للناس فيما يكتبون أشياء تشد الإنتباه/وأنا على باب الكتابه مهجتي شديتها

**وزير السلطان** · 04-12-2012, 11:36 PM

رد: للناس فيما يكتبون أشياء تشد الإنتباه/وأنا على باب الكتابه مهجتي شديتها

بعض الناس ودك تبط فيه لين تعلمه كيف يتعامل مع الأخرين....مدري هو مايعرف يتعامل لسبب إنوه مالقى مين يعلمه
كيف يتعامل مع من هم حوله...أو شيء من هالقبيل....الناس ترى تتنفر من اللي إسلوبه جشع....يعني خلي عندك قابليه
كيف تستقبل الكلمه الحلوه...وكيف تسعد من هم حولك...وكيف تتعامل مع شخص قال لك كلمه حلوه...
يعني خليك حبيب الكل يحبوك....خليك مش ولابد...البعض بيهمشك تهميش...!!!
هالأخ راسلته كعادتي كل صباح على الناس اللي متواجده بالواتس...وشوفوا وش رده..!!
التطنيش إله مفعول قوي...لأن إسمه مشهور...ومميز مثل مايقولون خليته مطموس لمكانته الإعلاميه...!!

**وزير السلطان** · 05-12-2012, 12:17 AM

رد: للناس فيما يكتبون أشياء تشد الإنتباه/وأنا على باب الكتابه مهجتي شديتها

يمه .. أنا مالي بهالزرع مقيال ... يمه نعيم الكون ماهو بعيني
يمه رضيت بكل مايرضي الحال ... بس الزمن بالحيل يلوي يميني

نوخت فكري للتواضع ولا زال ... وجعلت في وكر الكرامه جبيني
ومديت كفيني عطا تشعل اشعال ... أصابعي شمع لمن هو يبيني

وجعلت في قلبي للأحباب منزال ... وسكنتهم رغم علي عاذليني
طبعي كذا ، ماخالطه خبث واهبال ... أشري الذي في خاطره يشتريني

يمه ، أنا في عالم الحب مرسال ... تكفين من نار العذاب ادركيني
كنت أذكر البسمه على شفاة الأطفال ... كانت تحرك كل الأفراح فيني

صمتي قتل في داخلي كل الامال ... وتبخرت أحلام أول تجيني
كنت أحسب الدنيا قصيدة وموال ... موالها حزن ، وفرحها هجيني

لكن نغمها ماطرالي على البال ... ان الليالي بطبعها تكتفيني
يمه ، جهلت اسنين ، وسنين أطوال ... أمشي وتصفق في هواها يديني

أطرد سراب وداخل الأرض زلزال ... اه الظما يقتل سنابل حنيني
يمه كفوف البرد ماتدفي الشال ... أرمي الزمان وبالحنان احضنيني

يمه شكيت ومابغيت أشكي الحال ... صوت انهتف في داخلي سامحيني

رائعه,,,للإستماع هون

**وزير السلطان** · 06-12-2012, 01:48 AM

رد: للناس فيما يكتبون أشياء تشد الإنتباه/وأنا على باب الكتابه مهجتي شديتها

من أجمل ماسمعت وقرأت...كل بيت أعتبره دره...

الابيات:

ناصر
الله يا زين الليالي كل ما نرجع ورا
شان الزمن ياهل ترى .. والا يا عالم وش جرى
لا طعم للضحكه ولا اللقمه ولا حتى الكرى
والعمر ينقص مثل ما تنقص ملذات الحياة

ما فيه صدر الا وفاح ولا كلام الا انحكى
واللي شكا واللي بكا .. واللي على الحزن اتكا
واللي خذا له بندق و دور خويه و ارتكى
حتى افلس وضاقت عليه الأرض من كل الجهات

حامد
كلن يجود بنيته ولكل مؤمن مانوى
الكره داء بلا دوى .. واصابعك ماهي سوى
العين تتبع ما هوت والقلب يتبع ما هوى
وان قوم الله القيامه نسأل الله الله الثبات

مايجرحك غير الصغير اللي يحسب انه عظيم
لاهو بشهم ولا كريم .. ولا سراط مستقيم
تعامله مثل الخوي ويعاملك مثل الخصيم
ان كانها من باب غيره ما يغار الا البنات

ناصر
إلا على طاري النسا .. قل للنسا عل وعسى
تذكرون اللي نسى .. وتدلهون اللي قسى
وإلى تردى بعضنا .. تكفون يا جمع النسا
اخذوا الغتر والثوب واعطونا الغطاوي والعباة

يمارس الهاوي هواه من المهد لين اللحد
حتى اكثر العالم جحد .. واصبح ماحد فاضي لاحد
من قدم السبت احسب انه دايما يلقى الأحد
لاواحلالاه سنتين من العصور الماضيات

حامد
صحيح لي قال المثل : ما كل حاجة بالفلوس
المال مايجمع نفوس .. ان عز روس يذل روس
من صار للدرهم قدر والناس تنداس وتدوس
جمع الرجال الاوفياء يغنيك عن جمع الفتات

اللي يحسب ان الرجوله فالشماغ وفي العقال
وبالضيق ماهو راس مال .. وما يعد من الرجال
هذا اللي لي من ثورت في راسه الطلقه حلال
الموت خير من الحياه اذا الحياء بالناس مات

ناصر
الفقر كرهنا بعضنا..والنبي منه استعاذ
وان ما لقى الطاير ملاذ .. العمر تاليه النفاذ
إلى اجدبت كف العزيز ولا غشاها الا الرذاذ
قل له عليك ان طعتني بالباقيات الصالحات

كن مبتسم واحذر يقال انه عبس والا بسر
حتى ولو جاك العسر.. تلقى مع العسر اليسر
اجبر خواطر وانتبه ينقال خاطرك انكسر
وارسم حلومك في البياض مربعات مربعات

حامد
ياكثر ما عبنا الزمن واثر الزمن مافيه عيب
إن عشت ذيب ومت ذيب .. وكل فعلك فعل طيب
خذها نصيحه من مجرب قبل لا تسأل طبيب
اذا عيون الناس باتت عين ربك ما تبات

الله عطاك الموهبه والله كريم اليا وهب
لو حكيهم يشعل لهب .. واقلامهم توزن ذهب
ماتبت ايدين النبي تبت يدين ابو لهب
اللي جمع شتاتهم يقدر يرجعهم شتات

ناصر
من هم بصعود الدرج .. لا يلتفت للي هرج
يصبر و لو حظه عرج .. والصبر مفتاح الفرج
وإن حس في صدره حرج .. والهم طول ما خرج
يجلس مع نفسه دقايق فوق سجادة صلاة

افتح عيونك للحياه أكثر وناظر في علو
لو عنك احبابك سلو .. و اعداك في كرهك غلو
والله لو تصنع من الليمون مشروب حلو
كان اكتشفت الوجه الأجمل للمحن والنايبات

حامد
ان صابك من النايبات المعضله خطب جلل
واجتاحتك موجة ملل .. وإغرورقت عينك بلل
يا عل كتف الصاحب اللي ما يشيلك للشلل
ولا بارك الله بالرفيق اللي يسوي هالسوات

حتى ولو تقدر تبوق الكحل من فوق الرموش
وتجري مثل جري الوحوش .. سواة رزقك ماتحوش
يعني بلا توفيق ربك لا تهوش ولا تنوش
يالادمي ما فات مات و كل ما هو ات.. ات

ناصر
الله على قدر النصيحة فى القديم من الزمن
كل إلى قالوا تمن .. قال أشري وصاه بثمن
واليوم الاباء قبل الابنا نصفهم ما ينضمن
وجدي على لقمان والا يا وجودي يا بركات

تشكي مشاعرنا الجفاف وكل صدر فيه خوف
أزمة ثقه وأزمة ظروف .. الكل منها ما يشوف
من كثر ما قل العدل ما عاد يرجون الضعوف
من بيت مال المسلمين اي صدقه واية زكاة

حامد
من عزه الله في ذرانا ذي فراش وذي غطا
نعطي ولا نرجي العطا .. ولا يجي منا الخطا
نصبر على مر الليالي لو يطول ابنا البطا
بعض الاوادم لو يموت من الفقر ما قال هات

ما يجتمع كف جواد ومدة متباهيه
خل الاوادم لاهيه .. واعط العطايا راهيه
ياتكرم الناس بشرفها , يا تغور بداهيه
لو صدق لك نيه تجود تجود لكن من سكات-

صوتيه هون

**وزير السلطان** · 08-12-2012, 07:40 PM

رد: للناس فيما يكتبون أشياء تشد الإنتباه/وأنا على باب الكتابه مهجتي شديتها

أحلى شيء
وإخيرا قرروا يسمحون به

Numberbook
برنامج النمبر بوك المعروف الان رسمي على الاب ستور ومجاني ولا يحتاج للجيل بريك ل #الايفون

‎Connecting to the App Store

https://t.co/ybWy2Kks

‎Connecting to Apple Music

ريتويت لغيرك

**وزير السلطان** · 09-12-2012, 02:13 AM

رد: للناس فيما يكتبون أشياء تشد الإنتباه/وأنا على باب الكتابه مهجتي شديتها

صحيح الحب الأعمى خالقه ربي بدون عيون
..............................................................لكني شايف اللي فيك يا خلي محببني

نزاهة روحك و ندرة وفاك وعرضك المصيون
..............................................................وطهارة قلبك وسطوة حلاك اللي معذبني

وذكاك ومنطق أسلوبك لا سولفت بغلا مجنون
..............................................................هذا غير الوصوف اللي مخبيها وتعجبني

أنا ما ودي أبحث في خبايا الشكل والمضمون
............................................................أقول المختصر .. كلك على بعضك تناسبني

أناظرك وتناظرني ونظرات العيون تمون
.............................................................لا قمت أسألك بعيوني .. وبعيونك تجاوبني

أحبك كثر ما قلبي يدق وخاطري مشحون
...............................................................وأحبك كثر ما طيفك على طاريك يجذبني

وأحبك كثر ما شابت من لحون الغرام لحون
..................................................................وأحبك كثر ما تقراني عيونك وتكتبني

رميت بفلسفة عشقك على سقراط وافلاطون
...................................................................ولا فكوا رموز في غرامك بيتها مبني !

تغيب ويمتلي صدري من الشوق ويضيق الكون
................................................................تقول أنك مع غيابك عن الدنيا مغيبني

أخذني معك يا سيد الحبايب لا تقول شلون
..................................................................على كف المحبه ودني في قلبك وجبني !

لا تتركني تحت رجوى وصالك والجفاء ملعون
...............................................................عقوبه .. مالي ومال العقوبه .. لا تعاقبني

للإستماع لها هنا إضغط على الأيقونه
v

**وزير السلطان** · 09-12-2012, 07:12 AM

رد: للناس فيما يكتبون أشياء تشد الإنتباه/وأنا على باب الكتابه مهجتي شديتها

لاحاجة لي في أولئك المتغطرسون الذين يبتاعون مركب الصداقه بذرة ملح....!!!
كم هو إحساس لايقدر بثمن حينما تجد من يحاول إنتهاض روحك....وتقوية دعائمها
حتى تكون روح شامخه ...شاهده للعيان...ودوما بالقرب منك...!!!
ف ياروح أصبحتي رهينة لمتابعتهم....ولو من خلف الستار...!
فكوني بالقرب منه....فهم بحق من يستحقك....

صباحكم أرق وأسعد....وأجمل...ايته الأرواح النقيه التي لايزال ذكراها
طاغي على كل من هم حولي....!!!
بقلمي :$

**وزير السلطان** · 09-12-2012, 10:40 PM

رد: للناس فيما يكتبون أشياء تشد الإنتباه/وأنا على باب الكتابه مهجتي شديتها

تعال اسكن وسط صدري وبدد وحشة الوجدان
===============اذا حسيت بالوحده تسلا رتب ضلوعي
تعال اسكن بصدر ماتمتع في دفأه أنسان
===============سوى اللي من عرفت وحبهم بالقلب مشروعي
اي والله اسكن بصدري وانتبه للقلب والشريان
=============== ماهو خوف عليه الا غلاكم فيه مزروعي
ياورد طايفي ياجوري مايزرعه لبنان
===============ياهتان الربيع المختلف بالكم والنوعي
لفا طيفك ولج بمنزلك يالغالي التحنان
===============عسى طيفك بشوفك ياشفاة الروح متبوعي
على وزن اليتيم اللي كتبته مامعاه اخوان
===============نويت اكتب مشاعر خاطر بالحيل مليوعي
على شأن الوحيد اللي ذنوبه مالها غفران
===============ذكرته مانسيته لو ذنوبه فيني تروعي
رقيق احساس والألماس منه يغار بالأثمان
===============كريم في شعوره بأتجاهي ماقطع جوعي
بخيل بالوصل للي تجرع منة الحرمان
===============تقبلت الكرم بس البخل ماهو من طبوعي
قبل كانت مشاعر داخليه ضامها الكتمان
===============على صدفه تفجر في حشاي وتوقد شموعي
هلا ياوردة في خاطري ماضمها البستان
===============اسج احيان لكن لو ذكرتك ضاعت سنوعي
هلا يالؤلؤ المكنون في المحار يالمرجان
===============هلا ياسر سجات الخيال وسبة فزوعي

للإستماع لها بشكل صوتي إضغط على البنر

**وزير السلطان** · 10-12-2012, 09:02 PM

رد: للناس فيما يكتبون أشياء تشد الإنتباه/وأنا على باب الكتابه مهجتي شديتها

وش فيها عينك صايره مثل ساهر
كل مانظرت عيني تبي تطقها فلاش
أثري سريع بعشقتك وإنت ماهر
ماتدري إني للجزاء دافع الكاش
قلبي وأبيات الهوى حب ظاهر
ومخالفة حب لغيرك على ماش
دخيل عينك ضمني وإنت ساهر
حبك يعيش وحب غيرك فلا عاش
(فارس الشايع)

**وزير السلطان** · 10-12-2012, 09:40 PM

رد: للناس فيما يكتبون أشياء تشد الإنتباه/وأنا على باب الكتابه مهجتي شديتها

ياسحايب نجد مري على بيتي وخذيني لديار بها النفس شغوفه
ترى الصدر أتعبه زحام الرياض وكثرة شوارعها
نبي ننتشي ريحة الندى اللي يذعذع من مزارع القصيم ومن سكنها
ونبي نشوف أخبار الخاله ريم والبندري ولطيفه
شكلي هالأسبوع بتلع الطسيم ...مين يحاويني....!!!

**وزير السلطان** · 12-12-2012, 12:46 AM

رد: للناس فيما يكتبون أشياء تشد الإنتباه/وأنا على باب الكتابه مهجتي شديتها

الحمدلله قلبي محسن النية دايم وأنا أعطي ولافكرت في ذاتي
...................................................................................أعامل الناس بإخلاص ومثالية وياكثر مأكتم عن المخلوق مشكاتي

ومن شافني قال ياسعده وياهنيه ماهو بداري عن همومي واهاتي
....................................................................................أشوم نفسي عن الزلات والسيه وأرفع عيوبي وأحاول أجمع شتاتي

وأحاسب النفس بالروحة وبالجية أخشى هوى النفس يلحقها ملاماتي
.....................................................................................وإن شفت ناس بنقل الهرج مبلية حمدت ربي على نعمة معافاتي

واليا طلبني رفيقي وانتخى فيه جيته من أقصى طويلة مسافاتي
..................................................................................وإن ضاق صدري و زادت بالحشى كيه سألت ربي يخفف من معاناتي

والنفس بالكون مأمورة ومنهيه ولابد ماقدر الرحمن مايأتي
............................................................................................ويالله ياعالم باللي قسم لي تغفر ذنوبي وتجبر كل عثراتي

للإستماع لها دبل كليك ع الصوره

للناس فيما يكتبون أشياء تشد الإنتباه/وأنا على باب الكتابه مهجتي شديتها

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget