تويت
رد: متقلبين الود
٢٥
اخر يوم بالاختبارات
دينا
اليوم اخر يوم الحمدلله ربي يسرها وعدت اختباراتي على خير واول مره اخاف بالعاده افرح وكالعاده سبب خوفي وتوتري موضوع قيس احسه شاغل بالي انا مهما جبت درجه باختباراتي بتكون معجزه لان بالي كان مشغول بقصته ولا ذاكرت زين كل هالايام
نبهني صوت المنبهه حطيته على اساس اخذ غفوه بس ما جاني النوم قمت طلعت شنطه صغيره رتبت فيها ثلاث بلوفرات وكم بنطلون وبجامتين واخذت كريماتي وبطاريتي المتنقله وعطر وميكب وفرشاه الاسنان وايبادي لان اذا ما تعرفون نحنا الشتاء ذا ما رحنا المزرعه حقت خوالي وذا الشيء غريب بالعاده شي روتيني كل شتاء ننزل المزرعه لو اسبوع واللحين يوم بدت الاجازه انسب وقت لنا كلنا قفلت شنطتي وطلعت اشوف اخواني الصغار قلت لكاتي تجهز شنطتهم والحمدلله لقيتها جاهزه وهم جاهزين نزلت الملحق ادور مالك بس لقيته نايم وجلست بالضبط نص ساعه احاول فيه يقوم يصحصح ويوم قام قال انه مايبي يروح
رجعت غرفتي وانا متنكده من مالك الولد تغير تعلقه بعيال عمي ومشعل غريب حاولت اتجاهله واخذت شنطتي نزلتها وشنطه اخواني وناديتهم وكلمت عبد الهادي يجي يوصلني لبيت خوالي عشان نمشي من هناك مره وحده
ملاك
واخيراً كان ترم صعب بكل ماتعنيه الكلمه يارب بس شايله هم الدرجات لما تطلع اخاف تكون ناقصه كثير نشفت شعري ولبست بجامتي ونزلت تحت ابد مافيني نوم ولما شفت خواتي اول وانا طالعه جايبين فطور وبيفطرون هنا قلت خلني انزل افطر معهم جلست واقفه على الدرج لين تاكدت انهم جابوا كل شي عشان خفت انزل وهم ما خلصوا ويجلسون يكرفوني جيبي وجيبي يوم شفتهم جلسوا نزلت وغريبه لقيت قيس جالس معهم ذا ما عنده دوام بس مافكرت كثير وسألته
ملاك:قيس دوامك وين
قيس:في جيبي
ملاك: لا جد قيس غريبه دوامك ما داومت
قيس: لا دوامي صار مسائي تعالي خلاص انتي خلصتي
ملاك: خلصت ايش
قيس وهم يخلص فنجال الشاهي مره وحده: اختباراتك
ملاك: اي الحمدلله خلاص خلصت بس للاسف الاجازه بس اسبوع قهر
قيس : الله يوفقك
ساره: احمدي ربك اسبوع تقدرين تسوين اشياء كثير
ملاك: احمد ربي صح عليك اقول قيس منت ناوي الاسبوع ذا تخطب
قيس بنضرات استفسار: وش الطاري
ملاك: ابد بس كنت تقول بعد شهرين وخلصت الشهرين
قيس: يصير خير متى ماحسيت الوقت مناسب المهم اكرمكم الله
وقام عاد استلمت تهزيىء من ساره وشهد يقولون ليش فتحت الموضوع معه كأنه قام بس عشاني كلمته في الزواج بس يالله معندي مشكله طالما اني ضامنه مشاعره لدينا وضامنه مشاعر دينا له ماعندي مشكله لو يخطبها بعد سنه
سمر
اهخخ يا ظهري نزلت من السياره بعد مشوار ساعه ونص واحس ظهري بيتكسر ناديت على الخدم والبنات ينزلون الاكياس والاغراض لان حيلي منهد دخلت بيت المزرعه لحسن الحظ ان راشد جاب عمال ينظفونه ولقيت دينا سابقتني ومنسدحه الاخت مدري هي اللي توها ولدت ولا انا
سمر: دينا خير يا اخت جايه نايمه هنا
دينا: اص والله تعبانه ومواصله رحت اختبرت وجيت جهزت اغراضي ومشاور يكسر الظهر معجزه اني جلست انتظر للان
سمر: خلاص بديتي بقصه حياتك انا بحط هيثم هنا وبدخل اطلع عبايتي وارتب الاغراض انتبهي لاحد يجي عنده
دينا: بتحطين اكل
سمر: عفوا اختي اذنك فيها شي اقول برتب اغراضي متى جبت سيره اكل
دينا: تكفين سماره سوي لي توست اي شي والله جوعانه ما اكلت بالسياره واللحين جعت
سمر بشفقه: خلاص بسوي لك اي شي المهم انتبهي لهيثم
نوف
تو قفلت من عند وائل وطمنته اني وصلت واني بنشغل شوي ارتب اغراضنا والشبكه زفتت هنا طلعت الحوش عشان اشوف وش بقي لقيت معتز وندى يتهاوشون على كيس كل واحد يقول للثاني دخله اخذته انا ودخلته ورحت المطبخ لقيت البنات فيه وامي جالسين يجهزون الفطور المتأخر
عمه ثريا: نوف تعالي خلك عند البراد بس يغلي قفلي عنه وهاتيه عند الرجال
مها: عمه ليه تسوين للرجال كرك وماتسوين لنا
عمه ثريا: سوو لنفسكم الرجال ماعندهم مطبخ
ندى: ليش يا غبيه تسوي للرجال لان زوجها هناك اما هنا تسوي لمن
كأني لاحظت عمه ثريا تهربت من كلام ندى وطلعت ووجها تغير الله يهديك يا ندى بعض الكلام ماله داعي جلست عن النار لين غلت وقفلت عنه ووديتها لراشد وانا راجعه المطبخ اشوف الاخت دينا ماسكه هيثم وتصوره تيك توك بتخرب الولد لازم انبهه سمر عشان تتصرف معها اخذت سفره مثل ماطلبت من امي ورحت فرشتها بالصاله وجو البنات حطوا الصحون واول من قلط دينا
نوف: اخت دينا ليش ما ساعدتينا
دينا: حرام انا تو جيت تعبانه مختبره ليش تكرفوني
سمر: حتى البنات اختبروا
دينا: الكذب خيبه البنات من امس مخلصين وتلقينهم شبعانين نوم وانا حرام نعسانه
امي: دينا درجاتك متى تطلع
دينا: شوي او بكره مدري مدري المهم خاله وفاء ماما وين
امي: راحت تفطر هناك عند العيال كلهم محرم لها
ندى: سمر ابو هيثم ما جاء
سمر:لا مداوم بيجي شوي بالليل
وكذا اخذتنا السوالف اغلبها ما منها فايده بس جمعه عماني من الاحب لقلبي استغرب من البنات اللي دايم يسبون عماتهم يعني انا افضل عماني وعماتي على خوالي صح احيان عماتي يعصبون علي بس يعاملوني مثل بناتهم الله يديم الجمعات الحلوه
ثريا
ابراهيم: اقولك مصفر ما معي ريال ماتفهمين انتي
ثريا: وش اقول لاهلي حنا جايين معهم وعيب نجلس ناكل معهم ولا ندفع شي
ابراهيم ببرود: عادي اهلك وين العيب
ثريا بانفعال: بس انت مو اهلك هنا العيب انت ما تحس ما عندك كبرياء وغرور الناس تصرف عليك وعلى حرمتك وانت مبسوط ومستانس
ابراهيم: اهوهه ما بتخلص اسمعي انا رايح اتابع مباراه العيال لاعاد تنكدين علي وتفتحين مواويل انتي عارفه جوابي فيها واذ احتجتي قروش بنتك هناك اعرف جدها قروشه ما تكلها النيران خلها تبدر لك ولي
ثريابهمس و بصدمه بعد ما راح: الله حسيبك الغلط مو عليك علي انا انت من ايش مخلوق مافي كرامه الله يرحم ايامك يا ماجد لو دريت ان فيه احد اعطاني ريال تقوم الدنيا وتقعدها
دخلت المطبخ مع الباب الخارجي مابي اقابل احد ابي اختلي بنفسي بس لقيت دينا واقفه عند الباب وشكلها سمعت كل شي اعطتني كوب شاهي حار وجلست تطالع فيني بدون ما تقول شي
ثريا: وش سمعتي
دينا بسرعه: والله غصب عني جيت بدورك وسمعتك تتكلمين
ثريا: ايه صدقتك
دينا: ماما ابراهيم صار ما يعطيك مصروف
ثريا بابتسامه استهزاء: وهو متى اعطاني انا اللي اصرف علاه
دينا: وليش مو مجبوره انتي
ثريا: وش نسوي ما عندي حل ثاني واللحين صفيت على الحديده لا انا اعطيه ولا هو بيعطيني وبيفكني من شره
دينا بتردد: ماما بقول شي بس لا تتوقعين اني سمعت
ثريا : وشهو
دينا: جدي يحول لي مصروف كل شهر وبابا بعد وانا اكل من اكل البيت ونادر اصرف من بطاقتي يعني اذ احتجتي شي عادي عندي فلوس تكفي انا لاتطلبين احد غريب
ثريا بابتسامه: اذ احتجت اول احد بطلبه انتي
دينا بفرحه: ايه ابتسمي من زمان عن الابتسامه الحلوه ذي
ثريا: يالله قدامي اللحين البنات بيفقدونك ويجون يدورونك هنا
دينا
الجلسه ممله شوي الكل جالس يطالع ببعضه ونعسان بس ما نقدر ننام تدرون ليش ؟ لان خالي خالد طالب غداء ومنبهه محد ينام عشان الكل يتغداء طيب نحنا لنا ساعتين من افطرنا بس مو راضي يستوعب
سمر: دينا في ايش سرحانه
دينا: هي جات علي اشوف الكل سرحان
سمر: لا انتي حاقه خاصه لاني تقريبا عارفه السبب اللي انتي سرحانه فيه
دينا: وشو
سمر بغمزه: ملاك واخر بوست نزلته انستا
اخذت جوالي بشوف وش تقصد سمر ولقيت ملاك منزله صوره لقيس وهو جايب لها هديه عشان النجاح وكذا صراحه يعني طالع حلو بس عيونه مو باينه لانه لابس نظارات شمسيه قطع علي تأملي صيحه ندى اللي جنبي
ندى وعيونها تلمع: يخرب بيته ذا مين دوني تعرفينه ولا لا
دينا بتوتر:ايه اخو ملاك
ندى وهي تاخذ الجوال مني وتقرب على الصوره: يا بنت اخو ملاك من وين جاب الحلا ذا كله
دينا بغيض: ترا ملاك اجمل منه
سمر: ندى زفت ما تستحين تتغزلين بالرجال
ندى: جالسه اوصفه شوفي انتي كيف جميل وكامل والكامل وجهه الله
دينا: خلاص درينا انه حلو اص
سمر بنظرات: صح يا ندى ماجبتي شي جديد في ناس قبلك معجبين فيه
ندى: مايخسون الا هم دوني ضبطيني ومدحيني عند ملاك اقول دقيقه هو متزوج
دينا وعيني في جوالي: راحت عليك مو متزوج بس ملاك تقول انه يفكر بوحده
سمر بابتسامه: ومين ذي الوحده
دينا بنظرات ناريه: ما النا شغل فيها
سمر: صح مالنا شغل فيها
ندى : افف راحت علي الله بيرزقني بالاحسن منه
دينا : امين ويرزقك اعلى الدرجات ان شاء الله
سمر بضحكه: يعنني همي الدرجات بس اهخخ دينا تهبلين وانتي تسوين نفسك ماتهتمين لشيء
ندى: تهتم لايش يعني
دينا: انتي معطيتها وجهه ذي تتكلم بي ديره وحنا في ديره لاتاخذين كلامها بشكل جدي وانتي يا سمر هين كنت بقولك قصه صارت بس والله ما اقولها لك وخليك مثلك مثل الغريبه عشان تتعلمين اللقافه
سمر بحماس: شي يخص ذا الموضوع
دينا: ايه يخص ذا الموضوع بس لا تتعبين نفسك مابعلمك بشيء عشان تعرفين توزنين كلامك المره الجايهه
٢٥
اخر يوم بالاختبارات
دينا
اليوم اخر يوم الحمدلله ربي يسرها وعدت اختباراتي على خير واول مره اخاف بالعاده افرح وكالعاده سبب خوفي وتوتري موضوع قيس احسه شاغل بالي انا مهما جبت درجه باختباراتي بتكون معجزه لان بالي كان مشغول بقصته ولا ذاكرت زين كل هالايام
نبهني صوت المنبهه حطيته على اساس اخذ غفوه بس ما جاني النوم قمت طلعت شنطه صغيره رتبت فيها ثلاث بلوفرات وكم بنطلون وبجامتين واخذت كريماتي وبطاريتي المتنقله وعطر وميكب وفرشاه الاسنان وايبادي لان اذا ما تعرفون نحنا الشتاء ذا ما رحنا المزرعه حقت خوالي وذا الشيء غريب بالعاده شي روتيني كل شتاء ننزل المزرعه لو اسبوع واللحين يوم بدت الاجازه انسب وقت لنا كلنا قفلت شنطتي وطلعت اشوف اخواني الصغار قلت لكاتي تجهز شنطتهم والحمدلله لقيتها جاهزه وهم جاهزين نزلت الملحق ادور مالك بس لقيته نايم وجلست بالضبط نص ساعه احاول فيه يقوم يصحصح ويوم قام قال انه مايبي يروح
رجعت غرفتي وانا متنكده من مالك الولد تغير تعلقه بعيال عمي ومشعل غريب حاولت اتجاهله واخذت شنطتي نزلتها وشنطه اخواني وناديتهم وكلمت عبد الهادي يجي يوصلني لبيت خوالي عشان نمشي من هناك مره وحده
ملاك
واخيراً كان ترم صعب بكل ماتعنيه الكلمه يارب بس شايله هم الدرجات لما تطلع اخاف تكون ناقصه كثير نشفت شعري ولبست بجامتي ونزلت تحت ابد مافيني نوم ولما شفت خواتي اول وانا طالعه جايبين فطور وبيفطرون هنا قلت خلني انزل افطر معهم جلست واقفه على الدرج لين تاكدت انهم جابوا كل شي عشان خفت انزل وهم ما خلصوا ويجلسون يكرفوني جيبي وجيبي يوم شفتهم جلسوا نزلت وغريبه لقيت قيس جالس معهم ذا ما عنده دوام بس مافكرت كثير وسألته
ملاك:قيس دوامك وين
قيس:في جيبي
ملاك: لا جد قيس غريبه دوامك ما داومت
قيس: لا دوامي صار مسائي تعالي خلاص انتي خلصتي
ملاك: خلصت ايش
قيس وهم يخلص فنجال الشاهي مره وحده: اختباراتك
ملاك: اي الحمدلله خلاص خلصت بس للاسف الاجازه بس اسبوع قهر
قيس : الله يوفقك
ساره: احمدي ربك اسبوع تقدرين تسوين اشياء كثير
ملاك: احمد ربي صح عليك اقول قيس منت ناوي الاسبوع ذا تخطب
قيس بنضرات استفسار: وش الطاري
ملاك: ابد بس كنت تقول بعد شهرين وخلصت الشهرين
قيس: يصير خير متى ماحسيت الوقت مناسب المهم اكرمكم الله
وقام عاد استلمت تهزيىء من ساره وشهد يقولون ليش فتحت الموضوع معه كأنه قام بس عشاني كلمته في الزواج بس يالله معندي مشكله طالما اني ضامنه مشاعره لدينا وضامنه مشاعر دينا له ماعندي مشكله لو يخطبها بعد سنه
سمر
اهخخ يا ظهري نزلت من السياره بعد مشوار ساعه ونص واحس ظهري بيتكسر ناديت على الخدم والبنات ينزلون الاكياس والاغراض لان حيلي منهد دخلت بيت المزرعه لحسن الحظ ان راشد جاب عمال ينظفونه ولقيت دينا سابقتني ومنسدحه الاخت مدري هي اللي توها ولدت ولا انا
سمر: دينا خير يا اخت جايه نايمه هنا
دينا: اص والله تعبانه ومواصله رحت اختبرت وجيت جهزت اغراضي ومشاور يكسر الظهر معجزه اني جلست انتظر للان
سمر: خلاص بديتي بقصه حياتك انا بحط هيثم هنا وبدخل اطلع عبايتي وارتب الاغراض انتبهي لاحد يجي عنده
دينا: بتحطين اكل
سمر: عفوا اختي اذنك فيها شي اقول برتب اغراضي متى جبت سيره اكل
دينا: تكفين سماره سوي لي توست اي شي والله جوعانه ما اكلت بالسياره واللحين جعت
سمر بشفقه: خلاص بسوي لك اي شي المهم انتبهي لهيثم
نوف
تو قفلت من عند وائل وطمنته اني وصلت واني بنشغل شوي ارتب اغراضنا والشبكه زفتت هنا طلعت الحوش عشان اشوف وش بقي لقيت معتز وندى يتهاوشون على كيس كل واحد يقول للثاني دخله اخذته انا ودخلته ورحت المطبخ لقيت البنات فيه وامي جالسين يجهزون الفطور المتأخر
عمه ثريا: نوف تعالي خلك عند البراد بس يغلي قفلي عنه وهاتيه عند الرجال
مها: عمه ليه تسوين للرجال كرك وماتسوين لنا
عمه ثريا: سوو لنفسكم الرجال ماعندهم مطبخ
ندى: ليش يا غبيه تسوي للرجال لان زوجها هناك اما هنا تسوي لمن
كأني لاحظت عمه ثريا تهربت من كلام ندى وطلعت ووجها تغير الله يهديك يا ندى بعض الكلام ماله داعي جلست عن النار لين غلت وقفلت عنه ووديتها لراشد وانا راجعه المطبخ اشوف الاخت دينا ماسكه هيثم وتصوره تيك توك بتخرب الولد لازم انبهه سمر عشان تتصرف معها اخذت سفره مثل ماطلبت من امي ورحت فرشتها بالصاله وجو البنات حطوا الصحون واول من قلط دينا
نوف: اخت دينا ليش ما ساعدتينا
دينا: حرام انا تو جيت تعبانه مختبره ليش تكرفوني
سمر: حتى البنات اختبروا
دينا: الكذب خيبه البنات من امس مخلصين وتلقينهم شبعانين نوم وانا حرام نعسانه
امي: دينا درجاتك متى تطلع
دينا: شوي او بكره مدري مدري المهم خاله وفاء ماما وين
امي: راحت تفطر هناك عند العيال كلهم محرم لها
ندى: سمر ابو هيثم ما جاء
سمر:لا مداوم بيجي شوي بالليل
وكذا اخذتنا السوالف اغلبها ما منها فايده بس جمعه عماني من الاحب لقلبي استغرب من البنات اللي دايم يسبون عماتهم يعني انا افضل عماني وعماتي على خوالي صح احيان عماتي يعصبون علي بس يعاملوني مثل بناتهم الله يديم الجمعات الحلوه
ثريا
ابراهيم: اقولك مصفر ما معي ريال ماتفهمين انتي
ثريا: وش اقول لاهلي حنا جايين معهم وعيب نجلس ناكل معهم ولا ندفع شي
ابراهيم ببرود: عادي اهلك وين العيب
ثريا بانفعال: بس انت مو اهلك هنا العيب انت ما تحس ما عندك كبرياء وغرور الناس تصرف عليك وعلى حرمتك وانت مبسوط ومستانس
ابراهيم: اهوهه ما بتخلص اسمعي انا رايح اتابع مباراه العيال لاعاد تنكدين علي وتفتحين مواويل انتي عارفه جوابي فيها واذ احتجتي قروش بنتك هناك اعرف جدها قروشه ما تكلها النيران خلها تبدر لك ولي
ثريابهمس و بصدمه بعد ما راح: الله حسيبك الغلط مو عليك علي انا انت من ايش مخلوق مافي كرامه الله يرحم ايامك يا ماجد لو دريت ان فيه احد اعطاني ريال تقوم الدنيا وتقعدها
دخلت المطبخ مع الباب الخارجي مابي اقابل احد ابي اختلي بنفسي بس لقيت دينا واقفه عند الباب وشكلها سمعت كل شي اعطتني كوب شاهي حار وجلست تطالع فيني بدون ما تقول شي
ثريا: وش سمعتي
دينا بسرعه: والله غصب عني جيت بدورك وسمعتك تتكلمين
ثريا: ايه صدقتك
دينا: ماما ابراهيم صار ما يعطيك مصروف
ثريا بابتسامه استهزاء: وهو متى اعطاني انا اللي اصرف علاه
دينا: وليش مو مجبوره انتي
ثريا: وش نسوي ما عندي حل ثاني واللحين صفيت على الحديده لا انا اعطيه ولا هو بيعطيني وبيفكني من شره
دينا بتردد: ماما بقول شي بس لا تتوقعين اني سمعت
ثريا : وشهو
دينا: جدي يحول لي مصروف كل شهر وبابا بعد وانا اكل من اكل البيت ونادر اصرف من بطاقتي يعني اذ احتجتي شي عادي عندي فلوس تكفي انا لاتطلبين احد غريب
ثريا بابتسامه: اذ احتجت اول احد بطلبه انتي
دينا بفرحه: ايه ابتسمي من زمان عن الابتسامه الحلوه ذي
ثريا: يالله قدامي اللحين البنات بيفقدونك ويجون يدورونك هنا
دينا
الجلسه ممله شوي الكل جالس يطالع ببعضه ونعسان بس ما نقدر ننام تدرون ليش ؟ لان خالي خالد طالب غداء ومنبهه محد ينام عشان الكل يتغداء طيب نحنا لنا ساعتين من افطرنا بس مو راضي يستوعب
سمر: دينا في ايش سرحانه
دينا: هي جات علي اشوف الكل سرحان
سمر: لا انتي حاقه خاصه لاني تقريبا عارفه السبب اللي انتي سرحانه فيه
دينا: وشو
سمر بغمزه: ملاك واخر بوست نزلته انستا
اخذت جوالي بشوف وش تقصد سمر ولقيت ملاك منزله صوره لقيس وهو جايب لها هديه عشان النجاح وكذا صراحه يعني طالع حلو بس عيونه مو باينه لانه لابس نظارات شمسيه قطع علي تأملي صيحه ندى اللي جنبي
ندى وعيونها تلمع: يخرب بيته ذا مين دوني تعرفينه ولا لا
دينا بتوتر:ايه اخو ملاك
ندى وهي تاخذ الجوال مني وتقرب على الصوره: يا بنت اخو ملاك من وين جاب الحلا ذا كله
دينا بغيض: ترا ملاك اجمل منه
سمر: ندى زفت ما تستحين تتغزلين بالرجال
ندى: جالسه اوصفه شوفي انتي كيف جميل وكامل والكامل وجهه الله
دينا: خلاص درينا انه حلو اص
سمر بنظرات: صح يا ندى ماجبتي شي جديد في ناس قبلك معجبين فيه
ندى: مايخسون الا هم دوني ضبطيني ومدحيني عند ملاك اقول دقيقه هو متزوج
دينا وعيني في جوالي: راحت عليك مو متزوج بس ملاك تقول انه يفكر بوحده
سمر بابتسامه: ومين ذي الوحده
دينا بنظرات ناريه: ما النا شغل فيها
سمر: صح مالنا شغل فيها
ندى : افف راحت علي الله بيرزقني بالاحسن منه
دينا : امين ويرزقك اعلى الدرجات ان شاء الله
سمر بضحكه: يعنني همي الدرجات بس اهخخ دينا تهبلين وانتي تسوين نفسك ماتهتمين لشيء
ندى: تهتم لايش يعني
دينا: انتي معطيتها وجهه ذي تتكلم بي ديره وحنا في ديره لاتاخذين كلامها بشكل جدي وانتي يا سمر هين كنت بقولك قصه صارت بس والله ما اقولها لك وخليك مثلك مثل الغريبه عشان تتعلمين اللقافه
سمر بحماس: شي يخص ذا الموضوع
دينا: ايه يخص ذا الموضوع بس لا تتعبين نفسك مابعلمك بشيء عشان تعرفين توزنين كلامك المره الجايهه
تعليق