رد: ( رواية شلة بنات بالغربه)

ما اقدر اتوقع من يزيد شي الصراحه ارعبني
بس بلييييز كملي
الروايه رووووعه و الا يعيش جو الاحداث الي فيها

رد: ( رواية شلة بنات بالغربه)

لعيونك راح انزل بارت الحين

رد: ( رواية شلة بنات بالغربه)

البارت العاشر




بليل عند عبدالله اتصل بسمر قبل لا ينام وده يسولف معها شوي لانه صار ماينام قبل لايسمع صوتها
عبدالله: الووو حبي وش خبارك
سمر: اهلين عبودي
عبدالله يتدلع: قولي حبيبي لمتئ بتقهريني يعني
سمر ودها تقهره: انا ما تطلع ممني هالكلمه بسهوله
..اصبر لين اثق فيك واقولها
عبدالله بقهر: افا ...افهم منك الحين انه مافيه ثقه
سمر تبتسم: فيه ثقه بس مو وايد باقي شويتين لين اثق فيك وايد
عبدالله: فديتك ..ان ماخليتك تثقين فيني ثقه عميه مكون انا عبودك
سمر تضحك: ايش بتسوي مثلا
عبدالله بمرح: بخطفك علشان تثقين فيني اكثر
سمر تضحك: قصدك علشان اكرهك اكثر
وجلسوا يضحكون مع بعض..
لين كانت نايمه وهي تسمع ضحكات سمر مع عبدالله عصبت وقالت: سمورره ماتيوزين انتي ابي انام ...انتي وعبودك ماعندكم سالفة ازعجتوني
عبدالله يضحك: وش فيها صديقتك كذا نكديه ماتبغانا نضحك
سمر تخفض صوتها: البنت ودها تنام وانا ماخليتها... وبعدين ورانا جامعه بكرا ...يعني الحين سكر وخلينا ننام ونكمل سوالفنا باكر
عبدالله يوقفها: لحظة سمورتي
سمر باستغراب: ايش عندك
عبدالله: انا باكر عازمك عالعشاء
سمر بحماس: ياي وناسه
عبدالله: بكرا عالساعه ثمان تجون مع سواقكم ع مطعم(....)
سمر باستغراب: انت عازم البنات كلها
عبدالله: لا لا اقصد انتي ودانه
سمر وعلامة الاستفهام زادت براسها: اشمعنئ دنووش
عبدالله يحرها: انتي جيبيها معاك وخلي عنك الفضول ..راح تعرفين بكرا السالفه ويلا اخليك مع السلامه وسكر بوجهها.
سمر بقهر: عبود.. عبدالله ..الو.. الوو... اييي يالنذل يبي يحرقني...وشوي راجعت نفسها باستغراب بس ليش دانه م بد البنات...
واخر شي قررت تنام وتريح راسها م التفكير


/


/


اليوم الثاني

بعد مارجعوا م الجامعه .. العصريه كانوا البنات مجتمعين عالتيفي وطلبوا لنفسهم ايس كريم وقاعدين يشوفون فيلم هندي وكل شوي يصارخون م الضحك عاد افلام هنديه لازم يكون فيها اكشن ومرح زايد
هيام تضحك: وربي م زمان ماضحكت جذي
لين: ياعساها دووم الضحكه
خلود: الحين تقولين صارلك زمان ماضحكتي كذا وانا وش شغلتي هنا
سمر تضحك بقوه: مهرجه
خلود تضربها بظهرها بقوه: الحين انا مهرجه يادوووبه
سمر وهي تتالم: اييي اه يادووبه عورتيني..
خلود تبتسم: تستاهلين علشان مرره ثانيه تلزمين حدودك معاي
سمر بقهر: طيب انتي قلتيها بنفسك ..يعني الي يضحك الناس يقولون عنه مهرج... وانتي بعد مهرجه
خلود ترجع وتضربها مره ثانيه: الظاهر تبين تندمين اليوم
سمر بخوف: بس بس بصراحه انتي مجنونه واتوقع منك اي حاجه
هيام تضحك: هالبنت عايشه بعالم لحالها ماتعرف للهم طريق...ليتني نفسك
خلود: ولييه اضيق ع نفسي الدنيا ماتستاهل
هيام بحزن: ايييه ماكذبتي وربي ماتستاهل
لين سرحانه وشوي جاها اتصال وكان م خطيبها طارق شافوها البنات لما ابتسمت وقامت فهموا السالفه .. وبصوت واحد: اكيد الحب متصل
لين ماعبرتهم ومشت للغرفه تكلم حبيبها وخطبيها طارق

م جانب اخر كانت دانه مو بالجمعه مع البنات كانت تذاكر دروسها وتسترجع الي درسته اليوم .. هي قررت تنسئ كل شي صار معها م قبل وترميه وراها وتنشغل بدراستها وبس...
وماهي الا لحظات وجاتها سمر واول مادخلت: دنوووش
دانه بملل: نعم
سمر بمرح: انتي معزومه معاي عالعشاء
دانه بققت عيونها: وش
سمر وهي تلعب باصابعها: عبدالله عازمنا انا وانتي عالعشاء
دانه اتفاجات اكثر: وانا ايش دخلني بينكم
سمر: ما دري هو قال خليها تجي معاك ووقتها راح تعرفين...يعني اليوم تجهزي وبنمشي بعد العشاء الساعه ثمانيه
دانه وهي مو مقتنعه: طيب..
مشت سمر وتركتها تكمل دراستها..



/


/


بالليل عالساعه سبع طلعت دانه بلبسها الفضفاض والحجاب وحقيبة اليد الكبيره ومشت غرفة سمر: سموره انا خلصت يلا نمشي
سمر لما شافتها اتفاجات وبصدمه: بتروحين جذي
دانه باحراج: ايييه
سمر بخجل: لا لا ماراح تروحين جذي
اخذتها لغرفة هيام واول مادخلوا عند هيام
سمر بقهر: شوفي الاخت ايش لابسه علشان العشاء..ف حد يروح جذي
هيام بققت عيونها: لا دنووش اكيد انتي مو م صدقك تروحين جذي تبين تفضحينا انتي...تعالي انا اكشخك
سمر: اييه ياليت
هيام بابتسامه: انتي روحي تجهزي ونص ساعه لما تجي تلاقينها سندريلا
سمر ابتسمت ومشث تكمل باقي التجهيزات وتركت دانه بين ايدين هيام وهي تدري ان هيام راح تطلعها ملاك لان عندها ذوووق وتفهم فالكشخه
هيام طلعت لها فستان وردي مع حقيبة يد صغيره ومع حذاء ماركة جوتشي وفيونكه انيقه باللون الوردي علشان تحطها بالتسريحه انجنت دانه ع الاشياء الي طلعتها هيام واعجبتها وماهي الا لحظات وبدت بتزيينها وبدت تحط لها الكحله وسوت لها كحل فرنسي خفيف مع ايلاينر بني فاتح وبلاشر وردي محلي خدودها وجلوس وردي وكان حلو وجذاب ع شفايفها الممتلئه وبدت بتسريح الشعر الي كان عباره عن بف م قدام ونزلت خصلات طويله ونعومه م قدام وم ورا سيحتته كله لتحت وعالجنب حطت الفيونكه الورديه وبعدها لبست دانه الفستان والشوز واخذت بايدها الهاند باج علشان تاخذ بروفه قبل لاتروح وكانت تناظر نفسها فالمرايه ومو مصدقه نفسها مستحيييل اول مره تلبس كذا وتتكشخ كذا شكرت هيام وهي تناظر نفسها ومستغربه وبعد لحظات دخلت سمر تشوفهم اذا خلصوا. ...وانبهرت لما شافت دانه: لا لا ماصدق.... هذي دانه معقوله... وربي قمر ماشاءالله تبارك الرحمن ...اخاف عبدالله لاشافك يسحب علي ويحبك
ضحكوا دانه وهيام: ههههههههه
دانه بابتسامه: لا والله ماحينظر ليا وهو عنده كل هالجمال...قصدها ع سمر

سمر بعد كانت ف قمة الروعه.. كانت لابسه فستان تيفاني مع اسود ومعاه شوز تيفاني واسود والهاند باج بعد تيفاني واسود وكانت جنان... سوت تسريحه مرفوعه مثل الملكات وكحل سيمبل ونعوم ..
هيام اول ماشافت سمر عجبها لبسها وكشختها عدلت فيهم شوي وم بعدها طلعوا مع السواق...
ولما وصلوا المطعم اتصلت سمر بعبدالله وطلع يستقبلها واول ماشافها انبهر فيها وهمس باذنها: طالعه قمر
سمر ابتسمت: اهم شي وغمزت بعينها
عبدالله انجن اكثر: ارحمي حالي
سمر خجلت وتوردت خدودها وسكتت ماردت عليه..
دانه خجلت وحست انه مالها محل م الاعراب بينهم.. وهي مو عارفه وش ينتظرها مشت معهم وسكتت واول مادخلوا الغرفه العائليه انصدموا دانه وسمر..
دانه نزلت راسها بدون لا تتكلم..وسمر عصبت وصرخت عليه: وهذا ايش يسوي هنا
عبدالله يهديها: اهدي ياسمر وتفهمي الامور
سمر وهي تنافخ: طيب
يزيد وهو مذهول ويناظر دانه وهو مو مصدق ويناظرها زي المجنون
عبدالله بدون شعور فقع م الضحك وهو ينتبه لنظرات يزيد: هههههههههههههه
دانه بخجل احمر وجهها ونزلت راسها وهي تحس بخجل اول مره تلبس كذا وتكشف وندمت ان يزيد شافها كذا
يزيد انقهر م عبدالله: اقول اسكت بس... وبعد لحظات قام: انا رايح احجز غرفه ثانيه علشان سمر تاخذ راحتها معاك
عبدالله وهو لسئ يضحك: علشان سمر تاخذ راحتها ولا علشانك انت تاخذ راحتك
يزيد عطاه نظره قويه معناها اسكت .. ومشى يدور اذا فيه غرفه فاضيه وحصل وحده بجنب الغرفة الي قاعدين فيها سمر وعبدالله..

رد: ( رواية شلة بنات بالغربه)

وين ردودكم:eek:

رد: ( رواية شلة بنات بالغربه)

ابي اشوف ردود عشان انزل لكم بارتات جديده

رد: ( رواية شلة بنات بالغربه)

البارت الحادي عشر



دخل يزيد ودانه ع للغرفه العائليه وطلبوا لنفسهم عشاء يزيد كان جالس مواجهه دانه بس شوي وقام وجلس جمبها وقعد يقرب شوي شوي لين لصق فيها دانه خجلت ونزلت راسها م غير لا تتكلم يزيد وهو يبوس خدها بخفه اشتقتلك ياقلبي شهر يالظالمه لا اشوفك ولا تشوفيني طاوعك قلبك ماتسالين عن حبيبيك
دانه ماردت بس ساكته وتبعد عنه وهو مررره لاصق فيها ماعطاها فرصه
دانه بهدوء: يزيد لو سمحت ابعد انا ايش قلت لك قبل.. مابيك تلمسني
يزيد ولا همه طايح عليها تبويس .. يحس انه مشتاق لها بس يكابر وهي تقاومه وماتبي قربه تحس انها كرهته...
عبدالله بمرح يعلي صوته: سمعنا صوت همسات يايزيد خف عالبنت..
الغرف كان بينهم حائط واحد بس م فوق مفتوح يعني مو صاك بالسقف فيقدر الواحد يسمع الي بالغرفه الثانيه .
دانه باحراج فتحت عيونها وعطت يزيد نظره انه زودها واحرجها...يزيد وهو يعدل جاكيته الاسود : وانت مرره طاقها تسمع ع اسرار الناس ماحد ياخذ راحته.. حسابك بعدين ياعبود عبدالله يضحك: وش بتسوي يعني
يزيد يضحك: ههههههه خليني بجوي لاتخرب علينا
سمر كانت تهز رجلها ومو عاجبها تصرف دانه وكانت مرره معصبه م برودها لانها وباختصار قدر يزيد يلعب بعقلها
جاء العشاء الي طلبوه الاثنين وتعشوا سمر وعبدالله ..وكان حبهم حلو بدون شوائب كانوا يسولفون وشويتين عبدالله يحط لها كم كلمه حلوه اما عند يزيد ودانه كانوا ياكلون بصمت ودانه تاكل شوي وتوقف وماكلت وايد يزيد اكل صحنه وخلصه ويناظر دانه الي ماكلت شي ولاحظ انها تفكر بس حاب يكسر هالحاجز واخر شي رجع جمبها اخذ الملعقه وصار ياكلها بنفسه وهو يقول: تاكلين ولا ارجع ابوسك
دانه بسررعه: لا لا باكل
يزيد يضحك بقوه يبغئ عبدالله يسمع ...حقيرررر^_^
دانه تسكته: يزيد بشويش فشلتنا
يزيد بحب: فديت حبيبتي انا..
في الجانب الثاني كان عبدالله يتسمع لسوالف يزيد ودانه وقال لسمر: ترا انا اغار باين انهم مستانسين خلينا نتونس شوي زيهم
سمر بققت عيونها وعصبت: نجوم السما اقربلك مني الحين تبيني اخليك تلمسني لا مستحيل
عبدالله باحراج: انا ماقصد شي قصدي ممكن اضمك ودي احس فيك شوي وربي بالقوه ماسك نفسي لما اشوفك وانتي كاشخه كيذا
سمر بخجل: طيب م بعد اليوم ماراح اكشخ كيذا ماودي اجيب لنفسي امور انا ف غنى عنها
عبدالله: سموره انتي زعلتي
سمر بدات تهدئ: لا بس مابي تجيب هالسيره مره ثانيه
عبدالله: السموحه ياقلبي ماقصدت ازعلك واخر مره اطلب منك طلب زي هذا
سمر انزعجت وودها ترجع: ممكن نمشي الوقت تاخر
عبدالله بحزن: براحتك اذا تبغين نمشي
قاموا عبدالله وسمر وراحوا ع يزيد ودانه ولما دخلوا عندهم انصدموووووا!!!..


/



/


ف شقة الشباب كان سامي: يتحسف الاثنين راحوا معهم جو رومنسي واحنا قاعدين بهالشقه لا شغل ولا مشغله
خالد بحمق: ودي احب وربي ملان ماشي جديد بحياتي
محمد كان يلعب بالفون: طيب حب ايش ماسكك
خالد: ابي بنت بالمواصفات الي انا ابغيها
ساميي يضحك: هههههههههه قوموا خلونا نطلع جالسين كنكم حريم بهالشقه لا طلعه ولا شي
خالد بملل: وين نطلع طيب
سامي بابتسامه: يزيد وعبدالله ماهم بحسن مننا ...نروح نتعشئ بمطعم
محمد ماعجبته الفكره: لاه مانبي مطعم
خالد: طيب وين الحين الساعه صارت 10 ومافينا نطلع مكان ثاني غير نروح ناكل ونرجع
محمد: انت اهم شي عندك كرشتك بس تبي تاكل وترجع تنام
سامي يضحك: ههههههه اكيد لاننا جيعانين وبطونا فاضيه نروح ناكل ونرجع نسهر شوي وبعدها ننام
محمد بملل: بنطلب عشاء ونتعشئ بالبيت بهالوقت مالها طعمه الطلعه ...كيف شباب؟؟
خالد: يلا معاك احنا. اتصل انت وبلا كثره هالحكي
اتصل محمد عالمطعم وطلبوا لنفسهم عشاء..


/



/


ف شقة البنات كانوا يلعبون اوونو وكل وحده تهزئ فالثانيه وهيام ماكانت تفوز بس خلود ولين كان الحظ معهم وهيام تتهمهم بالظلم
هيام بقهر: وربي كانكم بتظلموني وانا الطيبه قاعده العب معكم
لين: مافيه ظلم انتي مخك بس فالح ف السوق اما ف لعب مالعب مخك صغير
هيام مقهوره: انا مخي صغير
خلود بضحك: هههههههههه تعرفين اللعبه ولا اعلمك
هيام بحمق قامت ورمت الاوونو م ايدها وكانت راح تمشي بس تفاجات بسمر وهي تدخل وماسكه دانه بايدها بقوه وقاعده تهزئ فيها: دانه انتي اشفيج مو قادره تسيطرين ع نفسج مخليه يزيد يلعب فيج مثل الكوره وقاعده له.. انا مستغربه فيج كيف قدرتي تسمحين له يلمسك م جد صدمتيني وندمت اني اخذتج معاي
دانه تبكي: والله قلتله يبعد بس هو عنيد ومابعد عني خفت لا اصرخ عليه واسوي فضيحه بالمطعم
سمر وهي ترميها عالكنبه وبعصبيه: واضح ان الوضع كان عاجبج انا ماشفتج معصبه كنتي مندمجه معاه.. واه يالقهر بجد خجلتيني ايش راح يقول عنا عبدالله الحين
هيام بصدمه راحت باتجاههم: هييييه شو صاير
وقربوا معها خلود ولين وماهم مصدقين السالفه وودهم توضيح اكثر
لين بقوه: شفتيها تسوي شنو ياسمر
سمر بقهر: يزيد كان يبوسها وماخذ راحته معاها وهي ساكته ومسلمه نفسها له
البنات انصدموا. اصلا مايدرون ان دانه تحب يزيد
خلود مبققه عيونها: تحبين يزيد يادانه
دانه كانت منزله راسها بخجل وماتعرف ايش تقول وماتكلمت وراحت بسرعه لغرفتها وجلست تبكي
لين كسرت خاطرها دانه وعاتبت سمر: سمر حرام عليج احرجتيها
سمر بصراخ: انا ما احرجتها هي الي احرجتني قدام عبدالله شو بيقول عنا الحين...اوووف م جد قهر
هيام تهديها: اهدي حبيبتي دانه غلطت بس لا تقسين عليها انتي تعرفين دانه ساذجه وينضحك عليها بسرعه هي بنفسها راح تتركه لانها ماتعرف ف سوالف الحب
سمر وبدت تهدى: بروح اغير واتسبح وانام حييل تعبانه...وحده منكم تروح تشوفها اخاف مقطعه نفسها م البكى
لين وهي تبوسها: دوومج قلبج حنون وحتئ ف اصعب اوقاتج
سمر بغصه: الحمدلله..
ومشت عنهم وتركتهم ف حيرتهم وحب يزيد ودانه الي تفاجئوا به اصلا مستغربين مو متوقعين دانه تحب .. البنت الطيبه البريئه والي ماتحب سوالف الحب كيف قدر يزيد يلعب عليها ويخليها تحبه دخلوا البنات عند دانه يشوفونها لقوها تبكي ومنزله راسها بين رجولها ووتتحسب ع يزيد ..
خلود بحب: دانه بسك لا تبكين لا تقطعين قلوبنا
لين وهي تلمها لها: بس حبيبتي نامي الحين ولاتفكرين ف شي
دانه قربت م لين اكثر: والله ماتركته يلمسني بس هو اقوئ مني ماقدرت اقاومه والله ما ابغئ كيدا
لين وهي تلمها اكثر: بس يادانه لاتثقين بيزيد انتي تعرفين سمعته بالجامعه
دانه ببكئ: يحبني انا ادري يحبني بس طريقته بالحب غلط انا واثقه انه يحبني
هيام بقهر: دانه اصحي ع نفسك هذا مايحب هذا ياخذ الي يبغاه ويمشي سمعي الكلمه
دانه بصراخ: بس انا ماراح اكون مثل الباقي انا احبه وهو يحبني ومستحيل يسوي شي ياذيني اصلا انا ماراح اخليه
خلود بقوه: انتي غبيه يادانه انتي الوحيده الي ماتوقعناك بيوم تحب ويوم حبيتي مالقيتي غير يزيد ماتخافين ع نفسك منه
دانه تعبت وماودها ترد عليهم وبعد لحظات تكلمت: بليز ابغئ اجلس لوحدي شوي
لين بحمق: راح نطلع بس خلي هالكلام حلقه باذنج اقطع ايدي لو يزيد يحبج ويحافط عليج اصحي يادانه اصحي
وطلعت وطلعوا وراها البنات وتركوا دانه لحالها تفكر هل تسمع كلام صديقاتها او تثق بيزيد وتسلمه قلبها..


يتبع....

رد: ( رواية شلة بنات بالغربه)

روووعه
بليزززز نزلي بارت:rolleyes:

رد: ( رواية شلة بنات بالغربه)

تسلمي
الروايه تجنن نزلي ال بعده نبي نشوف مزيد من ابداعاتك
تحيات

رد: ( رواية شلة بنات بالغربه)

كملي الروايه بلييييز
وووينكك

رد: ( رواية شلة بنات بالغربه)

البارت الثاني عشر




طارق وصل لندن ...كان مكلم لين م يومين وقالها راح اسويلك مفاجاه وماتعرف ايش مفاجئته وماخطر ببالها انه يجي يزورها ..هو كان مرره مشتاق لها وكل مره يكلمها يسإلها متئ تخلصين دراسه وده يتزوجها وماصار يصبر ع بعادها وهي اخبرته انه بقئ 5 شهور وتخلص والوقت يمشي ومابقئ شي نزل م الطياره وراح يحجزله بفندق علشان يريح واخذ شاور وصلئ فروضه وقعد شوي وقال راح يروح لها العصر..
بس قلبه خفق بقوه وهو يتذكر حبيبته وزوجته المستقبليه وماقدر ياجلها ..ماحس بنفسه الا وهو قايم ويرتب نفسه ويلبس علشان يروح لها للشقه الي البنات فيها


/


/

عند البنات الروائح الطيبه تفوح م المطبخ واكيد طباخ لين اللي لا يعلئ عليه كانت تسوي لهم كبسه ولا ستوت بالنسبه لهم م قبل كانت الريحه برا تجذب والبنات كلهم معها بالمطبخ الي تسوي سلطه والي تغسل الصحون والي ترتب والي تغسل المطبخ وهم سوالف وضحك وراحه نفسيه ودهم ياكلون اكل بيت تعبوا م اكل المطاعم اشتاقوا لهالاكل الي يذكرهم بالعايله واللمه العربيه
ولما خلصت لين وكانت طالعه تقولهم انها بتتسبح ..الا ووقفها رنة جرس الشقه وقالت لهم انها بتفتح الباب ..واول مافتحت الباب... تفاجات لما شافت الي ورا الباب وبصدمه: طروووق
طارق وهو يبتسم: اييه طارق حبيبج
لين بسرعه نطت عليه وضمته وبعدها استوعبت نفسها وبعدت عنه وكلمته بإحراج: شلونك طارق
طارق وبعده يبتسم: انا بخير بشوفتج
لين بخجل: تفضل
البنات بصوت واحد: لين م عالباب
لين ماردت عليهم ورجعت تكلم طارق: جيت بوقت مو مناسب وانا الحين طالعه م المطبخ وريحة الطباخ تطلع مني
طارق وبدون شعور رجع ووده يقرب يبي يحتضنها: ابيك بكل اوقاتك ريحتك طباخ ماطباخ مايهمني
البنات جاهم فضول وناظروا الباب من داخل المطبخ كانوا يناظرون وبصوت واحد لما شافوا خطيبها يبي يحضنها قالوا بشقاوه: احممم احمممم
لين ضحكت منهم: طروقي انهبل.. الظاهر الشوق طاغي عليك
وهو ولا كانه يسمع وده يحضنها بس لين وقفته: عيب طرووق مو جذي عاد
طارق: ارحميني وربي مشتاق
لين بخجل: لما نتزوج سوي الي تبي
طارق بقهر: قووويه
لين بابتسامه طنشته وقالتله يدخل... ودخلوا هي وطارق وعرفته ع البنات
وطارق كان يضحك وفرحان بشوفته لحبيبته وخطيبته لين.. وجلس يسولف مع البنات شوي وعجبه اسلوبهم ووثق ان لين اختارت لها مجموعه وصداقه حلوووه
طارق يبي يحرج لين: اول مره اشوف حبيبه تستقبل حبيبها بريحة الطباخ والبصل والثوم
لين بققت عيونها باحراج: طاررررق
ضحكوا البنات كلهم م احراج لين: هههههههههههه
هيام: اييه صادق عيل هو جاي يكحل عيونه فيج يلاقيج طالعه م المطبخ
طارق وهو يناظر للين بحب: شنو طبختي
لين بخجل: طبخت الغدا الي تحبه
طارق: لا تقولين برياني دجاج
لين بابتسامه جذابه: ايييه
طارق بسرعه وهو يضحك: عيل حطيلي منه حدي جوعان
لين بحب: م عيوني الثنتين
البنات يصفرووون ويصفقون ع هالرومنسيه
خلود بسرعه: عيل لييه تتغزلون عندنا روحوا للغرفه تغزلوا ع كيفكم
لين وهي رايحه للمطبخ ناظرتها بقهر...
خلود تضحك: وشفيك تناظريني كيذا
لين: هو واصل حده لاتشعلينه علي
طارق يبتسم: اييه حقي خطيبتي وصاير مده ماشفتها ماتبيني اشتعل
لين بخجل: طروووق عييب
طارق يبتسم ويضحك م احمرار خدودها وانحراجها.
لين طنشت وراحت تحط له م الغدا وخلصت وجابته له وراحت قصدها بتتسبح بس طارق كان اسرع ومسكها م ايديها وجلسها: تغدي معاي
لين بسرعه: لا حبيبي برووح اتسبح
طارق: اقول قعدي معاي واسمعي كلام زووجك
البنات يضحكون م جراته ومستغربين ف لين لانها طلعت مره خجوله عنده ولسانها الطويل اختفئ
لين: حبييي مو طايقه ريحة الطباخ فيني بتسبح وبرجع اقعد وياك
طارق باصرار: لا ابيج تقعدين معاي بهالريحه انا عاجبتني ايش دخلج انتي
جلست لين تاكل معاه وهو كل شوي ياكلها بايده.

البنات قاموا للمطبخ يتغدون هناك علشان لين وطارق ياخذون راحتهم...

وبالمطبخ كل وحده تضارب الثانيه مره عالليموه ومره عالسلطه ومره ع فخوذ الدجاج المقليه وصوتهم طالع للصاله..
لين انحرجت م صراخهم وبخاطرها تقول: ايش راح يقول عنا وكاننا مو شايفين خير فضحوني البنات
بس هي كانت تشغل طارق وتسولفه علشان مايسمعهم..

البنات لما خلصوا وشبعوا انسدحوا ع ظهورهم م الشبع وكانهم م سنه ماكلوا اكل .. طباخ لين طيب وله نفس حلو
خلود وهي تمسح ع بطنها: اخخ يابطني ودي اقوم بس ماني قادره احس بالتخمه..الله يسامحك يالين طباخك يجنن وخرب الدايت حقنا
دانه تضحك: وشهوله الدايت ياحبيبتي انتي عصله مايحتاج دايت اخاف تختفين علينا
خلود قامت وكفخت بطنها بقوه: انا عصله يادووبه
دانه قامت بسرعه: حرام عليك بطني مليان اكل وربي احس اني بستفرغ م ضربتك يالدفشه احس الاكل طلع لحلقي
خلود تضحك: تستاهلين علشان تعرفين انه الي يتطاول ع خوخه يندم
دانه جلست تخاف تستفرغ...و هيام جاها النوم وودها لو تنام وترتاح بعد هالاكله المحترمه
وسمر كانت تناظر الثنتين الي يتناقرون وتضحك معهم
وبعد لحظات قاموا وطلعوا للصاله يسولفون مع لين وخطيبها شوي قبل لا يروح
خلود تضحك بقوه: اقول طرووق لين زين للحين ما استخفت مايمر يوم وماتجيب اسمك..انت وش مسوي لها
لين بخجل احمر وجهها: خلوووووود
خلود بخبث: لازم يعرف ان حبيبته مجنونه فيه
البنات تصفق: واوو وش هالرومنسيه
سمر: ربي يخليكم لبعض
لين بخجل: امين يارب
هيام بسرعه: طيب نخليكم شوي قبل لا تروح تاخذ راحتك مع خطيبتك يمكن ف كلام حلو باقي ماقلته
طارق بحب: باقي وايد ماقلته باقي قدامنا هالاسبوع بقضيه كل الوقت معها وبطلع كل اشواقي لها
سمر: ياويل حالي هههههههههه

وبعد لحظات قاموا للغرفه وخلوهم ياخذون راحتهم بالاكل
عند طارق ولين هو ياكلها وشوي هي بتاكله م ايدها اكلته وهو عييا يترك ايدها وصار يلحس بقايا الاكل م ايدها ...لين خجلت وانحجرت من حركته وهو مصر كان كلما اكلته كان يلحس بقايا الاكل وبالاخير لين تركته وقالتله: ماراح اعطيك م ايدي ترا انت ماصخ
طارق يضحك: عيييل عندي طريقه ثانيه وراح تعجبك اكثر... انتظرها لين اكلت وحطت لقمه بفمها وبسرعه اطبق شفايفه وصار ياكل م فمها ...لين احمر وجهها وانحرجت منه وابتعدت بسرعه
طارق يضحك: تعرفين اذا ابي شي اوصله
لين بحمق: حرام عليك طارق لو مره ثانيه تسوي جذيه والله ما اكلمك
طارق بحب: السموحه ياحبي ادري فيج عنيده

خلود كانت تناظر الموقف م فتحت الباب وشهقت لمن شافت طارق باس لين والبنات الي عندها انحشروا يبون يعرفون ايش السالفه جات عندها سمر: اشفيك تصرخين
خلود: طارق يبوس لين بس هي بعدت عنه
دانه كانت تسمع ومنحرجه داخليا وش تقول لهم لانها صارت تشوف هالشي عادي دام يزيد ف كل مره يشوفها لازم يبوسها
هيام بقهر: زين سوت فيه قليل الحيا ليش يبوسها ...يعني خطيبته خلاص
سمر: شكله مشتاق لها وايد بس مو جذي يحرج البنت وياخذ راحته
دانه تكلمت بهدووء: انتم وش دخلكم. خلوهم بحالهم
سمر عطتها نظره يعني انتي اخر وحده تتكلم ..دانه ع طول فهمتها ونزلت راسها..

بعدها بساعه راح طارق للفندق وطلعت البنات م الغرفه وكانوا يتمدحون ف طارق واسلوبه وهم يقولون للين اتوفقتي ف خطيبك والله يخليكم لبعض..


/


/


اليوم الثاني بالجامعه هييام ماحضرت المحاضرات وراحت للكافتيريا كانت تبي تاكل وبعدها طلعت ماكان لها نفس تاكل وكانت تبكي حاشها ضيق م بعد مكالمة امها جلست بمساحة الجامعه مكان الحديقه وصارت تبكي براحتها ماتبي حد يشوفها ولا حتئ صديقاتها تبي تشوفهم علشان لا يسالوها.. وشوي مر خالد يغني هو بعد ماله خلق يحضر محاضره حايشه صداع ومبهذل مزاجه وهو مار م الحديقه سمع صوت بكاء جاه فضول وراح يتبع مكان الصوت وتفاجا لمن شافها شاف جمال ابهره وسكت وقعد يناظرها وهو فاه بفمه ويناظر تفاصيلها جسمها وجهها المحمر والدموع الي تتساقط م عيونها ومحليتها احمرار خشمها وهي كانت منزله راسها وتبكي ومانتبهت له ..وفجاه حست بوجود احد ورفعت راسها تشوف مين وانصدمت م شافته وانحرجت انه شافها تبكي وبصوت عالي تخفي ضعفها: هيي انت اشفيك ع شو تتفرج
خالد صحئ م غفوته: ها ...ولاشي
هيام بحمق: ليش تناظرني
خالد مايدري ايش يقول: ا... ققق... قصدي جيت هن...ا استرخي بس شفتج خفت عليج ..لييش تبكين
هيام بحمق: وانت ايش دخلك
خالد: اسف بس شفتج تبكين
هيام: كنت ابكي
خالد سكت وراح لها: تصدقين وحتئ وانتي تبكين حلللوه
هيام احمرت اكثر م بعد عبدالرحمن م سمعت م احد كلام حلوو
خالد جلس جمبها بهدوء وسحب منها الكلام: الحلو لييش يبكي
هيام حست انها تبي تشكي همها لاحد وقالت بدون مقدمات: انخطبت
خالد بقق عيونه: الحين انتي زعلانه عشانج انخطبتي
هيام بدمووع: اييه
خالد بذكاء: اكيد ف سبب.. انتي تحبين
هيام بقهر استغربت فيه: شلون عرفت
خالد بمرح: بسيطه البنت ماترفض الا اذا في سبب يا اما الولد مو زين او انها تحب غيره يا انها تعرضت للخيانه وكرهت الزواج
هيام بققت عيونها: انت شو. ساحر
خالد ضحك م قلبه: ساحر مره وحده...انا رجال وافهم طبيعه المراه لما ترفض الخطوبه
هيام بدموع: طيب انا تعرضت للخيانه
خالد يواسيها: اتركيه عنج يمكن الله بعده عنج علشان مافيه خير لج
هيام براحه وفكرت تقوله كل شي وترتاح م الشي الي كاتم ع قلبها: انا تعرضت للخيانه م حبيبي وبنفس الوقت غدر فيني وتركني
خالد بإستغراب:كيف؟!..
هيام ورجعت تبكي: تركني احبه ولما صرت احبه واموت فيه غدر فيني واخذ مني اغلا ماعندي وك......
خالد ماخلاها تكمل وبقق عيونه وبسرعه: سلمتيه نفسج
هيام باحراج غصب عني خذاني لشقته وسوا نفسه مريض علشان اداريه يدري اني اخاف عليه وماقدر اروح وهو تعبان وقال ان اصحابه بيتاخرون وشلون راح تخليني بحالي ومن هالكلام علشان يحرجني واصدقه وقعدت عنده وقصدي اذا نام بمشي بس هو بدل لا ينام قرب مني وصار الي صار وغدر فيني خلاني اكره نفسي لاني ماقدرت احافط ع نفسي وبعدها بفتره كلمني وقال انه بيتزوج بنت عمه وببساطه تركني بدون حتئ كلمه اسف ولا اي شي دوون انه لعب بمشاعري..... ورجعت تبكي مره ثانيه وبقوووه وهي تحط راسها بين رجولها بخجل.
خالد كسرت خاطره وعصب ع قليل الحيا عبدالرحمن وضرب بكف ايده ع فخذه بتحسر: ليييش كذا... لييش يلعب بمشاعرك
جذي بدون رحمة
هيام ابتسمت م عصبيته: ماعرف ليش ارتحتلك وقلتلك عن سري الي اخفيته حتى عن صديقاتي.. خايفه وربي خايفه م نظرتهم لي
خالد بحب: سرج ببير ماراح يطلع لاحد
هيام وكانه الهم زال منها: مشكور ياخوي انك استمعت لي
خالد بابتسامه: العفو ماسويت شي...سكت شوي وبعدها كمل: نسيت اقولك اني اسمي خالد...وانتي
هيام: اسمي هيام
خالد: عاشت الاسامي اسمج حلوو
هيام: م ذووقك....انت كويتي
خالد: اييه كيف عرفتي
هيام: م لهجتك
خالد: وانتي
هيام: اماراتيه
خالد: ياهلا باهل لامارات
هيام: ياهلا بك
خالد بتردد: ممكن نكون اصدقاء
هيام سكتت لانها ماصارت تثق باحد
خالد تتدارك الموضوع بسرعه: واوعدج ماكون مثل عبدالرحمن الخايس
هيام بضحكه: ليش متفاعل بزياده وكرهته وكانك تعرفه
خالد بقهر: اكيد بكرهه وهو مخلي هالوجه الحلو والسموح يبكي
هيام بابتسامه: قامت تمشي راح اطلع ماقدر احضر محاضرات تعبانه
خالد قبل لا تروح: سجلي رقمي
هيام بسرعه : لا لا مابيه
خالد بقهر: طيب كيف بنصير اصدقاء
هيام بهدوء: انسئ اني جيت وكلمتك.. ومشت وتركته



تتوقعون ايش الي راح يصير بين هيام وخالد؟
وايش بيصير لدانه ويزيد .. بهالبارت ماعرفتوا اخبارهم؟
وكيف راح تكون علاقة دانه مع صديقتها سمر هل سترجع المياه لمجاريها ام راح تزيد عداوتهم لبعض؟