لكل منا طريق يسلكه ورؤيه يرى من خلالها للامور تختلف هذه الطرق
وتتنوع منا من يستطيع ان يعبر عن اللي يبغى بكل سهوله وبدون تعقيدات وبشكل مباشر ...

وفيه بعضنا لا بحب يكون تعبيره بشكل مختلف يعطيك احساس رائع وانت
تتابعه او تقرا له اي شي ..

تدرون ليه لانها موهبه فطريه ما تجي في الكل لذلك لحد يحاول مهما يكون
انه يتبع احد في نهجه او طريقته لانه باختصار وبكل سهوله بيفشل

خلوني اضرب لك مثال فيني لو بكره بجيكم اكتب خواطر واشعار هنا
وكلام مرتب وشياكه واحط مدري ايش محد راح يسمع مني وبتلقوني مساك

خط الرياض المدينه راجع مشي

هنا بذا المكان وحولنا تلقون ناس مبدعه في تصويرها للاشياء في كتابتها
في كل شئ مبغى احط اسماء عشان ما نسى احد يستاهل المدح وما اجيب طاريه

لكن اقلامهم رائعه وصفهم اروع !!

دعوه من ذا المكان للكل تابعو المدونات شوف الابداع اللي فيها
وهاه لحد يحاول يقلد احد لان القبول للي نحطه هنا او باي مكان يكون على قولت

اهلنا اهل النيل القبول رباني محد له علاقه فيه يعني تلقى من يحش
فيك انت واللي كاتبه ولا يفكر انه يقرا لك ابد !!

وتلقى من يشوف اللي انت كاتبه ابداع وموهبه وقدره على صياغه الحرف

شكلي من الجوع اليوم قاعد اتفلسف عليكم بس تحملوني شوي
تدرون ليه لاني قربت على ( .... ) فلحد ياخذ بخاطره مني تكفون

وداري نص اللي بيمرون من هنا بتشغلهم ها القوسين يبون يعرفون السالفه
بس خلوها كل شي بوقته حلو !!

دمتم سالمين ... يالله كا لعاده ...

خودافيس

صباحكم رايق اليوم باذن الله شلونكم يالربع وش اخباركم كلن باسمه
وشلون ربوعكم واهلكم ومن يعز عليكم << قلبتها كشته ببر

ذحين فيه شي محيرني من فتره وش هو الشي اللي يحرك الغيره عند الشخص !!

يعني تكون عادي الامور فجاه ودك تقطع علاقتك مع الادمي
لمجرد ان الغيره اشتغلت عندك !!!

من كلمه من اي شي سبحان الله يعني لها الدرجه والله مدري كيف ولين ذحين
عاجز القى تفسير للغيره مصرعها يوم تشتغل عند الواحد

لا والمشكله تكون غيره ماهي محموده او مطلوبه غيره مالها داعي
يالله ماعليكم كل واحد يصلح سيارته وش لنا بوجع الراس !!

نقطه ونهايه سطر

صح قبل اطلع فيه سؤال جاني بالتقييم مدري هو اليوم او امس المهم
صاحبه السؤال تاركه كل شي وماسكه ذا الكلمه

حلوه عذرا للتطفل خلتني والله اضحك من جد مع ها الصباح
اختي خودافيس او خودافس هذه كلمه مختلفين فيها ناس تقول فارسيه وناس تقول هنديه

المهم ان معناها الله يحفظكم او في رعايه الله بس هذا معناها



نقطه وبدايه سطر


صحيح كمان تو اتذكرت شي << انت شكلك فايق اليوم وبنزعج روسنا
قول وخلصنا ياهو >> طيب لا تدف

مدري ليه احب اتكلم مع صوت الضمير حقي ياخي احسني بطران
يوم اتكلم معاه اسكته زي السلام عليكم ...

المهم مبغى اضيعكم وش كنت اقول ايه تذكرت ان تذكرت شي كنت ناسيه
المهم احتريك تقول عرفت معنى اللي بين الاقواس امس لا ماحزرتي واتحداك

لان المعنى ببطني ولا احد راح يجي بباله اصلا وش كنت ناوي اقول
بس زي ماتوقعت القوسين اللي تركتها امس بتسوي زحمه شوي

تدرون بديها فرصه تخمن وذا جابتها صح والله غير اقول لكم وهنا
وعلى الملأ يالله هاتي اللي عندك

شكلي طولت الهرج اليوم يالله بطلع

خودافيس ...

الاسبوع ذاني مكثر الطلعات والخرجات هنا تحلمونا شوي يالربع
المهم ان اليوم ماعندي شي اقوله داخل بس عشان اقول كلمتين

ويمكن تزيد شوي محد يدري ساعات اتحمس وانا اكتب
المهم نبدى بالمهم !!

اول شي احب اعتذر للي كنت سبب في ازعاجهم بكلامي اسف ويعلم الله
مكان قصدي شي يزعل بس ساعات يكون ودك بشي

وينفهم بشكل غير اللي ودك تقوله ..

اما الاستهزاء لا والله ماكان طبع لي ولا جا ببالي ابد واصلا بالله
وش عندي زود عشان استهزء باحد !!

كان ودي احذف كم رد .. بس قهر تصدقون تو انتبه ان مافيه مشرفين
بالقسم مدري مشرفيننا وين راحو ؟؟؟؟؟

معقوله قسم زي المدونات مافيه مشرفين غريبه والله !!

يعني معقول لها الدرجه صار القسم مسوي زحمه ع الفاضي
مدري لي جات ببالي مرامي الله يذكرها بكل خير وين ماتكون

من جد الحي يحييك و (...) يزدك غبن !! !!

يالله خلوني اطلع قبل انطرد

ف الاخير !!

أسف للي فهمو كلامي بطريقه زعلتهم بس يعلم الله اني ماقصدي
شي ولا في نيتي ابد شي

يالله فتكم بعافيه
خودافيس

صباحكم ابيض ونهايه اسبوع اول في الاختبارات ياخي يامسرع الايام
قبل كم يوم قلنا للطلاب شمور عن يدينكم وشدو الهمه !!

واليوم الاسبوع الاول خلص ... ياحظ الطلاب ياخي باقي لهم اسبوع ويعطلوووون
ياخي وش الحل يعني اترك الشغل واسحب عليهم

من جد مايجون مع بعض اجازه لنص الشعب والنص الثاني قاعدين يكرفون
يعني لازم يصير فيه عدل شوي على الاقل يدونا رمضان اجازه !!

ع العموم بالتوفيق للكل وان شاء الله كل شبابنا وبناتنا هنا يكون النجاح حليفهم باذن الله

نقطه ونهايه سطر ...

مدري ليه اليوم ناسي انه ربوووع الله يذكر لنو هانم بكل خير من جد لا جا
طاري الربوع تذكرت هالبنت اللي يدري عنها شي يقول من زمان ما اشوفها مختفيه !!

لا ومقفله صفحتها ف الاسك !!

بعضهم مدري ليه اذا جا يطلع من مكان يقفل كل الاماكن اللي الواحد يوصل له منها
تقول انه ما خذها اجار تراها بلاش يعني ليه نقفلها !!

يالله ع العموم الله يردها بالسلامه ان شاء الله

نقطه ونهايه سطر ...

ومن هنا حاب اشكر العالم اللي قاعده تتابع وتديني من ها اللايكات والتقييم
يسعدكم ربي لي وقفه باذن الله معهم قريب

بس فيه شي براسي وودي اقوله نفسي اعرف بعض الناس ليه
ماتلتفت لك الى اذ مريت على مكانهم عاد بتقييم بلايك باي حاجه

ماخذنيها امسك لي واقطع لك !!

نقطه ونهايه سطر ...

واحد يقول لي قبل فتره مدونتك ماتعكسك زي ماحنا عارفينك ليه !!
والله قلت مدري عنك ليه وش تشوف فيها غير

قال ياخي في مدونتك احسك ما تدي احد مجال يكلمك او ياخذ ويعطي معاك
قلت يعني مغرور قولها وريح راسك !!

قام يغير السالفه شكله حس انه زعلني مدري والله

بس تدرون هذا الوسمي وهذه خلاقينه يعني سيم سيم
بس هنا الكتابه تكون راكده لاني اكلم نفسي وما ارد على احد وساعات

ينفهم غير اللي اقصد واضيع واضيع اللي يقرا معاي

ع العموم محد بيبرى من الخطا الشجاعه ف اللي يعتذر بعد الخطأ

فتكم بعافيه وفالكم طيب وربوعكم فله !!

خودافيس !

تحديت قبل فتره احتريك انها تقول وش هو اللي بين القوسين
واذ كان صح راح اقول لكم انه صحيح !!

شوفو بعد مافكرت وصراحه جابت النص ميه ف الميه

بالنسبه للطلعه صادقه مافيه طلعه وقاعد الله لايعوق بشر
يمكن اريح لي شويات بس طلعه لا ثمن لا ثم لا

هذا بالنسبه للنص الصحيح !!

اما الباقي سلامة راسك وانا اخوك ماحزرتي ولا حتى قربتي
من السالفه بس محاوله جيده

خايف اقول حاولي مره ثانيه وتجيبينها صح واقعد فيها !!

المهم

زي العاده كل شي بوقته حلو وتصدقون جاني كمان اسئله
ع الاسك وتويتر والله تسال عن الاقواس

بس سحبت عليهم !!

يالله بروح انام لي شوي وراي العصر طلعه طويله ف ها الويك اند
دعواتكم باذن الله السبت يجمعنا

صح قبل اروح العالم اللي تسال عن اختباراتي والنتيجه
لسى ماطلعت كل المواد لين ذحين نزلت اربع وباقي ثلاث

الاربع الاولى والحمد لله تمام التمام الله يكملها على خير

في امان الله .. خودافس ...

دوم دوم تك امسك ليا واقطع لك ...
من جد ماتدري عن الايام غير يوم تستنى لك شي غير كذا ولا تدري

عن الايام شي تحسها تنحذف حذف من قدامك
الله يخارجنا ويبعد عننا كل هم وضيقه !!

تصدقون لي فتره متحمس للكتابه فيذا وساعات ادخل واجي اكتب واحسني جبت العيد
وارجع احذف اللي كتبته كله وابلع العافيه واسكت !!

لا واللي زاد حماسي ها اليومين اللي راحن رجعت بعض الطيور المهاجره
والله من جد يحمسونك تكتب يحمسونك تقرأ

ياخي من جد فيه ناس غير بكل شي غير !!

عاد للناس في اللي يعشقون مذاهب .. بالنسبه لي اعشق المدونات اللي يكون
فيها السرد والهرج اكثر من النظم والترتيب

اخاف دايم من الشئ الجديد وتلقوني لا اراديا ابعد عنه مدري ليه من يوم عرفت النت
وانا اتحاشى كل جديد لين يجي يوم واتهور واروح اشوف وش الهرجه

واندم اني كل ذا الفتره ماجيت لمه !! لاني اتعب وانا اقرا اتعب وانا احط لايكات
وبالاخير اختمها بتقييم احسه يعصر مخي عصر

عاد كالعاده وكذا مره واحد يقول ياخي وش فيها تقيماتك غير
قلت من جدك والله اشوفها عايديه بس ساعات اتهور واعصر مخي بزياده ودي التقييم يوصل

لصاحب المدونه قد ايش مدونته اعجبتني وبس !!

شايفين ماسك خط سريع ونسيت اني طولت عليكم يالله
بنهي ذا الكلام ولي عوده باذن الله

!!!

هاي كيكرز .. داري ماتعجبني كثير ها الكلمه احسها تجيب لي
مغص براسي من كثر ماهي غبيه !!

ماعليكم اليوم تراني ماني فايق ولا لي نفس اكتب وكسلان ومنهك << ركزو على منهك

بس مريت مدونه قريبه من هنا ولقيت فيها شي استفزني اني اكتب
عاد قليله المرات من بعد ماتركونا نفر ولنو ومرامي يستفزني شي عشان اكتب ...

المهم شوفو وبعدين نتكلم

ايه فهمنا لا تدفين وهذا بلا ابوك ياعقاب ولا كان ماقال الشاعر

اللي يبينا عيت النفس تبغيه.. واللي نبيه عيا البخت لا يجيبه !!

تحسبين الشعار يقولون كلام فاضي لا بالعكس كلام ع الجرح
وفي الصميم !!

على قولتك التكايات كثيره هالايام وبعضهم مستانس انه تكايه
وعايش الدور صح لانه مايبغى يخسر احد ولا وده يزعل احد
واريح له يكون تكايه ويرح راسه من وجع الحب وها الكلام !!

بعدين مشكلتنا بعض يوم يدري انه تكايه تكون الطيور
طارت بارزاقها وش السواه طيب !!

ماعاد ينفع يرجع تكايه مره ثانيه ولا لحق الحبيب اللي راح

هذه على قولتك وجهة نظر لا اكثر بس حبيت اشارك عجبني الموضوع
عشان كذا درعمت وكتبت

يالله فتكم بعافيه

الفلسفه حلوه خصوص هنا بالمدونه لان محد راح يقول لك شي
بتتكلم براحتك وبتفرد عضلاتك على نفسك

عشان كذا احب امسك الخط السريع يوم اكون هنا !!

وش كنا نقول صح التكايات ههههههههاي عجبني التشبيه صراحه يكتل
من كتل يعني قتل هاه وضحت

هو حنا صرنا نخاف او نفكر بزياده عن العاده يوم صرنا
نقبل نكون تكايات او مساند مؤقته لقلوب ماهي فاضيه لنا هذا السؤال اللي يطرح نفسه !!

ليه في بعضهم يتعمد تكون تكايه له وبدون مقدمات
يسحب عليك وانت الله بالخير !!

ع العموم نرجع ونقول كل واحد يصلح سيارته

عني بصلح سيارتي ومسامح وانا اضحك كمان لاني داري ان الامور ماشيه كذا
في الغالب عشان كذا مريح راسي وعايش جوي

صح قبل اخرج ياشباب ولا هنو الصبايا طبعا بقى لي على حاجز !!

100.000

مشاهده للمدونه تكتين واوصل لذا الرقم الخرفاي يسعدكم ربي
على تواجدكم فيذا المكان المخربش ...


يالله خلونا نوصل لها ولكم سبرازات هذا كبرها >> اللي مايعرف معني سبرايز يروح
للخبير الاجنبي اسير يترجم له

يالله كمان فتكم بعافيه

خودافيس !!

سقى الله على ايام اول كنت ادخل احصل الزحمه واصله لين
اخر السيب ذحين خلا ولا به احد !! اذكر وظفنا انا ونفر حراس على مدوناتنا من الزحام ذحين
الحارس مغير يتسدح وبراد شاهي رايح وبراد راجع خسرني حق الدافور

بيومين وهو مخلص اول كان مايلقى له وقت يتقهوى من الزحام اللي يحصله
ذحين كرش وصار مدمن نت وصار يعرف يلعب بلوت ويربع مع نفسه

الله يذكر الناس الغايبه بكل خير من لنو لين مرامي لين طيف وقلب صافي ونفر
من جد لو يشوفون بعدهم صارت الامكان شبه خاليه والدروب فاضيه

يالله على مايقول سلفر وتستمر الحياه .. اي والله بتستمر الحياه مهما صار

قبل شوي كنت الف في ارشيفي من صور لوحات التحكم كنت اصورها واحفظها
لو انزلها لكم تشوفون اسماء تنجنون بعضهم من سنين ما عتبو ها المكان
وبعضهم كان اغلب كلامه حش في الناس اللي تفكر تطلع من هنا !!

يارباه
لحظه خنقتني العبره !!

تصدقون كنت ادخل الصبح بعد ما اكون كاتب امس شويه شخبطه القى والله
اللايكات فوق الخمسين من مغير التقييمات يولد قلبي يصير كوذيه () من الفرحه

ذحين اذ لقيت اربع بالقوه وف الاسبوع يمكن تقيم

يارباه
رجعت خنقتني العبره لحظه شوي !!

اش فيني اليوم صاير ابو دميعه كل ماقلت شي هلت الدمعه << خلك رجال ياولد
مدري من صاحب ذي الفكره من البدايه خلك رجال ياولد
لين كبرنا وتعقدنا وصرنا نبكي يا اما بالدس او ما نبكي بالمره او في حاله الوفيات
الله يحفظ الغالين علينا وعليكم ولا يوريكم شر !!

بس من جد ها الكلمه جابت لنص شبابنا ورجالنا التعقيد ياولد اللي تبكي المره
الدموع ماهي للرجال لا ياشيخ من يقول !!

عاد اللي يقرا يسال اخوه متى اخر مره بكى والله يابعضنا من طول المدى مايدري
متى اخر مره بكى فيها ومحدثكم واحد منهم

لو بنطلع الاحداث اللي مرت يعني الوفيات والله العظيم اني مدري متى اخر مره
بكيت فيها يمكن ايام المتوسط ولا اذكر شي قريب
يعني لها الدرجه صرنا جمال والبركه طبعا في اللي تعودنا عليه من يوم حنا بزوره لا بكيت

ويبون يسكتونك على طول يقولون لك الرجال مايبكي عيب البكي ماهو لك
يالله الحمد لله !!

يارباه
لحظه اخر مره خنقتني العبره !!

يبي

هذه كلمه لبزر عندي كل ماسوى شي صح قال يبي مشكله بزران
الايوبد اول ما يعرفون يتكلمون اغلب كلامهم مصطلحات منه الله يستر بس !!

هالمره ببارك للطلاب نهايه عامهم وبدايه اجازتهم الف مبرووووك
وان شاء الله تكون اجازه سعيده للكل وماعليكم لا قدر الله عليكم مانجحتوا ترى عادي

لا تخلون اجازتكم تخرب عشان اوراق !!

طبعا مبروووك للداوفير حقين المنتدى هنا كلا باسمه واجازه سعيده باذن الله
يالله عاد حركو منتدانا ذحين صرت فاضين مغير نوووووم ولعب

اويلاه يالربوووع خلاص بيطيح كرتك من ذا الاسبوع وبتقعد لك كم شهر
زيك زي الجمعه مهنا فرق

صح قبل انسى عوده بعض الطيور المهاجره قبل كم يوم اسعدني كثير
حياكم الله معنا وربي ماتزين المدونات الى فيكم ياهلا ويامرحبا

ياسعيد قوم سوى القهوه وكلم غانم يذبحون الذبايح خلوها عيد هاليومين


اقول مايمدي احد من الطلاب يشوف لي واسطه اعطل معهم
قهر !! عندي دوام حتى برمضان الى اذ جد جديد ولا بداوم حتى برمضان

شايفين انت وياها انكم بنعمه ياحظ الطلاب ومدرسينهم اجازتهم بدت
وطووووويله << موظف حاقد

يالله على الاقل فرحه الربوووع بتبقى معي لفتره طوووويله ماهو زيكم خلاص
ماتت << يهون على نفسه