عهدي مع الايام .. للكاتبه .. احلاهم واتحداهم . ./

تقليص
X
تقليص
 
  • الصفحة لـ 8
  • الوقت
  • عرض
إلغاء تحديد الكل
مشاركات جديدة
السابق 1 2 3 4 5 6 7 8 template التالي
  • "لحن الوفاء"
    V - I - P
    • Mar 2013
    • 2413
    #21
    رد: عهدي مع الايام .. للكاتبه .. احلاهم واتحداهم . ./

    المشاركة الأصلية بواسطة " عهد الهناء "
    كمممللللييي اليوم بلييييييزز


    Sent from my iPhone using منتدى عبير
    هلا بك عهوووده

    وتكرم عيونك رح انشر لك بارتين

    سعدت بمتابعتك ....وحيااك الله .

      تعليق

      • "لحن الوفاء"
        V - I - P
        • Mar 2013
        • 2413
        #22
        رد: عهدي مع الايام .. للكاتبه .. احلاهم واتحداهم . ./





        * البـــارت الســــابع عشـر *

        طلال طلع من غرفة النوم وهوا بحاله لايرثا لها صدمه حسره ضياع عذاب طلال تحطم من داخله قلبه انكسر (شلون صار جذي وليش و .......




        ثاني يوم الصبح بالفندق

        ليال كانت بسابع نومه ...الانها تعبانه طول اليل كانت بس تبجي وما نامت الا بعد صلات الصبح...وجراح نفس الشي طول اليل يفكر بالي صار بينهم هل الي صار خوف من ليله الاولى ام اهوا خوف انها تنكشف وتبين على حقيقتها هل اهيا فعلن موبنت.....وضل جراح على هل حاله وبنفس الوقت كان يسمع صوت ليال وهيا تبجي وقلبه من داخل يتقطع عليها بس في شي منعه انه يروح لها وهديها ..... كان خايف انه الي صار مجرد تمثيل منها علشان جذي ماقدر يروحلها........نطرها لين نامت وبعدها دخل الغرفه شافها نايمه ودموعها حوالين عينها وعلى خدها شكلها ماكان يوحي انها تمثل .....حس بتأنيب الضمير انسدح على الفراش وحضنها ونام



        لاكن في شي خرب عليهم نومتهم ...صوت التليفون ليال كانت ناسيه جهازها مفتوح اما جراح كان مغلق من اول مادخل الفندق
        جراح قعد على صوت التليفون :اوووف تليفون منو هذا ...اكيد ليال ناسيته مطل...شاف الساعة...بالله في احد يدق الساعه 7 شنو مايستحون..... وهوه يقعد ليال:ليال ليال
        ليال:امممم
        جراح:تليفونج يرن قومي شوفي منو السخيف الي داق عليج هل الحزه
        ليال وهيا نايمه:جروحي فيني نومه
        جراح :قومي شوفي منوا كيد يبونج ضروري
        ليال وهيا نايمه: بعدين
        جراح:دام جذي احطه سايلت ....وخذا تليفونها علشان يحطه سايلنت ...وشاف رقم امه ...هذي امي ...ورد...الووو
        هنادي:الوووو هلا يمه ادري داقه بوقت غلط
        جراح:خير يمه صاير شي
        هنادي:يمه بنتك طول اليل مونايمه ولا شربت حليب وبس تبجي
        جراح:يمه شدعوه ماتعرفون اتنومونها
        هنادي:ايي تنام هذي منو يقدر عليها اقولك حتى الحليب موراضيه اتحطه بحلجها والله عيزنه منها ومحد قادر ينام من بجيها يمه ولي عافيك تعال اخذها والله اخاف يصير فيها شي من البجي موراضيه تسكت
        جراح:آخذها شسوي فيها يمه انا معرس مايصير
        هنادي بعصبيه:واذا معرس تخلي بنتك اتموت
        جراح:خلاص يمه الحين اي آخذها
        هنادي:بسرعه
        جراح :ان شاء الله...وصكره
        ليال افتحت عينها وشافت نفسها نايمه بحضن جراح :صباح الخير
        جراح:صباح النور
        ليال:جروحي انا آسفه على الي صار امس
        جراح وهوا يمسح على شعرها :ماصار شي علشان تعتذرين
        ليال:يعني مو زعلان
        جراح:لا مو زعلان...واذا ماصار امس يصير اليوم او باجر
        ليال انحرجت ودفنت راسها بصدره
        جراح وهوا يبتسم:فديت الي يستحون والله.....وضل يمسح على شعرها فتره
        ليال:جروحي منو الي داق علي
        جراح: هذي امي الي كانت داقه
        ليال بخوف:ملوكه فيها شي
        جراح:ليلحين مونايمه ولا شاربه شي من امس وبس تبجي
        ليال وهيا تشهق:طول الليل وهيا على هل حاله
        جراح:اي
        ليال:قوم ابسرعه خنروح لها
        جراح:وين انروح احنه معاريس ...خليهم يعابلون فيها
        ليال وهيا تقوم من الفراش:شنو يعابلون فيها حرام عليك ....وبعدين حتى هناك بنكون معاريس ....جروحي عفيه قوم مابي اتأخر عليها
        جراح :خلاص انتي خلج بالفندق وانا ايبها
        ليال:لا والله ريلي على ريلك ...جروحي يالله البنت الحين قلبها ذاب وانت ليلحين بالفراش وعلشان اريحك انا ماحب الفنادق...ابي انام بالبيت اليوم
        جراح:بس احنه مابنسافر على الاقل نقعد جم ليله بالفندق
        ليال:جراح والله ما أحب الفنادق
        جراح:اول شي لا تقوليلي جراح مابي اسمع منج غير جروحي ثاني شي ..الي تامرين عليه يصير
        ليال: دام جذي قوم ابسرعه
        جراح:ان شاء الله



        بنفس الوقت على البحر
        من بعد الي صار بينهم بشقه على طول طلع وخلا حنان ابروحها...ماقدر يتحمل الصدمه ماقدر يصدق الي صار وشلون صار ....كان ماسك الصخر ويحذفه بكل قوته بالبحر ...وكان يردد كلمه وحده بس
        طلال:موبنت
        موبنت
        موبنت









        بيت احمد


        حصه واحمد وآلاء قاعدين يتريقون ....نزل محمد مستعيل وايد

        محمد :صباح الخير
        الكل:صباح النور
        محمد:آلوء خلصي بسرعه مستعيل حدي
        آلاء:حمود يوعانه اصبر اشوي خل اتريق عدل
        احمد:خلاص يبه انت روح وانا اوصلها
        محمد:خلاص انا ماشي تامروني على شي
        حصه واحمد:سلامتك
        آلاء:حمود خلصت البحث
        محمد :اي خلصته
        آلاء:حلو ...خلاص دق على سعود علشان يمر ياخذه منك ويوديه المدرسه حق رنود تبيه اليوم ضروري
        محمد:اهيا اي مدرسه صج
        آلاء :مدرسة.....
        محمد:اها ...خلاص انا ادق عليه الحين ..يالله مع السلامه
        الكل:الله يسلمك


        محمد طلع من البيت وراح مدرسه رناد علشان يودي البحث
        دخل المدرسه وتوجه للاداره
        محمد:السلام عليكم
        الخصائيه:وعليكم السلام تفضل
        محمد:ابله هذا البحث لطالبه رناد صالح ال.... اذا ماعليج امر اتوصلينه لها
        الخصائيه:مومشكله بس اهيا اي صف
        محمد :مادري بس اهيا بأخر سنه
        الخصائيه:اختك وماتعرف اي صف
        محمد:لا مواختي رناد بنت عمي
        الخصائيه :اممممم....ممكن البطاقه المدنيه
        محمد طلع البطاقه:تفضلي
        الخصائيه بعد ماتأكدت من الاسم :خلاص انا الحين اطرشه لها
        محمد:مشكوره
        الخصائيه :العفو
        بعد 5دقايق وصل البحث حق رناد ....ولمن افتحت اول صفحه شافت اورق مكتوب فيها (آسف على التأخير) ابتسمت وحطت الورقه بالجنطه







        بفلاة خالد

        هنادي وخالد والبنات كانو قاعدين بصاله ومعاهم ملاك وكانو يحاولون يسكتونها لاكن ماكو فايده.

        بدخلت جراح وليال :السلام عليكم
        الكل:وعليكم السلام
        ليال راحت ابسرعه خذت ملاك من ايد هنادي ومره وحده سلمت عليها:ماما شلونج
        هنادي:بخير يمه سامحونه خربنه عليكم
        جراح:لا عادي يمه اصلن ليال ماتحب الفنادق
        ليال شالت ملاك وكانت اتحاول اتهديها:بس ماما بس حبيبتي ...خلاص لاتبجين انا يت اووووش......وملاك على حالها تبجي ....ليال ابعدتها اشوي علشان اتشوف ويها...ملوكه ملوكتي بس ماما لاتبجي والله قطعتي قلبي
        جراح:هذي اكيد فيها شي يعورها مومعقوله تبجي جذي
        خالد:اكيد فيها شي البنت طول اليل موشاربه شي ولا نايمه
        ليال:وين حليبتها
        كادي:لاتعبين روحج ماراح تشرب
        ليال:لا ان شاء الله تشرب
        دانه:واي راسي صدع ابي انام ياناس
        جراح:روحي غرفتج ونامي
        دانه:اصرخها يوصل لي فوق
        ليال كانت اتكلم ملاك :ملوكه خلاص ماما والله مره ثانيه ماهدج آسفه والله آسفه لاتبجين بس والله قطعتي قلبي
        كادي:ليال انتي من صجج تعتذرين منها
        اريام بمفسيه:لازم تعتذر منها هذي بنت عز
        جراح عطاها نظره سكتها فيها
        وبعد اشوي ملاك بدت تهدى بتدريج لين نامت على صدر ليال
        ليال بهمس:نامت
        كادي بصوت واطي:ودي ايبب بس اخاف تقعد
        هنادي:شكلها متعلقه فيج وايد وماتنام الا على ريحتج
        ليال اكتفت ببتسامه
        اريام:صار هدوء صج مزعجه امبيه لاء والله راسي صدع
        جراح:راسج صدع من الياهل ومايصدع من صوت المسيقى العالي
        دانه:جراح لاتزعل اريام معاها حق راسنه صدع منها
        جراح:وبعدين انتو شم قعدكم ليلحين تأخرتو على دواماتكم
        دانه:احنه مو نايمين كلش.....اليوم بنتك عطتنا اجازه
        ليال بصوت واطي:ابي حليبتها
        هنادي:بتشربينها
        ليال:اي انا كل مره اسوي جذي اذا تعسرت وماشربت انطرها تنام وبعدها اعطيها
        هنادي:دانه يمه يبي حليبتها
        خالد:دام نامت انا بروح اريح اشوي
        هنادي:وانا بعد....يالله بنات قومو نامو ريحو شوي
        البنات:ان شاء الله
        جراح:يبه وين طلال
        خالد:مادري عنه من امس مابين
        ليال:جراح ابي اوديها فارشها
        جراح:اوكي يالله قومي
        ليال قامت شوي شوي وصعدت فوق مع جراح
        جراح:خليها بغرفتها وانا انادي الخدم يقعدون عندها
        ليال :لا خلها تنام بحضني بعد عمري والله بجت وايد مابيها تقعد من النوم وماتشوفني
        جراح بقلبه(ماتوقعتج حنونه عليها جذي وتحبيها وايد):ليولتي
        ليال:هلا
        جراح:الله لايحرمني منج
        ليال ببتسامه:ولا يحرمني منكم
        جراح وهوه يفتح الباب:بريلج اليمين
        ليال تبتسم:ان شاء الله...ودخلت....جروحي
        جراح:ياعيونه
        ليال:ممكن اخلي ملوكه اتنام بنص
        جراح:ممكن ليش لاء...بس اليوم مو كل مابجت قلتيلي بخليها عندي
        ليال ببتسامه:ان شاء الله...وراحت الفراش حطت ملاك بنص وغطتها عدل...ابي ابدل وبنام تعبانه حدي
        جراح:انا بعد تعبان حدي
        ليال ببتسامه:والله شكل البيت كلها بينام
        جراح:انتي شفتي اشكالهم .... جنهم سكاره
        ليال:اي والله ملوكه مطلعتلهم قرون امس
        جراح:يالله روحي بدلي علشان انام
        ليال:اوكي


        على البحر
        طلال دق على احمد علشان اي البحر ...واحمد من سمع صوت طلال على طول طلع من البيت وراح البحر

        احمد بخوف:طلال شفيك اهلك فيهم شي
        طلال:لا
        احمد:عيل شفيك الي يشوفك شكلك يقول ميتلك واحد عزيز عليك
        طلال:اي
        احمد بخوف:منو
        طلال:حنان
        احمد:متى وشلون ماتت
        طلال:حنان ماتت بنسبه لي انا فقت حبي الاول والاخير
        احمد:طلال تكلم عدل ياأخي... خبصت قلبي وآخر شي السالفه فيها حنان قولي الزفته هذي شمسويه
        طلال:حنان مو بنت
        احمد:صباح الخير توك تدري...عيزنا واحنه انقولك انها مو بنت ولا تصلحلك بس انت الي مجذبنا وماشي ورا قلبك
        طلال:آآآآآآآآآآخ ياليتني صدقتكم من الاول ولا وصلت لي هل مرحله
        احمد:طلال انت من صجك متضايق ...يبه هذي زباله انترست وصاخه لازم تنصق وماتضل بالبيت الانها اذا ضلت بطلع ريحه وبتيبلنا امراض....الا ماقتلي شلون عرفت
        طلال:......
        احمد وهوا يتربع ويقعد قبال طلال:لا الموضوع فيه سر يبيله قعده عدله ....يالله قول بتفصيل الممل
        طلال بضيقه:احمد ولي يعافيك مالي خلق شي
        احمد:والله موبكيفك بتقول كل شي
        طلال ياخذ نفس عميق:صارلها فتره اتحن على بتشوفني بشقه وبالفتره الاخيره بديت احس انها تغيرت وايد فيها جرء مو طبيعيه ولا جنه حنان الي تخاف امسك ايدها
        احمد:عادي كل الي كان بينكم بالاول فلم منها علشان تحسسك انها محترمه وبعدين
        طلال:امس اتقولي تخيل انه انا وياك متزوجين شنو تطلب مني
        احمد:عمه اشكره جذي
        طلال:بس اجابتي ماعجبتها قتلها غسلي الملابس وسكتي عيالج ...مادري حسين انها ناطره اجابه ثانيه
        احمد:وبعدين
        طلال:طلبت منها انتزوج دام اهيا عندي ومحد راح يحس بغيابها ورفضت
        احمد:طلول عطني الزبده مابي التفصيل هونت
        طلال تنهد بضيق:بدتت تتلزق فيني اكثر تتجرء اكثر لين وصلنا لي غرفت النوم
        احمد وهوا يصفق:حلو حلو بينت على حقيقتها ماتعرف تقعد راحه كمل وبعدين
        طلال:والله يااحمد انا بحياتي كلها ماتوقعتها جذي جريئه وتعرف كل شي ...وبعدها عرفت منها انها مو بنت
        احمد:اشلون اهيا قالتلك
        طلال:لا بس سوت حركه عرف انها مو بنت
        احمد:اها ...والله انها ماتستحي بس الحمدالله انك عرفت كل شي بنفسك
        طلال:قولي شسوي
        احمد بستغراب:شنو شتسوي هذي مايبيلا كلام خلها تولي هذي مو كفو كفاي كل هل اسنين غاشتك ومعيشتك بوهم انها تحبك وانها محترمه وتبي الستر
        طلال:احبها يا أحمد
        احمد:اي حب اي من وراها هذي ...طلال انت مو ياهل وتعرف الزين من الشين وبعدين تعالي قولي لي متى بتضل جذي الي بعمرك عيالهم بالمدارس.... تزوج وفرح امك المسكينه وخل حنان عنك تراها ماتنفعك
        طلال:شلون اتزوج وقلبي مع حنان
        احمد:صدقني لي تزوجت بتحب مرتك اكثر من حنان وبتنسى حنان وطوايفها الانه حنان كانت اول تجربه لك وشي طبيعي تتعلق فيها جذي
        طلال:انت شايف جذي
        احمد:هذا الشي المفروض يصير من زمان
        طلال:مابي اتزوج واظلم بنت لناس معاي
        احمد:ليش تظلم بنت الناس انت بتعيشها احسن عيشه وانا اعرفك ياطلال انت حساس وماتحب تجرح احد حتى لو الشخص جرحك او اذاك بيوم فما بالك زوجتك وام عيالك ...صدقني بتحطها بعيونك وقلبك وتحافظ عليها
        طلال:خلني افكر بالموضوع مابي اتسرع
        احمد:اذا تبي نصيحتي تزوج وسافر جابل حلالك الي بره وعيش حياتك انت وزوجتك .....بلا حنان بلا نيله
        طلال :الزواج مو لعبه
        احمد:ادري انه مولعبه الزواج استقرار عاطفي قبل اي شي ....كافي انك اتقابل انسانه اتحبك بخلاص وتحترمك
        طلال:بس الي تحبني حنان وانا احبها
        احمد:رد قالي حنان ...طلال ابتعد عن طريج حنان وكافي الي عرفته عنها ولا تبيت نصدم فيها اكثر
        طلال:انت تطلب مني المستحيل
        احمد:مافي شي اسمه مستحيل ياخي اعتبرها ماتت وانساها
        طلال:اسم الله عليها
        احمد:مامنك فايده هذا انت ماراح تتغير لو بعد مليون سنه قلبك رهيف
        طلال:احمد خلاص صكر الموضوع
        احمد:اي موضوع فيهم الزواج ولا حنان
        طلال:الثنين
        احمد:على راحتك انا نصحتك وانت حر بتصرفاتك




        بليل بجناح جراح
        جراح:ليولتي
        ليال وهيا تبدل ملابس ملوكه:عيونها
        جراح:تسلملي عيونها والله
        ليال :آمرني جروحي بغيت شي
        جراح:ودي ملوكه عند مي او البنات وتعالي
        ليال بستغراب:هل حزه ليش
        جراح:بالله عليج هذا سؤال
        ليال افهمت قصده ونزلت راسها
        جراح:يالله ليولتي قومي وديها
        ليال:لاجروحي انا اليحين انومها بعد ليش اوديها عندهم
        جراح:ماراح ناخذ راحتنه
        ليال:البنت بتكون نايمه
        جراح:ولو مابيها تكون موجوده
        ليال ارتبكت وبين عليها:انزين خله وقت ثاني...يعني وين انومها
        جراح بستغراب :وقت ثاني ...يعني متى ان شاء الله
        ليال:.......
        جراح بنبره حاده:ماتردين
        ليال :......
        جراح على نفس النبره:ليال خلي ملوكه اتنام بغرفتها وخلي المربيه عندها
        ليال:ان شاء الله
        ليال نومة ملاك وبعدها ودتها غرفتها ونادت المربيه علشان تقعد عنها غرفت ملاك بنقس دور البنات يعني مو معاهم بالجناح.....ليال وصت المربيه تناديها من اتقوم ملاك من النوم وبعدها راحت جناحهم ...كانت تسحب نفسها غصب الانها خايفه بشكل موطبيعي
        اوصلت الجناح سمت برحمن ودخلت


        جراح ببتسامه:اليله راح اتكون من احلى واجمل اليالي الي بعمرنا
        ليال من اسمعت جذي بدت ترجف وجراح لاحظ ويها الي اعتفس

        جراح:انا قلت شي غلط
        ليال برتباك:لا
        جراح:شسمي الي اشوفه خجل ولا خوف
        ليال:.......
        جراح بدا الخوف يتسلل لي قلبه (اذا طلعتي مثل ماسمعت راح يكون آخر يوم بحياتي وحياتي)
        وعم السكوت بينهم كل واحد فيهم بداخله خوف من المجهول



        بيت بوفواز

        آلاء كانت تدرس الانه باجر عندها امتحان وضلت سهرانه ...كانت منزله راسه وتحل المسائل الرياضيات ...فجأه انفتح باب غرفتها بقوه
        آلاء انقزت من مكانها وبخوف:بسم الله الرحمن الرحيم
        محمد:ههههههههههههه خفتي
        آلاء بعصبيه:ماتعرف اتبطل الباب مثل العالم....وقفت قلبي
        محمد:هههههههه
        آلاء:ماكو احساس
        محمد:هههههه شكلج وانتي مخترعه ههههههههه آيي بطني هههههههههه
        آلاء بعصبيه:خلصني شعندك مدرعم علي هل حزه
        محمد بعد ماوقف ضحك: شفت ليت غرفتج امبطل قلت اكيد قاعده
        آلاء:صج والله احلف ...وبعصبيه...اكيد قاعده يعني فاتحه اليت علشان انام مثلن
        محمد:ماعليه شمقعدج لي هل حزه
        آلاء:ماخلصت دراسه الكميه كبيره وايد
        محمد:تبين اساعدج بشي
        آلاء:لا مشكور ادرس ابروحي ...روح نام باجر وراك محاضرات من الصبح يادكتور
        محمد بضيق: مافيني نومه ....وفوق هذا البيت صاير كأيب وايد
        آلاء:حمود انت اتزور فواز
        محمد:اي اروحله كل يوم بس لمن ادخل البيت واتذكر الي صار وينقمت قلبي
        آلاء:صفينا انا وانت بالبيت ...قبل اذا ضاق خلقي اروح العب مع احمداني او اقعد مع ليال والعنود والحين كله بروحي
        محمد بحماس:انزين ليش ماتقولين حق رناد اتي عندج تدرسون مع بعض
        آلاء:حمود شكلك ناسي انه عمي صالح متعلق فيها وايد ومايحب يكون بالبيت ورناد مو موجوده ...على قولته رناد ضحكت البيت
        محمد:الله يخليها له ويرزقها بزوج الصالح
        آلاء:اناس تدعي اتخلص دراستها وبعدين دعوت الريل
        محمد:اممم معلوماتج يبيلها تعديل شوي
        آلاء:شلون بالله
        محمد وهوا يقعد قبالها على السرير ويتربع:شوفي يامحفوضت السلامه ...كل البنات او قولي اغلب البنات يحصلون على اعلى المراتب بدراسه وهم الوضيفه ..ولاكن حلوه هذي ولاكن ..المهم يحصون ريل يطلع عينهم وناشبهم نعلى ادنات الدون وتلاقينهم يكرهون الدنيا بالي فيها اما الريل الزين حتى لو البنت ماعندها شهاده عاليه تكون مرتاحه معاها وهذا اهم من كل شي

        آلاء:لا والله الشهاده ثم الشهاده ثم الشهاده ...وريل لاحقين عليه
        محمد:بس الشهاده مع زوج صالح احسن من شهاده وزوج فاسد ومأذي
        آلاء:كلامك صحيح
        محمد:رناد شاطره وماينخاف عليها علشان جذي دعيتها بزوج الصالح
        آلاء:والله الحين الي شاطره والي موشاطره نفس الشي المناهج صعبه حيييييييييل واذا ماجابلت المستقبل طار
        محمد:لا ان شاء الله ماراح يطير شي...انزين انتي ليش ماتروحين عندها
        آلاء:منو يوديني
        محمد:انا اوديج وايبج برسم الخدمه بعد آمري
        آلاء ببتسامه:حمود انت طيب وايد وانشاءالله اتحصل زوجه صالحه
        محمد من كل قلبه:آميين
        آلاء:الحمدالله الله رزقني بخوان ينحطون على الجرح يبرا ..حمود انت فعلن الاخو الي كل وحده تتمناه
        محمد:اوووه كلام يديد ومصفف
        آلاء:بعد سالفت ليال مع يعقوب تأكدت انه وراي ريايل ينشد الظهر فيهم
        محمد:ألوء انتي وليال خواتي ولي يمسكم بكلمه والله اذبحه ولاتعتقدين انه يعقوب سلم مني انا وفواز وحتى سعود ولد عمي ...لاتعتقدين انه الي سواه مع ليال مر مرور الكرام بنسبه لنا
        آلاء بحماس:شسويتو فيه طقيتو ولا شنو
        محمد:لاتسألين وايد
        آلاء:ليش
        محمد:سوالف شباب انتي ليش تدخلين فيها
        آلاء:انزين بس قولي طقيتوه
        محمد:لاء
        آلاء:عيل
        محمد:ألوء اشرايج اتكملين دراستج ..ترى افيد لج من سالفت يعقوب
        آلاء:يعني مابتقول
        محمد:لاء
        آلاء:انزين فضحتوه بدواوين
        محمد:مواحنه الي نطعن العالم بظهرهم واحنه على حق ومافي شي نخاف منه علشان نفضحه بدواوين
        آلاء:محووووووووووود فقعت مرارتي قول شنو سويتو فيه
        محمد:ألوء لاتدخلين بأشياء ماتخصج ويالله بلا كلام زايد ياتنامين او تكملين دراستج ...وباجر دقي على رناد وتفقي معاها يا اوديج لها او اتي عندنا
        آلاء:اوووفف ...انزين
        محمد:تصبحين على خير
        آلاء:وانت من اهله

        محمد طلع من غرفة آلاء وراح غرفته ...بدل ملابسه وتوضى وصلا ركعتين وبعدها راح انسدح على السرير .. يحاول ينام لاكن التفكير برناد خلاه قاعد ...محمد يحب رناد بشكل جنوني لاكن رجولته ماتسمحله انه يصارحه او يصارح اي شخص عن حبه لها..ماكان يبي احد يشوف رناد بصوره غير الي يشوفونها فيها رناد طول عمرها بنت محترمه وثقيله ومايبي يخرب صورتها مهما كانت الاسباب ....صحيح انه ولد عمها لاكن مايبي اي شخص يقولها انه فلان يحبج او يقط عليها نغزات من هنوع ويشغلها ويشغل الي حولها بهل سالفه ....ومهما يكون اهيا بنت عمه ومايبي يفتح عينها على سوالف الحب ...وكان اغلب دعائه بعد كل صلات انها تكون من نصيبه






        بجناح جراح




        ليال كانت بنفس الحاله الي مرت عليها بالفندق.....كانت تبجي وتشاهق وترجف ...اما جراح طلع من الغرفه الانه ماقدر يتحمل اكثر من جذي
        جراح بقلبه(ليش اتصدني ...هذا مو خوف طبيعي اكيد في شي ورا خوفها ولا مومعقوله كل هل بجي والخوف بكون عادي وطبيعي ...هذا مو اول زواج يعني اكيد فيها شي اكيد تتهرب مني) وقام راح للغرفه

        جراح بنبره حاده:سمعي يابنت الناس اليوم بطوفها لج لاكن الله بسماه باجر ماراح اخليج على كيفج وموكل ماقربت صوبج صديتي وسويتيلي مناحه ...وصراخ...فاهمه
        ليال تبجي وتشاهق:فاهمه
        جراح طلع من الغرفه وراح غرفت ملوكه وقال حق المربيات يروحون ينامون واهوا نام عنده بالغرفه ..ماكان حاب يرجع لجناحهم الانه اذا شاف ليال بيتنرفز اكثر





        ثاني يوم الصبح بفلاة خالد
        خالد من طبعه يحب الكل يكون موجود وقت الاكل ..والاكل عنده بمواعيد معينه ولازم الكل يكون موجود...ومثل كل يوم الكل موجود معادا جراح وليال

        خالد:الا وين المعاريس
        هنادي وهيا تغمزله:اكيد ما شبعو نوم خوملوكه ماتخلي احد ينام
        كادي:بس ملوكه نايمه بغرفتها امس
        هنادي:اي يمه اتلاقين ليال كل شوي نازلتلها
        اريام:والله لو ينقلون اغراضها حق جناحهم يكسبون فينا اجر
        كادي:هههههههههههه اي والله ههههه
        طلال كان ياكل وهوا ساكت والكل لاحظ هدوء طلال كل مره مايخلي البنات بحالهم طول ماهوا قاعد يعلق على كلامهم وعلى تصرفاتهم
        هنادي:طلال يمه فيك شي
        طلال :سلامتج يمه مافيني الا العافيه
        خالد:اظاهر الله استجاب دعوتي وهداك
        طلال:......

        بهل وقت نزل جراح بكامل أناقته :السلام عليكم
        الكل:وعليكم السلام
        وراح سلم على ابوه وحب راسه ونفس الشي مع امه ..وراح قعد عند طلال وبدا ياكل وهوا ساكت ....علامات الحزن كانت واضحه على الاثنين والكل لاحظ هشي
        كادي:جراح وطلال ساكين سبحان مغير الاحوال
        دانه:الاعين ماصلت على النبي
        هنادي بخوف:يمه شفيكم انتو متهاوشين صاير لكم شي
        جراح بضيقه:لايمه لاتخافين ماكو شي
        هنادي:ليش ساكتين ....اكيد صايرلكم شي وماتبونه احد يعرف وبعدين ماتقولي ليش كاشخ وين بتروح
        جراح :يمه قتلج ماكو شي كل الموضوع اني افكر بالمشروع الي بدخله هل يومين وقاعد احاتي شوي
        خالد:الله يوفقكم ان شاء الله ...بس حط بالك انا سمعت المشروع حيل كبير واي غلط يسبب خساير كبيره لشركه
        جراح:لا انشاء الله مايصير شي
        هنادي:بس يمه اشلون تطلع وتخلي مرتك وانتو ماصارلكم يومين ....العمر يخلص وشغل مايخلص جابل مرتك احسم لك هل الايام ماتتعوض
        جراح بقلبه(ماقدر يايمه نار شابه بصدري ماني عارف ارضي من سماي احبها ومابي اخسرها بس الي قاعد يصير شي يحط العقل بالكف)
        كادي بلقافه:جريح وعرفنه الي مسكته انت ياطلال ليش ساكت
        طلال رفع راسه وشاف الكل ساكت وناطر منه اجابه نزل راسه وقال بضيق:ابي اتزوج والبنت الي تختارونها لي انا موافق عليها

        فترت صمت من الصدمه طلال بيتزوج ولا وحده غير حنان شلون وشلي غير رايه...الكل كان يشوفه بنظرات استغراب وكل واحد فيهم يدور براسه مليون سؤال
        طلال :ليش اطالعوني جذي انا قلت شي غلط
        اريام:كل هذا
        وقطع عليها صوت هنادي:من باجر ليش باجر من اليوم اروح اخطبلك جم طلال عندي
        خالد:ماوصيج هالله هالله بالختيار السنع نبي وجنه تبرد القلب مثل ليال كامله والكامل الله وكافي انها متربيه احسن تربيه
        هل كلمه يت مثل الخنجر الي نغرس بقلب جراح ...ماقدر يقعد اكثر من جذي استأذن وقام.....اما البنات كال وحده كانت اتقول حق امها عن بنات يناسبون طلال...وطلال كان قاعد معاهم بالجسد لاكن قلبه وروحه مع حنان ...حنان اليم وقادر ينساها ولا قادر يتخيل الي صار بينهم




        بعد ساعتين عند ليال
        ليال كانت اتكلم العنود بالتليفون وقالتلها عن كل الي صار
        عنود:ليول ماتوقعتج جذي الحين ثابحتنه تبين ريل وآخر شي تطلعين خوافه بالله ماتقوليلي ليش الخوف هذا
        ليال:مادري والله مادري
        العنود:مافي شي اسمه مادري قوليلي جراح دفش معاج
        ليال:لا
        العنود:خلاص عيل ليش الخوف
        ليال:والله مادري انا بروحي ماني عارفه ليش يصير معاي جذي
        العنود:تدلعين هذا كل الموضوع
        ليال:والله ماأتدلع
        العنود:عطيني مبرر واحد يخليج تتصرفين جذي خو اهوا مايبي ياكلج
        ليال:عنود فهميني والله اخاف
        العنود بجديه:شتخافين منه ...ليول بلا دلع وتخلين ابليس سدخل بينكم وتخربين حياتج بيدج
        ليال:بييييييه سويتيها اخرب حياتي شدعوه ...انا كل الي ابيه ينطر علي جم يوم لين آخذ عليه اكثر احس كل شي صار ابسرعه
        العنود:شهل خرابيط شنو تتعودين عليه ليال انتي عقلي...وضلت العنود فتره اتسولف معاها وتبين لها الامور انها شي طبيعي وكل البنات يصير معاهم جذي بس اهيا امكبره الموضوع حبتين
        ليال صكرت التليفون وهيا احس براحه من كلام العنود لها ...وقبل لااي جراح بنص ساعه ادخلت الحمام علشان تاخذ لها شور ...لاكنها انصدمت من الي شافته

        ليال :امبيييه مووقتها كلش والله يذبحني ياربي شسوي الحين اووف

        بعد شوي وصل جراح وعلى طول صعد الجناح واول ماصعد شاف ليال قاعده بصاله
        جراح:السلام عليكم
        ليال:وعليكم السلام
        جراح:ليال وين ملاك
        ليال :نايمه
        جراح:اذا نايمه اهني نزليها غرفتها
        ليال برتباك:ليش
        جراح:لاتستعبطين خلصيني
        ليال بخوف:جروحي خلها نايمه فوق
        جراح بحزم:انا لمن اقول كلمه اتنفذينها على طول وعطها ظهره ومشى
        ليال:جروحي انا محرمه عليك هل اسبوع
        جراح التفت عليها:شلون يعني ماني فاهم
        ليال وهيا منحرجه:علي الدوره
        جراح بستهزاء:من متى
        ليال:قبل اشوي
        جراح اخذ نفس عميق علشان يهدا :ابي اشوف
        ليال @@:نعم شنو تشوف
        جراح:الي سمعتيه وماعتقد انج غبيه وماتفهمين
        ليال كانت منصدمه من ردت فعل جراح ...جراح تغير وايد صار عصبي ويتنرفز من يشوفها:اي شي صح
        جراح بعصبيه والشرار طالع من عينه:ليال انا ماني ياهل وفاهم كل شي
        ليال:شلي فاهمه جراح انا ماأ
        جراح يقاطعها بصراخ:كافي جذب كافي ...لي متى بتجذبين لي متى بتتهربين...اصحي انا ماني مدمغ علشان اتمشين لعبتج القذره علي انا عارف كل شي من البدايه بس سكت كنت ابي اتأـكد اكثر واليوم تأكدت
        ليال بستغراب وخوف:تأكدت من شنو
        جراح:تأكدت انج اقذر بنت شفتها بحياتي ...تأكدت انه صدج وتهربج مني مو خوف كثر ماأهوا تمثيل بتمثيل
        ليال ودموعها على خدها:جراح والله ماأمثل والله اخاف
        جراح بصراخ:جب ولا كلمه مابي اسمع صوتج مره ثانيه فاهمه ولا لاء
        ليال وهبا تبجي:ليش انا شنو سويت
        جراح بضيقه:انتي ضيعتي روحج بطيشج وستهتارج بس ماقول الا حسبي الله ونعم الوكيل ...
        انتي جنيتي على نفسج وتحملي كل الي ايلج ..






        نهــــايــــة البــــــــارت ...

        .
        .
        .
        للكـــاتبـــه :

        أحــــلاهم واتحداهــم .
        .



        .

          تعليق

          • "لحن الوفاء"
            V - I - P
            • Mar 2013
            • 2413
            #23
            رد: عهدي مع الايام .. للكاتبه .. احلاهم واتحداهم . ./





            * البـــارت الثــــامن عشـر *

            ليال وهيا تبجي:ليش انا شنو سويت
            جراح بضيقه:انتي ضيعتي روحج بطيشج وستهتارج بس ماقول الا حسبي الله ونعم الوكيل ...انتي جنيتي على نفسج وتحملي كل الي ايلج


            خلاها وطلع من الجناح وضلت اهيا بحالة صدمه من ردت فعله كانت تبجي بحرقه وتشاهق تبي اتعرف ليش جراح تغير وبعتقادها انه الي صار موسبب كافي علشان يكلمها بهل طريقه







            بصاله كانو البنات قاعدين يسولفن عن طلال وحنان وشلي غير فكرت طلال بزواج من وحده غير حنان

            كادي:يمكن عرف انها طمعانه فيه وميته على فلوسه
            دانه:لالالا ماعتقد انا ابصم لج بالعشره انه طلال عارف هشي من زمان
            اريام:يمكن اتخونه وطلال اكتشف خيانتها
            رتاج:ريوم لاتحطين بذمتج
            اريام:رتوج هذا الشي الكل يعرفه وحتى طلال اتوقع انه يعرف بسوالفها
            دانه:وانا بعد اقول نفس الشي
            رتاج:انتو شفيكم ترى سمعت بنات الناس مولعبه عندكم
            اريام:رتوج من صجج هذي بنت ناس
            كادي:اكيد بنت ناس ...يعني البنت مالها اهل مقطوعه من شجره ولا عايشه ابغابه
            اريام:الله وناس عيال فقر
            رتاج:ليش وعيال الفقر ماعندهم كرامه
            كادي:خو هذي منو يعجبها كل الناس عندها عيال فقر ومو ستايل
            اريام:اكييد
            دانه:الحين مو وقت اهواشكم فكرو معاي بعروس تناسبه قبل مايرجع بقراره
            كادي:ليش ماياخذ وحده من بنات عماتي
            رتاج:لا ماينفع الكل عارف سالفت طلال وحنان موحلوه بحقه
            دانه:بس حنان بتصير ماضي
            اريام:انزين اشرايكم اب حنان ارفيجتي حلوه وستايلها واو وكافي انها من بنات ال...
            كادي:بعد حنان لا يبه احنه نبيه ينسى مو اتيله وحده كل اشوي اتذكره بالماضي الاسود
            رتاج:امي حاط ابالها وحده ولا لاء
            دانه:قالت بنات ارفيجاتها وايدوبتشوف اليوم بدق على جم وحده فيهم
            رتاج:لازم هل اسبوع يشوفوله وحده خوفج يرد علاقته فيها وبجذي لاطبنا ولا غدا الشر
            دانه:الا وين ليال
            اريام:اتلاقينها بجناحها تأمل المكان الي طول عمرها ماحلمت اتكون موجوده فيه
            رتاج بعصبيه:اريام انتي ليش ماتستحين هذي مومرت اخوج وحترامها من احترام جراح وبعدين اهيا شنو الي عيبها علشان تقولين عنها جذي
            اريام:ماحبها ...ياختي موبالعتها
            كادي:لااهيا الي ميته عليج واذا ماكلمتيها بصير فيها حاله نفسيه
            دانه:اريام ممكن سؤال
            اريام:تفضلي
            دانه:انتي ليش مغروره وشايف نفسج على شنو بالله كل هل غرور ليش محد تارس عينج
            اريام بغرور:حبيبتي الانه اريام خالد ال...ماتتقارن بأحد انا وين وبنت الفقر مرت اخوكم وين
            كادي بصراخ:بنت فقر بعينج والله لعلم عليج جراح انا اعلمج اذا ماخليته يقص السانج ماأطلع كادي
            رتاج:اريام الفلوس موكل شي وكلنا عيال آدم وحواء
            اريام:ولو انا غيييييييييير
            دانه:صح انتي غير ...انتي وحده مغروره ورافعه خشمج بس ان شاء الله ايلج ريل يكسر خشمج الي رافعته على العالم
            اريام: حبيبتي يحمد ربه انه بياخذ وحده مثلي
            كادي:من زينج وانا مادري....اصلن امه داعيه عيله ومن قرادت حظه صرتي من نصيبه
            اريام:اشره مو عليكم اشره علي انا الي قاعده معاكم ...وقامت ابسرعه قبل ماتسمع تعليقاتهم عليها

            دانه:الحمدالله وشكر
            رتاج:الله يهديها بس...كادوي جراح موجود ولا طالع
            كادي:لاء توه طلع بس مادري شفيه شكله معصب اظاهر صاير شي بشركه الانه اليوم كان بشركه واظاهر انه ناسي شي علشان جذي يه وطلع ابسرعه
            رتاج:هذا من صجه يهد مرته وماصارلهم اسبوع
            دانه:المفروض يقعد عندها اقل شي اسبوعين
            رتاج:انزين اشرايكم انروح لها او انقولها تنزل
            كادي:انا عندي دراسه ولازم اقوم ادرس
            دانه:انا ماعندي شي قومي انروحلها فوق
            رتاج:بس دقي عليها بالاول يمكن نايمه ولا شي
            دانه:اوكي ...خذت تليفونها ودقت على ليال....مساء الخير
            ليال بصوت مخنوق :مساء النور هلا دانه
            دانه:شكلج نايمه
            ليال على نفس النبره:لا مو نايمه
            دانه:ليال فيج شي
            ليال ماقدرت تتحمل اكثر قامت تبجي بحرقه
            دانه بخوف:ليال شفيج ليش تبجين
            رتاج بخوف:اش فيها
            دانه:مادري قاعده تبجي
            رتاج:قوليلها اني بصعد لها
            دانه:ليال انا ورتاج بتيلج فوق
            ليال وهيا تبجي:اوكي
            دانه صكرة من ليال وراحت مع رتاج لي جناح جراح ...واول ماصعدو شافو الباب مفتوح وصوت ليال كان واصل لي بره ادخلو وصكرو الباب وراهم علشان لحد يسمع صوت ليال
            دانه:امبييه ليش تبجي جذي
            رتاج:اذا ماخاب ضني شكلهم متهاوشين
            دانه:منو
            رتاج:بلا غباء اهيا وجراح....ودخلت غرفت ليل ونادتها ..ليال ليال
            ليال كانت قاطه روحها على السرير وتبجي ومن اسمعت صوت رتاج قامت وهيا تمسح ادموعها ...بس ماكانت قادره تسكت
            دانه راحت ولمتها حيل :ليول شفيج ليش تبجين
            رتاج:ليال هدي شوي انتي عروس ومايصير تبجين
            ليال وهيا تصارخ لاكن بقلبها (هذا حظ من يوم تزوجت يعقوب حتى وانا ابأسعد لحظات حياتي لازم يصير شي يخليني ابجي ...كل مره اتموت الفرحه ابداخلي ليشي اربي ليش )
            دانه :هدي شوي وقوليلنا شفيج
            رتاج:ليال لاتعدينا حمواتج عدنا خواتج الكبار وقولي شلي صار بينج وبين جراح
            ليال وخرت من دانه شوي كانت اتشوف رتاج وهيا مستغربه
            رتاج:تطمني انا ماشفت جراح بس بجيج بهطريقه اكدلي انه صاير بينكم شي
            ليال وهيا تبجي وتشاهق:جراح زعلان
            دانه:انتي مزعلته
            ليال وهيا تمسح ادموعها:والله مالي ذنب بلي صار
            رتاج:لاتخافين دام مالج ذنب ابشي ماراح يزعل اتلاقينه يعصب وبعدها بشوي يهدا وايي يراضيج
            ليال:مابي يراضيني انا راضيه ولا زعلت منه بس مابيه يزعل مني
            دانه:انزين يمكن انتي مكبره الموضوع
            ليال ردت تبجي:لا جراح كان معصب وقالي كلام غريب
            رتاج مسكتها من ايدها وقعدها :ممكن تهدين وتفهمينه الموضوع وصدقيني كل الي اقدر عليه بسويه واذا تبيني اكلمه الحين ادق عليه واكلمه ...ولا تزعل عروستنا الحلوه
            دانه بفضول:ليال شلي صار بينكم
            ليال:ماصار شي ..وتبجي ...بس عصب علي لمن قتله وسكتت
            رتاج بحنيه:شنو قلتيله
            ليال بحراج:قتله ...قتله...انا محرمه عليك هل اسبوع
            دانه:ههههههههههههههه
            رتاج خزتها علشان تسكن:اوكي واذا هذا شي مو بيدج ليش يزعل
            ليال:جراح ليلحين مادخل علي
            البنات يطالعون بعض بستغراب وقالو بصوت واحد:ليييش
            ليال:اخاف
            رتاج وهيا تبتسم:ليول الخوف شي طبيعي كلنا كنا جذي مو بس انتي
            دانه:اظاهر جراح متضايق من الشركه وحط حرته فيج ترى اخوي عادي لمن يكون متضايق يحط حرته بالي جدامه عادي بس انتي لاتشيلين هم والموضوع مايسوى
            ليال:بس قالي كلام مافهمته ويخرع
            رتاج:اشقالج
            ليال:قالي انتي الي جنيتي على نفسج وتحملي كل الي ايلج
            دانه:ليول والله عادي اتلاقينه معصب وموعارف شيقول
            رتاج:انا الحين اكلمه واخليه يهدى ويرد البيت واحد ثاني ولا يعتذر منج بعد
            ليال برجى:رتوج والله مابي شي بس لايزعل مني وانا من ايده هذي لي ايده الثانيه ...ماحب اشوفه زعلان او متضايق
            رتاج:ليول انا احب المره القويه ولي واثقه من روحه انتي ماغلطتي اب شي ...وصج جراح اخوي بس انا مع الحق المفروض مايهدج وانتي عروس ولا يزعلج
            دانه:والله حرام هل العيون الحلوه تبجي
            ليال وهيا تبتسم:انتي عيونج الحلوه
            رتاج :ليال روحي غسلي ويهج وحطي ميك اب خفيف على ما أكلمه
            ليال:ان شاء الله.....وقامت
            دانه:هذا من صجه معصب علشان جذي
            رتاج:يمكن في شي ثاني بس ماحبت اتقوله ...الحين اكلمه وراح يبين ....عطيني تليفونج
            دانه:تفضلي
            رتاج خذت التليفون منها ودقت على جراح:مايرد
            دانه:دقي مره ثانيه
            رتاج:اوكي ...ودقت مره ثانيه ...الوووووو
            جراح بضيقه:هلا دانه
            رتاج:جراح معاك رتاج
            جراح:هلا رتوج شلونج وشلون مشاري
            رتاج:الحمدالله كلنا بخير انت اشلونك
            جراح:بخير دامكم بخير
            رتاج:جراح وينك
            جراح:على البحر
            رتاج:اممم عندك شغل ولا بس جذي فراره
            جراح:لا ماعندي شي
            رتاج:انزين بغيتك بموضوع متى اترد البيت
            جراح:مادري
            رتاج:اذا جذي انا ايلك وين اشوفك
            جراح:على راحتج
            رتاج:اوكي اشوفك بستار بوكس الي بمجمع شيخه
            جراح:اوكي اشوفج اهناك
            رتاج :باي
            جراح:باي
            دانه:ليش ماقلتيله اي البيت
            رتاج:لا بره بناخذ راحتنا اكثر وبعدين من صوته انه متضايق وايد علشان جذي قلت اشوفه بره احسن بليغي ليال اني رايحه
            دانه:اوكي
            رتاج:مع السلامه
            دانه:الله يسلمج





            بستار بوكس


            جراح كان قاعد ينتظر رتاج ..كان ماسك الفون ويقرا المسجات ليال الي مخزنه عنده من اول زواجهم كان يقراهم بشكل سريع ..بس وقف عند مسج يقراه بتمعن {الله لايحرمني منك انت الشمعه الي نورت حياتي كلها}
            جراح بقلبه(مومعقوله ..كل هذا تمثيل انتي شنو بشر ولا شيطان بصورت مره ....الحين بس عرف ليش كنتي تماطلين وماتبين اتين البيت عندي بسرعه الحين عرفت ليش ماكنتي تقعدين معاي وايد ...حرام عليج ياليال انا ماظريتج ليش غشيتيني جان صارحتيني من البدايه والله جان سترت عليج بس بعد الي صار ...) ووفق عن الخلام الي بداخله من شاف رتاج
            رتاج:مساء الخير
            جراح:مساء النور
            رتاج:طولت عليك
            جراح:لا.... شنو تشربين
            رتاج:موكا
            جراح:اوكي ...وطلبلها موكا...خير رتوج صاير شي بينج وبين مشاري
            رتاج:جراح انا طول عمري ماغبي عليك شي وانت نفس الشي صح
            جراح:صح بس شدخل هذا بالموضوع الي تبيني فيه
            رتاج:ليال
            جراح ويها تبدل من سمع اسمها وزادت ضيقته:شفيها
            رتاج :انا توني يايه من البيت ومخليتها بحاله الله العالم فيها .....انا سمعت منها بس ماسمعت منك ابي اعرف شلي صاير بينكم
            جراح :.........
            رتاج:جراح لاتسكت طلع الي بقلب وقولي ليال ليش كانت تبجي جذي وليش وانت ليش رايح الشركه اليوم
            جراح نزل راسه كان حاس بضيقه مو طبيعيه وده يبجي بس مو قادر:........
            رتاج:انت دخلت عليها
            جراح اخذ نفس عميييق :لا
            رتاج وهيا تبتسم:جراح كل بنت طبعها يختلف عن الثانيه في بنات يخافون وايد وفي بنات يخافون شوي وفي الي عادي عندهم....بس هذا مو معناته انه البنت ماتبيك او انها تتعمد اتسوي جذي
            جراح:لا تتعمد
            رتاج:لا ماتتعمد ...لنفرض انها تتعمد اتسوي جذي ...ماسألت نفسك ليش اتسوي جذي
            جراح:........
            رتاج:الحين كل هذا علشان ماصار بينكم شي عادي انطر عليها شوي
            جراح:لي متى بنطر
            رتاج:خل اتخلص وبعدها اهيا الي بتقولك تعال
            جراح:ماعتقد
            رتاج:جراح حرام عليك لاتصير جاسي عليها جذي انت ماشفتها شلون تبجي البنت متضايقه وايد الانك زعلان منها ...بذمتك مريوم عمرها فكرت فيك اذا زعلان ولا لاء
            جراح:ماعليج منها اكبر ممثله
            رتاج@@:جراح البنت ماسوت شي علشان اتقول عنها جذي وبعدين هذا شي مو بيدها ليش معصب ومسوي سالف على شي مايسوى
            جراح:الانج ماتدرين عن شي
            رتاج:ادري عن شنو ...بجديه اكثر...جراح خل انكون واقعين اكثر البنت لو ماتبيك جان من الاول ماخذت ولا شفتها تبجي جذي الانك متضايق منها ليال مو بس اتحبك ليال اتموت فيك....بس الخوف مصيطر عليها شوي وهذا شي طبيعي ...بعدين تعال قولي الحين ليال مجابله الحنانه بنتك ليل ونهار وقايمه فيها وحاطتها بعيونها انتي انت وتكدر خاطرها وهيا بعدها عروس....قوم روح راض مرتك ترى السالفه ماتسوى
            جراح :والله مادري شقولج
            رتاج:لاتقولي شي ترى محد شايل بنتك غيرها ...وفوق هذا انت من تزوجت نفسيتك ارتاحك اكثر من قبل وتبي اصراحه انا عمري ماشفتك تضحك جذي الا بعد ماتزوجتها يعني ليال لها تأثير كبير على حياتك جراح انتو باول المشوار لاتخلي المشاكل تدخل حياتكم وعلى اسباب تافه
            جراح:رتاج كلامج كله على عيني وعلى راسي بس صدقيني في سبب اقوى مني سبب خلاني اتصرف معاها جذي
            رتاج:اوكي قولي شنو خل اعرف سبب المشكله
            جراح:ماقدر
            رتاج:ليش
            جراح:الانها زوجتي ...ولاتسأليني اكثر من جذي
            رتاج:على راحتك بس الحين قوم ورحلها البيت حرام عيونها ورمت من البجي
            جراح:مو الحين
            رتاج:لا الحين وبتقوم معاي ريلي على ريلك
            جراح:رتاج خليني بروحي شوي وانا من اهدا ارد البت
            رتاج:اوكي على راحتك يالله انا بروح البيت اذا بغيت شي دق علي ان شاءالله تالي اليل
            جراح:ان شاء الله





            بعد ثلاث ساعات
            جراح راح البيت وعلى طول راح غرفة ملاك ماكان يبي يشوف ليال ولا يسمع صوتها واول ماوصل لي غرفت ملاك وفق لمن سمع صوت ليال من داخل الغرفه


            داخل غرفة ملاك
            ليال بحزن:ملوكتي حبيبتي حتى لو ماما وبابا صار بينهم خلافات سواء كبيره او صغيره ...مابيج اتخافين بتضلين بنتي حبيبتي لي بحطها بعيوني وقلبي واربيج احسن تربيه... لاتخافين انا ماراح اصير مرت ابو شريره انا امج وانتي مالج ذنب ابشي




            ورا الباب
            جراح وهوا يضغط على ايده اثانيه بقوه كان يصرخ بداخله(انتي ماسكتني من الايد الي تعورني ياليال...........




            نهــــايــــة البــــــــارت ...

            .
            .
            .
            للكـــاتبـــه :

            أحــــلاهم واتحداهــم .
            .



            .

              تعليق

              • "لحن الوفاء"
                V - I - P
                • Mar 2013
                • 2413
                #24
                رد: عهدي مع الايام .. للكاتبه .. احلاهم واتحداهم . ./





                * البـــارت التــــاسع عشـر *



                ورا الباب
                جراح وهوا يضغط على ايده اثانيه بقوه كان يصرخ بداخله(انتي ماسكتني من الايد الي تعورني ياليال.....
                جراح صعد الجناح عشان يبدل ويروح الشركه ....دخل الغرفه وبعدها بشوي أدخلت وراه ليال
                ليال:جراح انت اهني
                جراح بنفسيه:لا هناك...وعطاها ظهره وكمل لبسه
                ليال بضيق: انت زعلان مني
                جراح:....
                ليال:قولي شلي يرضيك وانا انفذه بالحرف الواحد
                جراح :.....
                ليال:جروحي حرام عليك أنا ماسويت شي....
                جراح يقاطعها بعصبيه :كل هذا وماسويتي ....ليش انتي حاطه ابالج بتسوين شي اكثر من جذي
                ليال بصدمه:جراح انت مستوعب الكلام الي تقوله
                جراح:ليش قالولج خبل وماعرف اتكلم ..ولا سكران ومو حاس بالي حولي
                ليال:كل هذا الاني قتلك اني محرمه عليك
                جراح:انتي جذابه
                ليال بصدمه:جراح
                جراح بصراخ:جب ولا كلمه مابي اشوفج ولا اسمع صوتج لين تخلصين من دورتج هذا اذا كانت عليج....فاهمه

                ليال ماقدرت تتمالك نفسها اكثر وقامت تبجي
                جراح:اقول مسحي دموع التماسيح هذي ...انا ماني مدمغ ولا مقصه عشان اتقصين علي فيهم
                ليال كانت مصدومه ومقهوره... ماحبت تسمع اكثر من جذي كافي الكلام الي قاله لها طلعت من الغرفه بهدوء وراحت غرفت ملاك

                عند طلال..(كان طالع مع احمد يفترون على البحر)
                طلال غير كل ارقامه وطرش مسجات حق ربعه وحق عملائهم وغيره ماعدا حنان
                احمد:هذي اول خطوه بتبعدك عنها بس مابيك تضعف وتروح ادق عليها
                طلال بضيق:احمد ولي عافيك سكر الموضوع
                احمد:بس على هل خشم ...قولي وين ودك اتروح الحين
                طلال:اي مكان ...وسكت اشوي وبعدها...احمد انت مو ناوي تتزوج
                احمد: انت عارف البير وغطاه شلون اتزوج....(احمد من فأت البدون ويحب وحده وتقدم لها اكثر لكن اهلها ارفضوه الانه بدون واهما كويتين)
                طلال :اذا على الوضيفه مليون مره اقولك تعال
                احمد:لايبا انا شهاده وماعندي شلون بشتغل بشركه
                طلال:قول انت الي ماتبي تشتغل
                احمد:في واحد بهل وقت حاصله شغل وقول لاء
                طلال:قول حق عمرك كل ما قلتلك قتلي مابي واخاف افشلك
                احمد:اي وانا صاج انا ماعرف شي اخاف باجر اغلط بشي ايون يحاسبونك الانك وظفت واحد مايعرف شي
                طلال:ومني الي بحاسبني ..والله شكل الفيوزات الي بمخك أضربة عشان جذي نسيت انه الشركه لي انا وجراح وابوي مالا شغل أب مجموعتنا
                احمد:واذا جراح تضايق
                طلال:اقول لا تصير ياهل جراح مالا شغل وانا بدخلك دورت سكرتاريه وبخليك معاي بعد في شي ثاني يمنع الوضيفه
                احمد كان منحرج من طلال وايد ...الانه طلال عمر ماقصر معاه بشي وهو مابأيده شي يسويه له غير انه ينصحه عشان يبعد عن طريج حنان
                احمد:الي تشوفه
                طلال:خلاص باجر انا اشوفلك دوره تناسب الشغل الي بسلمه لك وانا بتكفل بكل مصاريفك بعد امر تدلل
                احمد وهو منحرج:مايامر عليك عدو بس هذا وايد علي
                طلال وهو يبتسم:انت اخوي يا أحمد والاخوان مابينهم حساب
                بيت صالح
                رناد كانت قاعده بصاله وحاطه حوالينها كتبها وقاعده تدرس
                رناد ابتذمر:اووووف
                صالح كان قاعد يقرى جريده:شفي جيبا ليش تتأففين
                رناد:باب المناهج صعبه وايد وتشيب الراس
                صالح:هذا وانتي شاطره تقولين جذي عيل شنو خليتي للكساله
                رناد:انت اتقول كساله يعني موشايلين هم النجاح بنسبه اهم شي عندهم يعدون رابعه ثانوي وخلاص ...ولا تلاقي مدرس طالع ومدرس داش...بس عشان ينجحون
                صالح:اها يني افهم من كلامج انج تبين مدرس
                رناد:لا بابا انا مابي مدرس ولا شي بس كنت افضفض معاك ...انا لاعت جبدي من المدرسات الي بالمدرسه بعد ايب لي مدرس بالبيت
                صالح:مافيها شي وبعدين هذا آخر سنه لازم تضغطين على روحج اكثر عشان النسبه
                رناد:على هل مناهج اذا يبت 90 وايد زين ...انا مادري الي حاط المناهج عباله احنه كمبيوتر ولا عباقره
                صالح:ههههه ...اهما لازم يسون جذي عشا يميزون المتفوقن عن الباجي
                رناد:بس هذا ظلم
                ورن تليفون بيتهم
                صالح:نعم
                آلاء:السلام عليكم
                صالح:وعليكم السلام
                آلاء: شلونك عمي ان شاء الله بخير
                صالح:هلا آلاء انا بخير دامكم بخير انتي شلونج وشلون امج وابوج
                آلاء:الحمدالله كلنا بخير
                صالح:الحمدالله
                آلاء:عمي رناد موجوده
                صالح:اي لحظه شوي...ومد التليفون حق رناد..آلاء
                رناد:هلا الوء
                آلاء:ها شقاعده تسوين
                رناد:بالله علج هذا سؤال تسألينه ..اكيد قاعده ادرس
                آلاء:واي كليتيني
                رناد:ادري عنج يعني باجر علي امتحان فيزياء اكيد بدرس
                آلاء:انا بعد باجر علي فيزياء ..واي الماده هذي غثيثه وماحب ادرس لها من اشوف الكتاب يضيق خلقي
                رناد:الوء اشرايج اتين عندي ندرس مع بعض
                آلاء:والله جنج حاسه اني مليت من بيتنا صاير كئيب وايد ماودج تقعدين فيه و فكرت ايي بس للاسف مافي احد ايبني حمود للحين بالجامعه
                رناد:خلاص الحين اطرش لج السايق ايبج
                آلاء:اي عشان ابوي يشنقني
                رناد:الوء يامليقه تعالي واذا على السايق بطرش معاه الشغاله
                آلاء:لا يبا انا مو بايعه عمري اقعد اب مكاني احسن لي
                رناد:اوووف والحل
                صالح كان يسمع رناد وهيا تتكلم:رناد قولي لها خل تتزهب انا الحين امرها ...وقام
                رناد وهيا مستانسه:يالله تزهبي الانه باباتي حبيبي الحين بمرج
                آلاء:رنود ياسخيفه ليش قلتيله ..والله فشله
                رناد:انا ما قلت له شي اهو بروحه قالي خل تتزهب عشان امرها ...يالله بسرعه روحي لبسي وزهبي اغراضج عشان اتين عندنا
                آلاء:اوكي...اي صج بغيت اسألج سعود عطاج البحث
                رناد:اي البحث عندي وسلمته للأبله اليوم
                آلاء:حلو دام جذي باي انكمل لمن اي
                رناد:اوكي باي

                بالشركه
                جراح كان قاعد بالمكتب بروحه وكان ام وصي السكرتير مايحوله اي مكالمه ولا يبلغ احد ابوجوده
                جراح كان قاعد على كرسيه ورا المكتب وراد راسه لي وره ومغمض عينه ..كانت افكاره مشوشه مو قادر يركز بشي
                جراح بقلبه(اذا طلعت مثل ما سمعت شلون اتصرف...اذبحها اي اذبحها...معقوله ياجراح آخر عمرك توصخ ايدك بدم وحده جذي..واذا كانت بنت ومحد لمسها اكون ظلمتها وانا ماحب اظلم احد شلون زوجتي الي حبيتها وتعلق فيها ...انزين يمكن خانته بطريقه ثانيه يعني يمكن كانت تكلم واحد وكتشف الموضوع وبعدين طلقها ...اممم والله حترت بس انا سمعتهم يقولون انها موبنت عشان جذي ردت بيت ابوها بنفس الوقت ..بس ليش ردت بنفس الوقت دام مافيها شي ...هذي مايبيلها ذكاء اكيد مو بنت ...وطق ايده ابكل قوته على المكتب )
                السكرتير سمع صوت الطقه ودخل المكتب على طول:طويل العمر صاير شي
                جراح كان ماسك ايده لان حس بألم:لا ماكو شي
                السكرتير:بس انا
                جراح يقاطعه:قتلك ماكو شي ...روح شوف شغلك
                السكرتير:ان شاء الله تامر على شي ثاني
                جراح سكت اشوي وبعدها:اتصلي بالاستاذه غرور..ويب لي ملف المشروع
                السكرتير:ان شاء الله اي اوامر ثانيه
                جراح: سلامتك
                بعد نص ساعده غرور كانت بالشركه
                السكرتير يكلم جراح من الجهاز:استاذ جراح الاستاذه غرور موجوده عندي بالمكتب
                جراح:خلها تتفضل
                السكرتير:ان شاء الله...وهو يقوم تفضلي ...وفتح لها باب المكتب ودخلت
                غرور:مساء الخير
                جراح:مساء النور هلا بالاستاذه غرور حياج تفضلي
                غرور وهيا تقعد:دق علي سكرتيرك وانا قريبه قلت اي واتكلم معاك فيس تو فيس احسن ..ولا شرايك
                جراح:ما يبيلا راي النقاشات بالتليفون ماتيب نتيجه
                غرور:صاج
                جراح وغرور اقعدوا كثر من 3 ساعات وهما يتناقشون بالمشروع وكل تفاصيله وماكانو حاسين بالوقت..لكن حديثهم توقف من رن موبايل جراح
                جراح من شاف المتصل تضايق بس حاول مايبين شي جدام غرور:هلا ليال
                ليال :هلا فيك ..جروحي وينك
                جراح:انا بالشركه
                ليال:بتطول
                جراح:شوي ..بغيتي شي
                ليال:لا بس قاعده احاتيك
                جراح :لاتحاتين من اخلص الشغل ارد البيت ..في شي ثاني بعد
                ليال:اي دير بالك على نفسك
                جراح ابتسم غصبن عنه: ان شاء الله ياقلبي (اطلعت منه بون مايحس فيها)
                ليال من اسمعت ياقلبي استانست وايد:جروحي اموت فيك
                جراح غمض عينه بضيق ورد فتحها:ليال عندي اجتماع مهم الحين اكلمج بعدين
                ليال:اوكي باي
                جراح :باي...وهو يحط التليفون..نرجع لي موضوعنا
                غرور :هذي المدام
                جراح ببتسامه:اي
                غرور:اضاهر انك طولت عليها
                جراح:لا عادي
                غرور:انا استأذن الحين وان شاء الله باجر انكمل
                جراح:على راحتج
                غرور :مع السلامه
                جراح:الله يسلمج
                ومن اطلعت غرور من المكتب جراح رد قعد مكانه ورد يفكر بليال والي قالها لها(الحين بتعتقد اني رضيت عليها )

                بفلاة خالد
                غرفة اريام
                اريام كانت تتكلم بتليفون
                اريام:واااي لاتشوفها هيلقيه مادري لا لبس لا اسلوب انا مادري اخوي شنو لاقي فيها
                :يمكن شكلها جذبه مو شرط البس
                اريام:منو حلوه هذي وع وع ولا شافت الحلا جيكره وبنت فكر
                :اريام انتي مايصير تحكمين على البنت بمجرد انها مو من طبقتكم ...يمكن البنت سنعه وبنت حموله واهلها معروفين بحس اخلاقهم
                اريام:منو بنت حموله هذي هذي بنت فقر ...كافي اسمها الي ايب المرض ليال
                :بالعكس اسمها وايد حلو ودارج هل ايام
                اريام:اوووه انت حاطينك محامي عنها كل ماقتلك شي دافعت عنها
                :انا اقول كلمت الحق وانتي عارفتني عدل ماحب اجامل ولا احب الف ودوران
                اريام: دام جذي خلها تنفعك باي
                :لحظه
                اريام:بااااااااي وصكته بويها...الي مايستحي انا اوريك ان ماخليتك تندم ما أكون اريام بنت خالد

                بجناح ليال وجراح
                ليال من سكرته من جراح وهيا بقمة السعاده ....
                خذت لها شور وبعدها البست بجامه من oysho على زيتونه وسوت شعرها وحطت ميك اب خفيف وكانت تنطر جراح على نار .





                نهــــايــــة البــــــــارت ...

                .
                .
                .
                للكـــاتبـــه :

                أحــــلاهم واتحداهــم .
                .



                .

                  تعليق

                  • "لحن الوفاء"
                    V - I - P
                    • Mar 2013
                    • 2413
                    #25
                    رد: عهدي مع الايام .. للكاتبه .. احلاهم واتحداهم . ./





                    * البـــارت العشــــرون *


                    بجناح ليال وجراح
                    ليال من سكرته من جراح وهيا بقمة السعاده ....خذت لها شور وبعدها البست بجامه من oysho على زيتونه وسوت شعرها وحطت ميك اب خفيف وكانت تنطر جراح على نار

                    بعد يومين في فلاة خالد
                    دانه كانت تتكلم بالتليفون مع رتاج:مو معقوله كل هذا عشان ماقرب صوبها ليلحين ....اضاهر جراح استخف آخر عمره
                    رتاج:والله مادري بس انا اتوقع من ضغط الشغل صاير عصبي جذي
                    دانه:رتاج انتي من صجج...اقولج جراح صارله يومين مادخل البيت وليال كله بجناحها وبس تبجي تعتقدين الي قاعد يصير بينهم بس عشان ماقرب صوبها
                    رتاج:لا طبعا....انتي عارفه انه جراح بيدخل مشروع ضخم وبنسبه له المشروع مغامره ولهذا السبب اتشوفينه على اعصابه وحاط حرته بهالمسكينه
                    دانه:وليال شنو ذنبها البنت توها عروس ..شلون يخليها ولا يسأل عنها والي يرفع الضغط حتى ماعتذر منها ..هذيل ماكملو الشهر ويعاملها جذي عيل ولو كملو السنه شيبي سوي فيها والله موبعيده يذبحها
                    رتاج:لا شدعوه ماتوصل لي جذي جراح متوتر شوي والمور كلها متلخبطه معاه وبعدين جراح هم ماينلام كلها جم يوم وبيسافر ومايندرا متى بيرجع ..ومومعقوله بسافر بون مايصير بينهم شي
                    دانه:وااااي يعني الريايل بس هذا الي يفكرون فيه والمره ولا شي
                    رتاج:دانو بلادل القرقة بتليفون روحي قعدي معاها انتي وكادي اتلاقينها قمطعه روحها من البجي
                    دانه:انتي مابتين اليوم
                    رتاج:مادري والله على حسب مشاري اذا طلع ولا بيقعد بالبيت
                    دانه:خلي ريلج اليوم وتعالي نقعد معاها كلنا المسكينه حابسه روحها بالجناح حتى الاكل ماتاكل شكلها تستحي تنزل وخصوصا انه امي وابوي حاسين بالتوتر الي بينهم ...والله معوره قلبي عروس ولا حسن بمعناتها بدال مايجابلها ريلها بهل ايام مخليها بروحها ...تبين الصراحه جراح مايستحي
                    رتاج:دانو اش هال كلام مهما يكون جراح اخوج الكبير
                    دانه:اخوي على عيني وعلى راسي بس هذي كلمة حق جراح مايستحي موكافي انها مجابله فرقة الانقاذ بنته مو قافي انها بصباحيت عرسها طلعت من الفندق ويت البيت عشان بنتها شنو مايبين ابعينه
                    رتاج:لاتخافين جراح موناكر الجميل بس قتلج اهوه متوتر شوي لا أكثر ولا اقل
                    دانه:اوووف ..المهم انا الحين بروح اقعد معاها لي وانتي اذا يتي تعالي جناهم على طول
                    رتاج:اوكي ...دانو ماوصيج لاتفتحين معاها الموضوع
                    دانه:ان شاء الله ...خلاص تبين شي
                    رتاج:سلامتج

                    بشقة فواز
                    العنود:فواز باجر ابي اسير على خالتي ..اشرايك اتي معاي
                    فواز:تعتقدين ابوي راح يستقبلني بعد ماطردني من البيت
                    العنود:اكيد يستقبلك مهما يكون انت ولده وقطعه منه
                    فواز ببتسامة حزن:قطعه منه ضحكتيني والله ..ابوي متى أهتم فينا ولا حسسنه ان احنه عياله ...اهو ما رحم ليال تبينه يرحمني
                    العنود:بس بالاخير زوجها يعني رضى عنها
                    فواز:ومنو قالج هل كلام ابوي ماوافق الا بعد ما حطيناه امام امر الواقع ..وزيدج من الشعر بيت محمد قبل جم يوم يقولي انه ابوي قايل حق امي مابيها تدخل بيتي
                    العنود:امبيييه ليش البنت شنو أغلطة فيه ...هذي لو كانت مثل باجي البنات الي يماشون شباب جان أش سوا فيها
                    فواز:يقطعها قطعه قطعه ...انا ماأستبعد منه شي اذا مضلومه عشان كلام الناس حبسها بالغرفه وكل شي محسوب عليها حتى النفس ...بس الحمدالله الله عوضها خير جراح ريال ونعم فيه
                    العنود:ذكرتني مادري اش صار عليها
                    فواز:على شنو
                    العنود وهيا تبتسم:ريلها زعلان منها
                    فواز:بسم الله الرحمن الرحيم مداهم ...وعلى شنو زعلان
                    العنود:ههههه الهبله ماتخليه يقرب منها هههههه
                    فواز@@:ليش
                    العنود:اتخاف
                    فواز:والله انتو يالحريم فيكم عياره مو طبيعيه ...بالاول تتصنعون الخوف والدلع وبعدها انتو الي تركضون ورانه
                    العنود وهيا تتلزق:شنسوي لازم نركض وراكم مو حلالنه
                    فواز وهو يبتسم:حلال افا عليج اخذي راحتج
                    العنود:ههههه والله انت العيار تبيها من الله
                    فواز:مو حلالي خلاص..المهم كلميها وخليها تعقل اهما في بداية حياتهم لاتقعد تخلق المشاكل على اسباب تافها
                    العنود:والله كلمتها وباجر ان شاء الله بدق عليها

                    عند جراح بالشركه
                    جراح من يوم الي طلع من البيت مارد له كان طول النهار بشركه ولاهي بالاجتماعات مع غرور وساعات طلال يكون معاهم....وبليل كان ينام اب شقه في احد عماراته السكنيه

                    السكرتيره اتكلم جراح من الجهاز:استاذ جراح
                    جراح:نعم
                    السكرتيره :والدك الاستاذ خالد موجود
                    جراح:خليه يتفضل ...وقام جراح ابسرعه وفتح الباب حق ابوه ...هلا يبا توه مانورت الشركه وباس راسه
                    خالد:منوره بصحابها وانا بوك
                    جراح:تفضل يبا المكان مكانك ...ودخلو المكتب ...تفضل يبا استريح
                    خالد:عدوك الريح ...وهوه يقعد ...وينك صارلك فتره ماتبين انت عمرك ماسويتها ونمت بره البيت والحين صارلك جم ليله ماتبات بالبيت
                    جراح سكت اشوي وبعدها:يبا انت عارف المشروع الي داشه ضخم وايد ويبيله دراسه مكثفه
                    خالد:والمهندسين والخبراء وينهم ليش م واهما الي يسون الدراسه
                    جراح:يبا انا ابي اتابع هل مشروع بذات بنفسي مابي اي غلطه فيه والموضفين مومقصرن معاي
                    خالد:اممم...وطلال وينه ليش مايمسك الشغل معاك
                    جراح:طلال موجود بس مثل ما قتلك ابي اتابع كل شي بنفسي
                    خالد:اي يا يبا بس انت توك معرس ومايصير اتهد مرتك ابروحه جذي وانتو توكم معاريس والشغل لاحق عليه
                    جراح :....
                    خالد:اليوم ابي اشوفك بالبيت واذا على الشغل خل طلال ياخذ مكانت ...طلال لا وراه مره ولا عيال خله يجابل الشغل وانت روح حق مرتك
                    جراح ابتسم الانه تذكر ملاك الي كان مشتاق لها وايد:ان شاء الله يبا ...الا ملوكه شلونها وشمسويه مع ليال
                    خالد بستغراب:تسألني انا عن بنتك ومرتك ...المفروض انا الي اسألك ليش مرتك ماتاكل معانه(تعمد يقول جذي عشان يحسس جراح انه مرته متأثره من غيابه)
                    جراح :يبا يمكن ليلحين ماخذت عليكم عشان جذي ماتنزل يعني يمكن تنحرج وخصوصا انا موموجود معاها
                    خالد:لا وانت الصاج مرتك من يومين ماكلت امك اطرش لها اكل مع الخدم وينزل مثل ماأهوا موجايسه منه شي
                    جراح انصدم وسكت
                    خالد بحزم:جراح صاير بينكم شي
                    جراح:لا يبا شنو بيصير بينا ...احنه تونه معاريس مو معقوله نختلف على شي
                    خالد يقاطعه:جراح انا ماني ياهل قولي صاير شي
                    جراح سكت ونزل راسه
                    خالد بحزم:مهما تكون المشكله الي بينكم المفروض انك اتحلها موتطلع من البيت وتتعذر بالشغل...اسمع الحين اتقوم وترد البيت وتتفاهم مع مرتك فاهم
                    جراح بقلبه(اتفاهم معاها على شنو الي بينه مومشكله عاديه الي بينه شي اكبير) ان شاء الله يبا الي تامر فيه

                    فلاة خالد
                    بجناح جراح
                    ليال كانت قاعده مع دانه وكادي ...كانو يسولفون تجهيزاتهم حق عرس دانه....ليال كانت متضايقه وايد بس مع السوالف نست جزء من همها وقامت تاخذ وتعطي معاهم وساعات تسرح بالي صار لها مع جراح ومن يحسون فيها البنات يقطون نكته او اي شي عشان تضحك
                    كادي:سمعو سمعو هذي
                    دانه :قولي
                    كادي:ازهيوي نايم على بطنه ليش
                    دانه:الله يلوع جبدج هذي نكته ولا لوعت جبد
                    كادي:واااي انتي كله تخربين علي
                    دانه:بالله عليج هذي نكته
                    ليال كانت اتشوفهم وتبتسم
                    دانه:ليال ماعليج منها ..قوليلي تبين نطلبلج بدله حق العرس من بره ولا تروحين عن مصمم يفصلج وحده
                    ليال:مادري يمكن اشوف مصمم ابي شي ناعم
                    كادي:عيل لازم اتروحين هل الاسبوع يالله يخلصها لج بعد شهرين
                    ليال:متى العرس
                    دانه:بعد 3 شهور يمديج تخلصين شغلج
                    ليال:اممم دام جذي ليش استعيل
                    كادي:عبالج بتخلصين
                    دانه:وليش ماتخلص ..المده كافيه عشان اتفصل لها بدله وتخلص كل شغلها
                    ليال كانت منومه ملاك بغرفتها ...وهما يسولفون اسمعت صوتها تبجي:عن اذنكم
                    كادي:صفارت الانذار اشتغلت...هههههههه
                    دانه:والله اذا سمعج جراح ينتفج
                    كادي:الا وينه صج صارله فتره مومبين
                    دانه اشرت لها عشان تسكت وبصوت واطي:بعدين اقولج
                    ليال ادخلت عليهم الصاله وهيا شايله ملاك
                    دانه:صح النوم ياحلوه تعالي عند عمتج تعالي
                    ليال :اي والله مسكيها شوي خل اسوي لها شي تاكله اكيد يوعانه
                    كادي:واااي لاتيبون طاري الاكل انا ميته من اليوع
                    دانه خذت ملاك من ليال:وانتي ليشم فجوعه جذي الي يسمعج يقول ماتاكل كلش 24 ساعه شغاله بلع والمشكله مايبين مادري وين تودين الاكل
                    كادي:قول اعوذ برب الفلق ...انا اختج يالضالمه حرام عليج ليش حاطه عينج على لقمتي
                    دانه:لقمه انتي تاكلين لقمه اي هين ...بنفس الوقت ملاك قامت تبجي
                    كادي ترفع صوتها:ليال بسرعه تعالي حق صفارت الانذار
                    ليال وهيا اتي صوبهم وماسكه بيدها اكل ملاك:كادي حرام عليج الحين ملوكتي صارت صفارت انذار ...دانه يبيها خل اوكلها
                    كادي:صفارت انذار ونص ...حنانه مادري متى تسكت
                    ليال:لا عيوني بنتي هاديه موحنانه صح ملوكه
                    دانه:ليال صلي على النبي مو هاديه ...هذا ماتسكت الا اذا كانت نايمه
                    كادي:داني اول مره تقولين شي صح
                    دانه:لا والله
                    ليال حطت ملاك على القعاده وبدت اتوكلها :خنشوف باجر عيالكم شبي يطلعون
                    كادي:هادين طبعا ...هذي طالعه حنانه على امها مريوم
                    دانه خزتها عشان تسكت
                    ليال ابتسمت وكملت اكل ملاك
                    كادي:ليول ليكون زعلتي
                    ليال:لا ليش ازعل
                    كادي:اكيد
                    ليال وهيا تبتسم:اكيدين
                    :مساء الخير
                    الكل التفت مكان الصوت
                    كادي:جراح هلا وغلا
                    دانه:هلا جراح مساء النور
                    جراح دخل وراح صوب ملاك وليال ...ليال من شافت جراح عيونها غورقت ونزلت راسها عشان محد يشوف دموعها وضلت اتوكل ملاك بهدوء
                    اما جراح كانت من دخل وهو متلهف على بنته الي صارله فتره مو شايفه :حبيبت بابتها صارت كبيره وتاكل ..بالعافيه حبيبتي
                    دانه وكادي كل وحده قامت اتأشر حق الثانيه وطلعو من الجناح بهدوء
                    ولمن خلصت ليال من اكل ملاك شالتها وغسلت ويها وشربتها ماي وردتها مكانها وهيا ساكنت
                    جراح وهو يشيلها من القعاده:واااي حبيبتي والله مشتاقلج وايد ...ويلمها وبوسها وي يشم ريحتها...ياحلات رحتج
                    ليال بصوت يدوب يطلع:جراح شلونك
                    جراح سكت ومارد عليها
                    ليال:ترى احنه بخير والحمدالله
                    جراح:ومنو سألج عشان تجاوبين انا موقايلج مابي اسمع صوتج
                    ليال:جراح حرام عليك انا شسويت شن ذنبي انه الدوره يتلي
                    جراح:احرمت عليج عيشتج قولي آمين
                    ليال بطلت عيونها على وسعاها:شلي قاعده اسمعه معقول هانت جراح الي تزوجته
                    جراح قاطعها:جب ولا كلمه مابي اسمع صوته فاهمه ولا مو فاهمه...وبعدين تعالي ليش ماكنتي تنزلين اوقات الاكل ولا تبين احد يخدمج وانا مادري
                    ليال:.....
                    جراح:سمعي يابنت الناس..اذا ماحترمتي البيت الي انتي فيه والله تدرين شنو والله بتشوفين شي عمرج ماشفتيه..فاهمه
                    ليال :فاهمه
                    جراح:والمشاكل الي بينه اتضل بينه مابي احد يحس ابشي مو لازم تعلنين للكل انتي ليلحين مالمستج...اعتقد العيب منج مو مني
                    ليال:جروحي كل الي تبيه بصير بالحرف الواحد بس لاتزعل مني واذا على الدوره كلها يومين وتخلص ماراح اضل فيها طول العمر
                    جراح بستهزاء:اي مو انخلص من الدوره تطلعين لنا بشي ثاني
                    ليال:جروحي كلها يومين عيزان تنطر
                    جراح على نفس النبره:بعد يومين اكون مسافر يعني راح ترتاحين من التمثيل فتره طويله
                    ليال بصدمه:مسافر ...وين ومتى وشكثر بتقعد
                    جراح:موشغلج فاهمه ومره ثانيه لاتتدخلين بشي مايخصج
                    وسكت جراح لمن سمع صوت باب الجناح ينطق:منو
                    كادي:جراح امي تقول تعالو بسرعه الحين بحطون العشاء
                    جراح:اوكي الحين ننزل...ويلتفت على ليال...يالله روحي بدلي ونزلي جدامي
                    ليال:انت روح اكل انا مو يوعانه
                    جراح:حتى لو ماكنتي يوعانه تعالي قعدي معانه على العشاء مابي ابوي يقول شي
                    ليال:انشاء الله ...وراحت بدلت وبعدها انزلت مع جراح

                    بالصاله على العشاء الكل كان قاعد على الطاوله وكانون ناطرين جراح وليال ..ليال اول مانزلت راحت سلمت على خالتها وعمها وباست راسهم وراحت اقعدت عند جراح...كانت ميته من اليوع صارلها يومين موماكله شي غير البسكوت ..وجم حبه مو وايد وهذي اول مره تكون ليال قاعده معاهم على العشاء كانت منحرجه بس اليوع كافر ...وخصوصا انه العشاء كان اصناف متنوعه من الاكل ...لكن ليال قررت تبدي عشاها بشوربه الانه معدتها ماتتحمل الاكل مره وحده لازم تتدرج خصوصا وهيا موماكله شي قبلها
                    وبلشت تشرب ومع اول شربه اشرقت الانه شوربه متروسه فلفل وقامت اتكح
                    جراح مد لها قلاص الماي وبصوت واطي:شربي قبل ماتموتين علينا
                    ليال كانت اطالعه وهيها مصدومه من كلامه :مو لهدرجه ياجراح..وردت اتكح
                    جراح على نفس النبره:خلصيني شربي قبل ماتموتين ...انا ناقص باجر سفرتي تتأجل بسبب عزاج
                    ليال حست بخنجر يغرس بقلبها:اذا مت لاتحضر عزاي ملا دفاني مابي منك شي...وبصوت مسموع....الحمدالله..وقامت تبي تروح
                    خالد:ليال وين يبا انتي ماكليتي شي
                    ليال:الحمدالله عمي شبعت
                    جراح بنبره حاده:ليال قعدي كملي اكلج
                    دانه:انتي ماكليتي عشان تشبعين
                    كادي :لالا انتي يبيلج كورسات على الاكل لازم تصيرين مثلي
                    جراح:ليال قتلج قعدي
                    ليال اقعدت ونزلت راسها كانت خايفه ترفع راسها ويشوفون الدموع بعينها
                    هنادي :جراح يما شفيك عليها خلها على راحتها
                    جراح يرقع السالفه:يما انا ادري اهيا ماقامت الا عشان بتتطمن على ملوكه
                    هنادي:كملي اكلج وملاك مع المربيه لاتحاتين
                    ليال بصوت مبحوح ويدوب ينسمع:ان شاء الله
                    اما جراح قرص فخذ ليال قرصه قويه..وبصوت واطي :حسابج بعدين
                    ليال كملت الشوربه بكل هدوء معنها كانت حاره وايد بس من اليوع وماتبي تسمع حجي اكثر من جذي كملت اكلها
                    بعد الاكل بساعه
                    خالد متعود يقعد بعد الاكل مع عياله يسولفون ويتناقشون في كل شي
                    ليال كانت قاعده مع دانه وكادي بس ماكانت تسولف معاهم ... كانت طول الوقت ساكته ومن داخل شابه نار وخصوصن معدتها الي شبت عليها كانت اتحس ابألم مو طبيعي ...
                    دانه :ليال شفيج
                    ليال ويها صار لونه احمر من شدت الالم:مافيني شي
                    دانه:شكلج تعبانه
                    ليال:معدتي شابه علي
                    دانه:من شنو
                    ليال:مادري
                    دانه:ليال اذا تعبانه وايد خل جراح يوديج الطبيب
                    ليال:لا مايحتاج
                    هنادي :ليال فيج شي
                    ليال:معدتي شابه علي
                    هنادي:جراح ليال تعبانه ...قوم ودها المستشفى
                    ليال:لا خالتي مايحتاج ...قبل ماأنام اشرب حليب بارد واصير احسن ان شاء الله
                    هنادي:دام جذي روحي رتاحي ..جراح يما اخذ مرتك وروحو جناحكم
                    جراح من بين اسنانه:انشاء الله يمه...يالله ليال قومي
                    ليال حست بخوف منه الان الشرار كان طالع من عيونه
                    واول ماصعدو الجناح ليال كانت تبي تروح الغرفه عشان اتنام..لكن صوت جراح خلاها توقف
                    جراح:وين ذالفه
                    ليال كانت واقفه معته ظهرها:بريح شوي
                    جراح مشكها من زندها ولفها صوبه:لمن اكلمج ماتردين علي وانتي معطتني ظهرج ...اوقفي مثل الناس وردي علي بحترام فاهمه
                    ليال نزلت راسها:فاهمه
                    جراح:وبعدين اشلون تقومين من الاكل وابوي ليلحين قاعد انتي مافي بدمج ذرت حيا
                    ليال ارفعت راسها وعينها كانت مليانه دموع:جراح انا شسويت عشان اتعاملني جذي ...انت ملاحظ نفسك انت تغيرت وايد وايد ياجراح
                    جراح بضيق:انتي السبب انتي الي غشيتيني وطعنتيني بظهري
                    ليال بدهشه:انا ...انا شنو سويت كل هذا عشان يتلي الدوره جراح ليكون كل مايتني الدروه بتسوي فيني جذي
                    جراح:وانا شكو فيج يتلج ولا مايتلج بطقاق الي طقج ماهميتيني ...انتي اصلا حرام الواحد يفكر فيج تدرين ليش الانج قذره ...ودزها بقوه الي طاحت على الار ض
                    ليال ماتحملت اكثر من جذي ونفجرت من البجي:دام انا قذره ليش تزوجتني ليش ....ليش تعيشني بحلم حلو وبعدها تصحيني منه على كابوس مزعج...ليش توعدني انك تسعدني وبعدها تخلف بوعدك ليش ياجراح شلي غلطة فيه قولي فهمني
                    جراح :انتي فاهمه كل شي وبطلي تمثيل ...وخلاها ومشى عنها

                    اساعه 3 الفير
                    ليال كانت بالحمام قاعده ترجع (تكرموت ) وتبجي..سمع صوتها جراح وراح طق عليها الباب
                    جراح:ليال ممكن تسكتين بطيتي راسي بنام وراي دوام
                    ليال وهيا تبجي وتصارخ:بس هذا الي يهمك وان بطقاق..روح نام منو قاضبك
                    جراح بعصبيه:انا اعلمج ان ماربيتج من اول ويديد ماأطلع جراح ..وحرك يدت الباب وبطل باب الحمام وشافها ترجع.
                    ليال:صكر الباب
                    جراح :شفيج
                    ليال ماردت عليه الانها ردت اترجع وكانت ضاغطه على معدتها جراح بقلبه (ليكون ...والله اذبحها والله)وصرخ:ماتسمعين ردي علي شفيج
                    ليال بعد ماخلصت من الترجيع غسلت ويها وطلعت من الحمام:تعبانه
                    جراح:من شنو
                    ليال ارفعت راسها وكانت اتشوفه بحزن بقلبها(منك ياجراح انا تعبانه منك )
                    جراح:ردي علي من شنو
                    ليال بألم:معدتي شابه علي وماكملت كلامها الا وملاك قامت من النوم وبدت تبجي ...ليال راحت سوت لها حليب وهيا يدوب تصلب طولها ...حطتها على الفراش ونسدحت يمها وعطتها الحلبي
                    ليال:انا ماما ماقدر احطج بحضني مافيني حيل..زملاك اشربت حليبها لين نامت
                    اما ليال كانت طول المده تتألم وتفرك اب مكانها وجراح لاحظ هل الشي بس ماعلق ولا هتم راح انسدح مكانه وغمض عينه
                    بعد عشر دقايق فز من نومه على صرخه قويهمن ليال الي بالحمام...قام وراح ابسرعه واول مابطل عليها الباب شافها ترجع وتبجي ..بس لاحظ شي خلاه يخاف ...ليال كانت اترجع دم
                    جراح بخوف:ليال اشفيج
                    ليال ماسكه معدتها وترجع
                    جراح قرب صوبها ومن خلصت ترجيع رفع راسها وندها عليه وغسل ويها
                    ليال بتعب:جراح ودني الطبيب ابوس ايدك ودني تعبانه ايد وموقادره اتحمل
                    جراح بخوف :الحين انروح الحين ...وشالها ووطلعها من الحمام ...حطها على الفراش وبدل ملابسه بسرعه ..ودق على دانه
                    دانه كانت اتكلم ريلها ومن شافت رقم جراح ردت ابسرعه:الووو
                    جراح:دانه تعالي فوق بسرعه
                    دانه:جراح شفيك..ليال فيها شي
                    جراح:تعبانه وايد ..تعالي الحين مو وقت اسالتج
                    دانه:اوكي كاني يايه وصكته....ادخلت الجناح ...جراج جراح
                    جراح:تعالي دانه
                    دانه ادخلت الغرفه وشافت ليال منسدحه على الفراش وتبجي من الالم:ليال شفيج
                    جراح:دانه اخذي ملاك وديها غرفتها ونادي مربيتها وانا بودي ليال المستشفى
                    دانه:اوكي....وراحت خذت ملاك ونزلت
                    اما جراح شال ليال ..وبسرعه راح المستشفى

                    بالمستشفى
                    ليال دخلوها غرفت الملاحظه وجراح كان معها..كانت بحاله لا يرثا لها ..كانت تتلوى من الالم وماكان فيها حيل تتكلم ..كانت اتحس انه السانها ثقيل
                    السستر كانت تقيس الضغط
                    جراح:شلون ضغطها
                    السستر :الحمدالله زين
                    جراح:عيل ليش مافيها حيل
                    بهال وقت دخل عليهم الدكتور:مساء الخير
                    جراح:مساء النور
                    الدكتور مصري:الاموره تشتكي من ايه
                    جراح من بين اسنانه:دكتور انا طالب دكتوره مابي ريال يكشف على مرتي...بقلبه(بعد هذا الي ناقص ريال يكشف عليها )(نسيت اقولكم انه جراح يغار بشكل خيالي )
                    الدكتور:طيب حنده لك الدكتوره دل وأتي...طلع الدكتور وبعدها بشوي دخلت الدكتوره
                    الدكتوره:مساء الخير
                    جراح:مساء النور
                    الدكتوره:خير ان شاء الله
                    جراح:دكتوره من بعد العشاء شبة عليها معدها وهيا بس ترجع وآخر مره رجعت دم
                    الدكتوره وهيا تفحصها وضغط هلى معدتها :اي صوب يعورج
                    ليال اشرت على معدتها من فوق
                    الدكتوره:اممم راس المعده
                    جراح:دكتوره يها صارلها يومين ماكانت ماكله شي واول شي شربت شوربه وكان فيها فلفل
                    الدكتوره:هذي اول مره يصير معاج جذي
                    جراح:اي
                    الدكتوره كانت تشوف ملفها :بس بالملف مبين انها دخلت المستشفى اكثر من مره ومعاها نفس الاعراض...انا الحين بعطيها ابره اتسكن الالم بس اهيه متزوجه
                    جراح:اي
                    الدكتوره:مافي حمل
                    جراح سكت اشوي:مادري
                    ليال الي كانت مسكره عينها من شدت الالم من اسمعت جراح يقول مادري بطلت عينها وبصوت تعبان:لا دكتوره مو حامل
                    الدكتوره :متى آخر دوره لج
                    ليال:الحين
                    الدكتوره :يعني مافي حمل الامهم ..الحين السستر بتي تاخذ منج عينه من الدم حق التحاليل ونركب عليج درب عشان تعوضين السوائل الي فقدتيها
                    جراح بقلق:دكتوره شنو سبب ترجعها دم
                    الدكتوره:لازم انسوي لها منظار عشان نتأكد....انا من رايي تدخل المستشفى عشان انسوي لها الفحوصات الازمه
                    جراح :مومشكله بس اهم شي اتطمن عليها
                    ليال عطوها بره تسكن الالم ومغذي عشان تعوض السوائل الي فقدتها ..بعدها بربع ساعه انقلو ليال لغرفتها وعلى طول نامت من شدت التعب ...اما جراح ضل قاعد عندها ومن شافها نامت حط كرسي يم السرير وقعد عندها
                    جراح بقلبه(ليش سويتي فيني جذي ..ليال والله احبج بس كل ماتذكرت الي صار اين ....انا ابيج لي ومستحيل اتخلا عنج بس لازم اعرف الحقيقه قبل ما أسافر )ورفع ايده وحطها على شعرها وقام يلعب فيه

                    ثاني يوم الصبح
                    ليال افتحت عينها وهيا تحس بالم خفيف...وبدت اتشوف المكان ومن لفت ويها شافت جراح نايم وهو على الكرسي ..ابتسمت على شكله بس من تذكرت كلامه مع الدكتوره عن الحمال تغريرت ملامح ويها ودموعها بدت تنزل على جدها ومن تحركت شوي جراح حس فيها وقام على طول
                    جراح شافها تبجي اخترع:ليال في شي يعورج
                    ليال غمضت عيها
                    جراح:انادي الدكتوره
                    ليال على نفس الوضع:مايحتاج
                    جراح:عيل ليش التبجين ...شتحسين فيه
                    ليال:مخنوقه ...ونزلت دموعها بغزاره...ليش قلت حق الدكتوره اني حامل شنو كان قصدك من هل كلام
                    جراح : انا ماقلت لها انج حامل
                    ليال:لمن سئلتك حامل قتلها مادي
                    جراح يرقع الموضوع:انا من الخوف مادري شنو صار وشنو قلت ماكنت بوعيي
                    ليال سكتت شوي :جراح دق على فواز وقوله اني بالمستشفى خل اي لي ...وبضيق...مايحتاج اتعب نفسك وراك سفر لاتأجل شغلك عشاني
                    جراح:اوكي
                    ليال غمضت عينها وبقلبها(اوكي وبس...لهدرجه ياجراح صرت قاسي وشغلك اهم من صحتي)
                    جراح:انا بروح البيت ابدل وبروح الشركه والحين ادق على اهلج عشان ايونج...وطلع
                    ليال كانت حاسه بنار شابه بقلبها وماقدرت تمسك نفسها ونفجرت من البجي .


                    نهــــايــــة البــــــــارت ...

                    .
                    .
                    .
                    للكـــاتبـــه :

                    أحــــلاهم واتحداهــم .
                    .



                    .

                      تعليق

                      • "لحن الوفاء"
                        V - I - P
                        • Mar 2013
                        • 2413
                        #26
                        رد: عهدي مع الايام .. للكاتبه .. احلاهم واتحداهم . ./





                        * البـــارت الحادي و العشــــرون *

                        لحظـــــة وداع


                        جراح:انا بروح البيت ابدل وبروح الشركه والحين ادق على اهلج عشان ايونج...وطلع
                        ليال كانت حاسه بنار شابه بقلبها وماقدرت تمسك نفسها ونفجرت من البجي

                        المغرب بفلاة خالد
                        بصاله
                        دانه وكادي كانو حايسين مع ملاك الي كانت تبجي وموعارفين شفيها
                        كادي:اموت واعرف ليال شلون متحملتها واااي بطت راسي
                        دانه ويها تشيل ملاك وتحاول اتسكتها :اي والله ...بس تبجي انا بفهم ليال متى تنام متى تجابل عمرها احس طول وقتها معاها
                        جراح وهو نازل من السلم وحك راسه
                        كادي:واخيرا يه الفرج
                        جراح :شفيها تبجي
                        دانه :صح النوم
                        جراح:صح بدنج..يبيها اشوف
                        دانه:اخذها ابي انحاش بطت راسي
                        كادي:الله يعين ليال عليها
                        جراح خذا ملاك من دانه وحطها بحضنه:بس بابا ليش تبجين ...ويبوسها
                        دانه:جراح شلون ليال الحين
                        جراح:الحمدالله احسن....الا امي وينها
                        كادي:امي رايح المستشفى
                        جراح:امممم ...انا بعد لازم اروح الحين مادري شصار عليها
                        دانه:ليش رديت البيت مو المفروض اتكون عندها الحين
                        جراح:كنت تعبان وايد صارلي جم يوم مونايم عدل مادري شلون سقت لي البيت ....وشال ملاك ولمها علا وعسا تهدا وتسكت لكن ماكو فايده ...هذي شفيها تبجي جذي اخاف يوعانه
                        دانه وكادي طالعو بعض وبستغراب
                        جراح:شفيكم اطالعون بعض جذي
                        دانه وكادي: لاتعليق
                        جراح انزعج من ملاك وبجيها :بس بابا خلاص ليش تبجين جذي
                        ملاك كانت بيجي بدون توقف
                        جراح:صج الله يعين ليال عليج ...دانو هذي مو يوعانه
                        دانه:مادري يمكن
                        جراح:متى آخر مره شربت حليب
                        دانه برتباك:آخر مره امي عطتها وطلعت
                        جراح:اي اساعه جم يعني
                        دانه بخوف:امي طلعت ورا الغدا على طول
                        جراح بدهشه:نعم
                        كادي ترقع الموضوع:يمكن آني عطتها شي (آني اهيا مربية ملاك)
                        جراح بصراخ ينادي المربيه:آني ...آني...بعد اشوي يت آني
                        آني:نعم
                        جراح:ملاك متى آخر مره شربة حليب
                        آني:بابا انا مايعرف
                        جراح بعصبيه:نعم نعم شنو ماتدرون البنت متى آخر مره شاربه حليب تكلمو
                        دانه:جراح اشفيك تصارخ جذي نسينه يعني الواحد ماينسى
                        كادي:بنتك من كثر مابجت طيرت عقلنا
                        جراح:يايهود البنت من الظهر مو شاربه شي ماتبونها تبجي....وصرخ على آني ...وانتي شنو مهندج اهني موعشان اتجابلينها
                        آني:بابا انا مايعرف كل يوم مدام ليال اهيا يشوف ملاك
                        جراح:ومدام ليال موموجوده يعني ماتجابلينها ..... خلصيني روحي سوي لها حليب
                        آني :ان شاء الله بابا ..وراحت ابسرعه
                        جراح بعصبيه:وانتي اثنتين حسابكم معاي بعدين
                        دانه :ليش ان شاء الله
                        جراح:مخلين البنت بدون حليب فتره طويله وتقولين ليش
                        كادي:جريح لاماصرا شي
                        جراح بعصبيه اكثر:كل هذا وماصار شي زين ما ماتت
                        دانه:لاتخاف ماتموت
                        بهل وقت يت آني ومعاها الحليب:بابا عطني ملاك
                        جراح كان معصب وتنرفز على الاخر:يبي الحليب وذلفي انا بعطيها
                        آني عطت جراح الحليب وراحت وجراح نوم مرك بحضنه ومن قرب المميه من حلجها ..سحبتها بسرعه لي داخل وقامت تشرب بسرعه
                        جراح من شافها تشرب ابتسم وبحنيه:حبيبة باباتها يوعانه .....شربي بابا بالعافيه ...ورفع راسه ...دانو انصحج ماتيبين عيال الانهم بموتوت بيدج
                        دانه :ولا تزعل ايبهم عند ليال اتجابلهم
                        جراح:هذا الي ناقص بعد...ورد نزل راسه وكان يراقب ملاك وهيا تشرب ويبتسم...وبقلبه(انتي بدون ليال اتضيعين ...الله العالم اشلون بتكون حالتج وانا بعيد عنج ...آآآخ يا ليال تعبت من التفكير ابي ارتاح)
                        دانه:جراح تدري اول مره اكتشف انك حنون..طول عمري اشوفك معصب بس الحين اكتشفت فيك خصله حلوه
                        جراح ابتسم ورد يراقب ملاك ويبوسها وهيا تشرب
                        دانه:ياااي جراح والله شكلك حلو وانت جذي لحظه خل اصورك بمبايلي ...وصورته ...بكتب تحتها الاب الحنون
                        ملاك خلصت حليبها وجراح شال المميه ونظم شفايفها بالكلنكس:بالعااافيه وشالها ...وخلاها على صدره
                        دانه صورت جراح مره ثانيه:بنشرها بالبلوتوث
                        جراح ابتسم:اي وكتبي العنوان رجل الاعمل جراح ال
                        دانه:لا وانت الصاج بكتب البيبي سيتر جراح ال...
                        جراح وهو يحرك صبعه بنعومه على خد ملاك:انصير بيبي سيتر ليش لاء هذي ملوكتي مو حيالله
                        كادي طول عمرها متعوده انه جراح يدلعها بس من انولدت ملاك تغير كل شي ...راحت اقعدت عنده
                        كادي:جراح
                        جراح:نعم
                        كادي:امممم
                        جراح:شفيج
                        كادي:خلاص ولاشي
                        دخل عليهم خالد:السلام عليكم
                        الكل:وعليكم السلام
                        خالد:جراح اشلون ليال الحين
                        جراح:الحمدالله يبا
                        خالد وهو يقعد:ماقالولك من شنو صار فيها جذي
                        جراح:لا يبا بس باجر بسون لها منظار ويبين من شنو
                        خالد:على خير ان شاء الله
                        كادي قامت وراحت اقعدت عند ابوها:باباتي
                        خالد:هلا يبا
                        كادي:دلعني...ابيك اتسويلي مثل ملاك
                        خالد ابتسم على بنته
                        دانه:هههههههههههههههههههاااااي حلوه ....كدوي من صجج اتغارين من ملاك
                        كادي:و ليش أغار ...أنا أبي أبوي يلمني حرام
                        جراح وهو يبتسم:اها عشان جذي قعدتي يمي
                        دانه:كدوي خلاص راحت عليج الحين جراح عنده ملاك وليال
                        جراح ابتسم ابحزن ودانه لاحظت هشي
                        كادي:الله يخليلي باباتي ...الي طول عمره مدللني ...وتتكلم بصوت واطي...بابا يالله لمني
                        خالد ابتسم على برائة بنته ولمها حيل:غالي وطلب ارخيص جم كادي عندي ,...وحده وماعدني غيرها الله يخليها لي
                        كادي وهيا مستانسه :الله لا يحرمني منك
                        دانه:كدوي من صجج صرتي مره وليلحين تغارين وتبين احد يدلعج
                        خالد:البنت دلوعة ابوها...ودامها ابيتي خليها تتدلع باجر تتزوج وما تلاقي احد يدلعها مثل ابوها
                        جراح:يعني انتي الي ماتغارين الحين
                        دانه:لا طبعا ...قالولك ياهل انام ابحضن ابوي
                        خالد:افا يادانه الحين صرتي ماتبين حظن ابوج
                        جراح :اظاهر حظن فارس كفا او وفى يبه
                        دانه ويها قام يقط الوان
                        جراح:صح
                        دانه:لا موصح

                        بالمستشفى
                        ليال كانت رافضه انها اتسوي المنظار الانها خايفه وكل حاول فيها بس ماكو فايده
                        ليال:جراح انا مليت من المستشفى ابي ارد البيت
                        حصه:لا يمه انتي يبيلج رعايه خلج هل اسبوع ومن تتحسنين طلعي
                        ليال وهيا تشوف جراح:لا يما مابي تعبت وبعدين انا مشتاقه حق ملوكه بعد عمري شكلها 24 ساعه بيد آني
                        جراح تذكر الي صار اليوم: لا وانتي الصاجه محد يدري عنها ...وقالها كل السالفه
                        ليال:وتبوني اقعد بالمستشفى ....لو بضل اكثر بيصير فيها شي
                        العنود:اسمحلي جراح خواتك مجرمات
                        ليال:جراح عفيه كلم الدكتوره قوله بطلع
                        جراح بقلبه (انتي لازم تطلعين اليوم الاني بسافر ومافي احد اامنه على ملاك غيرج) ببتسامه:انشاء الله ..وقام طلع من الغرفه
                        العنود:ليال انتي بروحج تعبانه شلون تطلعين...شوفي لون ويهج اصفر مثل الكركم ..انتي تبين احد يجابلج موتجابلين بنته
                        ليال:عنود اشفيج ملاك بنتي والله تكسر خاطري اهناك الكل لاهي ومحي جابلها وتوج سمعتي جراح شنو قال
                        حصه:مومشكله خل يجابلونها اسبوع خو هذي بنتهم مافيها شي لي جابلوها..وانتي تعبانه المفروض يقدرون هالشي
                        ليال:انا الحين مافيني شي وبعدين انا ماأسوي شي هناك عشان اتعب ماعندي غير ملاك
                        حصه:والله يايمه صحتج اولا منها ..اهيا مو مقطوعه من شجره وامها موجوده خل تاخذها هل يومين
                        ليال:لا يمه جراح مايرضى
                        العنود:والله ريلج مادري شلون صاير ..وسكتت
                        جراح:خلاص ليال راح تطلعين الحين بس الدكتورة اتقول لازم تستمرين بالعلاج وتراجيعنها بعد اسبوع
                        ليال:ان شاء الله
                        جراح:بتروحين بيتكم ولا بتردين البيت
                        فترت صمت وكل واحد يشوف الثاني
                        العنود: خالتي خليها تي عندي انتي بروحج تعبانه ...ليال اشريج اتين عندي انا هل اسبوع ماخذه اجازه وقاعده بالبيت
                        ليال:لا برد البيت مشتاقه حق ملوكه
                        العنود:مومشكله يبيها معاج
                        ليال وهيا تشوف جراح:مادري..جراح انت شرايك
                        جراح:انتي ليلحين تعبانه؟
                        ليال:لا
                        حصه:يما انتي ليحين تعبانه شوفي ويهج شلون ذبلان ....وتحتاجين اكل صحي
                        جراح:عمتي شدعوه بيتنا متروس اكل
                        حصه:لا يما مو هذا قصدي بس انا ادري فيها ماراح تاكل وتقول شبعت وهذا ماحبه وهذا تلوع جبدي منه انا اقول خلوها اتي عندي احسن
                        جراح:خلاص عمتي الي تشوفينه
                        حصه والعنود بدلو ليال وزهبو اغراضها عشان تطلع ومن قامت من السرير حست ابدوخه ولو لا جراح ماكان وراها ومسكها جان طاحت
                        جراح:وتقولين موتعبانه انتي ليلحين مافيج حيل ..وقعدها على السرير وطلب لها ويل جير
                        حصه:لا هذي يبيلها مجابل
                        العنود:خلتي خليها تي عندي
                        ليال:عنود انتي بوحج ماخذه اجازه عشان ترتاحين مو عشان اتجابليني
                        حصه:لالا خلوها اتي عندي بيت ابوها اريح لها
                        ليال:جراح عفيه يبلي ملوكه وانا الحين ادق على دانه واقولها تزهب اغراضها
                        جراح بقلبه(حتى وانتي مريضه تحاتين ملوكه)قرب منها وبهمس:جم مره اقولج لاتقولين عفيه انتي تامرين امر
                        ليال ابتسمت ابتسامه كلها فرح الكلمات هذي حسستها بحب جراح الي فقدته من فتره حست بالكلمات تدخل اعماق قلبها وتقول لها جراح ليلحين يموت فيج

                        بعد يومين
                        ليال اطلعت من المستشفى وراحت بيت ابوها واول مادخلت ابوها قالها تطلع بره بحصه عصبت وقالتله اذا ليال اطلعت من البيت بطلع اهيا وعيالها من البيت وكانت هل مره مصره على الطلعه الانه الموضوع زاد عن حده ...احمد قاعد يعاقب اعياله على اشياء تافها ومالها معنى ...وبعدها رضى للامر الواقع
                        كل يوم الصبح كانت العنود اتي وتساعد ليال وخالتها وفواز من يعرف انه ابوه بره البيت يروح منه يشوف امه ومنها يتطمن على صحت ليال...جراح خلال اليومين كان مشغول بالمشروع وماكان يروح عند ليال ولا كان يدق عليها

                        بيت احمد الصبح
                        العنود:ليال انتي نظفتي ولا بعد(خلصتي من الدوره)
                        ليال:اي امس بليل
                        العنود:وقلتي حق ريلج
                        ليال:استحي اقوله
                        العنود:مافيها شي هذا ريلج عادي وبعدين انتو الوضع بينكم متوتر وايد ولازم يعرف ...قومي دقي عليه وقوليله
                        ليال:روحي زين من صجج تبيني اقوله
                        العنود:ياهبله ريلج كلها جم يوم وبسافر شلون اتخلينه يسافر بدون مايدخل عليج
                        ليال:عادي
                        العنود بعصبيه:عادي بعينج ..حبيبتي ريايل هل وقت مامنهم امان وبعدين ماتخافين باجر اذا شاف الحمر وشقر يروحلهم وخليج
                        ليال:بيييييييه سويتيها سالفه
                        العنود:الانج موحاسه بالوضع ولا عارف الريايل اشلون صايرين
                        ليال:والله صعبه اشلون اقوله ...والله جراح ترى خلصت يالله تعال ادخل علي
                        العنود شوي وتذبحها :واااااااااي ياغبائج ...وطقها على الخفيف على راسها ...صج انج هبله بالله عليج هذا اسلوب في وحده اتقول حق ريلها جذي
                        ليال:اوكي قوليلي شلون
                        بالشركه
                        جراح كان عنده اجتماع مع غرور
                        غرور:الله يعينا على المنافسين هناك والله حاطه ايدي على قلبي
                        جراح:لا تحاتين احنه شغلنه مامنه خوف ...كل الخطوات دارسينها بدقه
                        غرور:انا معاك بس تعتقد التجار الي هناك بخلونه على راحتنه...وخصوصا بعد ماخذينا المشروع من اكبر التجار الي بلندن
                        جراح:استاذه غرور ليش تسبقين الاحداث خلي كل شي بوقته
                        غرور:اتمنى انك اتناديني بسمي بدون استاذه
                        جراح ببتسامه:ان شاء الله
                        وقطع عليهم حوارهم...صوت تليفون جراح
                        جراح :ليال انا عندي اجتماع من اخلص اكلمج
                        ليال:اوكي بس حبيتا قولك ...وسكتت
                        جراح:بغيتي شي
                        ليال بتوتر:اي بس خلاص من اتخلص دق على طول
                        جراح:ليال فيج شي
                        ليال:لالا مافيني شي
                        جراح:اكيد
                        ليال:اكيد
                        جراح:خلاص من اخلص اكلمج ...يالله مع السلامه
                        ليال:الله يسلمك
                        وبعدها بشوي وصله مسج (جروحي مومشتاقلي )
                        جراح قرا المسج ومارد عليه
                        بعدها بشوي وصله مسج ثاني (انا خلصت)
                        العنود قعدت معاها اكثر من ساعه ويها تسولف معاها بهل موضوع واهميته بنسبه لريال والموضوع سبب لها خوف .. طبعا المسج الاول عنود اهيا الي كانت كاتبته والمسج الثاني ليال اهيا كتبته من ورا العنود.. الانها فعلا ودها ترضي جراح ودها يرجع مثل قبل ....وماهمها كانت الطريقه غلط بس المهم انها ترضي الانسان الي تحبه والي حسسها بيوم من الايام انها بشر وتحس
                        جراح من وصله المسج على طول دق عليها
                        ليار دت عليه وهيا منحرجه:هلا جراح
                        جراح:المسج الي وصلني صحيح
                        ليال بخجل:اي
                        كلمتها خلت كل المشاعر تتجمع في جراح..خوف ..شك ...سعاده ...توتر
                        جراح :اوكي تزهبي الحين امرج بس مسافت الطريج
                        ليال بتوتر:بنروح البيت
                        جراح:اكيد مايبيله كلام...يالله قلبي انا يايلج الحين باي
                        ليال:باي
                        غرور:جراح مابقى شي على موعد الطياره ...لازم انكون بالمطار بعد ساعه
                        جراح:استاذه غرور
                        غرور اتقاطعه:غرور وبس
                        جراح:غرور مومعقوله اسافر بدون ماأودع زوجتي وبنتي
                        غرور:اي بس احنا اتفقنه نطلع من الشركه وعلى طول على المطار
                        جراح:عذريني بس زوجتي توها طالعه من المستشفى وابي اتطمن عليها قبل السفر ...ولا تحاتين ماراح اطير عنه الطياره...نمشي
                        غرور:اوكي تفضل

                        بيت احمد
                        العنود زهبت اغراض ليال و ملاك ...اما ليال خذت لها شور على السريع وطلعت سوت شعرها بسرعه وحطت ميك اب خفيف ولبست

                        بسيارة جراح
                        جراح : واخيرا ياليال ...الحين بعرف كل شي الحين بتبين الحقيقه كامله...سكت اشوي...ليكون سوت عملية ترقيع والله بهل زمن كل شي جايز....لالا شهل خرابيط ياجراح وين قاعدين ترقيع لالا مو لي هالدرجه انت ماخذيتها من الشارع وترقيع يبيله فتره طويله مو بيوم وليله ....بس ليش ردت بيت ابوها بيوم عرسها ليش ..انا لازم اعرف السالفه منها ..ابي ارتاح
                        بعد ربع ساعه جراح كان عند ليال ..دق عليها عشان تطلع بره
                        جراح:ليال انا بره
                        ليال:اوكي حياتي باي
                        جراح :باي
                        ولمن اركبت ليال السياره كانت متوتره من حرجه منه وايد
                        جراح:شفيج ليش ساكته
                        ليال ببتسامه:مافيني شي
                        جراح :شلون صرتي الحين
                        ليال بقلبها(توناس ليش تسأل بعد):الحمدالله
                        جراح بس ويهج ليلحين اصفر...ماكنتي تاكلين عدل
                        ليال ببتسامه:بالعكس امي ماخلت شي مادعسته ابطني
                        جراح:اممم بس ويهج وايد اصفر
                        ليال:عادي
                        جراح:يعني موخوف
                        ليال بستغراب:خوف من شنو
                        جراح طالعها وبتسم

                        بعد ماوصلو الفلا ..جراح حط ملاك عند دانه وبسرعه صعد عند ليال الي كانت لابسه قميص نوم وناطرته وهيا متوتره بس كلام العنود خلاها تحس براحه شوي
                        جراح دخل الغرفه ومن شافها قاعده على الفراش وهياه لابسه قميص نوم استانس وايد لكن الخوف كان مسيطر عليه ...قرب عندهها وقعد عندها بالفراش وشافها متوتره وتفرك بصابع ايدها
                        جراح من شاف توترها على طول فسره انها خايفه انه يعرف الحقيقه:ليال وبعدين ليش الخوف اذا ماتبين مو لازم
                        ليال ارفعت راسها وهيا مصدومه وبقلبها(يعني لابسه عشان اوريك قميص النوم مثلا)
                        جراح:ليال خلصيني بتسوين مثل كل مره ولا شنو بضبط
                        ليال :جراح اشفيك انا ماقلت شي
                        جراح:عيل ليش خايفه
                        ليال:مو خايفه بس متوتره شوي (ضطرت اتقول جذي عشان تتحاشا المشاكل)
                        جراح:اممم يعني ماراح اتصديني من كل مره
                        ليال (اوووف بالله هذي اسأله ..قول انت الي ماتبي اتجرب صوبي):لا
                        جراح:اكيد
                        ليال نزلت راسها الانها حست انه جراح اهو الي مايبي قربها وعيونها غورقت
                        جراح حط صبعه تحت حنجها ورفع راسها ...ومن شاف الدموع الي بعينها صار مثل المينون :انا كنت عارف انج ماتبيني المسج ..وبصراخ دام ماتبيني المسج ليش داقعه علي ليش تعطيني احساس حلو وبعدين تكسرين فيني ليش ياليال رحمي حالي انا بصير مينون منج
                        ليال الي كانت مصدومه منه :جراح اشفيك من قال اني ماأبيك تلمسني ..انت ريلي وحبيبي ودنيتي كلها شلون ماأخليك تلمسني
                        جراح بعصبيه:عيل شتسمين الي اشوفه ليش خايف
                        ليال قامت بجي:جراح حرام عليك ..والله مو قصدي شي هذا شي مو بيدي والله مو بيدي وانا مو اول بنت يصير معها جذي كل البنات يصير معاهم نفس الشي
                        جراح:لاتجذبين مريم ماكانت جذي كانت منسجمه معاي وايد
                        ليال :دام كانت منسجمه معاك ليش طلقتها ليش خذيني ليش
                        جراح عطاها طرق قوي .وقام وقف :الانها ...وسكت من سمع صوت التليفون يرن...ورد..نعم
                        غرور:جراح لازم اتي المطار الحين مابقى شي على موعد الطياره
                        جراح:اوكي مسافة الطريج ...وصكه...جراح بدل ملابسه وخذا جنطته وطلع من الغرفه
                        ليال كانت تبجي ومن شافته طلع اركضت وراه:جراح
                        جراح:نعم
                        ليال وهيا تبجي:وين بتروح
                        جراح:بسافر
                        ليال اركضت ولمت جراح من ورا وحطت راسها على صدره وهيا تبجي:حبيبي شلون تسافر وانت زعلان مني
                        جراح بضيق:وخري عني
                        ليال:جراح والله احبك ...مابيك تزعل مني
                        جراح:ليال مووقتج بتأخر على الطياره
                        ليال:بتسافر بدون ماتدخل علي
                        الكلمه هذي هزت جراح بقوه ..وبضيق:لمن ارجع يصير خير...وبقلبه(يمكن جذي احسن لي ولج ياليال انا مابي اخسرج اخاف اكتشف شي وماأقدر اتمالك نفسي واخسرج الي الابد)
                        ليال:جروحي لاتزعل مني حبيبي انت مابيك اتسافر وانت شايل بقلبك علي
                        جراح غمض عينه وبدون مايحس انزلت دمعه على خده تعبر عن الحراره الي بقلبه:ليال ماوصيج على ملاك
                        ليال:ملاك بعيوني ياجراح
                        جراح:عاهديني ياليال ...ابي منج عهد انج تحافضين على اغلا شي بحياتي
                        ليال:عهدن علي ياجراح وعلى ايامي كلها انك انت وملاك بعيوني وقلبي
                        جراح:ديري بالج على نفسج
                        ليال كانت ليلحين لامه جراح من ورا وكل ماحست انه بوخر عنها مسكته بقوه وزاد بجيها
                        ورن تليفونه
                        جراح:ليال تأخرت وايد وخري
                        ليال وهيا تبجي :جروحي ماقدر ابعد عنك احبك والله احبك جروحي الله يخليك قولي انك مو زعلان
                        جراح حن عليها وعلى دموعها لف وخلاها على صدره:ماني زعلان بس كانت ابي ارتاح قبل مااسافر الله العالم شكثر بطول بسفره
                        ليال:اخذني معاك
                        جراح:وين اخذ جمعاي
                        ليال :جراح انا ماعني شي اهني الله يخليك اخذني معا كابي اكون عندك ابي اشوفك كل يوم والله ماأقدر والله
                        جراح وهو يمسح على شعرها:ليال تحبيني
                        ليال قامت تبجي بحرقت قلب:انت النبض الي بقلبي ياجراح
                        ورن تليفونه مره ثانيه
                        جراح:ليال والله تأخرت لازم اروح
                        ليال وخرت عنه شوي وردت لكنها ماقدرت وردت مره ثانيه على صدره
                        جراح:وبعدين معاج ...وخرها عنه وهو يمسح ادموعها بصبعه....مابي اشوف هل الدموع مره ثانيه ...وباس راسها
                        ليال تعلق بجرح من ارقبته وكانت تبجي بشكل غريب ..الي خلا جراح يبجي معاها غصبن عليه ماقدر يقامو اهو مقموت من مده يحبها ومايقدر يتخلها عنها
                        جراح ودموعه على خده:بس ياقلبي بس والله ماأقدر اروح وانتي بهل حاله ليولتي والله مو زعلان ...بس اذا بجيتي بزعل صج
                        ليال وخرت عنه وقامت تمسح ادموعها :خلاص مارح ابجي ...وباسته على خده بحراره..وهذي كانت اول مره ليال اتبوس جراح
                        جراح باس راسها وطلع بسرعه
                        على لسان جراح:انا طلعت من الفلا لكن تركت قلبي داخل مع ليال الي كانت بحاله لايرثا لها تركت بحيبت قلبي بصد الدموع والحزن الي سببته لها ..بس هالشي مو بيدي هالشي خارج عن ارادتي احبها وماأبي اخسرها .




                        نهــــايــــة البــــــــارت ...

                        .
                        .
                        .
                        للكـــاتبـــه :

                        أحــــلاهم واتحداهــم .
                        .



                        .

                          تعليق

                          • "لحن الوفاء"
                            V - I - P
                            • Mar 2013
                            • 2413
                            #27
                            رد: عهدي مع الايام .. للكاتبه .. احلاهم واتحداهم . ./





                            * البـــارت الثانــي و العشــــرون *


                            بدايـــــة حزن



                            على لسان جراح:انا طلعت من الفلا لكن تركت قلبي داخل مع ليال الي كانت بحاله لايرثا لها تركت بحيبت قلبي بصد الدموع والحزن الي سببته لها ..بس هالشي مو بيدي هالشي خارج عن ارادتي احبها وماأبي اخسرها

                            مطار لندن
                            طلع من المطار وهو شايل هموم الدنيا على راسه شكل ليال وهيا تبجي مو راضي يروح من باله كان خايف عليها وايد
                            مشعل(مرافق جراح) وهو يفتح الباب السياره حق جراح:تفضل طال عمرك
                            جراح وهو يركب:شكرا
                            مشعل صك باب السياره وركب جدام
                            جراح طلع تليفونه ودق على ليال
                            ليال بصوت مبحوح:الووو
                            جراح بضيق:مساء الخير
                            ليال بلهفه:هلا جروحي هلا حبيبي انت وينك
                            جراح:انا توني طالع المطار والحين رايح الشقه عادل
                            ليال:الحمدالله على السلامه
                            جراح:الله يسلمج
                            ليال:جروحي دير بالك على روحك
                            جراح:ان شاءالله ..الا وين ملوكتي
                            ليال:توها نايمه
                            جراح:ليال ماوصيج عليها ...اذا ملاك صار فيها شي عرفي اني انتهيت
                            ليال بخوف:سم الله عليكم...وبعدين في ابو يوصي ام على بنتها ...تطمن بنتي بعيوني وقلبي ومستعده اقطع من لحمي وعطيها ولا يصير فيها شي كافي انها من ريحتك
                            جراح بقلبه(احبج ) :الله يخلج لنا ولا يفرقنا
                            ليال:آمين يارب ويردك لي سالم ...جروحي
                            جراح:عيونه
                            ليال:تسلم لي عيونه ..جروحي ابيك دق على كل يوم ابي اسمع صوتك بكل وقت
                            جراح:ان شاء الله ...اوكي انا لازم اروح الحين وانتي بعد روحي ارتاحي
                            ليال:شلون ارتاح وانت بعيد عني..بس اذا تبيني ارتاح توعدني انك ادير بالك على نفسك وتكلمني كل يوم
                            جراح:ماطلبتي شي كل ساعه بكلمج مو كل يوم ....اوكي يالله باي
                            ليال :باي

                            بعد اسبوع من سفر جراح
                            جراح كان لاهي بالمشروع وايد وماعنده وقت حتى يحك راسه ونادر مايكلم ليال ... طول الوقت مع عادل ولد عمته غنيمه

                            بالمكتب
                            جراح:انا شلون نسيت هل الاوراق ...لا اله الا الله ...اوووف قولي شسوي الحين
                            عادل:دق على طلال خل يطرشهم لك بالفاكس
                            جراح:شلون وانا قافل المكتب والمفتاح معاي
                            عادل:والحل الاوراق لازم تكون موجوده خلال هل يومين
                            جراح:خل اشوف طلال يمكن عنده مفاتيح مكتبي او يمكن يحصلهم عند السكرتيره
                            عادل:دق اشتنطر
                            جراح:دق على طلال اكثر من مره ومارد عليه...ماكو الا ليال...ودق عليها
                            ليال ردت بلهفه:هلا بقلبي هلا بجروحي
                            جراح :هلا ليال شلونج وشلون ملوكتي
                            ليال:كلنا بخير انت شلونك وشلون الشغل معاك
                            جراح:الحمدالله على كل حلال...ليال ماشفتي طلال اليوم
                            ليال:امبلا طلال بالبيت
                            جراح:ليال روحي بسرعه قوليله خل يدق الحين علي ابيه ضروري
                            ليال:ان شاء الله
                            جراح:باي...وصكه قبل مايسمع ردها
                            ليال شافت شاشة التليفون :الحين صالي جم يوم مومكلمتك آخر شي داق تبي اخوك..يالله ماعليه ...وتكلم ملاك..ملوكه امشي ننزل تحت..وشالتها ونزلت تحت بصاله
                            بصاله
                            هنادي وخالد كامو قاعدين يتناقشون بموضوع طلال
                            خالد شاف ليال وملاك:ها الحوين مو نايمين ليلحين
                            ليال:ماتبي اتنام تبي تلعب
                            هنادي:لاتنومينها الحين اذا نامت بليت تسهر لج
                            ليال:خالتي وين طلال
                            هنادي:بغرفته ليش بغيتي منه شي
                            ليال:جراح داق ويبيه ضروري الحين
                            خالد:خير ان شاء الله ...ماقالج شيبي
                            ليال:لا عمي ماقال بس قالي خل يدق عليه الحين
                            خالد:خل ادق عليه اشوف...ودق على جراح ...وجراح فهما السالف
                            خالد:اانت شلون ماعندك سبير للمكتب مايصير
                            جراح:يبا هذا الي صار والاوراق لازم اتكون عندي خلال يومين
                            خالد:لا حول ولا قوته الا بالله
                            هنادي راحت نادت طلال ...الي كان نايم ومن قعدته راح ابسرعه وكلم جراح
                            طلال:انا ماعني مفاتيح مكتبك
                            جراح:دق على السكرتيره شوف وعطني خبر الحين
                            طلال:اوكي
                            جراح:يالله شوف شيصير معاك وعطني خبر

                            بأحد الشركات الكبرى بلندن(بكتب الحوار بالعربي)
                            ادورد:السيد جراح ال..موجود في لندن
                            جاك يبتسم ابخبث:اذن اسرع في تنفيذ الخطه
                            ادورد:حسنن
                            ثاني يوم
                            بفلاة خالد
                            البنات كانو قاعدين بصاله وطلال كان قاعد معاهم ..كانو يقولوه عن اسماء البنات ومواصفاتهم عشان يختار من يخطب فيهم
                            كادي:داني حماتج حلوه ليش مانروح لها
                            دانه:لالا ماتنفع عقلها صغير وايد
                            اريام:انزين ارفيجتي رغد جميله وبنت عايله معروفه وستايلها عجييييييييب
                            رتاج:وعقلها ان شالله نفسج
                            اريام:ليكون ماني عاجبتج
                            دانه:اريام لاتزعلين بس احنه نبي وحده اتريح اخونه مو تعل قلبه وبعدين كافي عله بالبيت باجر يصيرون ثنتين
                            ايارم بعصبيه:نعم عيوني انت العله مو انا انا مادري المدمغ ريلج اشلون ماخذ وحده مثلج
                            دانه:انتي بالاول عدلي اسلوبج بعدين تحجي
                            اريام:اسلوبي احسن من اسلوبج
                            طلال قاطعهم بصراخ :قومو طقو بعض ليش قاعدين ...انتو لا حيا ولاحشيمه احترمو العالم الي قاعده...ان سمعت صوت وحده فيكم يعلا ياويلها مني فاهمين
                            البنات:فاهمين
                            فترت صمت
                            رتاج:ليال..يوم حفلتج شفت وحده كانت طول الوقت مع اختج منو هذي
                            ليال:اي هذي رناد بنت عمي صالح
                            طلال:اخت اسعود
                            ليال:اي
                            طلال:اممم
                            رتاج:جم عمرها
                            ليال:17 او 18 مادري بضبط
                            رتاج:لا ماتنفع وايد صغيره
                            ليال:من ناحية ماتنفع ...ماتنفع...الانه امي تبيها حق اخوي محمد
                            دانه:رتوج اي وحده ماأذكرها
                            كادي:مو لازم تتذكرينها
                            ليال بتردد:انزين ليش ماتخطبون جنى
                            دانه:ا يجنى ان شاء الله بنت عمي محمد
                            ليال:اي ..انا اشوفها مناسبه حق طلال
                            اريام:اي صح كلام جانا من زمان اقول جذي..جنو طيبه وقلبها ابيض
                            رتاج:انا عندي امينه احسن منها بوايد بس حسافه محجوزه
                            دانه:جنى دلوعه حدها
                            ليال:دانه الدلع مو مقياس باجر تتزوج وريلها يشكلها بالطريقه الي اهو يبيها....وبعدين بنت عمكم مو غريبه وانتو تعرفونها عدل ..مو احسن من اتيي وحده ماتعرفون عنها شي
                            طلال:صاجه ..الواحد جم مره ينخدع بحياته
                            رتاج :طلال افهم من كلامك انك تب يجنى
                            طلال:انا اولى فيها من الغريب وعمي مربي بنته عدل واذا على الدلع انتو انتو بعد مومقصرين
                            ايارم:يااااااااااااااااااااي وناسه

                            لندن
                            غرور:جراح شنو صار على الاورق
                            جراح:عادل الحين بالمطار وان شاء الله باجر الصبح الاوراق بكونون عندنا
                            غرور:الله يهداك في واحد ينسى اوراق مهمه مثل هذي
                            جراح:بعد هذا الي صار
                            غرور:جراح مرتك اشلونها
                            جراح من سمع اسم ليال تذكر يوم الي ودعها وشلون كانت تبجي...جراح سرح اب مشاكله الي صارت مع ليال ..ملامح ويها تبدلت لي ملامح حزينه ولامح فيها هم وشقى
                            غرور:جراح ...جراح
                            جراح بنتباه:هلا
                            غرور:لالا انت مومعاي كلش وين رحت
                            جراح:ولا مكان
                            غرور:شكلك مشتاق لها وايد....جراح انت تحبها
                            جراح رافع حاجبه اليسار:اكيد
                            غرور:وهيا تستاهل هذا الحب
                            جراح:غرور شهال اسأله الغريبه طبعا تستاهل
                            غرور:لا بس من ذكرت اسمها ملامحك تغيرت وحسيت انه بينكم شي
                            جراح بستغراب:شي مثل شنو
                            غرور:مشاكل
                            جراح:الله لايب المشاكل ان شاء الله
                            غرور:عيل ليش تكدرت من سألتك عنها
                            جراح:الاني احاتيها وايد انا سافرت واهيا تعبانه وايد وانتي شايفه ماعندي وقت حتى اكلمها
                            غرور:ماعليه تحمل كله جم شهر ويخف الشغل...الا ماتفكر اتيبها هني
                            جراح:لا صعب ..اهناك اريح لها اهيا مريضه وتحتاج رعايه وبعدين الجو هني مايساعد وبعدين انا ماأرد البيت الا وقت النوم
                            غرور:اممم...الا شرايك انروح انتغدا ولا مو يوعان
                            جراح:لا والله يوعان ...يالله مشينا

                            بعد اسبوعين
                            فلاة خالد
                            الكل كان قاعد على الطاوله عشان الغدا ...وكانو يتناقشون بحفلت طلال الي كانت قبل يوم (طلال ملج على جنى وسوو حفله صغيره ...والعرس بعد شهر )
                            خالد:الا وين المعرس
                            هنادي:طالع مع مرته ...والله ماتدري اشكثر قلبي ارتاح من ملج هل ولد ..كنت خايفه لايهون بأخر لحظه
                            خالد:لا ولدي عاقل ومايسوي جذي
                            هنادي:ليال يما جراح ماتصل
                            ليال بضيق:لا والله مادق وانا عيزت وانا ادق عليه جهازه كله مغلق
                            هنادي:والله هل العيال بيذبحوني قاصره عمر ..زمايقول عندي اهل اسأل عنهم لاهي بشغله
                            اريام وهيا تشوف ليال من طرف عينها:ماما اول مره جراح يسافر ومايتصل ولا العاده كل يوم يدق
                            خالد:هل مره غير ...الانه المشروع يحتاج مجهود مضاعف
                            دانه:ماما متى تطلع الصور
                            هنادي:دانه انتي حدج فاضيه احنه بالصور ولا بخوج الي ماندري عنه
                            دانه:آسفه ماما
                            بعد عشر دقايق رن تليفون خالد
                            خالد:نعم
                            عادل:السلام عليكم شلونك خالي
                            خالد:وعليكم السلام هلا عادل شلونك يبا ان شاء الله بخير
                            عادل برتباك:بخير الحمدالله..خالي انت وينك
                            خالد:بالبيت
                            عادل : يعني الكل عندك خالي ابي اسألك سؤال وتجاوبني باي اولا
                            خالد بخوف من طريقت عادل:تفضل
                            عادل:جراح رد الكويت ولا لاء
                            خالد بطل اعيونه على وسعها:اكيد لا عادل صاير شي تكلم
                            عادل:والله مادري شقولك خالي جراح صارله اسبوعين مختفي ومالا أثر بأي مكان
                            خالد بخوف:شلون يعني ماني فاهم ..شلون مالا اكثر اهو مو ياهل عشان يضيع
                            الكل اللتفت على خالد وكل كان خايف من انه جراح صار فيه شي
                            عادل:خالي انا من رديت لندن مالقيت جراح والكل مو عارف عنه شي حتى الاستاذه غرور ماتدري وين اختفا
                            خالد بنبره حاده:عادل انت مستوعب الكلام الي تقوله ...شلون يختفي وين بيروح ..انزين سألتو بالمخفر بالمستشفيات عند ربعه
                            عادل:خالي صار لنا اسبوعين لا ليلنا ليل ولا نهارنه نهار كل قاعد يدور عله بس ماكو نتيجه عشان جذي دقيت عليك قلت يمكن رد الكويت بدون مايبلغ احد فينا
                            خالد:منوا خر واحد شافه
                            عادل:الاستاذه غرور كانو طالعين مع بعض يتغدون ومن بعدها ماشافته
                            خالد:بس جراح صارله فتره مادق علينه ولا نعرف عنه اي شي قلت يمكن لاهي بالشغل
                            عالد:لا ياخالي جراح اختفا وانا مادقيت عليك الا بعد مافقدت الامل اني القاه
                            خالد بعصبيه:شهل حجي اسبوعين اسمع انا الحين بدق على جم واحد من الربع وبدق على السفير وشوف وانت شوف شيصير معاك وبلغني اول بأول
                            عادل:ان شاء الله
                            هنادي بخوف:خالد شفيه جراح
                            خالد كانت عينه على ليال:جراح صارله اسبوعين مومبين
                            ليال اشهقت وحطت ايدها على شفايفها ودموعها بدت تنزل:يعني وين راح شلون يختفي
                            هنادي:يمكن مسافر مني مناك
                            خالد:عادل يقول ماخلو مكان الا ودولاو عليه وماكو فايده
                            هنادي بتوتر:يعني شنو ابي افهم جراح وينه
                            خالد:هنادي اهدي شوي
                            خالد دق على طلال وبعد نص ساعه كان بالبيت
                            خالد:واحد فينا لازم يروح هناك مومعقوله يختفي فجأه
                            طلال:انا اروح وانت خلك اهني شوف الاوضاع
                            هنادي:ياربي يارب .....يعني وين بكون
                            طلال:يما هدي شوي اتلاقينه تعبان وماطلع من البيت وعدول مكبر الموضوع
                            هنادي:طلال انا بروح معاك ابي اتطمن على ولدي
                            طلال:يمه شي وديج هناك...يبا انا رايح اشوفلي حجز على اقرب طياره
                            خالد:اي يبا لاتضيع الوقت ترى مومن صالحنا
                            ليال وهيا تبجي:عمي ليش تقول جذي ريلي فيه شي قولي
                            كادي وهيا تبجي:لا ان شالله مافيه شي
                            خالد:ممكن تهدون شوي ابي اركز عشان اعرف اشلون اتصرف ..كادي دانه اريام اخذو ليال وصعدو فوق
                            ليال:لا عمي انا ابي اقعد عندكم ابي
                            خالد يقاطعها:لا تخافين وانا بوج اذا عرفنه اي شي بنبلغج روحي باي مع البنات
                            ليال اصعدت مع البنات لي غرفت كادي
                            البنات كانو متوترين وخايفين شوي يبجون وشوي يسكتون
                            ليال وهيا تبجي:انا كنت حاسه انه بيصير شي مو زين انتو ماشفتوه اشلون ودعني ...كان شي مخيف طريقته بذاك اليوم ماكانت وداع عاديه ...وتبجي ...وينك ياجراح ليش رحت قتلك اخذني معاك ليش ماخذيتني ليش
                            دانه وهيا تمسح دموعها وتلمها:بس حبيبتي لاتقولين جذي جراح بيرجع لاتخافين
                            اريام:كله منج ياويه الفقر من دخلتي هل بيت واحنه مومترقعين
                            كادي بصراخ:ارايم ذلفي طلعي بره الا اناديلج ابوي الحين
                            اريام:مو هذا الصج جراح طول عمره يسافر ويرجع ولا يصير فيه شي بس من ادخلت هل قبسه البيت اختفى ماينلام يمكن اختفا من القهر ماخذ وحده بنت فقر
                            كادي بصراخ:بس خلاص كافي رحمي حال البنت انتي شنو ماكو احساس...وسحبتها لين باب الغرفه وطردتها
                            ليال الي كانت منهاره من البجي :يارب اترده لي سالم يارب وتبجي
                            كادي:ليال ان شاء الله مافيه شي
                            ليال:ياااااااااارب الله يسمع منج وكون بخير .





                            نهــــايــــة البــــــــارت ...

                            .
                            .
                            .
                            للكـــاتبـــه :

                            أحــــلاهم واتحداهــم .
                            .



                            .

                              تعليق

                              • "لحن الوفاء"
                                V - I - P
                                • Mar 2013
                                • 2413
                                #28
                                رد: عهدي مع الايام .. للكاتبه .. احلاهم واتحداهم . ./





                                * البـــارت الثالــث و العشــــرون *


                                ويـــــن أنت



                                كادي:ليال ان شاء الله مافيه شي
                                ليال:ياااااااااارب الله يسمع منج وكون بخير

                                مرت الايام وطلال سافر للبحث عن جراح ...وكل كان عنده امل انه طلال يلقى جراح ..لكن مرت الايام و الاسابيع و الاشهر ..مرت 3 اشهر على سفر طلال
                                بفلاة خالد
                                مايحتاج اشرح لكم شنو كان الوضع السكان هذي الفلا ..الانه الوضع صعب وايد بنسبه لهم ..جراح مفقود والكل يدور عليه من اصغر موظف عندهم لي اكبر الناس بديره ...الكل كان على اعصابه وينطرون اي خبر عنه
                                هنادي من يوم الي سمعت فيه خبر اختفاء ولدها اعتزلت العالم الخارجي وعايشه بحزن دائم
                                اما ليال كانت بحاله لا يرثى لها ..لا نوم ولا اكل طول الوقت تبجي وتدعي انه الله يرده لها بسلامه ...واكثر من 5 مرات ادخلت المستشفى بفترات متقاربه

                                العايله كلها كانت متجمعه بالصاله حتى خوات خالد كلهم كانو موجودين ..معادا ليال وملاك
                                شيخه بضيق:هنادي ذكري الله مايجوز الي تسوينه بروحج
                                هنادي بحرقة قلب:هذا ولدي ياشخه هذا بداية فرحتي بدنيا هذا اول ماحد قالي ماما ..زشلون تبيني اهدى ..وبجت
                                شيخه:لا حول ولا قوته الا بالله ..هنادي الدموع ماراح اتفيد دعيله الله يرده لنا بسلامه
                                غنيمه :هنادي وانا ختج قومي توضي وصلي ركعتين ودعيله
                                هنادي وهيا تبجي وتنوح:انتو شفيكم ليش ماتحسون ولدي مختفي ومادري عن ارضه من سماه مادري وينه فيه شنو ياكل شنو يشرب مريض ولا لاء محتاج شي ولا لاء تكفون افهموني
                                ساره موت عمهم حسين:لا اله الا الله ...والله شي يحير وين بكون وليش اختفى
                                هنادي:لا يرجع مابيه يرجع بس ابي اسمع صوته ابي اتطمن عليه
                                امينه بنت عمهم حسين:خالتي ان شاء الله بيرجه وتفرحين بردته
                                دانه:الله يسمع منج يارب
                                شهد:الا وين ليال انا من يتم اشفها
                                هنادي:ليال الله يعينها توها عروس وماتهنت مع ولدي ..عين ماصلت على النبي جراح ابصوب وليال بصوب
                                شيخه:ليش اشفيها ليال
                                دانه:عمتي ليال وايد تعبانه واليوم الصبح طالعه من المستشفى وهذي مو اول مره
                                دانه:البنت قاعده اتموت ومحنه قادرين انسوي لها شي
                                شهد:اي جنى قالتلي الله يعينها .. اهيا هني ولا بيت اهلها
                                دانه:لا اهيا هني
                                شهد:وليش ماتروح بيت ابوها اريح لها اهناك على الاقل في احد يجابلها
                                هنادي:لا ياشهد ليال ماتطلع من البيت ..هذي مرت الغالي شلون تطلع من بيت ريلها
                                شهد :انا ماقلت تطلع على طول بس هل فتره الانها تعبانه وحتاج من يباريها
                                هنادي:انا والبنات مومقصرين معاها وكادي معاها الحين وان شاء الله مع الايام اتصير احسن

                                بيت احمد
                                احمد:حصه ليال اشلونها الحين
                                حصه بحزن على حالت بنتها:الحمدالله على كل حال
                                احمد:وجراح مافي اي خبر عنه
                                حصه:لا والله ليلحين مافي اخبار عنه
                                احمد:واخوه مارد من السفر
                                حصه:على حد علمي ليلحين برده
                                احمد:الله كريم ...الله يرده سالم غانم لهلا
                                حصه:آمين يارب والله حالتهم حاله امه من صوب وليال بصوب وخواته بصوب ..الله يبرد قلبهم بخبار طيبه عنه ان شاء الله
                                محمد وهو نازل من السلم:السلام عليكم
                                احمد وحصه: وعليكم السلام
                                حصه:ها يما وين بتروح
                                محمد:بروح حق ليال بتين معاي
                                حصه:يمه ليال طلعت الصبح من المستشفى
                                محمد:ادري يما بس انا بروح لها البيت امس مارحتلها المستشفى
                                احمد:بالاول دق عليها شوف عمها اذا موجود بالبيت روح واذا موموجود لاتروح مايصير اتروح والبيت مافيه ريال
                                محمد:ان شاء الله يبا....ما تامرون على شي
                                حصه:سلامتك يما الله وياك
                                محمد:يالله مع السلامه .شئ..وطلع
                                محمد دق على فواز وتواعدو عن فلاة بوجراح بعد ربع ساعه كان محمد وفواز في فلاة بو جراح
                                افتحو لهم الباب ودخلوهم بصاله بس الجها الثانيه
                                خالد:حيا الله من يانا
                                محمد وفواز:الله يحيك
                                فواز:عمي شصار على جراح مافي اخبار عنه
                                خالد بضيق:لا وانا ابوك مافي اي خبر عنه
                                فواز:لاحول ولا قوته الا بالله ...عمي مومعقوله يختفي فجأه جذي وبدون سبب
                                خالد:وهذا الي ذابحني ..جراح ماله اعداء مو له مصله في اختفاءه ..والله ياخوفي انه الولد صار فيه شي ومحد عارف شي
                                فواز:شلون يعني
                                خالد بحزن وضيق وخوف كل مشعار الالم:اخاف انه سوى حادث ولا مات وحد يدري عنه
                                فواز:الله لايقول ان شاء الله مافيه الا العافيه ...يمكن مشغول بشي يمكن سافر مكان ومابلغ احدولا قدر يبلغ احد
                                خالد:للاسف جيكنه على اسمه بجميع المنافذ ومافي اي شي جراح من دخل لندن ماطلع منها
                                محمد:ان شاء الله تسمعون عنه اخبار طيبه بأقرب وقت
                                خالد:الله يسمع منك
                                محمد بتررد:عمي ليال شلون صارت
                                خالد وهو يتنهد بضيق:والله على حالها ..مادري ليش ما ظلت بالمستشفى اكثر من جذي...الله يعينها اهيا بعد ماتدري اتشيل هم جراح ولا ملاك ولا همها
                                فواز بضيق:ماعليه عمي فتره وتعدي ان شالله ...وان شاء الله كل يش يصير احسن من قبل بعد ردت جراح بسلامه
                                خالد:آمين
                                ليال انزلت عشان تقعد مع اخوانها الي كانو يحاتونها وايد
                                ليال بتعب واضح:السلام
                                الكل:وعليكم السلام
                                محمد قام ومسك ايدها ومشى معاها لي القنفع وقعدها بينه وبين فواز
                                خالد:ليال يبا شلون الحين
                                ليال :الحمدالله
                                فواز:ليش ماضليتي بالمستشفى انتي ليلحين تعبانه
                                ليال حركت راسها بنفي
                                خالد:يبا كليتي شي
                                ليال:ما اشتهي شي
                                خالد:ليش يايبا ليش اتسوين بنفسج جذي لازم تتغذين عدل عشان صحتج اتصير احسن
                                ليال:وشل فايده أصير أحسن وجراح مو موجود..وعيونها بدت تغورق
                                فواز:ليال انتي لازم تهتمين بصحتج ولا تبين جراح يرجع ويشوفج تعبانه جذي
                                ليال ودموعها صارت تنزل على خدها:مابي صحتي خل اتروح كلها بس يرجع جراح سالم
                                خالد:لا حول ولا قوته الا بالله ..يايبا مايصير جذي جراح بخير ومافيه شي بس يمكن ضروفه اهيا الي اجبرته انه يختفي
                                ليال :عمي اي ضروف هذي الي تتكلم عنها ....جراح لو شنو كانت ضروفه لازم دق بين فتره وفتره عشان يتطمن على ملاك والحين كملنا الثلاث اشهر ومافي اي خبر وكل المحاولاتكم افشلت عمي نا خايفه وايد
                                خالد بقلبه(عيل انا شقول هذا ولدي وقطعه مني انتي يمكن تنسين بس انا شلون انسى ولدي الي ربيته وكبر جدامي الله يصبرنا كلنا )
                                بهل وقت انفتح باب الفلا ودخل منه الشخص الي الكل ينتظره

                                في ستار بكس (شرق)
                                فرح:مريوم سمعتي آخر خبر
                                مريم:قولي ياأم الاخبار شعندج
                                فرح:جراح مختفي صارله 3 اشهر ومحد عارف ارضه من سماه
                                مريم عدلت قعدتها :وانتي شدراج
                                فرح:ناصر قالي (ارفيجها )
                                مريم:وناصر اشدراه
                                فرح:شفيج ناصر يشتغل عند مكتب وزير الداخليه يعني كل شارد ه او وارده يعرفها
                                مريم:وشلون اختفى ..ووين
                                فرح:اختفى بالندن وشلون هذي الي ليلحين محد عارف عنها شي
                                سحر:وااي الله يعين اهله
                                مريم:وملاك وينها عند منو
                                سحر بضحك:اكيد خدامتها زوجته اليديده
                                مريم:هذا الي ناقص بعد دام جراح مو موجود هذا انسب وقت آخذه منه والمحكمه بتوقف معاي الانه ابوها مختفي وانا امها اولا فيها
                                سحر:مريوم لا صدقتج الي يسمعج ميته عليها...خليها تولي ليش اتجابلينها انتي
                                مريم :سحر هذي بنتي ومن الطبيعي اتكون عندي وتحت رعايتي
                                سحر:ههههههههه مريوم سامعتها بأي مسلسل ...قولي بنتقم من جراح واهله وفكينا
                                مريم:وهذا انتي عرفتي ليش تتكلمين بعد
                                فرح:مريوم انتي بس هذا الي يهمج ...انج تحرقين قلوبهم وماتهمج بنتج ماتحبينها مومشتاقتلها
                                مريم:ليش انا متى شفتتها عشان احبها ولا اشتاق لها
                                فرح:انتي غريبه
                                مريم:شنو تتوقعين من وحده خذو بنتها منها بالقوه شلون تبين يكون شعوري حبيبتي انا قلبي صار اخس من الصخر يمكن الصخر يتفتت بس قلبي لا.... وجراح بحرق قلبه عليها مثل ماحرق قلبي عليها


                                بفلاة خالد
                                الكل وقف بمكانه ..كانت علامات الخوف وتعجب عليهم
                                هنادي:طلال ليش رديت ...وين اخوك ليش مايبته معاك
                                طلال راح عند امه وباس راسها وبضيق:يما ...
                                ليال بخوف:جراح في شي تكلم
                                طلال :جراح ملا اي اثر فص ملح وذاب
                                هنادي بصدمه:شلون يعني ولدي راح خلاص
                                ليال هيا تبجي:طلال الله يخليك قولي انه جراح بيرجع الله يخليك قولي انه جراح مافيه شي الله يخليك قولي انه جراح مشغول عشان جذي مايقدر يكلمني
                                طلال:.....
                                هنادي:تكلم ليش ساكت اخوك وينه
                                خالد:طلال ليش رديت شلي صاير
                                طلال:يبا مو صاير شي بس انا يت ابي اتطمن على الوالده وباجر برد
                                هنادي :ومنو قالك رد انا مافيني شي يالله ارجع الحين من المكان الي كنت فيه وماترد الا وجراح معاك فاهم
                                شيخه:هنادي مايصير جذي الولد توه واصل بسلامه شلون يرجه
                                خالد:روح ارتاح وانا بوك روح
                                هنادي بتوتر وبجي:لا مايرح... شلون يرتاح واخوه مولاقينا...يالله ارجع الحين
                                طلال :يما الله يهداج وين ارجع الحين وبعدين عادل اهناك واذا صار اي شي ببلغني على طول
                                هنادي:وانا قلت ترجع يعني ترجع
                                طلال تنرفز وايد كان تعبان ومهدود حيله ومن سافر لندن ماشاف الراحه كلش ..وماكان متوقع انه امه بتستقبله بهال طريق:يما اصلن روحتي هناك مامنها فايده جراح خلاص انتها ...(قالها وهو مو حاس بنفسه)
                                هنادي:شنو قصدك انتهى ولدي شفيه ...قولي اخوك مات قول تكلم
                                ليال من اسمع مات ماتمالكت نفسها وطاحت من طولها
                                محمد:ليال ليال قومي ليال
                                فواز:ماي بسرعه
                                دانه اركضرت وايب ماي ..وفواز بدا يصب ماي على ويها
                                اما هنادي كانت تبجي بحرقه تبجي بقهر وحزن تبجي على الوقت الي قضته بعيده عنه :ليش ياطلال ليش تفاول على اخوك
                                طلال وهو يلما:يما والله مو قصدي شي بس انا لازم اكون موجود هني لازم اتابع امورنا بالشركه وعادل وفراس ومشاري كلهم موجودين هناك..ولازم انا اكون هني
                                هنادي :لا ياطلال المفروض اتكون اولهم هذا اخوك هذا عضيدك وذراعك اليمين

                                بغرفة اريام
                                اريام كل عاده قاعده اتسولف بالتليفون
                                اريام:الكل مستغرب جراح كل مره يسافر ويقعد بالاشهر وساعات بسنوات ولا صار معاه جذي
                                فهد(ارفيجها):ماعليه ياعمري الغايب عذره معاه بس انتي لاتزعلين
                                اريام:كله من بنت الفقر هذي من ادخلت بيتنه فقرت علينا ..الله ياخذها ان شاء الله ونفتك منها
                                فهد:ريوم حرام عليج البنت شنو ذنبها الي تدعين عليها
                                اريام:ذنبها انه جراح اختفا من بعد ماخذاها قبسه عمه بشكلها
                                فهد:ريوم ماتقعدج جذي كل هذا عشانها مو من مستواكم
                                اريام:اي ياأخي ماحبها ماأواطنها ولا الي يبط جبدي لمن يقولون انها احلى منه كلها
                                فهد:هههههههههه الحين عرفت ليش ماتحبينها...بس هذا مو مقياس وانتي مالازم تحكمين على الناس من اسم العايله ومستواها بين الناس ....ياما ناس على قد حالهم بس الكل يتمنى قربهم ..زتدرين ليش
                                اريام بستهزاء:ليش
                                فهد:الانهم يملكون قلب انظيف واخلاقهم عاليه وعمر الفلوس ماكانت مقياس للانسان...اريام لاتحكمين على البنت بمجرد انها مو من مستواكم
                                اريام بعصبيه :ممكن سؤال
                                فهد:تفضلي
                                اريام:انت حاطينك محامي عنها
                                فهد:لا بس هذي كلمت الحق وانتي عارفتي ماحب اجامل
                                اريام:دام جذي الله ياخذج يا ليالو يابنت الفقر ياعلج ماتشوفين يوم حلو بحياتج ..وان شاء من يرجع جراح يطلقج ونفتك منج او تموتين وتريحينا
                                فهد بنبره حاده:اريام ليش تعدين على البيت ...البيت جذي خافي ربج ترى الدعوه ترد عليج خصوصا انه البنت مضلومه
                                اريام:انت واحد حقير وجبان ...انت ماتستحي قول شنوا لدعوه ترد علي انت شقصد فهود ليكون اتعرفها وانا مادري
                                فهد بعصبيه:منو حقير ..اشرها مو عليج يا اريام اشرها علي انا الي مضيع وقتي مع وحده تافها وسخيفه مثلج ...وصك التليفون بويها
                                اريام احذفت التليفون على الطوفه بقوه...طاح واكسر
                                اريام بعصبيه وبصوت عالي:الله ياخذج ياليال كله منج .




                                نهــــايــــة البــــــــارت ...

                                .
                                .
                                .
                                للكـــاتبـــه :

                                أحــــلاهم واتحداهــم .
                                .



                                .

                                  تعليق

                                  • "لحن الوفاء"
                                    V - I - P
                                    • Mar 2013
                                    • 2413
                                    #29
                                    رد: عهدي مع الايام .. للكاتبه .. احلاهم واتحداهم . ./





                                    * البـــارت الرابــع و العشــــرون *


                                    بعد يـوميــــن


                                    لندن
                                    غرور:عادل طلال متى يرجع
                                    عادل بنفسيه الانه مايبلع غرور:الاستاذ طلال ماراح يرجع اهو ماسك الشغل بالكويت
                                    غرور:ومنو بيمسك مكان جراح هني
                                    عادل:انا راح امسك مكان الاستاذ جراح
                                    غرور:وعلى اي اساس تمسك مكانه
                                    عادل:انا طول عمري ماسك الشغل بره الديره
                                    غرور:بس هذا المشروع مايحتاج اي شخص يمسكه غير جراح او طلال
                                    عادل:عفوا استاذه غرور انا ماني اي واحد انا منهم وفيهم وذراعهم اليمين وعندي الصلاحيات اني ادير حلالهم بره الكويت وعلى فكره ترى انا شريك معاهم ماني موظف
                                    غرور بنبره حاده:عادل لو سمحت تكلم معاي بحترام
                                    عادل بنفسيه:انا ما غلطت عليج انتي سألتي وانا جاوبتج....وخلاها ومشى عنه
                                    بمكتب عادل
                                    عادل كان يكلم مشاري ريل رتاج بالتليفون
                                    عادل:يا أخي انا مادري على شنو شايفه عمرها تتكلم معاك جنك صبي عندها
                                    مشاري:خلها تولي ومالك شغل فيها انت سو الي عليك وبس
                                    عادل:انا مادري شلي خلا جراح يشارك هذي ..صراحه الله يعينه
                                    مشاري:جراح...وين جراح مو بالاول انلاقيه وبعدين لكل حادث حديث
                                    عادل:انا حاس انه جراح طايح ابمصيبه ...مومعقول يترك مشروع ضخم وكبير مثل هذا ويختفي ..هذا المشروع حلم جراح شلوني تخلا عنه
                                    مشاري:والله مادري شقولك اختفاءه لغز يحير ...المهم انا نهاية الاسبوع برد الديره ماأقدر اقعد اكثر من جذي
                                    عادل:مو مشكله انت توكل على الله وانا وشباب موجودين وان شاء الله مايقصرون
                                    مشاري:على خير يالله ماتامر على شي
                                    عادل:سلامتك

                                    بالكويت
                                    بشقة فواز
                                    العنود:فواز شرايك ناخذ ليال ونروح العمره
                                    فواز:ماراح ترضى وبعدين اهيا مريضه ومافيها شده على السفر
                                    العنود:انزين خل اتيي عندنا جم يوم على الاقل اتغير جو
                                    فواز:دقي عليها وقولي لها والله هل بنت مو راضيه تترقع لامن الاولاني ولا الثاني ...ومايندرى الايام شنو خاشه لها
                                    العنود:الله يكون بعونها ويصبر قلبها ان شاء الله
                                    فواز:دقي عليها الحين وقولي لها
                                    العنود:ان شاء الله...ودقت
                                    :الوووو
                                    العنود:مساء الخير
                                    :مساء النور هلا العنود
                                    العنود:من معاي
                                    :رتاج
                                    العنود:هلا رتاج اشلونج والشلون الوالده
                                    رتاج:الحمدالله على كل حال
                                    العنود:رتاج ليال عندج
                                    رتاج:لا والله ليال توها نايمه وانا خذيت موبايلها عشان تنام شوي
                                    العنود:شلونها الحين
                                    رتاج:على حطت ايدج ..لاتاكل ولاتتكلم ولا تنام
                                    العنود:لا حول ولا قوته الا بالله ...انزين وملاك شلونها ..ومنو يجابها
                                    رتاج:الحمدالله زينه شوي عندي وشوي عند البنات وشوي عند ليال ..يعني ماشي حالها
                                    العنود:الله كريم ان شاء الله يرجع جراح وكل شي يصير احسن من قبل
                                    رتاج:آمين يارب
                                    العنود:ماشي اذا قامت خليها تتصل فيني
                                    رتاج:ان شاء الله
                                    بغرفة اريام
                                    ومثل كل مره تتكلم بتليفون
                                    اريام :الحمار صكه بويهي عشانها
                                    رغد:وماكلمتيه بعدها
                                    اريام:خل يولي زين هذا كفو اكلمه
                                    رغد:خلاص خليه عنج انتي مو ناقصج شي والف واحد يتمنى انج اتصيرين حبيبته
                                    اريام:اكيد....رغود مليت بيتنا صاير كئيب وايد ودي اطلع
                                    رغد:خلاص تعالي بيتنا وبعدها نطلع
                                    اريام:امممم...الحين صعب بس باجر اكيد بي
                                    رغد:اوكي قلبي ...ريوم جاسم معاي على الخط الثاني اكلمج بعدين
                                    اريام:اوكي باي


                                    بجناح خالد وهنادي
                                    هنادي:انا فقت الامل في ردته انا ادري انه ولدي مات وانتو ماتبون اتقولولي
                                    خالد:اسم الله عليه شهل كلام ان شاء الله مافي شي وببين هل يومين
                                    هنادي:متى ياخالد جراح مختفي من مده طويله مومعقوله بكون عايش ومايتصل يطمنه
                                    خالد بستغراب:هنادي صلي على النبي ليش تفاولين على الولد ان شاء الله فتره وتعدي وبعدين الغايب عذره معاه
                                    هنادي:مهما كان عذره لازم يدق يطمني انا امه ...شلون يرضا اني اكون بهال وضع وهو مايهما ..لا ياخالد مو جراح الي يخلي امه بهل حاله ...مو جراح الي يخلي نار شابه بصدر امه
                                    خالد انا عارفه انه ولدي مااااات .





                                    نهــــايــــة البــــــــارت ...

                                    .
                                    .
                                    .
                                    للكـــاتبـــه :

                                    أحــــلاهم واتحداهــم .
                                    .



                                    .

                                      تعليق

                                      • "لحن الوفاء"
                                        V - I - P
                                        • Mar 2013
                                        • 2413
                                        #30
                                        رد: عهدي مع الايام .. للكاتبه .. احلاهم واتحداهم . ./





                                        * البـــارت الخــامس و العشــــرون *


                                        الجزء الاول ...



                                        هنادي:مهما كان عذره لازم يدق يطمني انا امه ...شلون يرضا اني اكون بهال وضع وهو مايهما ..لا ياخالد مو جراح الي يخلي امه بهل حاله ...مو جراح الي يخلي نار شابه بصدر أمه
                                        خالد أنا عارفه انه ولدي ماااات



                                        مرت الاسابيع على كل ابطالنا بصعوبه وهم وحزن كبير...في منهم من تأقلم مع الايام على اختفاء جراح وفي منهم لا يزال يعاني سواء كانت المعانات بصمت اوببعض التعبيرات مثل البجي والعدم النوم
                                        اهما ثنتين كانو بهل حاله اكيد عرفتوهم



                                        فلاة خالد
                                        على الغدا
                                        خالد:هنادي ليش ماتاكلين
                                        هنادي:مالي نفس
                                        خالد:و اذا قتلج عشان خاطري أكلي
                                        كادي:ماما حبيبتي اكلي
                                        هنادي:وين ليال
                                        دانه:قاعده تنوم ملوكه
                                        هنادي:دانه يما روحي ناديها وخلي آني تنوم ملاك
                                        دانه:ان شاء الله ...وقامت
                                        خالد:هنادي انتي معاج سكر لازم تاكلين عدل
                                        هنادي تتنهد بضيق
                                        خالد مسك ايدها وضغط عليها :هنادي خلي ايمانج بالله قوي
                                        هنادي:ونعم بالله
                                        شوي ونزلت دانه ومعاها ليال.
                                        هنادي:وينج يما ليش
                                        ليال بحزن:انوم ملوكه
                                        هنادي:جان قلتي حق آني تنومها
                                        ليال:لا يما انا انومها(ليال صارت اتقول حق هنادي يما من بعد اختفاء جراح ...كانت اتحس بحنانها الي فقدته من امها امها الي ماكانت تتصل فيها الا باليومين مره او بالاسبوع عشان تتطمن عليها وحتى لمن كانت تدخل المستشفى مرات كانت اتي ومرات لاء ..اما هنادي صارت اهيا ام ليال ..كانت تبي تعوض فقدان ولدها مع زوجته)
                                        هنادي:تعالي يما تعالي اكلي
                                        ليال :يما...
                                        قاطعتها هنادي بأصرار:مو بكيفج تعالي قعدي عندي واكلي
                                        خالد:يبا تعالي ولاتبين تزعلين خالتج
                                        ليال باست راس هنادي:كل ولا زعلج يما ...وقعدت عندها
                                        كادي بتلطف الجو:ياالله اشوف انتو الثنتين اكلو كل الي جدامكم ولا بزعل منكم
                                        هنادي ابتسمت على طريقة بنتها
                                        خالد استانس وايد الان شاف ابتسامته نادي الي ختفت من يوم الي ختفا جراح
                                        خالد:حتى انا بزعل منكم يالله اشوف اكلو
                                        هنادي :خالد والله مالي نفس
                                        خالد رد مسك ايدها مره ثانيه وضغط عليها:تبين اتزعليني
                                        هنادي:ماعاش من يزعلك
                                        خالد بحنيه: عيل اوكلج مثل قبل
                                        هنادي ابتسمت :خلاص انا باكل بروحي
                                        خالد:.ولو اني زعلت شوي ...بس مومهم المهم انج تاكلين


                                        ليال كانت عينها عليهم وبدون شعور انزلت عدمه منها...وبقلبها(كنت اتمنى اي اليوم واكون زعلانه وجراح يتحايل علي عشان ارضى ...بس شكل اليوم هذا)وتلاشة كل الكلمات الي بقلبها لمن حست بأيد على ويها وتمحس دمعتها بأصابعه
                                        خالد الي قام من مكانه لمن شاف دمعت ليال تنزل حس انها محتاج لوجود جراح :مابي اشوف هل الدموع مره ثانيه....اوكي
                                        ليال هزت راسها بضيق
                                        خالد:كادي امج وليال شكلهم بزعلونه شرايج نزعل ولا نشوف ياكلون ولا لاء
                                        كادي:لا بابا بتشوف الحين بياكلون وصيرون شطار
                                        ليال وهنادي بدو ياكلون لاكنهم مايحسون بطعم الاكل الي ياكلون ...المهم شي يسد اليوع عندهم..هذي كانت حالتهم اغلب الايام نادر ماياكلون واذا كلو لازم بالحيله
                                        بعد الغدا
                                        خالد طلب من الكل يقعد بصاله الان عنده كلام مهم ويبي يقوله لهم ....الكل العايله تيمعت بصاله وبدى خالد كلامه
                                        خالد:يمكن الكلام الي بقوله لكم يكون اثقيل على مسامعكم وشي ماتتوقعون...سكت اشوي وبعدها كمل ...جراح اختفاء والله العلم وينه يمكن الظروف اجبرته على الاختفاء او يمكن حصله ضرف والغايب عذره معاه
                                        هنادي:خالد انت عندك اخبار مو زينه عن ولدي
                                        خالد:لا ياهنادي انا ماقصدت جذي
                                        هنادي بخوف: عيل شنو تقصد
                                        خالد:هنادي ممكن اكمل بدون مقاطعه
                                        هنادي:قولي بالاول جراح فيه شي
                                        خالد:العلم عند الله بس مو هذا موضوعنا...الي بوصله انه الحيات لازم تستمر والكل يعيش حياته بكل طبيعي
                                        هنادي:شلون يعني تبينا ننسى جراح
                                        خالد:هنادي صلي على النبي انا ماقصدت جذي انتي سمعيني لي الاخر وبعدين قولي الي تبينه
                                        هنادي:انت كلامك غريب
                                        خالد:كلامي مافي شي بس انتي ماتعطيني مجال اوضح لكم الامور
                                        هنادي بحزن:كمل وبشوف وين بتوصل
                                        خالد:طلال
                                        طلال:آمرني يبا
                                        خالد:مايامر عليك عدو ...انت صارلك فتره مالج ومايصير اطول اكثر من جذي لازم تتزوج بأسرع وقت
                                        طلال بستغراب:يبا شلون اتزوج وجراح موموجود
                                        خالد:خذ مرتك وسافر بس لاطول بره
                                        طلال:مايحتاج السفر والوضع جذي واذا على جنى ماراح اتقول شي ...احجز فندق يومين كافي.....وبعدها اني البيت
                                        خالد:على راحتك...وانتي يادانه...انا عارف انه طول عمرج تتمنين عرس كبير لاكنت انتي شايفه الوضع مايسمح ...وان شاء الله من يرجع ريلج من السفر تروحين عنده
                                        دانه:لا يايبا انا ما راح أروح بيت ريلي وجراح مو موجود
                                        خالد:دانه انتي عارفه متى بيرجع جراح
                                        دانه:لاء
                                        خالد:خلاص عيل لازم اتروحين بيت ريلج ...وسكت فتره كان متردد من الكلام الي بقوله..(وبرتباك..)..ليال انا بوج انتي منتي ملزومه تنطرين جراح ...وسكت
                                        ليال ماكانت مستوعبه كلام عمها:مافهمت
                                        خالد:يعني قدرين ترفعين قضيه وتتطلقين ومحد يقدر يلومج انتي بعدج صغيره والعمر جدامج..وسكت ماقدر يكمل
                                        الهدوء عم المكان من الصدمه
                                        خالد:شقلتي
                                        هنادي:خالد انت اش هل خرابيط
                                        خالد:هنادي البنت صغيره ومومعقوله بتضل طول عمرها جذي بدون ريل
                                        هنادي:انت ليش تحسسني انه جراح ماراح يرجع كلش
                                        خالد بنبره حاده:هنادي انا ماقلت ماراح يرجع ولا قلت متى بيرجع العلم عند الله البنت مايصير توقف حياتها على مصير ولدنا
                                        هنادي:بس
                                        خالد يقاطعها:لا بس ولا شي أنا أبو وما أرضها لبناتي شلون أرضاها لها...ويلتفت على ليال ...ليال شقلتي
                                        ليال ارفعت راسها ودموعها على خدها
                                        خالد بحنيه:يبا انا ماأجبرج على شي انتي ماتبينه ...ولا اقدر اشوفج بهل حال واسكت ..شقلتي
                                        الكل كان ساكت ويبي يسمع رايها
                                        ليال بقمت الحزن ودموعها على خدها:عمي الي تقوله شي مستحيل يصير ...عمي شلون تبيني ااتطلق من انسان ماشفت منه الا كل خير ..شلون اتخلا عن عهدي معاه ...شلون اتخلا عن اجمل الحظات الي عشتها بحياتي ...جراح بضل طول عمره بقلبي حتى لو مارجع ....مابي اتزوج مابي ريل غير جراح ...مابي عيال الا من جراح ...شلون اتخلا عنه وعن ملوكه ..واذا رجع بتكون صدمه بنسبه له الاني تخليت عنه وعن عهدي معاه ..عمي ولي يرحم والدينك ولاتيب طاري الموضوع هذا مره ثانيه
                                        خالد حس بفرح كبير بداخله ..اهو قال هل كلام عشان لايضلمها مايبيها تضيع شبابها على امل بعودت جراح:متأكده من كلامج
                                        ليال:عمي الله يخليك انسى الموضوع انا احب جراح ومستحيل اكون لغيره
                                        هل كلمات خلت هنادي والبنات يبجون على خسارتهم الكبيره

                                        غرفة كادي الساعه 2 بعد منتصف اليل ...كادي كانت بسابع نومه اما ليال ..كانت قاعده تصلي ...ومن خلصت صلاتها ارفعت ايدها لسماء وبقلب مكسور
                                        ليال:يارب ياحي ياقيوم ياأرحم الراحمين ياغافر الذنوب....ياستار العيوب ...ياراد يوسف الي يعقوب رد لي جراح سالم غانم ...يارب طول ابعمره واذا كان مريض يارب انك تشفيه بأقرب وقت ....وهيا تبجي... يارب اتوسل اليك يارب ياحبيبي ..يارب امه قلبها انفطر على غياب ولدها..قر عينها بشوفته بالقريب العاجل .. يارب اتوسل اليك اخذ من عمري وعطا لجراح ..يارب مابي شي من الدنيا اخذ كل صحتي بس ردلي جراح..وماقدرت اتكمل اكثر قامت تبجي بصوت عالي ..وخلت الشخص الي واقف ورا الباب تنزل ادموعه غصبن عنه

                                        لندن
                                        بمكتب عادل
                                        اخلت عليه غرور وهيا متنرفزه على الاخر:ممكن اعرف انت ليش راد من الموقع
                                        عادل بنفسيه:اللهم طولج ياروح...يعني ليش راد عندي شغل بالمكتب
                                        غرور:عادل الم...
                                        عادل بنفسيه:الاستاذ عادل لو سمحتي
                                        غرور وهيا رافعه حاجبها:نعم
                                        عادل:الاستاذ عادل مو عادل حاف انا مو موظف عندج انا شريك حالي حالج ولازم في حدود بكل شي
                                        غرور بعصبيه:نعم منو شريك
                                        عادل:ليش ولد العم ماقالج
                                        غرور:انا الي اعرفه ان الشركه اتخص جراح ابروحه
                                        عادل:لا يبا غلطانه الشركه لجراح وطلال وانا والكل يعررف هال شي من زمان ...واذا ماكان لي نصيب بشركه لي شاهد ديرتي واهلي واعيش بلندن
                                        غرور بستهزاء:والله مادري يمكن اعجبوك البنات الي فيها
                                        عادل بقمت العصبيه طق ايده بكل قوته على المكتب :احترمي نفسج احسن لج ....اقول خلي الامور تمشي مثل ماأهي ولا الله بسماه المشروع هذا بكبره يوقف فاهمه
                                        (عادل يتمتع بشخصيه قويه ...تقريبا مثل جراح واكثر وما يعرف يجامل الناس الي بقلبه على السانه ..وعلى كل مواصفته يتمتع بوسامه اتفوق وسامة جراح )
                                        غرور:انت اتوقف المشروع ...بكيف منو ان شاء الله
                                        عادل:ليش ماتدرين انه المشروع هذا كله بيدي انا ...انا الوكيل المعتمد للمشروع هذا والاداره كلها بيدي والاوراق كلها تثبت هشي ....سمعي يابنت الناس اذا ماعدلتي اسلوبج معاي الله بسماه المشروع يوقف ومايهني شي والخساير تتعوض وعلى فكره لو جراح كان مو جود جان قالج جم مشروع وقفته بسبب ناس شايفه نفسها مثلج
                                        غرور:انت بعدك ماعرفت منو غرور محمد ال...
                                        عادل بنبره حاده:ولا ابي اعرفها ...اذا اسم ابوج مايخليج تحترمين الناس انا بعد وال....(عادل مستواه المادي اعلى من غرور وجراح وعنده عدت شركات لكن اغلب وقته بهذي الشركه..)لكن احترم الناس مومثلج يابنت ال...
                                        غرور طقتها البوها من الاسم وسكتت
                                        عادل من شاف ويها انقلب بقلبه(هذا اتنو يالحريم تعاملون الناس على اسماء العوايل وطبقاتهم مو عشان شخصه)

                                        فلاة خالد
                                        رغد كانت زايره اريام
                                        رغد:وااي بيتكم يضيق الخلق ...كئيب حده
                                        اريام:اكيد بكون كئيب
                                        رغد:الا مافي اخبار عن اخوج
                                        اريام:لا والله مافي اي خبر ..وامي وابوي حالتهم حاله
                                        رغد:حتى انتي ويهج شاحب وايد
                                        اريام: رغد هذا اخوي مو ولد جيرانه اكيد بتضايق ...الله العالم وينه فيه
                                        رغد بحماس:ريوم انا مسويه بارتي باجر في بيتنا...اتين
                                        اريام:اي شي صح اخوي مادري وينه ..وانا اروح حفلات
                                        رغد:اهيا مو حفله حفله ..بس عازمه البنات وناسه وخصوصا البيت مافيه غيري
                                        اريام:ليش وين امج وابوج
                                        رغد:امي وابوي مسافرين واخواني بشاليه
                                        اريام بستغراب:وانت بروحج بالبيت
                                        رغد:اي عادي الخدم معاي
                                        اريام:ماتخافين
                                        رغد:ليش اخاف بعدين انا متعوده على جذي
                                        اريام :الحمدالله احنه مو جذي ابوي مايخلي البيت بدون ريال وما يسافر مع امي الا وهو موصي جراح وطلال مليون وصيه ..هذا غير عمتي الي تي عندنا
                                        رغد بحقد:شدعوه ولش كل هذا
                                        اريام:ابوي وايد يخاف علينا وعلى قولته البنت مثل الجوهره لازم انحافظ عليها
                                        رغد:ماعبر مادري عاد منو بياكلكم حبيبتي هذا اذا دل يدل على عدم الثقه ابوج مايثق فيكم عشان جذي يخليكم تحت الحراسه المشدده
                                        اريام:لا عيوني ابوي من زود حبه لنا يحافظ علينا
                                        رغد بقلبها (هين اوريج ان ماكسرت خشمج انا اعلمج):الا ماقلتيلي تين باجر
                                        اريام:لا ما أعتقد امي ترضى
                                        رغد:كيفج انتي الخسرانه كل البنات بيون وراح ناخذ راحتنا على الاخر
                                        اريام بحماس:منو بيي
                                        رغد:كل الشله
                                        اريام :اممم ...والله ودي ايي بس اخاف امي ما ترضى
                                        رغد:تبيني اكلمها لج
                                        ارايم :لالا انا اكلمها ارد لج خبر
                                        ثاني يوم
                                        اريام كلمة امها وابوها ..اهما وافقو على روحتها بيت رغد وكانو يعتقدون انه اهلها موجودين
                                        بعد ما تزهبت ولبست عشان تطلع مرت على غرفة كادي عشان تاخذ منها عطرها الي خذته منها كادي قبل فتره...ادخلت الغرفه وشافت ليال منسدحه على الفراش وعلامات التعب والمرض واضحه عيها
                                        اريام:انتي هني
                                        ليال:اي
                                        اريام :وماعندج جناح اتنامين فيه ولا تبين تحتلين البيت كله ...بعد بنت فقر شي طبيعي بتحتل البيت كله
                                        ليال بحزن:انا ما أقدر ادخل الجناح وجراح مو موجود
                                        اريام بستهزاء:لا صراحه صدقتج حبيبتي تمثيلج هذا على امي ابوي خواتي مو علي انا يابنت الفقر .....بس تدرين ما تنلامين بنت فقر ودخلت في بيت العز اكيد بتتمسك فيه
                                        ادخلت عليها كادي:اريام شتسوين هني
                                        اريام:يايه آخذ عطري وبطلع
                                        كادي:اها ..وين بتروحين
                                        اريام:مو شغلج فاهمه..وطلعت
                                        كادي:الحمدالله وشكر...ليال ..اريام ماقالت لج شي
                                        ليال:لا
                                        كادي:اكيد
                                        ليال:كدوي قصري حسج ملوكه نايمه
                                        كادي :بتنامين
                                        ليال:اي
                                        كادي:توناس قعدي معاي شوي ...انا طول اليوم قاعده بروحي
                                        ليال:اوكي

                                        بيت رغد
                                        قبل ماتوصل اريام
                                        رغد اتكلم اخوها :شقلت
                                        بدر:انتي من ضجج ...هذي ارفيجت عمرج وبعدين ماتخافين اتقول حق اهلها وتسوي لنا مصيبه
                                        رغد:هذي مو رفيجتي هذي شايفه نفسها على شنو مادري وانا ابي اعطيها درس بحياتها ماتنساه..وحتى اذا قالت حق اهلها انجذبها ونقول انها يت اشوي وطلعت مع ارفيجها وحنه مالنا دخل بالي صار لها واذا قالت انك انت الي سويت فيها جذي انخلي كل البنات يشهدون انها جذابه وبجذي ماتقدر تسوي شي
                                        بدر:رغد
                                        رغد اتقاطعه:انا ماقتلك سو فيها شي انا ابيك بس اتخرعها لا اكثر ولا اقل
                                        بدر:ماشي بس وين وشلون
                                        رغد:اممممم بره بديوانيتك او غرفة السايق
                                        بدر:صار

                                        بعد عشر دقايق اوصلت اريام وقبل ماتدخل دقت على كادي وقالت لها اتبلغ امها انها احتمال تتأخر عند رغد...ودخلت البيت وسلمت على البنات وقعت معاهم تسولف وتضحك وماتدري عن نوايا رغد لها (طبعن رغد كانت قايله حق البنات عن الي بتسويه فيها )
                                        بعد فتره بسيط
                                        رغد:اريام تعالي ابيج بموضوع
                                        اريام :اوكي...وقامت وهيا ماسكه تليفونها ورغد ما لاحظة بيدها
                                        رغد:تعالي خل اقولج شي بس امشي بره مابي البنات يسمعونه
                                        اريام:لي هالدرجه الموضوع مهم
                                        رغد :فوق ماتتصورين...وطلعو بره ...تعالي خل نقعد بغرفة السايق
                                        اريام:وع انا اقعد بغرفة السايق لالالا حبيبتي شوفيلج مكان ثاني
                                        رغد :غرفت السايق انسب مكان ماأبي احد يسمعنا
                                        اريام:وع لو اموت ما أدخل لها شوفيلج مكان ثاني ..تعالي انتي موتقولين اخوانج مو موجودين
                                        رغد:اي ليش
                                        اريام:خلاص خل نقعد بدوانيه هذي ...واشرت عليها(طبعا الدوانيه بره بالحديقه)
                                        رغد:اوكي...وبسرعه طرشة مسج حق اخوها انها بدوانيه مع اريام
                                        اريام:يالله قولي شعندج
                                        رغد :انا انخطبت (جذب) ومابي اي وحده من البنات تعرف شي
                                        اريام بفرح:صج الف الف الف مبروك حبيبتي ومن ولده
                                        رغد توهقت:ولد عمي ..اسمه سلمان
                                        اريام بستغراب:سلمان ...ولامره سمعتج اتيبين طاريه
                                        رغد:اي الانه كان يدرس بره والحين رجع...واااي لايطوفج زوغه اينن
                                        اريام:صج
                                        رغد:تبين اتشوفين صورته
                                        اريام بفضول ودلع:بلييييييييييز
                                        رغد :اوكي ثواني خل ايبها لج انتي خلج هني عشان البنات مايحسون بشي مابيهم يشوفون صورته ولا يعرفون عن الموضوع شي
                                        اريام:تطمني حبيبتي محد بعرف شي بس قومي بسرعه عشان لايحسون
                                        رغد بخبث:اوكي حبيبتي ثواني ماراح اطول...وطلعت من الدوانيه واشرت حق بدر يدخل
                                        اريام كانت ماسكه تليفونها وتلعب فيه...وفجأه اسمعت صوت الباب يتبطل ارفعت راسها وشافت بدر
                                        اريام بخجل ورتباك:سوري بس رغد قالتلي نقعد هني
                                        بدر:لا عادي اخذي راحتج المكان مكانج
                                        ارايام قامت عشان تطلع بس بدر وقف جدامها
                                        بدر:وين
                                        اريام برتباك:بروح حق رغد
                                        بدر:مو قبل ماأشبع منج
                                        اريام@@


                                        فلاة خالد
                                        كادي وليال كانو قاعدين بصاله وملاك بحضن ليال
                                        كادي:ليول شربي العصير ترى لذيذ انا طابخته
                                        ليال ببتسامه بعد فتره طويله:اسمها انا عاصرته
                                        كادي استانست:ولا تزعلين انا عاصرته ...لا والله ليش الجذب مولياتي اهيا الي سوتا (مولياتي هذي مربيت جراح وعندهم من عمر جراح )تقول عشان ليال يصير زين...ترى هذي ام ريلج الثانيه ههههههه لاتسمعني امي وتذبحني....ورن تليفونها....اوووف
                                        ليال:شفيج تنافخين منو الي داق
                                        كادي:اريام لحظه خل اشوف شتبي...الووو...وسكتت وهيا تسمع اصراخ اختها ...الووو اريام شفيج ردي علي
                                        وسمعت صوت اريام الي تصارخ وتستنجد برغد
                                        اريام:رغد لحقي علي ...وخر عني ياحقير
                                        بدر:مستحيل اوخر عن الحلا كله
                                        اريام بصراخ وبجي:رغد تعالي الله يخليج رغد لحقي علي
                                        كادي بخوف:اريام ...اريام حبيبتي ردي علي الله يخليج
                                        ليال بخوف:كادي شفيها اريام
                                        كادي:مادري مادري ارايم قاعده تصارخ وفي صوت واحد معاها خل ادق على طلال واقوله يروح لها بسرعه
                                        ليال:انتي مينونه تبينه يذبحها اهيا وينها فيه
                                        كادي: بخوف عند رغد
                                        ليال دقت على فواز
                                        كادي :شبت سوين
                                        ليال:الحين تعرفين بس انتي تعرفين عنوان بيت رغد.
                                        كادي:اي
                                        ليال:كتبيه بورقه بسرعه...ورد عليها فوز...الووو
                                        فواز:هلا وغلا هلا بوخيتي
                                        ليال:فواز الله يخليك تعالي بسرعه
                                        فواز بخوف:ليال شفيج
                                        ليال:فواز ماكو وقت الله يخليك تعال بسرعه وانا بفهمك كل شي بس بسرعه عفيه لا طول
                                        فواز:اوكي ثواني وانا عندج
                                        كادي:ليال شبتسوين
                                        ليال:سمعيني انا بروح مع فواز ايب اريام وانتي خلج مع ملوكه واذا سألوج عني قوليلهم اني طالعه مع فواز شوي لاتقولي حق احد عن شي
                                        كادي :اوكي
                                        بعد شوي وصل فواز وكان معاه سعود الانهم كانو مع بعض
                                        ليال عطتهم العنوان وقالتلهم الي سمعته من كادي...وبسرعه راحو على العنوان ..اول ماوصلو
                                        سعود:ليال لاتنزلين من السياره
                                        ليال:ماأقدر احس قلبي بيوقف ابي اتطمن عليها
                                        فواز وسعود ومعاهم ليال ...ولمن قربو من البيت اكثر اسمعو صوت صراخ ياي من الدوانيه وشافو رغد واقفه عند الباب تضحك...اركضو صوبها بسرعه ..
                                        سعود مسك رغد من ملابسها وبصراخ:وينها
                                        رغد بخوف:داخل
                                        فواز حالو يفتح الباب شافه مقفول وبصراخ:وين المفتاح
                                        رغد كانت ترجف من الخوف عطتهم المفتاح...وبسرعه بطلو الباب ودخلو
                                        ليال :حسبي الله ونعم الوكيل فيج انتي شنو من بشر
                                        رغد انحاشت داخل البيت وقفلت الباب انا داخل الدوانيه ...سعود وفواز وخرو بدر من ارايم وطاحو فيه طق
                                        سعود:حقير جبان ...ويطقه من كل صوب
                                        ليال ادخلت داخل وشافت اريام منهاره تبجي وتصارخ بخوف راح لها بسرعه ولمتها حيل
                                        ليال بخوف:بس حبيبتي بس قومي معاي
                                        اريام امسكت ليال بقوه وكانت ترجف...وقامت معاها وراحت السياره...انا الشباب بعد مانتهم من الطق الي طقوه بدر فواز مسكه من ملابسه وقاله كلمه هزته بقوه
                                        فواز:ثق بالله الي سويته في بنت الناس بتشوفه في بنتك ولا اختك بيوم من الايام...حسبي الله ونعم الوكيل فيكم
                                        سعود تفل ابويها وخذا فواز وتوجهو للباب
                                        سعود:لحظه فواز...رد مره ثانيه وعطاه بكس قوي على خشمه ووقمل مايطلع شاف تليفون طايح على الارض ومن لونه الفوشي عرف انه تليفون اريام خذاه وطلع

                                        بسياره
                                        اريام كانت تبجي بشي هستيري ...وليال كانت اتهدي فيها
                                        سعود:انتي تعرفينه
                                        اريام بس تبجي
                                        سعود بعصبيه :شلي صار تحجي الحمار شنو سوا فيج
                                        ليال:سعود هذا وقتك انت شايف حال البنت
                                        سعود:ليال لازم نعرف شلي صار عشان انعرف شلون نتصرف مع الجبان هذا
                                        اريام بدت تتكلم وهيا تبجي :رغد قالت لي تعالي ابيج بموضوع وانا رحت معاها...وتبجي...دخلتني الدوانيه وقالتي انها انخطبت وبعدين قالت بيبلج صورته وطلعت من الدوانيه...وتبجي اكثر ...بعدها دخل علي الحقير ولمن بغيت اطلع ما خلاني
                                        سعود:يعني الخره الي كانت واقفه عند باب الدوانيه اهيا رغد صج حقيره
                                        اريام كانت تبجي وتشاهق :والله مالي ذنب والله ....وتبجي
                                        ليال وهيا لامتها:اريام بس خلاص
                                        سعود:اريام قوليلي سوا فيج شي .....تكلمي
                                        اريام كانت تتذكر الي صار وتبجي:لا بس كان يحاول وتبجي وتشاهق
                                        سعود:والله ماأطلع سعود ولا فيني خير برفيج عمري اذا ماوريته النجوم بعز الظهر
                                        اوصلو الفلا واول ما دخلو كانت
                                        كانت كادي ودانه هنادي بصاله...طبعا كادي قالت حق دانه بس ماقالت حق امها
                                        هنادي اول ماشافت بنتها تبجي حست بخوف وراحت لمتها
                                        هنادي:يما شفيج ليش البجي
                                        اريام كانت تبجي بحرقة
                                        هنادي:يما ولي عافيج الي فيني مكفيني قوليلي ليش تبجين جذي لاتخوفيني عليج
                                        اريام بخوف من انه امها تعرف بالموضوع وخصوصا ليال نبهتها انها لاتحسسها بشي لتفادي اي شي مو زين :لا يما لاتخافين مافيني شي وتبجي
                                        بالجها الثانيه
                                        كادي بهمس:شصار
                                        ليال:اوووش بعدين مو وقته
                                        دانه:قلبي بوقف وانتي تقولين بعدين
                                        ليال:موجدام امكم بعدين
                                        هنادي:يما دام مافيج شي ليش تبجين انتي مو كنتي عند رغد شلي صار
                                        اريام بسرعه قالت:لاتيبين طاري الحماره هذي اكرها اكرها
                                        هنادي:ليش يما شصاير ..انتو متهاوشين
                                        اريام :اي يما وتبجي
                                        هنادي:بس يما خلاص مافي شي يستاهل...وبعدين انتي مع منو يايه السايق هني ماطلع
                                        ليال ردت ابسرعه:يما انا شفت ارفيجتها كانت بره معاها اضاهر اهيا الي وصلتها
                                        هنادي انتبهت على ليال:وانتي وين رحتي
                                        ليال:ها ..انا ...انا رحت المستوصف مع فواز
                                        هنادي:ليش
                                        ليال:مصدعه شوي وفواز الا يوديني عشان يتطمن علي.
                                        هنادي:عطوج علاج
                                        ليال انتبهت انها مو ماسكه شي:ها ا يعطوني ابره حق الصداع
                                        هنادي: دام جذي روحي ريحي يما روحي
                                        ليال :ان شاء الله ...وراحت فوق..ولحقوها دانه وكادي..اما اريام ضلت بحضن امها تبجي لين هدت ونامت
                                        بغرفة كادي
                                        ليال قالت لهم انها متهاوشه مع رغد واخو رغد طق اريام ...رقعت السالفه ومشت عليهم
                                        بعد يومين بليل بعد ما الكل نام ...ليال تسللت وراحت غرفة اريام عشان تتطمن عليها
                                        ليال بطلت الباب شوي:ممكن ادخل
                                        اريام:تفضلي
                                        ليال دخلت وصكت الباب وراها وراحت اقعدت عند اريام على الفراش:شلونج الحين
                                        اريام بحزن: انتي يايه تتشمتين فيني صح
                                        ليال بستغراب:انا لا طبعا انتي اخت الغالي شلون اتشمت فيج وليش
                                        ااريام:عيل ليش يايه
                                        ليال حطت ايدها على ايد اريام:ابي اتطمن عليج
                                        اريام:يعني مو شماته على الي صار
                                        ليال:اريام مو انا الي اتشمت بالناس حتى لو كان عدوي فمابالج انتي ...انتي حماتي واخت ريلي ...مو بس اخت ريلي انتي اختي مثل ما كادي ودانه ورتاج وآلاء خواتي
                                        اريام:على كل الكلام الي كنت اسمعج ياه بطالعه ونازله تقولين اختي
                                        ليال:اي اختي والي فات مات
                                        اريام كانت تبجي بس بدون صوت دموع بس:كادي ودانه درو
                                        ليال:لاء قتلهم انج تهاوشتي مع رغد واخوه كان يطقج واذا سألوج قولي نفس الحجي الي صار مانبي اي مخلوق يعرف
                                        اريام:وليش ماقلتي لهم الي صار
                                        ليال:واذا قلت لهم بيتغير شي بالموضوع
                                        اريام بحزن:لا
                                        ليال:الله امر بستر وانتي اختي والي صار بينه ومانبيه يطلع لحد..وان شاء الله سعود وفواز بيتصرفون مع الحقير هذا
                                        اريام:ليال لايقولون حق اخواني
                                        ليال بضيق:لاتحاتين انا وصيتهم انهم مايقولون حق طلال شي ولا حق عمي
                                        اريام:اي بس اخاف
                                        ليال قاطعتها:لاتخافين سعود وفواز مايتكلمون لو على قص ارقبتهم وانا وعلشان تتطمنين اكثر انا باجر بروح شقة فواز وتفاهم معاه على كل شي ...اريام لاتخافين الموضوع هذا ماراح يطلع ولا في مخلوق بعرف عنه شي طول مافينا روح
                                        اريام سكتت شوي وبعدها:ليال انتي شلون يتي
                                        ليال قالتلها كل السالفه من اول مارن تليفون كادي لين اوصلو وشافت رغد
                                        اريام:الحقيره يعني اهيا ورا السالف
                                        ليال:اكيد ..الانها كانت تسمع صراخج وتضحك ومن شافتنا اختبصت واهيا الي كانت قافله الباب عليعم والمفتاح عندها
                                        اريام وهياتبجي:ليش انا شنو ضريتها في طول عمري احبها واحترمها ليش سوت فيني جذي ليش...وردت تبجي وليال تهدي فيها

                                        ثاني يوم على الغدا
                                        الكل كان على طاولة الطعام يتغدون
                                        ليال:يما انا محتاجه السايق شوي
                                        هنادي:ماعليه يما
                                        خالد:لا انتي لازم ناخذ لج سياره
                                        ليال:عمي مايحتاج
                                        خالد:لا مايصير حالج حال البنات بعدين لا تناديني عمي قوليلي يبا نفس البنات ولا بس هنادي الي تقوليلها يما وانا لا
                                        ليال ببتسامه:ان شاء الله يبا
                                        كادي:ليول وين بتروحين
                                        ليال:بروح بيت فواز
                                        دانه:شعندج
                                        هنادي:داني شهل سؤال البنت بتزور اخوها فيها شي
                                        دانه:لا يما بس بغيت اعرف بطول ولا لاء صراحه البيت بدونها يضيق الخلق
                                        هنادي:بهذي صدقتي ليال من ريحت الغالي ووجودها معاي يريحني
                                        فترت صمت وحزن
                                        بعد ساعه ليال زهبت اغراض ملاك وبدلت وطلعت مع السايق الخدامه....بعدها بعشر دقايق طلع وراها طلال
                                        ومن اول ماطلعت من البيت كانت سياره سوده مقيمه لاحقتهم ومن اطلعو من المنطقه السياره صارت جدامهم وخلتهم يوقفون غصب
                                        انزلوا ثلاث شباب منها وتوجهو لسياره
                                        ليال:منو هذيل
                                        السايق:مايعرف
                                        آني:يمكن صديق بابا
                                        ليال:يمكن شوف شيبون
                                        السايق نزل من السيره عشان يعرف شيبون ...واول قرب منهم واحد منهم مسكه عدل والثاني قام يطقه
                                        ليال بسياره ميته خوف لمت ملاك حيل لمن شافت الثاث يقرب من السياره...فتح باب السياره وبقوه كان يسحب ملاك من ايد ليال
                                        ليال بصراخ:وخر هد بنتي ..اوخر عنها
                                        الشاب سحب ملاك من ايها راح صوب سيارتهم ..ليال اركضت صوبه ومسكته من ايده كانت اتحاول تاخذ ملاك منه ..والشاب كان ماسك ملاك بقوه ....ليال بجسدها الضعيف حاولت كثر ماتقرد انها تخلص ملاك من ايد الشاب وبأي طريقه لكن ماقدرت ...شافت مافي جدامها الا انه تعضه وفعلا عضته بكل قوتهها
                                        الشاب:آآآآآآآآآآآآآي...وعطاها بكس على خشمها من قوته طاحت على الارض
                                        انزلت شابه من نفس السياره وتوجهت حق ليال
                                        مريم:الحق لازم يرجع لصحابه وخذت ملاك الي كانت تبجي ودخلت السياره
                                        بهل لحظه طال كان قريب حيل منهم شاف سيارة السايق واقفه وشاف وسياره ثانيه واقفه جدامهم ..وقف ورا سيارة ومن لاحظو الشباب وجود طلال اركضو ودخلو السياره بسرعه وحركو طلال شاف ليال طايحه بصوب تنزف من خشمها والسايق طايح ابمكان ثاني...راح صوب ليال ابسرعه
                                        ليال من شافت طلال قامت اتصرخ:الحق على ملاك خذوها مني باقوها الله يخليق سو شي
                                        طلال انصدم :منو الي خذا تكلمي منو
                                        ليال وهيا تبجي:مادري مادري
                                        طلال ابسرعه دق على ابوه وبلغه بالي صار وهم دق على الشرطه وبلغهم بحالة الاختطاف الي صارت حق ملاك
                                        يت الشرطه وعاينت مكان الحادث ونقلو ليال والسايق المستشفى
                                        ليال طلع عندها كسر بالانف من قوت الطقه ..اما السايق ترعض لي كسر بريله وكدمات في انحاء جسمه
                                        ليال ارجعت البيت من بعد ماحطو لها فتايل بخشمها بالفتحتين ولزقوه من تحت يعني مجرى التنفس صار من الفم فقط
                                        هنادي اول ماشافتها لمتها :الحمدالله على السلامه يما
                                        ليال :يما ملاك راحت يما خذوها مني غصبن عني ماقدرت احميها ماقدرت احافض عليها آآآآآخ ياجراح سامحني ماوفيت بعهدي معاك
                                        كادي راحت صوبها وتمسح على ظهرها وهيا بحظن هنادي:ليال لاتخافي ابوي كلم كل ربعه وان شاء الله بتكون عندنا
                                        هنادي ودموعها على خدها:لا تخافين يما ان شاء الله بتكون عندنا بأقرب وقت
                                        ليال وهيا تبجي:شلون يايما شلون ...وتبجي...والله خايفه انها تختفي مثل ابوها يما والله اذا صار فيها شي اموت والله يمه اموت انا تعبت وماني قادره اتحمل بعدهم اثنينهم عني ...ملوكه كانت ماخذه كل وقتي ...كنت اشوف حبيبي فيها بس الحين راحت ...ابعدة عني مثل مابتعد ابوها عندي ...يارب ياحبيبي ردهم لي سالمين يارب اخذ عمري كله وردهم لي اتوسل اليك يارب
                                        هنادي ماتحملو اكثر وقلبو البيت مناحه مو طبيعيه
                                        بعد 7 ساعات من البحث وتحقيقات المتواصله عرفة الشرطه مكان مريم وتم القبض عليها وخذوها المخفر....وبما انه البنت الي تم اختطافها اهيا بنتها فكانو متساهلين معاها.....خالد استلم ملاك من الشرطه وطرشها مع طلال البيت امه مريم ...كتبو عليها تعهد انها ماتتعرض لي لياال مره ثانيه واذا تبي اتشوف بنتها تروح البيت وتشوفها بعد موافقت ولي امر البنت وما انت مريم سبق وتنازلت عن ملاك لي جراح فماكان لها الحق انها تاخذ بنتها بهالطريقه البشعه
                                        ورجعت ملاك لحظن امها ليال ...الحضن الدافي الي تعودت عليه ...اما ليال وهنادي...كانت مشاعرهم مختلطه ابعض سعاده متنوصف بردها سالمه لهم خوف من انه مريم تتعرض لهم مره ثانيه حزن على فراق جراح
                                        ليال ودموعها على خدها:لو كان جراح موجود ماصار كل هذا



                                        بعد مرور سنه على الحادثه هذي

                                        (طبعا الكل يبي يعرف وين جراح ...تبون اتعرفون تعالو معاي خل انشوف وينه)






                                        يتبــــــــــــــع ....

                                        .
                                        .
                                        .
                                        للكـــاتبـــه :

                                        أحــــلاهم واتحداهــم .
                                        .



                                        .

                                          تعليق

                                          السابق 1 2 3 4 5 6 7 8 template التالي

                                          google Ad Widget

                                          تقليص
                                          يعمل...