الشيخ : يعقوب تسمعني
يعقوب : ها وش قلت
الشيخ : لا انت مو وياي وين راح بالك
يعقوب : لا يا شيخ هذا انا وياك
الشيخ : كنت ابي اسألك وش تقرب لك البنت
يعقوب بخاطره : مو كأنه سيارة وليد وش جيبه هنا لازم يعرف حد هنا معارفك كثير يا ولد عمي لو ما اعرف انك تحب اتخاوي الناس ولا قلت انك هنا ببيت حنين هههههههههه وش فيني انا استجنيت خلنا ندخل احسن
كان باب البيت مفتوح وفيه اصوات في المجلس
يعقوب : اكيد كلهم هنا حياك الله يا شيخ تفضل
فتح يعقوب الباب للشيخ والشيخ دخل وسلم على الجماعة لكن يعقوب وينه كان جالس في الخارج يكلم تليفون
يعقوب : الجازي وش فيك تكلمي
الجازي : خلاص يا اخوي ما اقدر الحق علي يعقوب ان كنت تحبني تعال لي الحين
يعقوب :الحين انا في ملكة الحين
الجازي : هدهم وتعال يعقوب اسألك بأغلى ما في الكون أسألك بربي تعالي مو قادرة بنتحر يعقوب خلاص مو قادرة ((بأعلى صوتها )) يعقوب الحق علي
قفلت الخط وصوتها لازال يتردد في أذن يعقوب
يعقوب : اختي وش فيها الجازي وش فيها
طلع يعقوب ولادخل للجماعة يسلم عليهم حتى او يستأذن من الشيخ
في الطريق
يعقوب : الووووو
الشيخ : السلام عليكم
يعقوب : وعليكم السلام يا شيخ اعذرني واستسمح من الجماعة حصل لي ظرف طارئ ولازم اروح اسف يا شيخ وانت فيك البركة اعقد عليهم كنت اتمنى اكون شاهد لكن سبحان الله ربك مو امقدر هالشي
الشيخ : الله يستر عليك وما قصرت رايتك بيضاء مع السلامة تركد في لخط لا تسرع
يعقوب : ان شاء الله مع السلامة
ابو حنين : ها يا شيخ وين يعقوب
الشيخ : يعقوب يتعذر منكم حصل له ظرف طارئ ومشى
ابو حنين : ان شاء الله خير
الشيخ : خير ان شاء الله هو يبارك للمعرس ويبارك للمعرسة والحين وين الشهود
في امريكا على المركب
عقد قران معاذ وروز على ظهر المركب المأذون نزل من المركب والبقية تحركوا بالمركب
معاذ : ياهووووووووووووووووو مو مصدق فيه حد يضربني كف ممكن
كان الكل متجمع حول معاذ وروز
خليل : انا بضربك كف
طررررررررررررررررررررررراخ
معاذ اييييييييي
روز عصبت وقامت : خليل !!!!
خليل : والله انا عبد المأمور
معاذ : خلاص سويت احلى امنية عندي روز ادافع عني الله من زمان عن هذا
خليل : اقول تراني اغار بقوم عنكم
عبدالوهاب : أي والله الجو جو شاعري ولا يا مها
مها : أنت ابخص وين الهدية
عبدالوهاب : صح ذكرتيني ........((مد عبدالوهاب شيك لمعاذ )) تفضل معاذ هذي هدية زواجكم واعذرني ان ما شريت لك شي لأني ما اعرف البلد
معاذ : ايش هذا من جدك انت 20000 ريال كثير والله
عبدالوهاب : لا تزعلن منك هذي عشرة مني لك وعشرة من مها لروز وانتوا ما قصرتوا اهتمييتوا بولدنا في الغربة ولازم نرد شي من الدين
خليل : الله ليتني ارجع لأهلي ولا اقول لك خلاص بتم هنا تعالوا لي على طول وكل واحد يقول لي هالكلام الحلو لا تنسون بس حظه بعض الناس بيكسب فلوس كثيرة
الكل : ههههههههههههههههههه
كلن تفرق معاذ وروز مع بعض
مها وعبدالوهاب مع بعض
اسيل وعبدالعزيز مع بعض
لكن بقى هو لوحده في اخر المركب يشاهد البحر بقى لوحده يشكي للبحر همه وشوقه لمحبوبه
خليل والراحة امبينه على وجهه:
انقطع فكري وبنات فكري الا بك
ما ادري ليه انتي الوحيدة الي بوجهي
ما جيتي لا في الشروق ولا في الغروب
جيتي لما قلبي نشد عن شوقي وحنيني
اعذريني يا الغلا على الهجرو الجفا
اعذريني اني نسيتك دقايق او ثواني
اعذري قلبي لما نسى من بعرشه حوى
عاتبي روحي انقطع مرسالها بالوصالي
انقطع عني شوقي وحنيني وذكراك والهوا
من بعدها عشت في أدنى دنية بالدنيا
انشغلت بالمادة والتراب والمال الزوالي
ونسيت كم كنت اعاني الظمأ ولوعة القلبي
منيتي ابقى طول عمري وصورتك بعيني
تتبارك عيوني بحلاياك في اول اليومي
واغمض العين وتكونين اخرختام مسكي
منيتي اضمك وارتحل عن العالم برحالتي
اطوف الدنيا واتبهى باجمل نساء الكوني
كيف اضمك ترتعش يدي وينتفض جسمي
ما اصدق انك بقربي ما اصدق حتى لوقبلتي
اعذريني كنت جاهل بالي امتلكه بالحشا
عندي ريانة العود وصفها باهي الجمالي
غارت العواذل وتمنت حبي لها كالجازي
لا تهجريني حتى لو كان مني الهجروالجفا
ارسمك بريشة فنان الحب في لوحت سنيني
واجعل الواني هي حروف شوقي وحنيني
اكبرذنوبي اني سمحت لك دخول قلبي
شكلتي غرفه بألوان الحب وعطرتيها بطيبك
ذنبي اني ما كنت حجر صدك وردك عني
ذنبي اني كنت انتظرك تدقين باب فؤادي
دنيتي هي حروف عشقي اثقلتني اتعبتني
وريشة حبرها والوانها من دون كذب انتي
ظل خليل على حاله إلى ان رجع المركب للساحل من جديد . كفاه انه تذكر مهجة القلب الجازي.
توقف السيارة بشكل غير طبيعي ينم على ان صاحبها خايف وجاي بسرعة نزل يعقوب من السيارة متوجه للعمارة الي تقطنها الجازي
يعقوب : الله يستر اول مرة اشوف اختي بهذي الحالة وش بقول لحنين ......حنين لا خلاص ان شاء الله بتنساني بينسيها زوجها كل شي يكفي انهم متحابين
دخل يعقوب العمارة وركب المصعد الي بدوره وصله إلى شقة الجازي
الجازي كانت بغرفتها مستلقية عل السرير تصيح على حالها
اخترق سكون الصمت جرس الباب من اسمعته حست بأن فيه امل فيه امل انها تعيش من جديد حتى لو ما كان امل حتى لو كان وهم لازم تتعلق فيه من دون امل ووهم وش بيبقى لها اجل
تفتح الباب واول ما شافت الزاير احضنته ما خلته يدخل لا احضنته وهو برا الشقة
يعقوب : حبيبتي وش فيك ليه اتسوين في روحك كذا
الجازي : يعقبوب اذا تحبني لا تخليني هنا خذني معك رجعني بيتنا
يعقوب : جازي وليد سوى فيك شي
الجازي يمر شريط حياتها مع وليد بسرعة الطيف
الجازي بخاطرها : متى شفت منه خير متى حبني هو اساسا ولا عاملني على اني انسانة ضرب واهانات مالها اول ولا اخر وفي الأخير ربي يمنعني من احلى امل بحياتي بعيش له اني اكون ام استغفر الله العظيم وش اقول انا حسبي الله عليك يا وليد الي خليتني ما اعي أي شي يا رب خلني اشوف فيه يوم يارب .......... وش بقول ليعقوب اقول له ان وليد طقني او يسبني عشان انه ساتر علي اقول له اني عقيمة مين بيدافع عني بعدين من وليد بيقولون زين هو ساتر عليك لا خلاص ماني قايلة لأخوي شي وش اقول له
يعقوب يخترق الصمت الي بينهم : الجازي سمعتي وش قلت لك وليد سوى فيك شي
الجازي والدمعه على الخد تعلن ان ما فيه امل ولا وهم تعيش له لكن يبقى حلم بقظة يمكن تتعلق فيه : لا ماسوى فيني شي بس ان مزعجته خايفة هنا لوحدي ما اتعودت على الوحدة ووليد عارفه واحد ما يحب يجلس كثير في مكان واحد طلعاته كثيرة وانا لوحدي ابقى
يعقوب يمسح دمعة الجازي : حبيبتي ماني امصدقك باي تقولينه الي يسمع اتصالك يقول ان فيه شي ومستعجل بعد قولي لي انا اخوك سندك وظهرك
الجازي بخاطرها : خوفي ظهري ينكسر خليكم كذا عايشين على اني سعيدة اقلها اعرف انكم معي اما انكم تعرفون اني اني اني لا لا ماراح اقول خلكم كذا ما احب هالكلمة اكرها اكرها
يعقوب : حبيبتي فكي عني اشوي وقلطيني داخل ولا ما عندكم عصير اتضيفوني فيه
الجاز ي: اسفه كنت مشتاقة لك ونسيت كل شي تفضل يا اخوي البيت بيتك واحنا الخدم عندك وش تبي عصير توت فراولة رمان مانجا أي شي طب وتخير ولا اقول لك وش رايك نطلع نتعشى من زمان ما طلعت
يعقوب : تدرين صادقة خليني انسيك شي من الي فيك
الجازي : اتنسيني ماراح تقدر الي فيني ما يقدر حد يشفيه غير انسان المهم يله بروح اغير ملابسي وانت خذ جولة بالشقة اول مرة تدخلها حتى هدية الشقة ما عطيتنا
يعقوب : انا اعطيكم هدية انا طالب يعني زين اتكفيني المكافئة بس عشانك بجيب لكم احلى هدية بشري والحين عجلي لبسي ملابسك
راحت الجازي اتغير ملابسها ويعقوب جالس يشوف الشقة
ام حنين : لولولولولولوشششششششششششششششششش اللهم لك الحمد يا رب ان ابنيتي تزوجت اللهم لك الحمد
حنين والعبرة بعينها : فرحانة لي يمه جد فرحانة
ام حنين : أي يمه فرحانة ليتني دوم اشوف هالأبتسامة على وجهك ان ما فرحت لك بفرح لمين
حنين : اول مرة احس بجو العيلة اللهم لك الحمد يمه خلاص بجلس جنبكم
ام حنين : وشو لا لا ما ابيك خلك عند زوجك
حنين : مو توك فرحانة لي هههههههههههههههههه
ام حنين : تختبريني انتي لو وحدة مكانك كان الحين متلهفه لزوجها وينه عنك هو
ابو حنين : ها يا بنات
ام حنين : سم يا ابو حنين
ابوحنين : بو خالد يبي يشوف مرته ولا عندكم راي ثاني
ام حنين : لا حياه الله خله يتفضل مافيه حد غريب يا بنات الي تتغشى خل تتغشى واللي تبي تطلع تطلع وليد بيدخل زوج بنتي بيدخل
دخل وليد وجلس جنب حنين الفرحة مو سايعه الأثنين كل واحد فيهم فرحان اميته تحققت الحلم الي كانوا يحلمونه وتأملوا فيه خير تحقق وش يبون اكثر من كذا
وليد : حنين
حنين : لبيه يا عيون حنين
وليد : فرحانة
حنين : لا
وليد : كيف مو فرحانة وانا فرحان لأني جنبك اخيرا تحقق حلمي انك تكونين زوجتي
حنين : انا بموت من الفرحة مو امصدقه وليد حبيبي صار زوجي تذكر معي ايام الجامعة كيف كنا كيف كان حلمنا بالزواج الحمدلله ربي حقق حلمنا اه انتظرت هاليوم من زمان يا وليد .....وليد اوعدني
وليد : اوعدك بايش
حنين : انك ما تتخلى عني ابد وتحبني كثر حبي لك
وليد :تعالي عطيني مقدار حبك
حنين : شفت هالكرة الأرضية لو وزعت عليهم حبي يكفيهم يعمرون فيه طول عمرهم
وليد : ليتني مثلك احب او احب بمقدار حبك انا اناني ما احب غيرك يعني ما اقدر اوزع حبي لأحد
حنين : اكييييييييييييد حبك لي وحدي
وليد : حنين مانتي زعلانة ان ما فيه حد من اهلي هنا حضر زواجنا
حنين : انا شريتك انت مو اهلك واهلك لاحقين عليهم بنتعرف عليهم وراح اصبر لي انانتعرف على كل فرد من عليتكم ....تعال قول لي شفت يعقوب
وليد : أي يعقوب
حنين : أي جاب الشيخ
وليد : ما جاء حد مع الشيخ بس هو لوحده
حنين : وش فيك يعقوب
وليد : صبري تذكرت فيه واحد كلم الشيخ واعتذر منه قال جا له امر طائ ولا قدر يدخل اعتقد جا هنا بس توه بيدخل مشى ...بس تعالي من هذا يعقوب
حنين : يعقوب هذا شاب اصغر مني سوى لي خير كثير عند بعادك هو الي خلصني من الي يهددني

وليد : تدرين ودي اشكره لأنه هو السبب في تجمعنا هنا وينه بس
حنين : اعطيك رقم تليفونه بعدين بس والله خايفة وش فيه ان شاء الله بخير هو
وليد : ان شاء الله اقول مو كثرتي مدح فيه وخذتي قسط من قلبك له
حنين : انت تغار منه هو سبب سعادتي معك كيف تغار منه
وليد : انا اغار من ظلك الي دايم جنبك مو من يعقوب بس
حنين اخجلت هنا ونزلت راسها
وليد : الله وش كثر منتظر هاللحظة حنين
حنين : سم
وليد : احبك احبك احبك
حنين : وليد شوف العالم اطالعنا
وليد : ما يهمني حد الا انتي وحبك لي
حنين : انا مو هنا بقول لك بعدين بقول لك شعوري اتجاهك
وليد : اجل يالله خلينا نمشي ابي اسمع منك
حنين تمسك وليد الي كان من جده بيقوم : وليد اجلس لا تفشلنا خلنا نجلس اقلها ساعة شوف العالم اطلع
وليد : ما عليك منهم تخيلي ان ما فيه حد هنا
حنين : اجل انا اعشقك مو احبك
وليد : الله يخليك لي
حنين : امين
كملوا حنين ووليد ليلتهم ومن بعدها راحوا لشقتهم الي استأجرها وليد له ولحنين
يعقوب والجازي يتمشون على البحر بعد وجبة دسمة من مطعم هندي اسمه غازي
يعقوب : الجازي وش اخبار عمتي شيماء
الجازي : عمتي شيماء امممممممممممممم عمتي ولا بنت عمتي
يعقوب : الجازي دامك تفهميني ليه ما تسمعيني وتقولين لي اقول لك الي بقلبي
الجازي : متى انا شفتك عشان تقول لي كذا الحين خلاص بسمعك يكفي ارسم البسمة على شفاتك
يعقوب : اه من زمان ودي حد يسمعني والحين لقيته لقيتك الجازي اجل سمعي
الجازي : انا كلي لك بس تكلم
يعقوب : تعبت منها الجازي ما ادري وش فيها تدرين احس تكرهني احس انها ما تطيق تشوفني
الجازي : صبر صبر كيف عرفت
يعقوب : اكثر من موقف بين لي هالشي انه تكرهني او ما كانت تكرهني بس الحين تكرهني الجازي انا احبها ابي اتزوجها بس ما اقدر ارتبط بوحدة ما تحبني اخر مرة في المزرعة شفتها وشفت عينها مليانة كراهية علي تدرين كرهت نفسي ذاك اليوم كرهت اني موجود هناك بسببها
الجازي :حسبي الله عليك عنودوه خليتي اخوي يكره نفسه
يعقوب : لا الجازي الا العنود لا تقولين عليها شي ما ارضى عليها
الجازي : بعد كل هذا تحبها
يعقوب: ما كنت أأمن بمعنى الحب لكن ما ادر يوش جاني بسببها تدرين تدودهت لما شفتها احس بشي غريب اتجاه احس لة تطلب مني الكون كله راح اسعى لها اني اجيبه بس ابيها تطب وراح تشوف وش بسوي لها ما تدرين انتي وش معنى الحب الي بقلبي لها
الجازي : انا ما اعرف معنى الحب لو تسأل أي حد في الوجود ماراح يعطيك معنى الحب الحقيقي تدري وش معنى انك تحب انسان
يعقوب : ما ادري الي احس فيه شي غريب ومتأكد انه حب
الجازي: يعقوب تدري وش اعظم معاني الحب .................. انك تضحي بحبيك ان كانت مصلحته مع غيرك ان كانت سعادته مع غيرك هذي اعظم معاني الحب بنظري اهم شي حبيبي يكون سعيد وفرحان اما انا مو مهم كثر ما هو مهم
يعقوب : لا ما اقدر اضحي فيها مستحيل انا طماع اناني قولي الي تبين ما اني اهدها مستحيل مستحيل
الجازي : لا ان شاء الله ما تتفرقون وابشر بالمساعدات مني راح اخلي قلبها يحن عليك بس ها مو اتفشلني لازم تتزوجها وتخطبها خلك سبع مثل ادحيم مارضى ان حبيبته تطير من يده وخذ نورة
يعقوب : عبدالرحمن هذا شي ثاني تدرين من بعد العزى ما شفته وان شفته يتصصد عني ما يبييكلمني سعيت له بس هو مو راضي حتى استسمح منه
الجازي: يعقوب تحس انك خطيت عليه
يعقوب : مو الفكرة اني خطيت عليه ولا لا لو انا مكان عبدالرحمن وش بسوي غيران يبسوي نفس فعله وزيادة الي صار لبيت عمي مو سهل وخاصة عمتي وامي شيماء جاها شي ماهو بسيط تخيلي احد يطعن في شرفك وش بتسوين وش بيسوي ولدك للي يقول كذا لو حطينا روحنا مكان الغير قبل لا نحكم على أي شي كان انحلت كثير من القضايا
الجازي : لا تخاف يعقوب راح تتصالحون اضمن لك دام انت بهذا القلب بتتصالحون بس خل عبدالرحمن لوده هذي الأيام لا تقرب له هو يبي ينفرد بحاله يبي يكون قريب كثير لأهله
يعقوب : الجازي تظنين كل شي بيرجع زي ماكان واحسن
الجازي اتقرب للبحر اكثر وتوقف امقابله : راح نرجع مثل قبل واحسن بس لازم فيه تضحيات ولازم نكون احنا كلنا هنا مو واحد في غربة والثاني ما نشوفه لازم نكون هنا كلنا .....يعقوب اطلب منك طلب

يعقوب : انتي تامرين وش تبين
الجازي : كلم عمي عبدالوهاب ودي اكلمه, من سافر واحنا ما كلمناه ولا مرة
يعقوب : هذا الجوال وطلعناه من الجيب وهذا رقم عمي وش تبين بعد خذي كلميه وبعدها عطيني اياه
في امريكا كان عبدالوهاب ومها واسيل وخليل وبو سعود في المطعم يتعشون والمعرسين الوحدهم في الفندق
عبدالوهاب: مها خلاص عزمت انرجع ذكريات شهر البصل .... اوه قصدي العسل
مها : عشان ولد اخوك هنا تتريق علي بس ما تدري ان خليل ما يرضى علي
خليل : يعني انتي تطلبين العون ...بشري اسم يا عبدالوهاب ((عبد الوهاب يناظر خليل بقوة )) لا اطالع فيني جذيه مها زوجة عمي واعرف شي فيه ثنتين ما ارضى عليهم غير امي وجدتي زوجة عمي مها وو
عبدالوهاب : ومين قول ادري فيك جبان
خليل : لا مو جبان والجازي ما ارضى عليها هذولا الثنتين لا تجيسهم
تليفون عبدالوهاب يدق
عبدالوهاب يشوف الرقم : خليل ما تصدق مين الي على الخط
خليل قلبه يخفق بقوة : منو تكلم
خليل : يعقوب ولد عمك
خليل: بالله عليك يعقوب عمي خلني اكلمه قبلك خلني اسوي فيه مقلب
عبدالوهاب : مالي دخل ان زفك
خليل: فيه حد يقدر يزفني
فتح خليل الخط
الجازي من فرحها تتكلم بسرعة ولا معطية وقت للمقابل يرد الي تظنه عبدالوهاب
الجازي : الووووووووووووووووو السلام عليكم ورحمة الله وبركات ان كنا قاطعين لا تصيرون مثلنا ولا حنا ما نستاهل حد يكلمنا بس طلعنا اكرم منكم تدري وش كثر مشتاقة شوقي لكم ماله حدود شوقي لكم مثل المجرات يهيم شوقي لكم فطر قلبي نصفين والشوق يحرق كل من حب مثل هالقوم السنعين
خليل مو امصدق وبخاطره : هذي هذي الجازي نور العين الحمدلله ربي انك قدرتني اسمع صوتها الحمدلله احس انه بخير وفرحانه الحمدلله وش اقول لها وش اشكي لها هل يحق لي مالي دخل ابي اكلمها
عبدالوهاب : وش فيك ما ترد تكلم
الجازي : الوووو وش فيك ما ترد ولا مو قادر اتعبر عن المكنون
خليل بصوت واحد متلهف للمعشوق: وعليكم السلام ورحمة الله وبركات تعلمت القطاعة من ذيك الليلة لما عرفت ان طريق سعادتك مو معي مع غيري ولا لو الود ودي صرت النسم لك و صرت جنبك طول عمري لكن الاماني مو كل وقت معك ولا الشوق والحنين لكم ما يتركوني لحالي دقايق ان كان بالخواطر ذكرناك وان كان بالشعر رسمناك وخضنا معك بحور القوافي بس تدري الحمدلله انك بخير هذا اهم شي عرفته من نبرة صوتك ولا انا مو مهم اكون سعيد والأهم عنندي كونك سعيدة ................
دام السكوت وقت غير معروف لكن كل واحد منهم وده يتكلم مع الثاني المجتمع يرفض الأهل يرفضون الدين يرفض كلامهم لكن قلوبهم ما ارفضت أي كلمة
الجازي تجدد املها استعادة شي من احلامها الي مارا تتركها من جديد اعرفت ان فيه حد يهتم فيها ويتذكرها كل وقت سكرت الخط بكلماتها الأخير : اتمنى انك بخير و ان شاء الله ما تنسانا وترا البلاد مشتاقة لكم حيل رجعوا بأقرب وقت ترانا محتاجين لكم مع السلامة
خليل بخاطره :
اخر كلامها سلام عليكم
اخر كلامها ندى صافي من شفاتها
اخر كلامها امان بقلبي حوا
ومن بعده صار قلبي مطمئن لأحوالها
اخر كلامها عاد لي روح المل بقربها
عاد لي كل طموح انهزم بأول معركة من معارك حبي لها
انتهت كل الوساوس الي تبعدني عنها
وابتدأ حلمي بالرجوع للديار غانم ويكفي دياري انا
اوعدك يا مهجة الفؤاد والمنى
ان هذا اخر يوم لي في ديرة الكفار هذي
قلبي وروحي معكم ماراح اتفارقكم
وجسدي يسعى لأتمام كل ماجيت احققه هنا
امنتك الرحمن الي هو افضل من يؤتمن على كل البشر
مع السلامة
عبدالوهاب : وش فيك ساكت وين يعقوب
خليل : سكر الخط ما ادري وش فيه اكييد بيتصل مرة ثانية
يعقوب : وش اخبار عمي ان شاء الله بخير
الجازي : بألف عافية هو وبخير
يعقوب : الجازي كان خليتيني اكلمه
الجازي : اكيد بيتصل انتظر اتصاله
كل من الجازي وخليل تجدد شي في قلبهم هم بس الي يعرفونه ويدركونه غيرهم لا
بعد شهر من زواج معاذ وروز والوليد وحنين تجددت اشياء كثيرة وفيه اشياء لسه ما انحلت لازم تنحل وينتهي كل شي
في بيت خالد وفي الحديقة بالأخص كان فيه انسان منجذب للحديقة طول وقته فيها ما يفارقها واقف فيها يا يسقي الزرع او يزرع شتلة جديدة لكن كانت عين اتراقبه وهو يفعل كل هذا
نورة تشوف اخوها عمر من النافذة : وش فيه هذا امنقع هنا ما يغيب عنا الا وهو جالس هنا يا رب اخوي تغير علينا كلنا حتى انا ما اقدر اكلمه حتى ريم الي يحبها ما قام يروح لبيتهم ولا هم حتى يسألون عنه يارب وش صاير ........ جات له هي الوحيدةالي يتكلم معها ويضحك وياها مع اني اشوف بعينه الحزن واحس بهذا الشي
هيبة : نويررررر وش تسوين هنا مين تشوفين
نورة تحط يدها على قلبها : خرعتيني يعني مين بشوف جالسه اطالع اخوي عمر ما تحسين بالتغير الي فيه
هيبة تضحك وتجلس على السرير : مين الي ما تغير قولي لي الكل تغير الكل ما قام يتجمع حتى الشركةالي اتجمعهم خلاص بيفضونها وبعد كل هذا تقولين تغير عمر انتي تغيرتي علينا كلنا تدرين أي ما تغيروا ثنتين بس منال وانا احنا الوحيدتين الي لازلنا نتكلم مع بعض وما نقدر نتزاعل اكثر من ساعتين تدرين توني امسكره السماعة منها شفتي حالنا هو نفسه حالهم الكل يبي يتجمع لكنفيه حلقة مفقودة اوناقصةعشان نرجع مثل قبل تظنين بنرجع
نورة :أكيد بنرجع بس لازم راح نخسر حد احس بكذا
هيبة : الله يعين ........... نورة لحقي لحقي فيه حد يصارخ شنه حس جدتي
نورة وهيبة اركضوا لتحت ولازالوا يسمعون صوت الجوهرة وهي تصرخ
ادلخوا الغرفة الي تقطنها الجوهرة لقوا الغرفة ظلام والجوهرة اتصارخ خايفة من شي
يدخل عليهم عبدالله مسرع :وش صاير وش فيها جدتي
نورة : ما ادري تونا داخلين عليها وهي اتصارخ
هيبة : جدتي احنا هنا جدتي انا هيبة شوفيني بسم الله عليك بسم الله عليك نورة روحي جيبي لجدتي ماي بسرعة ما ادري وش فيها
راحت نورة تجيب الماي وهي في المطبخ اسمعت صوت همس وضحك
))يمه دخلت عليها ولبست عباة سوده مثل ما قلتي لي ربتها اول شي عشان ما تتحرك وبعدها جبت لها النار اخرعها فيها .. اتاريك مو سهل افرك شري من وين لك كل هذا اهم شي خوفتها مليت منها وجلستها عندنا ما بقى شي بعمرها خل ترح دار المسنين هناك يهتمون فيها اكثر منا حتى ان هناك ما فيه حد يخرعها هههههههههههههههه جد يمه ما فيه حد يخرعها مثل هنا المهم الخطوة الثانية ايش((
نورة تسمع الكلام والدمع على الخد وبخاطرها : هذا اخرتها جدتي تروح دار المسنين لا ويضحكون بعد بس والله لوريكم وتشوفون وش بسوي
جابت نورة الماي وشربوا الجوهرة بعدها ارتاحت
الجوهرة : الحمدلله شكله كابوس اعوذ بالله من الشيطان الرجيم والله بستجن كذا
هيبة : فيني ولا فيك جدتي لا تقولين كذا
عبدالله يحب راس جدته : الحمدلله انك بخير وعافية : الجوهرة متى جيت يا وليدي
عبدالله : والله تو حتى اني دخلت على صراخك تخرعت وجيت جنبك
الجوهرة : ليه تتخرع مو زين لك خل قلبك قوي خل التخرع لنا احنا خلاص ما بقى في عمرنا مثل مامضى
هيبة تحضن جدتها: لا يمه لا تقولين كذا ان شاء الله بتزوجيني وبتشوفين اعيالي
الجوهرة : ههههههه مستعيلة على الزواج انتي
هيبة : ان كان زواجي بيخليك جنبي اجل ماني مستعيلة لا تروحين جدتي انتي املنا هنا
اثناء حديثهم تدخل منيرة من دون عمر الي جلس بالزراعة
منيرة امعصبة : وش صاير ليه الصراخ
هيبة : يمه هذي جدتي شافت حلم يخوف وقامت متخرعة
منيرة : وانت متى جييت
عبدالله يقوم يسلم على امه يحب راسها
منيرة : توك تدري ان لك ام واول ما دخلت سلمت على بعض الناس وانا اخر وحدة
عبدالله : انتي ما شفتي الي شفته ولو انك شفتي كان عذرتيني حتى خواتي خافوا
منيرة : شفتي وش سويتي اليهال بيتخرعون بسبب احلامك الي تجيك ليه ما تقرين قران ليه ما تقولين الأذكار
الجوهرة : السموحة منكم والله مو بكيفي يا اعيالي والله غصب عني اتحلم
الجوهرة قامت : بروح للحمام وانتوا بكرامة
منيرة : هذه خلاص سويتيها وخلصنا وبتروحين الحمام عساك .....
نورة : عساها ايش
الجوهرة تطلع ودمعتها على الخد
نورة : وش فيك ما تدرين انها جدتنا ما تدرين انها كبيرة ولا مافيه احساس
منيرة : شب انتي يا ام السانين وليه شايلة معك مفرشك وبطنيتك
نورة : قررت انام مع جدتي عشان الأحلام الي هي قلة حيا ومافيها تربية ما تجيها بحميها منها
عبدالله : والله مو فاهم شي بس الي احس فيه ان فيه شي وتدرون ليتني جلست في العسكرية اريح جاي ابي ارتاح لقيت الراحة مو هنا
منيرة: روح من هنا وارجع للمكان الي كنت فيه اساسا مين قال لك ارجع
عبدالله والحزن اعتلاه : تدرين بقول لك شي انا عمري ما حسيت انك امي مع السلامة
طلع عبدالله وهو طالع شاف عمر : عمر كيف حالك
عمر يطالع فيه ووجهه شاحب وبعدها نزل راسه
عبدلله قرب لأخوه ومد يده له
عمر : ..................
عبدالله: وش فيك سلم علي
مد يده عمر وسلم على اخوه
عبدالله : وش اخبارك والله مشتاق لك
عمر : وش فيك بتطلع
عبدالله : ما اقدر اجلس هنا امي قالت لي كلام معناه اطلع من البيت والمشاكل الي هنا ما تخلي الواحد يرتاح هنا وانت كيف الأوضاع معك وكيف الجامعة
عمر : يعني بتتركوني لحالي هنا
عبدالله حس ان اخوه يبيه جنبه لكن عبدالله مو قادر يجلس
عبدالله :....................
عمر : لا تقول شي روح اساسا مين الي قال يبيك هنا اطلع بسرعة وجودك وعدمه نفس الشي وان فكرت مرة ثانية ترجع راجع روحك الف مرة
عبدالله : كذا اتكلم اخوك الأصغر منك توقعت بلقى منك النصيحة والعطف لكن انخدعت فيكم الله يعين خواتي وجدتي
طلع عبدالله من البيت ورجع للمكان الي جاء منه
عمر : مين قال اني ما نصحتك ولا عطفت عليك جلستك هنا بتذبحك مثلي السموحة منك اخوي
الجوهرة : ليه الكمبل هنا والفراش
نورة : والله يا جديدة قررت اجلس هنا معك بس عند المذاكرة بطلع فوق ولا ما تبيني هنا
الجوهرة : افا عليك ان كانت امك تبيعك انا اشتريك
منيرة : مين قال اني ابيها خذيها لك هذي طالعة عليكم انا عندي هيبة وعمر
هية : لا يمه ابي انام معهم
منيرة تشتاط غضب : حتى انتي روحي وياهم انا ولدي بس عمر
نورة بخاطرها : حتى عمر ما يبيك بس ما ادري وش فيه
الجوهرة : ذكري الله يا بنيتي ذول اعيالك
منيرة : سكتي انتي ولا تتكلمين سبب البلاوي الي تصير لنا من تحت راسك تدرين انا اكره وجودك هنا وإذا تبين قولي لولدك واشوفه وش بيسوي
الجوهرة : انا ما اخرب عش اعيالي الله يهديك يارب
منيرة : منك ما ابي دعاء خليه لك ولعيالك
اطلعت منيرة وجلست الجوهرة حزنانة
نورة : جديدة وين الأبتسامة الي عهدناها منك وين الأمل تدرين مشتاقة للقص مالتك عن اول جديدة عفية لا تزعليم من امي امي قلبها طيب بس ما ادري وش فيها هالأيام
الجوهرة : جد تبون قصة تراني من زمن ما قلت قصة
هيبة : الله قصة واقعية مو مثل القصص الي اقراها
نورة : ايه واقعية مو خيال بخيال مستحيل تحقيقه سمعي الحكمة هنا من جديدة

الجوهرة : بسم الله
كان فيه ابنية اسمها نورة من عايلة فقيرة يعني زين يلقون قوت يومهم كان ابوها حداد والفلوس الي تجيه حق اليوم اما بكرة فهو في علم الله كان طيب ابوها حتى اشتهر عنه دينه وعبادته مع مرور الأيام اكبرت نورة وصارت عروس وهنا شاع خبر وصول محمد للبلاد الي تعلم في الهند والقرية كان تامأمله عليه شي كبير ماقصر هو من خلال سفره تعلم اشياء كثيرة غير الي درسها عاد كل شي شافه في الهند سواء في الزراعة ولا النجارة والمواصلات علم فيه قريته وجاء اليوم الموعود الي اتلاقا فيه نورة ومحمد تلاقوا على البحر كانت نورة بعادتها تحب تجلس على البحر مع الصغار كانت تاخذها عذر تقول تبي اطلع البزران يتنفسون هواء وهي بدورها تلعب معهم جنب البحر وهم جنب البحر سوو لعبة الي هي احلى شكل من التراب الكل لعب وسو احلى شكل عنده ويوم خلصوا نادوا نورة الي كانت عند البحر تتأمل فيه نورة شافت شغلهم مجموعة سوت بيت مثل القصر ومجموعة سوت شكل هلال كان كل شكل احلى من الثاني عاد هي فوزتهم كلهم وارحوا لهذا وكملوا لعبهم ورجعت هي للبحر الي قربت الشمس على الغروب فيه وهي جالسة جات لها اختها الصغيرة تصيح أسألتها بعد ما جففت عينها من الدمع وش فيك قالت لها ان فيه رجال داس على شكلهم نورة هنا عصبت وقالت الا اوريه شغله كيف يخرب الي سوووه راحت له وكان هو محمد لكنها ماتعرفه وجلست اتصارخ عليه وتوقل له انت ما عندك رحمة كيف اتخرب شي سواه اطفال بريئين انت ما تستحي انت ما تشوف ما خلت له كلمة ينطقها وهو مو امصدق ان فيه حد يقدر يكلمه كذا لأن الكل يحترمه هنا هي بعد ما خلصت عطته نظرة غضب وراحت مع اليهال للبيت
مر اسبوع الى السالفة ونورة بطلت تروح للبحر من بعد ما سوا محمد فيها ذاك الموقف
اما محمد لا من بعد السالفة كان كل يوم يروح للبحر ينتظرها تجي او ينتظر واحد من اليهال الي شافهم يقول له مين هذي

وفي احد الأيام كنت نورة بالسوق مع امها يقضون للعيد وكان محمد مع امه بالسوق من لمحها وهو مو على بعضه ما ارتاح الا لما سأل امه عن نورة وعاد امه قالت له ميين هذي محمد ذاك اليوم من عرف بيتهم واسمهم وعايلتهم ما ارتاح إلا لما فاتح امه يموضوع نورة وانه يبيها زوجة له امه تعرف نورة واهلها تعرف معدنهم عشان كذا ما اعترضت لكنها قالت له ان اهله اولا فيه لو ياخذ من بنت عمه ولا خاله احسن هو رفض كلم ابوه وابوه هم قال له كلام امه لكنه اصر على رايه راحوا لبيت اهل نورة ليلة العيد عشان يخطبونها وفعلا اخطبوها بس نورة ما تدري وش صاير جات لها امها وخبرتها ان محمد الي متعلم جاي من الهند ويبي يتزوجك نورة ما صدقت تبي تعرف محمد من وين عرفها وكيف يبي يناسبنا وأهله عندهم خير واحنا على قد حالنا نورة ما اقدرت اتعارض الولد زين والكل يمدح فيه وجاء يوم زواجهم الي تمناه محمد ولما اختلى فيها نورة كان كل مناه انها تعرف مين محمد اول ما كنوا يخلون البنت تشوف زوجها الا عند ليلة العرس تدرون وش صار لما شافته نورة خافت من محمد خافت انه يبي ينتقم منها على الي سوته فيه نورة اتكلمه : انت الي ذاك اليوم صارخت عليك والحين تبي تعاقبني وتذلني كان قلت لي قبل وصارخت علي محمد كان ساكت ولا تكلم بكلمة ونورة كانت خايفة محمد رفع ايده كأنه بيضرب نورة كف وهي غطت وجها بيدها ما تقدر تشوف شي الحين مالقت الا ذيك اليد على راسها تمسح عليه نورة انتي ما تدرين وش سويتي فيني من ذاك اليوم وانا ادور عليك زهقت انطرك بالبحر فقدت الأمل تدرين خلاص كرهت كل شي بالدنيا وفقدت كل حماسي بالشغل لكن في يوم وانا بالسوق مع امي شفتك تخيلي حسيت ان روحي ارجعت لي اتريها كانت معك فاقدها انا سألت امي وخبرتني عنك وعن اهلك ومن بعدها اصريت اتزوجك وكاني هنا مع الي خشت قلبي من دون اذن وخذت روحي من دون أي استأذان حب محمد نورة على جبينها ولما شافته سوى كذا شالت يدها عن وجها وكانت الأبتسامة على شفاته امبينة عاشت نورة مع محمد سنين حلوة لكن كان يعكر على صفو هالسنين شي واحد انهم ساكنين مع عمام محمد ببيت واحد وفي يوم اتهمت نورة بالسرقة لأنها هي الفقيرة في البيت وهي الجديدة محمد حزن ان نورة هي الي سوت كذا الكل كان ضدها حتى هي صدقت هذا لكن ربك يحب الي يستاهل محبته محمد كشف السارق بالغلط لما سمع بنات عمه يضحكون في الليل على الي صار لنورة بسببهم هنا محمد عصب ولما جا اليوم الثاني جمع الكل وعلمهم مين الي سرق وقال لهم ان زوجته بريئة وشهد بنات عمه انهم هم السارقين وطلع الذهب المبيوق من غرفهم هنا نورة ارجعت لها كرامتها لكن لازال في قلبها جرح ماراح يندمل انها فقيرة والفقر مو عيب لكن الكل شك فيها حتى زوجها بسبب فقرها نورة تمت مع محمد الكل يشكر فيها ويمدح تفرقت العوايل وفتح محمد بيت وصار تاجر معروف والكل يمدح فيه ونورة كانت كريمة بطبعها ما يجب حد الا تعطيه ما تخلي حد في خاطره شي حتى الحرمة ان جاتها وامدحت ذهبها عطتها اياه بعد عمر اتعبت نورة وجاها القلب ولا اقدرت اتكمل مسيرتها مع محمد لأنها ماتت بسببب قلبها نورة ماتت صح لكن اعمالها حية الكل يذكرها بالخير والطيبة رغم ان الفلوس مو فلوسها الفلوس لزوجها لكن الكل يعرف انها تقدر تمنع الخير عن الناس محمد عانى كثير بحياته لين تزوج وحدة ثانية تعينه لين مماته لكنه بقوله مالقى مثل نورة ولا راح يلقى الا في الجنة بيشوفها.
هيبة كانت تصيح ونورة معاها تصيح
الجوهرة : ها اعجبتكم ولا لا
نورة قات حبة راس جدتها : جديدة ادعي لي اكون مثل نورة ابي صير زيها الناس تذكرني بالخير ابي لما اموت الكل يدعي لي ابي ربي يحبني اكيد ربي يحب نورة ابي اكون مثلها
هيبة : لا جدتي انا ادعي لي اكون مثلها
نورة : لا انا
هيبة : لا انا عفية جدتي انا
الجوهرة : يا رب اجعل نورة قدوة لبناتي نورة وهيبة وخلهم مثلها الناس تحبهم وانت تحبها
نورة + هيبة : امين امين
كملوا البنات جلستهم مع جدتهم إلين ناموا معها
في بيت ابراهيم الساعة 12 ليلا
كان الوضع مثل ما هو تعاسة وحزن لفقد احباب ولفقد ثقة كانت بينهم
ياسمين : العنود مو معقولة مافيه حل
العنود : صدقيني مو انا الي عندي الحل عند ابوي وامي
ياسمين : احس العالم كله تغير احس اني لوحدي العنود وينك عني
العنود : سامحيني ان جفيتك ولا ما رديت على اتصالاتك لكن الحال الي حنا فيها ما تسر لا عدو ولا حبيب
ياسمين : انزين طلعي من البيت معي غيري جو
العنود : لو بطلع بروح لناصر وهاجر
ياسمين : والله يسألون عنك دايم بس وانا اتعذر لهم بس كل شي له حد لازم تروحين لهم تدرين عنود تذكرت شي تذكرين الي كانت تتكلم عنه هاجر الرجال الي يجيهم ويساعدهم شفته امس عندهم توني جاية بجيب لهم عزبة الشهر الا هو كان داخل تبين الصدق ما قصر طلع ودخلت بس يا عنود لو تشوفينه ماشاء الله تبارك الله وسيم بمعنى كلمة وسيم
العنود : جاك شي بمخك انا في حال وانتي في حال
ياسمين : هذا جزاتي ابي اغير الجو عندك اشوي شكلك ما تبين اكلمك قولي
العنود : ايه ما ابيك اتكلميني فيك شي......
سكرت ياسمين الخط
العنود : وش فيك انتي انا ما ابيك اتكلميني انا ودي حد يخفف عني الي انا فيه وانتي تفقولين ياسمين ياسمين وينك اوففففففففففففففففف
ما تدري العنود ان ياسمين ازعلت وسكرت
شيماء كانت تمشي في ارض خضراء مروج وسهول خضراء كانت الشمس في احلا حلتها وكان الجو عليل كان المكان جنة الله في ارضه
اثناء سيرها كانت تسمع صوت كل ما تتقدم يزيد كان حس اطفال يلعبون ويمرحون فرحانين مع بعض
شيماء بخاطرها : وش حلو لعبهم ليتني العب وياهم ارجع ايام اول ودي اقرب زيادة
قربت شيماء والأطفال ما انتبهوا لها إلى الحين
شيماء تحط ايدها على صدرها وتنادي بصوت عالي : يمه جمانة ... جمانة ... جمانة انا امك
جمانة تلتفت لأمها وكانت فرحانة لكن من شافت امها عبس وجها وانحاشت مع الأطفال
شيماء : لا لا جمانة وقفي رجعي لي جمانة انا امك
الحقتهم شيماء في كل مكان روحون له ومن يشوفونها ينحاشون وهي صابرة تلحقهم إلى ان فاض كيل الأطفال
طفل من الأطفال : جمانة ترا تعبنة شوفي حل مع امك
جمانة : وش اسوي لها هي الي تلحقني ما تدري اني زعلانة منها
شيماء بخاطرها : وش سويت يا بنيتي عشان تزعلين مني انا الي فرحانة لشوفتك كذا اتقابليني
جمانة تبتعد عن الأطفال وتجلس لحالها في مرتفع جنبهم
شيماء اتقرب لها ولما كانت بجانبها قبلة راسها واجلست جنبها : يمه جمانة ما اشتقتي لي
جمانة : .......................
شيماء : وش في حبيبتي تغيرتي علي
جمانة : أسألي روحك من الي تغير
شيماء: اكييد انتي
جمانة : لا يمه انتي الي تغيرتي يمه ما خبرت انك ما تنفذين وصيتي صحيح هي على قدي بس ليه ما نفذتيه هذي حالتي كل يوم اجلس لحالي بس اليوم هو الي لعبت معهم ما ادري ليه لكن يمه انتي سبب توحدي لحالي
شيماء : يمه انا افديك بعمري قولي وش تبين قولي أي شي انفذه لك
جمانة تمسك ايد امها وتحطها على قلبها : اتعاهديني يمه اتعاهديني انك اتسوين الي اقوله لك
شيماء : ان ما نفذت لك انتي وصيتك لمين بنفذ
جمانة : يمه قلت لك قبل لا اموت رجعي مثل اول ابي بيتنا يكون مثل ما كان ابيه فرح وسرور الكل يتمنى يدخله ويستانس معنا يمه ابوي تعبان لحاله(( شيما تغير جهة وجها لضد جمانة ما تبيها اتشوف وجها )) يمكن هو غلط عليك لكن والله و يحبك ويتمنى رضاك انا متأكدة هو ينتظرك الحين ينتظر تفتحين الباب عليه يمه هذي وصيتي وان نفذتيها بفرح وبستانس مع الي كبري والحين ((قامت جمانة وقبلت راس امها )) يمه مع السلامة لا تنسين الي وصيتك ولا تنسين سلمي على ابوي واخواني انا احبكم كلكم صح خليل يمه خليل سلمي عليه كثير وقولي له اني احبه موووت وانتظره يجيني هنا في الجنة
راحت جمانة وكل ماله تبتعد شيماء ما حست ببنتها انها تبتعد كانت اتفكر انها اتنفذ وصية بنتها
شيماء تلتفت تبي تكلم جمانة لقتها بعدت وتشوفها رافعة ايدها وهي تبتسم لها
جمانة بصوت عالي : يمه لا تنسين ابوي
شيماء : لا حبيبتي مو ناسيته اهم شي انتي ترتاحين يمه البيت ظلم بدونك انا ابكيك ليل ونهار يمه خلاص روحي بصالح ابوك ان هذا بيفرحك من لي غيرك .
قامت شيماء من النوم ووجها كله نضارة وحيوية كانها بتدخل معركة مع نفسها والكرامة الي تدعيها تنفسها انها ضاعت
شيماء : لا بروح له وصالحه هذا زوجي بو عيالي حتى اني ما عزيته
في الغالية ....
كان ابراهيم بالفعل صاحي ما نام منسدح على السرير يقرا كتاب ويفكر في نفس الوقت يمكن ان عقله الباطن هو الي متحكم فيه حاليا
شيماء تطق الباب
ابراهيم : تفضل
ادخلت شيماء وكانت باهية الجمال تسبحت والبست احلى الثياب عندها بعدها تعطرت بأطيب العطور
ابراهيم لما شافها انبهر من جمالها الأخاذ
استعدل ابراهيم في جلسته وغير جهة وجه عكس جهة شيماء
شيماء واقفة وتتأمل المكان وبخاطرها : عادي صد عني بس لازم اصالحك انت لي وانا لك مهما يصير وجمانة وصتني وصيتها الي مستحيل اخلفها شيماء هذا زوجك يجبك لا يغرك صده تذكري كم هو ساعدك وعاونك وحبك و صار لك كل اهلك وناسك
شيماء تجمعت الدموع في عينها ولا اقدرت تصبر انطلقت لأبراهيم وهي تصيح واجلست جنب ارجوله الي كان ابراهيم يحاول يشيلها لكن شيماء ما سكتهم وتبكي جنبهم
شيماء بصوت حزن : ابراهيم سو الي تبي بس لا تهجرني ابراهيم اضربني شنع فيني سو أي شي يخطر ببالك تزوج علي خلاص تزوج بس ارضى علي وحن تراني من دونك ما اسوى انا جسد من دون روح وروحي عندك تحرسك من كل شر ابراهيم هذي العصا خذها طقني فيها خلاص انا ابي اراضيك تعبت من الفراق اعيالي اتعبوا الكل تعب بس لا تتركني
مدت شيماء العصا لأبراهيم الي خذها منها
شيماء بخاطرها : عاي خله يطقني اهم شي زوجي يرجع لي
رمى ابراهيم العصا بعيد وقام من مكانه ومسك شيماء من زنديها ورفعها يبي يشوف وجها
ابراهيم كانت الدموع بعينه كان يبكي رجل يبكي سبحان الله :شيماء كيف قدرتي اتسوين كذا فيني كيف قدرتي تبعدين عني كل هذي الفترة انا ظلمتك صح بس تعالي عاتبيني قولي لي أي شي هاوشيني طلبي الطلاق بس ليه سكتي سكوتك عذبني خلاني ما انام من ذاك اليوم صرت والليل خلان كل واحد يشكي للثاني همومه والليل ما قصر وياي سامرني مع انه جمادسمعي هذي اخر مرة تخاصميني وتخاصمين البيت وان قلتي مرة ثانية اتزوج عليك جد بضربك هالمرة ليت يدي انقصت لما مديت يدي عليك ليتها انمدت على غيرك أي وشك بينك وبيني عرفت اني كنت في خدعة من خدع زوجة اخوي خديجة قالت لي كل شي قالت انها هي أي قالت لها وانتي ماقلتي لها تدرين كنت غبي كيف اتوقع ان الماي يجلس جنب النار كنت غبي صق مو بس كذا تهورت واهدرت كرامتك شيماء
شيماء ترفع وجها لزوجها : نعم
ابراهيم يمسك ايد شيماء : شيماء لو تعزيني طقيني كف
شيماء : لا مو انا ال تضرب زوجها
ابراهيم : حياتي ان كنتي تعزيني طقيني ابيك تطقيني ابي اشعر بهدر كرامة ودي تطقيني قدام الكل ابي اكون متعادل معك شيماء لو تحبيني طقيني
شيماء اتنزل راسها بالأرض
عصب ابراهيم ومسك يدها وجلس يضرب روحه اكفوف بيدها إلا ان جفا على الأرض بين ارجولها : شيماء سامحيني شيماء اسف غلطت عليك وكنت ما استاهل الحياة بعد ذاك اليوم مافيه يوم شفت منك أي شر كل يوم اشوف فيك الخير وتكبرين بعيني حتى جيتك هنا كبرتي فيها كثير بعيني قولي سامحتك قولي ما اقدر اغفر لروحي
شيماء تمسح الدموع من عينه وخدها وتستنشق هواء جديد : حبيبي تدري مين قال لي اجي لك
ابراهيم يطالع شيماء والدموع بعينه : ....................
شيماء تخلي اصابعها تتخلل بين شعر ابراهيم : تدري مين الي خلاني اجيك
ابراهيم : لا من ..؟؟
شيماء : بنتنا جمانة شفتها بالنوم
ابراهيم : جمانة!!
شيماء : اول شي عظم الله اجرك ربي يخلف لك غيرها
ابراهيم : تو الناس شيماء
شيماء: لا عتاب على مامضى صح

ابراهيم : صح
شيماء : وصيتها قبل لا تتوفى كانت لي انا كانت تقول لي يمه رجعي للبيت ابي البيت مثل اول كله حب وسعادة يمه صالحي ابوي هو يحبك واكييد ينتظرك
ابراهيم " : غريبة اول مرة اسمع في هذي
شيماء: المفروض عبدالرحمن ولا العنود قالوا لك
ابراهيم: المفروض بس بيتنا جد تغير بعد جمانة
شيماء: جمانة اتسلم عليك سلام خاص
ابراهيم : الله يسلمها ويسلمك من كل شر
شيماء: والحين
ابراهيم : والحين سلمك ربي ابي اروي ظماي طول هالشهرين الي جفيتيني فيهم ولازم بعد
شيماء : لا باقي ناس ما قلنا لهم
ابراهيم : لا بكرة نتصل عليهم ونقول للعالم ان حنا نحب بعض او لا بكرة نطلع للعالم ونقول لقد نسينا الذي مضى
شيماء : لا مو هذا .... عبدالرحمن , العنود لازم نقول لهم الحين ,, تدري انا بروح لعبدالرحمن وانت للعنود
ابراهيم : ونجيبهم غرفة جمانة
شيماء بحزن : خلاص نجيبهم غرفة جمانة ويشوفونا هناك يله قوم
ابراهيم : سحبي يدي مو قادر اقوم
كان ابراهيم يدلع على شيماء وقام بعد ما اسحيته
طق طق طق
العنود بخطره : يماه منوا جاي الحين
ابراهيم : العنود انا ابوك
العنود كان هم من على صدرها طاح : الحمدلله,, تفضل يبه
دخل ابراهيم : العنود قومي ابيك ضروري
العنود : وش فيك يبه فيه حد صار له شي
ابراهيم : قومي انتي ومالك دخل
قامت العنود مع ابوها وراحوا لغرفة جمانة
في هذي الأثناء كانت شيماء داخل غرفة عبدالرحمن الي كان نايم
شيماء بهمس خفيف: عبدالرحمن
عبدالرحمن : ....................
شيماء تطبع قبلة على جبين عبدالرحمن : عبدالرحمن قوم
عبدالرحمن : اممممممممم
شيماء تطبع قبلة ثانية على جبينه
عبدالرحمن : انويرررررررررررر وينك من زمان
شيماء تبتسم : عبدالرحمن قوم انا امك
عبدالرحمن يفتح نصف عينه ولما شاف امه استعدل وقام
شيماء : قوم حبيبي ابيك
عبدالرحمن : يمه فيه شي
شيماء : مافيه الا كل خير قوم
قام عبدالرحمن وشيماء ماسكه ايده طول الوقت وراحوا للغرفة
العنود والدمع في عينه : ابوي وش فيك جايبني هنا
ابراهيم : بتعرفين بعد اشوي
العنود : ابوي قوم لأي غرفة الاهذي ان تبي اتكلمني هنا ما اقدر
ابرهيم : هذا الي ابيه انك ما تقدرين
عبدالرحمن وهو جاي مع امه : يمه الا هذي الغرفة ترا ما استحمل
شيماء : حتى انا بس لازم ادخل حبيبي
دخل عبدالرحمن ولما شاف ابوه والعنود استغرب : وش فيكم كلكم هنا
ابراهيم : تعال اجلس
الكل جلس مو عارف وش السالفة والكل يطالع الثاني
ادخلت شيماء وكان معها الجوال : السلام عليكم
الكل : وعليكم السلام
اجلست شيماء احذال ابراهيم
لما شاف عبدالرحمن هذا : يمه انتوا ........
العنود والدمع على خدها : مو مصدقة انتوا.....
شيماء تصيح : احنا ايش
ابراهيم : ايه احنا تصالحنا
عبدالرحمن رمى روحه على امه والعنود على ابوها
الكل كان يبكي يبكي دموع فرح تندمج مع دموع الحزن لجمانة اتوقع جمانة معهم بروحها وفرحانة
شيماء وهي حاضنة عبدالرحمن : ان تبون تشكرون شكروا اختكم جمانة هي سبب لمتكم الحين ..العنود اختك شفتها بالمنام فرحانة وتلعب ذكرتني بوصيتها ذاك اليوم ذكرتني اني لازم ارجع للبيت لازم يرجع بيتنا مثل قبل يمه عبدالرحمن اختك تسلم عليك ييمه كلكم جمانة تحبكم تقولي ناطرتكم في الجنة لا تصيفون ابي اروح لها ابراهيم ابي اروح لضناي
العنود تروح لأمها وتصيح : يمه لا تقولين كذا نبيك هنا جنبنا يمه شوفي وش صار للبيت شوفي عبدالرحمن شوفي ابوي شوفيني وجهنا شاحب يمه عفية لا تقولين كذا ابيك هنا مين بيعرسني مو انتي مين بيعرس اخوي عبدالرحمن مو انتي
شيماء تبتسم واطالع عبدالرحمن : عبدالرحمن لا عبدالرحمن خلاص عرسناه زينة البنات عطيناه النوري حتى في مانمه يحلم فيها ابراهيم قبل اشوي حبيته على جبينه تدرون وش قال ؟؟؟
عبدالرحمن يتوسل لأمه ويجلس تحت ارجوله : لا يمه لا تقولين بعدين يمسكونها علي عفية يمه
شيماء : خلاص مو قايلة بس يا ابراهيم عجل ولدك يبي يتزوج
ابرهيم يبشر وقريب زواجه وزواجه لما يرجع اخوه وهو في نفس الوقت يكون انتهى من الجامعة
عبدالرحمن : الله يسهل يا رب وبمناسبة اللمة هذي نبي انكلم خليل
شيماء : وانا ليه جايبة الجوال من زمان ما كلمته حبيبي
خذ عبدالرحمن الجوال وكلم اخوه
خليل كان للتو راجع من المطار الي ودع فيه عبدالوهاب ومها الحمدلله عبدالعزيز تشافى وارجعت يده للنمو
خليل يدق جواله

خليل : هذا وقته احد يدق جوال وانا اسوق بس مين تذكرنا في هالوقت
عبدالرحمن : الوووووووووووو
خليل : الو
عبدالرحمن بفرحة ولهفه : بو ابراهيم السلام عليكم
خليل مو مصدق عبدالرحمن يكلمه : بالله انت عبدالرحمن
عبدالرحمن : افا عليك انا بشحمه ولحمه ما ودك ترد السلام
خليل: وعليكم السلام ورحمة الله وبركات أخيرا حد تذكرنا
عبدالرحمن : افا بس حد كلنا تذكرنا وقلنا لازم انكلمك
خليل : منوا انتوا
العنود : السلام عليكم
خليل : عنود جد انتي عنود وش فيكم علي حياتي طلعتوني من العيلة ليه قطعتوني ولما اتصل ما احد يجاوبني اوه نسيت وعليكم السلام شخبارك حبيبتي وش اخبار ابوي عنود عفية وين امي ايبها
العنود : الله يعين كل هذي أسئلة انا الحمدلله وابوي الحمدلله وامي بالف عافية خذ كلم ابوي
ابراهيم : السلام عليكم بو ابراهيم
خليل : وعليكم السلام كيف حالك يبه وكيف اهلي كلهم بخير
ابراهيم : الحمدلله كلنا بخير ونستنا ردتك
خليل : هانت يبه انا اطبق الحين وبرجع خلاص بعد التطبيق بشهرين
ابراهيم : الحمدلله
خذت شيماء السماعة وقامت عنهم
خليل : الووووووووو الووووووووووو وش فيه لا يكون قطع
شيماء : هلا حبيبي
خليل : هلا بحياتي كلها هلا بالي ما غابت عن البال ثواني هلا بالي سيطرت على فؤادي بحسنها ودلالها والمعاني اسلام على اغلى واحلى ام في الدنيا السلام عليك يا لغالية
شيماء : كل هذا لي ترا اغار من نفسي
خليل : غاري يمه لك حق دام انا ولدك
شيماء : شان شذيه انت صح وعليكم السلام يا الي اخذت معك قلبي وخليتني هنا من دونه
خليل : يمه وينكم عني ليه قطعتوني حاسن فيه شي
شيماء : ما فيه الا كل خير وابلغك ترا سلام من وحدة تموت فيك وتتمنى رضاك وتوفيقك
خلي ل: الله المعجبات كثر
شيماء : ايه كثر الي تسلم عليك جمانة
الكل تفاجئ كيف شيماء بتقول لولدها كيف بتقول له ان جمانة توفت
خليل : لا لا لازم اكلمها
شيماء تصيح : لا ما تقدر مو هنا هي جالسة مع الصغار تلعب وفرحانة اهم شي اني بلغتك وصيتها لي بأني اسسلم عليك
خليل: يمه سلمي عليها وقولي لها اني جايب لها العاب كثيرة كل ما اشوف لعبة اشتريها لها وانتوا بعد شار يلكم بس مو كثر جمانة حبيها على خدها لا تنسين
شيماء : راح احبها تامر شي ثاني
خليل : ايه يمه ابي دعاك لي هذا اهم شي
شيماء : لا توصي حريص هذا شي من القلب دايم ذكره المهم حافظ على روحك وانتبه للمذاكرة مع السلامة
خليل : مع السلامة
شيماء : يله قوموا كل واحد على فراشه بكرة دوام وانتوا سهرانين لا تنسون بكرة بنروح الأحساء
عبدالرحمن : لا يمه مو رايحين
شيماء : حبيبي بنروح ان شاء الله والي في القلب لازم انصفيه قطعنا اهلنا كثير واهمهم جدتك وامي الجوهرة لازم نروح نشوفها
عبدالرحمن : يمه ماودي
شيماء : فيه اشياء يا ولدي ما ودنا فيها بس لازم انسويها
عبدالرحمن :خير ان شاء الله يله انا بروح اكمل نومي الي قطعتيه علي كان حلم والله حلو بس الحمدلله على كل شي
شيماء : في هذي حبيبي انا وياك
العنود : انا ما ابي اروح بجلس هنا وياكم
ابراهيم : اقول تراكم خليتوني اغار كل مرة امكم تقول لكم حبيبي ويا نظر عيني وانا على الرصيف شني
العنود : يمه بو خليل يغار حيلك فيه
شيماء : قومي انتي ومالك شغل
العنود بشري يا احلى ام في الدنيا
قبلة العنود امها وقامت
الحين شيماء وابراهيم لوحدهم
شيماء : وانت وش بتسوي
ابراهيم : وشو وانت منو انا
شيماء : انت الروح والفؤاد والجسد انت الي تسلطت على قلبي واحتويته انت الي من غيرك من اكون انا
ابراهيم : يا حليلي كل هذا لي
شيماء : عندي لك خبر حلو
ابراهيم: تدرين بخلد هاليوم هذا بحطه لنا يوم فرح وسعد
شيماء : وش دراك ان فيه فرح وسعد
ابراهيم: مو فاهمك
شيماء تاخذ يد ابراهيم وتحطها على بطنها
شيماء : فيه الي ينتظر يطلع على هالدنيا ويشوف امه وابوه واخوانه
ابراهيم : تتكلمني جد بعد كل هالعمر بيتجدد معنى الأبوة عندي بصير ابو من جديد لا خلاص اليوم هذا يوم بيت ابراهيم او يوم السعد والهناء
شيماء يله قوم الحين خلنا ننام
قام ابراهيم مع شيماء ابراهيم دخل الغرفة وشيماء راحت لغرفتهم
ابراهيم : وينك
شيماء : وش فيك
ابراهيم : وين رحتي
شيماء: انا في غرفتي
ابراهيم : تعالي خلاص ايام الشقا راحت
شيما ء: لا استحي
ابراهيم : تدرين انا ما استحي وما هو بكيفك خلاص ايام الزعل راحت وولت وانقضت وابتدأ عمر جديد لنا
شال ابراهيم شيماء وادخلوا غرفتهم
في نفس هالوقت كانت الجازي بالصالة اتشوف فلم في التلفزيون
وتوه الوليد داخل
الوليد : السلام عليكم
الجازي : ......................
الوليد : السلام عليكم
الجازي : ...........................
الوليد : هذي اخر مرة اقولها وان مارديتي بيجيك شي السلام عليكم
الجازي : ............ وعليكم السلام وش تبي ليه جاي اتفكر من الولها عليك واتفكر انت بهذي الطريقة عادل والله انك ما تعرف العدل جاي بس تنام هذا الي تعرفه فيني اتفكرني من دون روح مالي قلب يحس بس للنوم تجي روح يبه النفس طابت وعافتك
الوليد : جد ما تربيتي ولازم فيه من يربيك
الجازي : بتطق ترا جسمي تعود على الطق يقولون التعليم في الصغر كالنقش في الحجر وانا تعلمت منك على كبير اني ما احس بالطق اتقي اله هذا اللي تعرفه بس مو انت متعلم متخرج من احسن الجامعات تظن انك بهذا المستوى متعلم اتخسي تكون انت الي معه شهادة جامعية ليتها عند غيرك يكون ابرك
الوليد شال اعقاله : تدرين انتي مو من دون قلب انتي مو بنت مثل أي بنت انتي من دون رحم ما تجيبين اعيال انتي شاذة تعرفين شو معنى شاذة انتي حشرة ولا تستاهلين غير الضرب لين تستجنين وتموتين بعدها نرتاح منك
الجازي انهدرت كرامتها كثير لكن بذكر الحمل تحس انها شاذة مثل ما قال بدت الجازي تصيح : انت حيوان انت حيوان طلقني طلقني مابيك خلاص قول للعالم اني عقيمة قول لهم خلاص ما ابيك اتفوووووووووووووووه عليك يا لحيوان
ما قدر الوليد يكتم غضبه وانهال ضرب بالعقال على ظهر الجازي لين ما نست انها انسانة تتوسل فيه وهو ما يعرف احد حبت رجله انه يوقف ضرب مافيه فايدة يزيد في الضرب ويضحك يفكره عن جد حيوانه الجازي خلاص وقفت توسل يضرب فيها كأنها جثة ما تتحرك لكنها تضيح بدل الدمع دم
الوليد : هذا جزات الكلاب الي مثلك اتفوووووووه عليك
طلع وليد وسكرالباب وراه
والجازي طايحة على الأرض والدمع ينزل منها كأنها نار تشوي الخد
الجازي : يمممممممممممه يمممممممه
جلست على حالها إلى ان نامت
في اليوم التالي
شيماء تتصل على لينة
لينة : السلام عليكم
شيماء : وعليكم السلام والرحمة وش اخبارك
لينة : مين معي
شيماء : لينة انا
لينة شع وجها فرح : شيماء صح
شيماء : وهل يخفى القمر
لينة : من جد انتي شيماء
شيماء : الي يقول من زمان ما شفتوني
لينة : مو من زمان لا انا اول مرة اتعرف عليك اول مرة اشوفك من بعد غياب شهور لكنها دهور
شيماء : مشكورة حبيبتي المهم انا بنزل الأحساء لا تنسون تعالوا
لينة : الله من زمان عن الأحساء خلاص انتي بتروحين انا بروح مع السلامة خليني اكلم فيصل
شيماء : مع السلامة
في الجامعة
كان عبدالرحمن في المعمل على الكمبيوتر يشتغل يعقوب توه داخل المعمل شافه لكنه خايف من ردة الفعل
يعقوب بخاطره : لازم اكلمه واشوف حل عه مو عدله هذي نكون في جامعة وكل واحد زعلان من الثاني
راح يعقوب جهة عبدالرحمن وسلم عليه
يعقوب : السلام عليكم
عبدالرحمن التفت له وناظره نظرة كأنها نظرة أحتقار
يعقوب هنا ما هانت عليه نفسه توه بتكلم الا لقى عبدالرحمن يحضنه
عبدالرحمن : سامحني يا اخوي غلطت عليك كثير اعرف قلبك كبير وامساحني
يعقوب يبعد عبدالرحمن عنه انت من جدك عبدالرحمن لا مو انت يمكن كجسد بس نفس مستحي لوش غيرك
عبدالرحمن : يعني تبي ارجع مثل الأول خلاص برجع
يعقوب : لا يا معود خلك كذا وين عانيت عشان اشوفك كذا مثل اول الا احسن من اول جد وش غيرك
عبدالرحمن : بيتنا خلاص رجع مثل اول رجعنا يعقوب كلنا امي وابوي وانا والعنود
يعقوب حس بغصة بقلبه : الحمدلله اهم شي كلكم رجعتو تحبون بعض كما نشهد لكم كلنا
عبدالرحمن : الحمدلله المهم بننزل الأحساء لا تنسى انزل وجيب معك الجازي
يعقوب : ان شاء الله عبدالرحمن ابي اكلمك في موضوع
عبددالرحمن : وش فيك سم
يعقوب : عن اختك
عبدالرحمن : العنود صح ادري وش بتقول وفاهمك من زمان بس انت جبان وش اسوي فيك والحين مو هنا الموقع المناسب الي نتكلم فيه
يعقوب : طمني بس انت اموافق
عبدالرحمن : انا لا والله اصدق معك لا ماراح القى مثلك لأختي
يعقوب مو امصدق خبر فرح لدرجة انه حب راس عبدالرحمن من الفرحة
عبدالرحمن : وش فيك استجنيت
يعقوب : لسه ما شفت شي لو الكل وافق بيصير فيني شي كأنه حلم يقظة بيتحقق ما تدري وش كثر
عبدالرحمن : لا تقص لي قصة حياتك عندك اكلاس روح له مع السلامة
يعقوب : صج عندي محاضرة حسبي الله عليك اخرتني مع السلامة
راح يعقوب والأبتسامة بشفاته وعبدالرحمن فرحان لأخوه
في الأحساء
بعد صلاة العشاء
كان الكل متجمع في بيت الجوهرة
الكل ينتظر شيماء
الكل يبي يروي الظماء الي فيه لحبهم لها
عائشة : غادة ما تدرين وش كثر انا انتظر هاللحظة شوفي اوجيه الكل كلهم ينتظرون نفسي
كلهم ينتظرون عمتي شيماء
غادة : ان كانوا ينتظرون فأنا زيهم انتظرها تدرين اول ما كنت اقول لأي حرمة من حريم عمامي عمتي وانتي كنتي معي لكن خلاص بقولا هي بس عمتي
ابي ابصم شفاتي على خدها واقول لها عمتي بس متى بتجي
عائشة : تدرين حتى نواف بيجي من كثر ما قلت له عنها حبها ولما قلت انها بتجي الليلة لازم الا انه يجي
تدرين غرت على زوجي من عمتي
احس حبها اكثر مني
غادة: مين يسمع عنها ولا يحبها
عائشة : عادي يحبها ان كانت عمتي هي المحبوبة بس غيرها لا لا لا أغار
غادة : عائشة شوفي عمتي ليلى وريم شوفي لينة شوفي جدتي شوفي منيرة أحس انها متلهفا تبي تشوف وش صار بين عمي وعمتي
اه لو ما كانت حرمت عمي ولا كان صار شي ثاني
الكل ساكت ولا كلمة بينهم حدهم السلام اول ما جو لكن بعدها الكل سكت
علي يدخل الصالة بسرعة
وزين يلتقط انفاسه
علي : يمه يمه
قمر : يا عيون اموه وش فيك
علي : يمه عمتي شيماء اوصت
الكل قام من مكانه
كأن هذا هو الشي الي الكل ينتظره
قامت الجوهرة
وساعدتها لينة انها تقوم
وراحت للتهوية تبيهم يدخلون وتكون هي اول وحدة اتسلم عليهم
الحقوها البنات كلهم
الكل متجمع في التهوية ينتظرون شيماء تدخل
البنات ينتظرون العنود
نورة تنتظر عبدالرحمن
الرجال كانوا بالمجلس
اسمعوا صوت الحريم برا
يعقوب : اكيد عمي ابراهيم وصل الي الحريم برا
عمر : عمي ابراهيم اه من زمان ما سمعت اخبارهم
أحمد : اقول عمر انت الي من زمن ما سمعنا اخبارك
عمر : انا عايش ما عليكم مني
أحمد : اسفين يا لأخو على الأزعاج

عمر : لا اسف على واجب
علي : شباب عمي ابراهيم وصل والحريم كلهم برا ينتظرونهم يدخلون
أحمد : أخويه من قال لهم انه وصل
يدق علي صدره : انا وانا اخوك
أحمد : احلى خبر سمعناه منك
سلطان : شباب وش رايكم ودي اطلع ابي اشوف وش بيصير
حمدان : انا اقول لك وش بيصير اكيد بيصيحون بس تدري اثرت يا اخوي حب الفضول عندي قوموا نشوف
عبدالرحمن كان اول من راح يدخل
عبدالرحمن : شو هالصوت ازعاج مين جالس بالتهوية
دق عبدالرحمن الجرس
اول ما دق انفتح الباب له
دخل لرحمن وهو مستغرب وش صاير لقى الحريم كلهم بالتهوية والشباب جالسين هناك عند باب المجلس
عبدالرحمن بعلامات استغراب: بسم الله الرحمن الرحيم وش صاير
الكل : ههههههههههه
الجوهرة : هلا بولدي هلا بالغالي
عبدالرحمن حب راس جدته وابتسم لأبتسامتها ومن ثم ضمها
ليلى : احم احم
لينة : حتى انا احم احم
عبدالرحمن : يعني الكبيرة على الصغيرة اول
سلم عبدالرحمن على عماته وسلم على الحريم بالسلام عليكم
واثناء تجول عينه وابحارها على الحريم لقى صالته ووقفت عينه عن التجديف
لينة : عبدالرحمن .... دحومي الطريق مناك مو من هنا
نورة تشوفه بنص عين كانها ما تشوفه تبيه ينقهر
عبدالرحمن : اوريك انا مو الحين بعدين
لينة : بعدين ورها الحين روح
الشباب : الله لنا يا جديدة
الجوهرة : كلكم اعيالي بس البعيد نشتاق له كثير
وهم كذا تدخل شيماء مع ابراهيم
الكل يطالع دخولها
شيماء بخاطرها : الله كلهم ينتظروني ينتظروني انا وش سويت لهم عشان كل هالحب
بس لحين ما شافوا وجهي خل اشيل هالغطوة عني
شالت شيماء الغطوة
وطلع البدر الي ما يطلع الا مرة وحدة بالشهر
كانت الأبتسامة هي عنوانها
الكل فرح لهذي الأبتسامة
الجوهرة لمت بنتها
ومن بعدها جاو البنات يسلمون على شيماء
اللي في عينها الدمعة والي ما تقدر اتخبي شعورها وباحت لها عن حبها
)) فعلا لا نسوف في تبليغ حبنا لغيرنا ((
أبراهيم : كيف حالش يمه
الجوهرة : هلا بولدي هلا بحشاشة يوفي
سلم ابراهيم على الجوهرة
الجوهرة ما استحملت بكت فرح لولدها ولبنتها انهم ارجعوا مثل اول واحسن
ابراهيم : يمه لا تصيحين
شيماء تحضن امها : يمه مثل ا قال لك ابراهيم لا تصيحين هذا احنا هنا
الجوهرة تمسح دمعتها من عينها : شوف يا ابراهيم انت تسببت في قطيعتنا وأذيت بنتي ان جاها شي منك مرة ثانية انسى اني امك سمعت هذي بنتي ولا احد يسواها منكم
شيماء تنتظر رد زوجها الي كان كلام الجوهرة له للعلن من دون أي خصوصية
ابراهيم يروح لشيماء ويقبل راسها : حرام علي اني امد يدي او لساني عليك وان صار هالشي شفتي كيف لغاتك عند امي راح اكون بليا ....
شيماء تحط ايدها على فم ابراهيم : خلا ص انا سامحتك من زمان مو لازم للعتب
سكون بالمكان ما فيه ولا همسة الكل يشوف فيلم رومانسي او قصة خيالية
كسر الصمت شي واحد
شالت غطوتها من على وجها
العنود : السلام عليكم
العنود : اجل فاتتني المسرحية الرومانسية
الجوهرة تبتسم وتطق العنود بخفيف بعصاتها : انتي ما تيوزين من حشييك
العنود : اي انا وش سويت
ليلى : لا ما سويتي شي كسرتي اخر لقطة
العنود : ان اقول وش فيكم اجل شفرنا المحطة الي يبي يدفع فلوس
شيماء : العنود وين السلام
العنود : أي سلام انا دخلت وسلمت ولا احد رد السلام وبعدين خذوني شراع بلا مجداف
سلمت العنود على جدتها ومن ثم الباقي من الحريم
العنود : هلا هلا بنورة هلا بزوجة اخوي
نورة : سكتي فضحتينا
العنود تلم نورة
نورة تقرص العنود
العنود : اي وش فيكم اليوم تبون تطقوني بس
نورة : تستاهلين الي تقطع هذا جزاتها
الشباب كانوا هناك عند المجلس يشوفون الحريم من بعيد لكن ما يدرون وش صاير
يعقوب بخاطره : أكيد ذييك العنود مافي غيرها الي سوت هالربشة
عبدالرحمن : عمى بعينك وين حاطها
يعقوب : شباب شجلسكم هنا يله ندخل احسن
عبدالرحمن : ندخل ها اوريك انا
يعقوب انحاش من عبدالرحمن للداخل وبدا المزح الدفش نوعا ما
ابراهيم : بنجلس حنا هنا طول الوقت يله دلخوا داخل الرجال ينتظرون برا يبون يدخلون
الجوهرة : وانت صادق يا وليدي خلنا ندخل يله يا بنات بندخل
ابراهيم يمسك لينة وليلى : بنات شيماء بعيونكم ديروا بالكم عليها من أي حد ولا راح احدد من اقصد يأي حد
ليلى : ابشر يا اخوي شيماء بعيونا خلنا نلحق عليها
شيماء وهي في الطريق تعرف ان فيه عين اتراقبها
وكانت هالعين هي منيرة
شيماء بخاطرها : اعوذ بالله من الشيطان الرجيم اللهم اجعل من فوقي سدا ومن تحتي سدا وعن يميني سدا وعن شمالي سدا اللهم امين اللهم امين
وهي في الطريق تسمع كلمة اي
تلتفت
الا وتشوف منيرة تتحسس رجلها
شكله زجاج دخل في رجلها
شيماء : اللهم لك الحمد
الكل راح وخلا منيرة لوحدها
الا
الا
نورة اجلست مع امها
منيرة : وش جلسك انتي بعد روحي وياهم
نورة : يمه اشوف رجلك
منيرة :ما ابي شي من حد روحي وياهم ما ابيك هنا جنبي روحوا شبعوا من شيماء امكم
نورة : ماني رايحه بنتظرك لين تدخلين
منيرة : كيفك بطول
نورة : عادي الجو حلو الليلة
تجمعوا الرجال في المجلس
وجاهم نواف وفيصل كان موجود بعد
يعني العيلة كانت كلها متجمعة
الا
الا
الا
معروف مين
عند الساعة الثامنة
الجازي : وليد حسبي الله عليك ابي انزل الحسا
وليد : انطمي واحترمي روحك
الجازي : أحترم روحي تتوقع صار لي روح بعد ما تزوجتك انت سلبت كل لحظة حلوة في حياتي انتزعتهم وتبي احترم روحي ليه
ممكن تقولي لي ليه احترمك
احترمك على اسلوبك الي ما احد يساويك فيه
ولا على اخلاقك الحميدة
سهر في الليل
لا ونوم برا البيت ليالي كثيرة
امفكرت من وين اكل من وين اشرب
كل همك روحك
يا اخي حسبي الله عليك دنيا واخرة
الله لا يوفقك لا دنيا ولا اخرة
انت مو انسان انت حيوان
حيوان
حيوان
سكرت الجازي السماعة
الوليد : ههههههههههههههه
حنين مستغربة : الله يسعدك طول الأزمان
الوليد بخاطره : انا وين جالس وحدة تدعلي والثاني العكس تدعي علي
منوا الصح منوا الخطأ وانتي يالي تدعين لي لو اكتشفتي سري هل بتدعين لي اكيد لا عشان كذا ماراح اخلي حد يحاول يتشمت فيني انتوا عار على الأرض
حنين : وليد وش فيك
الوليد : لا بس كنت اضحك على وحدة تدعي علي
حنين : وحدة !!!!
الوليد " : ايه وحدة
حنين : انت وش فيك صاحي او مجنون
وليد تغيرت ملامحه للجد : احترمي نفسك وثمني كلامك لا تشوفين شي ما عمرك شفتيه
حنين : اجل عادي تقول في وجهي كلمة وحدة وان قلت لك انت صاحي تزعل نا ما عندي مشاعر ولا حس
الوليد : انتي كل المشاعر والأحاسيس بس لا تضايقين بشي ما يستاهل
حنين : خير بس راح اعرف من هي هالوحدة
الوليد : ماراح تقدرين
في الطيارة
مها : عبدالوهاب الحق علي
عبدالوهاب : وش فيك
مها : اسيل تصيح من أذانها
عبدالوهاب: هذا الي كنت خايف منه خذي هالكاسات وحطيها [اذونها وخليها تفتح وتسكر فمها]
أسيل والدمعة على خدها : بابا أذني اتعورني
عبدالوهاب : ان شاء الله بتطيب بس سوي مثل ما ماما تقول
أسيل : ان شاء الله
مها : ليه الحين بس عورتها اذنها ليه مو من قبل
عبدالوهاب : خلاص بتهبط الطيارة على مطار الرياض راح انغير الطيارة ولما تختلف الطبقات في الجو يسبب ضغط قوي على الأذان عاد فيه ناس مثل امورتنا ما يستحملون ماشاء الله عليه بو سعود نايم ولا حاس بشي
مها : قول ماشاء الله لا تنضل ولدي
عبدالوهاب: ماشاء الله تبارك الله طالع على ابوه
مها : لا لالالالالا
عبدالوهاب : وش فيك
مها : أخاف عليكم قول ماشاء الله لنفسك ما ينضل المال الا اصحابه
عبدالوهاب : ماشاء الله علي بعد تبين شي
مها : لا يعطيك العافية تدري اشتقت للحسا ابي اشوف البنات هناك
عبدالوها ب: وانا ما يكفي شوفتي
مها تحضن يد زوحها : انت غير حبيبي مهما كنت بقربك ما ارتوي بس لا تصير طماع لازم ابعد عنك اشوي عشان تشتاق لي
عبدالوهاب : مين قال لك انا مشتاق لك مشتاق تحضنين وها انتي حضنتي يدي بس ابي تحضنين جسمي كله
مها : طماع
عبدالوهاب : عادي طماع مستبد اناني بس اهم شي فيك انتي طماع
مها اخجلت ونزلت راسها
اسيل تنادي امها : ماما أذني
مها : حسبي الله على ابليس نساني بنتي
بعد العشاء اجلسوا الرجال يتقهووون
ويسولفون اشوي
فيصل : نواف متى العرس
نواف : قريب ان شاء الله بعطلة الصيف بأذن الله
فيصل : الله يعينا على الملابس والكوافيرا اثنين يعرسون والف يخسرون
خالد : اكيييد بس يستاهلون نواف وعائشة يستاهلون كل خير
نواف : تسلم يا عمي
عبدالرحمن : عمر
عمر : ...............
عبدالرحمن : عمر
عمر : ................
عمر بخاطره : وش تبون خلوني بحالي زين انا وياكم الحين الا تبوني اطلع
أحمد : عبدالرحمن ما فيه فايدة خله الولد معتفس
قام عمر من مكانه ودخل داخل البيت
عبدالرحمن بخاطره : مو هذا عمر الي اعرفه هذا غير
عمر يطق باب الصالة : امي .....امي
كانت منيرة داخل عند الحريم ما تسمع
وما كان قريب غير عائشة وريم جالسين مع بعض سوالف
عمر : امي
ريم بخاطرها : اه هذا عمر صوته هو عمر وش اسوي فيه حد يعلمني وش اسوي
عائشة : مين هذا
ريم : ما ادري
عمر : فيه حد هنا
عائشة : هلا عمر وش بغيت
عمر : ابي امي ممكن تنادينها
راحت عائشة اتنادي منيرة
ريم جالسة اتشاور روحها اتكلمه او لا
ريم : عمر
عمر قلبه كأنه بدأ ينبض من جديد
ريم : عمر ليه اتسوي كذا
عمر بدت ادموعه تسيل
ريم : عمر انا سويت لك شي امي سوت لك شي ليه هجرتنا كذا حتى ان ما احد يشوفك لا قريب ولا بعيد
عمر : ............
ريم : عمر جاوبني فيك شي انا ريم ما تذكرني ريم الي اتهاوشت مع اخوها بسببها ريم الي صارت لك مواقف معها كثيرة وتضحك ما تتذكرني
عمر : ريم ...انسيني انا مت ....انا مو عمراللي تعرفين انا تغيرت انتي يستاهلك واحد احسن مني مو انا
ريم : لا ما ابي ابيك انت
عمر :بس
منيرة : وش جالسة اتسوين انتي هنا ما تستحين انتي
ريم : عمتي انا
منيرة : عمتك في ضلوعك جالسة اتكلمين ولد وانتوا الوحدكم هنا
ريم قامت وهي تصيح وراحت داخل
منيرة : وانت وش تبي وش جابك هنا عند الحريم وبعدين الف مرة قلت لك لا تكلم ذول يكرهونك ما احد يحبك غيري
عمر : ادري يمه انتي اغلى ناسي وانتي الوحيدة الي تحبني
امي ابي ارتاح تعبت
منيرة : خلاص روح البيت واجلس بالحديقة اشوي وبترتاح
عمر : ان شاء الله مع السلامة
منيرة : مع السلامة
أدخلت منيرة عند الحريم ولقت ريم في الزاوية جالسة اتحاول اتوقف عبرتها
النساء كانوا متجمعين حول شيماء
منيرة بصوت عالي: ليلى
ليلى : سمي وش فيك
منيرة : انتي ما تعرفين اتربين بنتك
ليلى :قص بلسانك بلى لا تتكلمين على بنتي
منيرة : بنتك الي ادافعين عنها جالسة اتكلم ولدي عمر وهم الوحدهم
ريم هنا كانت خايفة الكل بيطالعها بنظرة سيئة
ريم راحت لأمها بسرعة ترتمي جنب ارجولها : يمه لا تصدقينها كذابة هذي كذابة
منيرة : انا كذابة يالي ما تربيتي جد ابوك ما عرف يربيك عائشة اعويش مو كانت جالسة اتكلم ولدي

منيرة : انا كذابة يالي ما تربيتي جد ابوك ما عرف يربيك عائشة اعويش مو كانت جالسة اتكلم ولدي
عائشة ساكتة والعيرة بعينها وبخاطرها : انا اشهد على حبيبتي ريم لا لا لا ما اقدر
ليلى ما انتظرت حد يتكلم امسكت بنتها وجرتها من شعرها برا الصالة
ريم وهي تصيح : يمه لا لا تصدقينه كذابة يمه انا بريئة يمه عمتي تكذب عليك
شيماء قامت
وخزت منيرة خزة خافت منها منيرة
شيماء : ليلى ليلى
ليلى : ارجوكم ما احد له خص فيني انا وبنتي هذي اهانت ابوها وهو ميت
ريم بخاطرها : انا اهنت ابوي انا اهين ابوي استاهل الضرب اجل
ريم : يمه طقيني طقيني ان كنت اهنت ابوي يمه حرام الي يصير انا مالي دخل
منيرة : تكذب
ليلى : حسبي الله على كل طاغية حسبي الله
منال كلمي اخوانك بنمشي مال قعدة هنا والشيطان هنا
منيرة : انتي مين تقصدين بالشيطان انا شيطان ولا انتوا الي تبون تسلبون ولدي مني وترسلين بنتك لولدي
الجوهرة تفتح ازرار قميصها : بس بس خلاص ذبحتينا حرام عليك
ليلى تهد ريم وتتجه لأمها بسرعة : يمه يمه وش فيك
لينة : وخروا عنها خلوها تشم هواء
ليلى تصيح : يمه صيري قوية يمه تنفسي زين
نورة : انتي ما تستحين انتي هذا الي تبينه
منيرة : شب عرفي مين اتكلمين
نورة : اعرف مين اكلم اكلم الشيطان الي فيك
شوفي جدتي وش صار لها وانتي السبب
منيرة : انا جد ما ربيتك يبي لك تربية تعالي هنا
في صخب هذي الأحداث كان عمر جالس بالزراعة يتنسم الهواء العليل :
ناشدتها يا غربتي
أو هكذا يجني الزمن
جنيت على نفسي
أمضي من ها هنا ومن ها هنا
جدفت بعيوني في مدى الأزمان والمكان
شمالا وجنوبا يتبعه شرق وغرب
واخيرا وقفت في قلب المكان
لا حياة لا ماء لا نبات ولا حتى هواءٍ عليل
بل هي صحراء مقفرة وصوت الهواء فيها مخيف
حزنت و اغرورقت عيناي بالدمع المحرق على الجبين
فصرت بين انهار دموعي اغرق وليتني اغرق
تنهدت عيني وكأن غصة أيقظتها من أحلام يقظة
وكان لسان حالها ترجمان
هذه صحراء الجفاء والهجران
كانت بالأمس جنة يملؤها الحُب والشوق والحنين والعشق للأرواح
جنتي في قلبي وروحي والوجدان
قفي!!!!!!
فقد تذكرت من خفقة واحدة ما كان من هيام
أشير بيدي هناك
هناك كان ورد الشوق أحمرا
وفي الزوايا ورد أبيض ٌ يدل على الصفاء
وهنا ورد العش ورديا
وكانت الغيرة متفرقة في كل مكان وكانت وردتها صفراء
بالورود خلدت اسمها في قلبي
بالورود رسمت اجمل لوحة رسام
شكلت اسمها بألوان الحب متفرقة
ولا يظهر إسمها إلا على ضوء القمر في الليل
أضيء شمع الأمل وتنتفض الورود وتتفتح
ويظهر لي اسمها واضحا للعيان
صغيرتي
صغيرتي
هو اسمك الذي احببت
قف!!!!!
صاحت بي عيني وترجمان لسانها يقول
أين هي
أين هي
أين من خلدتها بجنة قلبك
أين من كنت تزعم بفدائها بالروح قبل الأموال
أين هي
قد رحلت
قد مات الأمل بها
قد بكت حتى الممات
وذلك قبرها في تلك التلة
يشهد على كل ما كان
لقد هجرتها وجفيتها
ورحلت من دون سلام
بقت هنا واسقت الورود بطيب من ثغرها
لكن
الموت كان ذلك العنوان والباب
الذي هو هنا في قبرها
اًبحت ورودك ذابلة وبعدها ا ختفت
فأصبح قلبك صحراء موحشة صداها هو الحرمان طول الزمان

لا
لا
قفي ارحميني الا يوجد في قلبك ذرة من رحمة
جفى على الأرض عريان
تعرى من كل ما كان
وقال
قد اثقلت علي فماذا افعل وانا مكبل ومقيد بالجفاء
سقطمن بعد سقطة وسالت موع الكتمان
فقال مترجيا وعينه في ذلك المكان
مكان قبرها
عودي إلي
عودي إلي
واضرمي النار في قلبي وعيني
اشعلي لظى الأشواق فيني
قولي لها :
لا ترحميني
بل ارحميني
قولي لها عذبيه اجلديه أنبيه لا ترحميه
عودي إلي
وفكي قيودي وتكبيلي
عاتبيني جنيني
اجعلي خفقان قلبي يعود يتسارع ويخجل
قولي لها أسأليه لما قتلت حبي
قولي لها أسأليه لما يتمت حروفي
قولي لها أسأليهي لما قطعت عني القوافي والبحوري
دعيه يسكب الدمع ففيه يستعيد حروفي
ذكريني بما مضى وقضى
ذكريني بالأيام الخوالي
امطريني بلحظات الغرامي
وبثي الشوق في منعطفاتي وامحي به حزني والامي
أودعي لغات الحب في بنات افكاري
اشعلي نارك
وقيدي جناحيا بأرضك الأم
واهمسي لي بقول حبيبي
حينها سيضيء نور الحب من بين ضلوعي
سيرون جروحي وجروح حرفي
دعيهم يشاهدون كل حنيني وشوقي وما فعله حبك بفؤادي
ارجعي إلي لحن الوفاء
انشدي لي وغني الحان طفولة حبنا
وأشعري وقولي سحر البوح والخاطر
لازال بي صداء يسترجع
لازال يوجد امل للرجوع
لميني واحضنيني ودعي الحنان يصل
عبر جسدك لجسدي
فبهذا سيعود نبض فؤادي
وبعتابك واضرام النار
يثبت قلبي وتتفتح الورود من جديد
وأبقى معك فيما تبقى من عمري
واعيش معك اجمل لحظات الحياة
ظل يبكي ويبكي وينتحب ويشجو ويقول شعرا تتعذب له الجمادات قبل الأحياء
لكن حال الواقع يقول صحرائك خالية من الورود
لكن
هل
عيناه
قد كذبت بموتها
ام
انها
فعلا
كانت
بين
الأموات
الصوت وصل للرجال
ابراهيم : وش صاير
خالد: الله يستر ما فيه يوم يمر حلو علينا
دخل خالد مع ابراهيم
لقوا الجوهرة تعبانة والكل حولها
ومنيرة جالسة اصراخ مع امها
خالد : ها ها ها تغطوا
ليلى : تعال بسرعة خالد امي تعبانة
دخل خالد مع ابراهيم
خاد : وخروا عنها نورة جيبي دواء جدتك
نورة : ان شاء الله
ابراهيم : وش صاير وش فيها امي
ليلى اطلع منيرة
خالد :تكلمي ليلى وش صاير
منيرة : قولي وش صاير قولي
ليلى : خالد امي الحمدلله بخير بس عطوها دواها وان شاء الله بتتحسن ريم منال يله بنمشي مالي قعدة هنا لينة حطي بالك من امي
خالد : لا ما تروحين قولي لي وش صاير
ليلى : الي صار
الجوهرة : يمه خالد ما صار شي بس انا تعبانة وانتي ليلى روحي بيتكم
ليلى : حسبي الله عليها
اطلعت ليلى مع بناتها
خالد : منيرة وش صاير
منيرة : أسأل امك وش صار هي تقول ما صار شي خلاص ما صار شي
ابراهيم : امي تبين انوديك المستشفى
الجوهرة : لا خلوني هنا ما ابي اروح مكان حتى بيتك خالد ما ابي اروح بجلس هنا
خالد : براحتك يمه شوفي وين راحتك ونشتريها لك
الجوهرة : هذا العشم فيك والحين روحوا انتوا للمجلس خلاص مافيه شي
راحوا الرجال للمجلس والحريم اجلسوا كما كانوا لكن فيه شرار بين شيماء وليلى
العنود : يمه قومي من هنا خلينا نروح لبيتنا
شيماء : لا مو قايمة بجلس هنا
لينة : شيماء خل نروح بيتكم
شيماء : قلت لا بجلس هنا ما تفهمون
العنود: يمه بكيفك جلسي مكان الي تحبين
في الخبر
كان الوليد جالس في الصالة
اما حنين بغرفة النوم جالسة ادور على شي
حنين : وين حطه وين يا رب الملف هذا فيه سر ولازم اعرفه
اجلست ادور حنين وادور إلى ان هداها ربي إلى الكبت
حنين : ما فيه شي وين ادور بعد اخاف يطب علي
خلني ادور فوق الدولاب يمكن القاه
الحمدلله لقيته هذه الملف
الوليد : حنين وش فيك جالسة بالغرفة تعالي الصالة
حنين خافت وحطت الملف نفس مكانه
حنين : الحمدلله فكرته طب علي جيتك حبيبي بس اتزين جالسة
وليد : خير
اخذت حنين الملف مرة ثانية واتحته ولقت الي ما كانت تتوقعه ولا تتخيله واعرفت مين هي الوحدة الي كلمها وليد
لكن هي وش صار لها
حنين : الكلب المنافق الحقير خدعني انا اتسوي فيني كذا وش سويت لك تحكم علي بالعقم طول العمر
الوليد يدخل على حنين الغرفة وشافها جالسة على السرير تصيح
الوليد : وش فيك حنين وش صار
حنين : انت كلب انت المفروض من ضمن الموات انت ما تحس
وليد : علميني وش فيك
حنين تقط الملف في وجه وليد
وليد هنا فهم السالفة
الوليد : يالكلبة انتي كلبة صح انتي قليلة حياء عرفتي سري لكن راح اوريك تعالي هنا

الجزء الثامن والثلاثون – الأخير



تنتظر رحمة من السماء تنتظر رحمة من الخلق مافيه أي احد ينجدها من هذا الظالم الي رجع لها نظرة ان الممات افضل وسيلة للراحة
الدم على السرير وهي منسدحة تطلب منه الرحمة عليه وهو من دون رحمة كأنه لقى كبش فدى يقدر يفرغ كل همومه فيه
وليد وهو يضرب حنين : انتي جزاتك الموت كلكم جزاتكم الموت كلكم انجوس انتي تبين ادمريني عارف
حنين والدموع على الوجنتين تنهمر: وليد خلاص مو قادرة ارحمني احس بموت
وليد بغطرسة : ليتك تموتين وتاخذين معك سري للقبر
حنين كأنها لقت حبل تتعلق فيه : وليد خلاص طلقني وماراح احد يعرف صدقني
وليد غضب على كلامها: انا غبي اتفكريني انتي نجسة وانجس مخاليق الله ما نسيت فعايلك قبل الزواج تتوقعين اني نسيت لا انا اساسا ما تزوجتك الا عشان استر عليك
حنين ادافع عن شرفها : لعنة الله عليك تقول كذا عن زوجتك انا مو مثلك يا عقيم
وليد تتردد الكلمة على مسمعه الصدا يرجع لعليه الف مرة كره هالكلمة وكره كل من يقولها رح ايجيب اعقاله الي كان قريب منه وكمل ضربه بجسد هالمسكينة الي ماراح يرحمها
حنين تستنجد : وليد لا لا سامحني الا العقال وليد تذكر ايم حبنا تذكر كل شي جمعنا زين وليد انا حنين العقال لا لا اي وليد اي يمه بموت يألم وليد يألم
وليد :راح اعذبك زي مو انا متعذب الف مرة ان كان هذا يالمك فأنا ارتاجح اشوي انتي راح اتريحيني اتن ضربتك راح اشعر بالرجولة
تتخافت الأصوات بعد ربع ساعة من الصرب
وليد طلع من الشقة بعد ما قذفها بأقبح انواع السب والشتم
حنين تهذي بصوت خافت :
يمه
يمه
.
.
يمه
ايا يمه
ايا يمه
يمه انا بنتك
قطعه من قليبك
يمه انا بنتك
قطعه من قليبك
يمه انا ما اقوى
على ظلم الحياة ما اقوى
وين ما امشي اظل ابكي
وين ما امشي العالم ضدي
يمه تركتوني لحالي ابكي
واذرف احر دمعي
على جبيني الشاكي
مليت انا منكم
مليت حياتي
اضحكت لي الدنيا مرة
ومن بعدها كشرت بأنيابها الف مرة
اعاني الذل واسكت
واشوف الضيم واكتم
والحين كل الي بقى لي
لا ما بقى لي غير الامي
حتى هو غشني
ومن بعدها رماني بابشع المعاني
وما تركت في جسمي شبرا
ال او22قع عليه اكبر لعناته
يمه انا حبي
مات قدام عيني
حاربتكم لأجله
تحديت كل المخاليق بحبه
وكان اخر كلامه
انتي اكبر غلطة بحياتي
انتي اكبر غلطة بحياتي
انتي اكبر غلطة بحياتي
حنين وصوت تنهدات تقل وتقل اخر شي بأعلى صوتها: لالالالالالالالالالالالا
ماراح ارحمك والله ماراح ارحمك راح تشوف عذاب كل دمعة بعيني راح تتندم على ضربك لي واتهاماتك مو انا حنين الي تنظلم مو انا حنين الي الدنيا كلها ضدها حتى اهلي كانهم افتكوا مني بزواجي
يا رب مين بقى لي في الدنيا
مين بقى يسمع مني شكوى
مين بقى يحضني بصدره
كلهم ضدي
كلهم يكرهوني
كاني لعنة في حياتهم
كاني افة تمنوا نفيانها
يا ربي مين بقى لي
في هالدنيا غيرك انت
ما بقى لي
ارتجي فيك كل عونا
ارتجي فيك كل مطلب
ربي اني اعاني
من بطش الأعادي
من بطش اقرب خلاني
من بطش كل ناسي
ربي اني اذرف الدمعي
ومن بعجها اقول اهاتي
ولا احدا يسمع ولا احدا يهتم فيني
لكن ما اقول غير
ربي كفيلي
ربي كفيلي
يدوي صوت نغمة الجوال في الغرفة
حنين : فيه حد يبيني مين بقى لي من هالعالم غير ..... ما اصدق هو ايه هو يعقوب
يعقوب : السلام عليكم ورحمة الله
حنين بصوت يلتجي او يرتجي: يعقوب الحق علي يعقوب النذل طقني
يعقوب : حنين وش فيك فهميني بس اول شي قولي لا إله إلا الله
حنين تمسح الدمع من خدها وتقول لا اله الا الله
يعقوب : حنين ما توقعت اتصل عليك وانتي بهذي الحالة جيت بشكي لك او بفرحك ما ادري. اخر شي اشوفك بهذي الحالة
حنين : وليد
يعقوب : منو وليد
حنين : وليد زوجي
يعقوب : اسمه وليد :
حنين بغصة من قلبها: ايه حسبي الله عليه دنيا واخره يعقوب انا ابي اموت ما ابي اعيش هنا في عالمكم انا ما احب دنياكم مافيه حكم بتحليل الأنتحار ابي اموت ابي اموت
اجهشت بالبكاء من جديد
وسكرت التليفون بوجه يعقوب
يعقوب : الوووو
يعقوب بخاطره: وش فيه الزمن عليها ما تطلع من سالفة الا تدخل بسالفة ثانية
لا حول ولا قوة الا بالله يا رب ساعد اختي في بلواها
حنين تسمع رنات الجوال الي كانت من يعقوب لكنها ما رضت ترد ممكن الصمت يقدر يواسيها اكثر من أي مخلوق
في اليوم الثاني راح عبدالرحمن مع حمدان للمطار يستقبلون عبدالوهاب مع مها واسيل وعبدالعزيز
في الطريق
حمدان : وش خبار الجامعة
عبدالرحمن : ان شاء الله تسرك اعلومي الحمدلله خلاص بخلص باقي بس التطبيق وانا فيه الحين وبعدها فصل ادرس واتخرج
حمدان : الحمدلله
عبدالرحمن : وانت ان شاء الله تتخرج
حمدان : ربي يسمع منك ودي اتخرج مليت من الدراسة ابي اشتغل ابي احب ابي اتزوج زهقت من الدراسة
عبدالرحمن : الله الله
حمدان : أي والله جد زهقت تراني احب اني احب لكن لسه هالقلب ما احد طق بابه ولا شاف من تحتله
عبدالرحمن : كيف يعيش الأنسان من دون حب لازم بقلب كل واحد حب مو شرط حبه للحبيبة لكن فيه حب ماراح يتعوض ابد بالأنسان لأمه وابوه وخاصة امه ان راحت الأم تعرى البيت كله يغيب العطف والحنان ومن يلم العيلة
حمدان : عبدالرحمن حتى الأب ان راح راح السند والظهر والعون والي تتحامى فيه أسألني اهلي ضاقوا الكثير بعد وفاة ابوي حتى انا اهلي كانوا يبون عون بعد ابوي لكني كنت ضدهم كنت غايب الا كنت في عالم ثاني لكن الحمدلله الحين احسن بكثير والفضل لله ثم عمي بو راشد