الله يسلمك ويعافيك حبيبتي....
وان شاء الله انزلها لكم بسرعة لانها كاملة بس انتي ليش مستعجلة مليتي منها!!!()

مرحبا فيك خيتو....
ورايك على راسي وعيني وانا بالعكس احب اي انتقاد يوجه لي سواء بالسلب او الايجاب علشان اعرف عيوبي واتحاشها!!!
بس ماعرفت هي صارت بايخة من اي ناحية يعين؟؟؟؟يعني اي الاحداث اللي تحسينها خربت الرواية وماكان لازم انها تصير؟؟؟؟
وعلى قولتك شخصية فيصل بايخة ..فيصل ماهو مثالي يعني في النهاية هو بشر يغلط ويتصرف تصرفات لاتحتمل وتنرفز بس فيه مثله كثير موجودين بمجتمعنا ومانقدر ننكر!!!!
على العموم حبيبتي انا اسعدتني صراحتك ومازعلتني بالعكس انا قلت لك اني اتقبل كل الاراء الموجهة لي ..وفي النهاية الرواية ماخلصت يعني الحكم الاخير لازال قائما!!!

[SIZE="3"][COLOR="Purple"]بصراحة بصراحة انا دخلت وماكان ودي انزل لكم بارت !!!بس شفت تعليقاتكم وبردت قلبي وقلت حرام خلني انزل لهم بارت لو قصير يستاهلون حبايب قلبي وين ماكانوا يتابعوني..وياليت بعد تبردون قلبي بتعليقكم الحلو....
*******************************************************************
ابو فيصل/ان شاءالله بتكلميها؟
نوف امسكت التلفون ودقت الارقام بدون ماترد على احد وبعد مادقت الارقام لفت على ابوها....
نوف/انت مو رافض انك تردها!!خلاص انا بدق على اللي بيردها بدون مانترجاك يبو فيصل!!!!!
توه بيرد عليها سكت يوم سمعها تتكلم...
نوف/هلا فيصل.........مشغول..يعني كم عندك تسمعني.....طيب مو مشكلة تذكر يوم سعود يجي البارحة زعلان!!!!عرفنا ليش زعلان...وصال في بيت اهلها زعلانة......وابوي يقول مايبيها ترد وانت خبرك سعود مايعيش بدون وصال ويبون ينتظرونك تملك بعدين يروحون يصالحونها؟؟؟عاد ها الحكي يمشي يافيصل!!!!!خلاص حبيبي اول ماتجي نتفاهم بقوم ادق على سعود اشوفه وينه واذا صار عندك وقت كلمه تراه متضايق حيييل!!!!باي حبيبي.....
وقامت بكل ثقة وعلى وجها اكبر ابتسامة وواثقة ان وصال بترد بكلمة وحدة من فيصل.......
ابو فيصل/انتي على منو طالعة كذا!!!!!!
نوف بثقة/عليك يابو فيصل.....انت علمتني ماعتمد بس على القوي لازم اشوف مصالحي مع اللي اقوى من القوي نفسه!!!!!!!!!! وركبت وسط سكوت ابوها وامها ودهشة سلطان اللي كان يناظرها بنظرات غريبة ويقول في نفسه(الله عليك يانوف اللي تحبينه يطير فوق السحاب من كثر ماتريحينه!!!!!واللي تكرهينه يموت تحت رجلك الف مرة بدون ماتنزلين راسك وتشوفين شفيه!!!!!!!!!انا لازم اتقرب منها علشان اضمن وقفتها معي هاذي رضاها يسهل كل الامور؟؟؟)
////////////////////////////////////////////////
مسك خط الشرقية وهو حاس بنشوة في روحه صار له اسبوع كامل وهو في الشرقية واليوم بيرد الرياض لهم صحيح بيقعد يومين بس لكن ها اليومين بترد روحه فيهم بيشوف امه وابوه واخته الغالية الوحيدة لؤلؤة واخوه الكبير وقدوته في ها الدنيا خالد وعمه وعيال عمه اللي مثل اخوانه وجده وجدته وصراخهم اللي مايخلص.....واكيد الليلة بيشوفها.........ياكثر حبي لك ياليلة الخميس يللي تجمعيني في ظلها وتخليني اهيم فوق السحاب............
////////////////////////////////////
هند/شفيك لسه متضايقة؟
العنود/...........
هند/عنود انا ماحب اشوفك كذا؟!!!
العنود/والله انكم غريبين حياتي بين يديهم يسيرونها مثل مايبون واتبوني اكون بوضعي الطبيعي!!!!
هند/انا عارفة انك في موقف ماتنحسدين عليه بس صحتك اهم من كل شي!!!!!!!!!
العنود/انا مو عارفة شبيصير في حياتي ياهند!!!!!!!
هند/اجيب لك شي تاكلينه؟
العنود/مو مشتهية شي!!!
هند/بس مايصير يالعنود زعلك وضيقك بياثرون سلبا على صحتك!!!
العنود/انا ابيهم ياْثرون !!ابي اروح المستشفى !!ابي ابعد عن جو البيت الكئيب!!!صرت اكره ها البيت ياهند فاهمتني اكرهه!!!!من بعد ماكنت مو عارفة شلون اطلع منه صرت انتظر اليوم اللي اطلع منه ومارد له مرة ثانية؟؟؟؟
هند/اول مرة اشوفك تتكلمين بالطريقة هاذي يالعنود!!!!
العنود/خالي...والله توقعتها من كل البشر مو منه ياهند..صدمتي فيه كبيرة؟
هند/دنيا ملايانة عجايب ياعمر كل ماعشتي فيها كل ماشفتي الهم!!!!!!
دخلت ام الوليد...../شلونكم بنات...
العنود/.............
هند/هلا خالتي انتي كيفك؟
ام الوليد/انا جاية اتطمن عليكم!!
العنود/........
هند/توي كنت بنزل اقعد معك...
ام الوليد/والله يابنيتي كان نزلتي وليد مدري وينه فيه من امس طلع من البيت ونايم مع مشعل ولارجع دقيت له مرتين مامنه خبر ورسل لاخته مسج يقول انه بينام في بيت خاله......
هند/يغير جو ياخالتي ماعنده احد هنا؟
ام الوليد/الا قولي قالب علي ومايبي يكلمني؟
هند/لا خالتي وليد عاقل بس تلاقينه شوية طيش في راسه وبينتهي!!!
ام الوليد/عنود اجيب لك شي تاكلينه يمه...
العنود بدون نفس/لامابي...
ام الوليد/بس مايصير يايمه انتي ماكليتي شي من يومين يادوبك تنقرين مثل العصافير وهذا مو زين لصحتك!!!
هند/والله ياخالتي انا عجزت معها ماهي راضية بس وين مو علي انا بنزل اشوف لها شي تاكله وانتي خليك معها...وقامت وطلعت من الغرفة..لانها حاسة ان العنود زعلانة من امها مووت....
ام الوليد/عنود يمه شفيك؟
العنود بصوت باكي/سلامة عمرك يمه شبيكون فيني؟
ام الوليد/يايمه انتي ليش مزعلة نفسك محمد وماصار لك نصيب معه خلاص نصيبك بيكون مع فيصل؟
العنود/لان السالفة بسيطة كذا يمه!!!!!
ام الوليد/يايمه منهي اللي تقول مابي فيصل ها!!!!شفيه عودته بالله مزيون وكل العذارى تبيه؟
العنود/يمه انتي من صدقك موافقة !!!!!!!
ام الوليد/وليش ماوافق بالله؟؟؟؟؟
العنود/يمه انتوا قلتوا لي محمد يبيك مو فيصل؟
ام الوليد/محمد كان اللحين خلاص انتهت سالفته خلينا في فيصل وبس!!!
العنود/شقال لك خالي يمه علشان تقتنعين!!!!!!نفس الكلام اللي قال لي اياه!!!
ام الوليد/عنود خالك كان معصب يوم قال لك ها الكلام...
العنود/لايمه ماكان معصب ابدا..ولاتقعدين تدافعين عنه.....
ام لوليد/يمه خلاص..انسي كل شي وفكري في فيصل كيف تكسبينه وتحنني قلبه عليك وتميلين لعندك..تراه حبوب وطيوب بس مايبين مشاعره بسهولة.....
العنود قامت تبكي/يمه حرام والله حرام .....مانتوا فاهميني ولابتفهموني بعد ..صايرة في يدينكم مثل اللعبة تتلاعبونها........
///////////////////////////////////////////////
على صلاة المغرب دخل البيت وكان هادى جدا ممايعني ان ماحد اليوم جا البيت قبل الموعد اللي متعودين عليه...بس لقى لؤلؤة ماسكة جوالها وتكلم وتقدم عندها.....
لؤلؤة كانت عاطيته ضهرها وهي تكلم.....
لؤلؤة/خالتي وين نوف؟
وقف قلبه,,,نوف..اي والله وقتها هذا اول مارجع اسمع اسمها.....
لؤلؤة/هلا فيك...تصوري اليوم شلقيت في ملزمتي ؟........لا تذكرين صورك اللي في استديو.........اي والله العظيم شفتهم انا ووضيحي ..اقول لها انا نسيت سالفتهم وهي ماذكرتني فيهم...جهزتهم وخليتهم في اول درج علشان مانساهم يوم السبت.............
يوم سمع انهم في اول درج قال شيوقفني هنا خلني اروح الحق قبل لاتشيلهم لؤلؤة...وراح ركيض لغرفتها ودعى ربه ان لؤلؤة ماقفلتها وحمد ربه ان ماحد شافه وهو داخل .....
فتح غرفتها ودخل ووقف قدام مكتبها وفتح درجها باصابع مرتجفة......لقى ملزمة باسم اخته ووقف قلبه....اللحين اذا فتح الملزمة بيشوف صور نوف!!!!!خل ياخذ الملزمة بكبرها عنده في الغرفة.....وشال الملزمة..بس بعدين غير رايه ورجع الملزمة وشال الظرف اللي داخلها بس وسكر الدرج وراح غرفته وقفلها........!!!!!!!!
/////////////////////////////////////////////////////
تركي/شلونك اليوم؟
ليالي/بخير...
تركي/واعصابك اليوم هدت شوي...
ليالي/الحمد لله...
تركي/والعنود كيفها اليوم؟
ليالي/ان شاءالله بخير....
تركي/مارحتوا لها تشوفونها؟
ليالي/والله بعد شوي بنروح بييت خالتي بس هند نايمة معها من البارح..
تركي/ليش مانتوا رايحين بيت العامري؟
ليالي/لا ماتوقع امي متضايقة من موقف جدي وماتبي تروح...وبعدين هي ماتبي تشوف محمد تحس ان خاطرها بينكسر عليه...
تركي/..كل شي قسمة ونصيب ياعمري....
ليالي/ليش تقول ان انا عمرك..؟
تركي/لانك ببساطة عمري.....
ليالي/.....................
تركي/ماتبين تعرفين شسمي؟
ليالي/لا.ابيك تكون غامض بالنسبة لي!!
تركي/ليش؟؟؟
ليالي/اذا عرفت اسمك عرفتك معناته كل ماشفتك واقف مع احد دق قلبي .....
تركي/هههه خله يدق قلبك وشفيها؟
ليالي/فيها ان قلوبنا اذ حبت وتولعت مو مثل قلوبكم يالرجال احنا نموت علشان الحب الف مرة في اليوم!!!!!!!
تركي/طلعتي خطيرة والله؟؟؟؟؟؟
ليالي/لا مو خطيرة بس الكل يقول كذا...
تركي/طيب متى راح نشوف بعض؟
ليالي/اقولك مابي اعرفك تقول لي متى اشوفك؟؟؟؟ليش شمفكرني ماصدقت خبر!!!!!!!!!
تركي/لاحبيبي انا عارفك وواثق منك بس المشكلة قلبي يبي يشوفك صار له زمان ماشافك واشتاق لك مووت!!!!!!
ليالي/حبيبي انا ماقوى على ها الكلام.....
تركي/عيديها ثاني...
ليالي/حبيبي......
تركي/ليال.......عذابي انتي يابنت.....
ليالي/ياحلو اسمي على لسانك....ليال!!!!
تركي/تصدقين اني بموت واشوف عيونك؟؟؟طيب قولي لي متى بتروحون سوق ولا مكان اقدر اشوفك فيه؟
ليالي/مدري حبيبي مدري....اللحين انا بخليك علشان احنا بنروح بيت خالتي ....
تركي/بنتظرك تدقين اخر الليل؟
ليالي/مو وعد لاني مدري متى برد؟
تركي/بنتظرك وماراح انام الا لين سمعت صوتك!!!واذا صادقف ونمت بنتظر صوتك يصحيني...زين حبي....
ليالي/طيب حبييبي باي.....
/////////////////////////////////////////////////////////
قعد على فراشه وهو قلبه يدق بسرعة....يدري انه اللي بيسويه شي غلط بس مو قادر يقاوم نفسه ومايشوف صورها!!!!فتح الظرف وعيونه مغمضة وطلع الصور وصاروا في يده تحسسهم وهو بعده مغمض عيونه كانوا اربع صور..ضمهم لصدره بقوة وكانه يضم نوف لصدره...........وفتح عينه ومسك باول صورة يشوفها....كات نوف لابسة..ثوب قصيراسودوهي قاعدة على مرجيحة....اما الثانية فكانت لابسة بنطلون جينز مخصر وبدي تركوازي لاماع ومتسندة على جدار..والثالثة كانت ماخذة وجه نوف في الصورة كلها وهاذي خلاها على جنب اما الصورة الاخيرة فكانت نوف منبطحة على الارض وهي لابسة تنورة ضيقة حييل وقصيرة لفوق الركبة والبدي مطلع نص صدرها!!!!!!!
كان طلا ليناظر بالصور وهو يرتجف هاذي اول مرة يسويها ويدخل غرفة اخته وياخذ صور نوف ويشوفهم!!!!!مو قادر عليها ولا على الثياب اللي لابستها وحس انه غلط يوم اخذهم رجعهم بالظرف وحطهم تحت مخدته ودخل ياخذ له حمام سريع بعد مشوار الشرقية المتعب.....
////////////////////////////////////////////////
وضحى/وصال شفيك؟
كانت وصال نايمة على الكنبة....
وصال/ولاشي...قالتها بتعب...
وضحى/تعبانة ؟
وصال/لا بس ها الولد مطلع لي قرون....
وضحى/حرام عليك فديته بسولي..هو صحيح شيطون صغير بس انه يجنن عسل طالع علي...
وصال/أي صح ..قلتلي يجنن؟
وضحى/ابوه ماكلم؟
وصال/بلى..دق...
وضحى/وطبعا انتي مارديتي عليه؟
وصال/اه...انا عارفة اني اذا سمعت صوت سعود بيقنعني ارجع البيت وانا مابي ارجع؟
وضحى/بس هو ماله شغل ياوصال..
وصال/عارفة ها الشي بس انا مو قادرة اشوف عمي ياوضحى مو قادرة؟
وضحى/الله يسامحه عمي......الله يسامحه.....
محمد/السلام عليكم....
وعليكم السلام....وصال قعدت عدل بعد ماكانت نايمة على الكنبة..
محمد/وصال..
وصال/هلا...
محمد/شسالفتك انتي امس كنت هنا واليوم هنا؟
وصال/ليش حرام اني اكون هنا....!!!
محمد/لا بس استغرب مو عوايدك يعني؟
وصال/انا نمت هنا البارح..
محمد/قولي كذامن اول......
وصال/والليلة بعد؟
محمد لف عليها/ليش سعود مزعلك بشي؟
وصال/لا بس مالي خلق ارجع هناك يامحمد..
محمد/وصال اللي صار بيني وبين فيصل وعمي انتي وسعود مالكم شغل فيه!!!
وصال/عارفة ها الشي بس انا متضايقة من البيت ككل يامحمد وحاسة نفسي مخنوقة هناك ....
محمد/هذا بيتك وماحد يردك عنه بس انك تكونين زعلانة من سعود هذا شي ثاني؟
وصال/...............
محمد/الكل يشهد لسعود ياوصال ماحد فينا ينكر رجولته ومواقفه معنا في كل الظروف....لاتخلين الشيطان يلعب براسك ويبعدكم ياختي؟؟؟
وصال/انا مو زعلانة من سعود صدقني؟انا زعلا نة من عمي ومن طريقته هو حتى ماحترمني ولا احترم وجودي معهم في نفس البيت!!!!!
//////////////////////////////////////////////////////
بعد ماخذ الحمام السريع طلع من غرفته ومالقى احد لافي الصالة ولافي المجلس قال شكلهم في ديوانية جدي..طلع برة عند الحديقة لقى لؤلؤة قاعدة في نفس مكانها....قعد جنبها..
لؤلؤة انتبهت عليه..
لؤلؤة/هلا والله وغلا,,متى وصلت؟
طلال/قبل ساعة تقريبا...
لؤلؤة/وكيف ماحد حس عليك؟
طلال/مو ذنبي ذنبكم!!!صايرين كانكم في بيت الاحزان!!!
لؤلؤة/شها الكشخة ياخوي؟؟؟
طلال/طول عمري كاشخ ولا انتي عندك شك فيها؟
لؤلؤة/لا طبعا.....طيب اوقف كذا بصورك....ورفعت جواله تصوره...
لؤلؤة/تمام...اللحين ندزها وسائط متعددة.....
طلال/شتسوين انتي؟
لؤلؤة/لحظة بس..
طلال/اقول عقلي لاباقوم؟
لؤلؤة/خلاص ....
طلال/شسويتي؟
لؤلؤة/دزيتها لنوف وسائط متعددة؟
طلال/وليش دزيتيها خلها تجي وتشوفني مباشر!!!
لؤلؤة نزلت راسها بالارض/ياليت ياخوي ياليت؟
طلال/لاتقولين عندكم امتحان ولاشي من ها القبيل ترى والله باخذك واوديك عنده بالغصب مو على كيفها ماتجي وتتحجج بالمذاكرة؟؟؟
لؤلؤة/كل بيتهم ماراح يجون ياطلال مو بس نوف!!!!!
طلال/ليش شعندهم بالله!!!!
لؤلؤة نزلت راسها وظلت ساكتة....
طلال حط يده تحت راسها ورفعه..
طلال بحنية/لؤلؤة شفيك شصاير في بيت عمي؟
لؤلؤة/سالفة ماكانت على البال ولا على الخاطر ياخوي...
طلال/لؤلؤة شصار قولي؟؟؟
لؤلؤة/.................
طلال/لؤلؤة؟؟؟؟؟
لؤلؤة/مصيرك بتعرف مني لو من غيري.......فيصل خطب العنود؟
طلال/فيصل خطب العنود؟؟؟وكيف ذي تجي بالله ولعنود مخطوبة لمحمد!!!!!
لؤلؤة/...................
طلال/لؤلؤة قولي شصار؟؟؟؟
////////////////////////////////////////
خالد/خالتي وين محمد؟
ام محمد/بغرفته يمه ليش هو طلع منها من دخلها؟
خالد/..........مو سهلة عليه ياخالتي لاتلومينه!!
ام محمد/الله يلوم اللي يلومه .....روح شوفه يمه اكيد بيتكلم معك.....
خالد/بس لو تسويلي طريق ياخالتي...
ام محمد/تعال يمه تعال.........
...............................................................................................
خالد/محمد...
نايم ولا قاعد؟
بعد شوي محمد فتح الباب لخالد ودخلوا وسكروا الباب وراهم....
خالد/محمد ...
محمد/انا قررت خلاص..
خالد/شقررت؟
محمد/بطلع من البيت !!
خالد/انت من عقلك تتكلم يامحمد؟
محمد/مابي اقعد في مكان بتجيه كل اسبوع ويدها في يد فيصل!!!!
خالد/انت عارف ان العنود ماتبيه ليش تتكلم عنها كذا وكانها الملامة في الموضوع!!!!
محمد/عارف ان مالها شغل اصلا العنود مالها راي في أي شي..كل شي في حياتها بسيرونه مثل مايبون وهي مالها الا الطاعة العميا لهم!!!
خالد/محمد شها الكلام؟؟؟؟
محمد/وانا الصادق عمي لو عمها يقولوا وعمتي ماترفض ابدا كل اللي يقولون تنفذها بدون ماتشاورهم.................قاعد افكر كيف بعيش حياتي وهي مو لي ياخالد؟؟
خالد/هذا نصيبكم بعدين يمكن تكون فيها خيرة انكم مو لبعض!!!!!!!
محمد/أي خيرة هاذي اللي تفرق قلبين عن بعض ياخالد أي خيرة!!!!!!!!!!!!
خالد/محمد انا ادري انك عشت مع العنود جو وفترة خيالية صعب تنسوها اثنينكم ويمكن تماديتوا مع بعض شوي وهذا اللي مصعب الشي عليك وعليها بس كل اللي ابيه منك انك تحاول تنساها وتشيلها من بالك وافكارك وتحاول تعيش حياتك وتتاقلم على انها ماهي نصيبك يامحمد؟؟؟؟؟
خالد/ماقدر ياخالد ماقدر كل لحظة مرت علي وانا افكر كيف بنعيشها انا والعنود !!!!!كم صار لهم وهم واعديني بانها راح تكون لي ياخالد كم!!!!!!!!!!!مقدر اشيلها من بالي حتى لو تزوجت بظل انتظر اليوم اللي تكون فيه اللي لو بعد مليون سنة؟؟؟؟
خالد/محمد انت جنيت؟؟؟العنود بتتزوج خلاص كيف تقول انك بتقعد تنتظرها لو بعد مليون سنة؟؟؟؟؟؟؟؟؟
محمد/مدري.يمكن انها ماتتلائم مع فيصل ويطلقها واخذها انا!!!!
خالد/انت عاقل وانت تقول ها الحكي؟؟؟؟؟؟؟؟
محمد/ولا يمكن فيصل يموت و....
خالد/محمد!!!!!!!!انت من وين جايب ها الافكار السودة اللي في راسك بالله!!!!!!!!
محمد/لاتقول لي انساها ياخالد لاتقول...انت اكثر واحد عارف اني اعيش على حب العنود اذا نسيتها معناته اني مت وانتهيت ياخالد؟
خالد/........محمد.....
محمد/خالد ابي اشوف لي مكان انتقل له ها الفترة....مدري شقة ولا في فندق ....لين
خالد/ماراح تطلع يامحمد لمجرد ان العنود صارت لغيرك؟
محمد/هي ماصارت لغيري ياخالد!!!!هي صارت لفيصل ولد عمي واللي هو عارف اني ابيها وابوه عارف بعد اني ابيها...!!!!قعدتي هنا مابتجيب لي غير شماتتهم كل ماشافوني وانت تعرف عمي.....
خالد/بس يامحمد..
محمد/انا بكون مرتاح اذا طلعت من البيت ياخالد.....
//////////////////////////////////////////////////
فيصل/السلام عليكم...
/////////وعليكم السلام والرحمة/////
نوف/يعطيك العافية ياخوي....
فيصل/الله يعافيك ويقويك...
(نوف عندها مصلحة علشان كذا قاعدة تستنى فيصل يجي من المستشفى)
ام فيصل/اجهز عشاك يمه..
فيصل/بعدين يمه ..بتروش وبصلي اول....
نوف/شقلت على الموضوع اللي كلمتك فيه؟
ابو فيصل/نوف حبيبتي هذا وقته عاد خلي اخوك يرتاح توه راد من المستشفى!!
فيصل/أي موضوع؟
نوف /فيصل انت مايعتمد عليك بسرعة تنسى؟؟؟
فيصل/يعني بذمتك مسوي ثلاث عمليات وتبيني اذكر شكنتي تبين مني؟؟؟
نوف/سعود ووصال؟؟
ابو فيصل/قوم اتروش وخلها عنك نوف تبي تهذر مثل العجايز(ابو فيصل مايبي يرد وصال لسعود)
فيصل/أي صح...ماصار عندي وقت اكلم سعود وينه هو؟؟؟
نوف/مدري عنه..
ام فيصل/سيارته هنا بس شكله نايم جواله مقفل ومايرد على الشقة......
فيصل/خلاص بعدين اذا شفته اكلمه..
نوف/تكلمه شتقوله؟
فيصل/اقوله روح راضي مرتك ورادها البيت يعني شبقول له ؟؟؟؟
نوف/يعني ها الكلام كلنا نقدر نقوله يافيصل!!!!!نبي فعل يابو عبد العزيز فعل.....!!!
فيصل/يعني تبيني انا اروح وابوس راسها واردها البيت؟؟؟؟؟؟؟؟؟؟؟؟؟؟؟؟؟
نوف/لا ماقلت كذا..
ابو فيصل/لاتشغل بالك بها الموضوع يافيصل....
نوف/خله ياخذ امي ويروحوا يراضوها هي تحب امي وبتسمع كلامها اذا قالت لها ردي بترد بعدين والله وحشة لها ووحشة لبسولي حبيبي صار لي يومين ماشفته؟
فيصل/طيب بعدين ذكريني اذا شفتي سعود ......
///////////////////////////////////////////////////
طلال/لا حو ولاقوة الا بالله ....ليش كذا ياعمي!!!
لؤلؤة/لانه ولده وسعادة عياله اهم من سعادة الناس كلهم؟؟؟
طلال/وفيصل مالقى الا العنود؟؟؟؟؟؟؟؟طيب انت عرفت انها لولد عمك خلاص فكر في غيره شها الحقارة ؟؟؟؟؟؟
لؤلؤة/...............
طلال/محمد شلونه؟؟
لؤلؤة/محمد يكسر الخاطر صاير مثل اللي سارقين منه فرحته وهو قاعد يناظر ومو عارف شيسوي
طلال/أي بس مايصير انه يتركها تروح كذا!!!!!
لؤلؤة/اذا امها موافقة وعمها موافق وجدي موافق وعمي ابو فيصل موافق ويبون كذا هو شبيقدر يسوي ياطلال؟؟؟؟
طلال/.............................
لؤلؤة/.................
طلال/وبيت عمي ماعارضوا؟؟
لؤلؤة/تقصد مرة عمي ونوف ولطيفة وسهود وسلطان!!!!!بلى ماحد منهم موافق ياطلال بس شيقدرون يقولون لعمي؟؟؟؟؟؟؟؟
طلال/......................
لؤلؤة/....................
قطع عليهم صوت مسج جاي للؤلؤة.....وفتحته كان من نوف(عودته بالله قمر ..والله ان الرياض كلها نورت بجيته اليوم ,,حمد الله على سلامته)
لؤلؤة قرته وابتسمت وعطته طلال...اللي من قراه تذكر الصور اللي فوق وتغيرت الوانه!!!!!!!!!!!
////////////////////////////////////////////////
ابو وحيد/انتوا جاهزين على وين العزم؟؟؟
ليالي/ليش ماراح نروح بيت جدي ؟؟؟؟
ابو وحيد/لاطبعا!!!!!
ليالي/ليش يبى!!!!!!!
ابو وحيد/ها الكم يوم انا مافضل انكم تروحون لهم لين تهدا الامور...
مرح/معناته خذنا عند بيت خالتي ....
ابو وحيد/وليش ماتقعدين الليلة هنا في البيت؟
مرح/مستحيل كان تجين جلطة بقلبي لو اقعد!!!!!!!!!!!!!!!!!!!!!
ليالي/قولوا بسرعة بنقعد لو نروح ننام لو شسالفة اللحين؟؟؟(البنت من حبت صار تفكيرها كله في النوم علشان تمسك الجوال براحتها!!!)
ابو وحيد/مدروا شوفوا امكم اول تبيكم تروحون بيت خالتكم لو لا؟
مرح/واذا قالت امي لا شبيصير يعني ماراح نطلع الليلة؟؟؟؟؟
ابو وحيد/طبعا لا...
مرح/ليش بالله انت ماتمشي الا بشورها يعني!!!!
ابو وحيد/اقول استحي على وجهك هاذي امك....
ليالي/لا تاخذ على كلامها يبى هاذي لسانها متبري منها وياما فشلنا!!!!(كانت تقصد موقفها مع نوف الا مس لان البنات كلهم ثاروا عليها)
مرح/والله انا اقول اللي بكيفي مانتظر اذن من احد؟؟؟؟
ام وحيد دخلت مع وحيد/شسالفتكم انتوا صوتكم واصل لاخر الديرة؟
ابو وحيد/بنتك ..
وحيد/ان شاءالله هاذي!!!!واشر على مرح,,,,,
مرح/وشفيها هاذي بالله؟؟؟
وحيد/لايبى هاذي بنتك سفيهة وماياخذون على كلام السفهاء؟؟؟؟
مرح/حلو حلو..مو ناقصني الا انت بالله!!!
وحيد/انتي ياتتكلمين عدل ياحسابك بعدين؟؟
مرح/تهددني؟؟؟
وحيد نفخ ريشه/ماني راد عليك الحشيمة لابو وحيد وام وحيد اللي قاعدين!!!!!
مرح ولا على بالها اصلا/هههه ضحكتني يالاباضي....
ام وحيد وهي معصبة مووت/اقول روحي ضفي وجهك فوق وبدليثيابك ونامي!!!
مرح باعتراض/شنو يعني انام!!!ماني نايمة مابتودوني بيت جدي ودوني بيت خالتي؟؟
ابو وحيد/انتي ماتسمعين الكلام قلنا لك روحي خمدي نامي يالله!!!!!
راحت فوق وهي تتذمر وتدعي على وحيد سبب مشاكلها في ها البيت!!!!!!!!
ليالي/يمه هند بتنام هناك الليلة؟
ام وحيد/أي يمه...العنود تعبانة وتبيها تكون جنبها....
ابو وحيد/شصار اللحين؟
ام وحيد/اه......للحين ماتكلموا في شي.....
وحيد/يعني خلاص يمه فيصل بياخذها؟
ام وحيد/أي يمه فيصل بياخذها......
ابو وحيد/انتي ماقلتي لها تجي مع عيالها البيت ....اذا ماشالهم بتشيلهم عيونا....
ام وحيد/لا هي مرة ولاهي عشر الا اقولها البيت فاضي ويستناك انتي وعيالك بس ماترضى شسوي لها.......الله يسامحك يافيصل ولا يسامحك يابو فيصل!!!!!!!!
ليالي/يمه.........وضحى تقول ان وصال عندهم في البيت؟
ام وحيد/ليش؟؟؟؟؟؟؟
ليالي/تقول متضايقة من اللي صار وقعدت عند اهلها من امس.....
ام وحيد/وسعود ماكلمها ترد البيت؟؟؟؟
ليالي/بلى يمه كلمها بس هي ماهي راضية تقول تبي ترتاح هنا وبعدين تشوف....
ام وحيد/لاحول ولاقوة الا بالله؟؟؟
وحيد/والله ماحد راح فيها غير سعود والله!!!!!
ابو وحيد/أي والله وانت الصادق ياوليدي..ماحد طاحت فوق راسه غير سعود ..بس المفروض ابوه مايخليها تروح على الاقل يروح يراضيها يرد شوي من جمايل سعود لهم!!!!
ام وحيد/لامن ها الناحية تطمن ولا بيعتب لها بعد!!!!ان شاءالله تقعد الدهر كله ؟؟اخوي واعرفه زين........
ابو وحيد/الله يصلحه.....
وحيد/يبى انت ليش اليوم مارديت عليه يوم كلمك في التلفون؟
ابو وحيد/كيف تبيني ارد عليه وهو طارد امك من بيته!!!!نسى انها اخته هذا مو شغلي بس ينسى انها مرتي !!!!لا والف لا بعد؟
ام وحيد/ليال حبيبتي قومي جهزي لاختك كم قطعة ثياب وديها لها هناك وكلميها اذا تبي شي زايد حطيه لها على ماقوم اجهز العشى اللي سويته وودي للعنود منه وانت وحيد اقعد انطر اختك لين تقوم مو تروح عنها وماترد لها الا اخر الليل لانها شكلها نعسانة؟؟؟؟
وحيد/ان شاءالله يمه....
/////////////////////////////////////////
ام تركي/وشلونك ياوخيتي اللحين؟
ام فيصل/شقولك يام تركي بعد خليها على الله؟؟؟
ام تركي/انا منك اقعد احمد ربي كل ساعة...يكفي انه يبي بنت عمته مو ياخذ لي اجنبية لو وحدة مو من ثوبنا وتعالي فكينا من المشاكل ذيك اللحظة؟
ام فيصل/والله اني حامدة ربي بس العنود مخطوبة ياوخيتي والبنات ماقلوا شمعنى هي بالذات؟؟
ام تركي/هذا النصيب ياختي...
ام فيصل/ماني عارفة شلون اتواجه مع ام محمد لو شفتها.....
ام تركي/انتي شذنبك بعد اللي عليك كلمتيه وكلمتي ابوه وماقتنعوا بعد شتسوين اكثر!!!!
ام فيصل/والله مدري هو انا قصرت يوم جيت اقنعهم ولا هم مايبون يقتنعون مدري والله؟
ام تركي/الا هو متى بيملك عليها؟؟
ام فيصل/علمي علمك قال اخطبوها وخطبناها بس ماشوفه تكلم عن الملكة..هو اصلا مانشوفه هاليومين طول وقته بالمستشفى.....
ام تركي/عسى الله يوفقه ان شاءالله ونشوف عياله من حواليه يارب....
///////////////////////////////////////////
سلطان يكلم نانسي في التلفون وهو في السيارة..
سلطان/حبيبي يالله لاتقول لا...
نانسي/عمري ماقدر صدقني ماقدر..
سلطان/لاتقولين ماقدر تركي طالع مع فيصل وامك في بيتنا وامل معها مافي غير ريهام صرفيها باي طريقة؟؟
نانسي/كيف اصرفها حبيبي...صعبة؟
سلطان/طيب ماراح نروح مكان بس اركبي السيارة اشوفك وبعدها انزلي...
نانسي/اقولك صعبة..؟
سلطان/انتي تتغلين علي يابنت؟
نانسي/حبيبي في وحدة تجيها فرصة ذهبية كذا وتقول اتغلى عليك بس صدقني ماقدر لو كنت اقدر معليه..ريهام عازمة بنات خالي وفي أي لحظة يجون يعني مو حلوة يشوفنك حتى انت موقف عند بيتنا لانهم بيسالون عن السبب وانت تعرفهم اهل قيل وقال وانا بصراحة مابي احد يتكلم عليك؟؟
سلطان/فديتك انا ياللي تخاف علي!!!!طيب ولا لمحة صغيرة؟؟
نانسي/افرض اني طلعت علشان اشوفك وهم جايين!!!!فضيحتي وفضيحتك سوى؟؟
سلطان/لا خلاص انا ماشي.....
نانسي/حبيبي اذا ماعندك شي ولا عليك امر ابيك تروح زارا وتشوف لي الجاكيت الاسود اللي مثل اختك نوف موجود منه لو خلص لاني بكرة العصر بروح اشتريه؟
سلطان/تامرني امر...
نانسي/تسلم حبيبي...(لانها عارفة انه بيشتري لها)انا بسكر اللحين ريهام تناديني بس لاتنسى تمشي لايشوفونك لانها تقول انهم جايين بالطريق؟؟
سلطان/ماشي حبيبي اول مايفضى الجو عندك دق علي وانا بكلمك...باي.....
نانسي تنفست بقوة بعد ماسكرت منه...
نانسي/ياذي النشبة والله ماتنعطى وجه ياسليطين ازين مافيك فلوسك وفلوس ابوك؟؟؟؟
ومسكت جواله الثاني اللي بشحن ودقت على محمد خويها..
نانسي/خمس دقايق وانت عند الباب لاقسم بالله ماراح اطلع اذا تاخرت اكثر؟؟
محمد/حشى بركان هايج!!!! واذا قلت لك دقيقتين وانا عندك شتعطيني؟
نانسي/يالله الله يخليك ترى انا على اعصابي لو ماشتقت لك ماكنت غامرت وقلت لك تعال ابي اروي عيني بشوفتك؟
محمد/حياتي انتي يالله طلعي انا واقف بره....
///////////////////////////////////////////////////////
العنود/هند تصدقين اني خايفة من الايام الجاية؟
هند/مو لهدرجة عاد ياعنود!!!!!
العنود/انتي مو حاسة فيني؟؟؟؟ماحد حاس فيني؟؟؟
هند/والله اني حاسة فيك ومالومك فيصل مايتعاشر ...يوم كيف تقعدين معه العمر كله!!!!بس يالعنود لازم تحاولين تتاقلمين انك بتكونين زوجته من اللحين؟وبعدين لاتنسينة انك بتقعدين مع مرة خالي وهي شحليلها ونوف ولطيفة ووصال..وهم كلهم يحبونك ..
العنود/مدري ياهند فيصل يخوف...
هند/يخوف بافعاله انا معك؟؟بس مو بشكله ....
العنود/شسوي في الشكل اذا الطبايع ماتتعاشر ياهند؟؟؟
هند/بس تصدقين انه غريب قوم الدنيا وقعدها انه يبيك وسكت عن الموضوع مرة وحدة؟؟
العنود/تهقين غير رايه عن الموضوع!!!!
هند/ليش هو لعب عياله يغير رايه عن الموضوع!!!!
العنود/والله لو انه يسويها بيطلع فعلا حقير؟؟؟؟؟
هند/الا الصدق عنودوا شبتسوين لو غير رايه وقال خلاص خلي محمد ياخذها انا ماعدت ابيها!!!!
العنود اسكتت مرة وحدة وكانها تعيش الحدث.....
هند/وينك انتي خلاص غيرت راي مابي اعرف شبتسوين؟
العنود/تدرين شبسوي؟
هند/شبتسوين؟
العنود/اروح لبيتهم واترجى خالي خالي قدامه انه يعطيني فيصل واقوله كمل جميلك حق ها السنين كلها وزوجني ولدك فيصل!!!!!!!!!!!!!!!!!!!!
////////////////////////////////////////////////////////
يوم ثاني بعد صلاة المغرب.....
فيصل/وين ابوي؟
ام فيصل/فوق لسه مانزل..تبي منه شي يافيصل؟
فيصل/أي ...بنروح بيت عمتي....
ام فيصل/ليش يمه؟
فيصل/يمه ..ليش يعني بنروح؟؟؟بنروح نتفاهم معهم على طلبات العنود !!!
ام فيصل/...........
فيصل/مانتي فرحانة لي....
ام فيصل/فيصل ....ودني بيت جدك يمه!!!!
فيصل/ليه!!!
ام فيصل/ابي اروح اشوف ام محمد....
فيصل/مايحتاج تروحين يمه...
ام فيصل/يمه علشاني خلني اروح مدام ابوك فوق وبالمرة اشوف وصال وباسل...
فيصل/أي صح ذكرتيني وينه سعود؟
ام فيصل/طلع من العصر ومارجع.....والله ان اخوك كاسر خاطري..لايتكلم ولايفضفض...الله كريم يمه الله كريم...
فيصل/يالله انا بنتظرك في السيارة...
///////////////////////////////////////////
البندري/الجو ملل.....
العنود/.............
البندري/اقولك شي وماتتضايقين...
العنود/قولي...
البندري/فيصل كلم امي وقال انه بيجي بعدين...
العنود/شيبي؟؟
البندري/مدري....
العنود/ماقال لها ليش هو جاي؟؟
البندري/علمي علمك ..مدري هو قال لها وماتبي تقول لنا ولا ماقال اصلا !!والله مدري؟
العنود/طيب بيجي بروحه لو خالك معه!!
البندري/خالك انتي....
العنود/لا خالك انتي؟
البندري/قلت لك خالك انتي..وعمك بعد؟؟
العنود/مابيه يصير خالي ولا عمي؟؟؟
البندري/مو بكيفك غصبا عنك!!!خالك لانه اخو امك وعمك لانه ابو زوجك؟؟؟؟؟
العنود/اوووووووووف منك..مابيه يصير خالي ولاعمي!!!
البندري/طيب فيصل زوجك زين كذا؟؟
العنود/انتي شفيك علي !!مابيه لاهو ولاولده زين كذا!!!
البندري/تهقين امي تكلم عمي يجي؟
العنود/ليش بعد؟
البندري/لان عمي ولي امرك.....ولانسيتي؟
العنود/اه..لاتذكريني...كان خالي ابو فيصل بالنسبة لي كل الدنيا...وانصدمت فيه كبر الدنيا!!!!!
البندري/تعرفين ان خالي يحب نوف وفيصل وكل شي ولازعلهم بس ياخذك فيصل تلاقينه بيرجع مثل قبل واحسن بعد؟
العنود/ومن قال لك اني برجع له مثل قبل!!!!انا حلفت كل اللي بيني وبينه بيصير سلام وبس!!!!!
/////////////////////////////////////////////////////
ام فيصل/سامحيني يام محمد بس والله كل شي صار مو بيدي؟
ام محمد/............
ام فيصل/عجزت وانا اقنعه واقنع ابوه بس مدري هو انا قصرت وانا اقنعهم ولا هم مايبون يقتنعون؟
ام محمد/ادري يام فيصل ادري ان انتي مالك شغل في الموضوع.......
ام فيصل/والله اني ابيها لمحمد بس شسوي؟
ام محمد/فيصل وابوه كسروا خاطر ولدي يام فيصل !!
ام فيصل/شبيدي عليه محمد شبيدي عليه!!!!الله يشهد اني احبه مثل عيالي وتمنيت فرحته مع العنود..
ام محمد/ولدي ماراح يضيع اذا ماخذ العنود بيلاقي غيرها واللي هي احسن منها!!!
ام فيصل/صدقيني انا ماودي تكون لفيصل لاني عارفة انها تبي محمد وماتبيه؟؟؟وعارفة انها ماراح تسعده وقلبها متعلق بمحمد!!بس شسوي ياختي كل شي بها الدنيا مكتوب...
ام محمد/على قولتك كل شي مكتوب وقسمة ونصيب....
ام فيصل/انا ماودي زواج فيصل يفرق بينا يام محمد واحنا الا عشنا طول عمرنا خوات مع بعض وربينا عيالنا سوى؟
ام محمد/لاتخافين يام فيصل اللي بيني وبينك بيظل مثل ماهو وبيتي بيظل مفتوح لك علطول بس اعذريني انا ماقدر اوطي بيتك مرة ثانية ,,,
ام فيصل/.................
ام محمد/بعدين لاتنسين بينا باسل واخوانه وامهم!!
ام فيصل/الا الصدق وينها وصال انا دقيت لها مرتين ماردت علي....؟
ام محمد/اذا ماخاب ظني نايمة..
ام فيصل/نايمة!!هي ماتنام ها الحزة يام محمد؟؟لايكون بس فيها شي وانتي مخبية علي؟؟
ام محمد/والله من جت للحين وهي متضايقة وزعلانة من تلاقي روحها قاعدة بروحها راحت نامت....
ام فيصل/سلمي عليها..كان ودي اشوفها...يالله بدق لها بكرة وبوسي لي باسل ..واحشني مووت ...البيت كله يناديه...
ام محمد/انا اللي بيتي رايح منه ها الجني الصغيرون!!
ام فيصل/ههه الله يحفظه..خلاص بعد طول يومه مع خاله مشعل مو قادرين نشوفه.....
ام محمد/يبيه حق الطلعات !!!احنا ماورانا الا القعدة مايبينا....
ام فيصل/هههه...يالله ياختي انا بطلع اللحين سلمي على ابو محمد ومحمد والبنات.......
////////////////////////////////////////////////
ابو فيصل/نوف......يانوف....
الخدامة/بابا..نوف في نوم..مافي يقعد اللحين؟
ابو فيصل/وين راحت ام فيصل؟
الخدامة/انا مايدري هي يطلع مع بابا فيصل...
ابو فيصل/طلعت مع فيصل وين راحوا؟؟؟؟؟؟
فيصل اللي توه داخل مع امه/طالع امشي امي في سيارتي الجديدة فيها شي؟
ابو فيصل/وعليكم السلام......
ام فيصل/شفتك راقد ماحبيت اقعدك....
فيصل/يالله مشينا؟
ابو فيصل/وين؟
فيصل/بنروح بيت عمتي...
ابو فيصل/ليش؟؟؟
فيصل/بنتفاهم معهم؟
ابوفيصل/على شنو؟
فيصل/على طلبات العنود وشروطها؟
ابو فيصل/لا تطمن العنود مالها طلبات ولاشروط!!!!لاتتعب نفسك..
فيصل حط رجل فوق الثانية/أي بس انا ابي اشوفها واتفاهم معها شخصيا على كل شي!!!!!
ابو فيصل/.........
ام فيصل/........
ابو فيصل/يعني مصر على انك تروح؟
فيصل/انا كلمت عمتي وقلت لها اني جاي الليلة؟
ابو فيصل/أي بس انت ماعطيتني خبر يبى....
فيصل/هذا انا قلت لك......يمه شياخذون للعروس اذا راحوا لها اول مرة؟
ام فيصل/..........
فيصل/يمه اكلمك....يوم خطبتوا وصال شوديتوا لها اول يوم رحتوا تتفاهمون؟
ابو فيصل/البنت بنت عمتك مايحتاج تودي لها شي لانها شاريتك؟
نوف من على الدرج وهي كلها نوم/يودون ورد وشوكلاته راقي ومكياج وعطور وقماش واكسسوارات وذهب و......
فيصل/مشاءالله يبيلها لفة سوق يعني!!!صباح الخير يام الذوق؟
نوف جت وقعدت جنب فيصل/يوم انك معزم تروح لهم الليلة وانت اليوم خميس ماتشتغل كان تسوقت العصر على راحتك بدل ها العجلة؟؟؟
فيصل/وانا شعرفني بها السوالف يانف نف..!!
نوف لفت عليه/لاتتمصلح ماني طالعة مع احد عندي اختبار السبت وبقعد اذاكر؟
فيصل/شدعوة كلها ساعة بتطلعين مع امي السوق وبعدين نردك البيت مو لازم تروحين معنا...
نوف/لاتترجى دكتور فيصل لاني ماراح اروح معك؟؟؟؟
فيصل/واذا قلت لك بتقومين وغصبا عنك؟؟؟
نوف/وانا اقولك دخل لي حساب في رصيدي وافكر !!!
فيصل/نوف قومي لبسي عبايتك لاتاخرينه؟؟
ام فيصل/وين نروح يانوف ؟
نوف/مدري نمر الفيصلية ونشوف شنو نشتري!!!الا اقول فيصل المصرف مفتوح للعروس ولا فيها ضوابط!!!
فيصل/اكيد لاتحاتون شي؟؟
ام فيصل/انت اللي بتوصلنا يافيصل؟
فيصل/طبعا....(لازم يشرف على اغراض العنود بنفسه)
ام فيصل/معناته دق على سلطان يروح ياخذ الشوكلاته والورد علشان نكسب الوقت؟
نوف/صح لسانك يام فيصل خوش راي؟
فيصل/لاماني داق عليه ولدك ماعنده ذوق علشان يجيب لي اشياء تفشلني؟؟؟؟؟
نوف ناظرت في امها وضحكوا..وفيصل تفشل..
فيصل/انتوا ليش تضحكون؟
ام فيصل/سلامتك يمه قوم السيارة لانتاخر...نوف لبسي عبايتك ونزلي بسرعة.....
ابو فيصل/مانتي داقة على لطيفة تروح معنا مدام ان نوف ماهي رايحة؟؟
ام فيصل/لطيفة اليوم رايحين البحرين من الصبح ومابيردون الا الفجر.....
فيصل/يالله اجل توكلنا على الله.....يمه انا دقيت على سعود مالقيته؟
ام فيصل/كلمني وانا في بيت عمك وقال لي انه بيبيت عند ربعه في الاستراحة الليلة....
فيصل/تمنيته يكون موجود بس يالله علشان العنود تاخذ راحتها؟؟؟
ابو فيصل توه استوعب كلام ام فيصل/كنتي في بيت عمه؟؟؟؟متى رحتي وماقلتيلي؟؟؟؟
فيصل رد بسرعة لانه مو فاضي جق وجع راس من ابوه وهو الليلة ليلته/انا وصلتها تبي تسال عن وصال؟؟؟؟
ابو فيصل/أي بس انا قلت..
فيصل/انا اللي قلت لها تروح......يالله مشينا...
//////////////////////////////////////////////////
سعود/شلونك خالتي؟
ام محمد/هلا يمه سعود...حياك....
سعود/ادق لوصال ماترد.....
ام محمد/يمكن عشانها نايمة...ادخل يمه ليش واقف......
محمد/شفيها؟؟انا كل مادق تقول لي وضحى انها نايمة؟؟
ام محمد/شكلها بتفلوز(تجيها انفلونزا يعني) ..
سعود/لا...طيب صحيها اوديها المستشفى...
ام محمد/اقعد انت استريح على ماصحيها.......
سعود/خالتي وينه؟
ام محمد/وينه؟؟منهو؟؟
سعود بحزن/باسل ....
ام محمد شفقت عليه/اللحين ادق لمشعل يجيبه طالع مع يمشيه.....
سعود/....................
راحت ام محمد لوصال....
ام محمد/يمه قومي سعود يبي يشوفك؟
وصال/يمه انا مابي اشوفه؟
ام محمد/يمه مايصير امس يومانه جا..قلت نايمة واليوم بعد قومي شوفيه...انا ماجبرك تردين معه البيت اليوم بس لازم تشوفينه هو ماله شغل!!!
وصال/طيب يمه....
ام محمد/يمه انتي فيك شي؟؟
وصال/لايمه مافيني؟
ام محمد/شوفي وجهك شلون صاير اصفر حتى اكل مثل العالم ماتاكلين؟؟؟؟متاكدة مافيك شي؟؟؟
وصال/متاكدة...
ام محمد/ترى بخلي سعود يوديك المستشفى....
وصال/يمه شفيك اقولك مافيني شي......
///////////////////////////////////////////////////////
(محمد/ طلال/الوليد/مشعل/خالد)
طلال/محمد لاتقول انكم بتطلعون من البيت ترى والله الخبر مو حلو ابدا..بعدين كيف بنعيش احنا بدونكم؟؟
محمد/كل اسبوع اول ماتنزل من الشرقية عشاك في بيتنا بعد شتبي يادكتور طلال؟
الوليد/الصدق يامحمد انتوا المفروض ماتطلعون من البيت؟؟؟
محمد/هذا اللي لازم يصير يالوليد....وبعدين انت مو ناوي ترد بيتكم؟؟
الوليد/انا زعلان من امي ليش انها وافقت....
محمد/بس امك بحاجتك يالوليد تراها ماعندها غيرك وخواتك بعد يبونك(قالها بحزن)
طلال/شها الانسان الغريب...مايعرف يعيش الا اذا نكد كل الاجواء اللي حواليه؟؟؟
خالد اللي كان يلعب باسل/انا عمري مالمت فيصل بالعكس اللوم كله لعمي ياطلال؟؟؟؟
مشعل/المفروض سعود يطلق وصال ونرتاح منهم نهائيا؟؟؟؟
محمد/لاعاد اسمعك تقول ها الكلام مرة ثانية يامشعل فاهمني؟؟؟
مشعل/بس يامحمد..
محمد/من غير بس...سعود يسوى الدنيا كلها والله...عمرنا ماشفنا منه شي مو زين..بعدين اختك عمرها ماشتكت منه؟؟؟؟؟مشعل/انا بس...
محمد/علشان نعالج الغلط..مالازم نسوي غلط ثاني!!!!اللي بيني وبين فيصل وعمي مالازم يدخلون فيه وصال سعود وينخرب بيتهم...فاهمني يامشعل؟؟؟؟
طلال/كل يوم يامحمد يزيد اعجابي فيك.....وفي تفكيرك.....
////////////////////////////////////
في بيت ال معمر..........
ام الوليد/زارتنا البركة والله..
ام فيصل/ساعتك ابرك يام الوليد...
فيصل/عمتي شلونك؟
ام الوليد/انا بخير...انت شلونك..وشلون المستشفى معك؟
فيصل/ماشي الحال....اليوم اجازة مافي دوام(ملزوم يعطيها وجه ويسايرها علشان بنتها الحلوة!!!)
ابو فيصل اللي ماتكلم من دخل/الا وين الوليد ماشفنها من وصلنا!!!!
ام الوليد/بعد وينه عند مشعل الله يحفظهم...يامشعل هنا ياهو هناك؟
فيصل/شتخصصه الوليد؟
ام الوليد/ادارة اعمال....
فيصل/اممم..
ابو فيصل/قايل له ادرس بره ابرك لك بس امه مارضت؟
ام الوليد/حرام عليك ياخوي انا ماعندي الا ها الولد بعد يروح يتغرب عني شتبيني اسوي في نفسي؟؟
ام فيصل/انا اللي عندي ثلاثة الله يحفظهم ويحفظ شبابهم يوم انه فيصل راح راحت روحي معه!!!والله انك تعيشين هنا وعقلك معهم هناك تظلين تحاتينهم دوم شيسوون وشياكلون ومع منو يمشون.....حتى اذا زوجناهم يام الوليد نظل شايلين همهم!!!(كانت تقصد بكلامها سعود لانها متضايقة علشانه ولان ابوه مطنش الموضوع)
//////////////////////////////////////
في غرفة العنود..
البندري/هاذي الناس السنعة اللي جاية تخطب صدق!!!!ماخلا فيصل شي في السوق ماشراه؟؟؟
العنود/ليش هو ماغير رايه؟؟؟
البندري/يغير رايه في شنو؟
العنود/مدري بس انا حطيت في بالي انه اليوم بيجي وبيقول مابيها خلاص؟؟
البندري/حبيبتي هي السالفة مو على كيفك تحطين في بالك شي وتبينه يصير!!!وعلى فكرة فيصل اذا غير رايه وقال مابيها ماراح يكلف عمره ويجي البيت ويقولها عنده ناس توصلها؟؟؟
العنود/في ذي معك حق يالبندري....
الجازي دخلت عليهم/توت.توت..توت ...عاجل ياعنود خالي يقول لك انزلي لهم المجلس يبونك....
العنود/.ياذا الهم؟
البندري/المهم لو سالك عن طلباتك اطلبي مهر مليون وطلعي عيون ابوه!!!!
الجازي/سوي له شروط تعجيزية!!!
العنود ضحكت عليهم..لانها عارفة انها بتدخل وماراح تتكلم ولاكلمة كيف بعد يبونها تتشرط على فيصل!!!!!!!
///////////////////////////////////////////////////
نوف اتصلت على لؤلؤة وطول الوقت تدعي انه طلال هو اللي يرد عليها بس خاب تمنيها يوم انه لؤلؤة هي اللي ردت..
نوف/اووووف...
لؤلؤة/يوم انك بتتاففين ليش متصلة علينا!!!
نوف/وينه ليش مارد؟
لؤلؤة/منهو؟عين السيح!!!
نوف/يعني منو بيكون..بو ضاري...
لؤلؤة/لاحبيبتي طلال بو فهد على اسم ابوه...
نوف/نعم نعم نعم!!!!وخالد بالله شفايدته مو الكبير!!!!خلاص هو اللي بيسمي فهد انا ابي ضاري؟
لؤلؤة/يصير خير ندرس الموضوع اول!!
نوف/اقول لايكون مصدقين حالكم انتوا؟؟؟؟بكرة بس يجي يخطبني لانسيه اسم امه وابوه!!!
لؤلؤة/قدها وقدود والله !!!!
نوف/أي خلك كذا....كيفك؟
لؤلؤة/بخير والله.....انتي كيفك وش اخر المستجدات عندكم؟
نوف/مستجداتنا ماهي حلوة.....راحوا بيت عمتي يتفاهمون ...
لؤلؤة/خلاص يعني؟؟؟
نوف/يابنت وش اسوي...بياخذها يعني بياخذها مصيرنا كلنا نرضخ للواقع؟
لؤلؤة/الله يسعدها مع منو ماكان ويعطيها على قد نيتها..
نوف/وانتوا شخباركم..شخبار وصال وبسولي معكم؟.
لؤلؤة/هذا بسولي مطلع لنا قرون ياعمة بسولي مايقعد ها الولد دقيقة وحدة عوذته بالله؟؟؟
نوف/شوي شوي لاتحسدينه؟؟يمه من عيونك..
لؤلؤة/انا قلت معوذ بالله!!!!بس ام بسولي بيني وبينك تعبانة؟
نوف بخوف/شفيها؟؟؟
لؤلؤة/مدري بس هي من قبل يومين وهي كله نايمة وتعبانة.....ومن شوي تعبت وعمي وداها المستشفى ولسه مارجعت؟
نوف/وضحى معها؟
لؤلؤة/أي دقيت عليها قالت لي لسه ماشافت الدكتورة بس ابشري اول ماسمع عنها بطمنك عليها؟؟؟
نوف/أي الله يخليك......سعود ماشافها اليوم؟
لؤلؤة/والله اعتقد انها شافته لان مرة عمي لزمت عليها تقوم تشوفه..بس والله اعلم انهم ماتفقوا على شي..لانها كانت تعبانة وبسرعة قامت ماقعدت معه واجد!!!
نوف/ياربي مدري من وين طلعت لنا ها السالفة بعد!!!!!!والله بيتنا صاير مشوش وكئيب وشقولك بعد يخنق؟؟؟؟تدرين مفكرة اربعاء وخميس وجمعة انتقل بيتكم؟؟؟
لؤلؤة/ياسلام...وسبت واحد واثنين وثلاثاء روحي معه الشرقية!!!!!!!!!!!بنات اخر زمن مايستحون....لكن تدرين شلون خلك على الخط.....
//////////////////////////////////////////////////
العنود بعد ملبست عبايتها..
العنود/بندورة اتلثم ولافتح وجهي؟
البندري/انك تفتحين وجهك هو الافضل طبعا بما انه حفظ صورتك وبما انك ماتغطين وجهك الا نادرا!!!بس علشانه فيصل وعلشان احنا مو طايقينه ولا نحبه تلثمي وقهريه!!!!
العنود/رايك كذا؟؟
البندري/أي...ولاتعطينه وجه ابدا اذا كلمك.....ردي عليه بدون ماتطيح عينك في عينه؟؟
العنود/حبيبتي انتي تسلمين والله اني بدونك اضيع...انتي وهند كل شي في حياتي؟
البندري/يالله روحي بسرعة...,انا مجهزة لي مكان بره المجلس من النافذة اللي يره وفتحتها قبل لايجوون علشان اعيش الجو معك؟
العنود/ههه الله يقطع سوالفك منو وين تجيبين ها السوالف انتي؟
البندري مسكت يدها ومشوا لعند المجلس..
البندري/يالله عمري ....قلبي معك....
مشت بخطوات بطيئة وثقيلة وهي حاسة انها خلاص باعت كل لحظة حلوة عاشتها مع محمد بصدق وبراْة ..لكن شتقول..ماتبي تتحسب على احد....بس يارب اذا كان لي فيه صلاح وفقني واذا ماكان يارب لاتتممه لي!!!!!
ام فيصل/حيا الله العنود...تعالي يمه....
العنود مشت لعند ام فيصل اللي وقفت لها وباستها وضمتها لصدرها وهي ترحب فيها....وقعدت جنبها علطول بدون ماتسلم لاعلى فيصل ولاعلى خالها!!!!!
ابو فيصل/الله لنا يالعنود؟
العنود نزلت راسها بالارض...هي للحين زعلانة منه وحاسة انها في ها اللحظات بتبكي...
ام الوليد/عنود قومي سلمي على خالك شفيك؟
العنود تفشلت من كلام امها وقامت ....وهي تمشي وهي حاسة ان عيون فيصل بتاكلها...ماكان قاعد قريب من خالها بس عيونه كانت تتبعها..
مدت يدها ببرود له/شلونك....
ابو فيصل/انشد عنك يابنيتي؟
طاحت عيونها بعيونه....صحيح في ناس في ها الدنيا يقتلون القتيل ويمشون في جنازته!!!!!!
مشت بترجع مكانها جنب ام فيصل...وناداها فيصل وهي تمشي...
فيصل/وانا مالي سلام يام عبد العزيز؟
وقفت مكانها مرة وحدة ياربي ليش مسلطه علي!!!شسويت انا في دنيتي علشان انحط في موقف كذا!!!!!!!!
ام فيصل/يالله لاتفشل بنيتنا يافيصل؟
فيصل/وانا شبي منها غير السلام؟؟
احتارت ...تكلمه من مكانها وهي واقفة ولاتروح جنبه وتسلم عليه وهي قريبة منه ولاشيبي بالضبط!!!!!!!
وقررت انها تروح جنبه لانه وقف وكانه ينتظرها تجي فما شافت بد من انها تقرب منه......
تقربت وهي مو عارفة كيف شالتها رجلها ووصلتها لعنده..لقته مد يده لها يسلم عليها...
العنود في بالها(هذا وين مفكر نفسه قاعد مصافحة مرة وحدة!!!!!)
مدت يدها له وقالت له بصوت يادوب يسمعه/شلونك.
فيصل شاد على يدها بقوة وكانه خايف تمشي/انتظر شوفتك والله!!!انتي شلونك؟
العنود/بخير.....
فيصل قربها من يدها/قعدي ليش واقفة......وقعدها جنبه.....وهي خلاص حست انها ماراح تقوم من على الكنبة مرة ثانية ابدا!!!!!!!!!!!!!
فيصل ظل يناظرها....وهي منزلة عيونها بالارض...
ام الوليد/عن اذنكم شوي.....
طلعت لانها عارفة فيصل وعارفة اللي ممكن يقوله فيصل لو يسويه!!!!لابيهتم لمبادى ولا لوجود اهل بينهم حتى!!!طلعت علشان لاتشوف اللوم في عيون العنود لها!!!!!!!!!!
فيصل/ماقلتيليانتي في أي بنك تشتغلين؟
العنود/.....................ساب..
فيصل/حلو.....وطبعا عارفة انك بتقدمين استقالتك من بكرة!!!
رفعت راسها له والتقت عيونهم ببعض وحست بالخوف من فيصل ها المرة ليش ماتدري؟؟؟؟يالله يالعنود هاذي اول الاوامر بدت من سي السيد بدون ما يفكر ياخذ رايك ولا يشاورك؟؟؟؟
لفت عنه وكلمت ام فيصل/ليش ما جات لطيفة ولانوف معكم ياخالتي؟
ضيقة فيصل بينت عليه ليش انها حقرته وطنشته وكانها ماتسمع كلامه!!!!واللي ضاق اكثر ابوه؟؟؟؟؟
ام فيصل/سلامتك يمه..بس لطيفة اليوم في البحرين ونوف تقول عندها امتحان السبت يادوب تخلص الليلة نص الملزمة.....
العنود ضحكت لخالتها/ليش من متى نوفوا تذاكر!!!!!هاذي جديدة؟
ام فيصل/هههههه ماتعرفينها بعد نوف!!!خلاص اذا دخل شي في بالها مانقدر نتكلم لها.......
دخلت ام الوليد بالشاي والقهوة والحلويات والمكسرات(لزوميات الضيافة يعني)
ام فيصل/ليش جايبة هذا كله احنا شوي وبنقوم!!!الا وين البنات ماشفناهم؟
ام الوليد/الا دقت على اخوها وقالت له تبي تطلع ومارضى يطلعها وراحت تنام والثانية اكيد ماسكة التلفون؟
ام فيصل/أي البنات مامنهم فايدة وهم قاعدين عندك يانوم ياطلعة ياتلفون!!غير كذا ماتشوفينهم الا بالموت!!!بس من يتزوجون تصير الحسرة عليهم؟
ام الوليد/أي والله ياختي..من اللحين وانا ماني عارفة شبسوي من غير العنود!!!ماحد مؤنسني غيرها...
العنود بلا مبالاة/مو مشكلة ماطلع من البيت اظل ساكنة معك.....؟
ام الوليد تمنت ان العنود ماقالتها لان العيون كلها لفت عليها وهي تفشلت/
ام فيصل/عايفتنا يالعنود؟
العنود بفشلة/لا خالتي مو هذا القصد....بس مافيها شي لو سكنا هنا مع امي.....ابو فيصل اللي العنود قاهرته من حقرت ولده/مو مشكلة هذا بيتي وذاك بيتي؟؟؟؟؟؟؟؟؟؟؟؟؟
حست الدنيا كلها تدور حواليها وان عيونها بتدمع وتمنت انها فعلا ماتسرعت ونطقت ها الكلمة!!!بس ياليت ماتفيد شي ابدا!!!!!
فيصل حس بدموعها في عيونها وثارت غيرته وحميته عليها وهو حالف مايهمه ابو ولام بيحارب الدنيا علشان يسعدها!!!!!
فيصل لف على العنود/ليش انتي ماتبين تسكنين في بيت بروحك؟
العنود/.......................
فيصل/انا حاسب حساب ان احنا نبني لنا بيت بروحنا ونسكن فيه...علشان تاخذين راحتك؟؟
ابو فيصل/أي بس يبى فيصل شقتك اللي بالبيت كبيرة ماهي صغيرة وبتاخذ راحتها فيها حتى بابها منفصل عن بابنا؟؟؟
ام الوليد حست ان فيصل مطنش كلام ابوه وينتظر رد العنود تكلمت هي/لا يافيصل عنود ماتحب تقعد بروحها!!!خلها في البيت مع امك واهلك على الاقل في من يؤنسها ويسليها بدل قعدتها بروحها!!!وبعدين لوتعبت لو صار لها شي انا مابتطمن لو كانت بروحها يافيصل؟؟؟
فيصل حط رجل على الثانية /انا مالي شغل ها الموضوع عنود هي اللي بتقرره وانا علي التنفيذ!!!!!!
ابو فيصل كان يناظر في العنود وهو يتمنى انها ماترفض.....
العنود/........................

على فكرة البارت كان كامل بس الله يسامح اللي كان السبب وانقسم قسمين!!!
بس مومشكلة بسرعة تابعوا باقي الاحداث لاتطير من بالكم!!!!!
***************************************
ابو فيصل كان يناظر في العنود وهو يتمنى انها ماترفض.....
العنود/........................
فيصل/شقلتي؟
العنود ناظرته وقالت بحدة/صدق وصال في بيت اهلها؟
استغرب سؤالها وانها غيرت الموضوع مثل ماكل القاعدين استغربوا..!!!!
فيصل/أي صدق....
العنود بنفس الثبات/ليش؟؟؟؟؟؟؟؟
فيصل حس انه ضعيف ولاول مرة في حياته مو عارف شيقول لها/يمكن صار سوء تفاهم ....
العنود/يعني طلعت من البيت زعلانة!!!!!
ابو فيصل/ماحد زعلها هي من نفسها طلعت ومثل ماطلعت بترد؟؟؟؟
العنود طنشت خالها ولفت على فيصل/وتعرف اني ماراح املك يافيصل اذا هي بتظل زعلانة في بيت ابوها!!!!!
احتار فيصل بشنو يجاوبها والله ماتوقعها عنيدة تطلع من موضوع وتدخل في الثاني وكانها تبي تذله/بس سعود راح لها وهي عيت ترجع معه!!!!
العنود/فيصل.....
حس انه قاعد يتنفس من حروف اسمه اللي انطقته...
فيصل برقة لاحظوها الوجودين/يانعم.....
العنود حست انه ممكن يلين ناحيتها شوي وينفذ اللي تبيه من لهجته/ابي وصال ترد بيتها مابي اخذك وفي ناس تفترق بسببنا يافيصل؟
فيصل كان يناظرها وهو وده يفك لثامها ويظل يتاملها....../
فيصل/لك اللي تبينه...بترد وصال يعني بترد وصال وشتبين بعد؟
العنود نزلت راسها بالارض من جديد....ماهي عارفة شلي يسويه فيصل لها...ساعة حنون وبينفذ طلباتها وساعة قاسي ويبيها تسوي كل شي على كيفه!!!!!ياترى بيظل متقلب كذا حتى بعد الزواج !!!!!
فيصل/عمتي في احد بالحديقة اللي بره؟
ام الوليد استغربت سؤاله/لا؟؟ليش؟؟
فيصل وقف ومسك يد العنود ووقفها معه وقال بصيغة الامر اللي ماتقبل النقاش..
فيصل/بنقعد انا والعنود بنتفاهم على بعض الامور !!وطلع معها وهو ماسك يدها وسط قهرها لانه يسوي كل شي اللي براسه ومايشاورها!!!!!
////////////////////////////////////////////////////
نرجع للؤلؤة ونوف اللي على الخط...
طبعا لؤلؤة حطت التلفون سبيكر ودقت على طلال من جوالها وحطته بعد سبيكر....
طلال من يشوف رقم لؤلؤة يبتعد عن المكان اللي هو فيه لانه موصيها على نوف وانها تنقل له اخر اخبارها.......
طلال/هلا لؤلؤة...
نوف سمعت صوت طلال وقامت تسب في لؤلؤة اللي اللحين بتنقل لها كلامها اكيد!!!!!
لؤلؤة/هلا فيك كيفك..
طلال/الحمد لله...
لؤلؤة/وينك فيه؟
طلال/قاعد مع محمد والشباب..ليش؟؟
لؤلؤة/بس كنت بقولك اني من شوي كلمت نوف...
طلال/نوف........شلونها؟
لؤلؤة/متضايقة حييل من بيتهم؟
طلال/الله ياخذ بيتهم ويفكنا منهم ان شاءالله!!!اكيد ماراح تسلم منهم وابوها منو واخوها منو؟؟ان شاءالله بس مو مثقلين عليها؟؟
لؤلؤة/بلى....تصور شنو تبي المسكينة؟
طلال بخوف وهو يستعرض صورها في باله/شنو؟
لؤلؤة/تقول تبي اربعاء وخميس وجمعة تجي عندنا البيت وباقي الاسبوع تبي تروح معك الشرقية؟
نوف وقف قلبها من سمعت طلال يتنهد بقوة وحست ان انفاسه صايرة فوق انفاسها!!!لهدرجة هو يفكر فيني!!!!!!!
طلال بنعومة/متاكدة قالت ها الحكي؟
لؤلؤة/واقسم لك بعد....
طلال/حياتي والله........متى يجي ذاك اليوم بس!!!!الا هي مايصير تقول انها خلصت الجامعة وهي بعدها ماتخلص؟
لؤلؤة/كيف تقول انها خلصت وهي بعدها ماتخلص؟؟
طلال/تكذ يعني تقول لهم خلصت خلاص ونتزوج وبعدين تكمل وهي معي...
نوف ابتسمت لكلامه..طلال مرح وحبوب ..
لؤلة/مايصير ياخوي هاذي فيها شهادة وختم من الجامعة و اوراق رسمية!!
طلال/اففففف....انا ابي اعرف هي ليش تدرس بالله!!!!
لؤلؤة/لحظة اخوي بسالك سؤال؟
طلال/شنو؟
لؤلؤة/انت متاكد انكم اذا تزوجتوا بتكمل وهي معك!!!!
طلال ضحك/يعني ..تكمل فيني انا!!!!!
لؤلؤة/أي قول كذا لاتقعد تكذب علينا...يالله اقلب وجهك باروح اكلمها؟
طلال/كلميها وانا معك خليني اسمع صوتها؟
لؤلؤة/باروح اراضيها مايصير؟
طلال/ليش يالحمارة انتي مزعلتها؟
نوف عجبتها نخوة طلال.....
لؤلؤة /أي بصراحة تقول توها قاعدة ممن النوم وبيتهم طالعين وهي جوعانة وترجتني اودي لها عشى بس انا قلت لها ماقدر لاني ماقدر اطلع مع السايق بروحي في الليل قامت زعلت مني؟؟؟(طبعا كله من تاليف لؤلؤة )
طلال/افا عليك بس؟؟؟؟افرضي اللحين تعبت ولا صار لها هبوط؟؟؟ترى بذمتك يالؤلؤة؟؟
لؤلؤة/حشى لله من وين بيجيها الهبوط بالله؟؟
طلال/يمكن مو ماكلة شي من امس ؟انتي ماسمعتيها تقول انها زعلانة من اهلها؟؟؟بصراحة طحتي من عيني يالؤلؤة...,لبسي عبايتك طيران انا جاي اخذك تودين لها عشى يالله بسرعة...وسكر في وجه لؤلؤة..
لؤلؤة/الله ياخذك من اخو....
نوف/ياي ياحيوانة لؤلؤوا شسويتي فيني!!!ليش قلتيله !!!!!!!!!!
لؤلؤة/بذمتك مافرحتي يوم سمعتي كلامه؟
نوف/والله اني حاسة نفسي بطير فوق يالؤلؤة.....؟؟
لؤلة/المهم اخوي قول وفعل تلاقينه نص ساعة واحنا عندك شتبين نجيب لك عشى؟
نوف/ابي من فرايديزاو من فانلييز..شوفوا انتوا ..اختاروا على كيفكم؟
لؤلؤة/انا اقول نجيب لك بطاطس مقلي من بوفية ونريح حالنا!!!
نوف/ووجع اللي يوجعك ياثقيلة الدم !!هذا قدري عندك؟؟
لؤؤلؤة/هههه خلاص يالله باي....
/////////////////////////////////////////
بعد ماطلعوا في الديقة قعد فيصل وقعدها جنبه وحط يده ورى كتفها!!!
العنود حست انها مو عارفة حتى تتنفس من حركة فيصل!!!!
العنود/ممكن تبتعد عن شوي ماني قادرة اتنفس!!!!
فيصل تقرب منها اكثر وصار لاصق فيها!!!!
رفعت وجها له وصارت عيونهم في بعض...
فيصل رفع يده لها وفك لثامها بيد مرتجفة....
العنود طاح وجها بالارض.....
العنود/اقولك بعد عني مو تتقرب اكثر!!!!
فيصل /علشان تعرفين تقولين لي بعد مرة ثانية؟
رفعت راسها مرة ثانية وتحركت كانها بتقوم من مكانها بس يد فيصل الثانية صارت فوق رجلها وحست برعشة في جسمها...
فيصل/على وين؟
العنود بدون ماترفع راسها له/بقعد على الكرسي الثاني!!
فيصل همس في اذنها/لاعاد اسمعك تقولينها مرة ثانية!!!وين ماقعد بتكونين قاعدة مفهوم!
العنود/أي بس انا مو مرتاحة في قعدتي؟
فيصل/تبين تقعدين بحضني!!!!!
ناظرته وعيونها مولعة من القهر...
العنود بانفعال/انت شمفكرني بالله!!!!!
فيصل بهدوء شديد قهر العنود من جد.../مرتي وحلالي واقعدك وين مابي.....
العنود/تعرف انك بايخ!!!
فيصل/وبعد!!!!!!!!!
العنود/مابي اقعد جنبك...اصلا انا مابيك!!!!
فيصل/انتي ماملتي من ها الموال!!!!!قلت لك ياباب افهمي غيري ماراح تاخذين؟
العنود/مابي غيرك انا راضية بس مابيك؟؟؟؟فيصل احنا مانناسب بعض اصلا ولا في شي!!!!!!!!!
فيصل/بعد الزواج بنصير نناسب بعض!!!!وبعدين انا عاجبني الوضع كذا!!!!
العنود/.................
فيصل/ماقلتيلي شطلاباتك؟؟
العنود/قلت لك وصال لازم ترد بيتها...
فيصل/انتهينا من ها الموضوع...
العنود/اكيد يافيصل ...يعني وصال بترد بيتها معززة مكرمة مرة ثانية؟
فيصل/الا اذا كان عندك شك في فيصل وفي كلمة فيصل؟
العنود سكتت وهي تناظره...فيصل رجال وينشد فيه الضهر وعمره ماقال شي الا وصار!!!!بس ليش هي ماهي راضية تتقبله وتبي محمد؟؟؟؟
فيصل/شلتي محمد من بالك ولا لسه؟؟
العنود ناظرته بخوف معقولة هو عارف شقاعدة تفكر فيه!!!!!!!!
العنود بخوف/كل اللي بيني وبين محمد كلام بالتلفون واتفاق ان احنا بنكون لبعض ولايروح تفكيرك لبعيد يافيصل؟؟؟
تقرب منها اكثر/عارف ان هذا اللي بينكم وبس!!!!!ليش مفكرة انك كنتي بتتمادين معه وانتي لي؟؟؟؟؟؟؟؟؟؟؟؟؟
العنود كانت تتنفس بقوة......
وهو مسك شيلتها بيفتحها......
العنود بعدت عنه/فيصل اتركني اقوم!!!
فيصل حس انه زودها معها ونسى ثقله ورزته..ابتعد عنها شوي...
فيصل/بس احنا ماتفاهمنا على شي بعدنا!!!
العنود/في كل الالات انت بتمشي رايك في النهاية!!!!خلاص خليني اقوم.....
مسك يدها وهو يحاول يهديها بس هي سحبت يدها بسرعة لانها حاسة بش ييجذبها لفيصل وماتبي ها الشي يصير!!!!!!
العنود/مستحيل تلمس مني شعرة وحدة!!!
فيصل بغرور/لاوالله انتي ناسية اني زوجك؟
العنود بعناد اطفال/ماصرت بعدك زوجي؟؟وماتدري شنو ممكن يصير قبل لاتاخذني يمكن انك ماتقدر تاخذني؟؟؟؟
فيصل الحس الشراني اشتغل عنده...معقولة متفقة مع محمد يلتقون الليلة !!!!!معقولة محمد بيدخل عليها علشان يجبرني اتركها؟؟؟؟؟؟؟
فيصل بلهجة امر /قومي بنملك اللحين؟
العنود حست ان فيصل انقلب لشيطان وبيسويها فلازم ترجعه هادي مثل قبل شوي...
العنود بهدوء/فيصل انت شقاعد تقول....
فيصل/اللي سمعتي اللحين بنملك؟
العنود/فيصل لا....ليش تسوي فيني كذا؟
فيصل/كيفي ابي املك اللحين؟
العنود/مو معقولة يافيصل...
فيصل/وش اللي مو معقول بالضبط؟
العنود قامت تبكي وهاذي نقطة ضعف فيصل/فيصل ليش انت تتعامل معي كذا!!!!بس لاني ماعندي احد يوقف معي؟؟
فيصل/.....
العنود/حتى ماجيت خطبتني مثل العالم والناس جايب ابوك يعايرني ويعاير امي علشان ننوافق!!!!!واللحين تبي تملك وكاني سافرة لو فيني مرض لو فيني شي سكاتي وماتبي احد يفرح معي!!!!!!!!!!!!!!!ابي اعرف بس ليش؟؟
فيصل خلاص تقطع يوم بكت العنود/انا ماخليته يجي يعايرك مثل ماتقولين!!!!وتفاجات من موقفه منك ذاك اليوم؟؟؟؟؟
العنود حست في صوته الصدق....
العنود/..
فيصل/بس ولاتزعلين نفسك هو ولاغيره..اي احد غلط عليك ابشري بحقك اللي بيرد لك..
العنود/مابي احد يرد لي حقي!!!ابي اعيش بدون وجع راس يافيصل؟؟؟؟؟
فيصل/طيب شتبين؟
العنود/فيصل انت ليش تبيني؟هو غصبك تاخذني؟
فيصل/ياعنود اللي ابيك تفهمينه فيصل ماحد يجبره يسوي شي ابدا ومهما كان ها الانسان؟؟؟؟؟
العنود/يعني انت اخترتني ؟؟
فيصل/............
العنود/طيب ممكن اعرف ليش؟؟؟
فيصل/مو هذا وقته!!!احنا قاعدين نتفاهم على طلباتك وشروطك؟
العنود/انا ماعندي طلبات ولا لي شروط!!!!!
فيصل/ومتى نملك؟
العنود/..............
فيصل/ليلة الخميس الجاية تناسبك؟
العنود حست بالخطر/مو كانه بسرعة؟؟اذا ملكنا ليلة الخميس يعني متى بيصير العرس؟
فيصل/نحدده بعدين على راحتنا..
العنود/شلون يعني على راحتنا؟
فيصل/طول فترة الخطوبة عندنا وقت للتفكير في موضوع الزواج؟
العنود/ليش في فترة خطوبة؟؟
فيصل/ليش انتي اول مرة تسمعين بها المصطلح!!!
العنود/لا بس جدي يقول ...ملكة وبعدها علطول عرس مافي خطوبة بين عيال العم والخال!!!!
فيصل/انا اقولك انسي كل الكلام اللي حواليك واسمعي كلام فيصل وبس؟؟؟؟
العنود/فيصل انا خايفة...
فيصل/من شنو؟؟
العنود/منك يافيصل!!!!!!!!
///////////////////////////////////////////////////
في اخر الليل.....
نوف كانت قاعدة بغرفتها وهي تفكر في طلال وفي كلامه اللي قاله ويوم يجي البيت مع لؤلؤة جايب لها عشى(نوف شلونك...
نوف/هلا بيك....حمد الله على السلامة..
طلال/الله يسلمك..بس ترى بتتعبين اذا كذا كل اسبوع بتشوفيني بتقولينها؟
نوف/ليش حضرتك بتتضايق اذا قلنا لك حمد الله على السلامة؟
طلال/واحد يقدر يتضايق من شي انتي قايلته؟
نوف/......شلون دوامك؟
طلال/ماشي الحال......
نوف/عندك ضغط ولاعادي؟
طلال/لا عادي...يوم في ثنتين..ويوم سبع ويوم مافيه شي...ويوم فوق العشر../افي شي ثابت؟
نوف/يعني كله بنات؟
طلال/.............
نوف/حلوين؟
طلال/ماتوقع مثل اللي في بالي؟
نوف/تفضل....بس ترى اهلي مو هنا يعني لاتدخل؟
طلال/.....نوف...بنتظر اليوم اللي يجمعنا بفارغ الصبر حبيبتي.....)
قال لها اليوم حبيبتي......كانت عيونه صادقة بكل كلمة يقولها....اه يانوف اه...ابيه..ابي يجي اليوم اللي بيجمعني فيه....ياترى بتتغير ياطلال اذاعرفت اني احبك وبتبطل لهفتك علي؟؟؟؟؟ولا بتصير حياتنا كلها حب في حب ياعمري؟؟؟؟(لاتفرحين واجد يانوف ترى بتجيك صدمة عمرك من طلال ومابتتخيلينها!!!!!!)
////////////////////////////////////////////
العنود كانت تكلم هند.....
هند/وبعدين؟
العنود/قعدت ابكي وترجيته يغير رايه,,,وقال اسبوع الجاي ليلة الخميس الجاية بنملك؟
هند/بها السرعة؟؟؟
العنود/اسبوع الجاي بس مو الليلة!!!!
هند/الله يقدم اللي فيه الخير...
العنود/ يعني خلاص السالفة جد وبصير لفيصل مو لمحمد ياهند؟
هند/خلاص ياعنود انسي ها السالفة بتكونين لغيره حرام تفكرين فيه!!!
العنود/الحرام اني اعيش ياهند...اعيش وانا مجبرة على حياة مابيها!!!
هند/توك تقولين فيصل ينشد فيه الضهر ووصال اكيد بترجع لسعود مدام ان فيصل قالها...ليش ماتفكرين كيف بتكون حياتكم وتفكرين في الاشياء اللي تسعده وتريحه وبالتالي ينعكس عليك انتي وترتاحين وتصيرين سعيدة معه ؟
العنود/............
هند/احيانا السعادة ماتجينا بس احنا لازم ندورها ونسعى لها يالعنود؟
العنود/السعادة!!!!!!انا اسمع فيها بس مدري وينها فيه؟؟؟
هند/لاتصيرين متشائمة كذا يالعنود؟
العنود/ياليتني افكر مثل تفكيرك ياهند!!!!!
هند/ماهي صعبة يالعنود....حاولي تمشين معه وتكسبين رضاه علشان تضمنين الراحة معه وتتجنبين المشاكل.....
العنود/فيصل ماهو انسنان عادي ياهند!!!ساعات احسه يبي يقتلني من غضبه وقسوته!!!وساعات احسه مثل الهايم فيني ونظراته كلها حب وحنان!!!وساعات يبي يراضيني وماهو عارف!!!مدري احسه متقلب مقدر ارتب وضعي مع واحد كذا ياهند.....
هند/معليش..شوي شوي وبتتاقلمين على وضعه.....شوفي بروح اشوف وحيد شيبي بعدين بدق لك؟
العنود/طيب باي......
سكرت من عند هند وتمللت...قامت من فراشها..وطلعت من الغرفة...ووقفت محتارة وين تروح..غرفة جويزي لالالا جويزي ماتفهمني عدل...الوليد...الا صدق وليد ماهو هنا يبيلي بكرة ادق عليه علشان يرد البيت لايفكرني مو مهتمة لزعله!!!!البندري...حرام مسكينة متعبتها معي طول اليوم..خليها ترتاح لها شوي....امي!!!!!امي اللي بعدت نفسي عنها من خطبني فيصل!!!!!!!انا ليش بعدت عن امي وانا عارفة ان خالي هو اللي جبرها توافق؟؟؟؟
تقربت من غرفة امها ودقت الباب....
ام الوليد بخوف/منو؟
افتحت العنود الباب ولقت امها قاعدة بفراشها وهي تقرا قران.....
ام الوليد/عنود...انتي مانمتي للحين؟؟
تقربت من امها وهي حاسة ان انها غلطت يوم تبعد عن امها ها اليومين وان امها اروع ام في الدنيا...رمت نفسها بحضنها وقامت تبكي.......
ام الوليد/حبيبتي شفيك؟
ماردت عليها وظلت تبكي...
ام الوليد/فيصل ...ضايقك بشي؟
العنود رفعت راسها/فيصل مايناسبني يمه!!!
ام الوليد بلهجة لاليها حول ولاقوة/يايمه هو وعدني انه مايزعلك ولايضايقك ويحطك في عيونه؟؟
العنود/وانتي شرايك يايمه؟:
ام الوليد/يايمه هذا ولد اخوي وانا متاكدة انه بيدير باله عليك وبيقوم فيك وماهو بمقصر عنك بشي....
العنود/يمه انا ....يمه شنو يعني زواج؟؟؟؟انا فيصل بروحه اخاف من طاريه !!كيف بعد يقولون لي تصيرين زوجته!!!!!!
ام الوليد/لا يايمه اذا بتبدين حياتك كذا تخافين منه مابتعيشين حياتك صح؟فيصل مايخوف يالعنود!!!!فديته يجنن..
العنود/انا ماتكلم عن شكله..اتكلم عن طبايعه يمه!!
ام الوليد/فيصل مثل باسل اخذيه باللطف بيجيك!!!!لاتاخذينه بالعناد والغصب؟؟؟علشان هو لايعند عليك...
العنود/يمه بعيش بروحي في بيت انا وهو وبس!!!!!!!!
ام الوليد/أي يمه خلاص بتكونين زوجته وبيكون لكم بيت بروحكم ......
العنود/...............انتي تبيني اطلع من البيت يمه؟؟
ام الوليد/يايمه هاذي سنة الحياة ان البنات يتزوجون ويطلعون من بيوت اهاليهم!!!صحيح بيعز علي فراقك بس انتي مصيرك تروحين بيت زوجك؟بعدين فيصل كل يوم بيجيبك عندي يالعنود ....
/////////////////////////////////
لاتقولون ان البارت قصير ترى ماهو قصير ابدا!!!!!!!!!!!!!!!وابي عليه تعليق طويل عريض(غصب يعني)
المهم توقعاتكم للاحداث الجاية شنو بتكون!!!!
*********بعد ماحققت عيوني في البعاد امال..اعود للسهر ياخوي فال الله ولافالك!!منو وليش؟؟
******ليلة الخميس بتكون في ناس فرحانة وناس تبكي ياترى شنو بيصير فيها غير ملكة فيصل والعنود؟؟؟
****هل بيوفي فيصل بوعده للعنود وبتكون كلمته كلمة رجال وبترجع وصال لسعود ولا لا؟؟
****نوف وصدمتها من طلال شبتكون وليش وهي مالها ذنب في الموضوع اصلا؟؟
***ليالي وتركي وهل بيعرفون بعض ولالا؟؟وهل بيكون بينهم لقاء؟؟؟
....وتصبحون على الف الف خير ياحلوين ولاتنسوا التعليق.سي يو..

يسلموووو ع البارت

العنود وفيصل وه وه بس يعذب فيصل وشوويه عليه يعذب مايصير انا احبه بدال العنود حتى اني بحبه اكثر منها
<<--طيري بس هع هع هع
بس هي حماره وخبله اذا ماحبته بسرعه لاتجلس تفكر بحمد كثير عشان ماتخرب حياتها مع فيصل

طلال ..الله يستر .. بلييييز لانخليينه يسووي شي حق نوف بالصور اللي عنده حرام هي مالها ذنب
وبعديين هو يحبها ليه يسووي لها شي يضرها ...

سعود ياربي منها وصال اللي عندها مثل سعود المفروض ماتخليه ولا يوووم هذا "كنز "
وهي غبيه ماتعرف قيمته <<--مالت عليها بس
وترجع له وهي حماره بعد :/
وهالعله مشعل يقوول طلقها طير بس مالت عليك انت واختك الحماره

محمد بعد ذا العله ا الثاني ...
<<--تفكر انو يمووت احسسسن بس اووب الحييين

نانسي الحقيره ... تخوون سلطان وهالثور مالت عليه مصدق انها تحبه مالت عليه خل ينصدم فيها
ويلقاها يووم مع هذا اللي تطلع معه ..
<<--ماخليتي احد في القصه ..


وبس

<<--تعبت من الهذره

لاتطوليين علينا بالبارت الجاي بلييييييييييييييييييز
ونبيه اطووول من كذا نبيه طووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووويل
<<--- حشى خلصت القصه من طوول البارت اللي تبيينه .. هع هع هع

مشكور حبيبتي على البارت الحلو
(يارب ان شاء الله يصير فيصل حبوب مع عنود مو مغرور عليها)
ويالله نبغى بارت في اقرب وقت(ترى انا سجلت في المنتدى بس علشان الرواية)

البارت نايس تسلم ايدك بس لا تتاخري علينا في البارت الجاي[SIZE="7"][/SI

يسلموووووووووو قلبو على البارت
وه لبى قلب فيصل يزننننننننننننن وعنوده احسها بدت تميل له بس ماتبي تعترف
طلال اه منه خوقاق ونوف الخوبله بعد تزنن اتوقع ان في احد بيلقى الصور عند طلال وبتصير مشكله ونوف بتزعل عليه
بس بليز مانبيهم يفترقون زعله حبايب بس خخخخخخ
وننتظر البارت الجاي على نار

مشكوووووووره قلبو



أنشاءالله فيصل ماياخذ عنود

واحس والله اعلم إن الملكه مابتم بسبب وصال

أما نوف وطلال فصدمتيني لما قلتي بتنصدم فيه نوف

(الله يستر) وحده متفاعله بقوه ههههه]

وتركي وليالي مابيعرفون بعض الا بعد مده

وبلييييييييييييييييز كويكلي بالبارت الجاي ياحلوه

تحياتي

اولا حمد لله على السلامة
وتانيا والله ما قطعنى عنك الا ظروفى والحمد لله ادينى معاك
وتالتا الاجزاء حلوة اوى اوى اوى
وانا اكثر حاجة عاجبانى شخصية فيصل والله رجال يعرف كيف يسوى العاوزو
ومحمد ماعجبنى موقفو ابدا لانى اتخلى عن حبيبتو حتى لو انو وقف فى وجه كل الناس مامفروض يتنازل عنها بالسهولة دى
لازم يكون رجال زى فيصل وما يتنازل عن حقو ابدا ابدا وخوصا انو العنود تحبو وهو يدرى انها ماتبى فيصل وسابها له
العنود بعد موقف محمد وموقف فيصل لازم تحب فيصل وتحترمو صح هو اخذها غصب بس هو حبها واتمسك بيها وقال عاوزها حتى بعد ماعرف انو محمد خاطبها ماتنازل عن حلمو وحبو لها

هى صح ماتدرى بس مصيرها تعرف


وبانتظار البارت القادم يا جميل على فارق الصبر