رد: متقلبين الود

(٧)


قيس

كلامها وصوتها جالس يرن بأذني رن وش عيال عمها اقرب لها مني ؟ اذ على كلام ملاك انا اللي شافتني ثلاث مدري اربع اقرب لها من عيال عمها اللي ما يعرفونها ولا تعرفهم معقوله غلطت يوم قلت لها ما عندك احد يوجهك انا والله كنت مجهز كلام ارتب من كذا بس من ردت علي مدري كل شي ضاع اصلا شي حلو اللي قلت هالكلمتين بس والله يا لسانها طويل اجل انا دريول وبتعطيني حق المشوار ، اليوم اتصلت على جدها وقلت اني بسأل عن ارض لهم قريبه من نياقنا مع ان مالي حاجه فيها بس فضول اني اشوف عيال عمها وش كبرهم

رندا

دخلت المطبخ على امي احسني بسه يوم شميت ريحه الطبخ جيت ما انلام لنا فتره ما انطبخ شي لقيت امي حاطه راسها على الطاوله ونايمه رحت لها اصحيها لا تتعور رقبتها من طريقه النومه
رندا: امي صحصحي النار شكلك نسيتي تقفلينها
امي وهي تفتح عينها : انا وش فيني اههخ ياراسي لا لا تقفلين عن النار نص ساعه وقفلي
وبعدها طالعت بالخضار اللي شكلها نامت وهي تقطعهم : بس شيلي ذي في مكان وغطيها وقفلي النار بعد نص ساعه بروح اقيل قد ساعه كود الصداع يروح
سويت اللي طلبته مني جلست عالطاوله عشان لا انسى اللي على النار كعادتي فتحت جوالي بسأل دوني عن اخر التطورات ياربي منها المريضه تضحكك قصتها دخلت القروب شفتها هي وملاك يتفقون على موعد شي
رندا: وش وين بتروحون
ملاك: يمه احس انك مسكونه مو رنود اللي اعرفها معقوله تفوتين شي مهم كذا
استغربت وش قصدها بالذات لما شفت دوني تأكد كلامها ويضحكون
رندا: بلا سخافه جد وين بتروحون
دينا: المدرسه ستفتح ابوابها بعد اسبوع ونص ماتبين تروحين السوق معنا
ملاك : منجدك انتي قلتي لها المدرسه الكلمه السحريه بالنسبه لها اكيد بتروح
رندا: سخيفات المهم متى اتفقتوا
ملاك: غداً صباحاً يناسبك
رندا: ايه يناسب ويالله طسوا اعطيتكم من وقتي الثمين



ملاك
نزلت تحت لقيت اخواني متجمعين غريبه فكوهم حريمهم سلمت ومحد رد السلام الا ابوي مالت عليهم السلام لله
ملاك: يالله حيهم وانا اقول البيت منور
سالم اخوي الكبير: اتركي نور البيت امي لوحدها بالمطبخ روحي عاونيها
ملاك: عندها خدامتين واصلاً ماتحب وجودي معها تقول تخبصين شغلي
جابر زوج السوريه كذا امي مسميته: وتتركينها بس عشان عندها خدامتين اصلا ما جو الخدامات الا بعد زواج خواتك لو انك سنعه ما جبناهم
ملاك: انتم وش عليكم ما تبون امكم تتعب لاتجون وتخلونها تتفنن بالغداء كل واحد يقضب ارضه
ابوي: خلاص وش فيكم على ملوكه اصلا لو لقيت امكم خاشتها معها كسرت العصا على ظهرها بنتي تنخدم ما تتخدم
استانستتت من كلام ابوي يارب تحفظه وعطيتهم نظره واحسهم انقهروا قلت عشان استشفي
ملاك: هم من يومي عارفين اني ما ادخل المطبخ بس اعذرهم يا ابوي من كثر سنع حريمهم وزين طبخهم ونظافه بيتهم صاروا يستغربون لو شافوا وحده جالسه
طنشني سالم وكلم قيس: انت روح ارقد فوق منت مجبور تقابلنا
قيس: جالس في حجرك وش دخلك
سالم: جالس معنا ولا كأنك معنا سرحان كأن مشاغل الدنيا كلها فوق راسك اول ابوي له سنه يناديك
ابوي: خله على حاله انت علامك خلصت من اختك نقزت بأخوك
جابر: والله يابوي مدلعهم انا عام اول لو رديت على سالم كسرت العصا على ظهري تقول اخوك الكبير في مقامي واللحين هالسرابيت يردون علاك انت ولا تقول لهم شي
ابوي: والله كلكم عيالي واربيكم بالطريقه اللي تحلا لي


دينا
لبست عبايتي واخذت شنطتي ونزلت بروح مع البنات السوق يوم نزلت الصاله لقيت بنات خاله سعاد بس فيها
دينا: وين خالاتكم ما اشوفهم
ندى: جوه في غرفه جدتي واضح بينهم شي سري الا انتي على وين طالعه
دينا: رايحه السوق اشتري كم غرض وش رايكم تروحون معي شريتوا شي للمدرسه
مها : لا كلها طلبيات الله يستر بس ما تتأخر
دينا: انا الشنط والجزم الله يكرمكم طلبتها بس العبايه والمريول
مها : حظك اخر سنه وبترتاحين وتصيرين جامعيه مثلي
دينا: اخر سنه واخس سنه ضغط من كل جهه قدرات وتحصيلي ومواد تجيب الهم مدري وش خلاني اطاوع رنود وادخل علمي
ندى: لانك مافكرتي فيها يعني اللحين تحبين الادبي ما تحبينه ولا تحبين العلمي فدامك ماتحبين شي روحي للعلمي واضغطي على نفسك يصير بالجامعه كل التخصصات مفتوحه لك حتى لو جبتي نسبه واطيه تدبرين نفسك احياء ولا شي كذا
دينا: يووه نسيتوني بروح استأذن
ندى وهي تضحك: بعد مالبست بتستأذن لا فيك خير
رحت لغرفه جدتي ودخلت كانوا يتكلمون وسكتوا بس سمر ما كانت منتبهه لي ومعطيتني ظهرها
سمر: معليش ثريا احيان اشك انك ثريا نفسها اللي قبل خمس سنين مبرراتك كلها ما اقنعتني بتعدمين نفستهم كذا
خاله سعاد: سمر بس هلا دينا على وين رايحه
دينا: بروح السوق مع دريول سمر مجيد هاه تسمحين ماما
ماما ببرود : روحي
مدري ليش زعلانه مع اني يوم جيت مع اخواني امس احسها شوي فرحت او يتهيأ لي لانها امنيتي طلعت من عندهم وانا افكر مين هم اللي بتعدم ماما نفسيتهم اسأل سمر بكره ولا لا سمر صح تسولف معي بس اذ ماما ما تبي الكلام يوصلني مستحيل بتوصله اعرفها انا وذا الشيء اللي يخليني اعتمد عليها وابوح لها بكل شي بخاطري حتى ملاك ورنود مثلها بس الفرق ملاك ما تعجبني ارائها دايم مندفعه وعكس رنود اللي مافي ابرد منها وسمر تقدر توازن بين الشيئين طلعت واعطيت الدريول لوكيشن بيت ملاك ومشيت



ملاك
وانا طالع تهريب مابي احد يشوفني لقيت قيس بوجهي خرعني الله لا يوفق ابليس قلت ويدي على صدري
ملاك: انت ماتعرف تطلع صوت افرض قلبي وقف وش كان بتسوي وبعدين ابوي امس يوم اعطاني فلوس يقول انه ما معه غيرها كيف بتضيفون الناس اللي بيجون يعزون بالذات حريم اخوانك احسهم بيرابطون في عزاي من الفرحه وتعرف ما احتاج اشرح لك ياكلون مثل ما تاكل النيران
قيس: يعني اذ هذريتي كذا وتساخفتي بعقلك ما بنتبه لك وين بتروحين
ملاك: قلت لك ابوي اعطاني فلوس ليش ؟عشان اتقضى اغراض للمدرسه مع مين ؟مع دوني ورنود واللي بيودينا درويل خالة دوني متى ؟؟اللحين تو كلمتني دينا تقول شغله عشر دقايق واوصل بيتكم هاه جاوبت على كل الاسئله اللي متوقعه تقولها هاه تبي شي ثاني
قيس: لا بس معاك ثلاث ساعات لا تتأخرين
ملاك: والله متى ما خلصت جيت واذ طولت يعني تتوقع بخلص واجلس انتظر صاحي انت اكيد بيكون عندي شغل وطلعت بسرعه يوم سمعت صوت جوالي يرن اكيد دوني ركبت السياره وجلست اسألها اذ تأخرت ولا لا
دينا: مجيد يالله روح لوكيشن ثاني بسرعه جلدي وراي بيزنس
يوم اعتدلت بجلستي لاحظت قيس كان واقف عند الباب خبري فيه كان يطلع الدرج ليش لحقني معقوله يشك فيه ؟؟



رندا
تعبتت من دينا البنت ذي مدعي عليه اللي ينزل معها السوق يا انها مزعجه بشكل
دينا: وش ذي بعد مره لحجيه وش ازرق مع زيتي بالله فيه عبايه كذا تدرين ملاكي اتخيل اللي مصممها كان نعسان ولا وش القصه
رندا: خلاص تكفين لفينا كل محلات الرياض للعبايات ولا اعجبك شي الغلط بالمصممين ولا فيك انتي
دينا: لا فيهم انا لقيت وحده تجنن بس يوم كلمتها توصل متى قالت يبي لها شهر
ملاك: خلاص اطلبيها واخذي لك اي شي تسكيته عشان تداومين بها عبال ما توصل
دينا: يخسون اشتري من عندهم ذول اطلعوا بس خلنا نروح نتغدا مرره جوعانه
ملاك: من اليوم ماخليتي سناك ولا فطيره ولا شبس ما اكلتيه وتقولين جوعانه حتى قطعتي قلب رنود الضعيفه صايمه
دينا: صح رنود انتي صايمه فرض ولا واجب
رندا: صيام الاثنين ايش
دينا: خلاص اجل افطري يالله عازمتكم في غداء على حسابي
ملاك: في غداء اجل من يومك برما

دينا

جالسه انتظر الطلب ورندا تسبح وتستغفر وملاك جالسه تخصص حريم اخوانها عشان بتنزل ستوريات معنا تقول بتقهرهم وتحس ان مالها داعي تنزلها على الكل اخيراً وصل الاكل ويوم خلصت ملاك الفلوق حقها بدينا ناكل اول ما اكلت لقمه غصيت لاني جيت بتكلم شربت مويه يوم حسيت اني هديت قلت لملاك
دينا: تعالي اخت ملاك كنت ناويه استفرد فيك فيس تو فيس قولي لي رقمي وش جابه عند ابن الملوح اخوك
ملاك: اسألي نفسك شكلك متصله عليه تبين مشوار تذكري
دينا: لا اكلمك جد امس اتصل علي وجلس ينصح وطلع لي بشخصيه امرؤ القيس عيب عليك تكلمين ناس اغراب عنك المهم ماعليكم بكلامه رقمي من وين جابه هاه
ملاك وعينها بالصحن: مدري هو دايم ياخذ جوالي يمكن اخذه بنفسه
رندا بصدمه: وشش ياخذ جوالك وصورنا وسوالفنا عادي يشوفها
ملاك: لا وين احنا في شيكاغو لا بس يعني احيان يبي جوالي يتصل على وحده من خواتي ومثل ما تعرفون كل البرامج حاطه لها باسوورد الا عند المكالمات عشان دايم يحتاجون جوالي خبرك فيهم طفارى وانا بس اللي عندي فاتوره
رندا: وش وضعه يكلم دوني ويحاسبها اذ تقول ابوي ما قال لي شي يجي هو يفرد عضلاته ليش اخوك متسلط
دينا: صح عليك رنود لو ارقص مع عيال عمي سامري ماله دخل
ملاك: معليكم فيه انا اكلمه واهزئه اذ رجعت تشوفون اخليه يندم انه قال لك كلمه جعله الجلطه بيفضحني خلص من تحكماته علي بيبدا فيكم بس بوقفه عند حده لاتحاتون عندي الموضوع



ملاك
راحوا رنود ودينا يرتبون شكلهم ويغسلون يدهم يارب سامحني كذبت عليهم الله لايربحك يا قيس كانك غاثني اخذت جوال دوني لانها قالت اتصل على مجيد عشان اقول له اذ راح مكان يرجع
ملاك: الو مجيد وين انت
مجيد: انا روه مسجد صلاه الدهر يبدا
ملاك : ايه ذابحك الدين لا تطول وتروح تهيت يحوول ماتفهم علي تهيت يعني سوي لفه كثير في شارع
مجيد: انا سوي صلاه بعدين اجي مافي كلام كتير ساعه واحد بس
ملاك : ساعه ليش بتصلي التراويح نص ساعه ما شوف انت العن خيرك
شوف الغبي قفل بوجهي والله لادوس ببطنه تراني ما اطيقه من زمان
دوني: ملاك بس عاتبيه لا للعنف وش تدوسين ببطنه
ملاك: يمه ما انتبهت انك جيتي اعاتب مين
دينا: قيس اخوك
ملاك: لا خلك ما اقصد قيس مجيد يقول بيصلي الظهر وبيجي بعد ساعه بيلطعنا
دينا: طيب هاتوا سوالف نقضي بها الوقت
وجلسنا نسولف ورنود كل شوي تدعي على دوني لانها خلتها تخرب صيامها ودينا تقول انتي ضعيف ايمانك لو ايمانك قوي ما اعطيتيني وجهه واخذتنا السوالف ورجعت دينا تحكي القصه اللي صارت لها مع اهل ابوها وبعد اربعين دقيقه بالضبط
ملاك: الحقير مجيدوه تعمدها خلصوا الظهر من زمان بس عشاني قلت لا تتاخر عن نص ساعه
دينا: بكلمه دقيقه بشوف وين طس
ملاك: هاتي انا بكلمه تكفين .. الوو..اخ مجيد وين طسيت كل ذا صلاه .. وش عساك التراب اللي يملا فمك..شغلك عندي وش نسوي اللحين... لا بعد تعطيني حلول هين بجي ازور سمر بس عشان اهزأك انتظر علي ..وقفل بوجهيي
دينا: وش فيك اكلتيه الضعيف
ملاك: انتي الضعيفه الاخ نسانا ورجع البيت ويقول خلاص وصلت وتعبان دوروا لكم سياره
دينا: احلفييي هين يا مجيدوه هين له كم سنه عندنا اموره تمام بس شكله بدا يخرف
رندا: لا خرف ولا هم يحزنون خاف من ملاك لانه تاخر قام قال التصريفه ذي
دينا: والعمل يعني وين نروح كالعاده حظك يا اوبر بتكسب من ورانا يالله وحده تطلب
ملاك: كم مشوار كل وحده لبيتها الله يعين
دينا: وحده تدفع عني لاني مصفرره وبطاقتي ما جبتها
رندا: الحال من بعضه معي عشره بس
ملاك: وانا ماني اشطر منكم اخر ميه ريال اعطيتها للي بضيق المريول
دينا: لاتقولون والحل يعني ملاك دقي على مجيد العني خيره خل يرجع
ملاك: يقول وصل خلاص بيتأخر وش رايكم اكلم قيس قريب من هنا عشر دقايق بس
رندا: كلميه خلينا نلحق صلاتنا
طالعت بدوني يعني وانتي وش رايك
دينا وهي تسوي نفسها مشغوله بجوالها واحسها ارتبكت : كيفكم اهم شي سياره توصلنا


قيس
غريبه احسني فرحان بالمشوار اللي طلبتني اياه ملاك مع اني ما اطيق طلعات الظهريه رجعت سبب فرحتي اني بوصل اخت دينا واستانس اذ شفتها محتاجتني بعد كلامها وصلت ودقيت على ملاك نزلوا وركبوا كلهم ورا ناديت على ملاك
قيس: تعالي قدام
ملاك: لا تكفى بسولف وقدام المكان ضيق
دينا: لا روحي قدام اخوك كذا شكله كأنه دريول حرام
شوف كيف تنغز بالحكي بس سويت نفسي مو معها جات ملاك جنبي وحركت السياره
ملاك: اول شي رنود صح لانها اقرب
قيس: ايه
دينا: لا ماحزرتوا وصلوني اول عشان تاخذون اغراضكم بسياره مجيد
ملاك: اييه صح اغراضنا قيس وصل دينا اول
دينا: عند بيت خوالي مو بيتنا
قيس بغيض: وش عرفني ببيت خوالك
دينا: جاك اللوكيشن تراه بعيد شوي
وش ذي الوقاحه عادي عندها تعلم البنات ان رقمي عندها ما استحت ذي كأني لمحت ابتسامه من عين ملاك مو واضحه بسبب النقاب بس سكت فتحت رسالتها ولقيتها راسله اللوكيشن وكاتبه تحته احفظ الطريق لاني بجلس فتره عند خوالي وبحتاج مشاوير كثير
لاذي زودتها سواق ابوها انا جيت برد علاها برد لاذع بس جات فكره ببالي ابتسمت لها
رديت عليها :


>>‏سُبْحَان الله والحَمْدُلله ولاَإله إِلا الله وَالله أكبَر.<<

رد: متقلبين الود

(٨)
قيس

لاذي زودتها سواق ابوها انا جيت برد علاها برد لاذع بس جات فكره ببالي ابتسمت لها
رديت عليها : ابشري احفظه لعيونك ولو تبين اوصلك اي مشوار لا تترددين اوصلك لو على ظهري
طالعت بالمرايه بشوف رده فعلها كان واضح على عيونها الكشره واعطتني نظره ثم جلست تكلم اللي جنبها


دينا

الوصخ توقعت بيجلس يتلاسن معي بس القذر جالس يرسل كلام غريب فكرت اعلم البنات ولا لا بس حسيت ملاك بتزعل لان مهما كان اخوها ذا وانا اللي بديت حسيت السياره توقف معقوله وصلنا شكلي طولت بالتفكير اتصلت على مجيد يجي يعطيهم الاغراض وانا نازله جيت بودع البنات
دينا: يالله استودعتكم الله
قيس: الله يحفظك
ملاك تقاطع قيس: دندن انتي بتجلسين كم يوم عند خوالك
دينا وانا اقفل الباب واكلمهم مع الشباك: امم مدري بس مطوله تقدرين تقولين اكثر من شهر بس ما اخفي عليك يمكن يتغير رايي تعرفين مزاجي انتي يالله سيو لييتر
ورحت لمجيد اللي جالس يطلع الاغراض من السياره وكل كلمه هنديه اعرفها قلتها لها .. انت سيم سيم دجاجه ما في يسمع كلام انا سيم سيم كفيل انت يو ار بيق ستيوبد يعني بالعربي شرشحته بكل اللغات عشان اذ ما فهم بوحده يفهم بالثانيه ودخلت البيت غريبه كارثه بيت خوالي هدوء وين مها وندى اكيد رقود وذي فرصتي عشان اخذ غفوه رحت تحممت وبدلت ورحت على سرير سمر القديم كانت طالبه سرير نفرين قبل زواجها لان دايم ننام انا والبنات معها بس اللحين المكان ضيق من كرشتها سويت لي مكان على جنب ورحت لي بغفوه رايقه





ثريا

خلصت صلاتي واستغفرت بالي مشغول بالقصه حتى بالصلاه جلست افكر بكلام سمر اقنعتني بس انا ما عندي القوه والجرأه اسوي اللي هي تقوله كنت مفضله اللعب من ورا الكواليس لاني خايفه من ردة فعلهم اذ ذي رده فعل خواتي وامي وش بتوقع من عيالي رجعت بذاكرتي للبوم صبح على سفره الفطور


ثريا: طيب الرجال راح وعاش حياته وانا من حقي اعيش حياتي
سمر بأنفعال: حقك ما قلنا لا بس وش بتخبين عليهم وتفاجئينهم بليله عرسك!! انتي مستوعبه الصدمه اللي بتجيهم والله لو انا وانتي اختي صارت الحركه معي لاكرهك ولا اكلمك
ثريا: هه هذاك قلتيها اجل كيف تبيني انا اقول لهم
سمر: يا ذكيه لما تعلمينهم من قبل وتتفقون وتاخذين رايهم مو زي لما تفاجئينهم بليله العرس كم صدمه بالله كم صدمه بتجيهم زواج امهم بدون علمهم غير انهم بينتقلون يعيشون عند جدتهم اللي دينا ما تطيقها غير السنه الدراسيه الجديده بيتدهورون يا بنت الناس
ثريا: جدتها مو بذاك السوء اعرفها انا اذ كانت سيئه معي فعشاني مو بنتاخيها ودينا حاطه مواقفنا عائق بين تقبلها لجدتها وبعدين وش فيها اذ جدتها رمت كذا كلمه وتجاهلتها مو صعبه هاذي امي دايم طايحه فيها تعليق بلبسها وشعرها وما تقول شي كل الكبار زي كذا
سمر بصراخ : خلاص خلنا من جدتها عجوز النار انا قلت لك كلمتي اذ استمريتي على فكرتك انا اللي بعلمها هي ومالك وانتي بكيفك بس شغل اللعب بالدس ما يرضيني وش فيها تعالي وقولي لها ايه ابي اتزوج ومن ابسط حقوقي ولا لاحد دخل بس مو بطريقتك اللي مع احترامي اشوفها جبانه وطلعت وقفلت الباب بقوه وراها

استغفرت الله وشلت السجاده مكانها صح عليها سمر افضل حل المواجهه وشوي بعد المغرب بيصير خير




سمر

المغرب سويت القهوه وناديت البنات علمتهم بالقصه عشان يكونون مع دينا مالك خله علي انا بتفاهم معه على كلام امه مو مواجهته ودينا اللحين بتكلمها اصلا ردة فعل مالك بتنوخذ من دينا اذ دينا تقبلت الموضوع امورنا تمام اهه الله يعين جبت القهوه وجلسنا انا وسعاد وبناتها في جلسه امي الشعبيه ثريا جالسه وواضح انها سرحانه مدري احسنا مكبرين الموضوع نزل راشد مرهه مو وقته اعرفه انا مليغ ليته يطس
سمر: اطلع بالله اعرف تعليقاتك بتزيد الطين بله
راشد وهو يحك جبهته: دقيقه ياعزي عن بنتاخي شايل همها سمر تهقين بتتأقلم مع اهل ابوها
سمرا: ايه اهقى ليه ما اهقى يا كل الهقاوي انت بس اكرمنا بسكوتك
واشرت له لما جاء يتكلم لاني شفت دينا نازله

دينا وهي تصب لها قهوه: حركات متجمعين غريبه جده سمحت لكم تجلسون بجلستها وانت اخ راشد ما وراك شغل تطس له
جاء راشد يتكلم قاطعته سعاد: دينا سمعتي قبل لا تجين كنا نتكلم عن ايش
دينا: عن ايش لا ما سمعت
سعاد: وحده عمرها ٤٤ تزوجت امس بعد زوجها اللي طلقها ابو عيالها والناس شايله حاطه
دينا بدون اهتمام: وليه يشيلون ويحطون يمل الماحي ان شاء الله وحده وبشرع الله اصلاً لو سوت شي حرام مالهم دخل
سعاد: صدق عادي يعني اللحين عادي لو امك تتزوج
دينا وهي ترفع نظرها لامها اللي ساكته: ايه عادي اذ ما تزوجت اللحين متى بتتزوج وبعدين بابا تزوج ولا قلت شي وانا اؤمن بالمساواه وكل واحد وحياته ويسوي اللي يبيه
ثريا : اذ على كلامك خلاص من بكره بكلم خويتي اللي خطبتني لاخوها المطلق ذاك اليوم هاه وش رايك
دينا: اللي تبين تسوينه سويه بس الله الله بالأستخاره
ثريا وهي تدخل بالقسم الاصعب: اذ تزوجت ترا بتروحين بيت جدك ما ينفع اخذك معي وما ينفع تجلسين لوحدك
دينا وهي تعض شفتها حركتها اذ توترت وببرود : تو قلت كل واحد يسوي اللي يبيه بحياته
ثريا: ذا لما يكون الشخص ماله كبير بس اذ تزوجت ابوك ما بيسكت ومستحيل يخليكم لوحدكم بالبيت ذاك ولا هنا يعني تقبلي من اللحين روحتك لبيت جدك
ولما خلصت كلامها شغلت بجوالها اغنيه زفه
ثريا عليها حركات غريبه معقوله كل ذا عشان توصل الكلام لابوها ان امي مبسوطه البنت مو متقبله ومو مستوعبه وش ذي الحركات الحمدلله والشكر الله يعين نفسياتهم هي واخوانها
ابوها وامها يتصنعون حركات عشان يغايضون بعض ونسوا الصغار ونفسياتهم طالعت بدينا لقيتها قامت بهدوء وراحت لغرفه ثانيه قمت وراها انا ومها وندى لقيتها جالسه تاكل من صحن الحلا اللي اخذته معها






دينا

اوكي بتتزوج كيفها حياتها بس ليش اضطر اعيش انا عيشه ما ابيها يارب وش ناقصني عن باقي الناس اعيش مع امي وابوي ببيت واحد وعلاقتي مع عماني وخوالي حلوه استغفر الله ذا اسمه اعتراض على القدر شفت البنات جو عندي وجلسوا احس في فمهم كلام بس ما يقدرون يقولونه
دينا بتنهيده :مالك عرف
سمر: عرف بأيش
دينا: بأيش يعني عرف بعرس امه
سمر: مدري اتوقع لا بس دقيقه دينا حبيبي انتي ماقلتي رايك عن الموضوع
دينا: رايي عادي اللي بيتزوج يتزوج واللي بيطلق يطلق وانا اللي اكلها تدرين انتي انا تعودت خلاص من زمان اذ جلست مع ماما وقلت كلام او رأي ما اعجبها ولا طلبتها شي وهي رافضته اول كلمه تقولها روحي لابوك وسوي اللي تبين من قبل اربع سنوات لو طلبت ادنى شي قالت روحي لابوك لين تعودت حتى ابوي لو جلست عنده وقلت شي ما اعجبه قال تربيه امك وتقلدين امك ما كأني بنتهم الاثنين ابعرف انا خلاص انت تزوجت وانجبت ارضى بالنتايج مو تتركون كل شي وراكم وتبدون حياه جديده فيه عيال لكم لازم انت وياها تهتمون فيهم بس وش نسوي هو تزوج وبيرمينا عند امه وهي بتتزوج واحنا صرنا الغلطه اللي سووها بشبابهم ..
سكتت خلاص يكفي هاذا القدر من الفضفضه شفت سمر توافقني وتنصحني قلت عشان اغير جو الزفت اللي حاسه فيه
دينا: مهوي وندوي شرايكم تقومون تلبسون انا وملاك بنروح شوي بعد العشاء لرنود تعالوا معي
مها : ماتحسينها صعبه بتتجمعون نحنا وش دخلنا
ندى: دينا دخلتنا يالله بقوم اتروش ماني قايله لا
طلعوا من عندي ورحت كتبت لرنود اللي تقول قبل شوي ان البيت فاضي عليها وامها وابوها مو موجودين
دينا: رنود انا والبنات مها وندى بنجي نسهر عندك فيه اي اشكاليه
رندا ترد على طول:لا بالله الساعه المباركه بس دوني مري السوق جيبي اي حلا شي لان البيت فاضي احس عيب
دينا: معليك بجيب كل شي كلمي ملاك اعزميها بقوم اروح السوق ولزمي على ملاك تجي في سالفه بقولها لكم مهمه شوي
رندا: من عينيا





ملاك

طلعت وانا لابسه عبايتي من الغرفه نزلت تحت شفت ابوي جالس عند التلفزيون سلمت على راسه وجلست جنبه اسأله عن حاله وحال نياقه عشان امهد للطلب
بعد عشر دقايق
ملاك: ابوي صديقتي عازمتني على العشاء وما عندي سياره توديني كلم واحد من عيالك يجي
ابو سالم: وشوله تطلعين مع الليوله خلي الصبح وافلحي وروحي للي تبينه
ملاك: يابوي قلت عازمتني على عشاء عشاء مو فطور
ابو سالم: هاتي جوالي بكلم الهيس اللي لاهو نافع لا بالبيت ولا برا
ملاك: ايه ابوي شد علاه اللي بعمره توظفوا وسوو بيوت وهو للحين من ديوانيه لديوانيه ولد خاله امي في عمره وامس جاله ولد
ابو سالم: خلك منه انا اتفاهم بس اطلعي الحوش عانيه يتتناك لا تتأخرين
ملاك: ابشر يا طويل العمر
طلعت لقيته برا ركبت السياره وعلى طول سألني
قيس: على وين احمدي ربك كنت توني بمشي لو اتصال ابوي تأخر دقيقه ما كان طلعتي من البيت

ياربي في بالي كلام اقول له عن قصه دينا كله بسبب افكاري احس قيس يهتم لها من اسئلته بس اذ جيت ادور دليل ما الاقي شي يأكد احساسي قيس احسه ما يحب الا نفسه ومو سهل يكشف مشاعره اما من ناحيه دينا لا متأكده ما تفكر فيه ابد جلست اجمع كلماتي عشان ابين ان الوضع مأسآوي واشوف وش رده فعله
ملاك: بروح لرنود تخيل قيس دينا بتجي ولازم نكون جنبها امها بتتزوج وابوها بعد وهي انتهى المطاف بها عند بيت جدها اللي ما تطيقه ونفسيتها تعبانه ومتضايقه وتعرفني راعيه واجب لازم اخفف عنها

جلست اتأمل ملامح قيس بس وجهه جامد مو واضح عليه شي افف كسبت ذنب كذبه على الفاضي

قيس: ايه لو عندها خوات يخففون عنها ما كان احتجتي كل يوم والثاني تروحين عندها
ملاك بأنفعال: مو قصه خوات عندها بنات خاله وخالات معها بس كيفها ما ترتاح الا لي حتى انا وانا عندي خوات لو صار لي موقف رحت قلت لرنود ودوني ما جيت اقول لاخواتك اقول قيسوه انت لك فتره كل ما كلمت دوني او زرتها او جبت سيرتها تتنرفز اللي يشوفك يقول طبينتك

مارد علي الا بضحكه اشوفها مبالغ فيها وبعدها شغل راب باللغه انجليزيه مرره مو بلايق تخيلوا معي قيس ولد البر يحب الكشتات والنياق والقنص ولبسه كله ثياب واذ زحف مره لبس اشياء سبورت احس مو بلايق عليه الرابات اللي يسمع لها





رندا

جلسه ولا احلى في الحوش الجو يميل للبروده بس حلو اشوفه معتدل سوالف البنات تونس استانست مع بنات خاله دينا كنت دايم اجلس معهم برسميه اللحين اخذنا راحتنا وكالعاده دينا ماجلست يا ترقص يا ترتب المكان اللي هو مرتب من اصله عارفتها مثل خطوط كفي جالسه تتهرب بس ما علينا نحنا جينا نغير جوها وبنغيره
سمعت مها تسألني : اقول رندا مين سمّاك مرره اسمك عاجبني مو اسمي مالت بس
رندا : سمتني امي على الدكتوره اللي بشرتها بحملها لان امي كان عندها مشكلات بالحمل وحملت بي بعد ست سنين
ملاك: ليش تفتحون السالفه اكرره اسمييي حسبي الله عليك يا ساميوه
دينا بضحكه وهي تصف اكواب ورقيه بالصحن : لايكون هي اللي سمتك
ملاك بغيض: ايه هي كانت الفتره ذيك مخطوبه لسالم يوم كلمها وقال جاني اخت قالت بلييز سلومي سمها ملاك وسماني ملاك عساه اللي مانيب قايله
ندى: اللي يشوفك يقول جالسه وسطهم يوم صارت القصه
ملاك: لا بس اعرفها اتخيل كذا قالت له وجلست تتميع
دينا وهي تناظر بالنجوم : انا كان فيه اختلاف بين ماما وبابا جلس لمدة شهر من بعد ولادتي بس فازت ماما وسمتني دينا
ندى: انا واوخيتي مها يا رداة حظنا امي تجيب بالوراعين ومسوين عند عماتي دوريه كل ورع وحده تسميه اشوا جت على ندى مو بنت عمي عزي عنها سمتها عمتي سميرة ابعرف شدخلهم بس الشرهه على اللي يعطيهم مجال
مها: عيب انتي وش فيك على عماتك
ندى: ولا شيء بس ابي حريه التعبير ومالقيتها الا هنا بليز مها اذ بتصدقين انك اكبر وحده ولازم توجهينا روحي ارقدي بنستانس بدون قيود
دينا وهي توزع اكواب الكابتشينو اللي سوتها : واحلى اكواب ئهوه لاحلى صبايا تعالوا اخذوا من ئدكم دينا خانم هي بزات نفسا اللي سوتها ليكم
ملاك وهي جايه من الحمام: لو ما اعرف صوتك قلت ذي جنان وش الطاري
دينا: بس جاء ببالي احكي لبناني

وكذا استمرت الجلسه بين ضحك وسوالف البنات ورقص ومسابقات وانا كل تفكيري بأمي وين اختفت





بعد خمس ايام

دينا

سخريه القدر بعينها اللحين بكامل ارادتي جالسه اجهز شنطتي عشان بروح لبيت جدي ماما تقول بتجلس عند خوالي لين موعد زواجها اللي بعد شهر، دخل علي مالك اللي نفسيته بالحضيض ياقلبي توه في عمر المراهقه اعرف الاحساس لما مهما كانت الامور صغيره نكبرها بالذات انه يواجهه انتقادات من عيال عمي كثيرر وشايل هم اذ تزوجت ماما وش بيقولون الناس عنه
دينا: هاه جهزت شنطتك اترك ثيابك جهز ثياب رسميه ترا بكره اول يوم مدرسه وانت اولى ثانوي ابدا صح المعدل يعتمد على السنه الاولى اذ ارتفع ماينزل بسهوله والعكس
مالك وهو يجلس على سريري: خلصتي هرجك يالله ما اقصد هرجك اقصد خلصتي اغراضك
دينا: ايه اغراضي حقت اسبوع جهزتها وبعدها بقول لابوك يجيب العمال يشيلون الكمبيوتر وآلااتي الرياضيه والباقي من الاثاث
مالك: يعني انتي عادي عندك
دينا: واذ مو عادي بيتغير شي لا اصلا انا سمعت نصيحه سمر تقول ان ما طاعك الزمان ولا طيعه وتقول بعد انا لي ببيت جدي مثل ما كل الناس لهم فيه ماحد يتكرم علي
مالك: بس بيتنا ذا من فتحت عيني على الدنيا ونحنا ساكنين هنا
دينا: بيتنا مو بطاير انا قلت لبابا ما احد يفكر يمسكه او يبيعه البيت لي انا وانت واخوانك نتصرف فيه باللي نبا نبيعه نحرقه ما لاحد دخل بعدين مالك هم اهل ابوك يبغون يشوفون النظره ذي فيك قله الحيل وانك مغلوب على امرك لا حبيبي خيب توقعاتهم تعال بكل قوه عين واخذ راحتك وبزياده وابن ابوه يقول لك شي اسرح وامرح واعزم اصحابك خلنا نبين لهم ان نحنا ضامنين البيت ذا وبنروح نكوش على اللي عندهم بتجيهم جلطه
مالك: قسم بالله افكار سمر من طريقه كلامك المهم حمني وسلطه متى بيجون معنا
دينا وانا اهز كتفي علامه مدري: اذ ماما خلصت امورها تقول روحوا رتبوا اوضاعكم واذ جات ليله عرسها بترسلهم علينا

بعد ساعتين

دخلت بيت جدي مع البوابه الرئيسيه ومعي خدامه تشيل شنطتي امشي ونصايح سمر ترن بأذني رن دخلت الصالون لقيت جدي وجدتي شلت الحجاب وسلمت على جدتي ببرود وجدي بحماس سمعت جده تقول للشغاله تودي الاغراض لغرفتي
دينا: ايوه يا تيته عساك توصيتي بغرفتي لايكون ضيقه ولا نور الشمس ما يجيها
جدتي: لا ارتاحي كبر غرفتي وترا جهزت لاخوانك الصغار غرفه جنب غرفتي حتى اثثتها وقلت لابوك على حسابي ماكودت ابوك يقول بجيب العيال عندك فرحت بهم
جدي: روحي وانا ابوك شوفي الغرفه اذ ما اعجبتك البيت لك دوري واختاري الغرفه اللي تبينها لو غرفتي واخذي راحتك انا موصي عيال عمك ما عاد يدخلون البيت براحتهم البيت صار فيه صبيه حدهم مجلس الرجال وابد وانا ابوك لا تستحين تطلبين فلوس او سوق اذ بغيتي تآثثين مابي يقصر علاك شي وانتي عندي
دينا: يا حبيبي يا جدي ابشر اما عن قصه الاثاث بجيب غرفتي اللي بالبيت ما ارتاح الا فيها
جدتي: بصرك بس روحي طلعي عباتك وانزلي عمتك بتجي
رحت للغرفه حلوه واسعه ونظيفه طلعت عبايتي وسويت شكلي جات لي رساله توقعتها من سمر ولا البنات يسألون وش صار بس لقيتها من اكاونت وهمي فتحتها وكانت :

رأيتُ بحلمي أنا التقينا
‏مُصادفة حُلوة في الزّحام
‏حديثٌ قصيرٌ جرى بيننا
‏سؤالٌ عن الحال ثم سلام
‏وأمّا العيونُ فقالت كثيرًا
‏وأزْهر قلبي لوقعِ الكلامْ
‏فليت اللقاء يكونُ يقينًا
‏وليت الفراق حديث منام


"شفتك طالعه وشنطتك معك لايكون مسافره؟"

اعوذ بالله الموضوع ذا مقلقني ذا احد يعرفني ودي اغير حسابي بالانستا بس فيه بنات بفقدهم واذ سويت حساب جديد نفس قصه السناب سويت حسابين وعرفهم كلهم بلكت الحساب بدون رد ونزلت اشوف اذ اغراضي وصلت ولا لا

<<لاحول ولا قوة الا بالله العلي العظيم>>

رد: متقلبين الود

(٩)
سمر

ندمت اني علقت على سنابات دينا قدام ثريا لانها عصبت واخذت الموضوع بشكل شخصي كل ما في السالفه ان عم دينا طلب كيكه مكتوب عليها نورتونا ودينا صورتها سناب ولما علقت وقلت الله يسهل عليها عصبت
جلست اتذكر كلامها الغريب نوعاً ما
ثريا : شايفه كيف وش قلت لك هاذي هيه تصور بالكيك ومستانسه ولا فكرت وقالت وش حال امي اكلت ولا لا
سمر: ثريا لو ما اعرفك قلت معها انفصام مو انتي اللي غاصبه البنت تروح لهم ومكلمه ابوها يجي ياخذهم ؟!!
ثريا بضحكه شماته: قال غاصبتها قال شوفيها ماصدقت تروح بدل لاتجلس بغرفتها تبكي جالسه تتقهوى معهم
سمر بعصبيه: انا اللي قلت لها انا قلت لاتبكين وتأقلمي معهم انا اللي قلت لاتبينين ضعفك اجل تبين عماتها يشوفونها ضعيفه ويتوطونها !!! ثريا احسن لك ما تكلميني لاني بغلط عليك
ثريا: ايه برري اصلا الحمدلله بتزوج واجيب ذريه ثانيه ان ماطلع الخير في ذول بيطلع في الجايين
سمر: تدرين اجلسي وفكري كم بتجيبين ورع فيه خير وانا بروح لان الجلسه معك تسم البدن

نفضت راسي كأن الافكار بتطير وقمت بثقل بسبب بطني وجبت جوالي اتصلت على دينا بشوف اوضاعها
دينا بترحيب مبالغ فيه : هلا هلا باللي له القلب يهلي هلا بسماره
سمر : ياعوبك يا بنتاخي كل ذا لي ليتنا من زمان مصدرينك لهم ونسمع اللسان الحلو الا اقولك وش الاخبار
دينا : اكل ومرعى والوجيه الحسنه هاه حطي تحت حسنه عشر خطوط
وضحكت بصوت عالي مي بصاحيه ابد
سمر: ورا ماخمدتي بكره اول يوم دوام صح
دينا: بدري الساعه اثنعش الساعه اثنين بنام مع اني عارفه مابيجيني نوم الجو غريب علي
سمر: مدرستك وش صار عليها نقلتي لوحده قريبه منكم ولا لا
دينا : هههههه طل تخيل بس اداوم بدون ملاك ورندا لا اكيد مع ان جدتي جالسه تقنع ابوي ينقلني تقول انقلها عشان لا تتأخر على الغداء الحمدلله والشكر مدري وش دخل بس بابا قال ماتسوى علينا اخر سنه خلها بالمدرسه اللي تبيها
سمر: اوكي اعطيتك وجهه يلا طسي البيبي بيرقد
دينا: سماره ماما بخير اتصل عليها ماترد وارسلت لي رساله غريبه قبل شوي

الله يسامحك الله يسامحك يا ثريا وش الحاله اللي وصلتي لها

سمر : بخير بس متلعوزه مع اخوانك
دينا: الله يساعدها عاد هم يشيبون بالشعر دقيقه دقيقه اقول اسمعي طسي ارقدي انتي وورعك ملاك تتصل سيو ليتر


قفلت من دينا وافكر بحال ثريا هي تأثرت من سالفه زواج طليقها ذا الشي اللي خلاها ترضى بأي شخص متقدم لها على اساس انها بعد بتعيش حياتها ما فكرت اذ الحياه بتنجح ولا لا
رجعت بالماضي عشرين سنه ورا كان عمري سبع سنوات اذكر زي الحلم ثريا وسعاد كانوا يتكلمون وثريا تقول لسعاد يقول ما يقدر يجي يخطبني اهله مو موافقين وسعاد تنصحها تقول ذا لعاب ابعدي عنه بعد سنه خطبها بدون اهله وحتى سكن بعييد عنهم ولا يزورون مناسبات بعض وحياتهم كلها مشاكل بسبب خواته وامه مو راضيين عنها لانها مو من القبيله ولان كان بينهم علاقه من قبل ما ادري كيف بدأت صراحه بس اذكر ثريا تكلم بالتلفون الثابت دايم بالليل وتزوجوا
اول سنه امورها تمام بس بعد كذا من جابت دينا وماجد بدا يميل لاهله وثريا ما اعجبها الوضع كانت تبيه يقطع علاقته فيهم نهائياً على اساس انهم بيخربون حياتها بس الرجال رفض وعلى ذا الحال يوم جابت مالك كنت كبيره شوي انبسطوا فيه لانه ولد وعمانه سوو التمايم وكنت محزنه على دينا ايش التفريق ذا بس الحمدلله كانت صغيره ولا تذكر وبعدها نص السنوات ثريا تجي عندنا كثرت مشاكلها معه واخرتها لما حملت بالتؤام سلطان وحمد ماجد راح للجنوب طلبوه بمهمه لما بدت الحرب وهي رفعت قضيت طلاق على بالها انه راح تزوج وتركها عندنا ولما ولدت وجابت تؤام اولاد جدهم وعمانهم استانسوا طبعاً مجتمع ذكوري بحت لو جايبه بنات ماشفنا الهدايا والاستقبال اللي صار ولما جاء ماجد ودرا عن اللي صار وقضيتها طلقها وقال انه ما يرضى يكمل حياته مع وحده مو واثقه فيه





دينا
رجعت اقرا رساله ماما مره ثانيه
: سالفه زواجي بكيفي انا اللي اقرر من اتزوج ومن اترك مال لاحد دخل بحياتي ابوك عادي عنده يعيش حياته ويتزوج وحده اقل مني ؟؟حتى انا عندي ناس يتمنون نظره وحده مني وبتزوج واسوي عرس ماصار ولا استوى اذ بتحضرين ماني مانعتك وانتي خليك ذراع جدتك اطبخي معها وصاحبي عماتك خلاص نسبك مثل نسبهم انتي واخوانك انتم اصلا ما تنتمون لي ولاهلي تنتمون لاهل ابوك ارضي بواقعك واهتمي بدروسك واخوانك وبس ذااللي ابيه منك

!!يارب عجزت افهم هو احد قال لها دينا مي راضيه ؟ ولا هي جهزت الكلام على اساس ارفض ولما وافقتها الرأي استخسرت كلامها يروح على الفاضي وارسلته اتصل عليها ما ترد يارب الكون انا وراي اشغال اجهز غرفتي واشوف اذ شي ناقص واجهز اغراض دوام بكره وبروح اتطمن على مالك بس مقدر اتحرك لين ترد علي ارسلت فويسات حتى ماتسمعها بس بكره بروح لها واقابلها وجهه لوجه واشوف وش فيها
سمعت جدي يناديني يالله انتستر
جدي فرحان بيي كأن ماعنده حفيدات غيري وذا الشي اسعدني دام جدي معي ما حدا يسترجي يقول لي كلمه
رحت له وجلس يوصيني بدراستي ويقول سواق البيت تحت امرك متى مابغيتي مشوار روحي معه شكرته وودعته ورحت الغرفه خلاص تعبانه مالي حيل اسوي شي واعرف اني ماني قادره انام بس قلت بحاول






ملاك

يارب يمن هالخطاطيب وش باب النصيب اللي انفتح بوجههي لو ابي العرس ما كان شفت واحد منهم
ملاك: يا سالم ياخوي العود انا مابي لان جالسه ادرس بالثانويه صعب عليك تستوعب ولا وش فيك ؟
سالم: الناس صارت تلط وتعجن علامها ماتزوج وترفض الخطاب والله بكره انك لتعنسين ومعد احد يدق بابنا
ملاك : عز الطلب انا بعنس احد له عندي شي ؟ لا طبعاً وتراني عارفه الناس اللي تقصدهم ماغيرها ساميوه واهلها وبعدين وش علي بالناس لو الكره الارضيه كلها تتزوج ماني متزوجه لين اطنخ بنفسي اي اعتراض
سالم يتمتم: كله من ابوي الله يحفظه لو حاط امرك بيدي كان من بكره مملك لك على واحد لو على ثلاث بس وش اسوي موبيدي بس دايم ادعي الله يكتب اللي فيه الخير






رندا

حراره امي مرتفعه وابوي قد له اسبوع مختفي حسبي الله ونعم الوكيل اللي ما يراعي امانته امي نحفت وتغيرت واذ قلت هيا الدكتور قالت انا اعرف لنفسي يالله ليت عندي اخو خال عم اي شي يجي يوقف معي انا اللحين لو بوديها مستشفى كيف بالله اذ دقيت على الاسعاف امي معها فوبيا منها من لما بغت تولدني فيها واذ طلبت سياره عيت تنزل وتقول مافيني الا العافيه
لوهله جات ببالي فكره دينا لما قالت اتصلي على وزاره الصحه يرسلون دكتوره لك رحت على طول اتصلت وحكيت الوضع قالوا بكره العصر بتجي دكتوره تشوف الوضع واذ يتطلب مستشفى ولا لا شكرتهم وقفلت من عندهم ورحت اجهز اغراضي خلاص بدا الجد وبدت اخر سنه وببدأ اكون لي مستقبل وببدأ اكون نفسي وشخصيتي وارفعني وارفع امي ياربب ساعدني وكون لي عون وسند



ثريا

جلست اراجع تصرفاتي مثل ما قالت سمر صح فيها شي غريب او تناقض مدري هو انا لما اقول لدينا كلام اتخيلها توصله لابوها
وبعد لما غصبتها تروح لاهل ابوها كنت ابيها تسوي مشاكل وتتهاوش معهم وترجع لي بنفس اليوم مابيها تتأقلم بس يمكن ضغطت عليها يوم اجبرتها مدري مابا افكر حتى ولو انا امها لو ارميها مع الباب ترجع لي من الدريشه المفروض تتمسك فيه حتى لو تزوجت ما تتركني اطردها مره ترجع لي مليون مره مو انا امها كيفي بنتي واشكلها مثل ما ابي بس ما صارت الامور مثل ما بغيت راحت هي وتأقلمت ومالك اصلاً خلقه متعلق بأبوه والصغار متعلقين بأخوانهم وانا صفيت من دون احد الغلط علي وش انتظر من ذريه ماجد احد يحس او يفكر ماجد اعطاني اكبر طعنه بحياتي تخلى عني بسهوله ونحنا عشنا عمر اجل كيف بعياله مثل ما يقول المثل ابن الوز عوام




قيس

اليوم قدمت على كذا وظيفه وان شاء الله ربي بييسر لي الخير اقنعتني ملاك قالت اني ماعاد انا صغير ٢٦ سنه اللي بعمري متزوجين وفاتحين بيوت
صادقه ملاك بتوظف واكون نفسي وابني لي بيتي وبعدها افكر اتزوج تذكرت ابوي وكلامه عن بنت عمي اخاف ابوي للآن يفكر بالموضوع عز الله رحت فيها لا لازم المح له اني مابيها
منه للوقت اللي اعزم فيه عالزواج وادور لي بنت مناسبه لعمري ومو من قرايبي اكره انا زواج الاقارب وانا من اكبر المؤيدين لجابر اخوي لما تزوج سوريه احسن من البااقين صح ما اخذوا بنات عمي بس اخذوا من القبيله جلست اتذكر مواصفات بنت عمي اللي يبيني ابوي اخذها عمرها مثل عمري دايم امي تمدح شعرها وتقول طويل ماكملت دراستها هي مثال للبنت اللي متفانيه لخدمه زوجها واهلها واعرف بيت عمي عندهم كل شي عيب وحرام حتى البنطلون حرام لا لامابي وحده من هالأشكال طيب وش تبي يا قيس جلست احك عارضي وافكر خمس دقايق بس وعرفت وش ابي

ابي وحده اصغر مني بثمان سنين عادي ابيها نيو لوك فكل شي ...لهجتها شكلها.. ابي شعرها تكون قاصته لين رقبتها ..صوتها ناعم فيه بحه .. مو سمينه وتميل للنحف ....عظام التروقه عندها بارزه ...متعلمه وطموحه وجريئه ....وبشرتها بيضاء عاد كفايه انا اميل للسمار .. اسلوبها كذا انوثي وفيها دلع من ربي مو تصنع

دقيقتين وجلست اضحك انا ماني جالس اوصف فتاة احلامي انا جالس اوصف وحده معينه واهه من هالوحده احس الطريق اذ بآخذ الموضوع جدي بيكون مليان عقبات




ملاك

اول يوم دراسي في اخر سنه يارب انا مابي ادعي على رنود اللي قالت لنا ادخلوا علمي انا بالذات مدري ربي وين موديني بس لما شفت دوني ورندا رايحين علمي سويت مثلهم احسن استاهل على لقافتي
حسيت ظربه على ظهري
ملاك : دينا ووجع طحنتي ظهري
دينا: امانه تقولين ان يدي الرقيقه ذي تطحن ظهرك ياكبرها
ملاك: اذكري الله اقول ماتدرين رندا وين غدت صح مجتهده وتحب الكتب بس مو يعني تختفي مدري وين تطس
دينا : انتظري اذ دق الجرس بتجيك وتستجوبينها
: تستجوبون مين
ملاك: نستجوبك انتي يا عين امك وين رحتي
رندا: عند الاداريات
دينا بشهقه: لايكون سويتها مع اول يوم مخالفه الشيء اللي ما سويتيه طول عمرك سويتيه اليوم اي كانت بليف ات
ملاك:ولا انا بليف ات يقلبي ولا لحظه لحظه لايكون شافوا وجهك باين انك مذاكره مواد السنه وقالوا خلاص مايحتاج تدرسين ارجعي بيتكم وشهادتك توصل لك
دينا: ولا بطردونك ولا بيعطونك فصل اسبوع ولا يحسبونك مو سعوديه وانك اثيوبيه وبيودونك الجوازات
رندا: يا سخافتكم بنات رحت عشان اكلم امي تركتها تعبانه مره وتطمنت عليها يارب متى يجي العصر واتطمن عليها
دينا بجديه: صح رنود خاله فاطمه وش فيها امانه اذ رفضت تروح الدكتور او رفضت احد يكشف عليها خليني اكلمها بقول انك متأزمه ممكن تحن عليك وتجاري الوضع
رندا : لا ان شاء الله الامور طيبه تجي الدكتوره شوي وبتكشف عليها
قطع سوالفنا بنت من ثاني ادبي عليها مشيه غريبه ومسويه اي لاينر عريض وقفت قريب منّا هي وصديقاتها اللي نفس لوكها بس قاصين شعرهم بطريقه غريبه مو متساويه لين رقبتهم
وصفرت عشان ننتبه لها
البنت الغريبه : ابي دنيا تجي اي وحده هي فيكم
البنت رقم ٢ : تأكدتي من اسمها يمكن اسمها عالم ولا كره ارضيه
البنت رقم ٣: اذ ما خاب ظني هي اللي باليسار

طالعنا انا ورنود بدوني المستغربه
دينا: اسمي دينا مو دنيا مدري وين قارينه غلط ذا اول شي ثاني شي اللي بتقولينه قوليه هنا لان مافحالي اقوم الصدق
البنت رقم٣: موضوع خاص يحلوه
دينا:ومافيه احد غريب هاتوا موضوعكم وبعدين لحظه انا اعرفكم عشان يصير بيننا مواضيع خاصه
البنت اللي شكلها غريب : خلاص قايز ننسحب ونتركها للوقت اوكي ياحلوه بس حبينا نتعرف بس اذ انتي نفسيه مو بيدي شي وهييه على فكره صبغتك خطييرره

وراحوا البنات يمشون مع بعض وهم يتهامسون ويأشرن علينا

دينا: الله من المرض بنات تعرفونهم
ملاك: لا اذكرهم السنه اللي فاتت بس لوكهم كان غير اللحين الله يا كافي مابقي حديده ماحطوها بوجههم واذانيهم
رندا: دوني انتبهي تراهم اكبر منك بس متأخرين ويدخنون ذاك اليوم شفتهم انتبهي تمونين معهم
دينا: اوك من زين المعرفه اللي بتعرف بها عليهم الا خير هاذي تقول صابغه بنات شعري كأنه صبغه صدق

ملاك :عادي مدري عشان من زمان اعرفك بس احس لونه بني طبيعي مو صبغه اختي شهد كذا لون شعرها بس انتي ما شاء الله ناعم شهد لا
دينا: معلينا وحده شطوره اموره تنط وتجيب لي مويه بارده
ملاك: قمي بنفسك ماعندك رجول
دينا: اجل خلاص خلني اموت من الظما يعجبك
ملاك: عز الطلب

رد: متقلبين الود

(١٠)
رندا

جلست اتأمل الدكتوره اللي تقيس حراره امي وتحط اشياء غريبه زي الأوراق على باطن يدها بعد ما خلصت قالت انها بتجلس شوي مع امي لوحدهم يارب تستر مدري احس خايفه وقلبي كأنه طبل احسني اسمع صوته اسلوب الدكتوره ما طمني جلست استغفر وادعي عشر دقايق بالضبط وطلعت الدكتوره بأبتسامه ريحتني
رندا: بشري دكتوره ان شاء الله انها طيبه صح ؟؟
الدكتوره: طيبه بأذن الله اعطيتها خافض حراره ومغذي بس لازم تجي تزورنا بالمستشفى
رندا بقلق: ليش وش فيه
الدكتوره: تطمني بس عشان نتطمن لازم تجي يا اليوم او بكره نسوي لها تحاليل امك اللحين اعطيها اكل وان شاء الله يصير فيها القوه اللي تخليها تعدي مشوار المستشفى على خير
رندا: ابشري بس امنتك بالله اذ فيها شي لاتخبين علي
الدكتوره: ليش اخبي لا ان شاء الله بس قلت لك شوي تحاليل استعجلي انا موجوده للساعه اثنين بالليل
ودعت الدكتوره واللي معها ورحت جهزت لأمي صحن شوربه مع عصير ليمون ونعناع مدري كيف صارت بس نفسي تتغذى لها كم يوم ما اكلت زين رحت اعطيتها الاكل وشكلها اهون من اول اكلت بشكل ارضاني واللحين ببدأ اقنعها نروح عالمستشفى بس الشيء اللي فاجأني انها هي اللي بدأت الهرج
امي: ابوك وينه ابيه يودينا المستوصف
رندا: وهو متى احتجناه ولقيناه مو بفيه بس البسي وجهزي نفسك بطلب سياره من كريم والبس وارجع لك



دينا

اللحين اكلمكم من قلب الحدث جالسه اجفف شعري وببدا احط ميكب خفيف لأن اليوم جدي عازم عماتي وعماني كلهم على عشاء يعني استقبال لنا صراحه وقته غلط بس يالله ما بيدي شي اول ماطلعت من المدرسه اليوم رحت عند خوالي وكنت مقرره اجلس لين الليل وارجع عشان انام بس جدي خرب قراري لما اتصل اذان العصر يقول اليوم مسوي لكم عشاء
طالعت بالمرايه وش اللي ينقصني حطيت بودره وماسكرا وبلاشر ومشطت حواجبي وعبيت الفراغات رحت ادور بين شناطي عن شي يصلح للبس واهم شي يكون ساتر لأني بقابل اعمامي وقع الاختيار على بنطلون زيتي طويل وبلوفر لونه وردي مايل للابيض اما شعري خليته على حاله بس حطيت ربطه وختمت لبسي برشة عطر ونزلت تحت لقيت ثنتين من عماتي وصلوا سلمت عليهم ويوم جيت اروح لجدي جلسوني يقولون بنسولف معاك
دينا: اوكي بسولف بس بشرط انتم جيبوا مواضيع وانا اشارككم لان ماعندي افكار
عمتي تذكار: لا حنا بنتعلمك وش سويتي بسنينك اللي راحت
دينا: ادرس صدق الى الان كل سنوات حياتي راحت بالدراسه
عمتي دلال: وينك ما كنا نشوفك الا خطفات بالمناسبات حتى ما تقولين عندي عمات بسلم عليهم
دينا: اللحين انا ليه تلوموني انتم اللي ليه ما تقولون عندنا بنت اخو بنسلم عليها
عمتي تذكار : ياعوبك حنا عماتك مثل امك ما ندورك انتي اللي تدورينا وجدانك بعد لايكون تبينهم يجونك
دينا: صح عماتي لكم قدر بس عاد ماهو مثل امي وبعدين وش لنا بالماضي انا عندكم هنا متى ما بغيتوا تعالوا سلموا علي
وقطع سوالفنا دخول عمتي عليا واخت زوجها اللي تصير مرت عمي بعد سلموا علي وبنات عمي بعد واضح انهم بالمتوسط يحليلهم مستحين مني يمه ذي شفيها تطالع فيه كانها مشبهه علي رجعت جلست واراسل سمر والبنات بأخر المستجدات وان الاوضاع للان طبيعيه رفعت عيني بالموجودين اتأملهم دقيقه استاذه جواهر وش جايبها هنا غمضت عيوني بتأكد يمكن لاني ما قيلت اليوم ولا نمت زين امس اشوف الاستاذات هنا لا والله ذي استاذه جواهر شالت المرايه اللي كانت تطالع فيها وجات سلمت علي لأنها الوحيده اللي ما سلمت وبعدها قالت عرفتيني صح
يالهوويي الا ذا صوتها دايم اسمعه لما كانت تشرح لغه عربيه بس من دخلت علمي فقدتها سلمت عليها وجاملتها يوم جلست بدت تكلمني
جواهر: دينا والله كبرتي واحلويتي انا خبري فيك يوم كنتي بالمتوسط
دينا بأحراج: ايه كل الناس تكبر مو بس انا دقيقه احسني مصدومه
جواهر : ايه لما شفتك قلت شفتها بمكان سألت عليا قالت دينا بنت اخوي وتذكرتك
عمتي عليا: هاه كيف السكنه عند بيت اهلي يا دينا جازت لك
دينا: اكيد جازت لي ولا احد يحصل له يقوم على صوت جدي فهد وجدتي وسميه وما تجوز له الجلسه انا احس لو العالم تدري عن الراحه النفسيه اللي احس فيها بيجون يستأجرون غرف هنا
عمتي تذكار : ايه يحليلهم والديني الا تعالي اخوانك الصغار وينهم اول ادورهم بالحوش مع البزران مالقيتهم
دينا بكذب: يس اخواني عند ماماا ما جو مع اني قلت لها هاتيهم وانتي جهزي لعرسك براحتك بس قالت لا اعرف نظام نومك اول ايام المدرسه بيخرب خليك لين تتعودين وبعدها ارسلتهم
دقايق ودخلت علينا وحده كأنها مضيعه استاد الملك فهد مدري وش اسمه المهم لبسها اوفررر فستان سهره ازرق واي شدو ازرق وكحل ازرق وكعب ازرق شكلها تشجع الهلال ونظراتها صارخه مدري حاده سلمت من بعيد بإشاره وجلست وحطت رجل على رجل وقالت لبنت عمي بنت جواهر : ياكتكوته صبي لي قهوه وتعالي ابوسك
استاذه جواهر: حور خليك الا يا منى منتي بغريبه انتي اللي تصبين القهوه للضيوف ما تنصب لك
منى الزرقاء: ياه بس وش فيها بغيت حور تجي جنبي من زمان عنها
استاذه جواهر: ايه سولفي مع الجميع مانحب المحادثات الجانبيه
منى الزرقاء بضحكهه مايعه : جواهر يقطع ابليس بنات المدرسه اثروا فيك وين يا جوجو نحنا مو بالكلاس
وبعدها طالعت فيني ثم قالت : واوو عليا لايكون ذي بنت اخوك الجديده
دينا: وش جديدته الله يهديك
منى الزرقاء: ايوه قصدي غريبه يعني مو بالعاده نشوفك
دينا: ايه اهم شي شفتيني
عمتي تذكار: شرايك فيها يا منو حلوه صح
منى بنظرات تقييم :حلوه ياه حلوه كون انها بنت اخوكم بتطلع روعه الحمدلله مو باين فيها العرق ذاك
بنت اللذينا العرق ذاك تقصد قبيله خوالي بس هيين
دينا: ويين صح بنت اخوهم بس مره احس مافيه شبه ابد هو يمكن الشعر وذا اللي قاهرني يعني صراحه ليت شعري مثل ماما او سمر خالتي اذ تعرفينهم شعورهم كثييره وسوداء يعني امنيتي صراحه
منى بمياعه: امم ايه اعرفهم بس شعرك حللوه ومناسب لك يعني لو عندي ولد زياده حجزتك له
دينا بذهول : ايش تحجزيني كرسي ولا طاوله
منى بضحكه تشرح : لا ياحلوه لا يعني انا اللحين عندي اربع اولاد وكل واحد حاطه من الان عيني على البنت اللي بيتزوجها وفازت حور بأحدا كتاكيتي بس راحت عليك لو زايرتنا من قبل شهرين ما كان فكرت بوحده ثانيه غيرك
دينا: تحجزين البنات لعيالك والله لو تحجزين لهم منصب وزراء بس نصيحه مني اذ حطيتي عينك على وحده لا تبينين لها يعني انا عندك مثال لو شفت وحده حاطه عينها علي ما بقبل ولدها لاني اعرف اني اختيار امه مو اختياره هو
دلال: يا شينك يا دينا ياوجه استح كيف تسولفين بالعلوم ذي شوفي بنات عمك رووسهم بتطيح من الحيا وانتي ولا هامك
دينا: بليز لاتصيرون معقدين يعني سوالف عاديه لو تسولفين مع مالك وقال لك بتزوج وبتزوج ماقلتي استح بس البنات لا مايصير يرفعون راسهم اذ جاء طاري زواج وبعدين انا ما استحي ربي خلقني كذا تبيني اتصنع الحيا بيصير شكلي سخيف
عمتي تذكار: فهاذي صادقه مانسينا يوم دخلتي على عيال عمك
دينا: اكيد صادقه اجل بكذب عشان كذا لاحد يدقق على تصرفاتي لانكم بتتعبون

وسكتت لما جاني رساله من سمر اعطيتها اخر الاحداث وقفلت شفت الجو بارد يارب ليش هم كذا
دينا: يالله وش فيكم كأنكم مغصوبين وحتى لو مغصوبين شغلوا اغاني شي سولفوا مو تتأملون بعض
منى : صحات عليك يالله عليا شغلي شي نرقص عليه
وقامت عمتي عليا شغلت شيله وقاموا يرقصون عليها وبعدها شيله عن قبيلتنا ورقصوا عليها ويوم جلسوا
عليا: وين اللي مدوختنا بترقص قومي ورينا رقصك
دينا: ارقص على شيلات بني عبس منجدك شغلي شي اغنيه طق او حاجه ينرقص عليها
عمتي عليا وهي تمد الجوال : شغلي اللي تبينه وريني
شغلت اغنيه وقمت ارقص واتصور عليها للبنات وبنات عمي استانسوا وجلسوا يرقصون وبعد ما جلست
عمتي دلال: اقول دينا تتصورين لمن وشهقت بعدها قالت :قولي بعد انزل بالتيك توك
دينا: مع انه شيء شخصي بس بجاوبك فكره التيك توك مش بطاله بس جالسه انزل سناب اوري الناس قد ايش مبسوطه بلمتكم
وقمت على صوت جدتي تنادي تقول جدك يبيك رحت لجدي قال سلمي على عمانك ورحت سلمت ولقيت مالك الحيوان من اليوم ادوره لازم اقول لجدي يجيب غرفته من الملحق جوا البيت جلست اجامل عماني ماتقبلتهم يمكن من نظراتهم لانهم ناقدين علي بسبب البنطلون
عمي ابو طلال زوج منى: وابد اذ احتجتي شي رقمي في جوال ابوي سجليه عندك اتصال بس واللي تبينه يجيك
عمي ابو يوسف زوج جواهر : لاتستحين عمانك زي ابوك وعيالنا اخوانك واللي يضايقك علميني عليه
شكرتهم ومشيت من عندهم رحت بغرفه لوحدي وجلست اتذكر ليش مسويين طيبين ويتصنعون يحسبوني نسيت لما كان بابا بالجنوب وكان مالك اول سنه بالمتوسط وما يسوق كنا نحتاج اغراض من السوق ماما كانت حامل باخواني حالتنا يرثى لها محد اتصل وسأل وش تبون ناقصكم شي جدي ما علموه خايفين عليه لو عرف ان بابا راح بس هم محد قال كيفكم تبون فلوس خالي راشد ما كان بالرياض كلها واغراضنا الجيران يجيبونها ولا زوج خاله سعاد والفلوس تاخذ ماما من عند امها وخواتها حتى بابا كان متضايق من الدعوى اللي رفعتها ماما وما صار يرسل لنا شي وش دخلنا نحنا عياله جلسنا شهرين محد دق بابانا وسألنا اذ بغينا شي غير خوالي
ونحنا ولا كأنا عيال اخوهم واللحين يوم صرت اقدر ادبر نفسي صاروا يعرضون خدماتهم
جاء ببالي بيت الشعر اللي يقول:



‏"من لم يزُرنا والديارُ مُخيفةٌ ‏لا مرحبًا بهِ والديارُ أمانُ"








رندا

ليش التنويم وش دخل امي طيبه بس بيسوون لها تحاليل ونرجع ليش ذا يقول بتجلس بالتنويم يارب انها تكون شكليات يارب انا مابي افكر بشي سييء مابي اوسوس وان جلست على هالحاله بتجنن جلست ادور جوالي بكلم البنات او اشغل نفسي بأي شي بس مالقيته يارب لايكون انسرق انا وين كنت حاطته تذكري يا انا يوووه اصلا ما جبته انشغلت بالبيت ونسيته هي استلمي يا اخت رندا اجلسي سامري هواجيسك لين الصبح شفت ساعه يدي لقيت الساعه وحده واضح طولت وانا افكر قمت عدلت حجابي ودخلت الغرفه على امي لقيتها نايمه والله ياهم كرفوها مرت كل الاقسام وما خلت اشاعه ولا تحليل ماسوته لالا مابي افكر بشيء مو حلو بروح اقرا على امي والصباح بدبر جوال اتصل فيه على البنات لانهم بيقلقون اذ عرفوا اني ما داومت




ملاك

الهبله ذي ليه ما ترد بتطمن على امها بس شكلها مشغوله او نامت نزلت تحت المطبخ بدور شي اكله شفت ضوء المطبخ شغال يعني فيه احد صاحي يارب لايكون ابوي والله ليهزأني مايحبني اسهر
بس دقيقه ابوي وبالمطبخ ماتصير ذي قلت يمكن سكون ؟؟ بس السكون تحب الظلام ليش تشغل النور وامي توها ناايمه وقيس اكيد يهيت مو بالعاده يجي قبل الفجر سميت بالله ودخلت لقيت المطبخ فاضي بس المايكرويف شغال رحت لقيت فيه فطاير جوته وكوب عصير على الطاوله اها فهمت ذي سكنيه جوعانه وشغلت النور عشان تدل طريق العيشه بس الحيوانه تاكل من حلالنا طلعت صحن الفطاير وجلست عالطاوله اكل الله يكثر من هالسكون بالبيت يارب الاقي سكنيه اللحين جالسه تكوي مريولي حسيت بظربه خفيفه على راسي غمضت عيوني ياويلي السكنيه درت اني اكلت عيشتها وبتنتقم ابقرا اي ايه بتشهد نسيت يارب فكري يا ملاك ايه او حديث يطرد السكن يارب وش فيني ضيعت القران جلست اقرا كفاره المجلس لانها الوحيده اللي متذكرتها فتحت عيني بشويش لقيت قيس بسروال وفنيله يطالع فيني وعاقد حواجبه
ملاك: قيس هذا انت
قيس: لا خياله بنت وش فيك انتي وجهك انخطف لونه هاتي اشوف يدك ليه ترجف
ملاك: السكنيه جت تنتقم انا اللي بديت اكلت اكلها لا هي اللي بدت واكلت من حلال ابوي
قيس: من ساره ولا شهد
ملاك: لا ولا وحده تكفى قيس روح شوف باب المستودع شوفه مفتوح شوف فيه احد
قيس بنظرات: من بيكون فيه يعني تو جيت من جوه مالقيت شي اقول لا تصرفين الموضوع قومي دبري لي اكل بدل ذا اللي زطيتيه ذا وانتي خايفه من السكنيه
ملاك براحه: يعني انت اللي مسويه قول كذا من اول وانا طاير عقلي تسلم يدينك
قيس وهو يسحب الصحن وياكل اخر حبه: رحت المستودع ادور سكر مالقيت ولا بالدواليب مدري وين اختفى الا تعالي ما وراك بكره مدرسه ورا ما رقدتي
ملاك: كنت برقد بس انتظر رنود ترد علي امها كانت تعبانه وادق عليها اتطمن ماترد
قيس: الله يشفيها يمكن انشغلت لا تحاتين وقومي نامي
ملاك: طيب بس توني ما شبعت
قيس : وذيك صديقتك الثانيه لا تقولين تحاتينها بعد
ملاك : اي صديقه
قيس وهو يحرك الملعقه بالصحن الفاضي : اللي تقولين راحت عند ابوها نسيت هي شسمها
مالت مالت ذا وانا اقول قيس مهتم بها طلع حتى اسمها ناسيه والله اني غبيه ولا ذا لوح الثلج يهتم بأحد
ملاك: عادي استانست بتطيع زمانها وتتأقلم اقول يالله اشوفك في وقت ثاني والله اني جوعانه بس مالي حيل اسوي شي يازينها السكنيه اللي جهزت لي حاجه على السريع يالله تصبح على خير





قيس

شوف الدايخه اكلت اكلي ولا تشكر بالسكنيه ماكلفت على نفسها تقول يعطيك العافيه بس للأسف حسب مخططاتي الجديده مقدر ازعلها واقول لها شي لاني بحتاجها بكذا خدمه والانسب لها بتكون ملاك لان مخها قفل واستيعابها شوي بطييء مابتفهم علي
يوووه نسيت ابشرها اني انقبلت بالوظيفه من ثالث يوم ردوا علي وقالوا تعال الحمدلله يارب وراتبها زين
من حسن حظي ان ابوي انسان اجتماعي والناس تعرفه انا عارف انهم قبلوني مو عشان معي شهادتي وتقديري حلو لا عشان اسم ابوي الواسطه هالأيام صارت اهم من مية شهاده
جاء ببالي اليوم على العشاء تقول الخبله ملاك بتروح تزور دينا بمكانها الجديد غريبه والله مو كانت تكره عمانها وما خلت اخوانها يجلسون اسبوع بس وش الطاري اللي خلاها تتنازل وتسكن عندهم ولا في بيت جدها مو بيت ابوها
لحظه انا وش دخلني ان شاء الله تهاجر للمريخ الله من الحشريه على قوله شهد اختي
قمت بسخن لي شي ينوكل وبرجع ارقد بكره بباشر اول يوم عمل لي يارب توفيقك


دينا

لبست وخلصت اخذت الجوال بشيك عليه قبل لا امشي لقيت رساله من اكاونت ماعرفه يمدح جمالي يالله انك تاخذه هالاذيه ابلشني بلوك في وجهه احسن شي يستاهله
ونزلت من فوق وانا احس بطيح على وجهي من النعاس يارب من هالحاله لاقدر انام وراسي والصداع الف وبطلع ادور مالك لي يومين ما جلست معه طلعت الحوش لقيت جدتي راجعه من برا رحت لها
دينا: ياصباح الخير فقدتك والله يوم مالقيتك جالسه بمكانك تدرين
جدتي: ماخذت وقت هي سويعه وديت الشاهي للعود وعياله ورجعت الخدامات مامنهم فايده
دينا: اي والله انك صادقه الا اقول جدي من عنده
جدتي: ابوك واخوك وعمك مشعل
طلعت رحت لمجلس جدي بسلم على بابا ومالك واشوف هالعم مشعل لي فتره عنه اكبر مني بأربع سنين بس اذكر قديم كنت القاه عند نياق ابوي بس من جيت ما شفته دقيت الباب اللي هو مفتوح وقلت درب درب ياولد ودخلت مالقيت احد غريب شلت الغطاء
دينا: يالله تصبح كل الاجواد بالخير
بابا: هلا هلا بالأميره اقلطي افطري
جدي:تعالي امشي اكلي لك كم لقيمه على بال ما السواق يحمي السياره
دينا: لا والله تو افطرت مع جدتي بس جيت بكلم مالك مالك تعال شوي
مشعل وعينه على جواله : لا خليه جالسين نتناقش بشيء بالجوال
دينا: تناقشوا بعدين مالك امش
جدي : خلي الولد بيفطر ثم يجيك افطر يا ابوي افطر
مالك لاحظ نظراتي : هاه لا فطور اصلا شبعت جايك دقيقه بس اغسل يدي
طلعت برا انتظره الجو يجنن بارد بس مو البروده اللي مره جاني مالك ومسكته تحقيق واسئله واذ احد ضايقه ولا لا ووصيته على دروسه وانه يروح شوي يزور ماما وحسيته جالس يسلك لي
ودعته ورحت ركبت السياره وقلت للسواق يوقف عند مكاني المفضل يجيب لي كراسون اكله لاني كذبت ما افطرت مع جدتي ولا شي وجالسه اقاوم النعاس يارب كيف ببدا يوم دراسي بالحاله ذي




سمر

احسني بنفجر عريس الغفله اللي خاطب ثريا يقول مايقدر على المهر وبس بيدفع عشرين الف وثريا وافقت ابي اعرف انا ذي وش فيها وش راكب راسها الله يرحم ايام ماجد مارضت الا ب٨٠ الف ريال ينق ريال
سمر: اسمعي انتي كل همك تعرسين وتقهرين الاعداء خليها علي بنشر عند بيت عمي انك ما عندك مشكله تتزوجين وتعرفين عاد عمتي وبناتها كيف بينشرون الخير خلنا نستفيد منهم ونشغلهم عن حياتي انا وولدهم ويجيك اللي احسن من ذا نصيحه لاترخصين نفسك من البدايه
ثريا: متى كنتي ماديه وبعدين حنا نشتري الرجال والفلوس الله رازقنا والخير كثير
سمر: ادري بس تخيلي انتشر الخبر انك تزوجتي بعشرين بس وربي بدل ماتقهرينهم تضحكينهم
ثريا: رجاء انا بنتي ما تدخلت فيي لا تتدخلين انتي
وقامت من عندي مسويه زعلانه مالت الا مالت بنتك امس جايه تزورك ولا كلفتي على نفسك تجلسين معها واللحين بنتي وبنتي اخذت الجوال وقلت لسعاد تجي شوي هي والبنات عشان اذ دينا جات يجلسون معها لانها طفشت من مقابل وجهيي وامها ماهي بداريه عنها بعد ما ارسلت لسعاد وما اعطيتها فرصه ترفض رحت اطلب من عند وحده ورق عنب واشياء للسهره بغيت اغير جو البنات اعرف شعور اول اسبوع بالمدرسه وتغير الروتين الكئيب





ملاك

تعرفون عجائب الدنيا السبع ؟؟ هاذي ثامنها رنود غايبه يخي من يصدق لوهله رحت اتأكد اذ نقلوا فصلها ولا لا ولارنود تغيب يخي ذي لو انها بالقبر بتداوم احس فيه لبس بالموضوع معقوله غلطانه بالمدرسه بس لا ذي دينا جنبي وذي استاذه هبه ماخلت معادله الا شرحتها يعني المدرسه الصح اجل وينها !؟؟ ماصدقت تطلع من عندنا عشان الف على دينا اكلمها
ملاك: تصير والله ماتصير يخي البنت ماتقفل شنطتها زين عشان لاتنكتم كتبها اتخيل حارس المدرسه يغيب وهي لا تتوقعين فيه شي كايد حتى شوفي الاداريه مستغربه ما تنلام من يومها بالمتوسط وهي تحضر حتى الاسبوع الميت
دينا:اص تكفين راسي مصدع وقلقانه عليها والله اذ بربرتي على راسي كذا ما بتوصلين لحل نرجع عالبيت ونتصل عليها ونتطمن وان شاء الله ان راحت عليها نومه لاتكبرينها بليز
ملاك: بحاول الا ما قلت لك قيس اخوي توظف
دينا: اما وش الطاري
ملاك: مدري تو انتبهه على نفسه اليوم شفته كاشخ بيوصلني قلت لايكون تحسبه عيد قال لا اول يوم دوام كفو يا اخوي ما يمديه يقدم الا متصلين عليه قبل لا يرجع يقولون تم قبولك
دينا: تم قبولك اجل المهم الله يوفقه تعالي مافيش اخبار عن رحمه وساميوه انتقمتي لنا منهم
ملاك: اصبري علي والله لاندمهم حتى جنان مزعلينها واللي يشوفها يقول ميت لها ميت بس قلت لها معليك اضفت اسمك بقائمه انتقامي وقالت لا خايفه خكريه ماعليها شرهه بس قلت انتي ما بتسوين شي الشغل كله علي واستانست الخبله ما تدري اني حطيت اسمها اخر وحده
دينا: ليه كم حاطه اسم انتي
ملاك: اوهووه رحمه وساميه بنتقم منهم عشان كلامهم عنك انتي والغايبه واخوي سالم بنتقم منه لانه يشيش ابوي علي عشان يخليني اوافق على المعاريس اللي يجيبهم وزفت بدريه عشانها تزن على ابوها يزن على ابوي يزن على قيس يخطبونها الها
دينا: وش زنزنزن تكلمي زين بتخطبون لاخوك
ملاك: ماتخسى الا تخسى هي تبيه بس قيس اصلا ما يداني بيت عمي وانا وعدته ازوجه على مزاجي
دينا: صح تو امس اكلم زوجه عمي بالقصه كيف واحد يتزوج وحده ويعيش معها وهو ما يعرف عنها شي الا انها اختيار امه ليش ما يكون عنده رايي ويقول ابي وحده كذا وكذا
جاء ببالي اكذب هاذي الكذبه ليش مدري بس بجس النبض بشوف الاوهام اللي افكر فيها صح ولا لا
ملاك: ومن قال انه بيعتمد على اختياري بيني وبينك قيس احسه معجب بوحده بس ما يصرح لا لنا ولا لها يحب يمشي بخط مستقيم
دينا: ايه زي خالي راشد احس بباله وحده معينه وكأني عرفتها وعازف عن الزواج لين توافق
ملاك بحماس: دينا الصدق بسألك عشان اتطمن على مستقبل اخوي لو خطبك قيس وانا ماكنت صديقتك ولا تعرفيني بتوافقين عليه لشخصه وشكله ولا الا
دينا: امم مدري يعني شكله تراه ماعليه مملوح اما شخصيته ذي بفترت الخطبه بكتشفها وبسأل عنه اخوي وابوي لانهم يعرفون يقيمون معادن الناس وبعدها مافي زواج لين بعد سنه لان انا بنفسي ابي اقيمه
ملاك بغيض: قال ايش ماعليه مملوح والله انه احلى اخواني العيون عسليه والطول رزه والجسم ما احسن منه وعمره كتب قصيده والبنات يتمنون بس نظره منه
دينا: اييه صح عليك اسكتي بالله راسي مصدع وصوتك زاد صداعه شوفي منار هناك قاعده تسولف روحي حارشيها وفكيني منك

مالت بس عليك وعليه جالسه اخطط عليك انتي ولا رنود عشان اذ جاء ابوي يجبر قيس على بنت عمي يحجر له ويقول انا فيه بنت ابغاها بس شكلها ما تدري عن هواء داره الله يعين انا شوهت سمعه اخواني عندهم ما الومهم لو رفضوه


رندا

رندا:لاا كذابب تكذب جلست اصيح عليه ياكذاب استح على وجهك والله لاشتكيكم امحق مستشفى وش سرطان وش ورم جعله فيك اذ كنت تتفاول على امي يا حقير جيبوا دكتور ثاني اللحين ابي دكتور له خبره وخله بس يقول انك كذاب بتودع شغلك هاللي فرحان فيه سامع بطيرك والله لاستقعد لك والله لاوريك نجوم الظهر مريض نفسي
وانهرت على الارض ابكي مجرد خيال بس ان امي جد تكون تعبانه بهاذا المرض اللي الناس تخاف انها تنطق اسمه بس مدري وش اللي يصير حولي اشوف ناس تسحبني وناس تجيبني وين ابوي يجي يوقف معي زوجته ذي زوجته حسبي الله عليه ليته فيه ولا فيها ليته فيه ولا فيها

رد: متقلبين الود

(١١)

دينا

عشرين شي وشي ببالي جدي يقول ارجعي قبل الليل من عند امك ورنود وش فيها يا ناس كسرنا جوالها اتصالاتت ورسايل ولا حتى دخلت الواتس من وقت طويل ولا داومت ومختفيه كيف نوصل لها اللحين حتى رقم خاله فاطمه محد يرد عليه رجعت اكلم ملاك
دينا: ملاك الله يخليك قولي لقيس يوديك بسرعه لبيتهم تطمني وتعالي طمنيني
ملاك: دينا قيس جاء وخمد ما بيقوم الا عصر مصدق نفسه اول يوم دوام
دينا: طيب اللوكيشن متذكرته انا انسى كل شي
ملاك: هدي هدي ساعه ويأذن العصر واخلي قيس غصباً عنه يوديني ولو تبين تروحين ما عندنا مانع
قفلت من عندها وسمعت صرخه سمر نزلت للحوش بسرعه لقيت خاله سعاد ومها وندى تو وصلوا تقابلنا عند الباب
دينا : سمعتووا
مها: اي سمعنا كان الصوت ورا البيت
وطرنا نركض كلنا حتى ندى الخبله معها ترمس القهوه ما خلته يوم وصلنا لقيناها جالسه عند الزرع ومعها بسه صغييره ومستانسه على الأخر
خالتي سعاد : خير ليش تصيحين
سمر بحنان: شفتوو يهبلل
مها : على بالي صاير لك حادث
ندى : ولا دخل فيك سكني
دينا : لاتقربينه منك كذا ممكن فيه جراثيم
سمر : تلايطي ذا الكيوت فيه جراثيم ماتصير بنات باخذه واربيه اذ امكن
ندى : حرام توه صغير بيموت
سمر : عادي برضعه
دينا: يالوصخه وشلون ترضعينه
سمر : على تراب قصدي بعطيه رضاعه
دينا : اييه قولي كذا من الاول
سمر: وش دراني ان فيه عالم عبيطه مثلك
دينا: اللحين كل هالصراخ عشان بسه اتركوها وتعالوا الشمس صرعتني
خالتي سعاد : الله يخلف عليكم انا بدخل عند ثريا وامي هم واعيين
دينا : ايه جالسين عندهم اسرار ما خلوني اجلس معهم بس انتي معك القرين كارد بيدخلونك على طول
خالتي سعاد : اجل تبينهم يجلسون مع البزران يلا انا بدخل عن الشمس
ندى : خير بنات وش فيكم عليها خلها تاخذه وتربيه وانا بعد بروح ادور لي واحد ونربيهم معنا ونعيش مع بعض كأسره
سمر : بايخه
دينا : ليه هي قالت نكته عشان تصير بايخه
مها : ليه بس النكت اللي تصير بايخه
دينا : ايه بس النكت
مها : شوفوا جدتي تأشر من بعيد اكيد حطوا القهوه سمر راشد فيه
سمر : ايه
مها: اكيد زط الحلا اللي جبناه تعالوا لايخلصه عليكم المشفوح
ورحنا تقهوينا مع الظهر عادي الوضع ايزي بس احسني ماني قادره اجلس براحتي الله يهديك يا قيس حبكت تداوم اليوم





ملاك

ملاك :شهد متأكده انها رندا ياويلك لو تكذبين
شهد : والله العظيم عرفتها من صوتها اصلا انا كنت ماره القسم بكلم وحده يوم شفتها وعرفتها رحت بنفسي اعطيتها ابره مهديه واستأذنت من ممرضتها اجلس انا عندها يوم رحت سألت عن سبب الانهيار قالوا الدكتور قال لها امك معها سرطان الله يشفيها ويعافيها

مسكينه رنود ما تستاهل بس انا وش فيني كذا بقوم بتحرك بكلم دينا بنادي قيس يجي يودينا لها بس احس متجمده شهد جالسه تواسيني انا وش دخلني رنود اللي تحتاج مواساه تحتاج احد جنبها بس ما اذ ماكنا انا ودينا جنبها مالها احد غيرنا قمت بسرعه مابي اكلم دينا بالجوال بعلمها وجه لوجه لبست عبايتي واخذ جوالي ورحت دخلت على قيس بدون ما ادق الباب
قيس: خير لو اني ابدل ولا نايم تدخلين دخله مثل كذا صاحيه انتي
ملاك وهي تبكي : تكفى يا قيس تكفى ودني لدينا لازم نروح لها بسرعه استعجل
قيس: وشفيها دينا تكلمي اهل ابوها سوو لها شي
ملاك بشهقه بكاء : لادينا بخير بس رنود امها مريضه وهي انهارت والمستشفى ماعندها احد ودينا بعلمها ما تدري
قيس : خلاص هدي دقيقه اشربي مويه وانا بروح ابدل واوديك اهدي انتي





قيس

كسرت خاطري ملاك انا دم ضروسي اشوف احد يبكي وملاك مو كل شي يبكيها طول الطريق اهديها وانا مو فاهم السالفه وقفت عند بيت خوال دينا صاحبتها كانت تنتظر عند الباب ركبت السياره وواضح انها مو فاهمه شي هي الثانيه
دينا : ملاك ليش تبكين علميني الف شي وشي جاء ببالي .. ملاك ردي .... رندا فيها شي ملاك قسم لازعل عليك لاتوتريني
ملاك وهي تبكي: لا رندا طيبه بس ماقدر اقولها والله قيس كلم شهد تعلمها
دينا: قيس انت اجودي تكفى علمني لها ساعه تبكي واحس الموضوع كايد والله اني خايفه عادي علمني اوعدك قد ماهو الموضوع يزعل ما راح ازعل بس ابعرفه انا
قيس: هدي انتي بعد والله مافيه شي اللي فهمته ام صديقتكم تعبانه وهي معها واللحين بوديكم لها تشوفونها
ملاك وهي مغطيه وجهها بيدها : سرطان معها سرطان ام رندا تعبانه وهي لوحدها ماعندها احد بالمستشفى
طالعت بدينا من المرايه اللي قدام شفتها تشيل نقاباها وتحاول تتهوى رفعت القزازه اللي عندي لاحد يشوفها وش تسوي الخبله ذي بس شفاتها كانت زرقاء واحسها مختنقه وقفت على جنب مع اني مخالف كذا لو احد شافني
قيس: ملاك وش فيها البنت
ملاك وهي ترفع راسها : تعبانه عشان حاله امها
قيس : البنت اللي جنبك بسرعه شوفي لها حل
ملاك انتبهت وجلست تدور بشنطتها شي اهه فهمت بخاخ الربو بس ملاك ارتبكت والبنت بتروح فيها يوم مرت دقيقتين وملاك ما سوت شي نزلت وفتحت الباب واخذت البخاخ اللي مع ملاك وبخيت لها وكانها اشوى ارتحت يوم شهقت اخذت علبه مويه وبللت يدي ومسحت وجهها ماني ناقص والله ملاك بتنجلط لو شافت صاحباتها تعبانات حسيتها صحصحت وبعدت يدي عنها وغطت وجهها يوم استوعبت
ورحت قدام عشان تاخذ راحتها واعطيتها علبه المويه حقتي
قيس :اشرببي وارتاحي خمس عشر دقايق ونكمل طريقنا
دينا بصوت تعبان : ذي شربت انت منها
قيس بأستغراب : ايه حقتي
دينا : والله لو ماني عطشانه ما اخذها ملاك عطيني كلينكس
وجلست تمسح العلبه وبعدها شربت الحمدلله والشكر حسستني كلب يوم تمسحها من كل الجهات فتحت القزاز وحركت للمستشفى واشوفها الحمدلله اكثر تماسك من ملاك لانها تهدي ملاك وتضمها وتقول لها ماتعودنا نشوفك ضعيفه
صادقه ملاك اختي واعرفها مو كل شي يبكيها بس عذرها معها تقول شايله هم صديقتها اللي من الصباح محد عندها والله يلوم اللي يلومها




دينا

ساعتين ورنود ما وقفت بكاء مالومها والله ما الومها انا بس لو اجيب رقم ابوها واكلمه يمكن تحس بالأمان مدري ليش طرت الفكره على بالي بس منوين حالتها ماتخلي الواحد يفكر يسألها عن شي مره تبكي ومره تضحك نفسي ابكي بس خلاص ملاك منهاره معها وانا ابي اكون الطرف الاقوى محتاجين احد قوي يااارب ساعدني طلعت ناديت الممرضه تعطيها ابره البنت بتنهبل اذ استتمرت على حالتها والحمدلله وافقت وقالت ان الدكتور كذا قال لها اصلا لما نامت رنود وهي تشهق وتبكي قلت لملاك بروح اشوف خاله فاطمه تجين معي بس هي رفضت بتجلس تقرا على رنود طلعت واحسني ضايعه مدري وين اروح سألت الريسبشن عن خاله فاطمه ودلوني على مكانها بس يقولون الزياره ممنوعه اما الممرضه اللي كانت عندها تقول شهد موصيتني تطمني عليها بس دقيقتين واطلعي
دخلت ماقدرت اتحمل وش ذا ليش الاجهزه ذي كلها عليها قبل يومين كانت طيبه طلعت بسرعه دموعي بتخوني بس انا واعده نفسي ما ابكي حاولت اتماسك واجر رجولي جر حيلي منحد بس خلاص ابي اكون انا القويه تعودنا دايم ملاك هي اللي تكون متماسكه وقت المصايب بس هالمره بكون انا سألت اذ خاله فاطمه كان معها جوال بس قالوا لا رحت طلعت برا بحاول اشم هواء وارجع للبنات اذ انا وانا ما اعرف خاله فاطمه زين حسيت روحي بتطلع لما شفت حالتها اللحين شايله هم رنود اذ فكرت تشوفها سمعت جوالي يرن طلعته لقيته جدي يعني مسوي فيها مهتم طول عمري طالعه داخله ولا احد درا عني رديت عليه وتحايلته وفهمته القصه اشوى استوعب
اصلا شكلي شوي ما برجع محتاجه اروح ابكي عند سمر هي اللي بتفهم علي وانا جالسه عند حديقه المستشفى شفت بنت تبكي وواحد يسندها ويقول ان لله وان اليه راجعون بتكون شفيعه لك يوم القيامه

مدري ليش ماقدرت اتحمل بكيت ذي فقدت بنتها وفيه وحده خايفه تفقد امها وش حال الدنيا ذي ياربي اللهم لا اعتراض جلست فتره كل مامسحت دموعي عشان ارجع للبنات نزلت دموع جديده حسيت فواحد يجلس جنبي
قلت الكراسي يوم جاء جنبي الله لا يوفقهم اكيد من العيال الطاييشين اللي مايوفرون البنات لا بالاسواق ولا بالمستشفيات جيت بشيل شنطتي واقوم بس اللي وقفني لما ناداني بأسمي


سمر

ثريا: رجاءً لا تتدخلين حياتي وانا اللي بمشيها بمزاجي حتى لو تدخلتي محد بسامع رأيك
سمر: ثريا امانه واضح عبد فلس وبخيل اجل بتسوين الزواج في بيتك متى صارت ذي اسألك بالله عمرك شفتي زواج ببيت العروسه ماتصيرر والله لتضحكين العالم اللي تفكرين تقهرينهم بتصيرين ملطشه تكفين ثريا تكفين مو تدخل بس خوف لمصلحتك يعني
ثريا :مصلحتي لنفسي وانا اكبر منك وادرى فيها منك انتي متى تدخلين شهرك
سمر :ايه صرفي الموضوع اليوم قايله لك اني كملت اسبوع بالثامن
ثريا: يارب ماتولدين قبل عرسي مابي شي يشغلني

قمت من عندها عرسي وعرسي اللي يشوفها بيقول متزوجه وليد بن طلال طلعت غرفتي واحسني متسلقه جبل من التعب لقيت مها وندى متسدحات على سريري
سمر: بعدوا بسرعه حيلي منهد
مها: العبيطه دينا وينها فيه سمر اخاف عماتها يسرقونها منا
سمر: ماعبيط الا انتي صديقتها بالمستشفى وهي معها
ندى وهي تترك الجوال وتنتبه معي: صديقتها مين
سمر : لو قلت اسمها بتعرفينها انتي ووجهك
ندى: سمر زفت ايه اعرفها مين
سمر: رندا تقول اذكرها البنت حليله بس لو ما هالكرشه كان رحت معها بس احس اذ ركبت السياره بتعب غير طبيعي عشان كذا ابو العيال ماصدق على الله
مها: حرام رندا ما تستاهل الا كل خير بس ان شاء الله شي بسيط ماقالت لك وش فيها
سمر : لا ماقالت انتم وش مقابليني له ماعندكم دروس شي تنشغلون به عني
ندى: يارب انا احاول انسى لاذكريني اكررها المدرسه و اللي اخترع المدرسه وفكر يدرس حتى امي عتبانه عليها لانها ما وافقت افصل لي سنه ارتاح فيها
مها: تراب الموال ذا لا اسمعه
سمر بدهشه: تفصلين سنه والله ثم والله لو وافقت سعاد وفكرتي تفصلين لاشوف شغلي معك ما اخليك تكملين دراستك لا انهي حياتك مره وحده عمى فوق مانها داخله ادبي حتى شرح ماتحتاجين بس امسكي كتابك واحفظي
ندى: والله الادبي اصعب شي خلاص ليه اكمل تعلمت اقرا واكتب واجمع واطرح اعتقوني ياخي تدرين شكلي بتزوج وبوافق على اول عريس يجيني واقول له مابي اكمل دراستي ويصير شوري بيده ومالحد دخل فيني
سمر : مالت عليك الا مالت عليك يالخبله انتي براسك عقل ولا ايش قال ايش بتزوج
البنات اللحين نادر وحده تتزوج وهي ماكملت دراستها نادر اصلاً اغلب البنات حاطه دراستها قدام عينها هدفها الوحيد والزواج شايلينه من قاموس طموحهم مو اغلب الا الكل عندك مها اختك عندك دينا عندك اي بنت تعرفينها وانتي ايش همك الزواج
ندى وهي تحط كريم بكل برود : طيب ذي طموحهم وانا طموحي غير لازم يعني اصير مثل البنات انا ابي افصل واتزوج وابدا حياتي بكل راحه وسهوله
مها : يالخبله اصلا اكبر شايب اللحين ما بيتزوج الا وحده مثقفه وطموحه وكل الناس كذا والمشكله اللي يشوفك يقول غبيه لا انتي لو تهتمين شوي بس شوي لتبدعين بس مشكلتك مهمله وبتعضين اصابع الندم بعد كم سنه
سمر: يا ندى نصيحه شوفي مها اخذت نسبه اللي تبيها ودخلت القسم اللي تبيه ودينا على كل الظروف اللي تمر فيها وتراها مي ببعيده عنك تكره الدراسه بس تضغط على نفسها انا محدثتك تخرجت من قسم تاريخ ماجبت نسبه مره حلوه ودخلت ذا القسم وكأني ما دخلته ابد مو مطلوب ولا احد يبيه بس اسمها ان معي شهاده بكالريوس بتبقين ناقصه حتى كبار السن اللي تركوا دراستهم رجعوا كملوها انا سويت اللي علي ووعيتك توك ثاني ثانوي الحقي نسبتك التراكمي اذ نقص صعبه يرتفع
مها: خليك وصلنا لها الكلام وهي بكيفها بتسمع ولا لا تعالي ظفري شعري خمس خصل ابيها متساويه





قيس
قلقت على ملاك الساعه تسعه وانا من عصر منزلهم واتصل ماترد شكلها مشغوله قلت بروح شوفها اذ بترجع ولا بترافق معها محتاجه شي ولا لا بس وانا مار لفت انتباهي ريحه عطر اعرفها ولما رفعت عيني لقيت دينا تبكي صح مغطيه وجهها بيدها بس عرفتها رحت لها بشوف وش فيها انا ماحب الدموع يا ناس لقيتها تمسح عينها بمنديل يوم جلست جات بتقوم بس مسكت يدها عشان امنعها
قيس :دينا دقيقه
دينا وهي تسحب يدها بسرعه : هاه ... مين قيس .. اشوى كنت احسبك سربوت دقيقه تبي انادي لك ملاك
قيس: لا اجلسي بكلمك انا
دينا وواضح مستغربه: تكلمني ايش تبي
قيس : بقولك كلمتين اللي هي ان اقدار الله مامنها مفر والاعمار والامراض كلها بيد الله يحق لنا نحزن ونبكي بس ماتوصل ان نصير نعترض على قدر ربي وياما مرضى قاموا طيبين وناس حياتهم معوجه وتعدلت اليوم حاولت افهم ملاك عالكلام بس كانت تحت تأثير الصدمه وما سمعتني
دينا: صح كلامك وملاك مره متأثره ومن ما يتأثر انت تعرف يعني ايش سرطان وتعرف ان رنود ماعندها بالدنيا ذي كلها الا امها حالتها تحزن انا من اليوم احاول امسك دموعي عندها عشان ما ازيد عليها الهم
قيس: مايصير تكتمين ترا بترجع عليك سلبيه ابكي لاتخلين بخاطرك شيء
دينا وهي تقوم وتاخذ شنطتها: صح كلامك صح يالله بروح امر عليهم تبي انادي ملاك لك
قيس: لا انا بجي مايحتاج تنزل هي بترافق معها

طلعت فوق وطول طريقي افكر ايش خلاني اسوي احمد الشقيري واتفلسف عليها تصرفاتي صايره غبيه لو درا احد عني والله لينقدني بس يشهد الله ان بخاطري كلام وجات الفرصه اني اقوله



دينا

انتهى وقت الزياره من ساعه قبل لا اطلع وصيت ملاك عليها مع ان ملاك تحتاج احد معها بس تقول انها تقدر يارب انها صادقه اخذت جوالي وقلت لجدي ان امي تبي احد يساعدها بأخواني وببات عندها واشوى سمح لي ما قال شي اخذت اوبر ورحت بيت خوالي واعطيته حقه ودخلت سمعت البنات بالحوش ورا البيت شكلهم يلعبون كوره ما مريت عليهم خاطري ضايق دخلت البيت ورحت غرفه جدتي بعبايتي ما طلعتها حتى جدتي هي الوحيده اللي احس صدق بحنان عندها حنان كبير لما تحط يدها على راسي اشوى لقيتها صاحيه
جدتي: ياهلا بتنشديني عن البنات برا وامك وخالاتك برا يتقهوون بعد ماهم بهنيا
دينا: لا انا جيت ادورك انتي يا ست الكل
جدتي: تعالي جنبي تعالي خويتك اللي مريضه كيفها بخير
دينا وانا كاتمه بكوتي : بخير ياجده بخير بس امها معها الخبيث امها مو بخير مو بخير
وانفجرت ابكي هنا الوقت والمكان المناسب جدتي تعرف لي
جدتي وهي تحط راسي على فخذها: بس يامي بس ان شاء الله انها طيبه الله قال كل مرض له علاج بكره بروح معك وازورها واتطمن علي بنيتها ماعندها احد يصرفها الضعيفه لازم ناقف معها بعطيك فلوس اعطيها اياه انتي عشان لا تستحي مني وامها المسشتفى والدكاتره بيعرفون علتها انتي امسي عندي الليله هاتي عباتك اشيلها ودقي على ابوك علميه

طلعت عبايتي واعطيتها اياه وقفلت جوالي عشان لاحد يتصل لاجدي ولا مالك ولاغيره ورحت انسدحت على طول على سرير جدتي يازين ريحته ريحه بخور جات جدتي جنبي وفكت شعري وجلست تسمح علاه وتحكي وش صار معها من مواقف لناس مرضوا وطابوا لين نمت لان انا اي احد يلعب بشعري يجيني نوم لا ارادي

رد: متقلبين الود

(١٢ )
[بعد شهر ]


دينا

قمت من النوم على صوت جوالي يرن يووه الساعه تسعه صباح تأخرت المفروض من بدري صاحيه عشان بروح اساعد البنات اليوم الزواج وبالبيت بيسوونه واكيد يحتاجون احد يساعدهم قمت توضيت وصليت وبدلت بجامتي بلبس سبورت عشان بنزل تحت ادور مالك قبل لامشي واخاف اقابل احد طلعت بهدوء الحمدلله الاغلب نايمين رحت للمطبخ بطلع مع الباب اللي فيه على الملحق وانا اتسحب بدون صوت لقيت مشعل يتسحب بيطلع الدرج جاني فضول وقلت بلحقه وطلع وبعدها جلس قد عشر دقايق عند باب غرفه جدي يوم حسيته زودها ناديته
دينا: بسس وش فيك يقول اثيوبي جاي تهريب
مشعل : قصري حسك يا مال الطرم تعالي تعالي
دينا: وين اجي بعدين مالك وينه خبري فيه بس لاصق فيك او انت لاصق فيه
مشعل : تراب تعرفينه صوتك لا تعلينه تعالي بقولك شي انتي سهرانه ولا مواصله
دينا: الحمدلله والشكر وش الفرق بس لا انا نايمه من بكير شوي ورانا عرس
مشعل: اييه والله انك شقرديه بتطلعين احلا وحده واشيك وحده
دينا بنظرات : مشيعل مو لله المدح ماجاوبتني وش تسوي
مشعل : انا كان ودي انزل انا ومالك اخوك السوق نشتري كتب واشياء للدراسه وابوي له يومين ساحب المفتاح فإذا قدرتي تدخلين وتجيبينه والله لك علي مشوار في المكان اللي تبينه
دينا: كتب للدراسه اجل وجدي ليش سحبه منكم
مشعل : بتحققين انتي ادخلي جيبيه عشان حتى لو قفطك ماهو قايل لك شي اما انا والله ليكسر العصا على جنوبي
دينا: نو نو تجاوبني ليش اخذه منكم واذ مره محتاجين اغراض الدريول عبد الهادي تحت روح قله يجيبها
مشعل: لاتحرجيني يعني لازم اقول انا واخوك بنروح نفطر مع العيال والسياره انسحبت لان مالك كله بسببه كان يسابق ابو جنيده خويي وابوي كان فيه مدري وش جابه لشارع تركي المهم انه قفطنا وسحبها اسبوع منا
دينا: خلاص بدخل اجيبه وانت خلك عند الباب ياويلك لو طلعت مالقيتك والله ارجعه الا صح هو ميداليته شلونها
مشعل بحماس: ابيض يا مال بياض الوجهه يالله كفو بنتاخي كفو

دخلت غرفه غرفه جدي وكانت المهمه الاصعب في التاريخ لان دخلنا على الشتاء ومافي مكيفات اصلا جدي كذا كذا ما يتعامل معها يحليله لقيته حاط المفاتيح جنبه اخذت المفتاح بخفه يد ماهره وطلعت وقفلت الباب وكل ذا ما اخذ مني دقيقه وبدون صوت بعد
مشعل: هاتيه بذمتي انك كفو توصين شي من السوق من مكان معين تبين فطور ابد لا تستحين
دينا : استحي منك كثر منها اسمعني ابي طلب منك بسيط مره مره
مشعل : امري تدللي
دينا: انا ما اعرفك ولا تعرفني واللي جاب لك المفتاح جني ازرق واذ فكرت تعلم علي والله لاقلب السالفه عليكم وبكيفكم تعرفون قد ايش اعرف ابهر سوالف انا
مشعل: في وجههي لو انقفطنا لاقول انا اللي اخذته يالله ماوصيك الله الله بالكشخه

المريض طلع فرحان كأني معطيته مفتاح مجلس الوزراء يوم رحت المطبخ اكمل مهمتي تذكرت اني نسيت اسأله عن مالك يووه والله اني غبيه درجه اولى جلست على الطاوله وقلت للعامله تسوي لي كرك مع اني بالعاده ما اكل من يدينهم بس تعودت من جيت هنا اتصلت سناب على البنات واول من ردت رنود
دينا: هاي اخبارك واخبار خالتو
رندا: الحمدلله على كل حال يقول الدكتور لا سائت حالتها ولا تحسنت نفس الشي من اسبوع
ملاك داخله عرض: دينا وش اسم البروتين حق الشعر اللي تاخذينه بوصي ساره تقول بتروح الصيدليه
دينا: برسله عليك اقول رنود مافكرتي تداومين تكفين رندا جالسه اقولك تكفين
رندا: مو منجدكم بنات امي بالمستشفى واداوم
ملاك: خلنا واقعيين رندا امك ما تقدرين تقدمين لها شي بالعكس هي تبيك تداومين ريحيها الله يريحك الاستاذات يسألون عنك وعادي كلها ست ساعات داومي وارجعي لامك لاتكبرينها
دينا: والله استاذه خيريه كانت بتحولك انتساب بس اشوى انك مبيضه السمعه والاستاذات قالوا لابيراعونك حتى اختباراتك بيخلونها مع الفتره الثانيه
رندا: الله يكتب اللي فيه الخير بستخير واشووف الا دينا وش تجهيزاتك لليوم
دينا بأحراج: رنود والله لو بكيفي ماحضرت تعرفين في ظروفك مالها سنع نحتفل ونحظر حفلات بس ماما نفسيتها تعبانه خلقه وبحضر عشان لازيد عليها
رندا: مو منجدك وش دخل احضري حبيبي وصوري لي ياويلك لو ماتسوين فلوق الا اخت ملاك وينها مختفيه
ملاك: هنا هنا بنات شوي بنات ابليس بيتغدون معنا تنصحوني ابدا انتقامي
دينا: ياذا الانتقام اللي لك شهرين فيه
ملاك: انتي وش جايبك طسي اصلا بس بنتقم لي ولرنود ولجنان وهيفاء خويه شهد انتي والله مانتقم لك
دينا: اووه ضاع مستقبلي اقول اقطعي نسيتيني بروح اتصل على سمر ترسل مجيد يوصلني
ملاك: قود باي ما اوصيك بمجيد هبلي فيه لن يكره نفسه

قفلت من البنات وكلمت سمر ترسل الدريول وقمت اجمع اغراضي الميكب واللبس والكعب وكل شي عشان اعرفني دايم انسى اغراضي نص ساعه وصرت جاهزه بس انتظر مجيد يجي




سمر

حياتي انت... خلاص اي لحظه توقع بتصل عليك اقول بولد لي اسبوع بالتاسع ..... حبيبي بس لازم اكون عند امي بتعب لوحدي..... ماينفع شغاله بالله عليك انا ما اعرف امسك البزر لازم اخذ دوره تدريبيه عند امي.... خلنا من ولدك انت تغديت.... خلاص لاتخليني احس بتأنيب الضمير واقوم اطبخ لك...فديتك والله.... خلاص استح لاحد يسمعك انت عند اهلك صح.... قليل ادب متستحي ........اقول بيبو دقيقه بس فيه وحده ملقوفه يالله انتبه على نفسك في امان الله

سمر : خير يا مال الطرش تتسمعين
دينا: ومن زين ما سمعت مستوى هابط قال ايش لاتخليني اسوي لك غداء الحمدلله والشكر
سمر: وشدخلك بعدين بعدي عن سريري اعنبوك صايره وقحه انا قايلته الجلسه عند عماتك خربتك
دينا بخبث :صح عليك خربتني خلني اخذ غفوه ساعه بس اذ سمعت ازعاج بطبق عليك دروس عماتي انتبهي
سمر: دينو وش قال مالك بيجي شوي
دينا تهز كتفها : مدري ما قابلته بس على رايه الاخير مابيحضر
سمر: على راحته الا دريتي امك جايبه خدمه البدكير للبيت بتجنني هالادميه
دينا: غريبه تو تستوعب المفروض قبلها بيومين مخلصه
سمر: مو طبيعيه والميكب ارتست بتجيبها مع اني نصحتها تروح تتضبط وتجي بس عجزت تفهم
دينا: كيفها تسوي اللي تبيه ندى ومها وين ابي وحده تلفلف شعري من اللحين ما احب استخدم الفير يكسره
سمر: بيجون بالطريق سعاد تقوله اول
دينا: تدرين لازم احضر عرس بابا دامني حضرت عرس ماما اههخ يالضحك حالتنا تضحك
سمر: واحضري ليه ماتحضرين واصحك ماتسوين نفسك راعيه المكان عرس ابوك ذا انتي الداخله وهم الطالعين
دينا : على قولك تدرين ملاك مابتحضر تقول عشان رنود وكذا
سمر: تعوضونها بعرسك يارب كلهم يحضرون يالله اخذي لك غفوه اذ تبين بنزل اشوف الكراسي وصلت ولا لا
اسمعي اذ ماولدت اليوم معجزه

نزلت ورحت لثريا لقيتها تو تسوي حواجبها ذي متأخره بالمنهج مره بس ماقلت لها شي جلست عندها وبدت هي تكلمني غريبه هالفتره نفسها براس خشمها ماتطيق احد يكلمها
ثريا: الارتست بتجي بعد ساعه قولي للبنات اللي بتسوي عندها تتجهز عشان اخر وحده بسوي انا
سمر: ايه انا وسعاد بنسوي ودينا تقول ماتبي عشان متقرفه الاخت وبنات سعاد بتسويهم دينا
ثريا: ليش متقرفه تجيب اغراضها وهي تسوي لها
سمر: مدري بعدين تقول عندي لوك ما احب اخربه والبنات عاجبهم شغل دينا وبتسويهم خلنا احسن يقل العدد
ترا وفاء بتسوي معنا
ثريا: اوكي شيكتي على الضيافه المفروض وصلت
سمر: وصلت وصلت انا ودينا من ساعه تأكدنا من العدد وتمام
ثريا: قولي لدينا تصور وتنزل حالات واتس اعرفها بتصور سناب وتسحب على الواتس وقولي اي صغيره وكبيره تصورها بعد وتصور حمد وسلطان في الزفه كل شي كل شي
سمر: ابشري

قمت من عند ثريا اعرف حركاتها هي تبي شخص معين يشوفها دام قالت واتس تعرف انه ماله بالسناب بس سويت نفسي مافهمت الله يهدي بالك ويريحك سمعت الجرس ولاني عارفه ان سرياتي مشغوله رحت لقيت وفاء زوجه خالد اخوي وصلت اشتقت لها الوصخه
وفاء: سمر يالبطه كم سانتي كرشتك متأكده حامل بواحد
سمر: سلمي واذكري الله خالد وعيالك وين
وفاء وهي تفصخ عبايتها: جالسين يحملون الاغراض راشد فيه
سمر : لاطردته خذي راحتك ثريا بالصاله وامي بغرفتها ودينا فوق بغرفتي وسعاد ما وصلت يعني بتكرفين معي ياعين امك
وفاء: حرام انا ماشفتيني لك ثلاث شهور وذا ترحيبك لي
سمر: بلا مجاملات ورعي طق من اليوم ماجلست واخت دينا وجودها زي عدمها شدي حيلك الكراسي والطاولات بتوصل انتي اللي بتوقفين معهم اللهم اني بلغت
وفاء: طالعه اسلم على دينا وامها اذ جت نوف خلها تلحقني بشنطتي اللبس شي مريح قبل لا تكرفيني
طلعت وفاء من هنا دخل خالد ونوف ومعتز من هنا وجايبين شنط العالمين شكلهم مطولين حتى قدر الضغط جايبينه معهم ذول شيحسون فيه لايكون رايحين كشته
سمر: هلا هلا بأهل الغربيه تعالوا سلموا مابيغنا نشوفكم اههخ يابطني
خالد اخوي: صوتك جاب اللي بأخر الحاره انتي ما ولدتي
سمر: لا بنزوج اختك وبعدها بولد ..نوف طيري قومي دينا وتعالوا بسرعه والله يا وراكم كرف وانت معتز اخبارك
معتز ١٦ سنه: بخير يا عميمه بشرينا عنك وعنك رجالك
سمر: نحمدالله يالله اسمحوا لي انت وابوك روحوا المجلس عند راشد البنات بياخذون راحتهم



ملاك

تو جيت من عند رنود بطلع افصخ عبايتي وانزل للهوانم اللي تحت رحمه وساميوه طلعت عبايتي وحطيت عطر ونزلت لقيت رحمه وساميه يتهامسون وشهد وسارا اختي يتهامسون وجنان جالسه تقلب راسها يوم شافتني انبسطت
جنان: تعي ملاك لو تعرفي شو صار امبارح ما بتصدقي لك العمى حتى جابر ما صدقني
ملاك :جايه دقيقه جنان بسألك انتي مولوده بالسعوديه ومتعايشه معنا كيف كذا ثابته على لهجتك كأنك تو جايه من بيت ابو عصام
جنان بضحكه: يخرب بيت ابو عصام شكلك مابتعرفي بسوريا غيروه يختي انا بحس اني تجردت من كل شي وبضل محافظه على اللهجه لاني بحسا هويتي ما بتخيل شكلي احكي سعودي او غير لهجتي وبعدين جابر بيحب طريقه كلامي وذا سبب من اسبابي
ملاك: ايه المهم ما كلموك او وجهوا لك شي
جنان: مين هن
ملاك: ابو بشير مين يعني رحمه وساميوه
جنان : لا والله حتى صينيه الحلا اللي عملتا محدا منن مد ايدوه عليها العمى مايكونو شاكين اني بسحرهن
ملاك: انتي تسحرينهم ذولي شياطين الجن تعجز فيهم دقيقه بس ذا قيس يتصل بروح اشوف وش يبي واجي

رحت لقيس بالمطبخ وجالس ينبهني ما اتعرض لحريم العيال ذا الخبل شايفني مسعوره مالت الا مالت عليه رجعت اول ما جلست بديت اكلم رحمه
ملاك: رحمه سالم ما قال لك عن الغداء من مدري ولا جاء بالوقت بدل الضايع
رحمه: لا من امس قال لي حتى سويت جريش لعمي ومرقوق لعمتي من بدري ليه تنشدين
ملاك: لا بس جاء على بالي السؤال لان حسيتك مالحقتي تتجهزين قلت شكله قال لك متأخر بس بعد ماقلتي انك سويتي جريش ومرقوق عرفت انك مالقيتي وقت تلبسين وجيتينا بالروز

ورسمت على وجههي ابتسامه عبيطه طبعاً اللي يشوف رحمه بيعرف اني استهبل الحرمه جايه بجلابيه تلبسني انا وخواتي اربع مرات من كبرها
ساميه: حليلها ملاك متعوده على القمصان تحسب رحمه تلبس مثلها ملاك ذي جلابيه اسمها جلابيه
ملاك: ساميه خلك من الجلابيات اللي طابخ المكرونه انتي ولا خدامتك ترا لقيت فيها شعره وقلت لساره اختي لاتحطينها بس قالت عيب بس بغيت انبهك لو كانت الخدامه لا عاد تخلينها تطبخ
ساميه: لا انا مسويتها والشعره طايحه من عندكم لان انا شغلي نظيف
ملاك: والشعره تركت صواني ام اسيل ورحموه ووطاحت عندك يمكن يمكن كل شي جايز الا تعالوا انتو بتتغدون وتمشون صح ما بتطولون لأن عندنا اشغال مره مهمه لازم تروحون بيتكم
جنان: ايه انا عن نفسي بتغدى وسلم على عمي وامشي
ملاك: لا انتي عادي نشوفك من العايله ونقول اسرانا لك انا اقصد الثانين الا جنان الحقيني غرفتي عم بحتريك بعلمك بقصه ما اقدر اقولها هنا الوجيه خبرك فيها زين

جنان ماصدقت لحقتني وانا جلست احكي قصه قريتها بتويتر واصلا ما عندي شي بس ببين لرحمه وساميه اني ميانه مع جنان وكذا مدري وش الهدف ووش بستفيد لاحد يسألني




دينا

الله الله وش الحلاوه ذي يا انا مدري وش فيها نرجسيتي عاليه اليوم جلست اتأمل فستاني بلونه السماوي الناعم والكعب اللي نفس لون الفستان والميكب تعبت عليه مع انه بسيط بس حبيته يجي فخم وناعم في نفس الوقت وشعري سويته ويفي وصار فوق كتفي بشوي وحطيت تاج على شعري واحس طلعت حوريه مدري فرحانه بشكلي جلست ادور وتصورت وارسلت على البنات وطلعت بشوف ماما وش صار عليها الحمدلله المغرب اذن ونحنا جاهزين ولابسين كلنا من اولنا لاخرنا نادتني سمر اركب عقدها ما تقدر تركبه
دينا: مريتي على ماما شفتي شكلها النهائي جيت بمر لقيت سرياتي عند الباب تقول امك تقول لا تدخل علي بس سمر وسعاد ووفاء عادي تتوقعين ليه
سمر: مدري لاتشغلين بالك بتسوي مفاجأه المهم من اللحين جهزي الشيلات والاغاني عشان ما الليله كلها تتكرر نفس الاغنيه
دينا وانا اخلص من عقدها وارجع ارتب شعرها: من عيوني لعبتي البنات وين
سمر: هناك بالمجلس صح راشد قال لي اناديك يبيكم بأجتماع مدري وش مهبب
دينا : يالله بروح قبل لا يفوتني اتصلي على مالك شوفي بيجي ولا لا

رحت للمجلس ودخلت لقيته مجلس البنات على كنب وواقف قدامهم كأنه يكلمهم شالسالفه غريبه
دينا: احم احم وش الاجتماع
راشد:جابك الله تعالي وينك مختفيه يقول سندريلا امشي بعيد المواصفات من جديد
دينا وانا اجلس : مواصفات ايش
راشد بحالميه : مواصفات فارسة احلامي ابيكم تدورونها الليله
دينا بشماته: فارسه اجل انت حفاره قبور وتخب عليك المهم ايه وش المواصفات
راشد: ابيها لبقه وكشخه ركزوا لاتنسون حرف وابيها بدون صوت عشان لا تدوخني واذ قلت له كذا اشرت بعينها سم وابيها احلى من كل المشاهير عشان ماتغار منهم حللوه حللوه موت
دينا: والله كل البنات حلوات بس ما بيملون عينك اللي ماخلت احد ما بصبصت عليه
راشد : تلايطي هاه فهمتم ولا لا وصح ابيها نحيفه وطويله ووش بعد تحب تسمع صوتي يوم اغني وتحب الشعر
مها تقاطعه: خلاص بندور لك صح بنات يالله الضيوف بيجون

طلعنا من عند راشد المريض ولقيت سمر جالسه ترحب بأهل زوجها اهبو شجايبهم قبل اذان العشاء سلمت عليهم وجاملتهم ورحت لماما داخله داخله الله لا يعقب شر رحت لغرفتها مالقيت سرياتي اشوى مالي خلق حنتها
دخلت على ماما لقيتها لابسه جلابيه بيضاء فخمه وفيها وردي ومستشوره شعرها وحاطه ميكب ثقيل شوي جلست ازغرط واستهبل عشان احسها متضايقه وبغير جووها بس قاطعتني يوم قالت
ثريا: مالك ما جاء واخوانك الصغار جو لان امرهم مو بيدهم لسا صغار وانتي جايه بس عشان سمر اقنعتك صح
دينا: من قاله لا انا جيت لانه يوم فرحك وبتونس معك
ثريا : من ناحيه يوم فرحي فهو يوم فرحي بتزوج واحد يسوى ابوك وطوايفه وبعدين تونسي مع ابوك حبكت تتونسين معي
دينا: الله يوفقك اما الوناسه بتونس مع اثنينكم اقول ماما تبين شي محتاجه شي
ثريا: خواتي ما يقصرون انتي انزلي تحت وصوري اخوانك بس اللي ابيه منك
دينا: ابشري

نزلت وانا مستغربه معقوله احد اعطى ماما عين مرره متغيره من امي اللي ما تروح زياره بدوني لوحده حتى يوم عرسها تسأل ليش جاييه والله الموضوع يحير وليش ماما مهتمه بالتصوير لهالدرجه ما عقبت على الموضوع يوم وصلت الحوش وصلوا شوي ناس رحت جلست مع مها وندى ونوف نعلق على الرايحين والجايين قاطعتني نوف
نوف: بسس دينا بقولك شي بس لا تلتفتين بسرعه تمام اللي وراك اللي لابسه فوشي كانت تكلم اللي جنبها ويأشرون عليك
دينا: امانه دقيقه تعرفينهم انتي
نوف : لا ولاقد شفتهم
مها: اعرفهم من خوال امهاتنا يصيرون بس مدري عن اساميهم بالضبط .. غريبه دينا شادين حيلهم لايكون قايله كلمه ولا مسويه شي وعرفوك
دينا: لا لا توتروني معرفهم اصلا خلاص غيروا السالفه ندى وين طست
مها: الفضيحه خلني الاقيها مسويه شي يفشل بلعن خيرها
دينا: هي بكبرها تفشل يالله نوف مها وش رايكم نبدأ بالأفتتاحيه بشغل شيله مع انها مو جووي بس سمر تقول كلكم ارقصوا عليها ندى الزفت وين
نوف :معليك فيها بتجي يالله قوموا بنولع الجو شغليها وحطي جهازك فوق
دينا : تمام واحد اثنين ثلاث يالله
وشغلناها ورقصت مع البنات عليها وتفاعلوا الحضور معنا ودخلت ندى وصرت ارقص مع نوف وندى واختها و يوم جلسنا وارتحنا
ندى: والله الزفت دينا معد راقصه معها شفطت الجو علينا
دينا: وش شايفتني مكنسه كهربه
ندى: ولا شي بروح اسوي حاجه بسرعه
نوف :الله يستر من حاجاتك

قمت بعد ما اعطيت مها الجوال اللي محمله فيه الاغاني عشان السماعات ورحت ادور حمني وسلطه ماما موصيه علي اصورهم بس استغفرالله وين ذلفوا وبعد بحث سبع دقايق لقيتهم جالسين يدورون في الحوش رحت مسكتهم
دينا: تعالوا سنه ادوركم ماقلت لا تتحركون تعدمون ثيابكم
حمني: دوني نحنا ندور ام مشاري صاحبه جدتي وينها
دينا بدهشه: وشعرفكم بأم مشاري وش تبون بها
سلطه: نداوي مروحتنا ندورها تقول تبي تضبطها

الله يفضحك ياندى سكتت سلطه لايكون احد سمعه وناديت الشغاله تمسكهم ورحت بهزأ ندى الفضيحه مي بصاحيه رحت عند البنات مالقيتها
دينا وانا واقفه : مها وين ندى اختك وين طست
مها وهي منسجمه مع البنات اللي يرقصون : شوفيها هناك ما خلت بنت قبيحه ولا دبيه ولا شينه ما جابتها ترقص معها طبعاً ما جابت هالاشكال من فراغ بس عشان تطلع بينهم ملاك

طالعت مكان ما تقصد مها لقيت ندى طالعه قمر وسط العاديات ورشيقه وسط الدبيات وانتهت الاغنيه وندى مستانسه حدها من المدح اللي جاها مسكت اعصابي لين جات جلست
دينا من بين سنوني : انتي ما تستحين مروحه عبادي واخواني يدورون الحريم لك
ندى : ايه وش اسوي في ذا العجز ما يقرون في مكان واحد انا رقصت مرتين واحس روحي طلعت

حالتها ميؤوس منها مب بصاحيه
دينا:ولا امينه تقولين لهم بضبطهم ايش يعني تضبطينهم مافهمت اخت ندى فهميني
ندى بصوت واطي على اساس تستحي: وصيت جدتي تمدحني وارحب واهلل فيهم وكلامي كله عن المطبخ والبيت معهم عشان اعرف اصيدهم وبعد ما ارحب الا باللي اعرف ان ولدها شي واو مزيون
دينا: عساك اللي مانيب قايله زين يالفضيحه عند خاله سعاد



ثريا

جلست اطالع بسمر اللي تضحك ومستانسه بالقصه
انا مو مستوعبه ان فيه وحده سألت سمر عن رقمي عشن بتخطب دينا اللحين انا العروسه انا الليله ليلتي تجي تخرب علي ليش ووش قصدهم اني الفروض ازوج بنتي ما اتزوج بس انا لي حاجه بوجود دينا عشان تصور وتوصل الصور لابوها ولا ما كان خليتها تحضر ويتفرجون الناس على بنتي اللي صارت طولي
سمر: ثريا محد وصل من اهل العريس وينهم تأخروا مو المفروض يكونون هنا من بدري اصلا المفروض هم اللي ماسكين كل شي
ثريا: بيجون بعد العشاء والمعازيم اذ راحو وهم بيزفون اخوهم عالسريع
سمر: الله يسامحك اللي ارخصتي نفسك الله يسامحك

طنشتها وجلست اشوف حالات دينا زين سمعت الكلام حتى التوزيعات اللي مكتوبه اسامينا عليها صورتها
ياترى وش ردة فعلك ياماجد بعد ما طلقتني وتزوجت قبل لا تتزوج انت؟؟





رندا

قفلت المصحف اللي اقرا منه وطلعت من الغرفه امي لها فتره تحايلني ارجع اداوم والدكتور يقول راحتها النفسيه مهمه عشان كذا برجع عشان خاطرها بس انا اللي شايله همه وكأن ناقصني هموم ابوي وينه مختفي له شهرين مدري عنه بالعاده اطول مره غاب فيها اسبوعين هالمره طول مرره طول يارب يسرها ورده سالم ابيه يوقف مع امي لو بالغصب يمكن تتحسن نفسيتها شفت الدكتور جاء بيقوم بجولته المسائيه قمت معه وبعدها ناداني مكتبه وانا رايحه لمكتبه تمنيت ان اللي ماسك حاله امي شخص اكبر بشوي عنده خبره ذا كأنه تو متخرج امس مدري ربي وين موديه رحت معه وجلس يحكي لي نفس الشيء مافي تطورات ويذكرني بالصدقه ويواسيني تقريباً يومياً يقول الكلام ذا لي ويريحني مرره الله يوفقه هو كان يسولف معي ويسألني اول اسبوع عرفت عن حاله امي وبعد السوالف معه حسيت اني تحسنت بعدها النيرس تقول انه ماخذ دورات علم نفس عز الله فادتني صدق




دينا

بعد ما خفوا الضيوف وبقي بس المقربين جو اهل العريس مدري ما ارتحت لهم يقول مغصوبين ليه ما حضروا من البدايه وليه وما تكفلوا هم بالعرس كأي ناس طبيعيه بس سكتت
وزفينا ماما ومشت ياقلبي شكلها متوتره حتى ماسلمت علينا تقول ما يحتاج مع ان كان نفسي اودعها لانها بتروح الجنوب شهر عسل على كلامها وما بشوفها فتره
نومت اخواني ورحت اغير لبسي ومسحت مكياجي ورحت اتروش لان جدي يتصل يبيني ارجع قلت لسرياتي تجهز اغراض اخواني بكره باخذهم لبيت جدي
جففت شعري لبست عبايتي ونزلت لقيت البنات جالسين يحشون وياكلون حب دوار الشمس وشاهي
الجلسه المفضله عندي بس للاسف جدي لي بالمرصاد ودعتهم وقلت بشوفكم بكره اذ ربي احياني
ومشيت مع دريول جدي وخدامتهم يوم وصلت ونزلت لقيت في المجلس ابوي ومشعل ومالك وجدي يلعبون بلوت سلمت عليهم ولاحظت بابا متغير يعني اكيد زواج طليقته وام عياله اليوم وش بيكون فيه
اعرفه اذ تحمس يلعب ويطقطق يعني بيخفي شعوره الحقيقي هو نفس مالك افهمهم
سكتت ما عقبت على الامر طلعت غرفتي صليت وتري وجيت بنام بس عجزت احس ببكوه ابي ابكي وش السبب ما اعرف هو حالتنا قبل وبعد
يعني بعد ما كنا عايشين تحت سقف واحد مع امنا وابونا تشتتنا
امي تزوجت وابوي بيتزوج اخواني عند خوالي وانا ومالك هنا الدنيا غريبه مالها امان ماقدرت اكتم اكثر بقلبي وبكيت بكيت ممكن نص ساعه لين ارتحت بكيت حالتنا وضياع بيتنا بكيت ماما وتغيرها الغريب بكيت مالك وميلانه مع عماني حتى ما يواصل امه بقيت على ذي الحاله لين دخلت بعالم الاحلام والراحه لا احزان ولا افراح فقط اللا شيء


ملاك

مدري ليش طرت الفكره ببالي بس سويتها ارسلت صور بساكيت وشوكلت لقيس بالواتس عشان يجيبهم وبينهم مقطع لدينا اليوم وكشختها وهي تغني مع الاغنيه
ذي في مقام النظره الشرعيه ربي ما بيحاسبني
انا ابي قيس يحطها بباله وبعدها كل شي سهل ابيه يقتنع فيها والباقي كله سهل جلست انتظر انتظر لين رد علي بكلمه ابشري بس ابشري طيب علق قول البنت ذي مين وش مجلسك معها من وين جبتي صورتها بس ما انتبهه شكله يسلك لي

رد: متقلبين الود

(١٣)
قيس

عدت الفيديو اللي فيه بنت تغني كذا مره اييه بالله صح لسان قايلها كأن الاغنيه مكتوبه لها عرفتها

ذي دينا صديقه ملاك وشكل ملاك ما انتبهت يوم ارسلتها حفظت المقطع اللي حفظت وش فيه اصلا ورحت بجيب مقاضي ملاك تستاهل والله كأنها عارفه ان عندي فضول اشوف شكلها زين بهداوه كل المرات اللي فاتت يا تكون بالغلط ما اقدر اجمع ملامحها بس اللحين لو اشوفها بين مليون اعرفها سبحان الخالق ملامحها مميزه او انا يتهيأ لي

ركبت السياره وقبل لاحط المفتاح بديت استوعب وش فيك ياقيس انت اعجابك فيها اعجاب بشكلها وفي نفس الوقت ما شفت بأخلاق البنت ولا اهلها شي لازم تفكر بالموضوع بشكل جدي ولازم اضمن ان عيال عمها ما يفكرون فيها وان هي بترضى فيني
بس لحظه بدري على كل الامور ما راح اتحرك الا بعد تخرجها وقبل ذا كله بجس نبض ملاك واسألها عنها اذ احد متكلم عليها او يبيها او هي تبي احد وبعدها لكل حادث حديث






دينا

قمت من النوم الساعه ثلاث عصر على اتصال جده تقول عماتك جو وش جايبهم مع القايله مدري قمت تروشت وحطيت ثلج على عيوني اللي واضح عليها اثار البكاء رتبت نفسي وشكلي ولبست وسويت لي كوب قهوه من الاله اللي عندي وجلست ارسل على ماما اتطمن عليها واسولف مع البنات لين اذن العصر وقمت صليت ونزلت تحت

عماتي كلهم موجودات بس لحسن الحظ ما جابوا عيالهم معهم ماني ناقصه دوخ ولاني عارفتهم جايين يبون سوالف امس وش صار وما صار
دينا وانا اصب لنفسي من القهوه : وانا احس جاني شي يقول انزلي تحت اثاريكم موجودين القلوب عند بعضها
عمتي عليا : ايه عند بعضها وامي وش كانت تسوين طول يومها تتصل تباك تنزلين ساعتين يالظالمه وما حسيتي كل ذا نوم
عمتي دلال : ايه نسيتي امس كان عندهم مناسبه وماجات الا متأخر صح دينا
دينا: صح عليك مانمت الا قريب الفجر حتى ترا للان ماشبعت نوم شوفيني اشرب قهوه للمره الثانيه عشان اصحصح وراي مشوار بجيب اخواني
جدتي: والله اني متشفقه عليهم من اليوم اخبز واعجن ذاك اليوم سلطان سمييّ الغالي يقول ياجده انا احب الخبوز اللي تسوينها اعجلي يا امي اعجلي جيبيهم غرفتهم رتبتها اليوم بس ننتظرهم
دينا: ابشري من عيوني بس دقيقه لين تخف الشمس وعبد الهادي مدري وين طس يجي من مشواره واروح ابشري

عمتي تذكار وهي جايه من المطبخ وجايبه فطاير: هلا دينا صحت واخيراً ما بغيتي حماتك بتحبك لحقتي على الفطاير اللي عملتها بنفسي قبل لا تروح
دينا: جعل يدك ما تمسها النار .. يا كاتي هاتي عصير باردد
عمتي عليا: ايه دينا وش صار امس هاتي العلوم استانستي
دينا: اييه على قد ما استانست على قد ما تعبت بس اشوى مشت الامور مثل مانبي
عمتي دلال: وامك كيفها كيف طلعت
دينا: تؤبر البي ماماتي كيف بتطلع اكيد قمر
عمتي دلال: اييه ما شاء الله وعرسهم كيف وش جابوا ووش حطوا نجلس نسحب الكلام منك
دينا: ابد والله ضيافه عاديه قهوه وحلا والعشاء كالعاده بوفيه
عمتي تذكار : دينا لايكون بكيتي ولا سويتي شي نكدتي على امك ماهو بزين
دينا: ليش ابكي لا استانسنا ورقصنا انا والبنات بدون افلام هنديه ولا شي
عمتي عليا : اييه الافلام الهنديه من زمان عنها كنت كل ما ينزل فلم اشتريه ايام راحت بخيرها وشرها
دينا وانا مبسوطه لأنهم غيروا الموضوع: صدق عمتي تحبين الافلام الهنديه وتتابعيننا
عمتي عليا: كنت ايام الثانوي واعرف الممثلين واعمارهم وكل شي عنهم
دينا: طيب مين اكثر ممثل تحبينه او ممثله
عمتي عليا: اكيد شاروخان البطل كنت احبه واشتري كل افلامه الله ايام راحت
دينا: ادري انها راحت بس صدق عمتي تحبينه
عمتي عليا: لاحد يورطني ماحب غير ابو عيالي ولا شاروخان بس احب افلامه
دينا: وليه تحبين افلامه الا لأنه فيها صح
عمتي عليا: لا طبعاً موب عشانه
دينا:اجل ليش تحبينها
عمتي عليا: انتي غصب تورطيني بذا الهندي ما صارت كلمه وقلناها
دينا: والهندي وشبه احلى من ابو عيالك اللي راجتنا فيه
عمتي عليا وشكلها عصبت: اقول انثبري صدق ماتنعطين وجهه ولاعاد جبتي سيره رجالي على لسانك قطعته
دينا: ليه انا خبله خليني في شاروخان احسن لي
عمتي عليا: هين يا دينا ان ماعلمت ابوك انك تحبين شاروخان وطقته كل الهنود تحبينهم حسبالك ما شفت حسابك بالانستا ماخليتي هندي ما ضفتيه ولا بعد فيه كووريين وامريكان مسويه تشكيله
دينا: عادي علميه انا شخصياً معلمته اني احب السينقر الهنود وهو بزات نفسه صورني على اغنيه هنديه
عمتي عليا: يدري انك تحبين اغانيهم مو تحبينهم
دينا: عادي علميه اني احبهم
عمتي عليا: صدق انك وجهه بنفهره
دينا وانا امدد رجولي : الله اعلم
عمتي دلال: دينا انتي ناسيه ان نحنا عماتك
دينا : لا مانسيت وقايله اغسلو يدكم مني من زمان
جدتي: عن الخبال انتم ما تهجدون نبي نجلس نتقهوى بدون صجه مره وحده وانتي انجزي جيبي اخوانك المسا بيمسي
دينا: دقيقه عبد الهادي وين طس والله لاقول لابوي يشتري لي سياره خلاص بوصل ثمنطعش واطلع رخصه ولا الفار مالك احسن مني بويش عنده سياره وهو اصغر مني
عمتي تذكار : بدت موالها لا ماهو احسن منك بشيء بس استعجلي دريولي برا روحي معه ترانا جينا عشان نجلس مع اخوانك مو عشان نقابلك
دينا: صح جيتو عشان تجلسون معهم مو عشان تقابلوني ولا عشان تاخذون علوم امس صح عليك
عمتي عليا: الكذب خيبه جينا ندور الاثنين استعجلي انتي

طلعت لبست عبايتي واجهز اغراضي لاني بجيب اخواني بعد العشاء وقبلها بجلس اسولف مع البنات
مع اني محزنه جدتي تنتظرهم شكلي برسلهم مع راشد لان جدتي ياحليلها احسن وحده عرفت اني ظالمتها وعرفت معدنها صح ما تستاهل اسحب عليها طلعت لقيت عيال عمي متجمعين على شي عند بايكه السيارات وانا رايحه لسياره الدريول انتبهت انهم متجمعين على مالك بدون وعي طرت عندهم بشوف وش فيه لقيته جالس يحكي لهم شي ووجه واضح انه متصفق ياويلي ذا وش فيه من مسوي فيه كذا
دينا بقلق: مالك وجهك وش فيه من سوا بك كذا علمني
مالك: طسي هناك اللحين بجي اعلمك طسي
مشعل: خلها تتطمن ياولد والباقين عيال عمها زي اخوانها
دينا: ماني بطاسه لين تقول لي من اللي مسوي بك كذا عساه الجلطه الحقير الله يكسر يده وعساه بحادث عساه يغرق ببحر وياكله حوت جعله بمرض انفولنزا الطيور وحمى الوادي المتصدع وكورونا وكل شي
واحد من عيال عمي: حددي دعوه وحده ما يصير يموت بحادث وغرقان
دينا: تلايط انت مسوي تنكت مالك اشحدك من اللي صفقك واحد من ذولا
مالك: لا عيال عند البقاله انتي روحي السياره روحي السياره انا بعدين افهمك

ناديت مشعل وراي وبعدت شوي عنهم
دينا: مشعل وش فيه من اللي ضاربه
مشعل: بسيطه كان عند البقاله وجو عيال رموا عليه كلمه عشان امك وزواجها وهو الخبل ما استنانا لين نجي ونفزع له لا طب بالهوشه وهم اربع وهو واحد المهم ان يوسف انتبه وناداني انا والعيال وابشرك بيضوا الوجه مالك وحالته ولا شي عند اللي صار فيهم
دينا : اييه اشوى احسب واحد من عيال اخوانك مد يده عليه بغيت اكسرها له يالله تبي شي
مشعل : ياحبك للمشاكل تعالي وين رايحه
دينا: بصفتك مين تسأل
مشعل: بصفتي عمك ولا نسيتي
دينا: مصدق نفسه الاخ انت اخوانك اللي اكبر منك ما سألوني وين رايحه وجاييه توكل الله يصلحك

مشيت من عنده واسمعه يصيح يقول بيعلم عماني بالكلام اللي قلته طنشته وركبت السياره واعطيت الدريول اللوكيشن ومشا وانا جلست اشيك على ماما لقيتها منزله حالات واتس بس ماردت على رسايلي ماحبيت ابين اني تضايقت حتى لنفسي ماما متغيره حتى ما صارت تبي ترد الكلمه علينا الحمدلله على كل حال يارب عدلها من عندك




رندا

رحت البيت جهزت اغراضي حقت بكره عالسريع لان بكره قررت خلاص بداوم منها اريح امي ومنها الحق مستقبلي اللي ان شاء الله بعد شفاء بيتغير بسبب الشهاده ذي جهزتها وطلعت بسرعه ركبت اوبر ورحت لماما قبل لاتصحى وما تلقاني دخلت الغرفه بسرعه لقيتها لسا نايمه والدكتور والنيرس عندها طلعت وطلع الدكتور وراي وطلبني لمكتبه رحت وراه وبدا يتكلم قبل لايجلس حتى
دكتور فراس : حبيت اقول لك اخت رندا ان الاستشاري خلص اجازته ويصير من بكره هو اللي يمسك حالة امك الله يعطيها الصحه والعافيه انا بكون بس مراقب لحالتها واي شي تحتاجينه انتي ولا الوالده لا تترددين انا بالخدمه
رندا: يعطيك العافيه ماتقصر
دكتور فراس: بس بسألك اذ مافي تدخل ولي امركم وين يعني انتي للان تحت السن القانوني ولازم ولي امر امك يكون موجود عشان لو احتجنا توقيع او شي
رندا: ابوي مشغول اذ فضى بيجي
دكتور فراس: عفواً فيه شغله اهم من زوجته نحنا حتى منوم لازم نعطيه اياها بأذنه كنت ساكت لي فتره على بالي ماعندكم احد بس امس وصلت اوراق تقول ان زوج المريضه حي وموجود وينه ما اشوفه
رندا: دكتور الصراحه ابوي مفقود ما ادري وينه انا حتى قبل لا تدخل امي المستشفى بس يجي بقول له عن كل شي
دكتور فراس: كلمتي الشرطه قدمتي بلاغ
رندا: لا ماحبييت يمكن مايبي احد يدري انه مشغول
دكتور فراس : اللحين لازم تروحين تقدمين بلاغ اختفاء وتقولين كل شي لاسمح الله يكون في الوالد شي لازم تتطمنين
رندا:صح عليك يالله انا ماشيه امي ما بتصحى اللحين صح
دكتور فراس: لا اعطيناها منوم للساعه اثنعش الله يوفقك

طلعت بقدم بلاغ كأني انتظر احد يقول تحركي عشان اتحرك بس الصدق اسلوب الدكتور لو قال سوي مدري ايش بسويه احسه شديد وجدي بزياده حتى ايام اول ما تعبت كان هو اللي يغصبني اكل واطلع مع انه مو اللي ماسك حالتي بس هو اللي علمني بحاله امي شكله حس بتأنيب الضمير وكان بيصحح خطأه بطريقته الهمجيه اللي نقل بها الخبر لي وكأنه يقول امك مزكمه مو تعبانه بمرض مثل كذا



ملاك

ملاك:قيس ...قيس ..وعمى كل ذا انسجام ماني خابرتك تحب الاخبار لهالدرجه
قيس: لا سامعك بس مابي ارد شفيك صايره لزقه
ملاك:بسألك البارح يوم ارسلت عليك الاغراض ارسلت صوره وحده بالغلط وحذفتها شفتها
قيس بدون اهتمام: شفتها ودريت انها بالغلط يعني بين المقاضي مقطع لفاشنستا اكيد غلطانه
ملاك بغيض: بس ذي صديقتي مو فاشنيستا ولا مشهوره
قيس: واذ صديقتك تغير شي وحده وارسلتي صورتها بالغلط
ملاك: ما سألتني عنها غريبه
قيس وهو يفتح جواله: مدري ما اعطيت الموضوع اكبر من حجمه بس هي متزوجه ولا مخطوبه
ملاك بحماس: لاذي ولاذي ليش تسأل
قيس: الحمدلله مدري حسيت مالها سنع اشوف صورة وحده على ذمه رجال كان لقمتك بلوك محارم الناس مو لعبه تنشرين صورهم
ملاك بهمس: الشرهه مو عليك يا حمار كل ذا الزين ما جاب راسك انت مثل اخوانك ما يجيب راسكم الا ال*** استغفرالله العظيم
قيس: قلتي شي
ملاك : لا ماقلت وعساني ما اقول قسم انك ترفع الضغط قهرتني والله
قيس وهو رافع حاجب: خير الاخت تدور مشاكل
ملاك: بطس غرفتي لامشاكل ولا شيء انا الغبيه اللي كنت بأمن مستقبلك يا غبي

دخلت الغرفه وانسدحت على السرير كنت متوقعه يقول بنت مين بس الغبي الهيلقي ما تحركت فيه شعره وحده غريبه مع ان دينا طالعه قمر حلوه بس دلخ وربي دلخ احسن هي عند عيال عمها اللحين واكيد احد بيشوفنها بالغلط وتطير عليه الغبي ذا
بكره يروح يخطب بنت عمي ولا اخت رحمه ولا يروح يجيب مصريه ولا سوريه انا ابيه ياخذ دينا ابيه لها وربي كيوت لايقين على بعض دينا خليها على جنب بعدين نقنعها اما قيس شكله ما يدري ربي وين موديه شكلي بترك اسلوب التلميح وابدا بالتصريح




دينا

مو مصدقه كلام سمر حركات والله وكبرت وصايره انخطب
سمر: ترا شكلهم جاديين يقولون نبي موافقه مبدأيه بعدين يكلمون ابوك
دينا: لا منجدك قولي لا يختي انا الى الان ما استقريت ورسيت على بر في حياتي الدراسيه والاجتماعيه
ندى وهي حاطه المخده بحضنها ومنسجمه معي: جعلس المرض بتردين شبيه القمر فيصل اخو بدريه ليه يا غبيه يهبلل يجنن ياليته خاطبني ياويلي اكيد خاطبني بس غلطوا بالأسم
دينا: ليه كان بينكم قصه حب
ندى: لا بس مضبطه اخته قبل كم شهر وبعدها جات تخطبس له انتي العجوز المخرفه عساها السكته
دينا: اييه دقيقه بعلم البنات حتى لو رفضته بخلي ملاك تسوي لي جدول زي جدولها اللي تكتب فيه كم مره انخطبت
ندى : يهبو منتم وجه نعمه انا ابعرف والله اني زينه ووش حلاتي ليه محد دق بابنا
سمر: يمكن لانك مطفوقه
مها: سمر متى مراجعتك
سمر: شوي بروح اشوف الاوضاع عند دكتوره خاصه احسني طولت بالولاده على حساب الدكتوره المفروض لي اسبوع والده وخالصه
دينا: روحي وتعالي لا تجلسين تفرفرين مع المسعد اللي بيوديك تراني ارسلت اخواني عشان جدي يتلها بهم بس بينتبه اني ما جيت وبيحجر لي تعالي قبل لا امشي

وطلعت فوق بكلم البنات واسأل رندا عن حالها اخيراً بكره بتداوم فقدتها والله جاني اتصال من ملاك اول ما رديت
ملاك: امانه انخطبتي جد وبتوافقين
دينا: لا ما بوافق بس جد انخطبت سويلي جدول مثلك واكتبي اسمه فيصل يالله احسني بسبقك
رندا تو دخلت: لا جد ليش رفضتي حتى قبل لا تسألين عنه اذ زين ولا لا ملاك ونعرف كل اللي جوها وش طينتهم
دينا: مدري انا لسا بدري علي وبعدين انا ضد الزواج من اصله اشوفه قتل للشباب ووهدر للطفوله وضياع وقت ومسؤليه وزوال عافيه وبدايه معناه ووداع الضحك والاكشن وبس سلامتكم
ملاك: مالت طيب دقيقه بسألك لو خطبك واحد عمره ٢٥ ومتوظف وظيفه زينه وابوه بدا يبني له بيته واخته صديقتك وعيونه بنيه واطول منك ويحب البر وسيارته جيب شاص بس بيشتري غيرها واصغر واحد من اخوانه العيال بس عنده اخت اصغر منه بتوافقين ولا لا
رندا بضحكه فقدتها: يالفضيحه مو كذا تجسين النبض ما ناقص الا تقولين اسمه
دينا: اسم مين وبعدين المواصفات كلها روتينيه مافيها شي مميز اذ جاني اللحين واحد كذا اتوقع برفضه
ملاك:اكلي تراب زين انا بروح لساره اختي وانتي اجلسي انعتي حظك باي

يمه وش فيها اكلتني وش قلت طيب قفلت من رنود وانا مستغربه من ملاك بس لانها ملاك اتوقع منها كل شي نزلت تحت على صوت صراخ لقيت راشد ومعتز ولد خالي جايين والبنات متجمعين على سمر وهي تصيح بقوه
دينا: وشفيه وشفيها
سمر: بووولددد بولد ابي المستشفى بولدددد
ندى: وش نسوي لاتولدين هنا علينا ما اتحمل
سمر: بعديييي بعدي لا ادعي عليك الدعوه مستجابه اهه يامي ياراشد نادوهم لا تطالعوني كذا
مها: دقيقه البسي البسي خالي خالد موجود بياخذك اللحين
نوف بتوتر: شهيق زفير شهيق زفير بسرعه
دينا وانا اسندها: بعدوا عني معتز تبن امش ساعدني وانت خالي روح بسرعه افتح باب السياره
خاله سعاد نازله من فوق لابسه عبايتها: هاتيها عنك انتي روحي جيبي شنطتها من فوق واذ جيتي ولقيتينا ماشين ارسليها مع مجيد يالله انتبهوا على البيت لاتسوون لي مصيبه واذ جات امي قولوا لها راحت اي مكان لا تتوتر ويرتفع عليها الضغط
قاطع توصيات خاله سعاد صرخه من سمر رحت بسرعه بجيب شنطتها اللي فيها لبسها ولبس البيبي يارب هون عليها نزلت لقيتهم قربوا يحركون لحقت عليهم واعطيت معتز الشنطه ودخلت لقيت البنات يبكون والله انا ودي ابكي بعد بس دايم بالمواقف اللي كذا ماتجيني بكوه جلست اهدي نوف وندى
دينا: بس بس يعني وحده بتولد وهي تضحك اكيد بتتألم ادعوا لها الله ييسر عليها
مها ببكوه: كله سببي من اليوم ادعي انها تولد
دينا: بدون دراما يعني الورع بيجلس ببطنها اكيد بتولده دعيتي ولا لا نوف تعالي حبيبي مسحي دموعك وروحي كلمي امك قولي لاتجيب جدتي لين يجي خبر انها ولدت عشان لا تجي وتقلق على الفاضي
هزت نوف راسها بأيه وطارت فوق طالعت بندى لقيتها منهاره هي عاطفيه مره اشوى يمكن تتغير فكرتها عن الزواج وتعقل وتخلي الهبال رحت اتصل على جدي اني بجلس عند خوالي ووضحت له اني بعطيه خبر مو استأذن وقفلت ورحت اصلي وادعي لسمر ربي يعينها


قيس

ماني مستوعب امي وخواتي شقاعدين يقولون ذول وش خلاهم يبدون بالهرج ذا معقوله سويت شي او وضحت شي بدون قصد
قيس: بس يا يمه انا البيت ما خلصته وتو لي شهر بوظيفتي خل ازبط وضعي واخطبي لي اللي تبين
ساره: عندنا جناح فاضي رتبه لين تخلص بيتك وعادي بنخطب بس ملكه لاتطير البنت
ملاك: تكفى قيس تو انخطبت امس ورفضت عشان ماعجبها اخاف يجيها واحد يعجبها وتوافق وتروح عليك
مدري ليه توترت من كلامها بس رديت عليها بدون اهتمام: عادي تروح وحده وتجي ثانيه
ملاك : بس انا ابيها لك ابيك تاخذ صديقتي والله مو قاصرها شي اتحداك تلقى وحده مثلها جمال ودلال ونسب وحسب وروح حلوه امانه يمه تعرفين وحده مثلها

تعلميني فيها يا ملاك داري والله داري
قيس: خلاص واذ قلت اني موافق بس اعطوني شهرين ارتب اوضاعي وبعده اتصروفوا مثل ماتبون
ملاك بصوت عالي: يسس يسس بروح اوقت جوالي شهرين بالضبط اخيراً
شهد: بشويش يالخبله ما صار شي للحين
ملاك: ومستخسره فيني الفرحه بيصير ليه ما يصير دوني تلبق لقيس وبتوافق عليه انا اعرف

مدري كان نفسي اسأل ملاك على اي اساس قالت تحليلها ذا بس ماحبيت ابين شي بكون ثقيل
قيس: ساره وين بناتك اشتقت لهم الخبلات
ساره: عند ابوهم مالي حيل في لجتهم
شهد : ملاك تراني بروح دوامي اللحين اذ تبين تزوين ام صديقتك تجهزي
ملاك: بروح ايه.. دقيقه دينا ترسل الذيب على طاريه ... تقول خالتها بتولد ... دقيقه لا ماني رايحه بجلس اطمن دينا واحكي لها وش صار فيكم يوم جيتوا تولدون لانها خايفه على خالتها .. روحي انتي مابروح

قمت من عندهم ورحت غرفتي اشوى الحمدلله الموضوع جاء من جهه امي وخواتي ما تعبت نفسي بس يارب انك تتمم انا خايف من خيبه الامل
بس لا ما يحصل لها احد مثلي وش فيني انا مستنقص نفسي رجال ولاعلي قاصر مخبر ومنظر ماعندها سالفه لو فكرت ترفض بيكون فيه حاله وحده انها ما بتتزوج من اصله

رد: متقلبين الود

(١٤)
دينا

وصلت جدتي من ساعتين بس ما قلنا لها شي وراحت نامت وللأن مافيه خبر عن سمر
ولا يوم راشد كلم زوجها يقول مرتك بتولد جاء يدورها عندنا اشوا معتز كان فيه وصرفه احيان اشك بسلامه تفكيره وش تسوي بالبيت يعني
بعد ما خلصت وحشيت التوست صبيت العصير وطلعت للبنات في الصاله ما جاهم نوم وشكلهم متوترين لقيت معتز فيه رجعت اخذت طرحتي وغطيت شعري ورجعت لهم
كذا نحناالبنات ما يتغطون عن مالك وانا بعد معتز اشوفه اخو ما اتغطى عنه عطيتهم الاكل ورحت اشوف الجوال اذ فيه خبر بس لا جديد
قطع علينا صمتنا دخول مالك رفس الباب برجله ودخلو وراه حمني وسلطه وواضح انه متنرفز
مها: خير يا الاخ وكاله بدون ابواب ماتعرف تدخل بأدب
مالك: اسكتي عني مصحيني هالمجنن من النوم يقولون نبي دينا والاخت جالسه سهرانه هنا ماكلفت على نفسها ترجع
دينا: اولاً افرض البنات مو متغطيات لاعاد تعيد الحركه ثانياً سمر راحت تولد مستحيل ارجع لازم اجلس هنا
نوف وهي جايه بعد ما طارت يوم دخل مالك وهي مو مغطيه شعرها: دينا فيه شاهي ولا اسوي
دينا: اسألي سرياتي مدري عن شي انا
معتز: مالك اذ تعبان روح غرفتي نام
مالك اللي منسدح فوق الكنبه: لا ما بيجيني نوم اههخ ياراسي
ندى: انت وش فيك ادوختنا ترا التوتر اللي فينا مكفينا
مالك: غير الطفش والقهر مافيني شي
دينا: وليه طفشان يا عين امك وين مشيعل وعيال عمك عنك
مالك: الدجاج رقدوا معتز قم جيب السوني خلنا نلعب من زمان ما هزمتك
ندى: ايه بالله انك شقردي وانا بعد من زمان ماهزمتك
مها: العبوا بدون صوت ترا جدتي نايمه

وجلسنا نتابع اللي يلعبون انا ومها نتفرج ومعتز ونوف فريق ومالك وندى فريق ولا كأن البيت فيه احد نايم صياح وضرب وبقوس حتى ندى الخبله نست الحيا وجالسه تعابطهم
مها: جعلس الجلطه يا دينا انتي واخوك البدوي وش جايبه له شهور ما نشوفه واللحين جاء امانه شوفي كيف يصايح يقول في الديوانيه
دينا: لاتدعين علي بعدين خله يتونس جدتي فوق ما اظن بتسمع صوته بعدين شوفي اختك كيف تضرب معتز علميها السنع واتركي اخواني لحظه على سيره اخواني حمني وسلطه وين طسوا
مها: طلعوا ينامون او بـلأصح انا طردتهم
قطع علينا سوالفنا دخول خالد ولد خالتي سعاد عمره يمكن ١١ سنه بس يا انه مؤذي لابعد الحدود كل شطانه اخواني ما تجي شي معه تنرفزت ماصدقت انه خمد انا
دينا: وش مصحيك انت روح نام بكره بتداوم غصباً عنك من اللحين قلت لك
مها: ياربييه خويلد طس ارقد ترا اللي فيني مكفيني خالتك من جهه والجنقل واصواتهم من جهه فطس ارقد قبل لا اخليك ترقد وما عاد تقوم
ابو خلي وهو يحك جبهته: لا انا ابي العب سوني معهم مهاوي ابي صامولي مربى
مها: تتشرط انت ووجهك اكل ذا الموجود واسمع حسك شوف كيف اسوي فيك تراني معصبه شفتي يا دينا اصواتهم قومته اللحين جدتي بتقوم
ابو خلي وفمه مليان اكل: لا سلطه وحمني هم اللي قوموني يوم دخلوا يرقدون عندي
دينا: بس كمل اكل وانت ساكت يارب وش ذي الليله مها امك ما دقت عليك
مها: لا على حطت يدك .. شوفي شوفي الخبله اقوم اتوطى بطنها قدامهم ؟؟

طالعت في اللي تقصده لقيت ندى تتهاوش مع معتز لانه ما حسب الهدف اللي جابته عصبت اصواتهم عاليه مره رحت فصلت السلك وفجأه كل الانظار توجهت لي
مالك: يا مال الكسر ليش فصلتيه
معتز: يا حيوانه اهدافي طارت على الفاضي الله يكسر يدينك
ابو خلي: لا شباب لا تدعون مو بزين بس اضربوها
دينا: سد حلقك انت مسوي تجيب حلول وانتم وين احنا بالصعيد وش ذي الاصوات قوموا قوموا روحوا للمجلس الخارجي والعبوا وصيحوا مثل ما تبون لاشوف رقعه وجهه واحد منكم فيه
ندى: صح هنا ما نقدر ناخذ راحتنا يالله شباب
مها: انتي وين طاسه بس العيال اللي يروحون ونوف وانتي امشوا اجلسوا واذ فيكم طاقه نظفوا الحوسه اللي سويتوها
دينا بتفكير: بنات تشمون اللي اشمه
معتز: ريحه مندي
مالك: لا ريحه عصيده
نوف : لا يالمشافيح ريحه كهربه
دينا بخوف: المطبخ يطلع منه دخان بنات الحقوا
ندى ببرود : اييه هذا انا نسيت براد الحليب على النار كنت بسوي لكم كرك بس انحرق احسن اصلا ما تستاهلون

ركضنا انا ونوف ومها مع بعض وطرنا للمطبخ قفلت مها النار وانا فتحت المراوح ونوف جالسه تهف بيدها على اساس انها حلت الموضوع
لا الزفت ندى ما بفوتها لها طلعت لقيت العيال طلعوا وندى منسدحه على الكنبه وتضحك من شيء في جوالها
وانا اضربها بمخده وبصراخ: قومي قومي يا مال الجلطه بغينا نموت ونختنق ونروح فيها وانتي هنا تضحكين والله لاعلم جدتي
ندى وهي ترتب شكلها بعد التصفيق: ماتسوى علي براد تروح ابو خمسه وتشتري عشره مثله او انا اللي بشتري لها
مها: ندى والله لو فيه حيل كان سدحتك هنا استحي ترا حركاتك مع العيال للحين ماحاسبتك عليها
نوف بخبث: دينا خليها ترتب الصاله تكفير عن غلطها
دينا: فكره مش بطاله يالله قومي القى نتفه ما تنشاف والله ما يصير لك خير
ندى بخرشه مني اذ عصبت ما ارحم: برتب بس مو عشانكم لا عشاني سنعه وارأف بحال سرياتي وعشان سمر ماتجي وتلقى منظر مثل ذا بأستقبالها وعشان امي تعطيني المقسوم وعشان خاله وفاء تمدحني عند اهلها
دينا: بدون هذره رتبي وروحي نامي بغرفه امك يالله بنات تعالوا غرفه سمر نشوف وش بنجهز ونحجز لها اذ ولدت بالسلامه ونبهوا لاحد يلحقنا بالذات وحده يبدأ اسمها بحرف ندى


ملاك
رندا: هي وينها ليه غايبه ؟
ملاك: اقولك بتغيب عشان خالتها ولدت ماقلتي لي وش رايك
رندا: خالتها ولدت مو هيه قهر كنت ابيها موجوده اول يوم اداومه بعد غياب
ملاك: وانا مو ماليه عينك
رندا: امزح معك الا مليتها
ملاك: رندا اسحب منك الكلام هاه بتساعديني ولا لا
رندا: من جديد وش علي اسوي
ملاك: ابد انا بس بوضح لها ان قيس اخوي يبيها عشان اذ صار شي رسمي تكون تهيأت نفسيتها وابيك انتي تعززين لي وتقولين يا حليله وحظك ومن هالكلام
رندا: اوك بسيطه الا تعالي انتي شوي فاضيه
ملاك: لا ليه ساره مسويه حفله بشاليه عشان بنتها عرفت تقرا الحمدلله والشكر
رندا: بس كنت ابيك تنزلين السوق تشترين اشياء لي بس خلاص مو ضروري متى ما فضيتي قلت لك
ملاك: من عيوني يااه انا احس اني تحت نار لازم دينا توافق عليها ابيهم لبعض مالي دخل
رندا: بس اهم شي تتقبلين رايي دينا مهما كان مو زين نمشي حياة الناس مثل مانبي صح
: سلام عليكم
ملاك: اص جات خيريه الدعله
استاذه خيريه: اهلاا اخت رندا شرفتي وانستي وانا اشوف المدرسه منوره
رندا: هلا فيك استاذه النور نورك
استاذه خيريه وهي تمسح السبوره: خير ما قلتي لي وش سبب غيابك الفتره اللي طافت
رندا: السبب عند استاذه تهاني هي المسؤوله عن الاعذار بس
استاذه خيريه: رندا متغيره انتي من جلستي مع ملاك وتغيرتي حتى دينا ..وينها ما اشوفها المهم تغيرت وصار لسانها طويل تأثير ملاك قوي عليكم انتبهوا
ملاك: يا استاذه من فتحت عيني عالدنيا وهم صاحباتي تو استوعبوا يتأثرون فيني
استاذه خيريه تصرفها: معليه نبدأ درسنا رندا ذكريني اختبرك اختباراتك اللي فاتتك



دينا

اضفت اللمسات النهائيه على الاستقبال واحس تمام كل شي جاهز شفت خاله سعاد تناديني
خاله سعاد: سمر كلمت وتقول حمولتها بيوصلون اللحين نبهي البنات يخلصون
دينا: تمام كل شي جاهز الله يهديها سمر غصب تطلع ليتها جلست يومين زياده والد امس وتطلع اليوم ماتصير
خاله سعاد: ماتطيق المستشفيات كأنك ماتعرفينها وبعدين دام هي وولدها بخير ليش الجلسه تجي هنا ونخدمها براحتنا
دينا: على راحتها ..اقول خاله ماما كلمتك
خاله سعاد وهي تفتح جوالها: ايه تقول هم بالباحه مع ان الباحه في الصيف بس مدري وش وضعهم المهم كلمتني تبي صوره لولد سعاد وسولفت شوي وسألت اذ اخوانك راحوا عمانك ولا لا وبس

قمت من عند خاله وانا متضايقه ليه ماما ما تسألني وتسولف معي يعني معقوله بعد اسئلتي امس عن حالها ردت علي بكلمه وحده بس (بخير) يارب ترجع ماما مثل ما كانت لان صعب علي اتقبلها بشخصيتها الجديده صعب

خاله وفاء: خير واقفه يا اطلعي او انزلي
دينا: لا بس كنت جايه اقول حموله سمر بيوصلون امشوا استقبلوهم
خاله وفاء وهي ترتب شعري اللي مرتب اصلا: ياكرهي والله لو مو عشان سمر مارديت عليهم السلام ما اشتهيهم بعيشه الله
دينا: ليه بينكم هوشه
خاله وفاء: وش هوشته لا بس كذا ما اتقبلهم احسهم ماديين وشايفين نفسهم حتى سمر يوم انخطبت كنت اقول لها لا توافقين بس النصيب
دينا: اسمعي جو بروح اجيب المبخره ياويلي خاله سعاد بتاكلني
خاله وفاء: لا استعجلي بقول انا اخرتها يالله رايحه اسلم عليهم يارب صبرني

جبت المبخره وسلمت عليهم وخاله سعاد تضيفهم وانا والبنات عند الباب مجهزين جوالاتنا عشان نصور سمر اول ما تدخل شفت اشاره ندى اللي عند الشباك دليل انها وصلت اشرت على نوف تعلي على صوت السماعه وناديت سرياتي عشان ترش ورد وفتحنا الباب ودخلت سمر وشكلها متفاجأه ووراها شغالتها شايله البيبي رشينا عليها الورد وصورناها وسلمنا عليهاياقلبي واضح تعبانه الحمدلله جهزنا سرير لها في غرفه الضيوف وجات خاله سعاد اخذت البيبي من يدينا وراحت توديه لعماته وانا رحت لسمر اسولف معها
دينا: يقولون دعوه الوالد مستجابه يوم جيتي تولدين وش دعيتي
سمر وهي تعدل المخده ورا ظهرها: اههخ .. هاه دعيت لابوي بالرحمه ولراشد ربي يهديه ويتزوج ولثريا ربي يهدي نفسيتها ولسعاد انها تحمل ولوفاء انها تتخرج من الجامعه اللي غثتنا فيها لها تسع سنين فيها وحتى يوم حولت انتساب مافلحت
دينا: خلك من وفاء وش دعيتي بعد
سمر: دعيت لندى تعقل وتهتم بدروسها وتتزوج ولمالك ربي يهدي سره وتستوي اموره مع امه ولولدي ربي يحميه ويكبره ولسرياتي ان زوجها يجيب عيالها للسعوديه عشان تشوفهم
دينا بتأمل: ايه وش بعد
سمر: وان ربي يهدي اوضاع سوريا وفلسطين تتحرر من اليهود وخالد اخوي يخلص من ديونه وبس والله
دينا: لعنه كل ذا طيب ما ذكرتيني دعوه
سمر بتعب: لا تلعنين قومي من عند رجلي كيفي مابدعي لك غصب هو

قمت ورحت عند البنات اشوف ولد سمر صح هم وش بيسمونه
دينا بصوت عالي: سمر وش بتسمين ولدك
جدته ام ابوه: بيسميه الغالي ابوه امه مالها دخل
دينا: المهم وش بيسمونه
سمر: ابو هيثم حبيبي قال انتي اللي حملتي وتعبتي اختاري الاسم واخترت هيثم ووافق عليه جعلني ما اخلا منه ..اهه يا جنبي احس فيه نار
خاله سعاد: ابشري يا ام هيثم ارتاحي وبروح اجيب لك مرقه حاره يمكن تخف الالام شوي
خاله وفاء بنظرات اعرفها: يازين اسمه ويا زينك انتي بعد وربي هيثم فخم فخم ابشري بتصميم اللحين بسويه وانزله بحالتي
عمه هيثم: اسمه زين الله يحفظه لابوه
ندى: ويحفظه لامه وخالاته وبنات خالاته وجدته وخواله يااارب
جده هيثم: هاذي العوبا بنت من
ندى: بنت تركي امي سعاد اللي اول صبت لك القهوه وتصير اخت خالتي سمر عاد ذي المعلومه اتوقع تعرفينها
جده هيثم: وذي يا صلاتي عالنبي بنت من
دينا: انا بنت ماجد فهد وامي تصير ثريا اللي قبل امس حضرتوا عرسها وانا اللي اخترت الاستقبال لهيثومي
جده هيثم: وهاذي من
نوف: انا بنت خالد اخو سمر وذي امي وذول بنات عماتي وبس والله
عمه هيثم تكلم خواتها وامها تحسبنا ما نسمعها : وحنا اللي كانت عوابه سمر ماهي عاجبتنا طلعت ولا شي عند بنات اخيها
مها: ما سألتوني انا من
جده هيثم: لا خلاص الله يخليتس لامتس جدتك وينها نبي ناخذ منها العلوم الطيبه مو علومتسن

كتمت ضحكتي على صدمه مها وجات خاله سعاد وجدتي بالوقت المناسب وبدو يحكون سوالف من تزوجت وتطلقت وولدت قامت سمر تقول انها تعبانه بتنام وقالت لسعاد باخذ ولدي واذ سمعتيه صاح تعالي اخذيه وكلمت دريول جدي ياخذني بدري عشان يسمح لي بكره ارجع لخوالي ومنها اتطمن على اوضاع سلطه وحمني الي رجعهم مالك الصبح



ملاك

خلصت ولبست لبس يصير ادخل فيه المسبح طلعت يازيين الجو اللي منكده كالعاده حريم اخواني مريت من عندهم طنشتهم حتى قهوه تقهويت مع اخواني مو معهم نزلت المسبح وناديت جنان تنزل معي
جنان: ماتحسي انك مبكره تعي اشربي القهوه وبعد شي ساعه ننزل سوا كلنا
ملاك: مابا اشرب شي خلاص مو لازم ياليت دينا ورنود معي كان ما احتجت اطلب احد

نص ساعه ونزلت جنان وساره معي ورحمه وساميوه يقلبون روسهم محد معهم امي راحت لاخواني ونحنا منسجمين وجنان جالسه تعلمني كيف اسبح على ظهري سمعت شهد اختي تكلمنا
شهد: كان نفسي اسبح معكم
ملاك: مين اللي مانعك تعالي
شهد: انا مانعه بنتي تسبح واخاف تشوفني وتنشب لي هي كل شي اسويه تسوي مثلي
ساره: عادي سكري البيبان واسبحي
شهد:بس ما معي لبس ثاني
ملاك: بعطيك انا معي ملابس زياده
شهد: بس ما اعرف اسبح
جنان: استخدمي هيدا البالون شو اسمه نسيت
شهد: بس انا اخاف من المويه
ملاك بعصبيه: خلاص لاتسبحين غصب مو بلازم
شهد : بس انا نفسي اسبح
ملاك: بعد كل اللي قلتيه لك نفس لو شفتك طابه يا ويلك .. لحظه انا بطلع جعت واحس نفسي ارقص

طلعت جففت نفسي وشعري وغيرت لبسي واخذت الجوال مدري ليش جاني شي خلاني ابدا اول خطه لي
رحت القروب وقلت لدينا كأني مستغربه ان قيس يسأل عنها كم عمرها وكذا بس رده فعلها كانت عاديه تقول يمكن عشاني صاحبتك قلت بس ما سأل عن رنود قالت يمكن بيقارن بيني وبين مالك طالما انه يعرفه هو وابوي يووه مدري هي تستغبي ولا غبيه قفلت من عندها بس رفعت ضغطي على الفاضي بفكر بخطه ثانيه


رندا

طلعت من عند امي لمكتب الدكتور فراس غريبه طالبني بالعاده يطلبني عشان حاله امي اللحين مو هو اللي ماسكها طقيت الباب ولما سمعته يقول ادخل دخلت سلمت وجلست مكان ما أشر
دكتور فراس: اليوم مناديك مو عشان امك لا عشان الوالد بلغتي الشرطه
رندا: ايه بلغت واخذوا صور له ومعلوماته وما جاني خبر للأن
دكتور فراس يمد علي ورقه: اذ ما عليك امر اكتبي رقم البلاغ عشان اتابعه انا بنفسي اذ ماعندك مانع طبعاً
رندا: طيب بس يعني ليش حبيت تتدخل مو ملزوم
دكتور فراس وعينه على الاوراق: مو ملزوم بس انتي تلقينها من مدرستك ولا حاله امك عرضت خدماتي وقلت انا بتابع تراك مو مجبوره تقدرين ترفضين
رندا وانا اكتب الرقم: تفضل لا ماعندي مانع بس استغربت يالله امشي بغيت شي
دكتور فراس وعينه على الاوراق: الله معك

طلعت من عنده وانا شايله هم ابوي مهما دعيت وتنميت له شر يبقى ابوي انا الى الان اتجاهل افكر فيه لان اخاف يكون صاير فيه شي وانا مو ناقصه والله مو ناقصه همومي تهد الجبال يااارب انت عوني وسندي اوقف معي كل ما قوت الدنيا عزومها علي


قيس

رحت ازور اخوي سالم فمكان شغله بس لفت انتباهي ماجد فهد وابوه رحت سلمت عليهم وعرفت انهم جايين القسم لان عيالهم في التوقيف بسبب مشكله
قيس:يالله حيه ابو ماجد وابو مالك وش العلوم
ماجد: سترك يدوم
قيس: خير ان شاء الله فيه شيء
ماجد: العيال طبوا لهم في هوشه وكاسرين يد واحد ومشوهين وجهه وشكل بيقضونها شهرين بالاحداث على كلام الضابط
قيس: لا ان شاءالله بس جهزوا محامي عشان اذ خصيمكم ما سحب الشكوى تكونون مجهزين
فهد بقلق: يالله انك تحلها من عندك ياكريم

جات فكره اكلم اخوي سالم هو ضابط وبيحلها بمعرفته
قيس: ومن العيال وش اساميهم
فهد: ولدي مشعل وولد ماجد مالك وولد المرحوم سلطان تركي وطلال
قيس استريح يا عم حياكم بمكتب سالم
رحت ضيفتهم بمكتب سالم اخوي وارسلت على سالم رساله تشرح الوضع بشكل سريع وقام بالواجب الله يعز قدره قال بس عندي وجلس يكلم العسكر اخوياه ساعه بس وطلعوا العيال جو سلموا على عمهم وجدهم والجد ما قصر نزل فيهم تهزيىء
فهد: انتم ما تستحون ماتكبرون مشعل وانت اكبرهم علامك ما عقلتهم يوم انكم تدنون نفسكم وتتناقرون مع الخبول كانكم ورعان
مالك: بكون ورع اذ ما سديت حلوقهم
تركي: ياجد تطاولوا على ولد عمي واسكت لهم على الطلاق لانفضهم واحد واحد
فهد بتأثر: يابوي يا تركي لاتفجعني مثل ما فجعني ابوك الله يجعل الجنه داره خلك من المشاكل عيال الحرام كثير بكره منهم واحد يورطك بعدها وين اروح
مشعل : ابوي خلاص هي هوشه بسيطه بس الخكاريه كبروها وكلموا الشرطه لا تضايق نفسك
سالم اخوي: جدك صادق ذي ثاني مشكله لكم الثالثه ما اظن بتسلم الجره انتبهوا وانا ابوكم
ماجد: ماقصرت نردها لك ان شاء الله يالله عيال قدامي طلال ابوك شايل همك امش اوديك له

طلعوا من هنا وشكرت سالم اخوي اللي قال اصلا بيخدمهم حتى لو ما طلبت
منه حلو انحسب في رصيد جمايلي عليهم نقطه

رد: متقلبين الود

(١٥ )
ملاك

ملاك: طيب هدي هدي يالله صباح خير ليش تبكين اللحين والله ما فهمت حرف واحد
دينا وهي ميته بكا : مالك كان بيروح فيها بسبب هوشه... والحساب اللي دايم يرسل لي راسلني اليوم ويقول كلام مره وصخ ويتحمد لسمر ومالك بالسلامه ... ملاك ذا احد يعرفني والله اتكلم جد تعبت لما في الطالعه والنازله تجيني رسايل منه غيرت حساباتي ورقمي ومع هاذا مستمر
ملاك بحزم: هاتي صوره لكل اليوزرات والارقام اللي جات لك منها ازعاج
دينا بخوف: وش بتسوين
ملاك: ما الك دخل قلتي بتحلين الموضوع بمعرفتك ولك ست شهور وانتي شايله هم المرض ذا الله ياخذ عمره جاء دوري انا اللحين اشوف شغلي ارسلي علي اللي طلبته منك
دينا: ملاك علميني وش بتسوين عشان ارسل لك
ملاك بطوله بال: اخوي قيس مثل ماتعرفين عنده شهاده برمجه وحاسب ابيه يطلع نوع الجهاز والمنطقه اللي تجيك منها رسايل عمري سمعته يقول يعرف اشياء مثل كذا
دينا: اخاف انفضح بعدين قيس ما قصر امس مالك يقول ساعد عماني لانزودها عليه
ملاك: اللحين بيساعدني انا دينا برضايي عليك اعطيني اللي طلبته لان الحين نحنا بالبيت وامي وابوي ما رجعوا من امس من عند ساره ومافي الا انا وشهد وقيس يعني بالعربي اقدر اخذ راحتي وافهمه كل شي لا تخافين بقول له انك مو عارفته وهو بيتصرف بلييز دينا نفسيتك مو ناقصه تعب اللي فيك كافيك
دينا: ابشري اللحين برسله بس لاتعلمين احد الا رنود بكيفك علميها غيرها لا
ملاك: الله يشفيك من بعلم يعني يالله ارسليها وانا بروح افتح مع قيس السالفه

قفلت من عند دينا وتأملت نفسي بالمرايه حلو حلو اللحين بعرف كيف اقربهم لبعض ببين لقيس ان هي اللي طالبه مساعدته بالاسم وببين لدينا ان قيس غار عليها وضرب صدره وقال الموضوع عندي الحمدلله ياربييي الموضوع تسهلل بشكل حلو اختصرت على نفسي كم خطه غبيه كنت ناويه اسويها



رندا

استغربت الدكتور يناديني في الصباح بدري ويوم جمعه المفروض ما يداوم رحت مكتبه وانا حاسه ان فيه شي يخص ابوي لقيته جالس على كرسي قدام مكتبه ولابس لبس سبورت مو لبس المستشفى اشر لي اجلس في الكرسي المقابل وجلست بدون صوت لاني احس ورا الصمت ذا شي مو بزين جلس يتأمل فيني يالله ندمت اني اكتفيت بالكمامه وما لبست النقاب بعدها تنحنح
الدكتور فراس: رندا انتي تعرفين ان المؤمن مبتلى وان ربي يعطي الانسان مصايب عشان يشوف اذ بيجزعون ولا يرضون بقدر ربي
رندا بجمود: قول قول اللي بتقوله انا اكثر وحده تعرف قد ايش المؤمن مبتلى
دكتور فراس: والدك لقوه قبل شهر واسبوع في شقهه مشبوهه وكان واضح انه تعرض للضرب وجرعه زايده أدت الى دخوله في غيبوبه الى الان ما فاق منها وتسجل بمجهول طول الفتره اللي ماوصل الشرطه بلاغ فيها واللحين هو بالمستشفى العسكري التابع للسجن
رندا وانا اوقف وبمشي: شكراً كثر الله خيرك تعبناك على شخص ما يستاهل المهم لا تجيب لي سيرته مره ثانيه الا اذ بتعزيني .. اجل شقه مشبووهه هاه ذا موته ارحم من حياته زوجته بين الحياه والموت وهو مخدرات وشقق مشبوه حسبي الله ونعم الوكيل

طلعت من عند الدكتور ورحت على طول للبيت براجع الدروس اللي فاتتني دام امي معطينها منوم اليوم وببدا اسوي جدول يوافق بين مواعيد نومي ومذاكرتي وزياراتي لأمي غير كذا ارتب جدول لمصاريفي لأن اللحين ماعندي احد يصرف علي لا بأكل ولا بشرب كل اللي لقيته الفين ريال بمحفظه امي بدبر نفسي بها



قيس

اللهم طولك ياروح مافهمت من ملاك شي وهي عاد بدت تتكلم اعرفها مستحيل تسكت
قيس وانا اسلك لها عشان تسكت: ايه فهمت اكثر من حساب يزعجون مين يزعجونك؟؟
ملاك: لا لا ياليته انا كان علمتك من زمان ولا استحيت من شي هي حسابات وارقام ترسل على صديقتي دينا وعاد هي مستحيه منك يوم قالت علمي قيس اصلا ذا طبعها يعني اذ بغت.....
سكتها في نص كلامها : خلاص اص يعني اللحين حسابات ترسل على دينا فهمت وهي تبيني اعرف او اتتبع مكان اللي يرسل فهمت مع اني مقدر اسوي شي لازم رقم
ملاك: ايزي جاتها ازعاجات لما غيرت حساباتها بالواتس وعندك اكثر من رقم اخذها وشوفها
قيس : طيب وش نوع الازعاجات تهديد او ابتزاز او ايش بالضبط
ملاك : غزل اييه غزل لا تطالع فيني كذا كل المسجات اللي جاتها ابيات شعر غزليه وواضح ان ذا الشخص يعرفها والبنت تعبت نفسيتها تقول احد يعرفني ويرسل علي كذا علمي قيس لاني تعبت وما بيساعدني الا قيس اخوك

يعني فيه احد يتغزل فيها وهي طلبت مني مساعده لان الوضع ما اعجبها شي حلو وفي نفس الوقت احس بشي في صدري شعور غريب من ذا اللي فكر يعطيها شعر وملتزم كل ما تبلكه يرجع يرسل ذا اكيد شخص يكن لها مشاعر صدق ويبي مجال ينفس عنها انا لولا الحيا وانا توني عرفتها فكرت بكذا فكره عشان انفس عن مشاعري
هزيت راسي كأن الافكار اللي فيه تطير مابي افكر بشيء انا بساعدها واياً كان الشخص لو ميت علاها انا بتفاهم معه بطريقتي اللحين خلني استغل الفرصه اللي جات عندي
قيس وانا طالع الدرج: ملاك انا بطلع اشوف جهازي واكلم كذا واحد يمكن انه يقدر يساعدني بس لازم تنادين البنت ذي اقصد دينا عندك ابي اكلمها عشان افهم منها تفاصيل اكثر من اللي عندك
ملاك وهي مبسوطه مدري على ايش: ابشر اللحين بقول لها تجي يارب انها فاضيه



دينا

دينا: ملاك بسرعه بخلص تراني جايه بالسرقه البيت كله نايم الصبح خلصيني قبل لايقومون اخواني
ملاك وهي تقفل الباب وراي : هدي دقيقه سلمي وادخلي سويت فطور عالسريع افطري معي لين ينزل قيس تراه فوق وشهد موجوده تطمني
دينا: مابي اكل اعطيني شي حار وبعدين مصدقه نفسك اني خايفه منك او من اخوك قال ايش تطمني شهد موجوده ..انا يماما بلحق ازور سمر والبنات قبل الليل لان عندنا عشاء في الليل بمناسبه سلامه العيال
ملاك وهي تمد عصير برتقال : هاك بارد ذا جهزته لك من بدري طيب تمام خلنا نسولف نص ساعه وينزل قيس تراه مره عصب وقال مين ذا اللي مايستحي انا بربيه عشان يعرف يتعرض لدينا مره ثانيه مدري ليه عصب كذا

عرفت ان ملاك تبالغ عشان ما انحرج من قيس او ما اخاف منه مدري كل شي جايز بس ليته صدق اقدر ارتاح من القصه ذي مو معقوله اقوم من النوم على كلام وقح وجنسي يعني خلاص نفسيتي زفت اصلا من ماما ومالك ومشاكله وولاده سمر والدروس وكل شي من جهه مو ناقصه والله
وانا اسولف مع ملاك عن سمر وولدها ومنسجمه مع قصصها سمعت احد يتنحنح عند الباب وينادي ملاك حطيت طرحتي على راسي ولبست الكمامه لاني ماجبت نقابي سمعت ملاك تسألني هنا ولا بالحوش قلت بالحوش احسن الدنيا براد وكذا اريح


قيس

جيت وانا شايل الابتوب وشفتهم جالسين بالجلسه اللي بالحوش ملاك تبربر على راسها وهي تفرك يدينها باين متوتره جلست في ابعد نقطه وفتحت اللاب وانا صاد عنهم
قيس: ايوه يا دينا انتي تشكين بأحد يعني تحسين ان فيه شخص ممكن يقول ذا الكلام لك
دينا:لا .. لو الكلام سب وكذا ممكن شكيت بس ذا واضح يلعب على حبل ثاني

اييه وانا وش اللي غابني غير ان الكلام مو سب جلست احاول اسوي تتبع للأرقام بس عجزت ابي احد يساعدني ومالي الا اخوي سالم لانه بالشرطه ويفهم ارسلتها علي وقلت شوف لي الارقام ذين وين لحاجه في نفسي وماقصر قال نص ساعه وارد لك بس في النص ساعه ذي بحاول افهم منها كل شي
قيس : طيب عادي تعطيني جوالك ولا تعالي سجلي حسابك اللي جتك عليه رسايل باللاب هنا ابي اشوفها
دينا: اسجل حسابي باللاب طل هاك الجوال وانتبه لا تطلع فيه محادثات خصوصيه
قيس وانا اهز راسي بأستنكار: يعني بقعد افتش افتحي المحادثات وهاتيه
دينا واحس صوتها تغير كأن فيه عبره وشي خانقها : بس ترا والله مالي دخل باي كلام مكتوب لان الكلام مرره قذر وانا مالي دخل لاتحسب ان مافيه احد تطاول علي الا لاني معطيته مجال ترا مالي دخل والله
قيس بتفهم: اعرف والله اعرف تطمني بعاملك مثل ملاك ولا بشك فيك بس هاتيه

عطتني الجوال بيد ترجف واخذته وشفت اخر رسايل وصلتها بالساعه٢ امس

- الحمدلله على سلامه خالتك دوني حبيبي عقبالك يارب
- قره عينك بمالك اخوك الحمدلله ما طول واقلقك عليه عاد اللي فيك كافيك يانظر عيني تلقينها من وين ولا وين ومشكلتك كتومه لو تفتحين قلبك لي وتفضفضين كان ارتحتي وخليتيني اشيل شوي من همومك اللي مثل العسل على قلبي
- شكلك نايمه نوم العوافي ياقلبي اقري اذكارك وسمي بالله مافي شي يستاهل تتضايقين عشانه وربي مافي شي يستاهل
- عقبال مايجي اليوم اللي انا اقرا اذكار النوم عليك هههههههههههههههههههههههههههههههههههههههههههههههههههههههههههههههه

وفيه رساله الساعه سته صباح هي اللي افقدتني اخر حبه عقل فيه تمنيت اشوف الكلب اللي كتبها عشان اشرب من دمه قفلت الجوال وضغطت عليه بيدي لين حسيت اني قدرت استوعب انها جالسه جنبي هي وملاك ولازم احافظ على ردات فعلي
قيس بعصبيه : اخذي جوالك واحذفيها احذفي كل شي لاتبقين اي ذكرى بجوالك وانا بطلع اخلص مكالمه وراجع لك ومنهي موضوعك لو تبقين عمرك كله بدون جوال هين
قيس معصب اعرفه اذ شال الشماغ من كتف لكتفه الثاني يعني انه متوتر او ناوي شي مدري الصدق هو الكلام اللي انقال لدينا وقح وعادي اي رجل طبيعي بيغار ان محارمه يشوفون الكلام ذا لحظه انا وش قلت ..يغار ؟يعني قيس يغار!! يعني ذا شعور الغيره اللي اشوفه بالمسلسلات وطبعاً مستحيل تكون غيرته مثل ما يغار على خواته واهله لا حاسه انه شي ثاني
دينا بعصبيه ونرفره: ملاك اخوك جعله الجلطه من مسوي نفسه وهو ينافخ وفارد عضلاته ماتسوى علي مساعدته اذ بيشوف نفسه كذا
ملاك بطوله بال وانا مبسوطه من اكتشافي: خليه من ابسط حقوقه يعصب ويطالب الكلام اللي قراه مو سهل
دينا: ابسط حقوقه هاه والكلام انا اللي كاتبته عشان يعصب ويطالب مو انا جايه ادور عند وجهه حل للسالفه ذي
ملاك: دينا تفهمي عصبيه قيس بعدين اقول لك سببها بس تراه معه عذر حتى لو عطاك كف
دينا: ما يخسى الا هو ملاك لاتخليني ازعل منك
ملاك: اتكلم جد بس صح ماتوصل كف بس بعدين بتعذرينه على كل شي سواه
دينا: هو وين طس بلحق افطر مع البنات روحي ناديه
ملاك: اذ ذابحك الجوع ليه تركتي الاكل اول
دينا: مو قصه جووع مو قصه جوع بس بطلع انخنقت

قيس وهو جاي من جوه البيت ولابس رسمي كأنه بيطلع جا وحط عينه بعين دينا غريبه ما صد عنها طالع فيها شوي ثم فيني وقال لها : الموقع اللي طلع من الارقام موقع قريب من بيتكم وانا طالع بسأل عن صاحب الارقام توصين شي
دينا: لحظه دقيقه بيت مين
قيس وهو عاقد حواجبه: بيتكم اللي هاك اليوم وصلتك له
دينا: تقصد بيت جدي او ايش تكلم زين
قيس: لا مو بيت جدك بيتكم انتم اللي عطيتيني اللوكيشن بكيفك مدري تذكرين او لا انا طالع

دينا بعد ما طلع التفتت لي : يقصد بيتنا اييه فهمت طيب مين انا ما اعرف احد هناك
ملاك: جيرانكم شي ماتعرفين
دينا: الا اعرف بس مازورهم ولا يزوروني بس ماما اللي تتواصل معهم
ملاك : بس قيس بيفهم الموضوع يالله انتي يتنقعين هنا مو بتروحين لخوالك
دينا : الا صح يالله باي دريول جدي ينتظر عند الباب


قيس

الشمس صرعت راسي وانا للأن ما قررت انزل ولا لا لأني مو ضامن ردة فعلي اخر شي سميت بالله ونزلت طقيت الباب اكثر من طقه لين قرروا يفتحون بالاخير وفتحت لي شغاله
الشغاله: مين يبغى
قيس: عبدالله حمد موجود
الشغاله: يس ابدالله فيه شنو يبغى
قيس بنرفزه: روحيه ناديه وانتي ساكته بسرعه

جلست عشر دقايق انتظر لين سمعت صوت الباب يوم لفيت شفت واحد يمكن عمره عشرين او اقل وتقريباً اقصر مني بشوي طلع ولابس قميص وحاط يده على فوق عينه شكله مايشوف شي من الشمس
هو: يالله حيه ارحب من بغيت
قيس وانا اتأمله : عبدالله حمد
عبدالله: ارحب وصلت وصلت تفضل

ودخلني مجلس جوه البيت واسمعه ينادي على القهوه كأني فاضي للشكليات ذي استنيته لين دخل وقفل الباب وبدون سابق انذار مسكته مع ياقه قميصه وثبته على الجدار وهو رفع يدينه مستسلم حتى ما كلف على نفسه يدافع الرخمه
قيس وانا اقول له الرقم اللي حافظه اكثر من اسمي : ******٠٥٥ رقم من
عبدالله: رقمي ..اه شيل يدك جاي بيتي وتهجم علي شيل يدك لاطلب الشرطه انجز
قيس: جاوب على اسألتي بدون صوت لا امسحبك الارض دينا ماجد تعرفها
عبدالله بتوتر لاحظته: دينا مين دينا لا ما اعرفها
قيس وانا اضغط على رقبته: لا تقول اسمها على لسانك قطعته فاهم
عبدالله: والله يا هالبنت اللي تقولها ماعرفها انت جاي تبلاني
قيس: لاتحلف لاكفر فيك لا تحلف اعيد سؤالي دينا تعرفها فكر تكذب شوف ووش يصير لك والله لاخلي امك تبكيك
عبدالله:وشيل يدك عشان اعرف اتفاهم معك كذا مقدر اقول شي والله شيل يدك واعلمك باللي تبيه
قيس وانا افكه: هاه اخلص علي تراني ماني طايق شوفه وجهك
عبدالله : اعرف وحده مدري الاسم يتشابه كانت امي بتخطبها لي
قيس : بس ذا اللي تعرفه الاسم يتشابه اخلص عطني علمك
عبدالله : بس يعني وسألتها عن رايها عن طريق الرقم اللي قلته وماردت بس
قيس: لازلت تخرط على راسي وتكذب هي جات على الرقم بس اخلص قول وش علاقتك فيها لا** والديك
عبدالله : بس كذا رساله يعني سألتها ووضحت اني ابيها وانتهينا انت ليش شاد حيلك خبري البنت ما وراها احد

اييه ذا اللي خلاه يتطاول البنت ماوراها احد بدون ما افكر مرتين اعطيته لكمه على فمه والثانيه على عينه وقلت وانا طالع وماهمني اذ فيه احد برا المجلس مو متغطي
قيس: فكر تقرب منها وتشوف من وراها ذا انذار بسيط بالنسبه للي مفكر اسويه غيرها والله لاخليك ماتطلع من بيتك يالرخمه اتفوه على من رباك اللي ما طلع واحد يقدر حتى يدافع عن نفسه لا توطوه الرياجيل اشوفك مقرب منها بكلمه بحرف بنظره بتبات بقبرك

طلعت من البيت ويوم جيت اركب السياره لقيته واقف عند باب بيته
عبدالله بابتسامه : مافكرت وش اللي خلاني ارسل عليها ممكن هي راضيه بعدين بيني وبين كتراها شيي شيي لو شفتها بتعذرني

يوم شافني ناوي اقرا على روحه الرخمه دخل وقفل الباب طلعت ركبت السياره وجلست كم دقيقه بعدها شغلت السياره وجلست ادور رقمها يوم اعطتني اياه ملاك لما جيت احاسبها عشانها راحت لبيت جدها



دينا

وانا جالسه مع البنات نصور ولد سمر رن رقم قيس خفت صراحه بس فكرت مافيه شي يخوف اشرت على البنات عشان يسكتون ورديت
دينا: الو
قيس وصوته عالي شكله معصب: اسمعي اي رساله توصلك من الكلب ترسلينها علي اي رساله لو حرف واحد صدقيني اذ دريت انه ارسل شي وانتي ماقلتي لي مابيصير خير انا تهديد وهددت وضرب وضربت بس ماني متأكد ان ذا النجس بيجيبها البر اي شي يجيك منه ارسليه علي فهمتي

بس خلص كلمته من هنا جاتني رساله نصيه من هنا تقول:
- الله يسامحك ياللي دخلتي بيننا عذّال بس طالما انك ما تبين اي رساله مني ابشري والله يسامحك على القلب اللي كسرتيه ماتدرين قد ايش مهتم فيك واراقبك وانتي طالعه وراجعه واسأل اخوانك الصغار عنك ومالك حتى ابسط تفاصيلك حافظها بس الله يساعدني واتخطى


دينا بقرف: لحظه قيس جتني رساله برسلها لك
قيس بصوت عالي: نعم اللهم طولك يا روح ارسلي اي شي لو حرف ارسليه
دينا: جاتك بعدين لا تستخدم ذا الاسلوب معي تمام مو يعني طلبت منك خدمه تصير بس تنافخ ومدري ايش لابوها ساعه فكرت فيها انك بتساعدني
قيس بعد سكوت طويل: اسف .. بس الموضوع يقهر انه استمر وارسل كأني ماسويت شي
دينا: تمام اصلاً واضح انها اخر رساله بس دقيقه قيس سؤال
قيس: خير
دينا: هو مين اعرفه انا ولا لا
قيس: مو لازم تعرفينه اهم شي ارتحتي منه والباقي خلاص عندي
دينا: تمام يالله استودعتك الله
قيس: الله يحفظك

قفلت من عند قيس وصراحه فرحت شوي كون ان تعب شهور راح بدقيقه اول ما رجعت للصاله لقيت البنات متجمعات وساكتين غريبه مو طبعهم وابو خلي واقف يأشر علي اشارات كأنه يقول روحي
دينا: خير وش النظرات ذي
سمر: اسألي نفسك وبعدين لا تقربين ولدي مره ثانيه اخاف تعدينه بقله الادب
ندى: ودايم تعصب علي اذ قلت بتزوج اييه بانت حقيقتك ست دينا
مها: لا صدق دينا توفعت كل شي منك الا ذا الشي احسني للان مكذبه الموضوع
دينا بعصبيه: خيير انتم وش فيكم اخت سمر وش قله ادبه لايكون شايفيني ادخن ولا ارقم بالمولات ولا اشيش بشارع الحب
ابو خلي: لا تكلمين عيال عيب بعدين الناس تقول ماوراها رياجيل
دينا: زفت خلي طس لا العن خيرك واوريك كيف اسوي بالعيال
ابو خلي: ليش يعني عشان علمتهم عادي اللي مايعلم عن الغلط يصير غلطان صح سماره
سمر: صح ياقلب خالتك صح وانتي تعالي انقبري هنا وقولي من قيس اللي فزيتي يوم شفتي رقمه ورحتي تكلمينه


يوم فهمت السالفه حطيت رجلي وابو خلي يوم شافني متجهه جهته طار فوق وادز وراه ولحقته ومسكته كفوف وضرب لين ريحت اللي فبالي ويوم وقفت لاحظت اني ما استخدمت زنوبتي واطلعها واجلده بها لين احس طلعت كل الطاقه السلبيه يوم نزلت تحت
مها: اخوي وين يا حياتي يا اخوي ذبحتك المتوحشه .... ابو خلي تعالي حبيبي تعال اشوف وش صار فيك
ندى: ما اظن يجي شكله في غيبوبه
نوف: لا صدق دينا ما استوعبت انك تكلمين وش القصه
دينا وانا امدد رجولي واصب لي شاهي وحليب: ابد والله تذكرون الحسابات اللي تزعجني كلمت قيس اخو ملاك هو يفهم بالامور ذي وقال بساعدك واول كلمني يقول انتهى وماعاد بيرسل لي احد وبس والله
سمر: اهه الله يعطيه العافيه احسن ارتحتي مع اني توقعتها وقفت لان من رمان ما جبتي طاري
ابو خلي: هين يا دينا بعلم خاله ثريا
دينا بأستغراب: انت وش اللي نزلك طس فوق لا العن خيرك واكمل اللي بديته فيك
ابو خلي: انا الغلطان اني اليوم يوم كلمت خاله مدحتك وبعدها تصفقيني والله لاقول لخاله كل فضايحك
دينا وانا اكلم سمر بصوت واطي: هو صح كلم ماما اليوم
سمر بدون اهتمام: ايه كلمة سعاد ويوم سمعت صوته قالت اعطيني اياه
دينا بحزن: طيب ليه ما كلمتني انا
سمر: ليه ماكلمتك .. المهم ماعليك فيها هي كذا تبي تبين لك انها مو فاضيه ومشغوله مع رجالها عشان تقولين لابوك اعطيها فتره وترجع ثريا اللي تعرفينا مجربتها انا
دينا: كأني اشوف ابوي واقول له شي اصلا .. الله يسمع منك وترجع ماما اللي اعرفها صدق


انتهى

رد: متقلبين الود

(١٦)
رندا

اليوم اول جلسه لامي في العلاج الكيماوي غبت عن المدرسه عشان اكون معها بعد ما طلعت من غرفه العلاج رحت لها وانا اسندها وابعد عنها الممرضه
رندا بقلق: كيفك يامي تحسين بشيء شي يعورك
امي: اهه لا بس جسمي ينهشني كأن نار مولعه بجلدي
رندا بتأثر: تكفير عن خطاياك يارب الله يبتليك بالمرض عشان يكفر ذنوبك يالغاليه
امي: مدي لي الكيس كبدي تلوع

رحست بسرعه اعطيتها كيس ورجعت اللي ببطنها نظفت المكان ورحت اعطيتها بسكوت مالح يقولون زين للي مثل حالتها ما يحوم كبدهم بس اكلت وجلست اقرا عليها جات الممرضه واعطتها منوم وبس نامت طلعت من عندها ورحت بمر كذا مول ادور وظيفه لي كاشير اي شي لان حالتي يرثى لها نص الفلوس اللي معي راحت على مشاويير اوبر يومين واصير مامعي اللي يوصلني للمستشفى


دينا
رجعت من المدرسه للبيت وقلت اخذ غفوه قبل المغرب لأن جدي اجل عزيمه سلامه العيال لين اليوم عشان يضمن ان عماني كلهم موجودين مدري على ايش مهتم يعني راحوا وطلعوا من التوقيف في ساعتين ماتستاهل عزايم ومدري كيف اخذت جوالي لقيت ماما تسأل عن حالي وحال اخواني الصغار وتسأل اذ بابا تزوج ولا لا رديت عليها انه لسا واصلا مابيسوي زواج كلها عشاء رجال وانتهت السالفه الصراحه احسن قرار سواه بابا وفكني من التصنع اللي كنت بسويه غسلت وجهي مالي حيل اتروش اللحين بس حطيت راسي سمعت باب الغرفه يدق
دينا: خييييررر
كاتي : مدام نيد يو
دينا: الله يلىـ** استغفر الله العظيم جايه جايه

رجعت لبست قميص واسع عشان بجامتي قصيره وضيقه وطلعت وانا افكر وش تبي جدتي في القايله مني رحت غرفتها لقيت مشعل عندها يالله ظهر خير

دينا: هلا جده بغيتيني
جدتي: وينك يا دانه ما تغديتي معنا
دينا: ماكنت مشتهيه وكنت تعبانه بنام مره تعبانه تعبانه تراني مداومه اليوم
جدتي: ايه الله يعينك ما بتجيبين درجات زينه بدون تعب
دينا: صح عليك امري وش بغيتي مني
مشعل: ماما الله يطول بعمرها تبيك تحجزين ضيافه حق شوي العشاء لانها بتعزم نسايبها وتبي حاجه فخمه ولانك الفتاه الشابه اللي هنا حبينا نستفيد منك
دينا بطوله بال: برسل عليك حسابات وانت اخذ اللي يعجبك مشعل انا والله ميته تعب بنام عشان اقدر اقابل الناس شوي
مشعل بشفقه: خلاص روحي نامي والباقي علي ازهليها

طلعت انام وانا افكر اكنسل الجمعه اللي شوي دام فيها ناس اغراب بس جدتي ما بتتركني شي طبيعي بتناديني غصب اللهم ياربي


ملاك

ملاك: ابوي انت لازم تقنعه الولد كبر وربي اعرف واحد في عمره متروج وجايب لابوه اربع احفاد ترا بتفوت على نفسك فرص بكيفك عاد انا نبهتك
ابو سالم: يا وليدي مايصير كل شي بالغصيبه انا قلت له ان كان لك شف بالزواج تعال لي ما بغصبه ونظلم البنت ونظلمه
ملاك: لاتجبره بس اقنعه امانه سالم اخوي تزوج وهو اصغر منه
ابو سالم: يجيب الله اللي فيه خيره

قمت من عند ابوي ورحت لامي ويوم جيت ابدا موالي سألتني اختي شهد ياخي ذي البنت عله ما تفكنا خبري بالبنت اذ تزوجت تزور اهلها يوم واحد بالاسبوع وذي شوي وتجيب رجالها عندنا
شهد: ملاك انتي وش فيك شاده حيلك بزواج قيس
ملاك: وش دخلك
شهد : شكله قاعد لك بالطالعه والنازله وبتزيحينه من طريقك
ملاك بنرفزه: ما اشوفك انزحتي من طريقي يوم تزوجتي
شهد: لا انا لزقه بالعكس احس صرت احبك بزياده وقلبببي ملاك صايره تهبلين
ملاك بنرفزه: يمه انا رايحه ارقد

طلعت غرفتي وتذكرت اييه صح اليوم اول يوم لعلاج الكيماوي لخاله فاطمه نسيت اسأل رنود عنها ارسلت عليها بس شكل ما عندها شبكه رنيت عليها غريبه جوالها مقفل وش العلم يالله معليش يمكن طفى شحنه وهي بالمستشفى نمت وانا اضحك من حلطمه دينا وعزايم جدها اللي مسوي حاتم الطائي


رندا

حسيت ان الارض بوسعها ضايقه علي ليه الكل الوظايف تطلب اقل شي شهاده ثانوي والعمر اكبر من ١٨ طيب ما اتوقع فيه احد فحاجه الريال كثري باللحظه ذي سيارات اوبر تهد الميزانيه وبدونها مقدر ازور امي يااارب دبرها من عندك يا كريم لان يومين زياده اصير حتى الاكل مقدر اشتري لقمه حسبي الله ونعم الوكيل على من كان السبب حسبي الله طرت لي فكره ببالي ما فكرت ون تو رحت لمكتب الدكتور فراس وطقيت الباب وسمح لي ادخل حسيته استغرب مني اول مره اجيه بدون ما يطلبني
رندا: معليش دكتور جيت بدون موعد
دكتور فراس: هاه.. لا عادي حياك
رندا:بس بغيت اسألك ابوي اي مستشفى واي سجن
دكتور فراس وهو رافع حاجب: مو انتي نفسك اللي ما تبيني اجيب سيرته الا اذ جيت اعزيك
رندا: صارت ظروف تتطلب اني اقابله
دكتور فراس وهو مشغول بالاوراق: بس ابوك على حد علمي للان في غيبوبه واحتمل انه يقوم منها نادر كيف بتقابلينه
رندا: كذا بس بجلس اتأمله
دكتور فراس: نصيحه اهتمي بامك ودروسك لان اذ شفتيه بيرجع الانهيار وترجع حالتك مثل اول
رندا بابتسامه: لا تطمن ابوي غير عن امي بس بغيت اخذ بطاقاته والاشياء اللي كانت معه محتاجتها
دكتور فراس: ابوك لما لقوه ما لقوا معه شي حتى يثبت هويته اقولك واضح تعرض للسرقه او شي ثاني
رندا بخيبه امل: امانه طيب خلاص شكرا استأذن
دكتور فراس : اخت رندا تعالي بغيتك في خدمه
رندا: هلا امر
دكتور فراس: بسألك تعرفين تنقلين الملفات الورقيه للكمبيوتر
رندا: ايه ليش
دكتور فراس بأبتسامه: لان احتاج احد يساعدني وينقل ملفات ويسوي عرضو باور بوينت واذ كنتي فاضيه رح نتفق على راتب تستلمينه شهرياً مقابل شغلك انا اعطيك اللاب توب وانتي انقلي المعلومات ووقت زياره امك تجين تسلمين شغلك وتاخذين اللي بعده
رندا: بس كذا
دكتور فراس: ايه بس ومو لازم تتقيدين بموعد محدد والراتب راح يكون اربع الااف شهرياً
رندا وانا مرره مبسوطه : تمام موافقه
دكتور فراس وهو يمد علي شنطه مكتب سوداء : يالله تبدين شغلك من اللحين فيه كم ملف في الشنطه وجهاز واي فاي واللاب والشاحن وترا بكيفك عندك اسبوع واكثر متى ما خلصتي الشغل تسلمينه
رندا وانا اخذ من الشنطه واقوم بمشي: تمام تبي شي ثاني
دكتور فراس : يعطيك العافيه




فراس

ارتحت بعد اللي سويته من اول من لما كنت احكي مع اختي عن حاله البنت وانها وحيده ووالديها بالمستشفيات حسيت انه محتاجه مادياً وفعلاً يوم سألت عن اغراض ابوها عرفت ان احساسي الاول صح الحمدلله اللي مشيت بنصيحة اختي وجهزت الشنطه من اسبوع وما كنت عارف كيف افتح الموضوع معها بس الحمدلله خلصت وهم وانزاح من شفت فرحتها وانا اعرف اني فرجت كربه مسلم


دينا

يوم تجهزت وخلصت نزلت تحت واسمع الاصوات تو العشاء مأذن يا جماعه على شنو مستعجلين رحت على طول جهه القسم اللي عند المطبخ لاني اعرف ان اي احد موجود هناك بيكون من العايله اول ما دخلت الصاله استقبلتني عمتي دلال
عمتي دلال: هه شوفوها شرفت
عمتي تذكار: اهلا بالتكه المأنتكه من شفت كشختك عرفت ليه تأخرتي
دينا: هلا فيك هاه بغيتوا شي دامكم مترقبيني من اليوم
عمتي دلال : ايه العالم تسأل عنك وين بنت ماجد وين بنت ثريا كن مابالدنيا غيرك
دينا: والعالم وش جايبهم اللحين خبري انها عزيمه عشاء المفروض بعد صلاه العشاء بساعه يجون
عمتي تذكار: عاد جو شنسوي يالله تعالي ادخلي معي بكشخ بك
دينا: حشى شنطه ما صارت دقيقه بتقهوى واجي عشان ماحب اتقهوى قدام الناس
عمتي تذكار: مو بلازم امشي معي يالله

مشيت مع عمتي تذكار وسلمت على المجلس كله وجاملت وابتسمت وتقبلت كل الأسئله بصدر رحب وانا نفسي ارد بالردود اللي تجي ببالي بس بحافظ على مظهر البنت الانيقه
وحده من اللي جالسين: وخالتك اللي اضنت كيفها
دينا باستغراب وهمس: خالتي شفيها.. عمه ذي وش تقول لايكون تسب
عمتي بصوت واطي: لا يا حماره اللي اضنت يعني ولدت وشتبي تسب الله يخلف على اهلك
دينا : اييه ... هاه بخير ونعمه الحمدلله
نفس الحرمه: وش سمت ولدها
دينا: سمته هيثم
حرمه ثانيه: وامك شعلومها مع رجالها يقولون اخذت الثاني
دينا: بخير كلنا بخير
حرمه ثالثه: وجدتك وينها ما عاد تنشاف
دينا: ببيتها اذ رحتي لها بتشوفينها
عمتي:قص بلسانك تكلمي زين
دينا: شسوي بها تقول جدتك ماتنشاف والله لو انها نمله
الحرمه الثانيه: وخالك تزوج ولا للحين
دينا بطوله بال: للحين
حرمه رابعه: على سيره الزواج يقولون مرزوق طلق حرمته من شهرين وهي اللي كانت طالبه الطلاق وماصدقت على الله تطلقت من هنا ساقت السياره من هنا
حرمه خامسه: وليه طلقها ماجاك العلم
الحرمه الرابعه: لا بس يقولون مشاكل من مبطي بينهم
الحرمه الثانيه: انتي يا بنت ماجد ابوك ليه طلق امك
دينا: له اربع سنين مطلقها تو تذهنين تسألين
الحرمه الثانيه: ياكثر الاشاعات والكلام اللي طلع بنسمع العلم منك
دينا: ما اتفقوا كذا يوم حسوا انهم مو متفقين قالوا بنتطلق وحلوا الموضوع بشكل بسيط جداً
الحرمه الثالثه: وامك وينها ماعاد تنشد عنا ولا تزورنا ماهقيتها من ثريا راعيه واجب
دينا: يمكن انها ماتعجبها جلساتكم لاني للان اشوفها تواصل الناس اللي ترتاح لهم
الحرمه الثانيه: ليه يا كافي سحره ولا بننظلها عين عشان ما ترتاح
دينا : لا بس يمكن تحسبكم ناس فضوليه وتنبشون بحياة الخلق وماحد يسلم من لسانكم وما صارت تزوركم

حسيت بعمتي تقومني وتقول اطلعي احسن ذا اللي ابيه طلعت لقيت منى زوجه عمي تو توصل يووه ذي وش فيها على اللون الازرق لابسه ازرق بازرق سلمت عليها وسألتني من اللي جوه وقلت معرفهم وانا رايحه للصاله لقيت استاذه جواهر تو توصل يا حبيبي اهل البيت تو يوصلون والاغراب من مغرب محضرين
سلمت علي بحماس وراحت ودتني عند اهلها اللي عند المدخل يضبطون شكلهم وخلتهم يسلمون علي وانا بس ادربي راسي ابتسم واجامل بكذا كلمه اووف ما صدقت خلصت رحت المطبخ وطلبت من كاتي تسوي لي قهوه تركيه وتحط لي حلا بتقهوى هنا ومستحيل ارجع اجلس بينهم اوف وتروني بنظراتهم والبنات اللي حاضرين بعد كل وحده نفسها براس خشمها شكلهم مغصوبات يا لبى قلب عزايم خوالي المجلس مافيه نفس ثقيله الكل يسولف كأن بينهم ميانه من الف سنه