شخبط شخبيط ..

*** الوسمي *** · 25-06-2012, 09:17 AM

ذحين الواحد جاي متحمس ومدرعم من الصبح
وفرحان هو ووجه

يجيك من يقول

لله يساعدك خيو بس مين بيشتغل ب الصيف
« م عم غيظك هههههاي

اوم التحطيم

ايه مداوم بالصيف لا وبرمضان بعد والعيد مدري
يحنون علينا ويخلون نعيد مع اهلنا ولا لا

يعني خلوها على الله ولحد يذكرني
ترى اصيح عليكم

*** الوسمي *** · 25-06-2012, 10:09 AM

يقال ان التدوين عندما يكون بلا قيود ولا حدود
يوصل للي يقراه اسهل

قللت النسخ واللصق وقاعد اتفلسف عليكم
وما خذ راحتي بالمدونه هنا ساعات احس ماعندي سالفه

بس وش اسوي من الفضاوه اقعد اكتب
شكلي بجي مره وماراح القى ابن امه هنا واحصل

مدونتي تصيح من الخلا اللي تعيشه
لاني صراحه بدون متابعتكم مالي داعي انا وخرابيطي

طيف مره تقول ان مدونتي تفتح النفس اذا دخلتها
وانا اقول مدونتك اللي ما ينمل منها صراحه بس صايره

بيخيله علينا حبتين مدري ليه وبتحول تقول
تمسك خط المثقفين والرسميات

*** الوسمي *** · 25-06-2012, 10:28 AM

الجو اليوم عندنا بالمدينه الله لا يوريكم مغبرررررر
صح ان الشمس ماتنشاف ولا ندري عنها من الصبح

بس الغبار طفشنا اللي مخليني استانس
ان الطلاب ماعندهم مدراس عشان ياخذون اجازه

ويقعدون يتريقون علينا ومن ذا الكلام
فخلوهم راقدين يوم يصحون المغرب تكون الامور زوينه

ولا يدرون عن شئ

الى صح على طاري النوم العالم وش صاير لهم
ماعاد تشوف احد ف النهار الشوارع فاضيه

الحارات تصفر ماتشوف احد
وف الليل ياهي زحمه العالم شكله يسوون بروفات لرمضان
من ها الحين يبون يتعودون ع السهر

*** الوسمي *** · 25-06-2012, 11:04 AM

ع البرككه رجعت الوسسمي
وشسسممه ذا الولد ذا اخلاق واحتترام وادب

وطيب ولد حلالال ...

ودممه زيي وجهه

ولهه فقدهه لاغاب عن المنتدى..
وتراهه بحسسبت اخخوي ..
اخخوي بالنت الوسسمي احد يزعلني اعلم عليككم اخوي

وبسس هي كلمتين كانت تقرقع بخاططري ...

وبرب

بالله تلف ف المدونات تلقى هذا الكلام مكتوب
عنك بالله وش تسوي تتشقلب ماتقدر

ترمي الغتره والعقال من الفرحه
كمان صعبه شوي تخبرون التسريحه تخرب

المهم رفعت العقال للكلام اللي يخلي الواحد
يشوف نفسه عليكم شويتين

تشكرات شغب الله يسعدك وايه
اي احد يكلمك تعالي وانا اوريك فيه اخلي عيوني
وعيونه اربع

سامعين انت وهي لحد يكلم هالروان وخيتي
ترا الكف بياكله

*** الوسمي *** · 25-06-2012, 01:19 PM

ها الحين عرفت ليه البنات هنا مشاركاتهم
بدبل مشاركاتنا يعني الوحده مالها الى كم شهر وهب طب
تلقى مشاركتها وصلت الخمس الاف

بالله شوفو المدونات هنا وخذو لكم فره فيها
كم وحده فاتحه مدونه مالها الى كم يوم يا اربع يا خمس ايام

وما شاء الله عشان ماتقولون صكنا الوسمي
بعينه

في ها الكم يوم 250 رد ف المدونه واربع او خمسه
وعشرين صفحه ماشاء الله

الله يعطيكم العافيه وشودو حيلكم

وهذا غير القرقر في قسم اللالعاب يعني بالعربي
مالهن حل احسن شئ نرفع الرايات صعب نلحقهم

لو مهما يصير
عارف اني بلقى كلام نصه يكفي بس عادي امووون

*** الوسمي *** · 26-06-2012, 09:21 AM

صبحكم الله بالخير اليوم اكتشفت موقع يخليك
تعرف موقع الشخص اللي تتكلم معاه في النت وين هو فيه

برقم الأي بي (Ip) تقدر تطلع موقعه عن طريق خرائط قوقل
يعني امسك لي واقطع لك ما عاد تنفع الغالبيه صرت اعرف

اماكن تواجدهم بالتحديد وبدقه محد يتخيلها
الموقع يديك خطوط الطول والعرض اللي صاحب الاي بي متواجد فيها

وفي خريطه قوقول تعرف المكان بالضبط
بحي النسيم او بالعليا ولا باي مكان في العالم

يعني مع نفسه اللي بيسوي فيها ابو العريف
ولحد يسال كيف اقدر اجيب رقم الاي بي لان ذي

من اسرار المهنه

بس حبيت اقول ذا الشئ للمعلوميه وعلى قولتهم
العارف لايعرف واللي على راسه بطحا

يحسس عليها

*** الوسمي *** · 26-06-2012, 09:28 AM

بشكر الناس اللي قيموني وفضوا نفسهم عشان
يقرون من ها المدونه اللي نصها ماله داعي

كل الشكر لكم لدعمكم وتشجيعكم وكلامكم
اللي صراحه يرفع الراس

شكر لكل من مر وقيم واعجب باي شئ هنا
شكر لك من قادته الخطوه ولم يسعفه الحظ في ترك بصمه

في التقييم لاسرافه في تقييمي من قبل
شكرا لشغب ومصرقعه لمحاولتهم واعتبروا تقييمكم وصل

شكرا لانكم خصصتو بعض الردود في مدوناتكم
لتتحدثوا عن الوسمي شكرا

بالله وش رايكم وانا رسمي ههههههه
احسني طالع مش ولا بد

*** الوسمي *** · 26-06-2012, 09:35 AM

يازين يوم تخلي الامور تمشي على اولها
ولا تقعد تدقق في كل صغيره وكبيره وتعب حالك صح اللقافه زينه

ومطلب لغالبيه الشعب لان تحسك انك
ودك تعرف كل شئ وليه صار وعشان ايش وتقعد مع نفسك

تحلل وتسوي فاهم على الناس وانت من جنب القده
طيب وبعدين تلقفت وعرفت امور وبسببها تصادمت مع ناس

كنت تقدرهم وتحترمهم ليه تنبش في امور لا بانت لك
تعبتك ليه ماتدرعم وتترك الامور زي ماهي

ليه مانتعامل مع الكل على اساس التسليه خصوص
هنا بالنت وانا ترى اتكلم في النت بس

خلو الامور الثانيه اللي برا تبقى بمكانها برا ذا الحدود
حنا في عالم افتراضي وخيالي بنفس الوقت

يعني لا تدقق على شئ لو يقول لك الواحد
البقره تطير لا تدقق << عارف انها ماتنبلع بس مشوها

ومن هنا بقول لكم تراني مسامح الكل فخذو راحتكم
اللي بيمدح الله يجزاه كل خير واللي ناوي يحش

كمان الله يجزاه كل خير وش ماخذين من النت
اكثر من تضييع الوقت والوناسه

عيشو جوكم وخلو عنكم الخنبقه هههههههه

*** الوسمي *** · 26-06-2012, 10:09 AM

ياحلوين واللي مو حلو يقضب الباب
لحد ياخذ كلامي على اني اقصد احد لا وربي ترى

الكلام مو لحدن على قولت الشاميه كلامي
نصه اذا ما هو اغلبه ف الهوا مو لاحد

سامعين ياحلوين

وسلامتكم

*** الوسمي *** · 26-06-2012, 10:35 AM

كم وحده شكل رزهم منحرق من اول رد لي بهذه الصفحه
وتقييمن وصلو يتكلمون عن نفس المضوع

كانهن متفقات عليا بس على مين
مع نفسك انت وهي

بعدين اذا ما قعدت انق عليكم فيذا محد راح
يوقف كثر مشاركاتكم غير النق

بقعد اراقب واشوف وش راح يصير فيكم
صح ان عيني ماهي حاره بس يمكن تصيب ها المره

ف الاخير
تشكرات مليون للعالم اللي قدرت تقييم
وربي تواجدكم بحد ذاته يكفي وتقييكم يزيد التواجد توهج

كل الشكر لكم

شخبط شخبيط ..

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget