عندما لا يشعر ب غيابنا احد
هذا يعني أنه لم يشعر ب حضورنا احد !

الأولى ; تؤلم ،
والثانيةة ; تقتل !

أعطش.. وأنا لوني من الماي أنقى ...
..............بس عاجز أشرب .. وأبلل عروق .



أشوف غيمك ...بس .. وشلون ،، أرقى ؟
.............. لا صارت الدنيا ... عواصف ..بلا شوق !

نضحك / ونمزح / وكلا داخله عبره
ي : وقت لا تخدعك ضجة أغانينا ..!!

حنا نسلم : عشان الناس ماتشره
وإلا الوجع والله ان نبطي وهو فينا ..!!

...
يقولون : تالي الوقت ضاعت سلوم الناس
وانا اقول : ماهو ( صح ) ياللي تقولونه ..!!

زمان التطور ما يغير عريب الساس
على السلم باقي .. والمطاليق يلقونه ..!!

مثلي .. يعيش برفعته .. :
وب | معاليه | ..
وان طاح .. طاح
من الثرى / ل السحابة ..

من لا يراعي حبك ,, لا تراعيه ..
ومن لا يقدر هيبتك .. لا تهابه ..

في كل انسان طاقه عاد يانه يستغلها بشكل ايجابي او يكون للاسف
زي الغالبيه فينا استغلالنا للطاقه اللي فينا يكون سلبي !

يمر الوقت ولا استفدنا منه شي يانوم او متابعه شي مامنه فود
او مقابل الجوالات وهات ياحب وغرام او عتاب !



معجبيني ذول الثنين اللي يتضاربون فوق حمسوني والله
وخلوني ادور احد اتضارب معاه عاد يازين تفريغ الطاقه في الهوشات تحسك انك بدعت

صح يكون فيها شوي اضرار جسديه بس ياخي وناسه
وتبقى ذكرى ماتروح خاصه الضربات اللي تسبب بجروح وماتنسى ذاك اليوم



تكلمت مره ف الاسك عن ذا المدونه ابغاهم يتابعوني هنا طلعو اغلبهم من ربعنا
في المنتدى هنا اللي يتابعوني ف الاسك هناك !

عاد سويت وضعيت الميت بعض الاحيان هي احسن وضعيه
تريح الواحد من الاحراجات اللي تصير له خلاص وضعيه الميت انصحكم فيها

هالسنه شفتها كثير في وجوه الهلاليه والبرشلونيه كمان
وانواع الشماته وربي !



داري طفشتكم بالروعان اللي يتضاربون هذول بس احسن خلوكم وانتم تقرون
تتونسون شوي وكل واحد حاقد على احد يتخيل نفسه مكانهم فوق وقاعد يضربه

صدقوني بترتاحون شوي

على طاري الهوشات والمضاربات لين ذحين اتذكر لي مضاربه مع واحد
من ايام المتوسطه والله يمكن مر عليها ذحين حول خمس طعشر سنه !

من كثر ماكنت ناوي اضرب ومن الفسحه وانا وهو نتواعد بالصرفه
وربي ياكنت متحمس للمضاربه المشكله بالفصل ماهو بعيد جالس قريب مني

اول ماطلعنا برا وقبل يتكلم او يمد ده حذفته باللي في يدي ومسكته يده
واشكال ( التعريط ) العض للي مايعرف معناها

والله ياطلعت لحمه من يده في فمي لين ذحين اذا قابلت وراني مكانها
شكلي كنت جعان ومقهور منه بنفس الوقت



مع العلم اني من بعدها صرت انا وياه من اعز الاصحاب ولين ذحين
تجمعنا احيان المناسبات واشكال الذكريات التعيسه

يالله خلوني اطلع اليوم ناوي الشرده من الدوام
وناوي بعد اسوي كذا مع مديري



في امان الله خودافس

سلام !

لاول مره من سنوات يضيع الكلام لي كم يوم ماني عارف
اكتب شي كل ماكتبت حذفت او مسحت اللي اكتبه !

بشكر كل اللي كان لهم وقفه معاي برساله او في مدوناتهم او ف الاسك
اللي يجزاكم كل خير وماقصرتو والله لا يوريكم مكروه في احبابكم

وسلامتكم !

سلام يالربع الله يارب ان تسعد كل من مر من هنا وسال وتعنى بالسوال
يالله يارب ان تسعده !!

جايكم اليوم بعد تقريب شهرين وشوي غياب يارباه يا مسرع الايام
الحمد لله على كل حال

للي يسالون وربي الحمد لله الامور بخير وتمام وعال العال
ياربي لك الحمد

واعتذر للعالم اللي مرسله من شهر او اكثر ولا رديت عليهم
احس تاريخ الرساله انتهى لو برد مالها اي معنى عشان كذا ردي بخليه هنا

اكيد ومع شكري للي سالو جعل ربي يسعدهم وربي رسايلكم اكبر دعم

المهم مالكم بكثره الكلام وربي واحشني كل شي في ذا المنتدى
ويبغالها لفه طويله على اركانه وخصوص بذا القسم

اللي من جد واحشني اكثر شي بالمنتدى وابارك للمشرفين الجدد معنا هنا
يارب تكونو قد المسؤليه اللي اعطوكم الاداره هنا

وبالتوفيق للكل !!

يالله لي رجعه باذن الله بكره بنفض الغبار عن المدونه وبعدها بعزم
الكل على العشاء !!

يالله خوادفس يالربع

لا تبعدون لي رجعه باذن الله قريبه

صبحكم الله بالخير يا اهل عبير النايمين يالله
صحصحو الاجازه خلصت والعالم رجعو لمدارسهم او بيرجعون قريب
ليه كل ذا النوم لين اليوم !!

مدري من امس احوس بالمدونات ياكثر العالم الجدد المتغيرين عليا هنا
احسني غريب ببيتي احس بعضهم خايفين مني شووي !!

تراني الوسمي ماتغير شي فيني لسى نصراوي مهوي منتهي الصلاحيه
اقول كم كلمه وتلقوني رايح في اتجاه ثاني ولا كملت اللي بديته

يعني عادي تحوسون شوي معاي فيذا المكان

بس ماعليكم بتعودون على تكليجاتي !!

من الصبح احوس في مدونات العالم وشكلي لين ذحين صارف فوق الالف لايك
مافيه مدونه ادخلها وما اقييم صاحبها واعطيه من اللايكات لين يقول بسنا لايكات يكفي يالوسمي

عاد شي يوم تعطي احد تقييم على كلامه او نقله في مدونته
ينبسط فيه اذا جا وشاف ان احد معجبه شغله

عشان كذا لحد يبخل على احد بالتقييم واللايكات تراها تخلي الجو حلو هنا
وتعطي العالم ثقه في انفسها يوم تجي تكتب او تحط شي

نحسسهم بقيمه تعبهم معنا ونديه حماس انهم يواصلون معنا

تصدقون في اول ثلاث صفحات مالقيت الى اربع مدونات اللي اعرف اصحابها زين
والقهر هم الوحيدين اللي رفض التقييم ويقول سمعات

يالله ماعلينا المهم الحمد لله على سلامه الناس اللي رجعو بعد غيبه
وان شاء الله نشوف كل الاعضاء راجعين لمكاننا هنا

بالتوفيق للكل وخصوصا المشرفين الله يعينكم وربي شغلكم ماهو سهل

خودافس !

يارباه اليوم الجو بالمدينه يعني احسن من امس وقبله
ومدري يمكن لاني شبعان نوم وصاحي نشيط يفرق

ماعليك المهم كيف الحال والاحوال للعالم اللي هنا عساكم بخير

ياخي انتم زيي ولا اروح اتعالج !

افرح اذ شفت اقلام زمان عن شوفتها اشوف لها بصمات في مدونتي
اتفائل بتواجدهم احس انهم بخير لا شفت لتواجدهم اثر !!

يالله يارب ان تحيي الجميع فيذا ورب شرفتو المكان بطلاتكم
يالله ان تسعد ايامكم



وقبل انسى وربي ياني مشتاق لمتابعه اقلام هنا غابه في عبير من فتره ماهي
قصيره وكان لتواجدهم شكل ثاني بصراحه

اخاف اكتب اسماء وانسى احد ع العموم بقول الله يوفق الكل وان شاء الله نسمع عنهم
اخبار تطمنا عنهم في اقرب وقت



صحيح قبل انسى اختنا دلوعه مسويه مسابقه في اختيار افضل اسم للمدونات
ومنزله تصويت فووق باعلى القسم

لا اوصيكم اللي يمر من هنا يطلع فوق ويروح يصوت

لان شغل المشرفين بدون تعاونا معهم مايكون له فايده
واللي يحس انه سوداني ومافيه حيل يروح

لا يتعب نفسه جبت لكم الرابط هنا

للتصويت والمشاركه اضغط ع الفيس

وشارك معنا بالتصويت يالله في امان الله وحفظه

خودافس