اليوم الثاني.****
مشاعل مدت يدها لابوها/
ابو خالد/خير ان شاء الله؟
مشاعل/يدك على المكتوب...
ابو خالد/ليه؟؟
مشاعل/بنروح السوق انا ودلال وسحر علشان بنمر لشمس نبارك لها..
ابو خالد/أي بس انا خبري يباركون بعد الحفلة مو قبل الحفلة.
مشاعل/أي بس ياباب لاتنسى ان هم ماراح يسسسوون الحفلة الابعد اسبوعين يعني بعد ماتجي راوية وماهي عدلة ان احنا مانروح نبارك لها الابعد اسبوعين!واحنا صايرين ربع....
ابو خالد/امري لله تفضلي....بس عاد يامشاعل مو تسوينها فيني ويعد الحفلة تقولين برد ابارك وتطلبين مرة ثانية اعرفك انا..
مشاعل/زايد انت شفيك صاير بخيل !!
ابو خالد/مشاعلوا ووجعة استحي عاد انا ابوك..
مشاعل/يعني لازم اكذب واجاملك لمجرد انك ابوي..
ابو خالد/روحي يالله زين....تعالي مين بيوصلكم
مشاعل/مادري بشوف دلال يمكن قالت لاحد مادري انا..
ابو خالد/المهم لاتصيفون عند شمس...
مشاعل/ليه عاد؟
ابو خالد/يمكن يمرها متعب الليلة.
مشاعل/الا اقول ..اكيد ولد اختك هذا مو شايف خير بدنيته..!!
ابو خالد/مو شايف خير بعد..انتي ماتستحين على وجهك..
مشاعل/وانا الصادقة يبى..ماصدق على الله قالت موافقة خذ بعضك وجيب الشيخ واملك عليها...
ابو خالد/والله انا يتراوالللي ان لسانك يبيله قص؟
مشاعل/صحيح نسيت ماقلت لك..
ابو خالد/شنو بعد..
مشاعل/اكيد مرتك ماقالت لك اعرفها..
ابو خالد/زين عن شنو؟
مشاعل/بكرة بيروحون يخطبون حق خالي بدر..
ابو خالد/لا قالت لي وقالت لي بعد انك انتي وخالتك سارة اللي نقيتوه له عروس..
مشاعل/ول..ام خالد كل شي تقوله..
ابو خالد/فياليت لو تشوفين لخالد حرمة زينة ونزوجه هو ومتعب في ليلة وحدة
مشاعل/اذا على حرمة خالد موجودة في الحفظ والصون..

*********
في بيت الشهري...
منذر/يمه وين متعب..
ام متعب/وينه بعد...نايم في العسل ليه منو يبيه...
منذر/انا ابيه,,
ام متعب/شتبي فيه؟
منذر/هو واعدني اذا وافقت شمس بيشتريلي سوني 3 وبيعطيني فلوس اعشي ربعي وين مابي..
ام متعب/لاوالله اخر زمن بعد..كان يحاتي انها ماتوافق...
ابو متعب/السلام عليكم..
/وعليكم السلام ورحمة الله/
ام متعب/منذر روح شوي بتكلم مع ابوك..
منذر/ان شاء لله يمه..
ابو متعب/خير اللهم اجعله خير..

ام متعب/لا..ماهو خير..
ابو متعب/ليه شصاير؟؟
ام متعب/هيام..
ابو متعب/هيام ؟شفيها؟
ام متعب/سهى تقول انها من البارح ساكة على روحها الدار وذابحة روحها من البكي ..
ابو متعب/وليش بالله هذا كله..
ام متعب/شنو اللي ليش بالله ابو متعب انت ناسي ان متعب كان المفروض ياخذها..
ابو متعب/يام متعب متعب ماوعد احد بشي..ابوي كان متمنيها لبعض ومتعب من البداية كان صريح وقال انا مارتاح لها ومافكر فيها ورغم هذا كله هي اللي تولعت فيه وصارت تبني احلام في الرمال..
ام متعب/أي بس انا حاسة نفسي منحرجة يابو متعب..
ابو متعب/ولا تنحرجيني ولاشي يابنت الناس كل شي قسمة ونصيب...واللي الله كتبه ان متعب ماياخذ هيام...
ام متعب/طيب انت روح كلمها وطيب خاطرها بكلمتين..
ابو متعب/لا ماني رايح..اذا رحت بتفكرني مو موافق على زواج متعب من شمس وانا مابيها تفكر في هالشي ابدا..
ام متعب/على راحتك..
ابو متعب/وين العيال..
ام متعب/اللي نايم واللي يشاهد واللي قاعد على الانرتنت..
ابو متعب/والعريس وينه..
ام متعب/بعده نايم..
ابو متعب/روحي صحيه يام متعب..لايسهر الليلة بكرة وراه دوام من الصبح ولا مفكر هو كل يوم اجازة بعد على الخطبة وخطبنا له ماله حجة اللحين...
في بيت الجاسر*****
مشاعل/حليانة شمسوا مررررررة..
ميس/شقصدك يعني يوم ان ولد عمتك خطبها احلوت..
دلال/ليش احد عنده شك بهالكلام...
شمس/لاوالله انتي بعد ساعديها...
مشاعل/بس بصراحة ولد عمتي اثبت انه شي قالت موافقة ملك على طول..
ميس/سكتي احنا نصدمنا اول بس تدرين رحم بحالنا سفر راوية ولا كان بيروح يشتري الشبكة والدبل وبيلبسونهم .....
دلال/ولد عمتي ماعنده مشكلة بس جدي الا مارضى...
شمس/ليه الباقي ماجوا معكم..
مشاعل/صراحة ماقلنا لاحد ان احنا جايين..
شمس/يعني يالله نفسي...
دلال/بالضبط ,,الا وينها هالة وسوزان توقعنا نشوفهم هني..
شمس/سوزان اليوم اخوانها يتجمعون فماراح تجي وهالة كانت هنا تغذت وراحت تتفقد احوال الرعية اللي في بيتهم,,
مشاعل/شمسوا,,,ماكلمك متعب من البارح ؟؟
شمس/لا..
مشاعل/مانتي حاطة يدك على قلبك !
شمس/...لا ..
ميس/كذابة ..قبل شوي تقولين لهالوا مادري وش فيه من طلع البارح ماتصل ماهي عوايده ولاحتى مسج ...!!!!
شمس/صح قلت هالكلام بس بعدين تذكرت يعني انه لو بيتصل بيتصل على جوالي وانا جوالي من امس مادري عنه ...
دلال/ليه وينه ؟؟
شمس/صار لي يومين ادوره ومو لاقيته ..
هالة اللي كانت توها جاية /يالله فكة منه من زينه عاد ...
شمس/هالوا وبعدين معك انتي !
هالة/شفيك انا اقصد الجوال مو متعب..
مشاعل/عجبتني والله لالا عادي اقصدي متعب..
هالة/والله عمركم شفتوا احد للحين جواله الباندا ؟؟؟!!!! يتراواللي ولد العز متعوبك اذا شافه بتجيه سكتة قلبية..
شمس/مالكم شغل فيني عزيز علي وماراح ابدله...
مشاعل/اكيد من عند متعب ولا ليه بصير عزيز وهو حيا الله الباندا..
شمس/ وانتي الصادقة فيه رسايل متعب عشان كذا مابي اغيره احب اقراهم كلهم قبل انام كل ليلة ...
دلال/شتبين في الرسايل ومتعب بكبره صار عندك..
مشاعل/خسارة انه ضايع كان شفنا الاخ شيرسل....
هالة/اوه ه ه ه شتشوفين وشتخلين ..هذا ولد عمتك بايعها من زمان رايح فيها ومروح البنية معاه !!
مشاعل/صحيح يعني خطيرين رسايله؟
هالة/خطيرين وبس...يموتون.. انا قريت رسالة وحدة بغيت اموت ..عشان كذا حرمت اقراهم وخصوصا اللي يجيبهم اخر الليل !!!!
دلال/لاوهي فرحانة بعد تقول اقراهم كل ليلة قبل لانام ...صحيح ماتستحي...
شمس/انا وخطيبي...انتوا شكوا فينا...
مشاعل/انا بس بدعي ربي انك تشوفينا باسرع وقت...
ودق جوال مشاعل....
مشاعل/هلا حبيبي....اي ...وصلت...ياله طالعين...باي... يالله دلالوه كمال وصل..
شمس/مايصير قعدوا تعشوا معنا مو من زمان جيتوا ...
مشاعل/ابوي قايل لي لاتصيفون عند شمس يمكن يمرها متعب...
هالة/خله يمرها متعب احنا موجودين...
دلال/وبعدين ماباقي شي وياْذن ...
شمس/ليه ماتعرفين تصلين الا في بيتكم,,,
دلال/لا مو كذا ...خلاص...كلها اربع ليالي وبتجين انتي عندنا...عاد مالك حجة اللحين عندك سيارة تحت امرك ...
هالة/شويات وبنجيب الصور قعدوا خل نعلق على متعبوا مع بعض...
شمس/متعبوا في عينك ..مليون مرة قايلة لك اسمه متعوبي حبيبي واذا بيقعدون علشان يعلقون بس على متعب مع الف سلامة
*****************
في سيارة كمال...حط يده على مشاعل اللي كانت جنبه...
كمال/شفتوها...
مشاعل/أي...
كمال/فرحانة ولامالها خلق..
مشاعل/ليه يعني بيكون مالها خلق !
كمال/مادري بس احسها مزاجية...
مشاعل/انا ماحسها كذا..
كمال/يمكن بس على متعب...
مشاعل/ اسمه متعوبي حبيبي وياويله الللي يقول غير كذا !!
كمال/لا...هاذي اكيد ماهي شمس..؟
مشاعل/ ليه يعني ؟؟
كمال/مابيك ومابيك ولاتنصدم اذا قلت لا....سبحان الله..
مشاعل/عمتي بعدها زعلانة...
كمال/حييل وماتتكالم ابدا..
مشاعل/مادري بس احس مالها حق ...يعني شمس مافيها عيوب علشان عمتي تقول لا صحيح ماكامل الاوجه الله بس البنت حلوة ومثقفة وتحسها فاهمة في كل شي وعندها علاقات اجتماعية كبيرة ...
كمال/والاهم من هذا كله ان متعب يبيها وهو اللي اختارها بنفسه..
مشاعل/مثل ماقلت...
كمال/المهم ....فكرت ماعرفتها..
مشاعل/ مني ؟
كمال/البنت اللي قلتيلي خالك بيخطبها..
مشاعل/مو معقول انا مانقصني غير اقول اسمها وتعرفها..
كمال/طيب قولي..
مشاعل/ماراح اقول بكرة بيوصلك خبر..
كمال/عنيدة..

مشاعل/طالعة عليك..
كمال/انا مو عنيد..
مشاعل/اثبت..
كمال/شاثبت ؟
مشاعل/انك مو عنيد..
كمال/وكيف بالله تبيني اثبت اني مو عنيد..
مشاعل/مثلا...مثلا... تخليني اشتغل بعد التخرج ...
كمال لف جهتها يناظرها وهي تضحك/اولا...هذا مو عناد هذا مبدا وانا مبداي يقول لا...ثانيا...احتمال اغير راي لو عطيتيني بعض المغريات...
**********
بعد الصلاة في بيت الجاسر....
هالة/لميسوا قومي طلبي لنا عشى باموت من الجوع...
شمس/وعلى حساب منو ...
هالة/مايبلها كلام ...متعب طبعا...
شمس/ههههاي ضحكتوني واللله هذا اللي قاصر بعد...وبعدين هذا العم متعب مو متعب حاف لاعاد اسمعك تقولين متعب...
هالة/عشتوا ..عشتوا ..عشتوا....ماقدر انا ماقدر...
ميس/اللحين الساعة ثمان ونص...
هالة/وخير ياطير...على ماتطلبينه ماراح يجيبونه الا عشر...
ودق جرس الباب....بعد دقايق دخل سامر..
سامر/شمس
شمس/نعمين...
سامر/متعب في المجلس يبيك...
شمس/جاية اللحين...
وطيران على الغرفة بدلت ولبست تنورة جينز قصيرة مكسرة وبلوزة سودة بدون اكمام بس خيوط....وعليهم البوت الاسود اللي يوصل للركبة وعدلت كحلها وحطت لها قلوز شفاف وتسبحت في العطر من فوق لتحت ولبست عبايتها وشيلتها وطلعت من الغرفة..
سامر/طالع هاذي خلاص صار زوجك ماتلبسين له عباية ماتشوفين لميسوه ماتلبس عباية قدام زوجها...
شمس/بسم الله علي توه البارح صاير خطيبي وماعرف ادخل اشوفه اول مرة بدون عباية (اسم الله عليك يكون ماندري عن سوالفك ياحلوة)
هالة/دعواتنا القلبية...
ميس/بنمركم بعدين انا وهلهول بنجيب لكم من عشانا...
**في المجلس...كان الجو هادىْ يعني هي كانت مرتبة المكان قبل بالاضاءة الصفرة الخفيفة وباقي الاضاءة معتمدة على شموع صغار معطرة وصوت الموسيقى الكلاسك اللي كان واطي جدا عدا عن ريحة البخور اللي كانت مالية الغرفة...
وصلت شمس ووقفت عند الباب لان عيون متعب اصلا كانت على الباب تنتظرها ...ابتسم لما شافها...
تقدمت لقدام اكثر ووقف متعب ,,وحست انها ماهي حلوة ماتروح عنده بعد ماوقف لها ...
صارت قباله على طول تقرب منها وباس خدودهاوضمها لصدره شوية ...
متعب/شلونك حبيبتي..
شمس/بخير...
متعب ظل يتامل فيها وهي محتارة وين تقعد...
متعب/تعالي قعدي جنبي...
وقعدت في المكان اللي اختاره متعب...
متعب/.......
شمس/.......
متعب/ليه لابسة عبايتك ...
شمسنزلت راسها مستحية ومد متعب يده على الشيلة يفتحها وهو يقول لها..
متعب/خلاص انتي اللحين ملكي ماتلبسين لي عباية وشيلة,,,
ومسك يدها ووقفها وخلاها تصير قباله وهو قاعد ومسك عبايتها من النهاية وصار يفتحها...
شمس بدلع/بس انا لسه ماتعودت اقعد معك اصلا...شلون تبيني اشيل العباية وانا معك,,,
متعب/سمعني يالدلع ماسمعت زين.....انتي ناسية ياقلبي انك امس كنتي بدون عباية...
شمس/ انت امس دخلت وانا كنت شايلتها اصلا....
وفتح متعب العباية كلها وصار يتاملها ووقف على طوله مرة وحدة وصار قبالها مايفصلهم شي عن بعض......وطاحت العباية من على كتوف شمس للارض...ومسك متعب راسها بين يديه...
شمس/متعب............لا....الباب مفتوح.......
متعب/نسكره مافي مشكلة,,,,,,,,,,,,
شمس/شتبي....................................
متعب تقرب منها و.........................................................................................................................................................................................................متعب/ابي شمس....
شمس وهي تتنفس بسرعة/وشمس بعد تبيك ..................................................................................................شمس/متعب خلاص خلينا نقعد....
متعب/تعالي.....ومسكها من يدها وجلسها جنبه وحط يده حواليها وهي شبه ضايعة فيه,,,
متعب/ماتتصورين شكثر انا فرحان ........
شمس/لا...متصورة مايحتاج...
متعب/ليه عاد ماودك تصدقيني...
شمس/مصدقتك والله ...وصلني خبر الناس اللي كلمتهم البارح وقلت لهم يالله نزلوا...
متعب/ههههه خلاص شبعوا من بعض.......
شمس/لو كنت معك كنت بتشبع مني بهالسرعة !
متعب/انتي العمر كله معك مايكفيني يبيلي عمر ثاني...
شمس/على العموم بكرة الليل هم هنا...
متعب/لا....حلو يعني متى نسوي الحفلة...
شمس/بكيفك..مابتشاور اهللك...
متعب/الحفلة لي ولك مو لاهلي واهلك...طيب شرايك ليلة الاربعاء...
شمس/براحتك...
متعب/خلاص انا الليلة بعطيهم خبر يتفقةن فيما بينهم,,,,طيب متى نروح نشتري الشبكة...
شمس/اشتريها انت وامك وجيبها معك ليلة الحفلة...
متعب/لا مايصير ..انتي الللي لازم تشتريها بذوقك,,,
شمس/ماعليه حبيب انا ابي ارضي امك وهي اكيد ودها تروح معك تشتريها وفي النهاة انا واثقة من ذوقك العالي ياقلبي وش ماراح تجيب اكيد بيكون حلو...
متعب/حبيبتي انتي والله لاشتريلك احلى شبكة في جدة الافي العالم كله ..
شمس/الله يخليك لي ولايحرمني منك,,,,
ورفع متعب الكيس اللي كان جايبه معه من على الارض وطلع منه صندوق وعطاه شمس...
متعب/فتحيه....
شمس/شنو هذا...
متعب/شي يخصك..
شمس مسكت الصندوق...
شمس/افتح يمين لو يسار..
متعب/فتحي اليمين اول....
وفتحته شمس....
شمس/.........هذا جوالي من وين جبته,,,,,
متعب/الله يسلمك البارح بعد مامشيت منك حسيت وانا في الطريق اني مشتاق لصوتك دقيت عليك لقيت الجوال يدق في السيارة الظاهر انك نسيتيه من ذيك الليلة....طيب فتحي الجهة الثانية....
فتحتها لقت في جهاز جديد (من اخر اصدارات نوكيا)
شمس/وهذا لمنو؟
متعب/هذا لك...
شمس/بس انا مابيه..
متعب/اولا هذا اول هدية لك مني كيف تقولين مابيه ...ثانيا ..بصراحة انا يوم شفت جهازك عورني قلبي...
شمس/مابدله لو بالملايين...
متعب/ليه عاد..!!!

>>>>>>>>>>>>اشوفكم في الجزء اللي بعده.............

طولتين

وييييييييييييينك =( ؟!


طووولتتي مرره


بانتظارك

جاري الانتظار

؟؟؟؟؟؟؟؟؟؟؟؟؟؟

راح اعطيك فرصه الشهر هذا
اذا القصة ماراح تكتمل انقلها للمحذوفات
بناءا على شروط القسم

سامحوني كلكم على التاخير انا فعلا اعتذر منكم لاني طولت بس كانت عندي ظروف ومارجعت للمنتدى الا في رمضان وماصار في وقت اكملها ..اعتذر منكم مرة ثانية واتمنى تسامحوني.....

وهذا الجزء اللي بعده.....

شمس/تذكر رسايلك يامتعب..رسايلك اللي من قبل لانفترق...ماقدر انام الا اذا قريتهم كل ليلة...
متعب/صحيح..كل ليلة تقرينهم؟
شمس/واذا كنت متضايقة من اي شي تلاقيني اقلب فيهم علشان يخففون عني همومي...كيف بعد تبيني افرط فيه!!!
متعب/ماهي مشكلة ..خلي عندك ها الجهاز عند السرير وكل ليلة اقري على راحتك ماحد رادك بس تخلينا معك على طول مشكلة ...زوجة المهندس متعب الشهري هذا جهازها!!!!!
شمس/عدال عليك يا المهندس...
متعب حط شفايفه على شعرها.....
متعب/صايرة تطيرين العقل بها القصة...
شمس/متعب شوي شوي علي والله قلبي قاعد يرقع بقوة من الخوف...
متعب/خايفة مني؟
شمس/تبي الصراحة ...اي..انت صاير تخوف الليلة ما انت طبيعي مخوفني حيل....
متعب/شا سوي اذا كنت احبك؟
شمس/انت كنت تحبني بس بعقل الليلة صاير مجنون....
******************************************في تركيا.....
رياض/خلاص ضبينتي كل الاغراض...
راوية/اي خلصت..
رياض/والله اني تمنيت نقعد اكثر بس علشان شمس كل شي يهون...
راوية/تعرف يارياض انا مو متخيلة شمس عروس او انها مرتبطة او ...مدري شلون اوصل لك الفكرة...
رياض/فاهمك ياراوية انتي تقصدين ان شمس ما مكن احد يمشي رايه عليها او يتحكم في تصرفاتها...
راوية/يمكن لاني تعودت من شمس القوة على طول ودايما تكون متخذة القرارت بدون ماتشاور احد...
رياض/المشكلة ان متعب ماهو من النوع اللي يسمع احد يعني كلامه هو وبس اللي يمشي...
راوية/هذا ناهيك عن غروره اللي ماله حدود الله يعينك ياشمس انا حاسة انها انجبرت عليه شمعناتها يارياض يخطب يوم ويوم ثاني يملكون علطول؟؟؟؟؟؟؟؟؟؟؟؟؟مالها تفسير ثاني شمس انجبرت عليه...ياليت بس لو كنت هناك صدقني وقفت معها وماخليت احد يغصبها....
...........................................
في بيت الشهري
ام متعب/ها..كيف حال هيام اللحين..
سهى/يعني كيف بيكون حالها يمه بعدها تحت تاثير الصدمة..
سناء/اي صدمة انتي بعد...متعب ماوعد احد بشي هي اللي حطته في بالها...
سهى/لا بلى...متعب كان مكتوب لهيام بس هاذي بنت خالتك مادري من وين طلعت لنا...
ام متعب/خلاص انتي وياها ما ني موجودة بينكم يعني ...
سناء/يمه الصدق الصدق متعب قال ابيها؟
ام متعب/لا..
سهى/سناء انتي علشان تكرهين هيام تقولين كذا..
سناء/هاذي بنت عمي ليش اكرها
ام متعب/خلصنا من ها السيرة ما ابي احد يتكلم فيها ابدا....سناء روحي شوفي متعب اذا يبي شي ياكله...
سهى/متعب موهني طلع..
ام متعب/وين راح؟
سهى/راح لست الحسن والجمال..
ام متعب/متى راح انا ماشفته يوم طلع..
سهى/من بعد الصلاة طلع.....
............................................
في بيت الجاسر....
متعب/احبك...
شمس/خلاص قلتها مليون مرة..
متعب/بظل اقولها لين.....
طق طق طق وانفتح الباب...
ميس/كيف حالك متعب
متعب/هلا...
هالة/مبروك
متعب ناظر شمس/هاذي هالة؟
شمس/اي...
متعب يهمس لشمس/من ها اللحظة تنسين انك تعرفينها...
شمس/ليه عاد؟
متعب/ماحبها...
شمس بعدت شوي عن متعب وميس وهالة كانوا يحطون العشى على الطاولة..
شمس/مني اللي في النهاية طلبته..
ميس/فراتوا....
شمس/وينها؟
هالة/ماسكة الصور ماهي راضية تتركهم..
شمس/صور البارحة؟
هالة/اي...

شمس/متى جبتوهم؟
ميس/قبل شوي؟؟
شمس/جيبوهم..
هالة/تحلمين...
شمس/متعوبي شوفها ماتبي تجيب صورنا..
متعب/اي صور؟
شمس/صور البارح....
متعب يكلم شمس/بتجيبهم وغصبا عنها...مو كافي اني مو طايقها من ذيك الليلة...
هالة/والله انا كنت العبد الماْمور..
شمس/ما عليك منها انا ماقلت لها قولي ها الكلام..
متعب/عارف انها جايبته من راسها...
شمس/خلاص انسة هالة شكرا لخدماتك...
هالة/يعني بالعربي اطلعي..
شمس/تقريبا...
هالة/طيب ....ومشت لعند الباب...
متعب/وبعدك شوي شوي وبنستغني عن خدماتك كلها....
............................اشوفكم في الجزء اللي بعده ولاتنسون تعليقكم ياحلوين وسامحوني مرة ثانية على التاخير...

وهذا الجزء اللي بعده بس وين تعليقاتكم ياحلوين....

......................
بعد ليلتين من ليلة الحفلة كانت ليلة الجمعة....
متعب/ها حياتي جاهزة..
شمس/اي بس انت ماقلت انك بتمر يامتعب؟
متعب/انتي ناسية ان الليلة الجمعة؟
شمس/وش فيها ليلة الجمعة بالله..؟؟
متعب/ليلة الجمعة نتجمع فيها في بيت جدي بيت الراشد وليلة السبت في بيت الشهري..
شمس/وان شاء الله مطلوب مني اكون موجودة معكم؟
متعب/مافيها كلام طبعا..
شمس/ما ابي اروح...
متعب/ليه!!!!!!!!!
شمس/مابي اشوف جدك..
متعب/واذا قلت لك ان هو بنفسه ماْكد علي انك تكونين موجودة..
شمس/طبعا علشان اذا باقي عنده كلام ماقاله يقوله..
متعب/ماحد يقدر يقول لك شي ويضايقك وانا معك...
شمس/بس يامتعب...
متعب/علشان خاطر متعب اذا كان له خاطر طبعا...
شمس/طيب بس بشرط...
متعب/تاْمريني..
شمس/شنو الشرط ماساْلتني...
متعب/شنو ماكان بوافق...
شمس/حتى اذا قلت لك نقعد بس ربع ساعة...
متعب/....................معليش تخلينها ساعة الاربع ربع ساعة ماهي حلوة...
شمس/...................
متعب/معناته مافي مانع.....
شمس/...........
متعب/معليش بطمع في كرمك بعد وبطلب طلب ثاني...
شمس/شنو؟؟
متعب/ابيك تسلمين على جدي..
شمس/.......................حبك وغلاوتك يامتعب في جهة واني ادوس على نفسي وكرامتي في جهة ثانية,,,,
متعب/اي بس...
شمس/الطلب الاول مقبول اما الثاني فمرفوض بتاتا....
متعب/............طيب يالله جهزي انا جايك.....
................................
في بيت الراشد....
ام كمال/ام محمد بتتاخر شوي..
الجد/ليه؟؟
ام كمال/تقول محمد واخوانه عازمين ربعهم على العشى وماراح تجي الا اذا حطت لهم الاكل...
ابو كمال/اي قالوا لي الاولاد انهم معزومين على العشى....
ام نايف/اهم شي ماتتعب نفسه عليهم..
ام خالد/ماتعرفين ام محمد ماراح تخلي شي مابتسويه لهم...
الجد/اهم شي ماتنسى اللي موصيها عليه..
الجدة/لاتخاف ماهي بناسية....
شذى/عمتي متعب بيسكن في شقته اللي معكم...
ام متعب/لازم يسكن فيها اصلا احنا ماصار لنا سنة من سوينا تعديل في البيت علشان نبيني شقته ليش مايسكن معنا..
سهى/هذا اذا وافقت شمسه يام متعب....
ام متعب/توافق وليه ماتوافق تكون ساكنة بقصر وانا مادري!!!!
الجد/هي ليلة الملكة قالت وين ماكان متعب انا بكون يعني ماعندها اي مانع..
ام متعب/عشنا والله وين ماكان بكون....
ومامرت ثواني الا منال دخلت عليهم..
منال/السلام عليكم...
....وعليكم السلام والرحمة...
ام متعب/جيبيها بشوفها من زمان ماشفتها..
منال/وش تبين تشوفين فيها ياخالتي بكيها الا مايوقف ابد...
ام نايف/نسيتي الربى يامنال مايكبرون الامن عمر امهاتهم...
ام خالد/الا هاذي غير عن العيال كلهم انا ماشفت مثلها بصراحة طول اليوم تبكي تقولين طاقينها...
ابو خالد/ان شاء الله عقبال مانشيل ونحط في عيال متعب يام متعب..
ام متعب/الله يسمع منك ياخوي يتراواللي ماراح ينسيني مصيبة زواجه من شمس الا اني اشوف عياله واربيهم..
شذى/معناته ياعمتي تحبين شمس اذا بتريحينها حتى من العيال..
هههههههههههههه
ابو خالد/حرام عليك يام متعب اللحين زواجه من شمس صار مصيبة!!
ام متعب/الا مصيبة ونص بعد....
شذى تهمس لسارة/ان شاء الله بس اخوك مايفكر ياْجل الانجاب لاذبحة شمس عند عمتي حلال.
سارة/اي والله وانتي الصادقة ...
ام خالد/امس خالد حنة على راسي طلعت عمتي تحب متعب اكثر مما تحبين ليش انها خطبت له وانا بعدني ماحد خطبلي...
ام نايف/يحليله خالد يبي يتزوج..
ام خالد/ماعليك منه عيار طول الوقت احن على راسه بخطبلك وبزوجك وهو ساكت وابوه يقول لي لاتحنين عليه اذا يبي هو بنفسه بيتكلم...
منار دخلت الغرفة/متعب والشمس وصلوا..
ام متعب/صارت الشمس مرة وحدة بعد!
الجد/خليهم يدخلون هنا....
وبعد دقايق دخلوا المجلس والجدة من شافتهم قامت تغني وتصفق ومعاها البنات..
ام نايف/الف الصلاة والسلام عليك ياحبيب الله يامحمد كلللللللللللويش كللللللللويش...
متعب/يعني بعدنا عايشين جو الحفلة والطقطقة..
ام نايف/بعدكم معاريس يمه خلنا نفرح فيكم..
متعب/تسلمين ياخالتي الله يخليك لي...
وسلموا على اللي في المجلس بمن فيهم الجد وام متعب اللي سلمت عليهم شمس يادوبك بس..وقعدت شمس وقعد متعب جنبها على طول مما ضايق ام متعب..
الجد/مبروك ياشمس عاد السموحة ماقدرت ابارك لك ليلة الحفلة..
شمس بدون نفس/الله يبارك فيك...
الجد/اسمع ياجدي..
متعب/امر ياجدي...
الجد/مثل ماوصيتك شمس تحطها في عيونك وتسكر عليها مابيها تشتكي منك..
متعب/افا ياجدي انا توصيني على شمس هاذي في عيوني الثنتين....
الجد/مو في عيونك الثنتين وبكرة تزعلها...
متعب/انت بتقلب علي ياجدي...وصيها علي بعد مايصير كذا كلكم علي..
ام متعب/مايحتاج نوصيها عليك لانها...
ابو خالد قاطعها/والله هي عارفة واجبها معك يامتعب الدور والباقي عليك انت...
شمس لفت على متعب/سمعت الباقي عليك انت موعلي انا..
ابتسم لها متعب مماقهر ام متعب اكثر...
متعب/انا بروح المجلس..
ابو خالد/خذني معك وانا خالك....
شمس/لاتتاْخر....
متعبهمس لها بس بصوت يسمع امه واللي جنبها علشان انهم كانوا قاعدين قريب من ام متعب.../اذا اشتقتيلي دقي علي وانا اجيك...
وطلع........
الجد/جيبي البنت يامنال لشمس خليها تشوفها...
شمس اخذت البنت عندها وكلمت منال/شسميتوها صحيح؟
منال/نور..
شمس/يعني مانتصرت بنت زايد هالمرة...
ودخلت مشاعل الغرفة/انا اسمع ناس تحش في بنت زايد منو هالحلو اللي قاعد يحش فيني؟
وقامت لها شمس تبوسها/ليه في مانع اني احش فيك؟
مشاعل/لا بس انتي مسوح لك تحشين غيرك لا...
شذى/بايعتنا برخيص مشاعلوا..
مشاعل/مو علشانها بس خوف من الذيب اللي وراها متعبوا..
شمس /شسمه؟؟
مشاعل/اسفة المهندس متعب...
ابتسمت لها شمس/واذا يمديك بعد تقولين العم متعب بيكون افضل...
مشاعل/لا عاد الا هنا وحده اذا صار ولي نعمتي بقوله العم متعب..
سارة/لاتكبرين راسه علينا اكثر ياشمس كذا بالقوة يسلم علينا بكرة نقوله العم متعب عزات الله ماهو بمناظر فينا..
مشاعل/من متى وانتي هنا؟
شمس/من زمان وقايمة اللحين..
مشاعل/لاتكذبين مو من زمان توك جاية...
شمس/صدقيني من زمان الا وينهم الباقين..
مشاعل/اليوم متبرعين وداخلين المطبخ علشانك نقول عروس وبناكلها من عندنا تقولين بمشي ماتستحين على وجهك....
سارة/من جدك شمس بتمشين..
شمس/اي بقوم..
ام نايف/توك جاية ماشبعنا منك...
شمس/تعرفين البيت زحمة علشان تجهيز لميس وحضرته يقول اني ماشوفه كانه خاطبين من شهرين ماكانه ماصار لنا غير كم يوم والليلة متحلف يقول ليلته...
ام كمال/ليش راوية ماتروح معكم؟
شمس/بلى بس الليلة بنتها مرضانة وماراح تجي..
الجد/شفيها؟؟؟انا يوم كلمتها العصر مافيها شي,,,,
شمس/الظاهر بماْخذة برد وارتفعت حرارتها..
ام خالد/ماودوها المستشفى..
شمس/والله مدري انا ماسمعت الا من عمتها قبل شوي..
مشاعل/هالوا..
شمس/اسمها هالة..
سارة/وانتي الصادقة العمة هالة..
ناهد/لا والله وش خلت لولد خالتي..
مشاعل/لا ذاك خبره خبر وعلومه علوم...ههههههه
شمس مسكت جوالهابتدق على متعب..
مشاعل/يعني بجد معزمة على القومة..
شمس/ليش مفكرتني امزح معك ...
ودقت على متعب...(هلا ...يالله مشينا..منو..لاحق عليهم...هذا منو خالد لو نايف..كمال طيب بنردها له ان شاءالله في الايام الجاية ..مو شرط بطريق مباشر...يالله قوم انا واقفة انتظرك..باي)
ناهد/الضاهر انهم اساسيات الشقة خلصوها صح..
شمس/اي بس بقى الهم الاكبر..
شذى/مابقى غير الكمالياتبس..
شمس/والكماليات اهم من الاثاث نفسه في النهاية هم اللي يعطون اللمسة والابداع للشقة كلها...
متعب/يالله مشينا...
الجدة/ماقعدت شي يامتعب..
ام متعب/خلاص قالت له قوم يعني قوم شيقعده بعد!!!
متعب/الاسبوع الجاي ان شاءالله...يالله شمس....
.......................................
في السيارة....
متعب/وين اللحين...
شمس/بعدك على رايك...
متعب/اي واحد فيهم...
شمس/مابتخلين اروح للميس في السوق..
متعب/طبعا ومصر عليه بشدة..
شمس/ليه؟؟
متعب/لانك هاملتني على حسابهم..
شمس/اللي يسمعك يقول ان احنا خاطبين صار لنا ستة شهور لعن بودارك تونا اسبوع ماكملنا كيف هاملتك بالله؟
متعب/اللحين اي الاهم انك تروحين تجهزين مع اختك في السوق او انك تقعدين معي؟
شمس/اي بس يامتعب انا طول الوقت معك...مافيك تنكر ها الشي..
متعب/المهم ماعلينا اللحين الليلة ليلتي وابي اروق على راحتي..وين نروح..
شمس/البيت..
متعب/تحلمين....وين تبين نروح بجد..
شمس/مدري...
متعب/نروح الشقة علشان تشوفينها (ياخطيييييير)
شمس/لاطبعا..
متعب/ليه؟؟؟
شمس/وحدة بوحدة انت مانفذت طلبي انا مابنفذ طلبك...
متعب/طيب ومنو اللي في النهاية بتمشي كلمته؟
شمس/انا..
متعب/بنشوف.....
....................................................................................................
.......................................................................................
ليلة السبت في بيت الشهري...
متعب/يمه في احد..
ام متعب/لا يمه ادخل ماحد غريب بيت عمتك وبيت عمك...
ودخل متعب ودخلت وراه شمس كانت عبايتها مفتوحة وشالت الشيلة من على راسها ولابسة ثوب اسود ضيق عند الصدر ويوسع من بعد الخصر ومحزمة خصرها بشال ذهبي وصندل ذهبي ولابسة شبكتها وفالة شعرها اللي كانت قاصته طبقات من ليلة الملكة وحاطة لها مكياج ناعم حييييل...
ام اياد/اللهم صلي على محمد....هلا يمه هلا بالغالية زوجة الغالي...
شمس/هلا..وسلمت عليها وعلى الكل اللي ماكانت تعرف منهم غير خوات متعب..
شادية/اكيد ماتعرفيني..
شمس/انتي شادية صح..
شادية/زين مانسيتيني..
شمس/لا بس في الشريط متعب قالي انك شادية..
سارة/عسى بس جبتوه الشريط نشوفه..
شمس ناظرت متعب وابتسمت/الشريط عند متعب مو عندي ..
متعب/يصير خير...
سناء/حياك اخوي ادخل بس لاتقعد...
...............................هذا الجزء انتهى..وش توقاعتكم بيصر في جمعتهم هل بتمر طبيعي او بيصيرفيها شي...؟؟؟؟وليش راح تتهاوش شمس مع متعب و؟؟وهل صحيح انهم بيفكون خطوبتهم وليش؟؟؟؟
لاتنسوا تعليقكم العسل ياعسل....

مسموحه
ومشكوره على تكملت الروايه
بس لاتطولين علينا بتنزيلها كلها
تحياتي

الف شكر لك يالغلا (مزون شمر) على تواصلك الرائع....

*******************************************************
متعب/معليش شمس تعالي بس سلمي على ابوي وبعدين رجعي لهم...
شمس/يالله...
وبعد ماطلعوا,,,
نور بنت عمتهم ام اياد/بالصراحة ليلة الحفلة كانت تجنن بالمكياج اثقيل واللحين تخبل بالمكياج الناعم...
شادية/اي حقه متعبوا ينخبل فيها..
ام متعب/لاعاد ماوصلت مع ولدي ينخبل فيها وانا اشوفها اقل من عادية..
سارة ماعجبها كلام امها بس وش تقول قدام الجماعة خصوصا ان بنات عمها قاموا يتهامسون...وبعد شويات رجع متعب ومعه شمس..
ام احمد زوجة عمه/خلاص ارتحت يوم وصلتها؟
متعب/اول مرة تدخل البيت ماتدله بعدين تضيع..
ام اياد/عيارتك يالعيار بتضيع اذا ماوصلتها...
متعب/تبين شي..
شمس/سلاماتك....
وطلع متعب وساد الجو سكون وبعد ثواني تكلمت هيام..
هيام/انتي شلون اخذتي متعب!!!
ام اياد/شها الكلام اللي تقولينه؟؟
هيام/عادي عمتي قصدي اقولها شلون فريتي عقله وخليتينا يجي يخطبك خصوصا ان مستوانا غير عن مستواكم,,,
شمس بعصبية/روحي اساْليه....
..............................................
سارة/الا صحيح شخبار لميس مع التجهيز...
شمس/ماشي...
شادية/امس يقول اختها بتتزوج بعد ثلاثة شهور مدري نتزوج معاها..
شمس/اي ماقصر عرض الموضوع على ام محمد ولاقى قبول منها بس انا مارضيت..
سارة/ههه يبي يلعب عليك..
شمس/قلت له مايصير الملكة ولعبت علي فيها جيت تخطب وفي نفس الليلة ملكت بس العرس بعد ثلاثة شهور لا والف لا....
ام اياد/كله مستعجل ها الولد..
شادية/شوفي البرنامج اللي حطينا لك ولمتعب ها لاسبوع ليلة الاثنين عند اختي ام اياد وليلة الثلاثاء عندي وليلة الابعاء عند سارة..
شمس/ليلة الثلاثاء ما اقدر..
شادية/افا بس ليش عاد انا حظي كله ردي..
سهى/من زمان عمتي حظك ردي مو توه لو مو ردي كان جبتي عيال...
ام متعب بعصبية/انتي ماتستحين على وجهك قومي انقلعي عن وجهي...
.................................................................................
شادية تبي تمرر الموضوع عادي/ليه ماتقدرين...
شمس/ملكة صاحبتي سوزان..
سارة/هاذي اللي بتاْخذ ولد اخت زوجة خالي..
شمس/اي طلال الشامسي..
ام متعب/والله وعرفت ام طلال تنقي لولدها بنت حسب ونسب واصول يابختها!!
....................................................
ام اياد/اقول بنات قوموا حطوا العشى ترى متنا جوع وشوفوا الرجال اذا يبون عشاءهم اللحين بالمرة...
شمس تهمس لشادية/ممكن نروح مكان مافي احد شوي بس...
وطلعوا الحديقة اللي تفصل مبنى ام متعب وشقة متعب ومازن...
شمس/.......................
شادية/ذيك شقتكم..
شمس/مالي خلق اشوفها بالمرة..
شادية بدت تدمع عيونها/انا اسفة ياشمس ومالومك ابدا على نفسيتك السيئة بها الوقت اذا انا عمتهم وما اسلم من لسانهم كل اسبوع كيف انتي واللي اخذتي منهم ولدهم ...تعرفين اني كل اسبوع يغلطون علي اقول التوبة ماراح اجي الاسبوع الجاي بس ام متعب ماترضى تقول لي مسحيها بوجهي وتراضيني...انا شذنبي اذا الله ماكتب لي عيال الى اليوم والله اني ماخليت مكان مارحته ولاشي ماسويته حتى الطلاق كنت بطلبه بس متعب مارضى وقال لي انتي مجنونة هذا شي بيد الله مو بيد البشر.....
شمس/الظاهر ياشادية ان اللي يدخل هالبيت يظل مهموم انا طالعة اشكيك همي شكيتيني انتي همك انا حاسة اني مو معمرة في هالبيت ابدا ماراح اطول مبينة من الليلة مدري ليش اهل هالبيت يكرهوني(وفي هاللحظة فتحت ام متعب الباب الزجاج علشان تناديهم للعشى وسمعت شمس تتكلم ووقفت تسمعها) ليه كلهم متحدين علي من اول ليلة يشوفوني فيها؟؟ليه يبون يبينون لي كراهيتهم وانهم مايبون اكون بينهم؟؟انا ماخذت من احد شي حتى متعب انا ماقلت له تعال اخطبني ولام متعب اخذته منها بعد..
شادية/ام متعب عاد ياشمس اذا سمعتك بتزعل قولي لها ياخالتي..
شمس/ليش العب على نفسي هي ماتبيني اقولها ياخالتي من اول اللحين يوم اخذت ولدها تبين اقولها ياخالتي..
شادية/متعب قال لك هالشي,,
شمس/لا..متعب طول الوقت يزين لي امه وانا مالومه طبعا انتي عارفة اني كنت على علاقة بمتعب من قبل ثلاث سنين اصلا هو مايجيب طاري امه الا بالخير...
شادية/وكذب يوم طراها بالخير؟
شمس/متعب ماصدق في شي واحد بس!!يوم قال لي اذا شفتوا بعض راح تحبون بعض وام متعب من شافتني كرهتني وزادت كراهيتها لي يوم اخذت متعب..
شادية/وانتي تحبينها ياشمس؟
شمس/انا لاحبها ولاكرها..عادي..هي ماضرتني بشي ببالعكس انا احب ام متعب لانها جابته جابت متعب ..متعب...اه..لو تعرفينه بالقدر اللي انا اعرفه مالمتيني على حبه لحظة وحدة ..متعب يسوى الدنيا ومافيها والله اني مابي غيرهمن هالدنيا...
شادية مسكت جوالها ودقت على متعب وشمس تناظرها /...هلا متعوبي...تعشيت ولابعدك...لاتخاف عليها تراها معي بس كنت ابي اقولك شي...تراها تموت عليك يامتعب (شمس ابتسمت )داري عليها....لاحنا قاعدين نسولف عنك اللحين بنقوم نتعشى ..يالله باي..,,,يالله قومي صلحي مكياجك وخلينا ندخل من طلعنا مارجعنا ماهي حلوة...
شمس/مابي ادخل ياشادية...
شادية/اذا مادخلتي بتسوين لنفسك سالفة هذا الحمام اللي قبالك بنتظرك تصلحي مكياجك وبندخل مع بعض...
وطلعت ام متعب تنادي شادية والتقت عيونها بعيون شمس اللي كانت باقية فيها دموع ودخلت شمس الحمام بسرعة علشان ماتتصادم مع ام متعب في الكلام...
ام متعب/شادية شفيها شمس؟؟
شادية/مافيها شي..
ام متعب/شلون مافيها شي وهي تبكي....انتي مزعلتها؟
شادية/اللحين انتوا طحتوا فيها طيحة داخل نغزات وكلام على الطاير مازعلت يوم قعدت معي زعلت!!!
ام متعب/اجل ليه تبكي؟
شادية/متضايقة منكم يام متعبالبنت توها اول ليلة تدخل عليكم وتحلفتوا كلكم فيها اذا عرف متعب بيزعل...
...............................................................................................................وبعد العشى ماكان في احد موجود غير ام متعب وبناتها وشادية وهيام,,,
متعب/يا ام متعب..
ام متعب/تعال يمه مافي احد...
متعب/طلعوا بدري بيت عمتي الليلة..
سارة/نور عندها اختبار بكرة وريم ماخلصت واجباتها,,,
متعب/اللحين الساعة 12 بيخلصون اغراضهم ومذاكرتهم..
ام متعب/توك تعرف البنات ليلة السبت ينزل عليهم الالهام..
متعب/يالله شمس..
شادية/اقعد مابعد شبعنا منكم والله اني ماشفتك الليلة..
متعب/وين بروح موجود..
شادية/موجود مع شمس مو معي,,,
سارة/انت ليه مستعجل هي مرتاحة كذا..
متعب/بنركب نشوف الشقة ..
شادية/والشقة من بعدها خطوتين..
متعب/ماعليه الاسبوع الجاي واللي وراه...
شمس سلمت عليهم ويوم مشت ووصلت عند هيام قالت ماني مخليتها في بالي علشان لاتتقوين علي ياهيام انا حقي مايضيع...
شمس/صحيح متعب..
متعب/امريني..
شمس/هيام تساْلك شلون اخذتني يعني شلون فريت عقلك وخليتك تخطبني...
وقامت هيام تناظر بشمس اللي كانت تناظرها وطلعت من الغرفة اللي كانوا فيها وراحت تستناه عند الباب...
متعب/انا توقعتك تباركين لي بس يوم ماباركتيلي ماشلتها في بالي لانك ماتهميني بساللي ابيك تعرفينه مثل مالكل يعرفه هني يابنت العم ان اللي يدوس على طرف واحد من شمس يتعب وبيندم بعد ياهيام ..انا شمسي تمشي في ها البيت وراسها مرفوع وما نخلق اللي يضايقها وانا موجود..وياليت تفهمين هالشي وتحطينه في بالك....
.........................................................................................في الشقة...
متعب/شفيك سرحان وماعيطت رايك في شي..
شمس/مافيني شي..
متعب/قولي الصدق منو زعلك؟
شمس/ماحد..
متعب/مو على متعب ياروح متعب شقالت لك هيام اللي خلتك متضايقة ماكنتي كذا اول ماجينا..
شمس/متعب انت تحبني...
متعب تقرب منها/ليه عندك شك واحد في المليون بها الشي؟
شمس/اذا طلبت منك طلب توافق عليه؟
متعب/تدللي..
شمس/هاذي اخر مرة اجي فيها عندكم البيت لاتقولي تعالي الاسبوع الجاي خلاص مابي ادخل بيتكم...
متعب/منو اللي زعلك..
شمس بانفعال/ليش يامتعب ترضها لي عاد شسويت انا علشان يجمعون على كراهيتي اللي مايبيني انا بعد مابيه ...
متعب/خلاص هدي حبيبتي هدي تعالي..واخذها في حضنه وقعد يلعب في شعرها..
متعب/معليش حبيبتي انا اسف انا اللي حطيتك في هالموقف سامحيني بس وراسك الغالي انه ماينعاد ابدا...
شمس/....................
متعب/خلاص اضحكي يالله..
شمس/خلينا نرجع البيت..
متعب/لا نرجع البيت الليلة بنسهر هنا على كيفنا,,,
شمس/لا متعب امي البارحة شبه هاوشتني لاني تاخرت مابي الليلة بعد اخذ لي كم كلمة على الماشي ...
متعب قعد ومسكها من يدها وقعدها جنبه/الليلة مافي اي اعتراض مو مثل البارحة تلعبين علي..
شمس/متعب لا مايصير........................... .......................................................................................................................................................................................................................................................................
*******وبعد مرور ستة شهور,,,
سوزان/شخبار لميسوا مع الحمل,,
شمس/طول اليوم قالبة المخدة وقاعدة في البيت..
هالة/الله يعينها..
سوزان/منهي قبل الثانية تولد هي ولاهند زوجة مازن(مازن اخو متعب تزوج هند بنت عمه اخت هيام)
شمس/لا..لميسوا قبل ذيك توها في الثاني لميسوا الرابع...
سوزان/بعدها العلاقة معك ماهي تمام
شمس/ماهي رادة علي بروحي كلهم يتشكون منها رغم انها كانت ساكنة معهم في نفس البيت وعارفينها وعارفتهم بس سبحان الله اخذت ولدهم وقلبت عليهم,,,
سوزان/الظاهر تنتقم لاختها هههه
هالة/بنات سمعوني,,,
شمس/خير..
هالة/انا قررت افسخ خطوبتي(انخطبت لفارس)
سوزان/ماسمعنا!!!!!!
هالة/والله احس اني مو عارفة اتصرف معه شلون,,
شمس/ششلون يعني؟
هالة/صار لنا شهر ونص من خطبنا بس مع ذلك مادري شقوله خبركم فيني كلمتين على بعض ماعرف اقول..
سوزان/قصدك كلمتين ناعمين لانك تعرفين تهاوشين...
شمس/طيب وهو شلون,,
هالة/مادري عادي يظل يسولف عن العمل واهله واصحابه..
سوزان/واهله؟
هالة/المشكلة ان اهله طايرين فيني
شمس/مو بس اهله حتى هو,,,,وصاروا شمس وسوزان يناظرون بعض ويضحكون,,,
هالة/شالسالفة؟؟؟تكلموا انتي معها...
سوزان/رجالنا يقولون كلام ثاني...
.............................***********انتظركم في الجزء اللي بعده وترى النهاية بعد جزئين ياحلوين,,,,