(6)

بندر و سعود و هشام كانوا جالسين في الاستراحه ، بندر منسدح في الكنب و طلع السيجارة وبدا يدخن ، سعود كان يناظر فيلم (كازينو رويال)... اما هشام كعادته قاعد يصرح يقول : زواج اختي بعد اسبوعين شفت وشذا الزنقه يعني ماقدر اطلع اغير جو..!
بندر باإبتسامه : غريبه توقعتك تروح مايهمك لان اعرفك ألزم ماعليك الا اللي خبري خبرك... وبعدين عادي انت دلخ مايهمك بس قل انك حاسب حساب ابوك وعماني الشياب ( و يغمز له )
سعود التفت وقال : هاه انت واياه أنا اتركوني خارج القائمه السوداء..!
هشوم باستعباط : اي خابرين انت حاطينك سبير..
بندر : هههه
بندر : انت ياسعود تكملة عدد..
سعود : يا درج انت واياه يا قواطي اقصد إذا راحت امي تخطب لي مايقولون ولدك عنده شيء كل شوي منطنط ينقل راسه هنا وهناك زي بعض الناس يوم خطبوا له قالوا اهل البنت كذىىى.
هشوم: كركركر ماتضحك يامصلك بسس.. (هنا دق جوال هشام ناظر مين المتصل ابتسم وقال عن اذنكم.. )
سعود : يلا اشتغلت الحركات النص كم... عيب كبرتوا على هالحركات ايه اكيد تأخرت عليها ..
هشام وده يذبح سعود وكان يشر له اني بقص رقبتك ... وكان المتصل كأنه يسأل عن فوضى سعود..
( بندر كان يدخن ويبتسم بصمت )
هشام : ابد عيوني بس عندي شايب مخرف يبي قهوة و غثني بصوته العالي خبرك الشياب امرهم امر..!
سعود ناظر بندر وقال : إما هشام عنده موهبه تمثيل مو صاحية تبرق و ترعد...
بندر ماقدر يمسك نفسه : ههههههاي حلوه تبرق وترعد
بندر : لا يغرك تراه ماحولك احد دجه بس صوت على الفاضي...
(هشوم انزعج من قلة ذوق عيال عمه على قولة اللي يحاكيه )
هشام طلع يكمل كلامه بالساحه...
بندر : إلا ياسعود كيف بدر مبسوط انه بيعرس؟ ياخي مدري وش مشقيه ؟
سعود يناظر الفيلم بجو لأن اللقطه كانت لحظه رومانسية ماتفوت..،
بندر رفع صوته : سعود وصمخ.. اسألك انا.؟وش اخبار بدر ؟
سعود: هاه ايه مبسوط.. الرجال بيتزوج مسفهل مره..مابقى إلا انا وانت ندربي رووسنا كأنا قواطي ..
بندر : هههههه مين ماسكك ...( بندر ناظر في اعلى السقف )
وواصل كلامه : ياشيخ طير بس اطلع من مخي.. اللي ابيها تقرقع في بالي ولا لقيتها ابيها في طيبة أمي وحنانها بالعربي ابيها نسخة مكررة من أمي . ( لاحظوا ذي امنية أي شاب سعودي ^_^ )
سعود : ايه بس زانت علومك اذا تبي زي امك عسى الله مانتب لاقي .. عندك اربع عمان وكل واحد ما شالله معه درزن اقل شيء يعني بنتين اختار لك وحده تجوز لك ( ويغمز سعود لبندر)
بندر: إذا حجت البقر على قرونها ذيك الساعه افكر بالزواج من العائله..!
سعود ينفض ثويه : يارب اني برئ منه وأنه مجنون ومضيع لا تواخذه..
بندر : هههههه
وبعدين بندر قام وطلع لأن عنده استلام بدري ركب سيارته البي ام دبليو ، وحرك..ضغط المسجل وذا ابو نوره " الاماكن اللي مريت انت فيها..عايشه بروحي وابيها بس لكن مالقيتك"
(اه بس) طلعت من قلبه واهو مار ناظر بهايبر بنده وغني بإحساس : الاماكن كلها مشتاقه لك ماهو بس انا حبيبي..
في هذه الاثناء كانت زينة متحطمه كليا واهي تقول دايم حظي ناقص ياسبحان الله..فكرت زينة كثير لين صدعت تعبت وضاقت... اه بس عجزت عن قلبي اه من قلبي نصحته بس عيا ينتصح نبضه يبيه...! فكرت تشغل نفسها عن التفكير حتى تنساه يتهنى في حبه... اه بس ياليتي ما شفته..! حاولت تنساه حتى انها كتبت خاطره ترثي نفسها ذاك الليله...
زينة تفكر وتقول بنفسها : ضروري انام بكره عندي محاضرة اولي يارب تستر ولا انام عنها بس... هنا دق جوالها.
.المتصله اميرة : هلا زيون عسى ماصحيتك بس؟ زينة: لا وش دعوى مابعد نمت
اميرة : طيب بليز مريني بكره بروح معك الجامعه لأن محاضراتي بدري ان شالله
زينة: طيب يا سكره ..
اميرة: طيب بون وي... زينة: بون وي..
"
"
"
(7)
زينة صحت للصلاه ولا نامت بعدها جلست روقت بقهوة ، وراحت وقفت عند خزانة ملابسها قررت تلبس بلوزه قطنية فوشي من برمود على تنورة سوداء من شانيل طبعا شانيل أكيد قصيرة، بعدين فتحت شعرها الطويل وسووته (وفيي ) تمويجات حلوة.. اخذت معها شنطتها من قوتشي فتحت الشنطه لقت عطرها من فرساتشي... اعاد فيها ذكريات ذاك اليوم الممطور... بس طنشت لأنها سمعت اميره تقول انه يحب..
زينة طلعت بعد مافطرت...قالت للسايق يمر اميرة... اميرة كانت جاهزة بسرعه ركبت...
اميرة: صباحك سكر زيون..
زينة : صباحك ياسمين..
لبست زينة نظاراتها من بولغاري و سندت راسها على المرتبه ،
اميرة بحيوية: يختي متى تتوقعين زحمة الرياض تخف..؟ قرف غصب الواحد يفقد اعصابه..
زينة باإبتسامه: فديت الرياض وزحمتها..
اميرة: لاه صدق والله.. الدنيا اذواق ، الله يخلف عليك يالمعفنة..،
زينة: اقول انزلي بس ولا يكثر ، قبل لا البوابه تصير زحمه ونروح فيها عاد لا انا ولا انت كلنا عصاقيل... اميرة : كم محاضرة عندك ؟
زينة : اربع ، وأنت ؟
اميرة : خمس بس قولي امين أن الدكتورة نادية تغيب جعلها ان شالله... ....
زينة : يالله صباحك الطيب وفرجك القريب..خير روقي يختي..،
طول الطريق واميرة تدعي انها تحصل اوف عشان تأخذ تور على الكلية..
0
0
0 0
في وقت البريك ، زينة كانت تشرب عصير وبطرف عينها شافت اميرة تهجول مع صاحباتها وتأكدت ان الدكتورة نادية غايبه...
وقت اخر الدوام ركبوا البنات بالسيارة..
زينة : الله يكفيني شرك دعوتك استجيبت وغابت الدكتورة نادية..
اميرة : اي غابت جعلها ما تعود...
زينة : اعوذ بالله من الشيطان..
زينة : تصدقين ناقص علي كتاب ولا حصلته ، مع ان شكسبير مؤلفاته مطلوبه بس ما حصلت هالمسرحية..! اميرة : وشي اهي كانها از يو لايك ات عندي تعالي البيت واخذيها،
زينة: مقدر عندي مواعيد ضرورية بس تدرين الحين وأنت نازله هاتيها ؟
اميرة : زين يلا ذا احنا وصلنا البيت انزلي معي اخذيه..
زينة : مستحيه الظهر وبعز القايله بعد
اميرة : اقول تلايطي بيت عمك عادي بعدين مافي احد كل بدوامه..
(نزلت اميره و وراها زينة دخلوا البيت بعدين مباشرة لغرفة اميرة.. وأخذت زينة المسرحية وطلعت لأنها خايفه تتأخر..واهي نازله مع السلم كانت شنطتها بيدها والكتاب ومعها مجلتين سيدتي اخذتهم من اميرة بيدها الثانية..دق السايق يستعجلها راحت تركض واهي بالسلم رافعه النظارة فوق الطرحه..وهي نازله..)
صار ح ادث
اصط دام محرج
وعنيف بنفس الوقت
صدمت بندر واهو طالع غرفته بالدرج ... كان توه طالع من الدوام ومعصب ، كان يشتغل بأوراق بيده
،الصدمه كانت قوية جدا لدرجه ان الكتاب طاح والنظارة انكسرت وشنطتها طاحت عند رجل بندر..
بندر معصب حده.. زينة صرخت
بندر: عمى..ماتشوفين وش فيك..؟
زينة انحشرت وما تخيلت نفسها بهالموقف..
(بندر لاحظ متأخر انها مو اميرة ناظرها وانبهر بجمالها الاكثر من رائع ، وتذكر هذا الوجه الحلو وين شايفه وووووووين ياربي وين ؟؟؟؟ أي بسس ذي اللي شفتها بهايبر بنده )
فكرت تلم اغراضها بس تركتهم وغطت وجهها و هي تبكي بنفسها..
بندر ناظر يدها اليمنى كتاب از يو لايك ات فور شكسبير و يدها اليسرى شنطة فوشية مش غريبه علية طبعا العطر طاح وانكسر وانتشرت ريحة عطر فرساتشي اللي رسخت لبندر شي في باله كل يوم يزوره..
بندر انحرج مره : سوري لا تواخذيني احسبك اختي اميرة..( على باله من صديقات اميرة)
بندر يجمع باقي اغراضها معها واهي هربت..
بندر: يو لحظه تعالي يا...! اغراضك..؟ يا بنت.. يابنت.. شنطتك..؟
وتفحصها عرف وتأكد انها اهي اللي شافها ورسخت بمخه..!
اميرة نزلت بسرعه.......
أميرة : خير بندر وشذا الصراخ.( و ناظرت) قالت : يو اغراض زينة ! ليش شنطتها كذى طايحه و ناظرت بعيد شافت نظارتها مكسورة...والعطر بعد وش اللي صار..؟
بندر : ههههههههههههه
اميرة بخوف و صدمه : وش سويت يالخبل ؟
بندر: و أنا نازل واهي طايرة صدمتها...
اميرة : يلعن شكل شيطانك يا بندر. وتضحك يالشين ..اكيد البنت فقدت عقلها صدمتها ماتشوف عساك اللي مانيب قايله ... حشى صدمت عامود كهرب مو انسان ... انت ما تشووووف ياربي يافشلتي منها الله يأخذ عدوك
بندريطبق شماغه اللي طاح ........
بندر : بالله دقي عليها شوفي وش سوت لا تكون انهبلت..! او انخرست لانها صرخت اول ماصدمنا بعض وبعدها أحاكيها ولا ترد..
اميرة : ولك عين بعدد من عذرها الله يلوم اللي يلومها انت تدري كم طولك عملاق تخرش اللي يشوفك عاد كيف يصدمك...
بندر: هههههه بالله دقي عليها..؟
اميرة دقت عليها المفاجأه ان جوال زينة دق بالصاله يعني بشنتطها اللي هربت و تركتها عندهم..
بندر: امشي اوديك لها اخذي اغراضها وتطمني عليها وامانة قولي لها اني ماشفتها واني صرخت عليها احسبها أنت..
اميرة شهقت : ياسلام عيني عينك وأنا اسمعك يابندر وبعدين من متى وانت توديني مشاوير بعز الظهر دايم ما تطق لي خبر وش معنى الحين هاه
بندر: انت اختي و نمون مع بعض بس هي كسرت خاطري مسكينة تكفين اميرة اخوك طلبك تردينه..؟
اميرة : وأغراضها اللي كسرت النظاره والعطر وماإلى ذلك..!
بندر : اجيب لها غيرهم واحسن بعد بس يلا يمكن تبي اغراضها !
راحت اميرة دخلت على زينة بغرفتها اللي كانت تبكي بقوة كانت جالسه على سريرها وفاتحه شعرها وكحلها سايل من الدموع..
اميرة : زينة أنا اسفه احرجتك بس غصب تعرفين أنا ما...
زينة قاطعتها : عن جد ما قصرت وبس..
اميرة : يا بيخك زينة يعني مدبره هالحركه الله وحده اللي يعلم نيتي..
زينة: بس انت اصريت اني انزل ليش ما قلت لي ان اخوك يطلع بدري..! حرام عليك كذى يعني انا ما أستاهل منك كذى وبعدين لو تدري امي بتكسر راسي عارفه..! و استمرت تبكي...
اميرة : أنا اسفه زينة ادري الموقف صعب بس غصب وربي يعني صدفه ذاك اليوم شرف بدري..،
زينة: على حظي جا بدري لا وليته اي شي صدمني ياأميرة بقوة يعني تخيلي رفعت راسي وجهي بوجهه...والله خفت.. كنت بموت خصوصا يوم زعق علي
اميرة : هههههاي ليتني شفتكم بس
زينة: اي اضحكي جعلك تشوفين اللي شفت...
اميرة: لا تكفين ادعي اني ارسب ولا يصير كذى، المهم اسمعي بندر يقول انه يعتذر لك ومتأسف كثير...وحتى هو منحرج منك..
زينة: اخوك ذا مايستحي بجد ياختي خلاص ماصار إلا خير بس تكفين قولي له زينة عندها طلب انك ماتقول هالسالفه لاي احد..؟
اميرة : وصل وبصفقه لك حتى يتأدب.( .<-- اخذه مقلب بنفسها اخخ )
زينة: يختي أنا اللي بليته جايه في بيتكم...
اميرة : لا يكثر بسس..........
دق جوال اميره هذا بندر..
اميرة: اكيد حصل بوتيك بولغاري وخذا لك النظارة..؟
زينة: يؤيؤيؤ يافشلتي لا ياميره امانتك دقي عليه قولي خلاص ماله داعي ..
اميرة : لا وبعد بيجيب لك بدل عطرك..،
زينة : امانة دقي عليه قولي خلاص لايجيب شي او بزعل...
اميرة : ذا بندر مابعد عرفتيه لاقال كلمه ماتصير ثنتين...،
(بندر دق للمره الثالثه على جوال اميره ردت .)
بندر: انزلي بسرعه ...
اميرة: يلا بنزل لبندر ،
زينة: مثل ماوصيتك امانة لا يكلف على نفسه ترى عندي بدل النظاره ثلاث وعطوراتي شوفة عينك.. امانه هاه..،
طلعت اميرة وبعد دقيقه رجعت طقت الباب لقت زينة جالسه بالصاله ..
اميرة : انا مالي شغل لقيت الرجال شاريهم ومنتهي...وذي شنطتك وكتابي انتبهي له لا يتقطع"ههههه
ههههاي ياويلك هاه "..يلا سي يو..
زينة: ههههههاي شوفوا الغبية ماعطتني فرصة اسالها حكت بسرعه وراحت.." زينة تضحك من قلب "
فتحت الشنطه لقت نظارة جديدة من دولتشي اند قابانا ومكتوب على علبتها بخط حلو " اسف جدا ماحصلت بولغاري " وابتسمت من قلب وانحرجت بشدة لحظة ما ذكرت وجهه الحلو... وناظرت في العطر مكتوب عليه" ذوقك حلو..وبالمناسبه أنا بعد اخذت لي نفس عطرك" اخيرا لقت كتاب المسرحية مكتوب علية بخط كبير " عفوا محجوز لي من فترة " و انبسطت حيل وطارت فرحه والارض ما تسعها لانه تأكد انها اللي في باله من شهور..
زينة: ياربي وش اللي صار..
معقوله الدنيا تخبي صدف روعه زي كذى..! طول الوقت واهي هيمانة فيه وتسترجع ذكريات الصدمة وتضحك من قلب. (( أي يازينة بس لا تنسين انه يحب غيرك ))
..من الطرف الاخر..
بندر: هاه اميره بشري وش صار؟
اميره : زعلانة وتقول انك وقح وماعندك دم وإمعه... و...... و
بندر: افا لا عاد.. ذا وانا اللي بحياتي مارحت المجمعات رحت عشانها وبعز الظهر بعد
اميرة : ههههههههه امزح طخختها لك كانت متضايقه لانها انحرجت بس وحتى طلبت مني اطلبك طلب ؟
بندر واهو يحرك الدرقسون وناظر في اميرة
بندر : وشو..؟
اميره : حزر فزر..
بندر : بسرعه لا يجيك كف يعدل خشتك.. ترى مالي خلقك زود على هالزحمة .
اميرة : افا طايب مو بعيده عليك، تقول الموقف اللي صار امانة لاحد يعرفه..؟
بندر :بسس تأمر امر تبشر بالسعد ان شالله..هي بس مو زعلانة..!
اميرة : إلا تقول ماله داعي تشتري الاغراض...
بندر : اذا كان ذالي مزعلها ا عادي يابطة ....
أميرة : أنا بطة ياحو ول
بندر : ههه ههه هه الحمدلله اللي عدت على خير..
بندر طول الطريق يفكر سبحان الله كيف بس تكون بنت عمه واهو مايدري..! يقول لنفسه كيف زينة عايشه معي سبع شهور مافارقتني.. اه ياجمالها فديتها هي وشعرها وكل مافيها..! كيف بس هالجوهرة قدامي ولا حسيت اه يازمن بس..! بدأ قلبه يدق ( تك تك تك تك ) نبضات إعجاب

(8)

تغريد جالسة على صوفه لونها بوربل..و الهنوف كانت تقرا مجلة لها..
الهنوف بحماس : تغريد وع شوفي اخر لوك لنوال الزغبي طالعه نسخه من شفايف نورة اختي..
تغريد سرحانة تفكر...
الهنوف تواصل بحماس: وع وع شوفي صورة احمد الشريف منتفخ صاير دب مره بينفقع..!
الهنوف التفت لتغريد..
الهنوف : ياهووووه... ياحلو ... ياسكر....ياللي ماسك خط لك ساعه..! وش تفكرين فيه امانة ؟
تغريد ناظرت فيها وابتسمت
تغريد : بأبو عيالي... بمن يعني..!
الهنوف نطت من فوق السرير وبنفس الوقت لمت شعرها الهنوف : مين...؟ بندر صح...
تغريد وعلامات الاستفهام مرسومه على وجهها.. : وجع اي بندر..؟
هنوف : اخو نسرين ولد عمي فهد...،
تغريد : لا اعوذ بالله وش ابي فيه؟
الهنوف : يا غبية شكله يجنن واحس انه رومانتيك..، تخيلي طليت مع الشباك قبل امس و شفته يسلم على رامي ولد اخوي خالد والله ياهو جنتل ، اقوووول بس ارسمي على امه وخواته قبل تخطفه ابتهال اختي...
تغريد تتنهد : تتهنى فيه ان شالله وبعدين ايش هو خبز عشان تخطفه..!
الهنوف تبي ترفع ضعط تغريد، ال هنوف : اي بس الخبز الحمدلله متوفر بأقرب بقالة ما ينخطف بس الرجال المزيونين اللي زي بندوري ينخطفون وبغمضة عين بعد
تغريد : عشنا وشفنا صار بندوري بعد..، مالت عليك أنت واياه نسيت انه اخو النسره نسرين..! أنا مابي اتزوج خير شر...عندي احساس كبير ان حظي تعيش عشان كذى بضرب عن الزواج..
الهنوف: لا يا قلبي مو على حسابي ، بعدين اجلس انا يقولون الناس حتى تتزوج اختها الكبيرة...
تغريد يدها على خدها ،،فيها ضحكة و ماودها
تغريد : عشان كذى يالبزر ازعجتيني باللي ما يتسمى يختي اخذيه وفكينا...
بذا الوقت واضح ان خالد ونسرين و رامي و راما وصلوا من السفر..
الهنوف : يلا استلمي هههههههههه شرفوا.. وصلوا واخونا المحترم رايح ينقل هالعقرب من دوله لدوله ولا سأل حتى عن امه يوم كانت تعبانة !
تغريد : لا تظلمينه حرام إلا دق على كذى مره يسأل عن امي ويوميا يتطمن عليها من الدكتور لين طلعت ؟
الهنوف : صح اقل شي احسن من الخبل نوافوه اللي مطيح في الشرقية ولا يدرى عن هوا بيتنا...،
تغريد : ياقلبي مشتاقه لنواف حيل وربي له فقده ...
الهنوف : اللي يعجبني فيه انو يقول إذا تزوجت ماراح اخلي زوجتي تسيطر علي زي خالد بخليها تحبكم...
تغريد : وأنت مصدقه..؟ ذا يسمونه هرج السعه...بعدين وش حنا خابرين خالد يقول قبل يتزوج؟
الهنوف بحزن: دايم الاخوان يحبون بعض ، بس بنات الذين إذا دخلن بينهم يغيرون الاخو على اخوانه واخواته.. ياعمري يا خالد والله ما انساه قبل يتزوج كان زي ابوي الله يرحمه...
تغريد دمعتها طلعت : لا عاد كل شي إلا حنان الابوه مستحيل تلاقينه طول ماحييت يمكن خالد ماقصر معنا بالعطا ووجوده معنا وحبه لنا لأنه يشفق علينا ،...
هنوو تمسح دمعة بريئة طلعت من عيونها الذباحة : ياختي والله اني اموت بخالد لو يسوي ايش او حتى زوجته البايخة لو انها تخطى بعدين اتذكر انها زوجة اعظم اخ بهالدنيا واسكت...!
تغريد : خالد حنون ودايم يلاحظ نظراتنا اللي تدور على طيف ابوي ، لكذا يرحمنا...
الهنوف تبتسم : تكفين تعالي نروح له نسلم مشتاقه له حيل ؟
تغريد : اخاف تعبانين من السفر يبون يرتاحون...
هنوف: اسمع صوته هو وعياله بغرفة امي...
تغريد : يؤ امي نايمه ليش يصحونها ؟
الهنوف : ذا خالد حنون ما يصبر يدخل بيته وما سلم على امه...
تغريد والهنوف راحوا لجناح خالد طقوا الباب .... طول على بال مافتحوا...
((((((((((( فجاءه)))))))))))))
فتحت نسرين وشافتهم...
تغريد ابتسمت و قربت تبي تبوس نسرين بس تفاجأت بحركه وقحة من نسرين تمد يدها بسس .. انحرجت تغريد وقالت : سلامة الأسفار...
الهنوف تنافخ وطلعت تنهيده قوية.......... الهنوف : وين خالد اخوي؟
نسرين ميلت جسمها بحركه ترفع الضعط وناظرت فيهم من فوق لتحت،
نسرين: حبيبي خلودي نايم ؟
تغريد : اوكي قولي له انا جينا نبي نسلم عليه...
نسرين رفعت حاجبها وكأن الكلام مش عاجبها
نسرين: لو كان غالي عندكم كان جيتوا اول ماوصل... بس عاد الشكوى لله..
ريم تساسر تغريد : امشي ترى امي واقفه قريب اخاف تسمع وتتضايق واهي مو ناقصة..!
تغريد صدت عن نسرين اللي ابتسمت وقفلت الباب وكانت طايره فرح عشان تروح تشوش على هاليتيمات عند خالد وتقول ماجوا يسلمون بس طاحت بورطه...لحظة ما قفلت الباب والتفت وراء شافت خالد ..انتابها خوف
خالد : مين حبي عند الباب؟
نسرين :كاميليا تسأل وش نبي نفطر بكرة؟
خالد : نبي نفطر مع امي وخواتي إلا بالمناسبه خواتي ماشفتهن بروح لهن قبل اخمد لاني مرهق..
نسرين: لا ياحبي رحت لهم بسلم لقيتهم يسولفون و يوم فتحت الباب سوا نفسهم نايمات.. هذا جزاي رحت لهم عشانك حبيبي و يسوون فيا كذي ..
خالد / لا حول ولا قوة إلا بالله متى رحت ما فقدتك..؟
نسرين: يوم كنت تأخذ شاور
خالد : لا يغرك عشانك مرهقه تتخيلين... نسرين : لا متأكدة.
خالد : ابد مستحيل خواتي يسوون كذى ماصدق ابد .... نسرين : يعني انا افتري عليهم ققول كذىى. خالد بصرخة رجولية جامدة اوووي : بسسسسسسس


(9)

..كانت ام خالد جالسة بالصاله تلاعب عيال خالد...
الهنوف : صباحك ورد يأغلى قلب بهالكون...
ام خالد : صباحك طيب يا يمه وين تغريد؟
هنو : مابعد صحت نايمه عاد بنتك ذي تموت بالنوم !
ام خالد: اذكري الله ، تلاقينها سهرانة البارح... يو ياهنو ماشفت عيال اخوك ؟
هنو: إلا مريتهم قبل شوي ولعبت معهم...وقطع شعري رامي وهاجدني من الساعة 7 داخل في غرفتي يلعب في ألعابي ايام الورعنه ههههههههههه
امها : الله يالدنيا من كبرك يالنزغه هههههههههههههههه
تغريد نزلت تتسحب ، بوست رأس امها تغريد : صباح الخير ...
ام خالد: ياصباح العافية والناس الدلوعه...
هنا خالد نازل بالمصعد... بعدين وقف قدام المراية يشخص ، نطت هنوف تركض بتسلم عليه قبل تغريد.. وتغريد تركض وراها.. هنوف :بعدي أنا جيت اول .. تغريد : أنا اكبر منك مشتاقه له موت
خالد: هلا والله وحشتوني
تغريد تبوس رأسه: البيت بدونك ولا شي...
خالد : لا كذى بتغلى ههههه حط يده وحده ورا تغريد والثانية ورا هنو
خالد: صبحك الله بالرضا يمه..
امه : صباح النور والسرور والبنور...
هنو : ايووه يمه واحنا بالهامش عطينا من التصبيحات وإلا هي لناس خاصين..
خالد يستند على متن امه
خالد: طبيعي أنا ولدها البكر تبينها تساويك فيني يالنتفه الصغيرونة...! إن شالله إذا تزوجت وجيتنا بعد السفر تعطيك من هالتصبيحات.
هنا رامي يبكي يقول لابوه
ذي ماما وخر عنها ويبكي بقوة اخذته جدته وضمته
ام خالد : ياقلبي أنت ولدي وذا بابا ولدي بعد...
خالد يضحك : أنت أمك نسرين وأنا امي منيرةيالله فارق روح لأمك.. (رامي انفجر وجا فرق بين ابوه وامه منيرة...)
تغريد : خالد اشوفك و ولدك استفردتوا بأمي ، يعني أحنا مو ناقصين نواف اخذ كل هالغلا...
ام خالد : هاو ..الله يشهد انكم زي بعض بقلبي...
خالد : إلا بالطاري وين نواف مادق علي ولا شفته ؟
ام خالد : راح مع عبدالله و ناصر البر خبرك اخوك ماله قلب على الصيد .
هنو : يمه متأكده انه في البر ، أنا شايفته يدور جوازه...
خالد : ههههههاي بس قضينا...
أنا اوريك فيه مادري متى بيصير رجال و يتحمل المسؤولية ، اعوذ بالله ما يجلس شهر بالسعودية لازم يتنطنط بهالديار..! بس تدرون شكلي بخليه يكمل دراسته برا عشان يشيل المسؤولية صح..
ام خالد : لا إن شالله بسم الله على وليدي...فالك ما قبلناه.. لو يغيب يوم انجيت كيف عاد دراسه انسى الموضوع ولا تفتحه معه لأنه بيجوز له اكيد.
خالد : ابشري يمه .. والله انك قمر إذا عصبت ، واسكتوا
نسرين : صباحكم ورد
الجميع : صباحك طيب..
نسرين بوست خالتها مع رأسها و وقفت عند البنات عشان تبي خالد يلاحظ انهم ماوقفوا يسلمون...
جلست عند خالد و ناظرت بالبنات
نسرين: اخباركم وحشتوني تدرون عاد توقعتكم تجون البارح تسلمون ، ياه ياخالد تولع عليكم كان يقول اكيد بلقاهم اول ما ننزل...بس اخ ياخالد ظنك خاب..!
تغريد و هنو ماتوا قهر،
خالد : نايمات أنا عديت عليهم وشفتهم نايمات..ولا حبيت ازعجهم...
نسرين تأكل قطعة خياره وتبتسم...
خالد تضايق من حركات زوجته ، وحب يغير الموضوع
خالد : تغريد ما قالك نواف متى بيجي ؟ تغريد : بعد اسبوع..
خالد : يلا أنا بروح عند خالتي ام بدر اسلم عليها ؟
‎_راح خالد في بيتهم الثاني وسلم على خالته وجلس مع اخوانه
بدر : خالد وش رأيك بلون هالبشت ؟
خالد : رايق ياولد مسكت. بعدين ماصارت ذي خامس بشت تلبسه وتقول وش رايكم
سعود : الله يقرفك يابدر تصدق انك بدوي بصدق خلاص العالم تطورات ماعاد احد يلبس المشلح..!
بدر : ياعنز تدري بكم ذا.. صارف عليه صرف ..!
خالد : ما عليك منه وش دررراه ذا متى طلع للدنيا اصلا بس تصدق عاد ياخي مالك حق كان قلت لي اعطيك بشتي جديده وغالية بعد..،
بدر : ياشيخ لازم ادلع نفسي ذا يوم واحد بالعمر...
نواف : انا من ناحيتي برسم بثوب وغترة بس اما خرابيطكم ذي ماأبيها...
بدر : هههههههههههههه انت زين إذا ما رسمت بكرفته وبدله مسوي لي فيها شاني هاكر مدري هاني شاكر اختار اللي يجوز لك...
نواف : كركر كر ضحكتني اخ يابطني بموت من الضحك ينقالك تنكت انت وخشتك...
خالد : اقول نواف انت و سعود بكرة ان شالله فرح بدر اياني واياكم تسحبونها نوم... ذا أنا احذركم عندنا اشغال..( نواف كان توه واصل )
سعود : ابشر اكيد أن شالله. ادووووخ انا يا كلمة ( فرح ) هههههههههه
نواف وبدر : هههههههاي

(10)

بدر : ياخي مدري شفيني خايف فيني قلق ؟
خالد : اذكر الله " ألا بذكر الله تطمئن القلوب " وشي طبيعي تخاف ، اسمع وأنا اخوك الله الله بالاخلاق و العشرة الزينة و اتق الله في زوجتك عشان ربي يهيئ لك السعاده ان شالله... ويالله الحين روح روق عشان تنام.
نواف : بدر خير ان شالله وجهك وراه ازرق على موف !
سعود : ههههههههههههه وعزاه عنك بس اجل البنت وش مسوية ، اللي الرجال حالته كذا
نواف : اما لو انا بمكانك كان من الفرحه ما أنام...!
خالد : ابد مني انا يا نواف وعد شد حيلك انجح بس وأنا ازوجك احسن بنت..؟
سعود : يغني هي..هي عز الله اللي زوجته...
"
"
"
" في وسط أجواء فرح بدر ووردة "

من وسط القاعة في وسط الفندق..، كانت اجواء الفرح اكثر من رائعه وتميزت ريم وأبتهال بفساتينهم الحلوة بس مشكله ريم انها مليانة..
تغريد كانت بقمه النعومه بذاك الفستان الفوشي وبرضوا الهنوف كانت أنيقه... بس بلا شك زينة كانت امبراطورة الحفل بجمالها ولبسها..
ظهرت ود حزينة نوعا ما لأن وردة العروس اختها بتترك البيت... ود راحت لها بزاوية في القاعة وبكت لين صفى رأسها )
بس ذا مابين على صوفيا اللي كانت روعه...
كان الجو ميوزك صاخب.. مع اضاءه خفيفه حمراء
فجاءة اشتغلت الانوار... وانتشر البخار في كل مكان وسطعت الليازر على صورة العروسين...بعده اشتغل صوت ابو نوره في كل ارجاء القاعة ( ليلة خميس طرز بها نور القمر شط البحر والليل من فرحه عريس..ليلة خميس)
بعد هالاغنية بدأت المطربه ترحب بالحضور وتغني ياهلا بأغلي الحبايب يا هلا بريحة هلي... بعدين أشرت اميرة لزينة عشان يرقصون...
المطربه :هلي لا تحرموني منه...واميرة ترقص ومعها زينه بحركات كيوت مره...
بعدين قعدوا على طاولتهم محل ضيافتهم الاكثر من راقي.. راح الوقت والزفه كانت احلى من رائعه مع ان الارتباك واضح على المعاريس. اللي انزفوا على ( اغنية خاصة مسواه لهم بصوت راشد الفارس )
الساعه الرابعه والنصف صباحا والجميع على وشك المغادرة.
"
"
"
(11)

بندر كان تعبان مره انفلونزا وصداع وحساسية بالصدر، حضر الفرح نص ساعه واعتذر من الجميع وراح البيت حط رأسه و بس ماقدر ينام... الالامه اشتدت عليه وعجز انه يسوق السيارة عشان يروح اقرب مستشفى...دق على السايق ووصله المستشفى..
الدكتور: عندك هبوط بالضغط؟
ضروري تأكل موالح و تشرب سوائل كثير ولا تجهد نفسك. والحين صرفت لك مغذي ساعه"كانت الساعة ٣ونص " بندر من الإجهاد نام ...
دق جوال السايق..وإذا هي ام تركي : أيوب وينك تعال ودنا البيت الفرح خلص؟
أيوب: حاضر مدام...
كانت البنات اميرة و زينة و ود وام تركي وداليا بيركبون بالسيارة...
ام تركي: ايوب ليش أنت في تأخر شوف ساعه ٤إلا ربع ؟
أيوب : هزا في بندر في تابان هو كلام أنا في ودي هاوس بيتل بادين أنت مدام في دق بادين..؟
ام تركي: ياقردي بندر وش فيه ووينه؟
انشدت أعصاب الجميع وعلى رأسهم زينة
أيوب : في هاوس بيتل دكتر كلام هو في تابان سو هو في نوم في هاوس بيتل..،
اميرة: ياربي تستر بس !
ام تركي : وش قاعد يبربر ذا بيتل مابيتل
اميرة : المستشفى يمه بس ان شالله انو بخير
زينة حشرتها العبره بس انحرجت تطلعها وقلبها يضرب بهبل... وجهها صار ألوان.
ود : بدق على سلمان اخوي يروح يشوفه..!
ام تركي: نزلوني عنده وأنت يأيوب وصل البنات..
اميرة : يمه وش زين شكلك كذى واضح انك جايه من زواج صعب تروحين للمستشفى بهالشكل؟
جوال ايوب دق
ايوب: ايوا باندر..كيف انت ؟
بندر: تمام تعال خذني...
ايوب: انا في وصل مدام ماما أنت و كلو بنات..؟
ام تركي : ايوب هات بحاكيه.. هلا يمه بندر وشلونك وش فيك ؟
بندر بصوت تعبان: سلامتك يمه بس اجهاد..
ام تركي: قايله لك..بس ماسمعتني..
بندر: خلاص لا تمروني بدق على نايف او محمد .
ام تركي: يمه بندر دير بالك لنفسك.
زينة بحركه لا إرادية قربت
زينة بإحساس : هاه خاله بشري عساه طيب ؟
ام تركي: ان شالله يقول اجهاد، ولو ان صوته تعبان..
ود : الله يعينهم ما وصل اهو و هشام اخوي إلا قبل العصر اكيد ما ناموا.
زينة: ليش وين كانوا مسافرين؟
اميرة : بيروت...
زينة بينها وبين نفسها " ياحسرتي بيروت "
ود : مشكورين عالتوصيل والله يطمنكم ان شالله
اميرة وزينة بخباثة بصوت واحد " طمنينا عن وردة وش يصير معها بالتفصيل ؟
ود: هههههههههههههههههههه ذا ان قالت لي شيء
قفلت الباب وكملوا الطريق لبيت ابو بدر عشان ينزلون زينة...
ام تركي: زينه كأني ما شفت امك عسى ماشر؟
زينة : ماشر يا خالة بس اليوم فرح ولد خالي و تقسمت انا هنا وماما هناك
ام تركي : سلميني عليها وقولي لها لو انها جايه كان لقت عروسة لبدر من هالمزيونات...؟
زينة: ياخاله بدر معند يقول توه..
ام تركي: عندنا وعندكم خير أنا عندي بندر ياعمري الله يشفيه بس مجنني الله يهديهم بس..
هنا دق قلب( دق دق دق ) زينة بزززيادة..
ام تركي : ما شاء الله يابنت محمد تجنن!
زينة : ماشاء الله اي وحده فيهم كلهم روعه
ام تركي : بنت سميحه المغربيه.. صفية..
اميرة: ههههههههههههه صوفيا يمه مو صفية ؟
بعدين وع كلها عمليات تجميل
زينة : مشكورين واسفه طينتها وازعجتكم لأنكم وصلتوني
اميرة : انزلي بسسس ولا يكثر هرجك
زينة دخلت غرفتها .. وامها مابعد وصلت وراحت تزيل الميك اب الناعم وفجاءه تفكر في شاغل القلب لازم اتطمن عليه ،
زينة: هلا اميرة كيفك !
اميرة: تمام.... هاه يا زينة مابعد نمت !
زينة : لا لو اني نايمه كان حاكيتك ياربي انا عندي بنت عم ذكية شوية كلمه ذكية عليها عظيمه..
اميرة: هاه زوين صرنا نغلط..
زينة : هههههههههههههه وش اسوي لك اسئلتك غبية
اميرة : ما علينا بس انت الذكية اصلا
زينة : امممم وش أخبار.....ك؟
اميرة: وش فيك ضاربه خط، عسى ماشر.
.زينة : اممممم
اميرة : أميره اي أنا ، وش فيني؟
زينة: وجع لا مو انت .. تدرين امي الحمدلله مبسوطه بفرحهم تصدقين لسى ماخلص الفرح ناظري الساعه٧
اميرة : لاه.....والله بجد..... احلفي....تصرفين السالفه يامخيسة وش فيك موجوعه ومش على بعضك..؟ تراي مو ناقصه خبتي على بندر روعتني.
زينة : ايه صح كيفه بندر وش سوى ؟
اميرة : اها انت من البداية قولي كذى و ريحيني..
ابشرك طمني قلبك انه طيب و نايم..
زينة : ياتفهك لا فهمت غلط.. حبيت أسأل فقط ؟
اميرة: زينة هالحركات مو علي تراي ادري عن العطر ودقات قلبك..اصلا عيونك وضحت انك تحبينه..!
زينة : يؤ يؤ يؤ احبه مره وحده اهتم له اي بس احبه لا اسمحي لي ماجبتيها !
اميرة : مو يقولون اللي يحب يحس انه اللي يحبه يحس فيه
زينة : يقولون
اميرة : هذا هو تو يسألني عنك وش لبست وكم مره رقصت وش سويت يوم سمعت انه تعبان.
زينة : امانة احلفي..
اميرة : وجع ماتعودت اكذب .
زينة : وش قال بعد..؟
اميرة : ماقال شي الرجال تعبان و يسأل عنك..؟ من قدك بندر بن فهد يسأل عنك ياهووووه هههه
زينة : روحي له الحين تأكدي عليه حرارة او لا ... وان شالله إذا صحصح بكره طمنيني عليه
اميرة: حكرتات انت وخشتك وش بعد بسس ماقول له شي.. هههههههههههههههه
زينة : عويض الله من شرك لا تقولين شي على لساني..
اميرة : طيب طيب يصير خير

(12)

الساعة٤ العصر بندر جالس مسترخي في الصاله ويشوف اغنية " لو بص في عيني مره بس حيحس اوام بشوقي ليه " طبعا إذا طلعت سيرين عبدالنور ابن امه بس يتكلم عند بندر...
اميرة : يسعد مساك..
بندر : هلا...
اميره : وش دعوى من غير نفس ! ناظرت التلفزيون
اميرة : بندر....
وطنشها مارد...
اميرة بصوت عالي : بندر
بندر بعصبية : اصقه انا الظاهر مين الحمار اللي قايلك اني ما اسمع ، نعم وش تبين ؟ ماني فاضي لسخافتك كتب ومشاوير تعبان ماقدر اوصلك لاي مشوار...، هاه وش عندك؟
اميرة : ايه الظاهر مشاوير الظهر لناس عن ناس ما علينا ..كيفك اليوم ؟
بندر عصب بقوة : ززفت أنا الظاهر بقوم اخليك أنت والجدار واحد ..
اميره عصبت وقامت واهي ماشية. اميره : مو انا زينة امنتني اطمنها عليك ؟
وانا سويت الامانه بس بروح اقولها انك معصب وبتصفقني لأني ماتركتك تستمع بسيرين..!
بندر بإبتسامه فز وعدل جلسته
بندر: مين زينة..، قولي لها انها من يوم ماسألت عني انا بخير.. وعاد انا اخوك ضبطيني لا تعطين البنت صورة عني وش سيرين وش خرابيطه...افا بس ياميره أنا اخوك اللي يوديك و يجيبك..
اميرة : الله أكبر عليك.. يمه منك بس امداك تغير كلامك..
بندر : عطيها رقمي تتطمن علي عادي تراي ولد عمها ذا صوفيا بنت عمي محمد دقت وتحمدت لي بالسلامة.
اميرة : ذي صوفيا والثانية زينة على بالك انها من رفيقاتك اللي تحاكيهم بالساعات..
بندر : احم احم مو كانك ذابتها ميانة انت وخشتك
اميرة مكشرة ....
بندر : وبعدين وش الفرق بين صوفيا وزينة وحده امها مغربية وعايشة نص حياتها بالمغرب وزينة مولوده و عايشة برا كل وقتها تو ماجت السعودية..و بعدين افا ياأختي عساك بس تقولين لزينة عن هالحركات تراها خرابيط لاقل ولا اكثر
اميرة : بقولك شي واحد ان هناك فرق شاسع بين زينة و صوفيا زي الفرق اللي بين اخواني نايف و نواف..

(13)

خالد رجع من الشركة متضايق ومتنرفز ،
خالد : يسعد مساك يمه ؟
ام خالد : هلا يمه وش فيك ادق ما ترد ، زوجتك اخذت اغراضها وراحت شكلها زعلانة عسى ماشر..؟
خالد : ما شر يمه ولا شي لا تشغلين بالك.. " طول الطريق كانت نسرين تحاكيه بالجوال بخصوص انتقالهم لبيتهم الجديد...خالد رافض انهم يطلعون لأن البيت يعتمد على وجوده بشكل كلي صار بينه وبين نسرين سؤ تفاهم.. طبعا نسرين اخذت اغراضها وبزرانها وراحت بيت ابوها...
0
0
0
بندر جالس يقرا الجريدة ودخلت نسرين معصبه...و راما تبكي وراها ،
نسرين صفقت راما بقوه : اسكتي أنت الثانية مو ناقصتك أنا فاهمه لا اطقك اكثر ...
بندر مايدري وش السالفه كان جالس في الصالة يوم فتحت الباب : وعليكم السلام والرحمة ( رمى الجريدة)
بندر : وش دعوى نسرين وش فيك عليها يادافع البلاء ، وش فيك شابكة ٢٢٠..؟
نسرين نزلت عبايتها و ناظرت في بندر بطرف عين و طنشته
نسرين : بندر واللي يسلمك اطلع منها مالك شغل فيني..
و بعدين طلعت لأمها فوق..
بندر يتابعها واهي ترقى الدرج،
بندر : لا حشى شرارة مو حرمه الله يعينك يا خالد..
وبعدين التفت ورا شاف رامي وراما واقفين
بندر : اهلين هلا فيكم تعالوا بوسوا خالو ؟ وحشتوني مره
نايف دخل : اهلين خلا والله تعالوا سلموا ،...وين ماما جت معكم؟
ماحد يرد منهم ،
بندر : هههههههههههه الظاهر انهم طرمان من تو احاكيهم و هم خبر خير .. معطيني الطرشى ! إلا صح هالقمر( بقصد راما) كانت تبكي اول ما دخلوا ..،
نايف : ليش تبكين رمرم..؟
راما خافت وراح تخبت ورا رامي...
رامي : أنت ما تعلف لأن ماما طقتها..
نايف يجاريه : ليث طقتها ماما ؟
رامي يبكي : نبي ماما منيرة..
نايف يناظر في بندر : مين منيرة ؟
بندر : بدون ما تسأل اخي العزيز اعتقد وان كان مانيب غلطان انها تصير ام خالد
رامي : وابي العب مع تغريد و هنوفه...
بندر يناظر نايف : فاتتك اختك تو والله يا زفتني زفه محترمه،
نايف : ليش..؟
بندر : علمي علمك... اختك ذي نفسية قايل لكم أنا من يوم اني صغير ، من يوم طيرت عصافيري يوم كنا صغار..
نايف : ههههههه
نسرين عند امها تشكي
نسرين : يمه ذي مو عيشة ، أنا متزوجته هو مو امه وخواته ...
ام تركي : عيب استحي على وجهك وشذا الحكي طول عمرنا عايشين وسط بعض ولا احد قال هالخرطي...
نسرين : مين يمه بس أنا ناظري تركي اخوي مستقل بلحاله ناظري وليد و نورة كل العالم إلا أنا وش ناقصني ضروري احكي لابوي يشوف حل مع خالد أنا تعذبت وصبري خلص.
امها : اركدي اذكري الله ارحمي خالد هو مسؤول عن اخوانه وخواته هم ايتام يمه مافي خير لو تخلى عنهم.
نسرين : لا يتخلى ما ابيه يتخلى ابي نستقل في حياتنا برتاح من وجه امه وخواته...أنا مقيدة يمه تخيلي في بيت زوجي ماشعر بالحرية..
عموما أنا قلت لخالد يبيني يجيني هنا أنا مستحيل اكمل حياتي عندهم.... لا ابد نو وي
امها : مو توه مسفرك..و لف فيك هالديار يامقرودة لا تخسرينه ترى الرجال ما يحبون الحرمه اللي تستعبط..النقص عليك... فكري بأطفالك وكيف بيرهقون نفسيا..لا تضيعين خالد
نسرين : لا تخافين ميه الميه نهايته بيطيح اللي برأسه و يجي يقول سامحيني و يسلمني مفتاح قصري.... يمه الرجال زي الكوره تشوتينه ويجيك راجع .
هو يموت فيني ما يصبر عني ابد..
امها : لا حول ولا قوة إلا بالله المقرود مقرود وأنا امك ، وذا انت عنيدة بس انا مالي شغل إذا جا ابوك تفاهمي معه ؟ خليه يكسر رأسك حتى تعقلين.
نسرين : يمه تكفين حسي فيني ، خالد تصرفه غبي اجل احد يبني فيلا و يخطط لها و يعني خلاص بس يبقي لها الأثاث وبالنهاية بكل سهوله يهديها لأخوه بدر قال أيش قال هدية زواجه... أنا لي سنين انتظر هالبيت يخلص وخالد بكل برود يهديه و يقولي بكل وقاحة : احنا مش راح نطلع من هنا ذا بيتك ...
اميرة كانت جالسة و سمعت نص الحكي..
اميرة : يا نس نس لو يقولك بنطلع المفروض تقولين لا..خالد هو ابو لأخوانة وخواته حرام عليك
نسرين : انطمي انت إذا شكيت لك تكلمي مسوية لي فيها مثالية..
هنا راما تبكي : ابي ماما منيرة...
بندر ضمها و رفعها بيدينه
بندر : اوديك لأمك نسرين فوق....... راما : لا لا تطقني ابي بابا خالد...
بندر دخل الغرفه ولاحظ توتر الجو حس ان فيه مشكله لا و مو اي مشكله...
بندر : بنتك ازعجتنا ماما وبابا
نسرين: داليا ((بصوت عالي داليا)) و صمخ ليش ما تردين خذي راما لعبيها...
دلوا : ياسلا١١١١١١١١م وأنا بزر ألعبها لك...
اميرة : أنا اخذها...
دق جوال نسرين المتصل خالد.. ام تركي : ردي..
نسرين : لا خليه احسن عشان يجي هنا ، قلت لك ما يصبر..
بندر : نسرين اعقلي واتركي عنك حركات الناس اللي عقولهم صغيرة ؟
نسرين : كيفي أنا عقلي صغير...
بندر : لا تفضحينا مع خالد ردي شوفي وش يبي؟
هذا زوجك يختي ضحي عشانه و تنازلي مابينكم شي
نسرين : بليز لا احد يتدخل زوج و زوجته وش دخلكم؟
خالد ارسل مسج " نسرين اتمنى تفكرين بعقل اكثر وترجعين بيتك "
نسرين بخبث: اي هين..
وقفلت جوالها عشان ما يدق..
بندر كان جالس عند امه
بندر : يمه عقلي بنتك ترى الرجال مايحب الحرمه اللي عقلها صغير وخالد شيخ الرجال يعني امانة لا تفرط في تراه شاريها و مضحي عشانها كثير ..
امه : يا ولدي اختك مالها حظ بالطيب وانا متوقعه هاليوم من زمان ..
بندر : مو اول مرة تزعل و تجيب اغراضها ليش ماتتفاهم مع زوجها عيب مو حلوة كل ماصار سوء تفاهم جت تسحب شناطها
0

(14)

دخل ابو تركي.. بندر فز وبوس رأسه تفضل يبه
ابو تركي : وراك مانمت يا بندر ،عندك استلام بكره او لا ؟
بندر : إلا يبه عندي...
ابو تركي : اها كنت بخذك معنا انا و عمك محمد بنروح نخطب لعبدالرحمن بنت ابو يزيد..
بندر : اخسس يالدحمي لا يالدب ههههههههه بيخطب والله غريبه كيف اقتنع..اخبره رافض
ابوه : اقنعه ابوه والرجال سمع كلام ابوه
((بندر حس بإحساس غريب كأن ابوه يلمح عليه ))
وهنا جات الصدمه
ام تركي : وأنت يا بندر اسمع كلام ابوك و خله يخطب لك.
.ابو تركي : اي صح وش رأيك نخطب لك اختها الصغيرة ؟
بندر : لا لا يبه الله يحفظك مابيها ..مو قصور فيها بس انا نفسية تعرفوني هههههههههه عندي شروط وعقود لازم تنفذونها
امه : يا سلام مين بس تبي إليسا او نانسي مدري من؟
ابو تركي : هههههههههه اخص يام تركي تعرفين إليسا ونانسي والله مو سهله يالعجيز
ام تركي : انا عجيز يابو تركي لا يا قليل الخاتمة .. بعدين الله من فضلك وش بس من معرفتهن زود والله والخيبة فينا نحفظ اسمائهن لا وازيدك من الشعر بيت يطلعنا جيل اللهم يا كافي يتشرط ما يبي إلا مثلهن مساكين على بالهم جمالهن طبيعي
ابو تركي : هههههه والله انك صدقت
بندر : لا يمه ياجعلك سالمه انا مابي إليسا او هيفاء يخسن.... اخطبوا لي من بنات عمي
امه ببفرح ووجهها كله علامات استفهام : اي يبه ذا الحكي... وش رايك بصوفيا حلوة و تجوز لك شقراء و و و..
بندر بشجاعة : لا يمه ابي "زينة"
ام تركي بتعجب : و نعم الإختيار بنت ومزيونة..لو إن امها مامن اختلاط فينا ورافعة خشمها بس مو مشكله
ابو تركي : انت وش عليك من امها ؟ يا سبحان الله ..
بندر بخجل : أنا احس انها احسن وحده تقدر تسعدني من ربي كذا حسيت.
امه : اذكرك ماتبي من بنات عمانك ؟
بندر : غيرت رأيي...
ابو تركي : خلاص بكره إن شالله بحاكي ابو بدر في الموضوع..
ام تركي : على الله وامها ام نفس ثقيله توافق..
.ابو تركي : ليش ما توافق ذا بندر بن فهد ...بإشاره منه بس مليون بنت يتمنون...
بندر : ياجعلك سالم يبه من تربيتكم لنا ياعلني مافقدكم ...
ام تركي : نبي نشوف عيالك يمه ...
ابو تركي : يامره اتركي الولد يخطب اول وبعدين يتزوج وبعدين قولي ذالكلام ههههههههه دايم عجلة سبحان الله
بندر : لا يبه عاد ماسمح لك ذا امي هاه عاد ههههههه الله يخليكم لي يارب ( وقام بندر بوس راس ابوه و أمه )
ابو تركي : بس يارب كان فيها خير ان ربي يهئيها وكان فيها شر ان ربي يبعدها لك او لها ان شالله

(15)

بندر طلع غرفته قبل يفتح الباب فكر انه يروح لاميرة يقولها عن الخطبه...
طق الباب..
اميرة كانت تسمع اغنية " أحنا بزمن لا يحتمل اشكي لمن وابكي لمن "
بندر : ياهووه يا جو انت. يا ظلم واستبداد واحزان هههههههههههه . وش عندك طقيت ولا سمعت خاشه جو اجل.. ،
اميره: اما ذي انت تطق الباب لا كبيره وبعدين غريبه وش هالذوق يا بندر ..اخبرك دفش وماعندك فيها تدف الباب دف وتدخل تتهبد ؟
بندر: احم احم ياشيخه كبرنا نبي نخطب لازم نثقل...
اميرة ناظرت فيه كأنها مو مصدقة : مين تعيسة الحظ ،؟
بندر : وحده اعرفها من ثمان شهور تقريبا..
اميرة : يؤ يؤ مانتب صاحي تخطب وحده تعرفها ثمان شهور بس
بعدين هذي الطريقه مو راقية تخطب وحده عن طريق علاقة تليفون...
بندر: اموت فيها احبها...لأنها حلوة موت تطق لإليسا بأصبع.
اميرة : و شايفها بعد يلعن ام الثقه شافتك شافت تسعين ألف غيرك بعدين ابوي وامي ماراح يوافقون.
بندر: وافقوا وخلصنا بكره بنروح نخطب. لازم تجين معنا عشان تشوفين ذوق اخوك..
اميرة معصبة : لا مانيب رايحه... صاحي أنت فكر عدل أنت ولد شيوخ مو اي وحده تناسبك...
بندر يجاريها : الحب اكبر من هالمستويات وبعدين أنا تفكيري راقي هالافكار الغبية مالها اي اعتبار عندي
اميرة عصبت : بندر خير ذا زواج مو لعب...!
بندر: هههههههههه انصب عليك.
.اميرة : عارفه انك مو وجه خطبه.. ..
بندر : إلا والله اني بخطب ان شالله وابوي بيكلم ابوها ان شالله..؟
اميرة : مين ياشينك ؟
بندر : زينة...
اميرة فتحت عيونها من الفرحه : صدق وناسة اكيد بتوافق بس تهقى امها توافق
بندر : ليش ما توافق.. هي تعزني وتقول اني زي بدر. بس على الله صديقتك توافق
اميرة : لا تحاتي هههههههههههه الله يوفقك... ودي اقولها .
بندر : براحتك بس اختاري الوقت الزين.
كان بندر جالس عندها و دقت على زينة...
اميرة: هلا كيفك وحشتيني مشتاقه لك..
زينة : بخير خير وش فيك وش تبين ، اعرفك أذا دهنت احد بزبده عندك شي..
اميرة : اي... زينة تخيلي رحت المشغل لقيت وحده تسألني عنك..! بتخطبك لاخوها
زينة : وع وع اعوذ بالله مابي ارتبط خير يابيخك لا وسعودي ياحسرتي مابي سعودي
بندر قلبه يضرب وملامحه تغيرت.. اميرة تشر له لا تهتم ماعليك
اميرة : حتى لو كان العريس حلو وشخصية..!
زينة : اي اصلا أحنا متفقين و خالصين مافي سعودي حلو احتمال سعودي وسيم او جذاب
بندر استغرب من وجهة نظرها ورفع حاجبه..بندر بينه و بين نفسه " هين يازينة إذا اخذتك بكره اعلمك إن السعوديين هم احلى شي "
اميرة : ايوه وإذا قلت لك طيب اني بصير اخت اللي بيخطبك
زينة بإرتباك : وجع تكلمي دايركت واتركي هالألغاز
اميرة : ياختي أي ألغاز ابوي بيكلم ابوك بكره ان شالله بيخطبك لبندر
زينة بخجل كأن احد صفقها كف : يؤ يختي انا صغيرة
اميرة : يعني خلاص اقوله يخطب غيرك هههههههههههههههههه
زينة : لا ا بسس
اميرة : يلا عاد انا داقه احط عندك خبر إذا جاك عمي قولي له رأيك... وشوفي ترى عادي اخوي مليو ن وحده تتمناه لا تهتمين وانا اختك ( بندر وده يذبح اميره ) اذا ماتبينه عادي لا تستحين
زينة: ههههههههههههههههههه اوكي طيب يصير خير...
بندر لأميرة : الحين ابي افهم ليش قلت لها كذى عز الله اللي وافقت،
اميرة : لا تخاف خابره اللي عندها بتوافق و تشوف.
بندر : الله يسمع منك تدرين إذا الله كتبها لي درجي اللي بغرفتي اللي مليان كتب...
اميرة : لا يالخايس ذالي طلع معاك وياميره ياميره دقي وقولي اخر شي درج فيه كتب
بندر : ليش بشري عساك تر كت القراءه ههههههههههههههههههههههههه امزح وربي لاجيب لك هدية على مستوى بس يارب يتمم على خير
اميرة : يارررررررررب الله يهدي امها وتوافق بس
بندر راح و هو يغني " شعوري ذا الليله غريب كيف الحبيب ينسى حبيب".
‎
(16)

خالد جالس في الجناح الخاص فيه ومتضايق مره خالد يقول بينه و بين نفسه : اه ياحظي بس من وعيت لهالدنيا وأنا حظي ردي..وش سويت بس عشان تتسلط علي كل هالبلاوي...! صبر و صبرت تضحية و ضحيت وش تبي نسرين... والله اني توهمت انها تحبني...هذي هي فضحتني وراحت بيت ابوها و حتى ما ترد علي...تعبت منها كيلي طفح... اخ يا عيالي بس ...
ام خالد : يمه خالد بندر يبيبك في مجلس الرجال...وش فيه عسى مازوجتك فيها شي او احد عيالك ؟
خالد يأخذ غترته ويتنهد : لا يمه مافيهم إلا العافية ام رامي وتعرفينها إذا طخت وطاح مابرأسها ترجع ميب اول مرة.. يلا يايمه بشوف اخوها وش يبي بعد يمكن جاي يقول اللي الشيخه اخته ماقالته.
ام خالد : اذكر الله وذي ام عيالك.. وعادي متعود انت عليها ذا طبعها يمه مقيوله يزول جبل بس مايزول طبع
خالد : ذي المعروف ما يبين فيها..يمه انا تعبت والله تعبت ( علامات الضجر والسأم واضحة على خالد )
خالد وقف واخذ غترته على كتفه.. خالد : يالله يمه انا بشوف وش يبي؟
خالد نزل واهو داخل عند بندر بصوت عالي : يالله حيه
بندر : الله يحييك و يبقيك
كيفك عساك بخير !
خالد بإبتسامه : ياعساك بخير أنا مرتاح و تمام.
بندر شرب فنجاله و بخجل واحراج جمل ملامح بندر زيادة
بندر : خالد اعذرني مابي اتدخل في خصوصياتكم ، بس أنا جايك طالبك تتفهم نفسية نسرين و...
خالد : لا تكمل أنا متفهم كل حالاتها وخابرها زين بس هي نفسيتها صايرة زفت هاليومين ؟
بندر : ماعليش سامحها هي انثى والانثى دايم حساسه
تبي معامله خاصة
خالد : اعتقد اني مدلعها اخر دلع ومخليها تصول وتجول في اللي تبيه واعتقد انها ماراح تنكر لو سألتها ؟
بندر : افا يأبو رامي مايلحقك قصور..محشوم يأخوي بس ابيك بس تتفاهم معها
خالد واهو ويشخص : وش دعوه اختك معطيتني فرصة هذي هي تبي المشاكل.تموت في المشاكل اذا ما لقت احد تتهاوش معه تهاوشت مع نفسها
وبعدين كيفها لاترد تأكد ان النقص عليها هي... إذا هي مابعد ملت من حركات الاطفال أنا مليت ولا عندي فيها..(( خالد واضح ان كيله طفح ))
بندر : يارجال هي تتدلع عليك تبي تعرف غلاتها عندك
خالد : ربي يشهد انها غالية
بندر : طيب أذا غالية اوعدني تروح تطيب خاطرها ولا تفرح العذال عليكم.
خالد : ان شالله بس لا تلومني إذا سوت اختك حركه بايخه اني اتصرف تصرف غبي..تراي واصل خلاص..
بندر : ياسبع انت ياراقل ايووووه كدا لانها نرجسية شوي بس ياشيخ إذا تحبها تقدر تشيل انانيتها و تقطها وراك الانثى زي الصلصال احنا الذكور نقدر نشكلها زي ما نبي. بعدين الله الله بالكلام الحلو تراه يذوب احاسيس الحرمه يخليها تحت ظلك.
خالد بإستعجاب : هههههه اخص يا بندر والله يا أنت من وين لك هالكلام ؟ خبير لا تصير متمرس بس.
بندر: ههههههههههههه لا وابشرك بخطب بعد...
خالد : صدق والله اللي راحت زوجتك بخبر كان.. من اللي مدعي عليها اللي شكلك تصبحها و تمسيها بدهن الزبدة.
بندر : هههههههههههه اي زبده واي قشطه ذا يا شيخ فن يعزفه الذكور على اوتار النساء...
خالد : اوف اوف يا نزار قباني ابد مانتب هين يا ولد العم.
بندر يبتسم : مين نزار يهبى قدامي ولا شيء المهم هاه ياخوي طلبتك تكفى لا تردني.. اجبر خاطر نسرين وتحملها عشان اطفالك
خالد : ابشر بعزك أنا اصلا حريص علي هالموضوع.. بس ابيها ترتاح شوي تهدأ يمكن تحن علي.. يأخي تدري انها ساحبه علي لي ثلاث أيام ادق وأختك خبر خير حتى اني جيت بيتكم مرتين تلطعني و ترفض تقابلني وأنا تراي مقرر ماحاكيها خير شر لأنها زودتها في اسمع بس الناس وش يقولون عنا
بندر : محشوم ياخوي... لا يأثر عليك كلام العذال واخسرهم وأنا ابن اخيك
خالد : ياخوي..إذا اختك طلعت اللي برأسها وعقلت أنا شاريها وإذا عندت و لزمت رأيها فاسمح لي أنا مسؤول و عطيت ابوي الله يرحمه وعد اني احط اخواني وخواتي بعيوني وأختك عارفه هالشي وتجحد وتحاول تقنع نفسها
بندر : الله يعينك بس تكفى راعها..
خالد : يصير خير .
خالد استخار الله وقرر يروح مع بندر بيتهم عشان يتفاهم مع زوجته...
بندر : حياك الله يالله درب ادخل ماحولك احد
خالد دخل بالصاله و جلس
مرت ربع ساعه واهو مسنتر تحت...
بندر: نسرين طلبتك عشان اخوك انزلي لرجلك يبي يتفاهم معك
نسرين : معصي خالد اهانني ليش يهدي البيت لبدر...
وبعدين أنا قلت لا يعني لا..
بندر : يا مقرودة..خالد شاريك لا تخسرينه نصيحة اخوك..
نسرين : لا أنت ما تفهم قلت لك لا نزله مو نازله وخالد راجع راجع لي واذكرك.
بندر: لا فات الفوت ما ينفع الصوت وأنا اخوك..بكرة يتزوج و ينساك..
نسرين بضحكه : هاه لا لا تخاف خالد يحبني ما يقدر يفكر في ذا الخرابيط.
بندر: الله يهديك بس
خالد ناظر ساعته مرت ساعه إلا ربع وهم ساحبين عليه بندر طلع ولا نزل
خالد مبديئا عرف ان بندر واجهه صعوبه مع نسرين..
خالد دق على بندر : أنا طالع خلاص أنا سويت اللي علي بس الظاهر المشكله تعقدت.
بندر : الشكوى لله... اعذرني ياخوي الامر طلع من يدي عجزت بس اصبر الصبر زين
خالد : اي صبر واي نيله خلاص لا طاح مابرأسها تدل البيت ، المهم ابي أشوف عيالي..؟
بندر نزل رامي وراما عند ابوهم وجلس خالد يبوسهم و يلاعبهم...

يوم الفرح كان خيالي كل شيء تنظيم رايق ويعكس اتكيت هالعايلة الذويقة ... زينة كانت اسطورة من الف ليلة وليلة عروس ولا أجمل ... ميك أب ولا اروع ... زفة شرقية وزفة غربية كل وحده احلى من الثانيه .... الكوشة من تصميم رائع للغاية
كانت زينة مبسوطة وبندر اكثر مبسووط .... بعد الفرح
طلعوا الاوتيل ....... زينة قلبها يضرب اول مره تحس بالخووووف ...
بندر حس بتوتر زينة ومايبيها يخوفها اكثر ... قرب لها يبي يسولف معها .. بعدت عنه
بندر : ههه هههه هه وش دعوه مانيب اكلك ؟ وش فيك خايفه ؟
زينة : لا لا ولاشيء ...
بندر : وحشتيني ياقلبي ..
زينة تسارعت نبضات قلبها من كلامه خافت
زينة بخجل : الله يسلمك ...
بندر : بس مافي غيرها مافي وانا بعد ..؟
زينة ابتسمت : وانت بعد ....
بندر : قولي يابندر او ياحبيبي هههه ؟
زينة تناظر تحت وماقدرت تصرفه وكانت على لسانها بتقول ياحبيبي ..
(((((فجاءه )))))
الباب يطق ......
بندر : لحوووووووول وقته بكسر لك رأس هالي جاي يطق حنا عشاء لسى ما طلبنا صح ؟
زينه : مادري .....اي صح
بندر طيب بغسل شراع هاللي يطق ...( زينة تحمد الله الف مره لان الباب انقذها )
بندر فتح الباب ........... بندر بإستغراب : يمممممممممممه وش فيه .. وناظر ورا .. نايف وش فيكم ؟ احد صاير له شيء ؟؟
أمه : لا يمه بس نايف قالي ان جوالك مقفل ونسيت شناطك خفت تسافر واوراقك ماتدري وين
بندر : الله يسلمك يمه ويخليك لي وذي بوسة على رأسك ...
( نايف ميت ضحك لان هالحركة من تحت راسه لأانه حالف يسوي لبندر حركة يوم زواجه )
بندر : وانت ياخيب التعب نايفوووه شغلك عندي اوريك .......
نايف : مالك حق ندق عليك مقفل جهازك ياخي ناسي ان لك ام تبي تتطمن هاه ؟؟ ( وكان كاتم الضحكة )
بندر : ياخي واحد متزوج ليلة فرحه وش تبون فيه تدقون اوريك اشوف فيك يوم
ام تركي : يالله يمه انبته لنفسك وسلمني على زينه وسامحونا....
بندر مسك نايف مع رقبته : شغلك عندي بس اذا رجعت ان شالله اوريك
نايف متفجر من الضحك .... و زينه كانت تضحك من قلبها بعد
و الحمدلله عدت اول ليلة على خير واطمئنان بالنسبة لزينة بس الله يستر من الجايات ^_*
0 0 0
سافروا تركيا وناوين يطلعون على ايطاليا عشان زينة تشوف اهلها ( أمها وابوها ) بعد شهر العسل .... وصل صدى تنظيم حفل فرحهم إلى الرياض كله والكل صار يحكي فيه ووصل بعد إلى برى الرياض ..
"
"
"
(17)

في تركيا
بعد الزواج في 7 ايام على شاطيء يعكس قمة الهدوء.... وفي وقت الغروب كانت زينة جالسة وبندر جنبها ماسك يدها ويناظر في عيونها مسك يدها وبوس اصابعها
بندر : يابعد هالدنيا أنت ...؟ يكفي حياتي أنك فيها عطرتيها بعطر ابتسامتك ومن جمالك عطيتيني احلى دف وامان كنت ادور عنه من زمان
زينة : الله يخليك لي حبيبي ....
زينة مسكت رمل بيدينها و قالت : بندوري ممكن اسالك وش تكون زينة بالنسبة لك ؟؟
بندر : قطعة مني انت قلب شفت قلبي ( يأخذ يديها ويحطها على صدره ) هذا أنت ، انت سعادتي وضحكتي وحزني وكل شيء
زينة : يعني بتكون واضح معي ان شالله ولا راح تتغير بعد شهر العسل مثل باقي المتزوجين ؟
بندر بإستغراب : أنا بندر وأنت زينة يعني احنا غير مالنا مثيل حبيبتي حبنا خالد
بندر يغني بصوته الاكثر من عذب : عيونك اخر امالي وليلي أطول من اليم .... كيف ألقى كلام عذب يوصف دافي احساسي .. عشقتك قبل ما اشوفك .. وشفتك صرت كلي حلم ابي رمشك يغطيني .. ابيك اقرب من انفاسي زينة كانت تطالع بندر واهو يغني كان في قمة الرومانسية والجاذبية
بندر مسك شعر زينة وقال: حبيبتي تدرين انك دخلت في قلبي من أول ما شفتك في المكتبه وتهاوشت انا وياك في هايبر بنده هههه عاد كل شيء إلا يوم اصدمك في بيتنا ..... فعلا دخلتك براسي وقلت مابي غيرها حبيبه و زوجة
زينة بخجل : سبحان الله صدق ان حظك حلووو ، يعني ماعمرك حبيت ويوم حبيتني طلعت بنت عمك هههه
بندر : الله يرحمك يا جدي سعود الله يرحمك ماقصرت عز الله انك داعي لي من يوم صارت زيون حبيبتي بنت عمي ......
زينة : الله يخليك لي .... ( تدمع عينها)
بندر : لا لا القمر وش فيه متضايق ؟ مو لايق عليك الحين وش بيقولون اهلك لو يدوقون ويسمعون صوتك .. تراهم بيفهمونها شيء ثاني هههه
زينة تبتسم بخجل و تضربه بيدها على كتفه : لا انا بس كسرني كلامك
بندر : ليش تنكسرين بس وحبيبك يمك ليه ..؟
قرب بندر لزينة مره وناظر في عيونها الحلوة وصابه دوار من جمال عيونها .
.وقال : حبيبتي دمعتك غاليه وانكسارك راح اعدمه انا عالمك ومشاعرك واحاسيسك انا افهمك حبي اوعدك بداريك بعيوني واسكر عليك ، بحميك من كل شيء بحطك في برج عالي في داخلي انا كلي لك حياتي بس امانه فديتك يالغاليه مابي اشوف دمعتك ..؟ ( زينة هالحكي رقق قلبها مره وزدات احزانها) ...
بندر : هاه وش قلنا ؟
زينة تناظر وراء : أحبك وش اسوي وكلامك على قلبي انا طبعي كذى حساسه ماعليش تعبتك
بندر ناظر فيها بخباثه : تتعبيني وش دعوى حبي تعبك راحة قلبي ... ماودك نطلع الاوتيل هههههه؟
زينة قلبها يضرب لأنها فهمت قصده وخجلت : لا تونا حبي المنظر روعة ما ينفوت ..
بندر شدها مع يدها بنعومه وقال : مشتاق لك موت ودي ارقص معك سلو واناظر عيونك واهيم فيك
زينة ابتسمت
-
-
في افخم جناح في اسطنبول ... الجوو قامد اوووي .. رومانتيك ميوزك .. اضاءه خفيفة
كانت زينة لابسة جينز رصاصي على توب وردي مطلعها شيء وشعرها مسويه فيه لوك رافعته بشكل شيء
دخل بندر : يارض احفظي ماعليك زينة قلبي قدامي
زينة : الله الله على التأليف هههههه ه
... بندر قرب لزينة : انا لعيونك ألف , ألف ياشيخه مجلدات بس انت ياسكر عطنا وجه وش دعوووى صار لنا 8 ايام وحبيبتي مسويه ثقل .. اه ياقلبي شكلي بروح فيها عذبتيني
زينة تحاول تبعده : بندر اركد يقولون الركادة زينة ...
بندر قرب مره : زينة حبيبتي وبس بلا ركادة بلا هم
زينة : بندر ابعد بكرامتك لا يجيك طراخ محترم ....
بندر يناظر فيها وعاندها وقرب أكثر : يالله وين طراخك انت حتى طراخك عسل ، بعدين جربي هاتي طراخ وشوفي وش راح اسوي هههههه بيجيك طراخ بس من شكل ثاني +_+
قرب بندر وفتح شعرها واهي ما تدري
زينة : لا ا ليش مين سمح لك هين بندوري ؟
بندر يشم شعرها : ريحة شعرك رووووعة .
. قرب ومسكها مع ذراعها.( تخدرت زينة و مازالت تقاوم بضعف ونعومة متناهية )
.. بندر طلعت بحه فظيعه بصوته : ريحة عطرك تجنن ..
زينة تأثرت في بندر وقالت بصوت خفيف ماتقدر تقاوم اكثر : بندر حرام عليك خلاص ...
بندر ضمها اكثر : اخ انا لو اضمك العمر كله ماراح امل منك ...وانت مليت هين زيون ..؟ ( تركها)
( ومثل حاله زعلان )
زينة قربت له جلست قدامه مباشره : حبيبي زعلان ؟
بندر ساكت ....
زينة تطقه على كتفه : يالله عاد مو حلوة عريس وزعلان كبيرة والله هههههه
بندر مد البوز : أي زعلان ونص قولي لي كيف راح تراضيني ..؟
زينة ببراءة : اممممممممم اممممممممممم اعشيك برى
بندر يناظرها بقهر : اطلعي لوحدك انا بضرب عن الاكل طلعة مافي طلعة حتى السعودية انسي مافي رجعه
زينة قربت له مسكت يدينه : يؤ يؤ يؤ ياقامد وانت زعلان هههه
بندر : مسكين ماعندي احد يراضيني ..... شكلي بطلع وامسك لي أي وحده من هالتركيات المزيونات واسهر معاها وافلها ما راح تصدني مثل بعض الناس
زينه شدته مع اذنه : جرررب عشان اطقها للسعودية كعابي
بندر : هههههههه
مسكها بالقوة مافي امل ترفض وتقاوم : وأنا اقدر اطالعهن وحبيبتي اخذه جمالهن كله وأخذه رقتهن ..
وبدا بندر يروض زعل زينه اللي كان يجوز له يراضيها اذا سوت نفسها متضايقه
( وكانت ذي خطة من بندر عشان يقرب لزينة اكثر بحجة انه يراضيها ^_*)

(18)

بدر ورده كانوا مبسوطين وسعيدين مع بعض .. في بيت أم بدر طبعا البيت كبير مره وبما ان بدر الكبير كان ساكن في سويت كامل في البيت....... كان بدر جريء مع زوجته ويحب يحرجها عند امه وخواته اكثر من مره وذالشيء يحرجها كثير .....
ريم كانت جالسه في غرفة مافيها احد بس دخلتها عشان تدور لها عن رواية فاقدتها وبراسها تقراها واهي تدور وتحووس فجاءه سمعت صوووت صراخ وابوواب تقفل بقوه طار عقلها ....
وردة : بدر خلاص تراك زودتها ؟ مو كل شوي حرام عليك اتق ربك ياخي
بدر يدينه على خصره : لا زودتها ولا شيء انت اللي موسوسه عادي كل المتزوجين يسوون كذىى.
وردة بتضجر شديد : لا بس انت اللي كذى خلاص انا تعبت عذبتني قدر شعوري يابدر مو كل شوي تحرجني عادي دايم امشيها لك بس قبل شوي مو سهل اللي سويته واحنا عند خالتي تحت ..
( ريم طول الوقت تسمع وكانت خايفه تطلع ويمسكها بدر يطلع حرته بزوجته بأخته )
بدر مسكها مع كتفها : اسمعي تراي تعبت معك ؟ خلاص زودتيها عجزت ترى عادي حنا متزوجين ياوردة ياقلبي افهميني بس وراك خايفة مانيب اكلك أنا ؟
وردة فكت نفسها منه بقوة : لا مابي تعبت خلاص افهمها ياشيخ ....
مشت وبدر وراها وقفوا عند باب الجناح ..كل واحد يصدم الثاني وانفتح الباب ... بدر مسوي زعلان دفع وردة ورى ودخل قبلها ... وعلى هالموال نفس الاسطوانه تنعاد ....)
( ريم عيونها طلعت من راسها الا وشوي وتسمع اصوات جري مو بصاحي عندهم ^_*.... شوي وتقفل الغرفة )
إبتهال جت على اصوات بدر ووردة وطقت الباب عليهم .... ( ريم تراقب من بعيد وهي تدعي لإبتهال لايذبحها بدر لأان مو وقتها خير شر خخخخ )
فتح بدر الباب شاف إبتهال ...............
بدر بتأفف : نعم بغيت شيء أي خدمه ؟
إبتهال منصدمه ان بدر يطيح ماء وجهها وهي الغالية عنده خخخ : وشذالاصوات ياخوي ..؟
( إلا وتشوف وردة تبكي )
إبتهال دخلت و نست وجود بدر خخخ وراحت لوردة : وش فيك وردة ؟ شكلك تعبانه
وردة : اسألي اخوووك وش سوى ؟ او اسألي خالتي وش سوى يوم كنا تحت ؟
إبتهال على نياتها تناظر في بدر ... : بدرر وش سويت لها اسمع ذي صديقتي عاد كلش ولا ورده شوف ع.... ( ما كملت إلا وبدر ماسكها مع كتفها اللي يدري انها تتضايق اذا مسكها احد معه ومطلعها برى
بدر : إبتهال أنا وش لابس ..؟
إبتهال استغربت السؤال وناظرت فيه : روب ...
بدر : اها حلووو طيب ورده وش لابسه ؟
إبتهال ناظرت وردة وسكتت انحرجت
بدر : يالله والحيييييييين برىىى لاهنت وعيب تزعجين العالم ....
إبتهال تفشلت تحس جسمها نمل من الفشيلة وطلعت تضحك واهي طالعها نادتها ريم ....
ريم بصوت صغير : إبتهال .. إبتهالوووه ووجع تعالي ... انا ريم
إبتهال ناظرت ورا شافت ريم : \انا قايله فيه شيء مو طبيعي في هالمنطقة اليوم ..
ريم : ههههههههههه امحق طبيعي فاتك نص عمرك ياسمعت لي شيء عجييييييييب .( إبتهال فهمت السالفه )
إبتهال : شوفي عاد ذا اخونا الغالي مارضى تضحكين عليه لاقوم اسنعك بعدين عيب تسمعين عيييييييييب
ريم : يمه خفت ههههههي اختي هم اللي باليني هنا في السيب قبل يوصلون جناحهم ...... بس عاد اقولك شكلي بضرب عن الزواج ماراح اتزوج بعد اللي شفت نهائيا
إبتهال : وين اللي كانت مزعجتنا تبي الزواج هههههه
ريم : ياختي احسب الزواج اسم وبس مادريت ان فيه حركات مالها داعي و قرف وغصب هههههههههه
إبتهال : اقول لا تسمعك امي وإلا نورة ثم يطنون عيشتنا ههههههه
-
-

(19)
الجو ميوزك هادئة ..... شموع مضاءه ...شخصين يحبون بعض ويعشقون بعض بندر منسدح على رجل زينة على اريكه بيضاء زينة دخلت اصابعها في شعر بندر الاسود الكثير..كانوا يسمعون ( بيين ايديه واحسك انك غريب.... ذووب باحضاني مثل قطعة جليد.... علم العشاق كيف الحب يكون ..)
بندر : حبيبتي زينة بكرة ان شالله بنرجع السعودية .....
زينة ما زالت تلعب بشعره : يالله قلبي الايام راحت بسرعه
بندر مرتاح للغاية : وين الكلام كنت تقولين يوم كنا بتركيا وحشتني السعودية وإلا لينك شفت امك وابوك طخيتي ههههههههههههههههه....
زينه مررت يدينها على خده : يا ويلك من ربك حبيبي اصلا من اول يوم شفتك وانا مبسوطه .....
بندر مسك يدها و طبع عليها قبله اعادت لها توازن الحياة : اييه الله لنا زيون بس بكره نرجع السعودية نتفاهم الحين قلبي جهزي كل شيء عشان نكون جاهزين ولا تفوتنا الرحلة ......
زينة : ابشر حبي
-
-
نايف استقبل بندر و زينه في المطار .... نايف : ياحي الله المعاريس نورتوا الديرة لو جلستوا احسن هههههههههههه مابغيتوا تشرفون ؟
بندر : ياخي وش نبي فيكم بس ..؟ ( زينه انحرجت ) ...
نايف : مسويين لكم حفلة استقبال ماصارت تقول يحترون وزير وحرمه ؟
بندر : الله يعين من جاد اللي يسمع يقول انت اللي متكلف ههههههههه ...
في استراحه فخمه مره كانت حفلة استقبال بندر و زينة اللي كانت منظمة بدقة و عنايه .. زينة كاشخه لابسة فستان سواريه فضي ومسويه بشعرها لوك جديد في ايطاليا غيرت لونه لدرجات البني اللي طلعها حلوه موت .. ولابسه ساعه من ايبل مسكته على ذوق بندر ..
كل المتواجدين رحبوا فيها وباركوا لها بالرجعه ..
تغريد : هاه زينه لا لا مو معقول زايد وزنك وش عندك هههههههههه؟
زينة انحرجت و ابتسمت
أميره : اذكري الله هههههههههههه
إبتهال : اذكروا الله ياحول لا يجينا بندر يصفقنا , ترى رجالنا عليهم دفاشه ميب صاحيه ..
زينة : يؤ إلا بندوري ..ماسمح لك عاد ..
أميرة : الله يالدنيا يابندر كبر راسك وصار لك ناس يحبونك ...
زينة : بنات حدكم عاد بندوري رجلي وياويل وحده تغلط عليه بس
إبتهال : يممممممممممه خفت منك ... يقولون القرد بعين امه غزال ، بس بعدله واقول بندر بعين زينه غزال ههههه
كل البنات ضحكوا ،،، قربت ريم لزينه وقالت لها بصوت صغير: زينه وش صار معك بالله كيف تأقلمتي ؟
زينه بخجل : يؤ وليش انا مع وحش انا مع ارق شخص بالعالم ...
ود : قايلتكم راح تتغير واتحداكم اذا قالت لكم أي شيء ههههههههههه
تغريد : يؤ اكيد عيب استحن على وجهيكن ، اصلا أي رجال مايرضى ان زوجته تقول أي شيء بينهم .. ملعونة اللي تفضي اسرارها هي و زوجها .......عاد وشلون بندر احس انه ثقيل ههههههههههههههههههه
زينه اخذت كأس العصير وتبي تشوته على تغريد من الفشيلة .....وقالت : مو لايق ياتغريد تمثلين دور الفاهمه من بينهم ههههههههههه
زينه : نشوووف يابنات بكرة اذا تزوجتن وش راح تسون تقولن شيء او لا ؟ وانا قاعدات لي على الوحده ....بس اشوف فيكن يوووم ....
تعشوا وانبسطوا وسولفوا وقالت لهم زينه عن الاماكن اللي زراتها وأنها حضرت حفلة لأابو نورة هي وبندر في بيروت قبل يجون الرياض .....
الساعه 11 ونص ... جوال زينة يدق .... << -- My Heart يتصل بك ...
ابتسمت واستأذنت من البنات .... زينة : هلا حبي ... وأنا مشتاقه موت لك حياتي أنت وروحي ... الحين قلبي مو بدري ... إلا ووش دعوى ولهت عليك ...... بس خايفه البنات يعلقون خخخخخ... اوكي حبي انا طالعتك ثواني بس.
إبتهال : وش عنده قيس متصل ..؟
تغريد : وله على ليلى هههههههههه ....
أميره : سرى ليلكم اجل ... إلا اقول زيون وش رايك تأخذوني معكم مشتاقه لاخوي
الهنوف : هههههههههه وش يحشرك معهم
زينة تلبس عبايتها وتقول : انا موافقه بس شوفي اخوك عاد يوافق او لا
أميره : هههههههههههه ما وافق واهو مو متزوج كيف واهو معاه زينه ؟
البنات ضحكوا ..... طلعت زينة وراحت لبندر وصلوا البيت ... شافت زينة بيتها إقامتها اعجبها المكان مره ...
بندر ايدينه وراء ظهر زينة يمشون في السويت تبعهم : هذا ياقلبي عشنا عش الزوجية مثل ما يقولون


ههههههههههههه؟
زينة : أنا دامني معاك حبيبي راضيه باي شيء لو كنت فعلا بعشه مو بجناح فخم زي كذا حبيبي اهم شيء السعاده ، وانا راحتي وسعادتي في قربك وحبك لي ....
بندر : يابعد عمري ترى بتهور ههههههههه؟ ....
زينة تبعده : اقول اركد ,,
بندر : عيديها اموت في كلمة اركد من صوتك ( زينة تطلع حرف الراء بطريقه حلوه وفطره مو دلع يعني ) زينة : يؤ خلاص تعرف ماحب اعيد كلامي .........
بندر : بتعدينها وإلا ........................ههههههههه ^_*
زينه بعجله : ارررررررررررررررررركد بس اركد بمكانك صدق +_+
بندر : خوافه ههههههههههههههه
زينة : من خاف سلم حبي ..........
بندر : حبي بعد بكرة يبدا دوامي طبعا اكيد تعرفين متى استلم يعني احيانا اروح يوم كامل
زينة كشرت : أي حبي ادري اهم شيء دير بالك لنفسك ..
بندر : وش فيه الحلو تكدر لا تقوللين انك تحبيني ترى بيغمى علي هههههههههههه؟
زينة تضربه بشويش على يده : إلا الحين ماتدري احبك او لا ؟
بندر : اىي عورتيني طيب وبعدين إذا تحبيني صدق ( بس يدينها) ههههههههههههههههه اثبت لي طيب .. زينة فهمت تلميحه وانحرجت اخذت خداديه من على السرير وشاتتها عليه قالت : ذاللي تبيه ادري اعقل واررررررررركد . واستريح مافيه ..
بندر وهو يمسك الخدادية اللي شاتتها زينة : حبي انا مافكرت نطلع ببيت لوحدنا ليش عشان اذا استلمت ما تطفشين عندك امي وخواتي ؟شفت شلون افكر فيك وأنت قاسيه و مثل نفسه حزين ( شات الخدادية عليها)
زينة صقعتها الخدادية مع وجهها : ياممثل مو لايق عليك دور الحزين .....
. بندر يناظرها بتمعن : والله اني مسكين حبي
زينة : حياتي انت روحي انت تدري المكسين سكين ......
بندر : ظالمتني حبيبتي اه بس فديت عيونك الحلوه ذبحتني ارفقي فيني طلبتك ...عطيني فرصه وحده بس خخخخخ روفي بحالي يابنت
زينه حبت تعاند بندر ..........
زينة : كذا طيب عطني دقيقه بس و اوريك ...( غمزت عينها )
دخلت زينة وكشخت لبست لبس شيء ( خاص مره ) وحطت عطر كريستال من فرزاتشي وفتحت شعرها البني الطويل وقربت لبندر .....
بندر شهق : مش معقول حبيبتي أخيرا طاح مابرأسك واشتقت لي ...
زينة : هههههههههه هه اذا قدرت تلمسني لمسه وحده اتحداك ..
بندر رفع حاجب واحد يعلن عن قبول التحدي : انا اخووووووووووووووووو تركي اوريك ياخت بدر هين ؟
بندر ماقدر يقاوم جمال وجاذبية زينة واهي عذبته كل هالاغراءت ورافضه انه يقرب صوبها
بندر : هين والله لاكسب التحدي ......
زينة : قلبي ماعليش بس تراك واثق حبتين اتحداك ( واثقه المسكينة )..
انقلبت الاضواء ... واعتلت اوتار الرومانسيه تعزف على أنامل من رقة أجمل ليالي الحب ..
بندر طالع توه اخذ شور و معه فوطه صغيرة ينشف شعره فيها ناظر فيها : هاه قلبي مين كسب التحدي هههههههههههههههه
زينه : ههههههههه الشرهه ميب عليك على يعطيك وجه ويمزح معاك .

( 20)

في بيت ابو تركي .....
كانت الحياة ماشيه اوكي بسعادة ووناسه بس اللي منكد عليهم وجود نسرين لمدة 6 شهور في بيت اهلها تاركه بيت زوجها بإرادتها وسيطرة العذال عليها ....
بندر كان في قمة السعادة مع زوجته ...... سعاده خياليه مرت 4 شهور على زواجهم واهم يحبون بعض يموتون في بعض يعشقون بعض ...... حبهم صار مضرب مثل في العائلة كلها...
زينة تداري بندر لابعد حد ويصيبها شيء اذا جاء اسمه بس في أي مجلس ، واهو بعد يحبها ما قصر معها بشيء ..............
بندر كان مستلم و زينة جالسة في غرفة أميرة تسولف هي واميره ونسرين في مواضيع مختلفة إلا ويدق جوال نسرين ...... ناظرت واذا هو رقم خالد .... ( تضايقت نسرين وبنفس الوقت كابرت لأانها مبسوطه لان من اول ماتركت البيت ماقد مر اسبوع إلا ويدق يقنعها ترجع بس اهي رافضه إلا و ينفذ اللي تبي واهو مايقدر )..
زينة : نس نس وش فيك ليش ما تردين ؟
نسرين بضيق : أي زينة برد برد ......
أميرة تضايقت مره: نسرين عشان خاطري ردي تكفين شوفي وش يبي ؟ يمكن وافق على طلبك؟
زينة من زود حرصها على بنات عمها وان قلبها على قلبهم ....
زينة : عسى ماشر نسرين ؟ نسرين : ولا شيء
أميرة : نسرين بالله ردي شوفي حرام عليك ست شهور ولا حنيت عليه ؟
زينة : يؤ يؤ ليش يانسرين حرام عليك يحبك ويموت فيك ...
.. نسرين قاطعت زينة ( نسرين اذا عصبت ما ترحم تجرح بكلامها ) :
نسرين : زينة شوفي اناما احب احد يتدخل في حياتي فاهمه اللي امي وابوي واهلي ما تدخلوا تجين انت تتدخلين ياحبيبتي خليك في عالمك الخيالي مع بندر وبس فاهمه وانت غريبة وش حاشرك في هالامور اطلعي منها احسن لك
أميرة : زينة ما قالت شيء اكلتيها بلسانك نسرين حرام عليك هي تبي الخيرررر
زينة انصدمت اول مره من دخولها البيت تحس انها متضايقه خصوصا وان اهلها برى أي شيء يكدرها اذا تضايقت لأنها تتذكر اهلها البعيدين ، تحركت دمعه في عيون زينة اللي فزت وقالت:
اسفه يام رامي عن جد اسفه حقك علي ........ انا استاذن بروح اجهز عشاء دوووري حبيبي اكيد بيجي ياقلبي ميت جوع ...
أميرة : نسرين روحي اعتذري منها عيب فضحيتنا لو يدري بندر راح يتضايق ؟؟؟؟؟
نسرين : ياشيخه اطلعي من مخي بسسسسس يتضايق يتضايق وش اسوي له يعني زوجته هي اللي تحشر عمرها في اللي مالها فيه ...
اميره : نسرين فكينا من مشاكلك زينة تحبك وخايفه على مصلحتك ...
نسرين : مصلحتي انا ادرى فيها فاهمه
(عاود خالد الإتصال ) ....طنشته نسرين ....
0
زينة في مطبخها تسوي عشاء رجلها .... وكانت متضايقه مره من كلام نسرين لها
طق الباب زينة : تفضل ........... أميرة هلا حياك ...
أميرة بمزح : أي بدخل وإلا هههههههههه
زينة تكتم ضيقها : ههههههه ههه حياك شوففي ذالحلا سويته وش رأيك فيه
اميرة : ياعزي عنك يابندر وانا اقول وش فيك خاق معها اثاريها تزطك من هالحلويات
زينه تبتسم .....
أميرة : زينة لا تزعلين من نسرين عشان خاطري ...... بلاش خاطري عشان خاطر حبيب القلب ههههههههههه
زينة : افا عليك بس ماقالت شيء غلط هي صادقة حياتها هي حره فيها مالي شغل انا ههههههههه ههه بس اللقافه شينة
اميرة : زينة انت منا وفينا وصدقيني اقسم بالله انك زي اختي بالضبط ....
زينة واهي تقطع الحلا : وانا كذلك هههههههه
إلا بدخلة بندر .... زينة شهقت : اهلين بندوري
اميرة : يؤ يؤ لا تموتين من الفرحه تكفين ههههههههههههههه كل ذا عشان بندر والله انك فارغه
بندر : وش دعوى اميروه نسينا ما كلينا جحدتيني الحين
اميره : هههههههههه ههههه الله واعلم من اللي جحدنا من اول ماشاف زينة .
بندر ناظر وشاف زينة واهي تقطع الحلا سرحانه وفي بالها شيء مكدرها
بندر : زينة انت مكلمة امك او ابوك ؟
زينة تناظره وتبتسم بحب كبير له : لا بندوري ما كلمتهم ليش فيه شيء
بندر : لا حبي بس اشوفك متضايقه وانت ماتتضايقين وتطقينها مناحه إلا إذا سمعت صوت امك بالتليفون ؟
زينة تبتسم : لا قلبي وش دعوووى لا متضايقه ولا شيء ذا انا اقطع لك الحلىىى
بندر : اه بس يكفي انه من يدينك بيكون حلىىى
أميره : كح كح احم احم نحن هنا ههههه هههه يالله عن اذنكم وجودي ماله داعي
بندر : بقووووووووووووه قفلي الباب وراك ...
قرب بندر لزينة واهي في المطبخ جاها من وراء ومسكها
زينة : بسم الله ............
بندر تسمع صوته عند اذنها مباشرة : وش فيك امانه سرحانه ومتضايقه ؟
زينة تعيش بدفء الزوج المخلص : حبي ولا شيء ................
بندر : احلفي ..( مسك يدينها وضغط عليهم بقوة)
زينة : ياربي من متى وانا اكذب هاه ؟؟
بندر لفها على قدام بحيث ان عيونهم تتلاقلى : اذا صرت متضايقه ولا ودك تقولين تكذبين عشان ماتضايقيني
زينة تبتسم : الحمدلله والشكر ماعندك سالفه اول مره ادري انك ماتفهمني ......
بندر اصبعه على شفتها : انا اول مره اتأكد اني فاهمك يالله عاد اتركي الدلع وقولي لي وش فيك متضايقه من بس اللي مضايقك لانزل اتوطى في بطنه .." لا تكون اميره
زينة : ههههههه ههه لا والله
بندر : تسلملي هالضحكة اللي مدري كيف طلعت بالقطارة خخخ مين طيب دلووووووووو ؟
زينة تناظر عيونه الحلوة : لا مو احد قلبي .....
بندر : بربك الكريم انا حلفتك تقولين لي وش فيك ..؟
زينة ترددت وقالت : ابد سلامة قلبك بس توي اعرف سالفة نسرين وخالد وتضايقت مره عشان عيالهم وكذى بسسسسسس
بندر تغير وجهه لانه حس ان نسرين اكيد بثت سم لسانها على زينة ...
قرب بندر : زينة نسرين قالت لك شيء ؟
زينة بسرعه : لا
بندر : احلفي
زينه : يؤ وبعدين احنا خوات شيء طبيعي بيصير بين الخوات أي شيء ياخي يقولون مصران البطن تتهاوش عاد كيف حنا هههههههه
بندر : يابعد قلبي يالغاليه يوم وراء الثانيه اكتشف فيك شيء حلو وخصلة جديده تزود غلاتك في قلبي ......بس وشذالامثال طلعت بيئة انت ووجهك لو تسمعك امك زنطتك هههههههه( حط يدينه على رقبتها ينقاله بيزنطها خخ)
زينة مسكت يدينه و ناظرته : هههه أي والله امي ماتحب الاشياء اللي كذى بس انا احب اتفلسف
بندر : وانا احبك انت و اعشقك احب الارض اللي تمشين عليها اخ منك بس
بعدين بندر حاول يفهم زينة عن حالة نسرين النفسيه ويبيها تتعامل معها بحنيه شوي
(لاحظوا بندر ماقال اسرار اخته حتى لزوجته بس فهمها عشان تتعامل معها ولا تأخذ بخاطرها منها)..
*********
أم خالد دخلت جناح خالد و شافته يرتب أغراضه .........
أم خالد : هاه يمه معزم تروح أن شالله ؟؟
خالد يبتسم : ياعساك دوم سالمة تعرفين اضطراريه هالسفره ,و إلا كان ارسلت بدر او سعود بدالي ..
أم خالد : الله يستر عليك يمه ويوصلك اللي تبيه أنت وخوانك أن شالله .. خالد ابتسم و بوس رأس الوالده...
الهنووف مرت وسمعت الكلام بينهم ... الهنوف : خالد أن شالله مسافر ..؟
خالد ناظر فيها : يعني تشوفيني ارتب اموري ألعب أكيد بسافر ههههه هههه هذا بدل ما تقولين أنا ارتبهن لك ياخوي بس ماش ماحولك احد
الهنوف : يؤ يؤ حرام عليك ههههههههه ههه
ام خالد : يمه انا رتبت لك كل شيء إلا شنطة هدومك خبرك يمه مممادري وش احط؟؟
خالد يبتسم : الله لا يحرمني منك يمه انا جهزتهم وخلصت ...
الهنوف : عاد اقول يالاخو لا تنسانا الله الله بالهدايا وإلا هي بس للمدام بسسسسس
خالد انكسر قلبه .... أم خالد مسكت الهنووف وتوعدت فيها ...
خالد : لا وش دعوووى انا طالع مشوار عمل يعني مو براسي الف الاسواق هههههههه