رد: ☆*✲ﾟ*｡(((يوميات وخواطر مبعثرة )))｡*ﾟ✲*☆



مسالخير ...

كيفكم ؟ ان شاء الله بخير ..

مدريي اش اقول !

بس الي اعرفه اني مكروفههه بشكل !

تخيلوا دحين مو قلت لكم قبل ع مسابقة الاحاديث و القران ؟ و قعدت تأجل فيها لين جات اليوم وقالت بكره المسابقتين !!!

اوك صح حافظة بس متى اراجعهم ؟
ولا بكرهه عندي اختبار انقليزي و انا الماده هذي مررره مدريي كيف بس بعني اختبارها صعب وربيي و لا فوق هذا يعني المسابقتين و اختبار الانقليزي فيه اختبار التربية الاسرية !

يعني مدريي اش يحسوا فيه لم يسوو كدا !
ياخ يحسوا فينا ع الاقل استغفرالله بس !

عندي هرجة تانيه بس مكسلة اكتب ح اخليها بعدين اقولكم عليها يلا خليني اكمل الي عليا سلام

تصبحوا ع خير ..❤️


Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆



مسالخير ...

كيفكم ؟ ان شاء الله تمام ..

امممم شوفوا والله عندي هرج ي كتره بس بحاول اختصره مع اني م اعرف اختصر بس بحاول

المهم شوفوا بقولكم اش سار اليوم ..

اول شي اختبرت الاسرية وجبت ٢٠من٢٠ و الانقليزي جبت ف الاختبار ٨ونص من ١٠ و المسابقة سمعت القران والحمدلله الحمدلله كان مرههه سهل بس ننتظر النتيجة بعد كم يوم
و الاحاديث قالت بكرهه
لان كان ضغط عليها اليوم ي سوبهان الله ! دحين سار ضغط ؟
و احنا م كان ضغط علينا لم كرفتنا امس ؟
المهم م علينا الله يسامحهم بس !

ايوهه و بكره عندي اختبار كيميا ذاكرت نصه و باقي النص التاني <<ياخ والله م عرفتني و انا كدا دافوره

المهم تخيلوا قاعده اتكلم مع صحباتي و متحمسه معاهم و قاعده اشرب بيبسي و بعني خلاص مرره مع الحماس و انا اشرب و اكتب و كدا إلا انكب عليا و انعدمت البلوزه البيضا
المهم م علينا كملت ولا كأن سار شي ف اش اسمو هذا ايوه كملت و انا مسدوحة و تجي الهبله وئام و تكب العلبه ع البلوزه تقول خلاص يعني حرام البلوزه كلها م غرقت مدريي اش اسوي فيها طبعا م سويت لها شي لان كان فيا ضحك ف قعدت اضحك و ماما عصبت شويتين تقول كأنكم بزوره وحده ح تدخل الجامعه و التانيه الثانوي و انتو حركاتكم كدا !
بس عاديي يعني راضيناها بكم كلمة حلوهه و انتهى الموضوع بس يعني
قاعده افكر اسوي شي ب وئام عشان تحرم تستهبل و تمزح زي كدا

امممم و كمان فيه شي ..
قبل كم ساعه شفت مدونة تفاصيل
بس يعني ع فكره كيف عرفت ؟
يعني كيف عرفت ان دعيت ؟
لا يكون الطير الأخضر قالك ؟<<اففف يالله كل م اتذكر كذبة الأمهات و احنا صغار قال الطير الأخضر قال
المهم يعني صح كنت اقولك خذ راحتك بس يعني كنت ادعي بدون م اقولكم<<امزح طبعا
المهم والله حزنتني ياخ يعني الجوال احس شي المفروض تحافظ عليه و تحاول قد م تقدر م تطيحه بس يقوم لك بالسلامة ههههه
يعني اذا جوال مو جوالي طاح ف الارض احس قلبي يعورني عليه اجل كيف لو جوالي بسم الله عليه الله يحفظه ❤️

المهم مدريي اش اقول بس بروح اكمل مذاكره عشان اجيب درجة حلوهه لان ناويه اجيب نسبه كويسه يكفي القدرات و التحصيلي بعدين و ربي ح ينخسف معدلي ب سببها عشان كدا لازم أشد حيلي المهم يلا
سلااام ..❤️❤️


Sent from my iPhone using منتدى عبير

☆*✲ﾟ*｡(((يوميات وخواطر مبعثرة )))｡*ﾟ✲*☆




مسالخير..

كيفكم ؟ ان الله بخير

عندي كم شي بقوله و اطلع <<قليل ان الله
مدريي اذا قلت لكم هذا الموقف من قبل ولا لا
بس انا لحد يكلمني اول م اصحى يعني مثلا اكون تعبانه و انام و احد يجي يصحيني يسير شي غبي يعني اقول كلام و حاجات هبلهههه

طيب اسمعوا عشان اقولكم الموقف
قبل كم يوم كنت نايمه يعني مو متذكره يوم ايش المهم نمت من ٣ العصر ل١٠ الليل و صحيت قعدت مع ماما شويه و رجعت نمت من ١٢ الليل ل ١٠ الصباح طبعا كنت مكمله نوم إلا لم جات وئام صحتني و قالت لي تبي برتقال ؟؟ قلت لها ايوه اخذت البرتقال و قلك يحطه جنبي<<نايمه ع نفسي و بس اسلك لها
المهم كانت تاكل برتقال ف قلت لها فيه عظام ؟
والله احس هبله قال عظام قال كنت اقصد فيه بذر وكدا مو عظام بس كنت يعني نايمه ع نفسي و لم استوعبت اش قلت فطست ضحك وربيي

امممم ايوهه كمان شفت مآثر كاتبه ان اختباراتهم خلاص بتبدا يوم مدريي ايش مو متذكره ف انو الله يوفقك و يسهل لك
احنا لسا قدامنا أسبوعين تقريبا
يعني هذا الاسبوع بدون م نحسبه يعني ح يكون الاسبوع الجاي الاختبارات العمليه و بعدين الاسبوع الميت و بعدين الاختبارات النظرية ف انو يعني خلص الترم بسرعههه !
ختمنا فيزيا و كيميا و عربي و تفسير و فقه و انقليزي باقي الرياضيات و الاحياء بكره نختمها ان شاء الله و بنبدا نراجع المواد و هالخرابيط من يوم الخميس يالله يعني مدريي اش اقول بس يارب تسهل لنا والله يعني شي ع قد م هو حماس إلا انه هم ع قلبيي!
اتذكر اول يوم و اول درس و كدا ف يعني شي مدريي كيف !

المهم تعرفوا مسابقة الحديث ؟ منحوسه استغفرالله
يعني مو علساس اليوم رحت قالوا غايبه
ف يعني احتمال تكون بكرههه عالعموم انا فقدت الأمل ف المسابقة ! والله احس الابلة ساحبه علينا و لا كأننا بشر نستناها !

ايوهه دحين مو انا اقول ( هرجه ، هرج ) وكدا ؟ المهم ف بقول ل صحبتي كدا قامت تقول اش هرج تعرفي معناها قلت ايوه يعني كلام و كدا قال لا ي هبله يعني القتل ! <<ياخ اش دا ؟ اوك اعرف ان يعني كدا بس انا اقصد فيها كلام يعني المهم بحط لكم كلمات حجازيهه<<فديتني و فديت اهل الحجاز كلهم☹️❤️
امممم دايما يقولوا لي كلامك م كانك مكاويه أصل يعني احس شي طبيعي ان م اتكلم مكاوي مع اني من اهل مكه بس لان عايشه هنا ف جده و صحباتي كلهم مافي وحدهه سعودية كلهم اردنيين و سوريين و حضارم و مصريين ف انو مافي احد اتكلم معاه بأسلوبي انا ف خلاص بعني تعودت ع كلامي هذا ❤️

امممم اش كمان بس لان مو متذكره الهرجه الي دخلت عشانها ف انو خلاص بعني
سلام..❤️

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

كلمااااات حجازية ي جعلني فدوهه ل اهل الحجاز

دغري ؟ على طول
كنتره ؟ جزمة
كرته ؟ فستان
مركب ؟ مطبخ
بيت الما ؟ حمام <<دورة المياه
قوام ؟ بسرعة
بلكن ؟ يمكن
مصرفدة ؟ مستعجلة
أمزع رقبتك ؟ اخلع رقبتك
أمصع أدنك ؟ اجرها
مخمج ؟معفن
جغمه ؟ رشفه من الماء او العصير
الدحديره ؟ النزلة
ناوليني ؟ اعطيني
ازهميلي ؟ نادي لي
زنبيل ؟ الكيس
منضره ؟ نظارة
الصمرقع ؟الجنان
اترنوا ؟ عشان كذا
سيبوا ؟ اتركوه
أندر ؟ اخرج
سكر المحل ؟ قفل المحل
بسط المحل ؟ فتح المحل
افتر ؟ اهجب
افرشك فرش ؟ أضربك ضرب
عساك بالطافوح ؟ سبه يعني عساك بالسم للي يأكل كثير
حزر ؟ توقع
محزق ؟ ضيق
ضرحرح ؟ التعب
ايشكلو ؟ ايش هوا
دحلسه ؟ تملق و تقرب لشيء ما
قنله ؟ تنورة
زي البرمان ؟ بسرعة
ورمت و بقبقت ؟ بعيد عنكم انتفخت
عازه ؟ حاجه
قرينه ؟ جنيه
مزبرقة ؟ مزينه
بطران ؟ ما يحمد ربه
الهجاج ؟ الجنان
يحقلو ؟ يحق له
بكاش ؟ كذاب
تليك ؟ مداس
زهمني ؟ ناداني
لطشتوه ؟ ضربتوا
اتشعبط ؟ اتسلق
دلكي النحاس ؟ غسلي المواعين
متاقه و مجاغه ؟ واحد دمه ثقيل
قوامن ؟ استعجل
والله عال ؟ عجيب
بحلقت ؟ فتحت عيني بقوه
اتاري ؟ لها معنيين الاول الكمبيوتر والثاني لم يقول اااااه اتاري الهرجة كذا
حوايج ؟ ملابس
كدي ؟ مشطي شعري
كونديشن ؟ مكيف
فارقي ؟ انقلعي
بايلنو ؟ باين عليه
ما بلعتو من زور ؟ ما عجبني
جلاله ؟ سجاده
استيته ؟الأخت الكبيره
سيدي ؟الأخ الكبير
متصربع ؟ مستعجل
ليانه و طراحه ؟ فراش
رجه ؟ صقعه
كراويته ؟ زي البطرمة من خشب مرتفع
غيرت ( حجر) الساعة ؟ غيرت ( بطارية ) الساعة
يستغر ؟ يعتمد
برمان ؟ دوران
الهرجة ؟ الموضوع
شملولة ؟ شاطرة او بارعة
المرقعه ؟ المياعه
اللغوصة ؟نقل الكلام و التخبيص فيه او لم يلعب الطفل بالأكل ف نقول (لغوص نفسه )
حرمصه ؟ عدم الاستقرار
لكاعه ؟ التأخير
ندر ؟ خرج
بت ؟ بنت
دوبو ؟ قبل شوي
لساع ؟ لسه
الكداده ؟ الحكاكه او الرز الباقي في نهاية القدر و يجي محروق شوي
فين ؟ وين و أين
الزقاق ؟ الشارع الضيق
ربشة ؟ سرعة او عجلة
الطاقه ؟ الشباك او النافذة
خش ؟ ادخل
أخصرو ؟ لا تسمع له
بزبوز ؟ صنبور الماء
حوسة ؟ لخبطة
دردبه ؟ دحرجة
يوايق ؟ ينظر
مطروق/ة ؟ مستعجل/ة


Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆



مسالخير ...

كيفكم ؟ ان شاء الله بخير

اليوم مررهههه مبسوطههه احس بسعاادههه مدري ليه !
ايوه صح مدريي ليه احس ان اليوم خميس يعني جو اليوم و كدا مدريي ليه يذكرني بالخميس بس يلا هانت بكرهه خميس و نرتاح يومين و نرجع نكرف اش فيها ؟ الكرف اصلا مرههه حلو و يجنن من جمالههه <<كذب

بكرهه عندنا اختبار انقليزي استماع يعني تشغل صوت و حنا نحل ع اساسه المهم هو اصلا م يتذاكر ف انو انا مروقه اليوم لا واجبات و لا اختبارات و لا شي راحههه نفسيه وقسم
نمت من اول م رجعت كانت الساعه ٢ و نص صحيت ٧ المغرب والله كان نفسي اكمل نوم بس ماما قالت خلاص قومي و اغسلي ثياب وسام
بس عادي المهم اني مبسوطههه
اليوم وحده من صحباتي جابت لي مخده زي هذا مدريي اش بس والله مررهههه حبيتتههه لاني احب هذا الايموجي ف جابته لييي وقسم صحباتي سعاددههه الله لا يحرمني منهم يااارب ❤️

اليوم قاعده مع صحباتي ف بقول لهم ان هذا الايموجي و هذا حق المتزوجين و المخطوبين و الغباء هذا <<مدري اش دخل بس م عليكم والله يعني مدري كيف
المهم وربي يعني ينرفزوني بشكل مو طبيعي لم أشوفهم احس بغباء يعني والله اضحك لم أشوفهم ف انو يعني خلاص انا وصحباتي متفقين كدا ف قالت وحده انتي تحسيه كدا لان يمكن عندك جفاف عاطفي ف سرت اقول لها بلا غباء اش جفاف و غباء ؟ قامت وحده تقول لا هي مو يمكن هي اكيد عندها جفاف<<مدريي اش اسوي فيهم الهبلات هدول هههه
بس عشان ارسلت لهم صوره و فيديو كدا كيوتين<كيوت
ف من بعدها ساروا يقولوا انتي عندك جفاف <<اصلا حرمت ارسل لهم شي هبلاتي❤️

امممم بس هذا كل شي تقريبا
سلام ❤️


Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆



قبل انام عندي شي بوريكم هو
شوفوا هذا كلام صحباااتي
حبييييتهههههممم ربيييي لا يحرمنييي منهم
ياخ بالله لم يجيكم كلام كدا اش إحساسكم ؟ وقسم مدريي اش اقول معرف اعبر ابدااا بس نوتيلات وربييي طبعا م وريتكم الكلام الي قبل بس هي هرجه طويله عريضه عشان كدا قلت لهم نوتيلاتي و بقراتي الجميلات ههههههه
بس وربي هم سعااااادهههه اخخخ ي قلبيي
وبس والله تصبحوا ع خير ❤️


Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆




Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆



مسالخير ..

كيفكم ؟ ان شاء الله تمام

مممم عندي شويه كلام <<ان شاء الله م يكتر

اوك يلا نبلش <<عالقه ف راسي لها كم يوم

اليوم وحدهه من صحباتي الي قالت الكلام الي كان بالنص الي امس حطيت صوره له
الي هي كاتبه فيه انها رفيقة ل حافظة القران و كدا شفتوه ؟
المهم نزلنا الفسحه ولم طلعنا لقيناها حاطه ع طاولاتنا هدايا
مدريي اش اقول ولا اعرف اعبر احبها احبها احبها اتعب و انا اقول احبها
امر ببعض المواقف و الحاجات الي تضايقني و هي من اول م تحس كدا لازم تسعدني بشي
ياخ وربي انها نعمه من ربي الله لا يحرمني منها

يوم الاحد عندي اختبار احياء عملي متحمسه له لانه سهل مرررههه ف الله يسهل

و كمان دحين بقوم انظف قبل تجي ماما و مدريي اش تسوي المهم يلا بروح ولم اخلص برجع لكم ان شاء الله
يلا سلام..❤️


Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆




Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

رسالة صباحية : ان الله على حلمك لقادر ، لقدير ، لمقتدر...

صباح الخير


Sent from my iPhone using منتدى عبير