رواية على كثر ماراح اخليك تحبيني على كثر ماراح اخليك تكرهيني

للكاتبه..شفتك بعد غياب واسرني الحزن والهموم بغيابك


الجــــــــــــــــــ الثلاثون ـــــــــزء


.
.
.
.

على كثر ماراح اخليك تحبيني على كثر ماراح اخليك تكرهيني

.
.
.
.

بفلة ميثم

المساء الساعه 4:55

اريج الي حطت لها اشويت ملابس بشنطه صغيرهـ والبست عبايتها وانزلت لـــ تحت وشافت امها مع ابوها

يتقهون لقت سلام بارد واطلعت ولا قالت لهم وين رايحه واضغطت ع رز الاتصال واتصلت ع رقم تحبه

حيل واشتاقت لسماع صوته ورافقها بأيامها الي راحت واول مااسمعت كلمة الو نزلت دموعها..

اريج..اشتقت لكـ..واركبت السيارهـ

بضحكه..هههههههههههه كلها لحظات بسيطه واكون معكـ طلعتي انتي

اريج واهي تزيد بالبكي..اي وهذا انا لطريق حبنا رايحه

بتنهيدهـ..اريج حبي مااحب لــــ بكي انا

اريج واهي تمسح دموعها وتضحكـ ضحكه خفيفه..هههههه اسفه حبيبي بس والله مشتاقه

ارسل بوسه..هذي بوسه تصبيرهـ ع مااجي لكـ

اريج الي تنهدت براحه..بحتفظ فيها ليمن تجي عندي انا اللحين وصلت اخليكـ

حط ايدهـ ع قلبه ولاحظ انه جاه خط ثاني..ماودي بس مجبور اني اسكر عندي خط ثاني باي حياتي

وسكرت اريج من حبيبها ونزلت ع لعمارهـ الي ياما تمنت ان الايام تمر وتنجمع مع حبيبها وادخلت الشقه

وسكرت لباب..


.
.
.
.

على كثر ماراح اخليك تحبيني على كثر ماراح اخليك تكرهيني

.
.
.
.


في بيت اسماعيل

خلود الي ارجعت بيتها لترتبة وتنظفة قبل مايرجع اسماعيل من السفر مشت ورمت عبايتها ع لكنب وادخلت

ع طول المطبخ وغسلت الاواني ورتبته ورتبت لبيت واستغرقت في ترتيب لبيت اربع ساعات وبعد مااخلصت

صعدت فوق لتاخذ لها دوش...

وبهالاثناء كان اسماعيل توهـ مخلص تروش طلع من لتواليت وهو لاف الفوطه ع خصرهـ وفوطه اصغيرهـ

ينشف ابها شعرهـ الا بدخلت خلود لغرفه الي تفاجئت بوجودهـ بالبيت ولا توقعت ردته اليوم من السفر..

خلود..اسماعيل متى رديت من السفر

اسماعيل وهو يرمي لفوطه ع التسريحه واخذ فرشات الشعر ومشط شعرهـ..لبارح بالليل

خلود الي اقربت منه ولفته لناحيتها..ليه ماخبرتني او جيت اخذتني من بيت اهلي

الي نفخ في وجهها..مو مجبر اخبركـ واجي اخذكـ

خلود الي نزلت دموعها ع خدها..تغيرة اكثير يااسماعيل من بعد ماصارت عندنا فلوس اكثير تغيرة

اسماعيل الي مسكها من فكها..لو واحد غيري ماكان خلاكـ ع ذمته دقيقه وحدهـ بعد الي صار

وتركها بقوهـ ومشى عنها وتاركها بحيرتها بألمها وجعها...


.
.
.
.

على كثر ماراح اخليك تحبيني على كثر ماراح اخليك تكرهيني

.
.
.
.


بشقة اريج بالليل

اريج الي حضرت كلشي من الاكل ورتبته ع طاوله وشغلت لشموع الي حاطتهم عند المدخل وفي شي

ع طاولات صغيرهـ وادخلت غرفة النوم وشغلت الي عند التسريحه والي جنب السرير والي ع كمدينه

وافتحت الدولاب وطلعت منه لفستان وارتدته وكان عبارهـ عن كتف واحد وبشكـ عند الصدر ويبدى يتوسع

من تحت الصدر وشافون باللون السكري وطويل مع اضائه خفيفه ع الجفن مع روج صارخ فوشي وارفعت

شعرها بحركه بسيطه وحطت افيونكه ع لجنب ورشت لها عطر واطلعت من لغرفه...


بهالاثناء وقفت السيارهـ عند العمارهـ المطلوبه وقبل ماينزل رش له عطر ونزل من السيارهـ وتوجه للبوابة

العمارهـ ودخل فيها وضغط زر المصعد الي انفتح له ودخل فيه وضغط ع الدور الرابع وسرعان ماوصل له

وانفتح المصعد وطلع منه ودق الجرس الشقه وابعد اصبعه...


ماان اسمعت الجرس يضرب الا اسرعة في خطواتها وافتحت لباب واهي مبتسمه ومدة ايدها واسحبته لداخل

واحضنته وبادرها بالحضان بعد ماسكر لباب برجله وابتعدة عنه واطبعة بوسه ع خدهـ بنعومه...

اريج..وحشتني حبيبي خليل

خليل الي سحبها لصدرهـ وحضنها اكثير وطبع قبله ع ظهرها..وانا اكثر ياقلبي

.
.
.
.

على كثر ماراح اخليك تحبيني على كثر ماراح اخليك تكرهيني

.
.
.
.

بفلة ميثم

ميثم الي يشوف الساعه اوصلت لمنتصف الليل..بنتكـ حيل تأخرة دقي عليها شوفي ليه تأخرة من اطلعت

لعصر ماردت

ابرار الي تبرد في اضافيرها..دقت علي وقالت بتنام بيت خالها الليله

ميثم الي قام..ع خير ان شاءالله يلى تصبحين ع خير


.
.
.
.

على كثر ماراح اخليك تحبيني على كثر ماراح اخليك تكرهيني

.
.
.
.

بفلة سامي

ع طاولة العشاء

بوميثم الي يناظر في شموخ وبالخصوص في ادينها الي لاحظ عليهم التشقق والجفاف كل ماارفعت لمعلقه

لفمها اديش عانت بالشهور الي قضتها بالسجن وبالايام الي عاشتها عند ريان كأنها وحدهـ ثاني غير شموخ

اكبرت قبل اوانها حس بالايد الي تمسح عليه بحنان وبنعومه ماتغيرة هذهي نفس الايد لكن الي تغير انها خشنه

غمض عيونه واستمتع باللمس الي افقدهـ اكثير..

بوميثم..شموخ ماني مصدق انكـ جالسه جنبي وناكل ع نفس السفرهـ

شموخ الي امسحت دمعتها..صدق بابا

بوميثم الي فتح عيونه وحضن وجه شموخ بكفوفه وطبع قبله ع جبينها..والله مو حلم لكـ الحمد يالله

تحنحن ليقطع المشهد المؤثر الي حاصل امام انظرهـ..بديت اغار انا من المحبه

اضحكت شموخ ع تعليق عبدالعزيز..تغار من شنوا

لينطق سامي..ماحد خذ دلال ابوي غيركم انتوا والا انا وميثم لنا الله

لتتغير ملامح بوميثم من ذكر اسم ميثم لينطق عبدالعزيز بعجل..

عبدالعزيز..اذكر الله لا تحسدنا اكفايه بنتكـ مكوشه ع حصتكـ بعد انت تبقى

ليبتسم سامي وينسى همومه كلها..لا اله الا الله

سجى التي تضع راحة كفها براحة كف شموخ لتسحبها..يلى عن اذنكم

ليهم هاني بنهوض ويتبعه عبدالعزيز ليلحقوا بسجى وبمنتصف الدرج تلف سجى عليهم وهي حاطه ايدها

ع خصرها..

سجى..نعم في شي

هاني..بنجلس معاكم ونسولف مع بعض

سجى..لا ياحبيبي انت اخذ عمكـ وسولفوا ابعيد عنا احنا بنسولف سوالف بنات..وهي ترص عينها

اليمنى..يلى

هاني..كأنكـ تستخفين فينا بوجود عمتكـ

سجى..اي فيها شي

هاني..قد حركتكـ هذي

ويأشر بأصبعه ع وقوف سجى وطريقة حكيها لتنتبه سجى وتعدل من وقفتها وبصوت منخفض..

سجى..انا اسفه

ليغرق عبدالعزيز بضحكه ع شكل سجى واعتذارها لـــــ هاني لــــ تشاركه بالضحكـ شموخ ليمسكـ يدها

ويسحبها لناحيته ويبدى بنزول من الدرج وشموخ تتبعه الى ان دخلوا الغرفه وأغلق الباب ليجلس ع الارض

وتجلس شموخ امامه..

ليغمز عبدالعزيز لشموخ..شلي وصلكـ لعند راشد ومن متى انتي معاهـ

شموخ الي ناظرت في الكيس وحكت لعبدالعزيز كل شي صار لها..

عبدالعزيز الي فتح عيونه من الصدمه..طلقكـ كيف وشلون

شموخ الي عضت ع شفتها العليا..مااعرف كل الي صار قلته لكـ وعشان مايروح تفكيركـ ابعيد قضيت

الليله عند امي

لتتسع صدمة عبدالعزيز اكثر ليهم بأخذ قارورة الماي ويشربها دفعه واحدهـ..شكلكـ الليله بتقضين علي

وناظر بالكيس..وشنوا سر الكيس هذي

لتقف شموخ وتبتعد عن عبدالعزيز لتنظر لنفسها في المرآهـ وتشتاق ان ترى نفسها بين أهلها لتحكي..

شموخ..من لــ ماما بس مو من لــــ ماما من راشد بس امي عطتني اياهم كأنه منها

عبدالعزيز يقف ويتجه لعند شموخ..وكيف عرفتي انهم من راشد

لتضع شموخ خصله شعرها وراء اذنها ولا تزال تنظر في المرآهـ..نسيت ان راشد ولد خالي ماأنسى

ذوقه من كنا اصغار

عبدالعزيز الي لف وجه شموخ لناحيته ويرفع حاجب مستغرب من طريقة كلامها عن راشد..شلي تغير

ياشموخ ماكانت نظرتكـ عن راشد كذا كنتي تكرهينه من انتي صغيرهـ في شي بينكـ وبين راشد هلي منطقكـ

تغير عنه بين يوم وليله

شموخ لتلف نفسها وتعطي المرآهـ ظهرها وتسند ادينها بحافة التسريحه..راشد عابر سبيل في حياتي

وبيبقى عابر سبيل

عبدالعزيز..متأكدهـ انه مجرد عابر سبيل

وارجعت شموخ نظرها للكيس..اي متأكدهـ..وابعدة نظرها عن الكيس وناظر في عبدالعزيز..بكرا

ابغاكـ توديني مشوار

عبدالعزيز..لوين

شموخ الي طبطبت ع كتف عبدالعزيز..بكرا تعرف لا تستعجل


.
.
.
.

على كثر ماراح اخليك تحبيني على كثر ماراح اخليك تكرهيني

.
.
.
.

بشقة اريج


كان واقف ومعطيها ظهرهـ ويتكلم بالجوال ماحبت انها تقطعه ظلت واقفه ليمن يخلص من تليفونه..

خليل..يايمه بكرا اروح عندهم انزرع قدام بيتهم من لفجر مو عدله اروح لهم بالليل واكركبهم بجيتي يمكن

خالتي مو موجوده..اجرة الي شقه..ولف الا يشوف اريج واقفه سهى في اريج ونسى ان امه ع الخط

الا بالصرخه..معاكـ يمه اكلمكـ بعدين مشغول انا اللحين يمه..وسكر الخط وزفر زفرهـ طويله واضحكت

اريج ع شكله ورمى خليل بنفسه ع الاريكه ولا زالت اريج غارقه بضحكتها...

خليل..اي ضحكي ايش عليكـ مو انتي الي متورطه بالحكي

لتضع الصينيه ع الطاوله وتمسح دمعتها من طرف عينيها وتضع يدها الاخرهـ ع بطنها..

اريج..والله ماشفت شكلكـ كيف يضحكـ

فستغل فرصته خليل ليقوم ويحمل اريج بين ذراعيه لتغرق اريج بالضحكـ اكثر..يامجنون

ليدخل خليل الغرفه ويغلق الباب برجله..راح اعلمكـ الجنون ع اصوله..ليرمي بأريج ع السرير


.
.
.
.

على كثر ماراح اخليك تحبيني على كثر ماراح اخليك تكرهيني

.
.
.
.

في بيت بوملكـ

بوملكـ وهو راجع للبيت ومعصب ونفسيته بخشمه..شفتي اخوكـ شنوا مسوي ومهبب

ملكـ الي ماعادة تبالي بتصرفات راشد ومتوقعه اي شي..وش مسوي مانخلص احنا من مشاكله قربت

اولد وذهني موصافي

بوملكـ الي اخذ الكاس وسكب له ماي من لقارورهـ الي قدامه ولاحس ان لماي عبه لكاس وانسكب الماي ع الارض..

ملكـ الي انتبهت واسحبت القارورهـ من ايد ابوها..هدي يبا مايصير الي تسويه

بوملكـ الي رمى الكاس ع الارض وانكسر الكاس وجلس ع لكنب..انتي لو تدرين ايش مسوي ماوقفتي

هالوقفه وكلمتيني بهالبرود

ملكـ الي اجلست جنب ابوها..وانت قلتلي شي

بوملكـ الي رخى بجلسته وناظر في ملكـ..اخوكـ الله يسلمكـ ماقصر فينا باع الاراضي لسواد عيون شموخ

ملكـ الي انصدمت اكثير وقامت من على الكنب واتجهة لناحية سلم الدرج واهي حاطه ايد ع بطنها وايدها

الثاني ع ظهرها وارفعة راسها ونادت بصوت عالي

ملكـ..ياراشد..راشد..رشود..هذا الي ناقص


.
.
.
.

على كثر ماراح اخليك تحبيني على كثر ماراح اخليك تكرهيني

.
.
.
.


بغرفة راشد

راشد الي توهـ ماخذ دوش طلع من التواليت وسمع صوت اخته لعالي وتأكد انها اعرفت من ابوهـ طلع من

غرفته وهو بس لاف الفوطه ع خصرهـ وقف عند الدرج وبكل برود وهو ينفخ..

راشد..نعم

ملكـ الي لساتها بأول الدرج ومن كثر عصبيتها ماحست بأيش راشد واقف يمها..ليه سويت كذا من قالكـ

وايش حادكـ بالأساس

راشد الي حط اصبعه ع راسه..كيفي الاراضي حقتي وانا حر فيهم اعمل فيهم الي ابقى عساني احرقهم

ملكـ الي حست بقص ببطنها بس كابرة..مو بكيفكـ الي جزء منهم ناسي انا مقرضتكـ مبلغ

راشد..شكلكـ مافتحتي جوالكـ وشفتي شنو تحول بأحسابكـ

ملكـ واهي تصفق..برابوا يااخوي اهنيكـ ان شاءالله بس اعرفت قدركـ بنت الهامي

راشد..انتي شكوا لمهم انا عارف قدرها عندي

ملكـ الي انقهرة من رد اخوها عليها واصرخت..ليه لساتكـ تحبها ومتمسكـ فيها اخوها باعني بدقيقه ع شي

انا مالي دخل فيه على كثر الحب الي حبيته له وانت ع الكرهـ الي تكرهكـ فيه لساتكـ تحبها

راشد الي جلس ع اول ادرجه وثبت ادينه ع ركبه..مشاعري اهي وانا مالي خص بعبدالعزيز اذا اترككـ

اولا..وهو يناظر في ابوهـ..مو اكفايه ابوكـ حرمني منها بفعلته لعمر كلها اذا جيتي تحاسبين حاسبي

ابوكـ مو انا عشان تعرفين منو الي غلط بحق الثاني

بوملكـ الي ماحب انه يجلس اكثر مشى وهو يقول..ماادري ايش مسوين لكم هلي اخوكـ متعلق بشموخ

وانتي متعلقه في عبدالعزيز انا جبتكم لتحبوا ولا جبتكم لديروا بالكم علي

الا بدخلت عادل وهو يسمع الحوار وملكـ اول ماشافت عادل راحت واخذة شنطتها واطلعت من لبيت ولحقها

عادل اول ماشاف راشد يدخل غرفته ويسكرها وجلس وهو ساند اظهرهـ للباب ونزلت دموعه..

راشد..شموخ من بعد ليوم ماراح اشوفكـ شلون بتكون حياتكـ من بعد ماخسرتي كل لعز الي انتي فيه

شموخ راح يحن قلبكـ علي بيوم من الايام والا بيظل نايم ولايشوفني


.
.
.
.

على كثر ماراح اخليك تحبيني على كثر ماراح اخليك تكرهيني

.
.
.
.

في بيت اسماعيل

اسماعيل الي رجع لبيت ولا اهتم بالانسانه الي جالسه تنتظرهـ ع طاولة الاكل مر من يمها ولا كأنه يشوفها

وهو يضحكـ بالجوال صعد غرفته ونزل بعد ربع ساعه وهو شايل شنطه صغيرهـ الي فزة من مكانها اول

ماشافت الشنطه بأيدهـ...

خلود..وين

اسماعيل بأستهزاء..وين بعد واحد شايل شنطته بأيدهـ اكيد مسافر لا تخافي ماراح اتزوج

خلود الي ابتعدة عن الطاوله وقربت لعند اسماعيل ومسكت ايدهـ..توكـ راد من سفرهـ ماامداكـ تشتاق لسفر

اسماعيل..مزاجي مو حاب يبقى بجدهـ

خلود..وانا مافكرت فيني مع مين اجلس

اسماعيل..وين بعد بتجلسين بالبيت معززهـ ومكرمه واذا مو حابه تجلسي اهني روحي بيت اهلكـ

خلود الي ادمعة عينها..وين كلامكـ قبل كنت تقول ما اقدر اعيش بلاياكـ اذا غبتي عني يوم استجن كنت

ماترضى تسافر مع ربعكـ ايش تغير اللحين

اسماعيل الي ناظر في خلود وابعد ايدهـ عن ايدها ومشى عنها الي اجلست ع الارض تكمل لبكي وندمها

ع الي سوته في عبدالعزيز وانها انجرفت لحقد ملكـ ع عبدالعزيز...


.
.
.
.

على كثر ماراح اخليك تحبيني على كثر ماراح اخليك تكرهيني

.
.
.
.

بشقة اريج

بغرفة النوم

انزعج من الاصوات الصادرهـ وفتح عيونه وشافها واقفه يم التسريحه تلم بقايا اغراضها وتحطهم بالشنطه

رفع نفسه واسند اظهرهـ ع لمخدهـ..

خليل..بتروحين اللحين

اريج الي تلبس ساعتها ع معصمها..اي حبيبي اسفه اني جلستكـ من نومتكـ

خليل..مافي داعي للأسف كذا او كذا انا بجلس

اريج الي اقربت واطبعة بوسه ع خد خليل..مع السلامه

خليل الي سحبها وجلسها بحضنه وفتح الشيله..طيب فطري معي

اريج الي مسحت ع خدهـ بأيدها..ودي بس انا وعدت امي اكون الصباح بالبيت

خليل الي حضنها..بحفظ الرحمن ياقلبي


.
.
.
.

على كثر ماراح اخليك تحبيني على كثر ماراح اخليك تكرهيني

.
.
.
.

بشقة ملكـ

بغرفة النوم

عادل الي جالس يقراء في الجريدهـ من الملل مانام طول الليل وهو يفكر بكلام عمه الي اسمعه وهو يدخل

يفكر هل مازالت ملكـ تحب عبدالعزيز او لا ابعد الجريدهـ عنه وتأملها كيف نايمه بسلام وهي واضعه ايدها

ع بطنها وانتبه انها عاقدهـ حواجبها عرف انها تشوف حلم مو زين قرب من عند السرير ليجلسها وشافها

استغرت في نومتها ناظر بالساعه الي ع لكمدينه وشافها تسع الا ربع واتجه لناحية مكانه وانسدح وابعد فكرة

ان ملكـ لا تزال تحب عبدالعزيز الفترهـ الي قضاها معاها كفيله ان يعرف انها شالت عبدالعزيز من قلبها

وعقلها اغمض عيونه لينام له ساعتين ويجلس ع صلاة الجمعه وحس ان راس ملكـ ع صدرهـ حضنها اكثر

وعدل القطه عليها وقطا نفسه ونام...



رواية على كثر ماراح اخليك تحبيني على كثر ماراح اخليك تكرهيني

للكاتبه..شفتك بعد غياب واسرني الحزن والهموم بغيابك