طفلتك ماعاشت احساس الطفوله روايه رومنسيه جريئه

**حلاعتيبيه** · 25-11-2009, 04:02 PM

رفعت فاتن رأسها بصدمه ل سديم اللي أول مره يتقابلون وقالت : هذا .. هذاك أخووك ؟؟ أخوك إنتي ؟؟
قالت سديم بإبتسامة حرج : إيه أخوي الكبير عزام .. ليش ؟؟
لا حظت فاتن الشبه الكبير بينهم وعرفت إن جمال سديم مصدره وسامة أخوها .. نفضت هالفكره من رأسها وقالت ترقع : لأ بس .. يعني ماتوقعت ,,
ضحكت لمى وقالت تلطف الجو : ياهوووووه شكله عزام ماهو نايم اليوم من كثر مابيفكر فيك يافتوونه ؟؟ ( وغمزت وهي تكمل ) وش عليك ياعمه جبتي رأسه ؟؟ خخخخخخخخخخخخخخخخ ..
حمَّر وجه فاتن من القهر من هالشخص التافه والبنات فكروه حياء وقالت سديم : هههههههه أخوي يفكر بوحده لا لا مستحيل ,, ماصدق ..
قالت لمى وهي تمسك وجه فاتن وتقول : بالله قد شفتي مثل هالجمال ماشاء الله؟؟ أجل أخوك اللي ماقد شاف الا خشتك الخايسه وطاح ب فاتن مره وحده ماعاد بينام الليل من جد هههههههه ؟؟

قالت فاتن تقطع هالجدال اللي ماعجبها أبدا : لايفكر فيني ولا أفكر فيه وأصلا بعد اللي صار ماظن بيخطر على باله حتى يفكر ,,( قالتها وعلى فمها إبتسامة إستهزاء لأنها كانت تقصد ردها له ) ..
إبتسمت لها سديم وهي تشوف إبتسامتها الخفيفه واللي أظهرت جمال فاتن أكثر وقالت : ماشاء الله فاتن ملامحك أحسها مو مره عربيه وخصوصا سعوديه مثل الخشش المحترمه اللي قدامك يعني ( قالتها بإبتسامة إستهبال كبيره خلت فاتن تضحك بصوت عالي وبعفويه ) ..
فاتن : ههههههههههههههههههههههههههههه ,, اللي ياخذ إبليسك ياسدووم والله إنك عسل على فكره كأني ماسلمت عليك صح ؟؟
قالت سديم بضحكه : للأسف للان مانالك شرف السلام علي واخذ بوستين مني ...
ضحكت فاتن وقامت فصخت عباتها وراحت لعند سديم اللي وقفت لها وسلموا على بعض خد وهم يضحكون وقالت لمى تمثل الزعل ويدها على خصرها : فتوونه يالدوبا الحين انا اللي بغيتي تكسرين عظم صدري من رميتك علي وتبكين ساعه علي وصختي بلوزتي وبالاخر تروحين تسلمين ع الخايسه وأنا لأ ؟؟
إبتسمت فاتن أكثر و راحت ل لمى وضمتها بقوووة وهي تبوسها وتقول : إنتي الخير والبركه ياحياتي .. وأنا لولاك ماكنت عايشه للحين ..( قالتها بنبره حزينه فيها غصه مافاتت ع البنات ) ,,
سحبتها لمى وطالعت بوجهها وقالت : إنتي أختي يافتونه ومحد يستغني عن أخته لو ع الموت ,, بس إنتي فرفشي شوي ,,
إبتسمت فاتن بحب ل لمى وسديم اللي إرتاحت لها كثير وقالت تخفي جروحها وعذابها وحزنها بقلبها الزجاجي الشفاف الرقيق وهي تقول : ياقلبي أصلا انا ماعرف الفرفشه الا عندكم او معاكم ,, والا بيتنا عنوان للحزن والكابه والفضل لله ثم ( زوجة ابوي المصونه ) .. قالتها بمراره ماقدرت تخفيها بإبتسامتها الباهته ..
ضحكوا معاها وشافوا هداياها وقضوا ليلهم سوالف وضحك وفرفشه متناسيين الهموم والأحزان اللي يخبيها كل واحد بصدره ...
وخصوصا فاتن اللي الكل يحسدها على جمالها ومال أبوها وأخلاقها الحلوة .. بس ماعرفوا إنها تعيش أتعس حياه ب ظل وجود زوجة أبوها الظالمه واللي تغار منها بشكل فظيع ولا يطاق ,,
أنهوا سهرتهم بوداع فاتن وإتفقوا تجيهم اليوم الثاني من بدري وتجلس معاهم لليل بالرغم إنهم أصروا عليها تنام معاهم بحكم قرب بيتها من بيت أبو سعود وتربيتها معاهم من الطفوله ..
حتى تركي وسعود ومها يعتبرونها أختهم توأم لمى ..
بس إنها أصرت تروح البيت حتى ماتترك لزوجة أبوها (منى ) أي مأخذ عليها وتعبي رأس أبوها عليها ,,
وإستأذنت وطلعت وهي جاهله وش بيلاقيها بالأيام الجايه ..

\
/
\
بالدمام-حي الفيصليه ..

مايدري شلون وصل البيت بهالسرعه أو بهالتفكير .. لأنه طوول الوقت وتقكيره مشغول باللي صار له اليوم .. أول مره أحد يقوله عيب هالشئ من وصل عمره 16 سنه .. تجي هالبزر الصايعه الضايعه بكل وقاحه تقولي عيب اللي سويته ,, وتطالع ببنات خلق الله ؟؟ أنا ؟؟ أنا عزام تقولي هالكلام وحده ماتسوى تراب رجليني ؟؟أنأ؟؟ ( ضرب بيده ع الدركسون بقووة ) والله لأوريك يابنت ال .... وأعلمك من عزام اللي تقولين له عيب .. طيب ..
جاه صوت من داخله يأنبه : وهي صادقه طيب .. إنت جلست تطالع فيها وهي ماتدري .. وغلطت عليها .. ماتبيها ترد عليك يعني ؟؟
رد بكل عناد على نفسه : انا ماغلطت عليها هي اللي داخله بيت مو بيتها ومتفصخه كذا .. بس ياربي أنا صوتها سمعته سمعته سمعته .. بس ويييين ؟؟
وين ياعزام ؟؟ وي.. إيه إيه هي هي نفسها اللي بالمحل اليوم هي .. معقوووووله؟؟ وش هالصدف ؟؟ وبعدين نفس الإسم .. بالمحل تكلم صاحبتها تقول على اسمي (فاتن) .. والحين نادتها الخدامه ( ميس فاتن) ..
قطع عليه تفكيره دق على قزاز سيارته إلتفت بخرعه لقاه أخوه عصام ..طفى السياره ونزل لأخوه .. قال عصام بإستغراب : عزام وش فيك جالس بالسياره كذا ؟؟
قال عزام : ولا شئ عادي يعني ... حرام إني أجلس بسيارتي شوي ..؟؟
قال عصام وهو يهز أكتافه : لأ موحرام .. بس غريب شوي ..لأنه مو من عادتك ..
مشى عزام عن أخوه لداخل البيت وهو يقول : عادتي والا مو عادتي .. محد يظل على حاله ..
دخلو البيت وتوجه كل واحد منهم لغرفته ونام ..

\
/
\

**حلاعتيبيه** · 25-11-2009, 04:05 PM

الخبر- حي الحزام الذهبي ..

دخلت البيت والساعه تقارب ال 12 ونص .. نست نفسها مع البنات وسوالفهم ولا حست بالوقت .. لأنهاقضت نصه بالسوق .. والباقي بقعدة البنات ..
وصلت للدرج وهي تقول : يارب تكفيني شر هالعقربه ولا تطلع لي ألحين وتنكد علي ..
لكن ماأمداها تكمل كلمتها إلا منى من وراها تسحبها من شنطتها وتصرخ : وين كنتي يابنت الكافره هايته بأنصاف الليالي بالشوارع هاه ؟؟
مع مين كنتي ؟؟ إنطقي جعلك الصمخ إن شاء الله ..

(( منى (37 سنه ) .. إمرأه قاسيه قلبها من صخر ,, تغار من فاتن وجمالها المبهر واللي بكل مكان تغطي عليها .. ولأنها اكتسبته من أمها الروسيه اللي توفت لكن روحها مازالت عايشه بروح زوجها وهذا سبب كرهها ل فاتن زياده ..
كل همها الفلوس والكشخه والمناسبات والأسواق .. تهتم برشاقتها كثير حتى مايصدقون إن عندها عيال .. وكل هذا عشان تصير أحسن من فاتن لكن هيهات ..
وخبيثه لدرجة تحس إنها من شياطين الجن مو الإنس ( بسم الله علينا) ,, وراح نعرف أطباعها أكثر مع الأحداث )) ..

تمسكت فاتن ب دربزان الدرح قبل لا تطيح على وجهها بعد ماسحبتها منى وهي تقول : أمي مسلمه وأشرف منك .. وأنا ماكنت هايته بالشوارع .. أنا كنت عند لمى صديقتي ..
صرخت فيها وهي تضربها على ظهرها وتشد شعرها : أشرف مني هاه ؟؟ والله لأوريك النجوم الليل بعز الظهر يالصايعه .. ومن هي لمى ذي اللي قاعده عندها لهالوقت هاه ..؟؟ ( قالتها وهي تسحب شعرها قدام وترجعه ورا بكل قسوه وحشيه ) ..
صرخت فاتن بكل قوتها وهي تحاول تفك يدها عن شعرها و تقول بغصه : أنا مو صايعه .. وفكي يدك قطعتي شعري .. اه .. حرام عليك خافي ربك .. وش تبين مني ؟؟
رمتها منى بكل قوه وقسوه ع الأرض وهي تصرخ تقول : اخاف ربي ؟؟ ليش شايفتني مثلك هايته فانصاف اليالي بالبيوت ,, والله أعلم لاتكون شقق عزوبيه بعد ؟؟ مايندرى عنك يابنت الفرنسيه ,,
صاحت فاتن بأعلى صوتها ودموعها تنزل بغزاره بعد ماحاولت تكبتها وهي تقول : إخرسي ياللي ماتستحين على وجهك .. أنا بنت متربيه وأخاف ربي .. مو مثلك أظلم وأتهم الناس زور وبهتان ..
نزلت منى لعند فاتن المرميه ع الأرض وهي تشد شعرها وتقول بهمس كأنه فحيح أفعى :أنا أظلم وأتهم زور يال .... ويال..... يال.... إن ماخليتك تتتمنين الموت ولا تطولينه ماكون منى يالواطيه .. ورمتها ع الأرض وطلعت الدرج بسرعه ..
أما فاتن تعودت على هالشئ وتعود جلدها الناعم ع الضرب .. وقلبها الرقيق ع الجرح وشعرها الفاتن ع الشد والتقطيع ..
قامت تلم شنطتها وعبايتها وكأنها تحاول تلملم شتات نفسها وجروها وهي تمسح دموع الظلم والإهانه وطلعت ع الدرج بخطوات متعبه .. لحد ماوصلت غرفتها ورمت نفسها على سريرها وناحت و بكت على حالها .. ظلم وإهانه وضرب وتجريح .. وش ذنبي إذا أمي فرنسيه ,, بس هي مسلمه والله مسلمه ..
اه ياربي تعينني على هالحياه وتصبرني يارب ..
بكت وبكت لحد ماتعبت ونامت بعبايتها وملابسها ..
\
/
\

.......طبعا الروايه منقوله اعجبتني وحبيت انقلها لكم

**حلاعتيبيه** · 25-11-2009, 04:09 PM

البارت الثالث ..

\
/
\

إن جيت تشكي قالوا :
اسكت بس , الله يصلحك ..
الجرح جرحك .. والبلا بلواك ..
والأمر إنحسم ..~
وً الصبر لو ماكل جنبٍ في منامك /ريَّحك ,,
البال ماهيب راحته من راحة " أعضاء الجسم " ,,

\
/
\
الخبر – حي الحزام الذهبي ..

صحت من النوم على صوت طق ع الباب .. فتحت عيونها بصعوبه وفتحت الأبجوره لأن ستاير غرفتها مسكره مو مبين نهار وإلا ليل .. وإلتفتت ع الساعه اللي ع الكومدينه شافتها 2 الظهر .. إستغربت من نفسها نامت كل هالنوم ..
قامت تفتح الباب بكسل وخموول .. لقت ألخدامه ليليس واقفه قدامها قالت بصوت كله نوم : يس ليليس ..؟؟!!
قالت ليليس بإبتسامه : قود مورنينق ميس فاتن .. مستر فهد وونت يو ناو ..
( صباح الخير انسه فاتن .. السيد فهد يبيك ألحين ) ..
إستغربت فاتن وقالت : أوك .. سي هيم 10 منت .. ( طيب .. قولي له 10 دقائق ) ..
وسكرت الباب ودخلت الحمام ( وإنتو بكرامه ) واللي كان بلون البيج والبرتقالي وفيه فرشه وحركات بالأحمر .. كان أنثوووي لأبعد حد ,,
أول مادخلت شافت نفسها بالمرايه وهي لسى بعبايتها وعيونها حمراء ومتورمه من كثر البكاء .. ضحكت بإستهزاء على شكلها وفصخت ملابسها ودخلت تحت الدش البارد بعكس مشاعرها الملتهبه بالحزن والالام ..

تحممت وتوضت مره وحده لصلاة الظهر اللي فاتتها وهي نايمه ..
صلت ودعت رب العالمين من كل قلبها إنه يفرَّج همها .. ويزيل كربها ويريحها .. ويكفيها شر كل من بغى فيها شر .. خلصت صلاه وقامت لبست بنطلون جينز لو ويست سماوي .. وبلوزه جوبونيز بيضاء ناعمه ومشطت شعرها وخلته ياخذ راحته على ظهرها .. ونزلت تشوف وش يبي فيها أبوها ..
\
/
\

الخبر – حي الحزام الذهبي -بيت ابو سعود ...

صحت من بدري وتحاول تصحي بنت خالتها : لموووو .. لمى .. قومي يللا الساعه صارت 2 وانتي لسى ماصليتي الظهر ..
لمى : ....................
عصبت سديم : لمى ووجع .. قومي أقولك الساعه صارت 4 العصر وإنتي ماصليتي الظهر ,, ( مو توها كانت 2 ياسديم ^,* ) ..
لمى ردت بكسل وإنزعاج : سديمووه إنقلعي عن خشتي إنتي وشلاخك ذا .. شكلك ورثتيه من أمي .. تزوير الوقت على كيفك ..
ضحكت سديم على شكل لمى اللي وحتى هي نايمه تسولف قالت تبي تجرها بالكلام : أقوول لمى ؟؟
لمى : ..................
لما ماسمعت رد من سديم قالت : قد ذقتي طعم الحب بحياتك ؟؟
شافت إبتسامة لمى اللي تحاول تخفيها وكملت تقول : تصدقين نفسي أجربه ..وحده من صديقاتي تحب ولد عمها .. تعشق ترابه .... بس ياكثر ماكنت أشوفها تصيح قهر لأنها ماتدري إذا يبادلها نفس المشاعر والا لا .. ويوم خطبها جاتنا المدرسه تصيح من الفرحه ومو مصدقه نفسها وبس تصارخ وتضحك وتراكض .. حسيتها إنجنت بصراحه .. بس تصدقين عاد ( تربعت وكملت بحماس وهي عارفه ان لمى تسمعها بالرغم انها أعطتها ظهرها) منال صديقتي كانت تحب ولد خالها وهو ماكان يدري عنها .. وخطب وحده ثانيه .. تصدقين يالموو إنه جاها صدمه عصبيه وتنومت أسبوع بالمستشفى .. وأختها قالت لأهلها إنه وحده من صديقاتها توفت عشان يرقعون السالفه .. بس البنت رفضت ولد خالها ويوم خطبها رجعت هي بعد رفضته .. قالت كنت قدامه من الأول .. ويوم قلت لها وربي إنك مجنونه بعد مانهبلتي يوم خطب وبكيتي بدال الدمع دم ترفضينه ؟؟ قالت لأني أحبه رفضته .. إستغرب كلامها بس اخر شئ قالت .. لأن هو قلبه مازال متعلق باللي خطبها وماخطبني الا رد على رفضها .. وانا ماراح اتحمل اعيش معاه وهو يحب غيري .. وربي يالموو انها كانت تبكي بكاء كأن ميت لها أحد ,,
قعدت لمى فجأه والدموع متحجره بعيونها وقالت بصوت مرتجف : ياويلي .. يعني ممكن اللي احبه يخطب غيري ..؟؟ والا مايطلع يفكر فيني من اصله ؟؟؟
إنصدمت سديم من منظر لمى وكلامها وقالت : ليش إن شاء الله لا يكون تحبين وأنا مادري ؟؟
قالت لمى ترقع : أقول لو لو حبيت .. ممكن يطلع مايحبني ؟؟؟
قالت سديم بعدم إقتناع بكلام لمى : الله العالم .. اذا كان لك نصيب فيه بتاخذيه .. مالك نصيب ماراح تاخذيه مهما عشتي ..
قامت لمى من مكانها بهدوء متوجهه للحمام ( وإنتو بكرامه ) وسديم تتابعها بنظرات شك إنها تكون تحب ..

**حلاعتيبيه** · 25-11-2009, 04:11 PM

الخبر - حي الحزام الذهبي - بيت أبو وليد ,,

نزلت عند أبوها وشافت منى جالسه على يمينه ومنار ووليد يلعبون بالعابهم ..
جات عند أبوها وباست رأسه وجلست على يساره ..
قال أبوها بحنان : هاه فتوونه أفطرتي حبيبتي ؟؟
ردت بإبتسامه هاديه : لا بابا لسى مافطرت ..
قال بحب وهو يمسح على شعرها : روحي أفطري ياقلب بابا وتعالي ..
قامت وهي تقول : إن شاء الله بابا ..
وأول ماوصلت الباب سمعت منى تقول لأبوها ب صوت واضح فيه القهر : ألحين أنا أقولك أمس ماجات الا الساعه 3 الفجر مدري كانت مع مين ,, ودخلت تكلم بالجوال وصوت ضحكها واصل لاخر الحي .. تجي ألحين تقول لها روحي ياحبيبة بابا افطري ..
رد عليها فهد وهو يحاول يمسك اعصابه لاتفلت : يامره خافي ربك .. البنت توها صاحيه من النوم .. وشكلها تعبانه خليها تفطر أول بعدين أسالها ..
قالت بكل قهر وعصبيه وهي تلتفت تواجهه وتحرك ايدينها : بالله وين عقلك إنت ؟؟ أقولك البنت هايته بالشوارع لأنصاص الليول وتقولي تعبانه ومدري ايش ؟؟
عصب وارتفع صوته وهو يأشر بسبابته ل منى ويقول : منى .. إقضبي لسانك لا أقطعه لك ألحين ,,, قلت لك البنت توها صاحيه من النوم .. تبيني ادخل اضربها واقول وين كنتي امس ومع مين ,, وانا عارف اخلاق بنتي وتربيتها زين ؟؟
خافت منى من صراخ زوجها وقالت بربكه : إحم أنا موقصدي كذا .. بس إنت لازم تراقبها يافهد ,, ( قامت تمسك إيدينه تحاول تهديه وهي تقول بدلع وهدوء ) أنا اللي أقصده إنها بنت صغيره مراهقه لازم نهتم فيها ونراقبها .. وإنت الله يسامحك طيب زياده عن اللزوم ,,ومعطيها حريتها فوق اللازم ..
هدأ فهد بعد ماقدرت منى تمتص غضبه باسلوبها الخبيث وقال : الحين بتفطر وتجي وأعرف منها كل شئ .. بس لاتجلسين تحنين على راسي .. مو رايق لك ترى ..
قالت بخبث : إن شاء الله ياحياتي ..

أما فاتن اللي سمعت كل اللي دار بينهم ودموعها كانت تنسكب على خدها بهدوء كملت مشيها للمطبخ وقالت للخدامه تجهز لها فطورها وتجيبه لها بغرفة الطعام .. جابت لها الخدامه الفطور اللي ماذاقت منه الا كم رشفه من العصير وقامت لأبوها .. لأن نفسها إنسدت بعد هالكلام اللي سمعته ..

راحت عند أبوها وهي بطريقها تدعي .. يارب صبرني .. يارب خلك معي .. يارب تنصرني ولا تعطيها المجال تظلمني يارب .. يارب ماتأثر على أبوي وتشككه فيني .. يارب ..

وصلت الصاله الكبيره اللي كانوا فيها وقالت وهي تجلس قدام أبوها : سم بابا.. طلبتني ..؟؟!
قال أبوها وهو معقد حواجبه : إيه يابوك إمممم ,, إحم بغيت أسالك كيف اهل جارنا ابو سعوود ؟؟
فهمت فاتن تلميح أبوها وردت بعفويه : بخير بابا .. وكلهم يسلمون عليك ويسالون عنك دائما ..
رد ابوها بتوتر مايبي بنته تحس انه يشك فيها لو لحظه وحده : اها .. الله يسلمك ويسلمهم .. إلا إنتي متى اخر مره زرتيهم ؟؟
إبتسمت فاتن بألم لتأثير منى على أبوها وقالت : أمس يابابا كنت عندهم .. رحت السوق إشتريت هدايا ل مها وبنتها .. (وقالت بحماس بسيط وفرح قتل منى من القهر) .. تصدق بابا إنها سمَّت بنتها بإسمي لأني أوَّل وحده قابلتها بالمستشفى يوم ولدت ,,
إبتسم أبوها لبرائتها وقال : وشلون إنتي أول وحده قابلتيها وين أهلها ؟؟
إبتسمت فاتن أكثر إبتسامه زادتها حلا وقالت : لا لأني أنا كنت بالمستشفى أزور صاحبتي تعبانه ومتنومه .. ولما جيت طالعه لقيت مها وزوجها داخيلن وهي شكلها تعبانه لحقتهم وجلست عند غرفة العمليات لحد ماولدت .. واول ماصحت لقتني عندها .. وبلغت اهلها وحلفت انها تسمي باسمي لأنها بالأساس ماكنت مخططه لإسم بنت .. كانت تفكر إنها حامل ب ولد ..
إبتسم أبوها لها بس ماتت إبتسامته وهو يسمع زوجته تقول بكل خبث ومكر : ليش ياحبيبتي يافاتن تظلين بالمستشفى لوحدك ( وشددت عليها ) كل هالمده مع زوج الحرمه .. وانتي عارفه انه وحده تولد اكيد راح تطول بغرفة الولاده ؟؟
مات الفرح اللي ماأمداه ينولد بقلب فاتن من كلام العقربه منى وقالت بابتسامه متوتره : لا عادي هو اصلا ماكان يدري اني واقفه معاه .. لأني واقفه بجهه بعيده عنه .. وأصلا هو يتعبرني أخته الصغيره مثلي مثل لمى .. (وكملت بغصه) .. وبعدين اللي محترمه نفسها راح يحترموها الناس ومايفكروا فيها بشئ أو يقربوا عندها ,,( إلتفتت على أبوها وكأنها تأكد له تراني محترمه وماغلطت وبعيونها لمعة إنكسار وهي تقول ) .. صح بابا ؟؟
رد أبوها بإبتسامة فخر ل بنته : صح ياعيوون بابا .. بس إنتي أمس الساعه كم رجعتي ؟؟
خافت فاتن لايهاوشها أبوها انهأ تأخرت لأنه مايرضى تتعدى الساعه 10 وهي برى لوحدها مع السواق والخدامه .. وقالت بربكه : بابا والله امس رحت ل جيراننا ام سعود ولمى وكانت جايه بنت خالتهم وتعرفنا على بعض ,, وأخذتنا السوالف ماحسيت الا الساعه 12 ونص ..( ورفعت اصبعها السبابه وهي ضامه ايدها وتحلف لأبوها) والله والله مو قصدي أتأخر والله ..
قال أبوها بشوية حزم : أوك باب أنا مصدقك .. بس مره ثانيه ماتتعدين الساعه 10 برى البيت زين حبيبتي ..؟؟ هم يجوا عندك ياخذون راحتهم لو يبغون يناموا بعد ماعندي مانع ,, بس انتي تتأخري اكثر من الساعه 10 برى البيت ولحالك لأ .. إتفقنا حبيبتي ..؟؟
نطت فاتن تحضن أبوها وهي تقول : إتفقنا ياأحلى أب في الدنيا وقامت تبوسه على خده وهو يضحك ..
أما حالة منى لو تدخل ب المحيط الهادي عشان تطفي النار اللي بداخلها ماقدرت تطفي لو جزء منها من القهر .. وهي بنفسها تقول : الله ياخذك يابنت ال ..... وربي لأوريك العذاب بعينه .. أنا حلفت إني لأخليك تتمنين الموت ولا تطولينه وعند حلفي يافاتنووه .. والأيام بيننا .. إنتي وهالشايب اللي كل مابتسمت له نسى الزعل والهواش كله ,, حسبي الله عليكم ..

وما دروا فيها فاتن وأبوها إلا وهي واقفه فجأه ..
قال فهد بإستغراب : على وين يامنى ؟؟
قالت وهي تفرك ايدينها ببعض من الحسره والقهر : بأروح أخلي الخدم يحطون الغداء عشان نتغدى ونطلع نزور أهلي تعرف اليوم عندهم عزيمه وكذا ..

قال فهد وهو بالأصل كان ناسي : يوووووة والله نسيت بس زين ذكرتيني .. ويللا بالله خليهم يجهزون الغداء حدي جوعان وتعبان ودي أرجع أنام ..

طالعت فيه بقهر وقالت وهي صاكه على اسنانها : إن شاء الله ألحين باقولهم ..
وراحت وهي تفكر وتخطط وتدبَّر والأهم ببالها بس متى تنفذ ...؟؟؟؟!!!

\
/

**حلاعتيبيه** · 25-11-2009, 04:14 PM

الدمام – حي الفيصليه ..

جالسين على سفرة الغداء و هو جالس برأس السفره ..
ويطالعون إعادة مسلسل باب الحاره على ال mbc 1 ^,* ..
ومندمجين مره معاه ماكأنهم شافوه برمضان خخخخخخخخ .. وأول ماجات الدعايه إلتفتت أمهم على عصام وقالت :يمه عصام اليوم بنروح نزور مها بنت خالتك عند خالتك .. تعال معانا بارك لها ولزوجها زين يامي ؟؟
قال عصام بضحكه : ياه مهيّه صارت أم ؟؟ من يصدق ذيك المهبوله صار عندها بزر ههههههههههه ,, إلا يمه وش جابت هي ؟؟
قالت أمه بإبتسامه لذكرى شكل البنوته اللي تجنن : بنت ..
قال بإبتسامه : ماشاء الله بنت .. وش سمتها طيب ؟؟
ردت ساره بلقافه : سمتها فاتن ,, حلو صح ؟؟

رفع رأسه فجأه يوم سمع الإسم وكأنهم يقولون هالإسم وراك وراك ..

وإستغرب عصام الإسم وقال وهو عاقد حواجبه : فاتن ؟؟ صراحه اٌلإسم يخقق .. بس على مين .. ؟؟! لأني أحسه إسم أحد كبير ..

كان ينتظر عزام الإجابه بلهفه مايدري وش سببها وهو ساكت وهادئ وعيونه على ساره وكأنه يقول : إخلصي قولي على مين يرحم والديك ..

بس قطعت ساره تفكيره وهي تقول : على إسم بنت جيرانهم صديقة لمى إسمها فاتن .. وأول وحده بلّغت خالتي ولمى ان مها ولدت لأنها كانت بنفس المستشفى وقت ولادتها .. واول وحده باركت ل مها عشان كذا مها حلفت تسميها بإسمها ولأنها تقول تحنّ ع هالبنت كثير وتحزن عليها .. مع إني مدري ليش تحزن عليها .. بنت جمال ودلال وفلوس وعز ... وفوق هذا أمها أجنبيه .. يعني كامله من كل الجهات ليش تحزن عليها مدري ؟؟
طلع عزام من قوقعة صمته وهو يقول بهدوء : الجمال والمال والأم الأجنبيه على قولتك ماتجيب الهناء وراحة البال ياأخت ساره ,,
ردت ساره : بس هي مهمه بالحياه .. ومانقدر ننكر أهميتها صح وإلا لا ؟؟
قال بهدوء وهو يرتشف شوي من عصيره : مهمه إيه بس مو لدرجة تجيب السعاده والهناء للإنسان وتبعد عنه الهم والحزن .. ويمكن هي مثلا مريضه (وبقلبه يقول أعوذ بالله .. مايدري ليش حس بقلبه وخزة ألم من مجرد تخيل هالشئ ) وكمل : أو أمها أو أبوها متوفين أو أو أو ,, محد عارف بظروف الناس ..
قالت ساره وكأنها تتذكر : إيه إيه صح ,,, أذكر إن مها مره قالت إن أمها متوفيه من زمان .. وإن أبوها متزوج وحده ثانيه معذبتها .. بس مدري صدق و الا لا ؟؟؟!!
قالت أمها ب حزن : ياقلبي عليها الله يزيل حزنها يارب ,, (وإلتفتت على عصام تكمل ) وإنت وش قلت بتجي معانا وإلا لا ؟؟
قال عصام بسرعه : إيه إيه بأجي بأسلم على محمد زوج مها وأبارك له وأطلع مع تركي ونواف أخو محمد ..

أما هو كان ب عالم ثاني مافيه إلا هو وحزنه على هالبنت اللي أكيد رافقها الحزن بوفاة أمها مثل مارافقه هو بوفاة أبوه ..

نفض رأسه لا يفكر فيها أكثر من كذا وحمد ربه على نعمته وقام ينام شوي عشان العصر يروحون ل خالته ..

\
/
\
الخبر – حي الحزام الذهبي ..

صحت من النوم وهي بحضنه وتشوف صدره العريض العاري بوجهها دفنت وجهها فيه زود وهي تشم ريحته ,, وتقول بقلبها : أعشقه ياناس .. أحبه وأموت فيه .. هو اللي تحمل دلعي برغم عصبيته .. هو اكثر واحد واساني بوفاة أبوي .. هو اللي كان يبكي معي لابكيت .. هو اللي كان يحسسني بالدفاء وقت البرد ,, هو اللي كان يهاوشني ويرجع يراضيني ب لسانه العسل وحبه الكبير ,, أعشق فيه قوته وسيطرته ,, رغم عصبيته ومعروف عنه كان يضرب أي أحد يرفع ضغطه إلا أنه ماقد فكر يمد ايده علي .. مع إني عنيده ورأسي يابس ودلوعه بزياده إلا أنه قدر يخليني على كيفه ,, ياناس هالادمي غيرني وغير أشياء كثيره فيني .. دفنت راسها بحضنه أكثر وحست ببوسه على جبينها .. رفعت رأسها له وقال بصوت كسل يدوخ : صباح الحب على كل الحب ..
إبتسمت بحب وقالت : صباح الهناء ياعيون سمر ...
قال وهو يبوس رأس خشمها : فديت عيونك ياقلبي ..
حاوت سمر تقوم من حضنه وهي تجر الروب حقها وقالت : يللا حبيبي قوم بلا كسل .. ألحين أكيد راما وعزام بيجون يطبون عليك لاشافوك نايم .. وأنا بأدخل أتحمم وأطلع أتجهز عشان نروح لأهلك ..
سحبها سعود لحضنه مره ثانيه وهو يقول : تصدقين عمري ؟؟؟
إلتفت عليه بمعنى وشو ..
كمل وهو يطالع ب عيونها بكل حب : كل يوم أحس إني أحبك أكثر ..
توردت خدود سمر وقلبها يضرب طبول وقالت : وأنا ياسعود وربي كل يوم أعشقك أكثر وأكثر ..
سحبها لحضنه أكثر وهو يطبع على شفايفها أجمل وأرق بوسه .. ويده ورا رأسها ويشدها له أكثر .. وذاب كل منهم بالثاني ..

\

**حلاعتيبيه** · 25-11-2009, 04:16 PM

لكن ليس كل مايتمناه المرء يدركه .. قطع عليهم جوهم الشاعري صوت ضرب ع الباب وهواش ( راما & عزام ) .. توأم عمرهم 5 سنين .. ^,*

راما بصوت يبكي : ماما .. شوفي عذام يضلبني عثان لحت معاه عند الولد ,, ( ماما شوفي عزام يضربني عشان رحت معاه عند الولد ) ..

رد عزام عليها وهو يسوي نفسه معصب وإنه هو الكبير : البنت ماتلوح عند الردال .. حالي عذام يدول تدا .. ( البنت ماتروح عند الرجال .. خالي عزام يقول كذا ) ..

وإستمروا بالصراخ والهواش عند الباب ..

أما العشاق سمر سحبت شفايفها بهدوء ورقه من فم سعود وهي تضحك بنعومه وتقول : شفت عيالك .. أنا مالي ذنب ترى ..

ضحك سعود بشويش وهو يلمس جبينها ويقول : قومي شوفي لهم .. لأني والله إن قمت ذبحهم مايكفيني ..

ضحكت سمر وهي تلبس روبها وتسكره على جسمها الرشيق الصغير واللي يخفي عمرها .. وقالت وهي رايحه للباب : طيب ياماما جايه ..

فتحت الباب وارتمت راما ب حضنها تبكي وعزام يطالعها وهو معصب ويقول بحماس الصغار : ماما هي لاحت عندنا واحنا ردال عيب تدي هي معانا .. ثح ؟؟
( ماما هي راحت عندنا .. واحنا رجال عيب تجي معانا .. صح ؟؟)
ضحك أبوه على تفكير ولده اللي أكبر منه وقال وهو يلبس بلوزته : يابابا .. أختك تحبك عشان كذا راحت معاك ... وانت المفروض ماتضربها علمها قولها عيب تجين عند الأولاد وهي بترجع البيت ..بس موتضربها كذا ..
ضحكت سمر وهي تطالع ب عزام اللي موعاجبه كلام أبوه وقالت : والله صدق من قال كل واحد وله من اسمه نصيب ,, إنت خذيت كل صفات خالك .. ( وإلتفتت على سعود وهي تقول ) تذكر يوم كان يضربني عزامووه إذا جيت أجلس معاكم ؟؟
ضحك سعود على هالذكرى وقال بغرور مازح : إنتي أصلا من صغرك تحبيني وعشان كذا كنتي تضحين ب عمرك وتنضربين من عزام في سبيل انك تشوفيني وتكحلين ناظرك بشوفتي ..
ضحكت سمر بصوت عالي وقالت : قول والله عاد ,, ومن هو إن شاء الله اللي إذا جاء عندنا طلع غرفتي يدور علي ويشتري لي كل اللي ابيه عشان بس اجلس معاه وأضحك له ؟؟ مو إنت ؟؟

ضحك سعود أكثر وقال وهو جاي جهتها وينزل ل عند وجهها ويقول : إيه أنا المجنوون سعوود .. ( إبتسم بجاذبيه قاتله زادته وسامه وقال ) وما غلطت يوم صرت مجنوونك ...
وقرب باسها على شفايفها قدام عيالها وهي طاح وجهها ويوم بعد عنها وسط ضحكات راما وعزام البريئه والخجوله وهو يهمس بإذنها : هذي تكملة اللي قطعوه علينا .. ضحك على وجهها الأحمر وقام يدخل الحمام ياخذ له دش وتركها وهي تطالع عيالها بخجل وفشله من حركة سعود الجريئه وهي عارفه عيالها نشرات أخبار .. يعلمون بكل شئ يشوفونه .. عشان كذا منومتهم بغرفه لحالهم خخخخخخخخخخخخخخخخخخخخ ..

(( سعود ( 30 سنه ) .. وسيم مره ويعشق سمر من الطفوله .. رومانسي وجرئ لأبعد حد ,, بس عيبه إنه عصبي وينخاف منه .. صديق عزام وتوأم روحه .. أسرارهم كلها عند بعض .. )) ..

(( سمر ( 26 سنه ) ,, جميله جدا ماخذه كثير من جمال أمها وبياضها .. جسمها رشيق وصغير الل يشوفها يعطيها 22 بالكثير .. وهالشئ مجنن سعود زياده .. حبووبه مره ومرحه .. خجوله أحيانا وبايعتها بأوقات ..حنونه كثير وحساسه .. عشقها مع سعود الكل يعرف قصته من الصغر ..)) ..

\
/
\
في الخبر – حي الحزام الذهبي ..

صحى من النوم وهو مكسل مره .. قام توضى وضلى الظهر وهو لابس بيجامته .. برمودا رمادي وبلوزه كت بيضاء .. مبرزه لون جسمه البرونزي بشكل حلو مره .. مشط شعره اللي يوصل لنهاية رقبته ونزل لأهله تحت ..
شاف أمه تشرب الشاهي مع أبوه بعد الغداء ودخل سلم على أمه وأبوه وجلس جنب أمه وهو يحط رأسه على فخذها ويقول :اه يايمه ..
خافت أمه عليه تعرف ولدها كتووم وحساس شوي قالت وهي تمسح على شعره : تركي يمه وش فيك عسى ماشر ؟؟
رد بهمس وهو يحط يده على يد أمه اللي على رأسه : ماشر يمه .. ماشر ,,بس أحس إني تعبان ..
خافت أمه من قلب وأبوه طالعه بإهتمام وقال بجديه : وش فيك ياولد ..؟؟ فيه شئ يوجعك ؟؟
سكت تركي وهو يغمض عيونه ويقول : الجع هنا يايبه ( ويضرب على صدره ) هنا .. هالقلب تاعبني ..
أبوه وأمه تفاجأوأ إن تركي يبوح باللي بخاطره ويقول شئ .. قال أبوه بحنيه وهو فهم وش فيه ولده : وش فيه هالقلب يابووك ؟؟
سكت تركي لفتره وقال لأمه وهو يطالعها وهو منسدح على رجلها : يمه طلبتك .. ريحيني ..
أمه جاتها الغصه أول مره تشوف ولدها كذا وبهالشكل .. ومبين من جده يتكلم مايمزح وقالت بلهفه : وش أريحك فيه يامك ؟؟
قال بهدوء وهو يعدل جلسته : إخطبي لي ..
تفأجأت أمه بقرار ولدها وقالت بفرحه: إبشر يمه من اليوم أبدأ أدور لك انا وخواتك اللي تستاهلك ..

سكت شوي بعدين قال بهدوء كبير : لأ .. اللي أبيها موجوده مايحتاج تدورين يمه ..
إستغربت أمه ولفت على أبوه بعدين رجعت طالعته وهي تقول : من هي يمه اللي تبيها ؟؟

\
/
\

**حلاعتيبيه** · 25-11-2009, 04:19 PM

بالدور الثاني عند البنات ..

قاعده تكلم بالجوال وتقول: يللا عاد فتونه .. اليوم اهل خالتي بيجونا .. أبيهم يشوفونك ويتعرفون عليك ..
فاتن ب حرج : لموو . يابنت إنتو أهل ولحالكم وش موقعي بالإعراب بينكم ؟؟
ردت لمى بزعل : فاتن انتي عارفه انك بالنسبه لأهلي أختي يعني بنتتهم ..واهلي اهلك يافتوونه .. وبعدين اهل خالتي شفتيهم كلهم ماعدا خالتي وساره .. سديم وشفتيها أمس وحبيتيها وحبتك ,, وسمر زوجة سعود أخوي كل يوم عندنا وتعرفينها زين وعارفه قدرك عندها .. يالله عاد والا ترى بأقول ل عزام إنك مابتجي .. وإنتي عاد عارفه وش بيسوي لا زعل وأظن إنك جربتي زعله .. صح ؟؟
إنصدمت فاتن وش تقول هالمهبوله وش دخل عزام فيني جيت وإلا لا قالت بتهور : لمى وش هالكلام أنا وش علي منه ووهو وش عليه مني ؟؟ جيت والا لا ..
إنصدمت لمى وقالت ل فاتن تهديها : فاتن وش فيك عزاموو الصغير ولد أخوي سعود .. تعرفين شو كثر يموت عليك تقولين هالكلام عنه ..؟؟ ( وكأنها تذكرت قصد فاتن وضحكت بصوت عالي خلت سديم تنتبه وتجي تسحب الجوال وتحطه سبيكر .. وكملت لمى بخبث ) .. أقول فاتن .. إحنا قلنا عزام هو اللي مابينام لاشافك .. بس الظاهر صار العكس .. لأني بس قلت إسمه نسيتي ولد أخوي وطوايفه وماخطر ببالك إلا عزام ولد خالتي .. شكله عشعش ب مخك أمس ههههههههههه ..

إنحرجت فاتن وجلست تسب نفسها وتسب تفكيرها المتسرع وقالت ترقع : هههههههه لا والله بس يعني .. أنا إستغربت يوم قلتي عزام وكذا ونسيت قصدك إنه ولد سعود .. بس والله واحشني .. وإذا جيتك اليوم ف هو عشان خاطره هو بس .. مو عشانك إنتي وخشتك زين ؟؟
ضحكوا لمى وسديم على ترقيع فاتن وتغييرها السالفه وقالت لمى : يللا بس لاتتاخرين .. وإلا هالمره بجد بأزعل عليك .. أوكي ؟؟
ضحكت فاتن وقالت : أوكي إن شاء الله .. باعطي أبوي خبر وأشوف لأنه معزوم عند أهل منى زوجته .. وأخاف يجبرني اروح معاهم .. ذيك الساعه بجد بأمووت قهر لأن مافيه أحد يحبني هناك ,,
قالت لمى : لا لا إن شاء الله إنتي قولي له وبإذن الله بيوافق وقولي له الصدق إنك لا رحتي هناك تتضايقين ويعاملونك زفت ..
فاتن : يصير خير إن شاء الله .. يللا بأمان الله ..
لمى : بأمان الكريم ياقلبي ..
\

**حلاعتيبيه** · 25-11-2009, 05:12 PM

البارت الخامس ..

حاجتي لك ..

حاجة الأيتام .. وً .. إيدين الغريق ..

طالبك طلبه ..

تراني أعشقك ..

صُون الأمانه ..} ..

\
/
\
الخبر – حي الحزام الذهبي ..

قالت أم عزام بتوتر وي تبي تتأكد من اللي ببالها : يامي إنتي أبوك قد سافر فرنسا يدرس أو يشتغل ؟؟
إستغربت فاتن أكثر وقالت وهي عاقده حواجبها : إيه سافر درس ب فرنسا وكان ساكن عند عائله فرنسيه اللي هم أهل أمي .. وكانوا مسلمين وبعدها تزوج مأما ..
ظهرت تباشير الفرح بوجه ام عزام اكثر وقالت : يعني يعني إنتي بنت فهد ؟؟ فهد ؟؟
إستغربت فاتن اكثر وتحس اعصابها بتتلف من كلام ام عزام الغامض وقامت عندها ومسكت ايدينها وقالت : ياخاله تكفين وش عرفك ب أبوي ..؟؟ وليش مستغربه إني بنته ؟؟
ضمتها أم عزام ودموعها تنسكب على خدها بهدوء وسط ذهول الكل وإستغرابهم وأولهم ام سعود اللي ماتدري وش في إختها أو وش تحس فيه >> ^,* ..

فاتن كان حالها اردى من حال الموجودين ذهول وإستغراب وخوف ..
ماتدري ليش خايفه أو من إيش ...
يمكن لأنها خايفه تسمع شئ مايرضيها عن ابوها .. او ان طلع لأبوها اهل بعد كل هالسنين ولأنه وحيد اهله صار مثل المقطوع من شجره ..
سحبت نفسها بهدووء من حضن ام عزام وهي تقول برجاء : خالتي تكفين طلبتك وش اللي تعرفينه عن ابوي وخلى حالك كذا ؟؟ تكفين طمنيني ..
مسحت ام عزام دموعها بطرف شيلتها وهي تقول بحنان فائق ل فاتن : يمه .. أبوك ماعنده غيرك ؟؟ يعني اقصد ماعندك اخوان ؟؟
فاتن خلاص ماعاد فيها صبر ودها تقوم تصارخ وتقول ليش كل هالأسئله بس قالت بصوت متوتر : لا عندي اخت واخو من زوجته الثانيه ..
قالت ام عزام : الله يرحمك يابو عزام .. كان وحيد ابوة وامه وتوفى ابوة وهو صغير .. بعدها أمه تزوجت واحد ينقال له عبدالله الفهد وجالها ولد منه .. اللي هو ابوك يامي .. ولما كبروا تزوجت انا بو عزام وجبت عزام وسمر وعصام وساره .. ويوم كنت نفاس ب ساره عام 1407ه قالي ابو عزام ان فهد اخوة يبي يسافر يكمل دراسته ب فرنسا .. وبعدها سافر على اساس يضل هناك 4 سنين .. واللي نعرفه انه راح مع واحد من اصدقائه .. وسكن معاه .. بعد سنتين عام 1409 ه جانا خبر إنه صديق فهد اللي سافر معاه صار له حادث معاه وتوفى ومعاه شخص ثاني بعد بس دخل ب غيبوبه وبعدها توفى .. كلنا قلنا انه اكيد هذا فهد الا ابو عزام اللي مافقد الأمل انه اخوة يكون حي .. عاش حاله مو طبيعيه وجاء له القلب من كثر الصدمات اللي يتعرض لها لما احد يقوله حي والا مات والا ماندري عنه .. كان مايقدر يسافر لأن حالنا بسيط ومو قد تكاليف السفر والسكن بدوله اجنبيه .. بعد سنتين أنا جبت سديم عام 1412ه .. ولما صار عمرها 10 سنين توفى ابو عزام عام 1422ه وكان يوصيني بالعيال وب فهد .. ويقول لي فهد حي يامنيره .. فهد مامات .. (( إنهارت أم عزام تبكي لما تذكرت هالموقف مثل مالكل يبكي من أثر الصدمه بالخبر .. معقوله فاتن بنت عمهم ؟؟؟ معقووله ؟؟ ))
أما فاتن كانت أكثرهم إنهيار لما حست ب طعم الأهل والقرابه والعائله ..
يعني انا لي اهل .. لي ناس يحبوني واحبهم ب صدق .. لي عمام وعائله كبيره ..
لي بنت عم وولد عم وزوجة عم ؟؟ معقوله أنا عندي كل هذا وانا مادري

**حلاعتيبيه** · 25-11-2009, 05:17 PM

ماحست بنفسها إلا وهي بحضن ام عزام اللي كانت تشم فيها ريحة الغالي هي ماقدرت تنفذ وصيته ب فهد لأنه رجال كبير .. بس تقدر تنفذها ببنته اليتيمه الأم .. والي بحاجتهم ..
ضمتها أكثر لها وفاتن تبكي بصوت عالي ..

\
/
\
عند الشباب ..

قام واقف وبان طوله الجذاب وجسمه الحلو وهو ينسف شماغه ويقول ل عصام وتركي : قوم خلص إنت وإياه من الصبح وإنتم تتقهوون بالله ماشبعتوا ؟؟
شرق عصام بالقهوه وقال : كح كح كح الله ياخذك قول امين ,, وش هالعين مالت عليك ؟؟ ياخي انت واحد تهتم برشاقتك بزياده خلنا ناخذ راحتنا بالأكل .. واكل بيت زي الأوادم مو اللي تطبخه لنا بكل كشته اللي يديم النعمه بس ..

ضربه نواف على ظهره برجله بخفيف وهو يقول : قوم قوم بس .. الله يديم النعمه هاه .. اجل لا كشتنا لا اشوف خشتك مقرَّب عندي وتبي تذوق وتاكل .. والله لأفقع وجهك فاهم ؟؟
ضحك تركي عليهم وقام يوقف وهو يمسك جيوبه ويقول : قوم بس انت واياه .. لو نننتظركم تخلصون مناقرتكم ماخلصتوا .. والله كانكم ضراير مو اخوياء خخخخخخخخخخخخخ ..
ضحكوا عليه الشباب وطلع تركي ونواف وعصام يروحون يتمشون ويقابلون اخوياهم الباقيين ..
أما سعود وعزام ومحمد جالسين يسولفون ..
ويحاولون يقنعون عزام بالزواج .. بس هو معنَّد مايتزوج الا بعد مايزوج اخوه وخواته ..

\
/
\

عند البنات ..

قطع جو الهدوء والدموع صوت فاتن لما قالت لأم عزام بعد ماهدت شوي : طيب ياخاله انتي ماسالتي بعد كذا ماقلتي ل عزام ؟؟

قالت ام عزام بهدوء : عزام يامي كانت حالته حاله .. توفى ابوه وعمره 19 سنه توه بأول جامعه وكان يشتغل محاسب بشركه بالخبر .. بعدين نقلنا الدمام لأن ابو عزام كان شاري بيت هناك بس مأجره ,, ولما توفى طلعنا المأجرين ورحنا سكننا فيه لأننا ماكنا نقدر ندفع اجار البيت بالخبر .. وبعدها انا نسيت الموضوع تماما لأنه كل ماسالت احد قالوا لي ان اللي كان مع صديق فهد بالحادث سعودي معناتها هو ,, وشلت الموضوع من بالي واهتميت بعيالي ..
وإنتي يامي كيف كنتوا عايشين ..

شكتت فاتن شوي تتذكر وقالت بصوت هادئ مازالت اثار الصدمه عليه : انا ياخالتي اللي اعرفه ان ابوي بعد سنتين من دراسته سكن عند عائله فرنسيه مثل ماقلت لك وتزوج ماما ولما ماما جابتني منعوها تحمل بعدي .. بس بعد 9 سنين حملت وهالشئ أثر عليها كثير لأنها كانت تبي تجيب لي اخ او اخت بس ماربي كتب .. لأنها توفت بالولاده والطفل كان ملتف عليه الحبل السري وانخنق وتوفى .. وعدم اهتمامهم فيها كان أحد اسباب الوفاه على كلام بابا .. وبعدها بسنه جيت انا وبابا ع السعوديه وسكننا بالخبر ,, درست انا وهو فتح له مؤسسه صغيره لحد ماكبرت الحين وصارت من اكبر اللشركات بالشرقيه ..
قالت أم عزام : الله يرحمها يارب ..
ووشلون زوجة ابوك معاك يامي ؟؟
بان الالم والهم على وجه فاتن وقالت وهي منزله راسها : الحمدلله على كل حال ياخالتي ..
حزنت ام عزام على فاتن اكثر وقالت : الله يفرجها من عنده يابنيتي لا تضيقين نفسك ..
إبتسمت فاتن بألم وقالت وهي تطالعهم كلهم : امين ياخاله .. بس شلون اضايق نفسي وانا عرفت انه طلع لي اهل وعائله وعزوه بعد ابوي .. انا كنت احسد لمى عليكم وانه عندها اقارب وناس يحبونها وتحبهم ... ناس تربطهم فيها علاقة دم وقرابه مو بس صداقه ,, ( قالتها وهي تمسح دمعة فرح وحيده نزلت من عينها ) ..
قامت لمى عند فاتن وهي تضمها وتقول بمزح محاولة تغيير الجو الكئيب : وش عليك ياعم طلعت سديم بنت عمك .. وانا اللي طلعت من هالعلاقه بلووشي .. ههههههههههههههههههه ..
ضحكوا كلهم وقامت سديم عند فاتن وهس تسحبها من لمى وتضمها وتقول : وخري بس عن بنت عمي .. واي وناسه طلع عندي بنت عم غير الشيفه لمى ..
ضحكوا كلهم على هبال ال ثنتين وقالت لمى لأمها وهي حاطه يدها على خصرها وتمثل الزعل : يممممممه تكفين حاولي تتذكري يمكن عندي عم والا عمه من الرضاعه غير عمي الأقشر طلال ..
ضحكت امها وقالت : من وين اجيب لك ياحظي .. هذولا اهلك وهذا حظك عاد ..
قالت لمى بجديه : بس الغريب يمه إنه من 8سنين وفاتن صديقتي وجيراننا بعد ولو ان بيتهم بالجهه الثانيه بس ماقد جبنا طاري ابوها قدام خالتي من قبل ولا عرفت الا الحين .. وحتى انتي يمه ماعرفتي انه هذا اخو عمي خالد الله يرحمه ,,
قالت امها : مو احنا يامي كنا ساكنين بالرياض .. بس لما توفى ابو عزام الله يرحمه قبل 10 سنين ابوك قدم نقل على ارامكو من الرياض للشرقيه وانقلوة الخبر .. وماكنت اعرف بسالفة اخوة ..
قالت سمر وهي تبوس فاتن على خدها : بس الحمدلله ان الله اظهر الحق وبانت الحقيقه وعرفناك وعرفتينا ..
إبتسمت فاتن ب محبه ل سمر وقالت : اللهم لك الحمد يارب ..

سمعوا أذان المغرب وقاموا يصلون ..
وفاتن طول صلاتها وهي تحمدالله وتشكره على هالنعمه ..
بس باقي ترجع البيت وتتأكد من هالكلام من أبوها ..
لأنها بس تتذكر انه مره قال لأمها قبل ماتتوفى انه عنده أخ بس ماعاد سمع عنه شئ او ساف منه رسائل وكذا ..
وهي نست هالشئ لأنها كانت صغيره وماهتمت ..

**حلاعتيبيه** · 25-11-2009, 05:23 PM

الخبر- الكورنيش – الواجهه البحريه ..

كانوا حوالي 6 شباب جالسين مع بعض وسوالف وضحك وذب على بعض ..
تركي وعصام ونواف .. وسلطان ونايف وحمد ..

قال سلطان ل عصام : أقول يالنسيب ..؟؟
لف عصام بقوة وقال بتريقه ل سلطان : من هو النسيب ؟؟ لايكون أنا ؟؟
قال سلطان بإبتستامه على جنب : إيه إنت .. ليه عندك مانع ..؟؟
ضحك عصام بصوت عالي وقال بإستهزاء ب سلطان : أنت تناسبني أنا ؟؟
أنت ياسلطان ؟؟ هههههههههههههههههههههههه ..
إرتفع ضغط سلطان وعصب بس حاول يكبت ويوشف اخرتها وقال : إيه وإلا ماني عاجبك ياحضرة الدكتور خخخخخخخخخخخ ؟؟ ( قالها بطنازه لأن عصام ممرض وبالإستقبال بعد ) ...
قال عصام وعلى فمه إبتسامة إستهزاء بعد ماعرف إن سلطان مو بس يكلم بمات على حد قوله لأ يهددههم ويجرهم للشقق وياخذ عليهم ربح كبير وهالشئ عرفه عصام بالصدفه يوم سمع سلطان يقوله ل نايف خويهم .. بس ماقال ل سلطان انه يعرف ..
وقال : والله ياصديقي المحترم (شدد عليها) انا مازوج اختي أي احد ,, واذا باناسب ماناسب الا رجال .. سمعت وش اقول ياسلطان رجال ...
ارتفع ضغط سلطان وتركي إبتسم وإرتاح لكلام عصام واللي بيّن إنه متغير على سلطان ..
وقام سلطان واقف من العصبيه ويقول : وأنا وشو قدامك ؟؟ رجال وغصب عنك رجال .. وراح يجي اليوم اللي يشرّفك نسبي ..
قام عصام واقف وهو يقول : تخسي الا انت .. موب انت اللي يشرفني نسبه ياللي تلعب بأعراض الناس .. وتفضحهم ..مافكرت بخواتك ؟؟
ضحك سلطان بسخريه وهو يطبطب على كتف عصام ويقول : روح يابابا روح .. الحين انا اللي العب باعراض الناس وانت وشو ؟؟ مو ذاك اليوم جيت تشحذني رقم بنت شحاذه عشان تجرب وتحب .. ؟؟ مو انت ياستاذ عصام ؟؟ وأكيد إختك مابتروح بعيد عنك ..
عصام ماحس بنفسه إلا وهو يبقسه على وجههه ويطيح فيه ضرب ..

بالوقت اللي تركي إنصدم فيه صدمه قويه من عصام وإنه ممكن يكون يكلم بنات وقام واقف يبعد عصام عن سلطان ويدافع عنه وعن إخته دام إنها بنت خالته أولا وبحسبة خطيبته ثانيا ..
وقال تركي بصراخ وهو يسحب بلوزة سلطان اللي امتلت دم من ضرب عصام له: تخسي الا انت ,, عصام ماجرَّه لهالبلاوي غيرك يالواطي ..وإن سمعتك تجيب طاري خطيبتي على لسانك .. (ومد سبابته بوجهه علامة الحلف والتهديد وهو يقول بصوت مرعب وعيونه تشب نار ) واللي رفع سبع وبسط سبع مايكون ذبحك إلا على يدي ..فاهم ؟؟؟؟!!!

إنصدم الكل من كلمة تركي .. واولهم عصام ونواف ..
اما تركي ترك سلطان ع الأرض ومشى والنار شابه ب صدره شب ..

وعصام مشى ل سلطان وتفل عليه وهو يقول : تف عليك وعلى اشكالك يالواطي ..
مشى عصام عنه أما نواف واقف مذهول طالع ب سلطان اللي يقول بصوت كأنه فحيح أفعى غداره : والله ياعصام لأخليك توافق على زواجي من القطعه أختك وإنت تناقز من الفرحه ..
إنصدم نواف من كلام سلطان اللي يدب الخوف بقلب الواحد غصب وقال ب حزم : سلطان البنت مخطوبه ل تركي مثل ماسمعت .. وش لك فيها ..؟؟

ضحك سلطان بصوت عالي وهو يمسح الدم اللي نازل من خشمه وشفته : لا ياقلب أمك عنده وحده أحلى بكثيييييير وأصغر .. ههههههههههههههههههههههه .. والله لأخليه يبوس راسي لأني ناسبته وهو مستانس .. خصوصا إنها لاهي مخطوبه ولاشئ يعني حلوة من مجاميعه ههههههههههههههههههههههههههههههههههههههه ..

قرب نواف ل سلطان وتفل على وجهه وقال : تف على هالشنب اللي بوجهك يالحقير يالخسيس .. تطالع ب أخت خويك يالخاين .. ياحيف على الرجال بس ..

تركه وراح وهو ميت خوف على عصام وتركي واللي ممكن يصيب أخت عصام بعد تهديد سلطان واللي واثق من تنفيذه .. قال بقلبه ( يارب استر يارب استر يارب استر ) ..

ركب سيارته ودق على تركي اللي قاله انهم بيرجعون البيت وطلبوه يجيهم هناك وافق واتجه لبيت ابو سعود ..

\
/
\

طفلتك ماعاشت احساس الطفوله روايه رومنسيه جريئه

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget