رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

هنيئا لمن يبدأ يومه بهذه العباره :

"يا مالك الملك وكلتك أمري واستودعتك همي ، فبشرني بما يفتح مداخل السعادة إلى قلبي "

- اللهم كما ايقظت عيوننا من المنام
أيقظ قلوبنا من الغفلات ، وكما أنرت الكون بنور الصباح أنر حياتنا بنور الهداية ، اللهم أكتب لنا محو الذنوب ، وستر العيوب ، ولين القلوب ، وتفريج الهموم ، وتيسير الأمور ..

صباح الخير


Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

عيناك جميله !
وصوتك جنهه و حديثك حكاية
وفيك من الجمال مالا يقال ❤️



Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

دعوة صباحية : أسأل الله العلي القدير
أن يجعل يومكم يوم الآمنين،،
ويجعلكم من عباده الصالحين،،
وينور قلوبكم بالايمان والرضى
والعفو عن ما مضى،،
وألا يسلط عليكم
حاسدا ولا حاقدا،،،
وأن يجعل نهاركم سعيد
وعيشكم رغيد وعمركم مديد
ويغفر الله لي ولكم ولوالديكم ،،،
ويشملكم برحمته ويسكنكم جنات النعيم ،،

اللهم آمين،،

❤️ صبــــــــاح الخــــــير ❤️


Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

مسالخير !

كيفكم ؟ ان شاء الله بخير !

اقولكم شي <<بيني و بينكم كدا يعني
يوم الخميس الساعة ١١ الظهر ماما قالت لي اليوم انتي تسوي الغدا قلت لها اش اسوي ؟ قالت سوي كذا كذا المهم قلت لها طيب و رحت و جينا عند الدجاج احنا م نشتري الدجاج مقطع لا احنا نقطعه المهم ف قلت ل ماما تعالي انتي قطعيه <<<ادري بتقولوا ي مياعتك بلا دلع قطعيه و معرف ايش بس انا اقرف الله يكرم النعمه بس جد يقرف
المهم ف ماما قالت و الله انتي تقطعيه قلت ي ماما والله قرف مستحيل أقطعه قالت قلت تقطعيه ولا والله ي تقطعي الدجاج ي هذا جوالك الي فرحانه فيه ينسحب <<طبعا كلو ولا جوالي هذا الحب
ف قلت لها خلاص بقطعه طبعا انا خلاص بموت من القرف يعني منجد يقرف استغفر الله بس
ف رحت جبت الاكياس الي يلبسوها ف يدهم. ؟ المهم هي هذي مدري اش تسموها والله بس احنا نسميها جونتي المهم م علينا من اسمها و الله خلاص قطعته و انا خلاص يعني يععععع ياربي استغفر الله بس والله زبطت لهم الطبخه
طبعا ف هذا اليوم ماما اش قاعده تقول لي ؟ بكره نهار لم تتزوجي و تروحي بيت زوجك م ح تقطعي الدجاج ولا حلال له وحرام علينا بعدين تقولي لا ي ماما هذا حبيبي كيف م اقطع له الدجاج <<لا وربي ل اشتري دجاج مقطع جهاز هذا الي باقي يع استغفر الله

اما اما اليووووم ف كان يوم جميييييل !
رحنا عند اهل ماما و كانت العيله كلها مجتمعه و كدا وربي احب اهل ماما اكتر من اهل بابا اهل مااما ارتاح معاهم لكن اهل بابا يرفعوا الضغط استغفر الله بس !
المهم ف جا خالو طبعا احنا فتره م شفناه ف لم جا انا م كنت موجوده كنت لسا اتعدل ف لم طلعت له لقيته لسا يسلم ف بس وقفت قدامه قام بعد بنت خالو التاني و جا عندي و شالني و سار يمدح و يسلم عليا و قاعد يقول لي اش سويتي ف خالك ي بنت خقييت وربي ف انا ياخ والله استحيت يعني من اول م جا وهو يمدح و يتغزل بس عاد وربي استحي المهم ابتسمت له و لم جيت أصب له قهوه ف قلت له خالو خذ قام يقول يعيون خالو ي جعلني عدسات بس وربي يعني بجد ع كثر م احبه بس استحي منه بشكل المهم ربي لا يحرمني منه يارب

والله اشتقت ل للمنتدى و ان ادخل لقسم الألعاب و كدا بس وربي يعني يادوبك ادخل و اخذ لفه سريعه و ادخل للمدونه اكتب الي عندي و اطلع لان قاعده اقرا لي كتابين و مافي وقت عشان ادخل بس ان شاء الله بأذن الله ارجع زي قبل
المهم
والله عندي حاجات كتيره بس يعني خلاص طولت ف الكلام يلا
سلااام ...


Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

مسالخير ...

اليوم عندي شي كدا <<لازم تعرفوووه لأنه مرررههه مهم بالنسبه لي !

اقولكم شي ؟
ايوه !؟
لا انسوا ماني قايله لكم (:
طيب طيب دقيقة بقولكم بس اول مره جاوبوا ع سؤالي !
اشتقتولي لي ؟ لا !
اوك اوك اصلا عادييي ..

اليوم كان يوم جميييل بمعنى الكلمههه احلى من امس بمليون مرررههه

تعرفوا ليهه ؟ لان اليوم دقت علي الابله و قالت لي ان سجلت اسمي بالمسابقهههه
اخخخخخخخ بس وربي مبسوووطهههه
اكيد بتسألوا نفسكم اش هي المسابقة
المسابقة هي حقت احاديث يعني حفظ ٥٣ حديث
طبعا انا قلت لها قبل الاجازه وقالت خلاص بكلم المركز و ارد لك خبر !

و اعطتني الورق الي فيه الأحاديث و اليوم ردت علي وقالت انهم قبلوني لأنهم يعرفوني لان العام شاركت معاهم ف مسابقة حقت القران ان احفظ نص القران و اروح عندهم وكدا ف انا حفظت و لم رحت انا وصحبتي م فزنا فازت مدرسة تانيه عشان كانوا البنات الي مشاركين ف المسابقههه مشاركين ب القران كلو انا ليه م شاركت بالقران كلو مع اني حافظته ولله الحمد ؟ لان كان فيه كمان حفظ معاني كلمات و انا مشاركة ب نص القران كان معاني الكلمات الي احفظها ٨٨كلمة يعني تخيلوا بس خلال شهر احفظ الكلمات و اراجع نص القران حفظ و بدون اي غلطه !؟

المهم المره هذي شاركت ب الأحاديث وربي متحمسههه

شوفوا الصراحههه يعني !
انا عندي كمان كتابين قاعده اقرأهم وكلهم روايات الاولى ( رواية الأسود يليق بك ) و التانيه ( رواية تارتاروس ) الاول قد قلت لكم قصته قبل اما التاني ف انا قالت لي بنت خالو انها رواية رومانسية وكدا يعني رواية حب سعودية ! المهم انا انجذب ل هذا النوع من الروايات مع اني م اقرا روايات بالغة العربية الفصحى بس يعني لان حسيت اني انجذبت ل هذي الروايتين ف ح اقرأهم ان شاء الله ف تخيلوا خلال الاسبوع هذا الاجازه ح اقرأ روايتين و احفظ أحاديث ؟! ههههههه

وربي احس هبل بقرا وحده منهم دحين و بحفظ الأحاديث لان المسابقهه بشهر ٣ بس متى بالضبط انا مدري المهم يعني مافيني صبر متحمسه للمسابقة و انا لسا دوبي حفظت بس١٥ حديث بس ههههه يلا دعواتكم
يلا تامرون ع شي ؟ لا !؟ برضو احسن !
يلا سلام ...


Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆




Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

صافح الكل إلا انا احضني ❤️


Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆



مسالخير !

كيفكم ؟ ان شاء الله بخير ! <<البداية للي دايما ابدا فيها كلامي و مستحيل اغيرها

قبل كل شي بقولكم أغنية و احنا صغار كنا نغنيها عشان لا أنسى بس وربي انها هبلههه و كدا مدري كيف بس لا تضحكوا و أظن ان بعضكم يعرفها صح و لا انا غلطانه ؟! الي يعرفها يقولي هههههه
يلا بقولها بس ترا حكتبها زي م انا أنطقها اوك يلا!
تيري ري ري ريتا
بابا جي امتى
جي الساعة سته
راكب ولا ماشي
راكب بوسكوليته
حمرا ولا بيضا
بيضا زي القشطة
وسعوا لو الحاره
وسعوا لو السكه
أغنيهه هبلهه وتضحك وكل شي وربي كل م اتذكر لم كنا نلعب و نقعد نغنيها اقعد اضحك هههه

يوم السبت اختي جات هي و ولدها متى جات ؟ الساعه ١٢ الليل ! و قعدت للثلوث الساعة ٩ الصباح ومشيت وربي غبيههه كان قعدت ف بيتها يعني ماله داعي تجي يومين و تروح ! مدري اش تحس احس بس تبغا تقهرني و كدا اففف وربي احبهاا تخيلوا لم شخص م تشوفه من شهرين و شويه و بعدين يجي يومين و يمشي ؟ وربي قهرتني يعني مدري كيف بس مررره وحشتني كان نفسي تقعد اسبوع ع آلاقل اخخخخخ بس ان شاء الله بالإجازة الي نهاية السنه بتجي تقعد عندنا شهر ❤️

امس كلمت وحده من صحباتي م كلمتها من شهر المهم ارسلت لها و كنت خايفه تكون مو هي و يكون احد اخذ رقمها قعدت أكملها وهي تقول مين ؟ اقول لها حزري ! و قعدت تعدد لي بنات الفصل بعدها تأكد انها صحبتي وكلمتها المهم البنت هذي هبله وربي بس يعني صح مسترجله يعني بويه و كذا بس وربي طيوبهههه و قلبها ابيض احب اتكلم معاها يعني تضحكني و كلامها عسل وربي
و الي يعجبني فيها انها عارفتني يعني مستحيل تقول كلمه كدا ولا كدا او تقل ادبها او اي شي تاني لانها عارفة اخلاقي و أسلوبي قعدت تحكيني ع المواقف الي تسير لها و قعدنا نضحك و نستهبل مع بعض ف يعني حلو كدا

اما انا ؟ ف كنت قاعده اتكلم مع صحبتي و قلت لها ع محادثة بيني وبين وحده بنت تانيه المهم ف شوفوا اش قالت لي !


وربي ضحكتني يعني جد علاقتي انا وهي تضحكك بشكل الصراحه ع قولتهم انا السوسه يعني هي تكون ف أمان الله جالسه اقوم انا انرفزها و اسوي لها حركات وحاجات عشان تتضارب معايا والله يعني لم م اضاربها احس فيه شي ناقص يوميا انا وهي نضارب و ف نفس الوقت نتصالح يعني مررره كيوت وربي لم تعصب <<قلت لكم اني سوسه ههههههه❤️

ياحبني لنفسي الله يحفظني و لا يحرمكم مني ❤️<<ابو الثقههه بس !

يالله وربي مشتاقههه لكم تعرفوا عندي شي ببالي و قاعده افكر فيه أسويه او لا هو ح يكون صدمه للبعض و البعض ح يكون شي عادي عنده المهم افكر فيه مدري اذا ح اسويه او لا بس ان شاء الله ربي يكتب لي الخير و يدلني ع الاختيار الصح

المهم م اطول عليكم لاني طولت هرج بزياده اليوم و بروح اسوي لي شغلة سريعه و ارجعلكم يلا سلام ي نوتيلاتي ☹️❤️


Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆



ألحان صوتك أغنية تثير مسامعي ❤️



Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

و انيبوا الى ربكم و اسلموا له
ارجع و افتح صفحة جديده
لا تظن انك اذا تبت انك لن ترجع الى المعاصي ابدا !
تب و ستخطئ !
ثم ارجع و تب و ستخطئ !
ثم ارجع و تب و ستخطئ !
ان الجنة للأوابين
و الأواب ؟
هو الذي كلما اخطئ رجع وتاب و أناب !
يقول الله جل و علا
و أزلفت الجنة للمتقين غير بعيد هذا ما توعدون لكل أواب حفيظ من خشي الرحمن بالغيب و جاء بقلب منيب
في النهاية اقول
"يا هذا "
يامن عدا
يامن عدا
ثم اعتدى
ثم اقترف
ثم انتهى
ثم ارعوى
ثم انصرف
أبشر !
أبشر بقول الله في تنزيله
ان ينتهوا يغفر لهم ماقد سلف
اللهم اغفر لنا و تب علينا يارب العالمين
و ارحمنا برحمتك اللهم اجعلنا من التائبين و أجعلنا من التوابين و اجب دعوتنا اجمعين و كل من قال"امين"