رد: رواية؛ انت نبض قلبي وسلطانه / بقلمي ..!

ابداع بمعنى كلمة ابداع خاصة ان تكون فهد وتكون بطلة القصة فتاة كفتاة تصف جسد فارسها قائلة

جسدك أسمى ايات الجمال نعم أكمل فنحن نتشوق لكل ما هو جديد مترامي الأطراف

رد: رواية؛ انت نبض قلبي وسلطانه / بقلمي ..!

# البارت الثاني؛)
.
.
وقف الباص عند بيت الجوري ..نزلت من الباص وهي تمشي متوجهه ل باب بيتهم المطلي باللون البيجي ..سمعت صوت قطه حست بالخوف لكن سمت بالله وتقدمت خطوه ..طلعت القطه من تحت سياره من السيارات شهقت بقوه ورجعت ل ورا وصقعت في شي ..التفتت وراها كان أصغر عمامها فتحت عيونها متفاجاءه
: خالد !
خالد ابتسم بحب لبنت اخوه وفتح يدينه لها متجاهل وجودهم بالشارع !
الجوري بدون تفكير رمت نفسها بحضنه وبكل شوق ولهفه
: اشتقتلك يالغالي!
خالد حاوطها وصار يمسح على ظهرها : مو كثر شوقي يابنت اخوي !
الجوري سمعت صوت هرن ..استوعبت انها بالشارع بعدت عنه و وجها احمر : امم ..
ضحك عليها بخفه ومسك يدها و توجهوا لباب البيت ..طلعت المفتاح من شنطتها وفتحت الباب ودخلوا ..
الجوري : احم متى وصلت من كندا ؟
خالد ببتسامه : من البارح !
الجوري بفهاوه : من البار ح ؟ اجل ليه توك تجي بيتنا ؟
خالد: كنت تعبان من الطريق ورحت لفندق ارتاح فيه كان الوقت متأخر وشوفة عينك كاني جيت احين ..شرايك بالسبرايز ؟
الجوري ابتسمت: احلى سبرايز ..الحمدالله على سلامتك !
خالد: الله يسلمك ..اكيد سلمان في الشركه !
الجوري تنهدت: مايبي لها سؤال ..عمي البيت بيتك خذ راحتك انا بروح اتروش على السريع وبصلي ..
خالد يضربها بخفه : اول شي بدون عمي ! انا خالد وبس ! ثاني شي اعرف البيت بيتي بدون ماتقولين ويالله طسي ولا تطولين !
الجوري ضحكت بخفه: ماشي مستر خالد !
ابتسم لها : حبيتها مستر احلى من عمي !
الجوري تضحك وتصعد الدرج متوجهه لغرفتها ..حطت شنطتها فوق الكنب الي بغرفتها وفسخت عبايتها وطلعت لها فستان ناعم ودخلت دورة المياه تتروش ..

اما خالد طلب من الشغاله تسوي له عصير برتغال وهو جلس يتفرج على التلفاز ..
.
.
تعريف ب خالد
أصغر عمام الجوري , عمره 30 سنه , كان يدرس بكندا طب اخر سنه ..تخرج ورجع للسعوديه ..امه وابوه متوفين ويسكن عند اخوه سلمان ..يحب الجوري اكثر شي بالدنيا ..
مواصفاته : طويل , شعره ل رقبته , عيونه عسليه ..أسمر , صوته جوهري
.
.
في بيت بو مشاري على طاولة الغداء ..
مشاعل : يمه ..
ام مشاري : هلا يمه ؟
مشاعل : احمم ابي اروح بيت جيرانا بو بندر !
ام مشاري بستغراب : شعندك عندهم ؟
مشاعل تبتسم: صاحبتي بشاير بنت بو بندر مشتاقه لها وابي ازورها !
ام مشاري : اها ..ومتى تبين تروحين ؟
مشاعل بحماس: اليوم !
ام مشاري : لا اليوم الأحد ..يمكن البنت عندها اختبار ولا شي !
مشاعل تكشر: يمه !
ام مشاري تنهي النقاش : كملي غداك و روحي نامي !
مشاعل تأففت بخفيف وكملت اكل بقهر
مشاري بيده جواله ويرسل ل نور " مساء الخير والطيبه والاحساس ..مساء مايليق الا بحبيبتي نوري ..(قلب احمر ) .."
رسل الرساله وهو مبتسم وكمل غداه ..
.
.
نور وصلتها الرساله قرتها وقلبها وابتسامتها على مرسومه على شفتها ..
ردت عليه ب مسج حب ..
وكملت سلطتها وهي تحمد ربها ان حبيبها مشاري صار من نصيبها ..
.
.
في بيت ام عبدالله ..
ام عبدالله ومحمد جالسين يتغدون ..
اما عبدالله جالس معاهم جسد بدون روح ..
ام عبدالله تحط ملعقتها في الطاوله وتتنهد: لمتى ياعبدالله وهذا حالك ؟
عبدالله بهدوء : شفيه حالي ؟
ام عبدالله: متى تفكر تزوج وتفرح قلبي ؟
عبدالله تذكر سحر الي ماغابت لحظه عن باله وتنهد و وقف طالع من غرفة الطعام ..
ام عبدالله بحده: وقف مكانك انا اكلمك !
عبدالله وقف ساكت ..
ام عبدالله بقهر: عمرك صار 30 سنه ! الي بعمرك تزوجوا وصار عندهم اولاد وبنات !
عبدالله ببرود : المطلوب ؟
ام عبدالله: تزوج وتفرح قلبي !
عبدالله: اسف يمه عندك محمد ! انا من بعد سحر مافيه أي بنت بتدخل قلبي وحياتي !
ام عبدالله : سحر ماتت الله يحرمها ..خلاص تقبل انها راحت عند ربك !
عبدالله: متقبل هذا الموضوع يمه لكن باقي انتي تتقبلين اني من بعد سحر مافيه بنت بتدخل حياتي !
ام عبدالله : يعني انت ما ودك بظفر ياهل ؟
عبدالله ببرود: ان شاء الله محمد بيتزوج ويترس البيت يهال واشبع منهم !
ام عبدالله بقهر من بروده : وانت ؟
عبدالله يبتسم: انا الموت اريح لي من الزوجه واليهال !
ام عبدالله : استغفر ربك !
عبدالله يطلع من غرفة الطعام : كلنا ماشين بهذا الطريق !
ام عبدالله : الله يهديه !
تطالع محمد: وانت ؟
محمد : احم انا شنهو يمه ؟
ام عبدالله : مو ناوي تزوج وتفرح قلبي ؟
محمد بمرح : رحاب تزوجت وحامل ولا شنهو رحاب مافرحت قلبك ؟
ام عبدالله بحده: انا مامزح معاك ! انا ابيك تزوج ! عمرك 25 سنه ! فيه اصغر منك وتزوجوا ! تزوج انت بعد وفرح قلبي !
محمد يسلك : يصير خير !
ام عبدالله : ايه خير ! صدقني رمضان مو جاي الا وانا مزوجتك انت واخوك وقول امي ما قالت !
محمد ابتسم وماعلق !
ام عبدالله كملت اكلها ومتنرفزه من عيالها ..الي بقوا لها من ريحة زوجها محسن ..
تعريف ..
ام عبدالله : سميره , مثل كل الامهات تحب عيالها وتخاف عليهم ..مديرة مدرسة بنات الثنويه ..صارمه وشديده بأتخاذ قرارتها ..
عبدالله: كابتن طياره عمره 30 سنه , خطب من ثلاث سنوات وتوفت ومن بعدها كره طاري الزواج ..سحر ماتفارق خياله ابد !
مواصفاته ؛ طويل , عريض , حنطي , عيونه سوداء وشعره اسود ..
.
.
في بيت ام حسن
ماتحملت خبر موت بنتها وطاحت مغمى عليها ..
بالصدفه ولد الجيران كان جايب صالونه ل أم حسن ..ضرب الجرس ماحد فتح الباب .. بكل تهور منه وبدون تفكير نط البيت ودخل وهو ينادي ام حسن ..
ماسمع أي صوت ..دخل المطبخ وانصدم من شكل ام حسن !!
وحس بالخوف ..حط الصالونه فوق الطاوله واخذ ام حسن ومر على امه و راحوا للمستشفى ..
واحين لها ساعه مغمى عليها وموح اسه بالدنيا !!
.
.
في الليل ؛)
في بيت بو نايف ..الساعه 9 مساء
دخل عبدالرحمن على نايف الغرفه ..لقاه جالس يدخن ..تنهد بأسى
: نايف ياخوي ..قوم كل لك شي ! انت من الصبح مو ماكل !
نايف يدخن وقلبه موجوع : مابي اكل أي شي ! خلني اموت جوع !
عبدالرحمن بخوف على اخوه الكبير : اسم الله عليك لا تقول هالكلام ..عسى عمرك طويل !
نايف : عمري بدون ريماس مابيه!
عبدالرحمن: استغفر ربك ياخوي! ريماس راحت عند الي احسن مني ومنك !
راحت عند رب العالمين !
نايف بحزن : وانا بلحقها قريب !
عبدالرحمن: يومي قبل يومك يالعضيد !
نايف يدخن ومارد عليه !
عبدالرحمن تنهد وطلع بره الغرفه ..ويدعي بالرحمه ل ريماس ويدعي الله يصبر قلب نايف ..
.
.
تعريف ..
نايف: شاب في ال 27 من عمره , موظف في بنك ..يموت بتراب ريماس!
مواصفاته ؛ طويل , اسمر , عيونه عسليه ..
عبدالرحمن: شاب في ال 20 من عمره يدرس بالجامعه ..
مواصفاته ؛ طويل , اسمر , عيونه سوداء ..
.
.
في بيت سلمان ؛)
نور من المغرب وهي عند الجوري ..يذاكرون نحو ..
الجوري : ياكرهي لل النحو
نور تشرب عصير ليمون وماعلقت على كلام الجوري ..
الجوري بملل: اقول شرايك نطلع للحوش نتمشى ؟
نور ابتسمت : خوش راي !!
الجوري : تمام خلصي العصير ونطلع ..
نور خلصت العصير ولفت الطرحه على راسها ..وطلعوا من الغرفه ..
توجهوا ل الحوش ..
نور ببتسامه : حوشكم حلو ..!
الجوري : عيونك الحلوه فديتس !
نور : اقول شنهو بتلبسين بزواج ريماس ؟
الجوري : فستان ناعم مالبسته الا مره !
نور : أي واحد ؟
الجوري : الفستان الي جابه عمي لي من كندا !
نور تبتسم : ايه عرفته وايد حلو ولونه يجنن !
الجوري : ايه فديته عمي خالد ذوق ..انتي شنهو بتلبسين؟
نور : همم ماعرف اكيد فستان لكن مدري البس التركواز ولا البطيخي !
الجوري : لبسي البطيخي ناعم وحلو عليك ومالبستيه الا مره !
نور : امم اوك خلاص تم ..شرايك اقول لبشاير تجي معانا ولا؟
الجوري : قولي لها عشان نستانس ثلاثتنا !
نور : اوك يوم الربوع بقولها
الجوري : تمام
رن جوال الجوري بالنغمة المخصصه لعمها خالد ..
ابتسمت وردت: هلا بأحلى عم بالكون
خالد : ردينا لكلمة عم ؟
ضحكت بخفه : اوبس سوري نسيت ..هلا بأحلى خالد بالكون ..رضيت؟
خالد بحب لبنت اخوه :رضيت يادلوعتي ..
الجوري ببتسامه : امر شبغيت ؟
خالد : ما يأمر عليك ظالم ..انا واقف عند باسكن روبنز قلت اشوفك تبين ايس كريم ؟
الجوري : يا حلاتك يا خالد كأنك تدري اني مشتهيه ..ايس كريم توفي !
ناظرت نور : نوري تبين اوريو ؟
نور : لا فشله ..
الجوري تعطيها نظره : لا يكثر ..ايه خالد واحد توفي و واحد اوريو !
خالد : اوك وسلمان شنهو النوع الي يحبه ؟
الجوري ضحكت : خالد سافرت ونسيت ان ابوي ماياكل ايس ؟
خالد: ههههه ايه والله نسيت بس ماعنده سالفه ابوك احد ماياكل ايس كريم !!
الجوري : يقول مضر بالصحه هههههه !
خالد: خير ان شاء الله ..ربع ساعه واكون بالبيت
الجوري تبتسم: انتبه لنفسك لا تسرع وانت تسوق ماشي؟
خالد : ماشي يادلوعتي ..
الجوري : الله يحفظك ..
"انتهت المكالمه" ..
نور ببتسامه : حلوه علاقتك بعمك خالد !
الجوري : فديته اكثر واحد يدلعني وفاهمني !
نور : الله يخليكم لبعض
الجوري من قلب: امين يارب ..
.
.
رن جوال نور بنغمه مخصصتها ل مشاري
دق قلبها وبخجل : جوجو هذا مشاري عن اذنك برد عليه
الجوري : اوك خذي راحتك ..
راحت بعيد عنها ..
ردت نور بخجل: الو ..
مشاري بحب : احلى الو والله !
نور ابتسمت وقلبها يدق ..
مشاري : حبيبتي مشغوله ولا ؟
نور : فاضيه وطالعه لصديقتي نذاكر لأختبار النحو !
مشاري بمزح: تذاكرون ولا تسالفون ؟
نور : امم بصراحه ذاكرنا شويه بعدها طلعنا الحوش نتمشى وعمها اتصل يسأل تبي باسكن او لا ؟
قالت له يجيب لنا وبس ..
مشاري : زين بالعافيه حبيبتي ..
نور قلبها يدق: الله يعافيك
مشاري يبتسم: ماطول عليك بس كنت ابي اسمع صوتك الحلو قبل مانام بتقولين شدعوه ينام بهالوقت ؟ بس والله اني نعسان !
نور بحب : نوم العوافي ..اقرا اذكارك ونام على جنبك اليمين
مشاري : من عيوني يا نوري..ذاكري عدل وانتبهي لنفسك
نور : ان شاء الله ..
مشاري: الله يحفظك ..
"انتهت المكالمه" ..
نور تتنهد: شقد احبه ..!!
الجوري شافتها نزلت الجوال من اذنها و راحت لها وبفضول : شعنده الحبيب ؟
نور بحب: يبي يسمع صوتي ..
الجوري بضحكه : حركات رومنسي هالمشاري !
نور : فديته وفديت رومنسيته !
الجوري : ههههه الله يخليكم لبعض
نور من قلب: امين ..
.
.
ربع ساعه و وصل خالد ومعاه الباسكن ..اكلوا الباسكن وذاكروا شوي بعدها نور رجعت بيتهم وعلى طول نامت ..
اما الجوري فتحت الابتوب شوي ..ودخلت منتداها الي لها شهرين مشاركه فيه ومشاركاتها 3,000 وعندها وسام العضو الفضي ..
دخلت على قسمها المفضل "قسم الخواطر والنثر "
صارت تقرا المواضيع الجديده وترد عليها ..
جاتها رسالة زوار ..كانت من المديره العامه ..رابط لموضوع كانت فيه تهنئه بمناسبة الألفيه الثالثه ..
انبسطت الجوري وشكرت المديره العامه ..
وشافت مشرف قسم الرياضه والمراقب العام ومشرفة قسم حواء
رادين على الموضوع ومباركين لها ..
ابتسمت وحطت لايك لمشاركاتهم ..
بعدها طلعت من الموضوع وصارت تتصفح المنتدى ..وعلى الساعه 11 وربع انسدحت نامت ..
.
.
باليوم التالي؛)
في بيت بوم شاري ..
جالسين على الفطور " بوم شاري ..ام مشاري ..مشاري ..شعاع ..مشعل ..مشاعل"
مشعل فجاءه حط يده على بطنه : اهه !
ام مشاري : بسم الله عليك شفيك !
مشعل بتمثيل: بطني بطني اهه بموت !
مشاعل : كذاب يمه لا تصدقينه !
مشعل وده يصفقها : اه ماكذب اهه !
ابو مشاري بنظره: اقول اترك عنك العياره وبتداوم يعني بتداوم ثراك ثالث علمي مو لعبه !
مشعل كشر : يهالثالث حسستوني بصير عالم ولا مخترع !
ام مشاري : يمكن تصير دكتور وترفع راسي مثل مشاري !
مشاري ابتسم بحب لأمه
مشعل : خير ان شاء الله ..
رن جواله .. كان خويه وليد
رد: ها شتبي من صباح الله خير ؟
وليد : الناس تسلم ولا تصبح ؟
مشعل : اقول اخلص شعندك ؟
وليد : مالت عليك ..شرايك نسحب على المدرسه ونروح الخبر تحديدا البحر ؟
مشعل بستهزاء : احلف؟
وليد : والله انا بمرك وبطريقنا نمر على بدر ونروح البحر !
مشعل : شطاري عليك؟
وليد: كذا نفسي اروح البحر ..شقلت ؟
مشعل: ماعندي مانع ..شوف بدير على ماخلص فطوري !
وليد : اوكى بالعافيه
مشعل: الله يعافيك ..
"انتهت المكالمه"..
ام مشاري : منهو متصل عليك بهالوقت؟
مشعل : وليدوه !
ام مشاري : شعنده؟
مشعل: يقول بيمرني ونروح المدرسه مع بعض ..
ام مشاري : وشجاب طاري بدر بالسالفه؟
مشعل بكذب : يقول بيمر على بدر بعد لأن سيارته خربانه وماخذها عذر للغياب !
ام مشاري: زين يسوي وليد يمركم ..
مشعل كتم ضحكته وابتسم وشرب الحليب ..
.
.
تعريف؛)
بو مشاري؛ عبدالعزيز , رجال صارم في اتخاذ قرارته ..محب لزوجته وعياله ..مدير لشركة ابوه ..
ام مشاري : نوره , ربة منزل , تحب عيالها وتخاف عليهم , ماتحب الكسل ..تحب الشطاره والفطنه ..
,
مشاري: سبق التعريف فيه ..
شعاع : بنت جميله , عمرها 20 سنه , تدرس بالجامعه قسم ديكور
مواصفاتها: طويله , شعرها طويل واسود , بيضاء وعيونها ناعسه ..
,
مشعل: مراهق طايش عمره 18 سنه , يدخن ويفحط اكثر من مره يتهزء ولا يتوب !
مواصفاته : متوسط الطول , اسمر , شعره ل رقبته , فيه غمازه بخده اليمين ..
,
مشاعل: سبق التعريف فيها ..
,
في احدى البيوت المتواضعه ..
جلس من النوم على صوت رنين جواله ..رد بصوت نعسان
:الو !
وليد : يا هلا بدير ..
بدر يتثاوب : وليدوه كم الساعه ؟
وليد : لا تجلطني وتقولي توك جالس من النوم ؟
بدر يفرك عيونه: سهران والله مانمت الا ثلاث الفجر !
وليد بستهزاء: من الفلاحه والله! الساعه ست الصباح !
بدر فز من سريره: احلف ! ما ذاكرت رياضيات !
وليد بلا مبالاه : من قالك راح تختبر ؟ انا بمر مشعل وبمرك ونروح البحر !
بدر بفهاوه: من متى الرياض فيها بحر؟
وليد فطس على فهاوته: هههههه من اول امس ..صحصح وبمرك ماشي؟
بدر مفهي : ماشي !
وليد : ربع ساعه وانا عندك يا فاهي !
بدر يتثاوب : طيب !
"انتهت المحادثه" ..
تعريف ب وليد وبدر ؛)
وليد: مراهق عمره 18 سنه , وسيم , مغازلجي ..لكن وقت الشدايد يعتمد عليه ..قريب من مشعل حيل ..وهو اخو رغد و وعد ..
مواصفاته ؛ طويل , اسمر , عيونه عسليه ..
بدر : مراهق عمره 18سنه , حلمه يكون دكتور نفسي , يفهمها وهي طايره لكن مرات تجيه حالات فهاوه تجلط , اخو بشاير ؛)
مواصفاته ؛ طويل , ابيض , عيونه ناعسه..
.
.
قدام مدرسة البنات الثنوية ..وقف باص البنات ..
نزلوا البنات ..لما كانت بتنزل تعرقلت وطاحت من الباص ..
:اي !!
البنات الي شوفوها فطسوا ضحك ..وهي تفشلت حيل !
السايق كاتم ضحكته : سلامات اختي انتبهي مره ثانيه ..
بشاير ماردت من الفشيله ..دخلت للمدرسه وهي تنفظ عباتها !
وراها الجوري ونور كاتمين ضحكتهم بالغصب ..
فيه بنت ملقوفه بشكل نشرت طيحة بشاير خلال ثواني !
بشاير متفشله و اشوي وتصيح من الفشيله !
وحده من البنات: ماعليك تحصل بأرقى العوائل
بشاير ساكته وماده بوزها شبرين ..
الجوري بضحكه : بوزرك وصل لجده ..دخليه يا بنت !
بشاير دخلت بوزها وتتمتم: فشيله والله !
الجوري : فديتك تكبرين وتنسين وشدعوه راعي الباص عرف انك بشاير بنت منى ومحمد ؟ اكيد لا؟ عادي يعني اعتبري ما صار شي !
ضرب الجرس للطابور ..
نور : تعالي بنت عمي نصف طابور والبنات بينسون طيحتك مع الاذاعه..
تنهدت بشاير و راحت تصف طابور مع بنات اول ثنوي
وابتدت الاذاعه بقرأن كريم وبعدها كلام ممل !
..
تعريف في بشاير ..
مراهقه طايشه , عمرها 16 سنه , تدرس بأول ثنوي , قريبه من مشاعل و رغد ..حبوبه واجتماعيه ..تحب الغناء والرقص ..
مواصفاتها: متوسطة الطول , بشرتها بيضاء , شعرها طويل وبني , عيونها بني فاتح ..انتهى الطابور ..
الجوري : نوري اليوم الاثنين صح ؟
نور : ايوه ليه؟
الجوري : تعالي نقول لأم حسن تحجز لنا ورق عنب
نور : اوك يالله !
راحوا ل المقصف لكن ماشافوا ام حسن
الجوري: يمكن عند المستخدمات ؟
راحوا لغرفة المستخدمات نفس الشي ماحصلوها!!
استغربوا ..
نور : وينها ؟
الجوري ترفع كتوفها: مادري تعالي الفصل بالفسحه نشوفها
نور : اوك ..
راحوا الفصل يراجعون لأختبار النحو ..
,,
في بيت ام حسن ..
ام حسن تطالع ملابس بنتها الي شرتهم للزواج وتبكي مو مستوعبه ان وحيدتها فارقت الحياه !
طلعت البوم صور وصارت تطالع وتبكي : الله يرحمك يا بنتي,رحتي قبل ماشوفك بالفستان الابيض ..رحتي وخليتيني بهالدنيا ..!!
تحضن صورتها وتبكي بكاء يقطع القلب ..
وحالها ماكان احسن من حال نايف الي نام وهو حاضن الدبله ودمعته بعينه ..!
.
.
انتهى البارت الثاني
توقعاتكم ؟
اخوكم؛ فهد ال راشد .
2016م

رد: رواية؛ انت نبض قلبي وسلطانه / بقلمي ..!

ماشالله عليك ابداع و تميز اتمنى لك الافضل و استمر و احنا نتابعك
تحياتي

رد: رواية؛ انت نبض قلبي وسلطانه / بقلمي ..!

كلنا بنتابعك استمر لا توقف

رد: رواية؛ انت نبض قلبي وسلطانه / بقلمي ..!

ايه و انا اول وحده فيهم

رد: رواية؛ انت نبض قلبي وسلطانه / بقلمي ..!

راح تابع:)

رد: رواية؛ انت نبض قلبي وسلطانه / بقلمي ..!

عجبني ادخال صور في روايه كما في كتب القصص
تحياتي

رد: رواية؛ انت نبض قلبي وسلطانه / بقلمي ..!

# البارت الثالث؛)
في البحر ..الساعه التاسعه والنص صباحا ..
بدر يصور البحر ..ومشعل و وليد يتمشون ..
مشعل يغني: انت بحري وانا اليم يقولون ال يقولون انا بحبك متيم !
وليد بضحكه: صوتك حلو بس غبار !
مشعل : ههههه ادري غبار بس فجاءه طرت على بالي ..الا صح شطاري عليك نجي البحر ؟
وليد يبتسم: اخاف اقولك وتصفقني !
مشعل يرفع حاجب: افا؟ اصفق خويي؟ انا ماسويها !
وليد تنهد: بقولك بس وعدني يكون بيني وبينك ؟
مشعل مستغرب من نبرة الجديه بصوت خويه
: اوعدك !
وليد يطالع السماء : انا قررت اقابل ياسمين !
مشعل يطالعه بصدمه: شنهو ؟
وليد يشتت نظره بالمكان: الي سمعته ! ياسمين صارلها حادث وصارت معاقه !
وطلبت تشوفني ! ماقدرت ارفض طلبها !
مشعل : قول انك تمزح؟
وليد يتنهد: مامزح ! بقابلها وبحاول اقنعها تسافر تتعالج وترجع تمشي من جديد !
مشعل: بسألك هذه ياسمين كم عمرها؟
وليد: 19 سنه !
مشعل بصدمه: اكبر منك !
وليد يزفر: ايه ! لكن شسوي احبها وتحبني ! مو بيدنا هذا الشي ! ولا تنسى ان كنا جيران قبل ماننقل ل الرياض !
مشعل: يالله وليد مادري شقولك !
رن جوال وليد بنغمه مخصصها ل ياسمين ..
ابتسم بهدوء: الطيب عند ذكره !
مشعل يرفع حاجب: طيب رد عليها !
وليد ضغط الزر الي يرد وحط الجوال بأذنه ومشى عن مشعل
:الو ..
ياسمين بتوتر: هلا وليد ..
وليد ببتسامه: اخبارك يا روح وليد؟
ياسمين : بخير بسماع صوتك !
وليد بحب: فديتك ..وصلتي؟
ياسمين : ايه وصلت ..معاي الشغاله لكن لا تخاف بقولها تحطني بمكان معين وترجع السياره !
وليد يبتسم: حلو ..متحمس لشوفتك بعد كل هالسنوات ..ومشتاق حيل لعيونك العسليه ..
ابتسمت: وانا مشتاقه لكل شي فيك ..حبيبي انا عند لوحه مكتوب عليها ..وجعلنا من الماء كل شي حي !
وليد يتلفت: من شوي مرينا عليها انا واخوياي..خلاص ثواني وجايك
ياسمين بشوق: انتظرك حبيبي ..
ابتسم وسكر الجوال ..وانتهت المحادثه ..
راح لمشعل و بدر : ياخوياي انا رايح دورة المياه وانتم بكرامه ..
بدر بمزح: المطلوب نوصلك ؟
وليد عطاه نظره ومشى عنهم ..و يتلفت لين لقى اللوحه الي قالت له عنها ياسمين..صار قلبه يدق ..وانتبه ل ياسمين بالكرسي المتحرك ..
راح لها بهدوء : صباح الخير لأرق بنت بالكون
ياسمين رفعت عيونها وصارت تطالعه بشوق و وله ..
وليد يطالع عيونها العسليه وبخاطره ياخذها لحضنه ويروح فيها بعيد عن كل الناس ..!
تنهد: ياسمين ..فطرتي؟
ياسمين : بصراحه لا بس شربت كافي ..
وليد جلس قدامها بالرمل ومسك يدها وناظر عيونها وهمس
: انا مو مشتاق ..انا دنيا من الوله !!
ياسمين قلبها يدق وتبتسم بحب ..
.
.
تعريف ب ياسمين
شابه جميله ..عمرها 19 سنه , خلصت الثنويه ومافكرت تدخل جامعه ..تموت في الوليد من صغرها ..
مواصفاتها؛ طويله , رشيقه , بيضاء , شعرها طويل وعيونها ناعسه ..
.
.
في مدرسة البنات الثنويه ؛)
ضرب جرس الفرصه ..كل البنات طلعوا من الفصل
الجوري: نوري انا بروح اخذ الدفاتر لأستاذه تهاني وانتي شوفي ام حسن موجوده ولا لا !
نور : اوكى !!
راحت نور للمقصف والجوري راحت لغرفة المدرسات ..
حطت الدفاتر فوق الطاوله ..وسمعت وحده من مدرسات الدين تكلم مدرسة الأحياء : مسكينه ام حسن عاد هذه بنتها الوحيده !
مدرسة الاحياء: والله ما تستاهل ولا بعد كان زواجها الأسبوع الجاي يوم الجمعه !
مدرسة الدين بحزن: كان الحادث والموت اقرب لها..الله يرحمها ويغفر لها
.
.
الجوري انصدمت حيل من كلامهم وطلعت بره الغرفه وعيونها تدمع ..
شافت قدام وجها بشاير ونور ..
نور بخوف: شفيك ؟
الجوري مو مستوعبه: ريماس ..
بشاير: بنت ام حسن شفيها؟
الجوري عيونها تدمع: توفت امس بحادث سياره !
بشاير ونور انصدموا !!
الجوري دموعها تنزل: سمعت المدرسات يتكلمون عنها !
نور دمعت عينها وحضنت الجوري: الله يرحمها هذا يومها ادعي لها !
بشاير متأثره: حرام اكيد خطيبها متألم لموتها !
الجوري تبكي بخفيف ونور تمسح على ظهرها وتحاول تهديها و دموعها بعيونها وتتخيل لو يصير لها مثل ما صار لريماس ..اكيد مشاري بينجن ..!
هزت راسها بالرفض وصارت تستغفر وتدعي لريماس بالرحمه والمغفره ..
بشاير بحزن: بنات احنا لازم نقوم بالواجب ونروح بيت ام حسن نعزيها !
الجوري تبعد عن نور وعيونها حمراء من البكي: ايه لازم ..ام حسن من اشوفها اتذكر امي الله يرحمها !
بشاير ونور: الله يرحمها ..
الجوري بضيق: بس احنا ماندل بيت ام حسن !!
بشاير تمسح دموع الجوري: من سأل ما ضاع !
نور مدمعه: صح كلام بشاير !
الجوري: زين تعالوا نسأل المديره يمكن تعرف ولا المستخدمه ام عباس !
وبعد صلاة العشاء نروح نعزيها !
بشاير : ايه انسب وقت ..
توجهوا ثلاثتهم لغرفة المديره ..
الجوري بحزن: السلام عليكم ..
المديره تناظرهم وتبتسم: وعليكم السلام..
الجوري : استاذه احنا بنسألك تعرفين بيت ام حسن ؟
المديره بستغراب: ام حسن الي تبيع بالمقصف؟
الجوري: ايه !
المديره : ايه اعرف مكان بيتهم قريب من بيتنا بس ليش تبون تزورونها يعني؟
نور بنبرة بكاء: بنروح نعزيها ونواسيها بموت ريماس !
المديره بصدمه:شنهو؟ ريماس توفت !!
الجوري عيونها تدمع: ايه ..سمعت مدرسة الدين تكلم مع مدرسة الاحياء وقلنا لازم نقوم بالواجب !
المديره: ان لله وان اليه لا راجعون ! خلاص يا بنات بعد صلاة العشاء نروح كلنا نعزيها ونواسيها ..مسكينه ام حسن ما تستاهل !
نور: بتروحين معانا؟
المديره: اكيد لازم اقوم بالواجب ..ام حسن بحسبة اخت !
الجوري: طيب استاذه نبغى عنوان بيت ام حسن !
المديره : حبيبتي انتي تعالوا عندي البيت وكلنا نروح لبيت ام حسن !
الجوري: طيب عطينا عنوان بيتك ؟
المديره كتبت لهم بورقه عنوان بيتها ..ومدت الورقه ل الجوري
: بعد صلاة العشاء تجون عندي ثلاثتكم وبنروح كلنا نعزيها !
الجوري : ان شاء الله ..جزاك الله خير !
المديره : الله يرحمها ويغفر لها ويصبر قلب امها
الجوري ونور وبشاير: امين يارب ..
.
.
طلعوا من غرفة المديره وكل وحده راحت فصلها وهي متضايقه ..!
.
.
في بيت بو نايف؛)
جالس قدام المسبح ..ويتذكر ايامه مع ريماس
"قبل ثلاث سنوات ..
كان جالس يقرا كتاب ..فجاءه ماشاف نفسه الا بنص المسبح !
صار يشهق بقوه ..
سمع صوتها تضحك بقوه : واحد ..صفر !!
نايف بصراخ: يا مجنونه ! كتابي تبلل !
ريماس تطلع السانها بلا مبالاة وتضحك !
نايف طلع من المسبح : الله يشفيك !
بعد اسبوع ؟
كانت ريماس جالسه ترسم ..فجاءه حست بشي يمشي على كتفها !
شافته الا بريعصي !
صرخت بقوه خايفه !
سمعت ضحكات نايف تتعالى بالمكان : واحد ..واحد يا مجنونه !
ريماس اشوي وتبكي: شيله تكفى شيله !
نايف تذكر ان عندها فوبيا من الحشرات وراح شال البريعصي ورماه بالشارع !
و ريماس زعلت من نايف ..وصارت ماتكلمه وماتعطيه وجه !
لكنه خلاها ترضا بطريقته ؛) !"
فاق من ذكرياته على صوت رنين موبايله ..
تنهد و رد بدون مايناظر الرقم : الوه !
كان صوت انثوي: صباح الخير نوره !
استغرب الصوت وبدون نفس : منو نوره ؟ انا نواف !
البنت تلخبطت: اوه اسفه بجد اسفه ..شكلي غلطت بالرقم كالعاده ..!
نايف سكر الجوال بدون مايرد على كلامها
: غبيه !
و رجع لعالم ذكرياته مع ريماس ..وحاس بالحزن لموت حبيبة قلبه !
.
.
في مدرسة البنات المتوسطه؛)
سميه تناظر خوياتها: ها شسويتوا بأختبار الانجليزي؟
مشاعل: انا والله جبت العيد ..عيدكم مبارك !
رغد بستهبال: ينعاد علينا وعليك !
وعد تضحك: مهبولات انا الحمدالله حليت كل شي صح !
سميه تبتسم: وانا كل شي صح الا ثاني سؤال احس جبت العيد فيه !
مشاعل تستهبل: انا احب العيد لذلك دائما اجيب العيد !
رغد : وانا كذلك ياوخيتي !
مشاعل: كفتس كفتس !
ضربوا كف بعض وضحكوا ..!
سميه: مهبولات وربي ..مدري شبتسون بالنهائي !
مشاعل: الله يخلي البارشيم !
رغد: انا عن نفسي بحاول اذاكر واشد حيلي !
وعد : كل سنه تقولين هالكلام ولا تشدين حيلك ولا شي !
رغد: اووص هالسنه غير لأنها ثالث متوسط !
وعد: ايه نشوف عاد !
.
.
قاطع كلامهم بنت من أول متوسط
: احم ..سميه !
سميه ببتسمامه: هلا؟
البنت بتردد: ممكن اكلمك شوي؟
سميه : ايه مافيها شي تكلمي؟
البنت : احم تعالي معاي شوي؟
سميه مستغربه: اوكى !
مشاعل بفضول: تكلموا جنبنا مافيه احد غريب !
رغد: صح احنا خوياتك ماتخبين علينا شي !!
سميه تناظر البنت: صح كلامهم تكلمي هنا قدامهم !
البنت بخجل: لا تعالي معاي تكفين !
سميه : امم اوك !
راحت معاها ورا المدرسه..
البنت : اول شي انا اسمي نوف !
سميه : عاشت الاسامي !
نوف: تعيش ايامك وثاني شي انا بصراحه معجبه فيك وبشخصيتك وخاطري اكون صاحبتك !
سميه بستغراب: من متى المعرفه؟
نوف: انا دايم اشوف مع خوياتك واكثر شي مع وعد !
وغير كذا اتابع احسابك بالانستغراب والسنا بشات ! وبصراحه حبيتك وحبيت وحبيت شخصيتك وحتى صوتك بالحيل عاجبني !
سميه ابتسمت: طيب انتي ماعندك صاحبات؟
نوف بصدق: لا , انا جديده بالمدرسه ! نقلنا من الخبر بسبب شغل خالي..تكفين حابه انضم لشلتك...ابي يكون عندي صاحبات كذا مثلكم !
سميه بطيبة قلب: اوكى تعالي ..اعرفك على شلتي وعرفينا عليك اكثر !
نوف بفرح: جد؟؟؟
سميه تبتسم: جد يا حلوه !
مسكت يد نوف و راحوا للشله : احم بنات نوف حابه تصير صاحبتنا وهي جديده بالمدرسه !
مشاعل رفعت حاجب: يالله حيها !
رغد : عرفينا بنفسك !
وعد: كم عمرك وبأي صف؟؟
نوف : عمري 13 سنه , بأول متوسط نقلت من الخبر ل هنا بسبب شغل خالي ..ابوي متوفي الله يرحمه !
انا اكبر اخواني وخواتي ..عندي صاحبات لكن بالخبر اما هنا ماعرف أي احد !
مشاعل تبتسم: طيب نتشرف فيك لكن شمعنى اخترتي تكونين صاحبتنا حنا؟
ليه ماخترتي بنات من اول؟
رغد: ايه صح سؤال يطرح نفسه !!!
نوف: بصراحه انعجبت بشخصية سميه وحبيتا كون قريبه منها !
مشاعل: اها لانها بنت المديره ولا؟
نوف بستغراب: سميه بنت المديره؟ ماكنت ادري !
مشاعل : واحين عرفتي !
نوف ابتسمت: طيب انا جد تو عرفت وانا مايهمني سميه مينا مها ! انا تهمني سميه نفسها !!
سميه : احمم طيب خلاص نوف بتصيرين وحده من الشله وبنصير خمس بنات !
نوف بفرح: وناسه والله ! اوعدكم اني ماراح اضايقكم وبكون اخت وصاحبه لكم !
وعد : شي طيب !
ضرب الجرس وانتهت الفسحه والكل توجه ل فصله ..!
.
.
نرجع ل الشرقيه ..
عند العشاق؛)
ياسمين و وليد..
وليد ماسك يدها ويناظر عيونها: حبيبتي لازم تسافرين وتتعالجين وترجعين تمشين مثل قبل !
ياسمين: انا خايفه مارجع امشي !
وليد: يا قلبي راح ترجعين تمشين صدقيني انا واثق !
ياسمين تنهدت: طيب انا بقولك شي بس مابيك تعصب !
وليد بهتمام: قولي !
ياسمين: انا قبل الحادث بيومين جاني واحد خطبني من جهة امي !
وليد : نعم !!!
ياسمين بضيق: انا رفضته بس امي تبيني اخذه عشان كذا تهورت وخليت السياره تصدمني عشان اصير مشلوله ويصرف النظر عني !
وليد بقهر: مجنونه !!! شلون سويتي كذا ! وين كان عقلك؟
ياسمين تناظر عيونه: عقلي وقلبي عندك يا غالي !
وليد تنهد وبكل تهور قرب حضنها لصدره بكل قوته!
ياسمين غمضت عيونها وقلبها يدق من قربه ..!
وليد تمتم: احبك !
ياسمين بهمس: اعشقك !
.
.
ياترى هالحب بيتوج بالزواج ولا ؟!
عند مشعل وبدر !
بدر يتلفت: وليدوه وينه !
مشعل بكذب: مدري عنه يمكن بدورة المياه !
بدر : اها ..مشعل بسألك !
مشعل: ايش ؟
بدر: شخبار مشاعل الهبله ؟؟
مشعل ضحك: الحمد الله بخير بس ليه تسأل عنها !
بدر يبتسم: من زمان عنها ..سلم عليها !
مشعل: يوصل وانت شخبار اختك ؟
بدر : بخير ماعليها شر !
مشعل يقلده: سلم عليها !
بدر: يوصل ..ياخي ملل !
مشعل : ايه حيل ملل ..
بدر : مشعل ..تذكر انور؟
مشعل يعقد حواجبه: مين انور؟
بدر: انور ..ولد عمي !
مشعل: ايه شفيه؟
بدر يطالع عيون مشعل: معجب فيك !
مشعل تنح: ها؟
بدر بضحكه: معجب فيك حيل ! لما هذاك اليوم تعبت ..صار يدعي لك ويحاتيك !
مشعل : احلف؟
بدر: والله مدري شمسوي فيه انت ..يحبك بشكل مو طبيعي خاطره يكون قريب منك لكن مستحي !
مشعل مفهي: اما عاد !
بدر يضحك: ايه والله ! طبعا لا تخاف هو مو شاذ ! لكن كذا انعجب فيك ويبغى يكون صاحب لك ! حتى يغار من الوليد لما يشوفك معاه تضحك وتسولف !
مشعل تنح وماقال شي!
بدر ابتسم: تبي اعرفكم على بعض؟
مشعل: ها؟ ايه !
بدر: تمام راح يفرح لما يعرف انك بتتعرف عليه !
مشعل مفهي: زين!
.
.
بعد ربع ساعه ..ياسمين رجعت لبيتهم ومشعل وبدر و وليد رجعوا ل الرياض !
و وليد يفكر في الي خطب ياسمين وهل بتزوجه ولا لا!
اما مشعل يفكر في انور ولد عم بدر ومو مستوعب ..انه معجب فيه ومتحمس يتعرف عليه !
.
.
بعد صلاة العشاء ؛)
بشاير راحت بيت نور ..
وبعد عشر دقايق مرتهم الجوري مع سواقهم كومار !
راحوا بيت المديره ام عبدالله !
بعد السلام والسؤال عن الأحوال ..طلعوا متوجهين لبيت ام حسن !
سلموا على ام حسن ..
ام عبدالله: عظم الله اجرك يا فاطمه ..اخر الاحزان ان شاء الله
الجوري مدمعه: الله يرحمها ويغفر لها ..
نور: ان شاء الله قبرها روضه من رياض الجنه..
بشاير: الله يرزقها جنة الفردوس ..
ام حسن مكتفيه بالدموع وساكته ..
جلست ام عبدالله وجلسوا جنبها البنات واخذوا جزء من القرأن الكريم يقرون بكل هدوء وخشوع !
بعد ربع ساعه كل وحده رجعت لبيتها وقلبها معورها على ام حسن !
.
.
بعيد عن اجواء الحزن ..
في احدى العمارات ..في الطابق رقم خمسه ..غرفه رقم 22 !
جالسه قدام التلفاز تتفرج بملل ..
سمعت صوت طق على الباب ..راحت ردت
: مين ؟
خلف الباب: انا حرامي !
ابتسمت وفتحت الباب له ..دخل وارتمت بين احضانه وتهمس له
: يوم بعيد عني كأنها مليون عام !
محاوطها ويمسح على شعرها: لبى قلبك يالجازي !
الجازي تهمس له: اربعه وعشرين ساعه ما افكر الا فيك ..قولي شسويت فيني؟؟
ابتسم على صوتها الناعم وهمس لها: ساحرك انا..عشان ماتفكرين الا فيني انا..انا وبس !
الجازي تتنفس ريحة عطره وبحب : الجازي متيمه فيك يالخالد !
خالد: فديت قلب الجازي يا ناس !!
الجازي بعدت عنه ومسكت يده وحطتها على بطنها وتناظره : ولدك دايم يرفس !
خالد ابتسم: فديت ولدي ..مستعجل يبي يطلع !
الجازي بوزت: مشتهيه كوسه محشي !
خالد: اخخ ابتدت عاد نساتك !
الجازي : تكفى روح جيب لي من أي مطعم !
خالد : اخ منك ومن ولدك ان شاء الله من عيني هذه قبل هذه !
الجازي: وه فديت عينك انا !
خالد يبتسم: ما تامرين على شي ثاني؟
الجازي بحب: سلامتك يا غلاي!
خالد عكرش شعرها وطلع من الغرفه ومن العماره بكبرها بيشوف اقرب مطعم وبيجيب لها كوسه محشي !
.
.
تعريف ب الجازي؛)
شابه جميله عمرها 24 سنه ..يتميه .. زوجة خالد من سنه ونص!
مواصفاتها؛ حنطيه..شعرها طويل وبني ..عيونها عسليه ..
.
.
عند بطلتنا الجوري ..
دخلت للمنتدى ..كتبت بمدونتها عن ريماس انها توفت قبل زواجها بسبوع ..ودعت لها بالرحمه والمغفره ..
بعدها طلعت من المدونه ..وصارت تصفح المنتدى بملل ..
جاتها رساله بالخاص ..من احدى الأعضاء
" مساء الخير ..جميلتي الجوري كيف حالك؟ اسأل الله ان تكوني بأفضل حال ..اريد ان اسألك ماهو حسابك في الفيس بوك؟"
ضحكت الجوري: هههههه ماماتوا الي يدخلون فيس بوك!!
تجاهلت رسالته وحذفتها وطلعت من المنتدى و نزلت تحت
شافت اخوها زيد يلعب بلاي ستيشن كوره
جلست جنبه : بلعب معاك !
زيد بفرح: جد؟
الجوري ابتسمت لفرحته: ايه جد !
زيد: انا مدريدي !
الجوري تمسك القير: برشلونيه ..!
.
.
اختارت الفريق ..وجلست تلعب معاه وتحاول تنسى موت ريماس !
.
.
في بيت بو نايف؛)
عبدالرحمن يضرب باب غرفة نايف ويدخل: نايف تقولك امي تعال تعشى معانا !
نايف يدخن : مالي نفس !
عبدالرحمن تنهد: ياخوي مايصير الي تسويه بنفسك !
نايف تجاهل كلامه و يدخن ..
عبدالرحمن: الله يهديك !
طلع من غرفته ونزل تحت وناظر امه: يقول ماله نفس ياكل !
ام نايف: اجل انا بعد مو ماكله !
بو نايف: اذكري الله يامره واكلي ! ولدك مو جاهل اذا جاع بياكل!
عبدالرحمن: كلام ابوي صح !
ام نايف تنهدت واكلت وقلبها موجوع على نايف !
.
.
عند حلوتنا نور؟
جالسه بالمرجيحه ..تتمرجح وتحاول تنسى موت ريماس !
فجاءه حست بأحد غطأ عيونها: مين انا؟
نور ابتسمت وقلبها يدق: مشاري !
.
.
انتهى البارت الثالث
توقعاتكم؟
اخوكم: فهد ال راشد
2016م

رد: رواية؛ انت نبض قلبي وسلطانه / بقلمي ..!

ماشالله الله يدووووم هالابداع عليك
اتوقع انه مشاري او الجوري
استمر اخوووي