شخبط شخبيط ..

*** الوسمي *** · 31-12-2011, 09:36 AM

فيني لقافه لو وزعوها على الأعضاء هنا
يمكن تزيد

والمشكله مكاني يخليني احوس في ام مدوناتكم
حوس واقرا اغلب اخباركم الزين منها

وللي يعكر ام المزاج

عشان كذا يا انكم تشوفون لكم حل وتبطلون
عتاب وحزن وهموم

او انكم تدوني بدل لقافه عشان انطم
وما اسال وش فيكم

و لا يسمحون اني افحط بدوريتي
وانا محشش

*** الوسمي *** · 01-01-2012, 08:25 AM

يازين الجو بالمدينه اليوم وناإاسه والارصاد
تتوقع هطول امطار << طيب

يعني السالفه يبيلها فرنكه
الجو اليوم يقول اطلع برا وبلاشي شغل مكاتب

المهم بطلع بس قبل
قلت زي العاده اذا ماعندي سالفه هنا

بس ابرز مدونتي مع الدوافير قدام

يالله خودافيس

*** الوسمي *** · 01-01-2012, 11:57 AM

ماكنت ناوي ارجع بس مدري وش ردني
تدرون لحد يعطي مديره رقم جواله

لا فرنكت دق وقال تعال

اه على ايام الثانويه لا فرنكنا معاد نرجع لهم
غير من البكره ع العموم حصل خير

وكل واحد صلح سيارته

كويس اني رجعت فيه ناس زمان
ما قرقرت معهم بروح اصج روسهم بالقرقره

واحط حرتي فيهم

*** الوسمي *** · 02-01-2012, 01:19 PM

مافي بالي اليوم ارد او اكتب واشخبط
ابدا البته

وقاعد فوق السطوح مع ها الاجواء اللي
ترد الروح وربي ومغير

بالدربيل اتفرج على العالم في المدونات
واقرا ردودهم من بعيد

بس من كثر ماني قاعد احوس في المدونات
وربي انفتحت نفسي للشخبطه

وقعدت ادور مدونتي تدرون وين لقيتها
حصلتها بنت الايه في اخر الفصل

مظلمه قلت ياولد مايصير واسطر ها الشخبطه
عشان نطلع شوي مع الناس الصاحيه

تخبرون لا جيت اكتب بدون نفس اخبص
وذحين وربي اكتب بدون نفس

انعن ابو ام النفسيه اليوم من يوم صحيت قافله
تذكرت ايام الدراسه يوم تداوم غصب !

عاد من خلصت اولى متوسط صرت اداوم
بكيفي

*** الوسمي *** · 03-01-2012, 12:27 PM

ها الاسبوع مدري وش بلاه مو راضي
يمشي تقول بنت تمشي وهي محنيه رجولها

ياليل ما اطولك

يالله ياحلوين باقي واكمل الالف خمسه
مين يدفني بكم لايك عشان

ادخل موسوعه عبير اول مدونه
توصل اللايكات فيها الالف

*** الوسمي *** · 08-01-2012, 09:27 AM

صبحكم الله بالخير ياولد هي الاجواء فله
كذا بكل اركان ديرتنا الغاليه ولا بس

عندنا ولا عشان النفسيه زينه
تشوف الاجواء اللي حولك روعه مدري

المهم لغايبه في نفسي فضلت الاختفاء
في اليومين الماضيين وليس الغياب

ايه فيه فرق

المهم اخبار الشعب كيف عساكم طيبين
وهاه نفر انت وصافي وسمو الاميره وش صار على

اختباراتكم

عسى عدت على خير

اما حقين المدارس الله يعينهم ما لهم غير امس
واليوم يعني ياليل ما اطولك

تصدقون تو ادري انهم جامعين
اغلب المواد في ماده وحده

بح جغرافيا وتاريخ صارت اجتماعيات
بح قواعد وقراءه واملاء وتعبير ونحو صارت لغتي

*** الوسمي *** · 08-01-2012, 01:21 PM

ما نقدر في الغالب نوصل للناس اللي نبيهم
يفهمونهم ويضطر الواحد يلف ويدور

لين يدوخ ويبطل يفكر على قولت حقين
الجوالات يبند

ولا زم نسوي له اعاده تشغيل
طيب هذه بالجولات واجهزتنا طيب في البشر

نذبح الواحد مثلا

على كل حال اهلا بكل من دز اعجاب او قيم
مع ان التقييمات وحشتني اكثر

بس وش نسوي العالم دايم يحبون السهاله
كلها دقت ايقونه وانت ساكت

بس برضوا يعطيهم العافيه

*** الوسمي *** · 08-01-2012, 01:29 PM

على طاري الاعجابات اللي تحت جت براسي
فكره وبسدحها فيذا بس انتبهوا وانتم

داخلين لحد يدعس عليها

ذحين لو القائمين ع المنتدى الصمت الجارح
وبدر العلا يسون لنا حبه ثانيه

بس مو اعجاب عكسها

عشان صراحه احسن من التقييم السلبي
وفيه ردود كثيره نبي نوصل لصاحبها انها مو هذاك الزود

عشان العالم تقلل لخبطه وحزن ما له داعي

*** الوسمي *** · 08-01-2012, 01:44 PM

المهم الحلى اسمه ( شخبط شخابيط )

الوسمي مبروك عليك الصينية

لايغركم الشكل ترى الطعم والله جنان

بس حرفت بالمقادير تحرييييييييييييييف<< عشان كذا طلع يهبل

ماحطيت تويكس حطيت بداله ملعقتين كريمة الشوكلاته (من قودي)
وماعندي بسكويت دايجستف حطيت أولكر المحشي قسمته بالنص وصار دايجستف يستهبل

بالعافيه على قلوبكم

ملاحظه مهمه للصبايا: غلطتي اني خفقت الدريم ويب كثير وصار كثيف
وخربط الشخابيط

يعني اللي تبي تجرب تخليه خفيف شوي
قريب من الهيرشي وبس

ذحين هذا الحلى محسوب ليا ولا انا غلطان

طيب ليه يوم اجي ما لقيت غير الصحون ونفر مشمر ايدينه

ويقول بصكك عين وفر رصيدك لواحد
يستاهل يوم تجي تصكه عين

ترى ما لحقت شئ اكلوه كل ابوه صح بالعافيه
بس برضه لو حته صغيرونه مالقيت

صافي مفحطه في ام الصحن تفحيط
وشكلي بحولها عليك يانفر وانت صكها بعينك دامك شاحن

وبعدين حنين يعطيك العافيه وما قصرتي
بس ترى محد قال لك ان اسم مدونتي حصري

واي واحد يستخدمه ينق مصاري
يالله هاتي الفين وخمس ميه حقت الاسم ولا تراي شكاي

بس صراحه شكل الحلى عورني بضروسي

متعقد كل ما شاف حلى صك ضرسه

شكل نفر من زمان صاكني عين وانا اقول
ش السالفه عمري ما تهنيت بحلى

لو بالصور

*** الوسمي *** · 08-01-2012, 02:02 PM

فيه ناس زمان عنهم هنا مدري هم
من العالم اللي لسى تفر في مدونتي او انهم اعتزلو

مع الدعيع

المهم الله يسعدهم وين ما يكونون
فوق اي ارض وتحت كل سماء

حسستنا انك جندي بدوره عسكريه

معليكم هذا صوت الضمير زي العاده
مايصدق يمسك علي شئ ويقعد يتريق

بس بقول اللهم اسعد اناس عرفتهم في هذا المكان
واكتب لهم التوفيق وسدد اللهم خطاهم واجعلهم من السعداء

في الدارين اللهم امين

شخبط شخبيط ..

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget