البارت الثامن عشر

المنطقه الشرقيه..الخبر

بقصر الرميحي

كانوا مرتبشين يحضرون لعشاء معتبر بمناسبة قدوم مضاوي وغيابها لخمس شهور عن

لقصر لكل مستانس بعد التوتر الي عاشوه..الا بطلتنا الي كانت مضايقه انهم لقوها

اغرست راسها في لبانيوا وتذكرة يوم جات لقصر..

في بيت ام مها

مضاوي تمشي و رائد ماسكها من اذراعها..

مضاوي..ياسيد اتركني

رائد..حتى اسمي ماتعرفينه

مضاوي وادموعها تنزل وبنفسها..والله مانسيته وكل يوم اقوله بين نفسي..واصرخت

..ماعم تفهم انا مابعرفك

رائد الي مسكها من اذراعها بأدينه وجلس يهز فيها..مضاوي الله يخليك لا تعملي

فيني كذا

مها الي كانت اقريبه من لحوش واسمعت لكلام واطلعت..

مها..لو سمحت اترك لبنت

رائد..هذي مرتي

مضاوي الي ادخلت داخل ولحقتها مها وكان رائد بيلحقها الا وقفه فوزان..

فوزان..استاذ رائد

رائد..فوزان رد لي مرتي

فوزان الي دخل رائد لمجلس ليتكلمون في لقصه..اما مضاوي الي حكت كلشي

لأم مها ومها..

مها..وش لسوات

مضاوي..انا مثلة عليه اني فاقده الذاكره لاني مابيه يقرب مني

مها..زين ماعملتي..واللحين بتروحين معاه

مضاوي..مطره اني اروح

وبعد ماخلصوا كلام ودعت مضاوي ام مها ومها وراحت مع رائد للقصر ودخلوا فيه

ولكل كان جالس في الصاله ولكل وقف اول ماشافوا رائد ومعاه حرمه وبنت صغيره..

نعيمه..مين هذي

رائد الي مسك مضاوي وقربها وشال لثمه من على وجهها وتفاجئت نعيمه وسلوى الي

احضنوا مضاوي وجلسوا يبوسون فيها اما منذر الي انصقع في مكانه ولا حسب هالاحساب

قام من مكانه..

وبعد ماتذكرة هالذكره اطلعت من لتواليت واستشورت شعرها وارفعته كله ولبست بلوزه

زيتي علاق مع بنطلون جنز ازرق وحطت كحل وروج وردي وانزلت واول ماشافت

اخوها عزام اوقفت متجمده ماعبرة اخوها بشي مجبوره انها تعمل كذا..

عزام الي حضنها بقوه ولا قدر انه يبتعد عنها وهو يبكي..

عزام..هيك يابنت فهد تسوي في اخوك كذا..تذكرتيني انا اخوك عزام

مضاوي بنفسها..والله عارفه انك اخوي حبيبي بس سامحني مجبوره

رشا الي ابعدة عزام واحضنت مضاوي..اما انا بنت خالك لغاليه الاموره رشا

صاحبة الابتسامه لجذابه

مضاوي بنفسها بعد مابتسمت..واحل حامل

هديل..اما انا بنت عمك وزوجت عزام اخوك

بعد مالتموا على سفرة الاكل وكلوا لكل مبسوط وفرحان انقضت السهره ولكل رجع

لدياره..

اما مضاوي الي ادخلت جناحها وبدلت لبسها ولبست بجامه برموده علاق ورديه ناعمه

وفكت شعرها وانسدحت على السرير لتنام..

رائد..,اخيرا بنام سوا

مضاوي الي فزت من السرير وطلعت رائد من لغرفه واقفلتها..

مضاوي..ماراح تنام معي ولا بتقرب علي لان مالك مكان عندي

رائد الي يسمع لكلام..مضاوي فتحي خليني اشرح لك

مضاوي الي رجعت على السرير وحطت لمسده على راسها ونامت واتركت رائد براء

ليحاكي حاله..


بفلة عزام

هديل الي افرحت واهي تشوف كيف نفسية عزام زينه وشهيته مفتوحه على الاكل ابتسمت

ولاحظ عزام الابتسامه..

عزام..يعل هالابتسامه ماتنعدم من وجهك

هديل الي ارفعت ايد عزام وباستها..ربي يخليك لي ولفهد لصغير

عزام الي حط ايده على بطن هديل وحس بحركه وابتسم..

هديل..حسيت بحركت ولدك

عزام..اي ويقولي شوفني انا هون لا تنساني

هديل الي اضحكت على كلام عزام..

بقصر الرميحي

مضاوي الي تمشي وتركض لتبتعد عن رائد الي يلحقها..

رائد..انتي صدق فاقده الذاكره او تلعبي علي

مضاوي الي ارفعت حاجب..نعم..مو مصدقني

رائد..الا مصدقك بس ليه تعاملينهم تمام وانا لا

مضاوي الي مشت واتركت رائد بس رجع ومسكها وجلسها على لعشب..

رائد..راح اقولك بالليله الي كنت فيها عند شذى رغم انك فاقده الذاكره بس بقولك

يمكن اذا ارجعت لك يوم من الايام تذكري كلامي

مضاوي الي تطالع في رائد ولا تكلمت..

عند منذر

منذر الي من اول ماجلس الصباح وهو يفكر كيف يخرب لعرقه مره ثانيه اتصل على

شذى الي كانت مشغوله بشغلها ارفعة لجوال...

شذى..الو

منذر..ماتوقعتك انك راح تكلميني فكرتك نسيتيني

شذى مصدومه..منذر

منذر..اي ياقلبي بنرجع نجدد لقائنا مره ثانيه

شذى..مستحيل اني اشترك بلعبه قذره واندمر ناس ثانين

منذر..ياقلبي ماراح ندمر ناس ثانين راح ندمر رائد ومضاوي

شذى..ليه مضاوي ارجعت

بقصر الرميحي

بالحديقه

رائد الي شاف مضاوي تبكي قرب منها ومسح دمعتها ومضاوي قامت تركض ورائد

وراها..

رائد..والله ماخنتك

مضاوي الي ناظرت في رائد ولا انتبهت اتعثرت وطاحت بالارض ورائد جلس وحط

ايده عليها وابعدتها مضاوي وزادت بكي..

مضاوي..مهما قلت وفعلت وارجعت ذاكرتي ماراح اغير نظرتي فيك انا اكرهك

واكره لعيشه معاك

رائد الي خذ مضاوي وحضنها وبكى معاها..وانا احبك وادري انك تحبيني وكلامك

هذا ماله معنى

مضاوي الي كزة رائد وقامت عنه تركض اما رائد الي انسدح على لعشب ولام نفسه

وزاد بالبكي..

بفلة معتز

بالمطبخ

رشا الي كانت بالمطبخ مع هيفاء يعملون كيكه..

هيفاء..بقى نحط رشه من لفانيلا

رشا..متأكده مانقص شي

هيفاء الي حطت واخلطتها واسكبتها بحله ودخلتها لفرن..

هيفاء..لوعد اذا بطنا قام يألمنا

رشا الي اسمعت جوالها يرن خذته من على الطاوله..

رشا..الو هلا بأخوي حبيبي

شادي..هلا بأختي الي ناسيه ان عندها اخو

رشا..فيه احد ينسى دنيته..

واطالع في هيفاء الي مرتبكه وحايسه بالمطبخ لتلهي نفسها بأي شي..

رشا..وفي ناس يسلمون عليك

شادي الي طار من لفرح وطاح من على لكرسي..

شادي..والله اهي يمك

رشا الي ضحكت على لخفيف..هاي اركد لا تنكسر بعدين لبنت ماتبيك

دخل لبيت تعبان وسمع ضحكه دايما يشتاق لها نسى كل التعب الي اهو فيه وسار ومال

بنفسه عند باب لمطبخ ليسمع كل كلمه تقولها لاخوها وتمنى ان كل كلمه له اهو مو لاحد

ثاني وبعد ماسكرة..

هيفاء..رشا اشكثر تحبين فارس

رشا الي لمعت عينها..مين قالك احبه

هيفاء..اجل شو

رشا..انا اهواه تصدقي مواقفه معي خلتني اغير نظرتي فيه شلت فكرة ان اهلك اهم

السبب في موتت عمتي

هيفاء..بس معاملتك له تدل عكس كلامك

رشا..لاني استحي اني اقوله كل ماتذكرة معاملتي معاه

فارس الي ادمعت عينه وصعد فوق في غرفته وفصخ لشماغ والثوب وشغل لمسجله

على اغنية ماجد المهندس اتكه على السرير وسرح برشا..

احبك موت كلمة مالها تفسير ولين اليوم ما ادري كيف افسرها
لاني من عرفتك وانا احسك غير متل روح لقت روح تدورها
كاني روضتك وانت سحابه خير وصوتك لا هما روحي ابشرها
معك صار الغلى اجمل بلا تبرير لان الناس للناس الله سخرها
كبير انتا في قلبي وفي عيوني كبير تغار العين من قلبي وصبرها
وهو باسمك اساسا ما غلو تكبير ونفسي في حلالك كيف اخيرها
لكن وصف عندك يعجر التعبير تعبت اتخيل اوصافك وصورها
في قلبا انطبعني كيف يا اهل الخير وانا الفرحه من انفاسي اكررها
كلامك غذب ولحروفك علي تاثير مثل ياعوني اللي تعبرها
احس من شوقي ودي اخدك وطير ولف الدنيا بحساسك وعطرها
نعم لعيونك اللي ما يصير صير اجيب النجمة لو بالك تصورها
وحتى النجمة لو جاتك بها تقصير اسافر لسما لاجلك وغيرها

رشا الي ادخلت على فارس وشافته مبتسم ومرتاح اجلست على السرير وهزته..

رشا..فارس..فارس

فارس الي عدل من جلسته..هلا عمري..وقلبي..وحياتي انتي

رشا الي استغربت من كلام فارس معاه ولي دخل قلبها ودق من كلام فارس..

رشا..فارس شلي مونسك

فارس وهو يبوس خد رشا ويحضنها..لاني سمعت كلام خاطري من زمان اسمعه

من شخص عزيز على قلبي

بقصر الرميحي

بجناح مضاوي

مضاوي الي اقفلت على نفسها لباب ومافتحته الا الصباح وطاحت كرت ورده شالتهم

من على الارض وقرت لكرت..

مضاوي..اسف على الازعاج الي سببته لك لبارحه سامحيني يمكن ارجع ويمكن

مارجع على لقصر رائد

وحطت مضاوي ايدها على قلبها وخافت ان رائد يعمل بنفسه شي وخذة لجوال ودقت

على رائد وحضلته مقفل..

بهذا لوقت رائد دخل على الشريكه

شذى..موجود الاستاذ رائد

صالح..لا مش موجود تفضلي اللحين على وصول

شذى الي اجلست على لكرسي تنتظر جيت رائد وبهالحظه منذر مار من يم مكتب رائد

وشاف شذى..

منذر..انتي جايه تخبريه

شذى الي ناظرة في منذر ولا تكلمة..

منذر الي سحبها ودخلها على مكتبه..

رائد..في احد سأل عني

صالح..اي الانسه شذى

رائد..اجت والا اتصلت

صالح..اهي اهني بس الاستاذ منذر خذها على مكتبه

رائد بعد ماسمع لكلام راح لعند مكتب منذر بيطرق لباب الا توقف وجلس يسمع لحوار..

شذى..انت خايف اني اخبر رائد ان كل الي حصل له انت سببه

منذر الي جلس وراء مكتبه..قوليله ماراح يصدقك

شذى..وليه مايصدق مين له مصلحه ان يفرق بينه وبين مضاوي غيرك انت

منذر وهو يشرب لقهوه..انتي لو تبين تقولين كان قلتي من زمان ماسكتي لحد اللحين

رائد الي من بعد ماسمع لكلام طلع من الشريكه وركب سيارته وقاد بسرعه جنونيه قطع

الاشاره ومانتبه بالشاحنه الا لمن صدمته..

في بيت ام سالم

ريناد..ليه جايب لفطور للغرفه ليه ماخليتنا نفطر مع خالتي

سالم..خالتك افطرة من زمان وتلاقينها اللحين عند جارتها

ريناد الي خذة الصنيه من ايد سالم وحطتها على الطاوله واجلست وجلس يمها سالم..

سالم..هذا اخر يوم لفطور يجي لعندك

ريناد واهي تحرك لحليب بالمعلقه..وليه

سالم..لان يازوجتي لعزيزه بكره بداوم

بالمستشفى

واول ماسمعوا لخبر لكل صار بالمستشفى خايفين على رائد..

حاتم..دكتور..دكتور

الدكتور..نعم

حاتم..جات لكم حالة حادث شاب اسمه رائد الرميحي

الدكتور..بغرفة لعمليات

حاتم..وين غرفة لعمليات

الدكتور..انتظر اهني ماراح تفيدكم لوقفه يم غرفة لعمليات

حاتم..انت شنو تقول الي بالعمليات ولدي انا مو ولدك انت

الدكتور ارتعب..اوكي تعالو

مشوا مع الدكتور..وهذا الدكتور طلع

سعيد..ولدي

الدكتور..ادعوا له حالته ميئوس منها

مضاوي اول ماسمعت لخبر ماصدقت ولا استوعبت الدكتور شنو قال اركضت ووقفت

يم باب لمسجد الي مخصص للحريم توضت وصلت لربها ركعتين ودعت ان الله يقوم

رائد بالسلامه وطول ماتدعي ماوقفت دمعتها وطاحت مغشى عليها وما صحت الا لمن

جلسها عزام..

عزام..مضاوي

مضاوي الي فتحت عيونها وخرت بين ادين اخوها تبكي..امانه ياعزام لا تقول ان

رائد راح مني

عزام الي حضن مضاوي..هلكثر تحبينه رغم الاذى الي سببه لك

مضاوي..عمرك سمعت بطير ويحب سجانه

عزام..ياليت اقدر اني افتح هالسجن واحررك منه

مضاوي..لو ينفتح هذا السجن اموت

عزام الي حبها على راسها..حتى وانتي فاقده الذاكره تحبينه

هديل بأبتسامه..رائد..رائد طلع من غرفة لعمليات

مضاوي الي قامت من حضن عزام واركضت لعند لكل وشافت يجرون السرير وتمسكت

بالسرير..

مضاوي..دكتور

دكتور..تطمني زوجك بخير

بعد مانقلوا رائد غرفته لكل كان حواليه ماتركوه الا بعد مانتهت لزياره..

نعيمه..حبيبتي يلى على لقصر

مضاوي..لا جدتي انتوا رحوا وانا ببقى مع رائد

نعيمه..على راحتك

بعد مافضت لغرفه قربت لكرسي اكثر وجلست عليه ومسكت ايده الي فيها لمغذي

وحطتها على صدرها وادرفت دموعها وشافت كيف جهاز لقلب منتظم في دقاته ارفعت

ايده وباست اصابعه الناعمه وشافت تغير بملامح وجهه وعقد حواجبه وبعدها تغيرت

ملامحه وابتسم وابتسمت مضاوي على ابتسامته..

مضاوي..ابشو حلمان يارائد هلي قطبت حواجبك وبعدها ابتسمت معقوله حاس فيني

اني اقريبه من يمك وايدي ماسكه ايدك وماراح تبتعد عنك حبيبتك..اه ياحبيبي اشتقت

اني اقولها لك وانت تسمعها وتبتسم عليها..وحطت ايدها على وجهه وامسحت بأيدها

الناعمه على خده..اخ يارائد بعدك نار وقربك نار انا متى احس انك لي ومافي

مخلوق ثاني يلمسك غيري انا


بفلة معتز

رشا الي كانت تقطف لورد من لحديقه وتحطهم بالسله الي عندها واهي تدندن دخل عليها

فارس الي ماقدر يقاوم قرب من عندها وحضنها..

رشا..نغزتني

فارس..ليش شاحبه لون مو لمفروض تكوني نفس لورده الي بيدك مفتحه ومشرقه

رشا الي ترتب لورد في السله..مضايقه على مضاوي والي قاعد يصير لها..

ومالت براسها على كتفه تبكي

فارس..ان شاءالله ازمه وتعدي ويرجعون مثل قبل واحسن بعد

رشا..فاروس تحس بالي انا احسه

فارس الي ذاب وهي تدلعه..الا حسيت فيه

في بيت ام مها

مها..فوزان ماعرفت خبر عن مضاوي ورائد

فوزان..يوم رحت الشريكه ليوم خبروني انه صار حادث لرائد واللحين بالمستشفى

مها..مسكينه من زمان انا عنها..اجل الشغل بيتأجل امبينكم

فوزان..شكله هذا الي بيصير

بالمستشفى

مضاوي الي كانت تراقب رائد كيف نايم بسلام وحاضنه بنتها وتتكلم معاه..

مضاوي..رائد ليوم لقحت جودي وبعد ماخلصت جيت ابها تصدق انها قامت تقول

بابا ياحلوها واهي تنطقها ياليتك تسمعها حبيبي جدي وجدتي يسلمون عليك ماقدروا انهم

يجون لا جدي تعبان

وماشافت الا صفارة ترن خافت واهي تشوف وجهه رائد كيف صاير ازرق قامت و

نادت ولكل تجمع عنده وابعدوها واحضنت بنتها لصدرها بقوه وبكت..

مضاوي..دكتور..دكتور الله يخليك نقذه..

وسكرت عيونها تبي تغيب عن لعالم ومافيها تتحمل انها ماتشوف رائد بهالحاله ولا تقدر

انها تسوي له شي ماحست الا لمن نادى عليها..

دكتور..مدام الاستاذ صار بخير تطمني

مضاوي الي افتحت وشافته نايم بسلام وابتسمت..ليه صار كذا

دكتور..لانه حاول انه يسعل وماقدر وصار له كذا

بعد اسبوع

سلوى الي ماسكه ايد ولدها..رائد حبيبي لقصر بدونك مظلم انت الي قلت لي ماما

اول مانطقت..واول ماتزوجت بنجود قلت راح تبتعد عني وتتركني انا ماتحملت بعدك

عني..رائد..رائد

مضاوي الي ادخلت واجلست يم هديل على لكنب وخلت سلوى تتكلم مع رائد على راحتها

هديل..ليه ماتروحين لقصر وترتاحين شوفي وجهك كيف صاير

مضاوي..ماقدر اني اروح حتى جودي طرشتها مع السائق..انتي طمنيني عنك

هديل..انا بخير واعد الايام بجيت فهد

مضاوي..الله يقومك بالسلامه

ودخلت للممرضه سلة ورد وحطتهم على الطاوله ومضاوي الي قامت وخذة الكرت..

مضاوي..الحمد لله على السلامه حبيبي ياليتني مانزلت من سيارتك وكنت معاك

وصار فيني الي صار فيك.زشذى

اعفست مضاوي لكرت ورجع الشك في قلبها الي وعت على صوت سلوى..

منذر الي كانت بسيارته يسوق ومستانس بالي سوا ليوم وكيف قهر مضاوي بارساله

لورد..

نرجع للمستشفى

سلوى..بنات..بنات رائد صحى

تقدمت هديل ومضاوي وشافوا رائد صاحي ويطالع فيهم وعينه ماشالها على لوجه الي

اشتاق له ابتعدة عنه واستغرب منها وحط في باله انها فاقده الذاكره وماتذكرته..

بعد ماصار علم للكل تجمعوا حوالين رائد وتحمدوا له بالسلامه على رجعته لهدنيا ..

ماحد حس عن غياب مضاوي لكل فكرها انها راحت للقصر لتبدل وتجي اما اهي ابتعدة

عن لمستشفى اركبت مع السائق وراحت معاه لحديقه انزلت وجلست تفكر في حياتها

مع رائد انها تعيش وتتحمل كل مره تدخل في حياته او ان تتركه وتهرب لمكان ابعيد

ارفعت راسها لسما وطالع كيف الشمس تقرب وتتلبد بين لغيوم تنهدة تنهيده طويله وقامت

ارجعت لقصر وشافت كيف جاسر وجاسم وجودي نايمين وحاضنين اختهم بقوه تأثرة

بهالموقف ولا حبت انها تفرق بين الاخوه..بس ظلت تفكر وتفكر لمدة اسبوع واتخذة

لقرار وماحبت تبلغ رائد عن قرارها الا لمن تطمنت ان كل الي بالقصر مو هون معزومين

على لعشا في بيت ام سالم

رائد.مضاوي شنو خاطرك فيه وايش تتمنين

مضاوي..رائد انا فكرة وفكرة وفكرة ولقيت لحل ان ننفصل عن بعض هذا احسن حل

رائد الي تجمد في مكانه وبعدها تحنحن..اذا هشي يريحك انا مستعد انفذه

مضاوي..ودي اقولك شي

رائد..عارف ان تبين تقوليلي انك مو فاقده الذاكره انا ادري من لبدايه بس حبيت

اخليك على راحتك

مضاوي..وش راح تقول لهم

رائد..تطمني ماراح اقول الا اللي يسرك

مضاوي الي ادخلت لغرفه واسحبت الشنطه وحطت كل اغراضها وسكرتها وطلعت

من لغرفه واهي تجر فيها ورائد يمشي وراها مع جاسر وجاسم لفت نظرها لهم وادمعت

عينها وبعدها اطلعت وجلس رائد على الدرج مع جاسر وجاسم..

جاسر..خاله مضاوي وين رايحه

رائد..بتروح لمكان ابعيد عنا

بفلة معتز

بغرفة فارس

فارس الي دخل لغرفه ولقاها غير عن قبل شاف السرير منثور عليه ورد وغير لشموع

وريحة لفواحه الي طالعه وغير لعشاء الي مرتب على الطاوله ابتسم ابتسامه ساحره

وهو يشوف الانسانه الي اسرقت قلبه وكل مايملك واهي تشعل لشموع الي على الطاوله

ومشت واهي تدلع بفستانها الابيض لقصير الي يوصل للفخذ وبكتف واحد مع شعرها

الناعم الطايح على اكتوفها بحريه حطت ايدها بأيد فارس واسحبته وجلست وجلسته يمها

وطالعوا في بعض واتركوا لحكي واكتفوا بالنظر بعيون بعض وتاكد فارس ان هالعيون

نطقت بالحب قبل ماينطق لسان رفع ايد رشا وباسها ورشا استحت ونزلت راسها..

بقصر الرميحي

رائد الي لساته جالس على الدرج ولا غير من جلسته اما بنسبه لجاسم وجاسر الي ناموا

بحضن رائد ورائد الي نزل راسه ليطالع فيهم وتنهد وقال...

رائد..رجعنا مثل قبل ثلاثتنا سوا..وادمعت عيونه

ماحس بالي افتحت لباب وشافت لمنظر كذا وادمعت عيونها وقالت..

مضاوي..راح نعيش خمستنا مع بعض ولا تقول ثلاثه

رائد الي رفع راسه وناظر بلي واقفه وقام بعد مابعد عنه جاسر وجاسم الي اجلسوا من

لحركه ونزل رائد من الدرج وحضن مضاوي بقوه..

رائد..والله احبك

مضاوي..وانا احبك ماقدرة اني ابتعد عنك تذكرة كلشي حصل لنا

رائد الي طبع بوسه على شفايفها..

بفلة عزام

هديل الي اطالعت بالصوره على لجدار وابتسمت فتحت لمكتب على عزام الي يشتغل

ولا حس بدخولها راحت لعنده وحطت ادينها على كتفه ومالت براسها..

هديل..اشتقت لك

عزام الي ابعد الاوراق عنه وسحبها وجلسها بحضنه..

عزام..وانا بعد اشتقت لك..وباس رقبتها

بقصر الرميحي

مضاوي الي نومت الاولاد وخذة لها شور سريع واطلعت ونشفت شعرها وشالت جزء

منه وحطت شريطه وحطت لها ميك اب ناعم والبست فستان اسود قصير للفخذ بدون

اكمام رشت عطر لها وانزلت لعند رائد الي شافته يم لمسبح وكان جوا رومنسيى مسوي

لها قربت منه وحطت ايدها في ايده الي كان لابس بدله رسميه واسمعت موسيقى

رائد واعيونه على اعيون مضاوي..تسمحي ان نعيد رقصت التانق

مضاوي..مو اسمحلك الا انت تامر

مد ايده اليمين وحطت ايدها ليسار فيها وحط ايده اليسار وراء ظهرها واهي حطت ايدها

ليمين على رقبته وحاوطها وبدوا يرقصون وكيف يتمايلون مع بعض والابتسامه مافارقت

اوجيهم ولفها رائد لتدور بحريه وبعدها مسكها وهمس في اذنها..

رائد..غنيلي

مضاوي واهي تلف..اهواك

رائد..غنيلي

مضاوي..اشتقتلك

رائد..غنيلي

مضاوي..مابعرف اغني

رائد..كذابه انا شفتك تغني اغنية حسين الجسمي

مضاوي الي ابلعت ريقها وعدلت من صوتها وبدة تغني..


عمرك سمعت بطيرويحب سجانه
من شافك انت نسى وش تعني جنحانه

وشاركها رائد في الابيات وغنوا مع بعض والضحكه مافارقتهم..

رائد ..

انا تراني طيرك اللي يحبك موت
لو حب قلبي غيرك بدعي عليه يموت

مضاوي..
في قربك انت نسى انه ياعمري طير
ماتشدعينه السما ولا يريد يطير


رائد ومضاوي
هذا الغلا و الحب من الله سبحانه
عمركسمعت بطير ويحب سجانه
**********************

وسكت رائد وكملت مضاوي..

انت زرعت الوفاو امسيت هدانه
انت وانت الوحيد الذي احياعلشانه

ما اقدر اعيش بدونك يادنيتي والكون
والله وغلات عيونك ما انساك مهمايكون

قربك لقيت الدفا لأنك يا حبي غير
كل ماحلمت بوفا القاك لهتفسير2

هذا الغلا والحب من الله سبحانه
عمرك سمعت بطير ويحبسجانه
******************

قبلك فؤادي انا غارق في احزانه
واليوم حبك ترى نساهحرمانه

يا تاج راسي محبك يا تاج فوق الراس
تحلا الحياة في قربك يا سيدالإحساس

ما عمر قلبي شكى في دنيتك تقصير
مهما يا ذخري حكا يعجز عنالتعبير

هذا الغلا والحب من الله سبحانه
عمرك سمعت بطير ويحبسجانه


كان واقف يراقبهم ودعاء لربه ان تدوم السعاده امبينهم بعد ماصارح اخوه بكل شي وان

اهو وراء كل الي صار وقبل رائد عذره وسامحه..

النهايه



فارس ورشا كملوا مسيرتهم وربوا بنتهم الي ماجابت غيرها

عزام وهديل صار عندهم فهد ولكل مدلعه وصايرمغرور وشايف نفسه

شادي وهيفاء تزوجوا بعد ماتخرجت من لجامعه مباشره ولحين اهي حامل

سالم وريناد الي رزقهم بولد وكبر سالم في شغله واسسله شريكه على قده

شذى تزوجت من شيخ وعايشه حياه مريحه وجابت منه بنتين

اما حسن تزوج من صديقة شذى امنه ولا جاب اعيال

منذر الي استلم مكان رائد بالشغل وثبت نفسه بسوق لعمل تزوج من بنت خالة امه وجاب

منها بنت ولد

اما رائد ومضاوي الي مقضين حياتهم بالسفر مع الاولاد ولا جابت

وهذي نهاية قصتي..عمرك سمعت بطير ويحب سجانه..من شافك انت ونسى وش تعني جنحانه


مع تحياتي

شفتك بعد غياب واسرني الحزن والهموم بغيابك