رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

سيمر كل مر ♥️✨

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

لكل من يقرأ :
-طالما الله يعلم عن حسن نيتك
-اذا لا تحزن من سوء نيتهم !


صباح الخير ..

كيفكم ي جميلين !؟ ان شاء الله تمام
طمنوني عنكم يارب تكونوا ب الف خير ♥️

اول شي و قبل ابدا كلامي شكرا لبصماتكم الحلوهه الي تتركوها ف مدونتي شكرا ل اصحاب التقييمات الحلوهه و شكرا للي يمروا ع مدونتي كمان ربي يسعدكم كلكم يارب♥️♥️♥️

طيب ؟ اش كنت ابا اقول نسيت والله
عندي مخ مشاءالله عليه يتذكر الشي و ينساه بنفس الوقت '_'

م عليكم بكتب شي تاني والله اشتقت لنفسي وانا اكتب هنا كدا يعني ☹️♥️

المهم ب احكيكم عن كم حاجة سارت لي
تخيلوا بس رحنا عند جدتي و قعدنا كم يوم تمام ؟ المهم لم و صلنا اكتشفنا ان كل العايله الجميلهه مجتمعه ف قعدنا ضحك و مزح و كدا المهم جا خالو و لم شفته قمت عشان اسلم عليه
و ياليتني م قمت المهم جا سلم عليا عاديي بس بعدها مسك يديني الاتنين بيد وحده و يده التانية حاوط فيها ع كتفي و بعزمه كله اتكى عليا و يقول فين امك و يمشي و ساحبني وراه
وقسم بالله حسيت كتفي انخلع من كتر م هو متكي عليه يعني ساند جسمة كلو ع كتوفي و ف النهاية لم م لقى ماما حضني بقوهه لم حسيت ضلوعي دخلت ببعض و طبعا حركته المعتادة الي هي ب دقنه يمسح ع خدي "لانه يكون حالق لسا و تكون كأنها اشواك وربي"
و يقول هذا عشان بعد كدا لم تجي تسلمي مو تروحي تقعدي مع البنات و تسحبي !!

ولا كمان دقيقة خليني اقولكم شي
جدتي قالت جيبي لي مويا قلت لها طيب رحت و جيت قالت يلا ان شاء الله السنة الجايه نخدمك ف زواجك ف انا لا إراديا قلت اعوذ بالله خير السنة الجايه
ف تخيلوا قعدت تهزأني هي وماما و يقولوا خلاص تحسبي نفسك صغيره ترا بتدخلي ال١٨ و انتي للان تقعدي تلعبي اعقلي خلاص و قومي تعلمي لك شي ف المطبخ بدل م تروحي بيت زوجك خايبه و نايبه و اخس البنات ووووو
تخيلوا كل دا عشان قلت اعوذ بالله !!
والله لو اني قايله شي تاني مدريي اش كان سار لي (:

ولا اصبروا بقولكم شي كمان مين شاف اني كاتبه نومي بدا يتعدل و م قال ماشاءالله ها ؟ اعترفوا يلا ! ههههههههه لا امزحح
بس تخيلوا كتبت من هنا م سارت ٦ المغرب إلا وانا نايمة اصحى اصلي و ارجع انام لين قبل شوية صحيت يعني ١٥ ساعة نمت !!
و لا دقيقة قبل كم يوم نمت ٢٠ ساعة انا اصلا م مصدقة !
تخيلوا كانت الساعة ٢ الظهر تغديت و نمت و يصحوني اقوم انام ف مكان تاني صحوني المغرب طلعت للصالة لقيت زوج اختي سلمت عليه و والله م كملت دقيقة إلا وانا مسدوحه و نايمة ههههههه ف صحوني اروح للغرفة علساس اغسل وجهي وارجع إلا انا رحت للسرير و نمت لين الساعة ١٠ الصباح اليوم التاني
و لا لم قمت قلت ليه م صحيتوني اقعد معاكم هههههههه و ربي جاتني نظرات خلتني انكتم و اكمل فطوري هههههه♥️♥️

امممم اش كمان واللهه كان ببالي هرج مررهه كتير بس ناسيهه وربي شي يقهر):

طيب ايوهه صح فيه بنت تكلمت معها ع الانستا بأسلوب مرررهه انا انقهرت من نفسي عشان تكلمت كدا معاها لاني وربي احبهاا ولها مكانه بقلبي لدرجة اني اعتبرها اختيي لكن وربي كنت مضطرههه اتكلم كدا بس ان شاء الله تجي فرصة و اتكلم معاها ف مكان تانيي مرهه تانية و اصلح الي صار الله يسعدهاا و يوفقها و يحفظها ياارب ♥️♥️

اكمل كلامي ولا خلاص ؟ مدريي احس طويل خليني اكتب الباقي ف تدوينة جديده ان شاءالله
و بس ♥️

يلا سلام ي نوتيلاتي ♥️♥️

بيرزقك الله باشياء تنسيك كل حاجة فقدتها و يعطيك الله أشياء ما كنت متوقع إنها تجيك ثق بالله ثم ابتسم ♥️