تويت
رد: متقلبين الود
٣٥
دينا
عجزت انام اتقلب يمين شمال ابداً ماجاني نوم لي ثلاث ساعات احاول في نفسي وما ابي اخذ دواء مثل امس عشان جسمي لايتعود عليه
الاوضاع بالبيت ماتخلي الواحد يفكر يرتاح اصلاً ماما وللحين مكتئبه عشان فكره موت زوجها تقول بسببي لانها دعت عليه وبعد فيه تاس يقولون ان عليه ديون وماما تورطت بها وانا مقدر اقول الا ان الميت ماتجوز عليه الا الرحمه
سمر بعد رجعت بيتها فتره ويوم صارت قصتي قالت لزوجها بجلس اسبوع عند اهلي وعصب وزعل وهي معاندته وتقول ابي احد يساعدني بهيثم
خاله سعاد وبناتها خلاص بيتهم الجديد على وشك التصليح وبينقلون له هالفتره
ونوف وقصتها احسها تحزن شكلها يوم كانت تبكي للحين في بالي وقصتها واضح قصه طويله بس ماكانت بحاله تخلي احد ياخذ ويعطي معها
وانا عاد قصتي قصه حكايتي حكايه كل ما انام تجيني احلام وكوابيس حسبي الله على من كان السبب
اخذت فروتي عشان تدفيني وطلعت من الغرفه لقيت البيت ظلام والكل نايم نزلت تحت كنت بروح غرفه جدتي احاول انام عندها بس لقيت ضوء المطبخ شغال قلت يمكن الخدم بعدين لا الخدم من الساعه عشره طلعوا ينامون رحت المطبخ لقيت نوف جالسه على الطاوله ومسويه لها قهوه في كوب وواضح عليها التفكير دخلت وطلعت صوت عشان تنتبه اني موجوده وما انتبهت لا البنت حالتها حاله
رحت للثلاجه وفتحتها طلعت صحن مغلف مدري وش فيه بس واضح اكل وفكيته طلع فيه فطاير حطيته بالمايكرويف وسويت لي شاهي وكل ذا نوف سرحانه خلصت ورحت جلست عندها ورفعت راسها طالعت فيني ورجعت تفكر
دينا: يالله بما ان نحنا الثنتين ماجانا النوم وش رايك نقلبها جلسه مصارحه
نوف: اقلبيها مثل ماتبين
دينا بشك: اسألك وانتي تجاوبين بكل صراحه
نوف: من عيوني
دينا: حكي لي قصتك وانتي عارفه اي قصه ابي اعرفها من طقطق للسلام عليكم
وكنها ماصدقت احد يقول لها تكلمي
نوف: قديم ايام حسابي القديم اذ تذكرينه صارت مسابقه بيني وبين وحده من صاحباتي لعب ومزح يعني من تجمع اكثر لايك والبنات كانوا مستانسيت ومتحمسين وانا حطيت البوست بالستوري حقي وقلت حطوا لايك وكذا فهو اخذ صورتي وحطها ستوري عنده بعد وقال هاتوا لايك لها
دينا: من هو
نوف : هو اسمه وائل وانا كنت ضايفته وهو ضايفني بس مابيننا حتى سلام وبعدها فزت انا بسبب الستوري اللي حطه يعني جاتني لايكات كثيره من طرفه فـ فتحت بث وكنت اسولف انا وصاحباتي وهو كان موجود وبعدين جاء بالخاص وقت ما كنت اتحلطم من اختبار القدرات وصار ينصحني وكذا وارتحت لكلامه ولين صار هو يحكي عن نفسه وانا انصحه وجلسنا شهرين كذا نسولف يومياً عن كل موضوع المشاهير والدراسه والسياسه وبعدها مدري كيف قال ان انتي احياناً تختفين وما اوقدر اوصلك قلت ان امي تفتح النت مده محدده بس وبعدها يتقفل قال ابي رقمك طيب عشان يعني يتصل اذ كان يبي شي مهم والنت مقفل
دينا بصدمه بس حاولت اكون طبيعيه: من متى طيب
نوف: اووه من بعد العيد اللي فات له ١١ شهر تقريباً
دينا: طيب عمره شاف صور لك
نوف بالم تهز راسها: مره وحده يوم عزمتي صاحباتك هنا قبل كم شهر ارسلتها له وبس ما سوا شي
دينا: يعرف عن اهلك انتي من وين وهالاشياء
نوف: ايه يعرف بس والله تراني واثقه فيه وضامنته يعني لايمكن يسوي شي
دينا: الله يستر منه بس انتي سويتي الصح نوف وربي كذا احس بالفخرر كفو والله لما تتنازلين عن قلبك واهم شي ماتروحين للحرام لانك كذا خليتي ربي يتكفل بقلبك في حال انك تكفلتي برضاه
نوف: خليك مني موضوعي تافهه انتي كيف قصتك وش صار عليها
دينا بتوتر : نوف مدري انا اللحين مقدر اسوي له شي كيف يصير
نوف: طيب منه لين يصير تقدرين تسوين له شي اكتمي السالفه وخلاص مو لازم احد جديد يعرف حتى صاحباتك ملاك بالذات يمكن يزل لسانها وتقول لاخوها
دينا بقلق: ليه اذ قالت لاخوها وش يصير
نوف: مدري على حسب عقليه الانسان ذا بس فيه ناس بتحز بخاطرهم ويقولون كيف شافها وهي بدون غطا ويمكن ينهي الموضوع اللي بينكم يعني فيه ناس كذا تفكر
دينا: صح قيس غيرته بزياده يعني ما استغرب اذ سوا شي
نوف: عشان كذا لاتعلمين احد اللحين وحقك اخذيه انتي بيدك
دينا: قالوا يا رمضان ليه ما بتجي بشعبان
نوف: قال كل شي بوقته حلو
دينا: على سيره رمضان مابقي عليه فتره طويله وتسجيل الجامعات واختبار التحصيلي بعد يووه حاله
نوف لاتفكرين الا بنفسك ودراستك والباقي يهون
ملاك
يا صباح الخير اخت دينا توها ترد على رسايلي اللي لها يومين بس ماخليتها بخاطري سجلت فويس عاتبتها فيه وهزأتها وكل شي والغبيه للان مابدت تذاكر التحصيلي الاختبار مابقي عليه شي وانا قايله لو انها كانت تذاكر يوم قفلت جوالها اهون بس خلها اعلم خالتها وهي تتصرف معها ذا مستقبل مو لعبه طلعت من عرفتي لقيت قيس طالع دوامه مدري الدوام ذا كيف مره صباح ومره مساء المهم قلت خلني اعلمه
ملاك وانا الحقه قبل لا ينزل: قيس قيس قيس
قيس: يالله صبح خير
ملاك: خير خير ان شاء الله بقولك شي
قيس يطالع بساعته: ملاك استعجلي وش تبين
ملاك : دينا ماتذاكر اقولها ذاكرتي تقول لا وذا مستقبل الكل يبحث عنه وهي ما تستوعب انه مستقبل لازم تجتهد شوف لها حل
قيس : انتي ذاكري وماعليك باحد
ملاك: كيف اذاكر بعدين وش قصدك ماعلي باحد يعني هي خطيبتك من اللحين بديت تفزع معها
قيس باستغراب: وش دخل افزع معها المهم اسمعي انا ماشي لاني اذ جلست معك شويتين طار عقلي مع الصبح واسمعي حريم اخوانك جايين يفطرون تحت روحي طلعي مهاراتك فيهم
ملاك باستغراب بعد ماراح: وش مجمعهم ذا الحزه يالله على قوله قيس خلني استانس فيهم
نزلت ولقيت رحمه بوجهي وتشتغل بعبايتها يحطون صحون الفطور والشاهي وكذا جلست اكل على طول وجت رحمه والباقين جلسوا معي
رحمه: مواصله ولا تو صحيتي
ملاك: اختاري اللي يعجبك
وادوخنا ولد رحمه يبي يطلع يلعب بالشارع والحوش فيه عمال
رحمه بعد ما يأست منه: خلاص اطلع فارق العب برا
وطار ولدها ماكذب خبر يلعب
ملاك بصدمه: حرام عليك عشان بتاكلين كم لقمه خليتي ولدك برا يتعرض للعمال
رحمه: لا تطمني ولدي واثقه فيه
ملاك: واثقه فيها وش دخل انا اقول بيسرقونه العمال ماقلت بيروح يرقم العمال
رحمه: يووه خلاص لاتعقدون ولدي خلوه يرقم يلعب ينسرق ماعليكم
ملاك: الحمدلله والشكر اقولها كذا تقولي كذا
ساميه: العمال ليش جايين هنا
ملاك: يسوون نزهه يعني ليش جايين برايك يشتغلون
رحمه: ندري انهم يشتغلون بس وش يشتغلون فيه
ملاك: قيس بيسوي بيته يقول مابي اسكن بجناحه اللي هنا
ساميه تعطي رحمه نظرات: اييه واحنا يوم تزوجنا خمس سنين جلسناها معكم بس بنت ماجد فهد لا بيتها تحفرت اساساته قبل لايملك عليها حتى
ملاك: طيب وش دخل قيس بيبني لحرمته بيت ورجالك ما سوالك بيت وش دخل ذي بذي تقارنين نفسك فيها
رحمه: اللحين لاجات خويتك بتلاسنينها وتقعدين لها على الحبه ونص زينا ولا لا
ملاك: لا بالعكس بجيبها معي نسوي فريق ونقعد لكم على الحبه ونص
رندا
وربي مستانسه اليوم يوم كبير اليوم يوم خروج امي بيتك مشتاق لك يمه لبست عبايتي وطلعت ابوي كان بيروح معي بس قلت ارتاح اخذت تاكسي وعلى المستشفى وقعت الاوراق ولبست امي عبايتها وانا حدي مستانسه وبطير من الفرحه وكل ذا ما اخذ مني ساعه
دكتور فراس وهو يعطينا ورقه الادويه: الحمدلله على سلامة والدتك وان شاء الله تلتزمون بالمواعيد في وقتها وما بيصير الا كل خير
رندا: شكراً دكتور يعطيك العافيه
دكتور فراس : والله الله شدي حيلك وحنا بعد نبي نقولك دكتوره
رندا بابتسامه: ان شاء الله
طلعت امي وقلت للسايق يمر على محل حلويات شريت كيكه صغيره وعصيرات ابي اجلس جلسه صحيه مع امي وابوي جلسه بدون عصبيه ابوي وبهذلته لامي وبدون رسميات وخوف ان ابوي اللحين يطردني او يعصب علي ما اذكر متى اخر مره جلسنا على نفس السفره
سمر
سمر : انتي بكامل قواك العقليه دينا مو مسويه شي بتجلسين وتحطين يدك على وجهك
دينا بيأس: وش اسوي يعني بالله عليك قولي لي وش اسوي انا مابيدي الشيء المريض مو بالديره كلها وش الفايده اذ بلغت او علمت اهلي
سمر: صح بس احس مو لازم نجلس فارغين لازم نسوي شي
دينا: للأسف مابيدنا وبعدين حتى مستقبلي بيخرب اذ انتشرت السالفه وبيصير حدث الموسم الكل يتكلم فيه
سمر: الله اكبر ومن متى انتي يهمك كلام الناس
دينا بصدق: من انخطبت وعرفت اني بصير على ذمه شخص ثاني ويصير اللي يأذيني يأذيه هو وسمعته واهله يعني وش رايك لو انتشر ان اللي خطبها قيس السالم تعرضت للتحرش من ولد عمها شي حلو هاذا ؟
سمر باقتناع : مو حلو بس مالازم يطلع ذاك كانه مو مسوي شي
دينا: ماراح يفلت تطمني شغله عندي انتظري علي بس وقت ما احس الوضع مناسب
يارب شايله همها دينا اتصل عليها ابوها ويقول ترجع عشان تسلم على جدها ومو مقتنع انها تطول اكثر من كذا وشايله همها وبزياده كيف بتروح وتحس نفسها من جديد بالغربه ذا غير راشد اللي موضوعه للحين معلق وننتظر وقت يصلح عشان نزور حنين يالله ليش شخصيتي مو اتكاليه ليش لازم اشيل هموم اللي حولي
٣٥
دينا
عجزت انام اتقلب يمين شمال ابداً ماجاني نوم لي ثلاث ساعات احاول في نفسي وما ابي اخذ دواء مثل امس عشان جسمي لايتعود عليه
الاوضاع بالبيت ماتخلي الواحد يفكر يرتاح اصلاً ماما وللحين مكتئبه عشان فكره موت زوجها تقول بسببي لانها دعت عليه وبعد فيه تاس يقولون ان عليه ديون وماما تورطت بها وانا مقدر اقول الا ان الميت ماتجوز عليه الا الرحمه
سمر بعد رجعت بيتها فتره ويوم صارت قصتي قالت لزوجها بجلس اسبوع عند اهلي وعصب وزعل وهي معاندته وتقول ابي احد يساعدني بهيثم
خاله سعاد وبناتها خلاص بيتهم الجديد على وشك التصليح وبينقلون له هالفتره
ونوف وقصتها احسها تحزن شكلها يوم كانت تبكي للحين في بالي وقصتها واضح قصه طويله بس ماكانت بحاله تخلي احد ياخذ ويعطي معها
وانا عاد قصتي قصه حكايتي حكايه كل ما انام تجيني احلام وكوابيس حسبي الله على من كان السبب
اخذت فروتي عشان تدفيني وطلعت من الغرفه لقيت البيت ظلام والكل نايم نزلت تحت كنت بروح غرفه جدتي احاول انام عندها بس لقيت ضوء المطبخ شغال قلت يمكن الخدم بعدين لا الخدم من الساعه عشره طلعوا ينامون رحت المطبخ لقيت نوف جالسه على الطاوله ومسويه لها قهوه في كوب وواضح عليها التفكير دخلت وطلعت صوت عشان تنتبه اني موجوده وما انتبهت لا البنت حالتها حاله
رحت للثلاجه وفتحتها طلعت صحن مغلف مدري وش فيه بس واضح اكل وفكيته طلع فيه فطاير حطيته بالمايكرويف وسويت لي شاهي وكل ذا نوف سرحانه خلصت ورحت جلست عندها ورفعت راسها طالعت فيني ورجعت تفكر
دينا: يالله بما ان نحنا الثنتين ماجانا النوم وش رايك نقلبها جلسه مصارحه
نوف: اقلبيها مثل ماتبين
دينا بشك: اسألك وانتي تجاوبين بكل صراحه
نوف: من عيوني
دينا: حكي لي قصتك وانتي عارفه اي قصه ابي اعرفها من طقطق للسلام عليكم
وكنها ماصدقت احد يقول لها تكلمي
نوف: قديم ايام حسابي القديم اذ تذكرينه صارت مسابقه بيني وبين وحده من صاحباتي لعب ومزح يعني من تجمع اكثر لايك والبنات كانوا مستانسيت ومتحمسين وانا حطيت البوست بالستوري حقي وقلت حطوا لايك وكذا فهو اخذ صورتي وحطها ستوري عنده بعد وقال هاتوا لايك لها
دينا: من هو
نوف : هو اسمه وائل وانا كنت ضايفته وهو ضايفني بس مابيننا حتى سلام وبعدها فزت انا بسبب الستوري اللي حطه يعني جاتني لايكات كثيره من طرفه فـ فتحت بث وكنت اسولف انا وصاحباتي وهو كان موجود وبعدين جاء بالخاص وقت ما كنت اتحلطم من اختبار القدرات وصار ينصحني وكذا وارتحت لكلامه ولين صار هو يحكي عن نفسه وانا انصحه وجلسنا شهرين كذا نسولف يومياً عن كل موضوع المشاهير والدراسه والسياسه وبعدها مدري كيف قال ان انتي احياناً تختفين وما اوقدر اوصلك قلت ان امي تفتح النت مده محدده بس وبعدها يتقفل قال ابي رقمك طيب عشان يعني يتصل اذ كان يبي شي مهم والنت مقفل
دينا بصدمه بس حاولت اكون طبيعيه: من متى طيب
نوف: اووه من بعد العيد اللي فات له ١١ شهر تقريباً
دينا: طيب عمره شاف صور لك
نوف بالم تهز راسها: مره وحده يوم عزمتي صاحباتك هنا قبل كم شهر ارسلتها له وبس ما سوا شي
دينا: يعرف عن اهلك انتي من وين وهالاشياء
نوف: ايه يعرف بس والله تراني واثقه فيه وضامنته يعني لايمكن يسوي شي
دينا: الله يستر منه بس انتي سويتي الصح نوف وربي كذا احس بالفخرر كفو والله لما تتنازلين عن قلبك واهم شي ماتروحين للحرام لانك كذا خليتي ربي يتكفل بقلبك في حال انك تكفلتي برضاه
نوف: خليك مني موضوعي تافهه انتي كيف قصتك وش صار عليها
دينا بتوتر : نوف مدري انا اللحين مقدر اسوي له شي كيف يصير
نوف: طيب منه لين يصير تقدرين تسوين له شي اكتمي السالفه وخلاص مو لازم احد جديد يعرف حتى صاحباتك ملاك بالذات يمكن يزل لسانها وتقول لاخوها
دينا بقلق: ليه اذ قالت لاخوها وش يصير
نوف: مدري على حسب عقليه الانسان ذا بس فيه ناس بتحز بخاطرهم ويقولون كيف شافها وهي بدون غطا ويمكن ينهي الموضوع اللي بينكم يعني فيه ناس كذا تفكر
دينا: صح قيس غيرته بزياده يعني ما استغرب اذ سوا شي
نوف: عشان كذا لاتعلمين احد اللحين وحقك اخذيه انتي بيدك
دينا: قالوا يا رمضان ليه ما بتجي بشعبان
نوف: قال كل شي بوقته حلو
دينا: على سيره رمضان مابقي عليه فتره طويله وتسجيل الجامعات واختبار التحصيلي بعد يووه حاله
نوف لاتفكرين الا بنفسك ودراستك والباقي يهون
ملاك
يا صباح الخير اخت دينا توها ترد على رسايلي اللي لها يومين بس ماخليتها بخاطري سجلت فويس عاتبتها فيه وهزأتها وكل شي والغبيه للان مابدت تذاكر التحصيلي الاختبار مابقي عليه شي وانا قايله لو انها كانت تذاكر يوم قفلت جوالها اهون بس خلها اعلم خالتها وهي تتصرف معها ذا مستقبل مو لعبه طلعت من عرفتي لقيت قيس طالع دوامه مدري الدوام ذا كيف مره صباح ومره مساء المهم قلت خلني اعلمه
ملاك وانا الحقه قبل لا ينزل: قيس قيس قيس
قيس: يالله صبح خير
ملاك: خير خير ان شاء الله بقولك شي
قيس يطالع بساعته: ملاك استعجلي وش تبين
ملاك : دينا ماتذاكر اقولها ذاكرتي تقول لا وذا مستقبل الكل يبحث عنه وهي ما تستوعب انه مستقبل لازم تجتهد شوف لها حل
قيس : انتي ذاكري وماعليك باحد
ملاك: كيف اذاكر بعدين وش قصدك ماعلي باحد يعني هي خطيبتك من اللحين بديت تفزع معها
قيس باستغراب: وش دخل افزع معها المهم اسمعي انا ماشي لاني اذ جلست معك شويتين طار عقلي مع الصبح واسمعي حريم اخوانك جايين يفطرون تحت روحي طلعي مهاراتك فيهم
ملاك باستغراب بعد ماراح: وش مجمعهم ذا الحزه يالله على قوله قيس خلني استانس فيهم
نزلت ولقيت رحمه بوجهي وتشتغل بعبايتها يحطون صحون الفطور والشاهي وكذا جلست اكل على طول وجت رحمه والباقين جلسوا معي
رحمه: مواصله ولا تو صحيتي
ملاك: اختاري اللي يعجبك
وادوخنا ولد رحمه يبي يطلع يلعب بالشارع والحوش فيه عمال
رحمه بعد ما يأست منه: خلاص اطلع فارق العب برا
وطار ولدها ماكذب خبر يلعب
ملاك بصدمه: حرام عليك عشان بتاكلين كم لقمه خليتي ولدك برا يتعرض للعمال
رحمه: لا تطمني ولدي واثقه فيه
ملاك: واثقه فيها وش دخل انا اقول بيسرقونه العمال ماقلت بيروح يرقم العمال
رحمه: يووه خلاص لاتعقدون ولدي خلوه يرقم يلعب ينسرق ماعليكم
ملاك: الحمدلله والشكر اقولها كذا تقولي كذا
ساميه: العمال ليش جايين هنا
ملاك: يسوون نزهه يعني ليش جايين برايك يشتغلون
رحمه: ندري انهم يشتغلون بس وش يشتغلون فيه
ملاك: قيس بيسوي بيته يقول مابي اسكن بجناحه اللي هنا
ساميه تعطي رحمه نظرات: اييه واحنا يوم تزوجنا خمس سنين جلسناها معكم بس بنت ماجد فهد لا بيتها تحفرت اساساته قبل لايملك عليها حتى
ملاك: طيب وش دخل قيس بيبني لحرمته بيت ورجالك ما سوالك بيت وش دخل ذي بذي تقارنين نفسك فيها
رحمه: اللحين لاجات خويتك بتلاسنينها وتقعدين لها على الحبه ونص زينا ولا لا
ملاك: لا بالعكس بجيبها معي نسوي فريق ونقعد لكم على الحبه ونص
رندا
وربي مستانسه اليوم يوم كبير اليوم يوم خروج امي بيتك مشتاق لك يمه لبست عبايتي وطلعت ابوي كان بيروح معي بس قلت ارتاح اخذت تاكسي وعلى المستشفى وقعت الاوراق ولبست امي عبايتها وانا حدي مستانسه وبطير من الفرحه وكل ذا ما اخذ مني ساعه
دكتور فراس وهو يعطينا ورقه الادويه: الحمدلله على سلامة والدتك وان شاء الله تلتزمون بالمواعيد في وقتها وما بيصير الا كل خير
رندا: شكراً دكتور يعطيك العافيه
دكتور فراس : والله الله شدي حيلك وحنا بعد نبي نقولك دكتوره
رندا بابتسامه: ان شاء الله
طلعت امي وقلت للسايق يمر على محل حلويات شريت كيكه صغيره وعصيرات ابي اجلس جلسه صحيه مع امي وابوي جلسه بدون عصبيه ابوي وبهذلته لامي وبدون رسميات وخوف ان ابوي اللحين يطردني او يعصب علي ما اذكر متى اخر مره جلسنا على نفس السفره
سمر
سمر : انتي بكامل قواك العقليه دينا مو مسويه شي بتجلسين وتحطين يدك على وجهك
دينا بيأس: وش اسوي يعني بالله عليك قولي لي وش اسوي انا مابيدي الشيء المريض مو بالديره كلها وش الفايده اذ بلغت او علمت اهلي
سمر: صح بس احس مو لازم نجلس فارغين لازم نسوي شي
دينا: للأسف مابيدنا وبعدين حتى مستقبلي بيخرب اذ انتشرت السالفه وبيصير حدث الموسم الكل يتكلم فيه
سمر: الله اكبر ومن متى انتي يهمك كلام الناس
دينا بصدق: من انخطبت وعرفت اني بصير على ذمه شخص ثاني ويصير اللي يأذيني يأذيه هو وسمعته واهله يعني وش رايك لو انتشر ان اللي خطبها قيس السالم تعرضت للتحرش من ولد عمها شي حلو هاذا ؟
سمر باقتناع : مو حلو بس مالازم يطلع ذاك كانه مو مسوي شي
دينا: ماراح يفلت تطمني شغله عندي انتظري علي بس وقت ما احس الوضع مناسب
يارب شايله همها دينا اتصل عليها ابوها ويقول ترجع عشان تسلم على جدها ومو مقتنع انها تطول اكثر من كذا وشايله همها وبزياده كيف بتروح وتحس نفسها من جديد بالغربه ذا غير راشد اللي موضوعه للحين معلق وننتظر وقت يصلح عشان نزور حنين يالله ليش شخصيتي مو اتكاليه ليش لازم اشيل هموم اللي حولي
تعليق