اسمحو لي بقعد اتفلسف عليكم شوي اللي يحس اني بزعجه
لايكمل ويقرا لاني بتفلسف حبتين ...

نقول بسم الله ... ذحين نفسي اعرف ليه اللي يبغى يعطي لازم يستنى الرد
عشان يعطي او يستنى احد يدفه عشان يعطي

ياخي خلك كريم مع الكل ولا تستنى رد او تنظر عزيمه عشان
تطلع الكرم المدفون بداخلك

اعقلها وتوكل لا تخاف ترى محد ماخذ منك شي كلها امور رمزيه
لا اكثر ودعم معنوي اكثر من اي شي ثاني




ذحين ساعات تتعب في شئ وتبغى تشوف رده فعل الناس اللي حولك
بالشغل اللي سويته يجيك واحد بدم بارد يقول ياخي ليه ماسويت كذا

تطالع فيه ودك تضربه ياخي اذ منت شاكر
الصنع اللي سويته على الاقل اسكت ابرك وربي !!




ساعات ببدايه السنه الدراسيه نتورط مع الطلاب نوعدهم اذ نجحو
باشياء كبيره شوي وهم يحبونها على اساس نبي نحمسهم

انهم يجتهدون المشكله اننا نسى ذا الشي مع الوقت
وهم بالعكس تحمسو واجتهدو وهم حاطين في ببالهم كلامك معهم

ماتدري نهايه السنه الى هو جايك تذكر يوم تقول لي !!
عاد انواع الفهاوه انا قلت لك كذا

هي عاد ابلش بعمرك





ياخي وش بنخسر لو اننا بنقول لاحد ماقصرت وكثر الله خيرك
وهذا من طيب اصلك وش بتخسر هيا احد يقول لي !!

كم كلمه تخلي سامعها يحس انه سوى شي كبير ويديه دفعه حلوه
انه يواصل بنفس الحماس

ليه بعضنا يبخل على اللي حوله بمثل ذا الكلام بين الفتره والثانيه
ليه يخلونه يسمعها من الغريب وهم حوله ولا فكر احد في ذا الشئ

وبعدين يقولون ولدنا او بنتنا منعزلين عن العالم !!

منكم طول الله اعماركم لانكم تبخلون عليهم بالكلمه الحلوه اللي يلقونها
بمكان ثاني بالنت بوسائل الاتصالات الجديده فينعزلون

عنكم ويقضون اغلب وقتهم بعالهم الثاني ولا هم يمكم




تخيل بالله واحد وهو يصحيك الصبح من اخوانك يقول حبيبي قوم اصحى تاخرت
بالنوم قوم حبيبي يالله كفايه نوم قوم ياعمري

بالله كيف بتصحى !! نفسي اعرف ليه بعضهم يبخل يسمع اقرب الناس منه
مثل ها الكلام ليه ماعودنا اهلنا على ذا الاشياء من يوم كنا صغار

وليه حنا مايعرف بعضنا يقولها الى من واراء جدار او نت او .. او ...



تدرون خلوني ساكت احسن ما اقلب عليكم امور مغير تتعبكم
شوي يالله فتكم بعافيه واجازه سعيده باذن الله

وربوعي فله داري ان ربوعكم ماعاد يفرق عن غيره
عشان كذا بيصير ربوعي لحالي

خودافيس !!

اسبوع جدبد وبدايه اجازه طويله للدوافير والدرباويه مع بعض كيف
تجي مدري على قولت الشريان هماهم كلهم طلاب !!

صبحكم الله بالخير بالربع بذا السبت الثقييل كل الخطوط وانا جاي الدوام فاضيه
مغير انا وكم سياره ياحظ الطلاب بها الاجازه

شكلي بقعد انق لهم في اجازتهم لين تخلص او انهم بعطوني اجازه في الدوام
عاد ها السنه طماع طلبت اجازه طووويله اذ تم وصارت علمتكم فيها

ذحين خلوني ابكي شوي لا ومكلتها ميمي اليوم وقاعده تتريق عليا في مدونتها
يعني درينا اني مداوم مابقي غير تعلقينها على باب مدونتك !!

شايفين هذا الرد اني لرزه واعيده واحطه في المدونه يوم 26 / 10 / 1434 باذن الله
وحنا طيبين !!

صح اقبل انسى اشوف اليوم كمان جايه دفعه جديده من الطيور المهاجره
هلا والله فيهم وحياكم الله ببيتكم الدار داركم

عاد تصدقون اني نايم بعد الفجر اليوم وصاحي سبعه ساعتين وعشر دقايق بالضبط
هي الفتره اللي نمتها لين ذحين لا والنهار باوله يارباه متى تجي الساعه ثنين

عندي اقتراح المفروض وزارة الخدمه المدنيه تعتمده في الاجازات
يخلوننا نظام عسكري بالدوامات في الاجازه تداوم يومين تاخذ لك يومين اووف

وعلى ذا المنوال << حلوووه منوال احسبني اكلم نوال ههههاي

ماعليكم يعني وش هو له نقعد خمسه ايام في سته ساعات كم تطلع بسرعه (6*5) = 35 ساعه

ليه ذا الظلم وبعدين يسكتونا بيومين يعدون كانهم ساعتين
يالله لنا الله !!

بريك صغير بخلص كم شغله
اذا رجعت وماطلعت ونمت بكمل فيذا اذ مارجعت اعرفو اني فرنكت من الفرنكه اي الشرده
لحد يعلم المدير اذ سال قولو راح الكفتريا

خودافيس

سلام !

ساعات من جد يستخفون حقين التكييف عندنا بالعمل شكلهم يحقدون على الحر
او انهم يجون للدوام من خيام مافي اي شكل من اشكال التكييف

ياخي ذبحونا بالتكييف وربي شوي واتجمد شكل درجه الحراره عندنا قريب الصفر !!

ماعلينا منهم بدور لي طاقه الشمس تطلع منها
وبروح ابشك هناك ياكود ندفا شوي

المهم تراني اليوم داخل وعيوني هكا

معقوله ياشباب ولا يهنون الصبايا لسى فيه ناس متخلفين وخايفين بنفس الوقت
لسى فيه عالم تلبس اقنعه نسائيه وهم رجال معقوله بالله ذا الشئ لسى موجود

ياولد وربي احسبهم انقرضوا من زمان يارباه
الى متى وذا الاشكال بتكون معشعشه معنا بالنت يعني ماجا الوقت اللي

يخفون علينا شوي وربي حاله تحزن وتقهر بنفس الوقت !!

يعني الين ذحين فيه ناس تستخدم ها الطرق المخيسه عشان توصل لاشياء في انفسها
يارباه كم هي عاليه سخافه بعضهم !!

والله ماني مصدق ان لسى فيه عالم كذا

معقوله ياشباب وصلت فيكم الامور انكم تكتبون باسماء بنات لسى ماعقلتو
لا وتدرون وش المصيبه الاكبر اللي يدخل بنكين وواحد مخليه بس تمجيد للثاني

خف علينا ياتوم كروز ..

يالله خلوني اطلع تراني معصب اليوووم وماني فايق صراحه بس من زود القهر
قاعد اكتب وعارف ومتاكد بعضهم بيمر من هنا

قبل اطلع تصدقون عاد من يمكن اكثر من سنه اول مره امس انام من
10 ونص بعد العشا ولا صحيت الى اول الساعه سبعه يعني حللت اووووم النوم تحليل

في امان الله وفتكم بعافيه دامني شبعان نوم بروح ادور الشاهي

خودافس

سلام !

بدايه صفحه جديده ويوم جديد صبحكم الله بكل خير يا حلوين جعل من مر من هنا
دوم فرحان وجعل التعاسه ماتعرف لصدره طريق ..

ياحبي للارقام الزوجيه وها الصفحه شكلي بقعد فيها شهر لان رقمها زوجي

قبل ادخل بموضوع واطلع لموضوع اليوم بحاول اركز معكم شوي
خلونا ناخذها حبه حبه !!

بسم الله ...

ذحين كل واحد يتمنى يكون ف احسن الاحوال وازين الاماكن بعضنا رغم انه
موفره له اغلب وسائل الراحه تلقاه زعلان ومغير يشكي حالته

ياخي وكلو الامور لاهلها وخلو عنكم الكلام اللي يتعب ولا يودي ولا يجيب
اللي متفق معاي يسوي رتويت << يابو تراك مضيع ماحنا بتويتر

داري لا تدف طيب امزح ياحلو


تصدقون اكتشفت من فتره بس هاه لحد يقول توك تدري لاني من زمان
داري بس اسوي نفسي ماني داري واصلا انا داري

>> طيب درينا انك تدري عطنا الزبده

ياخي وش بلاك علي اليوم رجعت تقرق فوق راسي من اول

المهم تدرون وش هو اكتشافي الجديد اللي بيعرف كمان يسوي رتويت
اكتشفت اني ساعات ماله داعي اكتب << بالله طيب

الله يرحم امك خلني اكمل مو كل شوي ناط بخشتي

لا امزح بس والله من جد ترى اكتشفت ان فيه مدونات حولي هنا والله
اذ دخلتها اندم اني فاتح مدونه احس مدونتي ولا شي مع مدوناتهم

ودي احذف مدونتي لا مريت من مدوناتهم صراحه هي يمكن اربع مدونات
مبغى اقول اسماء اصاحابها لاني لو بقول ماعاد اشوفكم هنا

لحظه احسني طولت اليوم بس قبل اطلع بوه كلمه براسي
مستغرب شوي فيه اقلام مستغرب ما عاد اشوف لهم بصمه بذا المكان
عسى ماشر وعسى المانع خير وعسى ما في الخاطر شي !!

يالله اعذروني يالربع وترى والله ما في الخاطر شي
والي في خاطره شي يسامحن ترى والله ما ارضى اشوف من هو زعلان
مني ولا اطلبه يسامحن اعذروني ترانا كلنا نخطي ونصيب ...

فتكم بعافيه ماراح اقول اكثر من كذا لين اعرف
اللي صاير زين ...

ع الطاير !!

صبحكم الله بالخير يالربع كلا باسمه عساكم بخير واموركم طيبه
بما ان اليوم ربوووع فحياكم الله اللي يبغى شي يقول ولا يستحي ترى فرصه ما تتعوض

تذكورن يوم اقول لكم ذاك اليوم اني قدمت اجازه طويله يالله
عساهم يوافقون عليها

عاد ابشركم انهم رفضوها وقالو وش تحس بوه انت ووجهك
يوم تطلب كل ذا المده خلو العبره تخنقني مره ثانيه وياكثر ماخنقتني ها العبره

ذا الشهر مدري وش فيني صاير ابو دميعه الله يذكر ايام اول بالخير
حتى والنصر باسوى حالاته ما عرف ها العبره الى بالتلفزيون ويوم اقرى روايات

ذحين كل شوي هلت الدمعه وصاير ابو دميعه
عاد اللي يعرف لي علاج لها الخنقه لايقصر يقول عادي بس اهم شي
لحد يجي مدرعم ويقول لا تشجع النصر

المهم ماعليكم بخربها بها الكم يوم لين يهل رمضان شكلي بداوم مواصل
واشكال السهر بالليل ونوووم بالدوام محد قال لهم مايعطوني اجازه زي ما ابغى



ف الاخير وقبل اطلع
لي وقفه باذن الله مع زوار ها المدونه قريبه انتظروني
لاني خلاص قربت اوصل للميه الف مشاهده وهذا رقم من جد كبيرررر

يالله بالتوفيق للكل

اللهم اتمم علينا شعبان وبلغنا رمضان واعنا على صيامه وقيامه
وجميع المسلمين يارب العالمين

سلام ياحلوين وصبحكم الله بالخير ... احسني طولت ها المره
اربعه ايام واحسها كانها شهر اقول اللي مسوي لي عمل ومخليني اتعلق بذا المنتدى يقول

ترى من جد صرت مقدر ابعد كثير لازم ارجع واشخمط فيذا
عاد امس دلخت من الجوال ع الطاير بشوف الوضع كيف والامور وارد اذ فيه

احد من الشعب عنده شي او حاجه << اقول خف علينا واخلص

سبحان الله ذ الصوت كمان واحشني ها بصوت الضمير حقي وشلونك يالدب
المهم خليكم من صوت الضمير !!

امس زي ماقلت دخلت ع المغرب المشكله كنت بالسياره اسوق وربي ساعات
احسني متهور ولا وقته وانا بالسياره اشوف منتدى يالله قايل لكم اللي مسوي الربط

شكله ماهو مقصر فيني ههههاي ع العموم مالكم في طولت الهرج
يوم دخلت واحصل رساله وتقييم وكالعاده كم حبه اعجاب << ماله داعي احد يصفق عادي ترى

عاد فيني طبع اذ شفت تقييم جديد تقل ماسكتني كهربه انتفض لاني احب التقييمات
مدري ليه بس تصدقون ذحين بديت اشك ان العمل مربوط في لوحدة التحكم لاني ادخلها كل شوي

عشان بس اتذكر العالم اللي قيموني ولاني احسها تديني دافع اني اكتب معكم اي قسم اني صادق
المهم دخلت ع التقييم قبل الرساله بس شوي الكهرب ذ المره ف التقييم زايده بغيت اصدم

في السياره اللي واقفه قدامي ف الاشاره من الدلاخه يوم شفت التقييم بالسالب

التقييم في كلامه صراحه اكثر من رائع ويحمس وفكره روووعه لصرف الخنقات اللي تصيبين
كل شوي بس بالسالب !!

المهم اني عصبت وركب راسي ست ميه شيطان والله ياني ناوي
اسوي شي يمكن اندم عليه لين بعد رمضان بس الحمد لله ان الاشاره فتحت تركت الجوال من يدي

وكملت طريقي وكل اللي في بالي الهوشه وقفلت الاخلاق
وصرت ادخل ع العالم في الطريق << وش ذنبهم طيب

مدري بس عصبت وقتها وحطيت حرتي بالسياره

يالله لا تروحون بعيد بكمل لكم السالفه بس خلوني افطر العامل جاب الفطور
وايش صار معي بعدين

خودافيس ...

<< ياولد مايصير وربي من امس ماصارت معقوله كل ذا فطور !!
عاد اوكي لا تدف طيب والله نسيت وبعدين امس سحبت ع الدوام
ولا جيت الى الظهر ونسيت اني قلت لكم بكمل السالفه ..

المهم اعتذر مره ثانيه وربي اني نسيت
وايه صح وش كنا نقول << كمان ناسي السالفه

لا امزح بس ابغى اسمع صوتك وحشني

ايه كنت اقول اني طنشت الجوال بعد ما فتحت الاشاره وانا معصب شوي
المهم كنت بطريقي للمطعم باخذ عشا للبيت
ومن حظي ما قفلت الاتصال بالنت بالعاده ما اترك الجوال متصل بالنت

لاني ماني فاضي ازعاجات الواتس اب صراحه

لا وكمان من فتره وانا رابط الراسائل اللي تجيني هنا بالبريد حقي
في الهوت ميل الرساله توصل لي ان فلان ارسل لك رساله خاصه

يوم شفتها تذكرت اني طلعت وانا معصب من المنتدى
ولا قريت الرساله اللي جت امس مع التقييم

فرحت على طول على صندوق الرسايل بشوف وش السالفه ومن من الرساله
هيا زي ما كنت متوقع صاحب التقييم السالب هو اللي مرسل !!

يعني جاتني الفرصه ارد واخذ بثاري << هذا ماهو تفكيري لحالي ماقلت لكم ست ميه عفريت
ركبو راسي هذا تفكير واحد فيهم

طلعت الرساله كانها مويه بارد انكبت على يد تو انحرقت !!
يعني من جد رساله محترمه صاحبها يتعذر ويقول انه ما سوى شي بس جات معاه
بدون مايقصد وطلع التقييم بالسالب

عاد كالعاده قلبي الصغير لا يحتمل اكلت سنكرز ورووقت
ورجعت الوسمي اللي تعرفونه

رديت على صاحب الرساله وقلت له فدوه لراسك ها التقييم وماصار الى الخير
واخذت عشا من المطعم ورجعت البيت وتعشيت

وسلامتكم ومره ثانيه اقول للي قيم بالسالب والله ماصار الى الخير
وهو وعدني يعوضني بالمرات الجايه وهو كريم واخوكم راعي ذا الشخبطه يستاهل << اقول برا برا امحق تواضع

يالله بتركم وسوري اذ اخرت الرد
في امان الله

خودافس

سلام !

به سالفتن تقرقع براسي من كم يوم كل ماجيت بكتبها ابطل لاني اشيل هم
ينفهم كلامي غلط ..

عاد اليوم تو مفطر ومروووق وبكره ربوووع قلت ياولد لا تترد ترى الهيبه خيبه
بس قبل اقول شي اللي حاس ان الكلام ما اعجبه لايجي مدرعم ويشيل بخاطره

ترى الكلام كالعاده بشكل عام وماهو مقصود منه احد
بس على قولتهم تراكمات ورى بعضها والنتيجه

جات كذا !!

بسم الله .. ببدأ معكم

ذحين لازم نفرق بين التجاهل والغياب او الانسحاب

التجاهل : انك تشوف شي وتسوي نفسك ماتشوفه وتصر على انك تخلي اللي
عندك يدري انك شايفه بس مسوي نفسك منت شايفه !!

الغياب : انك تغيب ولا احد يدري عنك شي الى اذ رجعت !!

الانسحاب : انك تترك شي يدل على هذا الشي بتلميح بكلام مباشر باي شي !!

طيب الين كذا حلو الكلام واغلبكم الظاهر متفقين معاي ف اللي قاعد اقوله
اوكي طيب احد يفهمني وش الحل مع اللي تشوفه

يجمع بين ذا الثلاث اشياء مع بعض ...

يغيب يتجاهل وبوادر انسحاب ملحوظ !!

شايفين يوم اقول لكم اني متردد اكتب لاني عارف ان كلامي راح يسبب لي شويه صداع
بس لاني داري انكم بتعذروني لاني ساعات مهوي

شوف قالوها قبل وزادوها كمان الكلمه اللي تستحي منها بدها "

لاتخلي شي في بالك ممكن يتعبك لان محد ماخذ منها شي
وراح تستمر الحياه باذن الله اهم شي الرفقه الطيبه والروح الحلوه

يالله بالتوفيق للكل
وعلى قولتهم والله حاولت اعديها وعيت تعدي "

بس والله ولا في نفسي اي شي ضد احد ابد ابد !!

في امان الله ... خودافيس ...

سلام !

كالعاده كنت شاك ان ردي الاخير امس بيسوي لي زحمه بس .. !!

ع العموم ماحصل الى الخير وكل واحد يصلح سيارته
وشلونكم يالربع كلا باسمه وهاه ترى بس حاب اذكركم وداري ان الغالبيه ولا هم دارين
وش السالفه ترى اليوم الربوووع << من جدك اقول مع نفسك

عاد من هنا برسل سلامي لنفر ابن الاكواس ومرامي ولنو وطيف
هالشله اللي من زمان ما اشوف لهم تواجد

امس واحد بالتقييم يسالني عن نفر !!

علمي مايتعدى اخبار اسمعها عنه بس ماتنقال في ذا المكان اخبار تسر
يالله ان تسعده وين ماكان وان شاء الله يرجع وينورنا فيذا

تصدقون واحد يعرفني شخصيا ومعنا هنا قبل فتره يقول والله اني احسبك
انت نفر يقول اسلوبكم واحد المشكله انه يعرفني زين ليه قال كذا مدري والله

صح قبل انسى

اللي يعرف شي عن الشله حقتنا في ذا المكان لايقصر ويقول اي شي
لاني صراحه عجزت احصل اخبار لو بسيطه عنهم

بعضهم متاكد من مروره من هنا ياليت اذ مر وقرا يقول اي شي
تكفون ترى الدعوه مايبغى لها معاريض وذا الكلام كلها كم كلمه والسلام

يالله خلوني اطلع احس رجعت لي وشكلي بسمع كلام اللي
يقول لي شوف لك فيلم هندي واقعد صيح وريح راسك ولا عاد بترجع لك الخنقه هاذي

احد يعرف له فيلم هندي بسهر اليوم لحالي وبقعد اصيح لين
ينطحن كل الحب اللي في راسي

في امان الله

تصدقون تو كنت بسجل خروج كالعاده لاني مريت على المدونات
وكتبت هنا وقلت خلاص جا وقت الشاهي بروووح اتقهوى

عاد وانا خارج قلت بشوف مين متواجد كذا بس لقافه
عشان يمكن احد تهور وسجل دخول من اللي اعرفهم

صراحه عويني صارن كوذيه يوم شفت المتواجدين مقعوله الى ها الدرجه
المكان ذا صاير يخوووف معقوله كل ذا العدد ماشاء الله تبارك الله

واللي مسجلين دخول بس هذول
ياولد وقمت اسوي تحديث للصفحه مره ثنيتين يمكن جهازي فيه شي

ثلاث اربع نفس الحاله ماجاني شي جديد
نفس العدد الكبير ونفس الاسماء اللي مسجله دخوووول

بالله شوفو واحكمو



من الف وميه وواحد وستين متواجد
اللي مسجلين دخول خمسه بس لا وكلمه دخولهم ع المكشوف بدون اقنعه ولا طفيه انوار

يعني كم واحد تتوقعون من الالف الباقين عضو معنا وجاي بس يتفرج
ويقرا ثمن يمسك الباب ويطلع

بالنسبه لي اتوقع فوق الميه اعضاء ماوده يسجلون دخووول
والباقين ناس جايه تدور مواضيع او ياخذون من مدونات العالم وينقلونها لمدوناتهم في منتديات ثانيه

ولا معقوله من الالف مافيه الى خمسه خمسه بس

يالله خلوني ها المره اطلع قبل يصير فيني شي من الغبن

فتكم بعافيه ياحلوين ... خودافس