البارت 20 ماقبل المصير ! ..

............................................
عند الوليد ..
.................................................
أصر أن يكون مرافق لأخوه عبوش .. لأن عبوش أحتمال ما يطلع الا بعد يومين ..
الوليد : تفضل عبود .. هاذي شوكلاته حاره بتخليك تصحصح على كيف جيران أمك ..
عبد الرحمن : حرام عليييييك نعسان أبي أنام .. الله يخليك الوليد أتركني بحالي .. وبعدين أمي ماتت الله
يرحمها ..
الوليد : شنو يا حبيب قلبي ..؟ لا أنا سهران معاك عشان نتكلم مو عشان تنخمد يا عساك الصمرقع ..
عبد الرحمن يشرب الشوكلاته : خخخخخخخخ الصرمقع أجل ..!
الوليد : خخخخخخخخخخ الصمرقع موب الصرمقع ..
عبد الرحمن تكا راسه على كتف الوليد : غرد أشوف شنو عندك .. اخاف شي سخيف .. !
الوليد حك شعره : مو سخيف سخيف يعني سخيف .. هو يعني ( قاطعه عبود )
عبود : لا تتفلسف أخي العزيز .. ترا راسي مصدع وأحسه بيفقع يعني بسرعه قول شعندك ..
الوليد : ساره .. مسكينه كاسرة خاطري كم مره عذبتها وغير عن كذا خطفتها وتزوجتها وأهلها ما يدروا وأجبرتها تجيب لي ولد .. اخ بس أحس ضميري يأنبني وموب عارف شنو أسوي .. أبي أعوضها بس مو عارف كيف .. تصدق أني أول ما أعترفت لها بحبي من طيبتها سامحتني على كل شي .. ساعدني عبود أبي شي أسويه ينسيها كل شي غلطت فيه أتجاهها ..
عبد الرحمن أبتسم : عندي لك فكره مثل الفل .. بس الأحسن الكل يعرفها بس ساره تحاول ما تعرفها يعني تكون مفاجئه .. ومع شوية رومانسيه من هنا وكم كلمه حلوه من هنا بتنسى أبو الزعل ..
الوليد : غرد أطربنييييي بأفكارك ..
عبد الرحمن : أسمع ...................... <~ خلها مفاجئه لنا كمان ^_^
..........................................
بالمطار ..
...............................................
راح ورا سوزي وتكا على الكرسي من وراها .. وسوزي من زود الشوق لغيث ما حست بيه ..
ناصر ناضرها وهي تكتب الرد بالموضوع وبالصدفه كان الموضوع موضوعه .. أنضاف الرد وكان بلقبها بالمنتدى " بقايا حروف ..! "
ناصر : مرحبا يا الغلا ..
سوزان طنشت أبو جيرانه ..
ناصر : أمهمممممم أجل أنتي بقايا حروف .. ( نط من فوق الكرسي وجلس جنبها ) أنا المايسترو .. ما أتوقع ما تعرفيني لأني نائب المدير ..
سوزان رفعت حاجب " سلامات أستاذ المايسترو ..! " .. رجعت تكتب الردود وترسلها ..
ناصر بسخريه : أخاف ما تسمعييين ..!!
سوزان سكرت اللاب بقوه وتأفأفت " كفايه غيث مو شابك .. يجي لي ذا المخيس وينرفزني " : خيييييييييييييييييييييييييييييييييييييير ياخي .. ما تحس أنك صاير غفيف ..؟ .. ممكن تتركني وتروح لا أنادي لك أخواني وفوقهم الأمن ..
ناصر صفر بسخريه : لا يا الغلا .. ؟ قويييييييه الأمن مره وحده هههههههههاييي .. على العموم ( ناضر ساعته ) رحلتي بعد 10 دقايق .. أشوفك بالطائره .. ( وحط صبعه عند راسها ) وحطي في بالك أني مستحيل أترككك لأنك دخلتي هون ( وأشر على راسه ) سلام ..! ( رسل لها بوسه بالهوا ضغط على جاكيته بغرور ومشى عنها )
سوزان " ههاي .. خفت وربي موب قادره .. جد ناس فاضيه .. قال حطيتك هنا قال "
أما سديم حست به وهو يجلس بينها وبين سوزي بس مثلت أنها ما زالت نايمه .. أجل حطها بباله خخخخ مسكين ما يدري أنه يلعب بعداد عمره .. !
بعد 10 دقايق ..
ألى جميع المسافرين على الرحله 1659 المتوجهة ألى دبي على الخطوط الأماراتيه نرجوا منكم التوجه الى البوابه 154 ..
زين : يلا وين البنات ..؟
سعود : خل نمشي بعدين هم يلحقونا ..
البنات : عمممممممممممممممي ..
خالد : خذوا أغراضكم وألحقونا ..
البنات بأصوات متفرقه : طييييب ..
قاموا البنات ولحقوا الشباب ..
وسديم رجعت نامت وماتدري بالسالفه ..
معن سحب كاميرته الفيديو وأنتبه لسديم ضامه شنطة اللاب وتحت رجلها شنطة موف كبيره فيها أغراضها الشخصيه ..
قرب منها وهزها من كتفها : سدييييم .. سدييييم .. ( بأبتسامه ) سوسو قومي يكفي نوم ..
سديم فتحت عينها وشافت معن ماسك كتفها حمر وجهها وقامت : اسفه ياولد عمي ما أنتبهت ..
معن أبتسم : مافي مشكله يلا ..
النداء الاخير الى المتوجهين ألى دبي عبر الرحله 1659 التوجه للبوابه 154
ركضوا الأثنين للبوابه وخلصوا الأجرائات وصعدوا الطائره وحصلوا تهزيء محترم من زين ألي قلق عليهم .. وطبعا ترتيبهم كان مثل الرحله من الشرقيه للرياض ..
معن – سديم ..
تولين سعود ..
شوق خالد ..
دلع ساره ..
زين جالس بعيد عنهم ..

.............................................
بأرض الديار ^.*
...............................................
حنين بصدمه : سافروا ..؟
نوره وهي تغطيها : أيوا نامي ..
حنين بكت : لييييييييه ..؟ ليه يسافروا وأنا أبي أشتري لي فستان بعد ..
نوره طفت النور : يا بنت خلاص بكره نروح ونشتري لك من مجمع الضهران أسكتي ونامي ورانا شغل من الصبح ..
حنين بصراخ : مابي مابي مابي .. تهىء تهىء ..
نوره هزت راسها وطلعت عنها ..
..................................................
عند البنات ..
ديانا .. رنده .. رزان
.................................................. ..
قاعده على السرير ودموعها بطرف عينها ..
بشار شاتها برجله وطاحت على الأرض : مالي خلقك اليوم أطلعي نامي بالصاله ..
رزان تحت رجله ودموعها أربع أربع : بشار حرام عليك وربي برا برد ومافي كنب أنام عليه تكفى خليني أنام معاك هنا ..
بشار قومها من شعرها : أنا رجال كلمتي تمشي .. وقلت برا يعني برا ( ورماها بالصاله وسكر الباب )
دخل ورما حاله ع السرير والحزن يشوه ملامحه الوسيمه ..

تركت سالفة رزان خصوصا لهاذا البارت وذا المقطع ^.* ..
بشار شاب عمره 25 سنه .. أخو رنده الوحيد .. طبعا ديانا تعيش ببيت خالتها لأنها يتيمة .. بشار يشتغل بشركة أبو رزان ينقل أوراق وملفات حتى راتبه ما يكفيه .. أجل كيف بيكفي أمه وديانا ورنده ..؟ .. في يوم دخل على أبو رزان وشافه متكرن وقافله معه ..
بشار : عمي شفيك ..؟
ابو رزان بتعب : بنتتتتتي بنتييييي يا بشار ..
بشار بأستغراب حط الملفات على الطاوله : شفيها ..؟
أبو رزان : البارحه القذره جايه مع واحد .. مو كفايه مطلقه من أكرم وكل يوم طالعه مع واحد .. والبارحه سهرانه مع واحد قذر مثلها و ( ما قدر يقولها نزلت دموعه ) شسوي يا بشار بنتي خربت لي سمعتي .. رزان بنتي ودلوعتي صارت لي عار ..
بشار : طيب والحل ..؟
أبو رزان بتفكير : تتزوجها يا بشار ..؟
بشار أنصدم ..
أبو رزان : تزوجها وأستر عليها .. هي مو حامل بس مو ( بغصه ) عذراء .. وفوق هاذا بعطيك بيت كبير وضيفتك بتكون سكرتيري ..
بشار بتفكير : طيب يا عمي قبلت .. بس مابي بيت بس الوضيفه ..
أبو رزان : طيب ..
وصار ألي صار وتزوج بشار رزان وستر عليها من شهر .. وهاذي حياتها معاه مجرد تخدمه وتخدم أمه الضريره .. وتسليه لا أكثر ولا أقل ..
.....................................
.....................................

عند البنات ..
.....................................
بما أن الرحله تاخذ ساعه ونص ..
غطوا البنات والشباب بنوم عميق ما عادا معن ألي حط سماعات الجوال بأذنه .. <~ جواله بوضع خارج الشبكه ..
دار راسه وشاف سديم جنبه نايمه بعمق .. ناضر ملامحها النعومه ..عيونها الصغنونه شفايفها الورديه الصغيره شعرها الي طالع من تحت الحجاب ومغطي وجهها .. مد يده ودخل شعرها وعدل شيلتها .. أبتسم بحنيه رغم حركاتها الصبيانيه بعض الأحيان وتهورها عربجيتها الا أنها شكلا نعومه ولها مشاعر أنثويه حساسه .. معن ليش ما تخطبها ..؟ .. صحيح البنت ما تناسبك بس تقدر تروضها .. ناضر سديم بصمت وقرر قراره .. أول ما يرجع بيخبر أهله عشان يخطبوا له سديم .. البنت حلوه بس حركاتها العربجيه تخربها .. بس هو واثق أنه يقدر يروضها ويخليها تصير نعومه وغنوجه ..
أبتسم وسند راسه على الكرسي وغمض عينه وغط بنوم عميق ..
ناصر كان يتمشى بين الكراسي .. قرب من كرسي سوزان وحط بحضنها هديه مغلفه بالأحمر المخملي والشرايط الذهبيه وكان فيها بطاقه على شكل قلب أحمر ..
قعدت سوزي وحست بشي بحضنها .. أستغربت وجود هديه بذا الشكل المريب بحضنها .. سحبت البطاقه وحطتها على جنب فتحت الهديه ولقت نظارة من دولتشي اند قابانا .. وجنبها عطر عطر فرساتشي مغلف بطريقه حلوه ومرتبه .. أستغربت يمكن أحد غلطان !! .. سحبت البطاقه وقرأت المكتوب ..
مرحبا يا الغلا ..
تطنشيني أجل هاه ..؟
على العموم أعتبري الهديه هدية صداقه ..
أتمنى أشوفك بالمطار ..
تمسي على خير يا أم عيون السود
حست سوزي بالعصبيه .. تلثمت وسحبت الهديه وراحت لناصر بأخر الكراسي ..
ناصر : هههههههههههاي هاذا أذا ما ذابت ..
جابر : شوف ذيك البنت جت لك ..
ناصر ناضرها وأبتسم : هلا وغل....
رمت عليه سوزي الهديه : يا قذر تراني بنت متربيه .. لاتعيد حركتك السخيفه ذي لا أتصرف معك تصرف ثاني ..
كانت بتمشي عنه بس ناصر مسك يدها بجرأة ولفها له نزل راسه لأنه أطول منها : عفوا ..؟ مين أنتي حتى ما تقبلي هديتي ..؟
سوزان سحبت يدها ورمته على الكرسي بقرف : أنت واحد قليل أدب بس أنا أعرف كيف أأدبك ..
راحت لعمها بسرعه وجلسته من النوم ..
زين : نعم ..؟
سوزي خبرته بالسالفه ..
زين شياطين الدنيا ترقص قدامه .. ركض لناصر وعطاه كف محترم ..
ناصر مسح شفته بكمه : مين أنت حتى تمد يدك علي ( وعطاه كف أقوى )
زين ناضره بصراخ : أنا من أسيادك وأولاد أسيادك الي المفروض ما تتطاول عليهم ..
ناصر بسخريه : يا شين السرج على البقر بس ..
تعالت أصواتهم والناس حاولوا يفكوهم .. لين ما عطا زين ناصر بكس محترم علمه كيف يحترم ألي أكبر منه ويترك بنات الناس بحالهم ..
رجع ومسك يد سوزي : أذا تعرض لك خبريني ..
سوزان أبتسمت بأنتصار : أوكي ..
وصلت الطائره مطار دبي بعد ساعه من أقلاعها .. نزلوا البنات وخلصوا الأجرائات وأستلموا شنطهم وتوجهوا للأوتيل ..
زين كان مستأجر جناح كامل .. وكان الجناح 4 غرف نوم وصاله ومطبخ ..
الغرفة الأولى كان فيها .. زين و خالد ..
والثانيه .. سعود ومعن ..
الثالثه .. سديم وسوزي وساره ..
والرابعه .. شوق وتولين ودلع ..
دلع : يعني أنا أصير مع البزارين ..؟
توتي وشوشو مطنشين ..
ساره : بزارين بعينك أنتي أكبر منهم بسنه .. وكمان أنتي بزره بالنسبه لنا .. يعني سديم بثاني وسوزي بثالث وأنا سنة أولى خلاص يعني مكانك مع البزارين الي تتكلمي عنهم ..
البنات بشماته : خخخخخخخخخخخخ ..
خالد بنعس : يلا كل واحد يدلف غرفته وينخمد .. ( وبحده ) أن سمعت صوتكم يا المخيسين والله ثم والله لأقطع حزامي على ضهركم ..
شوق : علامه ذا ..!
سديم بصوت عالي : معصب لأن ذاك الوسيم فاز عليه ..
معن حس بالغيره تحرقه بس مسك أعصابه ودخل غرفته .. ما بعد صرت زوجها عشان تتدخل يا معن ..
خالد سحب حزامه وركض ورا سديم والشر يطلع من عينه ..
سديم بأستهبال : ثار النحشششششه يا بنت بتتقطعي .. ( دخلت الغرفة وقفلت الباب )
خالد عصب ودخل غرفته ..
والشباب متسدحين ضحك عليه وعلى عصبيته ..
........................................
الساعه 2:30 الضهر ..
...........................................
ناخذ دوره سريعه على الشخصيات ..
نوره وعلياء وموده ألي طنشت سالفة زواج أبو سعود طلعوا يقضوا لهم ملابس ويكملوا أحتياجات الملكه ..
حنين صياح وبكي وصريخ وهواش لأنها ما سافرت مع البنات ..
هادف يقضي لملكته ويحس أنه بيطير ..
سلمان مازال يطور مشروعه ويدرسه من جميع النواحي ..
الوليد أشتاق موت لساره ومقرر يسوي ألي قاله له عبود ..
عبود بيطلع من المستشفى بكره الليل وحاس بملل بس الوليد يقضي وقته معاه ..
سطام ما زال يجاهد ويحاول يترك المخدرات ألي قطع شوط كبير بتركها وكل ذا بوحده ودون مساعدة دكتور ..
غرام تطير بواحة الأيمان وتحس أنها صارت أحسن وأحلى من قبل ..
عبير فرحانه مثل هادف وتنتضر ليلة الخميس ..
البنات طلعوا من نص ساعه يشتروا لهم فساتين ..
.....................................

عند الشباب والبنات ..
..........................................
زين عارف أن سديم بتقط الأدب وبتستهبل : سديم تعالي معاي ..
سديم فهمت له : عممممي وربي بصير مؤدبه وقصصصصصصصصم ..
زين يتكلم بهدوء يعني معصب حد أبو جيرانه : قلت لك تعالي معاي ..
سديم : عمممي عممممي عممممي بليييييز أبي أبقى مع البنات تكفى وتكفى تهز رجال ..
زين وصل حده وتكلم بهدوء أكثر : للمره العشر طعش تعالي معاي .. <~ معصب بس يستهبل ^.*
سديم بلعت قهرها ومشت معاه ..
البنات بشماته : خخخخخخخخخخخخ ..
سديم طالعتهم وصرخت : جعللللللكم المرررررض ألي يقطكم بالمستشفى ويطيح شعركم وما تعرفوا تتحركوا وأضحك عليكم كذا خخخخخخخخخ ..
الي سمعوها تسدحوا ضحك ..
البنات دمعت عينهم من الضحك وماقدروا وجلسوا على الأرض يكملوا ضحك ..
والشباب وزين ماسكين بطنهم ويضحكوا من قلب ..
سديم دمعت عينها وحمر وجهها طبعا كل شي باين لأنهم ما تغطوا .. ركضت برا المول وركبت الليموزين بسرعه : حذني أوتيل ******
: أوكي ..
زين : الغبيه راحت ..
سعود : ألحقها مسكينه أنحرجت ..
ساره : خخخخ تفجر ضحك بطني يألمني .. ( نغزها بطنها كالعاده ) اح شكلها امنه مسويه لي سحر من جديد ..
تولين : هع هع هع روحوا لها وحنا بنتمشى ..
مشوا البنات يتمشوا ويستهبلوا على الرايح والجاي ..
وزين وسعود وخالد طنشوا سديم وراحوا يتسوقوا ..
أما معن قرر يرجع الأوتيل ويشوفها ..
.......................................
بالأوتيل ..
...........................................
سديم قاعده على الصوفا بالصاله .. بما أنها ضامنه أن ما في أحد بيجي لبست بيجامه قطنيه للشتاء لأن في برد بالأمارات لونها بينك وفيه كلب بالوسط وبنطلونها لونه كمان بينك فاتح وفيه قلوب بينك أغمق .. وشعرها مسويته أثنين .. ماسكه لابها وتشخبط بالرسام ..
دخل معن بعد ما أخذ المفتاح من عند زين .. زين وساره عندهم المفاتيح شافها وبلم .. هيك صارت يعني ~> 0_0
ماتوقع معن يشوفها مره كذا كيوته وغنوجه .. وين سديم العربجيه من شوي ..؟ .. أبتسم ذي البنت شخصيتها متناقضه تصير كل دقيقه على كيف أم جيرانها .. تسند على الجدار ورفع راسها يناضر النافذه ألي بالسقف تنحنح حتى لا يروع سديم ..
سديم أستغربت وناضرته : اسفه مممماكن ..
معن قاطعها : عارف ما توقعتي أجي .. سديم ممكن نتكلم ..؟
سديم لبست عباتها ولفت شيلتها بسرعه : تفضل يا ولدي عمي ..
معن ناضرها : سديم لو تقدم لك أحد من الأهل تقبلي ..؟
سديم : مدري على حسب .. ليش تسأل ..؟
معن : في وحده أبي أخطبها بس أبي أعرف رايها بالأول .. أتمنى تكوني قريبه منها عشان تقيسي نبضها ..
سديم : أممممم طيب .. ساره متزوجه وتوتو وسوسو ودودي خواتك مين يعني ؟ يا شوق يا ( ناضرته بأستغراب ) يا " أنا ؟ "
معن : صراحة في بنات كثير بعائلتنا أو تقريبا بينضموا لنا قريب .. على العموم أنا بوصف شوي من شخصيتها وأنتي أكتشفيها أوكي ..؟
سديم بتحدي : أوكككككي أوصفها ..
معن : صراحة هي كيوتة ونعومه وغنوجه هاذا خارجيا أما داخليا مشاعر متضاربه صعب أوصفها ..
سديم أنطفى حماسها : من وين أجيبها لك ذي ؟؟ .. أوصف شي منها لي شعرها جسمها شكلها أي شي فيها !!
معن : صراحة مره شفتها بنضره خاطفه .. ما أتذكر منها ألا أنها تحب اللون الفيروزي كمان شفتها وهي نايمه صايره بيبي كيوت وذا ألي أعرفه عنها ..
سديم : طيب أن شاء الله على رجعتنا يعني في المطار أخبرك عنها ..
معن بأبتسامه : أوكي ..
سديم أبتسمت ..
معن : طيب سوسو ما تبي ترجعي المول ..
سديم حمر وجهها لأنه قال سوسو : لا ما يحتاج الليله أطلع مع أختي ..
معن : أوكي أنا بنام أذا احتجتي شي خبريني ..
سديم : أوكي .. ( بعد ثواني ) أمممممم معن ( معن دار لها بأستغراب ) نوم العوافي ..
معن أبتسم : الله يعافيك ..
دخلوا الاثنين غرفهم وكل واحد يحس بمشاعر غير .. معن فرحان ومايدري شنو السبب .. وسديم متحمسه تعرف البنت ألي يقصدها ..
........................................
بالمول
.......................................
الشباب أتصلوا لهادف عشان يفصل لهم ثياب بالسعوديه .. وعصب منهم مرررره لأنه مزحوم بالتجهيزات بس بعد محاولات رضا وقدر يجيب قياساتهم .. أما المميز زين شرا له ثوب أماراتي وشماغ سكري عشان يلفه على راسه ..والبنات شروا لهم ..
شوق .. فستان أحمر بدون سيور وعند الصدر في زخرفه بالأسود تمتد لنهاية الفستان .. وسندل أحمر كعب وأكسسوارات سوداء ..
تولين .. فستان أخضر عشبي سيور .. قصير من قدام وفيه كسرات وذيل طويل .. مع جزمه سوداء وأكسسوارات مخمليه سوداء ..
دلع .. للحين ما شرت لها فستان بس عجبها واحد وصورته ..
ساره .. فستان موف بدون سيور مخصر ويتوسع بعدها .. فخم مره وفيه اكسسوارات فضيه .. وقماشه ممزوج بين الفضي اللامع والموف ..
سوزي .. عجبها فستان أبيض فخم بس متردده تاخذه فقررت تستشير حبيبها غيث ألي صار شي مهم بحياتها ..

يوم جديد ..
الساعه 8:40 الصباح ..
...........................................
زين بصراخ : ساره يالله ..
ساره طلعت بتعب : مابطلع .. تعبانه ..
زين بقهر صفق الباب : فكه ..
سعود : علامك أنت ؟؟ أهدأ شوي شوي ..
دلع : عمي أسمع أسمع هاذي حفضتها من فيلم .. ( حركت يدها بالهوا بطريقة تضحك ) ريلاكس عمي ريلاكس ..
الكل : هههههههههههههههههههه ..
شوق : أي كذا فديتك عمو أذا كشرت تصير بشع ..
زين مسح على راسها : بشع ها ؟؟ ( ناضر سديم ) وأنتي ليه ساكته ؟؟ بأي مصيبه داخله ..؟
سديم بحماس : عمي في وحده منا تحب الفيروزي ونعومه وغنوجه بس من داخل مشاعرها متضاربه ومتناقضه ..
سعود بملل : أنتتتتي ..
زين : سديم أذا كنتي فاضييييه فأحنا مو فاضييين .. وبعدين ما دريت أنك تحبي الفيروزي ..!
سديم طالعت معن بنضرات غريبه ..
معن أبتسم لها ..
سديم نزلت راسها ومازالت تفكر " معقوله أكون أنا ؟ كييف ؟ جد أنك غريب يا معن .. *.* "
....................................
وصلوا المول ..
....................................
الشباب راحوا يتمشوا مع بعض ..
شوق وتولين مع بعض ..
دلع راحت تشتري الثوب ألي عجبها ..
سوزان راحت تشتري الثوب الأبيض بعد تشجيع من غيث ..
سديم شرت لها ثوب فيروزي وأكسسواراته فيروزيه مع جزمه فضيه .. الثوب كان موديل فرنسي وفيه كسرات كثير فيه فيونكه عند الصدر وكرستالات .. رغم أن وصفه عادي وشكله عادي الا أنه فخم نوعا ما .. وسعره غالي ..
بس أحلى فستان لحد الحين فستان ساره ..
..................................................
ليلة الخميس ..
الساعه 6:30 ..
..................................................
البنات بالمشغل وكل وحده سوت ألي يناسب شكلها ..
ألا سوزي راحت مشغل ثاني ..
سديم .. مكياجها فضي ممزوج بشوي فيروزي .. وشعرها من الملل خلته سايح .. ورفعت جزء منه بطريقه مرتبه ..
شوق .. سوت شعرها بالفير وحطت على جنب ورده حمراء وطلع شكلها كيوت وجذاب ..
حنين .. مكياجها خفيف وثوبها بنفسجي طفولي بس حلوو .. <~ ما تتخلى عن الدلع ^.^
ساره .. أفخم وحده شعرها سوته تسريحه فخمه ومكياجها بنفسجي ممزوج بفضي .. ومع ثوبها طلع شكلها خيال مغرييييي ويهبل .. <~ فديتها أنا *.^
دلع .. شعرها سايح و مكياجها أخضر فاتح ممزوج بأسود عطاها شكل حلوو وجذاب بس كبرت فوق عمرها كثير وهاذا ألي أزعجها ..
تولين .. تقريبا نفس شوق بس الألوان غير وشعرها حطت فيه جل ورفعته بطريقه حلوه ..
سوزي .. أأأخ بس يا سوزي ملكة الحفل غطت على أبو جمال ساره .. شعرها سوته بف والأطراف بالفير .. مكياجها كان ناعم فضي وأزرق فاتح .. ثوبها أبيض كلاسيكي غريب فيه سلاسل وموديله فرنسي صعب أوصفه . بس خيال تدوووووخ الراس .. وكل ذا من ذوق غيث ألي رسلت له صورة الثوب وعطاها أفكار ..
......................................
رجعت سوزي البيت وجلست على اللاب بسرعه ..
الكل راح الحفل وباقي هي بس .. الحين الساعه 8:30 ولازم تكون موجوده لأنها من العائله ..
دخلت المسن وشافت غيث ..
شروق الشمس : مرحبا حبيبي ..
الأمبراطور : مرحبتين .. حبيبتي سوزي ..
شروق الشمس بأستغراب : لبيه .. ؟
الأمبراطور : أنزلي الحوش وبتشوفي كيس بينك جيبيه وأفتحيه ..
غروب الشمس بأستغراب : أوكي ثواني بس ..
الأمبراطور عبر بفيس مبتسم ..
نزلت سوزي وطلعت الحوش طير الهواء البارد نسمات شعرها ألي طول وصار لكتفها .. شافت جنب الباب كيس كبير مره لونه بينك سحبت الكيس وصعدت غرفتها وجلست على السرير بطريقة طفوليه وسحبت كرتونه من الكيس لونها بني محروق وفيها دواير كثير .. فتحت الكرتونه وأستغربت وجود قطوه صغيره عمرها بحدود الشهر وشعر خفيف يغطيها كانت تغط بنوم عميق والفرو ألي نايمه عليه يدفيها .. سحبت الكرتونه الثانيه وفتحتها وكان فيها سندل أبيض فخم .. طالعت الكيس ألي صار فاضي وشافت ضرف أحمر .. فتحته وكان مكتوب فيه ..
مرحبا يا الغلا .. كيفك ..؟ .. شرايك بالهديه ..؟ هاذي القطوه أنا ربيت أمها وحبيت يكون أول كيتنز لها تربيه أنتي .. أما عن السندل فأنا ذكرت أنك قلتي لي شريتي كل شي ونسيتي السندل فقررت أشتري لك على ذوقي .. لا تسأليني كيف وصلته بيتكم الأجابه بتسمعينها ليلة ملكتنا *.^ .. باي حياتي .. حبيبك غيث ..
سوزي دمعت عينها ومسكت القطوه الصغيره وحطتها بحضنها .. طالعت اللاب وشافت غيث سجل خروجه ورسالته الشخصيه كانت (( أتمنى تعجبك يا الغلا .. ( شكل قلب ) )) ونكه غيره ألى (( هايم بحبها )) ..
أبتسمت بحب وغيرت الشخصي تبعها ألى .. (( رمز البنوته .. رمز قلب .. رمز الصبي )) ونكها ألى .. (( ساكن بقلبي .. )) << يتعاملوا بالألقاب ^_* ..
لبست السندل وكان مثل قياسها بالضبط .. حطت القطوه بسله بنيه صغيره .. طلعت صحن صغير من ألعاب الطبخ تبع أيام الطفوله " يا حلوها بس ^.^ " وصبت فيه حليب .. لبست عباتها وركبت مع السايق حق يوصلها القاعه ..
...................................
بالقأأاعه عند الشباب ..
......................................
هادف متكرن : خويلد متى بشوف عبير ..
خالد : ياخي وربي أحسها أثقل منك .. مو أنت طلبت ما تشوفها عشان تشتاق لها .. ؟؟ أذكرك أنك قلت وبكل ثقه ماتبي نضره شرعيه ..؟
هادف لوا فمه : طيب متى بيجي الشيخ ..
خالد : الشيخ جا بس ينتضروا حضرة ابوك يجي ..
هادف : أأف ..
سلمان : علامه الحلوو متكرن ..؟
سعود : أكيد يفكر بالمدام حبيبة قلبه ..
معن : خخخخ حرام عليكم مو كفايه مشتاق لها ..
سطام أبتسم ..
زين ضربه على ضهره : والله وكبرت وبتتملك قبلنا .. ؟
الوليد : ههههههههههه حرام عليكم حلو عنه أحسه شوي وبيبكي ..
هادف عطاه نضره بمعنى " أنطم " خخ
عبد الرحمن بأستهبال : النحشه يا شباب بيفوور ..
الشباب : ههههههههههههههه ..
وضلوا على ذا الحال هادف متكرن والشباب يتريقوا عليه ..
..............................................
عند البنات بالقاعه الثانيه ..
.........................................
البنات شغالين رقص وأستهبال وتموين على العجايز خخ ...
ساره تعبانه وحاسه أنها خامله .. من يوم تكشف بالأمارات وتطلع النتيجه أنها " حامل " تقفلت أخلاقها وصارت دائما معصبه .. تذكرت ذيك الليله المشؤومه ألي عطت فيه الوليد قرارها .. تنهدت ودموعها على بطرف عينها .. صار ألي تبيه يا الوليد لما أولد خذ ولدي وأحرمني منه ..
دخلت سوزي وكل الأنضار توجهت لها .. وعلى بالهم أنها العروس .. ثوبها الأبيض وشكلها النعومي وبنفس الوقت الجريء عطاها جاذبيه .. حتى أمها وخواتها ما صدقوا أنها سوزان حتى أنهم ما عرفوها بالبدايه ..!
............................................
عند عبير ..
............................................
مسكت القلم بيدين ترتجف وقعت تحت أسمه ..
البنات والحريم : كللللللللللللللللللللللللللللووووووووش ..
سديم ضمتها : مبروك يا الغلا ..
عبير بحيا : الله يبارك فيك ..
ساره بوستها : مبروك يا قلبي ..
عبير : الله يبارك فيك ..
البنات باركوا لها .. وطلعوا يرقصوا وبقت معاها ساره وفاطمه أختها وأمها وأم ساره ..
شوق : خالتي يلا خل عبير تطلع ..
طلعت عبير على أنغام الموسيقى الهادئه وهمسات صوت هادف بقصيدته الشعريه تداعب مشاعرها الأنثويه ..
أم ساره وأم عبير : كللللووووووووش ..
البنات : كلللللللللللوووووووووش ..
جلست عبير على الكوشه بخجل والجميع حولها يرقص ويهنيها ..
فاطمه : وكبرتي يا الدلوعه وصرتي حرمه ..
عبير : هههه .. حرمه مره وحده ؟ تراها ملكه مو زواج ..
فاطمه جلست تحتها : أذا ذي الملكه كيف العرس ؟ والله يلعبوا بالفوس لعب .. بس أنتي لا تبقي كذا لازم تستغلي حبه وتاخذي فلوسه ..
عبير أبتسمت مجامله .. فاطمه دائما كذا ماديه وتفكر بالفلوس ..
..........................................

عند الوليد ..
...............................................
عبد الرحمن : ها .. كل شي جاهز ..؟
الوليد بحماس : أيوا .. متحمس متحمس كثييييير ..
عبود : عاد مو تفشلنا وتقط الثقل خلك ثقيل على رومانتك ..
الوليد بضحكه : حاضر ..
فهد : شبباب روحوا جيبوا القهوة من قاعة الحريم ..
سعود : عمي جبت من شوي ..!
كايد : خلص بسرعه روحوا جيبوا من جديد ..
معن وهو رايح : أنا بجيب ..
دخل قاعة الحريم جهة المطبخ .. وشاف سديم ودلع يرقصون فوق الطاوله ومهيصين على الاخر .. كتم ضحكته وهو يسمعهم ..
سديم بدلع : ياربيه دلع موب عارفه أهز ..
دلع تهز بمهاره : كذا كذا بوصي وتعلمي يا هانم ..
سديم شاتتها : أأف منك بس ..
دلع : خخخخخخخخخخ .. أنا بروح أجلس جنب العجايز يمكن أحصل لي واحد من هنا أو هناك ..
سديم بعربجه : هع هع هع .. <~ متناقضة الشخصيه هاع ..
دخل معن وتنحنح وهو منزل راسه ..
سديم شهقت ودارت وراها شافت معن وتجمدت ..
معن ما زال منزل راسه : كيفك يا ( بأبتسامه ) أم الفيروزي ..؟
سديم ما زالت على حالها عاجبها الوضع خخخ : بخير .. معن طفشششششششششت وأنا أدور على ألي تبيها .. خبرني أسمها على الأقل ..
معن رفع راسه بثقه : متأكده ما عرفتيها ..؟
سديم بلعت ريقها من نضرته : ها .. أيوا ..
معن سحب القهوة والشاي : ناضري نفسك وبتعرفيها ..
سديم ناضرت فيه بصدمه : أنا ..؟
معن ناضرها : أيوا أجل مين تحب الفيروزي ؟ ومين النعومه بس عربجيه ؟ من زمان المفروض تعرفي أنك المقصوده .. بس شكلك تستهبلي .. ( غمز لها وودعها بيده ) سلام ..!
سديم ما زال الكلام يتردد بمخها .. معقوله معن يبيني ؟ معقوله كل ذي المده يناضر فيني ويفكر فيني غير عن تفكيري على أنه ولد عمي ؟! ( حمر وجهها بقوه ) معقوله ما زلت واقفه كذا وبثوبي ذا ! ..
شوق بصراخ : سديييييييييييييييييييييم من متى أناديك ..؟
تولين : وبعدبن شذي المسخره ؟ أنزلي لاتفشلينا ..
دلع جت تركض : ألحقووووووووووو بنات هادف بوس عبير بخدها ..
البنا برمانسيه : واو ..
راحوا البنات وشافوا هادف يلبس عبير خاتم الماس ..
هادف : وحشتيني يا الغلا ..
عبير وخدودها حمر : وانا أكثر ..
بعد ما خلصوا راحوا غرفه عشان تصورهم المصوره وأكيد كانت الصور ما تخلى من نذالة المصوره والحركات الجريئة *.^
سديم بهمس : يلا بنات روحوا خبروا الوليد يدخل ..
دلع : أتصلت من شوي ..
شوق : بروح أخبر الطقاقه تستعد ..
البنات : أوكي ..
ساره بتعب : علامك أنتي وياها ..؟
دلع بترقيع : نقول أنك تخبلي ..
تولين : هههه ما تعرفي ترقعي .. أسمعي ترقيعتي ( هنا البنات عيونهم صارت لمبات ددسن خخ ) نقول يا طويلة العم ....
البنات سحبوها ومشوا معاها بسرعه ..
ساره تأفأفت ودارت وراها .. بس ألي سمعته صدمها ..
كان صوت العاشق الوليد يرن بأذنها .. والكل يناضر الوليد ألي واقف بكامل أناقته ويناضر ساره ألي واقفه بصدمه << مسجل صوته ومتفق مع الطقاقه تشغله لما يدخل ..
أحبك يا الغلا كلمه حاولت أقولها .. ساره ( ساره لفت له ومازالت مصدومه من المفاجئه ذي ) .. تدرين أنك الوحيده ألي سكنتي قلبي .. أتمنى تسامحيني على كل غلطه غلطتها بحقك .. والحين اقولها لك وبكل معالم الحب والرمانسيه .. أحبببببك يا الغلا ..
وأرتفع صوت الأغنيه ..

عشان الحب واللي بيني وبينك

عشان الحب وعشان أيامي وسنينك

أبيك تراجع إحساسك

و تنسى جروحي و الامك

حرام انه بهذا البعد

تضيع أيامي و أيامك

أدري البعد أثر فيك

و تدري البعد ذابحني

حبيبي الله يخليك

أبي ترجع تريحني

انا اترجاك

لا تنسى ليالي الحب وسنيني

وحاول لأجل حبي لك

انك ما تخليني

سحبت علياء بنتها بأبتسامه ووقفتها ببداية الممر .. مسك يدها الوليد ومشا معاها .. الكل كان يطالعهم ويناضر الحب بعيونهم .. وصلوا الأثنين لنهاية القاعه وتحولت الاغنيه ألى موسيقى رومانسيه مرره .. مسك الوليد كتف ساره ويده الثانيه بيدها ورقصوا مثل الأفلام الرومانسيه ..
ساره : ليه تعبت نفسك ..؟
الوليد : تعبك راحه حياتي ..
ساره قررت تزف له البشرى : الوليد أنا أنا .. ( بحيا ) حامل ..
الوليد ضمها بحب : وهاذا ألي بيربطنا ببعض أكثر يارب يكون فاتحة خير لنا .. والأهم نكون عائله ..
ساره : مو هاذا ألي كنت تبيه ؟ ( ونزلت دموعها )
الوليد مسح دمعها وباس صبعه : دموعك ذي ما تنزل وأنا حي ( وبحده ممزوجه بحنيه ) .. فاهمة ؟؟ .. وهاذا كان قبل يوم أني اكابر بحبك .. أما الحين أنا أموت على التراب ألي تمشي عليه ..
ساره بحب : فاهمه ..
ناضرت ساره الفلبينيه ألي تجيب العربه الحمرا .. كان عليها كيكه فخمه من طبقات ثلاث ومكتوب عليها من فوق .. ساره & الوليد .. " حب للأبد "
قصوا مع بعض الكيكه .. وأكلوا بعض مثل كل حفله تصير ..
بعدها أخذ الوليد طقم الألماس ولبسه ساره ..
ساره بحب : كثير يا الوليد وربي كثير ..
الوليد : ترا أزعل منك ..
ساره : هههه خلاص كل شي ولا زعلك يا ( قاطعها الوليد )
الوليد : أجبري بخاطري ذي المره وقولي حبيبي ..
ساره بطريقه رومانسيه : حبيبي =)
البنات صفروا وصفقوا بحماس ..
بعدها قاموا الأثنين يصوروا مع بعض .. ورغم أن المفاجئه ما تعدت النص ساعه .. الا أنها كانت أحلى نص ساعه بحياة الاثنين ..
ساره بدلت ملابسها لأن البنات جابوا لها ملابس خفيفه ..
سديم ضمتها : تروحي وتجي بالسلامه ..
علياء ضمتها وهي تبكي : أنتبهي لنفسك حياتي ..
ساره : تعالي أنتي وياها .. شنو السالفه ..
الوليد : مفاجئتي الثانيه .. شهر عسلنا بروما ..
ساره : ياربي الوليد بلاش سفر .. والله حياتنا كذا احلى ..
الوليد : ههههه لا لازم ..
توجهوا الأثنين المطار عشان يسافروا ألى أحلى أيام عمرهم وشهور عمرهم .. ألى شهر مليء بالحب والرومانسيه .. ما راح نزعجهم خلاله وبنتركهم براحتهم ^.*

أنتهى البارت ال 20

بعد 3 أيام ..

سديم : مشغوله بتجهيزات ملكتها ألي بعد يومين .. ومستغربه أن مجد ما أتصلت تبارك لها ..
شوق : وصلها خبر أن بسام يبي يخطبها ..
حنين : معصبه حد أبو الدعسه لأن روز تتدلع عليها بسالفة مدرستها الأهليه ..
خالد : اليوم رجوعه هو وهادف من الكويت ..
هادف : حزين على حال صديقه ..
سلمان : يمشي تمام بالمؤتمر والكل عرفه وحس أنه أنسان ذكي وبيقدر يتغلب عليهم .. <~ موفق سلووم ^.^
ساره : تحس بالفرح مع الوليد .. وتتمنى تضل حياتها كذا .. <~ دوم الفرحه سارونه .. ^.*
الوليد : حياته مع سوير مثل الفل .. ويشكر عبود ألي رتب له كل شي من وألى ..
عبود : حاله ما يعلم بها ألأ الله .. عصبيه .. اضراب .. وحزن ..
دلع : عرفت بسالفة صديق هادف " جراح " وحزنت على حاله وترحمت على ميثه ..
تولين : عرفت أن عزام يبي يخطبها ..
سوزي : غيث خبرها أنه بيجي بيتهم هو وأهله عشان يخطبوها والموعد .. " الليله " <~ موفقه غلاي =)
..............................................
ببيت أبو سعود ..
...............................................
موده معصبه وتصارخ على الخدم .. : سيييييييييييتييييي بسرعه جيبي البخور ..
تولين بملل : يمه السالفة ما تحتاج كل ذا .. هم بس بيشوفوا سوزي وبيمشو ..
موده بصراخ : وأنتي للحين ما لبستي ( شاتتها للدرج ) روحي ألبسي ييمكن عندهم ولد ثاني يزوجك ويفكني منك .. ( رفعت يدها ) يالله تاخذ روحهم ووراهم أبوهم يا كريم ..
تولين حزت بخاطرها الحركه وركبت تبكي بغرفتها ..
دق الجرس ودخلوا الضيوف وكانوا أم غيث .. أخت غيث .. خالته ... أبو غيث .. غيث ..
ومثل كل مره مقدمات وسوالف عاديه .. وبعدها يدخلوا بالموضوع الأساسي ..
موده : والله هاذي الساعه المباركه وحنا نتشرف بكم ..
أخت غيث " مها " : وين عروستنا نبي نشوفها ..
موده : ألحين أناديها .. ( رفعت التلفون ودقت على غرفتها )
موده : سوزي أنزلي ..
سوزان " سوزي ها ..!؟ " : طيب ..
نزلت ودخل عليهم والكل تفاجىء من جمالها ..
لابسه تيشيرت مخصر عليها لونه تركواز ومزخرف بالفيروزي .. مع تنوره للركبه جينز .. وشعرها الي لكتفها سايح ورافعه جزء منه بفيونكه .. وحاطه لها كحل وروج خفيف ..
أم غيث : ما شاء الله .. كيفك يمه سوزان .؟
سوزي سلمت عليها : بخير خالتي وأنتي شلونك ..
أم غيث أعجبت بها اكثر : تمام بشوفتك ..
سوزي سلمت على مها : كيف قلبوو ..؟
مها : بخير الحمد لله كيفك أنتي ..؟
سوزي : عال العال ..
وبعد سوالف ومدح بسوزي .. وافقت سوزي على غيث وتحددت الملكه مع ملكة معن وسديم .. <~ كلللوووش مبروك علينا ^_^
............................................
بعد يومين ..
يوم الملكه ..
..........................................
دخلت سديم بثوبها الفيروزي " يا ليل رجعنا لنفس اللون *_* " كانت نعومه مره .. ثوبها موديله فرنسي ناعم مره وشعرها تسريحه خفيفه .. ومكياجها نعومي بس الروج أحمر فاتح .. كانت قمه بالنعومه والخجل ..
وبعد ساعه .. دخل معن بالمشلح البني ألي عاطنه جمال وهدوء أكثر .
معن باس جبينها : مبروك يا سديم ..
سديم بخجل : الله يبارك فيك ..
البنات صفروا وصفقوا بحماس ..
تولين بنذاله : معععععععععععن سوي ألي قلت لك عليه ..
شوق متحجبه : أيييييييي معن ألحييييييييييين بسرعه ..
سديم معصبه مره وماسكه اعصابها ..
معن طالعها بخبث ..
سديم ولونها أحمر : معن لا بليز ..
معن ضحك ومسح على ضهرها : ومن قال لك أني أصدق بزارين ..؟
سديم أبتسمت بأنتصار وطالعت البنات ..
وعلى طول معن طبع بوسه على خدها ..
دوروا سدييييييييييييييييييم تخبت تحت الطاولات من الخجل .. صار لون وجهها عنابي .. أحمر صارخ
البنات : ههههههههههههههههههه ..
نوره تمسح دموعها : الله يوفقك يا بنتي ويسعدك مع ولد عمك .. من بقا لي غير اخر العنقود حنين أذا شوق بتلحق أختها بالأجازه ..
موده تمسح دموعها : أميييين .. وحنين بتسليك وأنتي عارفه هاذي سنة الحياة .. يالله سوزي أنخطبت وتولين بالاجازه ومعن تركني بقا لي سطام وسعود ودلع الله يوفقهم أن شاء الله .. ما أحد بيبقى لي بعدهم اذا زوجي مل مني وتزوج علي والحين لاهي مع زوجته وولده ..
نوره ناضرتها بحزن وتنهدت ..
علياء تبكي : أذا أنتو كذا أجل أنا شنو؟ .. ساره تركتني وهادف زواجه بالأجازه .. وسلمان طاير لي بذي الديار من مؤتمر لمهرجان لمدري شنوو .. ما بقا لي غير خالد الله يوفقه ..
الحريم : امين ..
صوروا معن وسديم مع بعض وطلعوا يتعشوا ..

..........................................
عند الشباب ..
بالقاعه الثانيه ..
..............................................
مسك القلم ووقع تحت أسمه .. تفنن بتوقعته وطيور الحب ترفرف فوق راسه ..
سعود : يالله غيث جيب الدفتر ..
رفع غيث راسه وأنصدم بس أخفى صدمته بأبتسامه : أنت ..؟!!
سعود : أنت ..؟!!
خالد : أنت ..؟!!
معن : أنت ..؟!!
غيث : هههه شفتوا كيف الدنيا صغيره ..؟
سعود يحاول يستوعب ..
وبعد ثواني ضحكوا كلهم ..
كايد : سلامات شباب ...؟!
الشباب ما زالوا يضحكوا ويسخروا على الدنيا ألي جمعتهم بمكان واحد وصنعت منهم نسايب ..
مستغربين صح ..؟ ^^ .. طيب تذكروا سالفة سعود بالبارت الأول .. <~ نسترجع الأحداث ..

بالجامعه .. على كراسي الكافتيريا ..

سعود وهو يشفط من الزجارة : نسيت انه يلتزم الصمت
خالد : ايوا نسيت هاهاها
معن بملل طالعهم ورجع نضره لملزمته يذاكر ,,
: لو سمحت اخوي ممكن تطفي الزجارة لاهنت ؟
سعود وهو يطالع زجارته : تقصد ذي ؟
: ايوا
سعود نفث دخانها بوجه الولد : ليه يعني تخرب وناستي ؟
الولد بهدوء : ممكن تطفيها ؟ احنا معنا الربو
سعود : لا جددددد ؟ لا حبيبي انا لازم اطفيها عشان عيونننك يا قلبي .. ( ورما الزجارة على ثوب الولد )
الولد تباعد بسرعة : ياخي بتطفيها ولالا ؟
سعود بملل : لا ..
الولد عطاه نضرة غامضة وراح عنه ..
تدروا مين كان الولد ..؟ .. كان ..
غيث ..!

................................................
عند الحريم ..
.................................................. ...
دخلت سوزي بفستانها الأحمر كانت قمه بالجمال .. والكل عارف سوزي كيف تلبس .. كلاسيك ممزوج بجريء .. مها بلمت ما توقعت في ناس بذا الجمال .. وخاصة أنها تعرف سالفة سوزي لأن غيث خبرها ..
وبعد الطقطقه والرقص .. جا وقت دخول غيث ..
نضرات سوزي تترقب دخول حبيبها وخطيبها غيث ألي ما قبلت تكون في نضره شرعيه بس عشان تشتاق له وتشوفه بملكتها .. تأخر دخوله خمس دقايق وبدأ الخوف يسري بكل دره بجسمها : مه..ا لي..ه ما دخ..ل ؟
مها تصطنع الغباء : منو ..؟
سوزي بلعت ريقها وحست بالخجل وهي تنطق أسمه : .. غي...ث
مها أبتسمت : هاذا هو شرف ..
سوزي نزلت راسها بخجل لما لمحته ..
دخل غيث بجادبيته وجماله ووسامته .. خقققق الكل خق عليه البنات ما قدروا يسكروا فمهم .. ومها وأمها يناضروهم بغرور .. خلاص طار من يدكم خخ .. ما في ألأ مسافة بسيطه بين العشاق غيث وسوزي ..
رفع غيث راس سوزي بنعومه : يالبيه على ذي العيون ألي تعذبني ..
سوزي خجلانه مررررره ..
غيث طبع بوسه خفيفه على جبينها : مبروك قلبي ..
سوزي بنعومه : ربي يبارك فيك ..
غيث : من يصدق ألتقينا ..
سوزي أبتسمت بخجل ..
جت مها تسحب عربه فخمه .. كان عليها طقم ألماس حلو ونعوم مررررره ..
مسكه غيث وقرب من سوزي مشان يلبسها ..
سوزي وجهها أحمر وهي تحس فيه يلبسها الطقم .. وبعد سوالف التلبيس ألي مالنا فيها شي ^.* تركوهم الناس وتوجهوا ألى القاعه الثانيه عشان البوفيه ..
سوزي : غييث ..
غيث برومانسيه : عيونه ..
سوزي : تسلم لي عيونك .. أنت وعدتني بشي ..
غيث بضحكه : للحين تذكري ..؟
سوزي بحب : كل شي منك اذكره ..
غيث : حياتي والله .. أسمعي ..
بما أنك خبرتيني شنو شريتي راجعت الي قلتيه وشفت أنك ما شريتي الجزمه .. فشريت لك جزمه حلوه من أختياري ورتبت للقطوه مكان وأنتي عارفه ابوي تاجر وأنتي قلتي أن زين يصير لك فسألته عنه وخبرني مكانه ووين بيته .. رحت للبيت وشفت بزارين يلعبوا وسألتهم اذا يعرفوك ..
غيث : يا حلوه تعالي أنتي و هي ..
حنين : ها .؟
روز : شتبي ..؟
غيث : تعرفوا بنت اسمها سوزان ..؟
حنين بذكاء : لا .. ليش تسأل ..؟
روز : هي نعرفها هاذي بنت عمك ..
حنين بهمس ما يسمعه ألا ألي يركز : حلوه حنا ما نعرفه عشان نقول أي .. وبعدين شعرفه بسوزي ..؟
غيث أبتسم وقرب لها 500 : والحين تخبريني وين بيت بنت عمك ..؟
حنين : ما أتكلم بالفلوس ..
غيث طالع بروز : وأنتي يا قمر خبريني وين بيتهم ..؟
روز أشرت على القصر ببراءه : هاذا ..
غيث أبتسم وعطاها حلاو و500 ..
غيث : يا حلوه تسوي لي خدمه وأعطيك 500 ثانيه ..؟
روز هزت راسها ..
غيث .. : خذي هاذا الكيس وحطيه ورا ذيك الشجره ..
روز هزت راسها ودخلت القصر ألي كان بابه مفتوح وسوت ألي قاله لها ..
عطاها غيث الفلوس وناضر القصر وابتسم : اه يا سوزي وربي أحبببببك ..
روز وحنين تهاوشوو وكل وحده تركت الثانيه ..]
سوزي بعد ثواني ضمته : شكررا شكررا على كل شي سويته يا غيث .. وربي مو عارفه كيف أشكرك .. خليتني أناضر الدنيا من طريق ثاني .. رجعتني سوزان الدلوووعه سوزان الأوليه ..
غيث ضمها بأبتسامه : أنسي ألي صار .. وعهد علي لأعيشك حياة سعيده ..
البنات مع مها يناضروا من النافذه ودموعهم على خدهم طالعوا بعض وابتسموا ورجعوا للحريم ..
..............................................
بعد مرور سنتين ..
..............................................

وبعد مرور سنتين على الأحداث .. كل شخصيه أرتبط أسمها بشريك حياتها .. الأيام تمشي وشخصياتي يمشون على سلم موسيقي .. يعزفون أرقى أنواع الموسيقى بكل حب ورومانسيه .. وماذا يريدون بعد أن أحبوا وفازوا بالنهايه ..
...............................................
يعزفون على البيانو .. سديم & ومعن
............................................

.. بأرض روما ..
سديم جلست من النوم وناضرت الساعه وكانت 10:00 .. رفعت شعرها وقامت من على السرير .. دخل معن يدندن ومروق مره .. وكان جنتل خقق .. <~ معن تعالج بعد ما تزوج سديم .. مع أن العرج ألي برجله ما يبان أبدا ..
معن : صباحك سكر حياتي ..
سديم بدلع : صباح الورد حبيبي .. موني ليه ما جلستني أنت نسيت أن عندي محاضره ..؟
معن رفع شعرها : وربي ما حبيت أخرب نومك وخاصة أنك نايمه متأخر .. ( وغمز لها )
سديم رمت عليه الخداديه بأحراج ودخلت الحمام ..
معن ضحك بهدوء وجلس ع السرير ..
طبعا معن مثل ماقال قدر يروض سديم .. معاه تكون قمه بالنعومه والرومانسيه أما مع البنات تنسى عقلها خخ .. وهم جايين روما حتى يكملوا دراسه ..
.................................................
يعزفون على الجيتار .. شوق & بسام ..
................................................
شوق بخجل : خلاص حبيبي هانت كلها شهر وبنتزوج ..
بسام : وهاذنتي قلتيها .. أنتبهي لنفسك قلبي وانتبهي لصحتك ..
شوق : من عيوني .. وأنت بعد أنتبه لنفسك ..
أخذت شوق جوازها والتذكره وتوجهت للطائره عشان ترجع الشرقيه .. لأنها كانت نايمه مع لين ..
.................................................. .
يعزفون على العود .. تولين & عزام ..
...............................................
تولين تكلمه بالجوال : هههههه يالله زواجنا قرب ..
عزام بحب : ما تعرفي شقد مشتاق لك موت .. بس للحين ماطاح ألي براسي ولازم أعاقبك ..
تولين أنحرجت مره : دووب .. قلت لك عندي أمتحان وأنت عارف ثاني ثانوي ولازم نسبه .. ( وبرومانسيه ) يعني صبرت شهرين ما تقدر تصبر شهر ثاني ..؟
عزام : يالله هانت .. ونصبر لعيونك ..
تولين أبتسمت بخجل ..
.................................................
يعزفون على الناي .. ساره & الوليد ..
.................................................. .
ساره بتعب : بندر خلاص ماما نوم ..
بندر يضحك ببراءة ..
الوليد : ههههههههه للحين مانام ( وحمله بحب )
ساره : لا طالع على أبوه عنيد ..
الوليد : ههه .. الله وأكبر بس .. أذا أنا عنيد أنتي شنو ..؟
ساره بهبال : زوجتوو ..
الوليد : هههه ..
...............................................
يعزفون على الأوريغان .. عبير & هادف ..
................................................
يتمشى معاها على على شاطيء يعكس قمة الهدوء.... وفي وقت الغروب .. " بتركيا .. بالتحديد أسطنبول "
هادف : يالله متى بس أشوف أولادي ..
عبير تناضر بطنها : هه يالله كلها 3 أشهر ويشرفونا ..
هادف : بما أنهم بنت وولد .. أنا بسمي البنت .. هبه ..
عبير : وأنا بسمي الولد .. أمممم شنو أسميه .. رائد ..
هادف : هم خلهم يطلعون أول .. ههه ..
عبير مسكت يده : هههه ..
..........................................
يعزفون على المزمار .. زين & غرام ..
........................................
زين : صدق الله العضيم ..
غرام : ها تؤبرني خلصت من الختمه ..؟
زين : ايوا وبهديها لعمي عثمان الله يرحمه ..
غرام : الله يرحموو .. مع أني ما جلست معوو ألا أني تاثرت لما توفي ..
زين ضمها : يالله هاذي سنة الحياة ..
دخلت عليهم بنوتتهم " عائشه " : بابا ماما ..
غرام أنحرجت وبعدت عن زين ..
زين حملها : نعم قلبي ..
عائشه ضحكت وضمت ابوها ..
عائشة عمرها سنه ونص .. معوقه شوي .. بس أبوها وأمها متعلقين بها مره .. ومع أنها مريضه بالرعاش الا انهم يحبوها وصابرين على مرضها ويدعوا لها بكل صلاة
.........................................
يعزفون على القانون .. سعود & مها ..
..........................................
سعود : شكلك تبيني أأدبك ..
مها : هاذا أذا قدرت ..
سعود : تتحدي ..؟
مها ركضت وسعود يركض وراها .. ضحكت وتخبت ورا الشجره ..
سعود مسكها : نيهاها .. ما اقدر ها ..
مها : ههههههههههههههههه ..
سعود يحرك يدها ببطنها ويضحك عليها ..
مها : ههه هه هه هه تكفى هههه خلالالاص هههه ..
..............................................
يعزفون على الهورن .. سوزي & غيث ..
..........................................
تعالت صرخات البيبي وتوجت السعاده بتلك الغرفه .. أخذت الممرضة البنوته الصغيره وحطتها على صدر سوزي ..
سوزي تسمع بكاء بنتها أبتسمت وغمضت عينها ..
غيث ودموعه على خده ويضم يدها : الحمد لله ع السلامه سوزي ..
سوزي بتعب : الله يسلمك .. غييث أنتبه لبنتي .. أحس أني بموت ..
الدكتوره باعدت غيث : اسمح لي سيد غيث .. المدام تعبانه ولازم ترتاح ..
غيث بخوف : علامها سكككتت شفييييييها ؟؟؟
الدكتوره : لاتخاف أنت عارف كيف كانت ولادتها صعبه مره .. عشان كذا تعبانه ..
غيث تنهد براحه وراح يشوف بنته ..
........................................
يعزفون على السكسفون .. دلع & جراح ..
.........................................
دلع تسحب شنطتها : جراح حبيبي ..
جراح ماد بوزه ..
دلع : يووه للحين زعلان ..؟
جراح : أول عطيني بوسه ..
دلع : يووه جراح ما تشوف الناس ..
جراح جلس بمقعده بالطائره : أنتي شايفه حنا اخر ناس ومافي أحد يشوف يلا بوسه بسرعه ..
دلع : جوجيييي ويش بوسته بالبيت عيب هنا ..
جراح سكت عنها ..
دلع ضحكت وباسته ..
جراح : أي خلك كذا مؤدبه ..
دلع بنعومه : ههههه ..
..........................................
أما بالنسبه للشخصيات الثانيه ..
............................................
حنين صار عمرها .. 12 سنه .. أول متوسط ..
خالد .. صار عمره 24 سنه .. ومازال متمسك بقضية الحب قبل الزواج ولم يرى من تستحق أن تكون زوجه له ..
سلمان .. أصبح مشهورا ومعروفا وكل من يقف بوجهه يتوقع خسارته .. نجح بكل مؤتمر يخوضه و فتح شركه كبيره باسمه .. ومازال " عزابي بعمر ال 28 " ^.^
عبود .. منذ ذلك اليوم المشؤوم وهو بعيد عن العالم يسافر لكل مكان حتى أستقر بفرنسا ليتابع دراسته ..
موده " أم سعود " .. أزدادت المشاكل بينها وبين زوجها عبد الرحمن .. وبعد عدة شهور أرسل ورقة طلاقها .. ولاكنها وبذكائها أستطاعت أن تزور ورقة تثبت أن البيت بأسمها ولاكن ماذا بعد أن خسرت أبنائها وزوجها ولم يتبقى لها الا المرض الوفي الذي لم يفارقها منذ 3 اشهر .. " سرطان الدماغ " <~ ربي يحمينا منه ..
سطام .. أستتطاع أن يتغلب على ذلك الشي القاتل " المخدرات " وبعد عدة محاولات من تركه تغلب عليه واصبح معروفا باصغر أمام مسجد لم يتعدى عمره ال 20 سنه .. وزيادة على ذلك اصبح رجلا بهيئة الأمر بالمعروف والنهي عن المنكر .. <~ ربي يوفقه .. ^.^
رزان .. ما زالت على حالها مشاكل بينها وبين بشار وهي من جنت على نفسها ..
*
*

لحضة حقيقه
*
*
سديم شوق وحنين أو بالأصح عائلة كايد حقيقيه .. بس الأعمار غيرتها حتى تناسب الأدوار ..
ساره .. كمان شخصيه حقيقيه ..
أممم حتى خالد حقيقي ونفس الشخصيه .. << بتكفخ صح ^.* ..
الأعمار لعبت دور بالقصه .. الا أن حنا بالحقيقه ما زلنا أطفالا .. ^.^



وبكذا انتهت الروايه