لا نملك عصى سحريه او قلما عجيبا يغير مانريد ويحول ما نتمنى
الى واقع نعيشه ... لكن نظل نكتب وسنبقى نكتب الى ان نشعر اننا نكتب لانفسنا

كلما احببت التوقف وجدت من يشجعني على الاستمرار
بكلمه صادقه يرسلها عبر صفحات التقييم وخلف الكواليس كم هي رائعه بعض

تلك الكلمات استمد منها قوتي واتشجع بسببها لاكتب بدون تردد
احيان اكتب لمجرد تضييع الوقت لا اكثر واحيان اخرى لا والله اني اكتب هنا

احاول اني اخلي اللي يدخلون ويقرون يتغير مودهم شوي يعني تدخل
وانت فايق لا زم انكد عليك وتطلع زعلان

وساعات تصدف ويدخل شخص يكون متضايق يقرا يرتاح للي يقراه
تلقاه يطلع من هنا مبسوط ...

وهذا اللي اتمناه وبقوه كمان !!

وخذوها من اخوكم صاحب ها الشخبطه ويشهد علي الله ماعمري كتب هنا شي وودي
من وراه شي لا والله شخبطه وشخمطه

اطلع شوي من اللي بنفسي يمكن ارووق معكم شوي

شكر لكل من كان تواجده هنا دافع لي لا كتب شكرا لكل من كان تواجده
ليضع له بصمه عند مروره وشكرا لك من اشغله كبريائه على وضع لمسته هنا

شكر لكم جميعا شكر لم كان تقييمه قبل لحظات هنا
واسعدني بتواجده شكر لكم

هيا ساذهب وبأذن الله نلتقي هنا او في الجانب الاخر هي كلمه حبيت اقولها
لاني حاولت اعدييها وعيت تعدي !!

خودافيس ...

صباح اجمل ويوم احسن وبدايه وداع احزان هيا كل من جا من هنا يطش
كم كيلو احزان عن قلبه صفو النيه يالربع ...

كيف الشعب وكيف الامور اللي ماعندي سالفه بس جعان هرج تحملوني شوي
تخبرون ساعات ودك تتكلم وانت ماعندك موضوع تتكلم فيه

تقعد لك خمسه دقايق ساكت تفكر وش تقول بعدين تجيب العيد
بطلعه ودك انك سكت احسن لك اي قسم ساعات السكوت احسن !!

بس وش الحل يوم تجي فايق وودك تتكلم واللي عندك ف الجلسه
ما يحمسون تضطر تتفلسف عليهم وتسوي نفسك فاهم وانت من جنب القده
المشكله ما تنتبه زين الى وكل اللي حولك صارو فجاه فاهمين

ويقعدون يمسكون لك الكلمه وهات ياتحليل لين تندم انك تكلمت
عاد وهات ياشماته لين تصير بنص هدومك على قولتهم

بس هذه الكلام ماينطبق هنا عشان كذا ماعليا فيكم باخذ راحتي
على الاقل محد شايف وجهي وجبهتي لو بيجي واحد يقصفهم

ايه صح قبل اخلص كلام وقبل اطلع تخبرون ذا اليومين صاير بمكان
ماني متعود اكون فيه يعني احمدوا ربكم اني مديكم وجهه من اووول


^ - * فيس معبر شوي وش رايكم فيه

مدري ليه اذا جيت بتكلم جد القاني ماسك الخط الثاني معكم يالله ماعليكم
تراني والله من بدري داخل بقول لكم الله يعطيكم العافيه

تو انتبه عدد المشاهدات للمدونه قرب يوصل لل 100000مشاهده
عاد تصدقون اني من جد عيوني صارو كذا يوم شفت الرقم

اويلاه لو اني اخذ ريالين عن كل دخول للمدونه يارباه كان تلقوني
ماخذ بنتلي ولا بي ام ومتكشخ فيها من زمان

ع العموم

يسعدكم ربي من جد رقم صعب وحلو بنفس الوقت يالله خلوه يوصل
للميه الف وابشرو باحلى صور عشا !!

تست تست ... احم احم ...

واحد ثنين ثلاثه .... هاه كيف الصوت

اوكي يعني نبدأ البث !!


سوري ياحلوين قاعد اجرب المايك بحول للقناه الثانيه
وعشان ذا اخر رد بها الصفحه مافي حيل اطول الهرجه

ربوووعكم فله باذن الله واجازه سعيده
وكل عام وانتم بخير


هاه ستاند باي

3

2

1

تم التحويل للقناه الصوتيه الثانيه متابعه ممتعه

في داخلي زحمة كلام

ألف أبو مليون قصه , وسالفه !

شي حزن ,
وشي بوح ,
وشي ملام ،

وأكثره ابوه (( شخمطه )) !

لكل من مر من هنا

صباحكم غير ها اليوم شلونكم يالربع يالكم وحشه وربي ياهي كبيره !! تقول لي سنه مامريت
من هنا مدري وش صاير بس الحمد لله على كل شئ

ابشركم الامن مستتب والشعب مرتاحين والامور زينه بس فقدتكم شويتين
والله مدري متى اخر مره جيت هنا لا خلصت ها الرد بشوف اخر رد كان متى داري اني زولت

بجد فيه ناس مفتقدها هنا وبقوه كمان غيابهم بدون ما ادري خلاني
اغيب سقى الله ايام الطيبين ... نفر ومرامي ولنو ومعهم طيف وهدوش والحنين اليوم

اقرا في مدونة زين الاطباع والله رجع لي ذكريات اول عاد زين من الطيبين الطيبين اللي
عرفتهم اول ما عرفت ذا المنتدى ومن عرفته ليه ذحين وهو عزوبي مدري متى بيتزوج هههههههاي

وعلى طاري صح انتم ما تشوفون دوافير العراق كمان مختفين
كمان لهم فقده والله !!

والطقم الكوري كمان مالهم حس فيذا !!

وين مصرقعه وشغب ووين من اتعبت حسادها وين صاحبه القلب الصافي
ووين الشعب الطيب وين الملايين وين شعب عبير !!

وين رؤى ومن عيوني وين مجرد حلم ووين كل الطيبين وين اميره ها المملكه

من جد شكلي سحبت فيكم اليوم تسحيب في ناس زمان انتم عنها زييي
يالله خلوني اقلب صفحاتكم شوي واذكركم فيهم

ووين نور مراقبتنا ما اشوف لها تواجد مع المشرفين والمراقبين
وين انكسار ووين سواليفه !!

شايفين ليش انا غايب كل الفتره اللي راحت عشان الطيبين اللي عرفتهم
اذا مو اغلبهم كلهم بذا الوقت مختفين بالله كيف بتكون القعده بدونهم !!

بوريكم عينه من اعضاء ذحين واللي يفهم شي من كلامه
يقول لي وش فهم لانه جاني بيقيم وياليته ماقيم تقول بنقالي تو جاي البلد ومسوي فاهم

عاد والله الزول ماقصر زاته متعب حاله وجاي من بعيد يقيم
بس داير شنو يقول والله ماني عارف اقول يازول عليك الله تقول وش داير تريد !!

نقطه ونهايه سطر ..

ما ني قايل لكم شئ جديد اليوم بس مشتاق لكم ومشتاق احط مدونتي مع الدوافير فوق
لاني والله تعبت وانا ادورها بين المدونات اليوم

الله يذكر لنو بكل خير كانت ما تخليك تدور كثير لانها تجبرك بكتابتها انك تكتب
فتلقى دايم مدونتك مع الدوافير قدام

المهم اللي يعرف شي عنها يطمنا عنها واذا قدر الله ومرت منها هنا
لنو ياويلك لو ما تطمنينا عنك لو بكلمه يادوبا اشك ان مرامي خطفتها معها !!

اول نفر ها الدافور فاصل النت عن بيتهم اعرفه يسويها خاصه بعد ماراح نور من عندهم

نقطه ونهايه سطر ...

قبل كم يوم اتكلم مع قامه كبيره هنا بعبير وبرضو من الاقلام اللي صار تواجدها نادر
مع انها تقرا وتدخل هنا كثير بس في مدونتها تواجدها نادر !!

المهم مستغربه من غيره الشباب من بعض تقول غريبه انتم كمان تغارون
من بعض على بالها ذا الكلام بس بين البنات !!

اقول ايه حتى عندنا فيه ذا الكلام لانه طبيعي في البشر الى اللي منسلخ جلده
وتاثر بعوامل الغربنه !!

وكمان نقطه ونهايه سطر ....

ف الاخير ...

ياليت اللي يدخل هنا ويقرا ذا الكلام ويشوف نفسه فاضي يطمنا عن نفسه
يالله فتكم بعافيه ياحلوين وان شاء الله لي رده قريبه

تخبرون بكره الربوع وتواجدي باذن الله مضمون

خودافيس ياحلوين