رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

*م تعلمت اوجع احد تعلمت اوجع*
*نفسي ﻋشان م اخسر احد*


Sent from my iPhone using منتدى عبير

☆*✲ﾟ*｡(((يوميات وخواطر مبعثرة )))｡*ﾟ✲*☆

لا تنتظر السعادة لتبتسم ولكن ابتسم وسوف تكون سعيدا، ابتسم وكن على ثقة أن الغد دوما أجمل

مسالخير ..

كيفكم ؟ ان شاء الله بخير

مدريي اش اقول لان مدريي احس طفشانه مرررهههه
تعرفوا شي ي حظهم بنات المقررات م عندهم اختبار فيزيا عملي
احنا بنات الفصلي نختبر احياء و كيميا و فيزيا اما هم بس احياء و كيميا
ب حظهم هم حركات بركات واحنا نكرف حركات اصلا الكرف مرررههه حلو

ايوهه صح اش فيه المنتدى كدا هاجد ؟
يعني من الصباح لليل تلاقي كم مشاركة بس و الباقي مختفي
يعني الصراحهه المنتدى بدون ماريا و مآثر و اليسال و شموخ حضرمية و امول و حمدو و تفاصيل و لبيه و الوسمي و الحلم و مين كمان ؟ ايوه و كل الأعضاء بلا استثناء مو حلو و كمان بدونهم المنتدى مرره
يعني الصراحه هاجد بشكل
مافي مشاركات مافي تدوينات مافي احد لمازا هكزا ي شعب ؟
احس اني اقرقر مع نفسي حتى ادخل اقول يمكن يروح الطفش ألاقي المنتدى فاضي ومافي احد
ادخل المدونات ألاقيها حكم و قصص وكدا مافي هروج وكدا و ع قولتكم " هربته "
مررره ياخ اشتقت للمنتدى زمان

مدريي والله اش اقول من الطفش ع العموم بكرهه ان شاء الله المسابقة و كمان اختبار احياء عملي نهائي دعواتكم ☹️❤️

وبس سلام ❤️



Sent from my iPhone using منتدى عبير

☆*✲ﾟ*｡(((يوميات وخواطر مبعثرة )))｡*ﾟ✲*☆

انت نصف عقلي و نصف قلبي و نصف الحياه❤️

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆



مسالخير ..


كيفكم ؟ أن شاء الله بخير

احم احم << ببدا أهرج بس ترا يعني مو طويل الكلام ان شاء الله يعني
المهم خلوني اقولكم اش سار لي اليوم لان مدريي لازم اقول ل احد
المهم شوفوا
اليوم اختبرنا احياء عملي نهائي زي م قلت لكم و ان شاء الله الدرجة كامله لان كان مررههه سهل بس تخيلوا قبل اطلع الاختبار كان فيه رسمه كنت اقول يارب م تجي يارب م تجي و امس طول اليوم ادعي و ف النهاية ؟ ايوه صحح جاتني هذي الرسمه يعني بس كويس اني مذاكرتها و كدا ف انو يعني اصلا كان مرههه سهل

و كمان المسابقه كانت حلوههه بمعنى الكلمة تخيلوا بس المسابقة سألت الابلة كم بنت مشاركة قالت انتي و صحبتك و بس !
و صحبتي سحبت من لمسابقة يعني بس انا !!!
بس حماس يعني مافي احد أتسابق معاه بس عاديي يعني اكون سبيشل هههههه بس يعني ندري كيف
المهم اش كمان ايوه ماما قاعده تقول لي انتي صوتك حلو صح ؟ قلت لها مدري قالت خلاص أخليك تغني ف الزوجات <<تمزح طبعا ههههه
قلت لها خلاص مو مشكلة انا و بنت خالو و صحبتي نغني قالت خلاص مو مشكلة و الليله ب ٦ آلاف قلت يلا والله عادي ف سارت تقول لي اش قلة الحيا دي قال يلا قال يلا اقلبي وجهك ! <<دايما كدا تقول الشي و لم اتكلم مدري اش هههههه

امممم مدري والله بس طفشانه بكرهه اختبار فيزيا عملي نهائي الله يعين دحين بنام شويتين و اصحى المغرب اذاكر و مدريي اش يلا سلاام ❤️


Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆




مسالخير ..

اخباركم ؟ ان شاء الله بخير

م عندي شي مرررههه ابا اقوله لان خلاص معد لي نفس شي دوبي صاحيه من النوم و الساعه ٨:١٥ و لا و عندنا ضيوف و لا فوق هذا بكرهه عندي اختبار نهائي كيميا عملي م ادري اموت ولا اموت !؟

ياخ والله الكيميا يجيب المرض استغفرالله مرررهههه صعب مدريي اش
اصلا مدريي ليه دخلت هنا بدل م اذاكر جيت أهرج

اليوم فجأة جات الابله و قالت سيارتك برا !
انا انفجعت ان غريبه مو من عوايده بابا يجي بدري لان كانت الساعه ١٠ و نص ف انو لسا م خلص الدوام ف ساروا صحباتي يقولوا ي حظك و من د الكلام شويه تدخل وئام الفصل وهي مفجوعه تقول لي موده يلا بسرعه بابا اخذوه بالإسعاف للمستشفى !!!

وربي من الصدمة م قدرت اسوي شي صحباتي لموا لي أغراضي و لا إرادي نزلت دموعي ف كنت ارجف وانا انزل الدرج و ع طول لقيت ماما تستنى تحت اول م شفتها ركبنا السياره مع التاكسي و ع طول رحنا البيت لان بابا ف مستشفى مررههه بعيده يعني تبعد عن البيت ساعه ونص !

و هو عنده الضغط و السكر و فانو جد من الخوف كل شوي نتصل عليه و هو مقفل الجوال ف جا بالظهر الحارس اخذ تاكسي و راح يجيب وسام من المدرسة ف لم جا وسام ع طول اترمى ع الكنبه و لم جينا له لقينا حرارته ٤٠ و اربع شرطات كل شي فوق بعضوا بابا ف المستشفى و وسام حرارته مرتفعه بس دحين الحمدلله بابا احسن و وسام انخفضت حرارته بس م زالوا تعبانين الله يقومهم بالسلامة و ميحرمنيش منهم

وبس والله مدريي اش اقول و بروح اذاكر عشان اجيب الدرجة كامله لا للان الحمدلله درجاتي حلوههه ف بلاش أخربها ع الاخير و ع اختبار عملي

و ايوه صح شوفوا هذا اتحدى احد يعرف يجيبها حتى لو مو كلها يعني مثلا واحد منهم لا بس اتحدى احد يجيبها صح الي يعرف يوريني الحل



ف يلااا سلاام ❤️


Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

قل الحمدلله لينبت في تصحر قلبك ربيعا من الرضا

مسالخير ..

كيفكم ؟ ان شاء الله بخير

اممممم عندي كلام بس مو كتير كلها كم هرجه صغنونه اول شي بعلق ع أجابات فطومه ع التحدي

اسمي اكيد صح هههه❤️
عمري خطا لان عمري ١٧
المدينة صح ❤️
اخواني واخواتي صح بس ناقص وحدهه بس عاديي
فريقي المفضل صححح لاني قلت لك ❤️
تيكن ولا سنقل صححح سنقل بس بعد فتره تيكن <<امزح
عائلتي <<م جاوبت و اصلا ملازم

امممم بقول شي تاني اختبار الكيميا اخذت كامل الحمدلله و كان مررهههههه سهل و اسهل من السهل واللهههه ربي يسعدها ع اختبارها الجميييل
و بكرههه عندي حاسب عملي و برضوا نهائي و يوم الخميس م عنديي شي يااااي مبسوطههه مررهههه

بالتوفيق ماريا الله يوفقك و يلهمك ربي الاجابات الصحيحه انتيي وكل الي عندهم اختبارات ربي يسهل لي ولكم ❤️

اممم اخر شي اليوم أبلة الرياضيات كانت تقول مين اهدى وحده بالفصل ؟ ف ساروا البنات يقولوا مودهه قالت لا مودهه ؟ موده تشتغل بالبطاريات و بعض الاحيان بطاريتها تخلص ف تقعد هاديه و لا هي هبله و دايما فاصله الله يحفظها <<صدمتني والله يعني كيف عرفت
بس مدريي والله كل البنات ساروا يضحكوا و يقولوا والله ي أبلة انك صادقه

اممم وبس بروح انام عشان لم اصحى اذاكر
سلاام ❤️


Sent from my iPhone using منتدى عبير

☆*✲ﾟ*｡(((يوميات وخواطر مبعثرة )))｡*ﾟ✲*☆

يا ابن آدم خالفني و اختلف عني
يهوديا مسيحيا او مسلما او شيعيا كنت ام سني
او حتى و إن كنت دون #معتقد
أبيضا كنت او اسود
فقط كن انت و لا تكن هم
دع ذاتك تسمو و عانق عنق الحلم
يا ابن آدم خلقك الله #مختلف
فبربك باختلافك #اعترف
و في تفردك #احترف
كن #خليفة الله على الارض باختلافك
و لا تتبع ذالك القطيع
عش حرا ي ابن #ادم
فهذه الارض #للجميع

مسالخير ..

شايفين الكلام الي فوق ؟ هذا اظن الكل سمعه ياخ الرجال الي يقوله مدريي كيف ياخ الكلام عجبني بشكل !!

م علينا المهم جايه اقولكم شي وانا مالي نفس اقوله

اليوم و بكرهه ح يكونوا اخر يومين لي ف المنتدى و طبعا راجعتلكم بعد الاختبارات يعني بعد ٣ أسابيع تقريبا افففف وربي بشتاق لكم و الله

ياخ المنتدى سار شي أساسي بحياتي لو ادخله شويتين و اطلع م عندي مشكله بس لان دحين انت قاعده احدد مستقبلي ب يدي ي اني أحقق حلمي او اني اقعد في البيت فاشله ولا شغله ولا عمله
اخخخخخ وربي مررررهه يعني مدريي كيف
بخلي الكلام الي بقوله اليوم لبكره دامه اخر يوم
و برجع لكن ع خير اممم دعواتكم لي ولكل الي عندهم اختبارات

يلا سلاااام

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

‏« قيل أن الحكيم من يعي ثلاث حقائق

الأولى: أن المشاكل مؤقتة،
الثانية: أن الوقت يسير بسرعة،
الثالثة: أن المحن ما هي إلا محطات اختبار! »

‏إذا وقعت في مشكلة فابحث عن حلها
وإذا شعرت بمرض فتظاهر بالعافية وإذا مررت بعسر فتأمل اليسر كن ايجابي فقط...الإيجابيه لاتعني عدم الحزن ، بل أن تعيش لحظة الحزن بعقلانيه بدون الغرق فيها..

‏مساء الخير


Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆



مسالخير ..

هل تعلم أيها القارئ ان عيونك هذي تجنن ؟؟

اخخخخ راحههه وقسم بالله بعد اسبوع كرفنا فيه اليوم كان يوم جمييييل وربييي

اممم اسمعوا خليني اقولكم اش سار طبعا لان ختمنا المواد و أشرنا وكل شي ف م كان ف شنطتي و لا شي و كمان جبنا اكل و جوالات و هبالات و قمنا نستهبل
ف صحباتي ساروا يقولوا بالله عليكي غني لنا
ف انا قلت لهم طيب و كل وحده منهم فتحت سناب المهم خليتهم يحلفوا انهم م يرسلوا الصوت ل أي احد ممكن ينشره لان ممكن هم يرسلوه من هنا انا اموت من هنا استغفرالله بس المهم بديت اغني كم أغنية و بعدين قلبت ع سبيستون هههههه بس يهني والله حسيتني مشهوره بسببهم بس كان جد يوم جميييل بمعنى الكلمة

امممم ايوه كمان تخيلوا ف اسبوع واحد اخذت ٣ شهادات شكر و تقدير اخخخخ بس والله شي جميييل حتى ان صحباتي ساروا يقولوا لي انتي ليه تشاركي ف المسابقات حقت القران و الاحاديث و انتي تغني وقسم بالله استحيت من نفسي يعني جد مدريي كيف انا
انا اصلا احب أشارك ف الحاجات دي لان ماما تفرح لم تشوفني كدا ف انا مستعده أسوي اي شي بس عشان ماما تكون مبسوطة و رافعه راسها قدام الناس احب أشوفها فرحانه فيا و كدا الله لا يحرمني منها و لا يحرمكم من أمهاتكم
صدمتني وحده من صحباتي تقول لي انتي مدري كيف تستحملي طلبات امك و ابوكي تقول انها هي اذا ابوها طلب منها شاهي تقول معرف اسويه قلت لها ليه قالت عشان لا يطفشني بعدين و يقعد يطلب مني كل شويه !
وربي انصدمت بشكل تقول هو مويه و مطفشني فيها كل شويه قومي جيبي مويه و انا نفسي اجيب البراد حق المويه و احطه جنبه عشان لا يقعد يطلب و يطفشني !!!
بالله فيه وحدهه تقول كدا ؟ المشكلة ان هذا ابوها الس قاعد يتعب و يشتغل عشان يسعدها و يفرحها و يصرف عليها تقعد تقول كدا ؟ وقسم بالله انقهرت عليه وهو مو ابويا اللعب يهديها يارب
ولا تقول ان هي و امها يوميا يتضاربوا تقول انا م أساعدها بشغل البيت و تحمد ربها اني ارتب غرفتي !!
ياخ مدريي كيف تفكر قاهرتني المشكلة الأكبر والأعظم ان هذي امها امها الي تعبت فيها ٩ أشهر و الي سهرت الليالي عشانها امها الي تفرح لفرحها و تزعل لزعلها امها الي تحت رجليهما الجنه تقعد تقول عنهم كدا ؟
اخخخ ياربي الله يهديها و يهدينا كلنا يارب
و يعيننا ع برهم و يرزقنا رضاهم علينا

مدريي اش اقول تقريبا كدا خلصت كلام
بس دام انه اليوم اخر يوم لي هنا قبل الاختبارت ف ح اسنتر الليله كلها هنا ههههه
يلا سلاام ❤️


Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆




Sent from my iPhone using منتدى عبير