رد: رواية نوف ومشعل كاملة للكاتبة غسق

هلا فيك لحن الوفاء
تسلمين حبيبتي وامين وياكي حياتي
الرواية نزلتها الى البارت الاخير يعني صارت كاملة وتشرفت بمرورك عزيزتي

رد: رواية نوف ومشعل كاملة للكاتبة غسق

روايه حلوة
الله يعطيك العافية
خليتيني أعيش كل حرف فيها
ناطره الرواية الجاية على أحر من الجمر
و أحب أشكرك على طريقتك في تنزيل الرواية

Sent from my GT-I9105P using 3bir mobile app

رد: رواية نوف ومشعل كاملة للكاتبة غسق

تسلمين حبيبتي واسعدتيني بكلامك واهم شي انها نالت اعجابك حياتي وان شاء الله راح انزل رواية قريبا

رد: رواية نوف ومشعل كاملة للكاتبة غسق

البارت الاخير
بعد ست سنوات
"العصر"
دخل البيت وسمع صراخ خاف وراح يشوف شنو فيه وضحك على المنظر اللي شافه : هههه
عصبت منه : اي انت بس اضحك ولا تسوي شي
وقف ضحك وقال : وانتي شفتي شكلج شلون تركضين ورا اليهال
عصبت اكثر : مشعل لا تعصبني انت تدري فيهم ما يسمعون الحجي شنو اسوي لهم
مشعل يهديها : خلاص انا بتفاهم معاهم "ووجه كلامه لولده" : فهود رهوف تعالوا
رهف وفهد راحوا عند ابوهم
مشعل : شفيكم على امكم ليش ماتسمعون كلامها
فهد : كنا نلعب مو قصدنا
رهف : اي صاج فهد ما كنا نقصد
نوف : ااخ يمه منكم شياطين بس شفتوا ابوكم على طول سكتوا
مشعل : شرايكم اوديكم الملاهي
فهد ورهف نطوا مستانسين : اي نبي نروح
مشعل ابتسم : يلا روحوا بدلوا
فهد ورهف راحوا ركض يبدلون
نوف : اي هذا اللي شاطر فيه تدلعهم
مشعل قام وقرب منها : شفيج غيرانه منهم
نوف توترت وقالت : لا
مشعل باسها على راسها : زين انتي روحي بدلي بوديج لمكان يعجبج
نوف استانست بس طالعته بنظرة : انت صاج ولا بتقص علي
مشعل طالعها ومبتسم : لا هالمرة صج بس بسرعه ولا بهون
نوف : لا واللي يسلمك مابغيت تيي وتفضى لنا عشان تهون "وراحت"
مشعل مستانس وبنفسه "ااخ احبها والله انك كنت صاج ياعمي الله يرحمك ويغمد روحك الجنة" وقعد بالصالة ينطرهم

في السيارة
مشعل : الحين بوديكم مطعم
رهف : يبه انت قلت بتودينا الملاهي
فهد : شنو ماراح نروح
مشعل همس لهم : بنروح بس مو قبل اخلص من المفأجاة
رهف وفهد استانسوا : صج
مشعل همس لهم : اشش لا تسمعكم امكم مسوي لها مفاجاة
رهف وفهد : الله وناسة
نوف طالعتهم : شفيكم تساسرون اكو شي
رهف : لا يمه ماكو شي

وصلوا المطعم
دخلوا وكان المطعم فاضي
نوف استغربت : هاو ماكو احد
مشعل مسك يدها : مو مهم يلا امشي
شوي ولا يشوفون بالونات ابيض واحمر وعليها اسم نوف
نوف مستانسة : تينن
مشعل : اكو شي بعد راح يعجبج
قعدها على الطاولة وقعدوا رهف وفهد
شوي يجيهم الاكل ومعاه كيكة
نوف استانست اكثر : واي وناسة تينن بس شنو المناسة
مشعل ابتسم : ماكو بس حبيت نحتفل فيج مو جذي
رهف وفهد مستانسين : اي
مشعل عطاها صندوق : هذي لج
نوف استانست : مشكور حبيبي تعبت روحك
مشعل مستانس لوناستها : تستاهلين حياتي لو تبين عيوني عطيتج اياها
نوف مستانسة : تسلم حبيبي يلا خلونا ناكل انا يوعانة
فهد ورهف : يلا
قعدوا ياكلون وهم مستانسين وعقبها راحوا الملاهي ولعبوا فهد ورهف واستانسوا وكان هذا اليوم حلو بالنسبة لهم
النهاية

هذه النهاية كتبتها وحدة من المعجبات بالكاتبة ووافقت الكاتبة ان تنقلها مع باقي الرواية وحبيت انزلها لكم

رد: رواية نوف ومشعل كاملة للكاتبة غسق

يعطيك العافية وجد جد الرواية جنان وانا كنت متابعتك من خلف الكواليس وامس اشتركت بس اعشان اعلق وجدجد اعجبتني والله يعطي العافية للكاتبة وللي نقل الرواية

رد: رواية نوف ومشعل كاملة للكاتبة غسق

تسلمين حياتي عيونك الحلوة وتشرفت بمتابتعك يابعد عمري والله يعافيج حبيبتي