للناس فيما يكتبون أشياء تشد الإنتباه/وأنا على باب الكتابه مهجتي شديتها

**وزير السلطان** · 22-08-2013, 02:41 AM

رد: للناس فيما يكتبون أشياء تشد الإنتباه/وأنا على باب الكتابه مهجتي شديتها

زواج ولد عمي يوم الجمعه هذه بالقصيم...الله يوفقه يارب وتيسر أمره...طبعا من كثر ماني بتمحمس لهاليوم
حسيت حالي إني أنا اللي بيتزوج مب ولد عمي....لدرجة أن سين من الناس...يقول ترى أدوختنا بهالزواج...
قلت عقبال مانفرح بيوم زواجك...ههههه....فإن شاءالله راح تمشي العائله الكريمه بكره..بإذن الله...تقريبا عقب العصر....
فاللي يبي شيء...من القصيم ....يوصيني....وخص نص بالفتره وقت مهرجان التمور...توه بادي بعنيزه...
وراح أحاول أني أوثق لكم تقارير....كثيره....على حسب البرامج اللي راح نسويها إن شاءالله....وبنزلها بعد رجعتي
زبدة الحديث...أنوه إذا فيه حد منكم خذا بخاطره علي...أنا أطلبه العفو والصفح....مايدري الأنسان وش بيلاقي في غدا...!!!
دعواتكم لنا بتسهيل الأمور والرجوع بالسلامه....يسعدكم ربي

على فكره زواج ولد عمي يوم الجمعه...ههههه أبي أهبل في سين من الناس
يبي يلزخن...ههههه

اللي في القصيم ويبي يحضر نتشرف بحضوره

**وزير السلطان** · 23-08-2013, 04:15 AM

رد: للناس فيما يكتبون أشياء تشد الإنتباه/وأنا على باب الكتابه مهجتي شديتها

صحيت اليوم ع ١١الصباح وفطرت وبعدين صليت الظهر .....ورجعت للبيت
وجلست أتصفح النت الين جت الساعه ٢مساء....قمنا وضبينا عفشنا بالموتر....وطلعنا....للبنك
وسويت بعض الإجراءات عندهم....ومن ثمن طلعنا للرومانسيه وذيك الغدوه اللي على قولتهم
شوي إلا نومه.....تعرفون عاد الا منك تغديت ذا البيشاور وعقبه صحن كنافه وختمتها بلبن
امبيه امبيه.....وخص نص ....نص تويس لباني.....امبيه خربنا كل انواع الريجيم....وحطمنا كل
الحميه....هههههه تقوله أمي أمس دابين بمفطح هذاك اللي صورته لكم بالإستديو....واليوم نص تيس!!؟
وش نسوي يايوما إذا مامتعنا أنفسنا وشلناها على كفوف الراحه من يبي يجي يمتعها....بنت جيراننا مثلا
ولا سواق جارنا أبو عبدالملك....!!
الموهيم مالكم طوله بالسالفه....مرينا على محل إسموه القهوه الثانيه وخذينا منوه ترمسيشن تشهويتن(ترمس شاهي)
بس ذا الفتره الله باليني بناسن كل هروجهم لازم يختمونها شن !!!!فصرت زيهم ههههه
الوكاد طلعنا ع خط القصيم ع الساعه خمس !!!!!
أبطأ سفره مرت علي بحياتي.....والسبب ذا الحريم الله يصلحهم.....كل وحده تبي لها غرض وهم اللي أخرونا
لكن توبه اني أخذ أحد معي مرتن ثانيه غير أمي وبس.....وزوجتي مستقبلا إن شاءالله...
وصلنا القصيم ع الساعه ثمان ونص ....إلا أخوي عازمنا بحديقه يقول مابي رسميات ابي تستنشقون هواء
ربي العليل....ونسمات الليل اللي تتغلل في صميم الشعيبات الهوائيه....لإنها خاليه من جميع الملوثات الإصطناعيه
وهذانا سامرين إلاىذيك السسياره تدق بوري حوالينا.....سيارة توصيل طلبات مطعم....إلا لنا وتيس كامل....!!!
الوالده زعلت منه......وش له تكلف على عمرك.....و......إلى اخره. فاليلي صار....شمرنا عن سواعدنا
وهاتك ياضرب بالخمس.....إلا الواحد فينا تطالع بعنونه....تشوف العداد يفر ولاتقدر تميز الأرقام.....هههههههه
وهذانا تونا قبل شوي راجعين وكل واحد فينا مستأجرن له حمالي يشيل بطنه عنه.....أستغفرالله العلي العظيم....
كل هالسوالف ع اساس اقول لكل الأخوه اذا تبي تسافر وتفل سفرتك لاتأخذ حريم معاك!!!!!

صباحكم رقه وإحساس وطيبه وتراي أمزح إلا خذوهن وإخزوا إبليس .....هم شقايقنا حتى لو إنهم إجهدونا حبتين
فهم أرواح وكل روح نفسها في شيء .....فخلوكم ناس تعينهم على نحقيق رغباتهم وأمنياتهم
يسعدكم ربي
قلم بدر بن محمد

**وزير السلطان** · 28-08-2013, 02:46 AM

رد: للناس فيما يكتبون أشياء تشد الإنتباه/وأنا على باب الكتابه مهجتي شديتها

من رجعت من القصيم...وأنا ماأشبع نوم....اليوم اربع وعشرين ساعه...أنوم منوه...ثمن تعش ساعه...!!!
جالسن أعوض الأيام اللي مضن...كان يمر اليوم مانمت فيه إلا ساعتين ثلاث...ماعلينا من هالحتسي...رجعت قبل شوي...وسويت لي تركش كوفي
رغم أن نفسي في قهوه أيطاليه أدمنت عليها بالقصيم...وخص نص قهوة بن...امبييه...بس ماتيسرت لي ....قلت العوض ولالقطيعه....
سويت فنجان ...بنزل لكم صورتها بعد شوي...فاللي صار ياطويلن الأعمار...إني وأنا أرتشف هالقهوه...مريت على باب شعر بتويتر عجبني بجد....وتذكرت
بوه موقف...مريت عليه ...والمؤكد أنوه الأغلبيه إن لم يكن الكل مر عليه...وهالبيت هو:-

بعلمك يا قلب واسمع مايلي :و بشرح الجمله على أبسط مثال
دام الشجر ثابت وراسه معتلي خل الذي ماطاله يدوس الظلال. ♡

فمن تقرأ هالبيت تفهم المعنى والمعنى ببطن الشاعر مثل مايقولون,,
في حياتنا ناس خل أسميهم أعداء النجاح...أو سوسة الحياه مثل ماني بسميهم....!!
ينخرون في أطراف حياتك نخر...الين تتكسر مجاديفك...وتصير بوسط البحر..ولا يتركونك.....ولاراح يرتاحون الين يشوفونك
ل بداري وين إتجاهاتك...!!
وهالأشخاص متى تعرفهم....إلا منك سويت لك عمل...ونجحت فيه...وأبدعت...تلقاهم...يطلعون لك فيه ألف خطأ...والف مشكله...!!
بينما هو خالي من العيوب...وممتاز بكل النواحي....لحدن يجي يقولي هذه وجهة نظرهم...على عيني ورأسي...بس واضحن...الفرق
بين وجهة النظر...وبين التحطيم....لاتظن يافلان ولاعلان أنك تب تحطمني...بهالكلمتين اللي ذبيتهم بطريقي...مادريت عنهم...ولاجبت لهم
خبر...!!!
سبب كتاباتي لهالمقال...هو لأنوه فيه ناس...قلوبهم مثل الزجاج...أي خدش بيبين فيها...فع هالأساس أقول لهم خلوا هالبيت اللي ذكرته
نصب أعينكم....ولا تلتفتوا لمثل هالعينات....لأنهم بختصار سوسة حياه...ومن النوع البيق....!!!
يسعدلي صباحكم...وجعله دوم من تفوق لتوفق....أخوكم /بدر بن محمد...

**وزير السلطان** · 30-08-2013, 02:30 AM

رد: للناس فيما يكتبون أشياء تشد الإنتباه/وأنا على باب الكتابه مهجتي شديتها

معقوله تغيب...وتتناسى كل شيء صار بيننا...!!
أنا لحد هالوقت أحس هاللي يصير حلم مب حقيقه...!!

**وزير السلطان** · 30-08-2013, 03:27 AM

رد: للناس فيما يكتبون أشياء تشد الإنتباه/وأنا على باب الكتابه مهجتي شديتها

**وزير السلطان** · 31-08-2013, 12:55 AM

رد: للناس فيما يكتبون أشياء تشد الإنتباه/وأنا على باب الكتابه مهجتي شديتها

ي لحظة التفكير والهم والطيش
ي اسئله ب قلبي ما لها إجابه
اسرح واغني ورا سارا .. ليش
ودنيا الهم ب قلبي لها رحابه

**وزير السلطان** · 01-09-2013, 06:05 AM

رد: للناس فيما يكتبون أشياء تشد الإنتباه/وأنا على باب الكتابه مهجتي شديتها

الأحد 25-10-1434ه

هذا التاريخ...له أثره في النفوس...إستطاع أن يثبت بصمته لدى غالبية شرائح المجتمع...كبيرهم وصغيرهم...!!
هاليوم مثل مايقول أخوي سوسو... {الله يالدنيا...اليوم ناس تستلم دروسها...وناس تستلم فلوسها...}ههه
الشوارع من حوالينا تعج بالزحام...لانسمع إلا أصوات أبواق المواصلات...الكل يرتدي ملابس الدراسه...بعد
أن إستمتع بمايقارب الثلاثة أشهر إجازه...أسأله سبحانه أن يبدأون عامهم الدراسي بكل حيويه ونشاط..
وأن يسهل عليهم طريقهم لنيل أعلى الدرجات...

صباحكم أسعد...وأنقى...

أترككم برعاية الله مع إرتشاف شاي الكرك ...

**وزير السلطان** · 05-09-2013, 07:12 AM

لنكن يد واحده ضد من يستهزئ بالدين

الأعداء...يتربصون بنا في كل مكان...وفي كل بقعه من بقع الأرض...ولايهدأ لهم بال أو يطيب لهم حال حتى يقوموا بفصل الدين عن قلوبنا...ذلك الدين الذي فطرنا عليه...
في صباح هذا اليوم وصلتني رساله...من أحد الأخوه...مضمونها كما هو في الصوره أدناه...أصبح يستهزئ بالدين...وبطريقه مبتكره...حيث يقومون بالضحك على الدين
والاستهزاء به عن طريق الطرائف والنكت...!!!
أرجوا من جميع الأخوه أن يكونوا عقول متفتحه....حتى لانسمح بتجاوز حدود الدين...!!!
حفط الله ديننا وأمننا...وأرواحنا...جميعا....صباحكم سعاده...

الحديث الصحيح

الموعد اليوم مع قصة خرجها البخاري ومسلم في صحيحهما .. عن أبي هريرة رضي الله عنه ، عن رسول الله صلى الله عليه وسلم قال :«غفر لامرأة مومسة مرت بكلب على رأس ركي ، يلهث ، وفي رواية (قد أدلع لسانه من العطش) ، كاد يقتله العطش ، فنزعت خفها ، فأوثقته بخمارها ، فنزعت له من الماء ، فسقته ، فغفر لها بذلك» .

**وزير السلطان** · 08-09-2013, 04:34 AM

رد: للناس فيما يكتبون أشياء تشد الإنتباه/وأنا على باب الكتابه مهجتي شديتها

لوالضحكةوالسعادةبوسط صندوق،بالمحيط بيني وبينه ألف ميل...ماستخسر إني أوصل له!!!
ﻷن نحن في أمس الحاجة لهذة السعادة>>وزير السلطان.

**وزير السلطان** · 11-09-2013, 08:33 AM

رد: للناس فيما يكتبون أشياء تشد الإنتباه/وأنا على باب الكتابه مهجتي شديتها

من أصعب الأمور اللي بنواجهها هي أنوه يطلب منا إبداء الرأي....فإذا أبدينا الرأي ...نواجه بزعل وإنتقاد مالوه لازمه...!!!
أحيانا نفكر نسكت أحسن على أساس ماحد يزعل...!!!
أو نبدي الرأي ونغلفه بالمجامله...!!
وهذا الحمدلله ماهو بمن طبعي...
أمس طلب مني أحد الأصحاب...إبداء الرأي تجاه رساله...كان ناوي يرسلها لصديق أخر...قلت له...أشوف ردك فيها قاسي...
حاول أنوه تكون لطيفه شوي...لأن هالدنيا يبي لي صبر وتأني وحكمه...!!
فهو فهمها أنوه يعني أنا اللي غلط...!!
وهو الصح...!
ياساتر ياليتني ماقلت شيء...وش فيك ثاير علي...طبعا من طبعي إذا شفت أحد ثاير بهالشكل...ع طول أسحب نفسي منوه
ولا أحاول أشد وأعطي معاه...أخليه يراجع نفسه...ويعرف جوانبه الصح من الخطأ..!!
صباحكم سعاده وراحة بال....صباحكم طمأنينه من الرب...

للناس فيما يكتبون أشياء تشد الإنتباه/وأنا على باب الكتابه مهجتي شديتها

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget