مدري وش السالفه بس دايم ترى اذ شفتوني ساكت اعرفو اني مالقيت
شي ف المدونات اللي حولي يحمسني او يخليني اكتب !! فا اسكت واتابع وانا محول ع الصامت

مو نقص فيكم او مدوناتكم لا والله بس هو اللي يستفزك عشان تكتب
الشئ اللي تقراه او تلقاه وودك تعلق عليه

وزي منتم خابرين لاني راعي خواطر ولا اعرف للاشعار يعني كلها خربشه
ساعات كثيره تكون انعكاس للشئ اللي حولي !!

سقى الله ايام الجوع من جد كنت اجي هنا من كثر ما احصل في مدونات
العالم تلقوني جعان هرج وادور الفرصه بشمعه عشان اكتب

ذحين شكلي شبعت

ماعليكم ف الاخير تستمر الامور وتستمر الى ان يقدر الله لها النهايه !
محد يدري متى بس برضو لا زم نتوقع كل شئ لانه محد ضامن شي الى الهلال

ها الفريق كل سنه ضامن له بطوله لو بالغش اهم شئ بطوله اهب عليهم

<< وش دخلها مدري بس تحمست شوي

ايه صح قلت لكم قبل فتره اني ببدى بفكره براسي من زمان ودي اسويها
عاد خلاص استوت الفكره وصارت جاهزه للتقديم

استنى بس اخلص من ذا الصفحه ابغاها تكون في بدايه الصفحه اللي
بعد ها الصفحه لاني بفرد لها ردود كثيره شوي !!

وبنفس الوقت مبغى احرق ها الكم الرد في ذي الصفحه
اعرف بعضكم لا قلبت الصفحه ولا يدرون وش كنت كاتب قبل !!

انتظروني لا ترووحون بعيد اكيد لي رجعه باذن الله

مدري ليه اقول لنو انت وميمي نبغاكم تشيلون البيرق المره الجايه
وكل وحده لاويه البوز وماتبغى اقول اركدن وباذن الله بيكون لوحده فيكن !!

وها البيرق تراه ينعطي لافضل مدونه هنا مو شرط تكون
خواطر واشعار وخرابيط الكلام البيرق لافضل مدونه واكثرها متابعه ونشاط

وبعدين ف الاخير يدخل تصويت الاعضاء وذا تتحكم في القابليه
والقبول من الاعضاء للشخص صاحب المدونه !!

يعني صراحه وخلونا نكون واقعيين مستحيل قلم له شعبيه ومتابعه ينحط مع
قلم ثاني متابعته وشعبيته اقل !!

بكل اريحيه راح يفوز صاحب الشعبيه لاننا حنا مو قاعدين نكلم
الجدران لا قاعدين نكتب ونتكلم مع عالم ولان بعضنا سوى له شعبيه

عن طريق مدونته لين العالم حبوها وصارو مدمنين على التواجد فيها
يعني اول ماينشاف اسمه ف التصويت راح يدونه صوتهم بدون تردد !!

بعيدن من هنا ودي اقول للمشرفين والمراقبين هنا لو يسون مسابقه ثانيه
لافضل مدونه متخصصه في القسم الثاني من ذا المكان

لانهم كمان يتجهدون واصحاب اقلام رائعه يستحقون التكريم
لانهم هنا لو انحطو مع قلم صاحب شعبيه راح يخسرون المواجه بكل بساطه

مجرد وجهه نظر مو تطيرون الرد بكبره عشان ها الفكره ولا تدرون عادي
خلوني اصير صاحب سوابق مذكر ان مره احد حذف لي رد في مدونتي من يومها

وهي صافيه وخاليه من الشوائب عاد شكلي بخربها ها المره
اعرف الربع مايحبون احد يتدخل ف شغلهم مسوين زي الكرملن بروسيا محد يعرف عنها غير اسمها !!

دايم اتعمد باخر رد لي باغلب الصفحات يكون فيه ضرب من تحت الحزام
عشان داري بكره او بعده بقلب الصفحه والعالم بتنسى وش كنت اقول

هاه يالله خذو هذه وحده من اسرار مدونتي بس اوص لا تعلمون
عشان كذا ترى بضرب ها المره بس لحد يزعل ولحد يفصل الكلام على نفسه

لاني باختصار اقصد الكل او الغالبيه عشان ماتقولون قاعد اعمم !!

هذا ياطويلين الاعمار ذحين للمره الكم اقول لكم خلونا ندري انكم تتابعون او تقرون
اللي نكتبه كم مره بالله قايل لكم ذا الكلام والله اذا ماهو ميه مره قليل !!

ارجعو كم صفحه وشوفوا !!

فيه ناس مدري ليه تتحسس لين ذحين من انها تديك لا يك تقييم
اي شئ تقول انك مسوي لها شئ !!

والله ما ابغى اجيب اسماء لاني مبغى ازعل احد يمكن بعضهم فاته
ويمكن بعضهم اذ كان الكلام خربشه ما يدونه اي اهتمام مع اني متاكد انهم يقرونه !!

وفيه كذا واحد متاكد زي ماني متاكد ان بكره الربوع متاكد من تواجدهم
الدايم فيذا بس يبخلون علينا مدري ليه !!

والله ياني دخلت مدونات اول بحكم اني مشرف وذحين بحكم اني ادمنت
وحبيت دخول المدونات !! يمكن اكثر من عدد شعر لنو

واعرف الناس اللي تتابع واشوف العالم اللي تنزل لايكات
في كذا اسم القى لهم بصمه بكل مكان بس من سابع المستحيلات تلقون له بصمه هنا !!

عارفين انك ثقيل طيب وبعدين ياخي لو بالغلط خل نشوف
يعني لازم اجيب العيد اوكي العيد سهل اجيبه بس ماودي اشوه المكان والله

دعوه للكل ايه انت اولهم ياخي ترى تواجدكم ع الصامت زي عدمه

المشكله ماهي منكم المشكله مني اللي صرت حساس
امس ادور للقلم جيب واليوم كل الاقلام ضاعت !!

يالله الوعد بالرد الجاي ببدأ حكايه وراويه جديده بس اذ ماشفت تفاعل
او حماس منكم راح اوقف لو في نص السالفه

لاني صراحه ماني قاعد اكتب لنفسي قاعد اكتب عشان
اشوف ردت الفعل للشي اللي اكتبه

دمتم سالمين ولي عوده باذن الله وانتم طيبين
خودافيس

صبحكم الله بالخير .. لي فتره ماجيتكم هنا مدري وش صار معاي
بديت احس بغربه وانا معكم يمكن بعد بعض من كان تواجدهم يدينا حماس له دور والله مدري !!

من قل تواجد مرامي واختفاء ها المربوشه لنو ومغادره الكبير نفر
ودخول ميمي ع الطاير وبعد اهل النياق واختفاء الحلم صار وذوبان القلب الصافي

يمكن كل ذا سحب معاه شوي من الحماس اللي كان عندي وخلاني ادخل ع المكان
وانا تقول زاير للمكان مو عضو معاي حق التصويت وكل ذا الكلام

نقطه وبدايه سطر ...

اشقت لتواجد اقلام كانت دافع لي ان اكتب من جد افتفادي لتواجدهم يخفي
بشكل كبير تواجدي صاير لي فتره بس اتابع مالي خاطر اكتب

سابقى هنا ولن اذهب لكن ستكون مدونتي من اقل الاماكن التي سازورها

نقطه وبدايه سطر ..

لحد يحاول يحكم على شئ وهو يسمع من جهه وحده لاننا دايم نغلط بذا الشئ
تجيني تقول سالفه اتحمس معاك وابني موقفي من كلامك ولا حتى افكر اسمع اللي انت مختلف معاه

هنا المشكله الكبيره ف الغالب فينا نبني ونشطب ونلغي بتهور الزبده عطو
الكل فرصه انهم يبينون لكم السالفه ولا تقطعون طريق الرجعه بكلام يمكن تندمون عليه

بعد فتره ماهي طويله يازين خط الرجعه اذ كان سالك

نقطه ونهايه سطر ..

بعضنا يحب يدور الشئ اللي يتعبه مايدري انه بيرتاح اكثر لو يترك عنه
ذا الشئ يعني خل عنك اللي يتعبك واهتم بالامور اللي تريحك

مدري ليه اغلبنا صار دكتور وقاري فنجال وكف وعالم ببواطن الامور
ويحلل ويضبط الامور على هواه مع نفسك يابو خل العالم تشتغل

والعالم اللي قاعده تكتب هنا وباي مكان بعيد عن هنا تكفون لا جيتو تكتبو
لا تكتبون بشكل عام يعني تقصد لك شئ وتقعد تقوله بشكل عام

يجي ميه وكل واحد ياخذ بخاطره على باله هو المقصود فنصيحه لحد يكتب كذا


نقطه ونهايه سطر ...

يازين التفكير الايجابي دايم خلوه حاضر وطاغي ع السلبي وهذه سهله
ياليت محد يفكر باللي صار معاه امس لانه بيزيده غبن ولا هو مريحه التفكير بالامس !!

لا تعاتب صاحب ولا تققل من احد ولا تفكر بابعد من اليوم

ماتحسون اني طولتها وهي قصير يالله خلوني اقوم قبل اخذ مقلب بنفسي
واحصلني اسمع نفسي تقول مقلبتك يا وسمي ههههههاي

نقطه ونهايه سطووور ...

هو فيه احد مايحب يكون اليوم احسن من امس وهو فيه واحد صاحي
ما يحب ان بكره يكون احسن كمان من اليوم !!

محد يقدر يقيس الشي الى بعد مايجربه يعني تتامل اليوم يكون احسن من امس
لانك عشت الامس بكل مافيه وودك باحسن منه حتى لو كان امسك زين

بس طبع فينا دايم طماعين للافضل للزياده في كل حاجه !!

نقطه وبدايه سطر ..

تصدقون ساعات الكتابه ف الاشياء اللي فاتت تتعب اكثر من اي شي ثاني
يعني اتذكر اي موقف مر عليك لو قبل ماتنولد << ياهو وش فيك ركز كيف قبل ماتنولد

سوري تحمست شوي بزياده نرجع للواقع تذكر اي موقف صار لك لو
قبل كم سنه وارجع اكتبه واتذكره والله بتدخل جو كئيب وحزين مال اومه داعي

عشان كذا اللي يبغى يرتاح يبعد عن الكتابه الحزينه والخواطر اللي
تقلب المواجع لو بالبدايه تكون الامور زينه شوي شوي تدخل جو مع نفسك

وتصير اخلاقك تقفل لانك بدون ماتدري قاعد تنشط نفسك
بذكريات وامور عقلك نساها وقفل عليها وانت فتحت بابها من جديد

نقطه ونهايه سطر ...

كوره ... افلام .. مسلسلات .. جولات .. نت

اغلبنا هذه وسائل الترفيه عنده اذ ماكانت هي الوحيده عمر احد جرب
يجلس بدون هذه الاشياء لفتره طويله والله بترتاح جربو شوفو كيف

خذ لك بريك من كل ذا الخرابيط لو يوم بالاسبوع والله ترتاح وتجدد نشاطك

من واقع تجربه لازم يمر علي يومين بالاسبوع على الاقل ابعد
عن كل ها الاشياء اعيش يومي بدونها

يعني خذ لك بريك وخذ لك تصبيره عنها

نقطه ونهايه سطر ...

صباح الكسل .. صباح نهايه الاسبوع الاول بعد الاجازه الخطافيه
اللي مدري وش الداعي لها بنص الشهر يالله حبيت اذكر الطلاب هذا اذ اصلا متذكرين
انهم عطوهم اجازه من جد ياسرع الايام

ع العموم ... تستمر الحياه ...

بشكر العالم اللي قاعده تقييم وترسل من ها اللايكات وربي تواجدك بحد ذاته
اكبر تكريم وتقدير لها المدونه اللي مدري متى بيجي يوم وتقول ارحمني
من الشخبطه اللي دروشت راسي فيها

ع العموم ... تستمر الحياه ...

تصدقون امس داخل قبل الظهر ورجعت بعد الظهر طبعا دخلات للفرجه فقط
وياكثر دخلات الفرجه ها الايام المهم يوم طلعت اللايكات كانت حول 20 ورجعت
وانها واصله التنبيهات لين الميتين وربي كذا وجهي صار معقوله
طلعت وحده اسمها من عيوني معبيه المدونه لايكات لا ولقيتها نايمه هنا كمان

ع العموم ... تستمر الحياه ...

كل الشكر لك واهلا فيك متابعه ع الطاير لها المدونه ويالله شدي حيلك
بقى لك حول التسعين صفحه الله يعينك ويقويك

ع العموم ... تستمر الحياه ...

قبل اطلع نسيت شي بسيط ودي اقوله لكم ترى القصه ما للاداره المصونه اي
علاقه في حذفها او اختفائها من هنا بل هي رغبه مني نفذها
لي احدهم لاني باختصار لم اجد ما كنت اتوقعه من متابعه مدري يمكن للوضع اللي حنا فيه
ذحين دور مدري والله ...

ع العموم ... تستمر الحياه ...

هذه ياطويلن الاعمار والسلامه جاتني رساله امس دعائيه كالعاده تدعو
لمنتدى ثاني مدري حتى وش اسمه المهم ماعليكم اقرو الرساله معاي بالاول
وبعدين اقول لكم وش اكثر شي شدني فيها !!


طبعا اللي مرسله الرساله بنت او انها ولد لابس تنوره مدري صراحه
المهم ان ربعنا صكوه باند خلو راسها يفتر ماهو ذا المهم

المهم ان الرساله هذه ذكرتني بالقنوات الفضائيه وحركاتهم
اتصل لنكون اصدقاء وندردش مع بعض

يعني احس نفس الاسلوب !!

ع العموم ماعديت ذا الموضوع على خير رحت اناقر واسحب بصاحبه الرساله
تخبرون الفضاوه تخليك ساعات تتهاوش مع نفسك

وعلى قولتهم ساعات تسوي من الحبه قبه مدري ليه بس ربع الدعايات ذول
والله اني اخليهم يكرهون يرسلون لي دعوه اقعد له ع الحرف بعضهم

ف الاخير يقول الشرهه على اللي قال لك تعال
عاد استخدم حق النقض واقول انا نصراوي على طول يقول اجل اسف طال عمرك

ويمسك الباب اللي جا منه وبعد فتره ارجع القاه ماخذ له باند
او منظم لقائمه الطرارين

ع العموم تسمتر الحياه ... تستمر الحياه ...

يقال والعهده على الرواي وليس على الناقل ايه بلاوي
يقال انك حين تكتب ما يضايقك فانك تشعر براحه لو كانت وقتيه لانك ازلت بعض
من الذي تحمله في صدرك واثقلك حمله ولم تجد بد من نثره او تسطيره
في مكان لا يعرف فيه الكثير عنك اكثر من الاسم الذي رمزت لنفسك به !!

بالنسبه للناقل طبعا هذا انا احم احم خلاص يكفي تصفيق
احسني طارق العلي وهو داخل ببدايه المسرحيه ههههههاي

المهم وش كنا نقول ايه خلاص تذكرت كنت بقول بالنسبه لي اشوف ها الكلام فيه
شويه بس ماهو كثير من الدقه !!

لان اللي يبغى يرتاح من جد لازم يكون فيه صدى للشئ اللي يقوله مو بس
قر قر قر قر ويقضب الباب لا وانا اخوكم

ساعات انزال شي من الهم او الضيقه على ورق اصم او جدران عمياء لا ينفع
واحيان كثيره تكون نتيجته سلبيه بعكس اللي يتوقعه صاحب الكلام

يظن انه بيرتاح ويتفاجأ ان الامور ازدات تعقيد او ضيقه !!

ع العموم .. تسمتر الحياه ... تسمتر الحياه

اذكر اني قريت مره عن شبابنا الحلوين اللي خويكم النصراوي صاحب ها السطور
واحد منهم كل تواضع

قريت اننا نهمل اخواتنا ونعامل بنات الناس اللي برى بكل انواع الرقه والاحترام
والنعومه ونسمع لهم لين خلو مين يالف فينا القصايد

والحكم والامثال اسمعو ذا الاطخم وش يقول !!

ليكن الشاب حريصا وخائفا على بنات الناس كما يخاف على اخته
وليكن مستمعا وطيبا ولبق في كلامه مع اخته كما مع بنات الناس !!

وربي ها الكلام طير نص جباه ربعنا الشباب وهو ع الجرح من صدق
ياليت شبابنا يسون زي كذا لاني من واقع تجربه وبحكم كوني واحد منهم

اشوف كيف فرق التعامل !!!


ع العموم تسمتر الحياه ... تستمر الحياه ..

ع الطاير

ساعات تاخذنا الايام ونبعد شوي عن المكان اللي تعودنا الجلوس فيه تمر
ايام وتتبعها كمان ايام تصير شهور بدون ما ننتبه نلقاها صارت سنه
سنه ورى سنه << هذه مو كانها غنوه

بدون مقدمات واحيان وانت بعز شغلك او مشاغلك اللي موهم نفسك
فيها ومعطي نفسك اكبر من حجمك !!

فجأه تتذكر لك ناس لك عنهم سنين وبنين وترجع شريط الذكريات معهم
يارباه كانت بالفعل ايام من لا يتمنى رجعتها

اشتاق لتواجدهم اذ تذكرتهم اشتاق لك لحظه قضيتها معهم
حتى لو كانت لايام !!

تذكرتهم حتى طاب الخاطر واصبحت انا والشوق نبحث عنهم
اخذتهم احظان الغياب معها فغابو وبعضهم حين عاد احب ان يبدا من جديد

نقطه ونهايه سطر ...