تسلمون على تشجعكم لاكمل الروايه

وهذا من ذوقكم ان الروايه اعجبتكم

رواية على كثر ماراح اخليك تحبيني على كثر ماراح اخليك تكرهيني

للكاتبه..شفتك بعد غياب واسرني الحزن والهموم بغيابك

الجـــــــــ الســــــــــابع والعشــــــــــرون ــــــــــزء


.
.
.
.

على كثر ماراح اخليك تحبيني على كثر ماراح اخليك تكرهيني

.
.
.
.


بعد ماخلص صلاة العشاء بالمسجد الي اقريب من حارتهم مشى ليمن دخل الحارهـ وناظر في بيتهم قد ايش

تغير فركـ عيونه ليتأكد ان الي يطالع يطالع بيتهم وتأكد انه اهو حط ايدهـ ع لـــــ جرس لــــ يرن بس ابعد

اصبع ايدهـ وشاف لباب مفتوح دخل وكله استغراب شاف بيتهم مرمم ومرتب وغير الدهان الي متلون لجدران

بألوان زاهيه شاف بيتهم كأنه فله مصغرهـ ودخل ع الصاله الي مافاته الاثاث الانيق والفخم بنفس الوقت

كل الي خطر في باله متى ترمم بيتهم خلال الشهرين الي طاف ومن عدل فيه شاف باب غرفة امه مفتوح

دخل وجلس ع لــــــ كرسي ليمن شافها سلمت قام وطبع قبله ع راسها..

ريان..تقبل الله يمه

ماارفعت عيونها او ردت عليه ظلت تناظر في السجادهـ...

ريان..ايش دعوهـ يمه ماودكـ تشوفي ولدكـ بعد هالغيبه

ام ريان..ارضى عنكـ اذا طلعت بنت الناس من السجن مثل مادخلتها تطلعها

ريان الي جلس جنب امه وقبل كف امه..اذا بترضين عني اذا طلعتها من السجن ابشركـ شموخ عندي بالقصر

تهلهل وجه ام ريان بالخبر..اي قصر ماخابري عندكـ بيت غير ذا

ريان الي ناظر في وجه امه وشاف الاستغراب في وجها وغير انها تنتظر الإجابه بسؤالها..قصر الهامي

صار قصري اللحين

ام ريان الي ماوعت ع نفسها الا ايدها ع خد ريان..تساوم بنت الناس عند اهلها عشان تطلعها يعطونكـ

لـــــــ قصر انت منت ولدي انت انسان ثاني من تزوجة لـــــ غبرهـ هذي وانت متغير حيل ماراح تعرف

قيمة شموخ الا لمن تخسرها قوم اطلع من بيتي

ريان الي مااهتم للكف الي جاهـ من امه..يمه هذا من حقي اعيش عيشه مرفه وغني الاغنياء مو عيشة الفقر

ام ريان..مو ع احساب ناس تعيش انت

ريان..هذا انتي عايشه ع خير عمي هذا عدل لكـ لـــــــ بيت

ام ريان الي نهضت نفسها من ع الارض ونهضت ريان وبدت تطلعه من غرفتها..انا مو مثلكـ ابيع نفسي

عشان شي مو عمكـ الي سوا كل هذا

ريان..اجل من علميني منوا الي سوا كل هذا لـــــــ كم اذا مو عمي

ام ريان بعد ماطلعت ريان من غرفتها وسكرة لباب..ماراح اعلمكـ منو الي عمل هذا لأنكـ ماتستاهل اعلمكـ

ريان الي بدى يطق لباب لـــــ كن مافي فايدهـ وابتعد عن باب الا بنزول رزان من الدرج وراح لعندها

وحضنها..رزان اشتقت لكـ مااشتقتي لي

رزان الي مابادرة اخوها بالـــــ حضان ظلت جامدهـ في مكانها كل الي قالته..الحمد لله ع السلامه متى

وصلت من سفرتكـ

ريان الي ابتعد عنها بعد ماشاف ردة فعل بالــــــــ حضان..ماصار لي فترهـ طويله من رديت

رزان الي نزلت من الدرج واجلست ع لــــــــ كنب وشغلة التلفاز وقلبت بالــــــ قنوات..

ريان الي ظل واقف بمكانه وشاف ان اخته غير موبايله بردته وكأنه مو موجود مشى عنها..

رزان الي لـــــ فت اول ماطاحت عينها بعينه..الله لا يهينكـ اذا طلعت سكر لباب بعدكـ لا تنسى


.
.
.
.

على كثر ماراح اخليك تحبيني على كثر ماراح اخليك تكرهيني

.
.
.
.

في بيت بوخلود بالليل

بالمطبخ

خلود الي كانت تقشر في الكوسه وادموعها ماوقفت كل ماتذكرة ان زوجها كل يوم والثاني هادها ومسافر

اكرهة لــــــ فلوس الي جاتها تحسها فلوس ملعونه واركرهة اكثر ملكـ الي ماترد عليها اذا دقت عليها وتذكرة

ذاكـ الـــــ يوم الي عمرها مانسته او تناسته...بدري ياخلود ع الندم

في شقة خلود ..العصر..بالصاله

بوميثم..قولي لي يابنتي كم لــــــ مبلغ الي تريدينه وتتنازلين عن القضيه

خلود الي تمثل لـــــ بكي وتمسح انفها بالمنديل..جاي تساومني ع شرفي ياعم ولدكـ حاول انه يعتدي علي

وانت بكل سهوله تبيني اتنازل بدال ماتعتذر لي عن الي سواهـ ولدكـ فيني

بوميثم وهو يضرب بعصاهـ ع الارض..هالشيب مانزرع بشعري عبث انا شفت مصايب قد شعر راسكـ

وماهو ولدي عبدالعزيز الي يعمل كذا ماادري من الي لعب عليكـ وخلاكـ تعملي كذا بس مايهمني اهم شي

ولدي يطلع من السجن الــــــــ يوم قبل بكرا

خلود الي ناظرت في زوجها اسماعيل وهو يأشر لها قد ماتقدري اخذي منه فلوس بحكم انهم اغنيه...

بوميثم الي قام..لكـ يومين تفكري فيهم وارد اخذ جوابكـ ..وبدى يمشي

خلود بسرعه انطقة بعد مااشر لها اسماعيل مرهـ ثانيه..مااقل من 10,000000

بوميثم الي وقف ولف عليهم وهو مبتسم ورجع جلس وطلع دفتر الشيكات وكتب لــــ مبلغ بدون اي نقاش

ع لـــــ مبلغ ومد الشيكـ لــــــــ خلود الي اخذته..هذا انا وفيت بوعدي ياليت انتوا بعد توفون بوعدكم

اسماعيل الي سحب الشيكـ من ايد خلود وماصدق عيونه الي تشوف الاصفار الكثير ع اليمين والرقم الخيال..

اسماعيل..اذا تبي من اللحين نروح ونتنازل

بوميثم الي رجع وقام ومشى..مايهمني رحتوا اللحين او بكرا اهم شي عندي ولدي عبدالعزيز يكون معاي

وماابي من الدنيا شي

ماحست الا بذيكـ الايد الي تمسح دمعتها..افى ماعاش مين يبكي اختي

خلود الي ارفعت نظرها..عبدالله

عبدالله الي سحب الــــ كرسي وجلس فيه..قوليلي يااختي شنو سر لـــــ دموع اسماعيل مد ايدهـ عليكـ

او صرخ عليكـ

خلود الي ارجعت لــــ تقشر الكوسا لـــ تلهي نفسها وتبعد عيونها عن عبدالله...

عبدالله الي سحب الكوسا من ايدها مع السكين واحترم رغبة اخته بعدم الــــــ كلام..قومي صلي لكـ

ركعتين وترتاحين

خلود الي قامت بضعف واطلعت من المطبخ وداخلها الم وبداخلها..وتهقى ياخوي ربي يغفر لي بلي سويته

عبدالله وهو يقشر لكوسا وانكسرت في ايدهـ ورماها ع الطاوله مع السكين..ايش العمل هذي مامنها امل

انها تعمل لنا عشاء زين ..(يقصد فتون)..وطلع من المطبخ واخذ تليفون لاسلكي وصعد ع طول

لــــ غرفة فتون وفتحها بدون استئذان وشاف الكركبه بالغرفه اوراق متناثرهـ ع الارض وغير الي ع سرير

وشي منها ع مكتبها ولا شافها بهالكركبه كلها...

عبدالله..فتون..يافتون

اطلعت من تحت السرير وشعرها حوسه اخذة القلم الي منطول بالارضولفت شعرها وامسكت ابه شعرها..

فتون..نعم ..وتعال ليه داخل غرفتي بدون استئذان

عبدالله الي رمى التليفون ع سريرها..بسرعه دقيلي ع واحد من المطاعم الي تعرفينها

فتون..ماشاءالله الي يشوف جوالكـ مافي مسيف رقم مطعم

عبدالله..بلا كثرة حكي ودقي

فتون الي خطر ع بالها عبدالعزيز وابتسمة ودقة الرقم..شنو تبي تطلب

عبدالله الي قرب ع سرير وثناء ركبته ع سرير فتون وسحب التليفون من على اذنها وطلع من غرفتها..

عبدالله..هذا الي ناقص تطلبين ع كيفكـ واحنا الي نتوهق بأكاله


.
.
.
.

على كثر ماراح اخليك تحبيني على كثر ماراح اخليك تكرهيني

.
.
.
.

في بيت بوملكـ

بغرفة راشد

راشد الي كان طفشان من كلشي من بعد مارجع من بيت عمته وهو لساته حابس نفسه بغرفته مسكـ الجوال

ودخل ع الواتس اب وشاف افنان متصل وجلس يكتب لها وبعدها امسحه وطلع منه وهو يزفر ودخل ع

الانستغرام يسلي نفسه اشوي بالصور وهو يطالع في الصور ويحط لايكات وماغاب عن ذهنه صور يعرف

هالمكان وين مأخوذهـ وناظر بالتعليق الي مكتوب..(غدانا في بيت اختي)..صور صورهـ منهم وع

طول رسلها لـــــ عبدالله وبدون حتى مايسلم (هذا وين)

عبدالله الي كتب..اناس تسلم بالاول مو تسأل ع طول هذا وين وع فكرهـ مكتوب التعليق

راشد الي حط فيس معصب وكتب..اخلص وين

عبدالله الي حط فيس يبتسم وكتب..مقبوله منكـ هذا بيت اختي او بالاحرهـ قصرهم بس شفت جمال عند

ريان بس انصدمت انها يعاملها بقسوهـ لو انا محله مكان تزوجة عليها كان خليتها ملكة زمانها مو اختي الخبله

راشد الي فهم عليه ومن يقصد وطلع واخذ مفتاح سيارته وطلع من بيتهم وركبت سيارته وع طول للقصر..

راشد..معقوله شموخ اطلعت من السجن بس شلون ماعرفنا وماصار عندنا علم ياربي ايش العمل..

وجاء في باله عبدالعزيز ودق عليه وع طول جاهـ صوت عبدالعزيز..الو

راشد..السلام عليكم

عبدالعزيز الي حط كيس الطلب بالسيارهـ وركب مكانه وساق السياره..وعليكم السلام اخلص ايش بغيت

راشد..اقول عبدالعزيز بكرا في ازيارهـ لـــــ شموخ وحاب اخذ عمتي تشوفها اذا انتوا مو رايحين

عبدالعزيز..مافي داعي تروح لانها ماراح تستفيد شي

راشد..ليه هذي امها ومن حقها تشوفها

عبدالعزيز الي يبي يتخلص من راشد بسرعه..اهي اطلعت واذا قلبها ع بنتها تروح تزورها بالقصر لانها

عند الزفت ريان..وسكر

راشد..شنو لـــــ مقابل الي اندفع لــــــــ يطلعها ريان وليه ساكنيين بالقصر واهم لا


.
.
.
.

على كثر ماراح اخليك تحبيني على كثر ماراح اخليك تكرهيني

.
.
.
.

في بيت بوخلود

بغرفة فتون

فتون الي بعد مارتبت غرفتها اطلعت واسمعت بوري سيارهـ وارجعت وطلت من النافذهـ الي بالغرفتها وشافت

سيارهـ واقفه واطلعت من غرفتها متجهه لغرفة عبدالله طقت لباب ولا اسمعت اي جواب ادخلت وشافت

لغرفه فاضيه الا من صوت الماي الصادر من التواليت وصوت رنيين التليفون اعرفت ان المطعم ارفعته وغيرة

من نبرة صوتها...

فتون..الــــــــــــــــو

عبدالعزيز الحمدلله ان مو الغثيثه..المطعم تحت

فتون اشوا ماعرفني..اوكي وسكرت الخط وعلت من صوتها ..المطعم عبدالله

عبدالله وهو يفركـ شعرهـ بالشامبوا..الجزدان بيجيب بنطلوني اخذي مبلغ وحاسبيه

افرحت فتون ان قال لها اخذي وماقال كاني طالع له ع سريع اخذة مبلغ واطلعت من غرفته ونزلت بعد

مااسحبت عبايتها من الكنب والبستها ع سريع ولفت الطرحه وتفاجئت من ابوها رايح يفتح لباب وبسرعه قالت..

فتون..يبا خل لباب عنكـ انا افتحه هذا لي

بوعبدالله..وليه متأكدهـ انه لكـ يمكن لأخوكـ..وكح

فتون..لا هذي رزان .. وتدعي بداخلها ان يصدقها ابوها

بوعبدالله الي رجع وقبل مايدخل المجلس..اذا استوا العشاء لا تنادوني ماابقى

فتون..ان شاءالله ..وحطت ايدها ع قلبها وازفرت..الحمدلله صدق

وافتحت لباب وشافت عبدالعزيز معطيها ظهرهـ واخذة حصاهـ مرميه ع الارض ورمتها لتلفت انتباهـ

عبدالعزيز وفعلا التفت عبدالعزيز وانصدمت فتون من شكله وكيف متغير عن لــــــ مرهـ الاولى الي شافتها

فيه رغم الوجع والالم الي لاحظت عليه فتون من عيونه الا كان وسيم شافته بعيونها..

اما عبدالعزيز الي عبس بوجهه اول ماشافها وكيف صافنه فيه وفرقع بأصابعه لــــــ يشد انتباها له..

عبدالعزيز..سلامات امضيعه شي بوجهي

فتون الي كشت بأيدها ع وجه عبدالعزيز..مالت لا تصدق نفسكـ انكـ جذاب وتاخذ بنفسكـ مقلب

عبدالعزيز الي كان واثق في نفسه انه جميل وجذاب..صدقتكـ

ومد لها الاكياس واخذتهم فتون ومدة له لـــــ فلوس واخذهم عبدالعزيز وحسبهم وشافهم زايدين ومد لها لباقي..

عبدالعزيز..خذي هذول زيادهـ ع لـــــ حساب

فتون..خلهم لكـ اكراميه

عبدالعزيز الي ماحب يستخدم نفس اسلوبها ويرمي عليها لـــــــــ فلوس بحركه منه سحب الـــ كيس الي

ماسكته فتون ولا زالت ماسكته وحط لـــــــ فلوس داخل الـــــ كيس...

عبدالعزيز..لو تعرفين من اكون كان حسبتي لي الف احساب ومو انا الي اخلي ناس تتصدق علي وانا

عبدالعزيز الهـــ وبتر جملته لانه ماراح يفيدهـ اسمه اللحين وهذا كان تفكيرهـ

فتون الي ماغاب عن ذهنها طريقة كلامه وكيف كان يلفظ اسمه بوثوق..كلنا اعيال آدم وحوا

عبدالعزيز الي ماحب ايطول اكثير بوقوفه وانه يتكلم معاها بأرياحيه..بالعافيه وحسني من الفاضكـ

وطريقة تعاملكـ مع الناس مو كل الناس محتاجه للغير من اشكالها او من شغلهم ..وتركها

فتون الي مااقدرة انها تتكلم ناظرت بزواله لـــــــ يمن اختفى وادخلت...

.
.
.
.

على كثر ماراح اخليك تحبيني على كثر ماراح اخليك تكرهيني

.
.
.
.

بغرفة خلود

الي ابتعدة عن النافذهـ واهي محتارهـ في امر فتون وكيف انها تبعدها عن عبدالعزيز خايفه من العلاقه انها

تطور اكثير ويعرف عبدالعزيز ان فتون اخت خلود وياخذها وسيله لينتقم منها افصلت الجوال من الشاحن

واتصلت ع ملكـ لتخبرها لــــــ كن كان الجوال مغلق ورمت الجوال ع السرير..



.
.
.
.

على كثر ماراح اخليك تحبيني على كثر ماراح اخليك تكرهيني

.
.
.
.


وادخلت فتون الصاله وحالها غير تغير من حكت مع عبدالعزيز واهي صايرهـ شخص ثاني مرة من يم عبدالله

ولا شافته قدامها الي بدورهـ عبدالله استغرب من شرود فتون..

عبدالله..وصل المطعم

فتون واهي تجمع الكيس بأيد وتمد باقي لـــــ فلوس..خذ هذول زايديين

عبدالله..لا خليهم لكـ مصروف

فتون لأول مرهـ في حياتها ترفض رمت لـــ فلوس بحضن عبدالله..ماابقى عندي

عبدالله الي جمعهم وحطهم بجيب ثوبه..غريبه لعادهـ تحبي شي اسمه فلوس

فتون ماردت عليه ومشت للمطبخ..

عبدالله..خلي الكيس اهني وجيبي السفرهـ وجيبي لنا بيبسى وانا بنادي ع ابوي

فتون الي رمت الكيس ع الارض..اووووووف ليه ماتقوم انت

عبدالله..هذي نبرهـ جديدهـ اخت فتون

فتون الي ناظرت بالتلفاز وشافت مغير لـــــ قناهـ وحاطه ع قناهـ رياضيه وفيها كورهـ اسحبت الريموت من

ايد عبدالله وغيرة وحطتها ع ام بي سي بوووليوود ومو عافه ليه معصبه..

عبدالله وهو راص ع اسنانه..فتون رجعي الـــــ قناهـ

فتون..تبي الـــــ كورهـ روح غرفتكـ كلها ربع ساعه وبيجي لـــــ فلم الهندي واول مرهـ يعرضونه

عبدالله الي سحب الريموت ورجع الـــــ قناهـ الرياضيه..والله حاله نطلع من لـــــ بيت ع افلام هنديه

وندخل ع مسلسلات هنديه ماعندكـ قناهـ ثاني غير ذي

فتون الي اجلست ع لـــــــ كنب وهزت في رجلها..ماراح اجيب لكـ شي تبقى قوم اخدم نفسكـ

عبدالله الي قام واخذ الريموت معاهـ..لــــ مى لـــ جوع كافر والا كان علمتكـ نفسيات اللهم لكـ الــــ حمد

الا بنزلت خلود من فوق ع صراخ عبدالله وشافته طالع من المطبخ وبأيدهـ سفرهـ وعلبة بيبسى ورجع وجلس

في مكانه وفرش السفرهـ وحط الاكل وتذكر ورجع وقام...

خلود الي من شافته قايم اشرت بأيدها..خلاص اجلس انا انادي ع ابوي

رجع عبدالله جلس جلس واخذ بطاطس واقسمه بالحمص واكله وناظر في فتون بشكلها الغضبان وابعد

وناظر بالتلفاز الا الصورهـ تختفي وناظر في فتون الي ماتحملة وانفجرت ضحكـ...

فتون..ههههههههههههههههه مو انا الريموت عندكـ

عبدالله الي فتح علبة البيبسى..صحيح الريموت عندي بس عارف هاللسان الي لكـ ماظل دعوهـ مادعتيها

..وغير لقناهـ وحطها ع ام بي سي ..يلى تعالي تعشي وهذا حطيناها لكـ

فتون الي ميته جوع لكن سوت فيها عزيزة نفس..ماابقى اكفايه اذا اكلت انت

عبدالله الي مارد ع فتون وارجعت خلود واهي شايله علبة الماي مع كاس وحطتهم ع تلفاز..

عبدالله..وينه ابوي

خلود..مابقى يحس بلعومه يألمه ولـــــ كحى زايدهـ عليه..واجلست وناظرت وماشافت الي تبقاهـ..

فتون قومي جيبي لي بيبسى وتعالي تعشي

فتون الي مدة ارجولها ع لكنب..ماابقى وقومي خدمي نفسكـ

عبدالله الي مايهون عليه زعل خواته قام ورفع فتون من ع لـــــ كنب وجلسها ع الارض..ماعندي حريم

تقول ماتبقى

فتون الي خلت السفرهـ ع ظهرها..حتى ذو مقراطيه بهالبيت ماكوا

عبدالله الي راح ع لــــ مطبخ وفتح الثلاجه وماشاف الا علبتين حمضيات وعلبه وحدهـ سفن آب اخذ حمضيات

وحدهـ وسفن آب ورجع مد لـــ حمضيات لـــــ خلود الي اخذتها وحط السفن آب جنب فتون..

خلود..مافي اللا ذي

عبدالله الي لف فتون..اي ..ولتفت لفتون..وانتي يلى اكلي

فتون..لا تحاول ماراح اكل زعلي شين

عبدالله الي لف قطعه دجاج بخبز وحط بطاطس وقمسها بالثوم ومدها لفتون..

فتون الي صدت بوجهها..قلتلكـ زعلي شين

عبدالله الي مسكـ ادين فتون..ماعرفناها بنت ابوها ..وقرب الخبز ع فمها ودخلها بالقوهـ



بعيد عن عائلة بوخلود ونرجع لعنــــــــد ريان وانشوف ايش التطورات الي عندهـ



.
.
.
.

على كثر ماراح اخليك تحبيني على كثر ماراح اخليك تكرهيني

.
.
.
.


في قصر ريان

شموخ الي اصعدت فوق واهي شايله كاس عصير اناناس بصينيه لــــ توديه لعند امنه واهي تناظر بالــــ قصر

شافت باب جناحه مفتوح وقادتها ارجولها لعند ذاكـ الباب وشافت امنه ترمي ملابسها بكيس ازباله وبعدها

راحت لـــــ عند الـــــ خزنه وافتحتها وطلعت كل المجوهرات والالماس والذهب وحطتهم ع تسريحه وافتحت

لــــ علب واخذة عقد والـــ بسته والــــ محت شموخ واقفه...

امنه..ايش رايكـ حلوا علي مو

شموخ الي اطلعت شياطينها ورمت الصينيه من ايدها وراحت لـــ عند امنه وحطت ايدينها ع لـــــ علب..

شموخ..هذول حقيني انا من سمح لكـ تاخذينهم

امنه الي ابعدة ايد شموخ واشارة ع الخادمه تجي وتشيل لــــ علب..

اما شموخ اول ماشالتهم الخادمه اوقفت قدامها..خليهم مكانهم هذول حقيني مالكـ خص فيهم

امنه الي اصرخت..بسرعه وديهم جناحي ايش واقفه تناظرين

الخادمه الي خافة من كلام امنه ومشت فيهم ومشت شموخ وراها..

الا ايد امنه تمسكـ ايد شموخ..انتي تطلعين من هنا الى المطبخ

شموخ الي ماتحملة سخافة امنه واضربتها كف لـــــ طفي حرتها من امنه وماكان من امنه بدورها الا ترد

الـــــ كف لـــــ شموخ ومااكتفت هيكـ الا شدة شعر شموخ ولا كان من شموخ الا تعضها في ايدها لتفكـ

ايدها من شعرها وتعاله صوت جدالهم لـــــ مسامع ريان الي كان بالغرفه منسدح وقام يشوف هاصيحه وماان

وصل لـــــ جناح الا يشوف امنه ع الارض وشموخ فوقها اقترب وابعد شموخ من على امنه وضرب شموخ

كف ومن درجة قوته طاحت شموخ ع الارض وخرج من فمها دم وشال امنه من ع الارض واهني كانت

نشوة انتصار عند امنه ودخل ابها جناحهم وسطحها ع السرير وابعد...

امنه..وين رايح

ريان..بروح اجيب لكـ اشويت ثلج لـــ يروح اثر الكف

امنه الي حبت تدلع ع ريان وحطت ادينها ع ايدهـ..وتتركني لـــــ حالي اخاف تجي وتخلص علي

ريان الي تركـ ايدين امنه بنفور..بلاش هالـــ حركات ماابعدتكـ عن شموخ وانا ميت فيكـ

امنه..اجل ايش تسميه

ريان..لـــــ عانه

وطلع من لــــــ غرفه ومر صوب جناح شموخ وسمع صوت انينها وبكائها ولا اهتم او عبرها بكلمه نزل

تحت والجمت ارجوله اول ماوصل ع الارض بجلوس راشد بالصاله..


رواية على كثر ماراح اخليك تحبيني على كثر ماراح اخليك تكرهيني

للكاتبه..شفتك بعد غياب واسرني الحزن والهموم بغيابك

رواية على كثر ماراح اخليك تحبيني على كثر ماراح اخليك تكرهيني

للكاتبه..شفتك بعد غياب واسرني الحزن والهموم بغيابك


الجـــــــــــــــــ الثــــــــامـــــــن والعشــــــــرون ــــــــــزء


.
.
.
.

على كثر ماراح اخليك تحبيني على كثر ماراح اخليك تكرهيني

.
.
.
.


في قصر ريان

شموخ الي اصعدت فوق واهي شايله كاس عصير اناناس بصينيه لــــ توديه لعند امنه واهي تناظر بالــــ قصر

شافت باب جناحه مفتوح وقادتها ارجولها لعند ذاكـ الباب وشافت امنه ترمي ملابسها بكيس ازباله وبعدها

راحت لـــــ عند الـــــ خزنه وافتحتها وطلعت كل المجوهرات والالماس والذهب وحطتهم ع تسريحه وافتحت

لــــ علب واخذة عقد والـــ بسته والــــ محت شموخ واقفه...

امنه..ايش رايكـ حلوا علي مو

شموخ الي اطلعت شياطينها ورمت الصينيه من ايدها وراحت لـــ عند امنه وحطت ايدينها ع لـــــ علب..

شموخ..هذول حقيني انا من سمح لكـ تاخذينهم

امنه الي ابعدة ايد شموخ واشارة ع الخادمه تجي وتشيل لــــ علب..

اما شموخ اول ماشالتهم الخادمه اوقفت قدامها..خليهم مكانهم هذول حقيني مالكـ خص فيهم

امنه الي اصرخت..بسرعه وديهم جناحي ايش واقفه تناظرين

الخادمه الي خافة من كلام امنه ومشت فيهم ومشت شموخ وراها..

الا ايد امنه تمسكـ ايد شموخ..انتي تطلعين من هنا الى المطبخ

شموخ الي ماتحملة سخافة امنه واضربتها كف لـــــ طفي حرتها من امنه وماكان من امنه بدورها الا ترد

الـــــ كف لـــــ شموخ ومااكتفت هيكـ الا شدة شعر شموخ ولا كان من شموخ الا تعضها في ايدها لتفكـ

ايدها من شعرها وتعاله صوت جدالهم لـــــ مسامع ريان الي كان بالغرفه منسدح وقام يشوف هاصيحه وماان

وصل لـــــ جناح الا يشوف امنه ع الارض وشموخ فوقها اقترب وابعد شموخ من على امنه وضرب شموخ

كف ومن درجة قوته طاحت شموخ ع الارض وخرج من فمها دم وشال امنه من ع الارض واهني كانت

نشوة انتصار عند امنه ودخل ابها جناحهم وسطحها ع السرير وابعد...

امنه..وين رايح

ريان..بروح اجيب لكـ اشويت ثلج لـــ يروح اثر الكف

امنه الي حبت تدلع ع ريان وحطت ادينها ع ايدهـ..وتتركني لـــــ حالي اخاف تجي وتخلص علي

ريان الي تركـ ايدين امنه بنفور..بلاش هالـــ حركات ماابعدتكـ عن شموخ وانا ميت فيكـ

امنه..اجل ايش تسميه

ريان..لـــــ عانه

وطلع من لــــــ غرفه ومر صوب جناح شموخ وسمع صوت انينها وبكائها ولا اهتم او عبرها بكلمه نزل

تحت والجمت ارجوله اول ماوصل ع الارض بجلوس راشد بالصاله..

ريان..نعم ياالاخوا ترى ماعندنا لكـ شي

راشد الي فتح الشنطه الي قدامه ولفها ع ريان..2 ملليون واذا تبقى اكثر اعطيكـ

ريان الي اطلعت اعيونه من ضخم المبلغ بس مابين..ولمقابل

راشد..شموخ

ريان الي جلس اقبال راشد وحط رجل ع رجل..ع فكرهـ ماهمه سويت ماراح تقبل فيكـ فضلتني عليكـ

راشد الي احتقر ريان..مايهمني اذا فضلتكـ علي المهم تكون سعيدهـ ومرتاحه وهذا الي يهمني

ريان الي سحب الشنطه وسكرها..حنون والله ماعرفتكـ ..وبدى ينادي..شموخ..شموخ

راشد بسرعه تكلم قبل ماتجي شموخ..وبالمرهـ ابيكـ تطلقها

ريان الي لف عليه وهو يغمز عليه..مخطط طلعت مو سهل بس بسألكـ واثق انها بتشوفكـ فارس الاحلام

وبتاخذكـ

راشد الي رص ع اسنانه..مالكـ خص

ريان..طيب شنو لــــ مقابل لكلمة الــــــ طلاق

راشد الي فاهم حركات ريان وكان حاسب إحسابه اخذ الشنطه الي حاطها جنبه وحطها ع الطاوله..هذي ملليون زيادهـ

ريان..تحسسسني اني بصفقه انا رابح وانت لــــــ خسران

راشد الي لف انظرهـ ع الدرج وشاف شموخ نازله ومااهتم اذا كان اهو لـــ خسران اهم شي تكون بخير

لــــ كن شموخ تفاجئت براشد موجود وايش يبقى جاي...

ريان الي حسم لـــــ موضوع اول ماتوسطة شموخ الصاله..انتي طالق..طالق..طالق ..واخذي

عباتكـ وطلعي من قصري

شموخ الي ابتسمت ابتسامه عريضه لـــ بانت اسنانها..صدق طلقتني

راشد الي سبق ريان بالكلام..اي صدق يلى جيبي عباتكـ وتعالي

شموخ الي مااهتمت لـــــ وجود ريان راحت سريع لعند راشد وبدون وعي منها حطت ايدها ع ذراعه..

يعني بنطلع من اهني ع طول لـــــــ عند لـــــ بابا وعبدالعزيز

راشد الي شاف لــــ معة الــــــ وله والـــ شوق بعيونها ابتسم لها..اي

شموخ الي ابعدة ايدها واصفقت ادينها ابعض واهي تنغز..ياسلام

وراحت واهي تركض واوصلت عند الدرج بتصعد وتذكرة ان وين غرفتها وابتعدة وراحت صوب غرفتها..

راشد الي لازال يبتسم ع حركات شموخ قدامه رغم انها اختفت من قدامه والا زال مبتسم...

ريان..محسسيني انكم حيل عشاق

راشد الي بقى يقهرهـ..صدقني بعد فترهـ بتسمع خبر زواجنا

ريان الي طلع جواله وجلس يطقطق فيه..نشوف الايام راح بتكون كفيله انها تتقبلكـ او لا

راشد الي ناظر بالقصر للمرهـ الاخيرهـ..مو ناوي تضيف ضيوفكـ او بعد تبقى قيمة الضيافه

ريان الي رجع جواله بجيبه..افا اللحين تجيلكـ احسن ضيافه


.
.
.
.

على كثر ماراح اخليك تحبيني على كثر ماراح اخليك تكرهيني

.
.
.
.

بغرفة شموخ

شموخ الي اخذة لها دوش ع سريع ولبست لبسها الي اطلعت ابه من السجن ولبست عبايتها واطلعت لــ عند

راشد وريان اي لازالوا بالصاله ينتظرونها...

شموخ..يلى راشد نمشي

ريان بسخريه..مافي كلمه وداعيه او احتضان ع الاقل

شموخ الي ناظرت بريان ولا ردت عليه..

ووقف راشد ومشت شموخ قدامه وابتسم كان يحلم بهذا الـــــ يوم الي تمشي شموخ قدامه واهم طالعين من

الـــ قصر مشوا لــــ برى الـــــ قصر مكان ماسيارهـ موجودهـ واول ماشاف راشد السيارهـ ضغط ع الجهاز

لـــــ يفتح السيارهـ وفتح باب القدامي لـــــــ شموخ

راشد بأبتسامه..تفضلي

شموخ الي ناظرت في وجه راشد لـــ كن ماكان وجه راشد الي تشوفه كان وجه خالها ابتعدة خطوهـ..

شموخ..لا مو مرهـ ثاني تعملها

راشد الي تركـ لباب مفتوح واستغرب من نفور شموخ منه ومد ايدهـ..شموخ

اصرخت شموخ..لا تقرب مني..لا تلمسني جيت مرهـ ثاني لــ تعملها معي

راشد الي تراجع بخطواته..شموخ انا راشد

شموخ..منت راشد لا تكذب علي

واركضت عن راشد وركض راشد وراها لــــ كن كانت شموخ اسرع من راشد واقطعت الشارع الا ابريكـ

السيارهـ يسحق ويصدر صوت مزعج ليهم راشد بأحتضان شموخ ويبعدها عن الشارع ليبدا صاحب السيارهـ

بشتام من كلمات بذيئه في حق شموخ وراشد الي مااهتم راشد لــــ شتائم كان همه في شموخ وبس..

راشد..شموخ اصحي انا راشد مافي احد بيئذيكـ

شموخ لــ تبتعد عن حضن راشد..انت منت راشد انت اهو لا تسوي فيني شي

راشد الي رجع شموخ لـــ حضنه لـــ تبدى شموخ بالانتفاض..(الله يسامحكـ يبا عقدة لــــ بنت

لـــــ تخر شموخ مقشى عليها لــــ يحملها راشد بين ادينه ويمشي ابها لـــــ سيارهـ ويضعها ويقلق لــ باب

لـــ يركب هو الاخر ويحركـ السيارهـ ولـــ ف لــــ ناحية شموخ...

راشد..ايش راح تعملي اذا وديتكـ عندها


.
.
.
.

على كثر ماراح اخليك تحبيني على كثر ماراح اخليك تكرهيني

.
.
.
.


بقصر ريان

بغرفة امنه

ريان الي اول ماوصل الغرفه وقف عند السرير فتح الشنطه وتناثرت لـــــ فلوس ع سرير الي بدور امنه

فزت من سريرها واهي تشوف لــــ فلوس متناثرهـ قدامها امسكت بمبلغ ورفعته..

امنه..من وينلكـ كل هذا

ريان الي جلس يمها ع سرير وحط ادينه ع سرير ورجع بجسمه ع وراء..صفقه ربحت صفقه من طلاق

شموخ وطلوعها من لــــ قصر

امنه الي رمت نفسها بحضن ريان وطاح ريان وقبلته ع خدهــ..خلاص افتكينا من شموخ

ريان الي لف ع امنه بعد ماصارت منسدحه يمه وقبلها ع رقبتها..اي بس اللحين خلينا نستمتع بالفوز

.
.
.
.

على كثر ماراح اخليك تحبيني على كثر ماراح اخليك تكرهيني

.
.
.
.

بسيارة راشد

فتح الطابلون وطلع علبة عطر وبخ في ايدهـ وقرب ايدهـ من انف شموخ لـــــ تشم الـــ ريحه وتجلس وفعلا

ماان شمت ريحة الــــــ عطر الا بدت تستفيق وابعد ايدهـ عنها...

شموخ الي افتحت عيونها وشافت نفسها بوسط سيارهـ ارتعبت ولـــــ فت نظرها ع لـــ يسار وتشوف راشد

جالس حدها والــــــ صقت في باب الـــ سيارهـ

راشد..لا تخافي

شموخ بدت موجة الـــــ بكي عندها..ودني عند لــــــ بابا وعبدالعزيز

راشد الي ناظر بعيون شموخ..عذريني ماراح اوديكـ عندهم بوديكـ عند امكـ

شموخ الي حطت ايدها عن مقبض لــ باب وافتحته لــ تهم بنزول الا بأيد راشد تمسكـ ايدها..اتركني انت

نفس ابوكـ وانا ماابي اروح لــــــ عندها انت تكذب علي تبيني بس اجلس معكـ لــــ هيكـ تخدعني لـــ روحتي

عند عمتكــ

راشد بنبرهـ حنونه ممزوجه بحزن..ورب لـــــ بيت اني مااكذب عليكـ عمتي تعبانه حيل وابيها تشوفكـ

لــــ ترتاح صدقيني وماراح يضركـ لو نمتي عند عمتي الليله

شموخ الي حست بصدق راشد معاها وانه مايكذب عليها سكرت لـــ باب ولا تكلمة اي كلمة..

راشد الي احترم رقبتها بعدم الــــ كلام وشغل السيارهـ ومشى ابها وشغل الاستيريوا وامتلئ الـــ مكان

بصوت حمد البريدي..



شفتك بعد غيبه .. وحاولت احاكيـك
مهوب من قلبي ولا مـن جراتـه !!

بغيت اقول / فلان وازريـت اناديـك
وكني سمعت اسمـي معـا لالتفاتـه

فزيت من نومي وانا اقـول لبيييـك
وآثرك رويا .. فـي منامـي وجاتـه

صفقت كف .. وقلت يا حلم يشوويك
جددت لي جرح هنـى فـي مباتـه

يا اللي شريت البعد .. ما غاب طاريك
حتى لو ان البعد .. سـوى سواتـه

مهوب محزني .. على حاجـة فيـك
إلا إن قلبي شايـف بـك غناتـه !!

كن الطيوف تقـول وشحـال غاليـك
وآقول راح .. وما بقـى الا غلاتـه

لو ان ما جانـي مـن الهـم ياتيـك
كان المصلي ما حفـظ وش صلاتـه

مريت شارعكم .. وصادفنـي أخيـك
واللي قطع كبدي .. حلاتـك حلاتـه

بغيت الخبط من دعايـاه ,, وادعيـك
واسمك وقف بين اللسان ولهاتـه !!

وبغيت اجيب العيد وآقول : يرضيـك
فاللي وصاتي له .. وضيـع وصاتـه

البعد شيـب خافـق ميـت فيـك !!
والى مشى خطوه عثر فـي عصاتـه

مشكلتي / إن قلبـي يحبـك ويغليـك
ومشكلتك / انك شخص عايش حياته

كثر الجفا .. نار .. وحطبها تغليييـك
خف الحطب .. لا تزيد نار الشماتـه

إن ما احزنك جرح برجواه يدعيـك
ما عاد تفرق .. عيشته مـن مماتـه

قلبي وعمري .. كلها بيـن اياديـك
العمر فدوه .. لكن القلـب هاتـه !!

وإن ما بغيت ترد قلبي مـا اوصيـك
احسن عزاه .. الى دريـت بوفاتـه

----------------

ولف ليناظر في شموخ لكن شافها صادهـ عنه رجع وناظر بالدرب وهو منصت لشاعر وهو يشعر وما ان

انتهى من القصيدهـ او واهم عند باب بيت عمته وقف السيارهـ ولف عليها وشافها سرحانه بعالم غيرالي اهم فيه وتننحنح..

راشد..شموخ ..شموخ

شموخ الي لفت له وهي تمسح دمعتها..نعم

راشد الي ماغاب عنه دموعها..يلى نزلي وصلنا

شموخ انزلت وشافت فلة امها وهذا اول مرهـ بتزور امها اوقفت في مكانها ليمن اشر لها راشد ومشت

لــــ عندهـ ومشى راشد لـــ كن وقف يوم ماشاف ظلها ولف عليها وشافها لــــ ساتها واقفه..

راشد..يلى تعالي مافي شي يخوف

شموخ الي بدت تمشي واهي تفركـ ايدها ابعض من التوتر ودخلوا سوا الــ فله وبدى راشد ينادي..

راشد..عمتي..عمتي..افنان

يوم مالـــــ قى استجابه لـــــ ندائه مشى الا بأيد تمسكـ بأيدهـ وحس ان ايد ضايعه بكف ايدهـ تحسسها صغيرهـ

حيل كأنه ماسكـ ايد طفله صغيرهـ...

شموخ..لا تتركني لـــــ حالي اخاف انا الــــ وحدهـ

راشد الي ضغط ع ايدها بدون شعور وصعد ابها بدون مايلتفت لها..

شموخ..شلون تصعد فوق ماتحترم خصوصيات الاخرين انت

راشد الي ساكت ومارد عليها وقف قدام باب غرفة عمته وطق لباب وجاهـ صوت افنان..

افنان..تفضل

راشد الي تركـ ايد شموخ اول مافتح لباب..عمتي نايمه

ام ميثم الي افتحت عيونها..لا مو نايمه بقيت شي

راشد الي ابتسم..عندي لكـ مفاجئ ..وابعد لــــــ تبان شموخ لأم ميثم

ام ميثم الي افرحت حيل انها شافت بنتها عندها سريع نهضت من سريرها واحضنت شموخ وبدت توزع قبلاتها

ع وجه شموخ ..يمه بنتي عندي ماتتصورين قد ايش انا مبسوطه ومو سايعتني لـــ فرحه

شموخ الي شمت ريحت امها..وانا بعد ماما ولــــ هت عليكـ

راشد الي حب انه يتركـ عمته مع شموخ وافنان لــــ حالهم وسحب نفسه بهدوء دون احد ينتبه عليه..

وراحت افنان من وراء شموخ واحضنتها اهي بعد..وانا بعد احبكم واشتقت لأختي الأمورهـ



.
.
.
.

على كثر ماراح اخليك تحبيني على كثر ماراح اخليك تكرهيني

.
.
.
.


بالمول

راشد الي شراء اشياء كثيرهـ لــــ شموخ وهو مستمتع لفت انتباها فستان معروض ع المجسم باللون السكري

ومافي شي وموديل هادئ وكان عبارهـ عن لفه عند الصدر وثلاثة ارباع كم وقصير لـــ حد الركبه ودخل

المحل واشر ع لــــ فستان واخذهـ ولم يفوته الصندل العالي الي معروض بالركن باللون البني الداكن..

راشد..ابقى هذا

العامل الي جاب فردهـ من الصندل..هذا قصدكـ

راشد الي اخذها وشاف الـــــ مقاس 39واحتار في المقاس..

العامل..في مقاسات كم المقاس الي تبقى

راشد الي حركـ راسه..مممم عطني 37

ومد له الفردهـ واخذها العامل والتفت لــــــ قسم فيه عطورات راح لــــ عند الــــ قسم وشاف سيدهـ جالسه

ع الــــ كرسي

راشد..السلام عليكم ابقى عطر نسائي

حست الموظفه بربكت راشد وابتسمت من تحت لـــــ يثام وقامت واخذت ارقى لــــ قطورا الــــ نسائيه

وحطتهم ع الـــ طاوله وبدت تبخ بمنديل وتمدهـ لـــــ راشد الي بدورهـ يشم في الــــــ عطورات واحتار ايش

ياخذ وايش يخلي...

راشد..ممكن مساعتكـ بما آن الــــ عطور تخصصكم انتوا

الموظفه اسحبت علبه ع شكل تفاحه وفيها شريطه باللون الابيض ملفوفه بعنايه..هذا حلوا اذا عندكـ ذوق

بالـــ عطور وشمها اذا بتتأكد

راشد الي اخذ لــــ علبه وناظر فيها ولا حب يشمها لان انفه ماعاد يتحمل يشم شي..طيب وحدهـ ثاني

الموظفه الي افتحت الدولاب الي وراها وطلعت علبه ثانيه..اما هذي لناس لسبيشل..ومدتها

راشد الي اخذها وفتحها وكانت في علبه مخمليه وراقة له الـــــ علبه..طيب حاسبي ..ومد لها البطاقه

واخذة الموظفه البطاقه وحاسبت وحطت العطورات بكيس راقي ومدتهم لــــ راشد واخذهم وبعد ماخلص

الاحساب عن جميع الاغراض الي اخذهم طلع من المحل وهو مبسوط من الانجاز الي سواهـ ومو عارف

اذا هشي راح يبسط شموخ ام لا وراح تتقبل الاغراض ام ترفضهم هذا الي كان يدور في عقله الـــ باطني

ليمن توقف شخص اقباله عن السير..

..صار لي ساعه انادي يالاخوا ..يالحبيب وانت بدنيا غير

راشد..معاذ انت ايش جابكـ لـــــ هون

معاذ وهو يشوف الكيس الكثيرهـ عند راشد..مثل ماسقاكـ الله للمكان سقاني انا بعد بس الفرق الوحيد ان

ايدي فاضيه وانت مليانه

راشد الي رفع ادينه بالاكياس..هذول مو لي لا تكون عينكـ حارهـ

معاذ..لا تخاف عيني باردهـ بس شكلهم غالين عليكـ..وغمز لـــــــ راشد

راشد الي فهم عليه ولـــــ وين يبقى يوصل تعداهـ بمشيته والـــ حقه معاذ وسحب كيس منهم لـــ يشوف شنو فيهم

راشد عصب..ان فتحتها ينتهي كل الي بينا

معاذ الي صافر..ياساتر تبيع صاحبكـ ع اشويت كيس والله ماهقيتها منكـ

راشد الي سحب الكيس..واكثر بعد وبعدين ليه لاحقني

معاذ..ابقاكـ توصلني مو حب فيكـ لألـــــ حقكـ

وصل راشد لــ عند السيارهـ وفتح لباب الخلفي وحط الكيس فيهم وسكرهـ وشاف معاذ يفتح لباب القدامي

ومد ايدهـ راشد وسكرهـ..

راشد..اذا بتجلس اجلس وراء قدام ممنوع

معاذ الي حط ايدهـ ع جبين راشد..الحمدلله الحرارهـ طبيعيه

راشد الي ابعد ايد معاذ عن جبينه وحذف عليه اسويج السيارهـ والقفه معاذ وفتح لباب وجلس وقبل مايسكرهـ..

راشد..سوق انت اعرفكـ اذا حطيت شي في بالكـ ..وسكر لباب

معاذ الي ضرب برجله كفر السيارهـ وراح صوب الباب وفتحه وجلس وشغل سيارهـ وحب انه يحرج راشد

وهو يشم..اشم ريحة عطر نسائي اكيد خيانه صايرهـ بالسيارهـ

راشد الي مااعطى اهميه لــــ كلام معاذ..انتبه لــــــ طريق لـــــ تودينا خبر كان

معاذ الي ابتسم وهو يشغل المسجله وينتشر صوت الشعر..مممم الاخ مو سهل حاط حمد البريدي من

متى الرومتسيه شغاله عندكـ والا من اجلسوا معاكـ ..وهو يغمز..بنت الهامي والــــ حال تغير

راشد الي ابتسم وزفر زفرهـ طويله..آهـ احبها يامعاذ


.
.
.
.

على كثر ماراح اخليك تحبيني على كثر ماراح اخليك تكرهيني

.
.
.
.

في فلة ام ميثم بغرفتها

ام ميثم الي كانت ع سرير منسدحه وفي الجيهه اليمنى واضعه شموخ راسها ع صدر امها واهي مستحيه او

بالاحرهـ مكانت متعودهـ انها تحط راسها ع صدر احد غير ابوها او عبدالعزيز وكانت تناظر افنان الي كانت

بالجيهه اليسرى وحاطه راسها ع صدر امها وتشوف فيها عبدالعزيز كانت تشبه حيل ومو بس شموخ اتشوف

في افنان شبه من عبدالعزيز حتى افنان تشوف في شموخ وجه راشد تشبه له حيل وكل وحدهـ بعالمها تبحر

فيه اما عن ام ميثم الي كانت ادنيه مو سايعتها ان شموخ نايمه بحضنها لفت ع شموخ واطبعة بوسه ع خدها

ولفت ع افنان واطبعة بوسه ع خدها وقربتهم اكثر بالـــــ حضان وغمت عيونها ليمن استسلمت لـــــ نوم..


.
.
.
.

على كثر ماراح اخليك تحبيني على كثر ماراح اخليك تكرهيني

.
.
.
.

في فلة سامي

بأخر ساعات الليل..بغرفة سامي

سامي الي مااغمضت عينه نوم بعد الي حصل له رفع نفسه من السرير ونزل ارجوله بالارض وشغل الانارهـ

بضوء بسيط ولف انظرهـ وشاف سوسن مستقرهـ بنومتها ماحست عليه عدل للحاف منها ورجع ع وضعه

يفكر بالمشكله الي اهو فيه ماحس الا بأرتخاء بأعضاء جسمه ولف شاف سوسن تدلكـ اكتافه وهي ثانيه ركبها

وماان حست ان سامي مرتخيه اعصابه اشبكة ادينها ع رقبته وحطت راسها ع كتفه واهي تمرر ايدها ع

صدرهـ العاري وبعدها لفت وجهه بأصبعها...

سوسن..ايش فيكـ حبيبي

سامي الي ناظر في عيونها..اخاف اقولكـ وتبتعدي عني واخاف مااقولكـ وتزعلي مني في كل الحالتين

انا خايف

سوسن الي ابتسمت..تشكـ في نوايه ياسامي

سامي..اشوف موقفكـ معاي يوم انه خسر ابوي كلشي وبدخول شموخ السجن ماتركتيني بس اذا قلتلكـ

الموضوع بغير حياتنا كلها



رواية على كثر ماراح اخليك تحبيني على كثر ماراح اخليك تكرهيني

للكاتبه..شفتك بعد غياب واسرني الحزن والهموم بغيابك

رواية على كثر ماراح اخليك تحبيني على كثر ماراح اخليك تكرهيني

للكاتبه..شفتك بعد غياب واسرني الحزن والهموم بغيابك


الجــــــــــــــــ التاسع والعشرون ـــــــــزء


.
.
.
.

على كثر ماراح اخليك تحبيني على كثر ماراح اخليك تكرهيني

.
.
.
.


في فلة سامي

بأخر ساعات الليل..بغرفة سامي

سامي الي مااغمضت عينه نوم بعد الي حصل له رفع نفسه من السرير ونزل ارجوله بالارض وشغل الانارهـ

بضوء بسيط ولف انظرهـ وشاف سوسن مستقرهـ بنومتها ماحست عليه عدل للحاف منها ورجع ع وضعه

يفكر بالمشكله الي اهو فيه ماحس الا بأرتخاء بأعضاء جسمه ولف شاف سوسن تدلكـ اكتافه وهي ثانيه ركبها

وماان حست ان سامي مرتخيه اعصابه اشبكة ادينها ع رقبته وحطت راسها ع كتفه واهي تمرر ايدها ع

صدرهـ العاري وبعدها لفت وجهه بأصبعها...

سوسن..ايش فيكـ حبيبي

سامي الي ناظر في عيونها..اخاف اقولكـ وتبتعدي عني واخاف مااقولكـ وتزعلي مني في كل الحالتين

انا خايف

سوسن الي ابتسمت..تشكـ في نوايه ياسامي

سامي..اشوف موقفكـ معاي يوم انه خسر ابوي كلشي وبدخول شموخ السجن ماتركتيني بس اذا قلتلكـ

الموضوع بغير حياتنا كلها

سوسن..مو انا الي اتبدل بضروف قاسيه

سامي الي لف ايدهـ ع خصرسوسن زماشافت نفسها الا بحضنه جلس يمسح ع خدها وهو يقول لها..

خسرنا كلشي ماعاد املكـ شي حتى لفله الي احنا فيها حجر عليها البنكـ

ولا زال سامي يناظر في وجه سوسن يتفحص تعابير وجهها كيف راح تتغير بعد ماخبرها لـــــ كن خابت

توقعاته اول ماشاف نفسه في حضنها وتمسح ع شعرهـ ..

سوسن..يفداكـ كل شي يالغالي اهم شي وجودكـ جنبي بصحه وبخير مو مهم لفلوس هذي وسخ دنيا اذا

راحت لــــــ بال موجودهـ كلشي يهون

.
.
.
.

على كثر ماراح اخليك تحبيني على كثر ماراح اخليك تكرهيني

.
.
.
.

بنفس لمكان ماراح نبتعد بس بننزل الطابق الارضي اشوي بنشوف حال بوميثم وحال عبدالعزيز..

عبدالعزيز الي رجع من دوامه وهو هلكان راح لــــــ صوب غرفة هاني حصله نايم عدل القطه عليه واطفى

الليت وطلع من غرفته ودخل لــــ فله وتوجهه لـــــ صوب غرفته ولاحظ ان الليت شغال شاف ابوهـ يقراء

بعض من ايات الله ويطلب ان يخلص شموخ من ريان وانها ماتتئذهـ بجلوسها عندهـ ماحب انه يدخل ويقطع

ع ابوهـ دعاء تراجع لـــــ صاله وجلس بالكنب واسند ظهرهـ وجلس يفكر في ملكـ..كيفكـ اللحين ولتي

او لسى بقاي اشوي كيف حالكـ بعد ماانتقمتي مني مبسوطه ومسحتيني من حياتكـ ..وادمعت عينه..

لليوم ياعبدالعزيز وانت تفكر بملكـ ماصار لوقت الي تنساها فيه ياعبدالعزيز وتبتدي من جديد مع انسانه ثاني

ومن بيقبل في وانا عندي وصمت عار في مجالي العملي...ونام وهو يفكر بملكـ


.
.
.
.

على كثر ماراح اخليك تحبيني على كثر ماراح اخليك تكرهيني

.
.
.
.

بالصباح

انزلت سجى واهي شايله كاس فارق ادخلت المطبخ واسكبت لها ماي واطلعت من المطبخ وشافت عبدالعزيز

نايم ع لـــــ كنبه ومهو مرتاح بنومته قربت لــــ عندهـ وهزته..عمي.عمي

عبدالعزيز الي فتح عيونه ببطئ وحط ايدهـ ع رقبته..اي رقبتي

سجى..هذي من انومه الغلط

ماان وقعت عين عبدالعزيز بسجى وشاف لبسها..كم الساعه اللحين

ناظرت ساعتها سجى..اللحين الله يسلمكـ 7:15

عبدالعزيز الي قام..اوووف طافتني صلاة الفجر وانتي ايش مصحيكـ بهالوقت

ارفعت سجى الكاس..عطشت وجيت اشرب مويه

مشى عبدالعزيز وهو يدلكـ رقبته وقبل ماتدخل غرفته حس بدخول احد..

هاني..صباح الخير

عبدالعزيز..صباح النور..وشاف سجى واقفه واستنكر ان هاني يشوفها بهالبس..ايش جابكـ

هاني الي رفع جيكـ فاضي مع كاس..جيت اعبي لـــــ جيكـ ماي

عبدالعزيز..شصدف الي ماعطشتوا الا بنفس الوقت او مدبرين لموضوع

هاني الي شاف سجى بملابسها وابتسم..لــــــــ حب ياعمي

عبدالعزيز الي سحب سجى وكزها ع لمطبخ..لــــــ حساب شكله بيكثر ياسجى

سجى بدلع واهي تلف..ايش اعملت

عبدالعزيز..ناظري بلبسكـ وبعدها تعرفي انا حاسني قلبي انكم تجاوزتوا لــــ خطوط الـــــ حمراء

سجى الي ناظرت بملابسها وكانت لابسه بدي وردي اسيور مع شرت ابيض واندمت..(انا اشلون

نازله كذا)..وقبل ماتنطق

سبقها هاني..كأنكـ تدري يا عبدالعزيز متجاوزينها من زمان

عبدالعزيز الي ناظر في سجى بغضب..

سجى الي اقتربت من عمها..عمي

عبدالعزيز الي رفع ايدهـ وصرخ..انقلعي لغرفتكـ مابقى اشوفكـ

سجى الي اسحبت نفسها واصعدت الدرج واهي تبكي وبها الاثناء طلع بوميثم من غرفته..

بوميثم..علامكـ عبدالعزيز تصارخ من اصباح

عبدالعزيز الي القى نظرهـ لـــــــ هاني..اصرخ ع لغبيه سجى انا طالع اصلي فاتتني الصلاهـ..وراح

هاني الي راح وقبل راس جدهـ..صباح الخير

بوميثم..صباح النور هلا بحفيدي ايش فيه عمكـ مع سجى

هاني بكذبه..مااعرف انا دخلت ع صرخت عمي وسجى تطلع الدرج

بوميثم الي جلس ع لكنب..روح اطلع لها شوفها ايش فيها وراضها

هاني الي توهق وماعرف ايش يرد ع جدهـ الي لازال واقف..

بوميثم..ماتروح هذا بيت عمكـ ومنت غريب

هاني..ان شاءالله

ومشى عن جدهـ بيطلع الدرج الا ايد عبدالعزيز تمسكـ بأيده وبهمس..

عبدالعزيز..ان خطيت خطوهـ حرمتكـ من سجى طول حياتكـ

هاني الي ابعد ايد عبدالعزيز بعنف وتراجع وبنفس الهمس..ترى ع فكرهـ ماصار شي امبينا بس انا حبيت

امزح والمفروض تكون واثق في سجى اكثير اجل بكرا يجي واحد من براء ويتبلي عليها ايش بتعمل انت

..وسكت وناظر بعيون عمه..اتوقع تضبحها بدون تفاهم


.
.
.
.

على كثر ماراح اخليك تحبيني على كثر ماراح اخليك تكرهيني

.
.
.
.

بالصباح ..بفلة بوافنان

بوافنان الي جهز لفطور لهم وراح ليصحيهم ومالقى الا شموخ بالغرفه نايمه طلع ع عجل قبل ماتصحى الا

كانت وراهـ ام ميثم طالعه من غرفة الغسيل..

ام ميثم..صباح الخير

بوافنان الي شاف ام ميثم بحال ممتاز وبوجه مشرق طبع قبله ع جبينها..صباح النور ويسعدلي صباحكـ

جيت لاصحيكم واثاريكم صاحين الا من شموخ لساتها نايمه

ام ميثم الي قربت من لغرفه وشافت شموخ نايمه بسلام وكيف مرتاحه..ع مااجهز لفطور تكون صاحيه

بوافنان الي شبكـ ايدهـ بأيد ام ميثم..انا جهزته بس تعالي شاركيني بفنجان قهوهـ

ام ميثم الي ابتسمت..ابشر

.
.
.
.

على كثر ماراح اخليك تحبيني على كثر ماراح اخليك تكرهيني

.
.
.
.

بغرفة افنان

افنان الي حست بغيرهـ وهي تشوف الاغراض الي شاريهم راشد لــــــ شموخ وكيف مبسوط وهو يفرجها

ع كل القطع الي شاريهم...

راشد..ها افنان ماعطيتيني رايكـ فيهم

افنان وهي تشيل قطعه..مابهم شي

راشد الي سحب لبلوزهـ الي اخذتها افنان وقلد صوتها..مابهم شي..وعدل صوته..مو مهم رايكـ

اللحين يابنت عمتي لـــــــ عزيزهـ كل هالاغراض تعطينهم شموخ كأنهم منكـ انتي شايرتهم

افنان الي اخذة كل الكيس واطلعت من غرفتها وبتتوجه لغرفة امها الا صادفت امها بالطريق..

ام ميثم..الله الله من وين لكـ كل هالاغراض

افنان بغيرهـ..اشوا انكـ جيتي اخذيهم لبنتكـ..واحذفتهم ع امها وراحت

ام ميثم الي ابتسمت ع بنتها افنان وكيف واضح عليها لـــــ غيرهـ من شموخ اخذة الكيس من على الارض

بعد مارجعت بعض الملابس بالكيس لانهم انكبوا وتوجهت لغرفتها ولا شافت شموخ بالسرير ارتعبت انها

اجلست واطلعت من لــــــ بيت واهي ماانتبهت عليها ماوعت الا بذيكـ القبله ع راسها وبصوت ناعم..

شموخ..صباح الخير ماما

ام ميثم الي ارتاحت واهي تشوف شموخ واقفه حداها..صباح النور

شموخ واهي ترمي المنشفه ع السرير وتشوف الكيس الي بأيد امها..ايش هذي الكيس راح تسافري ماما

ام ميثم الي حطت الكيس ع سرير واجلست بطرفه ومدة ايدها لــــــ شموخ لـــــ تضع شموخ ايدها بأيد امها

لـــ تتقترب وتجلس حد امها..

ام ميثم..هذول ملابس لكـ ..وطلعت لملابس لــــ شموخ

شموخ الي انعجبت بالملابس ولاحظت عليها ام ميثم الانعجاب من نظرت شموخ المبهرهـ لكن اسؤال اهني

اول ماسألته شموخ..

شموخ..بس متى طلعتي ماما وجبتي كل هالاشياء وانتي طول الليل مافارقتيني

ام ميثم الي توهقت وبكذبه..(الله يسامحكـ ياراشد)..شاريتهم لكـ من فترهـ كأني حاسني قلبي انكـ

بتجين عندي وبعدين ايش لكـ بالسؤال المهم انهم عاجبينكـ

شموخ الي ماانخرطت السالفه من ارتباكـ امها وبداخلها..(والله ان هذوق ذوق واحد مو وحدهـ وعارف

شنوا احب البس)..واحضنت امها بعد ماباست خدها..مشكورهـ ماما..وابتعدة شموخ عن امها

ام ميثم الي قامت واهي تمسح ع شعر شموخ..يلى جهزي نفسكـ وتعالي تحت

شموخ..ان شاءالله

.
.
.
.

على كثر ماراح اخليك تحبيني على كثر ماراح اخليك تكرهيني

.
.
.
.

ع طاولة الاكل

راشد الي متوتر اكثير اذا اقبلت عليه شموخ ايش راح يتصرف من كثر ماكان يحركـ المعلقه بكوب الشاي

ذابت مثل ماذاب السكر..

كانت حاطه عينها عليه تشوف كيف مو قادر يثبت بمكانه ويمسح العرق من كثر ماتوتر وحط ايدهـ عليها و

لفت عليه واهي مبتسمه..

بوافنان..افنان حبيبتي روحي نادي ع اختكـ شموخ يمكن مستحيه انها تنزل لـــــ حالها

افنان الي قامت بعد مااسحبت ايدها من ايد ابوها..ان شاءالله

ومشت الا شافت شموخ تنزل من الدرج وارجعت مكانها..انزلت

.
.
.
.

على كثر ماراح اخليك تحبيني على كثر ماراح اخليك تكرهيني

.
.
.
.

بفلة سامي..بغرفة سجى

سجى الي قطعت نفسها من لــ بكي واهي تمسح انفها بمنديل وترميه ع سريرها..الله يسامحكـ ياهاني

كذا تخبر عمي بهيكـ موضوع وانت عارف انه ماصار شي..وتشوف شاشة جوالها يضوي بقلبي اخذته

ورمته ابعيد عنها ولازال يدق..ماني مكلمتكـ

طل عليها وشافها تبكي كسرة خاطرهـ حيل وانه اهو اسبب في بكائها جلس حدها ع سرير وكزها بكتفه..

عبدالعزيز..لساتكـ زعلانه من عموا

سجى الي تناظر في عمها واهي تمسح انفها بالمنديل..اكثير

عبدالعزيز الي قرب راسه من راسها..طيب قومي سوي لي بيض مغلي

سجى..مااعرف اغلي بيض

عبدالعزيز..طيب قبلان ابيض مسلوق

سجى..ولا هذا مااعرف اسويه حدي كأس ماي اسكبه من لبراد

عبدالعزيز الي خرب شعرها..طيب قومي جيبي لي ماي لنشوف مايكـ ايش بيكون طعمه

سجى الي ابعدة نفسها عن عمها..يعني هذي ترضايه

عبدالعزيز الي قام من سريرها وهو يسحبها من ايدها ونزلوا لتحت واهم يضحكون مع بعض الي من شافهم

هاني كذا ارتاح وهو مبتسم واجلسوا ع طاولة لفطور ليفطرون سوا...

سامي الي ناظر في اوجيهم كلهم وناظر في سوسن الي اشرة عليه انه يحكي السالفه لهم

سامي..يبا

بوميثم الي تركـ الشوكه ولف عليه..نعم يبا

سامي..يبا سامحني ع الي بقوله بس مطر انكم تعرفوا مني مو من غيري ..وسكت ينتظر ردة فعلهم كلهم

عبدالعزيز الي نطق من توقف سامي عن الحكي وهو يشوف اخوهـ بتغير ومهموم..عسى ماشر ياخوي

هونها واهي تهون لا تضايق نفسكـ وانا اخوكـ انا لكـ عون وسند مافي شي يسوى بدنيا

سامي الي كلمات عبدالعزيز شجعته اكثر انه يحكي لكن دار بوجهه عن ابوهـ..خسرة كلشي وحتى لفله

الي احنا فيها بياخذها لبنكـ يعني لازم نطلع من اهني

هدوء مريب بالمكان وازداد من خوف سامي كل الي شافه صدر حنون ماهما كبرنا بنظل قدامه اصغار..

بوميثم..كلشي يروح الا انتوا مااتحمل اخسركم


.
.
.
.

على كثر ماراح اخليك تحبيني على كثر ماراح اخليك تكرهيني

.
.
.
.

بالسيارهـ عند راشد وشموخ وكان الجوا شبه مكهرب..

راشد بداخله..هذا اهي لابستهم يعني معناتها مااعرفت انهم مني بس ايش عمتي قالت لها لقتنعت فيهم

والبستهم

ودار في الدوار الي كانت شموخ يدور تفكيرها مع دوران السيارهـ بالدوران...

شموخ بداخلها..اقوله عن لملابس او لا بس اذا قلت له ايش بقول وايش راح اتصرف معاهـ ماابي يحس

اني قبلته بحياتي ياربي ايش الحل انا بقول ويصير الي يصير

ولكن كانت المفاجئ مع التفاتها شافته يلتفت عليها وانطقوا بنفس الوقت..راشد..شموخ

وضحكة شموخ وابتسم راشد لها وكان مبسوط ان نفسيتها تمام وبعدها قال..

راشد..ايش بقيتي مني

شموخ الي غيرة الموجه..شنو اسمه الشاعر الي سمعت له لقصيدهـ لـــــ بارح

راشد الي استغرب من سؤالها وماتوقع ان يكون هذا الي تبقى تسأله..اسمه حمد البريدي لا تقولي انكـ

ماتعرفينه

شموخ الي استحت انها تقول ايه ارجعت بنظرها لـــــ قدام وبانت لها فلة اخوها سامي وابتسمت..

شموخ..وصلنا راشد

راشد الي عرف ان عمرها مااسمعت شعر ولا تعرف شي عن شعر بعد ماوقف السيارهـ امام لـــــ فله

سحب السيديه من لـــ مسجله وحطه بعلبته ومدهـ لـــ شموخ وهو ينادي عليها..شموخ

شموخ الي لفت واعيونها تلمع..نعم

راشد..تفضلي صحيح هديه مو قد لــــ مقام

شموخ الي ماحبت تحرجه معاها وتنحرج انها ترفض هديته وماتقبلها مثل مااقبلت لـــ ملابس اخذته وحطته

بشنطتها وقالت..مشكور ياراشد ع كل شي ياليت ماصار شي بالماضي وماكان هذا حالنا اللحين

ونزلت ونزل معاها وهو حامل كل الــــ كيس ودخلوا ع لـــ فله وتفاجئت بالمنظر الي قدامها تشوف سامي

في حضن ابوها ع طاولة الاكل ولـــ كل يمسح بدمعته مقصها بطنها وارتجفت اطرافها خافت ان شي صاير

ومشت لــــ ناحيتهم واهم مااحسوا بشي الا عبدالعزيز الي التفت وشافها تمشي قدامه مسح دموعه وهو

يوقف وبهمس..شموخ

وهو يمد ايدهـ ع كتف ابوهـ كأنه يبي ينبه ابوهـ الي يشوفه حقيقه ام خيال وما خابت توقعات عبدالعزيز الي

لف ابوهـ ع طول اول ماوصلت ايد عبدالعزيز ع كتفه ماعرف بوميثم ايش يعمل بالمنظر الي يشوفه ان شموخ

قدامه واقفه كل الي اعمله ابعد سامي عن صدرهـ بحنيه مثل لــــ حنيه الي حطه عليه قام من كرسيه وهو

يسابق المسافات لكن قبل مايوصل لـــــ عند شموخ سقط ما احملته ارجوله للوصول لها ماان طاح ع الارض

الا كانت ايد شموخ توصل للارض وترفع والدها...

شموخ..بابا

بوميثم الي ادموعه اسبقته..ياعيون بابا

ولــــــ كل حاوط شموخ من كل لـــــــ جهات والا احد انتبه بوجود راشد الي سحب نفسه بهدوى الا عبدالعزيز

الي لـــــــ حقه لـــــــــ برا...

عبدالعزيز..راشد

راشد الي غمض عينه وعض ع شفته اسفليه وحكـ في ادينه من التوتر ولف لناحية عبدالعزيز..

راشد..نعم عبدالعزيز ..وفتح عيونه

عبدالعزيز الي حضن راشد بقوهـ ومسح ع ظهر راشد بأيدهـ..مشكور ياولد خالي انكـ رجعت شموخ لنا

راشد الي مابادر عبدالعزيز بشي من الصدمه وكلمات عبدالعزيز ترن في اذنه..

ابتعد عبدالعزيز عن راشد ومسكـ عبدالعزيز ايد راشد وبدموع تتساقط..صدقني ياراشد هالـــــ معروف

ماراح انساهـ طول حياتي وراح يظل دين برقبتي

راشد وهو يمسح دموعه بأيدهـ ويسحب ايدهـ من ايد عبدالعزيز..اشي الوحيد الي ابغاهـ ماراح تعطيني

اياهـ لو شو ماصار

ومشى راشد بدون مايسمع جواب من عبدالعزيز للمجهول الي رسمه له وان هذا اخر يوم يشوف فيها شموخ

اما عبدالعزيز الي دخل داخل لفله وهو مضايق ع حال راشد وحبه لـــــ شموخ الي ماراح يكون فيها نصيب

وابتسم اول ماشاف شموخ جالسه حدى ابوها...


.
.
.
.

على كثر ماراح اخليك تحبيني على كثر ماراح اخليك تكرهيني

.
.
.
.

بفلة ميثم

المساء الساعه 4:55

اريج الي حطت لها اشويت ملابس بشنطه صغيرهـ والبست عبايتها وانزلت لـــ تحت وشافت امها مع ابوها

يتقهون لقت سلام بارد واطلعت ولا قالت لهم وين رايحه واضغطت ع رز الاتصال واتصلت ع رقم تحبه

حيل واشتاقت لسماع صوته ورافقها بأيامها الي راحت واول مااسمعت كلمة الو نزلت دموعها..

اريج..اشتقت لكـ..واركبت السيارهـ

بضحكه..هههههههههههه كلها لحظات بسيطه واكون معكـ طلعتي انتي

اريج واهي تزيد بالبكي..اي وهذا انا لطريق حبنا رايحه

بتنهيدهـ..اريج حبي مااحب لــــ بكي انا

اريج واهي تمسح دموعها وتضحكـ ضحكه خفيفه..هههههه اسفه حبيبي بس والله مشتاقه

ارسل بوسه..هذي بوسه تصبيرهـ ع مااجي لكـ

اريج الي تنهدت براحه..بحتفظ فيها ليمن تجي عندي انا اللحين وصلت اخليكـ

حط ايدهـ ع قلبه ولاحظ انه جاه خط ثاني..ماودي بس مجبور اني اسكر عندي خط ثاني باي حياتي

وسكرت اريج من حبيبها ونزلت ع لعمارهـ الي ياما تمنت ان الايام تمر وتنجمع مع حبيبها وادخلت الشقه

وسكرت لباب..



رواية على كثر ماراح اخليك تحبيني على كثر ماراح اخليك تكرهيني

للكاتبه..شفتك بعد غياب واسرني الحزن والهموم بغيابك