التعريف بالشخصيات..


\
/
\
/

نبدأ اول شي بالخبر ..
الباب الحديد الكبير ينفتح ..
ندخل واحنا متحمسين ^^
ممر طويل نوعا ما وعلى جوانبه انواع الورود .. النخيل شي مهم بذا البيت .. نافورة فخمة رغم شكلها القديم تقطع الممر الى نصين .. شكلها مثل الحورية الي تطلع الموية من فمها .. انوار حمراء وخضراء وصفراء تزين قاع النافورة .. بوابة حديد كبيرة تنفتح وتستقبلنا شابة بال 40 ..
اخلي كل فرد بذي العائلة يعرف بنفسه ..
الام وصاحبة البيت (( نورة ))
مرحبا قراء غرام .. انا صاحبة البيت عمري بال 43 من وجهة نضري انا انسانة عصبية بس طيوبة شديدة شوي على عيالي .. المفروض اني اشتغل .. بس بنتي الكبيرة سديم منعتني من كذا ^^
.................................................. ...
الاب وصاحب البيت (( كايد ))
السلام .. انا صاحب البيت وعمري 47 سنة .. انا انسان حازم شوي .. طيب وعصبي .. امزح بس وقت الجد جد .. اشتغل موضف بشركة ارامكو السعودية .. وحياكم الله في بيتي ^^
.................................................. .......

البنت الكبيرة (( سديم ))
الو الو .. 1 .. 2 .. 3 .. ليه تطالعوني كذا تراني اجرب المايك .. احم انا البنت الكبيرة بعائلتنا المتواضعة .. انسانة عربجية ومغرورة شوي .. شوي بس ها ^^ .. يعني لاحد ياخذ عني فكرة ^^ .. مرحة بس حساسة شوي .. احب القيادة بس اتردد بالموضوع .. اهم شي فيني ويعجبني اني متهورة بقوة .. اتمنى ادرس بايطاليا .. عمري 18 سنة .. ثاني ثانوي علمي

.............................................

البنت الوسطية (( شوق ))
مرحبا .. انا البنت الوسطية .. دلوعة البيت .. انا احس اني حلوة فديتني .. دلوعة ودلعي لايق علي .. شطورة .. وطيوبة .. هوايتي اني اهاوش سديم هع .. عمري 15 سنة – ثالث متوسط

.................................................. .
البنت الاخيرة (( حنين ))
هلا بنات .. انا حنين الحنونة.. طيوبة وشطورة ودافورة وامتلك مستشفى كامل لي انا وحدي .. عالجت من قبل جدتي وجدي .. وبصراحة ابقولكم سر .. انا الي ولدت امي وابشركم جابت ابوي .. عمري 10 سنين .. رابع ابتدائي

...........................................

خلصنا من عائلة .. كايد العتيبي .. اتمنى استمتعتوأ معاهم ونروح لعايلة ثانية ..
نورة : لا مايصير تطلعوا ما تقهويتوا ولا تعشيتوا معانا ..
انا : فديتك خالتي .. ورانا اشغال بنرووح لفلل ثانية
نورة : الله يحفضكم ..
.............................................

فلة تصميمها مثل تصميم الاولى .. تكون بوجه فلة كايد ..
دقينا الجرس 3 مرات بس لامجيب ,, فقررت احد القارئات العربجيات كسر الباب .. كسرناه ودخلنا ولا كأن مسوين شي هع
سمعنا صوت بوحدة من الغرف ..
ركبنا كلنا بحماس .. وشفنا بنت فوق اخوها وتهاوشه
سارة : خالد جيب المايك
خالد يسحبه : انا اخدته اووول روحي عن وجهي
سارة : قلت لك جيبه
خالد عطاها بكس بخشمها .. ومسك المايك

.................................................. ....

الخالد (( الابن الاوسط بالعائلة)) ..
مرحبا الساع .. انا خلودي .. انا انسان مثقف ونادر الوجود .. يعني لو تلفوا الدنيا ما تشوفوا مثلي .. انا وسيييييييييم واطيح الطير من السما .. علي حركات شيطانية .. يعني الي يبي ينتقم او يهاوش يجيني .. عمري 20 سنة و...
.......................................

سحبت سارة المايك ..

....................................

سارة ((البنت الصغرى بالعائلة ))..
هايز .. انا سارونة المزيونة .. انسانة طيبة ومرحة .. انا صديقة سديم وبنت عمها .. امم شنو بعد .. انا جايبة الاولى على المملكة كلها .. هاع لاتصدقوا امزح .. عمري 20 سنة .. ولي توام كريه اسمه خالد و ..
..........................

خالد عطاها بكس وهي ردت له البكس .. نخليهم ونرووح غرفة ثانية

......................

دخلنا غرفة النوم بعد ما طقينا الباب ..
رفعنا غطا السرير وشفنا صاحب البيت (( فهد )) خفنا انه يعصب بس الحمد لله ابتسم لنا ورحب فينا

......................................

فهد (( الاب وصاحب البيت ))

السلام .. انا صاحب البيت .. اسمي فهد .. انسان عطوف ومرح .. قليل اذا عصبت .. يعني فري بس بحدود << كيف تصير ذي هع .. اشتغل موضف بشركة كبيرة بالرياض .. ايام شغلي (( السبت .. الاثنين .. الاربعاء .. الجمعة )) امم يلا اطلعوا ابي انام ..

........................................

حنا لقطنا وجهنا وطلعنا المطبخ .. شفنا حرمة تصارخ على الخدم

..........................................


علياء ,,(( صاحبة البيت والام ))
هلا انا ام هادف ,, انسانة مثقفة ومتسلطة شوي .. عندي جمعية نسائية ونقيم فيها ندوات كل شهر ,, انا اختصاصية نفسية عشان كذا اشتغل بمدرسة النهار ويوم السبت والاربعاء بالجمعية بالاضافة لايام الندوات ,, لي ولدين وبنت ., التوام سارة وخالد ,, وولدي الكبير هادف عمره 23 سنة يدرس في امريكا دكتور عضام وباقي عليه شهرين ويرجع ,,

طلعنا من فلتنا الثانية ,, ودخلنا اخر فلة ,, كانوا مجتمعين بالصالة ام واب وثلاث بنات وثلاث اولاد ,, نتعرف عليهم ,,
.........................

سوزان ( البنت الكبرى بالعائلة )
هلا انا سوزي " سوزان " انا ايمو وباردة مثل ما يقولوا الكل غامضة وبلا مشاعر ,, عمري 19 سنه ,,
..........................

دلع ( البنت الوسطية )
اهلن اهلن يا حولوات ,, انا دلع دلع انسانة اجتماعية ,, اعتراف ,, احب زوجة عمي " علياء " تعجبنييييي واتمنى اكون مثلها ,, امم أي شي اذكره ابخبركم فيه عومري 17 سنه .. اول ثانوي – ادبي

...............................

تولين ( البنت الصغرى )
هلا انا توتي فروتي ,, عايشة الدنيا طووول بعرض ,, باردة وحبوبة ,, عمري 16 سنة بثالث متوسط مع شوق بالمدرسة

.......................................

عند الشباب .. اثنين يلعبون كيرم وياكلوا فص فص ههه والثالث جالس على جنب ويطالع لابتوبه ويشرب بيبسي
سعود ( الولد الكبير بالعائلة )
يامرحبا ترحيبة الدنيا بشمسها ترحيبة مافي مثلها ,, كيفكم بناتو وشبابو غرام ,, انا سعوود مطيح نص بنات السعودية .. يلقبوني بشاعر العائلة لاني كل ما اجتمعت معاهم اعطيهم من ذا القصيد ,, وبكل فخر اقولها انا اكبببر مغازلجي بالسعودية او بالاصح بالعالم اجمع ,, حلوو الترقيم وقصصم ,, جربوا وبتدمنوا عليه .. عمري 21 .. ويلا حياكم .. الرقم يا كيكات *********<< مشفر ممنوع عرض الارقام هههه

..........................

معن ( الولد الاوسط )
..............................

طالعني ورجع يطالع بلابه

....................................

انا ابتكلم عنه ,,
..............................

معن انسان كتوم وهادىء وغامض وبارد دايما ساكت ومايكلم احد منعززل عن الكل من يوم هو بعمر ال 13 سنه ,, رغم كذا الا انه خقاق يههههبل يطيح الطير من السما ,, ونص البنات يلحقونه بس هوو مطنشنهم ,, ماعنده اصحاب بسبب عزلته ,, عمره20 سنه ,,
....................................

سطام ( اصغر عيال العائلة )
هلا والللللله بكل البنات والشباب الي يتابعوني ^^ ,, انا سطوومي ,, اصغر واحد بشباب العايلة ,, عمري 18 سنه ,, امووت بالترقيييم والبر والطلعات وكل ابوو شي ,, يعني انا انسان اجتماعي بس ذا الي عندي ,, نورتوا ,,
......................

الام ( مودة )
مرحبا انا مودة ,,
....................

مستعجلة هاع ,,
.............

الاب ( عبد الرحمن )
السلام عليكم ,, انا عبد الرحمن ,, يا شباب ويا بنات اتركوا هالروايات وروحوا احفضوا لكم كم اية من القران ان لله كل ذا من الابلييس وحيدة
انا : ووووجع عبدوه ما أحد قالك اشتغل بروايتي هع
عبد الرحمن هز راسه بيأس ومشى

....................

انتهينا من ذكر الشخصيات المهمة ,, سندخل بحايتهم كما يدخل الشيء بالشيء الاخر ههههه ,,,
بالبداية ,,
اذكركم بالشخصيات ,,
( الشباب )
,,
( خالد .. هادف .. سعود .. سطام .. معن )

,,

( البنات )
,,
( سديم .. شوق .. سارة .. دلع .. تولين .. سوزان )
بالاضافة لحنين الي ما بتطلع كثير بالرواية

الب[1]ارت

الساعه 7 الصباح ,,
بمدرسة شوق ( المتوسطه العاشره بال ....)
شوق بملل : اف متى تسكت ذي البقرة ؟
تولين بهمس : مدري عنها الغبية ذي شكلها مو ناوية تسكت
شوق بصوت ما تسمعه الا تولين : نعنبو شكلها ياريت تعرف تشرح مثل الابقار بس .. انتي شوفي جسمها بس ههه تقولي زبالة ههههه مسخرة ( تولين ضربتها على رجلها بخوف ) شفيك يا حلوة لايكون خايف....

ابلة رهام بصرراخ : يابنت
شوق بملل : الحين تسكتيني عشان ذي البقرة ؟
تولين ترجف وهي تطالع عيون الابلة ..
ابلة رهام : شووووووووق
شوق : سمي ,,
ابلة رهام : سمك ربيييي قولي امين ,,
شوق بقهر : السم فيك يا زبالة ..
ابلة رهام طارت عيونهها رمت الكتب على الارض وصرخت بوجه شوق الي تطالعها بملل : هييين هييييييين يا بنت راشد( قاطعتها شوق )
: كايد لو سمحتي
ابلة رهام : ظظظز فيك انتي وهوو
( وطلعت عنهم معصبة )
تولين بخوف : قد الي سويتيه ؟
شوق طالعتها بملل ونزلت الكافتيريا ..

عند سديم
بالثانوية الاولى بال ( ..... )
وبنفس الوقت ..
يركبوا باص المدرسة بنضام
كل بنات ورا الثانية
المراقبة نوال تنضمهم بالباص ..
يودعوا اخر لحضات الدراسة بمدرستهم الاولى
يتذكروا كل زاوية بالمدرسة .. مكانهم المفضل الي ياكلون فيه ورق عنب يوم الاربعاء .. فصلهم الي تحمل ازعاجهم .. كراسيهم الي حملتهم .. طاولاتهم الي تحملت شخابيطهم الي مالها معنى .. كل ابلة درستهم والحين بتودعهم .. مديرتهم الي كانت مثل امهم .. الفراشة الي بالمدرسة .. الحارس الي كان يحميهم .. ككل شي ..

سديم .. سوزان .. دلع ..))
قاعدات جنب بعض بالباص ..
سوزان كالعادة ساكتة عنهم ..
دلع : ابشتاق للمدرسة
سديم والدموع بعينها : وانا بعد
دلع : اه ياربي الباص بيمشي اخر مرة نشوفك فيها يا مدرستي
سوزان بهدوء : ليه يعني ما بتجيها ايام ما تفضي ؟
سديم : نسيتي ان مدرستنا بيت مستأجر ؟ وصاحبه بياخده اليوم
سوزان : أيوا صحيح
سندت سديم راسها على الشباك وهي تفكر بابلتها الي تحبها ( زهور ) اطيب ابلة عندهم .. خلاص ما بتشوفها .. تنهدت بتعب وغمضت عينها ..
دلع : بنات تراني جبت ورق عنب .. ناكل ؟؟
سديم بهدوء : لا مابي
دلع بحماس : سديموه انتي كنتي اكثر وحدة متحمسة قومي يلا ترا قرار نقلنا مو اخر الدنيا وقومي نستهبل .. ويمكن ابلة زهوور تنقل معانا
سديم : جددددد ؟
دلع : ايوا ابلة رنيم امس قالت
سديم سحبتها هي وسوزان وقعدت على الارض بحماس : وناسة قصم .. جيبي الورق عنب ههههه
دلع : هههه تيب
طلعوا الورق عنب و البيبسي وقعدوا ياكلوا بحماس وهم يخططوا .. طبعا كل هذا بأرضية الباص هههه
^
^
^
على فكرة سالفة النقل صارت لي من يومين .. وكل شي بيصير للشخصيات صار لي او شفته ..
................

بالجامعة ..
عند سارة ..
رايحة الكافتيريا وهي تدندن باغنية ( بين ايديا - ماجد المهندس )

بين ايديا واحس انك بعيد..ذوب بأحضاني مثل قطعة جليد..
علم العشاق كيف الحب يكون..بلا حواجز احلا طعم الحب اكيد..


زيد ناري وخلي بجروحي ملح..خلي نسهر ليلنا لحد الصبح..
لا تفكر حبنا غلطة ولا صح..شما يعدي العمر حبنا يظل جديد..



بين ايديا واحس انك بعيد..ذوب بأحضاني مثل قطعة جليد..
علم العشاق كيف الحب يكون..بلا حواجز احلا طعم الحب اكيد..


اقترب مني ترى الدنيا فرص..واخذ من شوقي اذا شوقك نقص..
خلي احكيلك مواويل وقصص..شما يعدي العمر حبنا يظل جديد..


زيد ناري وخلي بجروحي ملح..خلي نسهر ليلنا لحد الصبح..
لا تفكر حبنا غلطة ولا صح..شما يعدي العمر حبنا يظل جديد..


بين ايديا واحس انك بعيد..ذوب بأحضاني مثل قطعة جليد..
علم العشاق كيف الحب يكون..بلا حواجز احلا طعم الحب اكيد..


صدمت ببنت ضخمة لونها اسود
البنت بصوت شبابي : هههههههههههييييييييي
سارة بخوف تحاول تكبته: هي في وجهك يا **** << سبة قوية
البنت سحبت كرفتة سارة وقربت من وجهها وقالت بترييقة : نعم ؟
سارة خافت بس مسكت اعصابها وصرخت : هههههي نزليني ووجع
البنت سحبت سارة ورمتها على الجدار وقربت منها : راجعة لتس يا حلوة .. انتضريني ( وباستها بخدها )
سارة تجمعت الدموع بعينها ايش ذي البنت المتخلفة المنحرفة .. قامت بخوف ورجعت فصلها ,,
...
بجامعة ثانية .. عند الشباب ..
( سعود .. خالد .. معن )
قاعدين كلهم بالكافتيريا ..
سعود وهو يدخن : اخ يا قلبي ,, وربي الحب عذاب
خالد : هههه مين ذي الي سرقت قلبك يا بو مسعود ؟
سعود على نفس حاله : حيوانة ولا كل الحيوانات ..
خالد : ههههههههههههههه وربي انك غبي ,, معن ليه ساكت ؟
سعود وهو يشفط من الزجارة : نسيت انه يلتزم الصمت
خالد : ايوا نسيت هاهاها
معن بملل طالعهم ورجع نضره لملزمته يذاكر ,,
: لو سمحت اخوي ممكن تطفي الزجارة لاهنت ؟
سعود وهو يطالع زجارته : تقصد ذي ؟
: ايوا
سعود نفث دخانها بوجه الولد : ليه يعني تخرب وناستي ؟
الولد بهدوء : ممكن تطفيها ؟ احنا معنا الربو
سعود : لا جددددد ؟ لا حبيبي انا لازم اطفيها عشان عيونننك يا قلبي .. ( ورما الزجارة على ثوب الولد )
الولد تباعد بسرعة : ياخي بتطفيها ولالا ؟
سعود بملل : لا ..
الولد عطاه نضرة غامضة وراح عنه
......
نرجع لسديم والباقي ,,
وصلوا المدرسة ,,
خل اوصفها لكم عشان تعيشوا الجو ^^
( كبيرة تتكون من 3 ادوار ,, غير عن القبو والسطح .. لونها من داخل اخضر فاتح وغامق .. فخمة وجديدة .. الكافتيريا او بالاصح المقصف برا بالساحة الخارجية )
سديم : الله كبيرة مو مثل مدرستنا ,,
دلع : الله تخبل ,, شوفي الساحة الداخلية اكبر من مدرستنا حتى
سديم : شوفي احنا اخر باص وصلنا .. البنات كلهم صافين ينتضرون توزيعهم على الفصول
سديم وهي تطالع بالبنات والمدرسات : أي والله خل نروح نصف
راحوا يصفن بالطابور ,, وفصخوا عباياتهم ووقفوا ينتضروا الابلة توزعهم ,,
الابلة : دلع عبد الرحمن العتيبي,,
لولوة سلمان ال.... ,,
رماس حمود ال... ,,
ريم عثمان ال....,,
فصل 1 ثانوي \ 5

...........................
ركبوا بنات اول ,,
......................
مضاوي محسن ال.....,,
سديم كايد العتيبي ,,
رنيم ياسر ال .... ,,
سميرة عبد الله ال ...,,
فصل 2ثانوي \ 4
.................
ركبوا المجموعة الي ذكرتها ومن ضمنهم سديم
................
ميثاء عبيد ال .... ,,
شيماء محمد ال ... ,,
رجاء عزام ال .... ,,
دلع عبد الرحمن العتيبي ,,
3 ثانوي \ 6
...................
ركبوا بنات ثالث
................

.
.
.
.
,,,

س\ سارة والبنت الي صدمت فيها ياترا شنو بتسوي ؟
س\ سعود وحركاته الاستفزازية بداية رحلة شقا ام مرحلة وستمضي ؟
س\ قرار نقل بنات ثانوي .. هل سيغير شي من تصرفات شخصياتنا ام مرحلة عادية ؟
س\ والاهم من " انا بنت بس متخفية بثوب وشماغ " ؟
اعلم ان الجزء قصير ولاكن ماهي الا البداية ..

الب [2]ارت ,,

بالمدرسه الجديده ( الثامنه )

دخلت سديم والمجموعة الي معاها الفصل ..
رنيم : ابلة حنا الطالبات الجديدات ممكن ندخل ؟
الابلة : ايوا غناتي تفضلي يا بنتي ..
سديم ارتاحت للابلة وابتسمت ودخلت ..
سديم ورنيم قعدوا جنب بعض قدام ..
سميرة قعدت اخر الفصل ..
ومضاوي بعد بس من جهة ثانية ..

|| سديم ||
ارتحت للابلة كانت طيوبة وحبوبة وما تسميني الا بنتي .. دخلت قلبي بس ماتعرف تشرح .. ولحسن حضي ان درس الرياضيات الي تعطينا اياه اخذناه من قبل .. ( طالعت بالشباك بحزن ) اشتقت لمدرستي .. ابلة رنا ابلة زهور وينكم تجون تشفون مدرستنا الجديدة اه يا ليتكم معانا يا الغاليات ..
ابلة الرياضيات ( مريم ) : من تحل لي المسألة ؟
رنيم : ابلة ابلة عادي نشارك ؟
ابلة مريم بحنان : ايوا غناتي انتو الحين بناتنا عادي تشاركوا
رنيم رفعت يدها بحماس وهي تطالع البنات المتحمسين ..
...........................

رنيم .. زميلة سديم ..
.....................

مرحبا انا رنيم .. بنوتة جريئة وطيوبة .. مثقفة ومحبوبة .. مع سديم بالفصل .. وكنت معاها من ايام ابتدائي بس علاقتنا تعتبر زمالة ...
.........
ابلة صفراء دقت الباب ودخلت : عند اذنك .. رنيم ابيك تجي فصلي عادي ؟
رنيم : اكيييييد
ابلة مريم : ليش تاخديها ؟
ابلة صفراء : عشان تحرك الفصل لانه نايم .. وانا متعودة معاها ( وغمزت بهبال )
سديم بهمس : رنيييم رنيييم ابي اجي معاك قولي للابلة ..
رنيم بعجلة : تيب
...................

بجامعة سارة ..
بعد السالفة راحت الفصل وقعدت جنب شلتها ..
سارة : انتوا ماشفتوا اخر كلباتها وربي يهببببل ..
رزان : سارة سارة .. شفتي الثوب الي كانت لابسته وقلت لك عجبنيييييي ؟
سارة : ايوا ايوا ..
رزان : خليت ابووي يرسل صورته لمصمم اجنبي وبسويه لي .. وبلبسه في زواج اخوي بعد اسبوع ..
رندا : جد .؟ تقصدي ذاك العاري الي لونه بنفسجي وفضي ؟
رزان : ايوا ايوا هو
ديانا : لا لا لاتقولي بتلبسيه !!
رزان : ايوا شفيه يعني ؟
ديانا : هذا عاري كثير .. مايغطي شي ..!!
رزان بلا مبالاه : عادي شفيها يعني كلنا حريم ..
سارة : بس اتوقع لو تلبسه بيصير حلو عليها لانها رشيقة
رندا : اممم بس اتوقع الثوب الاورنج بيصير حلو عليها .. المهم وين بتسوين مكياجك ؟
رزان بغرور : خليت امي تحجز لي في مشغل في البحرين .. وصاحبته بتجيني قبل الزواج بيوم .. وبتسكن بشقتي الي بالخبر..
ديانا بقهر : ماله داعي تجيبين من البحرين .. يعني ماعندنا كوفيرات ولا مشاغل حلوة بالسعودية !! الخبر والدمام مليانيين مشاغل !!
رزان وهي حاطة رجل على رجل : نسيتي ان امم الي خطبني بتجي الزواج ؟ .. لازم اخليها تموت فيني قبل لاوافق على ولدها .. هههه واساسا انا ما اتزوج واحد مثل اشكاله ..
سارة : ليه شفيه يعني ؟ الولد صاحب شركة ايش تبين اكثر من كذا ؟
رزان وهي تهز راسها : تط تط تط .. انا مابيه هوو ابي اخوه ..
ديانا : تقصدييييين كمال ؟
رزان هزت راسها بغرور
ديانا بصراخ : بس انتي تعرفين انه متزوج و..
رزان حطت صبعها السبابة على فم ديانا : اشششش اعرف عشان كذا ابيه .. ( وابتسمت بحقارة وراحت عنهم )
رندا : شفيها ذي من جدها تبي رجال مرتبط وزواجه بعد شهر !
ديانا : الله يهديها ..
سارة : هي تتكلم جد ؟ ماتوقع .
ديانا : كل شي توقعيه من رزان .. ههه اتخيل ان ثوبها لو ما خلص عادي عندها تروح الزواج بدون شي
رندا : أي والله صدقتي .. البنت خربانة خربانة ..
سارة تنهدت وهي تلعب باضافيرها ..او ماتحس الا بكافيه حار ينصب على كامل ملابسها وجسمها ..
سارة بالم : ايي اه اي ضههههري
رندا بشهقة : شسويتي !!!!!!!!!
البنت : اوه سوررررري ماكنت اقصد
ديانا بحتقار : انتتتتتتي يا قدرة يا سودة الحين تعتذرين منها الحييين ..
البنت رمت علبة الكافية بوجه ديانا : هههه ضحكتيني ,, انا رحمة اعتذر !!!
ديانا مسكتها من ياقتها : هي تراك واجد شايفة نفسك اذا ما اعتذرتي بتشوفين شي ما تتوقعي يصير لك
رحمة وهي تحرك العلك بفمها بطريقة مقززة : اوه شنو بتسوي يعني ؟
ديانا رفعتتتتتت يدها فوق و..

..................
بأمريكا ..
كان يستمع للدكتور الهندي ويسجل الملاحضات بملزمته .. وكل شوي يناضر عبير الي كانت جالسة جنبه

There is a small test I hope that you answer it الدكتور :
( هذا امتحان صغير اتمنى ان تجاوبوا عليه )
وزع الاوراق على الطلاب .. وكل واحد مسك قلمه وبدأ يحل الاختبار , , رغم صغره الا انه صعععب ..
هادف بنفسه : نعنبو شكله شنو ذا الاختبار ياربي شنو اسوي
|| هادف ||
ياربي شنو ذا الاختبار شنوو ذا !! وربي صعب ماأذكرشي احس اني نسيت كل معلومة ذاكرتها ,, يارب انك تساعدني يارب ..
|| عبير ||
انتبهت لهادف متوتر ومو عارف يحل شي .. فكرت كيف اني اساعده ! كيف انقده من ذا الوضع كم مرة ساعدني ولازم اساعده .. طالعت بورقتي الي كنت كاتبة فيها جميع الاجوبة الا اسمي نسيته .. وطالعت بورقة هادف الجديدة ولي ماعليها ولا حرف .. تنهدت وابعدت التوتر ..
عبير بهمس : ه ه ادف خذذذ ورررق تي ..
هادف طالعها باستغراب ..
عبير بحيا : خ ..ذ ورققققت ي بسس رعه
لما شافته ماتحرك .. طالعت وراها وسحبت ورقته وحطت ورقتها مكان ورقته وبدأت تحل له الاختبار
|| هادف ||
الحيين فهمت فديتها وربي الحنونة .. تبي تحل لي ورقتي ( طالع فيها بابتسامة ) وربي احبك .. متى ارجع واخطبك بس متى !!
|| عبير ||
ياربي هادف لاتطالعني كذا .. ( حست ان وجها صبغ احمر من حركته )
هادف وهو قريب منها : تسلميلي حياتي .. امواح هفوو << باس يده وهفهأ كأنها بوسة تطير لها
عبييييير دابت على حركته .. نزلت ومسكت القلم الي طاح من يدها بسبب الارتباك ..
هادف بصوت عالي : ههههههههههههههههه
Get out quickly Iahma الدكتور بعصبية :
( اخرج بسرعة يا هذا )
هادف مسك شنطته وطلع برا وهو يضحك ..
غرام من شافت اوسم ولد بالجامعة يضحك .. ابتسمت وعلى طووول جلست جنبه ومسكت يده : لك تؤبرني على هيك ضحكة .. دوم يارب
هادف بتكشيرة : وجعاه ايش تبي ؟
غرام وهي قريبة منه : ابييييييك
هادف استوعب الوضع وقام عنها بسرعة وكان شي قارصه .. : جد قليلة ادب !! يابنت اعقلي
غرام : شو اعمل ازا كنت بحبك .. هادف حس فيا انا بحبك لدرجة الموت ,, تعال لي اليوم الشئة صدأني حنسهر مع بعض احلى سهرة
هادف كشر ورفع شنطته ومشا عنها ..
غرام راحت تحته : شوبك هدهدي ليه مكشر ؟ مين زعلك حبيبي خبرني انا غرومة ..
هادف رماها على الارض : استغففر الله .. غبيية انتي غبيية .. كيف ترضين لنفسك تسوين كذا !! .. انتي شوفي ملابسك شوفيها وبعدها تعالي لي
غرام وهي تطالع تنورتها الوردية القصيرة لفخدها .. وبلوزتها العارية القصيرة الخضراء وشعرها الثلجي الي لرقبتها ومرفوع بفيونكة مخططة بوردي واخضر ..
غرام : شو فيون ؟ له لاتأول لي ماعجبوك ؟
هادف مسك اعصابه ومشا ..
غرام لفته لها بجرأة : ليه بتروح عني انا بحبك ..
هادف قربها منه وصرخ بوجها حتى ان الطلاب الاجانب طالعوا فيه والعرب فهموا قصده وابتسموا : واقسسسسسسم لك بالله ان شفت وجهك او شفتك مرة ثانية حتى لو برا الجامعة .. لاخلييييك تندمي على الساعة الي طلعتي فيها على الدنيا .. بعددي عن وجهي قلت لك بعدددي ..
( وبحركة مفاجئة رماها على الجدار وضربها ككككككف قوي على خدها ,, وبصق عليها ومشا )
Dead!! طالب امريكي بصراخ :
( ماتت !! )
طالب اردني : البنت توفت شوفوا الدم الي بيطلع من راسا ..!!
طالب بحريني : احسن تستاهل ماحد قال لها تلزق فيه .. انتوا شوفوا شكلها ماكأن عندنا شباب بالجامعة
طالبة اماراتية : هيه بس مفروض مايساوي جي .. يعني مايعرف يبعدها عنه بهدوء !!
Help me carry it ha Students طالب امريكي بصراخ :
( ساعدوني بحملها هيا يا طلاب )
حملوها الطلاب الاجانب وهم على بالهم انها اجنبية امريكية .. ملابسها العارية ولون شعرها الثلجي وجرئتها خلاهم يفكروا كذا ..
.......................................

نرجع للمدرسة الثامنة ( السعودية الحبيبة )
سديم ضلت لحالها تناضر الكرسي الفاضي الي جنبها .. تنهدت بملل وطالعت بالبنات .. اغلبهم مخيفات .. راسمين على يدهم جماجم واكسسواراتهم جماجم .. شعرهم قصير لرقبتهم والوانه حمراء وبنية وشقرا .. مراييلهم الغريبة .. مشيتهم وطريقة كلامهم وقعدتهم الشبابية ..
وحدة من البنات بصوت خشن : يلا بنات .. فيكم ططططرب ؟
البنات المسترجلات : ايوا
البنت : فيييكم وناسة ؟
البنات بحماس : ايوا
طالعوا ببنت على جنب وغمزوا وهي فهمت وبدأت تطبل على الطاولات ..
ركبوا بنتين فوق الطاولات وبدأوا يرقصوا رقص ماصخ ..
وهي تهز خصرها بسرعة : ايوا طبلي بسرعة .. شعلولي رفععععي صووووتك غنننني بسسسرعة ..
بصوت شبابي خشن : من عيوني كم ريان عنددددي .. خليلوه خليلوه .... << وكملت الاغنية
على النهاية ضربوا البنات خصرهم ببعض ونزلوا يسلموا على المعجبات الي من سمعوا الصوت جو يشوفون العرض
بنت وهي تكلم سديم : سديم فصلكم خطير والبنات داشرات
سديم : امهمممم .. انا لازم انقل ..
البنت : يلا انزلي الحين فسحة ..
سديم بهمس : تيب
اخذت فلوسها ونزلت وهي تفكر بالبنات الصايعات .. لازم تنقل كيف تقعد معاهم !
عهود : سدييييم شفتي فصل2\4ياربي البنات صايعات
سديم بضحكة قهر : هه فصلي يا حلوة
عهود بشهقة : قووولي قصم ..
سديم : قصم .. يلا عن اذنك ابروح للمرشدة الطلابية عشان تنقلني ..
دخلت المدرسة وشافت ابلة فائزة تكتب بكتابها وواقفة بوسط الساحة الداخلية ..
|| ابلة فائزة ||
ابلة عربي تعلم بعض الفصول .. انسانة ضغيفة الشخصية عمرها بأل30 للحين ماتزوجت .. الي يحترمها تلعب عليه .. والي يصارخ عليها تخاف منه

سديم بأدب : السلام ابلة .. وين المرشدة الطلابية ؟
ابلة فائزة : ...............
سديم : ابلة وين المرشدة لاهنتي ممكن تخبريني وين هي ؟
ابلة فائزة : ............
سديم بصوت عالي شوي : اببببلة لاتنطنشي
ابلة فائزة بصراخ : نننننننننعم ؟ ننننننننعم ؟ شنو تبي ووجع روحي عن وجهي
سديم تطالع الابلة بصدمة والدموع بعينها .. اول ابلة تصارخ عليها كذا ..
ابلة فائزة لما شافت الدموع بعينها ابتسمت : نعم يا سديم شنو تبي ؟
سديم بصراخ وصوت مبحوح : الحييييين لما صارختي علي تقولين شنو تبي تو الناس !! مابي منك شي باي ,, ( وطلعت الساحة الخارجية تركض )
اول ما طلعت غطت وجهها بيدها وبكت .. ماتعودت ابلة تصرخ عليها وتحرجها .. صحيح مو من عادتها تبكي قدام احد .. بس الاحراج الي حصلته خلاها تبكي ..
ريما : سديم ليه تبكي ؟
سديم ابتسمت وضحكت والدموع بعينها ..
عزيزة : ههههه وربي انك مسخرة تبكي وتضحك بنفس الوقت ..
سديم وهي تمسح دموعها : ابي انقل .. وربي مو حلو فصلي .. البنات وسخات اخاف يصير لي شي ( وغطت وجها وبكت )
بنت من متوسط جاية مع ختها كانت مع سديم بالمدرسة لان مدرستهم قسم صغير لمتوسط وقسم لثانوي : شبيهتي شنو فيك ليه تبكي ؟
( تقول لها شبيهتي لان البنات دايما يقولون انهم يتشابهوا )
سديم بهمس : مافيني شي ( وتركتهم وراحت دورة المياه تغسل وجهها )
اكتشفنا شي جديد عن البطلة سديم .. انسانة لاتحب ان تبكي امام احد .. قاسية بعض الاحيان .. الا انها ذات قلب مرهف وحساس ..

انتهت الفسحة وبدأوا البنات يركبون فصولهم .. دخلت سديم الفصل وهي تخفي اثار الدموع الباينة على وجهها ..
وحدة من البنات : يييييلا بسرعة خل نروح الحمام ..!!

سديم بنفسها : الله يستر اذا هاذي البداية .. يؤ لاتفكري كذا يا سديم يمكن تبي تعدل شعرها مو لازم الي تفكرين فيه ...
المرشدة الطلابية قطعت حبل افكارها ودخلت : بنات كم عددكم ؟
البنات : 1 .. 10 .. 33 .. 34 طالبة ..
المرشدة : اذا احد نقل خبروني ..
سديم : ابلة ابي انقل فصل 2\5
المرشدة : لا عندنا اكتفاء هناك .. مايصير
سديم تنهدت ونزلت راسها بيأس .. خاربة خاربة بسبب البنات
..........
انتهى اليوم والكل رجع الى منزله .. منهم السعيد ومنهم الحزين ,, ومنهم ومنهم .. مشاعر لاحصر لها تتحرك بسرعة في قلووب شخصياتنا .. لحد الان ليس هناك بطلا احب احد شخصياتي .. فهل ياترا الايام المقبلة ستكون حافلة بالحب والرومانسية!؟ .. سؤال سنتعرف عليه ان تابعوني ^^..
لنكمل ,,^^
بفلة عبد الرحمن ..

على طاولة الطعام .. الايدي تمتد على صحن الكبسة المعروفة بالسعودية ^^ .. الكل يأكل بهدوء .. احاديث وذكريات تعطي جوا جميلا للمائدة ..
تولين : اليوم شوقوه قالت للابلة يا زبالة
دلع : هههههههه هاذي شووق بايعتها بس حلوة شواقة
سعود : من ذي شوق ؟ بنت عمي فهد ؟
سطام : يا المهبول شوق بنت عمي كايد .. عمي فهد عنده خالد وهادف وسارة بس
سعود : الي هو كلنا واحد ههه
ام سعود : هههه متى افرح فيك يا ولدي
سعود بنعومة: احم احم تراني استحيييييييي ماما بليييييز لا تحرجيني قدام اخواني ..
ابو سعود : ههههه عن حركات البنات ..
سطام : يبة يبة
ابو سعود : نعم ؟
سطام : نعم الله عليك متى بيجي هادف ؟
ابو سعود : يقولوا بعد شهر او كم اسبوع ..
سعود : نبي اذا جا نسوي حفلة كبيرة
ام سعود : اكييد اول دكتور فالح بالعائلة هههه
الكل : ههههههه
تولين : يوه مايستاهل ..
سعود : ههه للحين خايفة منه .. تراه خطيبك
تولين حمر وجهها
سعود : ههههههه صدقت رجال دكتور بيتزوج بنت متوسط
تولين طالعته بقهر وكملت اكل
................
بيت كايد العتيبي ..
الساعه 2 الضهر
سديم بصراخ : لازم بكرة تروحي وتنقليني البنات وسخات
ام سديم : طيب ابقول لابوك وبحاول اروح
سديم : بتروحي يعني بتروحي ترضي اخترب؟
ام سديم : اف قلت لك بحاول
شوق : لذي الدرجة يعني وسخات ؟
سديم بملل : واكثر مما تتخيلي ..
حنين : الحين انتي لازم تنقلي ؟
سديم : أأأأف أي لازم
حنين وهي رايحة : غباء
....................
ركبت غرفتها وهي حاسة بدوار براسها .. نفس المشهد ينعاد بمخيلتها .. تحاول تبعدهم وهم يقربوا لها .. تحاول تصرخ وهم يمسكوها ويجروها .. تحاول وتحاول .. بس لافائدة قدروا عليها وهي بنت بثاني متوسط ..
بنات قدرات .. حطموا امالها وهي مازالت صغيرة ..
تنهدت بتعب وسمحت لدموعها الي ماسكتها طول اليوم تنزل وتنساب على خدها ..,

نرجع لامريكا ..
وحدة من الطالبات العرب : ايوا يقولوا كان يبي يغتصبها ..
واحد من الطلاب : هو انا سمعت انوو كان بيلزق فيا وهيا بتبعد عنووو
عبير : منو هاذي ؟ ومنو الي كان بيغتصبها ؟
طالبة اجنبية بس تتكلم عربي : يقولون انه فتى سعودي .. وفتاة اجنبية .. حاول الفتى اغتصاب الفتاة .. ثم ضربها ورماها بوسط الممر ورئاها الطلاب ونقولها للمشفى
عبير بخوف : م نن وو الولد ؟؟؟
طالب سعودي : يقولوا ان اسمه فهد او هادف او مدري والله كذا اسمه
(( لا لا ياخي لاتقول لها انه هادف ,, احس انها بتموت ان عرفت !!))
عبير بصدمة : ها..دف ؟؟ هادف ال.. ال عتيبي ؟
الطالب السعودي : ايوا اتوقع اسموو كذا .. ليه تعرفيه ؟
عبير : ..........
الطالب لما شافها سكتت : امم .. خيتوو لازم تبتعدي عنه .. انتي شفتي كيف سمعته صارت .. نصيحة من اخ لك ابتعدي عنه .. سلام ,,
عبير مشت مثل الرجل الالي رجولها تحدد وين تروح .. هادف !! هادف الشاب البريء .. ماعمرها شافت منه حركة وسخة .. يغتصصصصصصب !!! .. كيف وشلون .. كييف كيف
وقفت بوسط الناس وهي تصرخ : كيف كييييييف هادف يكون كذا ( بح صوتها وبدأت تبكي ) هادف مستحييييل يصير كذا مستحييييل .. ( نزلت على الارض غطت وجهها وبكت من القلب والكل حولها يهديها )
كان يطالعها ورا الكل يناضرها بعيون حزينة .. مسك دموعه وطلع الرسالة الي كتبها وحطها بخزانة عبير ( عبير وهادف مشتركين بخزانة وحدة عشان كذا قدر يفتحها ) مشى وابتعد عنهم .. طلع من الجامعة كلها .. غمض عيونه .. باقي عليه شهر ويتخرج .. اه حرام ليه طلعوا عليه هالاشاعات ؟ ليه ؟ ايش ذنبه اذا كان مايحب غرام .. يعني لوو ماحبها يصير له كذا .. وصل شقته الي هي تكون شقة حرمة عجوز سمحت له يسكن معاها ..
هي حرمة مؤدبة وحنونة.. تطبخ وتغسل ملابسه وترتب غرفته كانت مثل امه بغربته .. راح لها وارتمى بحضنها ..
Why Why? Believe me, I am innocent I did not do something they did not do something to them .. Kill her was not approached them is that I did Hakma Sedkowooni to Achohua reputation

((لماذا لماذا ؟ صدقوني اني بريء انا لم افعل شيء لم افعل شيء لها .. لم اقتلها ولم اقترب منها هي التي فعلت هاكذا صدقووووني لاتشوهوا سمعتي))
الحرمة وكأنها فهمت للسالفة ..

Dear meaningful bother anybody bother dear .. Stdil meaningful polite to Atjolhm Ihtmonak and complete your life it's just a few days and will return only your

((عزيزي هادف لاتهتم بأحد لاتهتم ياعزيزي .. ستضل هادف المؤدب لاتجعلهم يحطمونك وأكمل حياتك انها مجرد عدة ايام وستعود الى بلدك))
رد عليها وهو مازال ضامنها :
The Hama Masovolh not care for them .. I and my reputation Hey Jenny reputation

((وهاذا ماسأفعله لن اهتم لهم .. ولاكن سمعتي يا جيني سمعتي))

ردت عليه بحنان :
I forget, and you are a man and a man Aepki .. Or do you become a girl as soon as you encounter the first hurdle Off On Your Way?

((انسى وقم انت رجل والرجل لايبكي .. ام انك تحولت الى فتاة بمجرد ان صادفتك اول عقبة بطريقك ؟))
ابتسم لها وقام يعدل ملابسه ويمسح دموعه :
No I am still a man and a man

((لا انا رجل ومازلت رجل))

I protect you, O man .. Hiaa and then your clothes and prepared to Ntgdy

((انا افديك ايها رجل .. هيا قم وغير ملابسك واستعد لنتغدى))
OK هادف بابتسامة :
.........................
فالنترك هادف وهمومه ولنذهب السعودية << التذكرة علي ^
.....................
كانوا البنات مجتمعين مع بعض ببيت الجد ..
سديم : اقول لك وسخات ماتفهمين انتي !؟
سارة وهي تمسح على ضهرها : تيب شسوي يعني اح
شوق : ساسا شفيك ؟ انتي اليوم غريبة اح واي واوه !!
سارة وهي قايمة : ولا ش...يء

راحت جنب الحمام .. واتصلت له ..
سارة بصياح : اقول لك ضهري احممر يألمني ..
: ...............................
سارة : ما أقدر وربي تخوف ..
: ..............................
سارة : مدري مدري يا سلمان ,,
سلمان : ...................
سارة : لا اخاف ابوي يدري
سلمان : ..............
سارة : خلاص ولا يهمك حبيبي ,, ان شاء الله اجي لك .. بس تعال وين اجي لك الشقة ولا نشوف بعض بكافيه ؟
سلمان بخبث : ..................
سارة بخجل : هههه من عيوني .. امين هههه
سلمان بابتسامة : ................
سارة : بايات ,,

ضمت الجوال لصدرها وتنهدت : ربي لايحرمني منك يا الغالي ..
سديم تسمعها وهي طايرة عيونها
دلع : سمعتي .. سمعتي سديم !!!
سديم : ها .. ايوا سمعت ..
شوق : يؤ .. معقولة سارة تحب !!
تولين : ما أتوقع .. من متى ؟ هي ما تخبي علينا !!
سديم : يا هبلة بتقول لك انها تحب .. وبتشوف حبيبها !!
سارة بصراخ : انتوووو من متى هنا !!!؟
البنات نقزوا
سارة بحدة : من متى !!؟
دلع : من يوم ما جيتي واتصلتي لسليمان حبيبك ..
سارة عطتها نضرة ومشت : ان طلع كلام من هنا ولا هناك ما تلوموا الا نفسكم ..
رجعت سارة وجلست مع الحريم .. وهي تدعي ربها ما يقولوا لاحد .. وخاصة ابوها وجدها..

رجعوا البنات وقعدوا بوجه سارة .. وهم يطالعوا فيها ويشوفوا تعابير وجهها المرتبكة بس تحاول ما تبين انها مهتمة ..
......................................
عند الشباب ..
.........................................
سعود : هههه الله يهديك يا جدي ..
الجد : قايل لك ما بتتزوج الا نوال بنت صديقي
سعود : بس بس انا ما بيها .. يبه عمي .. شباب قولوا شي
الكل ساكت ..
سعود بصراخ : انا ما بي اتزوجها انا ابي ( وفكر بشكل سريع ) سارة بنت عمي فهد ..
الجد ابتسم : ونعم الاختيار ... يا فهد قول لبنتك تتجهز .. ملكتها بعد ثلاثة ايام
فهد تلعثم ماكان يتمنى يصير زوج بنته الوحيدة سعود المغازلجي .. كان يتمنى احد ثاني غيره
الجد : ها يعني افهم انك مو موافق ؟
فهد نزل راسه : الا موافق يبه .. حاضر ان شاء الله اقول لها
سعود بباله : سامحيني يا سارة وربي انتي الوحيدة الي جيتي على بالي .. يارب اقدر اسعدك ولا تكوني تحبي غيري يارب ..
بعد ما طلع الكل ما عدا الشباب ..
الكل يطالع بسعود المهموم .. الي يدخن بتعب ..

|| سعود ||

انصدمت من خبر خطوبتي بذي السرعة .. سارة .. اعرفها انسانة حساسة وحبوبة .. ياربي ليش اخترتها .. ليش ما اخترت سديم ؟ ليش .. أأأأخ لو اني قبلت بمنال احسن لي .. يارب يارب يصير شي ولا تتم الخطوبة .. استغفر الله .. استغفر الله .. ربي لاتاخذني على ذنب اذنبته .. اخ

|| معن ||

اول مرة احس ان سعود مهتم بأمر احد .. ربي يساعدك يا اخوي ..
|| خالد ||

اول ما عرفت ان سعود بيكون زوج اختي .. انصعقت !! دلوعتي سارة تتزوج المغازلجي سعود .. مستحييييل ما أكون خالد اذا ما منعته .. والله لو السالفة تكلفني حياتي عادي ..
..
|| سطام ||

سعود وسارة .. سارة وسعود .. اممم ادري انهم ما يتناسبوا بس المهم يصير عندنا حفلة قريب ,, ولا يهمني صاروا سعيدين ولا تطلقوا المهم وناستي ..!!
................................
الجد عند الحريم ..
................................
الجد بجدية : سارة ملكتك بعد ثلاثة ايام على سعود ..
سارة : .......... << خلوه للجزء ال [3]

......................

انتهى الجزء بسلام ^\
/
\
/
\
/
س\ سديم والبنات المنحرفات بالفصل بياثروا عليها ؟
س\ سارة والي تكلمه المسمى سلمان من هو يا ترا ؟
س\ البنت الي تضايق سارة بالجامعة شقصتها ؟
س\ المتهورة رزان صديقة سارة .. شنو بيصير لها ؟
س\ ملكة سعود وسارة بعد 3 يام بتم ولا بتتفركش ؟
س\ هادف و غرام ياترا شنوو بيصير ؟
س\ السؤال الاهم .. غرام ماتت ؟