أطيح واقف وأرتفع كل ما | طحت | وأكبر وتكبر | خبرتي | ف الاوادم

**قرم فقير** · 09-11-2010, 08:28 PM

رد: مآني من الدنيا متحسف على شي إلا على الطاعة وفقد الحبايب

.

.
ما قلت لك :
وحدك غديت النور والباقي ظلام
وإن السهر لابانت خيوط الفجر يبدأ ينام
يتركني ب روحي أطير من حنيني لك حمام
........................ وأحمله شوق وسلام

و ما قلت لك :
إنت الوحيد اللي أشوفه ذنب
مهما إرتكبته ما أحس إنه حرام ..!

ما قلت لك :
أشيائي الحلوة قليل
وإنك أحد أشيائي الحلوة القليل ..!

و ما قلت لك :
( 3 ) أشياء باقية ما قلت لك
إنك مثل حزني قدر !
و إنك مثل ليلي سهر !

وإنك عمر |
والعمر | مرة بالعمر !
.
.

**قرم فقير** · 09-11-2010, 08:45 PM

رد: مآني من الدنيا متحسف على شي إلا على الطاعة وفقد الحبايب

.
.
تضيق دايم على وجهي وأهونها !
................. واليوم هونتها لكنها | عيت | !

أكذب على : روحي الوجلة وأطمنها !
................ مجنون ياللي : تواسي خاطر الميت !
.
.

**قرم فقير** · 09-11-2010, 09:20 PM

رد: مآني من الدنيا متحسف على شي إلا على الطاعة وفقد الحبايب

.
.
لا صرت ادور ل الأمل .. ايام مافيها جفا
. . . . . . . . . . . . . قلي وش أسوي ل صبر كلمته ربك يعين
عطني مبرر ل الضياع .. و همي اللي ما غفا
. . . . . . . . . . . . . والضيقة اللي كل ما اخفيتها | ترجع تبين |
.
.

**قرم فقير** · 10-11-2010, 05:51 AM

رد: مآني من الدنيا متحسف على شي إلا على الطاعة وفقد الحبايب

.
.
.
أخاف يوم تقول اقلط على | فالك |
وش لذة الزاد دام النفس منسدة ؟
ولو كنت ضيفي بعد ما طال ترحالك
يشفع لك اللي مضى لو بحت في سده
وإن كان ودك تهز اليوم فنجالك
الضيف غالي | و كف الجود | ممتدة
.
.
.

**قرم فقير** · 11-11-2010, 12:17 AM

رد: مآني من الدنيا متحسف على شي إلا على الطاعة وفقد الحبايب

.
.
هذا حال العمر يمضي لو أبيت
.............. وانا ما أرفض ولكن ما صبرت

بس أببقى لا ذكرت الله ودعيت
.............. أرجو اني أبتسم لو م انتصرت

يا عسى يزهى بياضي لا نويت
.............. يا عساي افخر بطيبي لا افتخرت
.
.

**قرم فقير** · 15-11-2010, 01:31 AM

رد: مآني من الدنيا متحسف على شي إلا على الطاعة وفقد الحبايب

.
.
.
وين يا ملح السنين !؟
لي سنة !
لا والله أكثر .. أنثر إحساسي .. حنين !
واكتم انفاسي أخاف الشوق يطلع !
في رجا .. ( إنك تجين ) !
في رجا .. إنك تعيدين الحياة
للي بعدك قام يصرخ :
اه واه واه !
للي بعدك .. ضاع بعضه !
وبعضه الباقي
نساه !
شوفي حالي !
منطوي وحدي .. ولا لي !
غير اقلب ذكرياتي .. ! وانتظر طيفك يبين !
ياه .. يا هالذكريات !

تذكرين !؟
كم سهر " طرفي " على " طرف " يبات !
وكم جرح مات ! .. حي !
وكم فرح حي |
مات ..!

تذكرين !؟
كنت أنا لا غبت اجي واسأل :
بكيتي !؟
تسكتين ..!
وأسمع أشواقك تقول :
إيه يا حيي وميتي !
وكنت أشر يم قلبك .. واسألك :
هو .. هذا بيتي !؟
كنت أسمع .. دمعتين !!

تذكرين !؟
كيف اسابق لهفتي
لاجيت يمك !؟
وكيف كنت اجمع حنيني وانثره
من شان المك !؟

تذكرين !؟
يوم أنا ( أول ) .. أهمك !؟
ما سألتي .. كيف حاله !؟
طفلك .. النايم بصدري !؟
وكيف لامنه تشوق ..!
قمت احس النار .. حدري !؟
وكيف اجاوب لا سألني .. ( يا ترى بالحال تدري ) !؟
كيف ابهرب عنه .. قولي لي أمانة !؟

وين أودي وجه صبري
لا بكى فيني .. حنانه !؟
وكيف اسليه ب غيابك !؟
وأنا احس إنه بصدري .. مل حتى من مكانه !

يالله عاد !
إنفضي غبار الرحيل .. وأطعني
" صدر البعاد " !
ياهو .. لاعب بي الحنين
هه ! شوفيني حزين
لا الهوى هذا هواي .. ولا بلادي هي بلاد !

ما سألتي ليه اموت الفين مرة ؟
لا طريتك !
وليه احس القلب يطلع !
بس .. لا مني بكيتك !؟
وليه أنا .. أفنيت عمري .. فدوه لعيونك !
وجيتك !؟

ما سألتي .. ليه يعني !؟
وكل طاري هم من بعدك تبعني ..!؟
يمكن إن قلبك .. نساني ..!
أو يمكن ... ما سمعني !
.
.
راق لي |

**قرم فقير** · 17-11-2010, 02:47 PM

رد: مآني من الدنيا متحسف على شي إلا على الطاعة وفقد الحبايب

.
.
.

.
.
.

**قرم فقير** · 20-11-2010, 03:00 PM

رد: مآني من الدنيا متحسف على شي إلا على الطاعة وفقد الحبايب

.
.
اسعد الله مساكم بالخيرات يا كل عبيري وعبيرية .,
منذ أزل ليس بالقريب كنا في محطة من محطات المدونة الي اسميتها مدونة النقليات المحدودة

.,
من كثر ما اني انقل كل شي واقتبس من هالابيات الشعرية والنثرية أحيانا قليلة

.,
بس بيني وبين نفسي انها أن شاء الله النقوة المنتقاة وانها توافق جميع الرغبات والميولات الشعرية باختلاف توجهاتها .,
.
عيدنا هالسنة غير | خالي تقريبا من الأكشنات اللي عهدناها في اعياد الأضحى السابقة

.,
أول سبب | عدم تواجد المشرف العام في البيت على الذبح والصلخ و الشيل والحط
من غير شر عليه والله يخليه لنا لظروف سفره الله يرده سالم غانم .,
ثاني سبب | العادة ان عدد الذبايح اللي نذبحها كل سنة تقريبا اربع أو خمس ., السنة ذي ثنتين بس .,
فالحماس اقل منه كل سنة وايضا عدد المشاركين في الحوسة قليل ثلاثة و رابعهم هون اخر شي ومحدثكم كبر مخدته

.,
.

فيلسوف ينبع
تحترمني لاخلاقي
تك تك
ضايع ف حبها
سمو الأميرة
بشموخي تحديتك
صمت
المصرقعه خخ
عالي مستواه
أحلى إحساس
غندورا

-

باقة من الحطب لأرواحكم النقيه

اضحك الله اسنانك يا هذا أجل باقة حطب

., اهم شي لا يكون من حطبكم الظاهر في الصورة أدناه

.,
.

.
الا اذا اهل المدينة صار حطبهم كله قصب سكر !! هذا أمر ثاني

.,
.
ماذا يعني ان تجربع لليلتين متتاليتين ولا تشوف زول جربوع واحد ؟ { اي نحس هذا

.,
.
ماذا يعني انك تتصل على شخص تبي تعايده على بالك انك ناسي ما عايدته .,
ويقول : فلان انت فيك شي ؟ أول يوم بالعيد مو متقابلين ومعايدين بعض !

.,
.
رسالة شكر :
إلى كل من قيم مدونة أخوكم تحترمني وعسى ما نعدم طلتكم ويحرم وجيهكم جميعا عن النار .,
.
إلى اللقاء

.,
.
.

**قرم فقير** · 21-11-2010, 01:19 AM

رد: مآني من الدنيا متحسف على شي إلا على الطاعة وفقد الحبايب

.

.
حدي وصلت ومابقى ل الصبر حد
.............. والموت لامن قلت للموت وينك
.
.

**قرم فقير** · 24-11-2010, 01:58 AM

رد: مآني من الدنيا متحسف على شي إلا على الطاعة وفقد الحبايب

.

.
غريبة كيف تقراني قلوب سالية واعيان
.................... وغريبة كيف يجحدني خفوق عشت بأوطانه
.
.

أطيح واقف وأرتفع كل ما | طحت | وأكبر وتكبر | خبرتي | ف الاوادم

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget