أقول إنسى تمر ذكراي روايه سعوديه قمة الرومانسيه كامله / للكاتبة رحلة ألم

تقليص
X
تقليص
 
  • الصفحة لـ 8
  • الوقت
  • عرض
إلغاء تحديد الكل
مشاركات جديدة
السابق 1 2 3 4 5 6 7 8 template التالي
  • *عبير الزهور*
    V - I - P
    • Jun 2008
    • 3267
    #41
    الجزء الثاني العشرون


    عسى ربي يخليك لعيوني ..عسى ربي يخليني لعيونك
    حبيبي دنيتك صعبه بدوني... ولاشيء دنيتي تسوى بدونك
    أنا مغرم ياغالي فيك وأدعي ربي يخليك
    إذا عني بعدت يجن جنوني... لأنك صرت أغلا من عيوني
    عسى ربي يهنيني بغرامك.... ولا يحرمني من رقة كلامك
    ياأغلا إنسان أنا عندي ياحزني وفرحتي وسعدي
    أخاف الناس عنك يبعدوني .......حبيبي صرت أغلا من عيوني
    حبيبي فيك راضاني زماني............ لغيرك مايطاوعني حناني
    سكن حبك بوجداني ....وإتعوض فيك حرماني
    غرامك غير إحساسي ولوني........ حبيب الروح ياأغلا من عيوني


    اليوم السبت
    الساعه ال10 صباحا


    اليوم قررت إنه يكون أول يوم لي بحياتي الجديده وراح أبتدي فيه أول الخطوات بروحتي للكليه ...
    طبعا أنا ماعلمت أي وحده من البنات بمخططاتي برجعتي للدوام اليوم حبيت أسويها لهم مفاجأة ... يالله شكثر إشتقت للكليه بكل مكان و كل زاويه وركن فيها..........
    وصديقاتي فقدتهم حيل وفقدت جمعتنا اليوميه .....سوالفنا وهذرتنا ..وطماشتنا على الرايح والجاي ....
    وصلت للبوابه ...دخلت وفصخت العبايه ولفيتها وأنا ملاحظه نظرات البنات .....منهم من يعرفني من زمان وجاء يسلم علي ... ومنهم من سبق وشافني بس مايعرفني ..... ومنهم من أول مره يشوفني وطبعا هذولا بنات سنه أولى إلي نظراتهم لي وكأني نازله من كوكب المريخ........

    كنت فاتحه شعري إلي طول وصار يوصل لنص ظهري... ولابسه تنوره سودا مكسره مع بلوفر رمادي ((لأن الوق كان برد)) وحاطه مكياج خفيف مجرد إني محدده عيوني بالكحل الأسود وروج وردي فاتح .... كان شكلي مره كيوت ...
    رسمت على فمي إبتسامه ناعمه ومشيت متجهه للصاله الرئيسيه وأنا ملاحظه نظرات البنات إلي تلاحقني .... أول مادخلت للصاله توجهت للوكر حقنا ... هههه حتى إنت وحشتني تصدق
    سمعت صرخه من وراي إلتفت بسرعه.....
    إبتسام: ساره ساروه حبيبتي (( وركضت يمي وضمتني حيل )) ماأصدق وأخيرا رجعتيلنا
    ساره : هههههه وبكامل قواي العقليه
    إبتسام: ياعمري ياساره والله إن الشله مو حلوه بدونك... تعالي نجلس نستنى الشله كلها دقايق ويجي وقت البريك ونتجمع سوا كلنا زي قبل
    ساره بفرح: واحسن ياإبتسام وأحسن من قبل
    تجهت ساره مع إبتسام لمقر الشلة وجلسوا هناك يسولفون ....

    إنفتح الباب
    وا ا ا

    كل الشله دخلوا ((ندى ,الريم, ماجده, نوره, سميره , تغريد, بدريه ,ضحى , عهود., ريم, منى..........إلخ >>>تعبت ههههههههه))

    الكل يضم ساره ويسلم عليها فرحانين بوجودها معاهم وبعد ماخلصوا سلامات إشتغلوا بلأسئله عنها وعن الأيام إلي قضتها فترة العده

    بعد إنتهاء الدوام بالباص ((ندى , الريم , ساره))

    وهم في غمرةالسوالف والضحك .... بدى تليفون الريم يدق ...من شافت الرقم حست بمويه بارده تنكت على وجهها...

    ندى: بسم الله شفيك يبستي مين المتصل
    الريم:.............
    ساره: ريومه شفيك
    التلفون كان يدق بشكل مجنون إتصال ورا إتصال مايوقف بلأخير إظطرت الريم تحول الجهاز على الصامت عشان ماتلفت نظر بقية البنات بالباص
    ساره بجديه: ريوم مين إلي يتصل فيك
    الريم بصوت واطي: زيد
    ندى بصدمه وبصوت عالي: مين
    كل إلي بالباص إلتفت عليهم بسبب صرخة ندى
    الريم: سكتي فضحتينا حسبي الله على العدو
    ندى: هاه طيب
    ساره: وش يبي متصل
    الريم: ماأدري
    وصل عدد المكالمات التي لم يرد عليها 15 مكالمه
    ندى: شكله يبي يقولك شيء
    الريم : شيبي يقول هذي أول مره من 3 يحاول يتصل فيني
    ساره: الريم واضح إن عنده شيء ولا كان ماإتصل بهالطريقه
    الريم : هالخبل بيفضحني إذا تم يدق
    ندى: طيب ردي عليه وإسمعي شبيقول
    الريم: لاء أنا غلطت مره لأما كنت أرسله مسجات ..وماني مستعده أكرر الغلط بشيء اكبر منه وهو المكالمات
    ساره: صح كلام الريم المسجات ممكن تترقع لأنها كانت مسجات عاديه ممكن إتكون إنرسلت بالغلط لكن المكالمات بتكون غلطه كبيره
    ندى: أنا ماقصدت إنك تكلمينه بس ردي عليه وإسمعي شبيقول وبعدين صكري بوجهه
    الريم: ياويلي قربنا نوصل البيت وهو ماوقف إتصالاته وش أسوي
    ساره: إقفلي التليفون إلى بكره
    الريم: بس يمكن أبوي ولا وحده من خلاتي تتصل علي شبقولهم إذا لقوا تلفوني مقفول وإتصلوا على البيت
    ساره: عادي قوليلهم قفل علي لأن البتري فضى وأنا ألحين أشحنه
    ندى: صح كلام ساروه .... يلا بسرعه أشوف إقفليه
    الريم: قفلته

    وصلت كل وحده منهم بيتها وهي توعد الثانيه غنها بتكلمها المساء على تلفون البيت بما إن الريم قافله جهازها

    من جهه ثانيه كان زيد المجنون في أوج حالات الحزن

    ليش ماترد هاه...... لاوألحين قافله الجهاز طيب يالريم ياأنا ياإنتي
    غمض عيونه وتذكر كل الكلام إلي إنقال على الغدا اليوم فيبتهم

    كان هو وأبوه وإخوه على الغدا ... وأمه وشوق جالسين معهم يسولفون
    أم زيد: أقول يمه شوق شخبار الريم
    شوق: الحمدلله يمه زينه
    زيد من جابوا طاري الريم وقف عن الأكل وجلس يتسمع لكلامهم
    أم زيد: إلا سمعت إنها إنخطبت صحيح هالكلام
    شوق: لا مين إلي قال
    أم زيد: جارتنا أم.......... تقول إن ولد بنت خالتها يصير ولد عم الريم وإنه خاطبها بس ماعلموا أحد يستنون الجده تقوم بالسلامه ويعلنون الخطوبه
    شوق: أي واحد من إعيالهم
    أم زيد: أحمد بن..........
    شوق: إي عرفته شفته كم مره جاي مع أهله يزورون الريم بالمستشفى
    أم زيد: شكله كان حاط عينه عليها ....و............و..........
    ماقدر يسمع أكثر فز من غداه تغسل وطلع من البيت
    أم زيد: يبه ماكلت ........وين بتروح تعال....
    لكن زيد ماكان عنده أي رد لأسئلة أمه لأن إلي بخاطره كان معميه عن أي شيء ثاني

    محد كان منتبه لزيد إلي ملامحه تغيرت من الصدمه بإن الريم بتروح من بين إيدينه وإلي بياخذها منه أحمد
    أحمد انا من شفت الورد إلي جايبه لها وأنا حاس إنه حاط عينه عليها بس يخسي .......
    وينه عنها من زمان ولا ماحلت بعيونه إلا ألحين ......عمرهم لاهو ولاأهله ..سئلوا عنها ولا جاو يشوفونها وهي صغيره ...لكن أحلين لما كبرت وإحلوت بعينهم يبون ياخذونها من بين إيديني ...بأحلامهم ..... الريم تحبني وأنا أحبها
    أنا ماأحبها وبس إلا أتنفس هواها

    الريم ماراح تكون لحد غيري ......أبد مهما يصير

    وضرب يده بأقوى ماعنده على مكتبه طراخ

    فهد وهو يدخل على كتب زيد

    فهد: شوي شوي عليه كسرته مسكين يطلب الرأفه
    زيد : فهد أنا ماني بفاضي للمزح ألحين
    فهد: ليه الله يكافينا الشر وشفيك

    زيد حكى لفهد كل الي صار وسمعه من أهله

    فهد وهو سرحان: الظاهر مكتوب علينا كلنا نذوق من هالكاس
    زيد: لا وأي طعم مر وعلقم
    فهد: ياذا عيال العم إلي كل مانبي نخطي الخطوه وقفوالنا مثل العظم
    زيد: صدقت ياخوي بس وش السواه
    فهد: مالك إلا تنتظر وتعرف رايها بالموضوع
    زيد: وشلون وهي رافضه ترد علي لا وقفلت التلفون بعد
    فهد بمزح: أكيد تخرعت من صوتك
    زيد: ليه هي سمعته أصلا
    فهد: تمهل ياخوي وفكر زين يمكن إنت ظالمها وإنها ماتعرف شيء عن هالسالفه يبقى الموضوع هذرت حريم مافيها من الصدق ذره
    زيد : يمكن
    فهد: طيب وش رايك ألحين دام الدوام إنتهى نطلع أنا وإنت نتمشى ونروح أي مقهى على حسابك
    زيد: وليه مايكون على حسابك انت
    فهد: ماطلبت إنت بس إمش وامر بالي تبيه
    ##############################

    نفس اليوم الساعه 9:45 ليلا

    الريم تكلم ساره عن مخططها الإجرامي للفكه من أحمد بالتلفون

    الريم: هاه شرايك بتساعديني
    ساره : افا عليك مايبيلها سؤال أنتي عارفه إن أهم شيء عندي سعادتك .......بس إنتي فكرتي بالموضوع زين ...
    الريم: فكرت وإستخرت وحسيت إن أرفض الموضوع أكثر وأكثر
    ساره: يمكن إحساسك بالرفض نابع من كونك رافضه بلأساس تفكرين فيه بطريقه جديه
    الريم: لاياساره صدقيني أنا فكرت بالموضوع زين ولقيت إن أحمد مايناسبني ...
    ساره: طيب من كلامك عن هبه واضح إن أحمد مش حاطها فباله أصلا
    الريم: وهذا دورنا بالموضوع غن إحنا نلفت نظره لها
    ساره: بس إحنا يالريم مانقدر نسوي شيء بدونها ...لازم هي تكون راغبه بها الشيء وتبيه
    الريم: ماعليج من موضوع هبه انا بكره بروح بيت عمتي وبكلمها بها السالفه
    ساره وهي تضحك: أشوفك مشتطه على هالسالفه شكلتس من الخاطر تبين الفكه منه
    الريم: أووووووووووووف مايحتاج أوضحلج أكثر
    المهم بكره نكمل السالفه أنا ألحين بروح انام من رجعت من الكليه ماغفت عيني
    ساره: ليش
    الريم : ماأدري كله يتهيألي إنه بيدخل علي واحد من خوالي ولا أمي يسألوني ليه قافله تلفونج
    ساره: ههههههههه روح يالخوف مسوي سوالف
    الريم: شنسوي المسأله حياة أو موت
    ساره بنبرة حزن خفيفه: بسم الله عليك من الموت يومي قبل يومك إنشاءالله
    الريم: ساروووووووووه بس ...بسم الله عليج بعد عمر طويل إنشاءالله
    ساره: أوكي حبيبتي أشوفك بكره بإذن الله
    الريم : على خير مع السلامه

    اليوم الثاني
    الساعه ال6:25 صباحا


    كعادتها القديمه صحت من النوم متأخره وعلى عجله إختارت ملابسها وبها اليوم كانت مختاره ألوان غريبه لكن متناسقه وهالشيء ميزه عندها إنها تقدر تناسق بين الألوان الغريبه وإلي تعتبر كمغامره لما تكون في حالة نفسيه متقلبه او منزعجه .... وهالشيء صار عندها مثل الطبع يعني الشلة من يشوفون الألوان الفاقعه أو الغير معتاده إعرفوا إن مزاجها بهاليوم متعكر شوي أو فيه شيء يشغلها.....لأنه المعروف عنها إنها تعشق الألوان الساده والألوان الهاديه.....

    الألوان إلي إختارتها ساره لها اليوم كانت عباره عن بدي أورانج مع تيشيرت أزرق كحلي .... فعلا لونين غريبين لكن طلعوا مره روعه (( طبعا لما تكون درجات الألوان مناسبه يعني مو أي لون تركب على اللون الثاني))
    مع تنوره سودا ميدي وجزمة رياضه أورانج وشراب كحلي
    والمكياج كان عباره عن جلوص أورنج خفيف وتحديد للعين بالكحل الأزرق

    على الساعه 7 دق التلفون برنة ندى وكانت تقريبا خالصه كل شيء

    وكعادتها بأقصى سرعه جمعت كل الأغراض إلي تحتاجها وحذفتها بشنطتها وخذت الشنطه والعبايه على السريع وطيران على الباب الخارجي للبيت وطبعاإحنا بعصر السرعه العبايه إنلبست وهي تنزل على الدرج ....

    لما طلعت من الباب كان الباص واقف ....فركبت

    ساره وهي تجلس: السلام عليكم ياصبايا
    ندى والريم: هلا هلا وعليكم السلام حيالله من جاء
    ساره : رووووووووووويم امسات بالليل دقيت عليكي الساعه 2 ليش ماتردي (( باللهجه المغربيه المعدله))
    الريم: ليش ماتتذكري إني قفلتو
    ساره: اه نسيت سامحينا ألحين عرفنا عذرك طوالت أمس وإحنا مشغولين البال عليكي
    الريم: لا لا تخافي مافيناش إلا السلامه
    ساره: عالسلامه خيتو
    الريم: عالسلامه
    ندى: هلا والله عاشوا بنات المغرب متى أقمتوا عندنا بالسعوديه
    ساره: امسات لساتنا واصلين من المطار ...سافا
    ندى: سافا

    تلفون ساره يدق..... طلعت الجوال من الشنطه بشوف من المتصل

    ساره: ريووووووم هذي إمتس تتصل
    الريم: يوووه ردي عليها بسرعه أكيد تحاتني لأن جهازي مقفل
    ساره: ألو هلا خالتي شلونتس .... لاخالتي مافيها إلا العافيه بس جهازها طافي بسبة البتري ... لاماعليك أول مانوصل الكليه بنخليها تشحنه .... خذي كلميها وتطمني عليها بنفسك..
    وعطيت الريم التلفون

    الريم: هلا يمه .... لالحمدلله مافينا شيء ....لاتخافين ..حوادث... بسم الله علينا...لا تطمني... الشوارع فاضيه والسواق سرعته خفيفه تقولين سلحفاه (( والعكس صحيح لأنها كانت تبي إطمن أمها)) خلاص ... إنشاءالله مع السلامه

    بعد ماقفلت

    ندى: هذا سرعته سلحفاه إذا هالسرعه شبهتيها بالسلحفاه عزا الله رحنا وطي
    الريم: عاد إنتي لاتجلسينلي عالوحده أنا قلت هالكلام أبي أهدي امي
    ساره: طيب إنتي إلى متى بتمين قافله جوالك
    الريم : انا ألحين بظطر غني أفتحه عشان امي
    ندى: هذا إحنا وصلنا خلينا ننزل وبعدين إفتحيه
    الريم: بس أخاف إنها لحد ألحيت تزعجني (( تقصد زيد))
    ساره: خلينا ننزل وبعدين نشوفلنا حل معاها

    بعد مادخلوا الكليه وحطوا أغراضهم باللوكر كانت الساعه 8 تقريبا

    ندى : يلا بنات انا رايحه محاظرتي متى تطلعون
    الريم : ماعندنا محاظره ألحين محاظرتنا تبدى 11
    ندى: خلاص أشوفكم الساعه 10 ... وإذا صار شيء علموني بالمسجات لاتنسون (( تقصد سالفة زيد))
    الريم & ساره: إنشاءالله

    بعد 10 دقايق الريم وسار كانوا جالسين بالساحه الخارجيه

    ساره: يلا ريومي إفتحي تلفونك
    أول مافتحت الريم تلفونها بدى سيل المسجات يهل
    الريم: واو 15 مسج
    3 من بنت خالي
    2 من إختي
    1 من عمتي
    4من البنات
    1 منج
    1 منج mised cool
    1\ mised cool 45 من زيد
    2 ومسجين منه بعد يبيني أرد عليه
    ساره: 45 مكالمه الريم أكيد فيه شيء كايد إنتي لازم تعرفين شيبي
    الريم: شلون
    مامداها تخلص جملتها إلا والتلفون يرد
    ساره: هو
    الريم تهزلها راسها بمعنى إيه
    ساره: طيب أرسليله مسج وقوليله شتبي
    الريم : أوكي

    الريم (( ممكن أعرف شتبي من أمس وإنت تتصل))
    زيد(( الناس تسلم أول وبعدين تسأل))
    الريم(( السلام ..يلا شعندك))
    زيد((بل ... مايسوى علينا السلام.. الموضوع مهم وماينفع بالمسجات لازم أكلمك))
    الريم(( اسفه ماأقدر ... إذا تبي شيء قوله بالمسج))
    زيد(( وليه ماتقدرين))
    الريم(( يمكن انا غلط لأني كنت أراسلك لكني مستحيل أزيد الغلط بغلط أكبر منه))
    زيد(( مش واثقه فيني))
    الريم((مش سالفه الثقه فيك أنا ماأقدر أخون ثقة أهلي فيني وأكلمك))
    زيد(( بس أنا زيد يالريم))
    الريم (( ولو كنت زيد ماأقدر... ولوسمحت إدخل بالموضوع))
    زيد (( وش سالفة أحمد ولد عمك))
    الريم فاتحه عيونها علأخير
    ساره:ههههههه شوي شوي لا عيونك تطلع من مكانها
    الريم: وش قصده بسالفه أحمد
    ساره: ياذكيه إنتي أكيد وصلته طراطيش كلام عن خطبة ولد عمك لك .... وعاد إنتي وذكائك إعرفي شلون تستثمرين هالسالفه وتخلينها بجيبك

    الريم (( أي سالفه))
    زيد(( خطبتة للك))
    الريم ((وإنت وش دراك بهالسالفه))
    زيد(( يعني السالفه صدق))
    الريم(( إيه ..بس إنت وشلك بالموضوع))

    زيد منقهر :لاوالله أنا إلي وشلي بالموضوع ... يعني أنا أطلع بره والأخ أحمد يتربع زين يالريم
    (( لاأبد بس حبيت أستفسر عن الموضوع عشان أباركله ... ))

    الريم وهي منقهره: ساروه شفتي وش كاتب يبي يقهرني قال يبي يباركله
    ساره: تستهلين ماجاك عجل تقولينله وشلك أنت بالموضوع
    الريم: يعني وشتبيني أقوله
    ساره: قوليله إن جدتك هي إلي تبيك تاخذين ولد عمك وإنتي مش متقبله الموضوع وخايفه إذا رفضتي إن أبوك ياخذك تعيشين عنده

    الريم(( ماأظن إنك بتباركله))
    زيد والضحكه شاقه الوجه(( ليه إنتي مش موافقه))
    الريم (( ماأدري لأني خايفه من هالسالفه ))
    زيد (( وش إلي مخوفك))
    الريم(( جدتي... لأنها هي إلي تبي تزوجني من أحمد وأنا خايفه إذا رفضت تخلي إبوي ياخذني أسكن عنده ويبعدني عن أمي))
    زيد ((مايقدر ليه هي الدنيا فوضى ...إنتي كملتي 21 وماله حق يجبرك إنك تعيشين عنده))
    الريم((هالكلام لوكنت ولد لكن انا بنت وله الحق ياخذني بأي وقت))
    زيد ((ماأظن هالشيء بيرضي جدتك لأنها هي إلي طلبت من أبوك إنه يخليك عند إمك من كنتي صغيره وأكيد ماراح تهونين عليها))
    الريم (( إنت ماتعرف جدتي ... إذا صممت على شيء تسويه ..
    وهي تبي تزوجني من أحمد ..والظاهر إلي تبيه بيصير))
    زيد ((معصي والله ماتاخذينه وراسي يشم الهوا))
    الريم (( أووووووف وش كل هالعصبيه ... لوكنت إختك ماسويت كل ذا))
    زيد (( ليه ماتدرين إنتي مين))
    الريم (( لا ماأدري... ليه أنا من أكون))
    زيد (( إنتي قلبي وروحي وعقلي ودنيتي كلها))
    الريم وهي فرحانه(( واو كل ذا أنا))
    زيد(( وأكثر .... بس ممكن سؤال))
    الريم (( إسأل... وأنا أجاوب))
    زيد (( أنا من أكون بالنسبه لك))
    الريم بهبل((ماأدري...... إنت علمني))

    زيد : هاذي ناويه تجيبلي الجلطه ((وهو يتطنز)) إنت علمني .. ولايهمك أبشري

    (( أمم حبيبك ... حياتك ... هواك ... قلبك ... نبضك وكل شيء بحياتك))
    الريم(( الأخ واثق))
    زيد(( أكيد ... مايحقلي))
    الريم بجرأه(( يحقلك ونص ...... مو إسمك زيد ... وإنت تقول إنك حبيبي عجل أكيد يحقلك))

    ساره : ياقويه إنتي تبين تذبحينه بكلامك من وين جاتك هالجرأه
    الريم وهي تأشر على قلبها : من هنا تعبت وأنا أخبي كل هالكلام خليه يعرف ويحس

    زيد كان بحاله ثانيه : ياويل قلبي أنا والله إني أحبها هالبنت ذابحتني
    زيد (( أحبك))

    الريم : يابري حالي ياسوير وأخيرا من متى وانا أنتظر هالكلمه منه 10 سنين وبالنهايه وصلتلها
    ساره: مبروك حبيبتي وألحين خلاص بسكم مسجات راح الرصيد
    الريم : فدوة لعيونه
    ساره: ياويلي على الحب .. بس خلاص لازم تثقلين عليه
    الريم : صح كلامك

    .........
    زيد : ليه ماردت على المسج .... أكيد أحرجتها ... بس أبيها ترد علي
    (( أنا إلي أعرفه إن البنت إذا أحد قالها كلمة أحبك ترد عليه وتقوله وأنا بعد احبك ... أموت فيك .. أعشقك .. ومن هالكلام))

    الريم وهي ميت غيض(( وإنت ماشاءالله عندك خبره بالبنات))
    زيد يبي يغيضها أكثر(( يقولون ))
    الريم(( إمم ويقولون إني بعد بوافق على أحمد ))
    زيد (( يخسي أحمد إنتي لزيد وبس فاهمه))
    الريم (( ومن زيد على خير))
    زيد (( زوجك المستقبلي))
    الريم (( بأحلامك))
    زيد (( شوفي يارويم عندك إسبوعين تفكينا من سالفه أحمد ولد عمك واليوم إلي بعده عللى طول خطبتنا))
    الريم(( خطبة مين على مين))
    زيد (( رووووووووووويم بلا عبط وهبال ... أحمد ولد عمك ترفضينه ..وتوافقين علي فاهمه))
    الريم (( لاصار الشور بيدك ذيك الساعه نشوف شبيتسوي))
    زيد (( شوفي لاتحديني أروح له بيتهم وأدوسه بالسياره عشان أفتك منه ومن شره))
    الريم (( بسم الله وش هالإجرام ...تبي تذبح ولد عمي ..لاتنسى تراه ولد عمي وماأرضى عليه))
    زيد (( لاإدافعين عنه لاأذبحه صدق))
    الريم (( أنا ماأدافع عنه أنا أقول إنه ولد عمي وماأرضى عليه))
    زيد ((والله إنتي إلي يبيلي أذبحك بدل ملتقولين فدوه عن راسك تقولينلي ولد عمي وماأرضى عليه))
    الريم (( وأهون عليك تذبحني ))
    زيد (( لا أول شيء أخطبك وأتزوجك وبعدين أذبحك))
    الريم ((مجرم))
    زيد (( عادي أهم شيء إنتي تحبيني وتوتين فيني ))
    الريم (( يالمسكين من لاعب عليك))
    زيد (( قلبك إلي ساكن عندي))
    الريم (( وأنا وش ذابحني إلا قلبي...... ألحين بما إني عرفت وشتبي ... وإنت عرفت رايي بالموضوع...بس من المسجات))
    زيد(( ليه تو الناس عندك محاظره ألحين))
    الريم (( لا ... وأي تو الناس اليوم كانت حاله إستثنائيه ... يعني ياويلك لو ترسل مره ثانيه))
    زيد (( هادمة اللذات إنتي ... وبعدين خير إنشاءالله على بالك ميت عليك أنا ... أصلا هذا اخر مسج يوصلك مني))
    الريم (( بنشوف))

    زيد:طيب يالريم خلينا بس نفتك من ولد عمك ... وأخطبك ساعتها بتشوفين وش يصير

    نفس اليوم المساء الساعه ال 7
    بيت عمة الريم

    الريم كانت معزومه ببيت عمتها على العشاء.....الريم اول ماكلمتها عمتها تعزمها عندها وافقت بدون أي تردد ....لأنها شافت إنها بتكون فرصه حلوه تلتقي فيها بهبه بنت عمتها وتكلمها عن المخطط إلي براسها.....
    كانت جالسه مع جدتها وعمتها وبناتها بمجلس الحريم سوالف وضحك ...
    الريم
    كنت أستنى الفرصه المناسبه عشان أكلم هبه بموضوع أحمد...بس للأسف ماقدرت كانوا الكل موجودين حولنا ....ياربي أنا جايه اليوم عشان أكلمها....خلاص ماعاد فيني صبر خصوصا بعد ماعرفت اليوم إن زيد يحبني ويبي يخطبني ... بس وين الفكه

    وجاتني الفرصه لحد عندي لما

    العمه:هبه حبيبتي روحي جهزي غرفة الضيوف مع الخدامه حق جدتج
    هبه: الله جدتي بتنامين عندنا
    الجده: إي حبيبتي بنام ...والله أنا متعوده على داري بس إمج حلفت علي الله يهديها
    هبه: زين سوت معاج ولا إنتي ماتباتين عندنا إلا بحلف ماتحبين إلا بيت عمي أبو احمد... ماكن إحنا بناتج عادتنا غرب عنج
    الجده:حرام عليج يابنتي كلكم غلاكم واحد ... بس بيت بوأحمد بيتي
    العمه: وهذا بيتي يمه وبيتي بيتج
    هبه : يلا عن إذنكم بروح أجهز الغرفه
    الريم: خذيني معاج بساعدج
    العمه: لايمه الخدامه بتساعدها
    الريم: لاوالله ماخليت الخدامه ترتب فراش جدتي وأنا موجوده
    الجده: يالله جعلني ماأذوق حزنج قولي امين ويرزقج بالرجال الصالح
    العمه: يمه الريم خلج مرتاحه إنتي ضيفتنا يمه وإذا ماتبون الخدامه ترتب فراش إمي بخلي وحده من البنات تروح مع هبه
    الريم: حشى والله ولا وحده تقوم مع هبه غيري الله يهداج عمتي إنتي تحسسيني كأني غريبه عنكم
    العمه: لايمه الريم شهالكلام إنتي وحده من بناتي

    غرفة الضيوف
    بعد مارتبت انا وهبه الغرفه .... رحت وقفلت الباب وهبه إطالع فيني مستغربه

    الريم : هبه حبيبتي بغيتج بموضوع
    هبه: امري الريم شبغيتي
    الريم:هبه أنا بكلمج بموضوع أحمد ولد عمي
    هبه: أحمد شفيه أحمد
    الريم: هبه أكيد إنتي تدرين إن أحمد ولد عمي خطبني
    هبه وبصوت حزين : إيه أدري
    الريم: وأنا ياهبه ماأبيه ورافضه الزواج منه
    هبه: ليش وبعدين أنا وشدخلني بالموضوع
    الريم: هبه انا أدري إنج تحبينه وأنا واثقه إنج أكثر وحده تناسبه
    هبه وهي منصدمه: ليش لهالدرجه واضح علي
    الريم: لا بس بصراحه أنا بعد أحب ومن سنين عشان كذا حسيت فيج
    هبه: من خوالج
    الريم : إيه
    هبه: طيب وبعدين
    الريم: شوفي أنا بساعدج وبخلي أحمد يعوف بنات هالدنيا كلها ويتمناج إنتي وبس
    هبه: يالريم أحمد يبيج إنتي وبعدين دامه ماحس فيني إلسنين إلي راحت كلها بيحس فيني ألحين
    الريم:هبه أحمد يبيني لأني إنسانه صعب يوصلها مش لأنه يحبني أو لأني داخله مزاجه.... وبعدين هو ماحس فيج لأنج ماحاولتي تحسسينه بمشاعرج إتجاهه
    هبه : شلون يعني تبيني أروحله وأقوله ياأحمد ترى أنا أحبك
    الريم: لاء هذا بيكون أكبر غلط تسوينه الرجال إلي من نوعية أحمد عمره مايحب إن البنت تلاحقه لأنها بترخص بعينه هو يحب إنه هو إلي يلحقها ويعلقها فيه ويختار دايم النوع الصعب إلي يكون بعيد عن يده .... لأنه يشوف إنه إذا يقدر يوصلها ويوصل لقلبها فهذا دليل على مقدرته وذكائه
    هبه: طيب شلون برايك أقدر أخليه يشيلك من باله ويفكر فيني وبس
    الريم : أنأ أقولك شلون

    #############

    بعدها بيومين

    بيت فهد
    دخلت غرفتي وأنا ماني بطايق حتى نفسي..........
    جلست اظرب وأرمي وأكسر أي شيء قدامي .... العطور ...... الأمشاط ....الكريمات .... كل شيء وأي شيء يطيح بيديني ........
    الدنيا ظلمت بوجهي وماعدت أشوف فيها إلا السواد
    ليه كذا ليه........ حرام والله حرام إلي سوته .....
    ظلمتني وإظلمت نفسها معي .... ياناس فيه أحد يظلم نفسه ولا قطعه منه ....ردوا خلاص مافيني عقل....
    هي تبي إدمرني .... ولا إدمر حياتها.... تبيني أكرها و أشيل بخاطري منها..... ياليتها تجاوبني بس
    وش تستفيد إذا دمرت حياتي بها الطريقه

      تعليق

      • *عبير الزهور*
        V - I - P
        • Jun 2008
        • 3267
        #42
        الجزء الثالث والعشرون

        غرفة فهد

        صحيت من النوم وأنا أحس براسي بأي لحظه بينفجر وتذكرت ساعتها وش صار بيني وبين إمي أمس

        كنت راجع من برى وأنا مبسوط وفرحان أول مادخلت إتفجأت بوجود مرت عمي وبنتها سمر .... بصراحه أنا شاك بهالزياره يعني مو بالعاده يزورونا إلا بالمناسبات وماأدري ليه حاس إن إمي لها دخل بالموضوع

        أم سمر: هلا فهد شلونك وشخبارك
        فهد: الحمدلله بخير ..إنتوا وشخباركم وعمي شلونه عساه طيب
        أم سمر: الحمدلله كلنا بخير وعمك دايم يسأل عنك يقول ماتجيه تزوره
        فهد : له الحق ...بس تدرين مشاغل هالدنيا
        أم سمر: سمرسلمي على ولد عمك
        (( سمر ماتتغطى من فهد لأنها متحرره شوي))
        سمر: هلا فهد شلونك
        فهد بدون نفس: الحمدلله بخير إنتي شخبارك
        سمر: بخير

        (( سمر يطلق عليها لقب حليوه طولها متوسط عيونها كبار وسود وملامحها حاده يعني الخشم طويل والفم وسيع شوي وهي بشرتها حنطيه و شعرها بوي قاصته قصة السبايكي وهيئتها أقرب لولد منها لبنت بإختصار مسترجله.... كانت لابسه بنطلون جنز LowWest مع تيشيرت كروهات أحمر وازرق ...))

        بصراحه انا من شفتها جاتني اللوعه من كم سنه ماشفتها وعععععععععععععععععع ولا جلستا كأنها واحد من الربع ولا شعرها هي فيها شعر أصلا الله يهداك ياعمي هذي اخرة الدلع

        فهد: عن إذنكم أنا رايح لغرفتي عشان اريحلي شوي
        أم سمر : افا يافهد ألحين إحنا جايين نزوركم تروح وتتركنا

        غصب عن خشمي إظطريت أجلس معهم وبعد ساعه كامله من المحاولات الفاشله للتقريب بيني وبين سمر قررت مرت عمي إنهم لازم يرجعون البيت لأن الوقت تأخر (( مابغوا))
        بعد ماطلعت مرت عمي مع بنتها كنت توني بروح لغرفتي إلا وأمي تناديني
        أم فهد: فهد
        فهد : هلا يمه تامريني بشيء
        أم فهد : إي يمه إجلس شوي بغيتك بموضوع
        جلست وأنا ساكت أنتظر أسمع الكلام إلي متوقع إنها بتقوله
        أم فهد: فهد حبيبي أنا ومرت عمك إتفقنا إن الملكه تكون بعد إسبوعين
        فهد: إسبوعين .... شهالكلام ومن قالك أصلا إني باخذ بنتها عشان تتفقين معها
        أم فهد: فهد غحنا سبق وتكلمنا بهالموضوع وقلتلك ياولدي إنك منت لاقي أحسن من بنت عمك زوجه لك
        فهد : هذا رايك إنتي ماهو برايي
        ام فهد: طيب علمني وشفيها بنت عمك يومك ماتبيها ورافضها
        فهد: إنتي شفتي شلون شعرها ولا لبسها هذي بنت هذي
        أم فهد وهي معصبه: إذا على الشعر بيطول وإذا على اللبس يتغير ...وإنت هذا إلي همك شكلها ياولدي اهم شيء الأخلاق ...عيال اخر زمن ماهمتهم إلا الأشكال ....>>>> وراحت وخلتني أفوح من الغضب والقهر

        لاحوووووووووووووول يالله صباح خير وأنا مالقيت إلا إني أتذكرهالسمر عشان أضيق خلقي من اولها بها اليوم
        خل أقوم وألحق على الدوام بلا سمر بلا هم وإذا على أمي ماراح يمشي إلا كلامي أنا إلي بتزوج مو هي اىىه ياسوير متى تردين علي وتريحيني..... قال سمر قال..... الحمدلله والشكر إلحين فيه أحد صاحي قد شاف ساره بيفكر يتركها وياخذله وحده مثل سمر......... يالله لاتبلانا

        *******************************

        خلاص ببعد ودرب الود سديته
        واليوم روح وقلبي راح بسكاته
        روح وهذا طريقك لي تمنيته
        ماعاد باقي لقلبي غير وناته
        الحدود القطريه

        كانت ساره مع خوالها رايحين قطر عشان زواج وضحى بنت خالتها وكانوا رايحين قبل الزواج بإسبوع .... الأخت طنشت الدوام بالكليه هالأسبوع عشان تغير جو وتساعد مشاعل ووضحى بالتجهيزات

        امممم كنت جالسه سرحانه أفكر وأتخيل ردة الفعل عند فهد لما يوصله ردي
        ياترى بيتفهم قراري وبيقدر الظروف إلي أجبرتني ......
        ياه يافهد ليه ماحاولت تتقرب مني وتبينلي حبك قبل مايخطبني سعد الله يرحمه ..صدقني كنت بأرفضه وبأوقف بوجه هالعالم كله عشانك لكن لافات الفوت ماينفع الصوت....

        صحيح إني أحبك وأتمنى إني أعيش حياتي معك وبقربك ... لكن سامحني ماأقدر ....

        ماأقدر أخون ذكرى سعد بهالسهوله والسرعه هذي...مابعد مر على وفاته غيرخمس شهور وهو يستاهل إني أحد عليه بدل الأربع شهور سنه...
        ماأقدر أكسر قلب بنت عمك المسكينه إلي حسب ماسمعت مثل ماسمع الكل من إمك إنها تحبك وتموت على تراب الأرض إلي تمشي عليها...
        ماأقدر أرتبط فيك وأنا مابعد أتحرر من إرتباطي بسعد ... لو كنت وافقت صدقني كنت بظلمك معي ... وانا ماأقدر أتحمل فكرة إني ممكن أظلمك ... بيجرحك رفضي أكيد ....لكن صدقني هو القرار الصح...


        تذكرت جلستي مع عهود وتبريري للرفض

        بذاك اليوم قابلت عهود في الكليه وطلبت منها ترجع معاي البيت نتغدى سوى وتبقى عندنا بما إنه يوم أربعاء والجمعه للعايله راح تكون فبيت جدي كالعاده ..... وطبعا بعد ماشاورت إمها رجعت معي........

        غرفة ساره
        الساعه ال 3:30 عصرا

        بعد ماصلينا أنا وعهود العصر
        ساره : هاه ماودك نتغدى تراني ميته جوع
        عهود: حتى أنا
        ساره: تبين نتغدى بالحديقه ولا بالصاله
        عهود: لا خلينا نتغدى بالحديقه دام الجو حلو
        ساره: اوكي
        بعد متغدينا جلسنا نتمشى شوي عشان نهضم وبهالوقت بدت عهود تفتح الموضوع

        عهود: ساره إنتي جايبتني اليوم عشان تردينلي الخبر على موضوع خالي فهد صح
        ساه: هههههههه لهالدرجه أنا مفضوحه
        عهود:ههههههه لا بس غحساسي يقولي كذا
        ساره: ماشاءالله طلع إحساسك مايخيب
        عهود: شفتي شلون ....... يلا علميني وش رايك
        ساره بصراحه: عهود فهد رجال والنعم فيه وأي وحده تتشرف بإنه يكون زوجها وانا متأكده إنه بيلقى الإنسانه إلي تسعده بحياته لأنه يستاهل كل خير....لكن بعيد عني....
        عهود : بس هو يبيك إنتي ياساره ومايفكر بأحد غيرك
        ساره: بينساني مع الأيام وبيكمل حياته وببقى ذكرى قديمه تطويها له صفحات الأيام
        عهود: ماأظن .... بس ممكن سؤال ...بصراحه سؤالين
        ساره: إسئلي
        عهود : وتوعديني تجاوبين علي بكل صراحه
        ساره: أوعدك
        عهود: خطبتك لسعد الله يرحمه لها دور بقرارك؟؟؟؟
        ساره: أكيد التجربه الي مريت فيها كانت صعبه بالنسبه لي ومش بهالسهوله راح أقدر أنساها وأتخطاها وأبدى بتجربه جديده
        عهود: طيب لوفرضنا إن خالي فهد خطبك قبل سعد ... أو خلينا نقول إنه أجل موضوع خطبته لك سنه او ثنتين كنتي بتوافقين عليه
        كنت وقتها أشغل نظراتي بأرض الحديقه وعشبها ... أحاول أخبي عيوني لاتفضحني
        ساره: .......... ( هدوء وصمت لثواني بعدها) يمكن ...يمكن

        رجعني للواقع صوت خالي .....
        مبارك: سارووووووونه ....
        ساره: هلا خالي
        مبارك: يلا إنزلي وروحي عند المفتشه عشان تختم على جوازك
        ساره : إنشاءالله
        نزلت من السياره وأنا حاسه بنظرات خلي الحزينه تلاحقني بكل مكان .......اه

        الكل يبيني أنسى وأرجع أعيش حياتي مثل ماكنت أعيشها قبل خطبتي من سعد .......في بالهم هالشيء سهل لكن الشيء الأكيد وإلي مايعرفونه .... إنه صعب وصعب حي ل

        ########

        عدت علي الأيام وأنا ببيت خالتي ضحك وسهر وسوالف
        تجهيز وعفسه ....... وكل ماتتخيلون إنه ممكن يصير باخر أيام الإستعدادات للزواج
        وقبل الزواج بيومين ((يوم الثلاثاء)) إلي هو يوم الحناء

        بيت خالتي كبير دورين وفيه الملاحق مقسمه مابين مجالس الرجال وسكن العمال .... وفيه بواجهة البيت الأماميه غرفه زجاجيه مثل المجلس المصغر كانت أغلب جلستنا فيها... فطور وغدا وعشاء وماندخل البيت إلا عند النوم او إذا جاونا ضيوف ....
        بيوم الحنا قررنا نتحنى هناك بالغرفه الزجاجيه...

        الساعه ال 6:30المغرب
        وإحنا جالسين كل وحده بقرنتها سامته نفسها وإيدينها عشان الحنا ...والمسجل على أعلى صوت والبنات الصغار يترقصون بالوسط.... الكل كان متحني لأن خالتي حلفت على الكل بالحنى رغم إن الأغلبيه ماكانوا حابين ... على قولة إن الموضه ألحين ماتحطين بإيدك إلا المنوكير...بس الخالة ماخلتهم حلفت عليهم مساكييييييييييييييييييين

        دخلت مشاعل والوجه منصفق
        مشاعل : ياقردي لحقوا علي ...
        الكل: خير وشصاير
        مشاعل: إهئ إهئ إكتشفت إني نسيت أشتريلي صندل للفستان
        الكل نقع ضحك عليها
        هاهاهاهاهاي
        نور: طيب ماعندك أي صندل يناسبه
        مشاعل: لا فستاني لونه زيتي وأنا ماعندي صنادل بهالون
        شيخه : طيب يمكن وحده من البنات عندها ...... بنات من عندها صندل زيتي
        ردة ضحى إلي كانت منشغله بالسوالف مع عهود: انا عندي بس بالبيت
        مشاعل: كركركر ياملغج
        ساره: طيب شبتسويين مالك إلا تروحين السوق وإدورينلك
        مشاعل: طيب من بيروح معاي ألحين... وبعدين حناي مابعد نشف
        الكل كان متحني والحنا مابعد ينشف.......
        ساره : أممم خلاص انا بروح معك ... حناي قرب ينشف
        نور: طيب خليها لبكره نروح كلنا معك وبالمره نتسوق
        مشاعل: بكره الكل بيجي ((قصدها باقي أهلهم إلي بالسعوديه)) وبيصير الغداء والعشاء عندنا ماراح أقدر أعتب برى البيت
        ساره : عجل مالنا إل نروح ألحين
        وبعد ماإسئلوا الحنايه إذا يقدرون يغسلونه وأجابتهم إنه ماراح يطبع إلا إذا تركوه على الأقل من خمس إلى ست ساعات
        مشاعل: والحل
        ساره : ماعليك ربك يحلها

        ((ساره كانت ناقشه رسمه بسيطه ونعومه على إيدها من برى بس ((يعني ظهر اليد)) أما مشاعل فكانت مسويه رسم كوكتيل من بره وداخل وطالع الحنا مره روعه عليهم لأن إيدينهم مشاءالله نعومات صغار وبيض ))

        وبعد صعوبات وبمساعدة وحده من الخدامات قدروا يلبسون عبيهم وراحوا مع حمد (إخو مشاعل الكبير متزوج بنت عمته وعنده 2 بنتين و2ولدين))
        مشاعل طلبت من حمد يوديهم الستي سنتر (( يعتبر أكبر مجمع بقطر))

        أول ماوصلوا إنزلوا عند البوابه
        حمد: أنا بروح أوقف السياره بالمواقف وبعدين بدخل المجمع بروح محل بقضيلي شغله وين ألقاكم
        مشاعل: إحنا بنروح الدور الثاني لاخلصت إرقالنا فوق
        حمد: خلاص بينا تلفون
        توجهنا أنا وشعول لداخل المجمع ... وأول مادخلنا

        ساره: مشاعل هذاك السير الكهربائي يالا خلينا نروح عجلي
        مشاعل: لا لا بنركب الأصنصير ((اللفت)) أحسن لأني ماأقدر أتمسك باأطراف السلم أخاف يخرب حناي
        توجهنا من السلم إلى الأصنصير وكانت الساعه بذاك الوقت 8 المساء تقريبا

        وقفنا قبال اللفت ننتظر لين يوصل وكان واقف قربي منا واحد ومعه بنته الصغيره عمرها تقريبا بحدود ال5 سنين وواضح عليه إنه متأذي منها

        .جاسم : منور وويع تسنعي لاأرجعج البيت عند أمج...
        منور: واع أبي لعبه إشترلي لعبه
        جاسم: خلاص عاد قتلج بشتريلج بسج صياح فضحتينا ...ألحين يقولون خاطفج .

        أما أنا ومشاعل ميتين ضحك عليه
        مشاعل: ههههه ساروه شوفيه مسكين مبتلش
        ساره: ههههه أحسن يستاهل خل يحسون بمعاناتنا شوي
        مشاعل: إي والله ... عجل بس إحنا إلي ننبلش بها البزارين خليهم يامالهم بأزود إنشاءالله

        وصل اللفت ودخلنا وبعين تنطق بالغضب والإنتقاد شفناه يركب معانا ... (( الأصنصير بإسم إبونا إلي جابنا أحد عنده أي إعتراض))
        مشاعل: إلي مايستحي ركب ويانا
        ساره: المفروض يوم شافنا بروحنا مايركب
        مشاعل: هذاك أول أيام النخوه والغيره وإلا شباب هلأيام خرطي


        جاسم ((هذولاء من إركبوا وهم يتصاصرون الحمدلله والشكر ...بنات اخر زمن ولافيه واحد صاحي يخلي إخته ولاأي أحد من اهله يجي السوق بهالحزه من دون محرم مالت شكلهم مايدلون السنع)): إختي أي دور تبون
        مشاعل: الدور الثاني لو سمحت
        كلها ثواني وإسمعوا صوت غريب بعدها وقف الأصنصير

        جاسم: شكل اللفت علق
        مشاعل بخوف: شبنسوي ألحين مافيه زر للنجده ولا المساعده
        جاسم بطنازه: ليه الأخت تشتغل بالمطافي ولا الدوريات
        ساره وهي تسكت مشاعل لاترد عليه: لوسمحت إخوي ماظن هالوقت يصلح للتطنز والمزح
        جاسم وهو متفشل: إنشاءلله كلها دقايق ويصلحون العطل
        (( اللفت كانت جدرانه من الزجاج ... وهو توقف مابين الدور الأرضي والثاني ... وكانوا الموجودين فيه يقدرون يشوفون إلي بره))

        مشاعل: ساروه ليه مسكتيني كان خليتيني أسنعه أبولسان طويل
        ساره: بالله عليج هذا وقته ... شوفي (( وهي تأشرلها)) هذاك حمد شكله رايح صوب السير عشان يجينا بالدور الثاني
        مشاعل: ياويلي لو يشوفنا وإحنا طالعين ويشوف هالخبل معنا عزالله رحنا ملح
        ساره : طيب سمعي إتصلي عليه وعلميه قوليله تعطل فينا اللفت
        مشاعل: يووووووووووووه البطاريه شكلها مفضيه
        ساره : وأنا شريحتي سعوديه يعني أقدر أستقبل بس ماأرسل
        مشاعل: إنزين سمعي خلينا نفك شريحتي وإنركبها بجهازج ونتصل عليه
        محاولات ومحاولات والجهاز معند عالق رافض يفتح
        جاسم كانت عينه عليهم
        الحمدلله والشكر صدق خبلات بدل مايتصلون بأحد يعلمونه بحالتنا جالسين يحاولون يفكون الجهاز
        طلعت جهازي وإتصلت بلأرقام الموجوده على اللوحه للمساعده
        جاسم: ألو السلام عليكم إخوي ....أنا ومعاي ثنتين وطفله صغيره عالقين بأصنصير رقم ((1)) .... إي ننعم لالا فجأة تعطل علينا... تسلم الشيخ بإنتظاركم...
        قفلت التلفون وجلست ألعب فيه بيدي عشان يشوفونه هالثنتين المخبل ويعرفون إني بنقذهم

        شعول: فقدته شوفي شوفي كأنه يقهرنا بتلفونه
        ساره: إلا الحمار قصده يضحك علينا

        بها الوقت منور الطفلة الصغيره ماوقفت صياح من الخوف

        واع واع أبي أمي أبي أبوي واع

        مشاعل : يانعنبا هالبنيه ماتعرف تسكت فكت مخي من الصراخ ودي أمسكها وأسطرها لين تسكت
        ساره : اه انا شقول أحس مافيه بندول بهالعالم ممكن يهدي الوجع إلي براسي
        اما جاسم المسكين طول وقته يحاول يسكتها : منور خلاص حبيبتي لاتصيحين ألحين يفتح الباب ونطلع..........بشتريلج حلويات ......ألعاب ......والبنت على صرخه وحده ماسكتت
        الشرهه مب عليج علي أنا إلي سمعت كلام إمج وجبتج معاي

        بعد ربع ساعه من الام وأوجاع الراس .... إشتغل اللفت ووصلوا الدور الثاني
        أول مافتح الباب ......ماصدقنا على طول طلعنا

        ماخلينا محل أحذيه إلا ودخلناه ومع كذا مالقينا شيء (( أما حمد فراح وجلس بواحد من المقاهي لين نخلص))
        ساره: شعول مش لازم نفس اللون خذي أي شيء يناسبه ذهبي مثلا
        هذاك إلي شفناه بمحل....... والله شكله روعه وبيناسب فستانج
        مشاعل: برايج
        ساره: إيه
        مشاعل: خلاص شورج وهداية الله

        بعد ماتشرينا وخلصنا
        مشاعل: ساروه أنا خلاص لاعت كبدي من الحنا تعالي خلينا نغسله ونروح نشتريلنا كوفي وهالشغلات ترا البنات موصيني
        ساره : يالله
        رحنا لدورة المياه ((عزكم الله)) وغسلنا إيدينا
        ساره: ياه لونه صاير برتقالي شكلنا إستعجلنا
        مشاعل: لاإنشاءالله على بكره يغمق اللون
        طلعنا من الحمامات ولقينا الرجال إلي كان معنا باللفت رايح جاي قبالها وشكله متورط

        جاسم
        لاحول ألحين أنا وشعرفني بهالسوالف البنيه تبي الحمام ...أوووووووف مالي إلا أكلم أي وحده بتدخل وأقولها إدخلها معاها الحمام ...
        بس أخاف يسوون فيها شيء ... من والله الحريم هالأيام ينخاف منهم مب صاحيات
        ياربييييييييييييي وبعدين حسبي الله على بليسج يالطوف وإلا أنا وين وهالياهالوه وين
        وهو في قمة السب والقذف لأخته ماإنتبه للصغيره وهي تتوجه لمشاعل ولساره
        منور: خالوه ممكن إدخليني الحمام
        ساره & مشاعل: تعالي حبيبتي دخلي
        دخلنها وبعدها جلسنا نسولف وياها
        مشاعل: شسمج حبوبه
        منور: إسمي منيره .... ............
        ساره: والنعم ...
        منور: وإنتوا شسمكم
        مشاعل: أنا خالتج مشاعل وهذي خالتج ساره
        ساره: إلا قوليلي حبيبتي إلي واقف برى هذا إبوج
        منور: لا هذي خالي جاسم

        بهالوقت كان جاسم شوي وبيستخف برى من الخوف
        ياويلي وين راحت البنيه لايكون ضاعت ولا أحد خطفها وأنا ماحسيت ....ياربي شسوي...
        مسكين ماخلى أحد من رجال الأمن إلا وسألهم وكانوا توهم بيعلنون عن مواصفاتها ... إلا والبنت جايتهم تركض صوبهم ووراها مشاعل وساره
        جاسم من الحاله إلي كان فيها ماحس بعمره إلا وهو يهزء بمشاعل وساره وبأعلى صوت قدام الله وخلقه

        جاسم : إنتوا بأي حق تاخذون البنيه خير ماوراها والي شسويتوا فيها.... ووين ويديتوها هاه ...ماتشوفوني أدور عليها .........إلخ إلخ
        مشاعل بكل عصبيه: لاترفع صوتك إحنا ماسوينالها شيء وبعدين هي إلي جاتنا وطلبت إنا إندخلها الحمام
        وبمساعدة الأمن قدروا يهدون الوضع لكن
        جاسم: كان المفروض تستأذنون مني قبل ماتودنها أي مكان
        ساره: حاضرين الشيخ المره الجايه بنتذكر ناخذ منك التصريح بلأول
        مشاعل: صدق المثل خير تفعل شر تلقى يلا ساره مشينا

        بعد هالمشكله الطويله العريضه مشوا ساره ومشاعل وهم مطنشين جاسم ومش معتبرينله أي إحساب .... راحوا للمكان الموجود فيه حمد وإرجعوا للبيت
        ***********

        اليوم الأربعاء وبكره الخميس زواج وضحى

        البيت مشاءالله صاير مثل خلية النحل .... ناس داخله وناس طالعه ...
        مشغولين على الاخر
        اليوم غداء الزواج مثل ماهو متعارف عليه ببيت أهل العروس
        كنا مجتمعين كلنا بغرفة مشاعل ووضحى سوالف وضحك وغلاسه على هالمسكينه إلي بتغادر حياة العزوبيه إلى قفص الزوجيه بكره
        دخلت علينا خالتي
        أم حمد: مشاعل روحي للمطبخ الخارجي وقولي للخدامات يودون المبخر والعود للمجالس بسرعه
        مشاعل: ليه والسواقين وينهم
        أم حمد: محد هنا راجو وراح السبرماركت يجيب شوية أغراض و حنيف راح مع خواتج يودون أغراض إختج لبيتها
        مشاعل: إنشاءالله يلا بنات من بتروح معي
        أم حمد: بتروحين بروحج هاه أشوفج تعودتي من بتروحين مكان سحبتيلج وحده من هالمساكين وياج عيب عليج تراهم ضيوفج
        البنات: إيه صح إحنا صيوف
        مشاعل: مالت خبرت الضيوف لهم 3 أيام وإنتوا إسبوع
        البنات: لالا لا هذي طرده سمعتي خالتي
        أم حمد : ماعليكم منها فديتكم إنتوا الداخلين وهي الطالعه
        مشاعل: لاوالله تراهم كلها يومين وبيروحون وبيخلونج وماراح يقعدلج غيري بها البيت
        أم حمد: فديتج أصلا البيت مايسوى بدونج
        البنات : أحلا (( وتصفير وتشجيع لمشاعل))
        مشاعل: شوفوا ياويلكم لووحده فيكم تفتح فمها بحرف لين أرجع سامعين
        البنات : تامرين أمر إنتي محنا مخلين سالف إلا وبنقولها
        مشاعل: والله بذبحكم ترى

        نزلت أبروح المطبخ الخارجي كنت لابسه فستان بني قصير لنص الساق مع بلوزه قصيره كروشيه بيج ... وحاطه ميك اب بسيط بني
        كنت أمشي مستعجله أبي اخلص شغلي وأرجع للبنات نكمل سوالفنا
        دخلت المطبخ وماإنتبهت للسياره الغريبه الواقفه بحوش البيت (( كانت بي إم 2006)) لونها أسود

        مشاعل: سوما .. سوما
        سوما: yes mam
        مشاعل: روحي للمجالس وديلهم المبخر مع العود
        سوما: ديهن إود
        مشاعل: لا لا عود كمبودي مال بابا
        سوما: إيش هزا أود كمبودي
        مشاعل: غير الله على إبليسج لاإشتهيتي فهمتي وإذا ماتبين سويتي نفسج غبيه وماتعرفين
        جلست أحوس بلأدراج لين لقيت العود وعطيتها
        مشاعل: يلا وديه للمجالس وعطيه واحد من العيال
        سوما: زين

        طلعت من المطبخ وانا أتحلطم على سوما الغبيه قهرتني راحت علي ربع ساعه وأنا أدور على العود ..... أول ماطلعت إتفجأت بشوفتي للبنت الصغيره إلي شفناها بالمجمع أنا وساره أمس .. ناديتها

        مشاعل: منور
        منور: ها إنتي البنت إلي شفناج أمس انا وخالي جاسم صح
        مشاعل: صح
        منور: وين إختج إلي كانت معاج
        مشاعل: داخل بالبيت
        منور: إنتوا هذا بيتكم
        مشاعل: إيه هذا بيتنا وإنتي شتسوين هنا
        منور: أنا جيت مع أمي وجدتي وخالاتي على شان إنشوف العروسه حقت خالي
        مشاعل: العروسه هذي تصير إختي
        منور: ها عجل إلي أمس شفتها معاج كانت العروسه
        مشاعل: لا هذي إختي الثانيه
        منور: طيب وديني عندها
        مشاعل: عند مين
        منور: عند عروسة خالي سعيد يقولون هي حلوه
        مشاعل: ههههههه من إلي قالج
        منور: خالي سعيد يقول هي حلوه بس خالي جاسم يقول إنها مثل الساحرات إلي أشوفهم بالتلفزيون
        مشاعل: لا هذا خالج جاسم كذاب ودامه يقول عن إختي هالكلام خلاص إحنا بنخليها عندنا وماراح نعطيكم إياها
        منور: هاه لالالالا أنا أكذب عليج كلهم يقولون إنها حلوه بس تكفين لاتعلمين احد إني قتلج
        مشاعل وهي تحاول تكتم ضحكاتها: ليش
        منور: عشان مايطقني خالي سعيد ويقول إنتي نحشتي زوجتي
        مشاعل: هاهاهاهاه هههههههههه خلاص ماراح أقول لأحد ... وألحين يلا تعالي معاي ندخل داخل البيت
        منور: بتوديني عند العروسة
        مشاعل: بوديج

        مشاعل ماإنتبهت للي كان بداخل السياره وإلي عيونه مافارقتها من طلعت لين دخلت ...وهي ماإنتبهت لأنها كانت مغيمه وهي كانت تحسب السياره لأخوها عبدالله ((رغم إن عبدالله سيارته لكسز)) بس هي مثل أغلب البنات ماعندها أي خبره بأنواع السيارات وأشكالها

        بعد مادخلت البنت إلي شافها حرك بسيارته وطلع من البيت

        ************

        نرجع للسعوديه ((نفس اليوم الأربعاء لكن الساعه 6 المغرب))
        بيت أبو الريم

        كنت جالسه بغرفتي ببيت أبوي أرتب أغراضي لأني بجلس هنا هاليومين
        اليوم فيه عشاء ببيت أبوي على سلامة جدتي وبكره ببيت عمي وإلي بعده بيت عمتي وأوووووووووووووووووووووف
        غدا وعشاء ...غداء وعشاء .... إلخ

        جاني مسج تت تتت تتت
        فتحته لقيته من زيد
        ((روييييييييييييييم أنا ماقلتلك فكينا من احمد ولد عمك .... عاجبك إلي صار))

        الريم : بسملله وشفيه معصب ياربي وش صاير

        ردتله بمسج
        (( بسم الله شفيك معصب الناس تسلم أول وتسأل عن الأخبار وبعدين وش جاب طاري أحمد ولد عمي ألحين))

        (( ليه ماتدرين وش صار))

        (( لا ماأدري وش صاير))

        (( اليوم أمي كلمت جدتك وقالتلها إنها تبي تخطبك لي على سنة الله ورسوله...... لكن جدتك قالتلها إن ولد عمك متكلم عليك))

        (( يعني إنت من جدك وإمك إخطبتني اليوم من خوالي))
        (( بذمتك هالسوالف فيها مزح ))
        (( الله يهديك ليه إستعجلت ... وبعدين غنت عندك العلم بسالفة ولد عمي وانا أبي منك تعطيني فرصه أنهي فيها هالموضوع))
        (( إلى متى))
        (( صبرنا كل هالسنين ماراح نقدر نصبر هالكم شهر))
        ((كم شهر))
        ((ههههه إيه كم شهر ولا إنت ناسي إني اخر سنه وأبي اتخرج بمعدل سنع))
        (( شوفي يالريم عند شهرين بس وتفكينا من هالأحمد ولا كل واحد بطريقه))
        (( تهددني يازيد))
        (( أنا ماأهددك بس أنا خلاص مليت وماعاد فيني صبر... أنا أبيك زوجه لي بأقرب وقت كفايتنا فراق وعذاب كفايه ))

        الريم : صدقت يازيد كفايتنا
        اليوم الثاني يوم الخميس

        أنا ألحين فبيت عمي عشان الغدا إلي مسوينه لجدتي
        كنت جالسه بغرفة بنت عمي أرتب شكلي قبل ماأنزل للضيوف ... بعد ماسنعت شكلي وصار أوكي ... طلعت من غرفتي وأخذت شيلتي معي تحسبا لأي طارء
        كنت توني بنزل مع الدرج إلا وأسمع احد ينادي بإسمي

        الريم ...ياريم


        قطر
        اليوم اليوم المنتظر من شهور بها اليوم بتنزف وضحى لبيتها وحياتها الجديده لسعيد

        الكل فرحان ومستانس لهم ....

        المكان : قاعه من أكبر قاعات قطر
        الوقت : الساعه 5:45 عصرا
        الموقع : إحدى الغرف بالقاعه

        كنا كلنا منربشين إلي تستشور ... وإلي تمكيج ... وإلي جالسه بلا حول ولا قوه مسلمه نفسها لأيدين خبيره المكياج أو التسريحات

        سوالف وشغل وإزعاج يوم طويل مر علينا
        على الساعه 7 تقريبا كنا خالصين (( البنات طبعا)) وماكان باقي إلا العروس ... تركناها مع الكوافيره وطلعنا للقاعه

        دخلنا كلنا سوى كانوا الناس توهم يبتدون يحضرون ... كونا صفين للإستقبال عند الباب
        كلها دقايق وإبتدت المطربه تحيي الحفل وطبعا كنا إحنا من إستفتح الرقص
        وكانت الأغنيه لسعد الفهد
        لو ماتبيني كان ماتسأل وراي وشصار فيا
        لوماتبيني ليه تحرق روحك وقلبك عليا
        مانصحتك لاتعاند لا ولاكنك سمعت خليت ورحت عني إبتعدت
        وهذا إنت بلاخر رجعت .....

        مر الوقت علينا رقص ووناسه وطرب وعلى الساعه 11 تم الإعلان عن دخلت العروس
        كانت الزفه على إسمها مع ميوزيك هادي ورومانسي
        ياهمومي تنحي عن خيالي بعيد ** وإرحلي في بعادك وإسكني فالبعاد
        ودي أكتب لوضحى نص نوعه فريد ** لاتخطاه شاعر ولاشهد له مداد
        في بحور القوافي و الوزن والقصيد ** جيت كلي مشاعر بحتضنها عناد
        ماقصدت التحدي بس طبعي عنيد ** أدري بلقى متاعب دون شك وكاد
        وياهلا بالمتاعب قربها وش يزيد ** غير حبي لوضحى دامها لي ضماد
        و دامها لي ضماد حبها لي شديد** حب يسري بدمي و البقايا نفاد
        ولو حكوبي عواذل حكيهم مايفيد ** تبقى وضحى عيوني ومايها والسواد
        وإن تعنوا لجلها لجل شعره بشيد ** حرب تمحي أثرهم وينتهيها حداد
        هذا عهد قطعته لجل وضحى أكيد ** لي غلاها تربع فوق عرش الزهاد
        ومثل ماهوتربع صار يوصف بسيد** ويكفي إني مليكه صرت دون العبادوتبقى دياركم وديارنا عامرتا بالأفراح

          تعليق

          • روح soso
            عضو ذهبي
            • Jul 2009
            • 830
            #43
            مشكوره ,,.
            الله يعطيك ألف عافيه ,,.

              تعليق

              • *عبير الزهور*
                V - I - P
                • Jun 2008
                • 3267
                #44
                الجزء الرابع والعشرون

                ((مخنوقه يمه واحس الخنقه هدتني

                مكسور قلبي وعيني مدري وشفيها

                ودموعي اللي غصب عن عيوني بكتني

                مليت اغمض جفوني لجل اداريها..........))
                غرفة الريم ببيت أبوها

                ياربي أنا شسويت بدل ماأكحلها عميتها
                لاحول ولا قوة إلا بالله

                كنت توني بنزل مع الدرج إلا و

                أحمد: الريم يا ريم
                الريم: نعم وشتبي
                أحمد: وشفيك تقولينها بدون نفس
                الريم: إنت شايف إن وقفتنا ذي عدله
                أحمد: ليه وشفيها
                الريم: إلا قل وش مافيها
                أحمد: أنا أحس إنك متغيره معي
                الريم: شلون يعني متغيره
                أحمد : ماأدري أحسك تتهربين مني من يوم ماخطبتك
                الريم بقهر وهي تتذكر كلام زيد بإنه خطبها وإن خوالها رفضوه بسبة أحمد: والله اللبيب بلإشارة يفهم
                أحمد: شقصدك بهالكلام
                الريم: أظن إلي قلته مفهوم
                أحمد بعد فترة صمت: إنتي رافضتني
                الريم وبطولة بال: شوف ياأحمد أنت ولد عمي ومافيك شيء ينعاب لكن أنا بصراحه رافضه موضوع الزواج ألحين لأن عقلي بدراستي
                أحمد: يعني إنتي رافضة الزواج بها الوقت بس مش رافضتني كشخصالريم (( ياويلي من غبائه)): يعني شيء زي كذا
                أحمد: يعني لو أجلت الموضوع شوي لين تتخرجين بإذن الله بعد كم شهر بتوافقينالريم(( لاحول الله)): أحمد أنت أنت مثل إخوي
                أحمد: غريبه رغم إنك ماعرفتيني إلا من كم شهر بس شلون أصير مثل إخوك
                الريم : ........... أحمد صدقني بتلقالك وحده غيري تناسبك وإلي يتمنونك كثير إفتح عيونك وبتشوفهم قدامك وجلس أطلع بهبه وأن أتمنى لوهو يستوعب كلامي ويعرف من أقصد بنظراتي (( بهالوقت كانت هبه توها ترقى الدرج وماإنتبهتلهم)) وتوني ببدا أنزل إلا و.......
                أحمد: فيه أحد ثاني صح
                لفيت بسرعه أناظره وأنامصدومه من كلامه ... بعدها نزلت من الدرج بسرعه وسحبت هبه من يدها معاي

                يالله وش سويت أكيد عرف .... حتى لو مانطقتها بلساني قالتها عيوني


                قطر (( مابعد الزواج))ملاحظة (( الزواجات بدول الخليج مثل قطر والكويت تخلص بدري يعني ماتجي الساعه 12 أو 1 بالكثير إلا وكل شيء مغلق مش زينا هنا بالسعوديه على الساعه 4 الفجر يالله نخلص وفيه زواجات تجلس لحد الساعه 6 و 7 صباحا))


                الساعه ال 1:30 صباحا
                غرفة البنات
                تونا راجعين من القاعه من بعد ماخلص الزواج وقفضنا كل شيء من ورانا

                ساره:اه يارجلي توجعني... حسبي الله على هالكعب ذبحني
                ضحى: إنتي تسمين هالي كنتي لابسته كعب عجل إحنا وش نقول
                ساره : والله إنتوا إلي لابسينه أنا أسميه عماره من سبع طوابق
                عهود : لا وإنتي الصادقه دباب متحرك
                مشاعل: أقول بنات أنا جوعانه من بتروح معاي المطبخ
                ضحى : أنا بروح معك
                مشاعل : خلاص وإنتوا بنات غيروا ملابسكم وإنزلوا للغرفه الزجاجيه نشوفكم هناك أوكي
                البنات: أوووووووووووووووووكيك
                بعد 10 دقايق بالغرفه الزجاجيه
                ساره: هلا والله بالمحمول الله الله وش هالحركات سندويتشات و شابوره وجبن ومربى وإلى اخره ....لالالالالالالالا ماأصدق وحليب كرك بعد ياسلام ياحيكم والله
                ضحى: الحمدلله والشكر بس المحمول إلي تهلين فيه والحامل ماله شيء
                ساره : الحامل يالهوييييييييييييييييييييي الأخت أي شهر
                ضحى : كر كر كر مايضحك
                نور: أقول حطوا الأغراض على الأرض ترانا ميتين جوع

                وفي أثناء هذه الوجبه الدسمه

                عهود: ياقلبي ياوضحى تهقون شخبارها ألحين
                ساره : ماأدري ياعمري أكيد مرتبكه
                ضحى: إلا أكيد دموعها ماوقفت من الخوف
                مشاعل: ياويلي على إختي

                نور: أكيد فيه خوف خصوصا وإنها أول مره تشوفه أوحتى تتكلم معه
                ساره: وهذي غلطتها أكيد لأنه كان المفروض إنها تشوفه ويشوفها بالنظره الشرعيه وهي فوتت الفرصه على نفسها ورفضت حتى إنها رفضت تكلمه اويكلمها من بعد الملكه
                ضحى : طيب البنت تستحي
                نور: بس هالأشياء ضروريه بها الأيام عشان يتعرفون على بعض زين قبل الزواج

                عهود: أقول خلونا من هالكلام ألحين لأنه ماينفع .... قدر الله وماشاء فعل
                ساره: صدقتي قدرالله وماشاء فعل...... ياحليلتس ياوضحى تذكرون يوم رحنا اللاند مارك ودخلنا السينما (( مجمع معروف))
                البنات:هههههههههههههههههههههههههه

                بذاك اليوم....

                ثاني يوم من وصولنا قطر
                طلعنا من بيت خالتي على الساعه 8:30 صباحا
                كان المفروض نتوجه لمحمع اللاند مارك بنتشرى شوية أغراض منها تسوق وتمشيه لكن

                جميع الصبايا بالسياره هذره وسوالف

                وضحى : بنات أول شيء بنمر على سوق واقف (سوق توراثي وشعبي معروف) (وفيه بالأمارات بدبي سوق نايف) ( وعندنا بالشرقيه سوق يسمونه سوق الخميس والجمعه)نور: نعم على أساس بنروح اللاند مارك
                وضحى: شوي بس أبشتريلي عطور مفارش وشوية بخور من وحده
                ضحى: أقول أنتي وين بتودينا
                مشاعل: هيه شفيكم على إختي مسيكينه حابة تسويلكم جوله توراثيه وتثقيفيه عن أسواق قطر الشعبيه
                ساره: إلا هو ماأحترق كاني مره سمعت بلأخبار إنه إحترق
                وضحى: إلا إحترق وإرجعوا بنوه من جديد
                وصلنا سوق واقف
                وضحى: أنا بروح لأم فريد أشتري أغراضي إلي أبيها دوروا يمكن تلقون أشياء حلوه
                نزلنا السوق عباره عن أكشاك صغيره جنب بعضها دجينا بهالسوق وتشرينالنا جلابيات و بخور وقطع للعجايز و
                ساره: واو بطوله الله رفيق كم هذا
                الهندي: ب .... ريال
                ساره: طيب عطني 5 منها 4 ذهبي و1 فضي
                مشاعل: حق منو
                ساره: لي وللريم وندوش وجوري
                مشاعل: طيب 4 وليش الخامسه
                ساره: أنا أبيلي لونين ..... واي وناسه بيضبط علينا إسم شلة أم خماس

                بعد ماخلصنا ركبنا السياره وكانت الساعه 9:40

                وضحى: حمزه مر على الخباز إلي هنا بناخلنا خبز هولي
                ساره: ياسلام خوش رحله تثقيفيه
                مشاعل: شفتي شلون
                ضحى: أقول وضوح راح علينا الوقت وبعدين وشتبين بالخبز
                وضحى: جزاي بفطركم خبز هولي مع حليب كرك
                عهود: ماقالت أفطركم من ستاربكس ولا السنيزون ...خباز وكرك
                مشاعل: يالغبيه هالفطور ماتلقينه ولا عند أحسن مطعم بفرنسا
                وضحى: يمتس أنا أبيلكم الفايده وبعدين انا أشجع المقاطعه
                فاطمه: المقاطعه هاه ...زين يلا إشتري وخلصينا
                وضحى: حمزه جيب 6 خبز جبن و9 كرك
                بعد وصول الأكل
                ساره: والله خبزه يجنن والحليب مظبوط
                وضحى: ماقتلكم .... حمزه يلا روح اللاند مارك

                وصلنا المجمع وهو عباره عن دورين الدور الأول الأسواق والدور الثاني المطاعم وهالشغلات

                خلصنا من السوق على الساعه 12
                ضحى: بنات شرايكم ندخل السينما
                وضحى: تبون ماعندي مانع بس خلونا نصلي بلأول وبعدين ندخل
                البنات : أوكي
                مشاعل: خلاص روحوا إنتوا المصلى وانا بروح أشتري التذاكر عشان العرض يبدا الساعه 12:30
                نور: خلاص انا بروح معاج

                نور ومشاعل إختاروا فيلم Mis&miss smith ل
                Brad Bit& Ingilina Goley

                دخلنا القاعه وإحنا منبهرين بشكل المدرجات كانت أول مره ندخل سينما وبروحنا بدون منغصات (( أقصد بدون رجال معنا)) وطبعا قبل ماندخل كنا شارين كل شيء لزوم الجلسه بوب كورن وماي وببسي ونيراندا وكل مايخطر ببالكم
                نزلنا المدرجات نبي نختارلنا مكان ...قالت وحده من البنات ((ماراح أقول إسمها عشان ماتذبحني))
                :خلونا نجلس أول شيء عشان نشوف زين

                رحنا وجلسنا وإرتزينا بأول صف ... ماكان فيه ناس كثير شوية بنات وكم عائله وشلة شباب من شافونا جالسين وهم طايحين ضحك وتعليقات

                نور: مالت عليهم صدق ماعندهم سالفه
                وضحى: ياخذهم قولوا امين ..ماعلينا منهم إحنا جايين عشان نستانس
                مشاعل & ساه : طيب إفرضي طلع واحد منهم سعيد
                وضحى: عادي أصلا هو مايعرف شكلي موتوا حره( وتأشر بيدها)
                فاطمه: يالغبيه نسيتي يوم توقلينلي إنه مره لمحج وإنتوا تسوون الفحص حق الزواج
                وضحى: طيب هالسالفه من شهور شبيذكره فيني ألحين
                ضحى: يالخبله الرجاجيل لاشافوا شيء عمرهم مانسوه
                ساره: بعدين هالمره هي الوحيده إلي لمحج فيها تبين ينساها وإنتي محرمه عليه حتى النظره
                وضحى: قوموا قوموا رجعنا على البيت
                نور: هي إنتي تراهم يضحكون عليج وإنتي مصدقتهم
                وضحى: يامال السلال يسل عدوينكم جالسين تلعبون بأعصابي

                بها الحظه إنطفت الأنوار وإشتغلت الشاشه

                البنات: اي وكل وحده تغطي عيونها

                نور: نعنبوكم عيوني
                مشاعل: وانا أقول وشبلا الناس كلها جالسه ورا
                ساره : عجل عشان كذا الشباب كانوا يضحكون علينا
                الكل: هههههههههههههههههههههههه
                عهود: الله يفشلكم قوموا خلونا نجلس ورا
                شوي شوي ودرجه درجه لين وصلوا لاخر صف وجلسوا فيه
                ضحى: وإنتوا ياحبى يابرك يأول شيء ولا الأخير
                نور:أقول إنثبري خلينا نشوف

                خلص الفلم على الساعه 2 تقريبا

                ساره: أنا جوعانه خلونا نطلب غدا
                نور: ماشاءالله الساعه 2 وزود
                مشاعل: شرايكم نتغدا بالأوبرا
                فاطمه: أي شيء تراني جوعانه
                رحنا للمطعم وخذنالنا طاوله على الركن وطبعا مع البارتشن(( الحاجز))

                من جلسنا وإحنا ماسكتنا طول الوقت ضحك رجينا المطعم والحمدلله إنه كان تقريبا فاضي
                ومن المواقف إلي صارتلنا بالمطعم
                ضحى للجرسون: ex cuezme give me may (( الأخت تبي ماي))
                الجرسون : ؟؟؟؟؟؟؟؟؟؟؟؟؟؟
                ضحى:
                Oh sorey I need water

                الكل: هههههههههههه هاي
                ساره: لالا تكفين كان حلفتي عليه
                عهود: هههههههه مسكين وجهه صار كله تعجب
                مشاعل: لا تلقينه يقول ذي وشتبي قاطه بعمرها علي
                نور: إلا يقول تبي تبلشني النحشه ياولد
                ضحى وهي معصبه: جب جب مايسوى على الواحد يغلط عندكم

                نرجع للواقع

                ههههههههههههههههههه
                مشاعل: أما إنتي ياضحى نكته
                ضحى: لاحول متى بتنسونها هالسالفه
                ساره: بأحلامتس تذكرين سالفتي يوم مصر إلى ألحين محد بناسيها
                البنات :ههههههههههههههههههههههههههههههههههههههههههههههههه ههههههههه اي بطني لالا مانقدر كرركرررر
                نور: الله يرجج عاد أنتي سالفتج غير ماتنسىمصر كنت بصف خامس إبتدائي وكنت رايحه مع خوالي مصر

                كنا حاظرين مسرحية عادل إمام الواد سيد الشغال
                كنا جالسين بالطابق الثاني للمسرح ..... بمثل الأكشاك المغلقه والمكشوفه بجه المسرح ....
                كنت أنا وفاطمه وضحى وخالي مبارك وخالد ولد خالي جالسين باول الكراسي ((عند الجزء المطل للمسرح)) وخوالي وحريمهم وجداني ورانا


                وكنا كلنا شارين شاني وجبسات وبوب كورن وحلويات

                المهم وإحنا مندمجين بالمسرحيه إزلقت غرشة الشاني من يدي وطاحت على الناس إلي تحتي ...من الروع إلتفت أطالع بفطوم جنبي ومن فطوم أرجع أطل على الأرض
                فاطمه: شفيج
                ساره: الشاني طاح
                فاطمه : وين
                ساره: تحت
                كلنا (( أنا وفاطمه وضحى وخالي وخالد طلينا على تحت))كان فيه واحد مصري مسكين وأصلع وجنبه واحد خليجي بشماغه وثوبه جالسين جنب بعض لكن الغرشه طاحت على راس الأصلع المسكين (( الأصلع قام يصرخ ويهاوش))
                خالد: حسبي الله على بليسج حتى بالفلعات عنصريه
                مبارك: ماشاءالله على هالفلعه وماصارله شيء
                ضحى: ياحليله صايره صلعته تلمع بسبة الشاني
                ساره : ياويلي وشسوي
                فاطمه : إسكتي ولاتقولين شي مش إحنا إلي طيحنا الغرشه
                خالد: جيبوا جيبوا خلوني أرميها كلها عشان مايشكون فينا

                ثواني من بعد رجعة خالد ...إلا وحرس المسرح جايين عندنا ومعاهم الأصلع المفلوع
                الحارس: السلام عليكو ياكابتن
                خالي: وعليكم السلام خير
                الحارس: خير إنشاءالله بس الأخ إلي معايا بيقول إنوا وئعت على راسوا الإقنينه من هنا
                خالي: لامش من عندنا غلطان
                الأصلع: غلطان إيه أنا متأكد إنها وئعت من هنا
                خالي وهو بدى يعصب: لو طاح عليك شيء من عندنا كان قلنالك ..
                المهم الأصلع سوالنا سالفه وقلق وبلأخير أبعدوه الحراس لأن إحنا سياح والمفروض يحترمنا
                بعد ماراحوا
                خالي وهو معصب: الحمدلله والشكر جاي يتبللا علينا
                مبارك: إحم إحم عبدالله
                خالي: نعم
                مبارك: ساره إلي طيحت الغرشه

                ورجعنا للواقع
                ساره: ههههههههههههه لحد ألحين أتذكر وجه خالي عبدالله ههههههههههه هزئني وجلس يحسر على الرجال مسكين
                ...... بس والله مش قادره أنسى إلا هاليوم وأنا كارهه الشاني وسيرته
                مشاعل: بس خلاص ماعدت أقدر بطني يعورني
                نور: خلاص خلونا ننام عشان نقوم بكره بدري
                ضحى: الله يهدي خالتي كان خلت الصباحيه عشى بدل الغدا
                مشاعل: مانقدر عشان إلي بيرجعون السعوديه بكره يحضرون الصباحيه
                الكل : تصبحون على خير



                اليوم الثاني

                الساعه ال 10 صباحا

                طراخ طاخ طييييييييييييييخ
                الباب شوي ويتكسر

                أم حمد : يابنات يابنات إفتحوا الباب يامال العافيه ...يامشاعل يانور يافاطمه..... ياساره ياعهود ........ ياضحى...

                لا حول الله إلى متى بتمون نايمين العرب من صبح وهم تحت ,.............. يامال ......... قوموا ......جعلكم السهر إلي يدق ظهوركم قومكم السهر ....

                ومن بعد معاناه إنفتح الباب
                مشاعل والنوم ذابحها: هلا يمه الله يهديج الساعه توها 10 وين الناس تحت
                أم حمد: الناس حاره على بالكم زيكم باردين مايقوموون إلى العصر .... يلا قومي خواتج وإنزلوا حيو العرب
                مشاعل: أي عصر الله يسلمتس ...إنشاءالله ألحين ننزل

                بعد ماراحت أم حمد تمت مشاعل توعي البنات وعلى الساعه 11:30 كانوا كلهم خالصين ونازلين يستقبلون الضيوف
                مشاعل كانت لابسه فستان ليموني قصير لحد الساق مع حزام موف وإحزام موف وإكسسوارات نفس اللون وصندل موف والميك اب موف فاتح وهادي


                وساره كانت لابسه فستان أورنج ضارب للأحمر قصير مع صندل شرايط ساتان نفس اللون والميك اب كان أورنجي هادي

                نور كانت لابسه فستان أفستقي رهيب مع ميك اب ثقيل شوي

                عهود كانت لابسه فستان زيتي فيه شغل بالدانتيل خفيف من قطعتين قميص مع تنوره لف وميك اب زيتي باهت

                ضحى كانت لابسه تنوره سودا كلوش قصيره مع بدي فضي مشغول بشك بسيط والميك اب بسيط حيل

                أما عاملة الديجيه مسكينه كانت واصله من الساعه 10:30

                أول إغنيه طلبوها البنات كانت فوق هام السحب (( المشاعر الوطنيه الجياشه حتى عروقنا خضرا فديت تراب أرضك يالسعوديه))ف وق فوق هام السحب وإن كنتي ثرى
                فوق فوق عالي الشهب ياأغلا ثرى
                فوق هام السحب
                مجدك لقدام وأمجادك ورا وإن حكى فيك حسادك ترى
                مادرينا بهرج حسادك أبد إنتي مامثلك بهالدنيا والله مامثلك بهالدنيا بلد
                من على الرمضى مشى حافي القدم يستاهلك
                يستاهللك يستاهللك
                ومن سقى غرسك عرق دمع ودم
                ومن رعى صحرا الضما إبل وغنم يستاهللك
                حنا أهللك يادارنا برد وهجير هنا هلك يادارنا وخيرك كثير
                من دعا لله وبشرعه حكم يستاهللك
                ومن رفع راسك على كل الأمم يستاهللك
                ومن ثنى بالسيف دونك والقلم يستاهللك
                نستاهللك يادرانا حنا هلك إنتي سواد عيوننا شعب وملك
                فوق هام السحب

                وطبعا الكل مندمج بالرقص والوناسهوعلى الساعه 1 وصلت العروووووووووووووس
                وماشاءالله كانت مثل القمر
                كانت لابسه فستان زهري حرير مع تطريز زهري أغمق من درجة الفستان ونزلت على زفة راشد الماجد (( ياوضحى))

                الكل كان مستانس وفرحان لها ....وعلى الساعه 7 تقريبا بدوا الضيوف يروحون

                بهالوقت إستلموها البنات

                فاطمه: هاه بشري شخبار المعرس معاج
                وضحى بإحراج: الحمدلله زين
                ساره: يلا علمينا شكان إحساسج وإنتي تشوفينه لأول مره
                وضحى : عادي
                عهود: علينا
                مشاعل: إنزين خلج من إحساسج ... وقوليلنا عن إحساسه هو شقالج
                وضحى: قال حرام عليج كنتي حارمتني من هالطله الحلوه
                ضحى: بس
                نور: أكيد قال شيء ثاني بعد يلا علمينا
                وضحى: اسفه أنا ماأكلم عزابيه
                فطوم وهي تجلس جنبها: إيه صح إحنا مانكلم عزابيه يلا علميني أنا
                وضحى: ههههههههههههه حتى إنتي أنا ماأكلم عجايز


                في السعوديه


                "...يا أهل هالبيت باشكي بنتكم
                ...تعبت روحي والله بصدها...
                اقسمت قلبي اهي لقسمتين...
                نصف عندي...
                ونصف باقي عندها...
                يا اهل هالبيت شوفوا حالتي...
                صار لي من العام ناطر وعدها
                ...البشر تسهر كم ليلة وتنام
                ...وانا كل عمري سهر من بعدها....
                ارضعتني الحب واسقتني الغرام
                ...واسقت احساسي انا من شهدها.
                ..وفطمت قلبي وهو توه صغير.
                ..كن قلوب الناس لعبه بايدها..
                "

                أوووووووووووووووووووووف من هالبنت ليه إرفضتني ودي أعرف ....
                وعهود الثانيه بعد ما حذفت قنبلتها بوجهي راحت قطر لزواج بنت عمتهم وماعاد سمعت منها شيء....... والبلشه إني أتصل بتلفونها ماترد ....... والمصيبه الأكبر إن تلفونها شكله مش دولي يعني ماتقدر ترجع تكلمني وإختي كل ماإتصلت تلفونها مغلق........ لاحول صدق حريم شكلهم من وناستهم بالعرس نسوا أي شيء ثاني......

                حسبي الله على عدوك ياعهود قالت إيش.........
                عهود: أمممم خالي والله ماأدري شقولك
                وأنا حاط يدي على قلبي: رفضتني صح ...
                عهود: ...............
                :طيب ماقالتلك سبب الرفض؟؟؟
                عهود: مممم لا ماقالت
                : نعم ..... شلون يعني كذا بدون سبب رفضتني
                عهود: ماأدري ماأدري
                : أكيد فيه سبب وأنا لازم أعرفه
                عهود: صدقني ياخالي السبب بالرفض مش إنت
                : مش مني أنا ليه عشان حبيتها وتمنيت تكونلي حليله
                عهود: لاياخال الغلط بتصرفك والوقت إلي إخترته
                أنا بمراره:ههههه قصدك لو إنتظرت شوي كان قبلت
                عهود: ماأدري بس الي متأكده منه إنها..........
                : إنها أيش
                عهود: تغليك ...و...ويمكن تحبك

                قالت تحبني ..........ههههه لو حبتني ماكانت رفضتني.... بس وشعذرها

                مليت وربي مليت خلاص بنهبل أبي أعرف ليش رافضتني....
                طلعت من غرفتي ضايق من الدنيا وكل إلي فيها
                رحت الصاله لقيت أمي وأبوي جالسين(( أبو فهد ماقد كلمتكم عنه ماشاءالله عليه طيب وحنون يقضي أغلب وقته بإدراة أشغاله ومايحب يتدخل بأشياء ماتخصه))
                فهد : السلام عليكم
                الأب والأم : وعليكم السلام والرحمه
                فهد: حيالله الشيووووووووووخ شحالكم وشالعلوم
                أم فهد: العلوم عندك ((نغزه عن سالفة زواجه من بنت عمه))فهد يضيع الموضوع: إلا بنتس وبنتها من راحوا قطر ماكلموا مايقولون نكلم أهلي نشوف أخبارهم وعلومهم
                أم فهد : إلا بسمله عليهم مايقصرون توهم مقفلين مني من شوي
                فهد وهو معصب: والله على كا ورا مايردون علي يوم أكلمهم
                أم فهد : أكيد كانوا مشغولين
                فهد وهي واصلة معه : إيه أكيد مشغولين بالرقص والطرب
                أم فهد : خلهم يستانسون .. إلا إنت وشعندك تتصلهم
                فهد: لا أبد بس أبتطمن عليهم
                أبو فهد: إلا ياولدي ماقررت متى تبي نحدد خطبتك على بنت عمك
                فهد : يبه أنا
                أم فهد تقاطعه : قريب إنشاءالله قريب بس يبيلنا نخلص شوية أغراض وبعدها نتمم كل شيء
                فهد قام وهو معصب: إسمعوا عاد أنا قلتها لكم من قبل وأعيدها لحين أنا زواج ماأبي أتزوج زين
                وطلع من البيت والضيقه صارت أضعاف

                  تعليق

                  • *عبير الزهور*
                    V - I - P
                    • Jun 2008
                    • 3267
                    #45


                    الجزء الخامس والعشرووووووووووووووووووون



                    لو يشتكي المظلوم وش في يدينه....من يرحمه لاهلت عيونه ادموع...
                    من يسمعه لي باح خافي كنينه...من هو يرد القلب لاصار منزوع...
                    مهما شكى قلبه وعقله وعينه...شكواه ماتنفع ولاهوب مسموع...
                    الله على كثرة اهمومه يعينه...قلبه غدا في روضة الهم مزروع...
                    زرعه ذبل من قبل وقته وحينه...صارت حياته هم واحزان ووجوع...
                    يوم انقطع حبل الرجا في يمينه...يسحب ولكن حبل رجواه مقطوع..
                    ماعاد باقي كود ذكرى حنينه...في خافق برق الرجا عنه ممنوع...
                    هذي معاناة القلوب الحزينة...مثلي انا لو صحت مانيب مسموع...



                    في أحد الأيام بعد شهر من الأحداث
                    السابقه



                    حرام عليك .... تخليني ... ترا نجاتي بيدينك
                    ..
                    لاتتخلى عني تراني أقربلك من عروقك...

                    إرحمني

                    أرحمك إنتي إلي إرحميني ... إنسيني
                    وخليني أنساك ...
                    إبعدي عني ...وخري بعيد...
                    إنت ظالمني ..
                    ظالمك .. أنا ظالمك ... شلون
                    وإنتي خربتي حياتي ...

                    أن ا

                    إيه إنتي ............
                    إنتي
                    إنتي السبب .... إنتي
                    دمرتيني ..
                    تبين موتي ... إرتاحي
                    أنا مت

                    مت ومابي حتى تحضرين عزاي
                    حتى بموتي ماأبي قربك....
                    أنا
                    كرهتك ... كرهتك ..
                    ما أبيك
                    ما
                    أبيك

                    صحيت من النوم مفزوع ....
                    بسم الله وش ذا الحلم .... أعوذ بالله من الشيطان الرجيم ...
                    هذي ثالث مره يتكرر معي نفس الحلم
                    لا إله إلا الله من كثر ماأفكر وأهوجس بهالموضوع صار يطلعلي حتى
                    بأحلامي....

                    بس عندي إحساس إن الحلم له معنى ......... ومعنى كبير
                    بيغير بمجرى حياتي .... الظاهر مالي إلا أسمع نصيحه زيد
                    وأسأل واحد من هالمشايخ إلي يفسرون الأحلام...

                    بعدها بكم يوم

                    فهد : ألو السلام عليكم
                    الشيخ : وعليكم السلام والرحمه
                    فهد: الشيخ ...............
                    الشيخ : إينعم
                    فهد: ياشيخ أنا لي فتره أحلم بحلم وهالحلم يتكرر علي
                    الشيخ : ووشهو حلمك
                    فهد: ..............و....................إلخ
                    الشيخ: الظاهر إنك مشغول
                    ب.........................................و....... ..................................
                    فهد: والقصد ياشيخ
                    الشيخ: القصد قال تعالى
                    وعسى أن تكرهوا شيئا وهو خير لكم ""
                    فهد: صدق الله
                    العظيم

                    ***



                    بيت الريم


                    كنت جالسه على الكمبيوتر مشغوله بالبحث إلي أسويه
                    ومعتفسه علأخير
                    الأوراق محذفه بكل مكان والكتب مفتوحه ومنثره شيء علأرض ...
                    شيء على الطاوله وأنا غاطسه بوسطهم وعيوني على
                    الحروف إلي أكتبها على الجهاز ... ماأبي أي غلط لأن هالبحث
                    أهم شيء أسويه بحياتي الجامعيه (( بحث التخرج))

                    رن تلفونيي

                    أووووووووف من هالمزعجه إلي بتتصل بهالحزه ... يلا ...عادي
                    طنش
                    ماراح أرد لاخلصت إلي بيديني برجع أشوف من المتصل

                    (( أنا كنت حاطه للسوري وندوش نغمه خاصه لكل وحده منهم
                    ولزيودي نغمه خاصه ونغمة المتصل عاديه ))

                    جلس التلفون يدق ويدق ماوقف كأنه يدق على
                    راسي

                    أووووووووووف وين هالتلفون المزعج .... جلست أدور عليه ماأدري
                    وين حذفته ... جلست أحوس وأحوس بالغرفه والتلفون ماوقف ...
                    وأخيرا لقيته تحت واحد من الكتب.......

                    وبكل عصبيه : نعم خير
                    هلا ... أنا الحمدلله بخير ... إنتوا شخباركم .... عجل من
                    رقمه هذا ...
                    صحيح مبروك ... لا لا كنت هنا بس مشغوله بالبحث
                    حقي
                    إيه بحث التخرج ... يوم الخميس لا ماأظن وراي شيء
                    ليش...

                    (( هدوووووووووووووووووووووووووء لثواني))

                    معاك .. معاك على خير إنشاءالله ... مع
                    السلامه سلم على جدتي ... وبارك لهم
                    عني ...
                    لالا إنشاءالله بكلمهم أباركلهم ... بس بكره ولا
                    إلي بعده ... تعرف أنا هالكم يومين مشغوله
                    م ع
                    السلامه

                    ماأصدق ... معقوله وبهالسرعه ... وبدون محد
                    يدري
                    ههه شكل كلامي أثر فيه وبالقوه بعد ...بس
                    الحمد لله ...
                    يالله شكثر كنت خايفه إنه ياخذ السالفه ..
                    عناد وتنقلب علي كل كلمه نطقتها ... الحمدلله يارب لك
                    الحمد ولك الشكر... ياعمري ياهبه ماأدري وشحالها
                    مع هالخبر.... أكيد تعبت هذا إذا درت
                    بالخطبه ... الله يعينج ياهبه أصعب شيء
                    لما تحبين واحد مادرى عنج .. والأصعب لاخذا غيرج قدام
                    عيونج...

                    والله وسويتها ياأحمد وبتكون ملكتك يوم
                    الخميس
                    الله يوفقك ويهنيك وأهم شيء
                    بعيد عني....

                    زيد ياقلبي يازيد أنا لازم أوصله الخبر
                    الحلو ها وبأسرع وقت

                    " مرحبا أخبارك ... عندي لك خبر بمليون ,,

                    ؛ أوه أوه وين طالعه الشمس وأخيرا تذكرتيني ,,

                    " افا ليش أنا متى نسيتك ,,

                    ؛ إيه إيه إلعبي بعقلي بكم كلمه
                    حلوه ,,

                    " أنا ... طيب حلو إنك إعترفت إني أقدر ألعب بعقلك
                    وعشان كذا إستعد لأحلى خبر ,,

                    ؛ إذا على الإعتراف أنا معترف من زمان بس عساه عاد
                    خبر زين ويستاهل المليون ,,

                    " هو من ناحية يستاهل فهو يستاهل .. إلا إذا كنت تشوف إني
                    ماأستاهل المليون ,,

                    " إلا تستاهلينها ونص ... ويلا بلا مصاخه علميني ,,

                    " أحمد ولد عمتي ملكته يوم الخميس
                    على وحده من بنات خالاته ,,

                    ؛ قولي قسم ,,

                    " الله يهديك هالسالفه فيها لعب,,
                    ؛ أقول خلي أهلك يستعدون بكره إحنا
                    جايين ,,

                    " لا خلها بعد ملكة أحمد بكم إسبوع أحسن
                    ... عشان مايكون فيه إي مجال للرفض,,

                    ؛ بس أخاف كل ماأخرنا الموضوع تطلعلنا سالفه
                    جديده .. ولابعد يطلعلنا واحد ثاني من عيال عمك,,

                    " زيد أنا بكون لك إنت وبس ,,

                    ؛ ياقلب زيد وروحه وكل عرق من
                    عروقه ,,

                    " فديتك ,,

                    ؛ فديتس إنتي والله ..خلاص بعد ملكته بإسبوع أو
                    إثنين تكون الخطبه,,


                    بعد إسبوعين الكل
                    كان على نار


                    جالسه بغرفتي أحترق ... خايفه
                    ..خايفه أرجع أنصدم بها الدنيا من جديد من بعد ما بديت
                    أتعلم طعم الفرح
                    أمس جاء زيد وأهله وإخطبوني من أهلي...

                    واليوم راح خالي يكلم أبوي وياخذ شوره بالموضوع
                    ...

                    يارب يارب هونها يارب

                    إنفتح الباب ودخلت إمي

                    دم دم ددم دم دم ددم دم دم ددم....... ياه دقات قلبي من قوتها
                    أحسب إمي تسمعها

                    أم الريم : ريم حبيبتي تعالي جلسي عندي شوي بغيتج بموضوع
                    الريم : امري يمه شبغيتي
                    أم الريم: والله وكبرتي يالريم وصرتي عروس ...
                    مبروك يمه أبوج وافق

                    ههههه هههههههه ماأدري شسوي إلي أعرفه إني إرتميت بحضن
                    إمي وجلست أصيح أيام الحزن إلي راحت ...
                    وأيام الفرح الجاي


                    بعدها بإسبوع

                    ملكة زيد والريم

                    اليوم يوم الفرح .............. اليوم يومك يالريم


                    جالسه على كوشتي الصغنونه بالمجلس مبتسه للكل صديقاتي وأهلي
                    وأغلا الناس كلهم حولي وكانت ندوش وسوري جنبي

                    (( كنت لابسه فستان أحمر ناري حرير ساده مع مكياج
                    ثقيل مبين ملامحي كأني مرسومه بريشة فنان العيون
                    سموك أسود مع تدريجات الأحمر والروج أحمر فاقع وشوية بلاش
                    على الخدود والرتوش الباقيه))

                    ندى : أوه أوه وش هالكشخه وش هالزين ... عزالله إن زيد بينهبل
                    ساره: ريومي خلينا نقرا عليك من عيونه
                    الريم: خير إنشاءالله أحد قايلك إن عيونه حاره
                    ساره: لا ماأحد قالي بس واثقه إنه من تطيح عينه عليك
                    بياكلك بعيونه
                    الريم: عادي حلاله زوجته
                    ندى : تكفين يازوجته تراك مابعد توقعين على الصك هاه
                    الريم : كلها ثواني وأصير حرم زيد بن .....................
                    ساره: خلاص بذكرك فيها هالثواني
                    ندى: ماعليك منها بنشوف بعد شوي وين بتروح هالثقه

                    وبعد دقايق

                    أم الريم : لوسمحتوا يابنات تغطوا الدفتر وصل
                    الريم : يمه أحس بيغمى علي
                    ندى وهي تتغطى: لا وين كان هالخوف من شوي
                    وتقلد هي وساره صوت الريم: عادي حلاله زوجته

                    وأخيرا وصل الدفتر وكان إلي جايبه حمود خال الريم
                    ندى: اه ياقلبي أنا إلي بيغمى علي

                    حمود : الريم يلا وقعي هنا
                    الريم وهي ترتجف: لازم
                    حمود: ماأدري لحظه بروح أسأل زيد وبرجع
                    الريم : لا لا بوقع
                    بعد ماوقعت
                    حمود : مبرووووووووووووووووووك أخيرا بفتك منج الله يعينك يازيد
                    الريم بقهر: لاوالله على العموم ماراح أرد عليك ... بس بقول عقبالك
                    حمود من قلب: امين

                    بعد ماطلع حمود

                    ساره & ندى: مبرووك ريومه
                    الريم : عقبالكم إنشاءالله وبأقرب وقت
                    ندى: لا إحنا تو الناس علينا محنا مستعجلين
                    الريم: إيه إيه واضح بنشوف بعدين
                    ساره: حبيبتي ماعليتس منا ألحين إنتي فكري بالي بيدخل بعد شوي
                    الريم : ومن قالج إنه بيدخل أنا شارطه على أمه إنها هي إلي تلبسني
                    الشبكه
                    ندى & ساره : أمك
                    الريم: أمي غلط،انه يمكن نس
                    ويقطعها صوت إمها
                    أم الريم : لوسمحتوا بنات تفضلوا للمجلس الثاني عشان المعرس بيدخل

                    الريم: هاه لا لا إحنا ماإتفقنا على كذا
                    ندى& ساره : عادي حلاله زوجته

                    بعد ماطلع الكل وبقت الريم وإمها وأم زيد دخل المعرس

                    (( ساره& ندى & شوق وهبه بنات خوال الريم يطلون مع فتحت الباب
                    المردود))

                    دخلت والقلب يدق طبوووووووووووووووووووووووول وأول ماطاحت عيني
                    عليها بغيت أصرخ وأكسر بكل هالدنيا وأعلمهم بالي فقلبي لها
                    خلاص هي من اليوم صارت لي

                    الريم لزيد وزيد للريم

                    أما أنا من طاحت عيني عليه تصنمت ماعرفت وش أسوي إلي أعرفه إني
                    تمنيت أرتمي بحظنه وأصيح وأصيح لين
                    تنهد الجبال إلي كانت بصدري من عذابات وهموم ......
                    خلاص إفرحي يالريم إنتي لزيد وزيد لك خلاص مافيه حزن .....مافيه
                    فراق ..أوعدك .. أوعدك إني بعيشك بالفرح على طووووووووووول ومافيه
                    إنسان بها الدنيا بيقدر يفرقنا ... ماراح إنتفارق إلا بالموت هذا
                    وعدي لك........ ياحبيبي يازيد

                    ########


                    ساره

                    كنت جاهزه وأنتظرهم .. كاشخه ومن
                    الخاطر..
                    كل من شافني قال منهي العروس .. إنتي ولا
                    سمر
                    وانا أجاوبهم وبكل برود...
                    هه سمر هي العروس

                    كنت لابسه فستان أسود حرير تحت الركبه وبذيل طويل
                    من ورا ضيق ومنساب على جسمي كأنه مفصل له تفصيل
                    كان الفستان ساده وهادي حيل بتطريز ذهبي بسيط من عند الصدر
                    لكن الشيء المميز فيه كانت طريقة فتحة الظهر
                    كانت مغطاه بشيفون مطرز ومحفور بالشك الذهبي

                    محد كان حاس .... بدموع قلبي ...إيه لاتستغربون حتى القلب
                    يبكي بس بدل الدموع دم .....
                    وأنا من يوم ماعرفته ... وأنا جروحي
                    كلمالها تكبر وتزيد ...

                    بس هالمره الجرح أكبر والألم أقوى ...
                    لأنه
                    كان من إيديني
                    ...

                    ماحد كان عارف بقصتنا إلا أقرب الناس لنا من جهتي

                    مشاعل & ندى والريم ومن جهته هو عهود وزيد

                    هههههههههه من كان يصدق إن زيد خطيب الريم هو صديق فهد
                    وأقرب الناس له ...

                    ماأنسى بعد ملكة الريم بكم يوم لما إتصلت فيني وقالتلي
                    هالكلام ... ساعتها ضحكنا كثير
                    وبكينا أكثر
                    ضحكنا من صغر هالدنيا ... وبكينا من
                    بلاويها...

                    اليوم ...........
                    اليوم
                    زواجه...................

                    جلست أقلب بكرت
                    الدعوة.................

                    دعوة عرسه .... عرس حبيبي إلي
                    ضيعته أنا
                    وبكل رضى ..

                    حبيبي ... هالكلمه ماعادت
                    تسوى شيء لأنه ماقد سمعها مني ... وبيسمعها منها
                    هي ... لأنها الأحق .. هي دافعت
                    ... هي حاربت ... هي حاولت
                    لكن أنا حتى لحظه ماإفتكرت...

                    حزينه .... بكذب لو أقول لاء...
                    بس إنتي كنتي متوقعه هالشيء ومن زمان.... أدري بس
                    عمر القلب ماكان مجبر...

                    يلا على الأقل وأخيرا وحده فينا
                    بيضبط معاها الحظ لكن بعد متى
                    بعد معاناة سنين وسنين ..

                    يلا إنشاءالله فال خير علينا .....
                    ياقلبي يالريم عسى الله يتملك فرحتك يارب
                    ويهنيك تستاهلين كل خير
                    يابعدي ...ياما صبرتي وتعذبتي... وزيد ماكان حاس فيك
                    بس العذاب الأقوى لما حس وتعلق .... وصار مايبي غيرك
                    وفرقت بينكم الأقدار .... ورجعت وجمعت بينكم على
                    الخير...

                    سبحان الله ...

                    كل شيء إنكتب وإنحفر على جبينا من
                    ولادتنا للممات ولا أحد عالم فيه غيره سبحانه هو
                    علام الغيوب..

                    اه يالدنيا ياإنتي غريبه
                    بلحظه تمنينا بحلاك
                    وبلحظه تقاسينا بجفاك..
                    هه .. كل شيء فيك له سبب وأسباب كاتبها رب العالمين ..

                    ياه خليتي ندى تحب حمود وتتمنى وصاله... خليتيه
                    يكون السبب إنها تحاول ترجع لحب الحيأه وتتمسك
                    فيها ... وتثبت برائتها....
                    وتمحي التجربه المره إلي عاشتها وتبدى صفحه جديده...
                    ولما جاء وقت الفرح بالإنتصار ... صدمتيها ... لا ماصدمتيها
                    وبس
                    صدمتينا وصدمتي كل إلي حواليه... بحبه القديم
                    إلي إنطوا وإندفن من سنين ... شلون
                    قدرتي بلحظات ترجعينه للحياه و تدق القلوب
                    فيه من جديد...
                    من بعد ماكان برفات... صدق سبحانه

                    < يحي العظام وهي رميم>

                    حبيبته إلي من سنين كان يتمناها وضاعت من إيدينه
                    بزواجها
                    من شخص ثاني ... بترجعله ... لكن كأرمله
                    ..هالشيء مايهمه ولا سمح بإنه يهم أي شخص ثاني ....
                    المهم
                    متى تنقضي العده .... وتصير له له هو وبس ...

                    حياتي ياندى لما لقيتي الحب ضاع منك ... لاء ... مانقدر
                    نسميه حب .. ممكن إعجاب .. أو حتى حب مراهقه ... تعبتي
                    وتألمتي صح... لكن تميتي قويه مثل صرح
                    الجبل الثابت ... إلي مريتي فيه كان أقسى
                    وأمر... يمكن حزنتي عليه ... لكن ربك كريم بيعوضك
                    كل إلي مر ... و الأكيد فيوم بتلقين البديل ...
                    إلي ماراح يقدر يخطي حتى الخطوتين إلا وإيديكم
                    سوى متشابكين ...


                    وإنتي ياساره ...
                    أنا ... أنا بتم زي ماأنا
                    ..يمكن بعد بلقى البديل...

                    مشاعل : ساره ساره
                    ساره : هلا
                    مشاعل: وين كنتي
                    ساره : قريب
                    مشاعل : تفكرين فيه
                    ساره : خلاص بعد الليله ماعاد لي حتى الحق إني
                    أفكر فيه
                    مشاعل : إنسيه ياساره إنسيه وعيشي حياتك
                    ساره : بنساه صدقيني بنساه .... خلينا من
                    هالموضوع ألحين ... إنتي وش صار معك
                    مشاعل: ما أدري محتاره
                    ساره: صدقيني يامشاعل جاسم رجال سنع وإذا على الحركات
                    إلي كان يسويها فهذا شيء عادي حاله حال كل هالشباب بها الأيام
                    مشاعل : إنشاءالله مايصير إلا كل خير....
                    أوووووووه
                    نسيت تراهم ينتظرونا بالسياره ... بسرعه خل نلحق عليهم
                    قبل مايعصبون ...
                    ساره : يلا
                    مشاعل: مستعده
                    ساره: مستعده


                    7

                    7

                    7

                    توقعاتكم

                      تعليق

                      • *عبير الزهور*
                        V - I - P
                        • Jun 2008
                        • 3267
                        #46
                        الجزء السادس والعشرون

                        بعد ساعات بالقاعه
                        جالسه على الطاوله وجنبي مشاعل أما باقي البنات بعضهم كانوا عند
                        الباب للإستقبال أو يرقصون على المسرح


                        مشاعل: فليها عاد من وصلنا وإنتي ساكنه حتى وجهج صاير بدون ملامح
                        ضحكت و.: هههههه شلون يعني بدون ملامح
                        مشاعل: ماأدري عنج من جينا وإنتي ساكته لاني بعارفه زعلانه ولا
                        فرحانه متضايقه ولا الوضع صار عادي
                        : شتقصدين إن الوضع صار عادي
                        مشاعل: ماأدري بس البروده وصلت للصقيع والثلوج غطت على كل ملامحك
                        : إنتي عارفه إن هذا طبعي ماأحب أحد يعرف إلي بداخلي... وإن قوتي
                        فبرودي .. (بمزح) ولا على بالك لقب Miss snw على الفاضي
                        مشاعل: هههههههه والله مناسبك هالنك
                        : thank's sweety
                        مشاعل Welcom:
                        جتهم ضحى : مرحب ياصبايا ولك شوبكن قاعدين هون صحصحوا معنا
                        قوموا إرقصوا وفرفشولكون شوي
                        ساره: مافينا إشي تقبريني هلاء بدنا نقوم .. يلا شوشو
                        مشاعل: نعم منهي شوشه هذي أنا إسمي ميمي
                        ساره بهبل: حيالله الأخت ميمي العذر والسموحه ماعرفتس أحسبتس
                        الفنانه إلي بتحيي الحفله ((وهربت على طول))
                        مشاعل: هين يالدبه أوريج

                        على الساعه 10 تقريبا كانوا المدعوين موجودين والطاولات
                        مليانه

                        الكل يرقص ومنطرب ماعدا ساره كانت موجوده مع البنات على الستيج
                        تصفقلهم وتوزعلهم شوية الكل يرقص ومنطرب ماعدا ساره كانت موجوده مع
                        البنات على الستيج تصفقلهم وتوزعلهم شوية إبتسامات تكمله لمظهر
                        البرود التام

                        جت عهود وقفت جنبها

                        ساره: شفيك تعبتي
                        عهود: إنهد حيلي من الرقص
                        ساره: طبيعي يعني إذا إنتوا ماأحييتوا العرس من بيحيه الجدران
                        عهود: على قولتس وإنتي ليش ماترقصين
                        ساره : أبد بس ماجت الأغنيه إلي تطربني
                        عهود: إذا بخاطرتس إغنيه قوليلي للفرقه تغنيها
                        ساره: لا مش ألحين بعد شوي
                        شوي وتقوم الجده وسميه وتطلب إغنيه إهداء منها للمعرس وترقص عليها
                        تجمع الكل حول الجده وشكلوا مثل الدائره وهي بوسطها يراقصونها
                        الجده وهي تراقص البنات إنتبهت إن ساره ماهيبمعهم فراحت لجهتها
                        وإسحبتها
                        الجده وسميه : وشبلاتس يابنتي ماترقصين يعورتس شيء
                        ساره : لاأبد يمه مافيني شيء
                        الجده وسميه : عجل يالله إرقصي معي
                        ساره: لا لا ماأبي أرقص
                        الجده وسميه : والله إن ترقصين
                        خلصت الإغنيه والجده تحلف وإتوعد بساره .. قامت راحت للفرقه
                        وهي تسحب بساره معاها ((والبنات فاقعين ضحك عليها))
                        الجده وسميه : غنوا على ساره
                        الطقاقه : امري من هالعين قبل هالعين
                        ساره: لالالا يمه ماأبيهم يغنون علي
                        الجده وسميه : خلاص إطلبي اللأغنيه إلي تبينها عجل
                        ساره بصوت واطي: ياذا البلشه ماأبي أرقص
                        الجده: وشهو وش ذا الإغنيه ذي
                        ساره : هاه لالا ولا شيء
                        الجده وسميه : عرفتوا هالإغنيه إلي تبيها غنوها
                        الطقاقه: الله يهداج ماسمعناها وش قالت
                        الجده وسميه : سوير قوليلهم وشتبين
                        ساره: يمه ماأبي أرقص
                        الجده وسميه : ماعلي منتس أنا حلفت وخلاص إلا إذا بتكسرين كلمتي
                        وتصوميني ثلاث أيام
                        ساره وهي تحب راسها: أخسي أكسرلتس كلمه
                        الجده وسميه : وإنتي بالكرامه يابنتي يلا قوليلهم وشتبين
                        ساره : إنشاءالله
                        الجده وسميه للطقاقه: أبي هالأغنيه محد يرقص عليها إلا ساره إهداء
                        مني
                        الطقاقه : حاضرين الشيخه
                        طلبت ساره إغنية (( أشب جمري )) وقامت ترقص عليها


                        أشب جمري على جمره واله بكلي على كله
                        الحب ماصار من لمحه هو صار من نظره مع حبي
                        والله أبي عشرتك يالي الحب لك شارحن صدره
                        وعن هوى غيرك مولي
                        الشوق سمحتلك أمره هون خياله وخينلي
                        أعوذ بالله من شره إن كان عيا يساهلي
                        أولى من السكره السمره ودي بحلاته ماهو بحلي
                        طيفك مثل سالفه مرت لاهي توفي ولاتسلي


                        والجده حليلها تراقصها وهي ماتدري وش السالفه

                        جلست أرقص واطلع حرتي بالرقص كنت أشوف البنات إلي تصفق وإلي تشجع
                        وإلي تراقصني من بعيد لأن الجده محذرتهم بإن هالرقصه لي أنا وبس
                        الكل فبالهم غني أرقص من الفرح ولكن المصيبه إني في كل خطوه أرقصها
                        أدوس فيها على جروحي جرح جرح وأرجع أفتحها الله يسامحك يايمه وسميه
                        ...

                        ماأدري ليه بهاللحظة تذكرت مسلسل جواهر يوم قامت ترقص لحمد
                        يوم زواجه من زوينه لكن الفرق بيني وبينها هي كانت زوجته لكن انا
                        مجرد محطه مرت بحيات فهد .. هي كانت ضعيفه قوت الجرح هدتها لكن أنا
                        مافيه أي جرح بهالدني يخليني أضعف وأتزلزل حتى لو كان
                        من إيديني

                        صحيح إنت يافهد كنت نبضي بعروقي لكن أبيك تعرف إن عروقي
                        بيديني أقطعها

                        مر الوقت بسرعه بالنسبه للكل لكن علي أنا كان يمر ببطىء
                        شديد وأحس بطعم الدقايق مثل قطرات العلقم المر


                        بشروه اني برحل من حياته *****بشروه وفرحوا فيني ذويه
                        كفنو جسمي بماضي ذكرياته *****ادفنوني فالمكان اللي يبيه
                        اطلبو منه اذا خلص صلاته*****فوق لحدي يحمل براحة يديه
                        ولي وصل قبري وحقق له مناته*****يدفن انسانه تحبه تموت فيه
                        علموه اني وربي من غلاته*****اعشق تراب مشت رجله









                        على الساعه 12 بدت التحضيرات لزفة العروس

                        هدوء ...

                        10..9...8...7...6...5...4....3...2...1...........

                        وبدت أنغام ميوزيك هادي تنتشر بأرجاء القاعه

                        إنفتح الباب و دخلت

                        جمال وروعة الفستان للأسف ماقدروا يخبون هيئة سمر
                        المليانه شوي يعني الفستان كان سكري فاتح بدون أكمام و ضيق
                        حيل على جسمها من فوق إلى تحت مع ذيل طويل وقماشته
                        كانت من الدانتيل برسومات وتطريزات روعه بدون طرحه مجرد
                        تاج صغيرون على الشعر وإلي طبعا كان تسريحه (( الله يسلم التوصيلات
                        لأن سمر شعرها بوي))
                        أما المسكه فكانت عباره عن عصا ملفوفه بشرايط ستان سكريه مزينه
                        بورد جوري بلون أورنج ضارب للأحمر على الأطراف

                        سمر

                        كنت أمشي على الستيج بسكون وبهدوء زي ماطلبت مني الوالده ... كنت
                        أتبع تعليماتهم خطوه خطوه .... لدرجة إني حسيت بنفسي مثل اللعبه
                        بيدهم يحركونها زي ماأبي لحد ماطاحت عيني على .......
                        لحد ماطاحت عيني على منى حبيبتي وإلي يحاولون يفرقون بيني وبينها
                        بتزويجهم لي من ولد عمي

                        تعلقت عيوني فيها وبعيونها المليانه دموع

                        حسيت بالدموع بدت تتجمع بعيني لكن لا .... لاتخافين يامنى
                        مهما حاولوا ماراح يقدرون .... وإبتسمتلها بأحلا إبتسامه ...
                        أول مالمحت منى إبتسامتي إبتسمتلي هي بعد لأنها فهمت القصد من
                        هالإبتسامه


                        ساره

                        كنت أنتظر على نار شوفتها ... كنت أبي أعرف منهي سعيدة الحظ
                        إلي
                        من هالليله بتحتل كل جزء من حياة وقلب فهد ... طبعا كنا لابسين
                        عباياتنا بسبب التصوير

                        من طاحت عيني على العروس وأنا أحس بالدنيا تدور من حولي

                        لا ...لا مستحيل جلست أطالع فالبنات وكل وحده منهم
                        ترد بنظرها للثانيه ماعدا مشاعل و عهود مش مستوعبين إلي
                        يشوفونه

                        حرام حرام ليه ياعمتي أم فهد حرام عليك ألحين فهمت
                        قصد عهود لما قالتلي
                        إن سمر مستحيل تناسب فهد
                        يالله ماأقدر أتحمل الدموع دموعي الغبيه بتنزل بأي
                        لحظه

                        جلست أمشي بسرعه متجهه للحمامات وأنا مغطيه وجهي بالشيله عشان محد
                        ينتبه لدموعي

                        أول مادخلتها لقيتها فاضيه ثواني بس إلا وبمشاعل تدخل وراي
                        مشاعل: شفيج ليش تركضين
                        :...... (ماقدرت أنطق حسيت إن الكلام إلي بداخلي ماتكفيه كل
                        حروف الكون لكن دموعي هي إلي نطقت))

                        مشاعل وهي تضمني: لا لاتصيحين وين ساره القويه وين Miss snw
                        هذا كان قرارج من البدايه ولازم تتحملينه للنهايه مهما صار

                        حاولت أسيطر على نفسي وعلى دموعي قد ماأقدر .....
                        بعدها بدقايق هديت شوي
                        مشاعل: هاه هديتي ألحين
                        ساره: شوي بس بس ماش قادره أصدق إلي شفته ..هذي هي سمر...
                        هذي إلي بتكون زوحة فهد
                        مشاعل: حرام عليج إي نعم إنها دبه شوي وحليوه بس عاد هذا نصيبه
                        ساره: أنا ماأقصد إلي فهمتيه
                        مشاعل: عجل وش تقصدين
                        ساره: أنا تفاجأت بشوفتها ...يعني ماتوقعت إني أعرفها
                        مشاعل: ليه إنتي ماقلتيلي إنج ماقد شفتيها
                        ساره: هذا إلي كنت أظنه لكن طلع العكس
                        مشاعل: شلون
                        ساره : هالبنت كانت معانا فالكليه بس فصلت منها ..و ....و...
                        مشاعل: و ..و.. وخير يعني معكم بالكليه وفصلت عادي ياما بنات
                        يدخلون وبعد سنه سنتين يفصلون ويقعدون ببيوتهم وين المشكله
                        ساره وهي مقهوره: إنتي مش فاهمه شيء
                        مشاعل: طيب فهميني

                        بعد الشرح والإستيعاب البطيء

                        مشاعل مفجوعه: لاحول ولا قوة إلا بالله ... طيب يمكن البنت تسنعت
                        ورجعت للدرب الصحيح .... وموافقتها على ولد عمها تتعتبر أول الدرب
                        ساره من كل خاطرها: يارب يامشاعل أتمنى هالشيء من كل قلبي

                        مشاعل : إنزين عدلي شكلج خلينا نرجع للقاعه قبل ماأحد يفقدنا
                        ساره: دقايق بس

                          تعليق

                          • *عبير الزهور*
                            V - I - P
                            • Jun 2008
                            • 3267
                            #47
                            بعد عشر دقايق طلعنا من الحمامات وكان لنا تقريبا أكثر من ساعه
                            إلا ربع فيها بس محد حس علينا

                            لما قربنا للباب الي يدخل على الصاله إنفجعت بشوفة فهد قدامي

                            بالبشت مشخص وكاشخ ماشاءالله هو خلقه مزيون بس
                            هالليله حسيته غير

                            كان جالس على الكوشه جنب سمر وأمه وإخته وأهله حوله

                            حسيت بيد تمسك إيديني وتسحبني

                            مشاعل: أمشي يالخبله شفيج تنحتي

                            إلتفت عليها وأنا أرمش بعيوني بعصبيه أحاول أمنع الدموع لاتتحدر من
                            جديد

                            مشاعل: لاحول تعالي تعالي
                            جلست تسحبني وأنا أمشي وراها مثل الطفله التايهه وعيوني ماتفارق
                            الكوشه
                            وصلنا للطاوله وجلسنا وكانوا البنات يعلقون
                            شيخه: ماشاءالله فهد من يوم هو صغير وهو حلو بس اليوم
                            موت عذاب
                            إلتفتلها وعطيتها خزه محترمه لكن هي ماكانت منتبهتلي ماأحد إنتبه
                            إلا مشاعل إلي إنغزتني بكوعها فبطني
                            مشاعل بصوت واطي: لالا شرايج تقومين تقطعينها وإطقينها أحسن ..
                            ساره والغيره ذابحتها: يعني عاجبتس الكلام إلي تقوله
                            مشاعل: يالغبيه إنتي كذا بتخربين على نفسج كل إلي سويتيه وبتبينين
                            للكل

                            سكت ماكان عندي شيء عشان أقوله كلام مشاعل عين العقل مالي إلا
                            الصبر كلها ساعتين وأرجع البيت وأطلع كل الحره إلي فيني

                            بعد نص ساعه قاموا المعاريس من على الكوشه وبدت الفرقه تزفهم
                            فهد
                            أم عهود: يلا فهد بنزفكم ألحين

                            أوف وأخيرا مابغوا يخلصون إنحولت من فلاشات التصوير
                            وقفت وأشرت لعهود ...بهالوقت كانوا يساعدون سمر إنها توقف
                            مهوب منها من ضيق هالفستان إلي لابسته أنا مستغرب وشلون إنه ماإنشق
                            لاألحين

                            عهود: امر خالي شبغيت
                            : وينها ؟؟؟؟؟؟؟؟؟؟؟
                            عهود وهي فاهمه أنا من أقصد أشرتلي بعيونها : هناك ((بصوت
                            واطي))
                            إلتفت بلمحه بسيطه للطاوله إلي تقصدها كأني أعدل البشت ماعرفتها
                            سويت نفسي ألف على عهود عشان أكلمها وأنا أحاول ألمحها من تحت لتحت
                            الطاوله كانت مليانه حريم وكلهم متغطيات وعيونهم عندي على الكوشه
                            ماعدا وحده كانت منكسه راسها تطالع بطر الطاوله
                            سألت عهود: إلتفتي وشوفي وعلميني هي أي وحده فيهم الطاوله مليانه
                            إلتفتت عهود : إلي منكسه براسها للأرض
                            : كنت حاسس إنها هي

                            أم عهود : فهد إمسك يد سمر وإشوا سوى
                            فهد: لازم
                            أم عهود: إيه

                            فهد (( وش ذا الغثاء))
                            سمر (( مالت عليك قال لازم ...كأني بموت إن مامسك إيديني))

                            فهد

                            مسكت يدها وأنا ماني بصوبها أحس إن عيوني وقلبي بأي لحظه
                            بيخونوني وبيروحون هناك .. لذيك الطاوله عندها
                            عند إلي سكنتهم وعيت لاتفارقهم...
                            سمر

                            من مسك يدي وأنا أحس بقرف ودي ألتفت عليه وأصكه بكم بكس
                            هو وياخشته ....
                            صديت عنه وإلتفت للجهه الموجوده فيها منى ... شفتها تأشرلي بإيدها
                            باي .... قمت سحبت يدي من إيده ورديتلها الحركه وأنا أبتسملها

                            فهد

                            فكه جات منها الحمدلله والشكر مي يد هذي حصى ...
                            لاشعوريا لقيت عيوني طايره على إلي هناك إلي
                            ماكنها بهالدنيا ياترى بوش تفكرين ياساره

                            إرفعت راسها وطاحت عيني بعيونها ..ولمحت الدموع ... أول ماإنتبهت
                            إن عيني عليها رجعت نزلت راسها بسرعه
                            اه ياقلبي.......



                            بعد ماطلعو العروسين من الصاله الرئيسيه توجهوا لصالة الطعام عشان
                            تقطيع الكيك وهالخرابيط

                            كل العايله راحت معاهم ماعدا ساره إلي ماقدرت تخطي خطوه وحده من
                            بعد ما طاحت عينها بعيون فهد


                            بصالة الطعام ........أمام الكيك

                            المصوره لسمر: بصي إمسكي السكينه من هنا وإنت حط إيدك فوق إيدها
                            كدا.... أوكي حعد من ثلاثه لواحد وتقطعوا.. يلا
                            3...........2..............1.......

                            كويسه خالص ...دلوئتي خدي إنتي الشوكه وأكليه من الكيكه بإيدك
                            وبعديها إنت حتعمل الحركه نفسها أوكي

                            سمر وهي تحاول تأكل فهد(( وععععععععع يسري ويهري إنشاءالله))
                            دخلت الشوكه بنص حلقه وبدفاشه زين ماقصت لسانه ولا جرحته

                            فهد(( مالت وين النعومه أنا أشهد إنها في شرق وإنتي فغرب))

                            المصوره : يلا دلوئتي دورك إنتا

                            فهد خذ الشوكه وأكلها ...أول ماحس إن الكيكه دخلت فمها سحب إيده
                            بسرعه لدرجة إن المسكينه غصت فيها ((هههههههه أحسن تستاهلين ))
                            سمر :كحكح كحكح
                            أم سمر: بسملله عليك يمه شربي ماي... هاه أشوه
                            سمر: إيه
                            أم فهد : بسم الله أكيد عين قل أعوذ برب الفلق
                            فهد(( عين هههاي على إيش ياحسره))
                            المصوره :خلاص أنا أخدت الصور إلي عوزاها دلوئتي أنا حسبئكم للفندق
                            عشان أوضب المعدات ...ماتتأخروش عليا أوكي
                            أم عهود : يأم سمر وين عباتها وأغراضها ... عشان يروحون للفندق
                            أم سمر: هنا

                            وقت ماكانوا منشغلين بسمر إلتفت أنا أدور على ساره بعيوني ... لقيت
                            كل الموجودين عيونهم علي حسيت بلإحراج قمت أنادي على عهود
                            : عهود تعالي شوي
                            عهود: هلا
                            : وين إلي بالي بالك((وأشرلها بحواجبي ))
                            عهود: مش هنا
                            : وينها لايكون راحت
                            عهود: لاموجوده بس داخل بالصاله
                            : طيب وليه ماجت معكم ماشاءالله ماخليتوا احد مادخلتوه مستخسرين
                            إدخلونها هي بعد
                            عهود: هي إلي مارضت
                            : ليه
                            عهود : ماأدري

                            أم عهود: يلا فهد خلصنا خذ عروسك والله يستر عليكم وبيروحن معكم أم
                            سمر وخالتها
                            فهد (( عادي مافيه أي إشكاليه ولوتبون تعالوا إنتوا بعد)): على
                            خير إنشاءالله

                            بالفندق
                            في جناح العرسان

                            فهد
                            كانت الغرفه منعفسه من الأجهزه والمعدات حقت التصوير ..
                            وهالمصوره العله من جينا وهي مستلمه سمر بالتصور..
                            المصوره : يلا حضرتك ممكن تيجي هنا
                            فهد بعبط: ليه
                            المصوره: عاوزه اخودليكم كم صوره كده وإنتوا مع بعض
                            فهد((الله يجيبك ياطولة البال)): زين وين تبيني أوقف
                            المصوره: تعالى هنا أيوه وإنتي أقربيلوا كده ... لاء لاء قربيلوا
                            كمان ... أيوا أيوا كده كويس
                            تك كت تك كت
                            دلوئتي عاوزاك تحضونها وتقرب وشك من وشها كدا
                            فهد: نعم
                            سمر وهي في قمة توترها(( الله ياخذ العدو وش يحضني إنتي
                            وجهك بعد))
                            المصوره: أيوا عاوزاك تحضنها لزوم التصوير..,,,,,,.........و
                            فهد وهو متوتر: خلاص خلاص بسك من الهذره ...قرب من سمر وحضنها على
                            خفيف ... كذا زين
                            المصوره : لاء قربي مالك يابنتي ده جوزك

                            بعد مافارقتهم المصوره وبقوا لحالهم في الجناح

                            سمر كانت جالسه على السرير وهي متوتره عللاخر
                            أما فهد فكان جالس على كنبه بعيده وهو سرحان

                            طولوا وهم على هالحاله لين ماإستحى فهد على وجهه شوي
                            فهد: تبين أطلبلك عشى
                            سمر: لا ...مشكور ماأبي إذا إنت تبي إطلبلك
                            فهد: لاء أنا ماأشتهي... بروح أبدل ثيابي بالحمام ولا تبين تبدلين
                            إنتي قبل
                            سمر: لا لا خذ راحتك وإسبقني
                            خذ فهد ملابسه وأغراضه ودخل الحمام ..... وطلع بعد 10 دقايق
                            فهد: أنا خلصت تفضلي
                            خذت سمر أغراضها ودخلت للحمام وطولت تقريبا جلست أكثر من
                            ساعه

                            فهد

                            يوه هذي شكلها مطوله وأنا لازم أنام ورانا سفر من
                            بدري

                            هههههههههه ياحليتس يايمه يوم درت إنا إني حجزت للإمارات
                            زعلت مني وعصبت ...قالت ليه ماحجزت على ماليزيا ولا من دول أوربا
                            الحمدلله والشكر هذي الهند ويخب عليها
                            إلا لايكون صار فيها شيء بتكملها ساعه وهي بالحمام ((
                            قلعتها))

                            بهالساعه جلس فهد يتذكر ساره وعيونها المليانه دموع

                            معقوله... معقوله يافهد تكون إندمت على رفضهالك...معقوله تحبك وإنت
                            إلي تسرعت لما خطبتها بعد عدتها على طول.... وفرضنا إنها إندمت
                            الندم خلاص ماعاد ينفع ... زواج وتزوجت وبنت عمك لها الحق إنك تخلص
                            لها
                            هذي مهما كانت تظل بنت عمك ومن لحمك ودمك.......

                            بغمرة أفكاره لقا نفسه ماسك جواله ومرسلها رساله

                            سمر
                            يالله لي أكثر من ساعه وأنا بهالحمام حابسه نفسي الله يهدي أمي وش
                            حاطتلي بهالشنطه ...الحمدلله إني قدرت أخبيلي بجامه نوم بين
                            الملابس بدل هالقمصان السخيفه
                            خلاص ماعاد أقدر أنخش أكثر من كذا أخاف يحسب صار فيني شيء ويكسر
                            علي الباب

                            طلعت وجلست أدور على فهد وبالنهايه لقيته نايم على الكنبه بالصاله
                            (( أحسن زين ماسويت)) ورحت حطيت راسي ونمت

                            اليوم الثاني
                            غرفة ساره

                            جلست أتقلب على فراشي من أمس وأنا مانمت زين أحس إن راسي
                            بينفجر ...
                            حركت إيديني أدور على تلفوني ماأدري وين حذفته من أمس أبشوف كم
                            الساعه ...
                            لقيته ... جلست أطالع بالشاشه وأنا
                            فاتحه عين ومغمضه الثانيه...
                            أوه فيه مسج

                            ((ماأذكر إني نسيتك
                            وأذكرك من زمان
                            وأذكر إني ضحيه
                            بين قلبي وبينك
                            تدري وش جابني لك
                            لا تقول الحنان
                            جيت أبشيل قلبن طاح
                            قدام
                            عينك))

                              تعليق

                              • *عبير الزهور*
                                V - I - P
                                • Jun 2008
                                • 3267
                                #48

                                الجزء السابع والعشرين


                                قبل ماأبدى الجزء الجديد بكتبلكم تكمله أو جزئيه بسيطه تابعه للجزء الخامس والعشرين إلي يمكن إستعجلت فيه شوي بسبب الضغوط
                                وراح أتكلم فيها عن حمود وحبيبته المجهوله وعن خطبة سالم لمشاعل ورفضها له .......

                                حمود & ليلى

                                وبينهم فرق بالسن 4 سنوات بس

                                ليلى كانت بنت جيرانهم وقريبه لهم من بعيد حبها لحمود وحبه لها كان حب عذري بريء حب طفوله نما وكبر فترة المراهقه ... لحد ماتخرجت من المرحله الثانويه وبدت دراستها الجامعيه ...

                                في هالفتره حمود كان فبداية عمله وكان منتدب لمدة سنه خارج المملكه كدوره تدريبيه ... خلال هالسنه تقدم ولدعمها لها وكان يسكن في منطقه جده ... وبما إنه ولد عمها إنجبرت وإنغصبت على الزواج منه ...

                                ولكن من طيب حظها إنه كان شخص ملتزم وخايف ربه فيها يعاملها بأحسن معامله و سمحلها تكمل دراستها وتتخرج وتقدم دراسات عليا لكن الشيء إلي كان منغص عليهم فحياتهم هو عدم قدرة زوجها على الإنجاب .... ومن حبه لها عرض عليها أكثر من مره غنها تتطلق وتتزوج وتعيش حياتها وتنجبلها أطفال من صلبها .....

                                لكنها كانت ترفض هالشيء بسبب العشره والمعامله الحسنه ... ومن بعد 7 سنوات قضوها بين عيادات ومستشفيات متخصصه بأنواع العقم كانت رايحه العمره مع زوجها لغرض الإستخاره في إنهم يسوون طفل أنابيب ...
                                ولكن قدرة الله فوق كل شيء ... فتوفى زوجها حادث خلال الطريق وهي إصيبت بعدة كسور بسيطه ولله الحمد....... وبعد طلعتها من المستشفى رجعت بيت أهلها وهي الان في فترة العده......


                                سالم & مشاعل

                                مشاعل كانت في زيارة لإختها بعد رجعتها من شهر العسل

                                المكان بالدور الثاني جناح وضحى وسعيد

                                مشاعل: هاه وضوح شخبار شهر العسل وياج
                                وضحى: الحمدلله
                                مشاعل: إستانستي بالسفر
                                وضحى: وايد
                                مشاعل: وسعيد
                                وضحى: وسعيد بعد إستانس ..... المكان هناك ينن الطبيعه تهبل خيال والجو حلو.. والأماكن السياحيه كثيره هناك..وأحلى شيء الجزر الصغار فظيعه...
                                مشاعل: الله شوقتيني أزورها بقول لبوي ولا واحد من العيال يودينا نهناك بالعطله

                                وبعدأكثر من ساعه قضوها سوالف وعلوم

                                مشاعل: يلا حبيبتي أوفج بكره إنشاءالله فبيتنا
                                وضحى: تو الناس وين بترحين قعدي شوي
                                مشاعل: ماأقدر أمي مهددتني لاأتأخر وبعدين حليله الدريول له ساعه تحت ولالخدامه نازله قبلي راحة لخدامتكم تسولف وياها
                                وضحى: إنزين سلمي على إمي و أبوي والعيال
                                مشاعل: يبلغ إنشاءالله ... يلا طلعي قدامي شوفيلي الدرب .
                                وضحى: لاتخافين محد بالبيت عمي وسالم بأشغالهم وسعيد طالع راح يسلم على ربعه
                                مشاعل: عجل عمتج وينها
                                وضحى: عمتي راحت بيت إختها
                                وهم في غمرة السوالف بينزلون مع الدرج
                                وضحى:ويييييييييييييييه نسيت
                                مشاعل: شنسيتي
                                وضحى: شوفي إنتي نزلي تحت وإنطريني بيبلج أغراض لأمي
                                مشاعل: طيب يبيهم بكره وياج
                                وضحى: لا أمي قايلتلي أعطيج إياهم
                                مشاعل: زين لاتتأخرين انا بالصاله أترياج

                                في الصاله

                                جلست على الكنب أنتظر وضحى إلي تأخرت علي
                                دخل وشل المكان بكبره من صوته.......

                                سالم: نع م منو قاص عليك أنت يبه انا سالم تعرف يعني شنو سالم.. محد يقدر لايكسر راسي ولا يغلبني ...حبيبي مافي بنت بالدوحه كلها إلا بقطر بكبرها ماتمنى مني نظره ...

                                بس على من أصلا أنا من كثر ماأعرف بنات خلاص صارت عندي مناعه منهم ... مافيه بنت تستاهل إن سلوم حتى يفكر فيها.... يبه هالأيام من يفكر بالزواج ... البنات صايرين مثل النمل وين ماتروح تلقالك كم صيده.....

                                بس تصدق والله هالأيام ينخاف من الوالد ..عاد أحين مابقى قدامها إلا انا ... وعندي إحساس إنها بتفتحلي هالموضوع خلال هالكم يوم....حتى ولو فرضنا إني أفكر بالزواج منو قالك بخطب من هالمخفات إلي أكلمهم لا ياقلبي ...ساعتها بخلي إمي إلي تختارلي ولها الشرف إذا انا وافقت ورضيت أخطبها....ههههههههههههههههههههههههههه
                                ورقى الدرج......

                                مشاعل

                                ((كنت جالسه فطرف ماأبين أتسمع كلامه ... مالت عليه هالمغرور شمفكر نفسه توم كروز الخليج... ماأقول إلا الشرهه مب عليك الشرهه على هالبنات إلي معطينك وجه ))

                                بعدها بثواني جت وضحى .... عطتني الأغراض ومشيت


                                بعد كم إسبوع بغرفة مشاعل

                                كنت جالسه على النت أسولف مع ساروووه بالمسن

                                وضحى: السلام عليكم
                                مشاعل: هلا وعليكم السلام ..........ياليتني إفتكرت مليون دولار
                                وضحى : ليه
                                مشاعل: أبد أدردش شوي مع سارووووووه وكانت تسألني عنج
                                وضحى: شخبارها إنشاءالله بخير
                                مشاعل: الحمدلله تسلم عليج وتسأل إذا بتيين ويانا السعوديه
                                وضحى : ماأدري مابعد قلت لسعيد
                                مشاعل: ولمتى بتنطرين إنشاءالله ... إحنا بنمشي بكره
                                وضحى: اليوم أكلمه إنشاءالله .. إلا بغيتج فموضوع
                                مشاعل: امري
                                وضحى: مايامر عليج عدو ... بس عمتي لها كم يوم تلمحلي إنهم يبون يخطبونج لسالم
                                مشاعل: يخسي .... أنا اخذ سلوم بأحلامه
                                وضحى: إسمه سالم ... وبعدين شفيه رجال والنعم فيه
                                مشاعل: وأكبر مغازلجي بالدوحه كلها
                                وضحى: يابنت الحلال كلها إشاعات و إذا على المغازل كل الشباب يغازلون بس من يتزوجون يتعدلون
                                مشاعل: قصدج يزيدون ....اسفه لوما يبقا إلا هو ماخذته
                                وضحى: مشاعل حبيبتي فكري بالموضوع زين ترى سالم رجال ماينعاب يسدج إنه إخو سعيد
                                مشاعل: إييييييييييييي هذا المغزى من الموضوع إنه إخو سعيد طيب شرايج إني ماراح أوفق لأنه إخو سعيد
                                وضحى: فداج سعيد ماتجين قدره
                                مشاعل: لا حبيبتي يفداج إنتي ... وإقفلي الموضوع .....بعدين إنتي وويهج تقولين إنها لمحت يعني مش متأكده
                                وضحى: لالامتأكده إنشاءالله حتى إحساسي يقولي إنهم بيخطبونج أول مانرجع من السعوديه
                                مشاعل: الله لا قاله يالبومه
                                وضحى: البومه إنتي وأشكالج... وطلعت

                                رجعت للاب عشان أعلم ساره بها الخبر التعيس

                                شموخ الكون: ساروووووووووووووووووووووووووووووووووه
                                نبضك عروقي : ها ه
                                شموخ الكون: ساروه يبون يخطبوني لسلوم
                                نبضك عروقي: قولي والله
                                شموخ الكون: والله
                                نبضك عروقي: حبج ماجد عبدالله وعطاج ريال وقالج يلا
                                شموخ الكون: إنشاءالله إنتي يالقرده
                                نبضك عروقي: القرده شغالتكم
                                شموخ الكون: ماقلتيلي شرايج بالسالفه
                                نبضك عروقي: رايي ألف مبروووووووووووووووووك
                                شموخ الكون: بس انا ماوافقت
                                نبضك عروقي: ليش الرجال ماينعاب
                                شموخ الكون: لالالالالالالالالالا ونسيتي كلامه إلي قتلج عنه بذاك اليوم
                                نبضك عروقي: كلام شباب بس وقت الجد كله خرطي
                                شموخ الكون: أقول خل يولي لوما بقا بها الدنيا غيره ماخذيته
                                نبضك عروقي : كيفج

                                ##########

                                صباحية المعاريس ( فهد & سمر)
                                الساعه 12 الظهر

                                ترنترترترترترترترتتترترتتنننننننننننننننننننن

                                سمر وهي تتقلب على الفراش
                                أوووووووووووووف من إلي يدق بهالوقت صدق ناس فاضيه ... خلهم يدقون لين يقولون بس حريمتهم أردعليهم ..

                                ترنترنرترترتترن

                                في الصاله
                                بسم الله وش ذا الصوت ( بعد مافك أذونه عدل ))
                                هذا صوت تلفون ... طالعت الساعه ..يوووووووووه الساعه 12 هذي أكيد الوالده ولا الوالد بيتطمنون علينا ماعاد بقا على الطياره إلا ساعتين ....

                                خل أقوم أصحي هالمدرعه إلي داخل... حسبي الله عليها كنها مخليتني أنام من البارح على هالكنبه إلي كسرت عظامي أمحق مره .. إذاهذا من أولها ينعاف تاليها ....

                                دخلت الغرفه لقيت الأخت في حالة يؤسف لها وشكلها والله أعلم طاحت من السرير ولاألف مره ملتفه بالغطا مايبان منها إلا الأطراف تقول عنز مخنوقه ...
                                من بعيد وبكل هدوء
                                سمر سمر إصحي قومي يلا باقي على موعد الطياره ساعتين سمر (لاحياة لمن تنادي) وبدى الصوت يعلى وينتهي بصرخه

                                سمر سمر سم ر

                                المسكينه من الروع فزت فزه شينه من النوم
                                هاه شصاير شفيك ليش تصارخ

                                أنا ساكت منفجع من إلي أشوفه قدامي وفجأة فقعت ضحك
                                ههههههههههههههههههههههههه هاهاي اي بطني هههههههههههههه شمسويه بنفسك إنتي ههههههههه لالا صراحه يبيلك صوره

                                (( حليلها سمر كانت نايمه وهي لافه شعرها برولات وحاطه قناع مابعد الميك اب ونامت وهي ناسيه إنها تغسله))

                                ههههههههه ذكرتيني بالساحرات إلي يجون برسوم الأطفال هههههه من اليوم انا بسميك شعشبونه خلاص صراحه هالأسم يناسبك أكثر

                                سمر: مالت عليك إذا أنا كنت شعشبونه ترا إنت شرشبيل
                                فهد: أنا شرشبيل كل هالزين والحلا تقولين شرشبيل
                                سمر: هههاي يالثقه يابابا حتى شرشبيل أحلا منك
                                فهد: عاد هذي كثريلي منها المهم يلا قومي إلبسي وصلي ورتبي الشنط ترى الطياره مابقا عليها إلا ساعتين وانا بروح أخلص إجراءات الفندق وبعدها نروح نسلم على الأهل على السريع ونمشي .... لاتتأخرين...

                                بعد أكثر من ربع ساعه رجعت للغرفه وأول مافتحت الباب

                                كنت جالسه أقلب بقنوات هالتلفزيون مالقيت شيء زهقت من كثر ماأنا أتصل على منى وهي ماترد... فأرسلتلها مسج أقولها فيه إني بسافر بعد ساعه
                                سمر : هييييييي إنت ليش تأخرت زهقت وانا جالسه بروحي
                                فهد : لاطلبتك تكفييييييييييييييييييين قومي طقيني أحسن .... بعدين وش ذاللبس إلي لابسته
                                سمر: ليه شفيه لبسي حلو ومرتب
                                فهد : بذمتك هذا لبس بنت لا وعروس بصباحيتها ولا الإكسسوارات إلي يشوفك يقول رايحين مصارعه ماكنا بنروح شهر البصل

                                (( سمر كانت لا بسه برمودا جينز مع تيشيرت أسود ومنفشه شعرها لفوق (( سبايكي )) من شافها على باله شابكه على 220 واما الإكسسوارات عالم ثاني كلها سلاسل وخواتم معلقه فيها جماجم و وأحجار مكتوب عليها كلمة Dingor ((
                                لا ومكحله عينها بكحل أخضر بعد.........
                                يعني بصراحه من شافها تخرع
                                سمر: الحمدلله والشكر ترى هذي الموضه
                                فهد: أي موضه هذي إلي مخليتكم كنكم خبووووووووووووووووول
                                سمر:أقول يلا نمشي تأخرنا
                                فهد : أمشي إمشي قدامي عزالله إني إبتليت

                                بعد ربع ساعه ببيت أبو فهد كانت العايله مجتمعه عشان تودع المعاريس
                                أول مادخلنا انا وهاللبليه إلي يقولون إنها حرمي المصون لقينا كل أفراد العائله الكريمه متواجدين وفي الإنتظار
                                سلمنا على الكل وبعد ثواني لمحت عمتي أم سمر ساحبه بنتها ومدخلتها وحده من الغرف

                                ((ههههههههههه أكيد بتهاوشها على هالي مسويته بنفسها احسن خلها تستاهل شعشبونه زين إلي شفتها بنهار ولا لو إني شايفها بالليل وهي بها الحال كان ماعرفت النووووم إسبوع))

                                وأنا سرحان جتني عهود
                                عهود: شعندك تضحك
                                فهد: تبين الصراحه أضحك على هالسكنيه إلي خذتها وإنبلشت فيها
                                عهود : بصراحه هي من ناحية سكنيه صدقت بس هي ليه مسويه بنفسها كذا
                                فهد: هاههاي هذا وإنتي ماشفتيها يوم قامت من النوم
                                عهود ((منصدمه)): ليه
                                فهد: ههههههههههههههههههههاههههههههه ليتك شفتيها ياعهود ههههه اهههههههههه كانها الساحرات ماينقصها إلا عصا المكنسه
                                عهود: ههههههه عاد يلا مناك أكيد تبالغ
                                فهد: لاوالله حتى إني قررت أسميها شعشبونه
                                عهود: حرام عليك هذا وإنتوا أول يوم كذا شلون بعدين
                                سكت صدقها عهود إحنا شلون بنعيش سوا حسيت بكل ضيقة وحزن الكون تكتم على صدري .... وتذكرتهاه ياقلبي
                                عهود: إنساها إنساها ياخالي وعيش حياتك لو بتجلس تقارن بينهم كل شوي بتتعب وبتخرب حياتك وأنت بأولها
                                فهد: صدقتي والله يكتب إلي فيه الخير.... وألحين نادي شعشبونه لازم نمشي ألحين ولا بنتأخر على الطياره
                                عهود: إسمها سمر
                                فهد: قصدك عمر روحي روحي لاأدوس فبطنك



                                المطار

                                فهد: بسرعه تحركي مابقا غير ربع ساعه وتطير الطياره
                                سمر: هذاني أمشي بسرعه
                                فهد: امحق سرعه إلي تعرفينها كأنك سلحفاه ...بسرعه
                                سمر: يوووووووووه
                                فهد: وشفيك
                                سمر: هالكعب ماأعرف أمشي فيه... الله يهداها أمي كله منها ولا لو علي كان لبست جزمه سبور
                                فهد: أدري مايحتاج تعلميني
                                سممر: تتطنز حضرتك
                                (( مسكينه ماكملت كلمتها إلا وطراخ)) دعست بالكعب على عبايتها وطاحت عالأرض

                                فهد يمشي مستعجل مهوب صوب أحد وركب على السير الكهربائي متوجهه للدور الثاني .... فجأة فقد صراخها ..إلتفت لقاها طايحه عند البوابه وبينه وبينها أمتار ... وهي جالسه عالأرض وإطالع هو وينه وصل... قام ينزل الدرجه بثنتين والناس إطالع فيه وش بلا هالخبل عكس الناس

                                خلال عشر ثواني وصل عندها
                                فهد: قومي الله يفضح العدو فشلتينا
                                سمر: لا حلفت كان كملت وركبت الطياره ولا وصلت دبي تذكرتني
                                فهد: حسبي الله على عدوك تحركي الناس واقفه تتفرج علينا .... هذي اخرتك يافهد بتنفضح بلوتوث
                                سمر: أقول مالت عليك وعلى خشتك


                                بعد ساعتين وصلوا معاريسنا لمطار دبي
                                وعلى طوووووووووووووووووول من المطار للفندق

                                في الجناح
                                الجناح كان عباره عن غرفتين متصلات بصاله
                                كانت الساعه بحدود 5 المغرب
                                فهد : تبين اطلبلك شيء تاكلينه
                                سمر: لا ماأبي شيء أبروح انام
                                فهد: طيب على الساعه 8 بنطلع نتمشى
                                سمر: طيب

                                الساعه 7:30
                                صحيت من النوم صليت المغرب والعشاء جمع قصر
                                بعدها رحت للغرفه إلي فيها سمر .((تكتك تكتك دقيت على الباب ماردت علي,,, سمر ...ياسمر))
                                بووووووووووووووووووووووووووووووووووووووووو
                                إلتفت متصروع
                                سمر:ههههههههههههههههههه هههههههاي طلعت خواف ههههههه
                                فهد: بسم الله من وجهك شعشبونه المجنونه ....
                                سمر:تكفى ياشرشبيل
                                فهد: إلا متى صحيتي من النوم
                                سمر: مانمت أصلا ...
                                فهد: ليه ..... ؟؟؟؟؟؟
                                سمر: ماأدري ماجاني نووووووووووم قمت كلمت أمي وأهلي ((منى)) أطمنهم إن إحنا وصلنا......

                                فهد: زين والله وفيك الخير كلمتيهم ...عجل أنا بروح أكلم أمي أنا بعد
                                سمر: أبوك يالغيره
                                فهد: هذي مش غيره هذي صلة رحم
                                سمر: ياقلبي يالولد الحنون
                                فهد: عالأقل أحسن من شعشبونه المجنونه
                                سمر: إنزين ماقلتلي وين بروح
                                فهد: إنتي وين تبين
                                سمر: أنا عندي الوضع عادي مافيه أي إشكال وين مابغيت
                                فهد: خلاص نروح الستي سنتر دامه قريب من الفندق
                                سمر: أوكي ثواني بس عشان أغير ملابسي
                                فهد: أوكي بس لا إطولين ولا تنسين هالمره تلبسي جزمه سبوووووووور
                                سمر: مايحتاج لاتوصي حريص
                                بعد 10 دقايق طلعت سمر من الغرفه وهي ماسكه عبايتها بيدها

                                سمر: أقولك لازم ألبس عبايه
                                فهد: لا مش لازم
                                سمر: صدق
                                فهد : إيه تبين الفكه إنتي أكيد لازم ... بعدين شهاللبس أنا أبعرف إنتي ماتعرفين شيء إسمه تنوره فستان جلابيه راضين ... ماعندج إلا هالبناطيل

                                (( سمر كانت لابسه برمودا بيج غامق مع تيشيرت زيتي مقطع ومن تحته بدي فسفوري مع جزمه سبور بيج))

                                سمر: وإنت كله تعلق على لبسي
                                فهد: والله شوفي إنتي شتلبسين بعدين ردي
                                سمر: كيفي أنا حره
                                فهد: حره تضرب بطنج قولي امين ...مشينا بس لا أهون وأطلع وأخليك ..
                                سمر: ماتقدر
                                فهد: هييييييييييييه شعشبونه لاتتحديني ترى والله أسويها
                                سمر: لاحووووول ألحين إحنا بنطلع ولا شلون
                                فهد : لابنطلع ... أمحق بنت



                                المملكه
                                الشرقيه

                                بصبر على فرقاكم مهما تمر سنين ..أتخيل محياكم يا حبيبي بالعين
                                سبحان من أنشاكم ومكملك بالزين... قلب العنا يهواكم ياناس ياناسين
                                أفرح انا بلقياكم وإنتوا علي قاسين .... وأبكي على لاماكم وأيام مرت وين
                                القلب يبغي رضاكم مجروح به جرحين... جرح الجفا وفرقاكم وجرح نزيف ألحين
                                الله ياذكراكم على العيون تبين ... بس ياليتنا شفناكم تتعاتب الإثنين
                                وإن مر بي طرواكم أصلي شرى مصلي ... باقي على ذكراكم مهما تمر سنين

                                ((حسين الجسمي))

                                وبعدين معاك يانايف إلى متى بتبقى على ذكرى غنسانه ماتستاهلك....

                                عمرك صار 28 وقربت تشيب وتدخل بالثلاثين ... كل ربعك تزوجوا وصار عندهم عيال وإنت متى بتقرر تبدى تعيش حياتك من جديد ماكفاك العمر إلي ضيعته ...

                                مها خلاص صارت ماضي وإنت لازم تطوي صفحة الماضي ماعاد تفكر إلا بالمستقبل.... إن تميت تفكر بالماضي ماراح تستفيد غير العذاب.... والمثل يقول

                                من باعنا بعناه ولو كان غالي

                                مسكت القلم وبديت أخط بدفتر ذكرياتي أول صفحات المستقبل

                                لاعاد تعنيني ولا أعنيك كل بدربه وإنتهينا.....
                                مدام إهي هاذي معانيك ياليت حنا ماإلتقينا......
                                على الخطا دايم خطاويك وعن الخطا حنا إعتلينا.....
                                يشهد على حاظرك ماضيك لوبنتناسا مانسينا......
                                سودا من أفعالك لياليك ضعت فبحور دون مينا....
                                صديتنا وإسمعت واشيك خطيتنا لوما خطينا......
                                هديت قصر الحب بيديك شلي بقا باقي علينا....
                                ماأبيك والله صرت ماأبيك لا لانجيك ولاتجينا....
                                لاعاد تعنيني ولا أعنيك كل بدربه وإنتهينا..........

                                (( راشد الماجد))

                                لاعاد تعنيني ولا أعنيك ...كل بدربه يامها حنا إنتهينا...

                                قفلت الدفتر و طلعت من الغرفه أدور على الوالده
                                لقيتها بالصاله مع ريم ونوف

                                أم عبد العزيز: هلا هلا ببو سعود
                                نايف: هلا فيك يالغاليه
                                ريم : الناس أول ماتدخل تسلم ولا إحنا مانعجبك
                                نايف: يالله السلامه من لسانها هالملسونه ... السلام عليكم
                                نوف وريم:وعليكم السلام
                                نايف: يمه بغيتك شوي
                                أم عبد العزيز: امر حبيبي شبغيت
                                نايف: بغيتك بكلمة راس
                                ريم: وليش يعني كلمة راس ماتنفع إذن
                                نايف وهو يحذفها بمخده: جب إنتي يالملسونه ..... هذي أسرار عائليه
                                نوف: ليش أحد قالك إحنا من الخارج
                                نايف: يمه ورا بناتك ملاقيف .... أنا بعرف على من طالعين

                                نوف& ريم: علي ك
                                نايف: لا إذا علي هذا شيء ثاني بس ماقد خبرت نفسي ملقووووووف

                                أم عبد العزيز: نوف ... ريم طلعوا وخلوني مع إخوكم
                                ريم: خلاص يمه إحنا بنطلع ألحين بس تعلمينا بعدين أوكي
                                نايف : إيه رددي ياليل ماطولك
                                ريم وهي طالعه: لاإحنا بالصيف الليل قصير لاتخاف


                                أم عبد العزيز: هاه يمه حبيبي شبغيت
                                نايف: يمه أنا قررت أتزوج
                                أم عبدالعزيز: هذي الساعه المباركه ياولدي وأخيرا مابغيت من متى وأنا أستنى هاللحظه....... إنزين إنت حاط أحد في بالك ولا تبيني أنا أختارلك
                                نايف: لا يمه أنا ماأطلع من شورك وأهنا واثق إنك ماراح تختاريلي إلا الزين

                                أم عبدالعزيز: فديتك ياولدي طول عمرك عاقل ومرضيني ومرضي إبوك
                                نايف : وأنا من لي غيركم يالغاليه الله لايحرمني منكم
                                أم عبدالعزيز: ولايحرمنا منك ...... طيب تبيني أخطبلك من الأهل ولا من برى العايله...

                                نايف: والله إذا إنتي تشوفين إن فيه وحده من العايله تناسبني يكون أحسن عالأقل منا وفينا
                                أم عبدالعزيز: بناتنا يابوك ياكثرهم وكل وحده تقول الزين عندي
                                نايف: يمه أهم شيء الأخلاق

                                أم عبدالعزيز: ياولدي بناتنا ماعليهم قصور وإنت تدري
                                نايف: خلاص إنتي شوفي وإسئلي ورديلي خبر
                                أم عبدالعزيز: صار وإنشاءالله ربي يكتب إلي فيه الخير
                                نايف: امي ن

                                نايف طلع من هنا ثواني إلا ريم ونوف داخلين

                                ريم : هاه يمه علمينا نيوف شيبي
                                أم عبد العزيز : مالكم دخل ..... وعن اللقافه

                                نوف: افا يمه حبيبتي إنتي ..ترى ماعندك إلا أنا وريوم حليلنا وحيداتك من البنات ... والأم لازم تصير صديقه لبناتها وماتخش عنهم شيء عشان هم مايخشون عليها أي شيء ... وبعدين يالبى قلبك ترى إحنا نبي نعرف الموضوع من غلا نايف ولا لوهو ماله غلا كان ماسألنا شفيه...

                                ريم: إيه نوف كلامها صحيح لوما غلا نيوف ماتدخلنا ..
                                أم عبدالعزيز : يمه منكم بنات مايوقف شيء بوجيهكم ....

                                السالفه ومافيها إن نايف قرر يتزوج
                                ريم & نوف: صدق ... ومن سعيدة الحظ
                                أم عبد العزيز : والله لحد ألحين ماإخترنا أحد ...
                                ريم: يعني هو ماحدد وحده معينه
                                أم عبدالعزيز : لا ماحدد بس قال يبي نختارله من العايله
                                نوف: إنزين إنتي براسك أحد
                                أم عبد العزيز : والله ماأدري فيه كمن وحده بس محتاره شوي
                                ريم : إلي يفكم من الحيره ويدلكم علي تناسب نيوووووووف كم لها
                                أم عبد العزيز: لها إلي تبي إن كانت تناسبه ... بس منهي
                                ريم: ساره

                                إنتهى الجزء
                                الجزء السابع والعشرون
                                الفصل الثاني
                                نايف
                                توني راجع من الدوام مصدع وتعبان .....
                                أم عبدالعزيز: نايف حبيبي تعال شوي بغيتك
                                نايف: يالغاليه ماتقدرين تأجلين السالفه لين ماأصحى من النوم تعبان
                                أم عبدالعزيز : لاء بعدين مافي نوم إلا بعد ماتتغدى
                                نايف: مالي نفس
                                أم عبد العزيز : افا هذا وانا مسويتلك الأكل إلي تحبه
                                نايف: دام السالفه فيها أكل أحبه خلاص أتغدى وبعدها انام ......امري تدللي وشبغيتي يام نايف
                                أم عبدالعزيز : إنت كلتني قبل يومين تبيني أختارلك وحده من العايله صح
                                نايف: صح
                                أم عبدالعزيز: وانا إخترتلك شيختهم كلهم ... أدب وأخلاق وجمال ..لكن فيه شيء واحد إنها أرمله
                                نايف حسيت بالضيق والزعل .... معقول على كثر بنات عايلتنا مالقت من تناسبني إلا أرمله ليه لها الدرجه أنا طبعي صعب ....: ..........
                                ام عبد العزيز: هههههههه ليش زعلت مافيها شيء لو خطبنالك أرمله... وبعدين ياما أرامل ترملو وهم صغار فالسن ..خلاص إذا ترملوا مالهم حق يتزوجون مره ثانيه....
                                نايف: لا يمه أنا ماقصدت شيء شين
                                أم عبد العزيز : أدري ياولدي ... أنا بقولك من إخترت وإنت القرار لك..... والله ياولدي انا بخاطري أخطبلك ساره أرمله سعد الله يرحمه
                                نايف: أرملة سعد
                                أم عبدالعزيز : ينايف ساره ماشاءالله ماعليها قصور والبنت ياقلبي ترملت وهي صغيره ومابعد حتى تبدى حياتها وهذي كتبت رب العالمين وحتى لو فرضنا إنها ماكانت أرمله سعد ترى هي البنت إلي أشوف إنها بتناسبك ...
                                نايف بعد تفكير عميق : خلاص يمه إلي تشوفينه فمصلحتي سوي دامك تقولين البنت ماعليها قصور أنا ماعندي مانع....
                                ام عبد العزيز وهي فرحانه : زين ياولدي البنت هالأيام عندها إختبارات وإنشاءالله أول ماتخلص نكلم أهلها في الموضوع
                                نايف: الله يقدم إلي فيه الخير
                                أم عبدالعزيز : امين يارب
                                في الإمارات
                                هذي حاله كل يوم هواش وخناق ماصارت ..... انا متزوج بنت ولا واحد من هالشباب الصيع ..والله بديت أشك فيها...
                                سمر: فهد فه د ((بصراخ))
                                فهد: وجع .....
                                سمر: يوجع العدو إنت وين كنت سرحان
                                فهد: كيفي وين ماكنت إنتي وشلك
                                سمر: أبد بس شكلك كان متضايق
                                طالعة فيها ((حرام شكلي كنت ظالمها المسكينه كانت تحاتيني وتفكر باليي يشغلني)): أبد سلامتك مافيه شيء ....وشرايك نطلع
                                سمر: أوكي ثواني بس أغير ملابسي وأرجع
                                رحت الغرفه ...وإخترتلي بنطلون جينز لوويست مع تيشيرت أورنج ...وتوني بأبدى ألبس إلا وتليفوني يدق ..
                                من شفت الشاشه وأنا في عالم ثاني ....وقلبي يدق طبوووووووووووول
                                كان المتصل.....
                                حبيبتي إنتي وبس
                                سمر: ألو
                                منى بدلع: سمر حبيبي وحشتيني
                                سمر بصوت خشن شوي: بس إنتي أكثر
                                منى : لو كنت وحشتك أو حتى إشتقتيلي كان إتصلتي فيني ولا يمكن ((بغيره)) زوجك صار أغلى وأقربلك مني
                                سمر : حبيبي إنتي عارفه محد يجي قدرك عندي إنتي قلب سمر ...روحها وعيونه ماتشوف غيرك
                                منى بفرح: صحيح سمر إنتي مانسيتيني
                                سمر: مناتي إنتي قطعه مني شلون أنساك وانا أفكر فيك طول الوقت
                                منى: حلفي
                                سمر: يالله يامنى لهالدرجه إنتي خايفه أتغير عليك
                                منى: لاتلوميني حبيبي أنا من وعيت على الدنيا وأنا ماأشوف غيرك ...أمي والله يرحمها... أبوي ولاهي مع أمرته ...خواتي وصغار... من فتحت عيني لقيتك قدامي ....ياه 8سنين ....وإنتي كل شيء بدنيتي محد ياتيني غيرك ولاأحد يسأل عني مريضه ولا صاحيه تعبانه ولا مهمومه .. ((وهي تصيح)).وبعد كل هذا تلوميني إذا خفت أحد ياخذك مني
                                سمر: حبيبي منى لاتصيحين تدرين ماأتحمل دمعك...طلبتك بغلاي لا تنزلين دمعه من عيونك وأنا عمري ماراح أنساك او أتخلى عنك... إذا كنت أنا بدنيتك كل شيء تراك دنيتي كلها....
                                منى: وزوجك
                                سمر: مثل إخوي صديقي سميه إلي تسمينه بس حبيب لاء
                                منى: فديتك حبيبي ... إلا ماقلتيلي شكنتي تسوين لما إتصلت
                                سمر: يووووووووووووووه نسيت كنت جايه ألبس عشان نطلع نتمشى
                                منى: وين بتروحون
                                سمر: ماأدري على كيف فهد
                                منى: أوكي حبيبي مع السلامه بس مايحتاج أوصيك
                                سمر: أكيد
                                منى: أحبك
                                سمر: وأنا أحبك مووووووووووت
                                منى: باي
                                سمر: بايات وإنتبهي على نفسك
                                طق طقطقطق ((باب الغرفه يدق))
                                سمر: إدخل
                                فهد: إنتي مابعد تخلصين تراك تأخرتي لي أكثر من ساعه ملطوع برى أنتظر حضرت جنابك
                                سمر: سوري بس جاني تلفون من السعوديه
                                فهد: ومن من هذا التلفون إلي من السعوديه
                                سمر: من وحده من صديقاتي ...... إلا فهد إحنا متى بنرجع السعوديه
                                فهد: ماأدري يمكن باقي إسبوع على الرجعه ليه
                                سمر: بصراحه مليت وودي أرجع لو بكره
                                فهد ((جاته من الله)) : بس إحنا مالنا كم يوم واصلين دبي
                                سمر: بس انا طفشت وأبي أرجع ........ شرايك وإحنا طالعين نبدل تذاكرنا لبكره او بعده بالكثير
                                فهد: براحتك دامك تبين نرجع نرجع ماعندي إشكال

                                #############

                                  تعليق

                                  • *عبير الزهور*
                                    V - I - P
                                    • Jun 2008
                                    • 3267
                                    #49
                                    قبل الإختبارات بإسبوعين
                                    ساره
                                    الساعه 8 مساء
                                    جالسه طفشانه حايسه بين هالكتب تبي تذاكر ومالها خلق ... جلست تلعب بالألعاب إلي بتلفونها ....
                                    شوي وهي مندمجه باللعب دق تلفونها دقه..... بسم الله خرعتني حسبي الله على العدو....
                                    لاحوووووووول من هالرقم (( فيه رقم غريب خارجي مزعجها من أكثر من شهر ونص ))
                                    أوووووووف ماملوا ...وهي تتحرطم إلا التلفون يدق مره ثانيه وطلع مسج من ندى ((ساروه دخلي المسنجر ألحين الكل مجتمع فيه إجتماع طارىء
                                    ((تقصد بالكل شلتهم عالنت وهو شعول ... ساره ...ندى... وكم بنت من معارفهم ))
                                    بعد دقايق
                                    نبضك عرقي ((ساره)) :
                                    مرحبا صبايا
                                    إنس أكثر ان ((شعول)):
                                    هلا وغلا
                                    قالوا ترى مالك أمل في قربها لويوم ((ندى)):
                                    أهلا وسهلا
                                    عمشا بنت عطيش:
                                    هلا
                                    نبضك عروقي:
                                    أخبار الحلوين
                                    البنات : تمام
                                    نبضك:
                                    إلا وش سالفة هالإجتماع الطارىء
                                    قالوا ترى:
                                    السالفه ومافيها إنه فيه واحد مليغ في الشات سبنا وهزءنا ولعن خيرنا ...وقلنا مالها إلا ملكة الثلج ... تاخذ حقنا منه
                                    نبضك: بس انا ماأدخل شات
                                    إنس أكثران:
                                    تكفين بس عشان خواطرنا
                                    نبضك:
                                    سامحوني بس أنا ماأحب أدخل
                                    عمشا:
                                    بليييييييييييييييييييز
                                    قالوا ترى:
                                    نبضك ترى عييييييييييييييييييييييييييييييييييب تردينا وإحنا طالبينك
                                    عمشا:
                                    نخيتك .... أنتقمي لنا منه
                                    نبضك :
                                    أوكي بس هالمره...
                                    بعد ماإتفقوا على النكنيمات أدخلوا في شات ...... الروم 1
                                    قاهرتهم ((ندى))
                                    غلالريان ((شعول))
                                    أم خماس ((.....))
                                    برووووووود الثلج ((ساره))
                                    أم خماس :
                                    السلام عليكم حميعا
                                    سف البنات اح ((جاسم)):
                                    لا هلا ومسهلا
                                    اغا اكب أصغرر:
                                    أم هماس إنتي شنو يبغي هني
                                    قاهرتهم:
                                    هلا أم خماس وعليكم السلام والرحمه
                                    دحموش:
                                    هاهاي حيالله المصاديع
                                    رومنس بعالم منسي ي:
                                    هلا هلا أرحبووووووووو
                                    غلا الريان :
                                    المصاديع إنتوا وأشكالكم
                                    برووووود الثلج:
                                    السلام عليكم
                                    قاهرتهم:
                                    وعليكم السلاو والرحمه
                                    ام خماس:
                                    هلا ببرووود هلا ياحيالله من زارنا
                                    غلا الريان :
                                    فديتج بود واخيرا
                                    بروووود الثلج:
                                    مشكورين حبايبي هذا من ذوقكم ياحلوات
                                    سفاح:
                                    وععععععععععع فيه بنت جديده وشكلها من تبع شلة المصاديع
                                    بروووووود الثلج:
                                    غلا يابعدي ترى مالحقت افهم شقلتي قطع الإرسال
                                    اغا أكب أصغرر:
                                    ليس إنتي داخل موبايل
                                    قاهرتهم:
                                    ماعليك بروود اخبارك
                                    بروووووود:
                                    تمام أنتوا شخباركم
                                    دحموش:
                                    أقول برووود شلونج
                                    برووود:
                                    غلا وينك
                                    غلا الريان:
                                    موجوده حبيبتي هني
                                    دحموش:
                                    أقنوووووووووووووووووووووور
                                    سفاح:
                                    ههههههههههههههههههه سفطوك دحموش
                                    رومنسي:
                                    ههههههه تستاهلون شوفوا انا شبسوي
                                    مرحبا ببرود الثلج .... النك مقتبسته من بياضج الزايد
                                    برووود:
                                    قاهرتهم يقولون واثق الخطوه يمشي ملكا
                                    قاهرتهم:
                                    ملكا
                                    رومنسي:
                                    شباب سمعتوا اخر نكته
                                    سفاح:
                                    لاء
                                    اغا أكبر:
                                    قووووووووووووول
                                    رومنسي :
                                    فيه وحده طاحت قالت اي
                                    دحموش:
                                    ههههههههههههههه حلوه
                                    قاهرتهم:
                                    كركركركركركرككر
                                    ام خماس:
                                    يالبيه
                                    برووود:
                                    لبيتي في منى إنشاءالله.....سمعتي اخر نك
                                    أم خماس:
                                    لاء
                                    قاهرتهم:
                                    وشهو
                                    بروووووود:
                                    عبسي إنشات بعلبة ببسي
                                    غلا:
                                    ههههههههههه حلوه منج برووووود
                                    سفاح:
                                    واي بردان الثلج ينقط حولي بكل مكان
                                    وبدت حرب البسوس من جميع الأطراف
                                    برووووود:
                                    غلا شفتي منحوووووووووس
                                    دحموش:
                                    دحموووووووووووووووش إنتي ماتفهمين
                                    وشوي ترجع برووووود:
                                    أم خماس ...اعما أحمر أصفر ...جاركم
                                    اغا:
                                    أعمى بعينج
                                    بعدها
                                    سفاح:
                                    أقول رومنسي يقولون سكان القطب هالأيام قاموا يوزعون دعايات ....
                                    رومنسي:
                                    إيه ويقولونلك طالبين شغالات عشان التوزيع
                                    اغا:
                                    وكم هذا راتب حق شغال في كثير هني ينفع سوي شغل هناك
                                    دحموش:
                                    بخمسين ريال بس وهه مع بدل السكن والعلاج 100
                                    بروووووود: غلا ...لاإيطوفج اخر عروضنا الإعلانيه منفاخ أحمر أصفر لعبسي أنشات بعلبة ببسي منحوس فوسط الطوس ب 5 هللات بس
                                    غلا:
                                    الله خوش تخفيضات...
                                    بعد اكثر من ساعتين ....طلعت من الشات وأنا ميته ضحك ...
                                    أناأشهد إني رفعت ضغطهم للألف ...
                                    شوي ويوصلني مسج ...قلت أكيد هذا من ندى ولا شعول
                                    لكن طلع من..........
                                    بيت الريم
                                    يوم الأثنين
                                    الساعه 9 مساء
                                    على التلفون
                                    الريم: زيووووووووود وبعدين معاك ... قلتلك لازم احضر
                                    زيد: لا مش لازم ....
                                    الريم: زيود أحمد يصير ولد عمي شلون ماتبيني أحضر زواجه.. بعدين أهلي بيزعلون علي
                                    زيد: لا ماراح يزعلون
                                    الريم : إلا بيزعلون ... وبعدين وش تبيني أقولهم والله زيد رفض إني أحضر زواج أحمد لأنه كان يبي يخطبني
                                    زيد: إيه عادي مرتي وكيفي ماأبيك تحضرين زواج المقرود
                                    الريم: زيد أحمد ولد عمي لاتتكلم عليه
                                    زيد بعصبيه: لاوالله تدافعين عنه حضرتك ... أهلك يزعلون لاء .. بس أنا أزعل بالطقاق
                                    الريم:مش مسألة إني أدافع عنه ..بس هو ولد عمي وإلي يغلط عليه يغلط علي وعلى أهلي
                                    زيد والغيظ ضارب شوط: طيب خلي أحمدوووووووووووه الزفت ينفعك طوط طوط طوط طوط
                                    الريم : طيب يازيود تقفل بوجهي هاه ....... زين هذا وجهي إن عاد رديت عليك وهذا التلفون وبقفله ....
                                    أرسلت رسايل لصديقاتي أقولهم إني بقفل تلفوني فتره وإلي تبيني تتصل على تلفون البيت ...وبعدها قفلت الجهاز
                                    ثواني وتلفون البيت يدق
                                    رفعت السماعه
                                    الريم : ألو
                                    ساره: ليش قافله جهازك
                                    الريم : بسم الله الناس تسلم أول
                                    ساره: هههههه اسفه السلام عليكم ورحمة الله وبركاته ...كيف حالك يا إخت العرب (( بالعربيه الفصحى))
                                    الريم: وعليكم السلام والرحمه ... بخير والحمدلله كيف حالك أنت
                                    ساره: بخير والحمدلله والان أخبريني لماذا أغلقتي هاتفك
                                    الريم : إنها قصة طويلة جدا
                                    ساره: إحكها لي وبسرعه لاأستطيع الإنتظار فلقد مل صبري
                                    الريم: حسنا .. أصغي جيدا لما سأقول
                                    ساره: إني مصغيه
                                    الريم: لقد تشاجرت انا وزيد
                                    ساره: ياإلهي ولماذا؟؟؟
                                    الريم: بسبب المنحوس احمد
                                    ساره: احمد ... ومادخله بينكما
                                    الريم: النحاسه
                                    ساره: الله لايجيب النحس ... وش جاب طاريه بينكم
                                    الريم: أبد كنا نسولف ونضحك وفجأة سألني وين رحتي اليوم قلتله رحت السوق أشتري إكسسوارات لفستاني لزواج أحمد
                                    ساره: طيب وبعدين
                                    الريم : عصب وتضايق وطلب مني ماأحضر الزواج
                                    ساره: قمتي عصبتي وتلاسنتي معاه صح
                                    الريم : لاء .... قلتله إنه ولد عمي ولازم أحضر ولابيزعلون علي أهلي ...... عصب وتنرفز وقفل الخط بوجهي
                                    ساره: وعشان كذا إنتي قافلة تلفونك
                                    الريم: إيه ماأبي أكلمه ولا أرد عليه
                                    ساره : ماأدري أحس كان المفروض منك تسايسينه وتفهمينه بالهداوه أحسن
                                    الريم: ماأدري يالسوري بس هو قهرني .... تصدقين إني كنت محتاره أروح الزواج ولا لاء بس ألحين بروح نحاسه فيه
                                    ساره: ماعاش من يقهرك حبيبتي وإذا إنتي تبين تروحين روحي هذا زواج ولد عمك بس لاتنسين إنك تناحسين زيد مش أي أحد ...
                                    الريم : وهذي هي المشكله إنه زيد.....
                                    ساره: شوفي إنتي ألحين متضايقه منه حاولي بكره أو إلي بعده تراضينه
                                    الريم: معصي انا أراضيه هو إلي قفل بوجهي ...يعني هو إلي المفروض يراضيني
                                    ساره: ياليته يسمعك ألحين وإنتي تقولينله معصي ...كان ماتبيتي الليله
                                    الريم: لالاماأظن أهون عليه
                                    ساره: والله وشه هالدلع يعني إنتي يهون عليك تقولينله معصي
                                    الريم :عاد إنتي خذي وخلي تدرين إني لما أعصب أقول أي شيء...
                                    سيارة زيد
                                    مفووووووووووووول ومعصب علأخير يدوووج بها الشوارع وينك يافهود لوكنت هنا كان إشتكيتلك ... بس إنت وش اخبارك من سافرت ماإتصلت .... يلا يمكن ربي هداك وقررت تفتح صفحه جديده وتبدى حياتك مع بنت عمك .. الله يوفقك ... ويعينك يازيد على ماإبتلاك........
                                    اه يالقهر والغيض
                                    هين يارويم عجل انا تزعليني عشان هالأحمدووووه ...
                                    قالت إيش...
                                    أنا ماأسمحلك تغلط عليه هو ولد عمي وإلي يسبه كأنه سبني........
                                    مالت ... دامه ولدعمك ليه رفضتيه ... أووووووووووووف ...
                                    إلي قاهرني وباط مرارتي بكل بروووووووود تقولي أهلي بيزعلون ...هم يزعلون لاء أنا أزعل عادي...
                                    طيب يالريم إذا ماخليتك تندمين على كلامك ..... ذا وجهي إذا كلمتك ولاحتى فكرت أرسلك قبل ماتعتذرين مني .....
                                    إحبك واموت فيك صح ........لكن أسمحلك تجرحيني لاء...
                                    حسبي الله على العدو كأنا ماراح نفتك من هالأحمد حتى بزواجه
                                    وعلى الجرح جت على الإف إم إغنية راشد الماجد (( حلوة موووت))
                                    هذي عسى ربي يسامحها ...ولاأنا ماني مسامحها ... إتحاول بأطرافها تستر... وهو إلي أكثر شيء يفضحها...
                                    إن جلست يورد الكرسي...توقف الدنيا مسارحها .... لأنها خلاصة الفتنه الفتنه... الله يامحلاها ومملحها....
                                    ولامشت على الرصيف يقول... ياكوس تكفى هب وإطرحها ....ايه من ايات ربي العالي... الكل يتمنى يصافحها...
                                    الحسن يضحك كل ماتحزن... والفرح يبكي كل مفرحها .. الله يحفظها ويحميها ... والله يصلحها ويهديها...
                                    ترخصني أحيانا وتجرحني.... وانا إلي أغليها ولا أجرحها ...أحبها بجنوني وطيبي ...تزعلني وانا إلي أصالحها....
                                    قولولها ياأهل الجنوبيه ترى الجفا ماهو بصالحها...ماتخسر الإنسان والشاعر إلي يقدرها ويمدحها....
                                    بعض الغلا كتمانه أحسله ياليتني ماكنت أصارحها... الحب له سلطه وله هيبه وأشياء لايمكني أشرحها....
                                    لئيمه تدري إنها جنونيه ودك بعض الأحيان تذبحها... من كثر ماهي حلوه موت تحس هي إلي مختاره ملامحها........
                                    ((طبيعي كلمات فزاع))
                                    زيووووووود يسوق السياره وهو سرحان
                                    اه والله وجبتها على الجرح ياراشد ... بعض الأحيان ودي أذبحها....
                                    بس أنا وإنتي والأيام وهالأحمد يالريم
                                    وفجأه إنتبه
                                    لا؟ ؟؟؟
                                    لا؟

                                      تعليق

                                      • *عبير الزهور*
                                        V - I - P
                                        • Jun 2008
                                        • 3267
                                        #50
                                        الفصل الثامن والعشرين
                                        ضربت بريك بأقوى ماعندي .... وقفت بنص الشارع وضربت بيدي على الدركسون...
                                        يالله نسيت إني بودي أمي المستشفى.... يلا باقي نص ساعه على الموعد إن شاءالله أقدر ألحق....
                                        مشيت والسرعه 120 .... كلها 10 ووصلت للبيت ودقيت على امي تلفون ...
                                        وإستعجلتها تطلع عشان مانتأخر... راحت 10 دقايق ثانيه لين إطلعت أمي....
                                        المسكينه ركبت من هنا وأنا علا 180 من هنا
                                        أم زيد: بسم الله وشفيك ياولدي ترى السرعه مايمدحونها
                                        زيد: هههههههه ياحليلك يمه إحنا متأخرين
                                        ام زيد : الموعد بداله 10 بس أرواحنا ماتعوض
                                        زيد: ههههه خلاص مايحتاج تخافين على الموعد هذا إحنا وصلنا ...وطالع ساعته يلا بسرعه باقي دقيقه لازم أقدم الحجز....
                                        بعد ماخلصنا من الموعد وإحنا راجعين بالسياره...
                                        أم زيد: إلا ياولدي وشرايك نحدد موعد زواجك ...
                                        زيد: بس إحنا محددينه بشهر 12 ...
                                        أو يزيد : بس ياولدي 10 بعيد ... وإحنا ألحين بنهاية 4 .. وش رايك نخليه بشهر 7 ولا8 يعني بالأجازه الصيفيه
                                        زيد وهو متشقق من الخاطر (( لقى العذر إلي بيقهر الريم فيه)): والله يمه انا ماعندي مانع ولوتقولين العرس بكره أبرك وأسعد .... بس ماأدري عن الجماعه بيمديهم يخلصون ... والجناح حقي ....
                                        أم زيد : إذا على الجماعه لاتخاف عندهم 3شهور والجناح حقك شهرين شهرين ونص وهو خالص
                                        زيد : بس يمه الريم عندها إختبارات ... وماأظن إنها بتقدر تجهز فترة الإختبارات
                                        أم زيد : هي متى إختباراتها
                                        زيد: بعد إسبوعين
                                        أم زيد: لالا عجل بيمديها ... العطله طويله وشهرين بتكفيها وزود إنشاءالله
                                        زيد: خلاص على البركه إنشاءالله
                                        أم زيد : خلاص اليوم بكلم عمتك وبتفق معها ...
                                        ........
                                        بعد يومين على أرض مطار الملك فهد الدولي بالدمام
                                        الساعه 7 مساء
                                        سمر
                                        يالله ماني مصدقه وأخيرا رجعت ياعمري يالشرقيه فديتك وفديت ترابك ...
                                        ياربي إشتقت لأهلي وصديقاتي ولمناتي... كأني ماشفتهم لي 10 سنين مش 10 أيام
                                        فهد
                                        الحمدلله وصلنا ورجعنا لديرتنا ولأهلنا ........ ياويلي من زيود من رحت ماكلمته ...ولا والأدهى إني ماعلمته إني رجعت أناأشهد إنه بيتوطى فبطني..
                                        فهد: الحمدلله على السلامه سمر...
                                        سمر: الله يسلمك ...
                                        خلصنا إجراءات العوده ... وطلعنا من المطار ... خنالنا تكسي ورجعنا البيت
                                        .....
                                        جالسه بعباتي أستنى السواق بروح أزور أمي...
                                        ((نسيت أقولكم ..... قبل يومين الجده وسميه تعبت ...جتها نوبة سكر والحمدلله عدت على خير لأنهم تلاحقوها .. بقولكم السالفه بعدين))
                                        أم فهد: ياذا السواق وينه راح تأخرت ... لاحول الله لا وبعد قافل تلفونه ... العله داري إني بتصل عليه ...
                                        (( وهي في قمة التحرطم .. فتح الباب ودخل ))
                                        ماكانت منتبهه لي معطتني ظهرها .. ماأدري على من كل هالتحرطم
                                        قربت منها وضميتها بأقوى ماعندي ..
                                        أم فهد تخرعت : يويلي
                                        فهد: هههههههههههههههههه هاهاهاهاي
                                        أم فهد وهي تضربه على خفيف: فهود يالحمار خرعتني ... إنت وجهك
                                        فهد وهو يحب إيدها: هههههه بسم الله عليك من الخرعه
                                        أم فهد : حمدلله على سلامتك حبيبي ... بدري توقعتكم بترجعون علأسبوع الجاي
                                        فهد : بدري من عمرك فديتك .... بس ملينا قلنا نرجع
                                        سمر .. كانت بعيده شوي عنهم في طرف الصاله
                                        أم فهد : هلا حبيبتي سمر شلونك إن شاءالله بخير ... الحمدلله على سلامتكم يابنتي
                                        سمر وهي تسلم على عمتها: هلا فيك عمتي ... الحمدلله انا بخير ...الله يسلمك
                                        ويدخل فهد عرض
                                        فهد: إلا يمه على من تتحرطمين
                                        أم فهد : على هالسواق لي ساعه أستناه مادري وينه ذلف
                                        فهد : يمه السواق بره واقف عند الباب ...
                                        أم فهد: صدق ... عجل يلا مع السلامه
                                        فهد: بس إنتي وين بتروحين
                                        أن فهد: انا بروح أزور جدتك تعبانه شوي
                                        فهد: سلامتها وشفيها ... وليه ماعلمتوني و.........و......... إلخ
                                        أم فهد: شوي شوي ياولدي لايطيح لسانك... بعدين السالفه فاجأتنا
                                        فهد: طيب هي وشفيها
                                        أم فهد : نوبة سكر والحمدلله عدت على خير
                                        فهد: خلاص إنتظريني بروح معك
                                        أم فهد: لايولدي إنت توك راجع من السفر تعبان ... بعدين هالوقت بتكون الغرفه مليانه حريم .... زورها بكره الصبح
                                        فهد: ليه يعني محددين اوقات الزياره
                                        أم فهد : عن الطنازه ...بلا أنا مشي سمر يمه البيت بيتك وإا بغيتي شيء ترى الشغاله بالمطبخ وانا إن شاء الله ماني متأخره
                                        سمر: إن شاءالله عمتي لاتحاتين أنا ماني غريبه...

                                        في المستشفى
                                        أول شيء بقولكم شلون دخلت جديدتنا الحلوه المستشفى
                                        جديدتنا الحلوه مثل أي مره خليجيه غرامها القهوه والشاهي إلي من أقدم وأعرق العادات عندنا ومستحيل يخلى منها أي بيت

                                        ساره
                                        كنت أسمع لحبي الأبدي ... ((لراشد أغنية المسافر))
                                        لاتلوح للمسافر المسافر راح ... لاتنادي للمسافر المسافر راح ...
                                        ياضياع أصواتنا بالمدى والريح... القطار وفاتنا ... والمسافر راح... راح ...المسافر راح.....
                                        يلا ياقلبي تعبنا ....تعبنامن الوقوف ... مابقا بالليل نجمه ولا طيوف.... ذبلت أنوار الشوارع وإنطفى ضي الحروف... يلا ياقلبي سرينا ضاقت الدنيا علينا.... القطار وفاتنا.... والمسافر راح.... المسافر راح...
                                        مدري باكر هالمدينه........ هالمدينه وش تكون ...... النهار والورد الأصفر والغصون... هذا وجهك يالمسافر لما كانت لي عيون... وينها عيوني حبيبي سافرت مثلك حبيبي سافرت مثلك حبيبي... القطار وفاتنا.... والمسافر راح....
                                        يا الله يالحزن إلي يتملكني لما أسمع هالأغنيه وأتذكر قصتها الحزينه...
                                        ((كان فيه شخص يحب إنسانه ويموت على تراب الأرض إلي تمشي عليه ... خطبها ولكن أبوها طلب مهر غالي فسافر عشان يجمع مهرها ....ورجع بعد كم سنه لقاها توفت .... حبيبته من الشوق له والحزن عليه والفراق إلي صار بينهم مرضت وتعبت لحد ماربي رحمها بالموت ... وإلي صار إن هالشخص بكاها لحد ماعمت عيونه ... وصار أعمى... فدخل على الأمير المبدع بدر بن عبدالمحسن وقاله قصته وطلب منه يكتب هالقصيده الرائعه ))
                                        بكيت بكيت بكل دمعه قدرت تطلع من عيوني .... تكرت سعد الله يرحمه .......وإلي أوجعني أكثر وتعبني إني تكرت فهد.... فهد إلي أتوقع إنه ناسيني ولاحتى جيت على باله...ههههه أكيد لاهي مع سمر... ويعيشون احلا أيامهم ...
                                        من كثر الحزن والضيق مليت وطفشت...
                                        خصوصا إني ألحين أعيش عطلة 3 أسابيع عشان الإختبارات قربت هي إسبوعين بس انا خليتها 3 خخخخ ... يعني أنا بعيد السنه بالترم الأول كامل لأني وقتها كنت بأيام العده وحالتي النفسيه كانت زفت ماداومت فيها وأنا ناويه ماأدخل إختبار كم ماده عشان ماكون فاضيه السنه الجايه ....>>>>البنت مخططه وخالصه
                                        المهم أنا وحده أعشق شيء إسمه شاهي وحلويات ... احب الحلى حيل وبنفس الوقت ما
                                        أحب القهوه (( القهوه العربيه)) يعني ماأشربها إلا بالنادر... لكني أحب الكبتشينو وهالشغلات ...
                                        كانت الساعه 9الصبح ...
                                        وانا ماجاني النووووووووووم ... زهقانه ماعندي أحد بنات عمي وبالمدرسه ... ياربي شسوي ... وين أروح ...
                                        قلت مالي إلا جدتي وسميه سويتلي شاهي وسويتلها قهوه وشليت شلايلي وحلتي (( قصدي حلوياتي)) ورحت لها
                                        دخلت البيت ودورت بكل مكان فيه مالقيتها ..ياربي ... وينها لايكون طالعه .
                                        ناديت الشغاله..
                                        سوما سوما ... لاحول نسيت إنها يالله تسمع .... سوما ا...
                                        سوما: نئم إيش فيه ليش صراخ
                                        ساره: أمي وسميه وين
                                        سوما: برا في هزا حديقه
                                        طلعت من الباب الخلفي لقيتها فارشه بالحديقه وجالسه
                                        ساره: السلام عليكم ...((حبيت إيدها وراسها))...
                                        الجده وسميه: وعليكم السلام والرحمه ..... لاحول الله يابنيتي وش هاللبس
                                        ساره: وشفيه لبسي يمه
                                        ((كنت لابسه تيشيرت أحمر قصير مرسوم عليه دبدوب مبتسم ومكتوب فوقه u I love.. مع برمودا مخطط بأحمر ))
                                        الجده: يابنتي إنتي تدرين بغلاتس عندي بس عيب تجيني بهاللبس بدون ماتحطين عليتس شيء يسترتس عن العيال
                                        ساره: يمه محد هنا كلهم بدواماتهم يعني أتسردح وأتمردح على كيفي
                                        الجده وسميه: حتى ولو إفرضي إن واحد فيهم ماداوم اليوم وش كنتي بتسوين
                                        ساره بإبتسامه عريضه: عادي يمه كلهم إخواني
                                        الجده وسميه: تخلخلت عظامتس ... إلا وش عندتس صاحية من هالوقت ...
                                        ساره: تبين الصراحه انا مانمت
                                        الجده وسميه : أدري مبين على عيونتس متنفخات وحمر... وليه مانمتي ...وش وراتس
                                        ساره: تدرين ياجده إختباراتي قربت وأنا أغلب المنهج ماني بفاهمته عشان كذا لازم أشد حيلي
                                        الجده وسميه : يابنتي السهر مهوب زين لتس ... والله إن شاءالله بيوفقتس وينجحتس بس خلي السهر عنتس.... تراه يتعب
                                        ساره وهي سرحانه بخاطرها أصلا أنا تعبانه وقاضيه اه ياذا التعب مهوب مخليني دقيقه بحالي
                                        الجده وهي تشوف بعيون ساره الحزن والحسره : وشفيتس يابنتي وش هالحزن غلي أشوفه بعيونتس
                                        ساره والدموع بدت تتجمع بعيونها: تعبانه يايمه أحس إني بموووووووووت
                                        الجده وسميه: بسم الله عليتس وشفيتس يايمه قوليلي طلعي إلي بخاطرتس ....
                                        ساره وهي ترمي بنفسها بحضن الجده وتصيح وتقول كلام مقطع ومش مفهوم من شهقاتها المتكرره: اه يايمه ماني بقادره أنساه تعبت ....حاولت و....حاولت بس مافيه فايده ...... أنا ما أقصد بس أنا ماقدرت أحب.... أنا قلبي تعلق بغ.... أحس إنه معي بكل مكان ... مدري وش السواه علميني ....علميني ياجده.....
                                        الجده وهي بدت تصيح: يابنتي هذي كتبت ربتس إنتي المفروض تترحمينله وتبدين حياتس من جديد تراك توتس صغيره والعمر قدامتس ....
                                        ((الجده كانت تظن إن ساره تتكلم عن سعد رغم إن ساره كان أكثر كلامها عن فهد))
                                        المهم الجده جلست تهديها وتواسيها لحد ما تعبت ساره ونامت بحضنها
                                        بعد أكثر من ساعه
                                        الجده وسميه: ساره ساره قومي يايمه الشمس بتحرقنا
                                        ساره وهي تفرك عيونها: هاه إنشاءالله
                                        الجده وسميه : تعالي يمه نامي عندي بالغرفه
                                        ساره: لايمه اخاف أضايقتس بروح أنام بغرفتي
                                        الجده وسميه: أي ضيقه والله إن تنامين عندي ... تعالي ...تعالي بس ترى حتى أنا أحس إني تعيبينه شوي وأبروح أرتاح شوي وماراح أرتاح إلا وإنتي عندي
                                        ساره : إن شاءالله
                                        في غرفة الجده
                                        ساره جيت بنام إلا وأنتبه إن الجده بتنام ببرقعها....
                                        ساره: يمه وشبلاتس لابسه البرقع ترا إحنا بالغرفه محد عندتس فصخيه
                                        الجده وسميه: ههههه يابنيتي تعودت عليه خلاص صرت ماأقدر أفصخه
                                        ساره: الله قويه عاد حتى عند النوم ...شلون تنامين فيه صعبه ماراح ترتاحين .... يلاشيليه أبي أشوف ملامحتس الحلوه
                                        الجده وسميه: وين راحت علينا هالملامح ... وألحين جاء دوركم فيها
                                        ساره: يالبا قلبتس مشكوره على هالمجامله اللطيفه وإن كان مبالغ فيها لأني ماأجي بحلا ملامحتس
                                        الجده وسميه : إنتي وش تخربطين وتقولين مافهمت شيء
                                        ساره : أقوووووووووووول مشكوره على هالمدح الحلو ولو إني ماني بذاك الزين
                                        الجده وسميه: وش ذا الكلام أصلا إنتي زينة البنات وكلتس ملح وقبله
                                        ساره : إذا على الملح ماإختلفنا ملحنا واجد
                                        وانا فعز نومي حسيت بشي يتحرك بحركه بسيطه (( انا من طبعي نومي خفيف وأحس بأي شيء يصير حولي))
                                        فتحت عيوني وإستغربت المكان إلي أنا فيه لثواني ثم أستوعبت بسرعه وإلتفت على جدتي وسميه لقيتها ترتجف وعيونها جاحظه ...
                                        فزيت بسرعه..
                                        ساره: يمه وشفيتس
                                        الجده وسميه: أا.........ت... ((ماكانت تقدر تنطق بحرف من التعب))
                                        إستخفيت مادري شسوي جلست أصرخ على الخدامه
                                        سوما .ياسوما ا
                                        جت سوما مفزوعه
                                        سوما: إيش في
                                        ساره : روحي نادي أي أحد بسرعه ماما تعبانه بسررررررررررررررررررعه
                                        رحت سوما ركض تناديهم
                                        أخذ أهدي نفسي وتكرت الدوا
                                        ساره: إنتي خذتي دوتس اليوم ولا لاء
                                        الجده: ل....ل
                                        ساره: أشريلي بيدتس
                                        أشرت الجده بإيدها بمعنى لاء ..... وقتها جت الفكره مثل الإعصار بعقلي ...رحت أركض زي المجنووووووووووووونه للمطبخ...
                                        دخلت وعفست بالأدراج لين لقيت علبة السكر حطيت ملعقتين بفنجال وصبيت عليهم ماي ورجعت ركض للغرفه
                                        قربت منها ورفعت راسها وشربتها من الفنجال بها اللحظات دخلوا عمامي وعيال عمي شالوها وركض على المستشفى...
                                        بعد ماطلعوا رحت وحبست نفسي بغرفتي وجلست أصيييييييييييييييييييييح وأصيح .... وأكسر أي شيء يطيح بيدي....
                                        لاياربي لا .... خلها لنا وطولنا بعمرها .... أنا ماأقدر أتحمل إفراقها

                                        في المستشفى
                                        أول مانزلوا من السياره جلسوا يصارخون ينادون على الممرضين إلي جوا بسرعه من شافوا السياره واقفه....
                                        دقايق كانت صعبه على الكل..... كلها خوف وقلق وتوتر....كانت خلالها الجده تحت رحمة الله ثم إيدين الدكاتره ...
                                        بعد وقت طويل طلع واحد من الدكاتره .... ومن أول مالمحوه طالع من الباب الكل إلتفوا حوله .... زكلن يسأله من جهه
                                        الدكتور: لوسمحتوا واحد بس إلي يتكلم
                                        أبوسعد بلهفه: هاه دكتور وشفيها الوالده
                                        الدكتور : الوالده صابتها نوبة هبووووووووووط في السكر لكن الحمدلله قدرنا ننقذها باخر اللحظات ومن الواضح إنه هي كانت تاخ الدوا وماتتناول بعده أي وجبه وهالشيء خطير لكن الشيء إلي هون عليها وخفف من تأثير الهبوط إنه فيه أحد عطاها جرعة حلا رفعت من نسبة السكر .... وجيبتكم لها بهالسرعه كان لها تأثير كبير في جعلنا نقدر نلحق عليها والفضل كله يرجع أولا وأخيرا لله...
                                        الكل : الحمد لله
                                        أبو سعد: طيب يادكتور وأحلين هي وش أخبارها
                                        الدكتور: لالحمدلله قدرنا نسيطر على الحاله لكن بنظطر نخليها عندنا كم يوم عشان ننظم لها السكر....
                                        أبو سعد: مافيه مشكله يادكتور وإحنا حاظرين لكل إلي تبونه
                                        نرجع لأم فهد يعني بعد يومين من الأحداث السابقه
                                        دخلت على أمي لقيت الجناح ماشاءالله مليان .....
                                        ((الجناح عباره عن فرفتين مفتوحات على بعض وحده فيها السرير والأجهزه وشوية كراسي والثانيه فيها طقم كنبات مع طاولات ....وإلخ))
                                        أم فهد: السلام عليكم
                                        الكل : وعليكم السلام ..... كان الكل موجود (( أقصد نساء العائله الكريمه مع ضيوف وقرايب))
                                        من بعد السلام ... بدت السوالف والعلوم.......
                                        وحده من الضيوف: إلا وش أخبار فهد وعروسته
                                        أم فهد: الحمدلله بخير ونعمه
                                        ساره كانت موجوده ومن سمعت طاري فهد وعروسه ... إنحاشت من الغرفه وتعلثت بإنها بتسأل النيرسات عن موعد الأدويه وهالخرابيط لأن هي إلي تبات عند الجده على قولتها دامني فاضيه وماوراي شغله محد بيجلس غيري....

                                        الضيفه: إلا هم متى راجعين بالسلامه
                                        أم فهد: الحمدلله وصلوا من شوي
                                        الكل: الحمدلله على السلامه ......قرت عينتس...
                                        أم فهد : الله يسلمكم
                                        وبدت عاد كل وحده تحلف إلا العشاء عندي وذي ترد وأنا الغداء علي ....... صاروا طابور يكفي إسبوعين لقدام بس...
                                        أم فهد: تسلمون وما قصرتوا بس أجلوها لبعد ماتطلع الوالده بالسلامه
                                        الكل: إنشاءالله قريب
                                        بعد ماراح الكل ومابقى إلا أم فهد وساره
                                        أم فهد: سويره يمه قومي خليني أوصلتس وأنا بنام الليله عند أمي
                                        الجده وسميه: إي يمه خلي عمتس توصلتس... وأبد أنا ماأبي أحد ينام عندي السستر مايقصرون
                                        ساره: ههههههههه عاش الإنجليزي ياخطيره
                                        أم فهد: يلا يابنتي الله يهديتس
                                        ساره: لاوالله محد براقد غيري .... إنتي على العين والراس يايمه بس أنا فاضيه وماعندي شيء
                                        أم فهد: وإختباراتس يمه
                                        ساره : إختباراتي ماعليها شر إنشاءالله .... أبد لاتحاتين باقي عليها3 أسابيع
                                        أم فهد: إلي يريحتس ... يلا يمه توصين على شيء
                                        الجده وسميه: سلامتس يايمه وسلمي على أبوفهد وفهد ومرته
                                        أم فهد : يبلغ إنشاءالله ... والله يافهد يوم درى عصب وقال ليه ماعلمتوني وبغا يجيتس اليوم ... بس أنا قلتله إنتس الحمدلله بخير ومايحتاج يجي ألحين
                                        الجده وسميه : زين ماسويتي
                                        أم فهد: يلا مع السلامه
                                        ساره طول الوقت كان فبالها إن فهد لحد ألحين موجود في الإمارات...
                                        ((حليلها ماتدري إنه مابينهم إلا كم متر))
                                        اليووووووووووووووووم الثاني

                                        جناح فهد
                                        الساعه 10 الصبح
                                        اخ ياظهري أحسه متكسر قطعه قطعه من نومة الأرض
                                        رفعت يدي أدور على الجوال ....
                                        لقيت 5 مس كووووووول من زيووود البارح الساعه 12.... ماشاءالله مداه الخبر وصله إني رجعت..
                                        قمت توضيت وصليت ... وبعدها دقيت عليه...
                                        ألوووووووووووووووووو إزيك ياواد
                                        زيد: هلا وغلا... وأخيرا تذكرتنا
                                        فهد: يالهوي هو انا ءأقدر أنساك يابني دنت محفور فقلبي
                                        زيد: صح صح صدقتك ...بدليل إنك من سافرت ماإتصلت حتى لو دقه .... شكلك كنت ناسي الكل وعايش بالأحلام الورديه
                                        فهد: إيه أكيد *____O من يسمعك
                                        زيد: ليه عسى ماشر
                                        فهد: إلا إنت وينك
                                        زيد: أنا بالبيت
                                        فهد: خلاص عطني ساعه أغير ملابسي وأقضي مشوار ونتقابل في المقهى
                                        زيد: أنت رجعت
                                        فهد: ليه ماتدري
                                        زيد: لا محد قالي ومتى كان الوصول إنشاءالله
                                        فهد: البارح بالليل
                                        زيد: عجل راجع بدري .... وش عندك
                                        فهد: بعدين أقولك على رواقه
                                        زيد: خلاص أستناك
                                        قفلت من زيد لبست ملابسي وطلعت ...رايح للمستشفى ...
                                        وأنا في نص الطريق تذكرت إني ماأدري أي مستشفى...قيت على البيت ردت علي الوالده... سألتها عن المستشفى ورقم الغرفه ..
                                        وهي ماقصرت سألتني عن سمر ...وجلست تهاوشني لأني طلعت بدون فطور...
                                        وصلت للمستشفى ورحت طوالي للغرفه ... وأنا عند الباب تذكرت إن إيديني فاضيه ...
                                        يافشلتي وشلووووووووووووون أدخل كذا ... رجعت نزلت ورحت لمحل ورد وحلويات قبال المستشفى ... وماخليت شيء ماخميته وشريته وكتبتلهم رقم الغرفه عشان يوصلونه.....
                                        رجعت للغرفه ...طقيت الباب محد رد ..شكيت قلت يمكن نايمه ..
                                        ويوم دخلت مالقيت أحد ..تلفت يمين ..يسار محد ...توني أبطلع أسأل النيرسات إلي برا ...إلا والباب ينفتح وتدخل منه الجده على كرسي تدفها نيرس .... ومعاهم ...

                                        أصعب سؤال إلي جوابه للأسف مثله سؤال
                                        ماهو تفلسف إلا موقف صار وإسمع ثاني بيت
                                        البارحه يومه سأل وش ذكرك ذيك الليال
                                        كان الجواب وبكل بساطه من متى أصلا نسيت
                                        أدري بأن جمع الصعوبه والبساطه شيء محال
                                        لكنها صارت كذا وإلي أهم إني دريت
                                        إن الحياة ببعد احبابك إذا جف الوصال
                                        بتعيشها لوتقتنع إنك خلاص أصبحت ميت
                                        ياصاحبي لوكل شيء يمر بالخاطر يقال
                                        ماكانت العبره إتولجني ليا منك طريت
                                        شفني قدرت أحبس دموعي بس دمع القاف سال
                                        وياكبرها ساكت ولاكن داخل أوراقي بكيت
                                        عمر الحكي ماكان ذابل لإبتدت قولة تعال
                                        لجل إتجاهل رجفة إحروفي إلامني حكيت
                                        الحال في بعدك قسم بالله ماأسميه حال
                                        انوي على الضحكة واحس كلي خطا لأني نويت
                                        إتصور إنك من رحلت أشوفك لجسمي ظلال
                                        لاشفته امشي ببتعد وإثره معي مهما مشيت
                                        مدام يعني في بحرك لفرحتي مليون جال
                                        وشفيه موجك ماركد قربت اموت ومارسيت
                                        يرضيك ماعادت معي تفرق إذا جالك مجال
                                        لأني إقتنعت إنك نهايه وإني ببطي وماإبتديت
                                        صرت أعقد إحجاجي إذاجابوك بأطراف الجدال
                                        وأنا قبل لا قالوا إسمك كني ميت ثم حييت
                                        تعبت أعيش الدور وأفتح للمعابير الخيال
                                        وأتخيل إني جيت في بالك وإنك إستحيت
                                        إتردلي كلك وله وتقول كن البعد طال
                                        ومن الفرح ماعاتبك وأقول ياخي مابغيت
                                        حتى وأنا أتخيل ...حشمتك لأن قلبي لايزال
                                        يكرر إسمك داخل أعماقي بنبضه لاسهيت
                                        قلي شسوي فيك وإنت بداخلي أصدق مثال
                                        للحب وإحساس القصيد إن عانق الليل وسريت
                                        ربي يصبرني على الفرقى مدام الحال مال
                                        وإنت بيجيك يوم تعرف ليه في بعدك شكيت
                                        إذا بلاك الله وعذبك إشتياقك بس تعال
                                        وإقرى القصايد في غيابك كل إبوها بيت بيت
                                        إبتدري إن أصعب سؤال إلي يجي رده سؤال
                                        لا قلتلي وش ذكرك ثم قلتلك متى نسيت
                                        ((محمد الجارلله السهلي))

                                        كان عند الجده تصوير وأنا نزلت معها... أول مادخلنا مع الباب على طوووووول شلت الغشوه عن وجهي لأني كنت حرانه ...
                                        قدني واصله لنص الغرفه يوم أسمع أحد يتنحنح
                                        إحم إحم..
                                        إلتفت وأنا متروعه ... ويوم شفته كانت عيني بعيونه حسيت كأني تبنجت أحاول أحرك رجولي ماقدرت ...أبي أستوعب مش قادره ... كنت أحس بالدم يمشي حار بعروقي ... وتأكدت من الحراره إلي أحسها إن وجهي قلب طماطه من الإحراج والفشيله...
                                        المسكين من الإحراج نزل عيونه وأنا على طووووووول هجيت للحمام
                                        (( عزكم الله))
                                        دقايق مرت وأنا حابسه نفسي بالحمام
                                        متى ... متى رجعت..
                                        دم دم ددم دم دم ددم دم دم ددم دم دم ددم
                                        اه قلبي أحسه شوي وبينفجر من زود دقاته ..ياربي وشذا الفشيله ... الحمدلله إنه جاء لحاله أحسن ولا لوكانت مرته معه ..ياليلي كان ماعاد شافت رقعة وجهي من الإحراج >>> علينا ولا الغيره تلعب دور
                                        فهد
                                        كنت جالس على أعصابي من التوتر ... ماأدري أحس إني متلخبط .. وعقلي مو عندي أحسه واقف مثل البواب على باب الحمام..
                                        يعني إلى متى بتبقى بالحمام ..... الله كل ذا عشان شفت وجهها ..
                                        والله إنها مكبره الموضوع .. إلي يشوف تصرفها يقول هذي أول مره أنا أشوووووووفها ...
                                        .. طيب ياسوير والله ماأطلع لين ماأشوفك....
                                        ساره
                                        ماعاد لي عذر ...لازم أطلع ولا شبيقول عني ...
                                        طلعت وأنا رجل تسحب الثانيه ... طبعا بعد ماكممت نفسي يعني أتحدى لو حتى الحشره قدرت تلمح مني شيء... ((لثمه وفوقها شيله طبقتين وعفسه ))
                                        فهد
                                        أول مالمحتها جاني ضحك مو طبيعي... بس حاولت أكتم ضحكاتي عشان ماتنحرج زود ...
                                        والله من شاف شكلها قال محذرينها من الغازات إلي تنتشر بالحروووب
                                        ساره
                                        توجهت على طووووول لجدتي وسميه وجلست جنبها على الكنب وكان فهد جالس قبالي
                                        الجده وسميه: وش ذا إلي إنتي مسويته بعمرتس ... متقبعه بهالشيلة تقولين كاأنتس ساحرت(ن) بتطير ... وشييييييييييييييييييييييط
                                        سحبت الشيله من فوقاللثمه ...وخلت الشيله حول شعري بس مع لثمتي صار نص وجهي طالع... ((قلتلكم جده فرررررررررررررري))
                                        الجده وسميه: انا قلتلكم كم مره فهد منكم وفيكم يعني ماله داعي هالغطاوي ... قومي قهويه أشوف
                                        فهدبخاطره (( هههههههههههه أشكر فنك يمه محد ينفع لها إلا إنتي))
                                        ساره ((يافشلتيييييييي الله يهديك يمه لازم الإحراجات هذي... لاوتبيني أقهويه ... من وين ألقط وجهي انا عشان أقهويه ))
                                        قمت وانا أسحب خطواتي خذت الدله والفنجال ورحت صوبه .... صبيت القهوه وإيدي إتنافض واحاول مابين هالشيء عشان مايحس
                                        مديت يدي له بالفنجال وتوه بياخذه مني إلا وبالباب ينفتح
                                        ياويلي وين ارووووووووووووح وين انحاش النجده ... الفزعه الفزعه
                                        بندر هو إلي دخل وإلي من شاف ساره تقهوي فهد عيونه شوي وبتطلع من مكانها
                                        يمه عطيت فهد الفنجال وإنحشت عند امي وسميه .....
                                        لكن وين ياسوير دام بندر موجووووووووود

                                          تعليق

                                          السابق 1 2 3 4 5 6 7 8 template التالي

                                          google Ad Widget

                                          تقليص
                                          يعمل...