سلام يالربع شلونكم اليوم تراني شوي
مع بدايه ها الاسبووع وتو اقرا ان الشتاء بدى امس
او بالتحديد المربعانيه بدت امس وهذه اشد البروده

تكون فيها مع اني مدري وش كان اللي الاسبوع اللي قبل
ها الاسبوع اذا ماهو برد

المهم مالكم في طولت الهرج والكلام اللي مايوكل خبز
بشكر الكل وبخصوص العالم اللي تترك لتواجدها

بصمه واضحه المعالم مو زي بعض الربع يدخل ويخرج
ولحدن درى عنه انه زار ذا المكان تقول انا بناخذ منه رسوم دخول

صح صح ياهو ترى الدعوه فري والمكان للكل يعني
اذ ماعليك كلافه ورينا انك كنت فيذا قبل تطلع

المهم بوريكم قد ايش العالم حمسوني اني ادخل واكمل هنا
طبعا بحكم اني مدي نفسي اجازه من كل شئ يومين في الاسبوع

اليوم دخلت لقيت الاعجابات اللي واصله بها اليومين هكا



يعني من جد اسعدني تواجدكم في ها المكان
بجد بجد انكم تحمسون الواحد يجي يشارك معكم والله يعطيكم العافيه

تصدقون قبل انسى واذا نسيت ابغى اي واحد
يذكرني لاني بنزل قائمه بالعالم اللي تقييم وها المره من جد غير
التقييمات بصراحه تحمس وتشجع بقوه انك تنزلها

بس قلت بخليها تكون في راس الصفحه يعني بعد
ردين من ذا الرد فالله الله لحد ينسيني ذا الشئ لاني مدري

متى بخلص واقلب ذا الصفحه

ماعليكم تدرون جا براسي فكره مجنونه بسويها واشوف نتيجتها
وبشوف تفكيري صح ولا ماعندي ماعند جدتي !!

بس هاه لحد يتوقع شئ لاني بتهور ها المره شوي
فيه حاجه في راسي ودي اسويها وبعدين بقول لكم ش السالفه !!

يعني كل واحد ينتبه لمدونته ترى يمكن يجي بكره
مايلقاها بمكانها لاني ببدى تجاربي من الحين والنتيجه ماني عارفها

على قولتهم بمشي على البركه وربكم يفرجها
لحد يزعل ولحد ياخذ بخاطره ترى الشغله ماتتعدى كونها تجربه

من ذحين اقول لكم تراني عليمي شوي بذا الشغله
بس لاني بياع هرج بدخل من ذا الباب واشوف وش راح يصير

عارف ان دروشتكم شوي معي بس احسن لكم
تدرون ليه لاني ابغاكم تدروشن معاي

زي مافيه اصابيع مكمله وتحس مالها داعي
وزي مافيه انواع من الفطور تلقاه باغلب السفر وهو
غيابه او وجوده زي بعض الزيتون مثلا

كمان فيه ايام ف الاسبوع احسها مالها داعي ومدري كيف
جايه زي يوم الاثنين احسه يستهبل ثقيل ويحسسك ان الاسبوع طويل

طووويل وانت تداوم لك يومين بالدوام
ولسى باقي كمان يومين قبل الاجازه يارباه

المهم مالكم في الهرج اللي ماله داعي وبعضه
تحشيش ياعم تحشيش طيب اعقل ههههاي

بعدين تعالو هنا مرامي اول امس تقول الظاهر البخور اللي
انا حاطه هنا خلاها تحشش وصارت تدخل عرض
ببعض العالم ومابقى غير تقولي حسابي مخترق زي اخواننا

الصحفيين بتويتر اذا جاب العيد ف احد قال الحقو حسابي مخترق
وساعتين وقال الحمد لله رجعت الحساب ليه لها الدرجه
اللي اخترق الحساب مخفه ساعتين ويرجعه هههههههاي

وجا اليوم اسير وكملها شوفو وش يقول

عشان كذا من هنا اعلن ان نفر هو اللي يمولنا وطبعي هي
اللي تورد الصنف محدثكم مغير يقبع من ها السجاير
ويبخر مدونات العالم ياكود يطلعون من جوهم اللي حاكرين انفسهم
فيه مغير حب وحزن وهموم والالام

عيشو جوكم وخلو عنكم الهموم

يالله شكلي طولتها خودافيس قبل انطرد
لي رجعه بسدح التقييمات قبل اسطل واضيع مين اللي قيم

صبحكم الله بالخير في ها اليوم الغير يقولون
ذا اليوم ماراح يتكرر الى بعد ميه سنه يا الله العافيه من اليوم

صباحكم ابيض من وجيهكم ان شاء الله اليوم مدري وش خلاني اتوهق
واسوي اعلان اني بنزل التقييمات فيذا من قبل كم يوم

تدرون والله العظيم كل العالم اللي كنت بنزل تقيماتهم
طارت التقييمات وجات صفحه جديده بس ف اليومين اللي راحن من يوم

نزلت الاعلان !!

عشان كذا اللي متذكره بقول واللي نسيته تكفون يالربع ان تسامحونن
اذا نسيت احد لاني والله تورطت كنت مجهز نفسي

بس ماتوقعت كذا مدري من جد شكل الحشيش اللي ابخر فيه المدونه
من النوع الطيب يخلي العالم تقييم بدون ماتدري

لا وبعضهم المنتدى يقول لهم سمعات ما يهمهم يجون طايرين
ع الخاص واحس اوم التقييمات يعني مانهم فكه << الشرهه على اللي يقيمك

يالله ماعليكم بس بوريكم شئ عشان تعذروني شوي
هذا وارد ام واليوم من اللايكات والتقييمات وكم رساله طايشه



يعني مدري وش اقول لكم بس الله يسعدكم وين ماتكونون
تدون الواحد مقلب بنفسه وتخلونه يجي مدرعم

واديها تحشيش ياعمي اديها

لا تروحون بعيد راجع بعد شوي هييييييه اشوفك ايه انت
خلك وين رايح ههههههههاي

رجعت من ثاني بس بالله انتبهو لرقم الرد هذا فوق ع اليمين
بالصدفه هاه ترى من جد جت معاي كذا وش رايكم بس
لا والرد رقمه 202 يعني اوم التميز كله اجتمع هنا



المهم بشكر العالم اللي حششت معنا من كم يوم وجات تقييم
شكر من هنا طبعا اللي مايدري والناس الجدد من هنا من المدينه
<< خلاص لاتكثر هرج عرفنا انت من وين

طيب لا تدف يابو

المهم ببدى معكم واللي طيرت اللوحه اسمه ونسيته يسامحن
ترى والله من جد خويكم ذاكرته ماتجمل كلها 2 قيقا واغلبها تحشيش

ياأإأراأإه

***

نفر كويس
هذا مقدر انساه حتى لو بنساه يطلع لي بالحلم وماعليك وانا
اخوك بقبل النقد والله قبل المدح عادي هو اصلا لا حششت
بتدري عن الفرق بين الثنين !!



عصفوره عراقيه
عاد الدوافير دايم تقييمهم فله مع انك تقولين حشينا فيك بس
وش السواه اليوم كل ماجيت اطالع القى ناس تحش يالله ماسمحين
وتشكرات ع الاكلات اللي جبيتها خلاص سماح



عسول
تشكرات افندم روح انت الحلوه اللي تشوف تحشيشي
وشخبطتي توسع الصدر هلا بيك وترى العصفوره فضحت فيكم
يوم تحشون فيني وهي جابت لي اكلات كود اسامحها انت وش
بتجيبين ترى استنى



قناديل الامل
شايفين طابور دوافير الرافدين ع المدونه واخرتها حش فيني
ف المدرسه حقتهم ههههههاي << بيورط العصفوره


خواطر مكسوره
هلا والله باكثرهم تميزا مرورك من هنا زاد من بريق المدونه
شكرا سيدتي



الكاتبه ساندرا
خلاص منت حزينه لا تدفين بس وايه كثري من الصور
حقت الاكل بمدونتك بس بطلي صور فلوس احس اني
بجيكم ادور الدين بشتري لي سياره جديده ههههههاي


اسير في حب عبير
لاني في الدوام وفاضي اغلب الوقت عشان كذا
ردودي اغلبها الصبح ومو اغلبها الى كلها ف الليل ماني
فاضي للنت والخرابيط << ارحمنا يالوليد


روح مشرقه
الجميل تواجد راقيه بحجم ومكانه اسمك في مدونتي
بالفعل تواجدك جعل للشخبطه شكل اخر شكرا رووح


ملاك العرب
الاروع مرورك وتقييمك كما هو تقييم روح وخواطر راقي
مميز شكرا لك سيدتي !


فراشه حساسه
هلا بالفراشه نورتي اوم الحته يابنت هلا والله فيك
ودايم اسعد بتواجدك هنا شكرا


انا 2
هلا والله خالد حياك الله وبياك ويسعدك ربي
مع انك جبت البرد معاك بس حياك الله


انا 5
تدرين نسيت تقييم مخالد لين شفت تقييمك تذكرته
مشكور ويعطيك الف عافيه وانا اخوك


هيونه
هذه من جد مدونتها انصحكم فيها والله انها فله
يعني لا اوصيكم مرو مدونتها والله بتوسعون صدوركم معها !!
تشكرات هيونه وحياك الله


نيفر تيتي
دوم الضحكه يارب والله يسعدك وحمد لله ع السلامه زمان
ما اشوفك فيذا تشكرات افندم !!

***

اووووه خلصت وسلامتكم


بس قبل اطلع بشكر الاعضاء اللي دايم هنا ومرورهم عن ميه تقييم

لنو ... مرامي ... طيف ... حنين ... اتعبت حسادي .. ش غ ب
ميمي .. رؤى .. غيوم التعابير .. كريس .. رحيل .. ياسمينه الغريبه
كيان انسأنه .. فرحة زمن .. تك تك .. عربجيه مفهيه .. اميره مملكتي
دفا العشق .. شهرزاد .. ولا شي يستحق عزو الهلالي اللي احبه هع
والغائبه الحاضره ... مجرد حلم وراح


شايفين بالله لو بسدح تقييم العالم ذي كم صفحه
احتاج لهم ع العموم كل الشكر للكل والله انكم تخلون الواحد يربع هنا
ويسوي له فندق بعد ولا يفكر يطلع من ذا المكان

تشكرات افيري بدي اند ثانكيووووس
خودافيس

بررررررد وربي بررررررد اليوم المشكله وقاعد اشرب عصير
بارد يعني اذا ماشفتوني باقي ها الاسبوع اعرفو اني
زكمت مره عاشره هالسنه من بدايتها مغير محارب جو جسمي

واللي قاهرني الفيروسات دايم تفوز شكلهم عارفين
اني نصراوي ومخلينها فله جو

عاد فيه اعلان يجي مدري حق ايش بس يصورون الفيرووس واحد
دوووب لونه اخشر وشكله مدري كيف صاير

احسه ابن الايه تارك نص شلته عندي ومسوين لهم مخيمات
بحلقي كل يوم والثاني زكام !


المهم قبل انسى ترى يوم اكتب عن الارقام وتميزها ذاك اليوم
من باب الفضاوه وان الواحد يدور اي شئ يكتب فيه ويقعد
يشخبط ماتوقعت السالف بتقلب كذا !

بعدين هي مجرد اعجاب برقم وتكرره حلو كمان فيصير تذكره سهل
والتعامل معاه كمان سهل بس ولا تتعدى الامور عن ذا الشئ

فتكفون لا تلبسون الامور طواقي وثياب وخلوها تمشي
زي ماجات !

من جد ترى لو بندقق في كل شئ بنتعب وبتعبكم معاي

تدرون والله من جد بعض الكلام لانك تعرف ان صاحبه ما قصده شئ
بس شاف شئ وحب يعلق عليه ويمكن استعجل شوي

ويمكن زي حالتي ماصدق بشئ بتكلم فيه زي حالتي ساعات من
جد لو ذبانه القاه طايره اقعد اسوي منها قصه هههههههههاي

يالله ماعليكم كل واحد يصلح سيارته
هاه سولي ذاك اليوم تسالين عن معنى ها الجمله وضحت الصوره
ولا لسى ف الجو غيم !

ف الجو غيم !

اعجبتني وبخليها عنوان لي هنا المهم بتكلم جد ها المره وسجلوها عندكم
لاني بقعد ميه سنه ثانيه عشان اتكلم من جد زي الحين !!


اكره شئ عندي و بالنسبه لي انك تعرف لك شخص
وتتواصل معاه باي شكل وفي اي مكان

فجاه تلقاه متغير وزعلان وماد البوز ومتحلطم ومقفل كل
وسائل التواصل اللي تقدر توصل له فيها بس عشان صار موقف

او سمع شئ او حب شئ وانت ماسويته له بالشكل اللي
كان يتوقعه او يتمناه منك او جا بوقت تكون انت من جد بيوم ماهو يومك

وفتح انواع التحقيقات !!


مليون مره لو ترجعون للشبخطه هاذي اقول خذو راحتكم على الاخر
بس بالله تكفوووون خلو خطوط حمرا على الخصوصيات مالكم شغل فيها
الى يجي من يسال عنها !!

المشكله يوم يجيني واحد يسال عن ذا الشئ اقلب الموضوع
تريقه يزعل ويتضايق طيب ليه تسال من الاول يابو

المهم

لكل شخص زعلان او متضايق ومر من هنا يسامحن تكفون والله
ما احب اشوف احد شايل بخاطره مني لو ما اعرفه

كيف الناس اللي اعرفهم ويهمني اشوفهم باحسن الاحول
تكفون قدرو الامور ولا يغركم الكلام اللي تقرونه هنا ترى والله اغلبه

تضييع وقت لا اكثر وترى الامور ماهي زي منتم متوقعين
ياما ف الامور امور تختلف عن اللي نشوف

يالله بطلع قبل اجيب العيد ومن جد هاه

ترى ف الجو غيم !

جاي مطير ومصفي الطبلون من الصبح واليوم من جد
اطل ف اصابيعي من اول اشوفها شوي وتصير زرق ياولد

من جد هو برد ولا التكييف لان عندنا مع كل ذا البرد
والتكييف بالدوام شغال يعني متى بيقفلونه مدري شكلهم

يستنون تنزل ثلوج عشان يصدون ان الدنيا برد وانا اقول
وش فيني صاير مغير ادور النوم والله شكله من كثر ما اخزن برد

صادتني اوم الركب يبغالي امر واحد مكن خوالي من زمان
قايل لي تعال اذا تعبك البرد كلها كم كويه برجلك وتطلع تركض ولا تفكر بالبرد

اكيد ياخال من الموت اللي بشوفه لا ويقول لاتخاف كلها كويتن
لا مع نفسك ياخال خلى بردان ولا محروووق


المهم الحمد لله اني لحقت على رد نفر والحلقه الاخيره من مذكرات
مراقب قبل تتشفر لدواعي امنيه والله من يوم قريتها عرفت
انها ماراح تطول بس كويس حفظتها وعرفت كل السالفه

المشكله اللي طيرها والله ماهو رادها الى اذا قال له نفر
جايك من طرف فلان يمكن هاه يمكن ترجع !!

المهم نفر ماقصرت وكفيت ووفيت ورايتك بيضا والله
ولا يهمك ترى من جد لو دامت لغيرك ما كان وصلت لك

يالله خودافيس

بعضهم يعقد اسهل الامور ويصعبها ويخليك
تلف ميه لفه لين تلقى لك حل !!

يعني بالعربي يسوي من الحبه قبه ويخليك تعيش جو كئيب
لكم يوم لين تندم انك استشرته او عطيته خبر بالشئ اللي عندك

الله يذكر جدي بالخير ويسكنه الفسيح من الجنان كان
مطبق وبقوه . . اقضو حوائجكم بالكتمان . .

جيلنا ذا وخصوص البنات واثرو على اغلب الشباب بعد
بتسوي لك شئ كل اللي حولك يدرون بالسالفه وتصير علك بحلوقهم

هاه وش سويت وش صار لا يشيخ بالله وليه
طيب لي ماقلت لي ارسلك لواحد اعرفه يخلصها لك وانت جالس

ارحمنا يا دونالد ترامب << عاد عارف نصكم مايعرفونه ولا راح
اقول من هو للي مايعرفه عندكم قوقل اسالوه

ماعليكم منه المهم لحد يحاول يلقى حل لشئ متعبه عند ناس
ماعندهم سالفه غير القرقره ولا هم مسوين لك شئ !!

من جد طبع فينا ليه نحب نشكي للعالم البعيده دايم والقراب اخر من
يعلم بالاشياء اللي تضايقنا !! سؤال يطرح نفسه

المشكله ان بعضنا يحط ثقته بناس ماتستاهل ويقعد بها ويتورط
بزياده بدون ماينتبه الى اذا صارت البقعا بعدين يندم !!

اذكر قال مره واحد اذا تضايقت اكتب وطلع كل اللي عندك
بالكتابه لا تخلي شئ بنفسك وحاول لا تعلم فيه احد بعد فتره اذا ارتحت
وتعدلت الامور ارجع للي كتبت وشوف والله غير تحمد ربك مليووون

مره انك ما تكلمت ف اللي كتبت مع احد قطع الاوراق
واذ ماعندك مانع بلها واشرب مويتها صراحه اني

جربتها من جد الواحد اذ كان زعلان يقول حاجات يمكن يقعد يندم عليها
لفتره ماهي بسيطه عشان كذا لا تتهور وتتكلم وتندم !!

وسلامتكم !!

اليوم بطقطق عليكم لاني بوحشكم بعد كم يوم !!

تدرون وش اكثر شئ يضايقن انك تكون اسبير او بديل
لشخص وتصير في مرتبه vip !!

ومتى ماعدت العاصفه ترجع لشخص عادي واقل من عادي !!
المشكله ما تدري انك كنت بديل لين تكون الامور فاتت عليك

مدري هي المشكله فيني اني كنت اسمع او المشكله
ف اللي خلاني دوبليه !!

او كنت فقط مجرد اغاضه للصاحب الاول !!


شايفين اليوم قلت لكم بتعبكم معاي مغير امشي وازرع
الغام ف المدونه وياويل اللي ياخذ الكلام ويفصله على نفسه

ترى ياكثر اللي بيفصلونه على انفسهم وبالاخير ماراح
يطلع مقاس احد فيهم لان سندريلا من قصص الخيال لا اكثر !!


المهم لا وصيكم مدري اكون فيه الربوع او لا
ومدري اكون معكم بكره او لا بس اللي اعرفه ومتاكد منه
اني وصلت لدرجه خلتني احس كل من كلمني او راح يكلمني بكون

مجرد بديل لا اكثر ... دمتم بحفظ الله ... سلام