رد: رواية؛ انت نبض قلبي وسلطانه / بقلمي ..!

# البارت الرابع؛)
جالسه بالمرجيحه ..تتمرجح وتحاول تنسى موت ريماس !
فجاءه حست بأحد غطأ عيونها: مين انا؟
نور ابتسمت وقلبها يدق: مشاري!
مشاري بعد يدينه عن عيونها وبحب : مسائك مشاري يا نبض مشاري !
نور التفتت له وبحب: احلى مساء والله !!
مشاري يمسك يدها ويبوسها برقه: اتصلت عليك اكثر من مره ليه مارديتي؟
نور : اسفه جوالي كان يشحن بغرفتي !
مشاري يمرر يده على شعرها الناعم ويبتسم: طيب وين كنتي اليوم بعد صلاة العشاء؟
نور بحزن : طلعت مع بشاير بنت عمي والجوري صديقتي و رحنا بيت مستخدمه عندنا بالمدرسه بنتها متوفيه البارح ..عزيناها بموت بنتها وقرينا جزء من القرأن وبعدها كل وحده رجعت لبيتها !
مشاري : جزاكم الله خير !
نور تنهدت: انا خايفه يا مشاري!
مشاري يعقد حواجبه: نبضي من شنهو خايفه؟
نور تدمع: اخاف اموت قبل زواجنا بسبوع مثل ما ماتت ريماس !
مشاري بعتاب: اسم الله عليك شهالكلام هذا؟ ماحد يموت قبل يومه ..يا عسى يومي قبل يومك !
نور تشهق: لا تقول كذا ..يارب نموت بنفس اليوم ولا تموت قبلي !
مشاري تنهد: خلاص قفلي هالطاري !
نور : مم طيب تعال ندخل المجلس واضيفك !
مشاري يبتسم: خلينا هنا الجو حلو !
نور : طيب الي يريحك !
مشاري يناظر عيونها بحب: عيونك حلوه يانوري !
نور استحت وماقالت شي ..!
مشاري يقرب لها ويبوسها بين عيونها بحب ..نور قلبها يدق وشوي ويطلع من مكانه !
.
.
بنفس البيت في احدى الغرف ..
جالس وبيده صوره ..عمرها 3 سنوات !
صار يتذكر ..وقلبه يوجعه !
"كان جالس يتفرج على فلم كوميدي ..رن موبايله وكان صاحبه بسام ..رد: هلا !
بسام بروقان: يا هلا وغلا بالزين ..
ابتسم: شعندك مروق اليوم؟
بسام: شلون ما اروق واليوم ميلادك يا اهبل !
انور بفهاوه: جد؟
بسام: ههه يا فهاوتك ..ايوه جد يالله اترك كل شي بيدك وتعال عند باب بيتكم انتظرك بسيارتي !
انور بتناحه: اوك جايك !
طفى التلفاز وطلع بره وفتح باب الشارع ..
بسام واقف يبتسم وافتح ذراعه له !
ركض أنور لحضنه الدافي واغمض عيونه ..حاوطه بسام وهمس له بأذنه
: كل عام وانت بخير وسعاده..كل عام وانت صاحبي المخلص الوفي !
أنور بعد عنه: اول مره احد يذكرني بيوم ميلادي !
بسام يبتسم: وماراح تكون اخر مره ..اركب بالسياره باخذك لمكان وايد حلو !
انور بحماس: اوكى !
ركبوا السياره وانطلق بسام لشاليه ابوه ..وصلوا وكان المكان فاضي والجو حلو !
دخلوا الشاليه وتفاجئ انور ..كانوا نص الطلاب الي بفصله موجودين وفيه تاروته وشموع وحركات وهدايا ..دمعت عيونه من الفرحه وحضن بسام كل قوته: الله يخليك لي !!!
بسام يبتسم : ويخليك لي يامهبول !
طبعا كل هذا كانت الكيمرا تصوره فيديو !
بعد دقايق صوروا مع الكيكه صوره جماعيه وتمنى انور امنيه وطفى الشموع
وقصوا الكيكه واكلوا ..وفتح الهدايا وكل هديه احلى من الثانيه !
واستمتعوا بوقتهم كثير !
على الساعه 2:30ص رجعوا لبيوتهم وكان انور حيل مبسوط بهالدايا !
بعكس نور اليم احد احتفل معاها الا الجوري جابت لها هديه بسيطه !
.
.
صحى انور من ذكرياته على صوت رنين جواله ..ناظر الرقم وكان بدر ولد عمه تنهد و رد بهدوء: الوه !
بدر يبتسم: يا هلا اخبارك؟
انور : الحمدالله ماشي حالي وانت اخبارك؟
بدر : الحمدالله تمام ..عندي لك خبر بيفرحك !
انور : ايش الخبر؟
بدر: كلمت مشعل عنك وتحمس يشوفك ويتعرف عليك!
انور بفرحه: جد؟
بدر: جد الجد وقال يبي يشوفك بكره بالفسحه !
انور يبتسم: تمام !
بدر : حلو لا تغيب بكره !
انور : ماراح اغيب !!
بدر: تمام ..يالله بتروش وبذاكر تصبح على خير
انور ببتسامه: وانت من اهله يا ولد العم !
.
.
انتهت المحادثه وانور طاير من الفرحه !
.
.
تعريف ب انور ؛)
شاب مراهق عمره 18 سنه , توأم نور , يدرس بثاني ادبي !
مواصفاته؛ ابيض , طوله متوسط , شعره اسود ل رقبته وعيونه عسليه ..!
.
.
في اليوم التالي ..يوم الثلاثاء؛)
جلس انور من النوم وكله حماس ونشاط ..مو عشان الدراسه طبعا عشان مشعل !
تروش ولبس ثوبه وتعطر ومشط شعره واخذ كتبه ونزل تحت ..طبعا كالعاده امه وابوه ونور جالسين يفطرون ..
ابتسم بهدوء: صباح الخير !
بو انور: صباح النور والسرور ..شعندك جالس مبكر؟
انور بهبال: وراي مستقبل يالغالي!
جلس يفطر ومتحمس ..
بو انور: الله يوفقك ..
انور ابتسم ويشرب حليب بالشاي وماعلق ..
.
.
في تمام الساعه السادسة والنصف
كانوا جميع الطلاب صافين طابور بالمدرسه ويستمعون للأذاعة الممله بالنسبة لهم !
انور يتلفت طاحت عينه بعين مشعل ..ابتسم بقوه !
مشعل مو منتبه ابد ..ويسمع للأذاعه بكل ملل !
وكذلك الحال بالنسبه لوليد وبدر ..!
بعد ذلك قالوا النشيد الوطني ..وكل فصل توجه لفصله
وانور ينتظر الفسحه على نار !
.
.
في مدرسة البنات الثنوية ..
بالحصه الأولى فصل ثالث ادبي كان عندهم فراغ
مدرسة البلاغه غايبه ..
نور بتردد: جوجو !
الجوري: هلا عيوني؟
نور : بصراحه انا البارح طول الوقت افكر ..خايفه اموت مثل ريماس قبل الزواج !
الجوري تعطيها نظره: لأنك مجنونه ! شهالتفكير؟ ماحد يموت قبل يومه ..ذكري الله وصلي على النبي !
نور تتنهد: لا اله الا الله !
الجوري : ريماس كان يومها وانتي ماراح تموتين الا بيومك ..لا تفكرين كذا مره ثانيه ولا بزعل ومابكلمك !
نور بحزن : طيب اسفه !
الجوري : الله يهديك !
.
.
بفصل بشاير ؛)
كان عندهم درس احياء ..كانت ترسم الخليه بكل ملل
فجاءه تذكرت طيحتها لما كانت بتنزل من الباص كانت طيحه اليمه وماراح تنساها !
فجاءه جاتها ورقه من بنت ..فتحتها مستغربه
كان فيس ومكتوب " اما طحتك امس شي خيالي هههههههه حتى السواق كان كاتم ضحكته بالعافيه ..امانه عيديها ههههاي " !
تأفتت بشاير وقطعت الورقه قطعه قطعه ..وكملت رسم الخليه !
.
.
في الشرقيه ..في بيت متواضع ؛)
كانت جالسه على كرسيها المتحرك في حديقة البيت ..تستمع لتغريد العصافير وتشرب كابتشينو ..قطع عليها جوها صوت رنين الجوال !
ردت بدون ماتناظر الرقم: الو !
: انتي يالمعاقه !
انصدمت ياسمين من الكلمه وطالعت الرقم لكن ماعرفته رجعت الجوال لأذنها وسمعته يقول : انا خلاص صرفت النظر عنك بقول لأمي اني مابيك ! هه شلون اخذ وحده معاقه؟؟ ربي لا تبلينا !
ياسمين دمعت عيونها وبهمس : الله يسامحك !
سكرت الجوال بوجهه ودموعها نزلت ..
تكلم نفسها : هه وليه تبكين؟ مو هذا الي تبينه ان الخطبه ماتتم ..خلاص مسحي دموعك وقولي لأبوك تسافرون وتتعالجين وتمشين مثل اول واحسن !
تنهدت ومسحت دموعها بعنف واخذت نفس عميق ورجعت تشرب الكابتشينو بكل هدوء وكأن المحادثه لم تكن !
هكذا هي ياسمين..لا تسمح للأمور التافهه ان تعكر صفو حياتها !
دائما تبتسم كي تقهر عذالها !
.
.
نرجع لمدينة الرياض؛)
بمدرسة البنين الثنوية..
ضرب الجرس معلن وقت الفرصه ..
على طول فز انور من الكرسي وطلع من الفصل ..متوجه لفصل بدر ولد عمه !
كان بيدخل وبنفس الوقت كان مشعل بيطلع ..صقع فيه !
تلخبط انور وابتسم بتوتر: مشعل !
مشعل رفع حاجبه: هلا؟
انور يحك شعره : انا انور ولد عم بدر !
مشعل ابتسم: يا هلا والله ..تفضل؟
دخلوا الفصل ..وانور يحس بتوتر !
مشعل يناظر انور: سمعت انك تبي تتعرف علي؟
انور : ايه !
مشعل: اوك عرفني عن نفسك وبعدها انا بعرفك عن نفسي !
تنفس انور بعمق وصار يتكلم عن نفسه
: انا بنفس عمرك ..عندي اخت توأم ماعندي اخوان ! رسبت بسنه من السنوات وكنت ناوي ماكمل دراسه لكن ابوي عصب علي وغصب عني كملت دراسه ..مثل مانت شايف انا بثاني ادبي !
فاشل بكل المواد العلميه ماعدا الكيمياء !
احب الأفلام الكوميديه واطالع رعب لكن ماحب اطالع لحالي لازم معاي احد!
ماطالع مباريات احس تفاهه ومضيعة وقت !
وبس تقريبا هذه شخصيتي واهتم بالناس اكثر من نفسي !
مشعل يبتسم: حلو تشرفت فيك ..قبل ماتكلم عن نفسي قولي شنهو الي خلاك تنعجب فيني؟
انور :بصراحه ماهمني شكلك ولا ان كنت غني او فقير ! الي همني شخصيتك وحبك لأصحابك وهبالك ! للأمانه مرات اغار من وليد لما اشوفه معاك يسولف ويضحك لكن ماقدر اسوي شي مالي حق ابعده عنك !
حبيت شخصيتك بالسناب شات واجوبتك بالأسك !
مادري حبيتك وبس !
مشعل : شكلي بغنى عن التعريف !
انور: ايه ! اعرف كل شي عنك من الأسك والسناب !
مشعل يبتسم: حلو وانت ماعندك اصحاب؟
انور تنهد: لا ! وحاب اكون صاحبك وقريب منك طبعا اذا كان هذا الشي مايضايقك !
مشعل : امم لا مايضايقني ابد ! بس بشرط لما تكون صاحبي ابيك معاي بحزني قبل فرحي ! فاهم؟
انور بهدوء: فاهمك ! اوعدك بنشب لك لين تمل مني !
مشعل: تمام ..تعال نروح لبدر و وليد !
انور: امم اوك ..اصحاب؟
مشعل يبتسم ويمسك يده: اصحاب يا انور !
انور ابتسم بقوه ؛) !
طلعوا من الفصل وراحوا لبدر و وليد !
وانور الأرض مو شايلته من الفرحه ..من بعد بسام ما تعرف على احد !
لكن شخصية مشعل حيل عجبته وتمنى يكون صاحبه وقريب منه !
وامنتيه تحققت وصاروا اصحاب ..لكن هل بيكون اقرب له من الوليد وبدر؟!
.
.
في مدرسة البنات المتوسطه ؛) !
الساعه العاشره صباحا
كان فصل ثالث متوسط ..في غرفة الحاسب !
رغد ومشاعل جالسات جنب بعض
وعد وسميه جنب بعض !
وباقي البنات متوزعين هنا وهناك ..
كانت المدرسه تشرح وكلهم يستمعون ..!
فجاءه صرخت الاستاذه وطلعت من الفصل !
رغد تنقز: بسم الله شفيها !
مشاعل : مدري عنها الهبله خرعتنا !
وحده من البنات صرخت: فار اسود !
البنات كلهم نقزوا وطلعوا من الغرفه واخر وحده كانت سميه وكانت بتموت من الخوف !
سميه طلعت وحضنت وعد: يمه يمه !
وعد تدفها بخفه وقلبها طاح في بطنها !
وحده من البنات: مشاعل شفتيه يخوف !!
مشاعل تكشر: ويع لا ماشفته الحمدالله !
وحده من البنات: انا شفت الذنب !
البنات: ويعع !
مشاعل تفطس ضحك: اما يا بنات شفتوا نوره؟ شلون شكلها يضحك وهي تصرخ وترفع تنورتها وتطلع بره الغرفه !
رغد : ههههههه الله يرجك شكلك قزيتيها قز !
مشاعل: هههههه ايه ولا يقولون اذا فيه حريق سلامة الطالبات اولا ثم المدرسات هه مره واضح !
سميه: اسم الله علينا بس !
وحده من البنات: تعالوا بس نروح الفصل !
مشاعل: رغيد وعيد سويم تعالوا نطلع بره نتمشى !
رغد: اوكى قدام !
طلعوا الرباعي يتمشون !
فجاءه مشاعل ضحكت ..
رغد: بسم الله شفيك ياهبله؟
مشاعل: ههههههههه لا بس تذكرت شكل الاستاذه حدها تحفه !
سميه: هههه انتي ماراح تنسين شكلها ابد؟؟
مشاعل: ههههه ايه والله ..اخخ تعالوا نتسابق !
رغد: اوك قدام !
.
.
تسابقوا اربعتهم وكانت بالمقدمه مشاعل بعدها وعد بعدها رغد واخر شي سميه !
سميه تلهث: اهخ تعبت وجع مشاعلوه سريعه بالركض !
مشاعل تخزها: ذكري الله !
سميه: اهه لا اله الا الله !
رغد: بنات شرايكم نروح نشوف نوف شتسوي؟
مشاعل: اوك قدام !
راحوا الرباعي لفصل نوف ..كان عليهم انتظار
طقت سميه الباب ودخلت : نويف !
نوف تبتسم: هلا ؟
سميه: تعالي تمشي معانا ..الجو حلو بره !
نوف : اوكى !
طلعت مع سميه من الفصل وشافت الثلاثي واقفين
طالعتهم: ماعندكم حصه؟
مشاعل : هههههههه الا عندنا بس تخيلي طلع لنا فار بغرفة الحاسب !
نوف تكشر: حلفي !
مشاعل فاطسه ضحك : ايه والله عاد شكلها تحفه نوره وهي تنرقز وتطلع بره الغرفه ولا سألت عنا ابد !
نوف تضحك: ههههه ليتني معاكم وشفت شكلها !
مشاعل: ههههههه مره ثانيه ان شاء الله الا ماقلتي لي نويف عندك اخوان وخوات؟
نوف : ايه عندي بنت و ولد اصغر مني ..مناف بالروضه ومهاوي عمرها 3 سنوات !
مشاعل: الله يخليكم لبعض !
نوف : ويخليكم لأهلكم !
الرباعي: امين يارب ..
.
.
في المستشفى؛)
كانت جالسه بغرفة الانتظار ..سمعت الممرضه تنادي اسمها
"جود محمد العباد" ..
وقفت بهدوء ومشت بخطوات هادئه لغرفة الممرض محمد ..
دخلت :السلام عليكم !
محمد: ياهلا وعليكم السلام ..تفضلي اختي على الكرسي !
تقدمت جود بالكرسي ..
محمد يناظرها: لو سمحتي رفعي نقابك عشان اقدر اكشف على اسنانك !
جود بحده: عفوا؟
محمد : لو سمحتي شلون اكشف على اسنانك وانتي متنقبه !
جود تأففت ورفعت شوي من نقابها بحيث بس بان انفها وشفايفها !
سم بسم الله ..وطلب منها تفتح فمها ..فتحتهم وكشف على اسنانها !
بعد دقايق : اختي اسنانك لازمهم تقويم !
جود شهقت: تقويم؟ لا لا مابي يقولون يوجع !
محمد بخاطره"طفله" : لا ياختي مايوجع بس في البدايه بعدين ماتحسين فيه !
وحتى لو كان يوجع اسنانك بحاجه للتقويم !
جود : لكن يا دكتور انا مابي تقويم مافيه حل ثاني؟
محمد: للأسف لا !
جود تأففت: طيب ومتى راح تركبه؟
ابتسم: بالوقت الي تبينه لكن خلال هذا الأسبوع !
جود : طيب..يعطيك العافيه!
محمد: الله يعافيك !
جود: كم يكلف التقويم؟
محمد: 600 ريال !
شهقت بقوه: الله ..شدعوه !
ابتسم محمد وما قال شي!
تأففت وطلعت بره الغرفه وهي تتحلطم !
وماتتخيل شكلها وهي بالتقويم !
.
.
اتصلت على السايق ودقايق وجاء لها و رجعها للبيت !
.
.
نمشي الوقت شوي؟
بالليل الساعه 11:00 م
كان الجو بالرياض بالحيل غبار ..لدرجة ان بالشارع ماحد يقدر يشوف احد !
.
.
مشاعل مقابله التلفاز وتنتظر خبر تعليق الدراسه وفعلا تم تعليق الدراسه بالرياض والخفجي !
صرخت من الفرحه وصارت تناقز وصورت الخبر بسرعه و رسلته واتس بقروب الخماسي المرح"رغد وعد سميه نوف مشاعل" ..
اول من قرت الخبر رغد وصارت ترقص من الفرح وبشرت اختها وعد
الي كانت بدورة المياه تتروش وانتم بكرامه !
و راحت لوليد وكمان بشرته وطار من الفرحه و رسل لأخوياه وكلهم فرحوا بهذا الخبر !
مشاعل ومشعل سهروا على فلم مستر بن!
رغد وعد وليد ..سهروا على مسرحية البيت المسكون!
الجوري سهرت على المنتدى تنزل مواضيع وترد على مواضيع!
نور طبعا سهرت تسولف مع مشاري لين غلبهم النعاس وناموا !
.
.
اما نايف سهران يطالع صور ريماس !
كذلك الحال عند عبدالله يطالع صور سحر !
كذلك الحال عند انور؟ سهران يطالع صور بسام !
ويتذكر بسام وايامه ..ويدعي له بالرحمه !!
خالد سهران عن الجازي !!
وعلى الساعه ثلاث رجع لبيت اخوه ..
دخل البيت يتسحب مثل الحرامي ..
بالصدفه كان اخوه سلمان رايح المطبخ يشرب مويه !
سمع صوت التفت وكان صوت خالد
تنهد وبحده: خالد !
خالد قمط والتفت له: هلا هلا سلمان !
سلمان يخزه: وين كنت؟
خالد بكذب: بالدوانيه مع الربع !
سلمان: بالدوانيه لثلاث الفجر !
خالد: ايه عاد تعرف سوالف ولعب كيرم واخذنا الوقت !
سلمان: والمطلوب مني اصدق كلامك يعني؟
خالد برتباك: وليه بكذب!!
سلمان : انت ابخص بنفسك !
خالد : ءءزين تمسي على خير!
.
.
صعد لغرفته وقلبه طايح في بطنه !
لو سلمان يدري انه متزوج بالسر كان صارت سالفه طويله عريضه !
.
.
دخل الغرفه شغل التكيف وانسدح وهو يتخيل الجازي منسدحه بحضنه
وتدلع عليه و ريحتها الحلوه تدوخه !
ابتسم وغمض عيونه ونام
.
.
عند الجازي كانت مو عارفه تنام تحس بكتمه وألم فضيع في بطنها وظهرها
وكل شوي تكح وتستفرغ ..صارت عيونها تدمع مو متحمله الألم
اخذت جوالها وبدون تفكير اتصلت على خالد ..رن جواله اكثر من رنه لكنه كان رايح بالعسل نايم مو حاس بأي شي !
صارت تبكي الجازي وتكرر الأتصال ولا مجيب !
ماعرفت شتسوي وتصرف ..العوار بيذبحها!
بعد تفكير؟ قامت بكل تعب ولبست عبايتها وشيلتها ونقابها واخذت شنطتها وحطت جوالها وفيه فلوس !
طلعت من الغرفه وضربت باب غرفه من الغرف!
بعد ثلاث ضربات ..فتح لها الباب شاب في العشرينات !
الجازي بتعب: اخوي لو سمحت اه انا حامل و زوجي طالع تصل له مايرد
تكفى خذني للمستشفى كح كح الله يخليك ياخوي !
الشاب كسرت خاطره : ان شاء الله اختي اخذ مفتاح السياره وجايك لا تتحركين !
الجازي تكح وعيونها تدمع والوجع كل ماله ويزيد!
الشاب اخذ جواله ومفتاح السياره وطلع من الغرفه و راح مع الجازي لأقرب مستشفى !
طول الطريق كان القرأن مشتغل بالسياره والجازي تردد معاه ودموعها تنزل وخايفه الجنين يكون فيه شي !
.
.
وصلوا للمستشفى وعلى طول اخذوا الجازي ل الطوارئ !
جلس الشاب عند كراسي الانتظار ويتمنى انه هاليوم يعدي على خير !
.
.
عند ياسمين؛)
منسدحه بسريرها والنوم مجافي عيونها ..من ربع ساعه تحاول تنام لكن النوم مخاصمها!
رن جوالها ..ناظرت الرقم وابتسمت: هلا حبيبي!
الوليد: عيونك حبيبها ليش مو نايمه؟
تنهدت: النوم مخاصمني يا وليد!
وليد يبتسم: افا؟؟ احد يخاصم القمر؟ ماعنده سالفه والله!
ابتسمت بحب: انت ليه مو نايم ماوراك دوام؟
وليد: لا ! عندنا غبار وتعلقت الدراسه !
ياسمين: اها ..اكيد مبسوط؟
وليد : هههه طبعا حبيبتي حيل مبسوط وبغيت اسمع صوتك قبل ما انام عشان احلم فيك!
ياسمين بحب: فديت حبيبي
وليد: يفداك كل حبيبك يا نبضه !
ياسمين ابتسمت وسولفت معاه شوي وبعدها انتهت المحادثه وكل واحد حط راسه على المخده يفكر بالثاني ويحاول ينام !
انتهى البارت الرابع
توقعاتكم؟
اخوكم؛ فهد ال راشد~
2016م