وكلت آمري لرب " الفلق "
.......... فـ آرتحت من هم , مآ خلق ..!


رفعت يدي إليك يا " الله "
وأنا على يقين أنهما لن تعودا فارغتين ..!

صباحكم أمل وتفاؤل
كـ صباحي تماما ..!​

وسلامتكم .. ونختم ذا الاسبوع بذا الرد
اجازه سعيده اتمناها للجميع !!

نجدد فيها الطاقه عشان نبدا اسبوع قادم اكثر نشاط
لا اوصيكم خلونا نكون اسعد واكثر تفائل ببكره

خلونا نعرف ان بعد كل ضيقه باذن الله ستفرج
وبس والله

ســلآم

ياربااااااه !!

وربي مطول مادخلت هنا يمكن من اسبوع ماجيت مكاني المفضل
يامشاء الله اشوف الدنيا تغيرت واتطورت

بجد بجد يبقى الأصيل اصيل مهما صار له ومر فيه من ظروف
جاني رد على رساله عمرها سنه صاحبنا ماخلاها بخاطره ورد عليها

يارباااه وربي الايام تجري جري
لا وكانه يذكرني بشي بس والله اني عاذره مهما صار لانه اصيل وكذا
شكرا بعدد الايام اللي مرت واللي الايام اللي بتمر

اسعدتني جدا الرساله والله رغم ان لها سنه وشوي
يقال دائما ان تصل متاخرا خيرا من ان لاتصل ابدا هذه المقوله ياني احبها بشكل
يعني اسامحك وماعندي مشكله ابد المهم انت بس اوصل
ولا تشيل هم شي ثاني !!

مستانس والله عشان قاعد اكتب هنا عشان برفع شوي مدونتي مع الدوافير فوق
مستانس اقوى واكثر ع التقييم اللي وصلني من قلم راقي جدا
يشبه بعض خربشاتي ونقلي بقلمه ياربااااه وربي صعب
اوصل لقلمك وبعيد جدا اوصل له

فيه اقلام هنا اعترف لها واقف امامها طويلا لجمال طرحهم وابداع حروفهم
استمتع جدا بالقراءه لهم والسرقه منهم بعض الاحيان

شكرا لكم

وش بعد مبغى انسى شي لاني مافيني ارجع اكتب والله من ثاني او اعدل
تدرون شكل ماعندي شي بس برفع المدونه فوق
ولاني بجد اشتقت مليون للكتابه هنا

وهلا والله ثلاثين مليون باصحابنا القدام اشوف مدوناتهم متقدمه
معنا بالصفوف الاولى انه الحرف ومجرد حلم وراح وعاشقة المطر ياهلا والله فيكم
وعقبال مانشوف لابو العز كتابات اشوف له بصمات ببعض الاماكن

بس ماهو راضي يتكرم معنا ويكتب في مدونته لايشغلك الدوري يابو العز
وتعالي يـ العالمي الجديد شاركنا ماعندك

وبس والله سلامتكم

نختم ذا الاسبوع على خير باذن الله مع تمنياتي لكم
باجازه سعيده وكذا

كونو بخير دائما انسوا او تناسو كل شي محبط او مسئ مر بكم
ابداو الغد بتفائل اكثر وبس والله

ســــلآم

احيان احصل لي تصاميم قديمه اقول معقول كنت اسوي كذا !!
بجد شكل كان عندي لمسات ماهي بطاله بس وين راحت الان !!
اللي يعرف عنها شي يعلمن

ونقول صبحكم الله بـ الخير ببدايه ذا الاسبوع
اللي اتوقعه بيكون ثقيل شوي مدري ليه يمكن عشان محد يدام
الى حنا الموظفين الشعب كله متعطل تقريبا !

الله يكفينا واياكم شر كل شر ويحفظكم واحبابكم من كل سوء
بجد الامور صايره تخوف شوي فـ الله يكفي المسلمين الشرور !

نقظه ونهايه سطر

عندي سالفه صغيرونه بس والله مدري كيف ابدا فيها او كيف اتكلم عنها
لاني شايل هم رده فعل البعض وابغى اقول
فخلوني اعرف كيف ببدا وبقول لكم عنها

نقظه ونهايه سطر كمان

لا خلاص توبه بعد ذيك النوبه احيان نذحل بنيه طيبه
وناكلها على وجوهنا صح بس نتعلم
مع اني اشك ان اللي مثلي بيتعلم اكثر الاشياء اللي يقولون لي فيها
كذا تلقوني ارجع اكررها بقصد او بدونه
لاني والله بجد مقدر اشوف شي واسكت صعب اسكت
عشان كذا والله يمكن اكثر واحد تتقفل حسابات بوجهه او ياخذ بلوكات

وما اتوب ابد !!

الحين نقطه ونهاية سطور ورد .. وبس والله .. سلامتم

ســلآم !!

ارح نفسك يا صديقي وانطلق ..

فلم يعد هناك مايستحق !!

اطلق نفسك واخرج من جوفك كل ما الم بك
وانزوى على قلبك

ارح نفسك وعانق نفسك عناق طويل
وقبل جبين عمرك واعتذر
اعتذر لنفسك !!


لا احد يستحق .. ابدا .. الى أنت
فـ أعتذر لقلبك فقط !

ارح نفسك ودع كل حزن من جسدك ينساب ويغادر
اخرج عن صمتك اطلق تلك اليدان المقيدتان
من جوف صدرك وارفع راية الامل

وانطلق ..


ارح نفسك ياصديقي
ولاتتوقف وأمضي

فكل شي لم يلمس قلبك فهو بالكاد لايهمك
اذا انطلق وافرغ قلبك من هذا وذاك

دع نفسك لنفسك وعانقها
والتف حولها واحمي حماها من رعاة المشاعر


هي لك وحدك لا احد يستحق ان تحزن من اجله
ارح نفسك وارفع قدمك وسر الى السماء ..
ارقى الى النجوم !!


لاتجعل لاحد على قلبك مسطا وممسك
ارفع قلبك عاليا عن كل بشر


فقط .. انطلق .. وبس والله .. سلامتكم

ســلآم

اقول لكم احيان يطلع مني تصاميم بطله هذا بعد تو القاه
قلت خلوني اجيبه هنا حركات !!

م عليكم
بس بجد للان مالقيت لي طريقه اتكلم فيها عن الموضوع اللي براسي
كل ماقلت ببدا كذا ابطل وارجع امسح اللي كتبت شكلي ببطل

ادري بعضنا نفسيات ومن كلمه يتضايق
انا اولهم وربي من نص كلمه ينعفس مودي للاسواء

عاد احيان القى كلام ماهو لي ابد بس مدري ليه اتصوره لي
غباء دلاخه او قطت وجهه على قولتهم او مدري والله
المهم اني اتقبله واتضايق فتره وبعدين اتعوذ من ابليس وارجع طبيعي

عشان كذا ماحب الرسائل المبطنه اللي اشوفها فـ اماكن قريبه مني
وبعضنا يحبون هـ النوعيات من الرسائل حقت اياك اعني واسمعي ياجاره

اكثر مثل فـ العالم مودينا فـ الجدران !!

من فتره جربت شي على كذا شخص اعرفهم بعضهم علاقتهم معاي ممتازه
واكثر وبعضهم علاقتهم معاي ماتتعدى سلام وعليكم السلام
وبعضهم يعدوني اخ فـ وقت قل الاخوه الصادقين

لاحظو اتكلم عن علاقاتي باهل النت مو بالواقع

وتنحت !!!

خلوني اقفل الرد قبل اجيب العيد لاني بجد والله تنحت مدري ش اقول
ومافيني امسح اللي كتبت والله غير اخليه كذا بدون تكمله
وبنزله مالي دخل

عشان تعرفون معاناتي مع الكتابه فـ ذا الموضوع بالذات
مدري ش اقول او اكتب

بختم بهذه الرساله اللي كل ماتضايقت والله ارجع لها واقراها
وقلت بخليها هنا عشان اذ صار شي اتذكرها

السطر الاخير يكفي عنها كلها !!

وبس والله سلامتكم .. واذ عرفت كيف اكمل السالفه جيت وكملتها وكذا
سلام الآن

بجد ماعدت اعرفني ,, وهذا كمان تصميم قديم ياربااه
له اربع سنوات وربي الايام تمر بسرعه !!

م عليكم

من قو الطفش والفضاوه ختمت كل شي بجوالي سناب تويتر
انستقرام والتيك توك الاخير لي يومين مدمن عليه م انصحكم فيه
كميه تقليد لبعض وغباء ماله داعي

م عليكم

مشكله يوم تداوم عن بعد واهلك تكلمهم عن بعد وما عندك احد
م غير انت واجهزتك والتلفزيون خلاص شوي ويطق لي عرق
اتوقع بعد فتره بروح اداوم عادي

م عليكم

جاتي كم تقييم ورساله يبغوني اكمل سالفتي اللي فوق والله ماني
ذاكر شي اصلا ويبغالي فتره لين ارتذكرها فـ اعذروني
لا ووحده تقول لو تحش فيني بس كمل

م عليكم

تدرون اكثر شي يغبن يوم يجي احد ويبغاك تسوي كل شي له
بفتره انت اصلا مو حول نفسك وتقول له ومصر انك تسوي له كل شي
يـ ناس ترانا والله بشر مو آلات او نملك كل شي
احيان نكون فـ اماكن مانقدر معها نسوي شي فـ بليز قدرو شوي

م عليكم

دائما حين لا نملك شي نبحث عن كل احد يستطيع ان يغير بعض
مما نمر فيه لانهم بكلمه يستطيعون ذلك
نبحث عنهم كثيرا لكن بعض الاحيان يكونون منشغلين بانفسهم
وبمن حولهم فنعود ادراجنا خائبين يالله كم هو متعب هذا الشعور

وبس والله سلامتكم .. الله يحمينا واياكم من كل شر ويحفظنا ويحفظكم
ويبعد عنا وعنكم كل سوء .. قولو آمين

فـ الاخير

لا تنسون قولها دائما ... " بسم الله الذي لايضر مع اسمه شيئا في الأرض ولا في السماء "
لانها باذن الله تحفظنا من كل سوء مع بدايه كل يوم وبدايه كل مساء
ثلاث مرات !!

م عليكم

نختم ونقول الوعد باذن الله قريب وشكرا مليون اللي للان يعجبهم
تصماميم اكل عليها الزمن شرب

ســـلآم

سلام ... اليوم شكله مو راضي يضبط معاي من بدايه
مو قادر ادخل على النظام عشان اكمل شغلي عن بعد
مدري البلا من جهازي او من عند ربعنا بالكنترول هناك !!

م عليكم

لا وكملوها بحظر التجول ياربااااه شفت الخبر انصدمت وربي
كل الخوف انهم يقفلون الطلوع من المدن !!

هنا بجد بقعد بها لاني العصر كنت ناوي اطلع لاهلي بس الان ماش
العصر لو بطلع بياذن المغرب ماوصلت لهم
هذا اذ خلوني اتعدى من مركز التفتيش اللي بمدخل المدينه اويلاه
وربي اعيش بقلق مو صاحي من امس
وبعضهم يطقطقون عليا كملت عاد

م عليكم

لا واهلي اشكال الطقطقه بعد يقولون خيس بالبيت لحالك
الشرهه على اللي يتقضى لكم مره ثانيه >> فجر ترى امزح لا تبلشنا بالله

م علينا
ياقلبي م علينا اهم شي الاخلاق صح قافله بس تضبط الامور وتصير كلها
ذكريات نتكلم فيها بعد فتره ونضيفها للاشياء الاكثر ضحكا
استغفر الله يارب مع الامراض المفروض نبطل شوي ضحك

فـ الاخير

يقول صديق من ورى التريلات
كن اراجوز افضل

نقطه ونهايه سطر .. كونو دائما بخير ... سلام

كذآ وضعي بذا الفتره اني اغرق اغرق !!
نسيت اسلم .. ســلآم

بجد احيان مدري من وين تلقاها من الادارة او المدير او خوتك الموظفين
كنت اكلم احد الاصدقاء هنا بعبير قبل فتره وشكواه من التنسيق
بين الموظفين عن بعد !!

طلعت بجد الشغله مو زين بالمره ناس احيان ترفع ضغطك
وناس تاخذ الامور بطقطقه وكذا ياهوو ركزو بالله

الشغل عن بعد حلو بس التنسيق اللي لكم عليه صعب والله
ماتدري كيف توزع الامور على الناس اللي تداوم الى ماتلقى ناس تتحلطم او تشتكي
كاني المدير مشكله مالي علاقه بالادارة ابد
شغلي بس تنسيق وارسال بحسب الشغل البلا يوم تلقى ثلاثه بنفس الشغله
ماتدري تحول على مين فيهم

م عليكم

بتضبط باذن الله وتضبط الامور كلها معها وترجع الامور نفس م كانت
وباذن الله تبقى هذه ذكريات وسوالف

نفر يقول لي ان اليوم اللي يبدا بشكل تشوفه صعب
راح تكون نهايه باذن الله افضل شي !!

انا معاك بذا الشي بس مين اللي يقدر يطلع صح من البدايه السيئه
الى نهايه افضل مو كلنا نقدر نسوي كذا
مدري بس ماهي سهله !!

م عليكم

تذكرون يوم اقول كلم فيه قلم كبير هنا يدعمني بالكواليس على طول
ذا القلم لسى مواصل دعمه وتشجيعه ودعواته الطيبه
مع انكم ماتشوفون له بصمات هنا ابد بس فـ الكواليس مايمر يوم
بدون مايكون له تقييم يفتح النفس والله
يخليك تعرف ان الناس تختلف والطيب يبقى طيب دوم

شكرا لك من هنا لين بيتكم ودري اقول مين والله يدي تاكلني
بس مقدر الى اذ هو قال قول او شي

لاني احسه من الناس اللي ماتهمهم رده الفعل من احد بقد مايهمه
يوصل الكلام الطيب لك بطريقه حلوه

م عليكم

ذا اخر رد علي فـ ذا الصفحه احسني طولت فيها وبقلبها باذن الله قريب
عاد امس جا قرار تمديد اجازة الموظفين حتى اشعار اخر

يعني شكلنا بنداوم برمضان يـ الله العفو والعافيه

فـ الاخير

لاتنسون ... " بسم الله الذي لايضر مع اسمه شيئأ في والارض ولا في السماء
وهو السميع البصير " ...

تكفينا باذن الله من كل شر.. رفع الله عن البلاد والعباد كل شر
ورزقنا واياكم حسن العمل وبلغنا واياكم رمضان على خير
واعننا على صيامه وقيامه في مساجده وبيوته التي فقدناها في هذه الفتره

اللهم .. آمين

ســـلآم