صباح النشاط صباح الخير ياعرب في ذا اليوم الافضل والاكوس
والأسعد لنص اذا مو اغلب سكان البلد !

وصلني كم رساله وحبيت اطرح بعضها فيذا المكان طبعا
لشكر من ارسلها ولانها تتحدث عن المدونه بشكل خاص

فلازم تاخذ مساحه من ذا المكان

من اجمل ماوصل حتى الان هذا الابداع اللي والله لو مهما يكون
مقدر اوفي صاحبه شكر او امتنان على ذا الهديه

<< ماتحسون جاكم صداع وانتم تقرون وانا اتكلم هكا

المهم بتركم مع ماوصل واترك التعليقات لكم !!


***



بالله وش رايكم تصميم قمه ف الابداع رائع

شكرا لمن اجتهد وعمل وابدع وتفنن شكرا لانك اسعدتني بهذا العمل الرائع

***




يارباأاأإأاأإأاأه ما هذا الرقي ماهذا الكرم في تقديم الهدايا
كم اسعد بتواجد مثل هؤلاء بيننا هنا في بيتنا عبير !!

كنت ابغى اقول صاحب هذا الاهداء تكريما لذوقه واهتمامه
ورد لو جزء بسيط من حقه علي

لكن من بعث لم يرغب في ذلك احتراما له ساسطر فقط ما وصلني هنا للذكرى
شكرا سيدتي ابدعتي وهي ليست بغريبه عليك

شكرا بحجم المسافه بينا شكرا بعدد زوار هذا المكان
شكر لك واتمنى ان يكون ردها في وقت قريب لانك تستحقين افضل من ذلك !!

اكمل معكم ما بدأتموه معي وشكرا من الاعماق لكم


***


***

الاجمل مرورك وتعليقك الاكثر من رايع اسعدني كلامك وتواجدك
جميل يوم يجيك الكلام ذا ودك تتصور معه من كثر

ماهو معبر مختصر يسعد من يتلقاه
شكرا لك سيدتي !!


***

يالله لله در هذا القلم وصاحبه كم هو رائع تسطير بعضهم
للحروف يجعلك تشعر بالفخر لمجرد معرفتك بهم

شكرا من الاعماق لهذا القلم الرقي ..


***

الله يذكر نفر بكل خير من جد فقدته مسويه فراغ كبير هنا
هذا القلم من الاقلام اللي اتابعها على الدوام شكرا على هذا الكلام

في مدونتنا الخونفشاريه هههاي اسعندي مرورك وتواجدك

**

نحاول ان نكون دائما ف المقدمه او مع من ف المقدمه على الاقل !
نعمل جاهدين على ذلك لكن بعضنا لا شعوريا وبدون لا يعلم

نجده يبتعد عن ذلك المكان المفضل للاغلب لا اعرف لماذا لا نثق بانفسنا
بشكل يجعلنا معهم لماذا لا يهمنا ان نكون في المقدمه ونرضى ان نكون

فقط متواجدين !!

نقطه ونهايه سطر !!


حين ترى نفسك قد ثقلت وضاقت بك السبل وشعرت
ان مهموم بشكل غريب تاكدت انك قد بدأت الابتعاد عن من حولك

اي والله لايهتم ولا يشعر بضيقه من يجعل نفسه قريبا
ممن حوله ليس شرطا ان تخبرهم بكل اسرارك لكن شاركهم بعضها

وخذ منها ايضا بعض اسرارهم وشكواهم

نقطه وبدايه سطر !!


الايام تتداول بين الناس وتمشي سواء كنا راضين عنها او لسنى
راضين فرحين بما فيها او لا !!

هي ستمضي كغيرها من الايام نحن فقط من يستطيع ان يكيفها
على مايريد لنجعلها على الاقل افضل من الايام اللتي قبلها

لنحاول ان نشاهد الجميل فيها ونتقبل السئ منها
لكن لا نجعلها تدفنا وتخفي سعادتنا مهما كان

نقطه وبدايه سطر !!

اليوم اكتب وغدا لن اكتب وعد غدا سانزل من هذا المكان لاني وقتي
في التثبت قد انتهى شكرا لك من بارك شكرا للجميع

ساعود باذن الله قريبا للمكان الذي بدأت منه بينكم
كم اشقت للصفحه الثانيه من هذا المكان الرائع كم اشتقت للبحث عن

مدونتي وسط اركان هذا المكان الجميل

شكر للقائمين على تلك المسابقه شكر للمشرفين على جهودهم
شكر لكم انتم على اختيار هذه المدونه لتكون الافضل للشهر الماضي

اتمنى ان يسمتر هذا الامر للشهر القادم لنرى اقلام اخرى هنا

نقطه ونهايه سطر !!

سلام يالربع شلونكم كلأ باسمه من اصغركم لين اكبركم بنتكم ولدكم
تصدقون مالي خلق اكتب لي فتره مغير احوس في مدونات الخلق

اسجل واوزع من ذا اللايكات على الخلق وذا التقييم ضبط
وزعت كم تقييم معهم !!

اذكر مره كم واحد جايين مدرعمين يقولون انت تقييم وتدي لايكات
عشانك مشرف ومجبور ... بالله وش رايكم عالم بروسها فتق << تضامننا مع لنو استخدم الكلمه

ماعليكم ترى من جد وبدون مبالغه اذا قلت لكم اني احب وبقوه بعد
ادي العالم تقييمات محد ماخذ مني مصاري على ذا الشئ

ايه صح وربي نسيت تراني داخل وراد هنا عشان شئ مهم ولا ماكان شفتو خشتي
يمكن الى الاسبوع الجاي تخبروون العالمي الله يصلحه ماهو راضي يفطر

مدري كم بنقعد كمان صاييمن


شوفو ترى نزل موضوع اختيار افضل مدونه لها الشهر لا اوصيكم
شوفو الموضوع مثبت فوق نبغى تفاعلكم هناك ومن جد بدون تواجدكم مالشغل العالم اي داعي

من هنا اشكر انفاس على تعبها واهتماها هي ومشرفينها في
ذا الموضوع بالتوفيق للكل وهاكم رابط الموضوع





لا اوصيكم خلونا نتحمس شوي ونشوف ها الشهر مين بيكون الافضل
خلوني اسلم البيرق اللي معاي للشخص اللي يستهال

بالتوفيق للكل

ياخي مدري ش السالفه اذا جيت اكتب هنا القاني اتحمس بزياده
واشوف وش في نفسي واقعد اقرقر مع نفسي هنا والله بعد ما انتهي من الهذره فيذا !!

اني ارتاح شوي معكم ياخي من جد تحمسون الواحد يقرقر معكم لو اني
بالقوه افضى والله وحد حلفني داري لا تدف طيب

بديت في كتابه ذا الرد من تسعه الى ربع وخلصته تسعه وربع
يعني نص ساعه بس عشان ها الكم من سطر

المشكله مو بس خبل افكاري انقطع الى كل انقطت من كثر الهجوله
ياخي شئ وربي بعض المراجعين اخلاقهم تديك نفسك تخدمهم !!

نفسي يسوون دورات في فن المراجعه لان بعضهم يجيك معصب ولا وي البووز
من كثر مالف بالمكاتب لين وصل لك

عشان كذا احب المراجعين اللي يجون قبل عشره نفسهم حلوه ويضحكون
اما اللي يجونك الظهر وقبل نهاية الدوام بشوي

هذول ودك تتضارب معهم لان الواحد نفسه براس خشمه
ويقعد ينافخ ويهاوش ياخي مو ذنبنا تجي تراجع ونص المطلوب منك ماهو معاك

يعني يجينا ولا معاه بطاقته ولا معاه وكاله من الشخص صاحب العلاقه
ولا معاه اي شئ يثبت ان المعامله له بس فرحان يدينا اسمه

ليه ميسي يابو عشان نعرفك من اسمك

المشكله بعدين يقولون انتم معقدين وتاخرون العالم طيب كلم شغلك
صح وبعدين تعال هاوش !!

وعاد بيني وبينكم هاه لحد يدري يازين التعامل مع البشر من جد
تخليك تحس بالفروق بينهم واحسن مانخذ من بعضهم دعوه تحسها طالعه من قلب

خاصه اذا كان كبير ف السن والله يابعضهم وده يحب على راسك
اذ خلصت له موضوعه ياخي من جد خدمتهم والله فخر

شكلي طولت عليكم بطلع قبل يجيني احد يقطع الافكار مره ثانيه
اشوفكم على خير وانتم طيب بكره باذن الله

ولا اوصيكم لا تنسون مسابقه اختيار اجمل مدونه ودي اشوف
اللي مدين الموضوع اعجابات فوق العشرين يالله شدو حيلكم

ياخي يازين الربوع مدري ليه احس ماهو انا انا يوم الربوع
احسني احمد حلمي ناصر القصبي ليه مدري هو انتم زيي ولا بس انا !!

ياخي اكون جعان هرج فايق لو ما نمت الى الفجر اجي الدوام
بدري اخلص شغل اسبوع بذا اليوم لا وتكمل اذ كان فيه مباراه للنصر يارباه خلاص

ودي اقوم اتشقلب فوق المكتب

المهم معليك مني وعدوها اذ فيها تعدي تخبرون اكلمكم وانا مكبر الجي ومعلي الدي

صح قبل ما انسى ياهو احد يعرف عن تك تك ... شئ ها التميميه مدري وين مختفيه
ليا فتره ما اشوفها هنا عسى ماشر

المهم اللي يعرف عنها شئ لا يقصر يطمن الكل عنها
من جد قفدها بالمنتدى مره واضح

اليوم قاعد اقلب ف المنتدى بالصدفه طحت على موضوع لها !!

صح تو اذكر يازين يوم تكون مدونتك ف الصفحه الثانيه
او الثالثه وتجيبها تسحبها توقفها مع الدوافير قدام وربي شعور لي فتره ماعشته

نفسي اليوم اعزمكم على العشا بس تعرفون مباراه النصر الليله
ومقدر اشغل نفسي بشئ والعالمي يلعب فقلت بلاش عزايم خلوها مره ثانيه

داري داري اني جننتكم كل شوي داخل بهرجه وطالع منها بدون
ما اقول لكم بس وش اسوي لكم محد قال لكم اقرو لي يوم الربوع

يالله بطلع دعواتكم ياحلوين ترى من جد بذا اليومين
محتاجها لا تقصرون دعوه حلوه بظهر الغيب تاخذ الاجر باذن الله

يالله خودافيس

صعب يعدي اليوم وما اشخبط معكم شوي لي فتره ماخذ لي ركن فوق السطح
ومغير قاعد ادربل على المدونات اعلق واوزع من ذا اللايكات لين طفرت

بس شي يوم اخر ردين يكونون ف يوم الربوع ياخي تحس انك ما داومت ذا الاسبوع
بالله وش رايك بالمخ

فيه مدونتين جداد مريت عليهم اليوم وشكلهم بيكسرون السوق على كثير
ف ها اليومين الجايات ... مدونه لاحتريك ومدونه لشوجي ..

طبعا ثنتينهم نكاتهم انقليزي بس مدوناتهم روحها عربيه اصيله
انصحكم بمتابعتهم !!

طيب تراني جاي اكتب اليوم لان مشرفين القسم هنا مع مراقبتهم النشيطه
انفاس نزلو التصويت لافضل مدونه لها الشهر !!

لحقو ترى التصويت بس لمده خمسه ايام بدأت من امس
خلونا ندي المدونه اللي تستحق حقها في التميز .. وصراحه والله رحت بصوت واحترت

المدونات المرشحه لها الشهر كل وحده تقول الزود عندي
ياولد اقلام مبدعه ماهي بسيطه في عبير

من مرامي البدر .. لين شهرزاد .. لين انفاس .. لين ولد العم اسير

وربي مدوناتهم تحتار وانت تختار بينها المهم ماني مطول عليكم
التصويت بيكون على هذا الرابط



يالله الهمه الهمه الموعد ترى دايم القمه بالتوفيق للكل
مقدما والله كلكم تستاهلون

عاد صوتي راح واتمنى التوفيق للكل وفالكم طيب !!

في شي براسي بسويه بس متردد ومدري من وين ابدأ فيه !!
وكيف راح يكون تقبلكم له لاني شاك اني ماراح اجمل او اكمل وما ابغى العتب من احد !!!

عشان كذا كل ما جييت بسوي ذا الشئ القاني ابطل ف اخر لحظه
كاني احتاج احد يدفني عشان ابدا ف الفكره هي صح شوي متهوره ويمكن غبيه

بس نفسي من فتره اجرب واذا ماعجبتي سحبت عليها
المشكله ما احب الالتزام بشئ حتى لو ماهو مهم واحيان اشيل همكم لان داري بعضكم

يتابع ذا المكان اكثر مني مدري كيف تجي بس عدوها لي

المهم اذا جا الوقت اللي شفتوني طاقه اللطمه وماسك الخط بالمقلوب لحد يدقق
ويستعجل وعطو سداح فرصه

طبعا الحقوق مايحتاج اقول محفوظه وحقوق النشر والتوزيع حصريا
لها المكان يعني من ذحين بغير الارقام السريه حقت المدونه

بحط حراس امن عن البوابه وبمنع دخول اللي اعمارهم اقل من 22 سنه
يعني لحد يجي هنا الى معاه صوره من الجواز او كرت العائله او البطاقه

ممنوع الدخول بعد الساعه 10 بالليل ممنوع الدخول بجوالات فيها كميرات
<< اقول قلبتها صاله افراح هههههههاي

شوفو الشغله والله اني متحمس لها من فتره وياني بسحب فيكم تسحيب
يعني من البدايه اللي عنده شئ يقوله قبل ابدأ لاني ماراح اسمع شئ

بعد ما اصير مشهور تحلمون ادي احد فيكم وجهه حتى عيال عمي بسحب عليهم
ايه اسير انت ولنو وميمي لا تطلون فيا كذا ترى الشهره تنسيك كل شئ

ياولد مره سجلت هدف دبل كيك بعد المباراه رجعت للحاره تكسي مارجعت مع الشباب
هذا اللي ناقص امشي معهم بعد الهدف الدبل اخذت اسبوع ما اكلم احد

اشوى بعدين ركدت ورجعت طبيعي والمشكله صرت العب حارس عشان
اتوب اشوف نفسي عليهم هههههههاي

يالله بطلع ولا زم اشوف اكثر من عشر لايكات على ذا الرد ولا ماني قايل
لكم شئ << بدى الغرور

ياخي الخميس ماظن اني بيوم كتبت هنا
بذا اليوم شكله زعلان عليا قلت ياولد

لا تزعله حط لك بصمه فيه

عشان كذا تشوفوني فيذا النهار ده يازين النوم
من امس الفجر لين ذحين تو اصحى

قاعد اسدد ديون الاسبوع كله بها الخميس
نهاره كله نووووم


يارباه تصدقون تو اتذكر مباراه النصر
الليله مع الشباب الله من النكبه ورفعت الضغط

احد يعرف له علاج لادمان الكوره !!!

صبحكم الله بالخير يالربع وشلون ربوعكم ومن يعز عليكم
وكيف الاجواء عندكم الى صح على طاري الاجواء هو البرد رجع ولا وش السالفه !!

ها البرد شكله السنه هاذي ماهو ناوي يفارقنا شوي
كل يوم والثاني راجع ياولد انواع واشكال الزكم صاير تقل سمكه احيان كثيره

ما اتنفس الى مع فمي نظرا للعوامل الجويه !!

من جد صاير البيت فيه فلوتاب درج السياره فيه كمان علبه فلوتاب حتى بجيبي
معاي على طول احسني بصير مهرب فلوتاب ومدمن بنفس الوقت !!

قبل فتره تحلمت ان الحبه حقتها لها رجول وتطاردني بالحلم عاد اللي له بالتفسير
يقول ش السالفه ياولد صرت اتعقد من اللون البرتقالي من كثر ما اخذ فلوتاب

يقولون انتبه لا تسوق بعد ما تخذها لانها تسبب نعسان من ادماني عليها
صارت ماتردني عن طريق اصلا كاني ماخذ حلاوه عاديه

يالله ماعليكم وكل واحد يصلح سيارته !!

جاي اليوم والله عشان ابارك لاسير ..



طالع كشخه بالنيو لك اسير الف مبروووك صراحه تستاهل والله
وكفو خشمك يالذيب الرايه طلعت من حربي وراحت لولد عمه تستاهل اسير !!

وين ميمي ولنو قربو ياهو عشان نبغاكم تشيلون البيرق الشهر الجاي !!
مبروووك اسير وفالك طيب !!


.. ختمه ..

قبل اطلع بس بسال عن كم واحد وربي له فقده فيذا الله يردهم بالسلامه
نفر الكويس .. ميمي .. لنو .. مرامي .. اتعبت حسادي .. مارشيملو .. ومجرد حلم ...