ياصباح الخير .. ياوجيه الخير ..

ساعات نوقف عند صوره ترجع لنا شريط طويل من الذكريات اللي تخلينا
ندخل في متاهات !!

احب الذكريات ومين اصلا مايحب يتذكر
بس المشكله بعضنا لا جا يتذكر بدون ماينتبه تنحرف به ذكرياته للامور
اللي ماهي زينه منها !!

الله يذكر ايام اول لين ذحين اذكر يوم يحبسونا في البيت
وقت الامطار وحنا انواع الصياح نبغى نطلع عشان نلعب برى ف المطر

واهلنا خايفين علينا !!

لين ذحين اذكر اول ايام لي في المدرسه وصياحي يوم غيرو فصلي
بعد اسبوع من بدايه الدراسه وخليتهم يرجعون من كثر
ماكنت اصيح لاني بالقوه اصلا تعوده على ذيك الوجيه يوم تعودت غيرو فصلي !!

لين ذحين اذكر اول مره كرموني بسادس يمكن واخذونا بمسابقه اذاعيه
لاني على قولتهم كثير كلام مع شوي دوفره !!

لين ذحين اذكر وعد مدير مدرستنا بعدها بكم يوم انهم بيدوننا جوائز
عشان فزنا بالمسابقه ولين ذحين ما وصلت جائزتي !!

لين ذحين اذكر اول ايامي بالمتوسط وقفتنا عند غرفه الوكيل
لاننا مداومين بدون اشمغه متعودين على الابتدائي تجي بثوب يكفي !!

لين ذحين اذكر استاد الانجليزي بثالث متوسط يوم يضربنا
عشان مانعرف وش معني ( ووتر ) !!

اي والله كانها اليوم اذكر ايام الثانويه لاول مره من يوم كنت
بسادس ابتدائي اكون ف فصل واحد مع ولد اخوي لاننا مع بعض من يومنا
وباول خمس سنين بعدين فرقتنا الحروف الهجائيه
ورجع معاي بالثانويه بنفس الفصل يارباه لحظتها حسيت بطعم الدراسه من ثاني !!

لين ذحين اذكر دوراني على الجامعات بملفي واغلبهم كانو يرفضون
قبلونا لان نسبنا ماتجمل الدوفره حدها المتوسطه بعدين صرت بالقوه اعدي !!

لين ذحين اذكر وجهه خلود يوم زرتها بالمستشفى قبل ماتتوفى
باسبوع وقبل تتحول للرياض بعدها رجعت لنا في تابوت
الله يرحمها ويسكنها جنته يارب !!

لين ذحين اذكر وجه اخوي يوم استقبلته في المطار ودمعته وحضنه لي
كانه يقول خلود ماعاد لها وجود يارباه رحمتك !!


شايفين يوم اقول لكم الذكريات حلوه بس تودينا لاماكن تخليني بس نحزن
يالله خلوني اطلع وربي معد اقدر اكمل شريط ذكرياتي معكم

خودافس !

صبحكم الله بالخير اول ببارك لك بالعشر ويارب
تكون ايام خير وبركه علينا ونستفيد منها !!

وكل عام وانتم بخير مقدما ومن العايدين
وكمان اجازه سعيده باذن لله للعالم اللي اجازتهم بتبدأ

بعد كم يوم !!

ولا عزاء للي بيداومون فيها زيي !!

اصلا ما ابي اجازه كلها اسبوع زي قلته >> يازين التصريفه

المهم ماعليكم

داخل اليوم عشان اقول للكل شكرا على تواجدكم معي فيذا
شكرا لدعمكم ليا هنا الله يسعدكم جميع والله ان تواجدكم

يسعدني ويخليني اداوم وانا مبسوط تدرون ليه
لان المكان الوحيد اللي ادخل لكم منه هنا يوم اكون في الدوام

لو ماني مداوم ماشفتو رقعة ووجهي على قول الكويتيه !!

عاد بما اننا اليوم ببدايه عشر ذ الحجه ذا الايام المباركه
والعيد قريب وع الابواب فقلت احسن وقت اشكر العالم فيه ذا اليوم

وبعد شوي بنزل لكم ارقام مهمه ليا ولمدونتي والله يادعمكم
ومتابعتكم هم اللي خلوها كذا

صح بسببها صرت ف البلاك لست بس يالله لعيونكم كل شي يهون

خلوني اطلع قبل اجيب العيد بدري

خودافس !

رجعت لكم مره ثانيه فيذا المكان وبما انه اخر رد في الصفحه رقم 200
بخليه يكون خاص بالمدونه وبارقامها لاني لي فتره ماقعدت اعازل مدونتي

عاد اليوم فايق وبعض الاوقات تصادف من يزيدك حياه وعلى قولتهم
الحي يحيك !!

المهم

هذه ارقام من مدونتي من يوم افتتحتها لين اليوم وهي هيا ماتغير
اسمها ولا تغير مكانها صح زي ماقلت لكم خلتني بالبلاك لست عند البعض

بس على قولتهم لكل شي ضريبه وراح اعتبر القائمه ضريبه

المهم ببدأ معكم



هذا عدد زوار مدونتي حتى اليوم او خلونا نقول عدد مشاهدات
المدونه من افتتاحها لين اليوم

ميه وسبعه الاف وثمان ميه وسبعه وستين مشاهده





هذه اجمالي عدد نقاط التقييم اللي حصلت عليها لين
اليوم والرقم خيالي لو بقراه بضيع واصلا ماعرفت اقراه







هنا عدد التنبيهات من تقييم ولايكات ف اليومين حقت الاجازه
السبت والجمعه بس !!




وهنا عدد اللايكات اللي وصلت للمدونه لحد اليوم طبعا بعد تغير
ستايل المنتدى طارو يمكن عشره الاف لايك

بس البركه بالعالم اللي مو مقصرين معاي ردو نصها

كذا اكون انتهيت من ارقام مدونتي اللي كان كلها انتم السبب
فيه انتم اللي قيمتو انتم اللي اعجبكم كلامي وخرابيطي

انتم اللي تتكر مشاهدتكم وزيارتكم لذا المكان

مشكورين وربي والله يسعدكم جميع بدون استثناء او تحديد

!! وسلامتكم وكل عام وانتم بخير !!

سلام وبيس وكل سنه وانتم بخير !
مدري لي كم مادخلت هنا ويوم شفت انا مانكلم احد عشان متصدرين
مسكت معاي متصدر لاتكلمني ! !

امزح عاد لحد يصدق بس قلت باخذ استراحه محارب وبرجع
مع بدايه السنه الجديده !

عاد شي اول رد بعد الغيبه يكون بذا السنه والرد اللي قبله كان السنه اللي راحت
يعني اخر مره كتبت هنا العام

يارب تكون سنه خير ع الجميع وتكون افضل من اللي قبلها
الله يجعلها سعيده للكل وبدايه حلوه باذن الله

خلونا مع بدايتها نصفي النيه تجاه الكل بدون استثناءات خلونا
نرمي وسخ السنه اللي راحت معها ونبدى من جديد

اي خلاف او زعل مع احد يهمك امره او تعرفه وبينكم شبه قطيعه
خلونا نصفي النفوس ونبادر ونهنيه بذا السنه وربي بيتلقى تهنيتك

بهذه السنه بشكل مختلف عن الناس الباقين كلهم لانه بيحس انها
بادره صلح وتسويه امور يالله عاد لحد يقول لا !

صفو النيه وانا بكون اولكم

من هنا بعتذر لك من ضايقته لو بدون قصد ويشهد عليا ربي
ماقصدي اضايق احد بس ساعات التهور ومايجيب !

!! كل عام والجميع بخير وكل سنه وانتم بصحه وسلامه !!

يارباه وربي مشتاق لذا المدونه لقيتها بالصفحه السادسه
قلت كله منك يانصر ليه تتصدر وتخليني اشوف نفسي ع العالم

يالله لي عوده لاتروحون بعيد !!

خودافيس

سلام واحلى صباح مع الامطار والاجواء اللي ترد الروح بس مخربها
الدوامات والمدارس ولا وربي الاجواء عندنا تقل اطلع وطعس ولا يردك غير اقرب بر !!

امطار من قبل امس والبارح وغيوم اليوم ووعد بامطار باذن الله كمان اليوم

بالاول قبل انسى بشكر العالم اللي مرو وسلمون وتركو لهم بصمات
في صندوق الرسايل في التقييم وبالاعجاب كمان !

شكر للكل الله يسعدكم جميع وربي مروركم يسعدني فوق ماتتوقعون

طبعا والوحشه للناس الغايبه ياكبرها بحجم السحاب اللي غطى المدينه من يومين
بحجم الامطار اللي جات واللي يتوقعونها !

نقطه ونهايه سطر !

مدري دايم احس كل ماجيت اكحلها اعميتها اجي يمين تروح شمال
صح اني ساعات اكون ارفل بس مو لها الدرجه من الرفاله

صاير حتى لو كنت نايم احسني اجيب العيد !!

اعذروني ترا ساعات من الحماس اجيب العيد وساعات من زود الثقه اللي
فيني كمان اجيب العيد !!

احد يقول كيف من زود الثقه ؟

بقول لكم بس لا تستعجلون ساعات تكون ثقتك في ان الشخص اللي تتكلم
معاه بيقدر او بيعذرك بدون ما تعتذر له او تبين له الوضع
قبل يصير او موقفك من الشي !

عشان كذا لا احد يترك شي ويقول بتضبط الامور لا من بدري خل الامور
واضحه لا تترك للصدفه شي ولا تحاول تعدل بعد مايفوت الشي !

ونقطه ونهايه سطر !

بعض الاحيان تحس انك تايه او مضيع لك شي او طريق كلنا نمر بذا الشي
بس حده يجي احد ويدفك ويذكرك باشياء كانت غايبه عنك

تحس انك صحيت او رجعت ع الاقل لوضعك اللي كنت عليه قبل التوهان
عشان كذا يمدحون الكلام لا تبخل على احد فيه ترى وربي ساعات كلمه

يوم نقولها نحسب انها عاديه وهي تاثيرها يكون كبير ع الشخص

يارباه وربي بعض البشر ودك من كثر ماتعزهم ودك ماتفارقهم ابد

نقطه ونهاية سطر !

يالله شكلي طولت عليكم اليوم بس بتعذروني كنت متصدر وما اكلم احد
وذحين رجعنا وابعدنا عن الصداره وصرت جعان هرووج

وخذو من اليوم لين ترجع الصداره قرقره وهرج واجد

وعندك واحد شاهي بالحساوي والسكر برى يامعلم !

خودافس

ياصباح الخير لاهل عبير الطيبين رجعت لكم اليوم وهذاني راجع
للمكان الاول اللي اعشقه واحس نفسي فيه على طبيعتي

لفيت ولفيت واخرتها مالي غير ذا المكان اللي اعشقه واللي خلى كثير
من العالم هنا يعرفوني يشهد عليا الله ان لكم معزه هذا كبرها

داري ان لي فتره ماجيت فيذا تخبرون متصدرين مانكلم احد

الحمد لله على كل حال وابشركم الامور طيبه واختباراتي عدت على خير
ياربي لك الحمد عقبال الجميع باذن الله

باقي بس اعرف نتيجتي وتبشرون بالعشا المعنوي !!

المهم على قولت اخوننا المغاربه معزبين الشيوخ
توحشتكم بالزاف كل ابوكم

وان شاء الله بكون هنا ها الكم يوم قاهرتني مدونتي لقيتها
ورى ورى قاعده حاطه يدها على خدها وتهل الدمعه

قلت بجيبها قدام عند الدوافير اللي قدام

يالله خلوني اروح ارد على العالم اللي مرسلين واشيك ع الوضع
وجايكم باذن الله لا تروحو بعيد

ودعواتكم اليوم يجمل العميد ويمكلها العالمي بكره

اما الصوره فوق قاهرتني انها انحذفت ذيك المره
وسويت عليها شوي تعديلات ونزلتها مره ثانيه

وعنوان تويتر فيها اللي يبغى ينغث يسوي لي فلو هنا


يالله في امان الله

خودافس

جمله ياكبرها وياقو قلب من يقولها وياهي تهز من يسمعها هز !!

بس بصراحه ياشين ذيك اللحظات وياشين وقتها
لا ذكرت اصحابها وربي يالعبره تخنقن خنق

هذه من مشاكل النت انك تتعرف على ناس ويصيرون اقرب لك من كل شي
اقرب لك من نفسك احيان تفضفض لهم وتسمع منهم !!

وتقضي معهم ساعات وانت ما راح تقابلهم بيوم ابد
بس من كثر جلستكم معهم صرت ماتتحمل بعدهم

يارباه على قولت ابو عوض فارس يارباه كانت قريبه

الحمد لله على كل شي !!


المهم ماعليكم وقفت شوي ع الاطلال قلت احزنكم معاي شوي

صح على طاري نسيت اقول لكم نتيجتي طلعت وياربي لك الحمد
عديت كمان ذا الترم على خير وعال العال

راح النص وباقي النص والله يكمل الباقي على خير !!

ويالله يالربع بشروني عنكم كيف اختباراتكم اواحوالكم وعساكم بيضتوها
مع اهاليكم وكانت خاتمه زينه للنص الاول من ها السنه

واللي دقر يارجال ولا يهمك تعوضها بالثاني بس انت شجع العالمي

<< لازم يدخل الكوره والنصر مايتوب

لا تدف ياخوك تراي متصدر مدري ليه احس عبدالعزيز لا جا من هنا
وده يصفق الشاشه بجواله هههههههههاي

يالله كثرت الهرج على غير سنع
لي رجعه باذن الله خلاص تفضيت للمنتدى والمدونه صح انهم ماردو
عليا في الطلب حقي وسحبو ولا كاني كلمتهم

بس ببقى حتى لو كذا عاجبني وربي الوضع

يالله خودافس يالربع

مدري ليه ساعات وربي اجي هنا وما انتبه الى وانا فاتح صفحه
الرد ع الموضوع واقول انا وش جابني هنا عاد كنت قبل شوي احوس بمدونات العالم
ومغير ادخل من ذا الباب واطلع من الثاني !!

لين بدون ما ادري واشوفني هنا شكلي تحمست من اللي قريته اني اكتب هنا

المهم ماعليكم مني ساعات اهذري طبعا من الصداره مو متصدر >> كيفك عزوز

ايوه صح تذكرت ليش جيت

جاي بقول مبروووك لعاشقه المطر تثبيت مدونتها فوووق وتميزها بذا الشهر وربي
تستاهل مدونه من جد ماينمل منها اطلعو فوق شوي وتصفحوها بتطلع وانت

ماخذ نص المدونه معاك بالعربي اللي يدورن تغريدات او شي يرحون لمدونتها تراها مبدعه وربي

مشكورره مشرفتنا وربي نسيت امسها بس شغلك رائع
واختيارك لمدونته عاشقه المطر اروووع وتستاهل

يعطيك العافيه على الشغل السنع وايوه حمسينا شوي انا نقرقر وياكم

صح قبل انسى واصلا عادي انسى

اسف للناس اللي تاخرت عليهم في الرد على رسايلهم وربي
لي فتره مادخلت وع الصدراه تكبرت هههههههاي

امزح وربي ويبشرون ذحين توصل لهم الردود معها قاروره عطر من شانيل وديور
بس يعذرونن

بالتوفيق للكل خودافس !!

من تصاميمي القديمه قاعد اقلب في الصور وحصلتها
مدري قبل كم مسويها بس زمان ايام الطيبين !!

الله يذكرهم بالخير وين ماكانو الطيبين وربي لهم وحشه ياهذا كبرها

ليت حياتنا نقدر نوقفها زي الصور ونحتفظ فيها
في ملفات وادراج ونرجع لها متى ماطق فينا الحنين والاشواق

ونرجع لايام عشنا فيها احسن لحظات اعمارنا !!

تخيلو معاي ولحد يدقق اوكي !

تخيلو لو نملك القدره اننا نرجع لاي لحظه عشناها قبل ونعيشها من جديد
لو مده بسيطه من الزمن لو حتى لساعات !!

يارباه

من جد الذكريات الزينه طاريها بس يخيلك تحس بشعور حلو
كيف لو تقدر ترجع لها !!

تشفون الصوره اللي فوق اذكر من سويتها ونزلتها توقيع لي طيران على
قسم الالعاب لان الربع كلهم هناك وعشان اكشخ فيها قدامهم !!

جاني من يقول وربي ما اعرفك بس ياخي توقيعك رووعه
وبعد فتره صار من اقرب الناس لي هنا في المنتدى

مدري هو كان يدور شي عشان يكلمن ولا من جد شده التوقيع

<< وش جاب ذا السالفه يابو

مدري وربي بس كذا جت ببالي وكتبتها ياخي مدونتي وانا حرن فيها

يالهل خلوني اقوم قبل اجيب العيد وتخنقن العبره
تعرفون الوقوف ع الاطلال دايم يتعب شوي

الله يستر على كل من عرفتهم ويسعدهم واللي يمر من هنا
ويقرا كلامي يارب ان تسعده هو بعد

في امان الله

خودافس !!

صبح صبح ياعمي الحج او الحق على قول المصريين

صبحكم الله بالخير زاور مدونتي وجعل ايامكم كلها سعيده زي ما اسعدتوني بتواجدكم
وكلامكم اللي يخليني اشوف نفسي على نفسي ههههههه

مشكوره عاشقه ع الكلام اللي يرفع الراس

تصدقون عاد وحشتني تقيماتكم من رجعت من قبل كم يوم لين اليوم ماشفت
احد متهور ومقيمن شكل الشعب كلهم السمعات قاعده لهم

بس ياخي احسن عشان تقيمون المدونات الثانيه وثمن تعرفون مكان
ذا الشخبطه وتعالو قيموها يالله قدامي حذو فره للمدونات وقيمو العالم وبعدين

لا تروحون بعيد استناكم هنا ومعاي العصير والحلى والحركات الطيبه

لحد يدقق ف الكلام ترى وربي امزح

المهم ياخي وين العالم ليكون الاجازه هذه ماخذه العالم كل ابوهم ماني
شايف نص العالم اللي اعرفها هنا

وين طيف وخربشتها وين لنو المطفوقه وعصبيتها وين قلب صافي وحنيتها
وين ابداع قلم مرامي البدر الله يذكرها بالخير ووين اميره مملكتي وين ميمي وتعصبها
وين ش غ ب واستهبالها وين حلم ورومنسيتها ياخي من جد لهم فقده
وين حنين وابداعها وين ياسمين وروميساء وين الناس !!

وين المنتهي نفر ومشاكسته وين اسير شكله بعد ماتعلم انجليزي كبر راسه
وين الشباب وين عزوز واللا قاهرك تصدر النصر ياخي عادي ترى
وين زين الاطباع !!

ياخي وش اعد وش اخلي وربي ان لهم وحشه ذا العالم
يالله ان تسعدهم وين ماكانو واللي يمر من هنا منهم ومايترك بصمه عشان اعرف
انه مر ياويله مني << وتهدد بعد

امون يابو لاتخاف امون وربي على قولتهم مكان مالك فيه بقعا لاتخاف
من انك تدخله

يالله في امان الله ومعليش طولت معكم بالهروج

صح قبل اطلع عندكم تحت بالتوقيع صفحتي بالاسك حياكم الله فيها
وترى السوال بلاش



خوادفس !!