شخبط شخبيط ..

تقليص
X
 
  • الوقت
  • عرض
إلغاء تحديد الكل
مشاركات جديدة
  • * الوسمي *
    V - I - P
    • Dec 2007
    • 3687




    إلى أين يذهب الكلام
    الذي لم نقوله !!

    تحديدا الذي عز علينا قوله
    وبقي بداخلنا ؟

    أعتقد أنه ...
    بقي يحفر في صدورنا بحثا عن مخرج !!
    طال بقائه واضاع المخرج وذهب كل شي معه .. م الحل ؟

    سؤال صعب تلقون احد يجاوبكم عليه

    المهم زي ما قلت لكم قبل كذا لحد يقلب الصفحه
    قبل مايقرأ السطر الأخير

    وبس والله ســلامتكم .. سـلآم


    تعليق

    • * الوسمي *
      V - I - P
      • Dec 2007
      • 3687




      اإأآأم بآأإأآك

      احيان تاخذنا الذكريات لابعد من الامكنه اللي نكون فيها
      بعضها يكون جميل مريح يبعث على الابتسام

      فقط لاننا تذكرنا بعض المواقف الطيبه والذكريات الجميله
      بالصدفه جات عيني قبل شوي على احدهم من زمان ماشفت له اتصال
      كنت احسبه ناسي ارقامه اصلا في المنتدى

      طلع لا طيب الحمد لله وقادر على تسجيل الدخول نفسنا
      يمكن من سنين ماشفت له تواجد اصلا في مدونته اقصد
      رغم ان تواجده في الكواليس بعض الاحيان !!

      نقظه ونهايه سطر

      اشوف في مدونة قريبه من هنا صاحبتها زعلانه من بعض العادات
      الباليه فـ الشعب اللي تربينا انها محرمات وكذا
      رغم انها مباحات جدا جدا

      لي عوده عن هذا الكلام قريبا باذن الله

      نقطه ونها يه سطور

      كونو دائما بخير

      ســـلآم

      تعليق

      • * الوسمي *
        V - I - P
        • Dec 2007
        • 3687

        53




        اخر سطر ... تذكروا هذا الرقم جيدا لي عوده معاه
        (53) مليووووون

        ياربااااه وربي رقم يخووف لا وتكون انت الأول
        مدري كيف اجازيكم وربي عليه

        نقطة ونهايه سطر

        ســـلآم


        تعليق

        • * الوسمي *
          V - I - P
          • Dec 2007
          • 3687


          ونقول صبحكم الله بـ الخير .. وهلا والله بالعياإأآل
          قبل كل شي ببدا مما انتهى به نور الفجر

          يمكن مالقيته هو هو بس حوله هو دايم اكثر ما يؤلم الصدور,,, الغل ,,,
          فيجيك من شيء تدريه ومرات يروح ما تدري وين راح فهو طلع من أوسع الأبواب
          هذا طبعا تعليق على تساؤلي امس اللي ماني لاقي له اجابات
          نور حبيبنا يقول بحث وهذا اللي طلع معاه

          نور ربي يسعدك مو شرط يكون ترددنا في عدم اخراج مافي صدورنا
          لين يروح وقتها انها تكون " غل " انت ليه رحت لاختيار هذه الكلمه الكبيره
          اهدا شوي وانا اخوك !!

          احيان اللي نتردد في اخراجه من صدورنا او ماعرفنا كيف نطلعه
          يكون شي جميل لاناس يستحقون منا الثناء او المدح
          مدري ليه انت حولته الى غل بضم الغين

          اطلع شوي فوق وارجع اقرا كلامي اتكلم عن الامور اللي عز علينا قولها
          او تاهت بنا الطرق وماعرفنا كيف نقولها

          اما للتردد او لعدم القدره او للخوف من رده الفعل وكذا
          مدري ليه انت اخذتها انها " غل "

          تدري ان الغل يعني الحقد او الكرهه لا لا لا ماينفع كذا
          قصدي اننا احيان كثيره مانعرف نطلع اللي في صدورنا ونحتفظ فيه لانفسنا
          ويعدي عليه الزمن فيصبح قوله او تركه نفس الشي

          بس شايف كيف بسيطه وانا اخوك ع العموم شكرا لك على طرحك مشاركتك
          ربي يجزاك بـ الخير

          وبس والله سلامتكم

          ســلآم

          تعليق

          • * الوسمي *
            V - I - P
            • Dec 2007
            • 3687




            ونقول هلا والله فيكم مره ثانيه .. يابنات هذه المره الكلام لكم
            م عليه ياشباب خليكم على جنب شوي فيه كلمه راس ابغاها منهم

            بغيت انسى وش بقول تخبرون الكلام مع البنات
            مو نفس الكلام مع الشباب << اخلص علينا طيب
            صوت الضمير ماهو وقتك

            المهم

            ابغى وحده فيكم توصل هذا الايس جوس سنكرز >> متعوب على الكلمه ترا
            ابغاكم توصلونها لطيف خلوها تشرب منه لين تقول امين
            اشوفها قالبه خديجه مظفر لها فتره

            لحقو عليها شربوها هالعصير مع السنكرز
            كود ترجع تسولف نفسنا كذا وترجع طيف خويتنا بالشخبطه

            بس لحظه ليكون البنت انخطبت لان هم كذا بناتنا حده تنخطب
            او تتزوج تسحب على العالم كلهم حتى اهلها لا وبعد فتره تصبغ اشقر

            اليوم شكلي ناوي حرش او هواش مدري والله
            المهم وصلو العصير لطيف عندك ياتنهيدهـ انتي وشهرزاد وحده فيكم
            ولا ترا بكلم الشباب يشوفون لنا حل

            وبس والله سلامتكم .. كونو بخير دائما .. سلام

            تعليق

            • * الوسمي *
              V - I - P
              • Dec 2007
              • 3687




              ع الطـــاير !!

              إذهب حيث يرتاح قلبك ..!!
              إذهب حيث ترغب أنت .. كن جزء من شيء يعجبك أنت ..!!

              أكثر شي يرهق النفس ؟
              هو كتمان اللي نحتاج نقوله ..!!

              ضيفو لها .. أحتياجنا ايضا لما نريد ان نسمعه .. !!
              نحتاج ان نسمع كلمه طيبه تهدي النفس وتجعل الامور أفضل .. !!

              أسوأ الفترات حزنا هي التي يكون
              فيها حزنك بينك وبين
              روحك لا أحد يعلم مافي داخلك
              لأنك لم تبح ويحسب أنك في نعيم
              من أمرك ويلق عليك شيء لا تطيقه ..!!

              هذه الاخيره جربتها كثير مع ناس هنا احسبهم بخير
              واجدهم بعد ذلك انهم ليسو كذلك
              فاتراجع بهدوء لاني افسدت بعض الامور بحسن نيه !!

              نقطه ونهايه كلام

              نكمل فـ الرد الجاي .. ســلآم

              تعليق

              • * الوسمي *
                V - I - P
                • Dec 2007
                • 3687

                مؤلمه ...


                فيه صوره عندي محتفظ فيها من يوم ماوصلتني لليوم
                كل بعد فتره اشوفها الكلام اللي فيها يخوف والله .. يصدم

                يوم تقرا سطور لن تقرأها ابدا مهما صار
                لن تشاهدها ابدا ومحد راح يتوقع بيوم انه بيقرا مثل هذه السطور
                عن نفسه !! مع انها بتكتب طال الزمن او قصر !!

                تعودنا نقولها لاقربائهم وليس لهم
                لانها تتحدث عنهم ويقرأها غيرهم للمواساه او لتضميد الجروح
                مرعبه يوم تقراها وهي تتكلم عنك

                يارباااه قبل امس قريتها والله عشت معها لحظات تخوف

                مع ان لها الان (6) سنوات تقريبا الى اني والله اعيش
                لحظات الرعب كل ماقريتها اتخيل وضعي واتعوذ من ابليس

                خلوني اجيب لكم الصوره قبل اكمل



                بالله شوفو من اسواء الاسطر اللي يمكن تقراها بحياتك حين
                ياخذون العزاء فيك وانت بخير وامورك طيبه

                السطرين الاخيره هي الاكثر رعبا في الموضوع كله
                الله يسامح اللي كتب هذا الكلام ادري قديم بس والله يغبن

                حبيت اليوم اعيشكم سبب من اسباب سد النفس
                الحمد لله على العافيه واللي يحسن خواتمنا ويثبتنا على الحق

                ياليت اللي كتب هذا الكلام في هذيك الايام
                يشوف كلامي هذا ويقرا الكم سطر اللي كتبهم من ثاني
                خلوه يتذكر ويقنعني بسبب كتابته لهذا الكلام


                نقطه ونهاية سطور .. !

                وبس والله ســلآمتكم

                ســلآم

                تعليق

                • * الوسمي *
                  V - I - P
                  • Dec 2007
                  • 3687




                  تسألني بصوت خافت .. من نحن !!

                  نحن أصحاب الأدمغة العتيقة
                  التي تفشل المهدئات في سكونها

                  أولئك الذين يتعكرمزاجهم بكلمة عابرة
                  أصحاب المزاج المتغير بشكل متواصل

                  نحن أصحاب الأسئلة الوجودية التي لا إجابة لها
                  من اعتادوا الصمت في أشد المواقف التي تستدعي الحديث

                  نحن من لا تؤخذ كلماتنا على محمل الجد أبدا !!
                  نحن من نخلق الحجج لنعتذر عن الحضور

                  نحن أصدقاء الجميع
                  و لا صديق لنا !!

                  نحن الذين لا نجتمع أبدا .. لكن يعرف بعضنا الآخر جيدا !!

                  افترقنا وهي تضع يديها على رأسها

                  نقطه ونهايه سطور

                  ســلآم



                  تعليق

                  • * الوسمي *
                    V - I - P
                    • Dec 2007
                    • 3687




                    بعضا من جمالكم خلف الكواليس لذلك
                    تجدوننا نستمر هنا ونكون في بعض المواقف اقوى !

                    كلمات بسيطه
                    لكن حين نقرأها تحدث فرقا كثيرا معنا !

                    فـ شكرا لكم

                    وبس والله ماعندي اكثر

                    ســـلآم

                    تعليق

                    • * الوسمي *
                      V - I - P
                      • Dec 2007
                      • 3687


                      اخـــر سطر بقفل الصفحه لحد يزعل



                      ايوه لحد يزعل خلاص بقفل الصفحه لاني اطلت البقاء
                      هذه المره اعجبني كثيرا البقاء هنا !!

                      لكن حان وقت الاقفال انتهت الصفحه
                      وسـ اضطر مجبرا على أقفالها وتركها للذكرى الطيبه

                      لكل من سيقرأ هذه السطور

                      لا تحزن !!

                      لايعني ان نقفل الصفحه ان الأمور قد انتهت لا !!

                      سأعود في الصفحه التاليه بإذن الله
                      فقط هي صفحه هنا وانتهت اسطرها واحببت ان يكون اقفالها بهذه الطريقه

                      اجازه سعيده للكل

                      وبس والله ســلآمتكم

                      ولا تنسون قبل تقفلون الصفحه معاي وتقلبونها
                      اقرو السطر الأخير زين

                      الوعد باذن الله الأحـــــد

                      نقطه ونهايه سطور وختام صفحه ...

                      ســلآم

                      تعليق

                      google Ad Widget

                      تقليص
                      يعمل...