عند الثنائي العنيييد ..
................................
على طاولة الطعام ..
ساره : انا أكره الجمبري ..
الوليد : وأنا أحبه ..
ساره : الوليييييد انا أبي بروست مو جمبرييي .. أنت تعرف انه يجيب لي حساسية
الوليد : شدخلني انا .. يا امنه اذا طلبوا منك احد من الناس تسويين دجاج لاتنفدين طلبهم فاهمة ؟
امنه بنذاله : أنت بتامر أمر يا حزرة السيد وليد ..
ساره رمت الملعقه : مابي اكل ..
الوليد ببرود : لاتاكلي ..!
ساره بصراخ : ياخي ما تخاف علي أموت ؟
الوليد : لا .. في المقبرة قبوور فاضية كثير .. وتنتضر موتى ! عادي يعني لو متي
ساره : الولييييد يا بارد .. انت ما عندك أحساس !
الوليد وهو يشرب العصير ويطلع صوت عشان يعصبها : نو ..
ساره سكرت اذونها : قرررررف قررررررف بببببببس ييييييييييييييييع
الوليد تسند ع الكرسي : هههههههههههههههههههههههههههههههههههههههههههههههههه هههههههههههههههههههههههههههههههههههه ياربي سوير انتي مهرج ..
ساره بعصبيه : انا مهرج يا التيس ؟
الوليد : أنا تيس ؟
ساره : أيوا .. تيييس وأشين تيس بعد
الوليد : تبين تركبين الغرفة المهجورة ؟
ساره بخوف : لالالالالا خلاص انت غزال
الوليد تسدح ضحك ..
ساره بهمس : يا شينك ويا كرهي لك بس ..
.........................................
عند بطلنا هادف ..
....................................
فتح عيونه ببطء مسح جبينه .. وطالع بالغرفة البيضة
والاجهزة الي حوله .. ضغط ع الجرس وجت له الممرضة : نعم دكتور هادف ؟
هادف : م..........ويه
الممرضة صبت له مويه وعطته أياه ..
هادف شرب المويه ومسح فمه : ممكن أطلب منك طلب ؟
الممرضه : أكيد دكتور تفضل !
الدكتور : روحي مكتبي .. بتشوفي ورا الكرسي كيس ممكن تجيبيه ؟
الممرضة هزت راسها وراحت تجيب الكيس .. تنهد هادف بتعب .. لازم يرجع لأهله بسرعه ..
الدكتور سامي : ما شاء الله يا هادف صحتك تحسنت بسرعه .
هادف أبتسم : وأبي أطلع الحين ..
سامي : الحين !
هادف : أيوا ( وأخذ الكيس من الممرضه ) لاتخاف بهتم بصحتي .. ( ودخل الحمام يبدل ملابسه )
سامي بنفسه : شكيت ان رصاصة دخلت بعقلك مو بصدرك !
طلع هادف بتعب : اي صدري يألمني ..
سامي : قايل لك .. بس أنت عنيد
هادف وهو طالع : عادي .. بعدين برجع ..
.............................
عند الحريم ..
..............................
الحريم قاعدين على جنب ومتغطيين ..
وعلياء ضامه فهد وتبكي : يافهد هاذا ولدي ولددي
فهد بحزن : خلاص حبيبتي .. أصبري أصبري وربي يعوضنا ..
دخل عليهم ومثل ما توقع كلهم يبكون ..
: أحم أحم .. ولما البكاء يا أهل الخير ؟
الكل ألتفت له بصدمه ..
علياء وفهد : هادف !
هادف ضمهم وباس جبينهم ..
سديم : هي هي هي .. ممكن تفسر لنا الي صار !
هادف خبرهم بكل السالفه حتى غرام وعبير .. بس عبير ما خبرهم بأسمها ..
علياء وهي تمسح دموعها : المهم انك رجعت لي بخير يا ولدي
هادف ابتسم لها : الله لايحرمني منك يا الغاليه .. اي
فهد بخوف : شفيك ؟!
هادف بتعب : صدري ..
علياء بصياح : فهد قوم وديه المستشفى .. أخاف أخسره ..
دخلوا سلمان وخالد وهم مو داريين بالسالفه .. ولما شافوا هادف طارت عيونهم
سلمان : هاذا مو أخونا هادف؟
خالد : ألا هو أنت شرايك هو ولا مو هو ؟
سلمان : ألا هو .. بس كيف هو وحنا مسويين عزا ؟
خالد : مدري ..
حمل فهد هادف وطلع معاه عشان يودوه المستشفى لان الجرح نزف .. وخالد وسلمان راحوا معاه .. والكل عرف بخبر ان هادف رجع وأنصدموا وفسخوا الاسود ورجعوا للالوان الحيويه ..

عند الثنائي العنيد ..
................................
الوليد نايم ع سرير ساره ..
ساره بصراخ : الوليييييد قوم أنقلع غرفتك .. مو كفاية تتروش بحمامي ..
الوليد ببرود : شفيك على الملكيه ! كل شي صار لك وانا مادري هاهاها
ساره رمته من فوق السرير : أنا قلت قوم يعني قوم .. وأوامر زوجة المليونير تمشي هاهاها ..
الوليد وهو يحك راسه : هاهاها سخييييييفه حد أبوها .. اقول انقلعي ونامي باي غرفة بالفله .. يعني غصب تنامي هنا .. !! وبعدين السرير كبيير نامي بذيك الجهة !!
ساره ضربت الارض بعصبيه وطلعت تنام بالصاله ..
والوليد طالعها وهي تطلع وأبتسم .. يحبها بس يكره يبين لها .. ويكره يبين ان مهتم فيها عشان كذا يضربها ويصارخ عليها .. ومن يوم دخلت قلبه لغى كل الحفلات .. وسكر كل شقق الدعاره الي عنده .. تنهد بتعب .. وغمض عيونه وبدأ يسترجع شريط الذكريات ..

شريط الذكريات ( 1 )
الوليد ( 8 سنين ) : ماما شوفي شنو حط لي الاستاذ .. حط لي نجمتين لاني أذكى طالب بالفصل ..
ام الوليد : شاطر يا ولدي
ابو الوليد : يا حرمه سويتي الغذاء .. ؟
ام الوليد بخوف : لا باقي عليه شوي ..
ابو الوليد جر شعر ام الوليد : ليييييه ليييييه انا جايع جايييع تبيني أشرب من دمك يا *******
ام الوليد شهقت ..
ابو الوليد ضربها ورماها ع الجدار ومسك عقاله وبدأ يخط خطوط حمراء على جسم ام الوليد الي ما تعدت ال 38 سنه ..
حسناء ( 15 سنه ) : يبببه أتركها ولي يعافييييك أتركها أنا بسوي لك الغداء ..
ابو الوليد جرها من شعرها وهي تصرخ ورماها بالمطبخ وقفل الباب : خمسسسسس دقايق اذا ما شفت الغذاء جاهز ماتلومي الا نفسسسسك .. ( ورجع لام الوليد يضربها )
أذا كان الحيوان في قلبه رحمه فأبو الوليد بلا رحمه !
رنا وراني ضامين بعض بنهاية الصالة ويبكون ( سنه ونص )
راني : بابا اتلك ماما حلام ..
الابو مسك راني ورماه ع الجدار .. وطاح راني والدم ينزف من راسه وسلم الروح لربه ..
ورنا طلعت تركض بخوف وصدمتها سياره ..
.......................

شريط الذكريات ( 2 )
دخل حسان ( 16 سنه ) وشاف ابوه يضرب امه الي على الارض وما تتحرك .. مسك خشبة وضرب كتف أبوه .. وحمل أمه وسحب الوليد وحسناء وركب معاهم السياره ..
الوليد بصياح : أمي ماتت ..
حسان : حسناء انتبهي لامك الحين بوديكم المستشفى ..
حسناء بخوف : بس أنت ما تعرف تسوق !
حسان : بحاول ..
وحرك السياره وبدأ يمشي في الطريق بخوف .. وجت سياره وصدمت سيارتهم .. ومات حسان والام وحسناء ..
الوليد وهو يتخبى ورا الشجرة : ماما حسان حسناء .. لايموتوا أبييييهم أبيييهم لايموتوا .. ( وطاح على الارض مغما عليه من الخوف )
...............................
شريط الذكريات ( 3 )
فتح عيونه وشاف نفسه على سرير أبيض .. وبيده المغدي .. وحوله الممرضات الي التفتوا له مصدومين ..
صار له 4 أشهر بغيبوبة ..
وطلع بصمت ودخلوه دار الايتام .. وعرف ابوه ان الوليد ما مات .. وأخذه وحبسه عنده بالقصر وصار ما يشوف الشمس بالشهور .. ولما كمل 18 سنه هرب من قصر أبوه .. وكمل دراسته بمدارس ليلية .. ولما صار عمره 20 سنه .. أسس اول شركه له بالرياض .. وبعدها بسنه زادت فلوسه وفتح شراكته بالدمام و جده .. وحصل اول مليون له يوم هو بعمر 21 سنه ..
وأنتهى شريط الذكريات حاملا معه حطام رجل حاول تأسيس نفسه من جديد ونجح ..
...........................
ساره وهي تجر اذنه : الوليييييييييد ووجع سنه أناديك ..
الوليد بحزن : وماتوا كلهم وتركوني ..
ساره : ها !
الوليد خبرها بكل السالفه .. وساره كانت تستمع له بحزن وشفقه ..
الوليد وهو قايم : مابيك تشفقين علييي .. وأنسي الي صار .. لاني أكرهك ( وطلع عنها )
ساره رفعت حاجب وانسدحت ع السرير .. تفكر باهلها .. اذا انت يا الوليد اهلك ماتوا وانحرمت منهم .. فانا اهلي حيين بس انا حارمة نفسي منهم عشانك ..
...............................
واقف بالشارع ينتضر هادف يجي له .. من زمان يتصل له وجواله مقفل .. حس ان صديقه في شي .. ركب سيارة التاكسي
جراح : خذني للشرجيه بسرعه ..
الهندي : طيب .. 200 ريال ..
جراح : اوكي أمشي وبعدها اعطييك ..
.........................

بمقلط الرجال ..
..........................
سعود : من يوافق بنروح مجمع الضهران ..
الكل رفع يده ماعادا سطام .. شخصيتنا الصامته ..
زين : سطام ما تبي تجي ؟
سطام بهدوء : لا
زين رفع حاجب : معلومه جديده المدمنين هادئين !
سطام طالعه وقام عنه الغرفه ..
الشباب : مدمن !!!
زين هز راسه بضيقه على حال ولد أخوه .. جو البنات ورا بعض ( سديم دلع ) ( تولين شوق )
دللع : هييييييي سعيدان نبي نروح معاكم المول ..
خالد : اعوذ بالله جيش !!
شوق : بتودونا ولا نروح مع السايق ؟
سديم : بسرعه تكلللموا .. وترا بيروحوا معانا بنات ثنتين ..
زين : ليه ان شاء الله ؟
تولين : بس كذا عشان يتونسوا معانا ..
سلمان : موب لازم تجون معانا ..
شوق : ليه يعني عشان لانشوفكم ترقموا ؟ ( ورفعت حواجبها ونزلتها )
رن جوال سديم برقم غريب .. طالعت الرقم بأستغراب .. رقم مين ذا ؟!!
شغلت البرنامج الي يغير الاصوات وشغلت صوت رجال فيه بحه .. ورفعته ..
سديم : الوو ؟
: ................. << خلوه للجزء ال 12
...........................................
انتهى الب 11 ارت

الب 12 ارت


.............................................
عند سارونه ..
..............................................
ساره وهي تهز الوليد : هههههي انت قوم وديني المول .. أبي أشتري لي ملابس ..
الوليد وهو يقرأ المجله : خلاص ساره .. ( وبصراخ ) شنوووووو ذا !! .. ا يا اللعين .. انا أورييييييييييك .. ( ورما المجله وركض مكتبه )
ساره طالعته بأستغراب ومسكت المجله تشوف شنو ضايقه .. وأنصدمت من الي شافته .. معقوله نهاية العشرة كذا !! .. الله يعينك يا بدر أشعلت نار ما تقدر تطفيها ( وأبتسمت ابتسامه جانبيه ) وأخيرا بيصير في أكششششن ..
................................................
عند الشباب والبنات ..
.................................................. ..
تولين : بس كذا عشان يتونسوا معانا ..
سلمان : موب لازم تجون معانا ..
شوق : ليه يعني عشان لانشوفكم ترقموا ؟ ( ورفعت حواجبها ونزلتها )
رن جوال سديم برقم غريب .. طالعت الرقم بأستغراب .. رقم مين ذا ؟!!
شغلت البرنامج الي يغير الاصوات وشغلت صوت رجال فيه بحه .. ورفعته ..
سديم : الوو ؟
: أحم هلا ..
سديم : أهلييييين مين معاي ..
: انا الي عطيتني رقمك في باسكن

^
^
تذكروا ؟

دخلت باسكن وهي تدندن شافت بنت حلوة لابسة عباية مخصرة ومتلثمة ومكحلة عينها .. طلعت من جيبها ورقة وكتبت رقمها وقربت منها : احم احمم فديييييت العيون السود انا ..
البنت استحت ..
سديم : الرققققم يا حللللللو ..
البنت اخذت الرقم ..
سديييم بهمس : انتضرك ..
البنت هزت راسها وطلعت
سديم : أي يا هلا والله بالصوت وراعيه ..
: أهليين .. كيفك ؟
سديم : عال العال .. وأنتي كيفك ؟
: تمام .. طيب الحين أنا ما أعرف أسمك ..
سديم : أعتقد هاذا السؤال انا المفروض اسألك اياه .. بس مافي مشكله أسمي ساممي .. وأنتي ؟
( الكل التفت لها .. أجل سامي ها ؟!! )
: أسمي أثير ..
سديم : عاشت الاسامي يا أثير ..
أثير : تعيش أيامك .. ممكن سؤال يا سامي ؟
سديم : أكيد تفضلي ..
أثير : أنت تحب ؟
سديم : لا للحين ما دخلت قلبي بنت .. وأنتي ؟
أثير : أيوا أحب ..
سديم عصبت كانت تبيها تحبها بس مافي مشكلة قادره عليها : حبوبة الوالد يبيني الليل أدق عليك أوكي ؟
أثير : طيب وأنا أنتضرك .. باي ..
سديم : بايات ..
سكرت الجوال وحطته بجيبها ..
زين وهو رافع حاجب : لا الاخ سامي !!
سديم : ههههههه ..
خالد : شنو مسويه يا أنسة سديم ؟
سديم بحذر : شنو ما فهمت !
خالد : كيف طلعتي عشان تعرفت عليك ! وكيف خليتيها تصدق أنك ولد ؟
سديم بأرتباك : تعرفت عليها بالنت ..
سلمان : أيوا ؟
سديم : أي .. وعطيتها رقمي ..
سلمان : أيوا .. وكانت ماتعرف أسمك صح يا سامي ؟
سديم تورطت : ها أي .. مسمية نفسي رموز .. وهي بعد ..
الكل طالعها بشك .. والبنات حسوا ان وراها شي .. ثقتها وهي تمشي .. وجوالها الشبابي .. وسياقتها للسياره .. كل شي يبين انها مجربه من قبل ..
فضحت نفسي بكلمه !
سعود : قوموا ألبسسسوا يلا ..
قاموا البنات يلبسوا عباياتهم ..
سديم : هييي شباب ..
الشباب طالعوها بملل ..
زين بحده : أنتي ما تستحي ؟ .. أبدا مافي نعومه .. مافي أدب ؟ أنتي بنت هي أفهميي .. طول عمرك تراكضي مع الشباب وتلعبي كوره .. لا وتسرقي من ثيابي وشماغاتي وتطلللعي ؟!! .. جد أخوي ما عرف يربيك ..
سديم طالعته بعين مليانه دموع ..
زين كمل كلامه بنبره حاده ومرعبه : يعني عاجبك الي تسويه ؟ انا لما علمتك السواقه كانت السالفه مو عاجبتني بس لانك كنتي مصره ومتحمسه فما حبيت أجرحك .. وكان قصدي لان ما عندك أخوان وأحتجتوا شي تقدري تطلعي لشي ضروري .. أما طلعات مالها داعي فهالشي ما نرضا به .. لا وتلعبي على بنات الناس بعد يا قليلة الا .... ( قاطعته سديم بصراخ )
يكفيييييييي يكفييييييي .. شنو خليت وشنو بقييت ؟ ماخليت شي .. كل الصفات السئية حطيتها فيييني .. شمسويه أنا !! رايحه شقق دعارررره ؟ جاوبننننني ..
زين ولاول مره يمد يده على أنثى .. عطاها كف طبع يده على خد سديم الي صار بنفسجي !
زين : اتمنى الكف هاذا يشغل عقلك .. أذا كنتي فاكره انك بطله بروايه أو قصة فأنتي غلطانه .. على بالك انك في روايه نهايتها سعييده وتمشيك الكاتبه مثل ما تبي ؟ وتزوجك الي تبييين .. يا سدييم حنا عائلة متشدده ولا عندنا ذي الحركات .. وأذا وحده من بناتنا غلطت يعني الغلطة بتنمسك على الكل .. فكرررري قبل ما تسوي شي .. وكفايييه تهور .. هالمره أطلب من الجمييع ينسى الموضوع ويسكت عنه .. بس اذا عرفت انك سويتي حركات ثانية .. والله ثم والله ماتلومي الا نفسك وأنا الي بأدببك وتراني ما أرحم بذي الاشياء .. روححححي عن وجههههي ..
سدييم طالعته بحزن وركضت لبست عباتها وطلعت على طول فلتهم .. ما توقعت بتنجرح يوم بالايام قدام احد كذذا ..

....
سلمان : زين كيف عرفت انها أخذت من ثيابك وشماغاتك ؟
زين : لما دخلت غرفتي الصباح شفت بدولابي سوار عليه حرف (s) ودولابي مخربط والثياب والشماغات فوق بعض .. ومن عايلتنا مافي الا سوزان وسديم أول أسمايهم كذا .. وسوزان مستحييل تسوي كذا وتعرفوا السبب .. يعني سديم وأنا عارفها وحده تحب وناستها وبس ولاتفكر بالعواقب وعلى طول جت على بالي ..
خالد : بس ما تحس انك بالغت ؟
زين وهو يقعد : لا مابالغت .. لو سكتنا عنها يا خالد بتسوي أشياء أعضضم .. وأدري أنكم أستغربتوا أني عطيتها كف بس هاذا عشان تصحى .. شضمنا أنها بالمستقبل ما بتسوي أشياء أعضم وأكبر وعلى بالها عادي ! وأنتو عارفين شنو أقصد .. وسديم الحين بسن مراهقة وتحتاج مراقبه ..
سعود : بس أحس انها أنحرجت ..
زين : عادي عشان تتأدب ..
معن : يالله ما ودكم تقوموا ..
الشباب : يلا ..
قاموا كلهم يبدلوا ملابسهم عشان يطلعوا ..

عند عبد الرحمن ..
...................................
كان في سيارته مقابل فلة كايد .. شاف سديم تركض وشكلها تبكي من عيونها الي تلمع .. حس قلبه قام من مكانه .. وده يروح ويمسح دموعها ويسألها مين زعلها عشان يشرب من دمه ويقتله .. بس ما يقدر لان سديم مو عاطته وجه ولاترد على رسايله او مكالماته حتى رسايله الشخصية او البروفايل في المنتدى ما ترد عليهم ..ونص مواضيعه تتضمن صفة من صفاتها بس هي مطنشته ومو عاطته وجه .. تنهد بضيقة متى بتعطيني وجه يا سديييم وبتحسين فيني ؟ كان همي اني أخليك تحبني بس حصل العكس !!
........................................
عند الوليد وساره ..
.........................................
الوليد بمكتبه يفتح الدروج بقهر .. وين اوراق شركة بدر .. ضرب الطاولة بقهر متأكد انها عنده لان بدر تركها عنده أخر مرررره .. رفع راسه وشاف ساره جاية له بثوب للركبه وسيور ملون بفوشي وبنفسجي وأورنج .. ومخصر على جسمها وشعرها رافعته بشباصه صغيره ومنزلة خصل كثيرة عند خدها وجبينها .. وحامله صينيه فيها عصير برتقال مزين بشرايح البرتقال .. وكيكة موز تحتها قطع تفاح وموز .. جد شكلهم كان يجذب ويغري ..
ساره : الولييد انت من الصباح تدور ع الاوراق .. أرتاح الحين وكل لك شوي عشان ترجع لك طاقتك .. وأنا بدور لك عنهم ..
الوليد بصراخ : أنقلعي برا ولا تتدخلي بأشياء ما تخصصصك بررررررررررا ..
ساره وقفت وراه ولعبت بشعره الكثيف : قلت شي ؟
الوليد شم ريحة عطرها وخق زياده .. بس شال الافكار من راسه وصرخ : اقوووووووووووول للللللللك برا ماتفهمي أنتي .. ولا ماتمشي الا بالضرب ؟
ساره أخذت الشوكه وقطعت قطعه صغيره وحطتها بفم الوليد : كل وأنت ساكت .. يا شينك وأنت معصب يابو عيون زرق ..
الوليد سكت عنها ..
بدأت ساره تدور ع الاوراق .. مهما كانت تكره الوليد .. بس هو بمسمى زوجها .. صحيح هي تزوجت من ورا أهلها .. بس هالشي ما يغير شي في السالفه .. شافت أوراق مكتوب عليها ( شركة بدر ال ...... ) وملفات كثيرة عن الشركه وأهم الخطط المستقبلية الي تحمل توقيع بدر .. وورقه عن دمج الشركتين ( شركة بدر و الوليد ) بس للحين ما وقعها الوليد ..
ركضت للوليد الي كان سرحان فيها ويطالع كل تحركاتها كأنها نحلة بخليتها : الولييييييييد شوف ..
الوليد شافهم وابتسم .. وبدون سابق أنذار ضم ساره : شكرا قلبي .. والله ما كنت أدري شنو بسوي بدونك ..
ساره باعدته بسرعه : لاتعيدها لاني أكره قربك ..
الوليد أنجرح وسكت ..
ساره طلعت وهي تبكي .. اسفة يا الوليد بس أنت عيشتني بهم .. والحين دوري أعيشك فيه .. !
..........................................
عند سديم ..
.......................................
قاعده ع السرير تهز رجلها بقهر .. الحيين أكييد راحوا المول وتونسوا وهي هنا تبكككي على الفشيله الي طاحت فيها .. فتحت باب بلكونة غرفتها طلعت تسقي الورود الي على جنب وشافتها ذابلة .. مسكت ورده حمراء ومسحت على تويجاتها .. اه ليش ذبلتي ؟ كنتتتي حلوه .. ياترا مصيري مثلك ؟ ( هزت راسها بسرعه ) ياربي سدييييييم شنو ذي الافكار الغبيه الي تنزل عليك فجئة ؟!! .. تنهدت ورجعت الورده الذابلة مع خواتها الذابلات .. قامت تدور حول نفسها والهواء يطير شعرها الكيرلي .. وقفت تطل ع الشارع .. شافت سياره بيضاء ومتسند عليها واحد .. أحتارت تبي تعرف هاذا شفييه كل مره يوقف عند فلتهم ! ويدقق في نافذتها ! هزت راسها بحيره وتوجهت للنافذه حتى تسكرها بس وقفت فجئئه رجعت بسرعه تطل ع السياره .. معقوله يكوون عبود !!! معقوله .. شافت السياره تحركت ضربت على الطوف بقوه .. كانت بتكتشف هو ولا لا .. بس اذا هو كيف عرف فلتهم ؟ وغرفتها ؟ وأسمها ؟ ومدرستها ؟ .. شنو وراك يا عبييييييد شنو وراك .. سكرت النافذه ورمت حالها ع السرير .. فتحت لابها ودخلت المنتدى الي مسجلة فيه هي وعبد الرحمن .. شافت عندها تنبيه رسالة خاصه .. دخلت الرساله وأستغربت

أمير الحب ( عبود ) :
سوسو .. مصيرك بتصيرين لي بس أنتي أصبري .. على فكره موعدنا الساعه 4:00 في ستار بكس الي بمول الضهران .. أنتضرك ..

طالعت الساعه كانت 3:30 .. أحتارت تروح وتواجهه ولا تبقى بالبيت .. غمضت عيونها وهي تفكر تروح ولا لا .. قامت بسرعه ولبست ثوبها ولفت الشماغ على راسها ولبست النضاره الشمسيه حق تغطي عيونها .. طلعت النعال من الدولاب ( وأنتو بكرامه ) ولبسته .. ركضت غرفة أبوها وأمها وأخذت المفتاح الاحتياط حق سيارته .. طلعت برا تركض حتى وصلت لسيارة أبوها الفورد ركبتها وتوجهت للضهران ..

.....................................
بسيارة زين ..
......................................
زين يسوق وتحته سلمان ..
ووراهم معن وخالد وسعود ..
ووراهم دلع وتولين وشوق ..
دلع : عمووووو ..
زين : نعم ؟
دلع : ليه سديم ماجت معانا ؟
سعود بأستهبال : تعبانه معاها الدوره ..
البنات بأحراج : عيييييييييييييييب ..
الشباب : ههههههههههههههه ..
تولين : لا جد عممي هي كانت بتجي ليه غيرت رايها ؟
زين : شدراني أنا !
البنات سكتوا ..
زين : يلا وصلنا أنزلوا ..
نزلوا البنات والشباب ودخلوا المول ..
شوق : هيي بنات أنا أبي أروح زهور الريف محتاجة لوشن ..
دلع : يووه مو حلو زهور خل نروح نكتار ..
تولين : لاحووول .. دلع انتي تعرفي اني أنا وشوق ما نروح الا زهور الريف أنطقي يا تمشي معانا وأنتي ساكته يا تدلفي نكتار بوحدك ..
دلع : أأف وينك يا سديم .. ياليتك جيتي ما تركتيني الا مع البزارين ..
لفت وراها وشافت البنات راحوا عنها .. عصبت وراحت نكتار تشتري لها عطر ولسديم ..
...
بنفس المجمع بس عند عبوووش ..
يدخن زجارته بملل ..
سديم بصوت خشن : السلام ..
عبود بأبتسامه : وعليكم السلام .. تفضل يا .... سامي ..
قعدت سديم : نعم شنو كنت تبي ؟
عبود : سداممي شنو تبي تشربي ..
سديم بدون نفس : ولا شي ..
عبود : يا شينك وأنتي معصبه .. لو سمحت أبي ثنين موكلاته ..
: OK
سديم : عبد الرحمن أخلللص تراني طلعت دون علم أهلي .. والشباب والبنات هنا بالمول .. يعني بسرعه لا أحد يكشفني ..
عبوود : طططيب .. سديم أنتي تحبي ؟
سديم : أيوا .. أحب واعشق وأغرررم بعد ..
عبود حممرت عيونه وبصوت مبحوح : ميين ذا ؟
سديم أسترخت ع الكرسي : مستحيييل أقول لأني أخاف علييه ..
عبود بحده : سديييييييم مين الي تحبيه ؟
سديم بخبث : تغار ؟
عبود : لا .. بس أبي أعرف ميييين أخذ تسليتي مني ..
سديم تنرفزت : تسليتك طل بعيييينك .. انا موب تسلية لاحد وحط ببالك ان الي أحبه مو أنت ومستحيييييل أحبك أنت ..
عببود بتعب : ميين تحبي ؟
سديم بهدوء : قايلة لك ما بقول
عبود : مين .. حرام عليييك قولي ميييين ؟
سديم " هاذا الي أبي أوصل له .. " : أحبب أحبب .. توعدني ما تخبر أحد ؟
عبود بنفاذ صبر : وعععععد وعععععد قووولي ..
سديييم بخجل مسطنع : أحب أحب ~> القطاوه ..
عبود تنرفز جد : حيوانه في النهاية قطاوه !!
سديم كتمت ضحكتها : يب ..
( سوييت الحركه ذي بصديقتي الي تسألني أن كنت أحب ولا لا .. ولما تحمست قلت لها القطاوه وعصبت جد هوع )
عبود : أأف طيب .. أنا طلبت منك تجين عشان شي محدد ..
سديم بأهتمام : شنو هو ؟
عبود : عشان أقول لك أني صرت أحب ..
سديم : طيب ؟
عبود : وفي من ملكت قلبي .. وأبيها تعرف اني أحبها ..
سديم : وأنا شدوري من ذا كله ؟
عبود : أنتي الي بتخبريها أني أحبها ..
سديم رفعت حاجب : طيب مين هي ؟
عبود : أنتي ..
سديم : ...........

يتبع ~>

عند هادف ..
.............................
قاعد بملل ع السرير من ذاك اليوم وما أحد زاره ..
جراح : مسائو حبيب ألبي ..
هادف بفرحه : مساء الخييييير .. كيفك جراح ؟
جراح يضمه : عال العال .. وأنت شحالك ؟
هادف : تمام بشوفتك يا الغالي .. أأأسف جراح ماخبرتك أني بالمستشفى ..
جراح : عادي حبيبي .. أنا سألت عنك وخبروني أنك هني ..
هادف : ها كيف الشغل ؟
جراح : للحين ما أشتغلت ..
هادف : أفا .. ليه ؟
جراح : تعرف سوالف الزواج ان شاء الله بعد ما أتزوج ابشتغل ..
هادف : كييف بتجيب مصاريف الزواج !
جراح : حاليا أشتغل مع أبويا وقت ما ابي .. والحمد لله مرتاح بس بعد الزواج بدور لي وضيفة بمستشفى حلو ..
هادف : يالله الله يوفقك يا الغالي ..
جراح بنص عين : وياك .. وأنت ماتبي تتزوج ؟
هادف بضيقه : حاليا لا ..
جراح : أنساها أنساها يا هادف
هادف طالع فيه وغمض عينه ..
...................................
عند الشباب ..
..................................
سعود : ياي الجنس الاثنوي يخببببل يجننننن ..
خالد : هههههههههههههههههههه
معن أبتسم على هبال أخوه ..
زين : هي تراني تعبت من الدواره ..
خالد : عاد أنت طول عمرك تعبان .. شوف شووف ستار بكس من يجي معاي
زين : أنا خل نخلي هالهبل سعييدان ..
معن : أجل أنا جاي معاكم ..
سعود وهو يمشي عنهم : انتوا روحوا فييي قممر هناك ..
الشباب : ههههه ..
...............................
عند سديم ..
.............................
سديم : أنا !
عبد الرحمن : أيوا أنتي ..
سديم طالعت فيه بصمت .. دارت وراها تطالع الناس وشافت زين وخالد ومعن جايين لستار بكس .. شهققت وجرت يد عبد الرحمن ..
عبد الرحمن : علامك سديييم !؟
سديم بخوف : هذوول عمممي وأولاد عممي ..
عبد الرحمن طالعهم .. ومن شافهم قام بسرعه يركض .. أما زين أنتبه لعبد الرحمن وسديم مع بعض وأنتبه لعبود لما قام بسرعه .. حححس بالقهههر .. وراح يركض لسديم ..
سديم حابسة دموعها وتدعي بقلبها مليون دعاء وكل السور الي حافضتها .. أن زين ما يشوفها .. بس حست بخطواته المسرعه .. وغمضت عينها ..
زين سحبها من يدها وصرخ : شباب أتصلوا للبنات وخليهم يجوا السياره بسسسسسرعه ..
وركض معاها برا ..
خالد : مو ذي سديم !
معن : أي أي عشان كذا عصب .. بسرعه أتصل لسعود وأنا للبنات ..
خالد : أوككي ..
.............................
سحبها ورماها بالسياره بعصبيه .. وركب السياره وصفق الباب بقوه ..
سديم بخوف : عمييي ..
زين بصراخ يييعرب : أسكتتتتتتتتتتتتتتتتتتتتتتتتتي ولا كلللمه يا قليلة الحيا .. والله لأخلييك تندمي على طلعتك ذي ..
ركبوا الكل والبنات أستغربوا من وجود سديم ..
اما زين توجه بسرعه للبر ..
وأول ما وصل سحب سديم الخايفة ومشى معاها ووقف فجئة ..
زين : أعتقد قايل لك بسوي شي ما عمرك تخيلتيه ..
سديم : ................
زين عطاها ككككككف : اذا تكلمت ردي عليي ..
سديم بخووف : والله اخر مرره والله ..
زين رماها بقوه على حشائش حاده ..
صرخت سديم بألم وأغمى عليها ..
وزيين تركها ومشى للسياره ..
...................
شوق ببكي : أختتتتتتتي ..
دلع : سدييم والله عمي مابيرحمها ..
تولين بخوف : عممي جا وسديم موب معاه ..
ركب زين بصراخ : أسمعووو أن أحد ذكر لي أن عندي بنت أخ أسمها سدييم والله ثم والله لأقص لسانه ..
البنات خافوا وسكتوا ..
تذكر زين ذاك اليووم ..
قبل حوالي 10 سنين ..
.......................................
الجد بصراخ : أن أحد ذكر لي أن عنننندي ولد أسمه عثمان والله ثثم والله لأققققص لسانه ..
كايد : ييييييبه هددي ما يصير كذا تطرده ..
عثمان بصراخ : أنا مانيب محتاجك يابو عبد الرحمن ولا ابي أقعد معاك وانا من الييييوم رايح الرياض وبنسى انك أبووي ..
الجد : برا برا لابارك الله فيك ولا في الساعه الي صرت فييها ولللدي ..
طلع عثمان مع عيالة بلا ررجعه ..
.................................
تنهد زين بحزن وحرك السياره متوجه للبيت ..
......................................
عند عبوود ..
قاعد عند البحر ..
سدييم حياتي أنا أسف .. بس أنا مو قد مشاكل مع أهلك ..
أأأه يارب تسامحني ..
.......................................
عند سارونه .,
......................................
كانت قاعده مع الوليد بالصاله بس الاثنين ساكتين ..
ساره تتصفح مجله والوليد يشرب شاي ..
والصمت هو العامل السائد !
دق الجرس ..
الوليد : ديانا ديانا ووجع أفتحي الباب ..
ديانا : حاضر مستر الوليد ..
فتحت ديانا الباب .. ودخل بهيبته وسبحته الي بيده ..
الوليد أعتدل بجلسته بصدمه ..
: يعني مافي سلام ؟
الوليد مازال مصدووم ..
ساره : عن أذنكم
: لا أجلسي يابنتي أنا أبيك مع زوجك ..
ساره طالعت بالوليد
الوليد أشر لها تقوم ..
ساره : اسفه بقوم أنام ..
: شفييك !
الوليد : ليش جاي ؟
: عمممرك شفت ولد يقول لأبوه كذا ؟
ساره انصدمت يعني هاذا أبوو الولييد ..
الوليد : يايبه أنت ماسويت شي يخليني أحترمك .. حرمتني من أمي وأختي وأخواني ورنا وراني ..
عثمان : ألي هو .. أنا جاي اقولك شي ..
الوليد ببرود : قوول ..
عثمان : جاي أخبرك بشي .. المفروض أنت تعرفه .
الوليد بأهتمام : شنو هو ؟
عثمان : يا ولدي .. أنا أبوي طردني وكنت أنت بعدك ماتجي بس كان عندي حسان وحسناء .. ( وبحزن ) الله يرحمهم .. أي وأنا جاي أقولك أن أهلك هنا بالشرقيه .. وأتمنى أنك تروح تتعرف عليهم وتستسمح من أبوي عني ..
الوليد بصراخ والدموع بعينه : الحييييين الحييييييين جاي تقولي أن عندي أهل بعد ماكملت ال 26 سسسسنه ! بععععد ماعششششت وحيييييد الحيييييين جاي تقول أن عندي جد وجده وعموم وأولاد عم الحيييين الحييييين والحييييييين متأخخر كثيييير يايبه تأخررررت كثيييييييير ..
عثمان ماتوقع ولده بينصدم كذا ماتوقعه متعذب كذا .. بصوت حزين : الولييد ..
الوليد بصراخ : بببببببببس بسسسسسسسسسس ولاكللللمه أطلللللع برا أطلللللللع برا
عثمان : طيب أنا طالع ( وحط ضرف ع الطاوله ) بس ياولدي أذا بغييت تعرف أي شي عن أهلك أتمنى تفتح هالضرف .. وأنا عارف أنك بتكتشف أشياء جديده .. الله يحفضك وأنتبه لنفسك ولزوجتك .. ( وبصوت حزين ) مع السلامه يا ولدي الوليد ( وشدد على ولدي الوليد )
الوليد جلس على الارييكه بتعب حط يده على ركبته وراسه فوقهم .. رفع راسه على صوت خطواتها الخفيفة ..
ساره بهدوء : الوليد تفضل ..
الوليد رما كاسة المويه وجرها من شعرها : أكررررهك أكرررهك يا ساره من دخلللللتي حياتي وأنتي مخربتها ورببببببي لأاخلييييييك تعيشي التعذيييييب الي عشششته والله والله ( وصار يضربها ببطنها ويصرخ بهستيريه )
ساره .. صمت + هدوء + ولا كلمه ..
سحبها بعد ماطلع الدم من فمها وغرقت ملابسها دم وعيونها مليانه دموع .. ورماها بالحووش المضللم ..
..........................................

عند العائلة الكريمه ببيت الجد ..
........................................

كايد بصراخ : يعننننننننننننننننني الحييييييييين وييييييييييييين بنتتتتتتتتتتتتتتتتتتتتتتي ؟
زين بهدوء : بالبببر ..
كايد سحبه من ياقته : يا حمار سديييييم بنت ببببببنت ماتففهم أنت ؟ يعني لبست ثوووب وشماغ بتصير رجال ؟ غغغغبي غغغغغبي وتصرفك أغبى يا زيييييين أن صار ببنتيي شي ما تلوووم الا نفسسسسك والحين وديني لها ..
زين : يعننني يعجبببك تشووف وحده من بنات أخوك مع واحد غريييييب بالموووول ! يعجببببك

كايد بعصبيه : أكيييييييييد لا بس هاذا مايعننننني أنننننننني أتصررررف هالتصرررف .. خذننننننني لها الحييييين بسسسسسسسرعه ..
زين ببرود سحب سويش سيارته : طيب ..
.....................................
عند سديييم بالبر ..
.....................................
فتحت عيونها ببطء حست بالالم بضهرها قامت بسرعه عن النبته وهي تمسح على ضهرها .. أتستوعبت هي فويين .. وفتحت عيونها ع الاخر وتحركها بشكل عشوائي وخووف .. نزلت على الارض تبكي برععب .. هي بالبر بوحدها بذا المكان المضلم بوحدها .. صارت ترجع على ورا بخوف وطاحت على الارض وهي تبكي .. قامت تركض ورجولها الي تحدد وين بتروح .. بعد 5 دقايق من الجري .. وقفت تدور حولها بخوف وين هي الحين ؟ وين كانت ؟ صرخت ونزلت على الارض تبككي بخوف
: أكرهههههههههك يا عبد الرحمن أكررررررررهك تحبني ومن شفت أهلي تركتني ؟ أكرههههههههههههك يا الملعووون ( وضربت الارض وهي تصرخ بهستيريه ) أكرهك أكرهك أكرهك ...
شافت أنوار صفراء من بعييييد زحفت على ورا بخووف .. ماتدري هذول جن ولا أنس ولا حيوانات .. وسمعت أصوات وتحس أن في همسات تحاصرها .. قامت بسرعه ترجع على ورا وهي تحرك راسها بجنون وتهمس ( أكرهك أكرهك ) .. حست بشي تحت رجلها وشافته ضب .. صرخت بخوف ومن كثر التعب والارهاق طاحت على مغما عليها ..
.............................
عند البنات ..
..........................
شوق ببكي : أكرررره عمممممممي أكرهه
دلع ببكي : سدييييم شنو تسوويين الحييين أشتقت لك أنا خايفه عليييييك خاييييفه ..
تولين وهي تعطيهم مويه : خلاص بنات يارب عميي كايد يحصلها ..
.....................................
في البر ..
8:17
.....................................
سمعوا الشباب صوت صياح ..
زين : هاذا صوت صياح !
خالد : يمممممه يمكن جني !
معن : كأني سمعت الصوت من هناك ( وأشر ع الجهة الشماليه )
سعود وهو يركض : خخلللل نروح نشوف يمكن سديييم ..
سلمان يشغل كشافه : عممممممي زيين عممممممي كايد بنروح ذيك الجهة ..
كايد بصراخ : طططططيب وحنا بنلحقكم ..
وصلوا الشباب للمكان الي يعتقدوا أن الصوت جا منه ..
شافوا خيام وراحوا لأقرب خيمه ..
معن : شباب ماشفتوا بببنت هنا ..
واحد من الشباب : بببنت بالبر بالليل !!! لا ماشفنا ..
سلمان : طيب شششكرا أخوي ..
واحد ثانني : تخيلوا هذوول جن !!
الشباب خافوا وقاموا بسسسسرعه شالوا أغراضهم ورجعوا بيوتهم ..
كان معن يمشي بكشافه ويدور سديم ..
سعود بصراخ : سدييييييييييييييييييييييم
معن : سديييييييييييييييييييييييييييييييييم
سلمان : سدييييييييييييييييييييييييييم
كايد : سديييييييييييييييييييييييييييم
خالد : سدييييييييييييييييييييييييييييم
زين : سديييييييييييييييييييييييييييييم
والجواب الصمت !
معن حس في شي تحت رجله .. نزل راسه وشاف شي ابيض طايح .. حس بالخوف نزل يده وصارت على شعر سديم الي انسدل على كتفها أرتجف جسمه وتباعد فجئة .. رجع مرة ثانية ووجه كشافه على سديم وشاف بنت طايحة ولابسة ثوب وشماغها طايح على الارض ..
معن : شباب شباب هاذي مو سدييييم ؟
سلمان وهو يحرك وجهها : أي أي هههههي هاذي هههي ..
خالد : عممممممممممممممممي شفنا سدييييم ..
سمعهم كايد وجا يركض مع زين ..
نزل معن عند سديم ورفع راسها عن الارض وحطه على ركبته .. مسح الرمل عن خدها وشعرها وطلع موية وبدأ يقطرها بفمها ..
كايد بخوف : بنتتتتي بنتتتتي ماتتت ! شفيييها ليييه ما تتحرك !
معن : لاعممي أعتقد مغما عليها ..
حملها كايد بخوف وباس جبينها وراح على طول السياره ..
خالد : ما كنت عارف ان عمممي طيووب !!
سعوود : بالله لو كنت مكانه شنو بتسوي بتتطوى ببطنها وبتمشي !!
سلمان وهو يمشي عنهم : ماعلييك من هالمهوي ذا .. خل نروح الكل راح ..
رجع الكل بيته يتكلمون عن سالفة اليوم .. وسديم جلست بس طول الوقت ساكته ونضراتها تايهة في جدران الغرفه ..
............................
عند الثنائي العنيد ..
..........................
كانت ساره متسنده ع الباب الخارجي وتمسح على كتفها .. تنهدت بتعب صارت الساعه 12:00 وللحين مافتح الوليد لها الباب .. غمضت عينها .. أجل يا هادف رجعت وصرت دكتور كبير ؟ ياحبي لك بس .. أمي وابوي وخالد وسلمان وسديم وشوق وتولين ودلع والنتفة حنين ديانا ورزان ورنده وحتى رحموه وسعود ومعن وسطام كلللللهم وحشوننني .. ربي يحفضكم يا الغاليين .. مسحت دمعتها الي نزلت على خدها الناعم ..
سمعت الباب ينفتح بس ما جابت خبر
الوليد وهو يرمي عليها جاكيت : مابي أشوووف وجهك الييوم نامممي بررا عند القروود ..( وسكر الباب ودخل )
تركت ساره الجاكيت مكانه وتسندت على الباب ونامت بعممق ..


أنتهى الب 12 ارت ..

الب 13 ارت

يوم جديد ..
الشباب والبنات راحوا مدراسهم وجامعاتهم .. وسديم باقي لها يومين وترجع المدرسه .. هادف طلع من المستشفى وعنده أجازه أسبوع .. وسلمان بلا شغل .. وزين باقي له شهرين ويروح البحرين يعرض تجارته ..
والوليد راح شركته بدري .. وساره لا زالت على حالها
حبيسة في غرفة ذات 4 جدران !!
............................
عند سديييييم ..
........................
قاعده بأحد زوايا الغرفة وتلعب بأصابيعها وتضحك وبنفس الوقت تبكي .. دخلت عليها أمها واشفقت على حالها .. : ماما سدييم جبت لك كورنفليكس الشوكلاته الي تحبييه
سديم بخوف لزقت بالجدار : مابي مابي تبي تقتليني صح تبي تذبحينني أدريي أنا انتوو شرسيين عنيفيين ( وهزت راسها بجنون ) رووووووحي روووووووووحي عنننننننننني بعددددددددي بعدددددددددي روححححححي مابي مابي ( ورمت الكورنفليكس وصرخت وهي تهز راسها بخوف )
نوره وهي تبكي : يييمه سديييييم أنا أممممك أمك ما بسوي لك شي تعالي يمه ( وفتحت يدها ) تعالي حبيبتي اضمك
سديم جرت شعرها : روحححي ههههه هههههههه أنتي تبي تقتليني مو تبيييي تذبحيني وترميني بالبببر أددري روووووووووووووحي روحححي ( وصارت تصصصرخ بجنون وتضرب أمها )
نوره طلعت وسكرت الباب وهي تبكي : حسبي الله على الي كان السبب حسبي الله عليييييه ..
...........................
عند كايد بمكتبه ..
.............................
قاعد على كمبيوتره يحط اخر مخططات قامت بها الشركه .. سمع صوت جواله
يرن بنغمة نوكيا المشهوره .. رفعه وكانت نوره ..
كايد : ها كيفها الحين ؟
نوره ببكي : مدري مدري يا كايد وربي اني خايفة انها جنت .. ألحققق عللللي هاذي بكري بكري يا كايد ..
كايد بخوف : شفيها شسوت !
نوره : تهلوس وتصارخ وتضرب نفسها وتقول كلام مو مفهوم وتضحك وتبكي بنفس الوقت ..
كايد : ان لله .. ربع ساعه وأكون عندك ..
نوره : بسسرعه بسررررعه ..
كايد : ططيب طييييب ..
.................................
عند البنات ..
..............................
تجمعوا بالمقصف ..
شوق : مدري مادخلت لها اليوم ابوي مارضا يقوول تعبانه ..
دلع : يارب متى ترجع لنا مثل قببل ..
تولييين : قريب ان شاء الله وحنا وكل العائلة لازم نوقف معاها ...
شوق : أي أكييد وأنسوا سالفة الي كانت معاه ..
هزوا البنات راسهم بصمت وكل وحده تفكيرها وداها بطريق ..
...............................
عند ساره ..
............................
فتحت عيونها بملل وشافت نفسها بغرفتها وعلى سريرها .. أنفجعت هي كانت البارحه بالحوش !! يمكن حلم ! دخلت لها الخدامه امنه
امنه : يا مدام ساره شو بدك تلبسي اليوم ؟
ساره : جيبي لي جلابيه ..
أمنه : حازر .. وشو بدك تفطري ؟
ساره : نس كافيه وكرواسان .. أبي اسالك امنه ..
أمنه : شو ؟
ساره : أنا مو كنت البارحه بالحوش ؟!
أمنها : مابعرف
( بعد ماجهزت الاغراض وجت بتطلع دارت لساره بارتباك )
: مدام ساره هوا صحيح كنتي برا امبارح .. وأنا كونت طالعه نوص الليل .. وشفت مستر الوليد بيحملك وبيركبك غرفتك .. اسفه مدام ماكونت عارفه انوو موقود ..
ساره بابتسامه : عاتي ..
تنهدت بأحراج .. أجل كان حاملها ! والله أنه شخص غريب !! رومانسي بس بطريقته الخاصه !!! ..
..................................
فلة كايد
..................................
وصل كايد البيت بسرعه وركب لبنته فتح الباب وشافها تلعب بالدب الابيض الكبير ..
كايد بحنان : بابا سديم ..
سديم حضنت الدب : رووووح عننني تبي تقتلننني رووح ..
كايد : سداممي مابي أقتلك أنا بابا نسيتي ؟
سديم بصراخ : كذاب بتقتلنننني بتضربني حتتتى أمووووت .. روووح عننننني رووووح مابي اشووفك بغرفتي رووووح . ( وحضنت دبها ) ميموو شفت يبوا يقتلوني أنت مابتقتلني صح مابتقتلني صح ؟ ( ونزلت دموعها ) أحبك ميمو لانك طيب وتحبني ودائما تنام معاي وتدفيني ..
كايد أشفق على حال بنته الي ماتعدت ال 19 سنه .. طلع من الغرفة وأتصل لزين بسرعه ..
.....................................
عنده...
زين ..
..................................
قاعد على الكرسي الهزاز يقرأ قران .. رن جواله بنغمة تايتنك ..
زين بهدوء : ألوو
كايد : زييين بسرعه تعال الحييييين ( وسكر التلفون )
زين طالع جواله بأستغراب ولبس ثوبه وطلع فلة كايد ..
......................................
عندهم ..
فلة كايد ..
.................................
كايد : وهاذي كل السالفه .. بالله قولي الحين شنو أستفدت يوم تصرفت بجنون وخليت بنتي تنجن !! أنجنت أككبر بناتييي يا الكلللب وانت السبب ..
زين : ططيب خلني أشوفها ..
كايد : تبيها تنتحر ؟
زين : لا خلني أشوفها ..
ركب زين غرفة سديم وفتح الباب بهدوء .. وشاف أن المكان مضلم والستاير مسكره والمكيييييف بارد صقييييييييييع .. شغل الانوار وشاف سديم بزاوية الغرفة وحاضنه دبها ميمو وتمسح على فروه الناعم ..
زين : سدامي
سديم أول ماشافته تجمدت .. بسسسسرعه قامت تركض بالغرفه : ههه ماما ههه بابا ششششششش...وق .. تهىء بعدد عننننني ادري تبي تغتصبني .. رووح عننني ما أحبك ماأحبببك رووووح رووح ماأحبك أنا هه
زين أنفجع من حالها حس أنه جد نذل ! : حبوبه سدييم أنا عمك ما بغتصبك أهدئي شوي شوي أقعدي مكانك ..
سديم طالعته برعب وأنعاد شريط البر ببالها .. قعدت على الارض وحضنت دبدوبها ..
زين قرب منها ومسك خدها : سدييم حبيبتي أصححي خلاص ..
سديم ضربته على صدره بقوه : ماأحبك ماأحببك روحححح عنننننني روووووح ( وبكت بصوت عالي ) قلت لك روووووح حرام هههه أصلا أنت ما تحبني ماتحبني هههه أدددري انا أدري أنك كذاب
زين طالعها بشفقة وضمها : حبيبتي سدييم أصحححي أصححي أنا أحببك أحببببك وأموت فيك بعد قوومي ماما أرجعي مثل أول ..
حس أن لامجيييييب لاصوووت بالغرفه .. باعد سديم عنه وشافها مغما عليها .. دمعت عينه وحس أنه سوا شي غلط .. حملها وأستأذن من أخوه وراح بها بيت الجد حتى تنام معاه وتكون تحت نضره ..
..................................

الضههر ..
3:00 بفلة الجد ..
................................
قاعدين على طاولة الطعام ..
الجد .. زين
الجد : دريت يا زين أن بعد أسبوع بتجي أختك ؟
زين بهدوء : أي درييت أنا بجيبها من المطار ..
الجد : كيف حال سديم ؟
زين : مدري بعدها نايمه ..
الجد : كل ذا بسبب جنونك يا المجنون ..
زين ناضره بهدوء ورجع يشرب الشوربه ..
شوي وسمعوا صراخ من الطابق العلوي وصوت أشياء تتكسر ..
الجد : أعوووذ بالله هاذي سديموه أنجنت !!
زين طنشه وصعد لسديم .. شافها تصارخ وترمي الاغراض وصور زين تشقها وترمييها ..
زين بحده : سدييييييييييييييييييييييييم
سديم ارتجفت ولزقت بالجدار ..
زين مسك خدها وطالع بعينها : سديم حبوبه .. حتى لو كنتي ما تفهميني .. يارييييت تفهمي نضراتي .. حبيبتي أنا اسف اسف
سديم نزلت دموعها : أكرررررهك أكرررررررهك يا زييييين أكرررررهك من ككككل قلبي ..
زين طالعها بصدمه ..
سديم تضربه على صدره : أكرهكككك أننننننت وعببببببد الرررررررحمن وكككككلكم .. أكررررهكم أكرررررررررهكم
( رمت كل التحف الي على الطاوله ) أكررررررهكم أكرررررررهكم أكررررررررررررررررررررررررهكم .. ( وطاحت عليه )
زين حملها للسرير وسدحها عليه غطاها وباس جبينها : لذي الدرجة كنتي خايفه ؟ ماتوقعتك ضعيفه كذا يا سدييم ..!!
...............................................
عند سارونه ..
................................................
حاطه رجل على رجل وتشاهد التلفزيوون .. تنهدت بملل وطالعت بالحوش شافت غزاله صغيره تاكل من العشب .. أبتسمت ولبست ثوب فوشي للركبه وغطت كتوفها بمنديل فضي .. وشعرها تركته سايح .. طلعت برا وتقربت من الغزاله ومدت لها خسس .. الغزاله تقربت منها بس فجئئئئئة شافت رصاصة طيرت شعرها وأستقرت بالجدار الي وراها .. حست بشي رطب عند جبينها مدت يدها وشافت دم كثيييييير.. جرها الوليد من شعرها : يا حيوانه من سمح لك تتعدي حدود الباب الداخلي ؟؟؟؟
ساره بألم : الولييييييد حرام وربي مليييييت من البيت ..
الوليد رماها ع الاريكه : حررررمت عيشتك .. أنا اعلمك الملل على أصوله ( وسحب عقاله )
ساره طالعت فيه بنضرات منكسره .. نزلت دموعها وقالت بصوت مبحوح : ورببي أني أكررهك أكررهك .. كل ما حاولت أتعود علييك وأتعود على طبعك ما قدرررت ( ضربته على صدره وهي تصرخ ) أكررررررررهك أكرررررررررهك يا الولييييييييد ..
الوليد عطاها كف : وأنا أكررررهك أكثثثثثثثثثر .. ماحد قالك أبقي معاي قلت لك تحملي الي بيجيك وهاذا مصير الي يبي يقعد معاي ( وضربها بالعقال )
ساره غطت راسها مثل الطفل الصغير وهي ترجف وتبكي وتصرخ مع كل ضربة ..
...............................................
عند هادف ..
...............................................
قاعد على سريره بملل رما اللاب وغطا عينه وصرخ : ياربي زهقان ملان
جت علياء تركض : شفييييييييييييك يا وللللللدي الجرررررح يألمك ؟ حسبي الله على الي كان السبب حسبي الله عليييييه ..
هادف بخبث : يييييالم يمه يأأألم .. رووووووحي بتطلللللع اه اه بموووت .. أشهد أن ..
علياء بصراخ ضمته : لالالا ولللللللللدي ولللللللللدي .. ماما هادف تحمل تحمل الحييين يجي الدكتووور ..
هادف يكمل تمثيل وبصوت متقطع : خ...لاص يم...ه .. بعد شن.........و ؟ روح......ي بت.......طلع أششششششهد أن لاأله الا الله وأن محمد رسول الله ( وغمض عينه وكتم ضحكته )
علياء ضربت خدها : ولللللدي ولللللللللدي سلمان ألحححححححححححححق على أخوووووووووووك راح من يددددي راح ( وبكت بصوت عالي وهي تصرخ وتكرر كلامها )
جا سلمان يركض : شصار يم.. هادف ؟ هادف هادف .. أخوووووووي رد علللللللللللي قوووم قوووووووووم .. ( وغطا وجه هادف وهي يبكي )
بعد 5 دقايق من البكا ..
هادف بصوت عالي : يوووه مين طفا الانوار ؟
الاثنين طالعوا بالسرير منصدميين ..
هادف : شيلوو المفرش من على وجهي لا أموت جد ..
علياء صبت عليه كاسة موية بارده : حيووان
هادف : كح كح هههههههه كح هههههههههه ك ... هههههه ... ح
سلمان قعد فوقه : الحيييييين أعلمك المووت الكويس ..
هادف يضحك بس فجئة بدأ يأن
سلمان قام عنه بأستغراب وشال المفرش وشاف قميصه كل دم .. : تستاهل يا الهبل ما أحد قالك تمثل كذا .. لحضة أنادي ممرضتك الشقرا ..
هادف ضحك وهو مغمض عينه ..
.............................................

عند سدييم ^^
........................................
^** سديم **^
فتحت عيوني بتعب شفت نفسي على سرير زين وهو نايم ع الصوفا .. طالعت جنبي وشفت صورته مسكتها وأنا أبككي
قعد زين من النوم وشافها تبكي مسك فوطته وتنهد ودخل الحمام يترووش ..
...........................................
عند غرام ..
..............................................
شوو عم تئووول !! هادف مامات ! مستحييييل مابيموت الرصاصة الي دخلت ألبوو مابتتركو حي .. وأنتو ألتو بعزمة لسانكن انوو هادف مات ونبضوو توئئئئف ..
: يا أنسه أنا شفت الدكتوور بيغطي وجوو وجهه مابعرف يا أنسه غرام .. بحاول أأتلوو مرة تانيه ..
غرام وهي تاخذ نفس من زجارتها : لأ خليه أنا بهتم بأمروو ..
: حازر عن أزنك يا انسه ..
غرام : أزنك معك ..
...........................................
بعد مرور أسبوع على الاحداث ..
هادف بدأ يطللع ويسترد صحته ..
سلمان حصل له شغل بشركه كبيره ..
خالد يستعد للأمتحانات نهاية التيرم ...
سعود ومعن نفس خالد ..
شوق ودلع وتولين وسوزان يستعدون للامتحانات..
سديم عرضوها على دكتور وخبرهم أنها كم يوم وبترجع الى حالها ورجعت مثل أول بس صارت تطنش عمها ..
ساره والوليد لا جديد طول الوقت ساره مطنشته وساكته عنه ..
.......................................
يوم الخميس ..
بفلة عبد الرحمن ..
.........................................

بغرفة سوزي ..
قاعده تطلع لها مراجعات للعلوم من النت .. طلعت لها نافده خضراء ..
الامبراطور : هلا غروب ..
غروب الشمس : هلا ..
الامبراطور : كيفك ؟
غروب الشمس : متى بتسوي لي دليت ؟
الامبراطور : ليش أسوي ؟
غروب الشمس : لانك جبت لي الهم خلاص..
الامبراطور:أفا ليييه ؟
غروب الشمس : أنا ما عندي حركات حب وغزل وسخافه فلوو سمحت تراك أزعجتني وبسوي لك دلييت ..
الامبراطور : لالالالالا .. أسمعي يا غروب أنا بعد ماقصدي حب لانني ما أعترف فيه .. بس ليش ما تكون علاقتنا صداقه لا أكثر ولا أقل
سوزان فكرت تقبل ولا لا .. وحست أنه عادي مادام ما تتعدى النت ..
غروب الشمس : أوكي .. صداقه بس طيب ؟
الامبراطور : طييب .. الحين أسمييك غروب ولا ؟
غروب الشمس : جد خبببييث .. أسمي سوزان ..
الامبراطور : ههههههههه .. أسمي غيث ..
غروب الشمس : أسسمك حلوو لانه غريب ..
الامبراطور : عنونك الحلوه .. سوزي كم عمرك ؟
غروب الشمس : لاتسمييييييني سوووووووزي أسمي سوزان .. عمري 19 سنه وأنت ؟
الامبراطور : أووه اسف يا سوزان .. العمر كلوو يارب .. عمري 22 ..
غروب الشمس : وياك .. أنا أستأذن الحين باي ..
الامبراطور : متى تشبكي ؟
غروب الشمس : وقت ما أبي .. باي ..
الامبراطور : !!!!! .. أوكي باي ..
أنسدح غيث على سريره .. ياترا شنو وراك يا سوزان وربي أنك غريبه .. ماتحبين تتكلمين وغامضه ومو مثل باقي البنات .. لازم أطلعك من قوقعتك الي دخلتيها قبل 4 سنين .. وقت ما سجلتي بالمنتدى كنتي غريبه ما تتكلمين مع أحد وتطنشين كل بنت وولد يرحبون فيك .. وربي أنك غريبه !!
..................................................
غيث ..
.................................................. ......
مرحبا أنا غيث .. أنسان حبوب وطموح وفله .. عمري 22 سنه .. ثاني سنه جامعه ..
شعري كيرلي لنص رقبتي .. وبشرتي سمراء بس حلوه .. عيوني عسليه على أبووي ..
.................................................
الضهر ..
ببيت الجد ..
.................................................. ..
كل العوائل مجتمعه ببيت الجد يتغدون كالعاده .. البنات بنهاية الصاله مع الحريم .. والشباب بالصاله الثانيه مع الرجال
عند الحريم **
نوره : علياء ولدك سلمان كبر لازم تخطبين له .. حتى خالد وهادف كبروا ربي يحفضهم أخطبي لهم ..
موده : أي والله يا علياء منها أتشجع وأخطب لسعود ومعن ..
علياء : ايوا المفرووض أخطب لسلمان وهادف من زمان .. بس أنتضرهم يستقرون بوضيفتهم .. اما خالد ومعن وسعود بعدهم صغار !!
موده : أي صغار !! خالد ومعن 20 سنه ..وسعود 21 سنه كبروا ما شاء الله ..
نوره : يالله دوروا لهم وأخطبوا لهم بشهر واحد ..
علياء : أنا عاد ما بخطب لسعود ألا سديم ..
نوره أبتسمت مجامله وبنفسها : ايوا !! خلصنا من ساره جينا لبنتي سديم !!
عند البنات **
تولين : ذيك المره لما رحنا المول ما طلعنا معاها هي وأختها .. بأقرب فرصه لازم نطلع معاهم ..
دلع : مو وقته توتي .. مدري أحس الحين العأأئلة متخربطه وسالفه ورا الثانيه ..
شوق : لمتى يعني .. لين تطير البنت من يدنا !!
سديم وهي قايمه : الحمد لله ..
دلع قامت ولحقتها .. : سديييييييييم سديييييم
سديم دارت لها بصمت ..
دلع : شرايك تجين معاي الموول ..
سديم : أي مول ؟
دلع : بكيفك .. مارينا .. الشاطىء .. فينيسيا .. الضهران .. الواحه .. ألي تبيه ..
سديم : الضهران أحلى ..
دلع : طيب بخبر امي وأمك وبنطلع دون البنات أوكي ..
سديم وهي تلبس عباتها : أوكي ..
زين : أحم يا ولد ..
الحريم تغطوا ..
البنات : عمممممي .. ( وجو يضموه ويسلموا عليه )
زين : ها بنات أستعديتوا للامتحانات يوم السبت ؟
شوق : يييس علي رياضيات وخلصته الحمد لله ..
تولين : وأنا بعد ذاكرناه مع بعض ..
دلع : وأنا علي كيمياء ..
زين : وأنتي يا سديم ؟
سديم طالعت فيه بصمت ومشت عنه ..
زين تنهد وطالع بالبنات : أقوول بنات .. أنتو خلصتووا دراسه صح .. عشان كذا شرايكم نخيم بالبر اليوم وبكره ..
دلللللع : أأأأأأأأأأأأي عمممممممممي تكفى ..
شوق : عموووو بلييييييز بلييييييز نبي نفسيتنا تنفتح قبل الامتحانات وقسسم ملانه ..
تولين : يييييب عمووو أقققققنع الرجال وخلينا نروح ع الساعه 3 ...
زين : الرجال عارفين بالموضوع .. على كذا يعني ماشيين بعد نص ساعه ونرجع بكره ع الساعه 12 الليل ..
البنات بحماس : ههههههههههههههههههههههههههههههههي ..
( وضموو عمهم )
تولين : أحببببببببك عموووو
شوق : ربييييي يسعدك عمووو .. وربيييييي حماس .. توليييين خل نروح نتجهز ..
دلع : ياي عمووو .. ياحبي لك بثثث ..
زين : وأنتي سدامي ؟
سديم : يلا دلع ..
دلع : ماعلييه عمو بنطلع الحيين ..
زين : وين ! باقي شوي ونمشي
دلع : طططيب شوي بس ما بنتأخر ...
زين : طيب أنتبهو لنفسكم .. وأن عرفت أن في حركات من وراي لا تلوومي الانفسك يا دلع ..
دلع عارفه أنه يقصد سديم بالكلام : أوكي عمي .. وعد مابنسوي شي .. صح سدامي ؟
سديم طلعت عنهم ..
الاثنين تنهدووا ..
.................................................. .

عند الشباب ..
.................................................
مسويين حلقة ويكتبوون الاشياء الي يحتاجونها ..
خالد : أهم شي الكونكت ..
سعود : أيوا واللابتوبات ..
سلمان : الخيام والدبابات والعوود ..
هادف : أيوا .. شنو بعد نحتاج !؟ .. الشيبسات والشكولاتات والكولا والبيبسي ..
معن : أممممم شنو بعد .. أي أي .. الكاميرا والبطانيات الخفيفه.. وكل واحد ياخذ له جاكيت خفيف لان البر بارد بذا الوقت ..
الشباب قاموا كل واحد يجهز الي يحتاجه عشان الروحه ..
الرجال يجهزون الخيام والسجادات والسيارات والكشافات ومولادت الكهرباء ..
والحريم يجهزون الشاهي والحلا والاكلات الخفيفه ..
عند البنات **
تولين : شنو نحتاج ؟
شوق : أممم الملابس والجوال وسماعات الجوال والشاحن واللابتوبات والكونكت وكريمات الجسم والشعر ..
تولين : اهمم شي الكاميرا ودفاتر وأقلام والشيبسات والغازيات والشكولاتات
حنين : حنا نبي خيمه خاصه فينا ..
شوق : أكييد مستحييل نصير مع الحرييم بخيمه وحده ..
تولين : طيبب .. وين دلعوه وسديموه ؟
شوق : طلعوا راحوا الموول .. شوي وبيجون ..
تولين : الحين مو عمتي بتجي اليوم ؟
شوق : أي أعتقد بيخلوها تنزل عندنا بالبر .. وناسه صووح بنشووف لين ومجد و ريم ..
تولين : يييييييي وناسه بسرعه قوومي نجهز أغراضنا ..
قاموا البنات يجهزون أغراضهم ومتحمسيين لروحة البر وشوفة بنات عمتهم الي ما شافوهم من سنتين ..
....................................
بالموول ..
بقسم النساء جهة المطاعم ..
.....................................
دلع : سديم أنا أبي أعرف ميين هاذا الي كنتي معاه ..
سديم وهي تحرك الشوكه بعلبة السينبون : شنو تبي تعرفي ؟
دلع : كيف تعرفتي عليه ؟ وكيف تعرفين تسوقين كذا ؟ وكيف عندك ثوب وشماغ وجوال شبابي .. أبي أعرف كلللل شي .. لاني حاسه أن وراك شي ..
سديم أخذت نفس : أحم طيب .. كيف تعرفت عليه ؟ ( تسندت على الكرسي وغمضت عينها ) كيف ؟ في مره طلعت الكورنيش وشفت شباب يلعبون كوره لعبت معاهم كابتن فريق هجوم .. وعبد الرحمن كان كابتن الفريق الثاني كمان هجووم .. أنتهت السالفه على خير ونسيتها وفي مره رحت المول وشفته .. ومن ذاك اليوم تطورت علاقتنا وصرت أطلع معاه نلعب كوره ونتسوق .. وعطيته رقم جوالي وسجلنا بمنتدى واحد .. كيف أعرف أسوق ؟ عمي زين علمني كيف أسووق .. .. كيف عندي ثوب وشاغ وجوال شبابي ؟ شريتهم بفلوسي ..
دلع : كل ذا من ورا أهلك !!
سديم نزلت راسها ..
دلع وهي تطالع ساعتها : أدري أن السالفه ما تحتاج نجي المول بس حبيت أخليك تغيري جو وتشوفين الناس وبنفس الوقت افهم منك السالفه بعييد عن أهلنا .. قوومي باقي 10 دقايق ونمشي البر تلاقي أهلنا الحين معصبين ..
سديم هزت راسها وقامت مع دلع ..
........................................
كنا نمشي بالمطار فجئة شفنا بنت تبووس الكاميرا بحماس ..
.................................
مجد .. البنت الكبرى ..
...................................
هاي قايز .. أنا مجد .. حبوبة وطيوبة وفله وراعية مغازل وطلعات وكشتات .. يعنني ماخذة الدنيا بالراحه .. أكره شي أسمه سكوول .. حنا ساكنين بالرياض لان أبووي يشتغل هناك .. طيب بخبركم بشي .. أنا من تو راجعة من أمريكا صار لي أسبووعين .. تدرون ليش ؟ لاني كنت منشلة من سنه والحين الحمد لله رجعت أمشي مثل الحمار أووبس الحصان .. عمري 19 سنه .. ثاني ثانوي ..
..............................
جت بنت ودفت مجد ومسكت الكاميرا ..
لين .. البنت الصغرى ..
...............................
مرحبببببببببببببببببببببا .. وه بث وه .. شعري حلوو ؟ ميك ابي حلوو ؟ مييييين يصدق أنا أطللع بالتلفزيوون .. ييي وناسه .. أنا لين ليونه لياني .. هبببببله وأوونس وملقووفه عمري 13 سنه بثاني متوسط ..
...............................
ريم .. البنت الوسطيه ..
...................................
مرحبا بنات .. أنا ريم .. هادئة وحبوبة وفله .. عمري 17 سنه .. باول ثانوي ..
......................................
عزام .. التوأم ألأول ..
......................................
أهلا وسهلا بكم في قناة مدري شنوو .. أنا عزووز مطييييح البنات .. واحد مغازلجي وفله وحبووب وطيووب ورومانسي ومجنون وكوول أبوو شي .. عمري 19 سنه ..
.....................................
حنا كنا بنمشي بس سمعنا واحد يصرخ طالعناه بأستغراب ..
.............................
بسام : هههههي وأنا ما أعرف عن نفسي ؟
عزام يضربه على راسه : نسيت أن أحنا توأم ومثل بعض ؟
بسام يمسح على راسه : لا ما نسيت بس لي حق أني أعرف عن نفسي ..
عزام : اقوولك أحنا توأم نفس الشي أنا أعرف عنك وأنت عني ..
بسام : أي صح ..
العمه أسماء : يا أولاد يالله .. بنرووح البر لأن ألأهل كلهم هناك ..
البنات صرخوا بحماس ..
بسام : ياريت أبووي معانا ..
عزام : تعرف أشغأله دائما تلهييه عنا ..
أسماء : عيب يا عزام مهما كان هاذا أبوك ويشتغل عشانكم ..
الشباب سكتوا ..
رن جوال أسماء ..
هلا زين .. ههه الله يسلمك .. لا لا تتعب نفسك بنجي مع الليموزين .. حلفت عليك لا تجي .. أوكي اذا وصلنا بنتصل لك تجي .. مع السلامه
...................................
ببيت الجد ..
...............................
الجد : أسمعوو التقسيم ..
زين .. سطام .. سعود .. هادف .. دلع.. سديم ..
سلمان .. خالد .. معن .. شوق .. تولين ..
كايد .. نوره .. حنين ..
فهد .. علياء ..
عبد الرحمن .. موده ..
................................
بسيارة زين ..
................................
الترتيب ..
زين .. هادف ..
سطام .. سعود ..
دلع .. سديم ..

دلع : عممممممي شغل لنا شي ..
زين : شنوو اشغل ؟
دلع بتفكير : أمم خليلوه ..
هادف : يييييع قديمه ..
دلع : أنا أحبها ..
شغل زين الاغنيه وفتح النوافذ وصار يمشي بسرعه ..
والشباب والبنات يغنوا بحماس .. ماعدا سديم الي ساكته عنهم ..
بالمختصر المفيد وصلووا الكل البر وثبتوا الخيام وشغلووا النار ورتبووا أغراضهم ..
............................................
عند سديم ..
........................................
لبست ثوبها ولفت شماغها على راسها حطت جوالها بجيبها والسماعات بأذنها تسمع موسيقى أزعاج ..
تأكدت أن مافي أحد والكل بخيمته .. طلعت شوي شوي تتسلل وراحت بعييد عنهم وجلست جنب شجره تناضر بالشمس الي باقي عليها ساعتين وتغيب ..
شوي وحست بيد على فمها ..
: ولا كلمه أووكي .. تعالي معاي ( وسحبها )
.....................................
عند البنات ..
.......................................
دلع : وين الهبلة سديم ؟
شوق : مدري يمكن طلعت تتمشى ..
تولين : أنا حسيت أنها طلعت من شوي ..
دلع : يالله خل نستنى شوي وبيجون البنات ..
...................................