
اماني:مالت عليهم رجال عايلتنا ماراح اتزوج من العايله كل همهم الفلوس وبس
شهد(تناظر لها من طرف عين)ليه يعني مايهمك الفلوس..؟؟
اماني:الاتهمني بس موزيهم عاد
شهد:اي انتي خلتك مع بويتك بس
اماني:وه فديتها بس
شهد:صج وش صار عليكم
اماني:عادي مافيه شي مهم
شهد:اماني ديري بالك وانا واثقه فيك
اماني:شهد وش قصدك مانتي عارفتني ولاعارفه تربيتي علاقتنا عاديه يعني مافيه شي واكيد ماراح ارضى تلمسني وع قرف
شهد:وانا واثقه فيك بس بذكرك
اماني:الاصج بكره بنزل لسوق نشتري ل استقبال زوجه اخي الجديده بنت الجبار
شهد:اقول لاتنفخين ريشك وتشيلين هم تراها موحلوه
اماني :احلفي من قالك
شهد:الكل يقوله عاديه وهي طبعا وحيده اهلها بس مغروره
اماني:تنغر على الناس بس موعلى اماني بس ام شي انها موحلووه
شهد:اخ بس ياليت منصور الي تزوج
اماني:الاصج البطه(قصدها وفاء) من زمان موشايفتها والله لاتفشلنا بالاستقبال خلينا نأخذها معنا لسوق ونشتري لها
شهد:تتوقيعن تجي للعزيمه
اماني :اي اكيد
شهد:طيب يالله تشاووو اماني
اماني :وين بطسين
شهد:بروح اخذ لي شور
اماني:نعيما



**********************




يوم الثلاثاء


وصلت طيارتهم بسلام وهبطت على ارض مملكتنا الحبيبه
ارض العاصمه الرياض
كان قلبها يدق بسرعه خايفه وهي جايه لحياه جديده
تحس انه يسمع دقات قلبها
كان بأستقباله وائل وسامي منصور مشغوله بأجتماع مهم بالشركه مع انه مايشتغل بالشركه بس رايح نيابه عن ابوه واخوه
كانت الساعه 1ونص الضهر
وطبعا قال لأمه ماتعب نفسها ولاتسوي اي شي لانه بيجون تعبانين رحلتهم كانت 4 ساعات ونص
جابر حضن وائل وسامي الي كانو بحسبه اخوانه
ملاك كانت مستحيه ومنزله راسها مدت يدها لهم وصافحتهم
وصلوهم لبيتهم مع انهم اصرو ان جابر وزوجته يتغدون عندهم بس جابر اعتذر لهم لانه تعبان
وصل للبيت ولقى امه وخواته ينتظرونه بالصاله
سلم على امه ويحب راسها ويدها
ام جابر:الحمدلله على السلامه يمه
ملاك تسلم على ام جابر بخجل وراسها بالارض من الحيا
اما اماني وشهد طايحات خز فيها واكبر هم لاماني بتشوف من احلى هي ولاملاك
سلمو عليهم
جابر:يالله تعبان وبطلع انام
ام جابر:اجلس تقهوى معي يايمه بشبع منك
جابر:يايمه مووقت قهوه بنام المغرب اشربها معك
ويناظر لملاك وراحت له حط يده وراى ضهرها وركبو الاصنصيل
ام جابر:عسى الله يسعدهم ويهنيهم يارب
اماني(وتنط قدام امها):ماميتي ماميتي
ام جابر:بسم الله الرحمن الرحيم وش فيك يمه
اماني:يمه احلى انا ولاملاك
شهد ميته ضحك عليها
ام جابر:بسم الله خرعتيني لايايمه ماهي حولك انتي زينه البنات مافيه احد زينك
اماني يعني انا احلى بكثير ولابشوي
شهد:مالت عليك وش جاب لجاب موحلوه زوجته
ام جابر:المهم انهم مرتاحين وبس
شهد دق جوالها :يالله انا بطلع انام
اماني :وانا بعد بطلع انام
ام جابر:نوم العوافي بس اصحو على صلاه العصر
شهد:يصير من الله خير
ام جابر:عشان تروحون لسوق مابقى شي على العشاء
شهد:اي صح ولايهمك مامي من الساعه 3 وانا صاحيه





************************



دخلت الجناح وتحس بكهربه بجسمها من لمسته لها
فتح لها باب الجناح كان جناح فخم حييييييل
جابر ادخلي لبيتك برجلك اليمين
ملاك بأبتسامه
الشقه حلوه وعلى قدهم وكأنهم ببيت منفصل
كانت شقه زوجته غزل بس غزل انتقلت للبيت مستقل بجمبهم
طبعا مغيرين الشقه 180 درجه
كان يطغى عليها اللون البنفسجي الجدار موف والاثاث باذنجاني وغرفه النوم نفس اللون
اما الصاله الثانيه كانت سماوي ببيج
جابر:ملاك انا تعبان بروح اخذ لي دش وانام
ملاك:طيب
جلست على الكنب وهي مومسوعبه شي تبي تأخذ لها شور وتنام تعبانه حدها
خلص الشور حقه ونام
راحت اخذت جوالها ويدها ترتجف دقت هالرقم الرقم الوحيد الي حافظته كان رقمه
دق رنه وثنين رد بصوته الي تعشقه
منصور:الو
ملاك:.....
منصور:الووو
ملاك:....
طال الصمت
منصور:ملاكي...











ملاك هل بيتغير شي لرجعتها لسعوديه..؟؟
طلاقها ورجوعها لمنصور...هل هوحلم ولاكالعاده مو بنت الجبار الي تحلم
لان حلمها بيتحقق...؟؟
لينا عرفناها من قصه والي تذكره عبير ولكن لواحد روىء لنا قصتها هل فيه شي بيتغير...؟؟؟؟!!
شجون بعدت ريا عن جراح بكل سهوله بس ليه..؟؟
بس ياترى بكل سهوله بتنسي جراح ريا..؟؟
شجون وش قصه الدوخه الي تجيها..؟؟
لجين ... غموض قصتها....
هل هو جنون مثل ماقالت غزل...؟؟؟
بس اجهاضها وموت ولدها واثأر الضرب يأكد شي ثاني..؟؟
لقى فاطمه واماني بيغير شي بعلاقه اماني بعبير(راشد)..؟؟

لمياء متعودين على سفرها بس ليه سفرها كثير لشرقيه..؟؟

غزل بعد رجعه جابر هل بيتغير شي خصوصا انها رافضه تكلمه طول ماهو مسافر..؟؟

وش موقف ملاك لماتعرف انه متزوج...وان زوجته مو متوفيه اومطلق مثل ماصور لها خيالها..؟؟

جنان معقوله خلاأأص شالت فكره زواج اخوها من عبير...؟؟

وعبير بترضى ان يجيها اخو وهي ‘ارفه ان جنان داخله على طمع...؟؟

العشاء وحفل الاستقبال بيكون فيه احداث كثيره.....
وش بيصير بعد مكالمه ملاك لمنصور..؟؟