شخبط شخبيط ..

تقليص
X
 
  • الوقت
  • عرض
إلغاء تحديد الكل
مشاركات جديدة
  • * الوسمي *
    V - I - P
    • Dec 2007
    • 3687


    ,
    ،



    ،
    ,

    ونقلب الصفحه بالمبخره والعود الزين وهلا بالطيبين
    احس ذا وضعي من فتره مغير اترزز بالمبخره قدام المدونات وكل من جا
    بخرته ورحبت فيه وكل الناس المهمين اشوف لهم تواجد

    عاد باقي الأهــم ..

    وتواجدكم على طول يالله ان تحييكم جميع وهلا والله
    بالشيخه ماثر حياك الله وحمد لله ع السلامه

    ,

    بجد رجعت اصحاب الهربته لمكانهم ومكانتهم الطبيعيه بذا المنتدى
    وهذا القسم بالذات تعطي اضافي ماهي سهله

    الله يسعدكم جميع

    تدرون احسن مافي السالفه ان تحس لصوتك صدى لكلامك اذان تستمع له
    الله يكتب لكم كل خير ويسعدكم

    وهلا بالعيإأآأل

    ،

    يازين الربوع !!

    بجد تحسك باجازه مو بدوام ياخي يوم خفيف ولذيذ وسعيد
    مدري ليه باقي يوم الربوع من سنين ماسك على الافضل بالاسبوع مع انه
    ماهو بنهايه الاسبوع

    يازين الربوع !!

    ،

    افطرنا فول ويدي كلها ريحه سمن اذ جا مراجع بيسلم ابلش به
    المشكله مامعاي عطر بالعمل مغير المعقم والسمن وربي ابرك منه

    على الاقل السمن فيه ريحه الاصاله وريحه الطيبين

    ،

    صح قبل انسى ورده لا يكون دخولك على استحياء زي دخول بعض الناس
    >> طيف انتي وشهرزاد وعبدالعزيز تراه يقصدكم

    لا حوول صوت الضمير ذا نكبه

    المهم حياك الله والعقبى للباقين ونشوف لمدوناتهم حركه وكذا

    فـ الاخير

    قررت بسوي صفحه صراحه ابي شي
    قاهريني اللي غيرو حساباتهم ولا ادري عنهم شي مدري كيف بوصل لهم

    يعني اشغل الدنبوشي واجيبهم ولا كيف !!

    المشكله مبغى احط شي من حساباتي هنا احس مو مكانها تكون بالمدونه


    خلوني اروح ابصم جا وقت اثبات التواجد الله يسامحك يالجنوبي
    يعني ماعنده ثقه بموظفينه للان

    كونو بخير .. اذا فضيت رجعت وسويت صفحه الصراحه
    ودي اشوف لي كم شغله

    وبس

    ســـلآم

    تعليق

    • * الوسمي *
      V - I - P
      • Dec 2007
      • 3687

      صفحتي للصراحه


      ،

      قلت لكم بس افضى بسوي صفحه فـ الصراحه
      ابشركم والله تو افضى من الصبح للان

      المهم سويت الصفحه او خلونا نقول
      جددتها لانها من اول عندي بس الان بشكل يختلف شوي

      المهم حياكم الله بما اردتم ان تقولون وتضعون



      اضغط ع الصوره بس ولا يردك شي

      كونو بخير

      ســلآم

      تعليق

      • * الوسمي *
        V - I - P
        • Dec 2007
        • 3687


        ،



        Whats App

        بجد واتس آأإأب احيان احسني شوي ع الطرف ماحب كذا
        مع اني متعود بس احيان كذا تسوي لك زحمه الشغله

        انك تكون ع الطرف شوي !!

        ماعليكم اهم شي الاخــلآق

        ،

        Whats App

        هلا والله .. بالله مرو مدونة انة الحرف وشوفوا الفرق بين من يكتب ليكتب
        ومن يكتب ليبدع !!

        احيان احسنا نضيع الوقت حقنا بالكتابه ونضيع وقت الناس اللي تجي
        وتتعنا وتقرا لنا

        بجد فيه اقلام تخليك تراجع نفسك ميه مره قبل تكتب من ثاني
        رد انه الحرف محبوك وفي محله وبالملي متر على قولتهم

        ابدعت في الكتابه والرد على تساؤل نفرووش صراحه

        بجد هذه الاقلام اللي نحتاج لتواجدهم معنا ونحتاج لتدوينهم

        مبدعين قليله في حقهم !!

        باقي بس تكه ويكملون المبدعين يالله يارب ان تكملهم جميع

        ،،

        Whats App

        مدري كم الساعه بس احسني تاخرت اليوم شوي على مدونتي
        يمكن لاني ماعندي سالفه ويمكن انشغلت من جد بالدوام

        يالله ماعليكم

        كل واحد يصلح سيارته زي قضيه عوض خميس بين النصر والهلال
        اخرتها كلن بيصلح سيارته ومحد متضرر من القضيه

        واللاعب هو الكسبان ماشاء الله عليه

        فـ الاخير

        ياليت اقدر ادفن شعور اني شوي مطرف على جنب واكون مع الناس
        وزيهم ذبحني ذا الشعور وربي

        يالله استودعكم الله

        ولا تنسون الصراحه والله الله بالحش الزين
        واحشن الحش احيان


        Whats App

        وتحلقها خوداااافس وبس ... سلام

        تعليق

        • * الوسمي *
          V - I - P
          • Dec 2007
          • 3687

          ,




          كذا حالنا مغير مدرعمين ومسوين فاهمين وحنا قاعدين نلف بنفس
          الأماكن !

          بدون اي تغيير نفرح بالشي الجديد وبعد فتره يصير المكان
          عايدي !

          لو فينا احد يوقف تتوقعون الدائره هذه بتكمل او بتتوقف
          شوي !

          اكيد بتوقف لها شوي بس بيستمرون العالم من ثاني
          لانها بختصار هذه الدنيا مجرد امور ونكررها لو ماكانت مع نفس الاشخاص

          او في نفس الاماكن !

          ليتنا نخفف نفسنه وحلطمه وشوفة نفس وحقد و اذيه احد
          وبس

          كونو بخير !

          سلام .. بكمل لف معهم فوق

          خودافس

          تعليق

          • * الوسمي *
            V - I - P
            • Dec 2007
            • 3687

            ســــلام عليكم ومساكم الله بالخير .. شي الدخول الظهري
            تحس انك مخلص كل شي وماعاد عندك الى التسدح والجوال والسوالف

            خلاص ختمنا كل الهرووج حقت الاجازه اللي مايمدي بدت
            الى وحنا مداومين

            يالله ماعلينا اهم شي الاخلاق والصحه والنفسيه الزينه الباقي ماعليكم منه
            تو كنت عند نفر مستغرب ان بوه ناس بالسطوح يابو عبدالله مليااان السطوح عالم

            وجوهم يجنن بس لو يتنازلون شوي ويعطونا علومهم ويخفون من الاثقال
            اللي شايلينها بجيوبهم ادري فيه منهم الزعلان

            ولهم حق اختفاءاتي صايره واجد وبدون مقدمات

            بس لحظه بوريكم شي !!




            هذا واحد من اهل السطوح ما عجبه وضعي وارسل فـ الصراحه يبي اكون ريلاكس وكذا
            المشكله مسوي امظلوم هههاي بس قلبي دليلي اعرف من ارسل
            او خلونا نقول عندي شكل كبير فـ اللي ارسل

            وخلاص اعتمدت الموضوع وماراح اغير وهارد للك للامه النصراويه
            من شفت نفر يدعي للنصر بدون نفس عرفت ان امورنا بتدهور

            الهم ماعليكم كمان

            طيف تبغى شبكه ابشري ماطلبتي شي في شركه في جديده توهم ادوها
            تصريح فـ السعوديه اذ فتحت مكاتبهم لك موديوم ولاب توب واشتراك سنه على حسابي

            وسياره مره وحده

            بالله وش تبين اكثر من كذا فـ الاخير العالم
            اللي جبتي طاريهم بمدونتك ترا من كتاباتك في مدونتك وصلو لسنابك وتواصلو معاك

            عشان تعرفون ان سطوح منتدانا مسكون فقرو المعوذات على مدوناتكم

            ويارب اللي فـ السطح ينزلون مع اني ماظنيت البرد جا والجلسه هناك تحمس

            المهم كونو بخير

            وشكر مليووون للكل والناس اللي بوه بخواطرها شي ياخي على الاقل
            رد السلام تراه واجب وكذا

            يالله فـ امان الكريم

            خودااافس

            تعليق

            • * الوسمي *
              V - I - P
              • Dec 2007
              • 3687

              يـــمــــــه !




              عسى مايوجعك يمه يصيب ضلوعي وياتي
              عسى هم - ن وسط صدرك يزيحه ربي المتعال

              انا لا من لمحتك متعبه تبكي ملذاتي
              واعيد ايام في حضنك وتذرف دمعتي همال

              ،


              هذه كتبتها اليوم الصبح وانا جاي الدوام تذكرت ايام اول وكتبها
              عاد لو احد بيصدقني بكف ترا

              هذه لطشها من مكان قريب لقلم مبدع فاقدينه بذا الوقت
              بس يبقى الابداع والامتاع من مميزاته الله يهدي سره ويرجعه بالسلامه !

              المهم عجبني الكلام وجبته فيذا وبجد ع الجرح وربي
              اسال الله لكل ( أم ) الشفاء والصحه والعافيه وان يلبسهن لباس العافيه
              ويرزقنا واياكم رضاهن وبرهن والجنه قلولو امين

              وصبحكم الله بكل خير

              خليكم قريب بس بضبط كم شغيله وراجع لكم لا تروحون بعيد

              كونـــو بخيـــر .. ودعواتكم ..

              سـلام

              تعليق

              • * الوسمي *
                V - I - P
                • Dec 2007
                • 3687





                الا ليت الزمن يرجع ورا وألا الليالي تدور
                ......................
                ويرجع وقتنا الاول وننعم في بساطتنا
                زمان اول احس انه زمان فيه صدق شعور
                ....................
                نحب ونخلص النيه وتجمعنا محبتنا
                زمن مافيه لاغيبه ولاحتى نفاق وزور
                .........................
                ياليته بس لو يرجع ونسترجع طفولتنا

                ،

                هذه عاد كتبتها وحنا نتظر الفطور قبل شوي يعني حاره زي التميز
                اللي جايبه العامل على طاري التميز تراه بالزين من بالسين >> عقدوني حقين الرياض
                الى يقولو للمتيز = تميس !!!

                المهم ماعلينا هذه كمان اللي بيصدق اني كاتبها ماعنده سالفه
                بس ايام الطفوله مستحيل محدن يحن لها وكذا وهذه مطلع لاغنيه عيال حارتنا

                كمان لطشتها !

                يازين ايام الورعنه مايهمك شي ودك بس تركض وتاذي وتضحك
                اخر مايشغل بالك لاجيت تنام وش بتسوي بكره او ليه سويت كذا اليوم

                بيذبحنا ذا التفكير وربكم مانتركه مشغلنا بكره وماذينا امس وناسين نعيش اليوم
                شعب او امه مهويه بجد وش نحس بوه مدري والله !!

                زي ردي البارح هنا بمدونتي قاهرني وودي احذف اخره وربي بس ماعاد ينفع
                الكل قرا وجاني تبوبيخ بطريقه مودبه وتذكرت ناس رهيبه الله يسعدهم

                مدري وش فيني اليوم مرجع نظامي الاول وحذفت التحديث الجديد
                يالله ماعليكم اهم شي الاخلاق

                فـ الاخير

                صحيح صغار بالتفكير لكن ماعلينا قصور
                صغار وقلوبنا بيضا نعيش بعالم محصور

                هذه تكملة للكلام اللي بالبدايه بس قلبت الابيات شكلي والله مدري
                يسمح لي الشاعر والفنان اني لعبت فـ الكلام

                ع العموم

                كــونـــو بـــخيــر .. لانها لو دامت لغيرنا ماوصلت لنا
                دائما هناك امل بعد الضحى وكلام الليل سيمحيه النهار

                اتمنى لكم يوم اجمل واسعد وغدا اكثر جمال ولحظات اطول سعيده

                ســـلآم

                تعليق

                • * الوسمي *
                  V - I - P
                  • Dec 2007
                  • 3687


                  ،


                  ،

                  حيالله الذيب حيالله ابو العز تو مابيزن المكان وربي
                  حياك الله ياولد اقلط اقلط يارجال

                  هذا نفر يبشرنا برجعه الفارس مرعب كل صبايا عبير
                  ياكان له صولات وجولات معاهم اذكر ايامه ماياكلون عيش في رعب
                  من ردود ابو العز الله يسعده

                  ما خلاهم يبطلون مهايط ومحارش مع الشباب الى ابو العز

                  حمد لله ع السلامه عبدالعزيز اخونا لا شي يستحق !

                  والله بيزيد النور نور هلا بالطيب ياخي لو انك تارك الهلال بس وربي
                  ان تصير اكوس واحد بالعالم

                  باقي بس ابو العز الثاني ولد العم ولد حرب ونكمل اربعه
                  ووزع ياولد !!

                  يالله شوي وتكمل شله الشباب هنــا

                  نفسي يابو العز البدايه معنا بسالفه دخول البنات للملاعب بعد كم شهر
                  يعني خلاص الهلال رسميا ينافس الاتحاد والاهلي في الحضور للمباريات

                  مدري ليه احس مباريات النصر الجايه تنهيده بشالها وفي استاد الملك فهد
                  يالله خلونا نشوف وش بيسون من زمان يقولن نببي نسوق وندخل الملاعب

                  مابقى لكم عذر سواقه وجات ملاعب ودخلتو ماباقي غير
                  تزاحمونن بالتفحيط

                  فـ الاخير

                  ابو العز دش ولا تتردد وربي بيزين المكان معاك
                  يالله كـــونــو بخـــير

                  ويشرفنا ابو العز على خير وعقبال الكل ان شاء الله

                  خلو رجعت الهربتات لمدوناتكم تزين المكان

                  ســـلآم

                  تعليق

                  • * الوسمي *
                    V - I - P
                    • Dec 2007
                    • 3687




                    خلقت في الدنيا وانا ما معي شي .. وبروح منها ما معي شي منها
                    سجة مع الهاجوس طبيعة اللي .. طبيعة بموت ما جزت عنها !!
                    .
                    .
                    مسكين ياللي تحسب الواجد شوي .. والعافية لو تنشرى وش ثمنها
                    لا بد ما نرحل عن المزح والغي .. ونسكن بيوت قبلنا من سكنها !!
                    .
                    .
                    النفس مثل الغصن عايش على الري .. ولولاه كل الناس عافت وطنها
                    يالله عسى الحسنات تقضي على السي .. لا قربوا للنفس ذرعة كفنها !!
                    .
                    .

                    خلقت في الدنيا وانا ما معي شي .. وبروح منها ما معي شي منها

                    .....

                    صبحكم الله بالخير مع سجة الهاجوس ذا القصيده تحكي سالفتي باختصار
                    مع كثير من الناس اللي هنا

                    اسمعوها بصوت راشد الماجد ( سجه مع الهاجوس )

                    خلقت في الدنيا وانا ما معي شي .. وبروح منها ما معي شي منها
                    أشكي على الخلاق وأرفع له ايدي .. لا كثرت الافكار يفك منها !

                    ..

                    سجه مع الهاجوس طبيعة لي .. تراها تشبه الطلعه فـ السطوح
                    لاكثرت الافكار

                    ماسكه من امس براسي ذا الاغنيه وكلماتها احس الشاعر يوم
                    كتبها كانه يعرفني او يتابع مدونتي مدري بس احسه يقصدن

                    .
                    .

                    المهم قبل انسى

                    حياك الله يابو العز مره ثانيه وثالثه ورابعه وكل شوي
                    بجد قلم كبير ورجع لمكانه جعل السعاده ماتفارق محياك يالخوي

                    افا ليش الغياب ياحلو عسى خير
                    هذا نفر ابو الاكواس يقول ليش الغياب يابو تراني معكم بس امس غايب حتى
                    عن الدوام النوم وانا اخوك سرقني من كل شي

                    بس العافيه طيبه والجنه الجنه والله لايجيب الغياب خلاص
                    يبغالي فتره عشان ارجع اغيب توي راجع اصلا

                    يالله جا فطورنا خلونا نقوم نفطر بس

                    انوش تقول تحسب الكلام اللي عن امي قبل امس انا كاتبه مع اني قايل اني سارقها
                    بس يالله دايم الشعب مستعجلين شوي

                    خلوني اشوف مدوناتكم تتحرك << اكلم الناس اللي فوق السطوح
                    يالله كونو بخير ..

                    خوداااافــس

                    تعليق

                    • * الوسمي *
                      V - I - P
                      • Dec 2007
                      • 3687

                      خلوني اختم الصفحه بالتذكير لي ولكم بافضل القول
                      ونشوفكم بالصفحه الجايه باذن الله




                      (| الاستغفار |)

                      لا يصنع الأمل
                      فقط . !
                      بل يرمم (
                      الأحلام ) . .


                      تذكير
                      :


                      | استغفر الله العظيم و أتوب إليه |
                      | استغفر الله العظيم و أتوب إليه |
                      | استغفر الله العظيم و أتوب إليه |

                      تعليق

                      google Ad Widget

                      تقليص
                      يعمل...