تويت
بصراحة خجلتوني جدا (احم احم احم ههههه) لدرجة اني ماعندي اي كلام اقوله بس بعطيكم الجزء اللي بعده وانتوا اعطوني رايكم ترى النهاية قربت شدوا حلكم,,,,,,,,,,,
ام محمد/السموحة الظاهر اني ماعرفت اربي شمس زيين؟؟؟
ابو خالد/لاياوخيتي شمس ماغلطت هي معاها حق طول عمرها عايشة بدون خوال واللحين طلعوا فجاءة مابتتقبلنا
ام نايف/لاتشغلين بالك ياوخيتي بكرة النفوس كلهابتتغير ان شاء الله...
ومامضت دقايق الا ودق على الباب فتحه خالد واذا بباقي العائلة الكريمة (الجدة,ابو كمال وام كمال وام محمد ونايف ومتعب وكمال)
الجدة من دخلت وهي تبكي/سامحيني يابنيتي انا اللي خليتك تروحين مني واخذت ام محمد في حضنها وقاموا يبكون ثنتينهم بصوت عالي وام محمد تبوس يد امها/انا اللي طالبتك السموحة يمه..
الجدة/22سنة وانتي وعيالك بعيدين عني عيالك اللحين مايبوني ..مايحبوني..مايبون يشوفوني...الله يشهد اني ماشلتك من بالي يوم واحد ...الله يشهد اني كنت ادعي لك في كل صلاة ان الله يحفظك مع عيالك وين ماتكونين ,,,,,,,,,,,,,,الكل قعد يبكي مع الجدة وام محمد لانه كان موقف مؤثر الا متعب كان عنده امل انه يجي ويشوف شمس بس خاب ظنه لدرجة انه ماسلم حتى على خالته...خالد انتبه عليه ومسك يده وطلع معاه...
متعب/شتبي؟
خالد/بنروح ندورها..
متعب/مني؟
خالد/شمس كانت هني قبل شوي بس طلعت زعلانة...امشي وبقولك ليش............
***********************ام متعب الوحيدة اللي ماراحت معهم وقعدت مع ابوها..
الجد/ليش مارحتي تشوفين اختك يام متعب؟
ام متعب/انا ماعندي غير ام نايف الله يخليها؟
سكت الجد واحتار ماكان عاجبه رد ام متعب بس كان لازم يتقبله ويسكت لانه هو اللي قبل 24 سنة قال لهم انسوا ان عندكم اخت في هالدنيا اختكم ماتت خلاص لازم تنسوها واللي ماينساها لاهو من صلبي ولاعرفه...اي يابو عبد العزيز بعدك ذاكر هالكلام وماكان مضى عليه عمر ..؟؟؟شلي استفدته من بعدها مع عيالها؟؟؟شلي اخذته من بعد عيالك عن اختهم ؟؟مافكرت في الام اللي بعدتها عن بنتها؟؟؟مافكرت في نفسك وانت تحاتيها بدون لاحد يدري عنك..؟؟قسيت كل القلوب عليها يابو عبد العزيز بس لانها خالفت شورك وتزوجت على سنة الله ورسوله؟؟؟أي قلب هذا اللي تحمله في صدرك يابو عبد العزيز أي قلب؟؟؟
الجد/كلمي اخوك عبد العزيز يام متعب وقوليله يروح لهم المستشفىظ
ام متعب/كلمته قال لاهي اختي ولابي اروح لها لو على جثتي؟
سكت الجد مرة ثانية ورد ولده هو السبب؟؟ماتبي يقول هالكلام يابو عبد العزيز؟؟اجل شنو تبي؟؟منت عارف...لايكون بس قلبك حن عليها بعد هالعمر هذا كله وتبي تشوفها؟؟؟؟؟؟؟؟
***********************متعب وخالد لفوا المستشفى طول بعرض لين لقوا شمس باخر قسم قاعدة في الانتظار كان المكان خالي الامن دموع شمس اللي مو راضية توقف والجوال اللي في يدها وكانها تستنى احد يتصل عليها في أي لحظة خالد دفع متعب علشان يتقدم لشمس اللي من شافها وهو واقف مكانه يناظرها وابتعد عنهم شوي لانه عارف انه متعب يبي يشوف شمس بروحهم.....
تقرب متعب من شمس ورفع راسها بيده..شمس تفاجات من وجود متعب هي صحيح كانت متوقعة انها بتشوفه بس اللحين لا..اصلا هي مو عارفة شتقول له,,ماحطت في بالها انها ممكن تتواجه مع متعب كاول فرد من عيال الراشد ؟ماحسبت اللحظة هاذي ابدارغم انها كانت تنتظرها من زمان ..متعب ماعطاها وقت تفكر في أي شي..اول ماتقرب منها اخذها من يدها ووقفها واول ماوقفت اخذها بحضنه وضمهابكبر قوة عنده كان خايف انها تبعد من جديد ومايشوفها..شمس كانها تستنى من متعب هالشي بكت وهي على صدره بكل مافيها...(ليش بعدتي وتركتيني ياشمس محتار في امري من فراقك)هاذي الكلمة الوحيدة اللي طلعت من متعب بس ماسمع جوابها من شمس الا دموعها وصوتها وهي تبكي..
خالد اللي كان يشوفهم من بعيد وهو يتحسر عليهم تفاجا لما شمس بعدت عن متعب بقوة..
متعب متفاجىء/شمس...شفيك؟
شمس من بين دموعها/روح يامتعب انا ماحبك انا اكرهك..
متعب باستغراب/تكرهيني ؟طيب ليش؟
شمس/انت واحد منهم ماقدر احبك يامتعب انت واحد من الناس اللي عمري ماراح اسامحهم واحبهم..
متعب/بس ياشمس انا ماعرف شي ولاحتى ادري ان عندي خالة وقسم بالله؟؟؟ليش تحاسبيني وانا مالي ذنب والله العظيم اني كنت محتاج لك وادور عليك ..احترت من سبب غيابك وبعدك المفاجىء..لاكلام ولاحتى اسباب؟؟غبتي عني مرة وحدة وجنني التفكير فيك وفي اللي ممكن يكون صار لك ؟لين شفتك قبل يومين في بيت جدي..عرفت ليش بعدتي من دون ماتقولي ...بس انا ابي اعرف شي واحد وتجاوبيني عليه بصراحة...انتي كنتي من اول عارفة ولابمجرد انك عرفتي اني ولد خالتك قررتي تبعدين عني؟؟؟سكتت شمس وكانت دموعها هي الجواب اما متعب ماعجبه سكوتها لانه بمجرد عرف السالفة كان يبي يعرف رايها ويرتاح فقرر يختار القرار الثاني علشان تهدا نفسه..................
راوية اول مادخلت المستشفى مع محمد ودانيال حست باحساس غريب ..حست ان في شي كبير بيصير ..بس شنو الله اعلم؟؟؟لين دخلوا غرفة امهم ووقفوا مكانهم هي ومحمد,,اما باقي الناس اللي في الغرفة مانتبهوا لهم من الحشرة اللي صايرة لين سمعوا صوت دانيال وهو يبكي الكل التفت الى مصدر الصوت.....وقامت الجدة من مكانها /راوية يمه هذا انتي والله كبرتي يابنيت وصرتي عروس..(لهدرجة مايبين عليها انها ام؟؟)ولمت راوية في حضنها بكل حرارة بعكس راوية اللي كانت في منتهى البرود وهي تتذكر احداث اليومين اللي فاتوا لما اقترحتانهم يروحون بيت الراشد وسط اعتراض شمس وكيف انهم بدل مايساعدوا اختها طردوها؟اجل شيسوون اللحين عند امها ؟؟ومانتبهت الا على صوت امها تناديها .........
ام محمد/راوية..راوية وينك صار لي ساعة اكلمك
راوية/انا موجودة يمه
ام محمد/تعالي يمه
ومشت راوية لعند امها
ام محمد/يمه هاذي جدتك وهاذي خالتك ام نايف وهذا خالك ابو...يمه ليش واقفة روحي سلمي عليهم وانتبهت ان محمد معاها
ام محمد/وانت ليش واقف تعال سلم..
محمد كان ضايق خلقه من تصرفهم مع شمس بس ماحب يبين هالشي لانهم متفقين مايجيبون سيرة لامهم بشي سلم عليهم ببرود وبعدين لف على امه/اجل وين شمس؟
تذكرت الام شمس وكانها نستها...
ام محمد/راوية دقي على اختك شوفيها وين؟
محمد/ليش هي ماكانت معاك اليوم؟
ام محمد/بلى بس طلعت زعلانة
محمد/ليش يمه؟
ام محمد/وانت شيخصك ؟ليش تبي تعرف كل شي؟
محمد سكت وهو يقول في نفسه (الله يستر منكم ياعيال الراشد هاذي بدايتها بزعل شمس والله العالم ليش؟؟؟)(يعجبني الحنون على اخته)
راوية دقت على جوال شمس/الو..هلا وينك أي انا فوق ..لا بس محمد..خلاص لاتمشين انا جاية لك...
ام محمد/وينها؟
راوية/في الانتظار بروح اشوفها..
ام نايف/خذيني وياك يابنيتي بنزل اطيب خاطرها..
ام محمد/خليها تولي عنك يام نايف
ام نايف/لا مايصير طلعنا البنت زعلانة وقامت مع راوية وطلعوا من الغرفة وهم يمشون ...
ام نايف/راوية......انا عارفة انكم زعلانيني مني اومنا ..بس صدقيني ياراوية حنا ماكان في ايدينا أي شي نسويه كان قلبنا على امك بس مافي اليد حيلة,,,,
راوية وقفت مكانها وخانتها شجاعتها وبدت تبكي...
راوية/بس يا....
ام نايف/قوليها ياراوية الله يخليك..قولي ياخالتي...
راوية/ليش اللحين صحى ضميركم فجاءة ...ليش من قبل مافكرتوا تسالون عنها او تعرفون اخبارها اللحين يوم شمس جت عندكم وطردتوها ...
قاطعتها ام نايف/هونك علي ياراوية ,,ترى ماحد كان راضي باللي صار كلنا كنا مسيرين ورى رغبة ابوي الله يسامحه ويهديه ,,
ووصلوا عند شمس اللي متعب كان قاعد جنبها وهو بعد ه حاضنها ويمسح دموعها اما خالد من زمان تركهم في عتابهم ومشى,,,,
راوية/شمس....شفيك؟
شمس التفت لراوية وهي خجلانة من اختها اللي شافتها في حضن متعب(ماظن ياشمس لو خجلانة حسيتي على دمك)
قعدت جنبها ام نايف ومتعب خبر خير ولافارقها,,
ام نايف/شمس
شمس/....
ام نايف/انا ادري انها صعبة بعد 22 سنة تلقون عندكم اهل بس ,,,
لفت شمس لعندها وقالت لها بحدة/بس انتوا مو اهلنا...
ام نايف/بلى ياشمس واللي سويتي هو الصح يوم انك جيتينا..الله يشهد ان امك مافارقتنا لحظة وحدة
شمس/والدليل انكم كنتوا تسالون عنها؟
ام نايف/ومنوا اللي دخل في بالك ان احنا ماكنا نسال عنها بس اللي نعرفه انها راحت الشرقية مع اهل ابوك واستقرت هناك....
راوية/بس ابوي مات من ست سنين الله يرحمه.
ام نايف/الف رحمة عليه بس والله ان احنا ماعرفنا
راوية/واحنا رجعنا بعد وفاة ابوي بسنة وحدة بس..
ام نايف/وليش ماظليتوا عند اهل ابوكم هناك؟
راوية قامت تناظر شمس اللي قامت وشت عنهم ومتعب يناظر ها بعيونه واذنه مع خالته
راوية حبت تغير الموضوع/اكيد دانيال مو ساكت اللحين خلونا نروح نشوفه احسن..
ووقفوا ثلاثتهم بيمشون,,
شمس/راوية انا بروح البيت..
راوية/زين نطري كلها عشر دقايق وتنتهي الزيارة ونروح سوا..
شمس/مالي خلق اقعد اكثر من كذا ياراوية؟
راوية/زين نطري انادي محمد علشان يشوف لنا تاكسي..
متعب اللي مابغى ينطق/ليش التاكسي انا بوصلها..
شمس بحدة/مشكور بروح بروحي..
متعب بكل هدوء/بس ماعندنا بنات يروحون بروحهم..
شمس/بس انا موبنتكم يعني ماني بنت الراشد علشان تخاف علي..
متعب/انا بعد مو ولد الراشد وكذا نكون متعادلين...
راوية اللي حبت تسكر الموضوع/مايصير تروحي قبل لاتشوفين امك ركبي سلمي عليها اول..
شمس اللي ماحبت تكسر كلام اختها قدام متعب مشت معاهم لين وصلت باب الغرفة ووقفت جنبه
شمس/راوية اذا طلعوا بعدين بدخل انا
راوية جت بتتكلم بس ام نايف ماعطتها مجال/براحتك يابنيتي ..
ودخلوا راوية وام نايف الغرفة...
الجدة/ها لقيتوها؟
ام نايف/أي يمه شفناها..الجدة/وينها ليش ماجبتوها معاكم؟
ام نايف/واقفة عند الباب مع متعب..
(خالد يهمس لكمال ونايف/هو فارقها من شافها للحين)
الجدة/اجل انا بطلع لها؟؟
ام نايف/لايمه خليها تهدا شوي وبكرة افراج
الجدة/لانا ماقدر اصبر لبكرة اصلا انا اللحين بروح مع محمد فديته بيتهم علشان اشوف باقي عيالي..(كانت ماسكة يد محمد في يدها علشان مايروح بدون ماتحس فيه)
ام محمد/والله فشيلة هالبنت مادري من طالعة عليه عنيدة من بين اخوانها.ز
ابو كمال وهو يبتسم لها/على امها ياوخيتي...
ضحك الجميع بمن فيهم راوية اللي علقت على الموضوع/اول مرة امي احد يقول لها كلمة حق وماتزعل منه..
ابو كمال/أي بس انا مو أي احد ياراوية يابنيتي انا اخوها,,
قطع عليهم سواليفهم صوت الممرضة تناديهم بان الزيارة انتهت
نايف/خلاص انا بروح اباشر في اوراق المستشفى...
كمال/خذني معاك..
وطلعوا من الغرفة ووقفوا جنب متعب وشمس اللي مبين ان الجو متوتر بينهم
نايف/مرحبا شمس..
اكتفت بانها تناظرهم من فوقهم لتحتهم بدون ماترد
كمال يهمس لنايف/لاوالاخ واقف معاهم من صبح الله مادري شعليه نفرتتي شايفة حالها...
طلع الكل من الغرفة وهم يمشون وقفوا عند متعب وشمس..
ابو كمال/شلونك يابنيتي..
شمس/..........
ابو كمال/ماعليه يابنيتي كلنا غلطنا والله يسامح شلون عبيده..
ابو خالد/راوية انا بستناكم تحت علشان اوصلكم..
ونزلوا كلهم ماعدا الجدة وراوية وشمس ,,,,,,,,,,الجدة تقربت من شمس../تعالي يمه في حضني ياشمس...
شمس/انا موبنتك..,,,قالتها بعصبية ودخلت غرفة امها..ووقفت عند الباب /بغيتي شي يمه قبل لاروح..
ام محمد/تعالي يمه قربي..
شمس قربت من امها بدون ماتناظرها/نعم
ام محمد/نعم...يمه شفيك دايرة وجهك عني؟
شمس/انتي خلاص ماتحبيني؟
ام محمد/انا ياشمس؟انا ماحبك؟ليش عاد يمه؟
شمس/لانك بس شفتي هلك بعتيني..
ام محمد/انتي بالذات ياشمس اللي لو ابيع خوانك وهذا مستحيل مابيعك معهم وانتي عارفة غلاوتك شنو ياشمس انتي شمس مو أي وحدة..
وقعدت شمس بحضن امها وهي تبكي (للحين ماخلصت دموع شمس )
الام وهي تمسح على راس بنتها بحنان/يمه منو اللي قايل لجدتك وخوالك اني تعابانة ؟
شمس/مادري ليش ماسالتيهم؟
ام محمد/يعني مو راوية؟
شمس/لاوبعدين لانا ولاراوية ولاكل اخواني مانحبهم ولامعترفين فيهم بعد..
ام محمد/خلاص يمه لاتعصبين وتزعلين نفسك...
***********************تحت كان محمد وابو خالد واقفين..
ابو خالد/انت باي فصل؟
محمد/تركت السنة هاذي..
ابو خالد/ليش؟
محمد/قلت بدور شغل..
ابو خالد/بس انت بعدك ماخلصت حتى ثانوي كيف تشتغل وانت عمرك 16سنة؟
محمد/علشان اصرف على امي وخواتي؟
ابو خالد حس بالانكسار/ليش منو اللي يصرف على البيت؟
محمد/شمس..
ابو خالد/يعني شمس تشتغل..
محمد/ساعات وساعات..
ابو خالد/مافهمت؟
محمد/لقت شغل اشتغلت مالقت خلاص..
ابو خالد/وشنو الشغل اللي تشتغله لو شافت..
محمد/شمس تشتغل كل شي..تدرس عيال الجيران,تمكيج بنات,ترسم,تصور,أي شي,,,,
ابو خالد في هاللحظة حس ان قلبه متقطع عليهم معقولة حالهم صعب واحنا كل واحد شارب وماكل وموهامته الدنيا..وقطع عليه افكاره وصول متعب وشمس وراوية,,,
ابو خالد يكلم متعب/انت مامشيت..
متعب/لا
ابو خالد/يالله مشينا...
شمس/انا مو رايحة معك(تقصد ابو خالد)
ابو خالد/ليش ماتبيني اروح بيتكم,,
شمس/بيتنا مو مثل بيتكم بيتنا اقل من العادي يعني اكيد ماتب...
راوية بحدة/شمس...
شمس/وبعدين انا مابي اوركب معاك لانك ولد الراشد بس هو ولد الشهري...
متعب من هالكلام ارتاح بس ماحب يبتسم قدام خاله,,,
متعب/خلاص ياخالي انت روح وانا باوصلها...
راوية/بس..
ابو خالد/يالله مشينا(يكلم راوية ومحمد)
وبعد مامشوا,,,,,,,متعب التفت لشمس كانه يقول لها يالله مشينا
شمس/لاتطالعني كذا انا مابركب معك بس لاني مابي اوصخ حالي واركب مع عيال الراشد,,,
متعب /انا مليت من قرارتك ياشمس...ومسك يدها بالقوة ومشاها جنبه,,,
شمس بصوت واطي/اترك يدي ماراح اروح معك لاي مكان يامتعب,,
متعب مشى وماكانه يسمعها لين وصلوا لمواقف السيارات وتحديدا عند سيارته الكاديلاك دق قلبها شمس اول ماشافتها وتذكرت الليلة اللي ركبت معاه السيارة واللي كانت تسميها(ليلية حبنا) وكل اللي صار فيها(يعني اثارة..)
شمس بدون ماتلف على متعب/ماقدر اركب في هالسيارة...
متعب/ليش انك تركتي فيها ذكريات ماقدر يشيلها غير قلبي....
مرت فترة صمت قطعها متعب لما فتح لها باب السيارة وركبت وهي مترددة وركب جنبها ومشوا وبعد فترة سكون...
متعب/انتي مو وعدتيني قبل انك تغطين وجهك؟(صدق نفسه خلاص انه رجع )
شمس وهي تناظر من نافذة السارة/متعب.....انت مانسيتني..
متعب بعد ماتنهد تنهيدة طويلة/ومن قال لك اني راح انساك؟
شمس/بس انت لازم تنساني..
متعب/ماحد يقدر يغير اللي في القلوب ياشمس..
شمس/بس احنا ماناسب بعض..
متعب/في شنو؟
شمس/في كل شي؟يعني انت ماتعرف وضع عيشتنا يامتعب احنا ناس اقل من ان احنا نكون على قد حالنا احنا ,,,
قاطعها متعب/قلتيلي هالكلام من قبل وقلت لك مايهمني والماديات بالنسبة لي ماهي عائق وتفكيري ارقى من كذا بكثير......
دقيق صمت مرت بعد كلامه قطعها لما قال لها/تعالي بسالك خالتي اذا مالقت اكل تاكل عيالها منك؟
اول مرة اليوم شمس تبتسم لانها حست ان متعب في الدقايق او الساعة اللي شافها فيها فصلها تفصيل,,
متعب لف لعندها وابتسم/علشان تعرفين ان صورتك مافارقتني لحظة وحدة يا...اللحين بعد ماعرفت اسمك كيف تبيني اناديك..
شمس/ابيك تنساني؟
متعب/ليش ياشمس مصرة على النسيان قلت لك ماقدر انا متعلق فيك حيل وبعدين وين الحب الاولي ياشمس؟اذا على عيال الراشد انا متبري منهم كلهم علشانك ياقلبي(صدق انك ناكر عشرة)
شمس/امك ماجت معهم اليوم صح؟
متعب/انا مادري عنها ..اصلا انا مادري عن شي من شفتك في بيت جدي كل همي اني اشوفك وبس..
شمس/خلاص ادخل هذا الشارع بعدين يمين..
متعب/ماشتقتيلي؟
شمس/اه...اللحين ادخل يسار...
متعب/تغيرتي حيل والله دنيا دوارة صدق كنتي تجنين على ماتسمعين مني كلمة حلوة صرت اموت بس علشان اسمع منك أي كلمة ورطتيني معك يابنت الناس وانسحبتي؟ وصرت انا المجنون اللي مو عارف شسوي؟
شمس/اللحين كمل الشارع هذا,,,مشى متعب ووقف عند البيت اللي كانت سيارة خاله ابو خالد واقفة عنده..
شمس/انا افضل انك ماتدخل؟
متعب/حاضر..بس ممكن تجيبيلي ماي..
شمس ماكان عاجبها او ماتوقعت منه /طيب..
ونزلت وحمد ربه انها ماخذت شنطتها معاها علشان يسوي اللي في باله وماصدق تدخل البيت فتح شنطتها وطلع مو بايلها ودق على رقمه وتفاجاء انها مخزنته باسم (عمري مابنساك) وابتسم ورد الجوال مكانه بسرعة وهو مرتاح يعني الليلة اكيد بيسهر معاها وبيعرف ليش بعدت عنه المدة اللي فاتت كلها؟
ومثل مانزلت بهدوء رجعت بهدوءوهي تمد يدها بالماي وتاخذ شنطتها
متعب/بدون أي سلام..
شمس/اتمنى اني ماشوفك واجد في الايام الجاية ..
ومشت صوب بيتهم ومتعب فتح النافذة وهو يقول بصوت يسمها بس/احبك ياشمسي احبك...
ومشى من شارعهم وشمس وقفت عند الباب تحمد ربها ان مافي احد في الشارع سمع كلام متعب كان علومها علوم..ودخلت البيت علطول لغرفتها وقعدت على فراشها تسترجع احداث اليوم بطوله (خصوصا مواقف متعب وكلامه)
***********************ابو خالد/انا استاذن اللحين...
راوية/توهالناس ياخالي خليك شوي بعد..
ابو خالد/ماعليه بكرة ان شاء الله بمركم تعرفون جدتكم كانت تبي تجي اليوم وبكرة باجيبها تزوركم....المهم محمد ماوصيك على خواتك انت رجال البيت,,
محمد/من زمان موتوني..
ابو خالد/انتوا بعد خلوا بالكم من اخوانكم(يقصد وسام وسامر)
وسام/ان شاء الله..
ابو خالد/هذا رقمي ياراوية ولو احتجتوا أي شي في أي وقت دقوا علي,,
راوية/مشكور ماقصرت..
ابو خالد/يالله تصبحون على خير...
بعد ماطلع ابو خالد
راوية/شمسوا للحين ماجت؟
لميس/بلى..
وقامت راوية بتروح لها بس لميس وقفتها/لاتتعبين نفسك رحت باخذ التقرير منها لقيتها في سابع نومة..
محمد/والله شكلهم خوالي طيبين مثل ماقالت امي..
ميس/لاوالله ماشكلهم؟
راوية/لاتصيرين لي شمس ثانية قهرتني صدق مامسكت لسانها عن الاوادم من كبيرهم لصغيرهم,,
سامر/يستاهلون عساهم البلاء
راوية/عيب انت بعد,,
وسام/المهم اللحين امي بتسوي العملية ولالا..
راوية/والله مادري في اثنين مادري هم عيال خالي ولاعيال خالتي قالوا بيخلصون اوراقها لما طلعنا يعني الخبر ناخذه بكرة..
نور/الحمد لله خالكم طلع وماقعد للعشى..
راوية/وليش باللهظ
محمد/لاتسوين روحك ماتعرفين ان البيت يصفر مافي شي
راوية/زين علشان ترقدون الليلة خفيفين..
وسام/شدعوة في ليلة رقدنا ثقيلين,,ماطول عمرنا راقدين خفيفين..
سامر /صحيح راوية اليوم ابو محمد صاحب البيت مر وقال لكم مهلة يومين ياتدفعون الايجار او برمي اغراضكم في الشارع...
***********************في بيت الراشد الكل عرف عن سالفة ام محمد الجاسر ومرضها على مسمع من الجد اللي ماعلق على الموضوع بحرف واحد..
ام نايف/يالله يانايف قوم نروح البيت..الوقت متاخر.
الجدة/ها بكرة بتروحين معانا..
ام نايف/خلاص انا بخلي السايق يوديني لاني باخذ البنات معي..
ام كمال/على هالحساب بتتاخرين..
ام نايف/أي مايصير بعد مايروحون يشوفون خالتهم وبالمرة يتعرفون على بناتها,,
ام خالد/وانتي الصادقة انا باخذ مشاعل معي بكرة بعد,,
ام متعب/طالعة يام نايف..
ام نايف/أي رايحة البيت..
ام متعب/خذيني معك لان متعب راح من زمان
ام نايف/يالله اجل تصبحون على خير
ام محمد/وانتوا بعد باقي لنا هاليومين ونخلص المدرسة كل واحد على فراشه..
مشاعل تكلم ابوها/يبى يصير بكرة نروح المستشفى نشوف عمتي..
الجد/بعدك ماشفتيها يامشاعل صارت عمتك(كان الجد يحب مشاعل اكثر وحدة من البنات ونايف اكثر واحد من الشباب)
مشاعل/يوم ان ابوي اخوها وهي تصير اخته اكيد بتكون عمتي..
ام خالد اللي حبت تغير السالفة لايزعل عمها/الا وين خالد ماشوفه
دلال/كالعادة طلعوا هو وكمال ومابيردون اللحين..
ام كمال وانتوا شلي مضيق خلقكم شباب والشباب يحبون يسهرون
مشاعل/احنا بعد شباب ونحب نسهر بعد ليش التفرقة
ام خالد/يالله عن الهذرة الزايدة وكل واحد على فراشه..
وبعد ماقام الكل بقى بس ابو خالد وابو كمال والجد والجدة..
الجدة/هايمه يازايد ماقلتلي شصار في بيت اختك؟
ابو خالد تنهد تنهيدة طويلة وبعدين تكلم/شقولك يمه..انا اليوم انكسر قلبي عليهم بجد وحلفت اعوضها هي وعيالها عن السنين اللي راحت وهي بعيدة عنا,,,,,اللي عرفته ان ابو محمد توفى الله يرحمه قبل سبع سنين وتركها مع اهله مع ثمانية عيال اربع بنات وثلاث شباب والبنات اكبر من الشباب والظاهر انها صارت مشاكل مع اهل المرحوم علشان كذا رجعوا هنا واستقروا..
ابو كمال/زين من وين يصرفون؟
ابو خالد/هني المشكلة؟
الجدة/شلون يعني؟
ابو خالد/اللي فهمته ان ماعندهم دخل ثابت ومعتمدين على شمس في صرف البيت؟
الجدة/شلون يازايد؟
ابو خالد/والله يايمه انا ماعرفت كل التفاصيل منهم وهم بعد ماحبوا يعطوني كل شي عن حياتهم من اول زيارة وانا مالومهم بظل غريب عنهم..
ابو كمال/زين قاصرهم شي؟
ابو خالد/والله ياخوي قاصرهم واجد؟؟
انا قبل لاطلع سمعت بنتها الصغيرة تشكي ان البيت مافي شي يناكل وهذا اللي حز بخاطري..
الجدة/وليش ماعطيتهم فلوس يابو خالد؟ليش تنيم اليتامى بجوعهم ليش.انت مو قاصرك شي حرام عليك..
ابو خالد/والله يايمه انا كنت ناوي راوية مبلغ في طلعتي بس خفت انهم مايتقبلون مني...وقطع كلامه ابوه اللي كان يرددراوية...راوية..انتوا شفتوا راوية؟شلونها؟كبرت؟صارت تشبه امها اكيد؟مرتاحة بحياتها؟ش..وانتبه ان زوجته وعياله يطالعون فيه هو ماكان يبي يبين لاحد ان مشتاق لهم ويبي يشوفهم بس طاري راوية غير كل شي..راوية اللي كان يبي يربيها بيدينه ويعيشها احلى عيشة.زعيشة بنات الراشد نفسهم مايحلمون فيها على العز اللي هم فيه..بس لو ان امك خلتك عندي كان اللحين انتي بنت الراشد مو الجاسر ياراوية وقطع عليه حبل افكاره ام عبد العزيز وهي تنادي عيالها علشان ينامون وبع مامشوا العيال لفت لعنده../خير يابو عبد العزيز..شفيه كنت سرحان؟
الجد/ولاشي....بس طاري راوية اليوم رجعني لايام زمان ...وصار يتذكر ذاك اليوم اللي ولدت فيه بنته وجابت راوية لما راح عندها المستشفى (الاب/حمد الله على سلامتك..
ام محمد/يبه,,الله يسلمك,,,شفت البنت يبه ترى سميتها مثل مانت تبي سميتها راوية.
الاب/مدام سميتيها راوية لازم اجل تعيش عندي.
ام محمد/يايبه خلاص احنا ماخلصنا من ها السالفة انا ماقدر انت ليش مو راضي تفهمني انا حبيت هالانسان وتزوجته عن قناعة مني ماقدر اخليه بدون أي اسباب؟
الاب/خلاص اجل روحي انقلعي معه وين ماراح بس خلي راوية عندي انا اربيها ..هاذي اول حفيدة ...خليني افرح فيها.)
الجدة/ابو عبد العزيز وينك؟شفيك اليوم كله سرحان؟
وانتبه الجد انه كان فعلا سرحان...
الجدة/بغيت اكلمك بسالفة؟
الجد/اذا كانت تخص بنتك فما يحتاج تقوليهاظ
الجدة/بس يا..
الجد/قلت خلاص مو كافي انتي وعيالك رحتوا لاشاورتوني ولا عطيتوني خبر؟
الجدة/وانت كننت بتمنعني اشوف بنتي قبل لاموت؟
الجد/يواذا كنت بمنعك ..كنتي بتسمعين الكلام؟
الجدة/ياريتني ماسمعت كلامك من اول..
الجد/هذا اللي طلعتي فيه من بنتك اليوم؟
الجدة/لعلمك اني من دخلت لين طلعت وهي ماغير تقول خلي ابوي يسامحني ويرضى عني...تكفى يابو عبد العزيز روح لها تراها تعبانة حييل ومحتاجة لنا تكفى يالغالي...
***********************يوم ثاني الضهر في بيت الجاسر كان جرس الباب يدق وراحت راوية تفتحه...
راوية/من على الباب..
ابو خالد/فتحي انا خالك..
راوية/هلا والله....ودخل ابو خالد وهو يدخل معه اكياس من السوير ماركت (يعني مالذ وطاب للاحباب)
ابو خالد/ولاعليك امر ياراوية دخليهم باجيب باقي الاغراض..
راوية/بس ياخالي..
ابو خالد/يالله لاتوقفينا في الشمس لانموت(يعني مايبي يعطيها مجال تعلق على الموضوع) ودخل باقي الاغراض الحوش ودخل معاها لداخل كانت شمس قاعدة مع دانيال وديمة واول مادخل وسلم قامت ودخلت غرفتها بدون ماترد عليه..
راوية/خالي ماعليه هي بس...
ابو خالد/قعدي زين انا متعمد اجي اتكلم معك اللحين بدون مايقاطعنا احد........بس خاب ظنه اول مادق جرس الباب وديمة اللي فزت هالمرة
ديمة/اكيد نور جت من المدرسة باروح افتح لها الباب..
ومشت ومصار دانيال يحبي وراها يبي يلحقها..
ابو خالد/راوية...هذولا عيالك...
سكتت راوية وهزت راسها بنعم
ابو خالد/وين ابوهم؟
راوية/......
ودخلت نور وهي تتذمر من الحر وتسال عن الاغراض اللي بالحوش من جايبهم ووقفت مكانها لما شافت ابو خالد.
راوية/تعالي سلمي على خالك ابو خالد,,
وتقربت منه وسلمت عليه ببراءة الطفولة ومعاها ديمة واخذها ابو خالد وجلسها بحضنه..
ابو خالد/شسمك انتي..
نور/انا اسمي نور..
ابو خالد/عاشت الاسامي والله وانتي شسمك..
ديمة/ديمة رياض الراجحي..
ابو خالد قعد يناظر راوية/رياض الراجحي ...انتي متزوجة ولد الراجحي ياراوية؟
راوية/كنت,,
ابو خالد/كنتي؟
راوية/يالله نور بدلي ثيابك ودخلي كتبك داخل وانتي ديمة دخلي دانيال لايطيح.....وبع مامشوا,,,
راوية/انا تطلقت منه قبل سنة..
ابو خالد/لاحول ولاقوة الا بالله بس انا اعرفهم هم ناس اوادم وعيال حلال والكل يمدح فيهم
راوية/مايحتاج تعلمنا فيهم ياخالي هذولا عزوتنا في هالدنيا عسانا مانخلا منهم,,,,بس الموضوع شخصي بينه وبيني...
ودق جرس الباب للمرة الثانية وهالمرة كان محمد جايب معاه غذاء من المطعم//
محمد/السلام عليكم..
ابو خالد/وعليكم السلام والرحمة
محمد/حيا الله من جانا...والله جيت بوقتك جايبين لنا غذى من المطعم بمناسبة انتهاء الدراسة..
ضحك عليه ابو خالد/خوش مناسبة والله,,
دخلت نور في هاللحظة/والله انك كذاب اصلا البيت مافي شي ينطبخ..
راوية ومحمد ياشرون على نور روحي دخلي قبل لاتجي منيتك وبالموت فهمتها وراحت تفتح الباب للميس وميس اللي دخلوا الصالة وسووا حشرة فيها..
لميس/منو اللي جايب الاغراض اللي في الحوش
راوية/هذا خالي ابو خالد,,
ميس/أي بس احنا مانبي صدقة من احد وراحت غرفتها(من ناحية بيت الراشد كانت ماخذة اخلاق شمس وطبايعها)
راوية/خالي ,,انا اسفة هي ماتقصد,,
ابو خالد/راوية انا مو زعلان يابنيتي خواتك عندهم حق مايتقبلونا بعد هالعمر انتي لاتضيقين خلقك بكرة بتنفرج يالله انا ماشي اللحين..
محمد/لا والله اقعد تغذا معانا خلنا نضيفك
ابو خالد/ماعليه ياولدي اذا طلعت امك بالسلامة بخليك تضيفني اسبوع كامل,,
راوية/حياك الله باي وقت..
ابو خالد/الا صحيح اليوم امكم بينقلونها مستشفى...يعني مافي زيارة اليوم بكرة ان شاء الله انا بمركم علشان اوديكم
لميس/يعني امي بتسوي العملية؟
ابو خالد/والله يابنيتي هم دخلوها اليوم علشان التحاليل والاشعة وبكرة بيعطونا خبر,,,اقول اذا مايضايقكم ياعيال جدتكم معزمة تجيكم هي مع حريمنا وخالتكم ام نايف اليوم العصر...
راوية/ولو ياخالي اذا ماشالها البيت تشيلها عيونه..
ابو خالد/تسلم عيونك ياراوية.....محمد تعال ابيك بكلمة
وطلعوا من الصالة ودخلوا بعدهم وسام وسامر
سامر/خالكم شنو جايبه؟
راوية/عيب استحي لايسمعك,,,
وسام/لاوالاخ مسوي روحه رجال يسولف مع الرجاجيل(يقصد محمد)
ابو خالد/امسك يامحمد..
محمد/حشى والله ماخذهم..
ابو خالد/لاتحلف امسك خلهم معك
محمد/لاتحرجني ماقدر اخذذهم..
ابو خالد/اقول لك خلهم معك واذا صار معك ردهم امسك بس امسك يالله ماوصيك على خواتك..فمان الله
...........................وبع ماجتمع الكل على السفرة...
راوية/بتكلم ومابي احد يقاطعني(الكلام مو جه بالخصوص لشمس)
سامر/افا بس يام دانيال تفضلي والقي بخطبتك الذهبية على مسامعنا...
راوية/اليوم جدتي بتجي مع خالتي ونسوان خوالي وخوالي طبعا فالرجاءمن الجميع حترامهم كضيوف وبلع السنتهم لين يطلعون وبعدين يصطفلون....مفهوم
لميس/ايبس احنا بنروح لامي العصر؟
راوية/امي نقلوها لمستشفى...
شمس/أي بس احنا ماندري
راوية/والله عاد كان قعدتي مع خالي اليوم علشان تدرين
شمس/والله اذا انتي تبينه يصير خالك فمبروك عليك انا مايلزمني عشت طول عمري بدون خوال مانقصني شي...
راوية/اذا خلصتي غذاك لاتنامين ابيك بموضوع,,
شمس/اجليه,,بطلع مع وسام
ميس/وين بتروحون
شمس/باروح ادور شغل
راوية/خبري اللي بيدور شغل الصبح مو العصر
شمس/لا في ناس تدور العصر عادي...
محمد/احم احم اقدر اقول شي
وسام/ومسوي روحك شخصية,,,,يبه تكلم من غير استئذان
محمد/خالي قبل لايطلع عطاني مبلغ.......ريال
شمس بعصبية/وان شاء الله اخذته؟
محمد/انا حلفت ماخذه بس هو لزم علي
شمس/وينه؟
محمد طلع الفلوس وعطاهم شمس/
راوية/شبتسوين فيه؟
شمس/بعدين بتعرفين,,,,وسام اخلص بسرعة....
***********************في بيت الراشد العصر
محمود/يعني مايصير اروح معاكم
ابو خالد/يالله تعال
ابو كمال/سويتها عزيمة ياخوي
ام نايف/في عيال على قده
ابو خالد/أي في اثنين وسام وسامر
مشاعل/وانا يبه مايصير اروح
ابو خالد/لا البنات وقت ثاني
ام محمد/عمتي جهزتي..
الجدة/أي يمه
ام محمد/يالله مشينا...
***********************اللي حضروا(الجدة وام خالد وام كمال وام محمد وام نايف وخالد ونايف وكمال ومتعب طبعا ومحمود)راوية استلمت التعريف بخواتها واخوانها
الجدة اللي كانت مقعدة نور بحضنها وتمسح على شعرها/موناقصتكم وحدة بعد؟
ابو خالد/اي ووسام بعد وينهم؟
متعب/وينها شمس؟(بدت اللقافة الحلوة)
صاروا يناظرون في راوية(الللي كل شي فوق راسها)
راوية/راحت تدور لها شغل
الجدة/ليه تبي تشتغل..
ميس بدون نفس/ومن وين بنصرف
راوية خزت ميس بعيونها يعني ياتتكلمين عدل ولاتسكتين
ابو خالد/محمد احنا شتفقنا عليه
محم/أي بس والله احنا مانبي نتعبكم معنا..
ابو كمال/ومن اللي قال بتتعبونه هذا حق امكم يبه ولازم يرجع لكم قبل لايرجع لها...ماعلينا اختك معاها جوال
محم/أي
ابو كمال/اتصل عليها خليها ترجع..
وسام/مايحتاج احنا رجعنا(مصادق شمس وعاطي نفسه اكبر من حجمه)
التفت الكل ناحية وسام اللي دخل والجدة قامت تبي تحضنه
راوية/تكلم عدل وتعال سلم..
شمس دخلت بعد وسام علطول ووقفت جنب ابو الد ورمت الفلوس على الطاولة اللي جنبه
ابو خالد/شنوا هذا..
شمس/فلوسك...
ابو خالد/ادري بس ليش يعني؟
شمس/لانه مانبي منكم فلس واحد,,او بالاحرى مانبي احد فيكم يتصدق علينا وخصوصا انتوا ياعيال الراشد يكفيكم انكم دخلتوا امي مستشفى خاص وبيظل جميلكم فوق راسنا طول العمر ...لكن انكم تذلونا وتهينونا لاماراح نسمح بهالشي ابدا عشنا طول عمرنا عزيزين نفس وبنظل لين نموت؟؟؟بنطر في الشوارع ولابناخذ منكم ريال واحد تمنون علينا فيه في يوم من الايام......واستوقفها عن الكلام كف على خدها من خالد اللي كان معصب على الاخر
خالد/انا ماسمح لاي انسان في هالدنيا انه يكلم ابوي بهالطريقة حتى امي نفسها ؟وبعدين هذا جزاه تقومين ترفعين صوتك عليه لاوالف لاحدودك عاد يابنية..
ابو كمال/خالد...شوي شوي يبه...
ابو خالد وقف ومسك يد شمس/انا اسف يابنيتي بس والله ماقصدت بهالحركة ابدا اني اجرحك اوحتى اهينك وحقك على راسي من فوق اذا اللي سويته زعلك؟
في هاللحظة شمس ومتعب كان تفكيرهم في خالد بس كلا على طريقته.........شمس ماستنت تسمع اكثر اخذت بعضها ومشت وسط دهشة كل الموجودين من اللي صار
خالد/انا اسف ياجماعة بس والله قهرتني داخلة بشرها والموضوع مايسوى
راوية اللي حابسة دموعها وصوتها صار مبحوح من كثر مو خانقتها عبرتها/انا اللي اسفة ياجماعة بس ابيكم تعذرونها يعني هي صدق عصبية شوي بس والله ان قلبها طيب وماتحمل على احد ابدا..اهي بس من دخلت امي المستشفى وهي منقلبة فوق تحت وحاسة بالعجز وسط ظروفنا وشايلة مسؤليتنا كلنا فوق راسهاحاسة بالتقصير والعجز وانها ماتقدر تسوي شي..
ابو كمال/لاحول الله...وينها اللحين..طلعت من البيت؟
نور نطت من مكانها/لا اكيد في الحوش معروفة شمس من تتضايق من شي تروح تقعد في الحوش(يتراواللي ماحد طلب منك تقرير)
ابو كمال/انا بطلع اطيب خاطرها..
ام نايف/خليك مستريح ياخوي انا وام محمد بنطلع نطيب خاطرها....
وطلعوا لها الحوش يدورونها ومتعب قلبه كان معاها كان يتمنى هو اللي يطلع لها يراضيها ويهديها بس الوضع كله مايسمح..وقعد يفكر كيف ينتقم من خالد اللي تجراْ ورفع يده عليها وقدامه بعد؟وكانه كمال يقرا افكاره ....
كمال يهمس لمتعب/انت ماتقولي حاب بنت لو بركان بسم الله علينا في أي لحظةتنفجر فينا (درر يابعد قلبي)
متعب/لاوالله لو بس تبي تدافع عن ولد عمك اللي ماعنده سالفة ولايستحي؟
كمال/الصراحة مالومه انا لو مكانه ماكفاني غير ادفنها حية؟
كان الحوش واسع وفي كراسي على جنب وقعدة بدو وفي وسط الحوش كانت الشجرة الكبيرة اللي كانت متسندة عليها شمس وحاطة راسها على رجليها وقعدوا وحدة عن يمنها ووحدة عن شمالها ورفعوا راسها..
ام نايف/شمس يمه..حقك علينا ولاتزعلين يابنيتي وترى خالد طيب مايقصد...
بس ساعات يعصب ومايدري وش يقول بس يندم بسرعة ويتاسف على اللي سواه..
ام محمد/مسحيها بوجهي يابنيتي
شمس/انتي امه؟
ام محمد/انا امه اللي ماجابته..
شمس/انتي منو؟
ام محمد/انا مرت عمه ام محمد
شمس/أي بس ام محمد ماتت ومحمد صغير
ام نايف/صح كلامك..بس هي اللي ربته وسمت نفسها ام محمد لان الله ماعطاها غير بنات وزوجته وشالته هو وعياله
شمس/وزوجك يدري انك جاية عندنا ولاقال شي؟
ام محمد/انا ياشمس صار لي اكثر من عشر سنين شبه منفصلة عن خالك ومو ساكنة معاه في نفس البيت ساكنة في بيت الراشد مع جدك وجدتك
شمس/وليش ساكنة مع بيت الراشد؟
ام محمد/لاني طول عمري معاهم وعيالي مايصبرون عنهم دقيقة وحدة وبعدين عيال الراشد شايليني فوق راسهم ومو محسسيني بالغربة ابدا احنا في ذاك البيت كلنا امهات والعيال كلهم عيالنا وانتي بكرة بتعاشرين خوالك وخالتك وبتتاكدين من كلامي...
ام نايف حست ان ام محمد اثرت شوي في نفس لانها سكتت وما تكلمت الابعد فترة شمس بخوف/اللي قاعدة هناك ومعاها دانيال ولد اختي هاذي,,,,,ام متعب؟
ام نايف/مداك عرفتي بعد اسم ولدها الكبير؟
شمس/لا امي قالت لي(كذابة)
ام محمد/لا هاذي ام خالد
شمس/توقعت ان ام متعب ماتجي معكم علشان لاتزعل ابوها لانها اذا جت عندنا احتمال يزعل منها(ماقصر متعب ايام زمان عطاها كل التفاصيل)
ام نايف/........
ام محمد/شمس ماتبين تعرفين شبيصير على امك؟
شمس/اكيد ابي اعرف؟
ام محمد/يالله قومي خل ندخل داخل نسمعهم شقرروا
شمس/انتوا سبقوني وانا بغسل وجهي وبلحقكم..
ام نايف/بس لاتصيفين عاد...
ودخلوا ام محمد وام نايف داخل
الجدة/ها وينها ماجت معكم؟
ام نايف/اللحين بتجي ورانا
ابو خالد/بعدها زعلانة
ام محمد/مافي ثقة فينا يابو خالد
ابو خالد/لا مدام انتي اللي طلعتي لها اكيد بتجي راضية
محمد الجاسر/غريبة مع انها عنيدة وماحد يقدر عليها؟
شمس توها بتقوم بتدخل الاوصوت مسج في تلفونها قرته مرتين وثلاث تبي تتاكد مي مصدقة اسم المرسل كان من عمري مابنساك(متعب)(وحياتك الادفعه ثمن هالدموع غالي ياروحي).........هذا من وين جاب رقمي اكيد سمور
ولاميوس (سامر وميس)ماكو غيرهم مشاخيل بالعيلة لكن بعدين اوريهم....وصارت تبتسم بينها وبين نفسها(حبيبي مضيق خلقه علشاني فديته انا والله حرام والله ان متعب مايستاهل منك ياشمس خفي عليه شوي انتي بتموتين من كثر شوقك له ليش تكابرين بعد عطيه وجه حرام مايستاهل على الاقل عبريه اللحين وهو في بيتكم)
دخلت عليهم شمس والكل التفت صوبها كان باين عليها انها غسلت وجهها من كثر ماراح فيها من البكي....
الجدة/شمس...يمه تعالي قعدي جنبي
وراحت قعدت جنبها بدون ماتتكلم وهي تناظر في راوية وتوها منتبهة ان موقفها سخيف وماحد اكله غير راوية المسكينة فقررت انها ماتتكلم الاذا احد كلمها اخير لها وللموجودين
ابو كمال/عاد تدرين ياشمس انا للحين ماشربت شاي استناك تحطيلي بيدك
وقامت شمس صبت لخالها شاي وعطته اياه وقبل لاتقعد مكانها ناداها متعب
متعب/ولا عليك امر ياشمس انا بعد صبي لي شاي
صبت لمتعب وهي يدها ترتجف كل ماتذكرت المسج وام نايف في هالحظات فتحت الموضوع علشان تخفف من نظراتهم لشمس وتتصرف على طبيعتها .....
شمس مدت الشاي على متعب قال لها بصوت واطي يادوب يسمعها/وين السكر ولا مايحتاج يعني
شمس نست تساله اذا كان يبي سكر ولالا بس ماحبت تفشل روحها قالت له بصوت يسمعه بس/مالك حاجة
بالسكر يوم ان السكر بنفسه هو اللي حط لك اياه بيده وابتسمت له ابتسامة دوخته بحق وحقيق لحظتها متعب ماكان وده الايقوم ويحضنها بس اللي خرب عليه......
الجزء خلص وش تتوقعون اللي خرب على متعب؟وهل بترجع شمس لمتعب ويعيشون حبهم من جديد؟وهل ام امحمد بتسوي العملية وبتعيش ولالا؟بانتظار ارائكم وانتقاداتكم,,,,,سلملم......
ام محمد/السموحة الظاهر اني ماعرفت اربي شمس زيين؟؟؟
ابو خالد/لاياوخيتي شمس ماغلطت هي معاها حق طول عمرها عايشة بدون خوال واللحين طلعوا فجاءة مابتتقبلنا
ام نايف/لاتشغلين بالك ياوخيتي بكرة النفوس كلهابتتغير ان شاء الله...
ومامضت دقايق الا ودق على الباب فتحه خالد واذا بباقي العائلة الكريمة (الجدة,ابو كمال وام كمال وام محمد ونايف ومتعب وكمال)
الجدة من دخلت وهي تبكي/سامحيني يابنيتي انا اللي خليتك تروحين مني واخذت ام محمد في حضنها وقاموا يبكون ثنتينهم بصوت عالي وام محمد تبوس يد امها/انا اللي طالبتك السموحة يمه..
الجدة/22سنة وانتي وعيالك بعيدين عني عيالك اللحين مايبوني ..مايحبوني..مايبون يشوفوني...الله يشهد اني ماشلتك من بالي يوم واحد ...الله يشهد اني كنت ادعي لك في كل صلاة ان الله يحفظك مع عيالك وين ماتكونين ,,,,,,,,,,,,,,الكل قعد يبكي مع الجدة وام محمد لانه كان موقف مؤثر الا متعب كان عنده امل انه يجي ويشوف شمس بس خاب ظنه لدرجة انه ماسلم حتى على خالته...خالد انتبه عليه ومسك يده وطلع معاه...
متعب/شتبي؟
خالد/بنروح ندورها..
متعب/مني؟
خالد/شمس كانت هني قبل شوي بس طلعت زعلانة...امشي وبقولك ليش............
***********************ام متعب الوحيدة اللي ماراحت معهم وقعدت مع ابوها..
الجد/ليش مارحتي تشوفين اختك يام متعب؟
ام متعب/انا ماعندي غير ام نايف الله يخليها؟
سكت الجد واحتار ماكان عاجبه رد ام متعب بس كان لازم يتقبله ويسكت لانه هو اللي قبل 24 سنة قال لهم انسوا ان عندكم اخت في هالدنيا اختكم ماتت خلاص لازم تنسوها واللي ماينساها لاهو من صلبي ولاعرفه...اي يابو عبد العزيز بعدك ذاكر هالكلام وماكان مضى عليه عمر ..؟؟؟شلي استفدته من بعدها مع عيالها؟؟؟شلي اخذته من بعد عيالك عن اختهم ؟؟مافكرت في الام اللي بعدتها عن بنتها؟؟؟مافكرت في نفسك وانت تحاتيها بدون لاحد يدري عنك..؟؟قسيت كل القلوب عليها يابو عبد العزيز بس لانها خالفت شورك وتزوجت على سنة الله ورسوله؟؟؟أي قلب هذا اللي تحمله في صدرك يابو عبد العزيز أي قلب؟؟؟
الجد/كلمي اخوك عبد العزيز يام متعب وقوليله يروح لهم المستشفىظ
ام متعب/كلمته قال لاهي اختي ولابي اروح لها لو على جثتي؟
سكت الجد مرة ثانية ورد ولده هو السبب؟؟ماتبي يقول هالكلام يابو عبد العزيز؟؟اجل شنو تبي؟؟منت عارف...لايكون بس قلبك حن عليها بعد هالعمر هذا كله وتبي تشوفها؟؟؟؟؟؟؟؟
***********************متعب وخالد لفوا المستشفى طول بعرض لين لقوا شمس باخر قسم قاعدة في الانتظار كان المكان خالي الامن دموع شمس اللي مو راضية توقف والجوال اللي في يدها وكانها تستنى احد يتصل عليها في أي لحظة خالد دفع متعب علشان يتقدم لشمس اللي من شافها وهو واقف مكانه يناظرها وابتعد عنهم شوي لانه عارف انه متعب يبي يشوف شمس بروحهم.....
تقرب متعب من شمس ورفع راسها بيده..شمس تفاجات من وجود متعب هي صحيح كانت متوقعة انها بتشوفه بس اللحين لا..اصلا هي مو عارفة شتقول له,,ماحطت في بالها انها ممكن تتواجه مع متعب كاول فرد من عيال الراشد ؟ماحسبت اللحظة هاذي ابدارغم انها كانت تنتظرها من زمان ..متعب ماعطاها وقت تفكر في أي شي..اول ماتقرب منها اخذها من يدها ووقفها واول ماوقفت اخذها بحضنه وضمهابكبر قوة عنده كان خايف انها تبعد من جديد ومايشوفها..شمس كانها تستنى من متعب هالشي بكت وهي على صدره بكل مافيها...(ليش بعدتي وتركتيني ياشمس محتار في امري من فراقك)هاذي الكلمة الوحيدة اللي طلعت من متعب بس ماسمع جوابها من شمس الا دموعها وصوتها وهي تبكي..
خالد اللي كان يشوفهم من بعيد وهو يتحسر عليهم تفاجا لما شمس بعدت عن متعب بقوة..
متعب متفاجىء/شمس...شفيك؟
شمس من بين دموعها/روح يامتعب انا ماحبك انا اكرهك..
متعب باستغراب/تكرهيني ؟طيب ليش؟
شمس/انت واحد منهم ماقدر احبك يامتعب انت واحد من الناس اللي عمري ماراح اسامحهم واحبهم..
متعب/بس ياشمس انا ماعرف شي ولاحتى ادري ان عندي خالة وقسم بالله؟؟؟ليش تحاسبيني وانا مالي ذنب والله العظيم اني كنت محتاج لك وادور عليك ..احترت من سبب غيابك وبعدك المفاجىء..لاكلام ولاحتى اسباب؟؟غبتي عني مرة وحدة وجنني التفكير فيك وفي اللي ممكن يكون صار لك ؟لين شفتك قبل يومين في بيت جدي..عرفت ليش بعدتي من دون ماتقولي ...بس انا ابي اعرف شي واحد وتجاوبيني عليه بصراحة...انتي كنتي من اول عارفة ولابمجرد انك عرفتي اني ولد خالتك قررتي تبعدين عني؟؟؟سكتت شمس وكانت دموعها هي الجواب اما متعب ماعجبه سكوتها لانه بمجرد عرف السالفة كان يبي يعرف رايها ويرتاح فقرر يختار القرار الثاني علشان تهدا نفسه..................
راوية اول مادخلت المستشفى مع محمد ودانيال حست باحساس غريب ..حست ان في شي كبير بيصير ..بس شنو الله اعلم؟؟؟لين دخلوا غرفة امهم ووقفوا مكانهم هي ومحمد,,اما باقي الناس اللي في الغرفة مانتبهوا لهم من الحشرة اللي صايرة لين سمعوا صوت دانيال وهو يبكي الكل التفت الى مصدر الصوت.....وقامت الجدة من مكانها /راوية يمه هذا انتي والله كبرتي يابنيت وصرتي عروس..(لهدرجة مايبين عليها انها ام؟؟)ولمت راوية في حضنها بكل حرارة بعكس راوية اللي كانت في منتهى البرود وهي تتذكر احداث اليومين اللي فاتوا لما اقترحتانهم يروحون بيت الراشد وسط اعتراض شمس وكيف انهم بدل مايساعدوا اختها طردوها؟اجل شيسوون اللحين عند امها ؟؟ومانتبهت الا على صوت امها تناديها .........
ام محمد/راوية..راوية وينك صار لي ساعة اكلمك
راوية/انا موجودة يمه
ام محمد/تعالي يمه
ومشت راوية لعند امها
ام محمد/يمه هاذي جدتك وهاذي خالتك ام نايف وهذا خالك ابو...يمه ليش واقفة روحي سلمي عليهم وانتبهت ان محمد معاها
ام محمد/وانت ليش واقف تعال سلم..
محمد كان ضايق خلقه من تصرفهم مع شمس بس ماحب يبين هالشي لانهم متفقين مايجيبون سيرة لامهم بشي سلم عليهم ببرود وبعدين لف على امه/اجل وين شمس؟
تذكرت الام شمس وكانها نستها...
ام محمد/راوية دقي على اختك شوفيها وين؟
محمد/ليش هي ماكانت معاك اليوم؟
ام محمد/بلى بس طلعت زعلانة
محمد/ليش يمه؟
ام محمد/وانت شيخصك ؟ليش تبي تعرف كل شي؟
محمد سكت وهو يقول في نفسه (الله يستر منكم ياعيال الراشد هاذي بدايتها بزعل شمس والله العالم ليش؟؟؟)(يعجبني الحنون على اخته)
راوية دقت على جوال شمس/الو..هلا وينك أي انا فوق ..لا بس محمد..خلاص لاتمشين انا جاية لك...
ام محمد/وينها؟
راوية/في الانتظار بروح اشوفها..
ام نايف/خذيني وياك يابنيتي بنزل اطيب خاطرها..
ام محمد/خليها تولي عنك يام نايف
ام نايف/لا مايصير طلعنا البنت زعلانة وقامت مع راوية وطلعوا من الغرفة وهم يمشون ...
ام نايف/راوية......انا عارفة انكم زعلانيني مني اومنا ..بس صدقيني ياراوية حنا ماكان في ايدينا أي شي نسويه كان قلبنا على امك بس مافي اليد حيلة,,,,
راوية وقفت مكانها وخانتها شجاعتها وبدت تبكي...
راوية/بس يا....
ام نايف/قوليها ياراوية الله يخليك..قولي ياخالتي...
راوية/ليش اللحين صحى ضميركم فجاءة ...ليش من قبل مافكرتوا تسالون عنها او تعرفون اخبارها اللحين يوم شمس جت عندكم وطردتوها ...
قاطعتها ام نايف/هونك علي ياراوية ,,ترى ماحد كان راضي باللي صار كلنا كنا مسيرين ورى رغبة ابوي الله يسامحه ويهديه ,,
ووصلوا عند شمس اللي متعب كان قاعد جنبها وهو بعد ه حاضنها ويمسح دموعها اما خالد من زمان تركهم في عتابهم ومشى,,,,
راوية/شمس....شفيك؟
شمس التفت لراوية وهي خجلانة من اختها اللي شافتها في حضن متعب(ماظن ياشمس لو خجلانة حسيتي على دمك)
قعدت جنبها ام نايف ومتعب خبر خير ولافارقها,,
ام نايف/شمس
شمس/....
ام نايف/انا ادري انها صعبة بعد 22 سنة تلقون عندكم اهل بس ,,,
لفت شمس لعندها وقالت لها بحدة/بس انتوا مو اهلنا...
ام نايف/بلى ياشمس واللي سويتي هو الصح يوم انك جيتينا..الله يشهد ان امك مافارقتنا لحظة وحدة
شمس/والدليل انكم كنتوا تسالون عنها؟
ام نايف/ومنوا اللي دخل في بالك ان احنا ماكنا نسال عنها بس اللي نعرفه انها راحت الشرقية مع اهل ابوك واستقرت هناك....
راوية/بس ابوي مات من ست سنين الله يرحمه.
ام نايف/الف رحمة عليه بس والله ان احنا ماعرفنا
راوية/واحنا رجعنا بعد وفاة ابوي بسنة وحدة بس..
ام نايف/وليش ماظليتوا عند اهل ابوكم هناك؟
راوية قامت تناظر شمس اللي قامت وشت عنهم ومتعب يناظر ها بعيونه واذنه مع خالته
راوية حبت تغير الموضوع/اكيد دانيال مو ساكت اللحين خلونا نروح نشوفه احسن..
ووقفوا ثلاثتهم بيمشون,,
شمس/راوية انا بروح البيت..
راوية/زين نطري كلها عشر دقايق وتنتهي الزيارة ونروح سوا..
شمس/مالي خلق اقعد اكثر من كذا ياراوية؟
راوية/زين نطري انادي محمد علشان يشوف لنا تاكسي..
متعب اللي مابغى ينطق/ليش التاكسي انا بوصلها..
شمس بحدة/مشكور بروح بروحي..
متعب بكل هدوء/بس ماعندنا بنات يروحون بروحهم..
شمس/بس انا موبنتكم يعني ماني بنت الراشد علشان تخاف علي..
متعب/انا بعد مو ولد الراشد وكذا نكون متعادلين...
راوية اللي حبت تسكر الموضوع/مايصير تروحي قبل لاتشوفين امك ركبي سلمي عليها اول..
شمس اللي ماحبت تكسر كلام اختها قدام متعب مشت معاهم لين وصلت باب الغرفة ووقفت جنبه
شمس/راوية اذا طلعوا بعدين بدخل انا
راوية جت بتتكلم بس ام نايف ماعطتها مجال/براحتك يابنيتي ..
ودخلوا راوية وام نايف الغرفة...
الجدة/ها لقيتوها؟
ام نايف/أي يمه شفناها..الجدة/وينها ليش ماجبتوها معاكم؟
ام نايف/واقفة عند الباب مع متعب..
(خالد يهمس لكمال ونايف/هو فارقها من شافها للحين)
الجدة/اجل انا بطلع لها؟؟
ام نايف/لايمه خليها تهدا شوي وبكرة افراج
الجدة/لانا ماقدر اصبر لبكرة اصلا انا اللحين بروح مع محمد فديته بيتهم علشان اشوف باقي عيالي..(كانت ماسكة يد محمد في يدها علشان مايروح بدون ماتحس فيه)
ام محمد/والله فشيلة هالبنت مادري من طالعة عليه عنيدة من بين اخوانها.ز
ابو كمال وهو يبتسم لها/على امها ياوخيتي...
ضحك الجميع بمن فيهم راوية اللي علقت على الموضوع/اول مرة امي احد يقول لها كلمة حق وماتزعل منه..
ابو كمال/أي بس انا مو أي احد ياراوية يابنيتي انا اخوها,,
قطع عليهم سواليفهم صوت الممرضة تناديهم بان الزيارة انتهت
نايف/خلاص انا بروح اباشر في اوراق المستشفى...
كمال/خذني معاك..
وطلعوا من الغرفة ووقفوا جنب متعب وشمس اللي مبين ان الجو متوتر بينهم
نايف/مرحبا شمس..
اكتفت بانها تناظرهم من فوقهم لتحتهم بدون ماترد
كمال يهمس لنايف/لاوالاخ واقف معاهم من صبح الله مادري شعليه نفرتتي شايفة حالها...
طلع الكل من الغرفة وهم يمشون وقفوا عند متعب وشمس..
ابو كمال/شلونك يابنيتي..
شمس/..........
ابو كمال/ماعليه يابنيتي كلنا غلطنا والله يسامح شلون عبيده..
ابو خالد/راوية انا بستناكم تحت علشان اوصلكم..
ونزلوا كلهم ماعدا الجدة وراوية وشمس ,,,,,,,,,,الجدة تقربت من شمس../تعالي يمه في حضني ياشمس...
شمس/انا موبنتك..,,,قالتها بعصبية ودخلت غرفة امها..ووقفت عند الباب /بغيتي شي يمه قبل لاروح..
ام محمد/تعالي يمه قربي..
شمس قربت من امها بدون ماتناظرها/نعم
ام محمد/نعم...يمه شفيك دايرة وجهك عني؟
شمس/انتي خلاص ماتحبيني؟
ام محمد/انا ياشمس؟انا ماحبك؟ليش عاد يمه؟
شمس/لانك بس شفتي هلك بعتيني..
ام محمد/انتي بالذات ياشمس اللي لو ابيع خوانك وهذا مستحيل مابيعك معهم وانتي عارفة غلاوتك شنو ياشمس انتي شمس مو أي وحدة..
وقعدت شمس بحضن امها وهي تبكي (للحين ماخلصت دموع شمس )
الام وهي تمسح على راس بنتها بحنان/يمه منو اللي قايل لجدتك وخوالك اني تعابانة ؟
شمس/مادري ليش ماسالتيهم؟
ام محمد/يعني مو راوية؟
شمس/لاوبعدين لانا ولاراوية ولاكل اخواني مانحبهم ولامعترفين فيهم بعد..
ام محمد/خلاص يمه لاتعصبين وتزعلين نفسك...
***********************تحت كان محمد وابو خالد واقفين..
ابو خالد/انت باي فصل؟
محمد/تركت السنة هاذي..
ابو خالد/ليش؟
محمد/قلت بدور شغل..
ابو خالد/بس انت بعدك ماخلصت حتى ثانوي كيف تشتغل وانت عمرك 16سنة؟
محمد/علشان اصرف على امي وخواتي؟
ابو خالد حس بالانكسار/ليش منو اللي يصرف على البيت؟
محمد/شمس..
ابو خالد/يعني شمس تشتغل..
محمد/ساعات وساعات..
ابو خالد/مافهمت؟
محمد/لقت شغل اشتغلت مالقت خلاص..
ابو خالد/وشنو الشغل اللي تشتغله لو شافت..
محمد/شمس تشتغل كل شي..تدرس عيال الجيران,تمكيج بنات,ترسم,تصور,أي شي,,,,
ابو خالد في هاللحظة حس ان قلبه متقطع عليهم معقولة حالهم صعب واحنا كل واحد شارب وماكل وموهامته الدنيا..وقطع عليه افكاره وصول متعب وشمس وراوية,,,
ابو خالد يكلم متعب/انت مامشيت..
متعب/لا
ابو خالد/يالله مشينا...
شمس/انا مو رايحة معك(تقصد ابو خالد)
ابو خالد/ليش ماتبيني اروح بيتكم,,
شمس/بيتنا مو مثل بيتكم بيتنا اقل من العادي يعني اكيد ماتب...
راوية بحدة/شمس...
شمس/وبعدين انا مابي اوركب معاك لانك ولد الراشد بس هو ولد الشهري...
متعب من هالكلام ارتاح بس ماحب يبتسم قدام خاله,,,
متعب/خلاص ياخالي انت روح وانا باوصلها...
راوية/بس..
ابو خالد/يالله مشينا(يكلم راوية ومحمد)
وبعد مامشوا,,,,,,,متعب التفت لشمس كانه يقول لها يالله مشينا
شمس/لاتطالعني كذا انا مابركب معك بس لاني مابي اوصخ حالي واركب مع عيال الراشد,,,
متعب /انا مليت من قرارتك ياشمس...ومسك يدها بالقوة ومشاها جنبه,,,
شمس بصوت واطي/اترك يدي ماراح اروح معك لاي مكان يامتعب,,
متعب مشى وماكانه يسمعها لين وصلوا لمواقف السيارات وتحديدا عند سيارته الكاديلاك دق قلبها شمس اول ماشافتها وتذكرت الليلة اللي ركبت معاه السيارة واللي كانت تسميها(ليلية حبنا) وكل اللي صار فيها(يعني اثارة..)
شمس بدون ماتلف على متعب/ماقدر اركب في هالسيارة...
متعب/ليش انك تركتي فيها ذكريات ماقدر يشيلها غير قلبي....
مرت فترة صمت قطعها متعب لما فتح لها باب السيارة وركبت وهي مترددة وركب جنبها ومشوا وبعد فترة سكون...
متعب/انتي مو وعدتيني قبل انك تغطين وجهك؟(صدق نفسه خلاص انه رجع )
شمس وهي تناظر من نافذة السارة/متعب.....انت مانسيتني..
متعب بعد ماتنهد تنهيدة طويلة/ومن قال لك اني راح انساك؟
شمس/بس انت لازم تنساني..
متعب/ماحد يقدر يغير اللي في القلوب ياشمس..
شمس/بس احنا ماناسب بعض..
متعب/في شنو؟
شمس/في كل شي؟يعني انت ماتعرف وضع عيشتنا يامتعب احنا ناس اقل من ان احنا نكون على قد حالنا احنا ,,,
قاطعها متعب/قلتيلي هالكلام من قبل وقلت لك مايهمني والماديات بالنسبة لي ماهي عائق وتفكيري ارقى من كذا بكثير......
دقيق صمت مرت بعد كلامه قطعها لما قال لها/تعالي بسالك خالتي اذا مالقت اكل تاكل عيالها منك؟
اول مرة اليوم شمس تبتسم لانها حست ان متعب في الدقايق او الساعة اللي شافها فيها فصلها تفصيل,,
متعب لف لعندها وابتسم/علشان تعرفين ان صورتك مافارقتني لحظة وحدة يا...اللحين بعد ماعرفت اسمك كيف تبيني اناديك..
شمس/ابيك تنساني؟
متعب/ليش ياشمس مصرة على النسيان قلت لك ماقدر انا متعلق فيك حيل وبعدين وين الحب الاولي ياشمس؟اذا على عيال الراشد انا متبري منهم كلهم علشانك ياقلبي(صدق انك ناكر عشرة)
شمس/امك ماجت معهم اليوم صح؟
متعب/انا مادري عنها ..اصلا انا مادري عن شي من شفتك في بيت جدي كل همي اني اشوفك وبس..
شمس/خلاص ادخل هذا الشارع بعدين يمين..
متعب/ماشتقتيلي؟
شمس/اه...اللحين ادخل يسار...
متعب/تغيرتي حيل والله دنيا دوارة صدق كنتي تجنين على ماتسمعين مني كلمة حلوة صرت اموت بس علشان اسمع منك أي كلمة ورطتيني معك يابنت الناس وانسحبتي؟ وصرت انا المجنون اللي مو عارف شسوي؟
شمس/اللحين كمل الشارع هذا,,,مشى متعب ووقف عند البيت اللي كانت سيارة خاله ابو خالد واقفة عنده..
شمس/انا افضل انك ماتدخل؟
متعب/حاضر..بس ممكن تجيبيلي ماي..
شمس ماكان عاجبها او ماتوقعت منه /طيب..
ونزلت وحمد ربه انها ماخذت شنطتها معاها علشان يسوي اللي في باله وماصدق تدخل البيت فتح شنطتها وطلع مو بايلها ودق على رقمه وتفاجاء انها مخزنته باسم (عمري مابنساك) وابتسم ورد الجوال مكانه بسرعة وهو مرتاح يعني الليلة اكيد بيسهر معاها وبيعرف ليش بعدت عنه المدة اللي فاتت كلها؟
ومثل مانزلت بهدوء رجعت بهدوءوهي تمد يدها بالماي وتاخذ شنطتها
متعب/بدون أي سلام..
شمس/اتمنى اني ماشوفك واجد في الايام الجاية ..
ومشت صوب بيتهم ومتعب فتح النافذة وهو يقول بصوت يسمها بس/احبك ياشمسي احبك...
ومشى من شارعهم وشمس وقفت عند الباب تحمد ربها ان مافي احد في الشارع سمع كلام متعب كان علومها علوم..ودخلت البيت علطول لغرفتها وقعدت على فراشها تسترجع احداث اليوم بطوله (خصوصا مواقف متعب وكلامه)
***********************ابو خالد/انا استاذن اللحين...
راوية/توهالناس ياخالي خليك شوي بعد..
ابو خالد/ماعليه بكرة ان شاء الله بمركم تعرفون جدتكم كانت تبي تجي اليوم وبكرة باجيبها تزوركم....المهم محمد ماوصيك على خواتك انت رجال البيت,,
محمد/من زمان موتوني..
ابو خالد/انتوا بعد خلوا بالكم من اخوانكم(يقصد وسام وسامر)
وسام/ان شاء الله..
ابو خالد/هذا رقمي ياراوية ولو احتجتوا أي شي في أي وقت دقوا علي,,
راوية/مشكور ماقصرت..
ابو خالد/يالله تصبحون على خير...
بعد ماطلع ابو خالد
راوية/شمسوا للحين ماجت؟
لميس/بلى..
وقامت راوية بتروح لها بس لميس وقفتها/لاتتعبين نفسك رحت باخذ التقرير منها لقيتها في سابع نومة..
محمد/والله شكلهم خوالي طيبين مثل ماقالت امي..
ميس/لاوالله ماشكلهم؟
راوية/لاتصيرين لي شمس ثانية قهرتني صدق مامسكت لسانها عن الاوادم من كبيرهم لصغيرهم,,
سامر/يستاهلون عساهم البلاء
راوية/عيب انت بعد,,
وسام/المهم اللحين امي بتسوي العملية ولالا..
راوية/والله مادري في اثنين مادري هم عيال خالي ولاعيال خالتي قالوا بيخلصون اوراقها لما طلعنا يعني الخبر ناخذه بكرة..
نور/الحمد لله خالكم طلع وماقعد للعشى..
راوية/وليش باللهظ
محمد/لاتسوين روحك ماتعرفين ان البيت يصفر مافي شي
راوية/زين علشان ترقدون الليلة خفيفين..
وسام/شدعوة في ليلة رقدنا ثقيلين,,ماطول عمرنا راقدين خفيفين..
سامر /صحيح راوية اليوم ابو محمد صاحب البيت مر وقال لكم مهلة يومين ياتدفعون الايجار او برمي اغراضكم في الشارع...
***********************في بيت الراشد الكل عرف عن سالفة ام محمد الجاسر ومرضها على مسمع من الجد اللي ماعلق على الموضوع بحرف واحد..
ام نايف/يالله يانايف قوم نروح البيت..الوقت متاخر.
الجدة/ها بكرة بتروحين معانا..
ام نايف/خلاص انا بخلي السايق يوديني لاني باخذ البنات معي..
ام كمال/على هالحساب بتتاخرين..
ام نايف/أي مايصير بعد مايروحون يشوفون خالتهم وبالمرة يتعرفون على بناتها,,
ام خالد/وانتي الصادقة انا باخذ مشاعل معي بكرة بعد,,
ام متعب/طالعة يام نايف..
ام نايف/أي رايحة البيت..
ام متعب/خذيني معك لان متعب راح من زمان
ام نايف/يالله اجل تصبحون على خير
ام محمد/وانتوا بعد باقي لنا هاليومين ونخلص المدرسة كل واحد على فراشه..
مشاعل تكلم ابوها/يبى يصير بكرة نروح المستشفى نشوف عمتي..
الجد/بعدك ماشفتيها يامشاعل صارت عمتك(كان الجد يحب مشاعل اكثر وحدة من البنات ونايف اكثر واحد من الشباب)
مشاعل/يوم ان ابوي اخوها وهي تصير اخته اكيد بتكون عمتي..
ام خالد اللي حبت تغير السالفة لايزعل عمها/الا وين خالد ماشوفه
دلال/كالعادة طلعوا هو وكمال ومابيردون اللحين..
ام كمال وانتوا شلي مضيق خلقكم شباب والشباب يحبون يسهرون
مشاعل/احنا بعد شباب ونحب نسهر بعد ليش التفرقة
ام خالد/يالله عن الهذرة الزايدة وكل واحد على فراشه..
وبعد ماقام الكل بقى بس ابو خالد وابو كمال والجد والجدة..
الجدة/هايمه يازايد ماقلتلي شصار في بيت اختك؟
ابو خالد تنهد تنهيدة طويلة وبعدين تكلم/شقولك يمه..انا اليوم انكسر قلبي عليهم بجد وحلفت اعوضها هي وعيالها عن السنين اللي راحت وهي بعيدة عنا,,,,,اللي عرفته ان ابو محمد توفى الله يرحمه قبل سبع سنين وتركها مع اهله مع ثمانية عيال اربع بنات وثلاث شباب والبنات اكبر من الشباب والظاهر انها صارت مشاكل مع اهل المرحوم علشان كذا رجعوا هنا واستقروا..
ابو كمال/زين من وين يصرفون؟
ابو خالد/هني المشكلة؟
الجدة/شلون يعني؟
ابو خالد/اللي فهمته ان ماعندهم دخل ثابت ومعتمدين على شمس في صرف البيت؟
الجدة/شلون يازايد؟
ابو خالد/والله يايمه انا ماعرفت كل التفاصيل منهم وهم بعد ماحبوا يعطوني كل شي عن حياتهم من اول زيارة وانا مالومهم بظل غريب عنهم..
ابو كمال/زين قاصرهم شي؟
ابو خالد/والله ياخوي قاصرهم واجد؟؟
انا قبل لاطلع سمعت بنتها الصغيرة تشكي ان البيت مافي شي يناكل وهذا اللي حز بخاطري..
الجدة/وليش ماعطيتهم فلوس يابو خالد؟ليش تنيم اليتامى بجوعهم ليش.انت مو قاصرك شي حرام عليك..
ابو خالد/والله يايمه انا كنت ناوي راوية مبلغ في طلعتي بس خفت انهم مايتقبلون مني...وقطع كلامه ابوه اللي كان يرددراوية...راوية..انتوا شفتوا راوية؟شلونها؟كبرت؟صارت تشبه امها اكيد؟مرتاحة بحياتها؟ش..وانتبه ان زوجته وعياله يطالعون فيه هو ماكان يبي يبين لاحد ان مشتاق لهم ويبي يشوفهم بس طاري راوية غير كل شي..راوية اللي كان يبي يربيها بيدينه ويعيشها احلى عيشة.زعيشة بنات الراشد نفسهم مايحلمون فيها على العز اللي هم فيه..بس لو ان امك خلتك عندي كان اللحين انتي بنت الراشد مو الجاسر ياراوية وقطع عليه حبل افكاره ام عبد العزيز وهي تنادي عيالها علشان ينامون وبع مامشوا العيال لفت لعنده../خير يابو عبد العزيز..شفيه كنت سرحان؟
الجد/ولاشي....بس طاري راوية اليوم رجعني لايام زمان ...وصار يتذكر ذاك اليوم اللي ولدت فيه بنته وجابت راوية لما راح عندها المستشفى (الاب/حمد الله على سلامتك..
ام محمد/يبه,,الله يسلمك,,,شفت البنت يبه ترى سميتها مثل مانت تبي سميتها راوية.
الاب/مدام سميتيها راوية لازم اجل تعيش عندي.
ام محمد/يايبه خلاص احنا ماخلصنا من ها السالفة انا ماقدر انت ليش مو راضي تفهمني انا حبيت هالانسان وتزوجته عن قناعة مني ماقدر اخليه بدون أي اسباب؟
الاب/خلاص اجل روحي انقلعي معه وين ماراح بس خلي راوية عندي انا اربيها ..هاذي اول حفيدة ...خليني افرح فيها.)
الجدة/ابو عبد العزيز وينك؟شفيك اليوم كله سرحان؟
وانتبه الجد انه كان فعلا سرحان...
الجدة/بغيت اكلمك بسالفة؟
الجد/اذا كانت تخص بنتك فما يحتاج تقوليهاظ
الجدة/بس يا..
الجد/قلت خلاص مو كافي انتي وعيالك رحتوا لاشاورتوني ولا عطيتوني خبر؟
الجدة/وانت كننت بتمنعني اشوف بنتي قبل لاموت؟
الجد/يواذا كنت بمنعك ..كنتي بتسمعين الكلام؟
الجدة/ياريتني ماسمعت كلامك من اول..
الجد/هذا اللي طلعتي فيه من بنتك اليوم؟
الجدة/لعلمك اني من دخلت لين طلعت وهي ماغير تقول خلي ابوي يسامحني ويرضى عني...تكفى يابو عبد العزيز روح لها تراها تعبانة حييل ومحتاجة لنا تكفى يالغالي...
***********************يوم ثاني الضهر في بيت الجاسر كان جرس الباب يدق وراحت راوية تفتحه...
راوية/من على الباب..
ابو خالد/فتحي انا خالك..
راوية/هلا والله....ودخل ابو خالد وهو يدخل معه اكياس من السوير ماركت (يعني مالذ وطاب للاحباب)
ابو خالد/ولاعليك امر ياراوية دخليهم باجيب باقي الاغراض..
راوية/بس ياخالي..
ابو خالد/يالله لاتوقفينا في الشمس لانموت(يعني مايبي يعطيها مجال تعلق على الموضوع) ودخل باقي الاغراض الحوش ودخل معاها لداخل كانت شمس قاعدة مع دانيال وديمة واول مادخل وسلم قامت ودخلت غرفتها بدون ماترد عليه..
راوية/خالي ماعليه هي بس...
ابو خالد/قعدي زين انا متعمد اجي اتكلم معك اللحين بدون مايقاطعنا احد........بس خاب ظنه اول مادق جرس الباب وديمة اللي فزت هالمرة
ديمة/اكيد نور جت من المدرسة باروح افتح لها الباب..
ومشت ومصار دانيال يحبي وراها يبي يلحقها..
ابو خالد/راوية...هذولا عيالك...
سكتت راوية وهزت راسها بنعم
ابو خالد/وين ابوهم؟
راوية/......
ودخلت نور وهي تتذمر من الحر وتسال عن الاغراض اللي بالحوش من جايبهم ووقفت مكانها لما شافت ابو خالد.
راوية/تعالي سلمي على خالك ابو خالد,,
وتقربت منه وسلمت عليه ببراءة الطفولة ومعاها ديمة واخذها ابو خالد وجلسها بحضنه..
ابو خالد/شسمك انتي..
نور/انا اسمي نور..
ابو خالد/عاشت الاسامي والله وانتي شسمك..
ديمة/ديمة رياض الراجحي..
ابو خالد قعد يناظر راوية/رياض الراجحي ...انتي متزوجة ولد الراجحي ياراوية؟
راوية/كنت,,
ابو خالد/كنتي؟
راوية/يالله نور بدلي ثيابك ودخلي كتبك داخل وانتي ديمة دخلي دانيال لايطيح.....وبع مامشوا,,,
راوية/انا تطلقت منه قبل سنة..
ابو خالد/لاحول ولاقوة الا بالله بس انا اعرفهم هم ناس اوادم وعيال حلال والكل يمدح فيهم
راوية/مايحتاج تعلمنا فيهم ياخالي هذولا عزوتنا في هالدنيا عسانا مانخلا منهم,,,,بس الموضوع شخصي بينه وبيني...
ودق جرس الباب للمرة الثانية وهالمرة كان محمد جايب معاه غذاء من المطعم//
محمد/السلام عليكم..
ابو خالد/وعليكم السلام والرحمة
محمد/حيا الله من جانا...والله جيت بوقتك جايبين لنا غذى من المطعم بمناسبة انتهاء الدراسة..
ضحك عليه ابو خالد/خوش مناسبة والله,,
دخلت نور في هاللحظة/والله انك كذاب اصلا البيت مافي شي ينطبخ..
راوية ومحمد ياشرون على نور روحي دخلي قبل لاتجي منيتك وبالموت فهمتها وراحت تفتح الباب للميس وميس اللي دخلوا الصالة وسووا حشرة فيها..
لميس/منو اللي جايب الاغراض اللي في الحوش
راوية/هذا خالي ابو خالد,,
ميس/أي بس احنا مانبي صدقة من احد وراحت غرفتها(من ناحية بيت الراشد كانت ماخذة اخلاق شمس وطبايعها)
راوية/خالي ,,انا اسفة هي ماتقصد,,
ابو خالد/راوية انا مو زعلان يابنيتي خواتك عندهم حق مايتقبلونا بعد هالعمر انتي لاتضيقين خلقك بكرة بتنفرج يالله انا ماشي اللحين..
محمد/لا والله اقعد تغذا معانا خلنا نضيفك
ابو خالد/ماعليه ياولدي اذا طلعت امك بالسلامة بخليك تضيفني اسبوع كامل,,
راوية/حياك الله باي وقت..
ابو خالد/الا صحيح اليوم امكم بينقلونها مستشفى...يعني مافي زيارة اليوم بكرة ان شاء الله انا بمركم علشان اوديكم
لميس/يعني امي بتسوي العملية؟
ابو خالد/والله يابنيتي هم دخلوها اليوم علشان التحاليل والاشعة وبكرة بيعطونا خبر,,,اقول اذا مايضايقكم ياعيال جدتكم معزمة تجيكم هي مع حريمنا وخالتكم ام نايف اليوم العصر...
راوية/ولو ياخالي اذا ماشالها البيت تشيلها عيونه..
ابو خالد/تسلم عيونك ياراوية.....محمد تعال ابيك بكلمة
وطلعوا من الصالة ودخلوا بعدهم وسام وسامر
سامر/خالكم شنو جايبه؟
راوية/عيب استحي لايسمعك,,,
وسام/لاوالاخ مسوي روحه رجال يسولف مع الرجاجيل(يقصد محمد)
ابو خالد/امسك يامحمد..
محمد/حشى والله ماخذهم..
ابو خالد/لاتحلف امسك خلهم معك
محمد/لاتحرجني ماقدر اخذذهم..
ابو خالد/اقول لك خلهم معك واذا صار معك ردهم امسك بس امسك يالله ماوصيك على خواتك..فمان الله
...........................وبع ماجتمع الكل على السفرة...
راوية/بتكلم ومابي احد يقاطعني(الكلام مو جه بالخصوص لشمس)
سامر/افا بس يام دانيال تفضلي والقي بخطبتك الذهبية على مسامعنا...
راوية/اليوم جدتي بتجي مع خالتي ونسوان خوالي وخوالي طبعا فالرجاءمن الجميع حترامهم كضيوف وبلع السنتهم لين يطلعون وبعدين يصطفلون....مفهوم
لميس/ايبس احنا بنروح لامي العصر؟
راوية/امي نقلوها لمستشفى...
شمس/أي بس احنا ماندري
راوية/والله عاد كان قعدتي مع خالي اليوم علشان تدرين
شمس/والله اذا انتي تبينه يصير خالك فمبروك عليك انا مايلزمني عشت طول عمري بدون خوال مانقصني شي...
راوية/اذا خلصتي غذاك لاتنامين ابيك بموضوع,,
شمس/اجليه,,بطلع مع وسام
ميس/وين بتروحون
شمس/باروح ادور شغل
راوية/خبري اللي بيدور شغل الصبح مو العصر
شمس/لا في ناس تدور العصر عادي...
محمد/احم احم اقدر اقول شي
وسام/ومسوي روحك شخصية,,,,يبه تكلم من غير استئذان
محمد/خالي قبل لايطلع عطاني مبلغ.......ريال
شمس بعصبية/وان شاء الله اخذته؟
محمد/انا حلفت ماخذه بس هو لزم علي
شمس/وينه؟
محمد طلع الفلوس وعطاهم شمس/
راوية/شبتسوين فيه؟
شمس/بعدين بتعرفين,,,,وسام اخلص بسرعة....
***********************في بيت الراشد العصر
محمود/يعني مايصير اروح معاكم
ابو خالد/يالله تعال
ابو كمال/سويتها عزيمة ياخوي
ام نايف/في عيال على قده
ابو خالد/أي في اثنين وسام وسامر
مشاعل/وانا يبه مايصير اروح
ابو خالد/لا البنات وقت ثاني
ام محمد/عمتي جهزتي..
الجدة/أي يمه
ام محمد/يالله مشينا...
***********************اللي حضروا(الجدة وام خالد وام كمال وام محمد وام نايف وخالد ونايف وكمال ومتعب طبعا ومحمود)راوية استلمت التعريف بخواتها واخوانها
الجدة اللي كانت مقعدة نور بحضنها وتمسح على شعرها/موناقصتكم وحدة بعد؟
ابو خالد/اي ووسام بعد وينهم؟
متعب/وينها شمس؟(بدت اللقافة الحلوة)
صاروا يناظرون في راوية(الللي كل شي فوق راسها)
راوية/راحت تدور لها شغل
الجدة/ليه تبي تشتغل..
ميس بدون نفس/ومن وين بنصرف
راوية خزت ميس بعيونها يعني ياتتكلمين عدل ولاتسكتين
ابو خالد/محمد احنا شتفقنا عليه
محم/أي بس والله احنا مانبي نتعبكم معنا..
ابو كمال/ومن اللي قال بتتعبونه هذا حق امكم يبه ولازم يرجع لكم قبل لايرجع لها...ماعلينا اختك معاها جوال
محم/أي
ابو كمال/اتصل عليها خليها ترجع..
وسام/مايحتاج احنا رجعنا(مصادق شمس وعاطي نفسه اكبر من حجمه)
التفت الكل ناحية وسام اللي دخل والجدة قامت تبي تحضنه
راوية/تكلم عدل وتعال سلم..
شمس دخلت بعد وسام علطول ووقفت جنب ابو الد ورمت الفلوس على الطاولة اللي جنبه
ابو خالد/شنوا هذا..
شمس/فلوسك...
ابو خالد/ادري بس ليش يعني؟
شمس/لانه مانبي منكم فلس واحد,,او بالاحرى مانبي احد فيكم يتصدق علينا وخصوصا انتوا ياعيال الراشد يكفيكم انكم دخلتوا امي مستشفى خاص وبيظل جميلكم فوق راسنا طول العمر ...لكن انكم تذلونا وتهينونا لاماراح نسمح بهالشي ابدا عشنا طول عمرنا عزيزين نفس وبنظل لين نموت؟؟؟بنطر في الشوارع ولابناخذ منكم ريال واحد تمنون علينا فيه في يوم من الايام......واستوقفها عن الكلام كف على خدها من خالد اللي كان معصب على الاخر
خالد/انا ماسمح لاي انسان في هالدنيا انه يكلم ابوي بهالطريقة حتى امي نفسها ؟وبعدين هذا جزاه تقومين ترفعين صوتك عليه لاوالف لاحدودك عاد يابنية..
ابو كمال/خالد...شوي شوي يبه...
ابو خالد وقف ومسك يد شمس/انا اسف يابنيتي بس والله ماقصدت بهالحركة ابدا اني اجرحك اوحتى اهينك وحقك على راسي من فوق اذا اللي سويته زعلك؟
في هاللحظة شمس ومتعب كان تفكيرهم في خالد بس كلا على طريقته.........شمس ماستنت تسمع اكثر اخذت بعضها ومشت وسط دهشة كل الموجودين من اللي صار
خالد/انا اسف ياجماعة بس والله قهرتني داخلة بشرها والموضوع مايسوى
راوية اللي حابسة دموعها وصوتها صار مبحوح من كثر مو خانقتها عبرتها/انا اللي اسفة ياجماعة بس ابيكم تعذرونها يعني هي صدق عصبية شوي بس والله ان قلبها طيب وماتحمل على احد ابدا..اهي بس من دخلت امي المستشفى وهي منقلبة فوق تحت وحاسة بالعجز وسط ظروفنا وشايلة مسؤليتنا كلنا فوق راسهاحاسة بالتقصير والعجز وانها ماتقدر تسوي شي..
ابو كمال/لاحول الله...وينها اللحين..طلعت من البيت؟
نور نطت من مكانها/لا اكيد في الحوش معروفة شمس من تتضايق من شي تروح تقعد في الحوش(يتراواللي ماحد طلب منك تقرير)
ابو كمال/انا بطلع اطيب خاطرها..
ام نايف/خليك مستريح ياخوي انا وام محمد بنطلع نطيب خاطرها....
وطلعوا لها الحوش يدورونها ومتعب قلبه كان معاها كان يتمنى هو اللي يطلع لها يراضيها ويهديها بس الوضع كله مايسمح..وقعد يفكر كيف ينتقم من خالد اللي تجراْ ورفع يده عليها وقدامه بعد؟وكانه كمال يقرا افكاره ....
كمال يهمس لمتعب/انت ماتقولي حاب بنت لو بركان بسم الله علينا في أي لحظةتنفجر فينا (درر يابعد قلبي)
متعب/لاوالله لو بس تبي تدافع عن ولد عمك اللي ماعنده سالفة ولايستحي؟
كمال/الصراحة مالومه انا لو مكانه ماكفاني غير ادفنها حية؟
كان الحوش واسع وفي كراسي على جنب وقعدة بدو وفي وسط الحوش كانت الشجرة الكبيرة اللي كانت متسندة عليها شمس وحاطة راسها على رجليها وقعدوا وحدة عن يمنها ووحدة عن شمالها ورفعوا راسها..
ام نايف/شمس يمه..حقك علينا ولاتزعلين يابنيتي وترى خالد طيب مايقصد...
بس ساعات يعصب ومايدري وش يقول بس يندم بسرعة ويتاسف على اللي سواه..
ام محمد/مسحيها بوجهي يابنيتي
شمس/انتي امه؟
ام محمد/انا امه اللي ماجابته..
شمس/انتي منو؟
ام محمد/انا مرت عمه ام محمد
شمس/أي بس ام محمد ماتت ومحمد صغير
ام نايف/صح كلامك..بس هي اللي ربته وسمت نفسها ام محمد لان الله ماعطاها غير بنات وزوجته وشالته هو وعياله
شمس/وزوجك يدري انك جاية عندنا ولاقال شي؟
ام محمد/انا ياشمس صار لي اكثر من عشر سنين شبه منفصلة عن خالك ومو ساكنة معاه في نفس البيت ساكنة في بيت الراشد مع جدك وجدتك
شمس/وليش ساكنة مع بيت الراشد؟
ام محمد/لاني طول عمري معاهم وعيالي مايصبرون عنهم دقيقة وحدة وبعدين عيال الراشد شايليني فوق راسهم ومو محسسيني بالغربة ابدا احنا في ذاك البيت كلنا امهات والعيال كلهم عيالنا وانتي بكرة بتعاشرين خوالك وخالتك وبتتاكدين من كلامي...
ام نايف حست ان ام محمد اثرت شوي في نفس لانها سكتت وما تكلمت الابعد فترة شمس بخوف/اللي قاعدة هناك ومعاها دانيال ولد اختي هاذي,,,,,ام متعب؟
ام نايف/مداك عرفتي بعد اسم ولدها الكبير؟
شمس/لا امي قالت لي(كذابة)
ام محمد/لا هاذي ام خالد
شمس/توقعت ان ام متعب ماتجي معكم علشان لاتزعل ابوها لانها اذا جت عندنا احتمال يزعل منها(ماقصر متعب ايام زمان عطاها كل التفاصيل)
ام نايف/........
ام محمد/شمس ماتبين تعرفين شبيصير على امك؟
شمس/اكيد ابي اعرف؟
ام محمد/يالله قومي خل ندخل داخل نسمعهم شقرروا
شمس/انتوا سبقوني وانا بغسل وجهي وبلحقكم..
ام نايف/بس لاتصيفين عاد...
ودخلوا ام محمد وام نايف داخل
الجدة/ها وينها ماجت معكم؟
ام نايف/اللحين بتجي ورانا
ابو خالد/بعدها زعلانة
ام محمد/مافي ثقة فينا يابو خالد
ابو خالد/لا مدام انتي اللي طلعتي لها اكيد بتجي راضية
محمد الجاسر/غريبة مع انها عنيدة وماحد يقدر عليها؟
شمس توها بتقوم بتدخل الاوصوت مسج في تلفونها قرته مرتين وثلاث تبي تتاكد مي مصدقة اسم المرسل كان من عمري مابنساك(متعب)(وحياتك الادفعه ثمن هالدموع غالي ياروحي).........هذا من وين جاب رقمي اكيد سمور
ولاميوس (سامر وميس)ماكو غيرهم مشاخيل بالعيلة لكن بعدين اوريهم....وصارت تبتسم بينها وبين نفسها(حبيبي مضيق خلقه علشاني فديته انا والله حرام والله ان متعب مايستاهل منك ياشمس خفي عليه شوي انتي بتموتين من كثر شوقك له ليش تكابرين بعد عطيه وجه حرام مايستاهل على الاقل عبريه اللحين وهو في بيتكم)
دخلت عليهم شمس والكل التفت صوبها كان باين عليها انها غسلت وجهها من كثر ماراح فيها من البكي....
الجدة/شمس...يمه تعالي قعدي جنبي
وراحت قعدت جنبها بدون ماتتكلم وهي تناظر في راوية وتوها منتبهة ان موقفها سخيف وماحد اكله غير راوية المسكينة فقررت انها ماتتكلم الاذا احد كلمها اخير لها وللموجودين
ابو كمال/عاد تدرين ياشمس انا للحين ماشربت شاي استناك تحطيلي بيدك
وقامت شمس صبت لخالها شاي وعطته اياه وقبل لاتقعد مكانها ناداها متعب
متعب/ولا عليك امر ياشمس انا بعد صبي لي شاي
صبت لمتعب وهي يدها ترتجف كل ماتذكرت المسج وام نايف في هالحظات فتحت الموضوع علشان تخفف من نظراتهم لشمس وتتصرف على طبيعتها .....
شمس مدت الشاي على متعب قال لها بصوت واطي يادوب يسمعها/وين السكر ولا مايحتاج يعني
شمس نست تساله اذا كان يبي سكر ولالا بس ماحبت تفشل روحها قالت له بصوت يسمعه بس/مالك حاجة
بالسكر يوم ان السكر بنفسه هو اللي حط لك اياه بيده وابتسمت له ابتسامة دوخته بحق وحقيق لحظتها متعب ماكان وده الايقوم ويحضنها بس اللي خرب عليه......
الجزء خلص وش تتوقعون اللي خرب على متعب؟وهل بترجع شمس لمتعب ويعيشون حبهم من جديد؟وهل ام امحمد بتسوي العملية وبتعيش ولالا؟بانتظار ارائكم وانتقاداتكم,,,,,سلملم......
تعليق