عهدي مع الايام .. للكاتبه .. احلاهم واتحداهم . ./

تقليص
X
تقليص
 
  • الصفحة لـ 8
  • الوقت
  • عرض
إلغاء تحديد الكل
مشاركات جديدة
السابق 1 2 3 4 5 6 7 8 template التالي
  • "لحن الوفاء"
    V - I - P
    • Mar 2013
    • 2413
    #41
    رد: عهدي مع الايام .. للكاتبه .. احلاهم واتحداهم . ./





    * البـــارت التــاسع و العشــــرون *


    *

    ليال باست آلاء وقامت بدلت وبسرعه طلعو من البيت بهدوء
    بالسياره
    محمد:ليول انا اقولج من الحين موتنسين نفسج بس نتطمن عليها ونطلع
    ليال ودموعها بعينها:حمود بنتي تعبانه واكيد اتعبت الانه مافي احد يهتم فيها
    محمد:ليال هذي بنتهم وهما ابخص فيها انتي مالج شغل عليج من نفسج وبس شوفي حياتج شوي
    ليال وهيا تبجي:شنو مالي شغل فيها هذي بنتي تفهم شنو يعني بنتي ..حمود ملوكه تبي حنان تبي احد يحسسه بأهميته بوجوده ...وهيا ماحست بالاشياء الا معاي
    محمد:ليال شهل حجي هذي ياهل وماتفهم
    ليال:يمكن ماتفهم بس اتحس والطفل كتله من المشاعر والاحاسيس ...حمود تذكر اول ماتزوجت جراح وخذتها عندي تذكر شنو كانت ...وشوف بعدين اشلون تغيرت ...قبل كله مريضه ومن صارت عندي مامرضت يوم حتى لمن كنت اطعمها ماتمرض ولا ترتفع حرارتها ...قبل كانت حنانه وماتنام والحين هاديه وتحب تلعب وتسولف وتنام عدل وتاكل عدل ...كانت تتذكر شكلها وهيا تضحك وشكلها وهيا تلعب ..ودموعها تنزل بغزاره...والحين الله العالم منو بيهتم فيها الكل لاهي بحياته وهيا ضايعه بينهم
    محمد:خل مرت ابوها اتجابلها
    ليال غمضت عينها وهيا تحس بنار شابه فيها وخنجر مغروس بقلبها
    بالمستشفى
    هنادي وجراح كل عاده قاعدين عند ملوكه الي كانت تبجي وهنادي تحاول اتهديها
    جراح:يما اهيا على طول جذي
    هنادي:لا قبل ماطلق ليال ماكان لها حس ...بنتك متعلقه فيها وايد ...ليش طلقتها انا مادري
    جراح:يما ما أبيها طاب خاطري منها
    هنادي:اكيد بطيب خاطرك منها دام عيوز خيبر وراك ....ولي قست قلبك على اهلك وبعدتك سنه كامله عنهم عشان نواياها الي الله العالم فيها اتوقع منها كل شي
    جراح:يما ليش تضلمين البيت
    هنادي بستهزاء:اي بيت هذي عيوز بيمني وبينها جم سنه والله افتشل اقول حق اناس جنتي عمرها 40 سنه
    جراح:يما العيوز هذي عطتني الي ماقدرت ليال تعطيني ياه
    هنادي بستهزاء:لا والله ...دامها سنعه وتبي ترضيك ودور راحتك ليش مايت المستشفى تسأل عن بنتك ..ولا بس تبيك انت وبنتك لا
    جراح:يما الحين احنه بغرور ولا الحنانه هذي
    هنادي:الله يادنيا الحين بنتك صارت حنانه ...جراح مو معقوله قلبك صار قاسي حتى على ضناك..هذي ملوكه الي ماترضى عليها ..هذي دلوعتك وبنتك الي ماعندك غيرها ...وبستهزاء...وماعتقد بكون عندك غيرها
    جراح: يما الله يهداج في ابو يقسى على ضناه وانتي قلتي هذي وحيدتي شلون اقسي عليها
    هنادي بحزم:انت قست عليها لمن بعدتها عن امها ....اقصد ليال...انا مادري شلي لقيته فيها ومالقيته عند ليال ...ليال بنت ماتطلع منها العيبه هاديه حبوبه ومن ادخلت بيتي وتغيرت وايد اشياء واولها اريام انت مالاحظت
    جراح:امبلا لاحظت يعني قبل ماتشتهي ليال وكله اتقول عنها بنت فقر والحين ماترضى عليها ...بس شلون تغيرت
    هنادي:علمي علمك كل الي اعرفه انه اريام تهاوشت مع رفيجاتها وبعدها صارت تقعد مع ليال بساعات ...ومو بس مع ليال حتى مع خواتك قبل من تقعد معاهم تتهازش بس الحين لا كل طلعاتهم وقعداتهم مع بعض...وهذا غير مناقصات ابوك الي كان يربحها ورا بعض ..زوالله البنت هذا كان ويها خير علينا....وعليك انت بذات لاتنسى ملوكه شنو كانت وشنو صارت...وغير مشروعك الضخم...ولولا الي ماتتسمى جان احنه بالف خير
    جراح:يما خلاص ماصارت سالفه انتو جذي تحسسوني اني مسوي جريمه ...شنو كنتي تبيني اسوي ...كنت مجابلها 24 ساعه وبيت واحد وبليل الخدم كلهم يمشون ومانضل الا انا واهيا ...خفت انتي ارتكب الحرام معاها خو ابليس حي ما مات ...وانا ريال لي رغباتي وتياجاتي ومهما يكون ماراح اخذ راحتي معاها حتى بالكلام اما لمن صارت على ذمتي غير ..صرت اخاذ راحتي بالبيت اكثر واقدر اطلب منها الي ابيه ...يما مابي زواجي يخرب علاقتي فيكم...انتو اهلي ومالي غيركم بالدنيا
    هنادي:دام اهيا مسألت رغبه جان طلقتها لمن رديت
    جراح:ماقدر الاني حبيتها
    هنادي:شنو تحب فيها هذي وحده تنحب بعد ...ولو احنه اهلك مثل ماتقول ليش طلعت من البيت وسكنت بروحك ليش ماترجع بيت ابوك
    جراح:يما شلون ارجع وانتو مو متقبلينها بالبيت
    هنادي:احنه مو متقبلينها صح بس انت ولدنا ووجودك حوالينا يهمنه ...هذي من اول بعدتك عنه بعد الحين...جراح ولي عافيك صكر الموضوع لاتلوع جبدي
    جراح:على راحتج يمه ...وراح عند ملاك...ملوكتي تبين العاب
    ملاك وهيا تهز راسها بنفي وماده بوزها شبرين ودموعها بعينها:ابي ماما...وبجت...ابي ماما
    جراح وهو يمسح على رسها:ملوكتي ماما راحت بعييييييد وماتقدر اتي عندنا
    ملاك بجت بصوت عالي وشكل هستيري:ابي ماما ابي ماما
    هنادي:جراح الله يهداك هذا وقته
    جراح:يما لازم تعرف انه ليال ماراح ترجع
    هنادي:وجذي تقولها والله منت صاحي انت ماتشوف حالتها.....بس ماما بس حبيبتي
    ملاك على نفس الحاله:ابي ماما ...ابي ماما
    هنادي:لاحول ولا قوته الا بالله ...بس ياماما بس خلاص
    جراح:ملوكه هذي ماما ...وهو يأشر على هنادي
    ملاك تحرك راسها:لا ابي ماما لولي
    هنادي:الله يغربل ابليسك زين جذي ..الحين شي سكتها
    جراح:يما هذي من صجه
    هنادي:شرايك انت ...بنتك من وعت على الدنيا وماشافت جدامها الا ليال ...اهيا الوحيده الي كانت مجابلهتا وشلون ماتبيها تتعلق فيها اهيا تعتقد انه ليال امها
    ملاك على نفس الحاله:ابي ماما لولي ..ابي ماما
    هنادي:بس يايمه والله قطعتي قلبي...بس خلاص ...ملوكه حبيبتي اذا سكتي انا باجر اوديج عند ماما لولي
    ملاك ابسرعه حطت ايدها على حلجها عشان تسك
    هنادي:شفت شلون ...تتوقع انها بتنسى ...ليال عطتها شي محد قدر يعطيها ربعه
    جراح كان يشوف ملاك ومتضايق عليها وايد صج كانت حاطه ايدها على شفايفها الصغار بس كانت اتشاهق من البجي ..حركتها هذي حركت احساس الي بداخله احساس الابوي الي مايبي يزعل بنته ...نزل لي مستواها وباس راسها ...خلاص بابا باجر بتروحين مع ماما هنادي...بس لاتبجين زين حبيبتي
    ملاك هزت راسها ولاتزال على نفس الحال
    بهل لحظه انطق باب الغرفه ودخلت ليال
    ليال:السلام
    هنادي وجراح كانو يتبادلون نظرات التعجب
    هنادي:هلا يما حياج
    ليال راحت عشان اتسلم على هنادي ومن شافتها ملاك صرخت وهيا تبجي
    ملاك:ماما
    ليال ماقدرت اتسلم على هنادي وعلى طول راحت تتطمن على بنوتتها الصغيره :حياتي انتي ...ونزلت لي مسواها وملاك على طول لمت ليال من ارقبتها وكانت تبجي وبشكل هستيري
    ملاك:اما انا معاج ...ماما عفيه معاج ماما ...وتبجي
    ليال صارت ادموعها على خدها شالت ملاك ورفعتها صوبها وبدت اتبوسها وتشم ريحتها:بس ياماما بس يانظر عيني لاتبجين
    وملاك كانت على نفس الوضع تبجي وتقولها ماما
    ليال بكل حنيه وهيا تبجي على بنوتتها:نعم ماما نعم ياعمري ...ملاك بس ماما خلاص لاتبجين انا هني خلاص حبيبتي ...كانت اتحاول اتوخر ايدها اليم تجلبه برقبتها بقوه....ملاك شوفيني ماما
    هل كلمه ذكرت جراح بيوم الي كانت ملاك صغيره لمن قعدها من نومها وبعدها بجت
    ليال :ملوكتي حلوتي ليش تبجين
    ملاك وهيا تبجي:انا ابيج
    ليال ماتحملت وبدت تبجي بصوت مسموع
    هنادي وعينها على جراح وجنها تقوله شوف الفرق:الحين بنسكت منو فيكم
    ليال سكتت ولفت على هنادي:سامحيني يما ماسلمت عليج
    هنادي راحت صوبها:لا يما عادي ..انتي شلونج
    ليال:الحمدالله على كل حال
    هنادي:بس شكلج ليلحين تعبانه
    ليال:شلون ماأتعب وبنتي بعيده عني
    جراح:بنتج
    ليال طنشته وماردت عليه
    هنادي:يما مع منو يايه
    ليال:حمود اخوي
    هنادي:وينه
    ليال:واقف بره
    هنادي:وي خزياه ..خل اروح اناديه ...وراحت
    ليال قعدت على السرير ووعطت ظهرها حق جراح عشان لاتشوفه
    ملاك كانت ليلحين تبجي بس هدت شوي ..كانت تتشكى حق ليال الام الي بيدها:ماما عور
    ليال امسكت ايدها الصغيره وباستها:ياعله فيني ولا فيج
    ملاك:مابي عرو
    ليال وهيا تمسح على راسها:ميخالف ماما عشان انتي مريضه ..اذا صرتي زينه يشيلونه
    ملاك:عور
    ليال:خلاص انا الحين ابوسه ويصير زين
    ملاك بدلع:اي
    ليال باست مكان الابره :صار زين
    ملاك بدلع:بعد
    ليال وهيا تبتسم وتبوسها اكثر من مره:ها صار زين الحين
    ملاك:بعد
    ليال:ههههه وااااي حبيبتي انتي ..وباست خدها وبعدها باست راسها
    محمد دخل مع هنادي :السلام عليكم
    جراح:وعليكم السلام
    محمد راح صوب ملاك:ملوكه شلونج زينه
    ملاك وتوريه:عور
    ليال:بوسا يدها يالله بسرعه عشان يصير زين
    محمد:بس تامرين امر جم ملوكه عندنا ...وباس ايدها
    ليال:واااي فديت بنتي الحلوه ...وباستها....ولفت على هنادي...يما شلونها الحين
    هنادي:الحمدالله الحراره انزلت بس ماترضى تاكل
    ليال :ملوكتي ليش ماتسوين آم
    ملاك:انتي
    ليال تاخذ نفس عميق:بس ماما مايصير ماتاكلين تبين ازعل
    ملاك لمت ليال:لالالا..وباستها على خدها
    محمد راح صوب الطاوله وشاف التقرير الي محطوط عليه...قام يتصفح فيه
    ليال وهيا تبتسم:اممم بشر
    محمد:لاتحاتين ما فيها شي
    ليال:انزين ليش ارتفعت حرارتها
    محمد:احتقان باللوز...ليال دام تطمنتي عليها يالله نمشي
    ليال:حمود مستحيل اخليها وهيا بهل حاله انت شايفها شلون مجلبه فيني
    محمد:ليال مانقدر انتأخر
    هنادي:ليش يما
    محمد:خالتي احنه طالعين من البيت بدون علم الوالد
    جراح:دق عليه بلغه انك بالمستشفى
    محمد بنفسيه:الوالد نايم...ومابي ازعجه يالله ليال
    ليال:حمود عفيه بس شوي على الاقل لين اتنام
    ملاك:مابي نام
    الكل:ههههههه
    ليال:مايصير ماما انتي لازم اتنامين الان الحين كل الاطفال الحلوين نايمين .....وانتي احلا من كل الاطفال مايصير تقعدين
    ملاك:مابي
    هنادي:البنت خايفه انج اتهدينها مره ثانيه
    عم السكوت فتره
    ملاك:ماما نمي عندي
    ليال ببتسامه:من عيوني ...وتلتفت على محمد...بنام عندها
    محمد بستغراب:نعم
    ليال:حمود ماقدر ارفض لها طلب
    محمد:مستحيل ويالله قومي جدامي تأخرنا وايد
    هنادي:لاتحاول دام ملاك اطلبت هالشي راح يتنفذ بالحرف
    محمد:خالتي هذاك اول الحين كل شي تغير ...وبحزم....يالله يابنت تأخرنا قوم
    ليال:ماراح اقوم والي بصير يصير
    محمد بأصرر:ليال قلت لج قومي
    جراح:محمد خلها لين اتنام ملاك
    محمد:ماراح تفرق واذا نامت بتقعد وماراح اتلاقيها جدامها وترجع على نفس الوضع
    هنادي:الله يعينها ويعينها...محمد ماعليه يمه خلها اليوم تبات عندها والله البنت تعبانه وايد ومحتاجه حق ليال
    محمد:خالتي على اي اساس بتقعد لاهي امها ولا اهي مرت ابوها
    ليال بعصبيه:انا امها غصبن على الي يرضى ولي مايرضى
    محمد:ليول لاطلعيني من طوري انتي منتي ناقصه انتي بروحج تعبانه
    ليال ودموعها بعينها:حمود ولي عافيك خلني عندها ...حمود شلون اخلي بنتي تعبانه واروح
    ملاك ردت بسرعه:ماما لا لوحين
    ورن تليفون محمد ولي كان متصل آلاء
    محمد من شاف الرقم ملامحه تغيرت:هذي الو
    ليال انصفق ويها :حمود تصرف عفيه
    محمد :اوكي...وطلع من الغرفه..الووو
    آلاء:وينكم
    محمد:بالمستشفى
    آلاء:يالله متى بتيون طولتو وايد
    محمد:ابوي وينه
    آلاء:نايمه ...يارب مايقوم الحين
    محمد:اختج مو راضيه تطلع وملاك مجلبه فيها
    آلاء:نعم ..خبله هذي ...حمود اسحبها غصب وطلعها شنو تبي تيب لنا مصيبه
    محمد:والله مادري ملاك مقطعه قلبي وليال بعد ...والله ماتوقعت انها متعلقه فيها جذي...الي يشوفهم يقول ام ويا بنتها
    آلاء:ملوكه شسوت لمن شافتها
    محمد:مناحه اثنينهم يبجون
    بنفس الوقت بالغرفه
    هنادي:يما انتي الحين مطلقه ومايصير تطلعين بره البيت وخصوصه هل وقت ...تبين الناس تتكلم عنج
    ليال:يما اذا على حجي الناس انا تعوت عليه من زمان وماعد يفرق معاي
    هنادي:مايصير يايما ...تبين باجر يتكلمون عنج
    ليال:يما والله مايهموني ...اهم شي عندي بنوتي الحلوه ماتزعل ...وباستها
    جراح :ليال تردين على ذمتي
    فترت صمت
    هنادي:والسعلوه الي عندك
    جراح:يما ولي عافيج خلاصنا من هل موضوع ...ردي علي ...انا مستعد ادفع الفلوس حق فواز واطلعه من السجن بالمقابل تردين على ذمتي
    ليال بستغراب:فلوس...اي فلوس
    جراح بستهزاء:لاتسوين روحج ماتدرين عن شي
    ليال:انا فعلا مادري عن شي
    هنادي:شلون ماتدرين انتي مو قاعده معاهم بالبيت
    ليال:اكيد معاهم بس من تعبت وانا ماأطلع من الغرفه...وامي ماتقولي شي
    جراح:اخوج مطلوب 80 الف وانا مستعد ادفعهم له بالمقابل تردين
    ليال بدهشه:80 الف ...ملوت شنو
    جراح:روحي سأليه تسأليني انا ليش
    هنادي:جراح وبعدين
    جراح:ليال سألت سؤال وابي اجابته اتردين ولا لاء
    ليال:....
    هنادي:ماعليج منه يما انتي بعدج صغيره والف من يتمناج واذا على ملاك راح تنسى
    جراح:يما
    هنادي تقاطعه:شنو يما ...يعني انت ترضى على وحده من خواتك تعيش مع شريجه ...ولا اكبر منها بعشرين سنه
    ليال افتحت عينها على وسعها ..من اسمعت العمر
    جراح:يما ولي عافيج لاتدخلين هذا بهذا...وبعدين انتي شايفه حالت ملاك شلون صايره
    هنادي بعصبيه:جراح كفايه انانيه هذي بنت ناس مو يايه من الشارع ...انت ماتخاف يصير نفس الشي مع بنتك
    ليال بخوف وهيا تلم ملاك:اسم الله عليها
    هنادي وهيا تور نظراتها بين ليال وجراح:يما ماعليج منه وفكري بمستقبلج
    جراح:ليال ابي اسمع ردج والحين
    ليال:وانا ماعندي مانع
    جراح :ابجذي انتي الحين رديتي على ذمتي
    هنادي:اهيا مو قاعده بالعده عشان ترد لك جذ
    جراح:امبلا ليال لها عده دام اختليت فيها
    هنادي:يعني انت دخلت عليها
    جراح:لا بس اختليت فيها حاول اكثر من مره وماصر ..وسكت
    وليال نزلت راسها وكانت ساكته
    هنادي استغلت الفرصه لعلا وعسى قلب جراح يحن عليها:دام جذي لازم تبوسها عشان ترد لك
    جراح:يما من قالج هل حجي...مجرد انها توافق بالرده خلاص ترد على ذمتي ...اهيا مسألت قبول او رفض
    هنادي:بس انا سامعه لازم يبدر منك شي ياجماع او قبله عشان اترد
    جراح وهو يصكر ايده ويضغط بقوه:حاضر ...وراح عشان يبوسها على خدها
    ليال كانت قاعده ومن قرب صوبها جسمها قام يرجف ..قرب صوبها وطبع بوسه على خدها بشكل سريع
    جراح:الحين خلاص ردت على ذمتي
    هنادي:اي
    ليال لمت ملاك بقوه وباستها حيييل كانت مستانسه الانها ردت على ذمته الانها تحبه وتحب ملاك :الله لايحرمني منج
    هنادي:دام رديتو روح قول حق محمد عشان يرد البيت...وطلعت بره
    جراح:ماوصيج على ملاك
    ليال:لا توصيني على بنتي ...ملوكتي ماتبين آم
    ملاك:لا
    ليال وهيا تلعب بشعرها:ليش ماما لازم تاكلين عشان اتصيرن كبييييييييره...همم تبين ام
    ملاك:انتي عتيني
    ليال:بس من عيوني
    دخل محمد ومعاه هنادي الي قالت له عنه ليال ردت حق جراح ...دخل وهو معصب من الي صار:ليال شلي سويتيه
    ليال نزلت راسها وماقدرت ترد عليه الانها عارفه انها حطت محمد بموقف صعب وايدو
    جراح:محمد الحين مالك كلام معاها اهيا على ذمتي
    محمد:لا ياشيخ ...مو بنات الناس لعبه بيدك ...ليول يالله قومي جادامي احسن لج
    ليال:حمود لاتزعل مني بس
    محمد يقاطعها:بس شنو انتي ينيتي شلون ترضين على نفسج شنو ماعندج كرامه شلون تردين حق واحد باعج برخيص
    جراح بعصبيه:محمد ثمن كلامك واحسن لك
    محمد:انت شنو من بشر ليكون عبالك تقدر تشتري الناس بفلوسك...اصحى يابابا ... احنه محنه ميتين عليك ولا على ملاينك الله يغنينا عنكم
    هنادي :محمد يما هد احنه بالمستشفى والمره رردت حق ريلها وانت مابيدك شي
    محمد:على الاقل جان نطر لي باجر وراح كلم ابوي .....مو يردها بهال طريقه
    هنادي:بهذي صدقت واذا على الوالد باجر انروح له ونكلمه
    محمد:ياخالتي المفروض من الاول مو بعد مايردها يروح يكلمه...شتبوني اقوله الحين والله وديتها عند بنته وهو ردها بالمستشفى...انتو ترضونها على بناتكم بدال مايي اهو بنفسه ياخذها من بيت ابوها انا ايبها له ...اعتقد يا استاذ جراح كل شي له اصول
    جراح:ماعليه هذا ضرف استثنائي واذا على الوالد قوله ..اني مريت وخذيتها...وباجر من الصبح انا بروح اكلمه
    محمد:بهل بساطه ...ويطالع ليال...هذا جزاتي ياليال
    ليال يامت من الفراش ونزلت عشان اتحط ملاك ...لكن ملاك مستها بقوه
    ملاك:مابي مابي
    ليال:ملوتي ماما مابي اروح بس ابي اكلم خالي بوقف مني
    ملاك:مابي.
    ليال:شويه زين بعدين اي عشان اتنامين في حضني...وحطتها ...وهيا بعد ملاك مدت بوزها وكانت تستعد لطلاق بجيتها
    ليال راحت صوب محمد وحظنته عشا لحد يسمعها :حمود سامحني ونزلت دموعها ...والله عرفه اني حطيتك بمشكله كبيره الانك هذا الحل الوحيد عشان اتخلص من سجن ابوي حمود انا جذي ولا جذي ميته على الاقل اعيش عشان خاطر بنتي الي تحسسني بسعاده بقربها...حمود افهمني
    محمد:انتي ضلمتي نفسج
    ليال:بالعكس انا نجيت نفسي من الموت ...انا تعبت وابي ارتاح تعبت من عقاب ابوي بدون سبب تعبت من الحرمان والاهانه ...وقامت تبجي بصوت عالي
    محمد وهو يمسح على راسها:بس خلاص لاتبجين وخلي الموضوع علي
    ليال:الله لايحرمني منك
    محمد باس راسها:دري بالج على نفسج
    ليال:وانت بعد
    محمد:مع السلامه ...وهو رايح للباب ليال كانت تمشي وراه ومن قربت عند الباب ...ملاك بجت ...ليال ردت ابسرعه ....وراحت لمتها
    ليال :بس ماما كاني مابي ارو حانا بنام عندج...بس حبيبتي ...وباستها
    ملاك:نام حدنج
    ليال:بس من عيوني ....ما عيونج انا حدنج
    هنادي:ام السان اشوف رد السانج
    جراح وهو يبتسم:خليها يمه خليها تستانس
    هنادي:خل اقول حق ابوك عشان يحسب حسابه حق بجر
    جراح:مايحتاج يما
    هنادي:الا يحتاج ونص هذا الغاليه ليال مو حيالله
    ليال ببتسامه:تسلمين يما
    هنادي دقت على خالد ومادر عليها...دقت على كادي...وهم ماردت
    هنادي:اضاهر نايمين محد يدر
    ليال:يما دقي على ريوم اتلاقينها قاعد هانا قبل اشوي مكلمتها
    هنادي دقت عليها وعلى طول ردت:هلا يما قاعده مو نايمه
    ارايم:شوي وبنام ...خير يما بغيتي شي
    هنادي:اي يما روحي قولي حق ابوج يدق علي الحين ابسرعه
    اريام:يما ملاك فيها شي
    هنادي:لا بس ليال ردت حق جراح ...وابيه باجر يروح معانه عشان انكلم ابوها
    اريام:مافهمت يعني شلون ردت له
    هنادي:شلون يعني ...ردت صارت على ذمته
    اريام:اي شي صح
    هنادي:خلصيني روحي قعدي ابوج
    اريام:وليول وينها الحين
    هنادي:كاهي يمي
    اريام:ناديها بكلمها
    هنادي:ريوم مو وقتج قلت لج روحي قعدي ابوج خل يدق علي
    اريام:وليش اقعده اكتبله ورقه كبيره وحطها على الطاوله واول مايقعد يشوفها ...يما حرام اخرب نومته
    هنادي:انزين خالصيني روحي ويالله روحي نامي بعد.
    اريام:ان شاء الله
    بعد ساعه
    انطق باب الغرفه ودخلت عليهم اريام وكادي وبيدهم اجياس
    جراح بستغراب:انتو شيايبكم
    اريام:ياين انشوف مرت اخونا الغبيه
    ليال:اووووش
    كادي واريام بصوت واحد:ملوكه نايمه
    ليال ابتسمت
    اريام راحت لمت ليال:وحشتيني
    ليال:وانتي بعد
    كادي:وانا ماشتقتيلي
    ليال:اكيد مشتاقتلكم كلكم
    هنادي:منو يايبكم
    اريام:ورويسج يالغاليه صكيته من عندج وطيران قعت كدوي وطقيت سيارتي سلف ويت
    جراح بعصبيه:انتي مينونه شلون تطلعين بروحج من البيت هل حزه
    اريام:مثل المينونه الي ردتلك بعد كل الي سويته فيها
    كادي:يما خلاص انتهت مهمتج يالله يا دورنه روحي جابلي ابوي حرام صارله فتره بروحه
    اريام:يما نصيحه روحي لايسوي نفس ماسوى ولده وثنيها عليج
    هنادي بثقه:ماعوزج .....خالد مافي منه ...ومايرضاها علي
    جراح:انتو ان شالله بتنامون هني
    كادي:جريح شرايك يعني ...يايبين قشنا حق شنو ...اكيد بنام
    هنادي:دام جذي انا ارد البيت وباجر الصبح اي...يالله جراح ودني وبعدها رد حق البنات
    جراح:ان شاء الله يما...اذا تبون شي دقو
    اريام: لاتخاف مانبي شي
    جراح طلع مع هنادي من هني وبلش التحقيق مع ليال من هني
    اريام:ياغبيه ياحماره ..انتي شنو ماعندج عقل ليش رديتيله
    كادي:ليول انتي تحبينه
    ليال:احبه الا اعشقه بشكل جنوني
    اريام:والله مايستاهل ...ليال انتي جذي تهدمين حياتج
    ليال:ريوم انتي ماتدرين عن شي ...صدقيني نار جراح ولا جنت ابوي ...لاتستغربين بس كلمت مطلقه وللمره الثايه صعب وماتدرين يمكن يصير معاي نفس الروايات وبالطل يرد للبطله
    اريام:وايد متأثره الاخت ...وبعدين انا عندي تقعدين مطلقه ولا تردين حق واحد ماحترمج ولا قدرج
    ليال:مو مهم
    كادي:نعم
    ليال:تدرون لي شالاني لو ضليت بيت ابوي اكثر من جذي يمكن اموت ومحد يدري عني
    اريام:شلون بالله فهمينا
    ليال قامت اتسولف عن معاملة ابوها لها من اول ماردت البيت لي اليوم ...البنات انصدمو في ابو يعامل بنته بهال قسوه وعشان شنو مطلقه
    اريام:عشان جذي كل مادقيت عليج ماتردين او مغلق
    ليال:تليفوني عنده
    كادي:والحين شبتسوين ماتخافين من الي بسويه بخوج
    ليال:صج عطوني التليفون خل اكلمه وشوف شسوى
    اريام :تفضلي
    ليال خذت التليفون ودقت على محمد
    محمد:نعم
    ليال:حمود انا ليال
    محمد:هلا ليال صاير شي
    ليال:لا بس حبيت اتطمن عليك
    محمد:لاتخافين علي ان شاء الله مو صاير الا كل خير
    ليال:حمود سامحني بس مالقيت جدامي الا هل حل ...يعني لي متى بضل محبوسه بين اربع اطوف
    محمد:ليول كان في فرص جادمج لزواج
    ليال:حمود انت من صجك يمكن خلاني اول مره بس صدقني ماراح يخليني مره ثانيه ...حمود انا جذي نقذت نفسي ونقذت فواز ....جراح بيدفع المبلغ ويطلعه من السجن ...حمود اذا مو عشاني عشان فواز وملاك
    محمد:الحقير يعني ابتزج عشان اتردين له
    ليال:لا ..حمود انت شايف الوضع الي انا فيه ...باجر انت بتتزوج وآلاء بعد وانا بضل محبوسه وعلى وضعي ...انا ابي اعيش مثل العالم ..اقعد مع الناس اسولف اشكي لهم همي ...اضحك معاهم ..اطلع اروح ارد ...ابي احس اني انسانه من لحم ودم وعايشه بوسط الناس...حمود صدقني يمكن انت تلومني لكن لو جربت الحبس بتعذرني
    محمد:والله مادري شقولج انا خايف بعد فتره يرد يطلقج مره ثانيه
    ليال:لا ان شاء الله ..حمود لاتزعل مني
    محمد:والله مو زعلان ...انا خايف عليه
    ليال:لا تخاف طول ماأنا مو محبوسه انا بخير
    محمد بقلبه(الله يسامحك يايبا كل الي قاعد يصير منك ):ليول انا وصلت البيت تبين شي
    ليال:سلامتك بس حط بالك على نفسك
    محمد:ان شاء الله وانتي بعد ...واذا احتجتي شي دقي على طول
    ليال:ان شاء الله...يالله باي
    محمد:باي...وصكه....مومهم الي بصير المهم انه اختي ارتاحت ولا ابوي مقدور عليه...بعد عمري ياليال والله ماتستاهلين كل الي يصير فيج






    نهــــــــايــــــة البــــــــارت

    .
    .
    .
    للكـــاتبـــه :

    أحــــلاهم واتحداهــم .
    .



    .

      تعليق

      • "لحن الوفاء"
        V - I - P
        • Mar 2013
        • 2413
        #42
        رد: عهدي مع الايام .. للكاتبه .. احلاهم واتحداهم . ./





        * البـــارت الثــلاثــــون *


        *



        ليال:سلامتك بس حط بالك على نفسك
        محمد:ان شاء الله وانتي بعد ...واذا احتجتي شي دقي على طول
        ليال:ان شاء الله...يالله باي
        محمد:باي...وصكه....مومهم الي بصير المهم انه اختي ارتاحت ولا ابوي مقدور عليه...بعد عمري ياليال والله ماتستاهلين كل الي يصير فيج


        دخل البيت بهدوء مثل ماطلع منه وعلى طول راح غرفته آلاء ..عشان يقولها الي صار بالمستشفى
        طق الباب ودخل على طول
        آلاء:اشوه انكم يتو
        محمد:انا يب ابروحي ليال بالمستشفى
        آلاء بدهشه:نعم ...ليش ...حمود والله ابوي يذبحها
        محمد:لاتحاتين ماراح يسوي لها شي
        آلاء:شلون
        محمد:ليال ردت حق جراح
        آلاء:ها ...من صجك هذا مينونه ولا صاحيه...ليش تبلش عمرها مع واحد مثله
        محمد:هذا الحل الوحيد عشان تقدر اتكمل باجي حياتها ابوي ماراح يخليها ترتاح طول عمرها ولا تعتقدين انه بيرضى يزوجها للمره الثالثه هذا اذا خطبها احد
        آلاء:يعني ترضى اتعيش مع شريجه
        محمد:مو احسن من العيشه بين اربع اطوف لاتشوف احد ولا تكلم احد ...ليول لو ضاله اكثر من جذي بالغرفه جان استخفت
        آلاء:انزين شلون ردتله يعني اهيا الي قالتله ردني ولا اهو الي قالها
        محمد:اهو الي قالها
        آلاء:والحماره ماصدقت صج غبيه
        محمد:لاتقولين عنها جذي والي ايده بالماي مو مثل الي ايده بنار...على الاقل بيت ابو جراح الكل يحبها ويحترمها وتقدر تطلع على كيفها وتعيش حياتها ...وفوق كل هذا يمكن ريلها يبها فعلا ولا ليش ردها ..اكيد حس بغلطته
        آلاء:ومرته الثانيه..[طلقها
        محمد:مادري
        آلاء:انزين اذا ابوي قام ومالقاها شنقوله
        محمد:انقوله جراح مر وخذاها
        آلاء:لا والله احلف بس ...حمود الموضوع موسهل مثل ماأنت متصور اول شي ابوي بقول شلون اطلعت من الغرفه ...ثاني شي شلون كلمت جراح ...ثالث شي ليش مانطرت لي الصبح وردت له ليش انحاشت بنص اليل ...المساله صعبه ولازم انفكر عدل
        محمد سكت شوي وبعدها:انقوله جراح دق علي وقال انه تحت ويبيها ترد له
        آلاء:انزين واذا قال ليش ماكلمتها قبل يمكن البنت ماتبي ترد
        محمد:اممم....انقوله انه جراح كان يدق عليها بس جهازها كله مغلق
        آلاء:انزين وشلون اطلعت من الغرفه
        محمد:اوووف هذي يبيلها امي الحين ...تعالي صج المفتاح وينه ليلحين بدشداشه
        آلاء:مادري بس اتوقع الانه ابوي ماسأل عنه...استغفر الله جنه الله عمى عينه
        محمد:هذي ارادت ربج الانه ليال انضلمت وايد
        آلاء:انزين روح شوف المفتاح وبعدين انشوف اشلون انتصرف
        محمد:المشكله لازم انقوله الخبر الانه اهل جراح باجر الصبح بيون عشان يعتذرون من ابوي الانه جراح خذاها بليل ومانطر ألاء وهيا اطق على راسها :ياويلي رحنا فيها ..شبنسوي لازم انتصرف ابسرعه
        محمد:خل اشوف المفتاح وبعدين انفكر شلون نتصرف
        آلاء:روح ابسرعه مابقى شي على صلات الصبح
        محمد:اوكي ...وراح تحت بغرفت الغسيل شاف الدشداشه على حطتها حتى مو مغسوله فتش بالمخابي ولقى المفتاح ...وقبل مايطلع قط الدشداشه بالغساله وصب فوقها ماي عشان لاينكشفون وطلع
        آلاء:ها بشر
        محمد:موجود بس لازم اكلم امي الحين شلون
        آلاء:هذي خلها علي ...وقامت راحت غرفت امها وابوها ادخلت اشوي اشوي ...وقعدت امها بدون مايحس ابوها
        حصه بصوت واطي:شفيج
        آلاء وعينها على ابوها:بطني يعورني واخاف انزل اسويلي شي دافي اشربه
        حصه:من شنو
        آلاء:يما بعدين اقولج الحين قومي سويلي
        حصه:ان شاء الله ...وقامت
        احمد ماحس فيهم الانه نومته وايد ثقيله...واول ماطلعت من الغرفه اسحبتها آلاء لي غرفتها
        حصه:اشصاير خرعتيني
        محمد:يما تعالي قعدي خل اقولج
        حصه:انت شمقعدق وشتسوي هل حزه بغرفت اختك
        محمد:يما ليال مو بالبيت
        حصه حطت ايدها على قلبها:يما بنتي وين راحت
        آلاء وهيا تقعدها :لاتخافين مافيها شي
        محمد قالها السالفه كلها ...قوليلي شلون نتصرف..ابوي لازم يعرف قبل مايون اهل جراح
        حصه:لاحول ولا قوت الا بالله ...الله يهديها هذا موقف اتحطنه فيه
        محمد:يما لو انا مكانها اسوي اكثر من جذي بس عشان انحاش من البيت
        حصه:خلاص اقوله انا الي بطلت لها الباب وراحت مع ريلها
        محمد:واذا قالج ليش ماقعدتيني ...او ليش مانطر لي باجر
        حصه:اقوله الريال يبي مرته وعيز وهو يدق ...ومالقى الا انه اي البيت واقوله اني قعده اكثر من مره وهو ماقعد...بس لازم اتكلم جراح واتقوله على كل شي
        محمد:ماشي الحين ادق على ليال واكلمه...وخذا التليفون ودق على رقم اريام

        بالمستشفى
        اريام:ليال هذا جنه اخوج الي داق
        ليال اخذت التليفون منها:هلا حمود
        محمد:ليول وين جراح ابي اكلمه
        ليال:جراح راح يوصل خالتي تبي منه شي
        محمد:اي بغيت اتفق معاه على لكلام الي بنقوله باجر
        ليال:حمود مابي جراح يعرف عن الي صار معاي
        محمد:اي صح هذي شلون فاتتني ...راح يحس انه في شي بالموضوع...خلاص سمعي انتي قوليه انه اهو دق علي الانه مل من كثر مايدق وجهازج كله مغلق وقوليله خل يقول انه امي كانت موجوده وقت الي خذاج
        ليال:اي بس اخاف يحس اب شي
        محمد:ماراح يحس ابشي قوليله مابي ابوي يدري اني كنت يايه المستشفى وانتي رديتلك بالمستشفى وخلاص وبعدين هذي فكرته اهوه
        ليال:اوكي ....حمود بلغني الي يصير معاك اول بأول
        محمد:ان شاء الله انتي لاتحاتين شي
        ليال:حمود ادري اني تعبتك معاي بس صدقني
        محمد يقاطعها:ليول انتي لو تبين اعيون ماراح ابخل عليج فيها ...وتعالي دام رديت على ذمته يعني تبين تليفونج ووسيارتج
        ليال:اكيد
        محمد:خلاص باجر ايبهم لج
        ليال:مشكور وماقصرت
        محمد:لا شكر على واجب يالله اخليج الحين ...باي
        ليال:باي
        كادي:ابوج عرف
        ليال:لا ليلحين الله يستر
        اريام:لا ان شاء الله مو صاير الا كل خير بعدين انتي ردتي حق ريلج وعادي وايد بنات جذي يتطلقون ويردون حق ريايلهم
        ليال:اي لانج ماتعرفين ابوي عشان جذي تقولين عادي....بنات مابي حد يعرف بالي قلته لكم
        كادي:مايحتاي اتوصين
        ليال:ريوم
        اريام:مايبيله سوال طبعا ما راح انقول شي
        بعد اشوي دخل عليهم جراح وهما يسولفون
        كادي:رديت
        جراح:اكيد برد يعني معقوله اخليكم بروحكم بدون ريال
        كادي:رديت عشانه ولا عشان ليول
        جراح:لا انتي الصاجه رديت عشان اتطمن على بنتي اخاف تذبحونها
        اريام:لاتخاف احنه ما ناكل اطفال مثل السعلوه ...وبعدين دام البدي قارد ليول موجوده محد بقرب منها
        جراح:بعد هذا الي ناقص اتقربون منها ولا اتأذونها
        كادي:من تقصد ليال ولا ملاك
        جراح بحزم وهو يخز كادي:ملوكتي
        ليال تضايقت وايد بس ماعلقت ولا بينت هالشي
        اريام :جراح باجر بتروح مع ابوي وامي ولا بس بروحك
        جراح:الاثنين
        اريام:اممم والله ليول تستاهل تاخذ العايله الكريمه كلها مو بس امي وابوي
        جراح:والله مستعد اسوي كل شي عشان راحت ملوكه وبس
        ليال بقلبها(يعني انا ولا شي ...يعني زوجتك الثانيه خذت ماكني ولا ياليتها تستاهل اكبر مني بعشرين سنه يعني لو اكبر بسنه ولا سنتين يعقل بس عشرين..ماعليه نار جراح ولاجنة ابوي)

        ثاني يوم الصبح في بيت احمد
        هنادي وخالد وجراح راحو بيت احمد عشان يرقعون الي صار
        خالد:يابو فواز احنه ياين اليوم عشان نقدم لك اعتذر بخصوص الي صار امس...احنه ندري انه الولد تسرع وخذاها بوقت غلط لكن الريال يبي زوجته..وماقدر ينطر اكثر من جذي
        احمد:وليش ماخذاها بنهار ..ولا اليل استر لهم
        جراح:عمي انا كنت طول الفتره الي طافت ادق عليها وهيا ماترد عشان جذي يت البيت بهل وقت الاني ادري انها بتكون موجوده
        احمد بعصبيه:اعتقد من الاصول انك تاخذها بنهار وبرضى ابوها ..ولا شايفيني عندكم ياهل ولا ماني قد المقام
        خالد:لا يابو فواز احنه اهل ومابينه هل كلام ..ومقامك عالي وعلى العين وراس
        جراح:عمي لك الحشيمه والكرامه بس انا ابي زوجتي وكافي انه طول الفتره الي طافت كنت بعيد عنها ومحروم من وايد شغلات
        احمد بستهزاء:وزوجتك الثانيه ماعوضتك الحرمان هذا
        جراح عصب بس ماحب يبين لهم وبقلبه(زوجتي هذا عطتني الماقدرت اخذه من بنتك)
        احمد:ليش سكت انا قلت شي غلط
        جراح من بين اسنانه:لا عمي بس ليال غير وغرور غير
        خالد:يابوفواز هذا مو موضوعنا
        احمد:البنت وردها خلاص انا مابيدي شي طلعت من وصايتي وصارت بوصايت ريلها
        خالد:افهم من كلامك انه الموضوع منتهي
        احمد: يعني اذا قلت لكم ردوها بتردها
        جراح:لا طبعنا مارديها عشان اطلقها مره ثانيه انا ابيها زوجه لي طول العمر
        احمد:والبنت مالها الا بيت ريلها ومره ثانيه لاتتسرع بتخاذ اي قرار بخصوص الطلاق لاتنسه باقيلك طلقتين وتصير محرمه عليك
        جراح:لا ان شاء الله ..هذي كانت مره وماراح تنعاد مهما كانت الاسباب
        بعد ما تفاهمو مع احمد وطاح الحطب بينهم طلعو من البيت والكل توجه لي المكان الي يبيه...اما ابيت احمد كان التحقيق بالموضوع جاري
        احمد:حصه قلت لج ماني مدمغ وقوليلي بنتج شلون طلعت من الغرفه
        حصه:بذمه جم مره سألتني وقلت لك
        احمد:لا بس ابي اتأكد انج منتي جذابه
        حصه:جذابه ..انا جذابه ومن متى انا كنت اجذب عليك عشان الحين اجذب
        احمد:قولي لي من وين خذيتي المفتاح
        حصه:من دشداشتك الي فصختها حق الغسيل...انت نسيت المفتاح داخلها
        احمد:وليش ماقعد تيني
        حصه:احمد بذمه انت حق الصلات الصبح ويالله تقوم بعد بقعدك على سالفه من هذي...وهم تطمن قعدتك مرتين وقلت لي بعدين بعدين...بعد اشتبيني اسوي ...تبيني اخلي ريلها يدخل ويشوفها محبوسه عشان يفضحنا ويرفع علينه قضيه
        احمد:قضيه شكو يرفع قضيه
        حصه:الانك حابس مره وهو يبيها والقانون بيوقف معاه الانك قاعد تعاقب البنت ...الله يستر لي شاف جسمها مزورق من الطق شيبي يسوي فيك
        احمد:يخسي هذا الي ناقص بعد ...وبعدين بنتي وانا حر اربيها مثل ماأبي
        حصه:احمد المحكمه مايمشي عندها هل كلام وخصوصا انه الطلاق صار شفهي مو من المحكمه يعني يقدر يقول انا ماطلقتها ..والي بينه كان سوى فهم وهو حبسها بس عشان يمعني عنها ...عاد تعال اخذ ..ولا تنسى اهما ناس واصله وموشويه بالبلد
        احمد:ومن وين لها تليفون الي قدرت اتكلمه فيه
        حصه:كان داق على حمود وقاله انه تحت ويبي يشوفها عشان جذي رحت ابسرعه بطلت لها الباب مانبي فضايح
        احمد: المهم اذلفت بيت ريلها وفتكيت من حجي الناس
        حصه:بس هذا الي يهمك حجي الناس وبنتك ماتهمك
        احمد:طبعا حجي اناس يهمني اكثر من عيالج
        حصه:دام حجي الناس يهمك اكثر من عيالي ليش طرت فواز من البيت ماخفت من حجي الناس
        احمد:لا هذي غير اناس بقولون طلع من بيت ابوه الانه مكانه صغر عليه وبعدين فواز مو اول واحد قاعد بشقه
        حصه بقلبها(الواحد شي قول ...ماقول الا الله يهديك بس )

        بالشركه
        بعد مارجع من بيت بو فواز وهو باله مشغول اشلون يقول حق ست الحسن والجمال غرور هانم انه رد ليال وتوه يبي يدق عليها ..تبطل باب المكتب
        جراح:بسم الله الرحمن الرحيم
        غرور:شدعوا شنو شايف شبح
        جراح:لا بس جذي يدخلون المكتب ماتعرفين اطقين الباب قبل ماتدخلين
        غرور:وليش اطق الباب ..شركت ريلي وانا حره ادخل بالمكان الي ابيه وبدون استأذان
        جراح:بلا هذره زايده تعالي قعدي وقوليلي شعندج يايه الشركه
        غرور وهيا تروح صوب كرسي جراح:مشتاقتلك وايد صارلي فتره ماأشوفك
        جراح:اممم والي يشتاق مايدق مايسأل
        غرور بدلع وهيا تلمه :جراح انت تدري اني ارد من الشركه مهدود حيلي وتعبانه وايد حتى مافيني حيل اتحرك..يدوب ابدل وانام...وانت بعد جابلت بنتك ونسيتني بالمره
        جراح:لا مانسيتج بس ملوكه غير وماني مستعد اجابلج وخليها تعبانه
        غرور وهيا تقعد:وهيا وبالمستشفى تحت رعايت الدكاتره والاطبه
        جراح:اها خلاص لي طحتي مريضه اوديج الطبيب وما أي عندج
        غرور:وي اسم الله علي ليش اتفاول علي ..وبعدين سوها وشوف شيصير اذبحك
        جراح:انتي تقولين الدكاتره يهتمون يعني انا ماراح افيدج بشي
        غرور بدلع اكثر:مابي لازم اتكون معاي بعدين الوحده لي مرضت تب يريلها يكون يمها
        جراح:حتى البنت تحتاج ابوها يكون معاها
        غرور:والله انا من رايي قطها على امها خل اتجابلها ابرك ...انا مادري على شنو حارق اعصابك عليها ...كلها فتره وايبلك غيرها
        جراح:بس البجر غير مايتقارن وبعدين ملاك ماعندها الا ام وحده
        غرور تقاطعه:كل العالم عندهم ام وحده
        جراح:انا اقصد ليال مو مريم
        غرور:ياربي على هل ليال الي مانخلص منها ...جراح حبيبي ليال تطلقت يعني انتهت من حيات دلعوتك
        جراح:وعشان خاطر عيون دلوعتي انا رديت ليال
        غرور بعدم تصديق:نعم ...شقلت عيد ماسمعت
        جراح:انا رديتها على ذمتي
        غرور بدهشه:جراح ليش رديتها ليش سويت فيني جذي حرام
        جراح:وانا شسويت ...ماسويت شي غلط والشرع حللي اربع
        غرور بعصبيه:انت من صجك
        جراح ببتسامه:عيل اتغشمر بس جنه يبيله بعد ثنين عشان امشي مع الشرع
        غرور بصراخ:جراح ...طلقها ..طلقها مابيها ..مابيها ...ليش رديتها
        جراح: رديتها عشان عيون ملوكه وملاك متعوده عليها وماتقدر على فراقها
        غرور:اسمعني ياجراح مو انا الي اضل مع شريجه فاهم انا غرور محمد ال...تعرف منو غرور ...غرور الي كل الريايل كانو يتمنون الزواج منها بس انا كنت ارفض ...غرور الي الكل يهابها ويخاف من خيالها ...غرور الي الكل يحسب لها الف حساب ...يصير عندي شريجه ولا منو هذي انت شايف الفرق الي بينه انا وين وهذي التافها وين
        جراح:غرور قصري حسج احنه بالشركه مو بالبيت
        غرور:صج والله قول انك اتخاف من الفضايح ...قول ماتبي اناس اتعرف بسوالفك الي الي فشل
        جراح يقاطعها بصراخ:غرور ...ثمني كلامج لاتشوفين مني شي بحياتج ماشفتيه
        غرور :جراح طلقها...وبصراخ...اقولك طلقها

        جراح بحزم:غرور طلاق ماراح اطلق ...مابي ملوكه تتعب
        غرورماشافت وسيله الا سلاح المرءه الي اهو الدموع:وانا ...انا بطقاق جراح انا احبك وابيك لي بروحي انا ما اتخيل اي وحده تشاركني فيك حتى لو بالاسم ...جراح ولي سلمك طلقها
        جراح:انسي الموضوع
        غرور ودموعها على خدها:اي ليش
        جراح:الانه ملاك متعلقه فيها وايد ومابي دموع بنتي تزل على سبب تافه ... مو بنت جراح الي تبي شي ومايتنفذ فاهمه وسالفت الطلاق انسيها
        غرور وهيا تاخذ اغراضها:طيب ياجراح بشوف انا ولا البيبي سيتر مالتك ...وخذت اغراضها وطلعت

        العصر بفلاة خالد
        ملاك اطلعت من المستشفى ..وكانت فرحتها لاتوصف ...حتى ليال كانت مستاسه وايد الانها تشوف ابتسامة ملاك مرسومه على طول
        بس اول مادخلت البيت حست بعور يختلف عن الشعورها بأول يوم دخولها هل بيت ...قبل كانت اتحس انها مرت ولدهم اما الحين مربيه حق بنته ...بس بمجرد انها اتشوف ابتسامة ملاك تتلاشى كل الافكار والضيق الي بداخلها
        خالد:توه مانور البيت
        ليال ببتسامه:منور بهل
        خالد:تعالي يبا تعالي بحضني
        ليال اوقفت مكانها الانها منحرجه وثاني شي تذكرت ابوها الي يعاملها بقسوه ..اما الغريب بياخذها بالاحضان ..ويعاملها بحب وحترام
        كادي:ليول عادي لاتستحين
        ليال الي خدها حمر من الخجل ابسمت ونزلت راسها
        خالد:افا ياليال في وحده تستحي من ابوها ...وراح صوبها ...لمها اهيا وملاك الي كانت شايلتها ....الله لايحرمني منكم
        ليال بقلبها (مابي ابجي مابي ابجي ...لاء مابي ابجي ..)بس ماقدر تتحمل طول عمرها محرومه من حنان الابو وهذي اول مره تحس بالحنان الي طول عمرها تسمع عنه انزلت ادموعها وخالد حس فيها
        وبدا يمسح على ظهرها
        خالد:لا يايبا مانبي ادموع هذا بيتج ومكانج وحنه الي طالعين وانتي الي داشه
        هنادي:يما اذا على جراح صدقيني مع الوقت بيغير وبيرجع مثل الاول واحسن
        اريام :امين يارب ...ليول بس عاد لاتبجين
        كادي:اي والله هل بنت من عرفتها وهيا بس تبجي ...يابنت بس خلاص غيري حياتج كافي دموع صحتج اهم
        ملاك:ماما بيج (شفيج)
        ليال وهياه توخر من حضن خالد:مافيني شي ماما
        ملاك:ليش بجين
        اريام:تبجي الانها بتنام عندج اليوم
        ملاك بستغراب:لا ماما حبني
        خالد:ريوم بابا بس لاتأذينها ماصدقنى متى ت\لع من المستشفى
        ملاك:ماما انتي حبيني
        ليال:حياتي انتي شلون مااحبج
        هنادي: خالد اليوم لازم تذبح الذبايح وتوزعها على الفقراء والمحتاجين ...بناتي ردولي بالسلامه
        خالد:اكيد مايبيله كلام
        دانه انزلت من السلم وطيران راحت لمت ليال
        دانه:مشتاقتلج يالخايسه
        ليال:وانا بعد مشتاقة لكم وايد
        هنادي:ليال روحي يما ارتاحي اكيد تعبانه طول اليل مانمتي
        ليال:بالعكس يما ماني تعبانه والله شوفتكم حواليني ترد الروح وتشفي الجروح
        كادي:يابعد جبدي انتي ...ليول بقولج شغله انتي من طلعتي من البيت والبيت كأيب كل واحد بغرفته ...بس الحين ردينه للهيصه ...ههه وناسه
        خالد:ليال يبا ماعليج من البنات وروحي ارتاحي
        ليال:انا بصعد الان ملوكه يبيلها سباحه
        اريام:سباحه من قلب ...ليول ترى اخر مره انتي لي سبحتيها
        ليال:بييه وانا اقول ليش شعرها لازق ...ليش ماسبحتيها
        اريام:ماكانت ترضى
        كادي:اليوم المجاري بتنطفح من قطن ملاكو
        ليال:لا والله حبيبتي بنتي لو تقعد سنه بدون سباحه ما تقطن ...ملوكه ماما ماتبين تتسبحين
        ملاك وهيا مستانسه :ا ي اي اي ابي سبح
        ليال:عن اذنكم
        هنادي وخالد:اذنج معاج
        ليال اصعدت فوق والبنات الحقوها ... واول مفتحت باب غرفتها خذت نفس عميق كانت مشتاقه حق الامان الي حصلته بالهل غرفه
        ليال:اشقت حتى حق غرفتي
        دانه:ليال انا من رايي تصعدين جناحج احسن لج
        ليال: لا مابي اهني احسن وبعدين كلكم حولي اما فوق بس بروحي
        دانه:فوق المكان اكبر وتقدرين تقعدين بغرفه وملاك بغرفه وجذي بتاخذين راحتج اكثر
        ليال:من صجج اخلي ملوكه بروحها بالغرفه انا ابيها معاي بغرفتي ابها تنام يمي مثل قبل ابي اشم ريحتها وهيا نايمه واااي فديتها
        اريام:الاخت مدمنه شتشمين من زين ريحتها عاد
        ليال:ماتنلامين ..انتي مو حاصلج ...يالله ماما امشي نتسبح ...ودخلت الحمام وترست البانيو ماي دافي وقعدت ملاك فيه
        البنات بره زهبو ملابس حق ملاك ...وليال بالحمام مع ملاك
        ليال ببتسامه:وناسه
        ملاك :اي مناسه ...وطق بأيها بالماي وتلعب وتضحك بصوت عالي
        ليال وهيا تغسل جسمها بصابون :فديت الي يضحكون والله ..ملوكتي الحين نتسبح بعدين ناكل انزين
        ملاك:دين
        ليال:عفيه على بنيتي الحلوه...وبدت تغسل جسمها وشعرها بالماي الدافي ...وهيا تبتسم لكن ابتسامه فيها شي من الحزن فرحتها مو راضيه تكتمل ..تحبه وتموت فيه تحب ضحكته اتحب عصبيته اتحب شخصيته انحس انه لها بروحها لكن من تتذر الواقع المر تحس بجرح ماينوصف ..صارت الذكريات تحوم حولها ...كانت تبي تعرف شلي غير جراح عليها ...جراح الي كان يحس بسعاده معاها ويلح عليها انها اتي البيت عنده ولمن صارت عنده انقلب حاله ...مع الافكار تذكرت كلام العنود لها ونه الريال اذا مالقى الي يبيه من مرته بيشوف غيرها ...انزلت دمعه حاره تعبر عن الحراره الي بقلبها
        ملاك شافت الدموع على خد ليال للمره الثانيه اليوم
        ملاك مدت البوز :ماما بيج
        ليال وهيا تمسح دموعها:حياتي مافيني شي يالله نطلع
        ملاك:لا بعد
        ليال:بس ماما ...انتي بروحج مريضه
        ملاك:لا آدي
        ليال:ههههههه لا مو عادي يالله قومي بس خلاص


        على العشاء بالفلا
        الكل متيمع على طاولت الطعام وقاعدين مثل كل مره خالد وعلى يمينه هنادي ملاك بكرسي اطفال ليال اريام وعلى اليسار طلال وجنى دانه وكادي..كانو باول العشاء انفتح باب الفلا ودخل جراح ..وراح صوبهم
        جراح:السلام عليكم
        الكل:وعليكم السلام
        كادي ببتسامه:لاسلام على الطعام
        خالد:حماتك اتحبك تعال اقعد
        اريام:عاد اي حمات فيهم
        جراح خز اريام وهو يروح صوب ليال: قومي هذا مكاني
        الكل قام يطالع بعض
        اريام:اي شي صح
        خالد:جراح اقعد عند اريام
        جراح:انا مكاني على يمينك
        هنادي:جراح اقعد اي مكان او اقعد قبال ابوك
        جراح بحزم:ابي اقعد عند بنتي
        دانه بصوت واطي:الحمدالله وشكر شفيه هذا ين
        جنى بصوت واطي:وانتي الصاجه بعد ماخذا العيوز قام يحس انه ياهل
        دانه:صاجه
        ليال قامت من مكانها بس ملاك مسكت ايدها وبخوف:ماما معاج
        ليال:ماما انا بقع دهني عند ريومه
        ملاك كانت اتشوف جراح بنظرات وكانت معصبه:انت وع
        اريام ودانه وكادي:هههههههههههه
        ليال:عيب ماما هذا بابا مانقول عنه جذي
        ملاك:ما بابا ...وتأشر على خالد:هدا بابا كاهو شوفي
        ليال:هذا باب خالد ...وهذا بابا وسكتت ماتبي تقول جروحي الانها ماعادت تحس انه جراح لها
        طلال:ملوكه هذا بابا جروحي
        ملاك:لا هذا وع بابا روحي حلو
        جراح :الحين انا وع ...كل هذا ليش قلت ابي اقعد مكاني ...دام جذي هوت ماني قاعد اقعد قبال ابوي ابرك...وراح قعد اقبال ابوه
        دانه بصوت واطي:صج ياهل
        جنى:لالا مو صج جراح تغير وايد
        دانه:اكيد بيتغير اذا الشيفه خلت قلبه قاسي على اهله ماتبينه يتغير
        بعد اسبوع
        فواز طلع من الحبس بعد مادفع له جراح المبلغ كامل عن طريق احد الموضفين الي عنه وطلب منهم السريه التامه مايبي يفتشل جدام لانه اخو زوجته الاولى بسجن ...وفواز بعد ماطلع حاول كثر مايقدر انه يعرف منو الشخص الي دفع له وماعرف وكان شاك ابطلال

        اما جراح صار كل يوم يروح بيت ابوه واغلب الوقت يكون هناك ...ومايرد الشق هالا بليل وقت النوم وكل يوم يرجع لازم يتهاوش مع غرور

        ليال وملاك كانو من اروع مايمكن ليال مستانسه بالبيت الي الكل يحترمها ويحبها فيه وهم مستانسه على بنوتتها الصغيره...وملاك ارجعت الضحكه لها بعد ماغابت عنها فتره طويله
        دانه كانت ليلحين تفكر بموضوع عادل وماقررت كانت محتاره وايد وخايفه من تجربه يديده ..اما عادل سافر بعد خطبته لها اب جم يوم وهو ينتظر ردها بأقرب وقت
        اريام كانت مستانسه بوجود ليال بالبيت وايد وماكانت اتفارقها ...الا بوقت النوم

        اما جنى عايشه حياتها بين اهلها ورفيجاتها ..بين الطلعات وسهرات وغيره

        اما طلال الي كان قاعد بالشركه يخلص بعض المعاملات ...انطق باب المكتب
        طلال:تفضل
        تبطل الباب ودخل الشخص الي ورا الباب
        طلال رفع راسه عشان يشوف منو الي ياي المكتب وتفجأ بالي جدامه:حنان







        نهــــــــايــــــة البــــــــارت

        .
        .
        .
        للكـــاتبـــه :

        أحــــلاهم واتحداهــم .
        .



        .

          تعليق

          • "لحن الوفاء"
            V - I - P
            • Mar 2013
            • 2413
            #43
            رد: عهدي مع الايام .. للكاتبه .. احلاهم واتحداهم . ./





            * البـــارت الواحد و الثــلاثــــون *


            *



            اما طلال الي كان قاعد بالشركه يخلص بعض المعاملات ...انطق باب المكتب
            طلال:تفضل
            تبطل الباب ودخل الشخص الي ورا الباب
            طلال رفع راسه عشان يشوف منو الي ياي المكتب وتفجأ بالي جدامه:حنان
            حنان :اي حنان ...مفاجاه ولا شخص غير مرغوب فيه
            طلال:شلي يايبج
            حنان وهيا تدخل وتقعد:طلال شفيك ليش انا حنون انا قلبك
            طلال بنبره حاده:حنان هاتي من الاخر شلي تبينه بضبط
            حنان:شلي غيرك علي ...طلال انا حبيبت قلبك ليش تغيرت ليش اختفيت فجأه...شلي صارلك
            طلال:الي صار اني كنت مغمض والحين فتحت
            حنان:طلال شنو مغمض وشنو الي فتحت عليه ...طلال انا حنون شلي تغير
            طلال:حنان انا واحد مشغول حدي وماني فاضيلج ...وهو يأشر على الباب...لو سمحتي تفضلي
            حنان بدهشه:تطردني ...طلال
            طلال بعصبيه:شتبي
            حنان:ممكن نتفاهم
            طلال:على شنو احنه مابينا شي نتفاهم عليه
            حنان بصرار:لا فيه
            طلال:اللهم طولج ياروح
            حنان:طلوله انا حنونتك...وبتسمت ابتسامت حزن ...ممكن اعرف ليش اختفيت
            طلال:انتي عارفه ليش
            حنان:لا مو عارفه ..طلال ممكن تتكلم معاي بصراحه لاني فعلا مو عارفه شي
            طلال :انتي تستعبطين ولا شنو بضبط
            حنان:طلال انا قاعده احترق وانت ولا هامك
            طلال ابرود:وليش يهمني انتي منو عشان اتهميني
            حنان:انا حبيبت قلبك
            طلال :حبيبتي وحده مافي غيرها ...الي اهيا زوجتي وام عيالي ...وللمره الثانيه اقولج انا مشغول ومناي فاضي حق سخافتج
            حنان بصدمه:تزوجت ...متى وشلون ومنو
            طلال:هذا مو شغلج
            حنان نزلت راسها وبحزن:يعني كل الي بينه كان جذب ..كل كل الكلام الي قلته لي جذب ...طلال انا احبك واموت فيك وعمري ماجذبت عليك ليش سويت فيني جذي ليش
            طلال وهو يحاول يمسك اعصابه ومن بين اسنانه:انتي اخر وحده تتكلمين عن الجذب انتي احقر وحده شفتها بحياتي ...ولاتيبين طاري الحب على اللسانج الانه الحب انظف ومنج ومن اشكالج القذره
            حنان ارفعت راسها وعيونها مليانا دموع كانت مصدومه من كلامه:طلال
            طلال:انا مادري انتي باي عين يايه ...بعد كل الي صار وليلحن اتمثلين علي
            حنان ردت نزلت راسها وعونها مليانا دموع:ممكن تسمعني وبعدين تقول الي تبيه
            طلال:في جذبه ثانيه بعد
            حنان:اعتبرها مثل ماتبي المهم اقولك الي بقلبي ...وبعدين ماراح تفرق معاك اذا جذب ولا حقيق هانت اخترت حياتك بعيد عني بس ابيك تسمعني عشان لا تظلمني
            طلال :قولي اسمعج
            حنان وهيا على نفس الحال:طلال انا طول عمري كنت خايفه انت تلعب علي عشان جذي كنت الح عليك واقولك ابي اتزوج كنت ابي اعرف مدا حبك لي
            طلال يقاطعها بستهزاء:لا والله
            حنان:طلال ممكن اتخليني اكمل كلامي لي الاخر وبعدين تقول الي عندك
            طلال:خلصيني تكلمي
            حنان تاخذ نفس عميق:انا ماني بنت
            طلال يقاطعها:عارف زلا قالولج مدمغ وما افتهم
            حنان:ادري انك عرفت من ذيج اليله ...بس الي ماتعرفه انه اني ضحيه
            طلال بستهزاء:نعم ..فلم يديد هذا ولا شنو
            حنان ماهتمت وكملت كلامها:بقولك سالف صارتلي قبل ماعرفك بسنه ...انت اتعرف سوالف اخوي فهد مع الشرب وخرابيطه ...بيوم من الايام دخل البيت وهو سكران حده وبيومها كنت بروحي بالبيت اهلي كانو نايمين بالبر ...يومتها كنت خايفه الاني بروحي بالبيت واول ماسمعت صوته رحت وبطلت الباب ومانتبهت عليه انه سكران وسكتت
            طلال:انزين وبعدين
            حنان خذت نفس عميق:اول ماشافني صرخ علي وقالي كلام مافهمته بعدها سحبني من شعري ودخلني غرفته وقفل علينا الباب ...كملت جملتها ونبرت صوتها بدت تتغير ...وغتصبني ..حاول استنجد بأي احد لكن البيت فاضي حاول انحاش اقوم لكني ماقدرت ضليت طول اليل بغرفته وتحت رحمت لين طلعت الشمس ...ادموعها بدت تنزل على خدها ...وتخيل لمن خلص قالي ان قلتي حق اي احد بقول حق ابوي انج جذابه وهما ماراح يصدقونج وبقول لهم اني طحت عليج مدخله واحد البيت
            طلال بعدم تصديق:حنان انتي من صجج ولا تتغشمرين
            حنان ارفعت راسها وطلال شاف الدموع على خدها وماقدر يتحمل ...حنان حب حياته تبجي جدامه ...طول الفتره الي طافت كان يقص على نفسه ويقول انه نساها ...
            طلال بحنيه:حنون
            حنان وهيا تبجي:ياعيون حنون
            طلال:ليش ماقلتيلي من البدايه
            حنان:كنت خايفه تتركني عشان جذي ماقلت لك ...طلال انا الي رفضتك مو اهلي ..لاني ابيلك الزين شلك بوحده ماهي بنت ولا فوق هذا اخوها الي معتدي عليها
            طلال:وبعدها قرب صوبج
            حنان:اي
            طلال بصدمه:جم مره
            حنان:واذا عرفت شلي بيتغير بالموضوع ....ماراح يتغير شي ..وازيدك من الشرع بيت صار يمشي ويتكلم عني بدواوين
            طلال:كل هذا وساكته ليش ماقلتيلي ...ليش سكتي
            حنان ببتسامت حزن:واذا قلت لك ...بتعوضني بترجعني بنت ...بتبعد الخوف الي بداخلي ...ماراح يتغير شي ياطلال اذا انت ترضى تاخذ وحده جذي انا ماأرضاها لك ...الانك طيب وحنون وتستاهل كل خير
            طلال:وليلحين ..ولا
            حنان:ربك خذا حقي منه سوا حادث وهو سكران ونشل شلل نصفي ...الحمدالله على كل حال ...طلال هذا السبب الوحيد الي خلاني اتهرب منك بعد سالفت الخطبه
            طلال:انزين ليش كنت بالبيت بروحج ليش مارحتي مع اهلج البر
            حنان:كان علي امتحان نفس اليوم ..بس ماقدمته
            طلال:حنون كل هل عذاب مريتي فيه ولا قلتيلي ..ليش انا ماني حبيبج ماتثقين فيني
            حنان:بعد الي صار ماقمت اثق بأي احد اذا اخوي الي من دمي ولحمي ماقال اختي وعرضي وشرفي ...وعتدا علي ...شلون تبيني اثق بأح
            طلال :وشلي تغير الحين
            حنان:لانك الانسان الوحيد الي حبيته ...ومابيك تاخذ فكره غلط عني حتى لو فضحتني مايهمني الاني خسرت اغلى شي بنسبه لي كل بنت ...والاني بهال بسبب ابتعدت عن الانسان الي حبه قلبي ...خلاص ياطلال ماعاد يهمني اي جرح قلبي صار صخر وماقمت احس


            بشقة جراح
            غرور صارت ماتروح وايد الشركه بسبب مشاكلها مع جراح ...نفسيتها تعبت وايد وماكانت قادره تركز بشي غير جراح وشلون تسحبه صوبها مره ثانيه وتخليه يبعد عن ليال ...ضلت اتفكر اشلون اتخلي جراح يكون تحت عينها طول المده ومايفارقها ابد


            بفلاة خالد
            بغرفة اريام
            اريام بعصبيه:انتو ماعندكم غرفه الي قاعدين عندي ...يالله انتي وياها طلعو بره ابي انام تعبانه
            ليال:ريوم في احد ينام هل حزه
            اريام:اي انا
            ملاك كانت تلعب بأغراض اريام
            اريام بعصبيه:ملاكووو خلي اغراضي لا اذبحج الحين
            ملاك:مابي مالي
            ليال:استحي على ويهج طول بعرض مناشبه ياهل ...خليها تلعب
            اريام:انتي شوفيها ماخلتلي شي صاحي ...مكياجي كله العبت فيه ...والله لخلي ابوج ينق افلوس عشان اخذلي يدد
            بهل وقت انطق الباب
            اريام بنفسيه:تفضل
            ادخلت دانه وهيا مصدومه من العفيسه الي مسويتها ملاك بالغرفه:شنو هذا شلي عافس الغرفه جذي
            اريام:كل من هذي ماتخليلي شي صاحي خربت كل اغراضي....وشافت ملاك ماسكه الحمره ..مطلتها وتفركها بالارض...صرخت من قمت راسها...ملاكووو ياحماره
            ملاك اخترعت وبجت
            ليال:ريمو ويهد خرعتي البنت زين جذي
            اريام:وانتي تشوفينها وساكته صج ماتنعطين ويه قومي طلعي بره الغرفه واذا بدشين غرفتي هذي ماتدخل الغرفه مره ثانيه
            ليال وهيا تشيل ملاك اليم يته من البجي:بس ماما بس حبيبتي ...ماعليج منها عمتج زيرانها ياين لها اليوم
            اريام وهيا معصبه:انا زيراني ياين هين ياليون ان مادخلت غرفتكم وعفستها ماأطلع ريام
            ليال اطلعت من الغرفه وراحت غرفتها
            دانه:ريمو ينيتي ليش تكلمين البنيه جذي ...البنت ماسوت شي
            اريام:كل هل عفيسه وماسوت شي
            دانه:انا اقصد ليال الحين تزعل
            اريام:هذا الي ناقص بعد تزعل انا اوريج فيها الحين...وطلعت من الغرفه ودخلت غرفت ليال
            ليال:نعم
            اريام ماكلمتها ..وراحت صوب الفراش وسحبته وقتته على الارض ...وبعدين راحت صوب التسريحه وقطت كل الاغراض الي عليها
            اريام:الحين ارتحت مثل ماعفستو غرفتي عفست غرفتكم
            ليال:هههههههههههه والله انج مو صاحيه
            اريام:سمعيني وحطيني على بالج عدل اذا فكرتي بيوم من الايام انج تزعلين مني لاتلومين الا نفسج فاهمه
            ليال:هههههه فاهمه ههههههههه
            دانه:الحمدالله وشكر صج منتي صاحيه
            اريام:الي يجابل هل مينونه وبنتها بيكون صاحي ...يختي طول اليل اطردهم ابي انام تعبانه وهمها مثل الصمغ ...ماكو فايده ...ولفت على ليال...قومي طلعي بره انتي وهل خبله بنت جابي انام بدارج
            ليال:وانا وين انام
            ارام:والله محد قالج سهري طول الليل وماتخليني انام ...تحملي شوفيلج اي مكان ولا روحي غرفتي نامي بين العفسه الي سوتها بنتج
            ليال:وانا ماعرف انام الا بغرفتي ...وبعدين ملوكه فيها ارق ماتبي تنام مو غصب والله والحين داخت وتبي اتنام يالله قومي طلعي بنام انا وبنوتي
            اريام:املج ...وخذت الفراش الي على الارض وراحد انسدحت على الفراش وتغطت
            دانه:ريمو قومي روحي نامي بدارج البنت تعبانه بتنام
            اريام:السرير واسع وكفينا كلنا ...ليول تعالي قوليلي قصه مثل كل مره
            دانه وهيا تبوس ايها ويه وظهر:الحمدالله وشكر استخفت اختي وقعدت
            ليال:لاتلومينها طول ليل ماخليتها تنام
            دانه:وانتي بتنامي
            ليال:اي تعبانه حدي
            دانه:اممم
            ليال:بغيتي شي
            دانه :اي بغيت اخذ رايكم بموضوع بس خلاص اي بعدين
            اريام:داني طلعي بره وطفي الليت معاج
            ليال:ماعليج منها قولي لي شبغيتي
            دانه:عادل ولد عمتي خطبني من ابوي وانا وايد خايفه
            اريام وهيا تفز من الفراش:حلفي ...عدول خطبج
            دانه:اي
            ليل:وانتي شرايج
            دانه:مادري محتاره وايد
            اريام:والله ماعندج سالفه وافقي وانتي مغمضه ...دعول هذا ريال مايتطوف
            دانه:من اي ناحيه
            اريام:كل النواحي ...ريال بمعنى الكلمه وينشد الظهر فيه ...وفوق كل هذا تربيت ابوي يعني عارفينه عدل
            دانه:بس اخاف افشل مثل المره الي طافت
            ليال:مو شرط وايد بنات فشلو بزواجهم الاول بس زواجهم الثاني صار من اروع مايمكن
            اريام:داني انتي رافضه فكرت الزواج ولا عدول
            دانه:لا خايفه من الزواج نفسه ...خايفه اني انجرح مره ثانيه ...خايفه اني ارد بيت ابوي مره ثانيه
            كلماتها خلت ليال تتذكر كل الي صار لها من طلاقها من يعقوب لي هذا اليوم...وبدت ملامح الحزن تضهر على ويها
            اريام:ليول شفيج
            ليال:مافيني شي ...بس كنت افكر بكلام دانه ...وتلتفت عليها...داني عادل منكم وفيكم حتى اذا صار بينكم مشاكل او خلاف كبير ...ماراح يضرج او يجرحج الانج من دمه ولحمه
            اريام:بعدين عدول مايسويها الانه ريال بمعنى الكلمه ...داني اذا تبين نصيحتي وافقي ...الريال الزين مو كل مره يطق باب بيتنا
            ليال:كلام ريوم عدل ...داني فكري عدل وبعدين قرري ...واخذي الوقت الكافي ولمن تتأكدين من قرارج قولي حق عمي
            دانه ببتسامه:اوكي
            اريام:داني الحين ماينفع الكلام بالموضوع فيني نومه وموقادره اركز ...خل اتصح صح اتفرغ لج عدل
            دانه:خلاص انا طالعه تبون شي
            اريام:لا بس بلغي امي لايقعدونه نبي انام...وردت انسدحت وتغطت...وطفي الليت معاج
            دانه :اوكي...وطفت الليت وطلعت
            ليال:يالله ماما انام
            ملاك وهيا تفرك عينها:اي ابي نام
            اريام:وووووشششششششش هدووووء بنام
            ليال انسدحت يم اريام وخلت ملاك بصوب الثاني عشان لاتحصل رفسه ولا طقه من اريام وهيا نايمه

            غرور:لازم ...انا غرور محمد ال.....على سن ورمح
            جراح:دام جذي روحي بدلي عشان نمشي
            غرور:اوكي ....ودخلت الغرفه بدلت جراح دخل وراها خذا الجناط
            وبعد ماخلصو اطلعو


            بيت احمد
            بغرفة آلاء
            آلاء كانت منسدحه على الفراش ومتضايقه وايد:اوووف ملل...والله مكان فواز وايد خالي ..على الاقل قبل لي ضاق خلقي قعدة مع العنود واحمداني ..والحين كله بروحي ...وخذت تليفونها ودقت على ليال ..ماردت بعدها دقت على العنود
            العنود:الووو
            آلاء:قوه
            العنود:يقويج ..اهلين وسهلين
            آلاء:شلونج عنود وشود فواز واحمداني
            العنود:بخير الحمدالله انتي شلونج
            آلاء:الحمدالله
            العنود:عمي وخالي ومحمد شلونهم
            آلاء:الحمدالله كلنا بخير...فواز اشلونه الحين
            العنود:والله مادري شقولج فواز من طلع وهو كله سرحان ومادري شي فكر فيه واذا قلت له شي قالي مالي خلق شي او خليها بعدين
            آلاء:لا حوله ولا قوته الا بالله ....وماقلج شلي يفكر فيه
            العنود:لا والله ...بس انا حاسه انه يفكر بشخص الي دفع له الفلوس
            آلاء:امممم وليش شاغل باله اهم شي انه طلع وبعدين الفلوس الي اندفعت بالاساس ماكانت له
            العنود:بعد اخوج ماتعرفينه يشغل نفسه بشغلات مالها داعي
            آلاء:والله ماعنده سالفه
            العنود:خلينه من فواز ...وقولي لي ليال شلونها
            آلاء:ماشي حالها والحمدالله الله عوضها باهل ريل يحبونها وايد ويعاملونها مثل وحده من بناتهم
            العنود:الحمدالله..انزين وشلونها مع ريلها وزوجته
            آلاء:جراح وعله مو قاعدين معاهم
            العنود:واهو مايي عندها مايقعد معاها
            آلاء:يروح عندهم كل يوم بس ماقعد معاها كل مع بنته وامه
            العنود:والخبله اختج ليش ماتتلزق فيه وتسحبه صوبها
            آلاء:انتي من صجج شلون تتلزق فيه بعد ماخذا على راسها مره ...ليال ليحينها مجروحه وهيا ماردت له عشان سواد عيونه اهيا ردت عشان بنته ...وفوق هذا اهيا نحاشت من ابوي ومعاملته لها
            العنود:اوكي ماقلنا شي بس ليش تخلي شريجتها تاخذ مكانها المفروض ترجع اهيا الاولى والاخيره بس اختج هبله ماتفكر
            آلاء:تبينها تفكر شلون تخلسه ستقرب منها وهيا مجروحه منه صعبه ...الانه جرحلها ليلحين مابرى ويبيها وقت
            العنود:انا بدق عليها بعد اشوي واكلمها وبعلمها شتسوي
            آلاء:توني داقه عليها وماردت ..شكلها مشغوله
            العنود:انا ادق عليها واذا ماردت اكيد اتشوف رقمي ودق علي
            آلاء:عنود انا ادري انج مشغوله مع فواز ونفسيته بس لاتخلين ليال ..اهيا محتاجه لنا وايد مهمى كانوا هل ريلها زينين الاهل غير
            العنود:اكيد مايبيله كلام وانا فكرت اني ازورها هل يومين شريج اتين معاي
            آلاء:ما اتوقع ابوي يخليني ومابي اسوي شي وانحبس عليه
            العنود:اي والله عاد عمي مايصدق يحبسكم تعالي صج ماقل لكم شي لمن ردت ليال حق ريلها
            آلاء:تصدقين كنه متوقعين شي والي صار شي ثاني ...تخيلي ماسوا ولا شي بس قال حق امي زين انها ردت محنه ناقصين كلام الناس
            العنود:الله يهدا عمي الحين كلام الناس صار اهم من راحت عياله
            آلاء:بعد ابوي وتفكيره الغريب
            العنود:الله يهديه ..ماقدر اقول اكثر من جذي


            فلاة خالد
            على الغدا الكل كان على الطاوله معدا ليال واريام وملاك
            خالد:الا وين البنات
            هنادي:تلاقيهم نازلين الحين
            دانه:لا نايمين وقالولي لحد يقعدهم
            خالد:هنادي طرشي اي وحده من الخدم خل اتقعدهم بسهم نوم
            دانه:لا بابا توهم نايمين طول اليل كانو سهرانين بسبت ملوكه ..فيها ارق
            كادي:عشتوووو ...وانا اقول شهل ازعاج الي كنت اسمعه تالي اليل
            هنادي:خلهم يرتاحون واذا على الاكل انا ابلغ الطباخ يسوي لهم شي ياكلونه
            دانه:هذا اذا قامو الحين
            كادي:يمكن ريوم تنام بس ليال ماعتقد ملوكه بتخليها تنام عدل
            دانه:ما اضن حتى ملوكه طول اليل قاعده اتوقع اتنام الحين
            طلال كان ياكل وهو باله عند حنان والي سمعه منها اليوم ..وكل الاسئال تدور بمخه ليش ماقالت له من الاول وليش ختفت سنه كامله وتوها تطلع ووين كانت كل هل مده...تفكيره صوت جنى
            جنى:حبيبي شفيك ليش ماتاكل
            طلال رفع راسه وحط عينه بعينها وبتسم ابتسامه ذوبت قلب جنى:مافيني شي
            جنى :الاكل مو عاجبك
            طلال:لا بالعكس
            هنادي:يما اقول حق الطباخ يسويلك شي ثاني
            طلال:لا يما الاكل مافيه شي
            جنى بصوت واطي:حبيبي شفيك منت عاجبني اليوم
            طلال مسك ايدها وضغط عليها حيل وهو مبتسم:لاتحاتين مافيني شي ..بس زهبي نفسج اليوم عشان نطلع من زمان ماطلعنا
            جنى ابتسمت ابتسامه يموت فيها طلال:اوكي
            طلال:الله لايحرمني من هل الابتسامه الحلوه
            جنى انحرجت ونزلت راسها
            هنادي:اي يما طلعو غيرو جو شوي مو كل وقتكم بشغل انتو شباب استانسو ولاحقين على الشقى
            طلال: اي والله الواحد لازم يغير الروتين
            خالد:الا رتوجه وينها صارلها فتره مختفيه
            كادي:اي والله صح مره وحده غطت ولا العاده كل يوم ناطه علينا
            هنادي:اي لاهيا مع ولدها الله يعينها
            خالد:ليش شفيه
            هنادي:صاير فيه بشنيتر
            كادي:وي وي لايحوشك ..يما قوليلها ماتدخل بيتنا شهر انا ماني ناقصه حسينو يعاديني
            خالد:كدوي بابا مايصير تقولين جذي هذي اختج الكبيره
            هنادي:انا قلت لها لاتيبينه الحين عشان ملوكه لاتتعاده منة
            دانه:زين سويتي يما ملوكه توها طالعه من المستشفى بعد تمرض مره ثانيه
            طلال:الله يعين ليال محد قايم فيها غيرها
            جنى:والله هذا من طيب اصلها الي مجابله البنت بعد ماتزوج عليها جراح لو اي وحده مكانها جان اكشتت فيها
            خالد:ليال قلبها ابيض وعلى نياتها والله يهدي جراح انشالله
            جنى:الي يشوفها شلون تعامل ملوكه مايقول هذي مرت ابوها يقول هذي امها الي يابتها
            كادي:انا مادري ليش جراح سوى فيها جذي والله ماتستاهل
            دانه:الانه من النوع الي مايبين بعينه شي
            هنادي:لا مسحور من هل عيوز ولا في واحد عاقل ياخذ وحده اكبر منه وفوق هذا زوجته الاولى اصغر من الثانيه بعشرين سنه
            خالد:العمر مو مقياس
            كادي:بابا ليش اتدافع عنه
            خالد:انا مادافعت عنه بس الله العالم بالي صار ...فتره وتعدي ...مع الوقت بيرجع كل شي مثل الاول واحسن
            دانه:شلون بيرجع مثل الاول
            خالد:ولدي وعرفه عدل قلبه مع ليال مو مع غرور ومبين عليه من نظراته لها
            هنادي:متى شفت نظراته
            خالد:كل مايه البيت
            كادي:ههههههه ابوي صاير برج مراقبه
            خالد وهو يبتسم:مو وايد شوي
            الكل:ههههههههههههه
            خالد:ابي اتطمن على البنت مابي تعيش جذي طول عمرها ...ليال بعدها صغيره وحلوه وحرام تدفن شبابها عشان ملاك
            طلال:يبا مابي احبطك بس جراح اغسل ايدك منه
            دانه:وانا بعد اقول جذي الي خلته يبيع اهله سنه كامله توقعو منها كل شي
            جنى:مادري شلي لقاه فيها .....والله فرق السماء عن الارض ...ليال جميله وصغيره وفوق كل هذا اخلاقها تهبل
            طلال:وضيفي عليها انها متحمله بتنا ...امها الي اهيا امها ماتبيها
            هنادي:اصلن جراح بدون ليال يضيع
            دانه:قصدج ملاك ولا جراح ولا همه
            وهما يسولفون تبطل الباب الفلا ودخل جراح وغرور وراحو صوب طاولت الطعام
            جراح وغرور:السلام عليكم
            الكل :وعليكم السلام
            دانه بصوت واطي:لويايبين طاري مليون ابرك
            طلال ابتسم وبصوت واطي:سكتي لايسمعج
            دانه :هني عاد
            خالد:حماتك تحبك تعلى تغدا
            غرور:حماته الله يرحمها
            دانه:لا ابوي يقصد ام ليال مو امج
            غرور خزته
            دانه :خير فيني شي ليش تعالين جذي
            جراح كان شوي بعيد عنهم:لا يبا ماكلين
            هنادي:خير المسعدا يايه
            جراح:يما وبعدين
            هنادي:انا ماقلت شي غلط ولا غرور من متى يت عندنا
            جراح:لا يما احنه بنسك اهني
            هنادي بستغراب:وين هني
            جراح:وين يعني بقعد بجناحي
            كادي:وليال وين تقعد
            جراح:ليال قاعده بغرفت ملاك وبعدين الجناح خاص فيني انا ...وانا الي اقرر منو الي يقعد ومنو الي يطلع منه
            هنادي:بس اغراضها كلهم بالجناح
            جراح:الحين ابلغ الخدم ينزلون كل شي
            هنادي:انا من رايي تقعدون بقتكم احسن البيت مايزينا كلنا
            جراح:شدعوا يما تطرديني من البيت
            هنادي:لا ما اطردك بس البيت فعلن مايزينا
            جراح بضيق :يما انا بقعد بجناحي وهو الحين فاضي يعني ماراح اقايض احد
            هنادي :الجناح يخص ليال واذا انت بتقع فيه مع ليال العين اوسع لك من المكان
            جراح:يما انتي عارفه انا ليش رديتها
            خالد بحزم:جراح مو وقت نقاش الحين شايفنا نتغدا اجل الموضوع لين انخلص
            جراح:على امرك يبا...وراح قعد بصاله
            غرور:شفيك
            جراح:ولا شي بس انطرهم يخلصون غدا
            غرور:اممم ..انزين ودني الجناح ابي اشوفه
            جراح:نطري خل ينضفونه الخدم وبعدين نصعد
            غرور:اوكي

            بالجها الثانيه
            خالد:هنادي خفي على جراح شوي
            هنادي بستغراب:يايبلي هل عقربه ابيتي وتبيني اخف عليه
            خالد:ماعليه يمكن لي صار عندنا يكون تحت عينه وكل شي يصير لصالحنا ولصالح ليال
            هنادي:شلون
            خالد:انا ابيه يشوف الفرق بين ليال وغرور ولي صارو اثنينهم تحت عينه بعرف الفرق
            جنى:عمي خوفك اتسبب مشاكل بين جراح وليال اكثر
            كادي:جان ذبحتها
            دانه:اذا اهيا وحده احنا البيت كله واذا في امها خير تقرب منها ولا تقط عليها كلمه
            هنادي:دامها دشت هل بيت غصبا عليها تحترم كل الي فيه
            خالد:مايبيله كلام وخليني انا اتفاهم مع جراح
            جنى :الله يعين ليال
            خالد وهو يبتسم :ويمكن تنقلب الايه ويصير الموضوع لصالح ليال
            هنادي:الله يسمع منك يارب
            بعد الغدا الكل اجتمع بصاله مثل كل يوم
            خالد:اسمع ياجراح البيت هذا بيتك وانت ولك فيه مثل اخوك وما اقدر امنعك من العيشه فيه واتمنى انه وجودك انت وزوجتك مايسبب اي احراج او اي مشاكل بالبيت مع اي شخص سواء ليال او غير ليال
            جراح ماعجبه كلام ابوه الانه الموضوع فيه ليال:يبا انا لمن قررت اسكن عندكم مو عشان المشاكل وغيره انا مايت البيت الا ابي ارد مثل قبل انتو اهلي ومالي غنات عنكم وابي اكون قريب من بنتي واذا على ليال انا مالي شغل فيها ولا بقرب صوبها تطمن
            خالد:لا والله هل كلام مايطمن ...الله امر بالعدل ولازم تعدل بينهم وتخصص لكل وحده يوم
            غرور بقهر:عفوا عمي اهو مارادها عشان سواد عيونها اهو ردها عشان ملاك لا اكثر ولا اقل
            خالد بنبره حاده:لي تكلمو الريايل الحريم يسكتون ويلتفت على جراح...حتى لو ردها عشان بنته اسمها على ذمته وعن الحلال والحرام لازم تحاول تعدل بينهم مو بس بضاهر لا ابيك تعدل حتى بالمعامله
            جراح:يبا انا اسف بس حياتي الخاصه ملك لي
            خالد:لي صرت ابيت ابروك اتصير اياتك ملك لك بروحك ...جراح انت عندك بنت لاتضلم بنت الناس معاك صدقني الدنيا دوراره وربك مايطق ابعصا
            جراح:عارف يبا ...وانشالله ما اظلم وحده فيهم
            دانه بقر:زواجك عليها بحد ذاته ضلم
            جراح خزه وبنبره حاده:الشرع حليلي اربع يعني ماسويت شي يغضب ربي
            دانه بستهزاء:سبحان الله ...والله تعرف بشرع ..دام جذي اخذ لك وحده وخلهم ثلاث وايد ابرك
            جراح بعصبيه:دانه ثمني الكلمه قبل ماتقطينها
            خالد:خلك من دانه الحين وقولي وين بتقعد
            جراح:بجناحي
            خالد:اممم بس اغراض ليال موجوده فيها ...ليش ماتاخذ الجزء الخلفي للفلا مساحته كبيره واكبر من جناحك (عباره عن ثلاث غرف ماستر وصاله كبيره ويطل على الحديقه الخلفيه )
            غرور كانت ميته وتاخذ مكان ليال وبهمس:خل ليال تذلف اي مكان انا بقعد بالجناح
            جراح:اي بس يبيله شغل وايد وانا مالي خلق كل هل لويه وبعدين ليل مو قاعده بالجناح يعني مو محتاجتله
            هنادي:وانا بعد اقول ياخذ الجرء الخلفي واذا على الشغل باجر اتفق مع مصمم الديكور يعدلك المكان
            جراح بعد تفكير:خلاص اخذ الجرء الخلفي بس خلال هل فتره نقعد بالجناح على ما تعدلون المكان
            خالد:ماشي انا الحين ادق عليه وانتو شوفو شلي تبونه عشان تقولون له
            غرور:عمي مالا داعي كل هذا الجناح مو قايل شي ليش نعزل روحنه عنكم
            دانه بعصبيه:انتي شنو ماكو حساس مو كافي خذيتي الريال منها بعد بتاخين مكانها
            غرور:حبيبتي هذا مكان ريلي مو مكانها
            دانه:حريمج الجناح حق ليال
            جراح بعصبيه:غرور ممكن تسكتين
            هنادي:سمعي يابنت الناس اذا بقعدين ابيتي تقعدين بكل ادب وحترام اما اذا بتسوين مشاكل انا اقولج من الحين بيتي يتعذرج...والجناح حق ليال مو حق غيرها ...وبعدين ماتقولن لي اذا جراح حب يختلي فيها وين يختلي فيها بعد اهيا زوجته او واجب عليها تفي حق زوجها الشرعي
            غرور خلاص اشوي تنفجر وبهمس:جراح ممكن اصعد الجناح الحين الاني تعبانه
            جراح حس انها متضايق وايد:يما ماعليه خل الخدم يصعدون الاغراض الجناح هل يومين وبعدين نقعد ابمكانه
            خالد:هنادي خل الخدم يصعدون الاغراض فوق
            هنادي:دانه روحي اخذي مفتاح الجناح من ليال
            دانه:انشالله
            غرور على القهر الي فيها لكنها فرحت وايد الانها بتاخذ مكان ليال حتى لو كان بشكل مؤقت
            دانه اصعدت فوق ودخلت الغرفه بهدوء وكانت متردده شلون تقول حق ليال انه جراح بقعد غرور مكانها...قربت شوي صوب الفراش وبصوت واطي:ليال ...ليال
            اريام افتحت عينها:دانووو شتبين
            دانه:انتي نامي...ليال ...ليال
            اريام:ماتشوفينها نايمه شتبين فيها
            ليال افتحت عينها شوي :اوووووش
            دانه:ليال ابي مفتاح الجناح
            اريام:والله فاضيه
            ليال:شتبين فيه
            دانه:امي تبيه
            ليال: موجود بدرج التسريحه
            دانه راحت خذت المفتاح وطلعت انا البنات من من طلعت دانه ردو نامو
            بصاله
            دانه:هذا المفتاح
            جراح:يبيه ...واخذه منها ...يما خل الخدم يصعدون الاغراض
            هنادي:لاتصعد الحين المكان يبيله تنضيف
            غرور:ليش ليال موصخه المكان
            هنادي:لا وانتي الصاجه ليال ماطبت الجناح من سافر جراح والحين المكان مغبر ويبيله تنظيف الا اذا انتي بتنضفينه هذا شي ثاني
            غرور:انا انظف هذا الي ناقص ...الله يعافي الخدم
            كادي:صج لي قالو الله خلق وفرق
            الهدوء عم المكان لي فتره
            جراح بهمس:غرور ان ماسكتي بتصرف معاج تصرف ثاني فاهمه
            غرور:ممكن اصعد فوق
            جراح بعصبيه من تصرفاتها:جدامي...وصعدو فوق

            عند باب الجناح
            جراح كان واقف وعينه على الباب وذاكرته ردت في لي يوم الي سافر ...يوم الي ترك ليال وهيا تبجي ....حس بحساس غريب ...توتروقلبه صار يطق بقوه
            غرور:يعني لي متى بتوقف وتتأمل بالباب افتح الباب خل ادخل
            جراح:ها ا ي اي ...بطل الباب ودخل صار يمشي بصاله وبعدها توجه لي غرفت النوم واول مادخل تفاجا بالمكان ...الغرفه كانت مثل ماتركها الفراش مثل ما اهو ...ملابسه الي كان لابسهم بنفس المكان راح صوب الفراش وشاف قميص النوم الي كانت لابسته ليال بذاك اليوم اخذ القميص وصار يشمه وهو مو حاس بنفسه ...كان يبي يتذكر الحظه هذي وكل الي صار بعدها تركها وهو يعشقها لكن بداخله خوف انها تكون مو بنت وانت الكلام الي نقال عنها يكون صحيح ...ورجع لها وهو انسان ثاني
            غرور ادخلت الغرفه وشافته واقف عدن الفراش:جراح شفيك
            جراح لف صوبها والقميص بيدها:مافيني شي
            غرور :اممم شنو الي بيدك
            جراح:قميص نوم ليال فعل المكان ماتغير فيه شي من يوم ماطلعت
            غرور راحت صوبه واخذ القميص منه ورفعته شويه عشان تشوفه:وااااي هذي من صجها الحمدالله وشكر في وحده تلبس جذي وع صج ماكو ذوق
            جراح:ليش شفيه القميص
            غرور:جراح بذمه من تزوجته في مره شفتني لابستلك جذي
            جراح:لا
            غرور:الحين منو يلبس طويل مع روب ودانتيل ...شخباري هذي صج ماتدري وين الله قاطها
            جرح:شلون ماتدري وين الله قاطها بعد العروس شتبينها تلبس
            غرور:وايد شغلات الحين طلعت موضت التنكري والجريء منو يلبس جذي...هذي صج ماتفهم شي بهل امور
            كلامها هز جراح:شلون ماتعرف شي
            غرور:مبين واذا تبي اثبتلك انها ماتعرف شي بالجنس الحين اوريك
            جراح:على ايدج ابي اعرف
            غرور راحت اتفتش بالكبتات وطلع اغراض ليال من قمصان نوم وملابس داخليه
            غرور:بالله هذي وين وهل سوالف وين انت شوف الفرق بين قمصاني وقمصانها ...انا جريء اكثر ومتنوع اما اهيها كلا بيبي دول ...معناته ماتعرف شي
            جراح:اممم
            بهل وقت صعدو الخدم ومعاهم الاغراض
            غرور:زين الي يو وتكلم الشغاله ...يبي جيس زباله وحطي كل هل ملابس وقطيه بره
            الشغاله :اوكي
            الخدم يمعو كل اغراض ليال وهما مو عارفين انها اغراض ليال وحطوهم بجيس زباله وقطوهم بره
            اما جراح كان بعالم ثاني كان يفكر بكلام غرور عن ليال انها ماتعرف شي والي اخره ...الخدم خلصو كل شغلهم وطلعو بره
            غرور:وهيا ماسكه القميص الي كان بيد جراح وبستهزاء وفرح:بخليه ذكرى لها ههههه


            بعد ثلاث ساعات اقعدو البنات من النوم وصار عندهم علم بالي صار ...ليال تضايقت وايد بس مابينت لهم هل االشي ...ولمن اسالت عن اغراضها الخدم قالو مانعرف كل الي يعرفونه انهم قطو ملابس بالزباله بس مايدرون اذا كانت لها ولا لا...وهني ماقدرت تتحمل اصعدت فوق وطقت باب الجناح
            غرور:نعم
            ليال :ممكن توخرين ابي ادخل اخذ اغراضي
            غرور:ومن مانعج روحي اخذيهم من الزباله
            ليال:نعم
            اريام بعصبيه:هي انتي من سمحلج تقطين اغراض البننت
            غرور:والله كفي جناحي وكيفي
            اريام:لي صار بيت ابوج تكلمي
            غرور:بيت ريلي وحبيبي وكيفي
            ليال بحرقت قلب:لي صارت اغراضج يحق لج تقطينهم بس اغراضي مايحقلج تتصرفين فيهم ومثل ماقطيتيهم تردينهم
            غرور:نعم ماسمعت عيدي مره ثانيه شقلتي ...اقول ذلفي من هني الاتشوفين شي بحياتج ماشفتيه
            ليال:ماني موخره والي ماتواصلينه بيدج واصليه بريلج يابنت الحسب ونسب
            غرور:اوكي انتي الي جنيتي على نفسج ...ودخلت الجناح وبعد ثواني طلع جراح وهو بقمت الاعصاب
            جراح:انتي شلون تكلمين غرور جذي منو هي انتي ليكون نسيتي نفسج
            اريام:جراح ليال ماقالت شي غلط مرتك اهيا الي قطت اغراضها بالزباله
            جراح:انتي انطمي ولا كلمه
            ليال:وهيا على اي اساس اتقط اغراضي بالزباله
            جراح:كيفها مكانها وهيا حره فيه واغراضج لو كنتي تبينها جان خذيتهم من زمان
            ليال :لا مو بيكفها ومثل ماقطتهم بالزباله اتروح اتطلعهم وريلها فوق راسها
            جراح عطها كف قوي
            اريام من الصدمه اشهقت وليال حطت ايدها على خدها
            جراح مسكها من ملابسها وقام ينفضها:سمعيني وحطيني على بالج عدل غرور عمتج وتاج راسج ومو الاني رديتج معناته اني ميت في جانا رديتج عشان تخدمين بنتي لا اكثر ولا اقل...وبصرخه...فاهمه...وحذفها على الارض .




            نهــــــــايــــــة البــــــــارت

            .
            .
            .
            للكـــاتبـــه :

            أحــــلاهم واتحداهــم .
            .



            .

              تعليق

              • "لحن الوفاء"
                V - I - P
                • Mar 2013
                • 2413
                #44
                رد: عهدي مع الايام .. للكاتبه .. احلاهم واتحداهم . ./





                * البـــارت الثاني و الثــلاثــــون *


                *


                جراح مسكها من ملابسها وقام ينفضها:سمعيني وحطيني على بالج عدل غرور عمتج وتاج راسج ومو الاني رديتج معناته اني ميت في جانا رديتج عشان تخدمين بنتي لا اكثر ولا اقل...وبصرخه...فاهمه...وحذفها على الارض
                جراح دخل الجناح وصكر الباب بقوه
                اما ليال كانت على الارض ميته من الخوف وترجف والدموع متحجره بعينها....الانها شافت صورت ابوها ووحشيته بجراح والخوفها انها تعيش مثل عيشتها ابيت ابوها ...اما اريام من طاحت ليال على الارض اركضت ابسرعه ولمتها حيل وكانت اتحاول اتهديها
                اريام:ليول هدي خلاص ذلف ...حسبي يالله ونعم الوكيل فيهم حسبي الله ونعم الوكيل فيهم
                طلال وجنى سمعو صراخ جراح ومن بعدها صوت الباب الي تصكر بقوه وكلام اريام ...اطلعو من جناحهم وشافو ليال قاعده على الارض بحاله لايرثى لها

                طلال:شصاير
                اريام بعصبيه :حسبي يالله ومنعم الوكيل هل عيوز الي يايه ويايبه الشر معاها مادري شقالت حق جراح وصار ريال على ليال ومد ايده عليها
                طلال:هذا الي كنت خايف منه
                ليال بخوف :نزلوني نزلوني
                جنى وهيا تقرب منها :بسم الله عليج الرحمن الرحيم شصار فيها
                اريام:جنون ساعديني خل انزلها
                جنى :انشالله ...وكل وحده امسكت ليال من جها ونزلوها تحت

                بغرفت ليال
                اريام وجنى دخلوها وبعدها اريام وصت جنى ماتتحرك من الغرفه لين اتي وبطلعت من الغرفه وراحت جناح امها وابوها طقت الباب ودخلت
                هنادي:هلا ريومه بغيتي شي
                اريام:يما وين ابوي
                هنادي:بشركه بغيتي منه شي
                اريام:اي بغيت ...يما عيوز خيبر ماتقعد بهل بيت طردوها مانبيها
                هنادي:والله لو بيدي ما ادخلها بس ابوج الله يهداه
                اريام:الحيوانه قاطه اغراض ليال كلها بالزباله ولمن رحنالها عصبت ومادري شقالت حق الخروج جراحووو وطلع طق ليال
                هنادي اشهقت:جراح يمد ايده على ليال
                اريام:اي طقها طراق وغير التهديد يما والله حرام البنت ماتستاهل ليش يسوي فيها جذي
                هنادي:لا بارك الله فيها ولا بساعه الي دخلت حياتنا ...هذا اولها ينعاف تاليها ...وين ليال الحين
                اريام:بالغرفتها ..وقاعده تتنافض من الخوف
                هنادي وهيا تقوم:حسبي الله عليك من ولد الحست عقله
                وراحو غرفة ليال
                البنات كلهم كانو بالغرفه الانه جنى نادتهم كانت خايفه انه جراح ينزل ويكمل عليها وهيا بروحها ماتقدر تسوي شي
                كادي:لا مستحيل هذا مو جراح اخوي اكيد في شي غلط ..جراح بحياته مامد ايده على مره
                دانه:سكتي ولي عافيج ...لو فيه خير جان مامشى ورى كلام العله
                هنادي دخلت وراحت قعدت عند ليال على الفراش ولمتها ...ليال اول ماصارت بحضن هنادي بجت بحرقه
                ليال وهيا تبجي:يما والله ماسويت شي ...ليش يعاملني جذي...ليش تغير علي هذا مر جراح الي تزوجته مو جراح الي حبيته
                هنادي وهيا تمسح على راسها:ماعليه يما هدي انتي الحين وكل شي بينحل
                اريام:اشلون ينحل وهو يايب الزفته هني
                هنادي خزتها عشان تسكت الانه ليال كانت تبجي وايد
                كادي:يما ريوم ماقالت شي غلط احنه مانبي هل مغروره عندنا مو غصب
                ليال:يما قلبي ليش يسوي فيني جذي انا ماني زوجته مو كرامتي من كرامته ليش يهني عشانها ..انا ماغلط اهيا الي غلطت اهيا الي قطت اغراضي بره
                هنادي:بس يما والله قطعتي قلبي واذا على جراح وزوجته حسابهم عندي
                ليال:لا يما لاتقوليه شي اخاف والله اخاف يسوي شي
                اريام:يخسي يسوي شي هذا الي ناقص بعد
                كادي:ماما لازم اتكلمينه جراح بحياته ماسواها شلون يطقها بعدين هذي زوجته ولازم يحترمها موكافي مجابله العله ملوكه
                ليال:لاتقولين جذي ملوكه احلى شي بحياتي اهيا الوحيده الي احس انها تحبني من قلبها
                اريام راحت اقعدت عندها:افا ليول يعني الحين انا ماحبج ...الله يشهد علي انج من دخلتي البيت غيرتي حياتي كلها للحسن انتي بنسبه لي اقرب من خواتي
                كادي:ليول كلنا انحبج مو بس ملاك
                هنادي:منو الي مايقدر يحبج ...انتي تنحطين على الجرح يبرى يالله عاد مسحي هل الدموع واذا على جراح انا اتفاهم معاه الحين
                اريام تبي تلطف الجو:ليول جد والله انتي مو صدقه اني احبج...انا قررت اضل عانس عشانج
                ليال ابتسمت ابتسامه ريحت قلب هنادي الي كان يتقطع من الداخل عليها ...وبداخلها كانت تتوعد بجراح وغرور ...ولمن شافت الاوضاع هدت شوي طلعت وراحت جناحها ودقت على خالد وقالت لها كل السالفه
                هنادي:انا ادري هذا مايت هني الا عشان تسبب مشاكل بين جراح وليال وكل هذا عشان يطلقها بس حريمتها
                خالد:لاحول ولا قوته الا بالله ....بغيناها طرب صارت نشب
                هنادي :من صجك انت ...انت حاط البانزين يم النار وتقول ماراح يشتعل بس لي تصرف معاهم الموضوع ماراح يعدي
                خالد:لا تسوين شي خليني انا اي واتصرف مانبي الامور تتعقد بين جراح وليال .... اخلص الي بيدي واي اتفاهم معاهم انتي طلعي منها ووصي البنات انهم مايسون شي مانبي مشاكل بلبيت
                هنادي:انشالله بس لازم اتفهمه اذا بيقعد بالبيت مايتصرف هتصرف مره ثانيه
                خالد:انشالله ...يالله اخليج الحين

                بجناح جراح
                جراح من دخل الجناح وهو متضايق وايد ماحب يدخل الغرفه ضل بصاله وعينه على الامكان الي كانت ليال واقفه فيه ولامته من ورا قبل السفر
                غرور:شسويت مع الهليقه
                جراح طالعها بطرف عينه وسكت
                غرور:ممكن اعرف شفيك
                جراح ماتكلم ولا كلمه هدها بمكانها ودخل الغرفه
                غرور:ياحسرتي الريال طار ...خل الحقه ...وقامت وراه
                جراح كان منسدح على الفراش مغمض عينه....غرور ادخلت الغرفه وعلى طول راحت عنده بالفراش ونامت على جنب اليمين
                غرور وهيها تلعب بشعر جراح:حبيب شفيك ليكون الي ماتتسمه قطت عليك كلمه ضايقتك
                جراح بستهزاء:هذا الي ناقص بعد ...مابقى الا هذي
                غرور تشققت من الوناسه مو مهم الي صار المهم انه النتيجه صارت لصالحها:عيل قولي شفيك
                جراح:تعبان بريح شوي وبعدين بروح الشركه
                غرور:اي والله حتى انا جسمي متكسر ولازم بعد ساعه اروح الشركه
                جراح:دام جذي نامي شوي

                بليل قبل العشاء بنص ساعه وصل خالد البيت وعلى طول راح مع هنادي غرفت ليال وطلب من البنات يطلعون بره
                خالد اول ماشافها حن قلبه عليها :شلون بنتي الحلوه يقولون زعلانه
                ليال ابتسمة ابتسامه كلها حزن والدموع مليانه بعينها
                خالد:ماعليه مسحيها بويهي وانا بوج...وصدقيني جراح وغرور حسابهم عسير
                ليال:لا عمي لاتقول جذي واذا على جراح انا مسامحته
                خالد:بس انا ماراح اطوف الي الانج بنتي وما ارضى اي مخلوق يدوس لج على طرف
                ليال بقلبها والله فرق لو ابوي جان ذبحني وشرب من دمي
                خالد:سمعي وانا بوج انا عارف انه وجودهم يضايقج بس انا ابي جراح يكون بينه مابيها تلعب بعقله اكثر وانتي عارفه انها قدرت تبعده عنه سنه كامله
                ليال:لا عمي هذا ولدكم ومنحقكم يعيش بينكم
                خالد:وفوق هذا انا لمن وافقت انهم يسكنون عندنا الا الاني ابي جراح يشوف الفرق بينكم ويتقرب منج أكثر وهم ابيه ملاك تكون بينكم انتو الاثنين ...ليال وانا بوج انا ادري انه الموضوع صعب بنسبه لج بس ابيج تكونين قويه ابيج تردين جراح لج الانه اهو بالاساس لج انتي مو لها ...وانتي شايفه البيت كله بيبي ليال مو غرور ابيج تتحملين جراح شوي وصدقيني زواجه هذا موقت الانج انتي الاصل انتي الي تستاهلين تكونين حرم جراح خالد ال...
                هنادي:خالد هذي من اول يوم ادخلت خلت جراح يمد ايده علها بعد اسبوع شتسوي ..بتشب نار بالبيت
                خالد: مو على كيفها وطول ماراسي يشم الهوا محد يقرب صوب ليال
                ليال:مشكور وماتقصر ...عمي انا مابي اكون سبب المشاكل بالبيت
                هنادي:انتي تسببين مشاكل
                ليال:عمي لاتكلمه نابي تصير مشاكل بينكم بسبتي انا
                خالد:وانتي منو انتي وحده من بناتي والي يضرج يضرني ...ويالله بلا كلام زايد وقموي عشان نتعشاء
                ليال ماودها تنزل الانها تخاف تشوف جراح او غرور :بس
                هنادي:لا بس ولا شي يالله قومي
                خالد:اذا ماقمتي الحين البيت كله محروم من العشاء اليوم
                ليال ابتسمت وقامت باست راس خالد:الله لايحرمني منك
                خالد بكل حنيه:ولا يحرمني منكم يالله جدامي تراني يوعان
                ليال قامت مع خالد هنادي ونزلو تحت
                بصاله البنات كانو قاعدين ينطرون اخر الاخبار
                خالد:ها الحلوين متيمعين
                كادي:ننطر الحلو ينزل
                خالد:اممم ليش
                كادي:لا بس عشان العشاء
                خالد:اممم يعني مو عشان تعرفون الي صار
                دانه:والله بيني وبينك اكيد نبي نعرف
                خالد:سمعوني كلكم مابي اي وحده فيكم تيب طاري الموضوع جدام جراح او تقط اي كلمه عليه مهما كان هذا اخوكم الكبير ومانبي انزيد الطين بله الانه بحط حرته بليال وانا مابي هل شي يصير
                الكل:انشالله
                خالد:هنادي بلغي الخدم يزهبون العشاء...جنى وين ريلج
                جنى:الحين يبدل وينزل
                خالد:ماشي ...وجراح وينه
                كادي:فوق
                خالد:عطو خبر عشان ينزل
                كادي:انشالله
                على العشا الكل كان قاعد مكانه معدا جراح وغرور الي توهم نازلين ...وطبعا مكان جراح قاعده فيه ليال الي قاعده بين هنادي وملاك وبعد ملاك اريام وبالجها الثانيه طلال .جنى.دانه.كادي
                اول ماقرب جراح من الطاوله خالد تكلم قبل مايطلب جراح من ليال انها تقوم
                خالد:جراح اقعد قبالي
                جراح:انشالله يبا
                جراح قعد وقعدت يمه غرور الي كانت ميته وتشوف ليال بعد الي صار غرور اقعدت يم كادي ...وبلشو بالعشا الكل كان ساكت ماعادا ملاك الي تتأمر على ليال
                ملاك:مابي ابي دياي
                ليال كانت ساكته وتوكل ملاك
                ملاك:ابي عسير(عصير)
                وليال على نفس الحاله
                ملاك:ابي بتات
                اريام:وبعدين معاج انتي مادوختينا
                جراح بنبره حاده:اريام مالج شغل بملاك
                اريام:ازعجتنا ...مليقه اوووف
                ملاك:انتي مليعه
                اريام:هين اوريج مارح اخليج تدخلين غرفتي اليوم بس ماما ليال ...صج ام اللسان
                جراح:اريام قلت لج مالج شغل فيها
                اريام ولا جنها سمعت شي:ليال اكلي بسرعه عشان نصعد فوق ونخلي ملوكه عند ابوها
                ملاك:لا مالوح ابوها انا ابي ماما
                ليال:ريوم خلي البنت تاكل ...ماما ماعليج منها اكلي
                ملاك مدت السانها حق اريام وبعدها لفت ويها
                اريام:ول ول ول صج بنت جراح محد يقدر عليج
                جراح بفرح:اكيد هذي بنيتي ولازم تطلع مثلي قويه
                اريام:بس الله لايقول تطلع نفسك بكل شي
                جراح عطاها نظرت تهديد واريام ولا همها لفت ويها صوب ابوها وجنها تقوله دام ابوي موجود انت مالك كلام معاي
                وكملوا كلهم وهما ساكتين وبعد ماخلصو
                خالد:جراح الحقني المكتب
                جراح:انشالله

                بالمكتب
                دخل خالد ومن بعده جراح وقعدو قبال بعض
                خالد:انا مابي اعرف منك الي صار الانه امك كفت ووفت بس الي ابي اعرفه شلونا تمد ايدك عليها حتى لو كانت غلطانه مو جراح ولدي الاي يمد ايده على مره

                جراح:مسرع ماقالت
                خالد:ليال مالها دخل اريام اهيا الي قالت حق امك ....ولا تتهرب من السؤال ليش مديتا يدك عليها
                جراح:طلعتني من طوري ومادري شلون طقيتها
                خالد:هذا مو عذر ياما مريم طلعتك من طورك وعمرك مامديت ايدك عليها ....وطول عمرك اتقول الي يمد ايده على مره مو ريال ...شلي تغير الحين ...انت مو ملاحض نفسك حتى اسلوبك تغير مع خواتك كل هذا عشان غرور
                جراح:يبا غرور مالها دخل بالموضوع المشكله فيني انا
                خالد:وشنهي المشكله تكلم خل نحل الموضوع ابي ولدي يرجع مثل ماكان جراح الي يحب اهله ومايرضى عليهم جراح الي الكل يحسبله الف حساب ولي دخل اي مكان هزه هز
                جراح:وهذا انا ماتغيرت
                خالد:لا تغيرت وتغيرت وايد بعد جراح الي جدامي يمشي ورا كلمت مرته مو جراح الي يمشي العالم كله
                جراح بقلبه(وشلون ماتبيني اتغير بعد كل الي صار )
                خالد:جراح الي يهين ليال كأنه اهاني انا والي يضرها يضرني
                جراح كان مستغرب من كلام ابوه :ماعاش من يهينك
                خالد:ليال ماتستاهل منك هل معامله البنت من ادخلت البيت ماشفنا منها الا كل خير وحتى اريام تغيرت وايد بسبب ليال

                جراح:اي صح انا لاحظت هشي قبل ماكانت تشتهيها والحين ماتفارقها شلي قلبها مره وحده
                خالد:منو فينا ماتغير من دخلت ليال البيت حتى انا وامك صرنه نقعد بالبيت اكثر من قبل ....جراح انت تبيها ولا رديتها بس عشان بنتك
                جراح:لا يبا انا ابيها
                خالد ببتسامه:الحمدالله ريحتني ...جراح اليم ارتضاه على خواتك لاترضاه على بنات الناس وليال اهيا الي تستحق اتكون زوجه لك يمكن الفتره الي قعدت فيها مع غرور اكثر من الفتره الي قعت فيها مع ليال بس صدقني لي تقربت منها بتعشقها لي درجت الجنون ...البنت هذا طيبه وعلى نياتها والله سخرها لك ولبنتك ولو اي وحده بمكانها صدقني جان مارد تلك او عاملت بنتك بقسوه او ماضلت تنطرك سنه كامله للعلم اني عرضت عليها انها تتطلق وتعيش حياتها لكنها اصرت انها اتضل على ذمتك واذكر يومتها ماخلتني اتناقش معاها بالموضوع وقالت مستحيل تكون زوجه لشخص غيرك ...بالله ماتقولي ليش انطرت كل هل فتره ليش رضت تردلك بعد ماطلقتها وانت متزوج وحده اكبر منك ومنها قولي ليش
                جراح:اهيا ردتلي الاني طلعت اخوها من السجن مو عشاني
                خالد:يمكن يكون هذا سبب بس السبب الاساسي اهو حبها لك ولا مافي بنت تعيش مع شريجه عشان اخوها يطلع من السجن اهيا مو ملزومه تدفع ثمن اخطاء غيرها اهيا صغيره وحلوه وبعدها العمر جدامها وكان بمكانها تتزوج وتكمل حياتها بعيد عن الشريجه وبعيد عن بنت مو بنتها وتربي عيالها مو عيال غيرها .....جراح فكر بعقلك شوي واذا ماتبيها طلقها وخلها تروح بحالها واذا على الفلوس الي دفعتهم حق اخوها اليوم يكونون بحسابك
                جراح:لا يبا انا مادفعت الفلوس الا بطيب خاطر مو غصبن عني واذا على ليال انا ماجبرها انها تعيش معاي اذا ماتبي تظل معاي اهيا حره ولا راح اطلب منها شي
                خالد:كلامك يثبتلي انك ماتبيها
                جراح:لايبا مو هذا قصدي بس انا ما ابي اجبرها على العيشه معاي وهيا مو ملزومه بملاك انا ابوها وانا ملزوم فيها
                خالد:دام جذي لحظه ...وطلع تليفونه ودق على ليال
                ليال:هلا عمي
                خالد:بابا تعالي شوي المكتب
                ليال :انشالله...وراحت المكتب طقت الباب
                خالد:تفضلي بابا
                ليال ادخلت وهيا خايفه ومرتبكه وكان مبين عليها
                خالد:تعالي ليش واقفه ...تعالي قعدي عندي
                ليال راحت اقعدت عند خالد قبال جراح ..ومن كثر ماهي مرتبكا ريها كانت تهتز بشكل ملحوظ
                خالد:بابا هدي شفيج
                ليال:لاعمي انا هاديه مافيني شي
                خالد:اي مافيج شي وريلج الي جنها تليفون حاطينه على الهزاز شتسمينه
                ليال ارفعت راسها شوي عشان اتشوف ملامح جراح اذا معصب ولا لاء ...ولمن طاحت عينها عليه شافته يبتسم..وبقلبها(الحمدالله مو معصب)
                خالد:ماعلينا ...ليال ابي اسالج سؤال وتجاوبيني بصارحه ولاتخافين من جراح ابي جواب الي انتي تشوفينه يناسبج
                ليال:تفضل عمي
                خالد:اوكي...ليال انتي مو ملزومه تكملين مع جراح واذا حابه تتطلقين قولي من الحين
                وقبل مايكمل خالد كلامه ردت ليال بسرعه:لا مابي اتطلق
                خالد:اذا على ملاك انتي موملزومه فيها احنه اهلها وملزومين فيها ..واذا على الفلوس الي دفعها جراح ترى جراح مايبي منج شي ومادفعها الا بطيب خاطر ...شقلتي
                ليال:انا عارفه انه جراح مايبيني ولكني ماقدر اتطلق
                خالد:من قال جراح مايبيج ...مافي ريال يخلي على ذمته مره مايبيها واذا مومصدقه كاهو جدامج ساليه
                ليال اسكتت وكانت اتفكر بكلام عمها وكلام جراح لها انه ردها عشان تخدم ملاك وبقلبها(يمكن انحرج من عمي وقاله انه يبيني عشان لايجبره انه يطلقني ..بس)وقطع تفكيرها صوت خالد وهو يسال
                خالد:تبين الطلاق
                ليال:لاء ...انا ماقدر اعيش بعيد عن ملاك وجراح
                خالد:ليش
                ليال نزلت راسها وهيا منحرجه:الانهم ملكي ...ورفعت راسها عشان اتشوف تعابي رويه جراح ...الي كان مصدوم من كلامها وكملت...اي ملكي ملاك بنتي الي مايبتها وجراح ريلي الي سكن قلبي من اول يوم حتى لو تزوج علي بسبب او بدون سبب ماقدر اطلعه من قلبي وخلي غيره يسكن فيه ...الانه محد يستاهل يكون مكانه
                خالد ابتسم ابتسامه عريضه وهو يسمع كلام ليال وكانت عيونه على جراح الي تغيرت ملامحه الي صدمه و حزن وسعاده بنفس الوقت
                ليال:انا راضيه عيش طول عمري على هل وضع وسكتت شوي....يكفيني اني اشوفه كل يوم جدامي
                خالد:اخذ بالله عليك تحصل وحده مثل هل جوهره
                جراح نزل راسه وماتكلم ولا كلمه
                ليال بقلبها(ادري اني نزلت من نفسي وايد بس هل كلام مايي نقطه من بحر من الي بقلبي ويمكن كلامي بيترك اثر بقلبك ابيك تعرف انك ملكت كل شي فيني )
                خالد:دام جذي انا اخليكم ...وقام طلع من المكتب وصكر الباب وراه ...ورد الخوف يتسلل لي قلب ليال مره ثانيه
                جراح بنبره حاده:ترى ما آكل الاوادم
                ليال :.....
                جراح على نفس النبره:وبعدين اذا صار بيني وبينج شي لادخلين اهلي بالموضوع فاهمه
                ليال:انشالله
                جراح بستهزاء:وبعدين مو عيب عليج قاعده اتجذبين على ريال كبر ابوج ريال فتحلج بيته
                ليال ارفعت راسها وحطت عينها بعين جراح وعيونها مليانا دموع:انا ماجذبت وهذي مشاعري ومايب تشي من عندي الحب مو بالغصب والكره مومن طبعي حتى لو قسيت علي حتى لو ضلمتني بتظل ساكن بقلبي...ومو ليال الي تجرح الايد الين مدت لها ولا تجذب على انسان فتح لها بيته وعدها وحده من بناته ...وقبل ماتسمع اي رد قامت اطلعت بسرعه من المكتب الانها خايفه من ردت فعل جراح ...اما جراح كان بصراع بين يصدق ولا مايصدق كلامها كان يقنع نفسه انها مو صاجه والكلام مجرد فلم من افلامها

                بصاله
                البنات كانو ناطرين ليال ..واول ماطلعت راحت ابسرعه صوبهم وقعدت
                كادي:شصار
                ليال:بعدين اوووش
                اريام:اهم شي ابوي شقاله
                ليال:انتو شفيكم سكتو الحين يطلع ويسمعنات غيرو الموضوع
                اريام:اي صج داني شقررتي
                دانه:ليلحين افكر
                كادي:تفكرين بشنو
                اريام:عادل خطبها والاخت تفكر بذمه في وحده عاقل اطوف عادل من ايدها
                ليال:ريوم شفيج على البنت اهيا ماقالت ما ابيه قالت ليلحين تفكر انا من رايي لاتضغطون عليها خلوها على راحتها
                كادي:بس عادل خوش واحد
                ليال:والله ادري بس هم لازم تفكر بالموضوع وموشرط اذا ولد عمتج معناته لازم توافق اهيا مسألت راحه
                اريام:شلون يعني
                ليال:يعني يمكن يكون اهو يبيها بس اهيا مو متقبلت كزوج فهمتي اهيا مسألت تقبل الشخص الي بتعيش معاه ويعتمد اذا حست انها مرتاحه ولا خايفه من الزواج نفسه
                كادي:اي صج دانو انتي ماتبين عادل ولا خايفه من الزواج
                دانه:مادري اخاف افشل مره ثانيه
                اريام:شكووو ...على فكره انتي مو اول وحده تتطلق وترد تتزوج
                ليال:اذا تبين رايي روحي صلي استخاره وشوفي شتحسين فيه وبعدها قرري ...وانتو لاتضغطون عليها خلوها على راحتها
                اريام:عين العقل يالله قومي صلي
                ليال:وين ملوكتي
                اريام:راحت مع طلال وجنى الجمعيه
                ليال:بملابسها هذي ولا بدلتيها
                اريام:طبعن بدلت هذي تطلع من البيت مو كاشخه تموت
                ليال وهيا اطق اريام على الخفيف:اسم الله عليها ...وبعدين خليها تكشخ شحارج
                اريام:والله صج صج بنت جراح بكل شي راسها يابس واذا تبي شي لازم تسويه
                جراح كان واقف بعيد يبي يسمع الكلام الي يدور بين البنات...وبعدها طلع من المكتب وصعد الجناح
                ايارم :راح يالله قولي شصار
                ليال :امشو فوق احسن
                اريام:اي احسن عشان ناخذ راحتنا

                بجناح جراح
                الصاله كانت ظلمه ...راح وقعد على اقرب قنفه ورد راسه لي ورا وهو متضايق حيل من كل الي صار يحس نفسه ضايع مو عارف وين ارضه من سماه ...حس بخطوات تقرب صوبه فتح عينه وشاف غرور بكامل زينتها
                جراح وهو يبتسم:تدرين فيني ما اقاوم كل هل جمال
                غرور:والجمال هذا كله لك بروحك ويحقلك تستمتع فيه
                جراح سكت شوي الان تذكر كلمت ليال وبعدها طرد الكلمات الي قالتها من مخه :اممم
                غرور كانت حاسه انه خالد بسمع جراح جم كلمه وفوق هذا بحاولون يحسنون صورت ليال بعينه واهيا ينزلونها عشان جذي كانت حاسبه حسابها حق كل شي كانت مجهزه ليله حمره مثل مايقولون عشان تخلي تفكيره كلها معاها
                جراح:انقوم للغرفه
                غرور:اممم يالله

                بغرفة ليال
                اريام صرخت على ليال:غبيييييييييييييييااااااااااااا وتضلين طول عمرج جذي...شكو تقولن له هل كلام الحين يقول ميته علي ولو شنوا سوي فيها بتسكت الانها تحبني
                ليال:هذا الصج
                دانه:ريوم ويهد ليش الصراخ
                اريام:هذا تبط الجبد
                دانه:مو يمكن كلامها بأثر فيه وبيتغير كل شي
                اريام:صج انكم اغبيه حبيتي انتي وياها الريال مايحب الوحده الضعيفه والمكسوره حتى لو كانت تموت فيه ماراح يهتم لها ..اما المره الذكيه الي تحب نفسها اكثر من اي شي المره الي صعبه بنسبه له المره الي مو كل شي يقدر ياخذه منها بسهوله هذي المره الي يحسب لها الف حساب هذي المره الي تيب راسه وراس عشره منه
                كادي:حشى حرب
                اريام:اي حرب ...انا ماقولج كشتي فيه بالعكس خلج طبيعيه بس لاتبينين له حبج او ضعفج له ...اذا انحرم من الشعور هذا بيسوي المستحيل عشان يسمع منج هل كله
                ليال:ماضنتي دام في من يقوله ماتوقع بينطرها مني
                اريام:لا حبيبتي الرييال يحب الشي المحروم منه م والي بين اديه ...سمعيني كلمت احبك والحجي الفاضي الي قلتي هذا احتفضي في لنفسج ...ولاتفكرين اتقولين هل كلام الا ابأوقات رومنيسيه بينكم وبس
                ليال:انا ابيه يعرف اني احبه ومتمسكه فيه ليلحين
                اريام:وكاه عرف صدقج ...ولا طلق السعلوه الي عنده ...ليال انا ما اقولج هل كلام عشان احبطج انا ابيج تسحبينه صوبج بطريقه ذكيه ..خليه اهو يركض وراج مو انتي تركضين وراه
                ليال:ماتوقع بيركض وراي وعنده بديل
                اريام:لا حبيبتي اذا نفذتي كل كلمه اقولها لج بيركض وراج مثل المينون بعد
                ليال نزلت راسها وهيا متضايق:احس انه علاقتنا ابعض انتهت من يوم الي سافر فيه
                اريام:ولو انه جراح مايستاهلج بس ابي ابرد جبدي بالعله الي عنده ...ليول انتي تبين جراح يرجع مثل الاول واحسن
                ليال بحزن:اكيد
                اريام:خلاص سمعي كل كلمه اقولها لج ونفذيها بالحرف ..وصدقيني خلال شهر بيلج يقولج اومووووت بالتراب الي تمشين عليه
                كادي:ليول انا من راي اريام سمعي كلامها وشوفي منتي خسرانه شي
                ليال:اوكي بس اذا صار شي انتي تتحملين النتايج
                اريام:لاتخافين انتي خلج وراي ومالج شغل ...بس اول شي لازم تغيرين شخصيتي كلها ليال ثانيه ...وفي شغلات لازم نتفق عليها ..اشارات اتكون بينه ومحد يعرفها غيرنا
                كادي:يااااي وناسه ههههههه قولي قولي
                اريام:اذا غمزت لج يعني طنشي وجنج ماسمعتي شي...حلو
                كادي بحماس :ا ياي حلو كملي
                اريام:وانتي شكو متليقفه انا ابي هذي تفهم انطمي شوي خليني اركز بالحركات عشان نحفضها مع بعض
                كادي بتذمر:انزين اوووف
                اريام:اذا لعبت بشعري يعني تدلعي ...واذا حكيت راسي استعبطي ...واذا طلب مج شي لاتسويه لين تشوفين اشارتي اذا اي او لا راح احرك راسي على الخفيف
                ليال:شنو طول الوقت بقعد اخزج
                اريام:اي لين تتعلمين شلون تتعاملين معاه فاهمه
                دانه:ممكن سؤال
                اريام:سالي
                دانه: شعرفج بهل سوالف
                اريام:الزمن يعلم الي مايتعلم وبعدين لاتضيعين الموضوع ودخلينا بموضوع ثاني ...وتكمل...واذا ابتسمت يعني ابتسمي بستهزاء او ضحكي بنفس الطريقه
                وضلو البنات يتفقون على كل الحركات الي بدور بينهم وغير الدروس الي بدت اريام تعطيها حق ليال

                بجناح جراح
                ليله الحمره انقلبت على غرور وصارت ليله مالها اي معنا او تفسير
                غرور بستغراب:جراح شفيك اليوم منت طبيعي
                جراح :تعبان
                غرور:من شنو لاتقولي من الشغل
                جراح:.....
                غرور:حبيبي قولي شفيك
                جراح:قلت لج تعبان ...وعطاها ظهره ...تصبحين على خير
                غرور :وانت من اهل ..وبقلبها(لاتتوقع اني بخليك لها انت تحلم هين ياليال انت ماشبيت بينج وبين جراح نار ماطلع غرور)
                اماجراح كان مغمض عينه بس ماقدر ينام ..من اول مادخل الغرفه مع غرور ونام على الفراش وهو يتذكر اخر ليله قضاها فيها بهل غرفه مع ليال حاول انه ينسى او يطرد التفكير من باله لكن ماقدر ...تذكر خوفها بجيها صدها له وعتذارها وداعها الحار له ...كل تفاصيل اليوم هذا مو قدر ينساه وفوق هذا الشكوك الي ليلحين اتدور اباله ووتصرفه معاها اليوم وكلامها عنه ...ظل على هل حال فكره توديه وفكره تيبه لي داخ ونام

                ثاني يوم الصبح على اليروق الكل كان قاعد معادا ليالالي ليلحين مانزلت
                خالد:ريوم وين ليال
                اريام:اتبلد ملوكه وتنزل
                خالد:روحي شوفيها خلصت ولا بعدها
                اريام:ان شاء الله ...وقامت من مكانها تبي تصعد شافت ليال نازله من السلم ...زين خلصت ست الحسن ودلال تبديل
                ليال:طبعن ست الحسن ودلال هذي ملوكه الحلوه صح
                ملاك:صح
                ليال بصوت واطي:جراح موجود
                اريام:اي بس مثل ماوصيتج ولا جنه موجود
                ليال:اوكي....وراحو صوب الطاوله ...صباح الخير
                الكل معدا غرور:صباح النور
                ليال راحت باست راس خالد
                خالد:تحبين الكعبه يبا...ملوكه وين بوسه بابا
                ملاك باست خالد :بعد ماما
                ليال راحت عند هنادي باست راسها وبعدها ملاك باست خد هنادي
                هنادي:حياتي والله نمتي عدل
                ملاك:اي وناسه
                طلال:ههههه ناسه على شنو....تعالي بوسيني ترام اكو جمعيه مره ثانيه
                ليال:ولي عافيك طلال مره ثانيه لا توديها الجمعيه باليل
                ملاك:ابوس عمي
                ليال راحت صوب طلال وملاك نزلت نفسها وباسته
                ملاك:وديني جميه
                طلال:عفيه على الشاطر ...اذا ماما ليال رضت اوديج
                ملاك وهيا تشوف ليال:عمي وديني
                ليال:يوديج بس ما تشترين خرابيط
                ملاك:لا ماشلي حلابيط
                الكل:هههههههه
                ليال وهيا ماشيه عشان تروح صوب الكرسي وقفها صوت جراح
                جراح:ملوكتي انتي سويتي بوسه حقهم كلهم وانا لا وين بوستي
                ملاك:وديني جميه
                جراح:اصيرلج جمعيه اذا تبين مو بس اوديج
                ملاك:وديني
                جراح وهو يضحك :اي اوديج
                ملاك تكلم ليال:ابوس
                ليال صارت عينها على اريام الي كانت اتحرك راسها بأي ...وراحت صوب جراح واول مانزلت نفسها عشان اتبوس ابوها جراح سحبها من ايد ليال
                جراح وهو يبوسها ويشم ريحتها :اوووفي عسل عسل ...ويرد يبوسها
                ملاك:وديني جمييه وايد
                جراح :انتي شنوا لبوس عندج بثمن
                اريام:توك تدري انه بنتك مصلحجيه
                ليال كانت عينها على جراح ملاك وهيا تبتسم على معاملت جراح حق ملاك
                غرور :خير شفيج واقفه وتتبوسمين
                ليال استغربت منها وبدون ماتشوف اريام:لي شفتيني ابتسمت لج تكلمي انا قاعده اشوف بنتي وهيا مستانسه بحضن ابوها
                غورو:وشنو الوناسه بالموضوع
                ليال:شلون ماتبيني استانس وانا اشوف دلوعتي مستانسه مع ابوها ...الله يخلي لنا ويطول ابعمره ويكون ذخر لي ولها
                جراح:خليها عندي انا بوكلها
                ليال:ماشي ولفت ويها عشان تمشي..لكن اوقفت من اسمعت ملاك اتناديها
                ملاك:ماما شيليني
                ليال:ليش ماما ماتبين تقعدين عند بابا جروحي
                غرور:اسمه جراح
                ليال شافت اريام تغمز لها ...طنشت غرور ...وكلمت ملاك...بس بابا جروحي يبي ملوكه حرام بعدين بابا يزعل من ملوكه ومايوديج جمعيه
                ملاك صارت تحوم عينها بين جراح وليال
                جراح :هههههههه تفكرين بعد ....وباسها على خدها ...خلاص اخذيها
                ملاك:وديني جميه
                جراح:من عيوني
                ملاك:لا موعيوني روح جميه
                جراح:ههههههه يالخايسه اوديج لاتحاتين ...ورد باسها وهو يلمها حيل ...يالله روحي اكلي الحين وبعدين انروح الجمعيه
                ملاك:دين
                ليال وهيا تاخذ ملاك من ايد جراح حاشت ايد جراح بدون قصد وبسرعه خذتها ومشت ..اما جراح من حاشت ايده وجسمه كله تكهرب وبين عليه انه عتفس مره وحده وعشان لايحسون بشي
                جراح:اريام لو سمحتي مره ثانيه لاتناشبين بنتي على شي
                اريام:الحين منو اليم ناشب اثاني انا ولا اهي ...مومخليتلي شي صاحي ...اي زين الي ذكرتني حبيبي ابي فلوس
                خالد:ليش بابا محتاجه شي
                اريام:الا اشياء مو شي
                خالد:خلاص الحين اخلص وعطيج الي تبينه
                اريام:لا بابا مشكور انا ابي من جراح الانه ست الحسن ودلال مخربه كل مكياجي وابي ...فليش انته تدفع مو جراح ابوها يتحمل
                جراح:مو ضورور
                اريام:نعم شنو الي موضروري
                جراح:يعني لازم تلطخين ويهج لمن تطلعين
                اريام:اي لازم ...وبعدين مو بس ابي ميك اب بنتك مضيعه عطري المفضل
                جراح:مو لازم
                اريام:حبيبي بتدفع يعني بتدفع مالي شغل
                جراح وهو يبتسم:خلاص لاتبجين علينا ...وطلع بوكه من مخباته اخذ كرت البنق منه...تعالي اخذي الكرت
                اريام :يااااااااااااااااااي وناسه الكرت مره وحده ...وبسرعه راحت خذت الكرت ....ولمن ردت باست ملوكه...كل يوم خربي اغراضي دام فيها كروت خربي على كيفج
                غرور بصوت واطي:ليش تعطيها الكرت ماتعرف تسحب وتعطيها
                جراح:مو انا الي ابخل على خواتي
                كادي:ملوكه تعالي غرفتي ماتبين تلعبين
                الكل:ههههههه
                ليال:يما منكم الحين صارت ملوكه عزيزه والكل يبيها طلعتو انتو المصلحتكم مو بنتي
                جراح:مايحتاج تخرب اغراضج ...كل الي بالكرت حلال عليكم
                اريام بفرح:كلا كلا
                جراح:لا طبعا مو كله صرفو على قد حاجتكم
                طلال:لا عزت الله ماخلوك على الحديده
                اريام:ليول يالله اكلي بسرعه عشان انروح السوق
                ليال:انتو روحو انا اليوم لحد يكلمني ورانا تطعيم
                هنادي:اليوم عندها تطعيم
                ليال:اي يما بس تخلص بوديها الطبيب
                كادي:الله يعينا على الحنه اليوم
                خالد:عيل اخذي وحده من البنات معاج
                ليال :مايحتاج اروح مع حمود
                اريام:اممم ماما شرايج انتي تودينها حق التطعيم وليال اتي معانا السوق ...منها تشتري اغراض بدال الي نقطو بالزباله
                ليال:لا وين اي معاكم ماقدر اخليها بروحها
                كادي:امي معاها يعني مو بروحها
                هنادي:اي يما انا اوديها وانتي روحي مع البنات دام ريلج اليوم فاتح ايده على الاخر ورحي جهزي جهاز عروس وغمزت لها .
                ليال انحرجت الان كلام هنادي مفهوم حتى لو كان نغزه بس مفوم:لايما انا اوديها ملوكه ماترتاح الا معاي
                كادي:كيفج انتي الخسرانه
                اريام:لاحبيبتي كل شي باخذ منه ثنين لي ولها وكله على حساب جريح
                غروربصوت واطي:اشوف عاجبك الوضع
                جراح:اي وضع
                غرور:انت عارف شقصد
                جراح:وانا قتلج مو انا الي ابخل على خواتي ....وقام من الطاوله ...الحمدالله
                غرور قامت وراه على طول ...جراح صعد الجناح وغرور اصعدت وراه وهيا معصبه
                واول مادخلت
                غرور:ممكن اعرف شلي سويته تحت
                جراح ابرود:ما عتقد اني سويت شي غلط
                غرور:ليش تعطيهم الكرت
                جراح:للمره المليون اقولج مو انا الي ابخل على خواتي ولو سمحتي مره ثانيه ماتتدخلين بيني وبين خواتي فاهمه
                غرور:ماقلت شي بس ليش يشتروح حق ليال من فلوسك
                جراح:عيل من فلوس منو تشتري
                غرور:مو شغلي انشالله اتطر اتبوق اتخربط وطلع فلوس
                جراح بصراخ:غرور ثمني كلامج شنو تخرب وين قاعدين لاتنسين انها على ذمتي وشايله اسمي وانا ملزوم فيها
                غرور:لا منت ملزوم فيها اهيا خدامت بنتك وبس
                جراح:حتى الخدم لي صارو بسمي اصرف عليهم
                غرور:اصرف على الكل الا اهي تفهم شنوا لا اهيا
                جراح :اوووهوو انتي الحجي ضايع معاج اروح الشركه ابرك لي ...وطلع
                غرور بعصبيه:هين ياليال والله حسابج معاي عسير

                بعد ساعه بالشركه جراح كان حايس ويدور على ملف مو لاقيه
                جراح:اوووف معقوله نسيته بالبيت ...ودق على غرور
                غرور :هلا حبيبي
                جراح:وينج
                غرور:بالشركه
                جراح:اوووف ...اوكي خلاص
                غرور:بغيت شي
                جراح:بغيت اشوف الملف اذا ناسيه بالبيت عشان ايبونه لي
                غرور:دق على البيت خل ايبونه لك
                جراح:ماكو الا جذي
                غرور لازم اتقرب جراح منها اكثر مهما صار ماتبي تخسره:حبيبي انا اسفه كنت متضايقه وايد اليوم لاتزعل مني احبك واغار عليك مو بيدي صدقني
                جراح:لو تكبيرن عقلج شوي احنه بخير
                غرور:اخاف تاخذك مني
                جراح بستهزاء:منو تاخذني منج ...بالاول خل يصير لها مكان عشان تاخذني ولا ماتاخذني
                غرور:يعني مالها مكان بقلبك
                جراح:لا طبعن ...انتي الي سكنتي القلب
                غرور:وااي ياقلبي انت
                جراح:اوكي خل ادق على البيت وانتي شوفي شغلج
                غورو:اوكي حبيبي باي
                جراح باي....والله الحريم ناقصين عقل ...ادق على منو البنات بسوق خل اشوف امي ....ودق على هنادي ماردت ودق على البيت هم محد رد.....ماكو الا ليال بس جم رقمها ...خل اشوف مسيف ولا لاء...وهو يدور شافه مسيف بسم كل شي بحياتي.. ...غير الاسم ودق

                بفلاة خالد
                ليال كانت بغرفتها تبدل عشان تطلع كانت متواعده مع محمد انهم يلتقون عند الدكتور ...وهيا تلبس رن التليفون وتفاجأت بالي متصل (حبيبي)
                ليال:جراح غريبه...وردت عليه ...الووو
                جراح:وينج
                ليال:بالبيت شوي وبطلع
                جراح:اوكي شوفي على الطاوله تحت في ملف لونه ابيض انا ناسيه اذا لقيتيه دقي علي
                ليال:انشالله ...وراحت اول مانزلت شافته موجود على طاولت الطعام...ودقت عليه
                جراح:هلا
                ليال:الملف موجود
                جراح:اوكي قطيه علي وانتي طالعه
                ليال:وين اقطه
                جراح:بلا غباء وين يعني يبيه الشركه
                ليال:بس انا ما ادلها
                جراح:تعالي مع السايق اهو يدل الشركه
                ليال:خالتي طالعه معاه ...عطني العنوان وانا اي
                جراح اوكي
                ليال بعد ماكتبت العنوان على ورقه خذت ملاك وطلعت من البيت
                بالشركه
                اوصلت ليال وسالت عن مكتب الجراح وراحت اهيا مع ملاك
                ليال:صباح الخير
                السكرتيره:صباح النور
                ليال:ممكن ادليني على مكتب جراح
                السكرتيره :عندج موعد معاه
                ليال:لا بس اهو ناطرني
                طلال طلع من المكتب وشاف ليال :اوووه ليال عندنا حيالله من يانا
                ليال:الله يحيك
                طلال:توه مانورت الشركه
                ليال:منوره بصاحبها
                طلال:وانتي صاحبت مكان حياج ليش واقفه
                ليال:لا بروح مستعيله بس كنت يايبه الملف حق جراح
                طلال:لا مايصير اتين الشركه ومانضيفج
                ليال وهيا تبتسم:ماعليه خلها مره ثانيه مابي اتأخر على محمد
                طلال :على راحتج...ويكلم السكرتيه ...هنوف مدام ليال حرم الاستاذ جراح وهذي بنتهم ملاك
                سكرتيره بستغراب:الي اعرفه انه الاستاذه غرور اهيا زوجته
                ليال:انا زوجته الاولى
                السكرتيره بقلبها(انتي الاولى والله فرق كبير بينكم...توني اكتشف انه الاستاذ جراح ماعدنه نظر) وبحراج:سامحيني ماعرفتج
                ليال ببتسامه:عادي حبيبتي ماصار شي
                طلال:خل اقول حق جراح انج موجوده...هنوف جراح عنده احد
                السكرتيره:لا تقدر تتفضل
                وقبل مايدخل طلال تبطل باب المكتب وطلع جراح
                جراح:زين الي وصلتي عطيني الملف...وبعدها انتبه على ملاك....فيديت الحلوين والله انا اقول الشركه منوره اثاري حبيبت ابوها موجوده ...وراح صوبها اخذها من ليال وباسها
                ملاك:وديني جميييه
                جراح:انتي ليلحينج مانسيتي
                طلال:هذي تنسك ولا تنسى
                جراح وهو يبوسها:خلاص باب لمن ارجع العصر اوديج
                ملاك:دين
                جراح بستهزاء:شرايج بالشريكه
                ليال:الله يدمها عليكم من نعمه ويزيدكم من خيره
                طلال:تسلمين
                جراح:امممم الا ماقلتيلي شركتنا ولا شركت ابوج الفخم
                ليال بضيق:الفقر ماهو عيب ياولد الاكابر
                جراح من بين اسنانه :حسابج معاي بالبيت
                طلال:جراح مو وقتك .




                نهــــــــايــــــة البــــــــارت

                .
                .
                .
                للكـــاتبـــه :

                أحــــلاهم واتحداهــم .
                .



                .

                  تعليق

                  • "لحن الوفاء"
                    V - I - P
                    • Mar 2013
                    • 2413
                    #45
                    رد: عهدي مع الايام .. للكاتبه .. احلاهم واتحداهم . ./





                    * البـــارت الثالث و الثــلاثــــون *


                    *

                    ليال بخوف:تاخرت على الطبيب لازم امشي...وخذت ملاك ولفت عشان تمشي ...بس تفاجأت بأحد الموضفين ...الي ماتوقعت انها تصادفه بحايتها كلها...والموضف تفاجا من شافها وقرب صوبها
                    :ليال
                    ليال من شافته قرب صوبها ارجعت لي ورا لي الزقت بصدر جراح ...ولفت عليه وهيا تتنافض من الخوف
                    ليال بخوف نفس الخوف الي كان يصير معاها من يقرب منها جراح وبصوت واطي:جراح طلعني من هني بسره ...جراح عفيه طلعني من هني
                    جراح الي من سمع اسمها على اللسان الموظف وهو خايف ومستغرب ومعصب بنفس الوقت مسكها من زندها بقوه:تعرفينه
                    ليال:اي هذا يعقوب
                    جراح وجنه واحد معطيه طراق على ويها وبصوت واطي:يعقوب ماغيره
                    ليال وهيا تتنافض:اي اهوا والي عافيك طلعني من هني
                    يعقوب:ليال ..ليال
                    طلال:انت اتعرفها
                    يعقوب:اي ليال كانت زوجتي
                    جراح بقمت العصبيه وخر عن ليال ومسك يعقوب من ملابسه:لاتقول زوجتي فاهم
                    يعقوب:عفوا استاذ جراح انا ماقلت شي غلط
                    جراح:الا غلط وستين غلط
                    ليال بخوف:جراح جراح
                    جراح راح صوبها وتفاجا بالدموع الي على خدها
                    ليال:طلعني من هني
                    يعقوب:ليال ممكن اشوي...ابي اقولج شغله
                    جراح كان ناوي يروح له بس ليال مسكته من ملابسها وهيا
                    ليال بخوف:لاتخليني
                    جراح ضل فتره يطالعها وهو مستغرب من تصرفها ومن خوفها ...اخذ ملاك وعطها حق طلال
                    جراح:طلال وصلها البيت
                    ليال:لالالا انت جراح عفيه لاتخليني
                    جراح الشكوك بدت اتزيد عنده :طلال اخذها البيت
                    يعقوب:عفوا استاذ جراح انت تعرف ليال
                    جراح:مو شغلك ...جدامي ادخل المكتب ابيك
                    ليال مسكت جراح من ملابسه:بالاول ودني البيت
                    جراح :انا قلت روحي مع طلال
                    طلال:ليال امشي معاي
                    جراح:ولا تدري اخذا المكتب لين اخلص من هذا
                    طلال:انشالله
                    جراح:يفضل جدامي المكتب
                    يعقوب مشى وهو مستغرب ومو عارف شعلاقة ليال بجراح وطلال...أما ليال راحت المكتب مع طلال ...وطلال وصى السكرتيرة انها تقعد معاها عشان يشوف جراح...وراح لهم المكتب

                    بمكتب جراح
                    دخل يعقوب وجراح ومن بعدهم طلال
                    يعقوب:خير استاذ جراح في شي
                    جراح:شي قول اشياء ادورك بسما ولقاك بالارض
                    يعقوب:آمرني
                    جراح:اول شي قولي..شلي بغيته من ليال
                    يعقوب :موضوع بينه
                    جراح بعصبيه:وانتو من متى في مواضيع بينكم
                    يعقوب بستغراب:عفوا استاذ جراح انت شعلاقتك ب ليال
                    جراح بعصبيه:ليال زوجتي
                    يعقوب بستغراب:زوجتك من متى
                    طلال:وان تشكو من متى
                    يعقوب:آسف مو قصدي بس الي اعرفه انه الاستاذه غرور اهيا حرم الاستاذ جراح
                    جراح بعصبيه:لادخل نفسك بشي مايعنيك وقولي شلي تبيه من ليال
                    يعقوب:......
                    جراح بصراخ:ماتتكلم ليش ساكت
                    يعقوب:ابي اعتذر منها
                    جراح بستغراب:على شنو تعتذر
                    يعقوب:آسف استاذ جراح الموضوع حساس ويخصني وماقدر اتكلم فيه حتى لو كان عندك علم بالموضوع
                    طلال:بس جراح زوجها ومن حقه يعرف انت شتبي فيها
                    يعقوب:زوجته على عيني وعلى راسي بس مثل ماقلت لكم الموضوع يخصني
                    جراح :طلال روح يب ليال بسرعه
                    طلال:انشالله...وطلع من المكتب
                    السكرتيره :استاذ طلال مدام ليال موموجوده طلعت
                    طلال:متى طلعت
                    السكرتيره:توها يمكن تحصلها عند باب الشركه
                    طلال:يعطيج العافيه
                    السكرتيره :الله يعافيك
                    طلال رد دخل المكتب:جراح ليال طلعت من الشركه
                    جراح بقمت العصبيه:انحاشت...اكيد انحاشت
                    طلال:جراح شفيك تنحاش من شنو ووين اتروح
                    جراح يكلم يعقوب:انتفاهم بعدين ...وخذا اغراضه وطلع من المكتب على طول

                    بسارة ليال
                    كانت ميته من البجي والخوف من تذكر الماضي المخيف بنسبى لها حتى ملاك صارت بجي معاها الانها خايفه من بجي امها...ليال دقت على اريام وهيا تبجي
                    اريام :هلا ليول
                    ليال وهيا تبجي:اريام تعالي البيت بسرعه الله يخليج
                    اريام:ليال شفيج شصاير عيوز خيبر سوت لج شي
                    ليال :لا بس تعالي بسرعه البيت
                    اريام:ليول صبيتي عضامي موقادره اتحرك قوليلي شفيج
                    ليال:انا خايف عفيه لاطولين علي
                    اريام:كاني يايه مسافت الطريج وانا عندج ....اريام بطريج رايحه السوق مع كادي بس من سمعت صوت ليال غيرت طريجها وتوجهت للبيت
                    كادي:شفيها
                    اريام:مادري الله يستر ياجراحوو مسوي فيها شي او غرور
                    كادي:تعالي صج اهيا كانت بتروح اطعم ملوكه ليكون صار فيها شي
                    اريام:مادري كل شي جايز
                    بسيارة جراح
                    جراح كان خايف كثر خوف ليال او كثر منها ...والي صار جدامه خلاه يصدق انه ليال مو بنت وانها نحاشت من الشركه عشان لايعرف شي عن الموضوع ...كان يسوق بسرعه جنونيه ودق عليها اكثر من مره ماردت عليه
                    جراح بعصبيه :ردي ردي...وين بتروحين مني هين ياليال انكشفتي خلاص

                    فلاة خالد
                    هنادي كانت توها داشه البيت ومن الحر راحت اقعدت بصاله عشان تريح وبعدها تصعد جناحها
                    هنادي:أني ..آني
                    آني :نعم مدام
                    هنادي:يبيلي ماي بارد
                    آني:اوكي ..وراحت
                    بهل وقت ادخلت ليال وهيا شايله ملاك وتبجي
                    هنادي بخوف:بسم الله يما شفيج
                    ليال نزلت ملاك وراحت قطت روحها بحضن هنادي ونفجرت من البجي
                    هنادي:بسم الله عليج يما شفيج ليش تبجين جذي
                    بهل وقت وصل جراح
                    هنادي:يما شفيج قولي
                    جراح من شافها زاد ارتباكه وخوفه وكان يرجف الانه خايف يسمع الحقيقه الي اهو متوقع انها حقيقه
                    هنادي:جراح يما شفيكم
                    جراح بصوت يرجف:قوليلي شيبي فيج شلي بينكم
                    هنادي:من تقصد
                    جراح:يعقوب طليقها
                    ليال كانت تبجي وتشاهق
                    ادخلو البنات اريام وكادي وشافو ليال بحظنا مهم تبجي
                    اريام:جراح شلي صاير شفيها ليال
                    جراح بصراخ:ليال تكلمي شلي بينكم
                    ليال وهيا تبجي وتصارخ :مابيني وبينه شي
                    جراح:عيل ليش خفتي اول ماشفتيه وليش قالي انه في موضوع بينكم
                    ليال وهيا تبجي وتشاهق:جذاب والله جذاب ..انا مادري عنه من يوم الي تطلق فيه
                    هنادي:جراح ممكن تهدى شوي وتفهما الي صار
                    جراح :كانت يايبتلي اوراق الشركه وبصدفه اكتشفت انه طليقها موظف عندي ...والاخ مايدري انها زوجتي كان من شافها استانس لكن المحترمه من شافته خافت
                    اريام:ليال محتره غصبن عن الكل ...وبعدين هذا طليقها مو رفيجا الي تقولها جذي
                    جراح:انا عارف انه طليقها بس ليش خافت اول ماشافته اكيد في شي ماتبيني اعرفه ...اكيد في مصيبه اهو يعرف عنها وانا لا عشان جذي خافت لاتنكشف
                    هنادي:انت شتخربط اي مصيبه تتكلم عنها
                    اريام:قصدك انه ليال ليلحين على علاقه فيه
                    جراح:لا مو هذا قصدي
                    اريام:دام مو هذا قصدك فهنا شتقصد
                    جراح وهو يرجف:ليال اقسم بالله اذا ماتكلمتي والله ادفنج بالحيا ...تكلمي ليش خفتي اول ماشفتيه ليش قلتيلي لاتخليني ليش اصريتي انج تطلعين بسرعه
                    ليال وهيا تصارخ وتبجي:الاني اخاف منه
                    جراح ماقدر يصلب طوله اكثر قعد على القنفه ومن خوفه من الي بيسمعه شفايفه صارت ناشفه والكل استغرب من خوف جراج:ليش تخافين منه انتي مو على ذمته
                    ليال:الاني تذكرت الي صار بيوم عرسي...وزاد بجيها
                    جراح وصوته يدوب يطله :وشلي صار بهذاك اليوم
                    ليال :آآآآآآه وتبجي وترجف
                    اريام:ليول حبيبتي هدي شوي مهما الي صار بهذاك اليوم اهو صار وخلص
                    ليال:لا ماخلص اليوم هذا مو قادره انساه اليوم هذا كان سبب تعاستي بدنيا مستحيل انسى الي صار مستحيل
                    هنادي:يما بس والله قطعتي قلبي وبعدين انتي الحين على ذمت جراح يعني محد يقدر يقرب صوبج او يأذيج بشي
                    ليال:يما انا تعبت والله تعبت
                    اريام:انسي ليول خلاص..واذا عليه جراح يطرده من الوظيفه وخلاص
                    كادي:مافي شي يستاهل صدقيني
                    جراح:ليال تكلمي شلي صار بهذاك اليوم
                    هنادي:تكلمي يما يمكن لي طلعتي كل الي بقلبج ترتاحين
                    جراح بصراخ:اكيد كانت السالفه فيها فضيحه عشان جذي ماتقدرين تنسين
                    ليال بصوت يرجف:اي
                    جراح من سمع هل كلمه ويها صار اصفر وريجه نشف:شنو الي اي
                    ليال وهيا تبجي:الي صار لي بهذا اليوم خلاني اكره نفسي والعن الساعه الي تزوجت يعقوب فيها
                    اريام:ليش
                    ليال:لمن رحنا الفندق اهو دخل الحمام وانا ضلي تقاعده على السرير
                    الغيره بدت اتشب ابقلب جراح بس كان حاس انه الموضوع فيه شرف:وبعدين
                    ليال:بعد فتره طلع من الحمام ...وردت بجت
                    جراح بصراخ:لاتبجيت تكلمي شلي صار
                    ليال وخوفها بدا يزيد من تذكرت اللحظه هذي:قالي ...قالي
                    جراح:شقالج خلصيني
                    ليال:قالي حبيبي المفروض انا الي استحي مو انت ...حسيت انه في شي غلط بالموضوع ولمن رفعت راسي بشوف ...وانصدمت لمن شفته لابس لابس ملابس بنات وحاط مكياج
                    كادي :جنس
                    ليال وهيا تكمل:ماصدق الي شفته بعيني قبل شوي كان بكامل رجوته وقاعد يمي على الكوشه والحين بلابس بنات ومكياج شكله ...وصارت ترجف اكثر...قلت يمكن متعمد يسوي جذي عشان لااخاف من او ارتبك اذا بيدخل علي ...بعدها قام يقولي كلام يخوف ...وصار يتلزق فيني وهو يطلم مني اني انا ..انا ....ولمت جسمها بيدها اثنتين وصارت تتنافض
                    هنادي:حسبي يالله ونعم الوكيل فيه ...ولمتها حيل بس يما خلاص الي صار صار ...انسي
                    البنات كانو مصدومين من الي يسمعونه الانها اول مره تقول سبب طلاقها وبالاساس اهمه كانو متوقعين انه السبب مشاكل عاديه
                    اما جراح..صدمته بالي سمعه اكبر من صدمتهم بمليون مره ...كان بحاله لايرثا لها قلبه كان يطق بقوه انفاسه بدت تتلاشى يدوب ياخذ يتنفس:انتي شتقولين
                    اريام:ليال هدي حبيبتي الموضوع مايستاهل
                    ليال :شلون مايستاهل انا كنت ضحيت يعقوب انا رديت بيت ابوي بيوم عرسي تفهمين شنو بيوم عرسي ..سمعتي صارت زفت بسبته وتقولين لي الموضوع مايستاهل
                    اريام:ليول انتي الحين تزوجتي يعني الكلام الي نقال لايودي ولا يب والناس ماعندها شغل بطالعه ونازله تتكلم
                    جراح:كملي وبعدين
                    هنادي:جراح خلاص صكر الموضوع
                    جراح بصراخ هز البيت هز:لا مو خلاص بتتكم
                    هنادي:ارحم حالها
                    جراح:وانا من يرحم حالي صارلي سنه عايش بعذاب ابي ارتاح ...تكلمي ريحيني ..شلي صار بعدها قرب صوبج ولا لاء...تكلمي
                    ليال:كان يحاول
                    جراح وهو يرجف:نا....ولا لاء
                    ليال :لاء ماقدر الانيقدرت انحاش منه ودخلت الحمام وبعدها دقيت على فواز وقلت له الي صار وبعد دقايق فواز وحمود كانو عندي
                    جراح:وفواز شاف يعقوب بهل منظر
                    ليال:اي شافه وتهاوشو معاه وخذوني البيت بنفس الوقت
                    جراح :وليش ماقلتي لي من قبل عن السالفه هذي
                    ليال:انا عبالي انك تدري بالموضوع ...وانت عمرك ماسألتني
                    جراح :يعني انتي ليلحينج بنت
                    هنادي:جراح بالله عليك هذا سوال
                    جراح:يما ولي عافيج انا سالت ليال وابي اسمع منها
                    ليال:انتش تقول اكيد بنت اذا يعقوب مادخل علي وانت مادخلت علي اكيد بضل بنت
                    جراح :بس انا سمعت غير الكلام الي قلتيه
                    ليال بصمه:شلي سمعته
                    جراح:انج رديتي بيت ابوج بيوم عرسج الانج مو بنت
                    ليال من اسمعت جذي انقلبت 180 درجه :نعم شقلت ...انا مو بنت وانت صدقت هل كلام
                    جراح:.....
                    ليال :قولي صدقت الكلام ولا لاء
                    جراح وهو منحرج:شكيت بالموضوع الاني كل ماقربت منج تصديني
                    ليال قامت اتصارخ بشكل هستيري:انتش لون تصدق كلام ينقال عني انا زوجتك عرضك شرفك تعرف شنو شرفك ..ليش ماحطيت نعال بحلج الي قالك هل كلام
                    هنادي:ومنو الي قالك
                    جراح:سمعت وخلاص
                    ليال بصراخ:لا مو خلاص لمن تتكلم عن شرفي ماتقول خلاص تكلم قول منو الي قالك
                    جراح:سمعت ثنتين حريم بيوم عرسنا يقولون هل كلام
                    ليال من الصدمه قامت تصفق وتضحك ودموعها على خدها بنفس الوقت:برافو عليك برافو ياجراح
                    هنادي:انت اكيد ينيت
                    جراح ودمعته بعينه ويصارخ :اي ينيت ...ينيت الاني اعشقها ينيت الاني اموت بالتراب الي تمشي عليه ينيت الاني خفت الكلام يكون صحيح واخسرها
                    اريام:جراح انتش لون تشك بمرتك شلون تصدق حيالله كلام سمعته
                    كادي:انشالله هذا سبب زواجك عليها
                    جراح بضيق:اي هذا السبب الي خلاني اتزوج غرور ...انا كل ماقعت معاها اشوفها ليال كل ماحظنها اشوفها ليال ...كنت اتمتى انها تكون ليال بكل مواقفها معاي
                    اريام:عذر اقبح من ذنب
                    كادي:والحين صدقت انها بنت
                    جراح:.....
                    ليال ينت لمن شافته ساكت وبصارخ:قوم ودني المستشفى...قوم خلهم يفحصوني ويقولون لك اذا انا بنت ولا لاء....اقولك قوم
                    هنادي والبنات كانو يحاولن يهدونها لكن ليال صارت تصارخ بشكل هستيري
                    ليال:انا شريفه غصبن عن شواربك فاهم ولا لاء...قوم ودني المستشفى
                    هنادي:خلاص يما اهو مصدقج
                    ليال:صدق ولا ماصدق مايهمني انا ابي اثبت حق اي واحد يقولي انتي مو بنت
                    اريام:ليش قاعد قوم قوم تاكد انها بنت ومحد لمسها قوم عشان تعرف انتش كثر ظلمتها ولازلت تظلمها
                    جراح:اريام سكتي ترى الي فيني مكفيني
                    ليال:وشلي فيك اتهموك بشرف تكلم عنك ولا انا خنتك وفضل ريال ثاني عليك
                    جراح:ليال ممكن تهدين عشان نتفاهم
                    ليال:اتفاهم على شنو انت خليت فيها تفاهم حرام عليك سنه كامله وانت ظالمنتي بانواع الظلم وتقولي انتفاهم ...هذا شرف وشرف مافيه تفاهم ...جراح الحين بتقوم وبتوديني بدال الممسشفى ثلاث او اربع واذا ماوديتني اخلي عمي يوديني...بتقوم ولا لاء
                    جراح:ليال خلاص انا مصدق
                    ليال:لا ليش تصدق يمكن اكون جذاب هاو حاطه غشاء مرقع بعد ماتطلقت من يعقوب ...قوم ليش خايف المفوض انا اخاف مو انت
                    هنادي حن قلبها على ليال وحالتها :جراح قوم ودها
                    ليال:يما انتي تعالي معاي عشان تكونين شاهده على كلامهم
                    هنادي:يالله قوم
                    جراح قام وقامت هنادي
                    ليال:ريوم ديري بالج على ملوكه
                    اريام:لاتحاتين
                    هنادي بصوت واطي:حتى وهيا متضايقه تحاتي بنتك ...حرام عليك ياجراح والله حرام
                    اطلعو من البيت وبسياره طول الطريج كان الصمت يعم المكان
                    جراح على الراحه الي كان يحس بندم انه ماصارحها من اول يوم ....وبعد فتره وصلو للمستشفى
                    جراح:وين انروح اي قسم
                    هنادي:امراض نساء وولاده
                    وراحو القسم واخذوور وقعدو ينطرون..لين وصل دورهم
                    السستر:ليال احمد
                    ليال قامت ومعاها هنادي امها جراح ضل قاعد
                    ليال:ليش قاعد قوم عشان تسمع بذنك
                    هنادي:قوم يما قوم
                    جراح قام وهو يحس بضيقه مو طبيعيه من كل الي سواه فيها
                    دخلو عند الدكتوره
                    الدكتوره:خير ليال
                    هنادي مسكت ايد ليال عشان لاتتكلم :يما بنتي امس كان عرسها ونبي انشوف اذا ريلها دقخل عليها ولا بعد
                    الدكتوره:مومشكله تفضلي على
                    ليال قامت وراحت انامت على السرير بخوف :يما تعالي
                    هنادي قامت وراحت صوبها:لاتخافين يما بس تكشف عليج
                    ليال مسكت ايد هنادي بقوه كانت خايفه من الموقف او من الالم الي بتحس فيه اثناء الفحص
                    الدكتوره :ليال ممكن ترخين نفسج شوي
                    ليال تذكرت جراح:لحظ دكتوره...جراح
                    جراح:نعم
                    ليال كانت تبي تتاكد انه جراح بالغرفه وماطلع
                    الدكتوره:افحص الحين ولا
                    ليال غمضت عينها: اي
                    الدكتوره مت شافت ليال ووفحصتها :خلاص تفضلي
                    هنادي:بشري دكتوره
                    الدكتوره :ليال انتي صار بينج وبين ريلج شي
                    هنادي:ليش
                    الدكتوره:الواضح انه ماصار اي جماع
                    هنادي:ببتسامه:يعني لازالت بنت
                    الدكتوره:اكيد بنت
                    ليال وهيا تمسح دموعها :دكتوره ممكن اطلب منج طلب
                    الدكتوره:تفضلي حبيبتي
                    ليال :ممكن دكتوره ثانيه تفحصني غيرج
                    الدكتوره سكتت شوي وبعدها:انتي موواثقه من كلامي
                    ليال:لا انا متأكده من كلامج بس ابي اثبت حق ريلي اني طاهره ومحد لمسني
                    الدكتوره حن قلبها على ليال وحالتها:يعني الموضوع يختلف عن الي قالته امج
                    ليال:اي ...دكتوره ابي دكتوره ثانيه تفحصني غيرج
                    جراح:ليال خلاص كافي
                    ليال ولا جنها سمعت شي:دكتوره
                    الدكتوره:اوكي الحين اشوف لج اذا فيه احد فاضي...ودقت اتشوف ...ليال اذا دكتور عادي
                    ليال:لا طبعا مو انا الي اكشف على ريايل ...ابي دكتوره...واذا مافي احد فاضي انروح مستشفى ثاني
                    الدكتوره كلمت السكرتاريه وقالولها انه في دكتوره فاضيه ...دقت عليها وبس ماقالت لها شنو المشكله اطلبت منها انها تي وتشوف الحاله الي عندها ...وبعد دقايق ادخلت الدكتوره
                    الدكتوره2:هلا دكتوره
                    الدكتوره:ممكن تفحصين ليال امها تبي تشوف اذا اهيا بنت ولا لاء
                    الدكتوره2:متزوجه
                    الدكتوره:اي
                    الدكتوره 2:اوكي تفضلي
                    وراحت ليال مره ثانيه وفحصتها الدكتوره وقالت لهم نفس الكلام الي قالته الدكتوره الاولى مع شرح بعض التفاصيل الي تبيه انه ليال ماصار معاها اي شي من الجماع ...عشان تنفض بكارتها
                    ليال ودموعها على خدها:دكتوره ممكن تكتبين تقرير عن حالتي
                    الدكتوره:حبيبتي مايحتاج دام امج وريلج تأكدو انج بنت مايحتاج تقرير
                    ليال:لا يحتاج عشان احط التقرير بعين اي واحد يتكلم عني
                    الدكتوره :انشالله وكتبت تقرير عن حالت ليال بتفصيل
                    ليال ماكتفت بدكتورتين ...واصرت انها تروح اكثر من مستشفى ويكشفون عليها ...وبالفعل جراح اخذها على مستشفى ثاني وثالث وكل الي فحص ليال قال نفس الكلام وكانت تطلب من كل دكتوره انها تكتب تقرير لحالتها
                    وبعد الفراره بين المستشفيات ردو البيت

                    بفلاة خالد
                    دخلت ليال وصعدت على طول غرفتها بدون ماتتكلم ولا كلمه ...دخلت الغرف وقفلت الباب عليها وقعدت على الارض تبجي بحرقت وصوتها هز الغرفه هز...كانت مصدومه حست انها انكسرت انها نطعنت انها انجرحت جرح كبير ومن اقرب انسان لها
                    اريام اسمعت صوت بجيها وراحت طقت الباب عليها
                    اريام:ليال بطلي الباب...ليال الله يخليج بطلي
                    لكن ليال كانت بعالم ثاني علم كله حزن ودموع عالم كله هم وكدر وضيق
                    اريام ودموعها على خدها:ليول حبيبتي بطلي الباب اله يخليج ...ليول حبيبتي انا اريام انا توأم روحج بطليلي الباب
                    ليال وهيا تبجي وتشاهق:اريام خليني بوحي
                    اريام:شلون اخليج وانتي بهل حال بطليلي الباب ووعدج ما اسألج عن شي ...ليول اعتبريني موموجوده بالغرفه بس بطليلي الباب
                    ليال:خليني بروحي تفهمين مابي احد
                    اريام اقعدت على الارض وعطت ظهرها للباب:ماراح اروح الا اذا بطلتي الباب...ليول انتي اختي وحبيبتي ليول لاتخلين غباء جراح يأثر على علاقتنا ليال والله اضيع من غيرج ..
                    اريام ضلت فتره طويله قاعده عند الباب تتوسل بليال انها تفتح الباب لكن بدون فايده ....ماقدرت تتحمل اكثر من جذي قامت من مكانها وراحت حق جراح بجناحه
                    طقت الباب وبعدها بشوي جراح بطل الباب
                    اريام:ممكن اكلمك شوي
                    جراح:تفضلي
                    اريام:غرور موجوده
                    جراح:لا
                    دخلت اريام وقعدت بصاله وقعد يمها جراح وضلت فتره ساكته تبي تتكلم مو قادر
                    جراح:ليش ساكته
                    اريام ودموعها على خدها:جراح ابي اقولك شغله بس بالاول اوعدني ماتعصب علي .





                    نهــــــــايــــــة البــــــــارت

                    .
                    .
                    .
                    للكـــاتبـــه :

                    أحــــلاهم واتحداهــم .
                    .



                    .

                      تعليق

                      • "لحن الوفاء"
                        V - I - P
                        • Mar 2013
                        • 2413
                        #46
                        رد: عهدي مع الايام .. للكاتبه .. احلاهم واتحداهم . ./





                        * البـــارت الرابع و الثــلاثــــون *


                        *

                        دخلت اريام وقعدت بصاله وقعد يمها جراح وضلت فتره ساكته تبي تتكلم مو قادر
                        جراح:ليش ساكته
                        اريام ودموعها على خدها:جراح ابي اقولك شغله بس بالاول اوعدني ماتعصب علي
                        جراح:وليش اعصب
                        اريام:الانه اسالفه مو هينا
                        جراح:اوكي قولي
                        اريام:والكلام الي بقوله لك مايطلع من باب الجناح ويضل بنه احنه الاثنين
                        جراح:انشالله
                        اريام:انت عارف ان علاقتي بليال ماكانت زينه كلش وكنت اناديها ابنت الفقر
                        جراح:صح ومادري شلي غيرج انتي تغيرتي وايد
                        اريام ببتسامه مليانا حزن ودمعه تنزل على خدها :ليال اهيا السبب ولولا ستر رب العالمين وليال جان ...وسكتت
                        جراح:كملي شفيج سكتي
                        اريام بخوف:خلاص هونت مابي اقولك الي صار بس ابيك تعرف انه ليال لها علاقه كبيره بتغيري للاحسن
                        جراح:ريوم شفيج ليش خايفه انا اخوج ماني غريب ولي يضرج يضرني تكلمي ولا تخافين من شي
                        اريام :بس توعدني انك تسمع من هني وطلع من هني مابي تتصرف اي تصرف الانه الموضوع انتهى من سنه ومابي ارد افتح الموضوع مره ثانيه
                        جراح:ماشي
                        اريام بدت تقول الي صار معاها من اول ماعزمتها رغد ابيتهم لين اركبت سيارة فواز ..كانت تتكلم وتبجي الي صار لها مو سهل كانت بلحظه ممكن انها تفقد سمعتها وسمعت اهلها
                        اريام:يعني لو مو ليال واخوها الي لحقو على جان سمعتي بالارض ليال انقذت سمعتي وسمعت العايله كلها
                        جراح بعصبيه :الحيوان الحقير والله ماخليه والله ادفنه بالحيا انا اعلمهم شلون يتطاولن عليج
                        اريام:جراح انت وعدتني انت ماتسوي شي
                        جراح:صح الاني ماتوقعت الموضوع بكون فيها شرف اختي ...انتي اختي يا أريا ماذا انا اخوج ما ادافع عنج منو الي يدافع عنج الغريب
                        اريام:فواز وسعود مو غرب احنه بحسبت اهل
                        جراح:وانا ماقلت شي بس انتي اختي وماراح اخلي الموضوع يمر بساله وزفته الي اسمها رغد دواها عندي
                        اريام:جراح عفيه مابي فضايح مابي الموضوع يتبطل مابي يصير فيني نفس ليال ...انا ليلحين ماتزوجت شوف انتش صار فيك من سمعت حجي الناس عنها جراح انا مايت وقلت لك الموضوع هذا الا عشان تعرف انه الي صار مع ليال ممكن يصير معاي
                        جراح:الي يتكلم عنج احط انعال بحلجه
                        اريام:مو هذا قصدي...انا اقصد اخاف اتزوج باجر و...وو
                        جراح:تكلمي شفيج ابي اعرف شلي خايفه منه عشان احل الموضوع
                        اريام:خايفه انه الي صار مع ليال يصير معاي اخاف ما اتقبل ريلي
                        جراح بستغراب:ومنو قالج ليال ماتقبلتني ليال تحبني وايد
                        اريام ويها بدا يصير احمر من الاحراج:لا انا اقصد شي ثاني
                        جراح سكت شوي :ماشالله ليال مومخليه شي ماقالته لكم
                        ارايم بستغراب:مايحتاج اتقول كافي انها ليلحين بنت ...جراح ليال وايد اتعبت ...من بعدك حط نفسك مكانها بنت صغيره الي بعمرها ليلحين ماتزوجو وهيا ماكاملت السنتين وريلها تزوج عليها وفوق هذا شريجتها عيووز واكبر منها بعشرين سنه والله شي يحر...جراح انا خليتها تحت وهيا منهاره من البجي والله اخاف يصير فيها شي
                        جراح تضايق ونزل راسه
                        اريام:شبتسوي الحين
                        جراح:خليها تهدا شوي وبعدين اتفاهم معاها
                        اريام:وغرور
                        جراح:شفيها
                        اريام:بطلقها
                        جراح:ليش اطلقها البنت مالها ذنب
                        اريام قامت اتصرخ عليه:يعني ليال الي لها ذنب صح الريايل عدمين احساس ومايفكرون الا بنفسهم وبس ....وطلعت من الجناح قبل ماتسمع اي رد
                        راحت عند غرفت ليال طقت الباب مره ثانيه وبعدها بشوي افتحت ليال الباب
                        اريام لمتها حيل:خوفتيني عليج
                        ليال كانت ليالحين تبجي:تعبت والله تعبت ماني قادره اتحمل اكثر
                        اريام:بس حبيبتي مافي شي يستاهل انتي مفروض ترفعين راسج الانج طاهره وصدقيني كل الي تكلمو عنج واثقين انج طاهره بس قالو انوصخ سمعتاها عشان ولدهم الجنس
                        ليال:وانا شنو ذنبي ليش اتحمل شي مالي علاقه فيه انا تعبت وايد تعبت من ابوي وكلام الناس تعبت لي متى بظل جذي لي متى اناس تنهش بلحمي وانا ساكته ...ريم المشكله انه اقرب اناس لي اهما الي ظلموني
                        اريام:اذا على جراح الايام بتثبت له منو ليال
                        ليال وهيا توخر عنها وتمسح دموعها :مو لازم يعرف منو ليال جراح بنسبه لي ابو ملاك وبس ما عاد له مكان بحياتي
                        اريام:انتي تقولين جذي الانج متضايقه من الي صار
                        ليال:ولي صار موشويه مو شويه الاخ كان بره سنه كامله غرقان بالعسل وانا هني جسد بدون روح قاعده مثل الخدامه حق بنه وماردني عشان سواد عيوني ولا حبا فيني ردني عشان اخدمها ردني عشان اكون خدامه له ولبنته انا الاخ لازم يفهم ما انشرى بالفلوس..كفايه ذل كفايه اهانه لي متى الكل يدوس على راسي ولازم اسكت خلاص زمن السكوت ولا وراح وممن يوم ورايح ليال الغبيه ماتت ومن هل لحظه انولدت ليال ثانيه ماهمها الا نفسها وبس
                        اريام:صاجه ليول زمنه هذا مايبي وحده طيبه وعلى نياتها مايبي وحده تسكت عن حقها لا احنه بزمن الملسونه اهيا الي حضها قايم الي تدافع عن حقها اهيا الي نال احترام وتقدير من الكل والكل يحسب لها الف حساب الانها تفرض احترامها غصبن عن الكل...وانتي مو ناقصج شي وحياتج ماراح بالعكس حتى لو تطلقتي من جراح محد بيلومج والي بيتكلم عن شرفج التقارير تثبت انج بنت ومحد لمسج ليال بسج دموع والله مافي احد يستاهل ...صدقيني انتي الي حارقه نفسج على الفاضي ...وكل هذا من صحتج ليش انتي الي تحترقين خلي الي حولج اهمه الي يموتون بغيضهم ليش انتي الي تنقهرين انتي ماسويتي شي غلط رفعي راسج ياليال ولايهمج احد
                        كلام اريام ريح ليال وايد وخلاها تفكر بكل حرف قالته وبعد ماهدت شوي...قامت من مكانها
                        اريام:وين بتروحين
                        ليال:بطلع شوي محتاجه اطلع من هل مكان
                        اريام:اوكي بس حطي بالج على روحج
                        ليال اطلعت من البيت وهيا متضايقه وايد كانت تفتر بشوارع وماحست بنفسها الا قبال بيتهم دقت على محمد وقالت له يطلع بره
                        محمد بدل وطلع بره :عاش من ...وتلاشت كلماته لمن شاف ويها متفوخ واحمر...شفيج
                        ليال:اركب السياره وبعدين اقولك
                        محمد وهو يركب:صاير بينج وبين جراح شي
                        ليال وهيا ات حاول تخفي دموعها عن محمد:لا
                        محمد:دام لا ليش ويهج وارم وعينج متفوخه من البجي
                        ليال:شرايك انت وحده ماقصرت مع ريلها وبنته بشي وعشا يكافأها قام وتزوج عليها وجان زين تستاهل عيوز قريح اكبر مني ومنه وجيكر انا احلى منها وجسمها مو حلو متينه وقصيره وانا ضعيفه وطويله واصغر منها اي اصغر منها تدري جم سنه بيني وبينها
                        محمد بضيق على حالت اخته:جم
                        ليال:عشرين سنه تخيل لو كانت متزوجه وهيا صغيره تلاقي عيالها بعمري
                        محمد:جراح ماعنده نضر وبالعكس مفروض تستانسين الانج احلى منه واصغر منها المفروض انج تتباهين وتتدلعين بجمالج وعمرج انتي صغيره والدلع لايق لج اما اهيا كبيره واي تصرف بتتحاسب عليه وماتقدر تتدلع وغيره وغيره ...انا ادري انه الشي هذا يقهر وايد بس انتي شوفي الشي الايجابي واخيه لصالحج ...لاتعدقدين انه اناس بتقول زين سوى انه تزوج عليها بالعكس الكل بلومه اول شي الانج ماقصرتي بحقه ولا بحق بنته وثاني شي تزوج وحده اكبر منه اهو بعد مو بس منج اكيد اناس بتقول زواجهم مصلحه او مسحور
                        ليال:وشل فايده بكل الحالات انا الخسرانه
                        محمد:ليش خسرانه
                        ليال:الاني راضيه بالوضع هذا
                        محمد:ليال تطلقي وعيشي حياتج من اول ويديد
                        ليال:قصدك ردي لسجن من اول ويديد
                        محمد:لاتردين هني روحي عند فواز
                        ليال:ولي متى بقعد عنده ...او ابوك بخليني اقعد عند فواز
                        محمد:ليال هذا ابوج مثل ماهو ابوي
                        ليال:لا هذا مو ابوي الابو الي يحاسب بنته على شي اهي ماسوته هذا ماو ابو الابو الي يحبس بنته ويحرمها من كل شي ويخليها تختار الجحيم ولا انها تعيش محبوسه بين اربع اطوف ومالها بالحيات الا انها تختار بين امرين الموت البطيء او العيشه مع واحد مايستاهل
                        محمد:مهما كان ومهما صار هذا ابوج
                        ليال بعصبيه:قلت لك مو ابوي...اهو السبب بكل الي انا فيه اهو الي خلا شخصيتي اضعيفه بين الناس اهو الي راضا اناس تظلمني ومادافع عني اهو الي خلاني اخاف حتى من ضلي انت ماشفت الي انا شفته ولا ذقت ربع الطق الي كنت احصله ..انت عايش حياتك بطول والعرض انا الي مستقبلي ضاع انا الي حياتي انهدمت وكل هذا بسبته لو كست الناس الي تكلمت عني جان ماكان هذا حالي ...لكن اهو اكد كلام الناس وسحب اوراقي من الكليه وفوق كل هذا حبسني بالبيت بالاشهر وزوجني غصبن عنه ...شلون ماتبي شخصيتي تهتز شلون ماتبي اناس تتكلم ويزيد بالحجي اهو بتصرفه اكد كلام الناس
                        محمد:ليال حبيبتي هدي شوي
                        ليال حطت ايدها على ويها وقامت تبجي وتشاهق
                        محمد ماقدر يتحمل اكثر الي تمر ليال فيه شي مايتحمله اي انسان صارت ادموعه تنزل ويمسحها بسرعه :ليال بس عاد والله ماحب اشوفج جذي
                        ليال وهيا تبجي:تدري ليش جراح تزوج علي تدري ليش جراح طلقني ...الانه سمع كلام الناس وصدق الكلام الي انقال عندي
                        محمد بستغراب:اي كلام
                        ليال:كل الكلام الي انقال عندي كل شي
                        محمد :هذا غبي شلون يصدق انتي مرته مو وحده من الشارع
                        ليال:وليش مايصدق اذا ابوي الي رباني صدق كلام الناس ماتبي واحد ماعرفة الا بفتره بسيطه
                        محمد وهو بينفجر من الضيقه:دام صدق ليش ردج على ذمته
                        ليال:عشان ملوكه مو عشان سواد عيوني
                        محمد:وليش صابره ليش رضيتي تردين له ليش
                        ليال:نار جراح ولا جنت ابوي ....صج انه جراح مايبيني لكن اهله يبوني ويحبوني ويحترموني ولا يرضون اي احد يغلط علي او يجرحني بكلمه ...الاني ماأقدر ابتعد عن ملاك الوحيده الي تعوضني الحنان صج انها صغيره وهيا الي تحتاج الحنان بس انا احس اني اخذ منها اشياء وايد اكثر من ما اعطيها ...قاعده احس ابحب صادق مافيه اي مجامله او اي مصله ...ملاك قاعده تعوضني عن احساس فقداني للامومه ...انا عارفه اني بحياتي ماراح اصير ام عشان جذي انا متمسكافيها وايد ومابي اتخلا عنها
                        محمد:وليش ماتصيرين ام
                        ليال:الاني اذا تطلقت من جراح مافي واحد يرضي ياخذ وحده مطلقه مرتين ...واذا على جراح زوجه مكفيه وموفيه معاه اما انا موجرد مربيه حق بنته لا اكثر ولا اقل
                        محمد:ليال ابيج تسمعيني عدل ...بنسبه لج انتي خسرتي وايد اشياء بحياتج بس بنسبه لي انتي ماخسرتي شي ...انتي ليلحينج اختي الطيبه الحبوبه الي الكل يحبها ...يمكن الاشياء الي خسرتيها بنسبه لج كبيره ...بس انتي تقدرين تخلينها صغيره وماتأثر عليج
                        ليال كانت تسمع كلام محمد الي تقريبا نفس كلام اريام
                        محمد:انتي بعدج صغيره توج 20 سنه يعني الي بعمرج حتى ماتزوجو اول شي لازم تستفيدين من وضعج الحالي كونج ابيت اهل جراح والكل يحبج وطلعتج ودخلتج محد يحاسبج عليها ...اول شي ردي كملي دراستج ترى الشهاده سلاح لكل شخص ...انتي جربتي حظج بزواج مرتين وبالمرتين فشل غرم انه الشي ماكان بيدج يمكن الضروف او انقول الاختيار غلط لكن ابيج تفهمين انج تقدرين تبدين حياتج من اول ويديد ...اذا صارت الشهاده بيدج وتوضفتي منتي محتاجه حق اي احد وبمكانج حزتها تتطلقين من جراح وتقعدين عند فواز ...بتكونين موضفه وتقدرين تصرفين على نفسج يعني ماراح تكونين عاله على احد وثاني شي انتي مابقالج وايد كورس او كورسين وتتخرجين من الكليه ...ومومعناته انج تطلقتي للمره الثانيه انج مو زينه ياما بنات تطلقو مره وثنين وثلاث واربع وردو تزوجو وعاشو حياتهم من اروع مايمكن ..انتي بعدج صغيره وحلو وايد مو شويه والف من يتمناج اذا عرفو سبب طلاقج للمره الثانيه بلومون جراح مو انتي الانج ماقصرتي بحقه وفوق هذا اهل جراح يختلفون عن اهل يعقوب وموبعيده اهما الي ايبون لج ريل
                        ليال ضحكت بستهزاء:حلو هذا يزوجوني
                        محمد:اي ليش لا عشان يكفرون عن غلطت ولدهم ...لنفرض انه يو ناس تقدمولج اكيد بيسالون اهل جراح عنج وشي طبيعي بيمدحونج الانهم ماشافومنج الا كل خير
                        ليال:بيييه طلقتني وزوجتني ....كل هذا بالاحلام
                        محمد:اوكي خلينا من الاحلام وشوفي الواقع ولعبيها صح هذي فرصه لج كملي دراستج وتوظفي ...ليال انا ماقلت لج هل كلام الا من خوفي عليج
                        ليال:والله عارفه بس تتوقع انهم يردوني الكليه
                        محمد:حتى اذا ماردوج خلي جراح يدخلج احد الجامعات الخاصه
                        ليال:اي هين
                        محمد:لا مو هين صدقيني اذا طلبتي منه ماراح يرفض
                        ليال:وليش واثق انه ماراح يرفض
                        محمد:عشان لاتحطين حرتج ابنته
                        ليال:اهو ضامن اني ما اسوي فيها شي ولا ارضى عليها
                        محمد:خلاص طلبي منه جدام اهله وبجذيه بينحرج ومايقدر يتكلم
                        ليال:وانت برايك شنو الافضل
                        محمد:الجامعه اكيد بس الكليه احسن لج الان تخصصج زين وفوق هذا ماراح اطولين كلها كورس او كورسين وتتخرجين
                        ليال:الكليه احسن عشان باجر لايقول انها درست على حسابي ...مابي منته علي
                        محمد:انتي المفروض الي تتمننين عليه مو اهو انتي الي شايله بنته على كفوف الراحه ومن غيرج بنته اتضيع
                        ليال:والله محد مصبرني عليه الا ملوكي ...كل ما اشوف ضحكتها انسى كل شي مابي حب بعد حبها اهيا تكفيني وتغنيني عن كل شي
                        محمد:ماعليه فكري بكلامي عدل وشوفي مصلحتج شوي الزمن يركض وباجر ملاك بتكبر وتتزوج وانتي ماستفدتي شي لامن ابوها الي تزوج ولا من دراستج الي تركتيها ولامن عمرج الي راح على حساب راحت غيرج صيري انانيه شوي حبي نفسج كثر حبج حق ملاك ...واذا جراح مارضى انج تكملين دراستج عطيني خبر وانا اتصرف
                        ليال :اوكي

                        فلاة خالد
                        خالد دخل البيت وماعندا اي علم بالموضوع الي صار وفوق هذا هنادي نبهت على البنات انهم مايبون طاري جام ابوهم الانها ايها الي بتفاتحه بطريقتها...خالد طلب من دانه انها تلحقه المكتب وراحت وراه وهيا عارفه شنو يبي منها
                        خالد:داني بابا عمتج اليوم اتصلت وتبي تعرف رايج بالموضوع
                        دانه:بابا اذا قلت لك رايي ماتزعل مني
                        خالد:وليش ازعل هذا مافي شي بالغصب
                        دانه :بابا انا موافقه بس عندي شرط .






                        نهــــــــايــــــة البــــــــارت

                        .
                        .
                        .
                        للكـــاتبـــه :

                        أحــــلاهم واتحداهــم .
                        .



                        .

                          تعليق

                          • k12.11
                            عـضـو
                            • May 2014
                            • 1
                            • Using Tapatalk
                            #47
                            رد: عهدي مع الايام .. للكاتبه .. احلاهم واتحداهم . ./

                            وانا موافق


                            أرسلت بواسطة iPhone بإستخدام Tapatalk

                              تعليق

                              • "لحن الوفاء"
                                V - I - P
                                • Mar 2013
                                • 2413
                                #48
                                رد: عهدي مع الايام .. للكاتبه .. احلاهم واتحداهم . ./

                                المشاركة الأصلية بواسطة k12.11
                                وانا موافق


                                أرسلت بواسطة iPhone بإستخدام Tapatalk

                                نعم ....

                                موووووافق على شو ....!!!

                                  تعليق

                                  • _7mdooo
                                    عضو فضي
                                    • Mar 2015
                                    • 600
                                    #49
                                    رد: عهدي مع الايام .. للكاتبه .. احلاهم واتحداهم . ./

                                    كملليييي تحمست يعطيج العافيه يالغلا استمري
                                    حماسس.


                                    Sent from my iPhone using منتدى عبير

                                      تعليق

                                      • "لحن الوفاء"
                                        V - I - P
                                        • Mar 2013
                                        • 2413
                                        #50
                                        رد: عهدي مع الايام .. للكاتبه .. احلاهم واتحداهم . ./

                                        المشاركة الأصلية بواسطة _7mdooo
                                        كملليييي تحمست يعطيج العافيه يالغلا استمري
                                        حماسس.


                                        Sent from my iPhone using منتدى عبير

                                        هلا حمدووو

                                        وربي يعاافيك ... واهلا وسهلا بمتابعتك .

                                          تعليق

                                          السابق 1 2 3 4 5 6 7 8 template التالي

                                          google Ad Widget

                                          تقليص
                                          يعمل...