ماعندي كلام كثير اقوله بس جاني شئ خلاني غصب اغير
الموجه شوي وارجع لذي القناه !!

وزيكم عارفين وعلى قولتهم العارف لايعرف ان اكثر من 90%
من الكلام اللي ينكتب ف النت ياخذ فهم عند البعض غير اللي

يكون قاصده صاحب الرد او الكلام وت 9% يخلونها عايمه ولا يهمهم
التدقيق ف الشئ اللي ينكتب

وفيه 1 % بس اللي ينتبهون للمعنى الصح اللي الشخص
يكون حاطه بباله وكاتب الرد عشانه !!

وعشان كذا احب النت لانك تكتب شئ وقصدك شئ وينفهم شئ ثاني

المهم قبل اطول الكلام وامسك جو مع نفسي وصعب بعدها
ارجع للقناه الثانيه بسهوله !!

بقول ترى كلامي ف الرد اللي قبل هذا قصدي منه تنافسي مع رفيق
المنتدى نفر وخوي المدونات في التقييم والوصول لل 10000 نقطه

ويعلم الله اني كنت بسوي جو شوي بالمدونات لا اكثر ولا همني
مين يوصل الاول وشايف وعارف الفارق بالتقييم بس كلت بسوي جو

ع العموم وكا العاده دائما الود موجود والتقدير حاضر

ومن هنا ابارك للشيخ نفر مع ان كلامه في مدونته زعلني شوي
وكويس انهم شالو اخر رد له عشان ياخذ له استراحه محارب ويرجع ها الزهراني الحبيب

مبروووك نفر من جد طلعو متابعينك ماهو قليل ياولد حتى بنت العم
غسلت الدم بكلوركس وانظمت لحملتك

نفر كلمه باذنك هاه يالله انتم خلاص لا تقرون بكلم الرجال بيني وبينه
لا تفكر تسوي اللي براسك وتعال بعد ماتخذ لك بريك لو مهما طول اهم شئ

لا تقطع عرق وتسييح دمه وخل لك مكان تقدر ترجع منه
اسالني مجرب قبلك وماقدرت لاني احسني ادمنت ذا المكان وبقووه بعد

يالله عطيتكم وجهه بحول للقناه الثانيه

ببدا اليوم شوي بالهرج اللي مقطوط خيره على قولت اهلنا بالخليج وبعد عشرين رد
تقريبا اعجبتني وحبيت يكون لها مكان في صفحاتي هنا فرصيتها رص
المشكله تدرون من لقافه بعضهم يقول وش بلاك سلامات وش الجو الهندي اللي عيشتنا فيه

كاني اشوف طيف تتلفت وهي تقرا ذحين ايه ها البنيه تقول اني قلبت مدونتي
فلم هندي ونهايات دراميه ومدري ايش لا والمشكله تقول لمين لراعيه الذبيحه لنو واللي حتى ماكلفت

على نفسها ترسل لو السواق يعزمنا على العشا البارح ماتدري اني مسوي دايت
واذا باكل يادوب بنقنق بس طلعت راعيه مواجيب ها البنيه ع القوه لنو

صبايا ولا يهنون الشباب بس قالو صفو صفين قالو حنا ثنين
يعني مهنا من الشباب كلهم نفر واسير وضاوي وذحين اشوف ملك روما راجع بخيوله من امس

وربي نسيت وش كنت بقول اي قسم اني نسيت هذه مشكله اللي يخطب
في مكان او تجمع وهو ما هو مجهز للخطبه ماعليكم اهم شئ الاخلاق

ايه صح كاني تذكرت قبل احول للقناه الهنديه على قولت طيف كثير يقولون انت قرقتك واجد
وازعجت روسنا وترانا نقرا بس البدايه والنهايه من طول الهرج اختصر !!

لين عقدوني وكرهوني بالشخمطه يجون بعدها ويقولون ياولد وش فيك
وربي انت مو انت وانت تتكلم كذا يعني من جد محد يرضيه شيء

المهم مالكم بطول الهرج وببدى معكم سلسله الله يعينكم على قرقرتي
ف الكم يوم الجايات لاني شاري لي بيره من برا اصليه
ومجربه لا وفوق ذا كله بس هاه لحد يدري ناوي الطرده يعني اوص شكلي بجيب العيد


لحد يروح بعيد تراني رجع قريب

الحين من واقع تجربه ماهي طويله بس خلونا نقول من واقع تجربه
عشتها ويمكن اكثر من واحد مرت عليه او عاش بعض فصولها

ليه اذا بغيت تخسر شخص كثر عليه من الاسئله اللي نصها ماله داعي
تدرون ساعات من جد احس ودي اطلع مع الشاشه واصفقه بكف وارجع بس اخاف

يكون عنده احد واروح فيها ولحد يدقق خلوها تعدي !!

صح تعالو بسالكم ذحين البدايات احسن ولا النهايات
او الاشياء اللي تكون بينهم هي الافضل !!



سؤال سهل بس الجواب يرجعك لعشرات القصص اللي عشتها فيذا
او باي مكان مو شرط يكون هنا

النهايه ماهي حلوه هذه مايبغى لها كلام بس تدرون احسن مافيها تطلع المواهب
اللي عند الواحد وهو مادرى عنها

<< انت وش تخربط

مدري شكلي من جد مكثر فصفص البارح ايه على طاري الفصفص
هو كيف وضعه عند النواعم ولا حصري للشباب !!

من جد قمت ارمي خيط وخيط ياولد احد يسكتني قبل اضيع من جد
شكلي مسكت خط العلا بالريوس

ايه قبل اطلع لقيت مصرقعه تسال عن اسئلة القياس للمعلمين
الله يعينك من جد حوووسه ودوخه واخرتها ساعتين تحدد مصير 16 سنه دراسه اذا ماكان فيها تدبيلات

المهم موقع للاخوان البابطين ترى تخصص اختبارات قياس تلقين فيه اغلب
النماذج والاسئله واحد واخته حاطين حرتهم في ذا القياس تاليف كتب ومواقع الله يجزاهم كل خير !!

ماني متاكد من الاسم بس اعرف فيه البابطين او حاجه زي كذا !
وهذا رابط للموقع تراه مره ممتاز

تصدقون احسن ما في الشغل الحكومي انك انت ملك نفسك
انت رئيس جمهورية نفسك !!

متعقد من يومي صغير من الشرطه والعسكر اتذكر لو اخوي دخل
علينا البيت بلبسه العسكري انحاش مدري مين مسوي لنا فوبيا من الشرطه

اي شي كنا نسويه كانو يقولون لنا ترى نجيب لك الشرطه تاخذك لين خلاص
تعقدنا وصرنا نشوفهم يخوفون بصوره عكسيه يعني مانروح لهم الى وحنا خايفين

اللي قاهرني ذا الشعور لسى عايشه حتى بعد ما كبرت اي نقطه تفتيش
باي مكان تسوي لي زحمه لو كل اوراق سيارتي معاي بس برضه اشيل همهم

ذحين بعد ماتوظفت صرت اخذ بثاري منهم والله ياني اسحب فيهم تسحيب
اي عسكري يجينا مراجع وهو لا بس بذلته العسكريه الله يعينه انواع التسحيب

عاد افضل مافي الوظيفه الحكوميه زي ماقلت انت ملك نفسك تقدر تخلصها
للمراجع بنص ساعه وتقدر تلطعه ثلاث ايام واسبوع زي السلام عليكم

اي والله لا تطالعني كذا يعني اللي مايخاف الله يقدر يسحب بالعالم تسحيب
المهم الشباب عندي بالدوام اغلبهم زي حالتي متعقدين من العسكر

وكاننا متفقين نسحب بالعالم وخاصه اذا كان ضابط وجاي على باله
نجومه بتنفعه مع نفسك يابو هذه هنا تضرك والله لو يدرون انها تضرهم جو

بسروال وفنيله هههههههههههاي

<< العمليات عندي واحد يتكلم في العسكر وش رايكم تمروننا

ياهووو تراني امزح لا تصدق

صبحكم الله بالخير يالربع وشلونكم علومكم عساكم بخير
وشلون ربوعكم ومن يعز عليكم وش حالكم << يازين ترحيب الطيبين يحسسك انك موهم

اليوم فايق وجعان هرج وسوالف تحملوني شوي وترى فرصه
اللي يبغى شئ يلحق يقول بس هاه بالمعقول << خف عليهم يا طويل العمر بدت التريقه
كم مره احاول اكلم ها الصوت مايرد علي والى يطلع باوقات مالها داعي

ذحين مستغرب من اووول احوس بالمدونات ولا على بالي وطاق اللطمه كا العاده
تخبرون احب اجي المدونات متلطم عشان اذا بقت شئ محد يدري من هو ذا المتلطم

اشوف كذا رد العالم تقول ماقدرت تقييم وان السمعات مسويه لهم زحمه ومدري كيف
بعضهم الله يصلحه مسوين له قائمه من خمسه الى عشره اشخاص ما يعرف يقيم غيرهم

تقول انهم بيخطفونه اذا قيم غير ذيك القائمه عشان كذا ياحلوين
وزعو التقييمات للكل ولا تبخلون تراها بلاش وتفرح اللي توصل له بشكل يثلج الكبد

الله يذكرك بالخير يانفر صرت اتعقد من التقييمات واتخيل اني اذ وصلت
للعشره الاف بترك المكان ع العموم لا اوصيكم الله الله بالتقييمات للعالم اللي هنا محد ماخذ منها شئ

نفسي مره واحد ببالي يغلط والقاه حاط تقييم او اعجاب لو بالغلط تكفى
داري انك تقرا ذحين لو اتعدى الخط الاحمر القاك بعصاك شايت اوم الرد شووت بس لو ابدع

واسجل هاتريك واصلح اربع اقوال ف الماتش ماشفت منك شئ !! !!

ذحين نص او خلونا نقول ربع عشان مايطيرون بعضهم علي وياكلوني بقشوري
ربع بنات البلد صجونا يبغون يسوقون وماعندهم ولا همهم الى ها السواقه

صح اني معها وبقوه بعد << عز الله منضرب منضرب شكلك

وماهو وقته اقول ليش مأيدها واتمنى تصير باقرب وقت !! فخلوها لين يجي وقتها
وراح اقول لكم ليه اقول كذا

المهم مالكم ف ذا الكلام اللي لايودي ولا يجيب اقول هذا عشان صراحه
حاسد البنات خاصه اذ سافرت ومسكت لك خط ومشاء الله البلد عندنا لو بتروح لخوالك

يبغالك تقطع حول الميتين كيلو

عاد السفر بالسياره متعه صح بس اذا معك معزز او خووي يسوق عنك شوي
بالطريق وترى بناتنا بنعمه ماهن حسات فيها مغير جالسه ورى ومتربعه وسوالف

واكل من الشيبسات لين تخضر سنونها

اللي رايحين فيها حنا والله خط وقلق وما تعرف حتى تاخذ لك سيجاره خاصه اذ معك العايله
ترى ما ادخن بس للعالم اللي تدخن

وساهر بكل مكان لازم تدير بالك يوم توصل يبغالك يومين تنام ومعناه من كل مكان
يعني احمدو ربكم انكم مغير متكيات وسوالف وقهاوي !! وساعات كثيره نوووم

عاد اكثر شي يرفع ضغطي اذا سافرت لاي مكان وانا اسوق اللي معاي
رقد والله اي علبه جنبي افضيها على راسه لو كان اللي كان

مدري العالم كيف ينامون ف السياره وهي بالطريق يعني حبكت النومه الى هنا
راع شعور الضعيف اللي يسوق مو نايم لا وبالله ع بالمكيف

<< قايل لكم جعان هرج اليوم شكل الصن ف زين
تحشيش ياعم تحشيش ههههههههاي

على طاري السفرات والخطوط والهجوله فيها اذكر مره واحد من
عيال العم يحب يمسك الخط ف الليل اذ طفش يقول اطلع من المدينه

وامسك الخط ستين سبعين كيلو واول مفرق او تحويله
بعدها اديور وارجع للمدينه مره ثانيه يقول تعودت على هذا الشئ

اوسع صدري ف ها الاجواء ومع المسجل والسيجاره كلام
والكود ريد وثلاجه القهوه ماتطلع من السياره خوينا خلاوي المهم يقول مره

لقيت ثنين شباب ياشرون يبغون طلب قلت ياولد فرصه اضيع معهم وقت
واسولف طفشت من الاف ام يقول ووقفت عاد هم ماصدقو بذا الوقت من الليل

احد بيوقف لهم قالو له نبغاك توصلنا للمحطه الفلانيه هذه بطريق المدينه جده
يمكن ثمنين كيلو من المدينه مشهوره شوي وفيها حركه كثيره اذا وصلت لها تلقى ناس كثير

ناويه تروح جده وانت اذا تبروح معهم هم بتلقى وهذا اللي يبغونه كان يبغون يوصلهم هناك وهم يكملون لجده
صاحبنا جت على هواه يعني ميه الميه مشوار زين وسوالف

يقول قلت اركبو انا رايح هناك مواعد لي شباب عاد هذه اول حركات الخواف
اي واحد يقابله يقول تراني رايح لخوييا هناك لو ماعنده احد بس حركات

يقول واطلعهم وسوالف بالبدايه الامور زينه وضحك وحش بالعالم
يقول عز الله مامشينا عشره كيلو الى اللي جالس وراي ماسكني مع كتوفي من ورى المقعده

وبيده سكين واللي جنبي يقول اسمع خلك رجال ووصلنا لجده
ولا ترى طشيناك هنا واخذنا السياره اي قسم زي ماتقرون هذا اللي صار

وش رايكم اكمل ولا اسحب فيكم شوي وبكره اكمل لكم السالفه !!


تدرون بكره انشاء الله نكمل تابعونا !! >>>

هلا فيكم بذا اليوم اللي احبه من بين كل الايام والله اكثر حتى من يوم
الربوع ولحد يقول ليه لاني الثلوث اشوفه احسن يوم ياخي يكفي ان بعده الربوع

<< طيب ليه التعقيد حب الربوع بالاول
لا بس بغير تعقدت من الربوع الله يسامح اللي كانن السبب وقلت بحول للثلوث
عاد هذا مزاجي وانا حر لحد يدف

المهم امس وش كنا نقول ف سالفه الرجال جاني كم تقييم كلها تقول كمل
وكم سؤال ف الاسك يقولون ليه ماكملت السالفه !!

شايفين كيف ياحلو التسحيب تحسك انك محمد الشلهوب باستاذ الملك

ماعليكم ولد العم مدري من وصله اني كتبت قصته بمدونتي
ست ميه رساله ع الواتس يبى يعرف الرابط حق المنتدى يقول بشوف انت من زمان

تتكلم عن مدونتك وماعمري شفتها وذحين لزوم اشوفها
طلع ابو الشباب خايف حتى من ذكريات القصه !!

اديته اسم المنتدى والرابط وقلت له شوف تصدقون يوم رجع لي يقول
لو ما اعرفك قلت وش ذا الولد الخونفشاري قلت خير وش شفت قال اسكت طلعت

منت بسهل ياولد المشكله قال لي والله ماكنت مصدقه لين شفت تدرون وش قال لي
قال نشرت رابط مدونتك في اللسته اللي عنده وقال للعالم اللي عنده انه بيعترف لهم لاول مره

ان عنده مدونه في منتدى وكان مايبغى يقول لهم شئ بس
ذحين بيقول لهم

ايه لا تبحلق عيونك فيني هذا اللي صار قسم الرجال لهف المدونه بكبرها مني
وحط ان هو صاحبها لا وموصيني اذا جاك احد وسالك قول ايه انا فلان !!

المشكله يوم يقولها بعين قويه تقول انها له

بالله وش رايكم وش السواه معاه اذبحه واسوي نفسي ماشفته خصوص
احيان اطلع معهم نقنص سقى الله على ذيك الايام !!

اوووه نسيت اكمل سالفته بس الرد ذا ازدحم تابعوني بالرد اللي بعده